السلام عليكم،
أعاني من مشكلة في التركيز والاستيعاب وأريد معرفة السبب المحتمل أو التخصص المناسب لمراجعته.
ملخص الأعراض:
• في الماضي كنت أتمتع بتركيز قوي جدًا وكنت من الطلاب المتميزين، لكن هذا تغير خلال السنوات الأخيرة.
• أثناء المحاضرات والسيكشنات أسرح كثيرًا جدًا حتى عندما أحاول التركيز بجد.
• أحيانًا يمر جزء من الشرح دون أن أشعر أو أستوعبه.
• أعاني من نسيان سريع للمعلومات مقارنة بالسابق.
• أثناء الامتحانات أضطر لقراءة السؤال أكثر من مرة، وأحيانًا مرات كثيرة، حتى أفهم المطلوب بشكل كامل.
• غالبًا يكون السؤال الأول طبيعي، ثم يبدأ التركيز يقل تدريجيًا مع باقي الأسئلة.
• أحيانًا أكون مذاكر المادة وفاهمها جيدًا، لكن داخل اللجنة أشعر أن تفكيري أبطأ أو لا أستطيع تحليل السؤال وتجميع المطلوب بسرعة.
• أشعر أن المشكلة تظهر بشكل واضح في المحاضرات والامتحانات أكثر من أي شيء آخر.
هل هذه الأعراض قد تكون مرتبطة بمشكلة في الانتباه أو الذاكرة أو التركيز؟ وما الأسباب المحتملة أو الفحوصات التي تنصحون بها؟
لعرض السؤال في فدني اضغط هنا
متوقعتش اني هعمل المنشور ده بس حابب افضفض لعل الطاقة السلبية تقل وارجع لما كنت عليه في الاول (اعتذر هستعمل اسلوب الاسهاب)
بالبداية الحمدلله حمدا كثيرا طيبا مباركا فيه
من سنه بظبط بدأت ثانوية عامه وكنت طالب عادي بروح الدروس وبحل الواجبات عادي وبقضي يومي الباقي فيما احب
مكنتش جاامد اوي ولا واققع لا كنت بذاكر وبحل والمنهج كان عادي بنسبه لي. عدا ماده واحده فقط... البعبع الي قارفني من الاعدادية، نعم الكيمياء. لا كنت لاقي مدرس افهم منه ولا كنت فاهم اي الي ليا والي عليا في الماده دي... اسلوب النظري في المواد العلميه مكنتش بتأكل معايا عيش كنت بفضل الفهم جدا وده الي مكنش متواجد في ماده زي الكيمياء...كانت محتاجه مجهود كبير في الحفظ والفهم كمان بس انا صحيح قصرت فيها ومدوستش عليها اكتر
المهم عدت الايام وجاء الترم الثاني... الوقت الي بديت اشد فيه شويه
فكنت ولله الحمد كويس في العربي جدا جدا والرياضه كانت الماده العشق بنسبه ليا والفيزياء هي الماده الممتعه وخصوصا في فهمها والانجليزي كانت الدنيا ماشيه وعاديه فيه والكيمياء زي ما هي زفت وماشي بالعافيه
كنت شادد في الترم التاني حيث قطعت كوره وقللت لعب الي ان وصلنا للعيد الصغير وقد جاء الوقت قطع كللل سبل المتعه، سلمت الابتوب لاختي والتلفون باظ وقررت مصلحهوش... عملت زي كل الطلاب شريت كتب المراجعه والاسترشادي وذاكرت منها هي والتابلت وحليت منها كتير وفي كل المواد عدا الكيمياء طبعا كنت لسه بحاول فيها
فبالمعني الحرفي وصلت ايام الامتحانات وانا مسوايا في المواد مثل:
العربي بقفل القرآءة وبغلط شويه غلطات في النحو ووالنصوص
الرياضيات كنت جامد حرفيا واكتر ماده حليت عليها اسئله من انواع كثير (حتي التراكمي) وده يرجعي لحبي لها من الصغر
الفيزياء كنت فاهم ٨٠% تقريبا من المنهج لدرجه اني كنت بستنتج العلاقات بدون حفظ قوانين، على الرغم ان الكل كان بيقول ان الاسترشادي فيه صعب بس بنسبالي كان طويل وممتع وافكار حلوه
الانجليزي كان زي ما هو عادي مش الافضل فيه
الكيمياء كنت اخيرا بدأت افهم فيها شويه واعرف الم بعضها بس كنت متأخر
في الاخير جيه يوم النتيجه بعد عناء طويل وخروج من المرحله دي ب٣ كفارات يمين في شهور قليله (لغلق على نفسي باب الدوبامين الرخيص) ومصاريف دروس وكتب وملازم دافع ٨٥% منها من مالي الشخصي الي تعبت واشتغلت عليه قبل الثانويه
ضيعت فرص مشاريع برمجيه كنت اقدر اجيب منها فلوس كتير
ضيعت سنه كامله بدون تطور في مهارتي وعالمي المفضل (البرمجه)
ضيعت طاقه وتعب وسهر وبحث لاجل الفهم وتحليل اخطاء لدرجه اني اول مره تقريبا في حياتي اوصل للاحتراق الوظيفي
وفي النهايه وعكس الحسابات والتوقعات جبت بدل من ٨٠-٨٥% جبت ٧١%
مش زعلان على المجموع على قدر زعلي على المجهود
فانا الحمدلله ناوي ادخل خاص والحمدلله انا الي هدفع فلوسه فمش هكلف اهلي فوق طاقتهم باذن الله
بس مقهور ان احد اقاربي مكنش بيذاكر وكان سبب في تعطلينا في الكيمياء من تأخر وغياب هو وصديقه (كنا مجموعه خاصه ٣ اشخاص) ودخل بسماعه وغش... وجاب فوق ٨٥% ولا وزعلان انو مجبش اكتر..! مقهور ان الاول على الجمهورية بيقولك كنت بذاكر من كتاب المدرسة...الي هو محدش استلمه غيره؟! مقهور على اليالي والفرص والحياه العمليه الي ضيعتها في مرحله دراسيه مكنتش عادله في قياس مدى فهمي وحفظي للمنهج
كان هدفي احقق حلم الطفوله وتقريبا حققته ولله الحمد بس محققتش هدفي من التعب وقطع الدوبامين والمصاريف الي طلعت من دم قلبي
مريت بحاجات وخساير في حياتي اكبر بس دي كان تأثيرها قاسي جدا
على الرغم اني راضي بقضاء الله وقدره بس لهفه الناس عشان تعرف درجتي ورنتهم كانت اكتر شيء مستفز.. عمري ما بحب نظره التعاطف وخصوصا لو شيء انا تقبلته وعديته
عموما عذرا على الاطاله بس كنت حابب اطلع الطاقه السلبية عشان حرفيا مليش نفس حتي للعب ولا حتي قادر اضيع وقتي في الريلز بقيت بفضل اعمل لا شيء
لعرض السؤال في فدني اضغط هنا
السلام عليكم ورحمة الله وبركاته
حرفيا جايه احكي لكم قصه فشلي في الثانويه العامه دلوقت من ساعه جبت 50 في الميه شقى بابا وماما واخواتي اخاف اقول ان تعبت فعلا والله وبدأت بدري حصاد ١٣ شهر والله وجبت 50 مش عارفه اعمل ايه ولا اتصرف ازاي الحمد لله لا حققت حلمي وصلت للي الفاشل وصله ولا حتى وصلت لبتوع الصناعه والتجاره مش بعيب فيهم والله بس والله فعلا هما احسن مني بكتير اوي
قدرت ادخل على قلوب أهلي الحزن
مش عارفه اعمل ايه ولا اتصرف ازاي بس والله انا راضيه بس بردو ازاي يعني ازاي مش عايزه اقول اشمعنا انا بس انا بجد والله والله عملت كل اللي عليا والله حاولت كتير والله الدنيا حرفيا جايه عليا من وانا صغيره اقسم بالله صابره والحمد لله والله بس بردو انا زعلانه زعلانه علشان أهلي والله وانا المفروض كنت أعمل إيه فعلا بجد
المفروض اتصرف ازاي دلوقت اعمل ايه بجد مش فاهمه بجد مش قارده افهم حاجة ولا قادره انام واصلا لو نمت يبقا ماعنديش دم حرفيا ما أستاهلش اي حاجه أهلي عملوها علشاني ولا استاهل وقفتهم جمبي طول فتره الامتحانات ولا بابا وهو بيدعي لي في قيام الليل وبيعيط علشاني ما استاهلش كل دا ويمكن ربنا ابتلاني علشان هقدر اصبر
أهلي راضيين بس كانوا يستاهلوا الفرحه دي والله كانوا يستاهلوها بس يعني خايفه اقول ليه ربنا يزعل مني بس والله ناس كتير اوي اعرفها اقسم بالله والله ما يستاهلوها والله اتقيت ربنا و بمجهودي ومشيتها في الحلال والله وحاولت دي حتى المواد اللي مش مضافه المجموع ذاكرت فيها والله عملت اللي عليا فعلا ما اخدتش كلمه من حد المفروض اعمل ايه فعلا علشان أنا مش قادره استوعب بس
