السلام عليكم
طبعا ناس كتيرة عايزة تتابع مع دكتور نفسي بس الأسعار غالية
وزارة الصحة المصرية عاملين مبادرة للعلاج النفسي للكبار والمسنين والأطفال والمراهقين وكمان فيه قسم للإدمان، مجانا طبعا
لو حد مهتم ممكن أنزل طريقة التسجيل في الموقع واختيار الطبيب، كمان فيه خصوصية يعني المكالمة هتبقى بين المريض والدكتور فقط.
دي معلومة للإفادة.
لعرض السؤال في فدني اضغط هنا
السلام عليكم
أنا بشتغل منسقة كتب وروايات على برنامج Word من 3 سنين تقريبا
حاليا بشتغل في دار نشر واحدة لكن مقدرش أعتمد عليها كمصدر دخل لإني أجري غير ثابت وكمان فيه فترة ركود والشغل قليل وبعلن على شغل في صفحتي ومش بيجيلي شغل، وبعت ايميلات كتير لدور نشر في مصر ودور نشر برا مصر
بعت لأكتر من 77 دار
فيه اللي دار مبتدئة وأسعارها غير مناسبة ليا وفيه اللي عايزين انديزاين وفيه اللي مش بيردوا أساسا
أنا بشتغل كل أنواع الملفات من روايات وخواطر ودواوين شِعر وكتب عامة وقصص مصورة.
هل من نصيحة؟
لعرض السؤال في فدني اضغط هنا
أقتراح بودكاست أو playlist هادية تخرجني من كآبتي . يفضل دينية أو اجتماعية .
لعرض السؤال في فدني اضغط هنا
محتاجة مساعدتكم واجاباتكم جدا
السلام عليكم.
لو سمحتم يا حبايبي انا عايزة حد يقولي تفكيري صح ولا غلط منكم ، انا بعتبركم اخواتي وهسمع كلامكم واللهِ
انا بدرس بيزنس ولسه في سنة تانية بس انا سني كبير عن سن دفعتي سنتين يعني لظروف غصب عني ، حاليا عندي 21 سنة وماشية في الـ 22 يعني
انا بحب القراءة جدا و الكتب وتطوير الذات واخدت كورسات والحمد لله اللغة كويسة فيها والمايكروسوفت اوفيس كمان والناس حواليا بيقولولي حضوري حلو وطاقتي وطريقة كلامي حلوة ، انا نفسي بقا استغل نفسي ومهاراتي في شغل بس مش عارفة اشتغل أي بالظبط فممكن تدلوني؟
انا هتخصص MIS بإذن الله
يعني حاسة اني اقدر اشتغل مع الدراسة خصوصا اني معايا زمايلي بيشتغلوا عادي ف حاسة اني مش هقصر في دراستي بالعكس هيبقى يومي مليان وحاسة أنه لازم يبقالي حياتي وعلى الأقل اساعد بابا شوية في المصاريف برضو
آسفة طولت عليكم.
لعرض السؤال في فدني اضغط هنا
دا مش سؤال دا فدني
السلام عليكم ورحمه الله وبركاته
جتلي فكره ان التطبيقات المفيده او اللي بنستفاد منها نشاركها عسى حد تاني يستفاد لما عرف تطبيق منك انا هبتدي يلا
دينيه.
١ أذكاري:
دا أذكار وفيدوهات دينيه،واسئله دينيه ،واحاديث
٢ تطبيق نختم:
دا اول ما تفتح التلفون بيظهر ليك آية تقراها .تطبيق الشفيع اول ما تفتح التلفون يقولك صلي علي النبي
3 تطبيق الموسوعه الحديثيه:
دا تبحث على اي حديث يجبللك الحديث وحكمه والمصدر والراوي ولو الحديث مكذوب لو في بديل ليه صح يظهرر
تطبيقات تعليميه:
1انكي:
تعمل عليه فلاش كارد وتراجع من عليه المنهج
2 كويز ليت:
دا فلاش كارد بردو بس متخصص في الانجليزي اكتر كلمه وعكسها ترجمتها
3 ستوب سكرول:
دا بيتحكم في الريلز ممكن تحدد مده بعد كدا يقفل اي ريلز او تعمل حظر عامه
4 تطبيق شورت كات ميكر:
اي صفحه يوتيوب او فيس او سوشيال يعمل ليك اكنه تطبيق ويسهل عليك بدل ما تبحث
5 تطبيق mi mind:
لعمل الخرائط الذهنيه
6 تطبيق الطبي:
في اشهر الامراض وسببها وفيه مقالات صحيه وموسوعه ادويه تبحث على الادويه
اخيرا دول الحاجات المفيده عندي لو عندك حاجه مفيده قولها ممكن غيرك يستفاد
لعرض السؤال في فدني اضغط هنا
السلام عليكم ورحمه الله وبركاته
انا ثانويه عامه وطبعا عارفه ان الشهرين دول اهم من اللي فات يعني ممكن اللي كان من اول السنه مش متمكن اوي يبقا بيرفيكت ودي فرصه كويسه حابه ان الفتره دي تبقا من أجمل الفترات اللي عدت عليا في الثانويه محتاجه حد من الدفعات اللي فاتت يعني ممكن أقصي حد يكون خلص بقاله ٥ سنين بلاش علشان خاطري يبقا حد مخلصها بقاله ١٠ سنين او اكتر يجاوب بعد اذنكوا يعني حابه يبقا حد لسه كان بيخوض التجربه قريب وياريت لو حد من السنه اللي فاتت او اللي قبلها يجاوب على الاسئله دي هكون ممتنه جدا🥹💗 .
