ازيكم
انا طالبه تانيه ثانوي و داخله تالته ثانوي علمي رياضه أن شاء الله كنت حابه اخد منكم شويه نصايح
بخصوص
طرق المذاكره
اخد منصات أما انزل سناتر
اشتري كتب كتير
و حسيت بعجز و اكتئاب اعمل ايه
و كدا
حابه اعرف قصتك في تالته ثانوي
لعرض السؤال في فدني اضغط هنا
أنا تالته ثانوي بقالي تقريبا 3 سنين بعاني من اكتئاب ولكن السنة دي زاد بشكل كبير جدا ودا عرفته عن طريق سمعي لدكاتره متخصصين كتير واختبارات وعندي اكتر من الاعراض اللي بيذكروها ، والمجتمع اللي انا منه ، تعبانه نفسيا يعني مجنونه كمان مفيش دكاتره متخصصة ، كلهم مخ وأعصاب بس .
دلوقتي امتحاناتي قربت وانا تقريبا ضايعه فكل المواد عدا العربي ، وانا واللّه مش حد فاشل انا ديما قبل م أتعب بالمرض دا كنت بطلع من الأوائل على مدرستي وعلى محافظتي وكله بيشهدلي بذكائي بفضل اللّه
فكرة التأجيل شبه مستحيله وكلهم حاطين فيا أمل كبير مش مجرد نجاح وأنا واللّه مش عارفه اذاكر إطلاقا ومش مستوعبه ان امتحاناتي قربت ، بقى عندي لا مبالاة رهيبه وفنفس الوقت مش مرتاحه وبجلد نفسي ، وفكرة اني عارفه قدراتي بفضل ربنا وإني لو توكلت على الله وذاكرت الفتره دي هجيب مجموع إلا اني حاسه اني مكتفه ومش بتقدم ولا خطوة والإراده والعزيمه عندي زيرو .
ديما بفكر ان الموت راحة ولكن امتنع عن هذا بفضل اللّه لأنه كبيره من الكبائر .
ساعدوني باللّه .
لعرض السؤال في فدني اضغط هنا
هو الواحد بيعمل ايه لما يعرف انه خِسر كل حاجه خسرت صحابي أحلامي أهلي كل حاجة إحساس الخسارة...مبقاش عندي أمل في اي حاجه ولا ثقة في اي حد ولا عايزة حاجة من الدنيا
لعرض السؤال في فدني اضغط هنا
انا حاليا ثانوية عامة بس عندي مشكلة مهببة لأن خلاص امتحاني كمان ١٠ ايام المهم انا الحمد لله بحاول ع قد ما اقدر اعمل الي عليا طول اليوم بعيدا عن ده انا لما بنام حقيقي مش بحس بنفسي لدرجة بحس اني روحت لعالم تاني ب
بظبط ب ال ٣٠ منبه وكالعادة مبصحاش عليهم انا مش بسمعهم اصلا انا بفضل طول الليل وانام مثلا الساعة ٦ عارفة ان لازم اظبط نومي بس حقيقي معرفتش المهم بنام ٦ واصحى الساعة ٢ أو ١٢ يعني داخلة ف سكة ١٠ ساعات نوم غير بصحى بحس اني كنت بلعب boxing من كتر ما بصحى رقبتي وظهري واجعيني حد عنده حل أو مر بتجربة زي كده؟
لعرض السؤال في فدني اضغط هنا
يجدعان معايا تحت ٣٠٠ الف وبفكر اشتري BMW E36 وبحبه م زمان وقدامي بنفس السعر VERNA معروفه طبعا بس كلو مخوفني م BMW وخصوصا فيرنا مش جايه معايا عشان انا شاب بردة وعاوز حاجه فيه روح
لعرض السؤال في فدني اضغط هنا
السلام عليكم ورحمه الله وبركاته،
أنا عمري 17 سنة و قريبا سأكمل 18 عاما، منذ فترة، حوالي سنة، قمت باختبار تحديد مستوي الذكاء (IQ) و قد كانت نتيجتي ما بين 135 و 151.
الآن أريد أن أعرف إذا كان هذا المعدل طبيعي ام لا؟ و كيف أحافظ علي تركيزي و التغلب علي تدفق الأفكار التي تأتي لي حين أبدأ مذاكرة أو أنام؟
لعرض السؤال في فدني اضغط هنا
أهلًا، محتاجة أشارككم حاجة وأسمع رأيكم فيها.
بقيت حاسة إن الـ Perfectionism مش مجرد صفة عندي قد ما هو طريقة تفكير كاملة بتخليني مستحيل أرتاح، لأن مهما عملت أو تعبت على حاجة يفضل جوايا إحساس إنها لسه مش كفاية، وإن كان ممكن أعملها بشكل “أفضل”.
الموضوع مرهق فعلًا، خصوصًا إني حاولت أكتر من مرة أتعامل معاه وأخفف من تأثيره عليّا، وفي كل مرة أهدى شوية وأحس إني بدأت أبقى أريح مع نفسي… لكن بعد فترة أرجع لنفس الدوامة تاني بشكل تلقائي، لدرجة إني بدأت أتساءل إذا كان دا فعلًا شيء بيتعالج، ولا مع الوقت بيتحوّل لجزء ثابت من الشخصية.
وأكتر حاجة محيراني إن الـ Perfectionism أحيانًا بيبان كأنه دافع يخليك تطوّر من نفسك، لكن في نفس الوقت بيستنزفك نفسيًا جدًا من غير ما تحس.
فحابة فعلًا أسمع آراء ونصايح مختلفة… إزاي الواحد يوازن بين إنه يفضل طموح وعايز الأفضل، وبين إنه ميبقاش قاسي على نفسه طول الوقت؟
لعرض السؤال في فدني اضغط هنا
نفسى اكون سفيرة النوايا الحسنة تمثيلا لبلدى علما بأنى فى العمل التطوعي منذ أكثر من سنة وأنا منسق عام مركز ومدينة اعمل ايه بالظبط @Dr.nada Samir
لعرض السؤال في فدني اضغط هنا
أنا وشي صغير اوي مقارنه بجسمي ومش عارفه احل المشكله دي ازاي ولا اعمل اي حد مر بالتجربة دي قبل كدا الموضوع دا معقدني ف شكلي ومكرهني ف حياتي
لعرض السؤال في فدني اضغط هنا
بصوا يا جماعة محتاجة مساعدة شوية
أنا بحب الرسم جدًا وخصوصًا رسم البورتريهات والشخصيات الواقعية زي اللي فالصورة، وبقالي فترة بحاول أعرف هل النوع دا من الرسم حرام فعلًا ولا لا؟
بحثت كتير بس كل مرة ألاقي آراء مختلفة ومش بعرف أوصل لإجابة واضحة.