اللهم أجرني في مصيبتي خير وأخلفني خيرا منها يا الله
بس انا اهلي يعملوا ايه ذنبهم ايه بجد يلاقوا كل دول نجحوا ومفيش غيري دا انا خساره فيا فلوس الدروس والله طب اتصرف ازاي انا عندي دور تاني المفروض اذاكر تاني علشان ادخل وفي الاخر مش هاخد غير ٣٠ درجة حتى لو اتنططت حرفيا مش هاخد غير ٣٠ درجة هيعملولي ايه بجد الحمدلله والله ربنا لطيف وكل حاجة ولطفه انا محاطه بيه والله بس انا اعمل ايه بجد
هوقف تعليم وهقول لبابا بجد كتر ألف خيرك وبجد يا بابا انا ما أستاهلش اي حاجة من اللي عملتهالي انا بجد مش عارفه اعمل ايه والله مفيش حاجة في ايدي غير اسيبها على ربنا بس مش متقبله الواقع والله لو مش حرام ننتحر كنت عملتها بس للاسف حرام اعمل ايه بجد عارفه والله ان دا كله خير من ربنا وان ربنا مش هيجيب غير الخير بس وانا يعني هفضل طول حياتي احاول على الفاضي كدا دي المره اللي جيت فيها لربنا مكسوره ومكسوره اوي كمان وقولتله يارب علشان بابا وكانت الاخر مفيش بس يمكن بجد دا تأديب ليا اكيد دا تأديب ليا راضيه والله يارب بس اتصدمت لما لقيت ناس مفيش خالص دول الله أكبر هما اللي فوق واللي ممشيها حلال وقع مستنيه الفجر يأذن علشان والله لأقعد عند ربنا واقوله كل اللي عايزه واحكيله كل حاجة واقوله ان زعلت بس راضيه
وهقوم أصلي دلوقت والله بس اعمل ايه بردو تاني فيه ايه في ايدي اعمله بجد ماكنتش اتخيل والله كدا حتى قولتله يارب إشارة حلمت بسوره البقره والله ما سيبتها وفضلت اقرأها وسوره يس بقالي شهرين بقرأ فيها والله بصلي وصوم وبتصدق بس انا اعمل ايه بجد انا اعمل ايه فعلا يعني ايه في ايدي كنت اعمله بس ما عملتهوش بجد صبروني يا جماعه محتاجه حد يصبرني والله جمب ربنا ادعولي كتير اصل مفيش حاجة في ايدي وايدينا نعملها بجد
لعرض السؤال في فدني اضغط هنا
انا مش كويسه خالص بعد تالته ثانوى بحاول أنسى اللى حصل فى الامتحانات مش قادره خايفه اجيب درجه وحشه الموضوع يتحول لعقده خاصه ان كل امتحان له صعوبه معايا وله حكايه من اصعبهم امتحان التطبيقيه والكمياء اللى من شده حبي ليهم كنت بدعى ربنا افضل اتعلمهم للأبد امتحان الكمياء تعبت وما عرفتش احل كويس والتطبيقيه ما عرفتش احل خالص عماله احل واعمل خطوات النواتج مش بتطلع هبدت الامتحان وخرجت مهمومه وأولياء الأمور كلهم معاهم ورد ومبسوطين وانا ماشيه وسطهم بهمومى وعقلي فاضي روحت قاعده على السلم واعيط لحد دلوقتى مش قادره أواجه نفسي بانى ازاى اهبد وأخرج بالطريقه دى
لعرض السؤال في فدني اضغط هنا
السلام عليكم انا داخله تالته ثانوي دفعة 2027 وحقيقي الواحد خايف اوي من حاجات كتير زي أولهم الانضباط هل هعرف انظبط ولا لا والفيزيا والكيمياء دول رعب بسبب خوفي من المسائل الصعبه والاحياء ال اول مره أخدها وانا مستوايا في الانجليزي متوسط بس برضو خايفه من الإنجليزي واحساسي بيقولي لازم تبقي مستواي في الانجليزي عالي علشان تعرفي تقفليه والعربي خايفه من النحو لاني معرفش حاجه فيها لو فيه حد من الدفعات ال قبلي كان عندو نفس المشاكل دي وكان خائف زي ولقي حل وجاب مجموع كويس يطمني علشان الواحد مش قادر يبطل تفكير
لعرض السؤال في فدني اضغط هنا
السلام عليكم ورحمة الله وبركاتة
وحشتوني قوي بجد. انا تالته ثانوي دفعه2027 بدأت كورسات في نص 6كده وعلي اخر 6وقفت لاني محتاجه راحه عايزه أنسى كل اللي فات عايزه وقت استعيد فيه طاقتي عايزه اصلح علاقتي بربنا، مش عارفه اعمل اي حاجه دماغي في دوشه جواها حرفيا واقفه علي سيكه وتنفجر نومي ببقا هموت وانام وفي ارق مبعرفش بفضل ل8 الصبح صاحيه ولما بنام مش برتاح برضوا حتي النوم اللي كان مهرب بقا زيه زي الحياه تعبت قوي بجد وصلت لدرجه اني بكتم البكاء علشان قلبي ميوقفش كل م اجي ابكي نغزات كتيرر بتجيلي الم جسدي ونفسي مبقتش حملو مش عايزه اهم سنه في حياتي تضيع مني فيدوني اعمل اي 🥺💔
لعرض السؤال في فدني اضغط هنا
السلام عليكم
انا تالته ثانوي علمي علوم مأجلة السنة بسبب مستوايا في الانجليزي حرفيا اخري اقرأ اسامي وخفت ادخل الامتحان بسببه وحاليا هبدأ مع دفعة 2027 لاني أجلت السنة ومش عارفة اعمل ايه في الانجليزي خالص وخايفة سنتين مذاكرة وفلوس وكتب ومجبش حاجه او اشيل انجليزي
متنساش تصل ع النبي💗
لعرض السؤال في فدني اضغط هنا
يا جماعه أنا ثانوية عامة علمي رياضه و خلصت امتحانات امبارح الحمدلله المهم اني كنت براجع بعد كل امتحان و حسبت درجاتي لاقتني ناقصه تقريبا ٣٥ درجة يعني ٨٩٪ كده و فضلت ادور ورا موضوع التنسيق المتوقع للسنه دي لاقيت اغلب الناس بتقول انه هيعلى لانهم بيقللوا الاعداد كل سنه
أنا خايفه أوي و زعلانه بجد و ناقصه في الرياضه ٨ درجات و ناس كتير بتقول الرياضه سهله بس أنا كنت شايفه التطبيقيه صعبه أوي عن البحته و اغلب الناس بتقول العكس
و عماله افكر هدخل أي لاني شكلي م هلحق هندسه
و كمان م حابه اروح حاسبات خالص و كنت عاوزه اعمل اختبار قدرات عماره بس بابا مش موافق خالص
و كمان خايفه اتصدم يوم النتيجة و الاقي نفسي جايبه اقل من إلي حسبته
ازاي يا جماعه و النبي ابطل قلق و اعرف أنا عاوزه اي و اروحه
لعرض السؤال في فدني اضغط هنا
اخد مع مين اون لاين فى كل المواد
و اهم حاجة الانجليزي؟
لعرض السؤال في فدني اضغط هنا
انا داخله تانيه ثانوي نظام البكالوريا مسار اداب و فنون و ف المسار ده لازم نختار بين مادتين الي هما لغة تانيه(ايطالي) و علم نفس و المشكله اني حابه الاتنين عادي و بالنسبالي سهلين زي بعض ومحتاره اختار ايه فيهم لان كمان انا عايزه ادخل كلية السن او اداب ايطالي لو مجبتش المجموع او اداب علم نفس
ف الكليات الي محتاره بينها ليها علاقه بالمواد دي ف لازم اقرر من دلوقتي ف اعمل ايه وصليت استخاره مرتين لسه محتاره برضو
ولو حد عنده خبره بأي كليه من الكليات دي ياريت يفيدني
لعرض السؤال في فدني اضغط هنا
السلام عليكم،
أنا جبت مجموع كبير في الإعدادية و أهلي استشاروا ناس كتير قالوا دخلوها تمريض وظيفة و مضمون و مش عارفة اي، دلوقتي انا داخلة تانية معهد بس مش عارفة اتقبل اني هكون ممرضة و خاصة ان في ناس مستواها اقل مني و هيكونوا دكاترة و انا طموحة مش برضى بقليلي،
و بفكر اقدم ثانوية عامة منازل و ان شاء الله هعمل دا، بس المشتتات كتير زي المستحدثات العصرية اللي زادت بتحاول تقنعني انها افضل من طب او اي كلية تقليدية عموما او اتعلم لغة و اسافر او مهارة و اشتغل فريلانسير و كدا،
بس نا نفسي ادخل ثانوية عشان نفسي اتكسرت بسبب اني حسيت بعدم كفايتي و قدرتي على تحقيق شئ والدي قالي لو مش هتجيبي طب متدخليش، و بتعالج نفسيا دلوقتي و دا أحد أكبر الأسباب، ممكن رأيكم في الموضوع و شكرًا ليكم.
