كيف أصل لمستوي B2 في اللغة الإنجليزية مع العلم ان مستوايا حاليا هو B1
لعرض السؤال في فدني اضغط هنا
انا طالبه لسه هدخل اولى كليه وعايزه اطور نفسى واشتغل من دلوقت تنصحوني ب اييه
لعرض السؤال في فدني اضغط هنا
كنت معجبه بشخص من تانيه اعدادي تقريبا واحنا دلوقتي داخلين اولي جامعه الشخص دا مكنش يعرفني في الاول مع تكرار المواقف بينا تقريبا هو عرفني انا متعاملتش معاه قبل كدا خالص طول الخمس سنين تقريبا محاولتش اتواصل معاه بس كان بيبان عليا لما اشوفه حتي هو تقريبا واخد باله، من اسبوعين كان منزل استوري عملتله لاف ودخلت قولتله (اسمه)بس هو نزل استوري بعدها ومردش عليا وبعدها عدي الاسبوعين وهو مردش عليا انا ندمانه اني بعتله بجد انا مش بكلم ولاد ولا فكرت في الموضوع دا قبل كدا بس علي حسب اللي سمعته عنه من كذا حد فأنا وانا ببعتله كنت حاسه انه مش هيرد عليا بس كنت عايزه احط نهايه للموضوع دا جوايا عشان داخله علي مرحله جديده وعشان الموضوع طول أوي، بس أنا لسه مستنياه يرد وحاسه إن الموضوع لسه متحطلهوش نهايه ومش عارفه اعمل اي اللي اعرفه إن دا مش حب لأن مفيش حب بييجي من غير ما اتعامل مع الشخص واعرفه كويس، بس المشكله إني لسه زي ما أنا من 5 سنين
لعرض السؤال في فدني اضغط هنا
السلام عليكم
مش عارفة أبدا منين بس أنا علاقتي باحلامى غريبة.. غريبة لابعد حد وبتأثر بيها جدا . اوقات كتير في أحلام بحلمها بتكون مرتبطة بحد تاني يعني علي سبيل المثال كان ليا واحده صاحبتي مقربين من بعض جدا وبنتكلم كل يوم تقريبا وفي يوم اختفت فجاءة مش بترد علي رسايلي ومردتش غير تاني يوم الصبح المهم اني نمت و اثناء نومي حلمت بيها و كان في صوت قطر حوليها مفهمتش حاجة طبعا من الحلم ده بس لما صحيت لقيتها ردت وقالتلي انها سافرت فجاءة في اليوم إللي مردتش عليا فيه و سألتها سافرتي بايه قالتلي بالقطر و مش بس كده ياجماعة صاحبتي دي بالذات حلمت ليها أحلام كتير اوي وكل مره بحكيلها بيكون حلمي لي علاقة بحاجة بتحصل في حياتها فاهمين حاجة؟😭😭
الموضوع مرعب وغريب بس مش دي مشكلتي
مشكلتي إن لما أكون مخنوقة او مضايقة وفيا اي شئ مش الذ حاجة بحلم حلم يهون عليا واصحي أكون تمام زي في مرة نمت معيطة حلمت بشب بيحضني ويطبطب عليا و الشب ده نفسه رجعت حلمت بيه مرتين تاني بس من غير أحضان كانوا أحلام غريبة بس مش وقت إنه احكيهالكم إمبارح نمت حرفيا النهار كله و حلمت بشب غير الشب الاولاني وكأن الشب ده بيتكلم معايا و عيونه كلها حب و صحيت وانا لسه عندي إحساس إني عاوزه اكمل كلام معاه وحاسه اني بحب الشب ده اوي اللي هو أصلا في أحلامي فاهمين حاجة؟ 😭😭😭
المهم انا مستنية انام تاني عشان احلم بيه كان لطيف اوي وعسول ومثقف كمان كل اسالته وكلامه ناضج و واعي
حاسه إني محتاجة اتعالج من العبط ده
لعرض السؤال في فدني اضغط هنا
السلام عليكم
لما كنت بتفرج على كارتون معين بدون ذكر إسم لفت إنتباهي حاجة وهي إن عالمه فيه حيوانات وبشر بيعيشوا مع بعض(الحيوانات بتعيش زي البشر يعني) وواحدة من الشخصيات واللي هو كان إنسان كان بيرتبط بأنثى من الحيوانات دي فهل ده ينفع في إطار الكارتون ولا لا؟
لعرض السؤال في فدني اضغط هنا
السلام عليكم،
أريد أن أطلب منك نصيحة باعتبارك شخصًا لديه خبرة. أنا في السادسة عشرة من عمري، وأشعر أنني أريد أن أُحسّن من نفسي وأرتّب حياتي بشكل أفضل، لكنني لا أعرف من أين أبدأ.