أنا لما برسم مبيبقاش عندي نية لتقليد خلق الله أو أي حاجة، أنا بس بحب الفن والرسم جدًا ومش حابة أسيبه لو مفيش مشكلة فيه.
فلو حد عنده علم بالموضوع أو حتى بيرسم زي كدا ياريت يفيدني 🤍
ولو الموضوع عادي كمان ياريت ترشحولي قنوات يوتيوب كويسة لتعلم البورتريه.
ومعلومة صغيرة: أنا أصلًا بتعلم بالرسم العملي، يعني برسم رسومات كاملة على طول مش أساسيات وكدا.
والصورة دي واحدة من رسوماتي حطيتها بس كمثال.
لعرض السؤال في فدني اضغط هنا
السلام عليكم ا
النهارده يوم عرفه
حاسه اني زهدت الدنيا من كتر زعلي علي حاجات كتير
ومش عارفه ادعي بإيه حد يدلني اي نعم مكتبتش كتير اللي مزعلني بس عايزه حد يدلني باي حاجه خساره كبيره جدا اضيع يوم زي ده
لعرض السؤال في فدني اضغط هنا
ممكن نصيحه ( ب معني متغلطش غلطتي)؟
لعرض السؤال في فدني اضغط هنا
عاوز برفان يكون فواحة و و منعشة وجذاب تكون تركيب لواحد أو مكس رجالي والنسبة قد اي
لعرض السؤال في فدني اضغط هنا
كنت محتار شويه اشارك الموضوع دا بس محيرني من قيمه 8سنين كنت طفل وساعتها كان في بعض المشاكل فا امي راحت لشيخ الشيخ انا فاكر وسالت امي من كام يوم كان ولا بياخد فلوس ولا بيطلب اي حاجه من حاجات الدجل كان بس عباره عن اوضه فيها ناس كتير ويقرا قرآن واللي حس انه مش تمام يقرا عليه بشكل شخصي
وكانت بتحصل حاجات قديمه غريبه كنت بسمع صوت الجن وهو بيتكلم من الناس المريضه وكان الشيخ بيخليه يطلع ولكن كان في بعض الجن مش بيطلعو او مش بيردو اصلا على الشيخ يطلعو كان الشيخ يقول اللهم اجعل يدي سيف من سيوف الله ويقول الشهاده ويحرك ايده علي رقبه المريض والجن يطلع صوت اكنه بيدبح بعد كدا المريض يفوق فالسؤال هل في حاجه اسمها الجن يدبح وازاي الشيخ كان بيعمل كدا
وممكن حد يقول المريض متفق مع الشيخ بس للاسف اختي طلع معمول ليها عمل والجن مش كان عايز يتكلم خالص فالشيخ ذبح الجن وطلع نفس الصوت من اختي
اختي والناس المريضه كلهم مش بيفتكرو اي حاجه سواء الجن اتكلم او اتدبح
انا سالت ai وعلي جوجل الاجابات بتقول ان دا تخاريف بس تخاريف ازاي وكانت بتحصل قدام عيني
لعرض السؤال في فدني اضغط هنا
السلام عليكم 🤍
مش بعرف أكتب نصايح أوي، لكن دي حاجة فعلًا بقيت مقتنعة بيها جدًا مؤخرًا، وحسّيت إنها تستحق تتقال..
أوقات فعل صغير جدًا مننا ممكن يفرق مع حد أكتر مما نتخيل، عشان كده حاول دايمًا تكون لين في كلامك وطريقتك مع الناس.
إحنا فعلًا مانعرفش مين بيحارب أفكار مرهقة أو يوم صعب وهو ساكت.
حاول تبقى لطيف قدر المستطاع، انت ماتعرفش مين حواليك بيمر بيوم سئ ولطفك ممكن ينجيّه من حبل أفكار سلبية مش عارف يقطعه.
همومك تقدر تخليها تظهر على السطح وانت لوحدك أو فى وجود شخص بيحاول يساعدك .. لكنها مش عذر أبدًا لـ حدتك فى التعامل مع اللى حواليك!
انت كبرت كفاية عشان تدرك إن كل واحد شايل شيلته بالعافية ومش ناقص حد .. فـ إن كرمك مادفعكش إنك تخفف عن اللى قدامك، يبقى واجبك إنك ماتزودش عليه 🤍.
لعرض السؤال في فدني اضغط هنا
السلام عليكم ورحمه الله وبركاته
عندنا شقه دور ارضي مفيهاش غاز هى اوضتين وهى ٦٣ متر وعايزه توضيب جامد المنطقه كويسه معروض علينا ٢٢٠ الف كدا كويس ولا لا
لعرض السؤال في فدني اضغط هنا
كم مرة قرأت كتابًا ثم اكتشفت أنك نسيت محتواه ما أن أنهيته؟ كم مرة شعرت باليأس واعتقدت أنه لا فائدة من الاستمرار في القراءة بما أنك لا تتذكر شيئا مما قرأته؟
هذا الشعور كفيل أن يدفعك للتوقف عن عادة القراءة، خاصة إذا كنت قارئًا مبتدئًا.
نجح الكثيرون في تخطي هذه المشكلة والاستفادة من قراءاتهم وما زال هناك كثيرون لا يعرفون كيف يتجاوزونها.
هذا السؤال إذن للنقاش وتبادل الخبرات.