لعرض السؤال في فدني اضغط هنا
جماعه انا بمر بفتره صعبه جدا ومحتاج/ه نصيحه واقعيه وحلول من حد مر بنفس التجربه او ماجل او عاد ولسة في الثانوي او عاد ودخل الكليه
للاسف شيلت ماده في الثانويه العامه ومجبر/ه علي دخول الدور الثاني وحاسس/ه بضيق وتوتر مش طبيعي وانهيار حقيقي وزعل علي نفسي خصوصا ان الماده دي كنت متمكن/ه منها. الظروف والمراقبين زفت وكل.حاجه زفت حاسس/ه او متاكد/ه ان كل حاجه مقفوله في وشي وخايف/ه من بكرا
انا تايه/ه بين قرارين ومش عارف/ه اكمل وادخل دور تاني ولا اوقف واعيد السنه؟ الفكره ان الدور الثاني مش بياخد الدرجه كامله وندمت اني دخلت الامتحان اصلا وماجلتش من الاول عشان اخد الدرجه كامله ولو قررت اعيد العيب هو اني هقعد سنه كامله اضافيه في البيت عشان ماده واحده وده امر محتاج ثبات نفسي كبير جدا خصوصا مع نظره المجتمع وضغطه ال كلنا عارفينه وكمان زعلي ان زمايلي هيدخلو الجامعه وانا لسة
بس بقول لنفسي: هل ده احسن ولا اني ادخل دور تاني ومجيبش المجموع ال بحلم بي اصلا؟ وهل لو عدت السنه وجبت مجموع عالي هل في اي طرق او حلول اكاديميه تخليني بعد سنه او سنتين في الجامعه اسرع دراستي واروح مع الدفعه ال تناسب سني؟ انا عارف/ه ان الانظمه التقليديه ممكن مفيهاش ده بس اكيد في تجارب او طرق تانيه غايبه عني
حقيقي مخنوق/ه ومش طايق/ه افتح كتاب وخايف/ه لو عدت يحصل نفس الموقف ومجيبش مجموع ومش متخيل/ه نظره الناس وكلامهم ورابط/ه قيمتي بالوضع ده غصب عني وهل الاعاده هتدمر حياتي ومستقبلي فعلا؟ واي الحكمه من ان كل حاجه تضيع بسبب ماده واحده؟ ساعدوني بنصيحه واقعيه وصح وشجعوني انا عايز/ه اكمل بس مش عارف/ه ازي
انا حاسس/ه او متاكد/ه اني مش هدخل الجامعه السنادي وده مسببلي ضيق كبير جداااااا جداااا ومش قادر/ه اهون علي نفسي
لعرض السؤال في فدني اضغط هنا
انا في الثانويه العامه وامامي تحدٍ زمني مدته يوم فقط لإنهاء مراجعه منهج اللغه الانجليزيه كاملاً (الفصلين الدراسيين) بحيث اتمكن من اغلاق المراجعه تماما قبل الساعه العاشره ١٠ صباحا ليتسني لي الحل الشامل مستقرة الذهن. حيرتي الحاليه تكمن في آلية التنفيذ لا أعلم من أين سأبدأ أشعر بالحيرة بين البدء بمذاكره كل وحده unit كامله بمفردها وبين دمج كل وحدتين معا لا سيما وان كل وحده تتناول موضوعا وقواعد مختلفه عن الأخري. لست ادري ما انسب لي في هذا الوقت الضيق لضمان تثبيت المعلومات وعدم تشتت الذهن (لقد قررتُ ان تكون آليه المراجعه والاستذكار بالورقه والقلم وذلك رغباً مني في تثبيت المعلومات وزياده التأكيد)
ابحث عن استراتيجيه وواقعيه ومكثفه لتقسيم الوقت دون السقوط في فخ (الملل والنسيان) مع التركيز علي المحاور الاساسيه: القواعد grammar والثروه اللغويه والكلماتvocabulary والمشتقات derivatives والمهارات skills بالاضافه الي التعامل السريع مع القراءه والمقال لاحقا..
كيف استغل الساعات المتاحه بأقصي كفاءه للانهاء
المطلوب خطه عمل حقيقيه وتوزيع دقيق للساعات لضمان عدم التكرار او العوده للوراء ثانيه
وايضا تطبيق نظام الراحة
اتمني من أصحاب الخبره توجيهي بشكل عملي ومفصل فضلا انا لا ابحث عن رؤوس اقلام او إيجاز سريع بل احتاج الي تقسيم تفصيلي دقيق للساعات
لعرض السؤال في فدني اضغط هنا
ازاي احفظ الروسي ؟ و ازاي اوفقو مع دراستي من غير ما اضيع وقت مع العلم اني عايزه انجز منو كميه كبيره علي حوالي سنه تقريبا و انا ثانويه عامه
لعرض السؤال في فدني اضغط هنا
انا داخله تانيه بكالوريا والمفروض اختار مسار ومادة بحبها هو طبيعي اني مش بحب ولا مادة حتي لو درجاتي حلوة فيهم مش بحبهم وانا بذاكرهم بحس بتقل ودايما بنسي اللي ذاكرته مع اني بقعد بالخمس والسبع ساعات اذاكر وبعديها تاني يوم الاقيني ناسية والموضوع ده سببلي احباط ومش عارفه احدد السبب مع اني بحفظ اي حاجه بسرعة وكنت متميزة بكده وانا أصغر شوية بس دلوقتي مش بعرف احفظ خالص واللي بحفظه بنساه ف بتمني حد يجاوبني لأن السنه دي شهادة ومحتاجة مساعدة
لعرض السؤال في فدني اضغط هنا
عندي ضعف في الحفظ و دا خلاني معنديش حصيله كلمات و دا ادي اني مش بعرف اترجم او حتي اكتب مقال او حتي برجراف ومش بحب الحفظ خالص و حرفيا انا داخله تالته ثانوي و لا معتمده علي حصيله كلمات ابتدائي و اولي اعدادي فقط دماغي واقفه من ساعتها و خايفه جدا و طبعا دا اثر عليا في درجه امتحان الانجليزي اخر السنه و عديت النص بالعافيه، اللي عندوا حل ياريت يفيدني! 🥲
لعرض السؤال في فدني اضغط هنا
أنا طالبه عندي 17 سنه من وأنا صغيره وبتقابلني مشكلة التوتر من أي حاجه بس المشكله إنها وصلت بيا حاليًا إني بقلق من الدروس والإمتحانات لدرجة إني مش بروح الدرس ولا بذاكر من القلق الزياده عن اللزوم وبفكر في الحاجه قبل ما تحصل وأتوقع الأسوأ دائمًا والمشكلة بجد زادت اووي وتقريباً وقفت حياتي وكل حاجه محتاجه حل المشكله دي ( للأسف درجاتي ومستوايا نزل خالص ومش عارفه أعمل ايه )
لعرض السؤال في فدني اضغط هنا
انا طالبه تالتة ثانوي كنت بذاكر عادي مكنتش شاده علي نفسي دلوقتي انا ضايعه في الفيزياء جامد والكيمياء وفي اجزاء كتير في الفيزياء مكنتش اخدتها ونص العضويه من اول الفينولات وضايعه في الانجليزي ودلوقتي انا عايزه اجيب ٩٥ او ٩٢ اعمل اي اكمل واشد في ليالي الامتحان وده كافي ولا اجل
لعرض السؤال في فدني اضغط هنا
اقترب اللقاء !!