أريد أن أعرف كيف أتوقف عن سماع الأغاني وأستبدلها بشيء نافع، وكيف أتخلص من كثرة التفكير والقلق بشأن المستقبل، وكيف أنتظم في صلاتي وأحافظ عليها، وكيف أركّز على دراستي ومستقبلي وأستفيد من هذه المرحلة من عمري.
أتمنى أن تنصحني بخطوات عملية وبسيطة أستطيع الالتزام بها، لأنني فعلًا أريد أن أتغيّر للأفضل.
لعرض السؤال في فدني اضغط هنا
يا جماعه هل انا الوحيده الي اعتقد ان فكره الدروس دي فكره فاشله واعتقد انها مش بتحصل الا في مصر لأن اعتقد ان اي منهج في العالم مش محتاج مدرس.يشرحهولك بعد مدرس المدرسه ومذاكرتك وكمان اعتقد ان الدروس اليومية دول بتتراح علي انها اسلوب حياه !
الطالب بيروح كأنه دا العادي وبيروح في كل المواد حتى لو هو بيرفكت فيها انا اعتقد ان المجتمع هو الي رسخ فكره ان الدروس دي حاجه اساسيه وانها مش حاجه ثانويه بناخدها لو محتاجينها او بمعنى آخر بقت ترند وكمان الاهالي ملهمش حل غير كدا لأنهم شايفين الي طالع الاول بيروح دروس فبيقول لنفسه يعني الاول محتاج دروس وابني لا وانا هنا مش بلوم الطلاب لأنهم دماغهم متسستمه على دا
لعرض السؤال في فدني اضغط هنا
انا بجد تعبت كل يوم يا اما المية تتقطع يإما النور يتقطع
لعرض السؤال في فدني اضغط هنا
معايا ٣٥ الف جنية وعايز افتح مشروع تزويد دخل عايز فكرة مشروع حلوة افتحه
لعرض السؤال في فدني اضغط هنا
مرحبا
أنا خريجة دبلوم ومعدلي جيد جدا وحابة
أكمل بكالوريوس عن طريق التجسير
أنا كنت مأجلة الدراسة لفترة وبعدها رجعت وكملت الفصل الأخير بشكل طبيعي وتخرجت لكن بعد التخرج صار عندي تأخير في تسليم الشهادة وحاليًا أنا خايفة إن هذا التأخير يخليني ما ألحق موعد التقديم على التجسير
حاولت أتابع الموضوع مع القبول والتسجيل أكثر من مرة لكن للأسف ما بحصل على جواب واضح وأحيانًا بحس إنهم بطنشوا الموضوع وفوق هذا أسلوب التعامل مش مريح وما بحس إنهم متعاونين معي أو موضحين إلي شو ممكن أعمل
أنا متفهمة إن تأخير الشهادة ممكن يكون له علاقة بكوني كنت مأجلة الدراسة سابقًا لكن أنا رجعت وكملت الفصل الأخير وتخرجت وحاليًا المشكلة هي تأخير تسليم الشهادة وخوفي من ضياع فرصة التجسير
برأيكم شو الأفضل أعمل؟ أضل أراجع القبول والتسجيل وأطالبهم بتوضيح وحل للموضوع، ولا أتواصل مع جهة ثانية بالجامعة؟ وإذا حدا مرّ بنفس الحالة يا ريت يحكيلي شو عمل
لعرض السؤال في فدني اضغط هنا
عاوز نصيحه ودعوه شاب لسه متخرج من كليه
لعرض السؤال في فدني اضغط هنا
السلام عليكم ورحمة الله وبركاته
أولا:
انا طالبة داخلة أولى جامعة السنه دي..محتاجة اعرف اي ال ممكن اعمله يأهلني وينفعني ف الجامعة؟
ثانيا:
انا الحمدلله مختمرة بس موضوع غض البصر بحاول فيه من زمان مش بعرف
بحاول افضل عيني ف الارض بس غصب عني ببص ع الطريق وغصب عني ببص ع الناس بس مش اوفر يعني الحمدلله ببص عادي ومش بطول مدة النظر انا بلمح الطرق بلمح الناس لكن مش بطول النظر لأي حد الحمدلله ، محتاجة اعرف ازاي اخلي عيني ف الارض ثابته؟ وازاي اشوف الطريق قدامي ؟ انا اعرف فوائد غض البصر الحمدلله بس ببص علشان الطريق قدامي.
لعرض السؤال في فدني اضغط هنا
من جرب منتجات العقبى للشعر ما رأيه فيها
لعرض السؤال في فدني اضغط هنا
كيف اتعلم المونتاج من الصفر
وماذا ترشحوا لي كورسات اسمعها
اريد ان استغل الاجازة واستغل وقتي
لعرض السؤال في فدني اضغط هنا
وها قد عدنا 🙃👋
السلام عليكم ورحمة الله وبركاته
بما إني هعتزل التطبيق السنة دي ف حبيت أكمل اتفاقي في نشر ( خطوات الوصول للعلاقة القلبية مع ربنا )
♡______♡
* العلاقة القلبية دي يا حلوين هي علاقة تقوم علي الحب والشوق والأنس بالله ، والإستشعار الدائم بقربه .