برأيك،
هل نسيان محتوى ما قرأت يعني أنك لم تستفد من القراءة شيئًا؟
**
وما أفضل الطرق التي ساعدتك على تحقيق أكبر استفادة من كتاب قرأته وعدم نسيانه وتطبيقه في واقعك؟
**
هل تعرف كتبًا أو فيديوهات يوتيوب أو بودكاست يمكنك ترشيحها لمساعدة الغير في التغلب على هذه المشكلة خاصة القراء المبتدئين؟
لعرض السؤال في فدني اضغط هنا
السلام عليكم
لو سمحتوا انا كنت عايزه اسال على سعر اللاب توب بكام في مصر في محافظه اسيوط بالتحديد وهل ينفع اشتري لاب توب بالقسط ولا لا وهل فيه بالقسط اصلا
وتاني حاجه انا هتخرج من الكليه السنادي وكنت عايزه اسال هل اللاب توب مفيد في الشغل بعد الدراسه ولا لا عشان عايزه اكمل في الدبلومات او كورسات من بعد التخرج
لعرض السؤال في فدني اضغط هنا
حبيبي طالب الثانوية العامة
خلاص فاضل حاجات بسيطة
الشهر اللي قدامك ده بالثانوية العامة كلها
وصدقني لو ظبط الدنيا فيه شهر الامتحانات هيكون أحسن شهر بالنسبالك
فدي بعض النصائح خدها من أخوك
ظبط نومك إنك تصحى من الفجر وتنام بعد العشا عشان انت هتمتحن ٩ الصبح فلازم دماغك تتعود إنك تكون فايق في المعاد ده
بطل أي منبهات متعود عليها عشان لما تشربها وقت الامتحانات تحس بمفعولها
خلي أسلوب مذاكرتك معتمد على القراءة من الكتاب مش من الفيديوهات ده هيكسبك وقت كتييييير جدا، وذاكر بإنك تراجع شرح الدرس من الكتاب و تحل الأسئلة اللي تخص الدرس ده، مش شرط كل الأسئلة، بس المهم تكون مُلم بأفكار الدرس، وامشي درس درس على هذا المنوال
اقعد من عند اي مدرس مبتطلعش منه باستفادة
ونصيحة مهمة جدااااا:
السؤال اللي تغلط فيه علم عليه بالأحمر عشان ليلة الامتحان مش هتقعد تحل أسئلة جديدة، انت اللي هتعمله ليلة الامتحان انك هتراجع المنهج مراجعة سريعة بعد كدة تحل الأسئلة اللي أنت وقعت فيها في فترة المراجعة.
اعمل اللي عليك وادعي ربنا كتير، عشان اللي في اللجنة ده بتاع ربنا مش بتاعك.
يومك حاول تذاكر فيه مادتين أو ٣، والوقت اللي يضيع متتحسرش عليه، كدة كدة هيضيع منك وقت، مفيش حاجة بتتعمل كاملة ١٠٠%.
حدد نفسك بكمية مش بوقت في اليوم عشان الوقت كدة كدة هيمر إنما الكمية لا.
قسم يومك من الصلاة للصلاة، ده أفضل فاصل ممكن تاخده راحة بين المواد.
افصل الموبايل و إياك تمسكه طول ما أنت بتذاكر، ارميه بعيد عنك اقفله باور المهم إياك تمسكه و إياك حتى في وقت الراحة تمسكه أو تفتح سوشيال.
إياك إياك إياك تتوتر في اللجنة، أو تطبق قبل الامتحان، النوم قبل الامتحان أهم من المذاكرة، وحاول تخلي أعصابك هادية في الامتحان وخليك متأكد إن اللي في اللجنة ده بتاع ربنا مش بتاعك.
اكتفي بكتاب واحد يكون سمعته حلوة، متشتتش نفسك في بحر من الكتب، ركز على كتاب واحد، واعرف إن الناصح اللي يجيب أعلى قيمة بأقل مجهود
أتمنى أكون فيدتك، ممكن أكون قلت الكلام ده متأخر شوية بس خير إن شاء الله
أتمنى لك التوفيق وأيا كانت النتيجة ارضى بيها واعرف إنها والله ما نهاية العالم و إن والله الحياة إيزي ومبتخلصش مع الثانوية العامة.
أسأل الله لكم التوفيق.
لعرض السؤال في فدني اضغط هنا
سلام عليكم ورحمه الله وبركاته
أنا طالبة تالتة ثانوي أنا عاوزة نصيحة في إن إزاي انظم وقتي صح او أن المذاكرة ساعتين يبقى ساعتين بس دا مبيحصلش حياتي بقت فوضوية حاولت حتى امشي نفسي علي جدول أو أن امشي اليوم بيومه معرفتش أرجو نصيحة من الموضوع دا و إزاي اجبر نفسي أعمل كده لأن محتاجة دا فعلا خصوصا الفترة دي مراجعات و براكم كمان 😞
لعرض السؤال في فدني اضغط هنا
عاملين ايه أتمنى الكل يكون بخير أنا دلوقتي فى تانيه ثانوي عام شعبة علمية وزي منتو عارفين ان خلاص امتحانات نهاية العام قربت ومن بعدها هدخل تالته ثانوي فأنا بجد حابه اسمع نصيحة كل واحد فيكم تجاوز وعدى من تالته ثانوي وتكون نصيحة طالعه من القلب وحقيقية عشان استفيد منها وكمان انصحوني اتجنب وأبعد عن ايه وايه الحاجات الى انتو عملتوها وندمتكم وايه الى كان نفسكم تعملوه.
ومتنسوش تدعو لطلاب تالتة ثانوي عام ازهر فني كل واحد فيهم محتاج الدعوة بشكل كبير افتكروهم فى الايام المفترجة دي.