مررنا بالعديد من المراحل وكان العون الوحيد لنا هو اللّه تعالى .
حلم بات في قلبي وعقلي منذ نعومة اظافري ، كنت دوما اسمع عن ،، امتحانات الثانوية العامة ،،
ضجة بالمنازل ، قلق ، توتر ، والكثير من المشاعر التي يعجز لساني عن وصفها ، وكنت ادعو لهم واشعر بإرتياح لأني بعيدة عن هذا الرعب المجتمي .
وها أنا اليوم بعقلٍ مشتت وقلب حائر اجد نفسي في هذا المأزق ! نعم انا ، لم يتبقى سوى القليل .
كم اشعر بالألم حينما اتذكر أني طيلة سنواتي الماضية استعد لهذه اللّحظة .
ولكن بسبب رهبة هذه السنة ضيّعت على نفسي الكثير والكثير من الفرص .. اشعر بالتحسر على ما كنت عليه وعلى ما أنا عليه الآن وكم كنت مجتهدة ورأى أهلي أن الثانوية بالنسبة لإبنتهم لُعبة والفوز فيها مُحَقق بلا شك
ولكن لم يعد للندم فائدة .
قصّرت كثيرًا لدرجة لم أتخيل نفسي بها من قبل وكنت أرى أن من يُهمل بهذا الشكل هو شخص متخازل ، وإلى الآن لم تتغير نظرتي اصبحت أنا المتخاذلة .
أعلم أنها ليست نهاية المطاف وأنها لا تحدد قيمتي كإنسانة ، وأنه بإمكاني أن أتميز في أي مكان ، ولكن ماذا عن أمي ونظراتها ليّ ؟ ماذا عن أبي ؟ ماذا عن إخواني وأخواتي ... جميعهم ينتظرون فرحة .. جميعهم وثقوا فيّ .
ولكن لا بأس سوف أبذل قصارى جهدي لِأرى في أعينهم جميعًا تلك الفرحة التي كنت أراها طيلة السنوات الماضية
أعلم أنه واللّه ما ذلك على اللّه بعزيز وهو سبحانه على كلِ شئٍ قدير ويقول سبحانه لأمنيتي كوني فتكون .
لذا لا مفر لي سوى العمل والتوكل على اللّه وإن قصرت في أيامي الماضية ولم آخذ بالأسباب فهو سبحانه خالق الأسباب وسأدعوه بأن يخلق لي سببًا .
أتمنى منكم جميعًا الدعاء لي فواللّه إني في أمس الحاجة لدعوة صادقة من قلبٍ مؤمن .
لعرض السؤال في فدني اضغط هنا
بعدى باسوأ فترات حياتى تالته ثانوى دفعه ٢٠٢٦.
كميه تراكمات وعجز وفشل رهيب برجع افكر انا ضيعت وقتى فى ايه بلاقي انى قصرت قصرت جامد بس تعبت بردو زى ما فضلت انى انام فى اوقات قاعده اذاكر ونسيت النوم فى اوقات تانيه حاسه بالظلم من النتيجه اللى وصلتها ازاى مش بعرف احل شوامل كويس ازاى عملت فى نفسي كده بحط اللوم على نفسي وكل اللى حواليا الوقت خلص وانا لسه عندى تراكمات وبقول ليه وصلت لهنا انا كنت من الطلاب المتفوقين لو كان اخرتها اتحرم من الحلم اللى حقيقي بحلمه من وانا فى حضانه لى ذاكرت وربنا هدانى لطريق المذاكره ما انا كده كده هبقي نكره من وانا صغيره كنت راسمه طريقي ماما قالت نفسي اشوفك مهندسه قولت ليها هى هندسه بيندخلها ازاى قالت من علمى رياضه قولت خلاص انا علمى رياضه فيديتها ايه اذاكر كل الفتره دى واجى فى اخر فتره مستوايا يقل حاسه بالظلم حتى من ربنا عشان دايما كنت بدعى له بالتوفيق
لعرض السؤال في فدني اضغط هنا
أنا طالبة في الثانوية العامة، بذلتُ جهداً متواصلاً وشاقاً منذ شهر أغسطس الماضي، ولستُ مبتدئة من الصفر؛ فكل تفاصيل مجهودي محفورة في عقلي. إلا أنني أصبتُ منذ فترة بإنهاك تام، وحالة من الجمود والوقوف الاضطراري عن الدراسة الخارج تماماً عن إرادتي، بات يمنعني من الاستيعاب؛ فأنا متوقفة عن الدراسة تماماً منذ ما يقرب من ثلاثة أو أربعة أشهر بسبب الانفصال الذهني وعجز الاستيعاب الكامل. في البداية لم يكن هناك نفور أو كره للمواد، بل كان مجرد عدم استيعاب تام، ولكن منذ ما يقرب من شهر تقريباً وحتى الآن، انضم إلى ذلك حالة من النفور التام والمفاجئ والضيق الشديد، وكأنني لا أطيق المواد ولا الدراسة دون سبب مفهوم.
أمرّ حالياً بفترة عصيبة جداً من الناحية النفسية، وأبحث هنا عن مساحة صادقة للفضفضة، ولا أحتاج إلى نصائح تقليدية من نوعية "حاولي" أو "ابدئي"، أو تغيير مكان الدراسة؛ فهذه الكلمات لا مكان لها في واقعي الراهن، والضغط الذي أرزح تحته أكبر بكثير من مجرد رغبة في المذاكرة. كما أرجو ألا يلومني أحد أو يردد على مسامعي جملة "اصنعي ما عليكِ"، لأنها أكثر جملة تضغطني وتجردني من حقي الإنساني في التعب والضعف. أتمنى تفهم حالتي كما هي، دون لوم أو تبسيط، فأنا أبحث عن مخرج آمن وحقيقي لهذه المتاهة.
أنا لستُ في حالة حيرة أو كسل، بل في حالة عجز حقيقي وتناقض استنزف خلايا عقلي؛ أجد نفسي في لحظة أمتلك رغبة قوية للحركة، وفي اللحظة التالية ينقلب الأمر إلى رفض تام. وعندما أضغط على نفسي وأفتح كتاباً، أشعر بألم قاتل، وإذا لم أضغط أشعر كأنني ما زلتُ كما أنا في مكاني. إذ أشعر وتحققتُ أنني أتذكر كل شيء في عقلي الباطن بأدق تفاصيله وصوره، لكنني في ذات الوقت أشعر أنني لا أعلم شيئاً، وأجد نفسي أقف أمام السطور وكأنني لا أفهم حرفاً ولم أره في حياتي قط! هذا الشعور المرير يجعلني أشعر بأن كل ما صنعته يضيع، أو كأنني أرى المادة لأول مرة في حياتي.
أعيش تناقضاً رهيباً وحيرة؛ فتارة تملأني رغبة في الحركة، وتارة ينقلب الأمر لخوف شديد وضيق؛ لدرجة أنني عندما أرى أو أسمع أي شخص يتحدث عن التراكم، أشعر تلقائياً بالذعر الشديد وكأنني أنا من راكم المنهج، والله! وما يزيد هذا الضغط اشتعالاً في صدري هو حقيقة أنني توقفتُ عن الدراسة لفترة، مما يجعل شعور التراكم يطاردني.