* العلاقة دي مش بتيجي دفعة واحدة بل دي رحلة وتدرُّج بيتطلب مجاهدة النفس وبعض الخطوات العملية المستمرة .
هقولكم وصف حلو اووي
بصو ، [ القلب دا زي الإناء ]
لو عندكم إناء فيه ماء متسخ ، هل هتعرفوا تحطوا عليه لبن نقي ؟
أكيد طبعاً لأ ، لازم نصب الماية المتسخة ونغسل الإناء ثم نضع اللبن النقي .
هكذا القلب يا أحبَّة
ومن هنا نأتي بأول الخطوات في رحلتنا وهي :
١ / تنقية القلب أولا من الذنوب والمعاصي عن طريق بضع خطوات ( التوبة الصادقة ، التخلص من تعلقات الدنيا ..مش بنقول تترك الدنيا ! لأ تترك تعلق القلب بها ..بحيث تكون الدنيا في ايدك لا في قلبك ، آخر حاجة تطهير القلب من أمراض الباطن زي الكبر..الحسد..الغل..الرياء..التطلع لمدايح الناس ) .
طيب بعد ما كبينا الماية الوحشة ، نيجي لتاني خطوة في رحلتنا ألا وهي هنغسل الإناء [ القلب ] :
٢ / عن طريق كثرة الإستغفار والذكر ، الذكر هو الصابونة والمطهِّر للقلب ، الإستغفار هيزيل الصدأ والأثآر القديمة للذنوب ، أما الذكر الدائم ك ( التسبيح ، والتحميد ، والصلاة علي النبي صل الله عليه وسلم ) فتجعل القلب أملس ناعم لا تعلَق به الأقذار بسهولة .
وعن طريق أيضاً البكاء والخلوة مع الله ( دموع الندم ) الدموع دي اللي بتسقط من خشية ربنا أو ندم علي ما فات ، دي بمثابة المطر اللي بيغسل القلب وينزل بالسكينة علي النفس .
وآخر حاجة نستعين بدعاء الرسول صل الله عليه وسلم: " اللهم اغسل خطاياي بماء الثلج والبرد، ونقِّ قلبي من الخطايا كما ينقى الثوب الأبيض من الدنس " ...ندعو بالدعاء دا في المرحلة دي كتير .
هنيجي بقا لخطوتنا الثالثة بعد ما غسلنا الإناء ألا وهي صب اللبن النقي [ ملء القلب بالمعارف والعبادات التي تزرع فيه محبة الله الشديدة والأنس به ] :
٣ / عن طريق التعرف علي من هو ( الله ) ...من هو ربك ؟ ذلك السؤال الذي ستسأل عنه في قبرك ، من هو الله حقاً .
▪︎ إصلاح الفروض والتلذذ بها ، واستشعر قوله ﷺ: "وجُعلت قُرَّةُ عيني في الصلاة " .
▪︎ الإكثار من النوافل ، يقول الله عز وجل في الحديث القدسي: «وما يزالُ عبدي يتقرَّبُ إليَّ بالنَّوافلِ حتَّى أُحبَّه».
▪︎ تدبر القرآن : " وَكَذَلِكَ أَوْحَيْنَا إِلَيْكَ رُوحًا مِنْ أَمْرِنَا " يحيي القلوب والأنفس .
" وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ " يداوي أمراض القلوب والشبهات والشكوك .
" إِنَّ هَذَا الْقُرْآنَ يَهْدِي لِلَّتِي هِيَ أَقْوَمُ " يخرج الناس من الظلمات إلى النور ويهديهم لأقوم الطرق .
▪︎ المناجاة في الخلوات : تحدث مع ربك بكل عفوية ودون تكلف ، أفرغ ما في صدرك له ، واستشعر قربه وأنه يسمعك ويرعاك .
وبكدا يا رفاق أقدر أقول تم بحمد الله امتلاء الإناء باللبن النقي ، صافٍ ، طاهر ، قطعة نادرة في عالم كثُرَ فيه الفساد .
يقول الرسول صل الله عليه وسلم : «إنَّ للهِ أوانيَ من أهلِ الأرضِ، وأواني ربِّكم قلوبُ عبادِهِ الصالحينَ، وأحبُّها إليهِ ألْيَنُها وأرَقُّها»
سبحانك اللهم وبحمدك ، أشهد أن لا إله إلا أنت ، أستغفرك وأتوب إليك .
لا تنسوني من صالح دعواتك ، دعوة بظهر الغيب ، والسلام علي من اتبع الهدي .