لعرض السؤال في فدني اضغط هنا
السلام عليكم محتاجه دكتور يفدني او حد متخصص
انا جتلي فترة كبيرة نومي منتظم بس نوم بليل كنت بنام حتى ٣ ساعات و لما بصحى مبعرفش ارجع انام تاني و النومه مبتكونش مريحة أبدا بينما من بعد الفجر بعرف انام نوم عميق جدا بفصل من الدنيا بمعنى اصح و بصحى دايخه بعده و تركيزي قليل ، فبقيت باخد منومات عشان اقدر انام بليل و الصبح بشرب قهوة الساعة ٩ الصبح و بتفضل مفوقاني فترة طويلة جدا بتخليني مش عارفه ارجع انام بليل"لإن في العادة انا مش مدمنة شاي و قهوه فبيأثرو فيا بشكل كبير "
فضلت كدا قُرب ٣ أسابيع لحد ما قررت ابطل المنوم و القهوة لإن سني صغير و ده غلط عليا
اللي حصل ان مبقتش اعرف انام بالليل خالص و تركيزي الصبح صفر
بدلت نومي بقيت انام الصبح و اصحى بالليل و ده أثر على حاجات كتيره في حياتي منها ان بقيت بنسى حاجات اساسية في يومي و تركيزي قل جدا بقيت إنسانة مُشتته جدا ، جربت ارجع اشرب قهوة تاني يمكن أبقى مركزة لما اصحى ، بس حتى القهوة مبقتش تديني احساس النشاط خالص بل ساعات بنام بعدها .
نفسي انام بالليل زي اي حد و اصحى الصبح و مش عارفه الاقي حل ، ونا ثانوية عامة و مش وقتو خالص تركيزي يقل ، و بالمناسبة موضوع النوم ملهوش علاقة بالتأثير النفسي لإن الحمد لله انا نفسيتي كويسة ، يا ريت حد يفيدني
لعرض السؤال في فدني اضغط هنا
جماعة كنت عايزة أخد رأيكم في سواقة العربية للبنـت، الفرق بيني وبين كليتي 3 ساعات والمواصلات متعبة والفترة دي المواصلات مشاكلها كتير من تحرش ل إستغلال والسواقين أخلاقهم مش حلوة إلا من رحم ربي طبعًا.. المهم أنا كنت عايزة أعرف رأيكم عشان خايفه مثلا أسوق وحدي وتحصل حاجة أنا بعرف أسوق بس خايفه لأني بنت وكنت بسوق العربية في وجود بابا معايا دالوقتي بابا سافر وبيقولي روحي الكلية بالعربية، معايا إبن خالي بس نفس الكلية بس مش هينفع أركب معاه وحدي عشان مش من محارمي ومش معايا أخوات صبيان أعمل إيه أكمل مواصلات ولا اروح بالعربية، بس عايزة نصايح تفيدني خاصة من الشباب عشان الشباب فاهمة أكتر هل عادي ولا هتأذي؟
لعرض السؤال في فدني اضغط هنا
أنا بنت وعندي21 سنة معايا مبلغ كبير 150ألف والمبلغ دا أنا بحوش فيه من أعدادي يعني من جمعيات ومن مشاريع صغيرة عملتها بس ما كملتش فيها وعايزة دلوقتي أعمل مشروع يدخلي دخل شهري
أنا عارفة المبلغ صغير بس دا ال معايا أنا فكرت أخد بيهم كورسات وأطور من نفسي واشتري لاب توب حلو بس تراجعت لأني ممكن معرفش ادير مالي واتعامل معاهم زي مبلغ صغير واصرفه..
عايزه منكم نصايح وكمان اقتراحات
مع العلم أنا بعرف أربي فراخ بيضاء وعندي خبرة فيها لدرجة عملت منها خلال 10 شهور 50 ألف وكمان كنت بربي كمية قليلة وبحب المزارع وعندي حديقة صغيرة لأني عايشة في الصعيد فالحاجات دي عادي وسهلة بس أنا دلوقتي بفكر في حاجة تدخلي دخل بدون تدخل مني لأني بدرس وعايزة أتعلم حاجات كتير
وعايزة أشتغل على نفسي عشان أعرف أشتغل بالعلم مع العلم برضو أنا محفظة قرآن في قريتي وبحب التجارة وعملت حاجات كتير ونجحت بس الفكرة كل حاجة عايزة متابعة مني بل كل الشغل عليا وأنا مش فاضيه خالص، ولازم يكون ليا مصدر دخل عشان عايزة أعمل بيه حاجة كبيرة حد فاهم حاجة أنا جربت كورسات في المال والاستثمار بس مفهمتش حاجة أعمل إيه 😫
لعرض السؤال في فدني اضغط هنا
لو سمحتو انا بعاني من حب الشباب وبقيت بجد مستاءه منو ومش عارفه اعمل ايه وصرفت فلوس كتير لدرجه خلاص زهقت وبيزيد مبيتحسنش خالص
ياريت لو في طبيب هنا ينصحني اواي استشاره او حتى تجارب شخصيه تنصحوني @د هناء منصور
لعرض السؤال في فدني اضغط هنا
السَّـلام عليكم ورحمة الله وبركاته
امبارح روحت لـ دكتورة جلدية في مستشفى عادي وعملت كشف وكتبتلي الـ3 روشتات دول...
المهم ان في بنت كانت جمبها وصفتلي على صيدليه اروح اشتري منها العلاج اللي الدكتور كتبتهولي...
انا روحت كذه صيدلية غير اللي قالتلي عليها
العلاج مش موجود فـ روحت الصيدليه اللي قالتلي عليها اللي واقف فيها قالي مرتب مقليش سعر العلاج حرفيا كان غالي عليا جدا...
دلوقتي انا مشكلتي هل ده تسويق يعني ولا اي بالظبط في حتت اني ملقيش العلاج غير في الصيدليه دي..؟
وممكن لو في دكتور صيدلي موجود يكتب اسامي المنتجات اللي موجودة بس عشان اقدر اعمل سيرش عنها حتى لو كده اطلبها اونلاين
مع العلم اني كنت بكشف على شعري وكمان الدكتور كتبتلي روتين لـ وشي
في إستفسار كمان البنت اللي كانت موحودة مع الدكتور في العياده قالتلي حطي ايديك على جهاز ومفروض انه زي نحليل كده وكان سعره 200 جنية وقبل التحليل مقلتليش سعره للأسف فـ دفعهتم هل ده عادي ولا كان مفروض انا تعرفني سعر التحليل وشكرا ليكم...
لعرض السؤال في فدني اضغط هنا
استفسار عن مفهوم محوري
لو حكيت لحد مشكلة وهو قالك "قرب من ربنا" ايه اللي بييجي في بالك أن المفروض تعمله عشان تقرب من ربنا.