أعاني من وهن غريب؛ فعندما أحاول الدراسة والاستغراق فيها لبعض الوقت، ينفصل عقلي تماماً ويدخل في حالة من الخمول والجمود، وإذا توقفتُ لأريحه قليلاً، أشعر أنني سأجد صعوبة ومقاومة شديدة من عقلي في إعادة تشغيله أو العودة للتركيز من جديد! ومما يزيد حيرتي أنني إذا تواجدتُ وسط ضوضاء أو تجمع ناس لا أستطيع الإنجاز وأتمنى الهدوء، وإذا خلوتُ بنفسي في هدوء تام لا أستطيع الإنجاز أيضاً!
أكبر ما يؤرقني ويضغط على أعصابي هو "الوقت"؛ أشعر أنه يداهمني ولا يكفيني مهما حاولتُ تقسيمه وتنظيمه, مما يملأ قلبي بالضيق والحسرة. أنا في حالة انهيار وأبحث عن مخرج آمن؛ هل هناك تفسير وحل واقعي لمن يقف في هذه المتاهة في هذا التوقيت الحرِج؟ أعلم أن الوقت قد تأخر، وربما فات الأوان بالفعل في نظر البعض، لكن الأمل لا يزال حاضراً في قلبي، وما زلتُ أؤمن بالأمل وأتشبث بالتفاؤل. لا أعرف كيف ستكون النهاية، لكنني على يقين وثقة غريبة بأنني سأستطيع تحقيق ما أسعى إليه، وفي الوقت نفسه خائفة؛ لكنني مطمئنة بشكل داخلي لا أعرف كيف ولا متى، لكنني متفائلة.
تتلخص أسئلتي التي تحيرني وتخيفني في الآتي:
1. هل ما زالت هناك فرصة حقيقية للحاق بما تبقى من هذا الوقت القصير؟ وكيف أتعامل مع جبل الأسئلة والصفحات في ظل هذا الجمود الشديد؟ وبماذا أبدأ لركوب الطريق لأنني مشتتة ومحتارة جداً؟ وإذا بدأت بمادة فكيف أجد التشجيع لأختمها وأحل عليها، وما هي المادة الأخرى التي يمكنني دراستها بجانبها لكسر هذا الجمود؟
2. هل من مقتضى العدل الإلهي أن أُساوى بمن استمر في سعيه طوال الأشهر الماضية ولم يمر بظرفي القاهر هذا؟ وكيف يُحسب السعي في ميزان الله عند العجز والوقوف الاضطراري؟ وهل سعي الماضي كافٍ لنيل النتيجة التي أتمناها؟
3. كيف يطمئن قلبي تجاه نتيجتي ومجموعي وأنا أشعر بالتقصير الشديد رغم كل ما فات؟
ختاماً: أعيش حيرة مرعبة بين حاجتي لعلاج نفسي أو روحاني.
أخشى العلاج النفسي التقليدي لضيق الوقت الراهن؛ فحتى لو كان العلاج النفسي هو الحل، فالحقيقة أنه لا يوجد وقت الآن إطلاقاً لكي أبدأ في رحلة علاج، فضلاً عن خوفي من حلول سطحية تطلب مني خطوات لا أملك طاقة بدنية ولا ذهنية لتنفيذها حالياً، وحتى لو ذهبتُ لطبيب نفسي فلن يجدِي ذلك نفعاً لأنه لا يوجد وقت، وأنا لن أستطيع فعل شيء الآن. وفي المقابل, أتردد في العلاج الروحاني خشية ألا أجد تشخيصاً حقيقياً، أو أن يزول العرض مؤقتاً لخداع ما ثم يعود، أو أن يقال لي "ليس بكِ شيء" فيُتخذ ذلك ذريعة من المحيطين لاتهامي بالكسل وإجباري على المذاكرة فوراً دون مراعاة لإنهاكي الشديد.
أنا أكتب هذا لأنني منهكة بحق، ولا أطلب طمأنة زائفة أو كلاماً غير واقعي، بل أحتاج فقط لمن يسمعني بعمق. لا أعلم ماذا أفعل؟ وحتى لو علمتُ فلا أعرف كيف سأفعل وليس لدي القدرة؛ كان لدي رغبة في القلب سابقاً لكن بدني لا يستجيب، أما الآن فالإثنان معاً أصابهما الوهن والعجز. فهل الأوان فات حقاً.. أم لا يزال في الأفق أمل؟
لعرض السؤال في فدني اضغط هنا
دايما بحلم اني في امتحان و مش عارفة احل بسبب الوش و الصوت العالي و التشتيت اللي حوليا و بحلم بكده حتي لو عندي امتحان او مش عندي يعني حاليا انا في الاجازة و بردو بحلم بنفس الحلم هو بيتكرر بس علي فترات بعيدة شوية في كل مراحل دراستي و انا داخله ٣ ث السنه الجايه و بس
لعرض السؤال في فدني اضغط هنا
السلام عليكم ورحمة الله وبركاته
انا في تالته ثانوي وفاضل ٤ ايام عالامتحانات ونا بجد مراكمه كتير اوي وضايعه ف معظم المنهج مكنتش كدا اول السنه بس حصل معايا موضوع تعبني نفسيا فتره طويله ومكنتش قادره اتعايش عادي وكنت بفكر كتير وبزياده ف ده أثر عليا سلبي وتعبني نفسيا ودراسيا وكل حاجه وكان حلمي كليه الطب ❤️🩹 وحاليا نفسيتي بتسوء كل يوم اكتر
لو حد يقدر يفيدني بأي طريقه اتصرف بيها فالوقت ده❤️🩹
لعرض السؤال في فدني اضغط هنا
أنا مش عارفة ليه كل ده بيحصل لي، اللهم لا اعتراض.
مش عارفة أبدأ منين، بس أنا تعبت لدرجة إني وصلت لمرحلة تبلّد. أنا في تالتة ثانوي، فاضل كام يوم على الامتحانات، وحاسة إني مش مستعدة خالص.
كل مرة أحاول أبدأ أذاكر وأنتظم، مش بعرف أكمل. عمري ما كنت كده، وأي تقصير حتى في العبادة بيوصلني لمرحلة إني أوقف كل حاجة، وكأن كل شيء بيتعطل جوايا. حتى لما أغلط أو أعمل ذنب، بحس إني مش قادرة أصلي ولا أذاكر.
حاسّة إني ضيّعت فرص كتير أوي كنت أقدر بيها أنقذ نفسي وأطلع بأقل الخسائر، بس مفيش فايدة. كنت واخدة قرار من كام يوم إني أبدأ من جديد وخلاص، وفعلاً بدأت، وكنت حاسة إن حتى مجهودي البسيط مش كفاية، بس كل يوم كنت بحاول أكتر من اللي قبله.
كنت بدعي ربنا إني أكمّل، لأني كنت خايفة أرجع لنقطة الصفر تاني. أنا فعلاً مريت بحاجات صعبة محدش يعرفها، وفضلت مكملة رغم ده، بس للأسف رجعت تاني ومبقتش قادرة أعمل أي حاجة.
مش عارفة إزاي وصلت للمرحلة دي، ولا إيه نهايتها، وكل اللي جوايا ضغط وتعب، وحتى جلد الذات بقى أسوأ من أي حاجة.
أنا عارفة إني قصّرت كتير، بس أنا أصلًا ماكنتش متقبلة أي تقصير في مجهودي، لحد ما حسيت إني بوصل لنقطة مش عارفة أطلع منها.
لعرض السؤال في فدني اضغط هنا
استشارة قانونية وتعليمية
أنا طالبة حصلتُ سابقاً على معدل (52%) في شهادة الثانوية العامةعام 2025، ولم ألتحق بأي كلية أو معهد. نظراً لظروفي المادية والأسرية الصعبة، لا أمتلك القدرة على الالتحاق بالجامعات أو المعاهد الخاصة.
لدي رغبة قوية جداً وطموح في إعادة مرحلة الثانوية العامة كاملة من جديد، بهدف تحسين مجموعي والالتحاق بكلية حكومية تناسب طموحاتي.