لعرض السؤال في فدني اضغط هنا
كيف اذاكر انا في ثانوي بكالوريا وأحصل على أعلى الدرجات
لعرض السؤال في فدني اضغط هنا
موضوع انك ثانوي أزهري دا في حد ذاته موضوع صعب ومحتاج مجهود كبير جدا
انا يومي بيبدأ من بدري جدا وبنزل دروس من الساعة 7 الصبح وبخلص حوالي 4 العصر غير وقت المواصلات والرجوع والوقت اللي بيضيع في الطريق وبكون راجع مرهق جدا
وفوق الدروس دي انا صاحي من الفجر عشان احاول اخلص المحاضرات الأونلاين اللي ورايا لأن عندي مواد كتير جدا ومش عايز اسيب حاجة تتراكم
غير كمان الامتحانات والمراجعات والواجبات وكل مادة ليها كمية مذاكرة كبيرة
واللي مزود الموضوع ان الازهر عنده مواد زيادة عن التعليم العام فانت مش بتذاكر بس المواد العلمية والعربي والإنجليزي لكن عندك كمان مواد شرعية وعربية والرياضه زيادة وده بيخلي تنظيم اليوم صعب جدا
انا بحاول اعمل جدول وانظم يومي على قد ما اقدر لكن المشكلة اني مهما نظمت بحس ان في حاجة بتتراكم عليا ومش عارف هل المشكلة في طريقة تنظيم الوقت ولا ان الحمل نفسه كبير ومحتاج طريقة مختلفة في التعامل معاه
فلو في شخص مر بنفس الظروف دي ياريت يقولي عمل ايه عشان يقدر يوازن بين الدروس والمواد الأونلاين والمذاكرة والمراجعة من غير ما يفضل طول الوقت حاسس انه متأخر ومراكم
انا مش بدور على كلام تحفيزي قد ما انا محتاج طريقة عملية اقدر امشي عليها فعلا وسط ضغط الثانوية الأزهرية
لعرض السؤال في فدني اضغط هنا
السلام عليكم ورحمة الله وبركاته
مفيش حد يعرف مكان أقدر منه أستثمر مواهبي ؟
يعني انا بحب كتابة الروايات الدينية بس جاتلي فكرة اني احولها لفديوهات كحلقات كدا بس مبفهمش في البرمجه ولا التصميمات ، فهل لو حد يعرف مكان اونلاين بيعملوا بنفس فكرتي كدا يعني اقدر أقدم فيه علي العمل معاهم ويقبلوني هكون متشكرة جدا ، أو مثلا مكان بيقبلوا فيه مواهب اللي بيحبوا الكتابة ويخلوهم يثتثمروا مواهبهم في أي مجال وكدا .
لعرض السؤال في فدني اضغط هنا
هو ازاي نتقرب من ربنا اكتر يعني انا متقربه بس عايزة افهم واتدبر القرآن من غير ملل انا حافظه قران الحمد لله بس عرفت انه الشخص لو عايز يطور حاجه يطور علاقته بربنا الاول قبل كل حاجه
لعرض السؤال في فدني اضغط هنا
جماعه انا من فتره شوفت كذا حد منزل ان دا هكر ومينفعش ندخل الرابط الكلام دا حقيقي ولا اي
لعرض السؤال في فدني اضغط هنا
اول مره بصراحه اجرب هنا.
اول مره بس حاسس ان هو يكون حاجه مفيده اصلا جايه من ابلكيشن ثاني اسمه تغيير لو حد يعرفه. المهم عندي حاجات كتير جدا تضحكها بس مش دلوقتي لكن اكثر حاجه تركز عليها دلوقتي هي اللي انا. بادئ اونلاين ستور بقالي حوالي شهرين او شهر ونصف. في خلال المده دي عملت خمس مبيعات بس ده رقم قليل لكن مش سيء كبدايه. محتاج حد يكون فاهم في المجال عنده خبره اصلا في الليستور ولو بيكون عنده خبره في الماركتينج تبقى حاجه تحفه جدا علشان انا عايز استشيره في كذا حاجه يعني. بس كده.