لعرض السؤال في فدني اضغط هنا
لو عايز تترك ذنب أو سلوك قهري وحاولت كثير بس مفيش فايدة
عليك ... بقيام اليل لأني تركت بيه أعظم آفة بتصيب جيلنا شباب وبنات في الوقت الحالي اللهم الثبات إن شاءالله
لعرض السؤال في فدني اضغط هنا
السلام عليكم
جاتلي فكره وهي نشارك فكره ازاي نجاوب على الناس سواء في فدني او غيره لان هنا ساعات بشوف ناس كتير بتجاوب بس إجابتهم تخلي السائل يتعمق في مشكلته اكتر انا كمان ساعات بغلط هبتدي انا .
1 فكره تحقير العاصي والمدمن:
أنا دي بشوفها كتير حد مدمن اي نوع من الادمان او مذنب يجي يحكي حد يرد عليه يقولو يبني حرام يبني انت كدا وممكن يشتمه بس شتيمه (ذوق شويه😀) طب ما المدمن او السائل عارف انه حرام وعارف كل حاجه بس هي مشكله دماغ لازم تتعافي انا حاسس ان لما المدمن يشارك واحنا نقولو الكلام دا حاسس يقرأ الرسايل من هنا ويروح يضرب ضربته سواء هي اي لان بعد كلام الناس حس انه حقير مش انسان وانه هيعيش حقير ويموت حقير، المدمن بيئه تعافيه لازم يكون ناس بتقبله مش بتحقره لحد ما يتعاقي،،
2 فكره تكرار نفس الاجابه:
حد بعت سؤال يكون في خمس اجابات من أشخاص مختلفه كلهم نفس النصايح والكلام دا انا شايفه بنتقل على صاحب السؤال
3 فكره الاراده:
انا دي شايفها تفاهه وناس كتير بتنصح تقول لي المدمن او غير المدمن قوي ارادتك وانت هتعدي اول حاجه مفيش مدمن عنده اراده انا بتكلم مدمن مدمن مش لسا بادي ودا مش تحقير مني لان فعلا بيبدأ التعافي لما تسلم امرك للله وتقول انا ضعيف مش شغل انا قوي انا هروح للمحفز دا وارادتي هتنجيني ، متحاولش متحاولش تتعافي او تنجح وانت بتنضف نفسك وانت واقع في بركه طين،
غير المدمن لو اعتمد على الاراده هي مهلكه تخيل تذاكر مره وعشره لا اصل مفيش اراده او الشغل وهكذا مش قصدي لازم نهين نفسنا في عملنا بس ،،مزاجك وارادتك هو سر فشلك،،
4 لو شايفين نقطه غلط ناقشوني عادي الانسان بيغلط+شاركو انتو ملاحظاتكو نخليها نتعامل صح ونساعد الناس
لعرض السؤال في فدني اضغط هنا
الانشغال عافية
الإنشغال نعمة كبيرة جدًا، تخيل نفسك مشغول 10 ساعة في اليوم ما بين دراسة وكورسات وشغل، وباقي ساعات يومك ما بين العبادات والنوم ووقت مع الأهل والهوايات، والفكرة هنا مش بس في الإنشغال ممكن الشخص يشغل نفسه بحاجة تدمر حياته وممكن يشغل نفسه بحاجة تبني حياتن وشخصيته أنت اللي هتختار عايز تكون مشغول بإيه،
وكمان فكر معايا لو كنت مشغول بالقراءة والدورات وحفظ القرآن- تتعلم مهارات تأخد كورسات تتعلم للغات وتصاحب ناس جديدة حاوط نفسك بناس طموحة ناس مشغولة ببناء نفسها وتغير أنفسهم للأفضل!
ممكن تبدأ من دلوقتي تعمل خطة وتبدأ تحسن جوانب حياتك، وتنظم يومك وحياتك وتستغل كل دقيقة لو أنت مدمن حاجة معينة تخلص منها هتكتشف إنك كنت في مستنقع مدمر، اليوتيوب كنز وفي كورسات كثيرة جدًا وكفاية بجد تساعد الإنسان يبدأ من جديد!
تابع محتوى هادف، لا تتابع المحتوى الـتّافه!
وطبعًا ركز، المدخلات سبب المخرجات يعني ركز أنت متابع مين!
في دورات تطوّر عقلك ونفسك وشخصيتك، المهم اكتب قائمة كورسات ومهارات واشتغل عليها من دلوقتي على نهاية السنة هتكون راضي جدًا عن نفسك وهتلاحظ تغير وتذكر كل دقيقة هتفرق معاك بجد!