أرجو من الخبراء والمختصين في مجال التعليم إفادتي بالآتي:
هل يسمح القانون والنظام التعليمي الحالي بإعادة الثانوية العامة (نظام منازل أو فصول) لمن سبق له النجاح بمجموع ضعيف؟
ما هي الإجراءات والشروط المطلوبة للقيام بهذه الخطوة؟
هل توجد بدائل تعليمية حكومية (مجانية أو منخفضة التكاليف) يمكنني الالتحاق بها في مثل حالتي؟
شاكرة لكم حسن تعاونكم وتوجيهكم النبيل."
لعرض السؤال في فدني اضغط هنا
أنا تالته ثاوي امتحاناتي خلاص ومعي اجزاء كبيره محتاجه اذاكرها بس خايفه جدا جدا ومش عارفه اسيطر على خوفي ومش قادرة اذاكر وحاسه اني بضيع 😭😭😭
الحمد للّه بصلي وقرأت قرآن بس برضو مش عارفه ودماغي اتشلت مش قادره اذاكر اي حاجه وخايفه اوييي😭😭
لعرض السؤال في فدني اضغط هنا
السلام عليكم
انا ثانويه عامه وهقسم السنه عشان حالتى النفسيه يعني بقت صعبه جدا المهم لو حد مر بنفس التجربه او عارف حد عمل كده يريت تفدونى
لعرض السؤال في فدني اضغط هنا
@Mai Mahfouz انا عايز أأجل ومش عارف اعمل ايه انا استخرت ربنا ، بقيت في أيام المراجعة اصحى الظهر وانا بنام بدري ، بكون متشوش حاسس اني ضعت محلتش كتير مراكم دروس ممكن تقوليلي أعمل ايه يا دكتور عسى ان ربنا يجعلك سبب لحل مشكلتي ان شاء الله
لعرض السؤال في فدني اضغط هنا
السلام عليكم.
أنا طالبة في الصف الثاني الثانوي ومقبلة على الصف الثالث الثانوي (علمي رياضة) إن شاء الله. كنت أود الحصول على نصائحكم وخبراتكم بخصوص: طرق المذاكرة الفعالة لهذه الشعبة، هل الأفضل الاعتماد على المنصات التعليمية عبر الإنترنت أم النزول للسناتر؟ وهل أحتاج لشراء كتب خارجية كثيرة؟ وكيف أتعامل مع مشاعر العجز والإحباط والضغط النفسي خلال هذه السنة؟ سأكون ممتنة لمشاركتي تجاربكم وقصص نجاحكم.
لعرض السؤال في فدني اضغط هنا
السلام عليكم ورحمة الله وبركاته. أود مشاركتكم تجربتي الصعبة مع الصف الثالث الثانوي. لقد كانت سنتي الدراسية تسير بشكل جيد وبذلت قصارى جهدي ولم أقصر أبداً، ولكن عند ظهور النتيجة تفاجأت برسوبي في بعض المواد. المشكلة الأكبر ليست في النتيجة بل في غياب أي دعم من عائلتي، حيث كان كل ما يهمهم هو كلام الناس ونظرتهم، وتلقيت منهم اللوم والقسوة بدلاً من المساندة. أشعر بالانكسار الشديد والوحدة، فكيف أتجاوز هذه الأزمة؟
لعرض السؤال في فدني اضغط هنا
مش عارفه أنظم وقتي وفاضل يجيي اسبوع علي امتحاناتي وحرفيا لسه مضمنتش ولا ماده الوقت بيجري بطريقه مش طبيعيه بجد وجيت ف اهم اسبوع ف حياتي عمتا وبقيت ف حاله الامبالاه سايبه كل حاجه علي ربنا بجد هو انا بذاكر بس حاسه اني معملتش الي عليا ف ايدي اعمل اكتر من كدا وكل حاجه متوفره ليا بس مبقتش قادره😔😭
لعرض السؤال في فدني اضغط هنا
السلام عليكم.
أنا تالتة ثانوي وحاليا أنا بضيع وقت اكتر من الأول بمرااحل. أنا كنت بادئة السنة ممتازة بس بعدين حصل تراكمات وعديناها عادي. لكن المشكلة في دلوقت. أنا مش عارفة ايه اللي وصلني لكدة بس في مادتين أنا لا فكرالهم شرح ولا راجعتهم ولا حليت عليهم ومش عارفة أبدأ فيهم حتى. مش عارفة بجد. الكيميا والانجليزي.ومركزة في باقي المواد وتمام فيهم لكن دول مش عارفة اجيبهم منينن. ومشكلتي أني مش خايفة ولا قلقانة وحاسة انه عادي وبدري وهلحق الم بس بجد مش عارفة أبدأ. يريت أي حد عندو نصيحة أو مجرب أو ايا كان اللي يقوله. أنا العربي تمام خالص الحمدلله والاحياء بحل عليه والفيزيا لسه مش خلصت مراجعته وبس مش عارفة امشي لقدام للمادتين التانين وكمان كل ما بحاول أنظم نومي مش بيظبط ودايما مضايقني. وبقيت حاسة بصداع وارهاق وتوهان طول الوقت.
لعرض السؤال في فدني اضغط هنا
انا محتاجة فعلا مساعدة وهحاول على قد ما اقدر اقول كل شئ .
انا طالبة ٣ ثانوي وللأسف مراكمة كتير جدا والفترة اللي فاتت دي كانت ايام مراجعة بس مش راجعت حاجة لأن كان عندي تراكمات ومكنتش قادرة اخلصها انا عارفة ان ممكن كنت اخلصها وعارفة ان قصرت بطريقة مش طبيعية وحتى ده مش مستوايا انا طول سنيني الدراسية كنت بذاكر اول بأول وعمري ما راكمت بالمنظر ده ، وطبعا راكمت لأن عندي مثالية رهيبة لدرجة ان ممكن يوم اعمل حاجات كتير وتاني يوم مش اقدر اعمل حاجة غير طبعا جلد الذات الرهيب واللي كان مخليني مش اقدر اطلع قدام انا ضيعت فرص كتير جدا مني وانا اللي عملت في نفسي كده وده كله بسبب الخوف
ودلوقتي فاضل ١١ يوم على اول امتحان وانا مش مستعدة تماما ومش عارفة ابدأ منين ، ومش عارفة هل الوقت هيكفي ولا لأ .
انا بقيت مش بنام انا كنت الاول بهرب من المذاكرة بالنوم دلوقتي مش بنام غير بسيط جدا والتفكير والقلق والخوف واخدين كل عقلي .
انا تعبت اوي تعبت حتى وانا مش بعمل مجهود وبغض النظر انا مريت بإيه خلاني كده انا عوزة ابدأ ابدأ وخلاص لأن نفسي اللوامة والشيطان متمكنين مني بطريقة مش طبيعية وانا مش قادرة أساعد نفسي .
لعرض السؤال في فدني اضغط هنا
السلام عليكم
ازاي اقلل من التوتر؟ انا ثانوية عامة حاليا وحقيقي التوتر بقا مبالغ فيه بالاضافه لزيادة التفكير الموضوع غير انه مأثر عليا نفسيا بقا مأثر صحيا وجسمي كله واجعني او عندي هبوط لدرجة الإغماء وهكذا
كنت بقطع في الصلاه كتير بس التزمت ف الفتره الاخيره
هل في حل تاني؟
لعرض السؤال في فدني اضغط هنا
السلام عليكم
انا طالبه في تالته ثانوى وامتحاناتى خلاص باقى عليها 10ايام حالياا انا ضايعه مش عارفه اذاكر بقعد على المكتب احسن بخنقه ده غير انى لسه مش عارفه حاجه في المنهج بس ضغط وتعب ومشاكل البيت فاانا مش عارفه اعمل اى حاسه نفسي انى بضيع عايزه حد يقولى اعمل اى
ملحوظه انى بدخل في حاله اكتئاب وحشه وحاولت اموت نفسي كذا مره بسبب مشاكل الاهل فاانا حالتى وحشه ومش عارفة اعمل اى
لعرض السؤال في فدني اضغط هنا
تنصحوني بإي علمي رياضه وامتحاناتي قربت وحاسه اني تايهه وخايفه اوي وعايزه اجل فيزيا وانجليزي ولكن خايفه اهلي يزعلوا مني
لعرض السؤال في فدني اضغط هنا
أنا طالب في الثانوية العامة، وفاضل 15 يوم على الامتحانات. حاسس بخنقة ومش قادر أذاكر، وكأني نسيت المنهج ومش عارف أبدأ منين، وحاسس إني ضايع.