لعرض السؤال في فدني اضغط هنا
جماعه لو فيه هنا لايف كوتش يساعدني ضروري
انا للأسف متعوده من طفولتي علي قضاء يومي كله قدام شاشه الموبايل او الكومبيوتر حرفيا حياتي كلها افتراضيه وده اللي خلاني اتعود على دايرة امان وراحه محدده كل ما اطلع منها اتعب واكتئب
انا حاليا بمر بحالة اكتئاب لأني أخدت خطوه جديده في تعلم اللغه يعني اي خطوه جديده باخدها بتعب جدا
انا يومي بيمر كالآتي... معظمه فاضي وبقضيه على الموبايل وبحب اسهر واصلي الفجر وانام احيانا بقرأ روايه او أحضر مسلسل او فيلم او اكلم صحابي او اتفرج على ريلز يعني حاجات متنوعه
هل أخلي بليل بس هو فترة الموبايل واليوم كله اشغله بحاجات مختلفه زي جيم ودروس دينيه وهكذا ولا بلاش واخلي السهر بس يومين في الاسبوع
وهل هو السبب ولا لا لأن اهلي بيقولولي هو ده السبب لأني بحب هدوء الليل جدا مع العلم اني بصحى ١٢ الضهر مش بقوم متأخر
ياريت لايف كوتش يقولي اعمل ايه بالظبط يغيرلي من روتيني وفي نفس الوقت اتقبل التغيير ومتعبش
لعرض السؤال في فدني اضغط هنا
حاسة بالتشتت مش عارفة ابدأ في اى حاجه وحاسة بالتقصير في واجباتى ومسؤلياتى
افكار كتير جدا ف دماغي ولما بمسك ورقة و قلم عشان اكتبهم مش بعرف اكتب كلمة واحده
دايما محتاجة حد معايا يشجعنى ويفكرنى بمسؤلياتى
موبايلي باظ شهور وقلت فرصة افضي دماغي من كم الافكار اللي فيها وبردو ماعرفتش
ايه حل التشتت دا وازاى اقدر افضّي دماغي في ورقة
لعرض السؤال في فدني اضغط هنا
نفسي اطور من نفسي ومش عارفه أبدأ ازاي ولا اعمل اي
لعرض السؤال في فدني اضغط هنا
كيف نتخلص من المشتات ونصبح أكثر انضباطا؟
لعرض السؤال في فدني اضغط هنا
استكمالاً لسؤالي السابق عن ( كيفية بناء علاقة قلبية مع ربنا وليس علاقة جسدية فقط ؟ )
بما إن في منكم مهتم بالخطوات ف أبشروا .
بداية الوصول لعلاقة قلبية صادقة مع ربنا هو رحلة روحية مستمرة تبدأ من الداخل وتنعكس على الجوارح .
قبل ما أبدأ الاول أنا حابة أقول بعض المميزات اللي هتنالوها من العلاقة دي بإذن الله ، علشان يكون عندكم حافز تبدؤوا تاخدوا الخطوة عشان توصلوله .
♡__________________♡
١ / البصيرة في اتخاذ القرارات، والتمييز بين ما ينفعك وما يضرك بسهولة.
٢ / شعور مستمر بالهدوء والأمان الداخلي، حتى وسط الضغوطات والمشاكل.
٣ / حُسن الأخلاق تلقائياً.
٤ / إيجاد لذة في العبادة: تتحول الصلاة والذكر من مجرد واجبات ثقيلة إلى راحة وملاذ روحي يُلجأ إليه.
٥ / الأنس بالخلوة : عدم الشعور بالوحدة أو الفراغ حتى عند البقاء بمفردك، لوجود الشعور الدائم بمعية الله.
٦ / الحماية والوقاية من التشتت: حماية الفكر والقلب من ضياع الطاقة في الحزن على الماضي أو القلق المفرط من المستقبل.
٧ / البركة في الوقت والجهد: القليل من العمل يُنتج أثراً كبيراً وملموساً في حياتك وفي حياة من حولك.
٨ / الهيبة والمحبة في قلوب الناس: القبول الإلهي يلقي محبة صادقة وهييبة طيبة لك في نفوس الآخرين بدون تصنّع.
٩ / سرعة التعافي من الصدمات: القدرة على النهوض مجدداً بعد أي ابتلاء أو خيبة أمل، لأن مصدر قوتك وثباتك لا يتغير.
١٠ / حياة الضمير والتنبيه المبكر: شعور سريع بالذنب عند الخطأ، مما يدفعك للتصحيح فوراً والعودة للطريق الصحيح دون تراكم المشاكل.
١١ / الغنى الداخلي: عدم الشعور بالنقص أو الحاجة للتقييم والتقدير من الآخرين لتدعيم ثقتك بنفسك.
١٢ / عمق الفهم للأحداث: رؤية الرسائل الإلهية والدروس خلف المواقف المزعجة، بدلاً من التعامل معها كعقبات عشوائية.
١٣ / جمال الوجه والقبول: القرب الروحي ينعكس على ملامحك بالارتياح والهدوء، مما يجعل التعامل معك مريحاً ومحبباً لكل من حولك.
١٤ / شغف جديد وممتع للحياة: يتجدد لديك حب التعلم وتجربة أشياء جديدة، لأنك تري الحياة فرصة جميلة للاكتشاف والعمل الطيب وليست مجرد ضغوط.
١٥ / تأديب النفس وترويضها: تحول النفس بالتدريج من "أمارة بالسوء" إلى "لوامة" تراجع نفسها، ثم "مطمئنة" ترتاح لعمل الخير وتكره الإساءة.