الفراغ فساد
القارئ قائد
لعرض السؤال في فدني اضغط هنا
اتواصل مع حضرتك ازاى؟
لعرض السؤال في فدني اضغط هنا
انا دا اول سوال يكون محرج شويه وانشره مش مجهول نجرب مش هنخسر حاجه،
المهم انا لو ماسك حاجه في ايدي (قلم،غطاء،حاجه بلاستيك، ساعات بتوصل لحاجه غاليه شويه ) بحب اعضعض فيها لحد ما افتفتها الموضوع مقرف وغريب
عايز اعرف السبب اي
الحل عارفه وهو لو قربت حاجه من بوقي وانا مركز بحاول ارميها بعيد او اقوم احطها في حته بعيده بس المشكله وقت السرحان و المزاكره وانا سرحان افضل ابوظ في الحاجه ومش اخد بالي لحد ما تبوظ او وانا بذاكر انا دسته الاقلام مش بتكمل اسبوعين لان الأقلام كلها ببوظها بس كدا هي دي كل المشكله
لعرض السؤال في فدني اضغط هنا
سلام عليكم
بإذن الله يا جماعه انا رايح مقابلة شغل بكره في شركة أمانكو المعروفه لنقل الأموال
كنت عاوز اعرف رأي حضراتكم خاصة لو حد عنده تجربه او يعرف حاجه عنها
و هل في مخاطر ماليه عاليه و لا الدنيا بسيطه
لعرض السؤال في فدني اضغط هنا
السلام عليكم
ازيكم انا بنت عندي ١٨ سنه بصراحه جتلي فكره مشروع هو مش مشروع يعني هو يعتبر بس فكره جت في بالي و جهزت الحاجه كصور شكل اللي انا عايزاه بس مش عارفه اخد الخطوة لان معيش امكانيات ولا اي حاجه خالص فعليا
الفكره اللي عندي هي عمل تطبيق او لينك ويب لطيف خالص المشكله اني مبعرفش في الحاجات دي يعني فمحتاجه حد يساعدني او يديني فكره تساعد التطبيق او اللينك اللي ممكن يتعمل دة لو يعني هيكون للدعم يعني يعتبر زي جيميناي و شات جي بي تي ولكن بطريقه مختلفه
هيبقى بالعاميه جمل تحفيزيه كل يوم و تفاعل مع المستخدم يعني هوفر بيئه كويسه نضيفه لشخص محتاج احتواء بس مش قادر يقول لان في بعض اللينكات و التطبيقات الاخرى مش كويسه خالص وبيبقى فيها الدعم دة بطريقه وحشه فأنا حبيت اعمل فكره مختلفه بس باحترام وبيئه نضيفه مش اكتر ف اي رأيكم؟؟؟
الصورة دي فكره بسيطه للي في دماغي يعني
لعرض السؤال في فدني اضغط هنا
السلام عليكم
من يومين دخلت صيدليه كنت بشتري دواء لاقيت الكاشير اللي كان قاعد بيحاول يهزر معايه ويبصلي جدا لقيت لما روحت بعتلي على رقمه بيقولي نورتني وبيعمل لايكات على الاستوري فاانا مش فاهمه هو عمل ليه كده ودخل كلمني على رقمي المفروض اعمل ايه
لعرض السؤال في فدني اضغط هنا
احتاج نصيحة او نقل تجربة فعلية
لقد بلغت ٣٢ عاماً لا املك بيت ولا سيارة ووظيفتى بمقابل اقل من المتوسط وليس لدى مهارة تجنى مالاً لائق
ماذا يمكن ان افعل كى احصل على مال وفير فى هذه الظروف والايام الصعبة خاصةً انى عازب واحتاج للزواج والعفاف
اتمنى تكون الردود بدون دبلوماسية واضافات تحفيزية مجرد نصيحة او سرد تجربة أتت بثمارها
وشكراً لكل من يهتم
لعرض السؤال في فدني اضغط هنا
انا معايا موضوع غريب ومش متعلق بي العادات النافعه لا دا في اي حاجه وهو اني لو اكتشفت حاجه جديده سواء نافعه او مضره نسبيا افضل طول اليوم بعمل الحاجه دي بعد كدا ابعد خالص او اشوفها كل شويه كمثال هنا مثلا تطبيق فدني اول ما حملته قعدت ارد علي الاسئله وكنت مهتم يجي اربع ايام بعد كدا بفتحه كل فين وفين مع انه تطبيق حلو،
لو جبت كتاب اخلصه كله جلسه واحده بس بعديها شهر مقراش ،لو حملت لعبه حتي العبها طول اليوم وفي اخر اليوم امسحها حتي لو اللعبه حلوه ..
ممكن حد يقترح نصيحه قليل دائم خير من كثير منقطع.النصيحه صح وحلوه اوي بس انا مش بعرف اطبقها انا بنسحل في الحاجه بعد كدا اسبها.
في حاجه ملحوظه وليس انتقاد وهي نقطه لما ابعت سؤال لازم اكون مجاوب علي حد النقطه دي مهمه لان بتخلي الناس ترد بس .لو الاداره تزود الحد يعني مثلا اجاوب سوال وانشر اتنين .
النقطه دي خلت تظهر حاجه اخدت بالي منها وهي الاجابات الي ملهاش لازمه انا شايف لو حد ناشر سوال ليه يكون في كذا جواب بنفس النصايح ونفس الكلام بس شخص مختلف انا بحب كلامي الي هقولو بدخل اشوف الاجابات لو حد كتبة مبقولش اجابه
+نقطه انا مش قصدي اشخاص معينه انا بحبكو كلكو في الله في بعض الناس حد باعت مشاركه عاديه مش سؤال زي دعاء او ما شابه فحد يدخل يجاوب ويفضل يحشي كلامه بحاجات كتير ملهاش لزمه عشان الاجابه ليها عدد كلمات حد ادني شايف الاكتفاء بتعليق احسن دول بيهتمو بموضوع النقط ولا اي بالزبط
اخيرا انا لما بكون عايز انشر حاجه والتطبيق يقولي لازم اجاوب. بدخل اشوف الاسئله الجديده بعضهم بيكون مش عندي اجابه والمعظم الاخر الاجابه الي هقولها بتكون حد قالها او ما شابه فبروح للاسئله زمان وبجاوب هناك دي بردو نقطه وحشه مني بس مش عارف اعمل اي
لعرض السؤال في فدني اضغط هنا
عايزة اطلب من شي ان بوسيط اسمه FD store عايزة اعرف هل هو موثوق ولا لا و حد جربه قبل كده ... ارجو المساعدة بأي شكل
لعرض السؤال في فدني اضغط هنا
السلام عليكم... لماذا أصبح التطبيق أقل نشاطًا وتفاعلًا مما كان عليه في السابق؟
أصبحت هناك حالة من الكسل والخمول، سواء من الأعضاء الذين يطرحون الأسئلة أو من الذين يجيبون ويساعدون. أعتذر إن بدا كلامي كأنه انتقاد، فليس هذا مقصدي، ولكنني أعبّر عمّا لاحظته مؤخرًا.
في البداية، كنت أتابع الأسئلة والإجابات وأستفيد منها كثيرًا، أما الآن فقد تغيّر الأمر. كما أن من يطرح السؤال، حين يرى إجابة من عضو بذل جهدًا في الكتابة لمساعدته، قد لا يكلّف نفسه حتى بوضع إعجاب أو كلمة شكر بسيطة. وكذلك العضو المجيب لا يحرص أحيانًا على متابعة بقية أسئلة السائل والرد عليها.
اقدر ان البعض مشغول و لكن ذلك لا يستغرق وقتا طويلاً. أكرر أنني لا أقصد الإساءة إلى أحد، ولكن هذا ما لاحظته في الفترة الأخيرة، وقد أصبح يؤلمني حال التطبيق؛ لأنه كان في السابق أفضل بكثير.