لعرض السؤال في فدني اضغط هنا
أنا في الثانوية العامة حاليًا، وأريد أن أعرف: إذا قدمت في جامعة خاصة مثل MUST ودفعت المقدم، ثم حصلت على مجموع أعلى من الحد الأدنى المطلوب للهندسة، فهل أضمن مكاني؟ أم تكون الأولوية من الأعلى في الدرجات إلى الأقل؟
ومع العلم أنه حتى لو حصلت على مجموع يؤهلني لجامعة حكومية، فأنا أميل إلى الدراسة في جامعة خاصة لأنني أنوي العيش في القاهرة.
وسؤالي الثاني: أيهما أفضل في هندسة الميكاترونكس: جامعة MUST أم جامعة 6 أكتوبر؟
لعرض السؤال في فدني اضغط هنا
كيف أذاكر الفيزياء بشكل أفضل؟
لعرض السؤال في فدني اضغط هنا
السلام عليكم ورحمه الله وبركاته
كطالب ثانويه عامه المفروض نسمع فيديوز تلملنا الدنيا ولا نذاكر احنا لنفسنا من الكتب ايه اللي هيوفر وقت ويفيدني اكتر في الوقت القليل دا وايه الكميه اللي المفروض اذاكرها نص الماده في يوم ولا اذاكر مادتين يعني بفكر بكره اذاكر النحو كله واحل عليه ايه رأيكوا فيدوني علشان مرعوبه وكنت بذاكر من بدايه السنه
لعرض السؤال في فدني اضغط هنا
حاليا انة حاسه اني تعبانه ومجهدة ذهنيا وجسديا بطريقة اوڤر مش عارفة اذاكر امتحاناتي كمان يومين وفعلا مش عارفة اجمع حاجه وده تعابني لاني عارفة المادة كلها متاخدش مني كمية الوقت اللي باخده ده فيها وحقيقي تعبت ومش فاهمه ليه مرهقة ذهنيا كده لدرجة اني مش عارفة اجمع خالص وانا متشخصة باكتئاب شبه حاد وبالرغم من كده بحاول وبجتهد ولكن فعلا اجهدت جامد وانا مجتهده صعب عليا اقعد قدام الحاجه بلا تحصيل وحاليا عندي امتحان قرآن انا حافظة منهجي ونصفة متثبت ونصف الثاني محتاج مراجعة بتركيز وانا مش قادرة اركز حتى اراجع المتثبت ومش لاقية حلول خالص وفعلا تعبت وصعبان عليا اجيب تقدير وحش ف القرآن بالذات وصعبان عليا اكتر اني مش قادرة اركز فيه ولا عارفة احفظ مع اني بحب القرآن جدا وبحب اسمعه اويي ولكن معرفش ايه حصلي وليه بيحصلي كده
لعرض السؤال في فدني اضغط هنا
السلام عليكم ورحمة الله وبركاتة
انا طالبه فى الصف الثالث الثانوي امتحاناتى فاضل عليها اقل من شهر وعندى مشكله فى الفيزياء والكيمياء. ممكن ترشيح مدرس حلو ولامم المنهج كله بس بدون وقت كتير واتنصحونى اعمل ايه الفتره دى علشان تايهه اوي
لعرض السؤال في فدني اضغط هنا
عايزه الم المنهج ومش عارفه وفاضل اسبوع على امتحناتى ونا تالته ثانوى ازهر
لعرض السؤال في فدني اضغط هنا
السلام عليكم ورحمه الله وبركاته
أتمنى تكونوا جميعا بخير
انا في تالته اعدادي كل الصفوف خلصت ولسه امتحاناتي هتبدأ يوم 4 يونيه يعني لسه حوالي 12 يوم وانا الترم الاول جبت 111,5 من 140 درجه وحشه جدا طبعا انا عارفه وقصرت كتير وكمان ايام الامتحانات كنت بنام قليل جدا ممكن ساعتين بس واعتقد ده كان مأثر بالسلب جدا فمش عايزه ده يحصل تاني الترم ده ومش عايزه حاجه غير اني اجيب مجموع ثانوي بس واخشها بمجموعي وانا متأخره اوي في المنهج
خلصت بس الدراسات والنحو والقراءه ولسه النصوص في العربي وباقي المواد هل لحق اخلص واجيب المجموع فعلا ولا الموضوع صعب والمفروض اجيب كام رينج يعني الترم التاني عشان اضمن مجموع ثانوي محتاجه نصايحكوا بجد انا عايزه اعدي من السنه دي علي خير واخش ثانوي وانا بجد بعد تجربتي الصعبه في اعدادي ناويه جدا اجتهد وابقي من الأوائل في ثانوي لا وكمان عايزه اطلع من اوائل الجمهوريه بس ادخل ثانوي بس
انصحوني اعمل ايه الفتره دي اعمل ايه ايام الامتحانات وازاي اقدر اجيب اخلص المنهج وانظم يومي صح انا بجد بحاول اعمل اللي عليا عشان مندمش ونفسي افرح اوي ودي اكتر حاجه هتفرحني اني اجيب مجموع ثانوي وانا بصوم حاليا العشر ايام دول بنيه انو ربنا يوفقني وبدعي كتير وبصلي الحمد لله فبسهر للفجر عشان اتسحر واصلي قيام وكده وبعدين اصلي الفجر وممكن اقعد اذاكر شويه للساعه 7 مثلا فمحتاجه نصايحكوا وتوجيهاتكوا ليا ايه الصح اللي المفروض اعمله وايه الغلط اللي المفروض ابعد عنه وشكرا جدا مقدما .