١٦ / عندما تُبنى العلاقة على الإخلاص، تصبح خارج نطاق سيطرة الشيطان تماماً. في الآية الكريمة: ﴿قَالَ فَبِعِزَّتِكَ لَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ﴾، يقرّ الشيطان بنفسه بعجزه وقصوره أمام هذه الفئة تحديداً. المميز هنا أنك لا تخوض معركة الإغواء بمفردك ، بل تكون في حماية وإخلاص إلهي يجعل محاولاته للـتأثير عليك ضعيفة وواهمة.
♡_____________♡
دي مجرد نبذات لبعض المميزات لكن حرفيا المميزات كتير اووي ، انتوا بس خدوا الخطوة وبإذن الله مع الجهاد ربنا هيعينكم .
& هكتب الخطوات بقا في رسالة تانية لإن دي بقت طويلة اووي🥲👋.
لعرض السؤال في فدني اضغط هنا
ازاي أعلى ثقتي في نفسي؟ عايزه اكون بروفيشنال
لعرض السؤال في فدني اضغط هنا
لو انا بقبض 4000جنيه في الشهر
انا طالب ازاي اقدر احوش منهم وغير ان المواصلات حوالي 1500 في الشهر
لعرض السؤال في فدني اضغط هنا
أنا حابة أوضَّح حاجة مهمة جداً مش كتير يعرفها ، وكنت في أي نصيحة أو حل بقدِّمه بقول الجملة دي ( ابني علاقة قلبية مع ربنا وليس علاقة جسدية فقط )
وبما إن في كتير ميعرفوش الفرق بينهم ف أنا حبيت أوضح الفرق لإن دي حاجة مهمه جدا وبسببها والله مشاكل كتير تتحل بسهولة بإذن الله .
طيب بصوا ي إخوه ويا أخوات 🖤
العلاقة القلبية: تنبع من الشوق والمحبة والحياء من الله.
تكون فيها العبادة مصدر راحة طمأنينة ("أرحنا بها يا بلال")، ويكون القلب حاضراً ومستشعراً لعظمة الخالق في كل لحظة.
العلاقة الجسدية (الظاهرية): تعتمد على حركات الجسد فقط (كالحركات المجردة في الصلاة) لإسقاط الفرض أو لتأدية روتين يومي دون حضور الذهن أو تأثر القلب، فتصبح العبادة عبئاً ثقيلاً يتمنى الشخص الانتهاء منه سريعاً.
العلاقة القلبية مسار مستمر يحتاج إلى صبر وتدرج، والخطوة الأولى تبدأ دائماً برغبة صادقة في القرب.
ولو حابين أبقا أكتبلكم خطوات مثلا للوصول للعلاقة القلبية ف اكتبولي ، ولو حابين أي حاجة في الدين برده اكتبولي تحت وبإذن الله هفيدكم علي قدر معرفتي وخبرتي .
لعرض السؤال في فدني اضغط هنا
تعليقي دا ليس بغرض البحث عن حل لمشكلة معينة ، بل حبيت أنقل تجربة حياتية يمكن غيري مر بيها أو واقع فيها حاليا ، أنا طالبة ثانوية عامة دفعة ٢٠٢٦ ، درجتي طلعت وحشة جبت ٥١% ومعايا دور تاني فيزياء ، طبعا كانت صدمة وتحطيم لأهلي قبل ميكون ليا بس إن شاء الله خير ، بعد تفكير كتير قررت أعيد السنة هشيل درجات الرأفة من الكيمياء والأحياء و E وأعيد السنة علي ٤ مواد ولو قفِّلتهم بإذن الله مجموعي يوصل ل٩٣% وأعوض أهلي ، وهدفي أدخل كلية أداب قسم علم نفس عشان أكون أخصائية نفسية بإذن الله ، مش خطوة سهلة إني أقرر أعيد السنة وصحابي يكونوا دخلوا كليات وسبقوني بسنة دي فيها تحطيم من الداخل بس بحاول أتجاوزها وربنا يعيني إن شاء الله ، حابة بس أوصل رسالة لغيري
في مقولة بتقول " لو كنت تعلم الغيب لاخترت الواقع "
الخير ليك في الموضع اللي ربنا حطاك فيه أيَّا كان الموضع فكله خير وانت مش شايفه بس في المستقبل هتعرف إن رغم إن الطريق كان صعب ومتعب إلا إن فعلا هو اللي كان خير .
لا تنسوني فضلاً من صالح دعواتكم لعلَّ أحدكم أقرب إلي الله مني .
لعرض السؤال في فدني اضغط هنا
لو عاوز زيادة في المرتب، لأن المرتب الحالي قليل بالنسبة للمجهود اللي بقدمه والتعب في الشغل، خصوصًا إني بقالي دلوقتي سنة ماسك مسؤولية مشرف صالة إنتاج.
والحمد لله شايف إن شغلي كويس، وبطلع المنتج بأعلى جودة، وبعدّي معدل الكمية المطلوبة مني، ومبقصرش في أي شغل أو مسؤولية بتتطلب مني، وبحافظ على الشغل وعلى مصلحة المكان على قد ما أقدر، وده طبعًا كله بتوفيق من ربنا.