لعرض السؤال في فدني اضغط هنا
الي عمل دفتر توفير من البوسطة قبل كدا"البريد" ،كان اي الورق المطلوب و اي الحد الادني للمبلغ ، هو ازاي بعدين بيبقي نظام ، يعني ينفع اعمل ايدع او سحب كل فترة عادي ولا فيه شروط ، هو الفلوس فعلا بيبقي عليها فوايد
لعرض السؤال في فدني اضغط هنا
السلام عليكم
أنا بشتغل منسقة كتب وروايات على برنامج Word من 3 سنين تقريبا
حاليا بشتغل في دار نشر واحدة لكن مقدرش أعتمد عليها كمصدر دخل لإني أجري غير ثابت وكمان فيه فترة ركود والشغل قليل وبعلن على شغل في صفحتي ومش بيجيلي شغل، وبعت ايميلات كتير لدور نشر في مصر ودور نشر برا مصر
بعت لأكتر من 77 دار
فيه اللي دار مبتدئة وأسعارها غير مناسبة ليا وفيه اللي عايزين انديزاين وفيه اللي مش بيردوا أساسا
أنا بشتغل كل أنواع الملفات من روايات وخواطر ودواوين شِعر وكتب عامة وقصص مصورة.
هل من نصيحة؟
لعرض السؤال في فدني اضغط هنا
السلام عليكم
"كلنا عشنا الفترة اللي حسينا فيها بـ اكتئاب حقيقي وضلمة مالينا، لدرجة إننا كنا متأكدين وفقدنا الامل تماما إنها مش هتعدي وخلاص يئسنا من بكرة.. إزاي قدرتم تعدوا البر التاني؟ وإيه أهم درس اتعلمتوه من الفترة دي ومكنتوش هتتعلموه لو كانت أيامكم كلها سهلة؟"وإيه اللى عرفتوه عن عنكم وعن قوتكم فى الفترة دي ومكنتوش تعرفوها قبل كده
آسفه على الاسئله بس ممكن تفيدوني ❤️🩹
لعرض السؤال في فدني اضغط هنا
"الحياة لا تسألنا عن سبب ما يحدث لنا، بل تسألنا: ماذا ستفعل أنت بما يحدث؟ ففي اللحظات التي لا نستطيع فيها تغيير الظروف، يبقى لنا أن نختار طريقة ردنا عليها. كل ألم نمر به يحمل معناه الخاص، وكل تحدٍّ هو فرصة لاكتشاف قوتنا الحقيقية. الحرية الحقيقية ليست في التخلص من المعاناة، بل في اختيار كيفية التعامل معها، وفي تلك اللحظة بين ما حدث وبين ردنا عليه، نجد أنفسنا قادرين على النمو والتغيير.
كل إنسان يمتلك سببًا ليعيش من أجله، ومن يملك هذا السبب يستطيع أن يتحمل أي صعوبة. الفشل ليس نهاية الطريق، بل درس يعلمنا الصبر والحكمة، والمعاناة ليست عقابًا، بل فرصة لصقل الشخصية والروح. لذلك، لا تنتظر الظروف المثالية لتبدأ، بل استخدم كل يوم وكل موقف لتصنع معنى جديدًا في حياتك. وحتى في أحلك اللحظات، يمكننا أن نجد ضوءًا يرشح الأمل ويقودنا نحو نسخة أقوى وأفضل من أنفسنا.
— من كتاب «الإنسان يبحث عن المعنى» ل فيكتور فرانكل"
لعرض السؤال في فدني اضغط هنا
عندي سؤال
هوا انا مثلا لو سألت سؤال قبل كدا و حابه احذفه او امسح فيه حاجات معينه هل عادي و في طريقه اعمل كدا ولا لا؟
عشان انا سألت سؤال بس مش عايزاه يفضل و كدا 🙂
لعرض السؤال في فدني اضغط هنا
سعي صح + قلب متوكل على الله + دعاء صادق =تحقيق النتيجة باذن الله
يقول ابن القيم "قدّر الله سبحانه لكل مطلوب سببًا، فمن أتى السبب على وجهه وصل إلى مطلوبه."
في ناس عايزة تحقق نتيجة معينة بس مش عايزة تمشي الطريق اللي يوصلها للنتيجة دي بتفاصيلها اللازمة كاملة
زي اللي عايز يرتاح بس مش عايز يواجه نفسه بالحاجات اللي مسبباله التعب …
عايز تنجح بس بتأجل وبتكسل…
عايز حب حقيقي بس مش عارف تحتوي ولا تفهم ولا تبذل مجهود وتسامح وتفوت …
ابن القيم قالها ببساطة:
"ربنا قدّر لكل حاجة سبب…
اللي ياخد السبب صح يوصل"
يعني مش مشكلتك إنك مش محظوظ…مشكلتك إنك لسه ماخدتش السبب الصح!