لعرض السؤال في فدني اضغط هنا
السلام عليكم ورحمه الله وبركاته
مش عارفه انا حاسه ب ايه بس اللي انا حاسه بيه بجد شعور وحش اوي حوار ان ابقا بذاكر ١١ شهر لأن المدرسين بدأوا بدري عارفه انها كانت غلطه بس كنت بعرف احل واجي على آخر شهر اللي هو واقف عليه مستقبلي اصلا أبقى ولا عارفه افهم حاجه ولا احل والاقي نفسي ب ال ٢٠ وال ٣٠ غلطه يعني اللي هو اصلا مش معديه للنص
بجد نفسيتي وحشه اوي ومتدمره بجد وناسيه كل حاجه في المنهج حرفيا حتى بعد لما سمعت المحاضرات حاسه ان المدرسين كل همهم انهم يخلصوا اكتر من كتاب والمحاضره تتعدي ال ٨ ساعات كل يوم بحاول وبحس بخيبه أمل اكتر
بجد عارفه ان انا مش عليا غير السعي والنتيجه بتاعت ربنا بس انا مرعوبه اوي بجد حاسه ان انا مشفقه عليا من اللي بيحصل بجد لا عارفه اهدى ولا عارفه اعمل حاجه خايفه اوي بجد مش بعمل حاجه غير ان طول ما انا بذاكر مش بعمل حاجه غير ان اقول اكرمني يارب بس اللي مزعلني ان اوصل الطريقه دي في آخر الشهر بجد حاجه محبطه اوي
كنت دايما ايجابيه وبطمن كل صحابي حتى في الوقت اللي كنت محتاجه فيه حد يطمني مشيت بهدوء وفضلت أقولهم ان كل حاجه بخير حوار ان عمري ما اتكلمت مع ماما وبابا وقولتلهم ان انا حاسه ان مش احسن حاجه في مذاكرتي او الماده دي ذاكرتها كتير وبردو مش عارفه احل ولا عارفه اوصل للمستوى إللي عايزاه حاجه مضيقاني ان مش عارفه اتكلم معاهم
خايفه يقلقوا عليا ويخافوا وانا طول عمري معوداهم ان حتى لو محلتش كويس بفهمهم ان الدنيا تمام اوي مش بحب اشيلهم همي وبحاول اقنعهم وأن كل حاجه كويسه لدرجه انهم بيقولوا ان هما واثقين ان هوصل لهدفي بس انا لا مش حاسه لان بسبب اللي انا فيه دا لو عديت هيبقا كرامه عارفه بردو ان فيه ناس كتير عملت اللي عليهم وما وصلتش لان دا قدرهم
وناس ذاكرت بس مش المذاكره اللي تنفع يدخلوا بيها الامتحان وجابوا مجموع عارفه ان دا كله توفيق وكرم من عند ربنا والمفروض اخد بالاسباب بس مش قادره والله ما بقيتش قادره بحاول ومش عارفه حتى بقيت مش بعرف احل ولا ماده حرفيا كويسه فيها قبل فتره المراجعه
مشيت شهر ٤ كويس جيت في ٥ بجد مفيش اعمل ايه حد يساعدني والمشكله ان الكل مراهن عليا خايفه اخذلهم والله عن تجربه لما كنت في تانيه ثانوي دخلت الامتحان في ماده الكيمياء وما اعرفش فيها غير باب ودخلت الامتحان وانا مطمنه وقولت هعدي واجيب درجه كويسه وفعلا والله ربنا كرمني وبابا وماما كانوا مبسوطين بمجموعي
دلوقت بقول لنفسي طب ما اللي قدر ينجيكي مره هينجيكي الف مره وخصوصا ان المره دي بعمل اللي عليا فعلا وزياده بس فيه تنافض بيني وبين نفسي مش عارفة أصدق اللي بقوله ولا اكدب نفسي ولا اعمل ايه ادعولي كتير ولو حد عنده حل مايبخلش عليا بيه وشكرا والله
لعرض السؤال في فدني اضغط هنا
السلام عليكم و رحمة الله و بركاته
ممكن اللي معاه لينك تحميل كتيب المفاهيم بتاع ثانوية عامة "علمي رياضة" يبعتهولي عشان مش لاقياه ، و نصيحة من اللي قبلنا ازاي نستفاد من كتيب المفاهيم؟ و هل هو في العادة بيجي مفيد ولا الإمتحان مبيجيبش منه حاجه؟ ، حابه اخد نصايح عن التعامل مع الورقة بتاعت الإمتحان نفسها من حيث البابل شيت و هكذا لإن للأسف ملقتش حد يوجهني
لعرض السؤال في فدني اضغط هنا
حبيبي طالب الثانوية العامة
خلاص فاضل حاجات بسيطة
الشهر اللي قدامك ده بالثانوية العامة كلها
وصدقني لو ظبط الدنيا فيه شهر الامتحانات هيكون أحسن شهر بالنسبالك
فدي بعض النصائح خدها من أخوك
ظبط نومك إنك تصحى من الفجر وتنام بعد العشا عشان انت هتمتحن ٩ الصبح فلازم دماغك تتعود إنك تكون فايق في المعاد ده
بطل أي منبهات متعود عليها عشان لما تشربها وقت الامتحانات تحس بمفعولها
خلي أسلوب مذاكرتك معتمد على القراءة من الكتاب مش من الفيديوهات ده هيكسبك وقت كتييييير جدا، وذاكر بإنك تراجع شرح الدرس من الكتاب و تحل الأسئلة اللي تخص الدرس ده، مش شرط كل الأسئلة، بس المهم تكون مُلم بأفكار الدرس، وامشي درس درس على هذا المنوال
اقعد من عند اي مدرس مبتطلعش منه باستفادة
ونصيحة مهمة جدااااا:
السؤال اللي تغلط فيه علم عليه بالأحمر عشان ليلة الامتحان مش هتقعد تحل أسئلة جديدة، انت اللي هتعمله ليلة الامتحان انك هتراجع المنهج مراجعة سريعة بعد كدة تحل الأسئلة اللي أنت وقعت فيها في فترة المراجعة.
اعمل اللي عليك وادعي ربنا كتير، عشان اللي في اللجنة ده بتاع ربنا مش بتاعك.
يومك حاول تذاكر فيه مادتين أو ٣، والوقت اللي يضيع متتحسرش عليه، كدة كدة هيضيع منك وقت، مفيش حاجة بتتعمل كاملة ١٠٠%.
حدد نفسك بكمية مش بوقت في اليوم عشان الوقت كدة كدة هيمر إنما الكمية لا.
قسم يومك من الصلاة للصلاة، ده أفضل فاصل ممكن تاخده راحة بين المواد.
افصل الموبايل و إياك تمسكه طول ما أنت بتذاكر، ارميه بعيد عنك اقفله باور المهم إياك تمسكه و إياك حتى في وقت الراحة تمسكه أو تفتح سوشيال.
إياك إياك إياك تتوتر في اللجنة، أو تطبق قبل الامتحان، النوم قبل الامتحان أهم من المذاكرة، وحاول تخلي أعصابك هادية في الامتحان وخليك متأكد إن اللي في اللجنة ده بتاع ربنا مش بتاعك.
اكتفي بكتاب واحد يكون سمعته حلوة، متشتتش نفسك في بحر من الكتب، ركز على كتاب واحد، واعرف إن الناصح اللي يجيب أعلى قيمة بأقل مجهود
أتمنى أكون فيدتك، ممكن أكون قلت الكلام ده متأخر شوية بس خير إن شاء الله
أتمنى لك التوفيق وأيا كانت النتيجة ارضى بيها واعرف إنها والله ما نهاية العالم و إن والله الحياة إيزي ومبتخلصش مع الثانوية العامة.
أسأل الله لكم التوفيق.
لعرض السؤال في فدني اضغط هنا
السلام عليكم @Esmat Ali
انا ثانويه عامه وفاضل شهر تقريبا على امتحاناتي ومش عارفه اعمل ايه انا مراكمه حاجات كتير فى كل المواد ومش قادره ألم حاجه حاسه اني مغيبه تماما عن كل حاجه انا نفسيتي حرفيا متدمره ومش قادره اركز فى حاجه وطول الوقت تعبانه
انا شوفت ردود حضرتك لطلبه هنا وحاسه إنك ممكن تساعدني مش عارفه يمكن كلامي متلغبط اوي بس والله غصب عني كل ما اجي ابدا صوت جوايا معقوله تلحقي او تتساوي حتي باللى بدأو من الاول وقريبين من ربنا اكتر منهم وحلوا اكتر منك بدل الكتاب اتنين وانتي ولا حاجه من دول صعب اوي التفكير مش سايبني
مع العلم برضو انا روحت لدكتوره نفسيه وحولتني لدكتوره تاني قالتلى لازم تاخدي علاج وهى مش بتدي وبما سألت عن الدكتوره التانيه لقيت الكشف غالى جدا عليا ومقدرش اقول لبابا كفايه المصاريف اللي صرفها الدكتوره قالتلى ان لازم العلاج لأن كيمياء المخ مش متظبطه أبدأ بسبب الاكتئاب هو انا حتى لو بدأت ممكن اجيب مجموع عالى فى الفتره دي
كمان مش قادره انتظم فى حاجه ولا حتي الصلاه بصلي بالعافيه وببقي مش قادره اكمل خالص اتمني حضرتك تكون فاهمني ولو هتسألنى على حاجه عادي واسفه لو كنت هضايقك
لعرض السؤال في فدني اضغط هنا
لو سمحتم يا جماعة عايزة حد يفدني انا عندي امتحان علوم متكاملة يوم الخميس وعليه 60 درجة وانا مفتحتش المادة وعايزة اقفل اعمل اي انا الترم الاول جبت 52 من 60 بس كنت مراكمة 10 دروس من أصل 14 بس هو كان توفيق ربنا ليا بصراحة اعمل اي دلوقتي بقا عندي 8 دروس كبار معرفش منهم غير واحد حد يفدني اسمع مراجعات ولا حل ولا أي الدنيا
لعرض السؤال في فدني اضغط هنا
السلام عليكم ورحمه الله وبركاته
لو لسه مبدأتش فيزيا اخد مع كيرلس ولا محمود مجدى مين افضل ؟؟.تالته ثانوى
وكذلك كيميا خالد صقر ولا عبد الجواد ؟
لعرض السؤال في فدني اضغط هنا
لعرض جميع الاسئلة في فدني اضغط هنا