فأنا شايف إن المرتب قليل جدًا بالنسبة للمسؤوليات والمجهود اللي بقدمه، وعشان كده محتاج أطلب زيادة في المرتب. إيه أفضل طريقة أطلب بيها الزيادة بشكل محترم، وفي نفس الوقت من غير ما أخسر شغلي أو أخلي المدير ياخد عني فكرة
غلط؟
لعرض السؤال في فدني اضغط هنا
ازاي الإنسان يتخطى وعشان يعرف يشوف مستقبله مش بتكلم عن علاقه حب بتكلم في الحياه عامه ازاي نتخطي عامه
لعرض السؤال في فدني اضغط هنا
ازاي الانسان بيقدر يتخطى اخطاء الماضي ويتصالح معاها؟ وانه مش شخص سيء هو بس ماكنش واعي
لعرض السؤال في فدني اضغط هنا
دلوقتي انا عمري ما استمريت في حاجة انا بعملها حتى لو كانت حاجة مضرة.
أول السنة الدراسية بذاكر شهر وأبطل مذاكرة طول السنة.
بحاول اتعلم لغة وأبقى كويس في الأول بعد كدا أزهق وابطل.
بروح الجيم اسبوعين وابطل.
اروح الشغل أسبوعين وازهق وابطل.
أغسل سناني يومين وابطل.
حتى الأدوية مبستمرش عليها وبنساها.
أعمل ايه رجاءً؟
لعرض السؤال في فدني اضغط هنا
دلوقتي انا كنت دفعه 3ث دفعه 2026 انا الحمد لله ذاكرت وعملت اللي عليا واللي اكون راضيه بيه عن نفسي لكن ربنا م وفقني اني احيب المجموع اللي دعيت بيه وان ادخل كليه احلامي
كان حلمي ان ادخل طب بشري لكن انا جبت 89 وانا مرحله تانيه اللي هي آخرها النهاردة الاحد
كنت عايزه اقدم ع تمريض بابا رفض لان بيكون فيها شفتات بالليل احيانا وكدا واهلي ف البيت قالوا لي ادخلي معهد فني صحي كلهم سنتين وتتوظفي بس انا مش حاباه خالص وكتبته رغبه اولي غصب عني اصلا لكن اللي شاغل تفكيري هو ان آخرتها معهد بعد السنين دي كلها مع ان بعده هكون دكتوره أشعه او تحاليل وفيه قسم تخدير يعني اللهم بارك هو حلو واغلب الدفعه مقدمين فيه لكن انا مش مقتنعه ومش مستوعبه لغايه دلوقتي اي الصح واي الغلط بجد نفسي حد يقنعني او يفيدني برأيه لان بجد حاجة صعبههههه اوووي انا مش بنام الليل من كتر التفكير والبكاء😭😭
لعرض السؤال في فدني اضغط هنا
السلام عليكم ورحمة الله وبركاته
لو حد استخدمه ممكن اعرف رأيه ايه؟ 🙂
لعرض السؤال في فدني اضغط هنا
انا رايح الجيش شهر 10القادم لكن كل يوم بيقرب بحس برهبة كبيرة وخوف انا جيشي سنة واحدة
ياريت يا جماعة لو حد عنده معلومات عن الجيش يقولي
انا لسه جاي من القسم عشان أعرف معاد التقديم قالي هات بطاقتك وشهادة التخرج او شهادة الميلاد مش فاكر بصراحة ياريت لو حد يعرف يقولي
لعرض السؤال في فدني اضغط هنا
انا شغال في فندق مغسله ب 5000 بصراحه اول مره اشتغل واتغرب يعني المهم من السنه اللي فاتت كان راتبي 3800 كنت هاوس كيبن بعدين صفيت وواحد في المغسله جابني معاه بقيت باخد 4900 لما زاد الحد الأدنى بقيت باخد 5000 يعني 100 جنيه بس اللي زودوها معرفتش اتكلم عشان في ناس خلوها 4000 الطلاب مع ان مفيش حد قال انهم مش بيقبلو طلاب جم مره وحده كده
قاعد على المرتب ده من بدري كده والمرتبات بره في فنادق اقل حاجه 7 واكل وشرب نضيف وفي تبس كموناما هنا الوضع غير انا بقا مشا الراجل الي كان معايا بقيت ماسك المغسله وحدي وكفاءه وبسد
اتكلمت معاهم في زيادة راتب قالو لسا المهم نزلت امتحنت وجيت من الاجازه لقيتهم جايبين واحد معاي في المغسله يعني مش بيعمل اي حاجه زياده كمان ممكن ميكونش عارف حاجات الي بيجي من بره بياخد مرتب 6500