الدنيا مش دعاء بس ولا سعي بس…
الدنيا:
سعي صح + قلب متوكل + دعاء صادق = نتيجة في وقتها
إوعى تقف تقول "ليه مش بيحصل؟"
اسأل نفسك:
"أنا بعمل اللي لازم يتعمل… ولا باحوم حوالين الحاجة وخلاص ؟
اللي عايز يوصل بيمشي… حتى لو رجله بتوجعه
واللي عايز فعلاً…
بيتعلم الطريق مش بيشتكي منه
خد السبب صح وسيب النتيجة على ربنا
وقتها بس هتفهم إن التأخير مش رفض… ده إعداد من ربنا ليك عشان تكون مستعد تمام الاستعداد 💛
#وعي #تطوير_الذات #ابن_القيم #قوانين_الحياة #coachabouelenein #تعديل #CareerDevelopment #دين #islam
لعرض السؤال في فدني اضغط هنا
السلام عليكم عايزه اعرف اى سبب اللى انا فيه
انا اتفرضت عليا حياه مش عايزاها اتجوزت غصب عني كان عندي وقتها ١٦ سنه واتخطبت وانا ١٤ جوزي اكبر منى ب ١٤ سنه هتقولولى ازاى فى السن ده بس دي طبيعه الارياف البنت تتجوز وهى صغيره ومتعترضش اهلى طبعا الله يسامحهم محدش رضي انى افشكل بعد ما اتخطبت كنت وقتها فرحت اني هتخطب وكده طفله كنت وقتها وبعدها بأسبوع بالظبط حسيت اى اللى انا عملته ده سبحان الله مرتحتش ابدا وقتها واتجوزت و واول سنه جواز كانت كلها مشاكل وطلبت الطلاق كذا مره و برضو بيرجعوني عدت السنه وحملت ب بنتي الاوله و اتوفت بعد الولاده بسبب حماتي منعتني اني اروح اتابع عند دكتور وقتها وان هما كانوا بيخلفوا عادي من غير دكتور وكده الفتره دي كنت عايشه فى الصعيد وبعدين جيت عيشت هنا فى القاهره جوزي معاه خمس اخوات شباب كنت اانا وهو و اخواته و وبناتي الاتنين فى شقه وقتها كنت براعي كل واحد فيهم لحد ما اتجوزو نقلنا فى بيت عيله واكيد عارفين مشاكل بيت العيله وعدم الراحه او الخصوصية فيها ابدا انا دايما نضيفه فى شقتي و مش بعرف اقعد مكاني وفيه حاجه هتتعمل معايا حاليا خمس اطفال ونفسيتي بقالها فتره كبيره جدا تعبانه انا واولادي هما كمان مش مرتاحين ونفسيتهم زي الزفت وللأسف مش فى المقدره اننا ننقل مكان تاني دلوقتي بيتي دلوقتي مش نضيف ببقا شايفه حاجات المفروض تتعمل ومش بقدر اعملها دايما حاسه ان الشقه فيها طاقه سلبيه رهيبه وان برضو من الحاجات المهمه اللى كانت فى حياتي اني كنت ملتزمه جدا بالصلاه وقريبه من ربنا دلوقتي بصلي فتره واقطع وارجع تاني و هكذا مش عارفه حياتي متلغبطه اليوم متلغبط مفيش نظام فى بيتي ولا للأولاد حتي هما زي ممكن يصلوا فتره ويقطعوا انا من ساعت الجواز وانا دايما على خلاف مع جوزي ومشاكل على طول احنا مش متفقين خالص ولا فيه كلام بينا اتمني تقولوا رايكوا انا حاولت اختصر بقدر الإمكان @Mohamed Abouelenein
لعرض السؤال في فدني اضغط هنا
دا مش سؤال دا فدني
السلام عليكم ورحمه الله وبركاته
جتلي فكره ان التطبيقات المفيده او اللي بنستفاد منها نشاركها عسى حد تاني يستفاد لما عرف تطبيق منك انا هبتدي يلا
دينيه.
١ أذكاري:
دا أذكار وفيدوهات دينيه،واسئله دينيه ،واحاديث
٢ تطبيق نختم:
دا اول ما تفتح التلفون بيظهر ليك آية تقراها .تطبيق الشفيع اول ما تفتح التلفون يقولك صلي علي النبي
3 تطبيق الموسوعه الحديثيه:
دا تبحث على اي حديث يجبللك الحديث وحكمه والمصدر والراوي ولو الحديث مكذوب لو في بديل ليه صح يظهرر
تطبيقات تعليميه:
1انكي:
تعمل عليه فلاش كارد وتراجع من عليه المنهج
2 كويز ليت:
دا فلاش كارد بردو بس متخصص في الانجليزي اكتر كلمه وعكسها ترجمتها
3 ستوب سكرول:
دا بيتحكم في الريلز ممكن تحدد مده بعد كدا يقفل اي ريلز او تعمل حظر عامه
4 تطبيق شورت كات ميكر:
اي صفحه يوتيوب او فيس او سوشيال يعمل ليك اكنه تطبيق ويسهل عليك بدل ما تبحث
5 تطبيق mi mind:
لعمل الخرائط الذهنيه
6 تطبيق الطبي:
في اشهر الامراض وسببها وفيه مقالات صحيه وموسوعه ادويه تبحث على الادويه
اخيرا دول الحاجات المفيده عندي لو عندك حاجه مفيده قولها ممكن غيرك يستفاد
لعرض السؤال في فدني اضغط هنا
سؤال إجابته هتريحنى كتير
هي البنات الطويله طولها بيخفى جمالها
عشان أنا مركزتش قبل كده فى الموضوع ده
بس حاسس كده ، مجرد إحساس ، مع احترامى لكل الناس بالصفه دى انتوا على دماغى.
لعرض السؤال في فدني اضغط هنا
السلام عليكم ورحمه الله وبركاته
بقالي سنه لما بنام وبصحا من النوم بلاقي شعري مربوط في بعضه عقد كتير حرفيا ومش بعرف اسرحه على الرغم ان شعري ناعم جدا وطويل بس بسبب ان بلاقيه كدا ببقا مضطره ان اقصه لان بحاول افك العقد دي مش بتتفك وماما بتحاول كتير بردو يمكن بتتفك بس مش كلها ف بقصها والموضوع دا اتكرر معايا كتير لدرجه ان دلوقت بفك شعري لقيته من النص كدا معقد في بعضه ومش عارفه ايه السبب بصراحه..
سؤال تاني بقا
كنت بذاكر وبعدين حسيت فجأه ان مش عارفه انا بعمل ايه او بمعنى ان مش عارفه اتصرف ومش فاهمه حاجه من اللي بعملها وقاعده أتأمل الاوضه وخلاص حتى وانا بحل وكدا فتحت الكتاب وقفلته كتير مع العلم بذاكر جمب القرآن وحسيت ان جسمي واجعني فعلا اول مره احس كدا بجد حاسه ان مش عارفه انا عايزه ايه اصلا
لعرض السؤال في فدني اضغط هنا
السلام عليكم ورحمة الله وبركاته
انا بحب اعمل voice over بصوتي سواء اقرا شعر او نثر أو نص كتاب
ممكن حد يقترح لي مواضيع حلوه عشان أسجلها بصوتي سواء قصيدة أو شعر او نثر أو نص من كتاب عجبه يكون اللغه العربيه الفصحى
لعرض السؤال في فدني اضغط هنا
لعرض جميع الاسئلة في فدني اضغط هنا