انا اتخنقت بصراحه وادايقت قلة تقدير واستغلال فقررت أصفي عاوز امشي ومفيش حاجه قدامي بس هدور عشان اتقفلت بجد انا ممكن اشتغل اي حاجة اونلاين بس المشكله التلفون مش مساعد وكمان يعني محتاج وقت برضو والعميل مش بالساهل ومش مضمون يعني مش ضامن دخل ثابت اخر الشهر تنصحوني بإي كمان في فنادق في شغل سرفيس وللأسف ببكون في خمره
لعرض السؤال في فدني اضغط هنا
انا بتعلم تعلم ذاتي عاوز طريقه الخص فيها فيديوهات يعني كورسات او كده اسمع ازاي الخصه واذاكرو ياريت لو حد يفيدني انا مشترك في المنتور وبشحن الباقه موبايل وبحمل كورسات من الهديه وعلي اليوتيوب كذالك فعاوز اخد كورسات كتير يعني عشان استفيد من اشتراكي في المنصه يعني في كورسات محتاجها حاليا وفي كورسات مش هعرف احصل عليها ومحتاجها كمان فعاوز اعرف ازاي استفيد منها بحاول اني الخص بس بطلع بنتيجه اني بكتب نفس الكلام الي في الفيديو وبياخد صفح كتير بيبقا منظر مش حلو كمان ياريت لو حد فاهمني يجاوبني
لعرض السؤال في فدني اضغط هنا
السلام عليكم
جماعه ازاي اقدر اتحكم في المرتب !حقيقي اليوم الخامس في الشهر بيكون خلص مرتبي ٨ الآف شهريا لدفع جمعية ب ٣ ولعيادة الليزر ١٣٠٠ و ٢٠٠ لشئ ما بس دي الالتزمات الشهرية في يومين بلاقي اني صرفت فلوسي ومش بحس انه في شئ يستاهل مش بعرف احدد اولوياتي وللاسف انا ايدي فرطه زي مابيقولي محتاجه حل ازي انظم فلوسي بحيث يتبقي اخر الشهر فلوس صحيح مواصلاتي ٦٠٠
لعرض السؤال في فدني اضغط هنا
دخل برص في شقتي و معاي طفلة بيبي
لا شفته اقتله ولا عرفت اعمل حاجة
عدي ست ساعات و مرعوبة
اعمل ايه عشان اعرف اتحرك باطمئنان و زوجي مش لاقيه
لعرض السؤال في فدني اضغط هنا
التعليم في مصر ظالم، وكمان عمر ضايع على الفاضي أنا كلامي صح ولا انا بعلق شماعة فشلي على البلد؟ مع إني طالبة في كلية طب بشري بس شايفة عمري ضايع وحياتي وكمان مصر حالياً العيشة فيها مضيعة للعمر ولا أي؟
لعرض السؤال في فدني اضغط هنا
جماعة انا إن شاء الله رايحة تالته اعدادي و الحمد لله من المتفوقين بس انا نفسي اكون اوئل ادارة او محافظة فممكن نصايح
لعرض السؤال في فدني اضغط هنا
انا دلوقتي خريج جديد وقدامي حوالي 5 شهور قبل ما اقدم في الخدمة العسكرية ، حاسس بفراغ واكتئاب ما بعد التخرج وحاسس بدوامة ملهاش آخر بتتعاد كل يوم ، محتاج اخرج من الدوامة دي وافوق قبل ما اندم علي كل الوقت ده.
محتاج نصايح أعملها في الفتره دي تساعدني استغل الاجازة صح وشكرا.
لعرض السؤال في فدني اضغط هنا
كيف احذف اسئلتي من على فدني
لعرض السؤال في فدني اضغط هنا
ازاي اعمل جدول مهام اسبوعي بشكل صحيح لتحسين حياتي
لعرض السؤال في فدني اضغط هنا
التطبيق ده زي تطبيق اسك؟
لعرض السؤال في فدني اضغط هنا
جماعة عاوزة اصور فيديوهات اللي هي بتبقي ٨ او ٩ او ١٢ ساعة متواصل بالموبايل و اسرع الفيديو فالاخر ميكملش العشر دقايق جربت قبل كده اصور ١٢ ساعة فالاخر الفون صور اول نص ساعة و فصل تصوير لوحده ف مش عارفة اللي بيعملوا الفيديوهات بتاعت المذاكرة ب ١٠ ساعات و ينزلوا الفيديو ميكملش دقيقة بعد ما يتسرع بيعملوا كده ازاي
لعرض السؤال في فدني اضغط هنا
أنا محتاجه اتعلم رسم بس مش عارفه اتعلم ازاي ممكن مساعده
أنا عايزة اتعلم رسم ضروري جدا
لعرض السؤال في فدني اضغط هنا
ممكن حد يفهمني البرنامج دا ازاي واي علشان لسا داخله فيه ومش فاهمه فيه حاجه🙂
لعرض السؤال في فدني اضغط هنا
لعرض جميع الاسئلة في فدني اضغط هنا