▫️أول حاجه أكمل منصه ولا سنتر!
مع العلم ان باخد عربي وفيزياء منصه ونزلت كيمياء وأحياء وانجلش واولي وتانيه كنت منصه يعني متعوده لسه بادئه جيولوجيا من ٣ ايام يوتيوب .
◻️ تاني حاجه عملت جدول لم المنهج في ٣٠ يوم مشيت عليه ٣ أيام منتظمين بس صعب اوي بصراحه واجبات سنتر مع مذاكره جديد وقديم ٣ مواد مثلا نص باب كيمياء مع اول درسين جيولوجيا والوحده الاولي نحو وبحل عليهم في نفس اليوم بفتكر شرح وبعدين بطبق الحل ودا سادس يوم ليا في الجدول خلصت من شويه نص مذاكره اليوم الرابع السؤال هنا بقا اكمل بالجدول ولا لا .
◽ بعيدا عن كل دا الكيمياء في السنتر لسه هيراجع يوم ٢٤ في الشهر دا والانجلش بيحل قديم بس معتمد علي اننا نجاوب السؤال الأول الاجابه B والتاني c وكدا يعني ويمكن كميه الحل بتبقا كتير احيانا مش بلحق احل كل دا في البيت ولما بروح السنتر اول لما المستر يقولي جاوبي بجاوب الاسئله بتاعتي بس فاهمين يعني مثلا لو هما ٢٥٠سؤال ممكن اخد نقطتين منهم بس علشان الباقي يجاوب وطبعا ببقا عايزه احل دة كله لوحدي وبعدين اراجع ورا المستر بس مذاكره للقديم بالجدول مع الجديد بصراحه الموضوع متعب اوي.
ولو اخدت منصه اعتقد ان هغير الجدول علشان امشي مع مراجعه الاونلاين وكدا واسمع الشرح الملخص اللي منزلينه للمنهج بردو علشان اكيد فيه أجزاء نسيتها وشايفه ان بتوع السنتر مش هيعملوا حاجهةغير اننا نحل وشايفه ان الكيمياء مثلا محتاجه وكل واحد بيحل بالدور بردو وفي الاخر هنحل ٤٠ سؤال مثلا علشان لو المستر هيوضح الاسئله ودا تضييع وقت.
***
⬜ قفلت الفون خالص وبعدت عنه يعني بقا عادي مش شاغلني خالص ومعايا اللاب بذاكر عليه وعليه الابليكيشن دا ومفيش حد من صحابي يعني الحمدلله مفيش تضييع وقت شبه الاول.
النهارده شيلت المذكرات اللي خلصت فيها حل الاسئله والاسكتشات اللي خلصت علشان احس ان الدنيا هاديه ومنظمة لكتب المراجعه بجانب ان فيه مذكرات تانيه بردو موجوده لسه جمب كتب المراجعه لو احتاجت حاجه من اللي شيلتها هرجع للكتب تاني بردو عادي ماعنديش مشكله.
◽ازاي اثبت الحفظ بقا عارفه ان طبيعي ابقا ناسيه بس لما برجع اقرأ بعدها ب ٤ ايام مثلا او اسبوع ببقا ناسيه خالص وخصوصا الأحياء بذاكر عن طريق ان اشرح لنفسي المعلومه واثبتها بالحل
اعمل اسكتش لكل ماده واكتب فيه الاسئله اللي حليتها غلط واراجعها ليله الامتحان مع الاسترشادي ولا يبقا اسكتش كله واقسم كل جزء فيه لماده وارجع للكتب اللي كانت معايا من اول السنه وكان واقف معايا اسئله واراجعها تاني ولا مش هتفيدني زي أسئله الاسترشادي والمراجعه
اخر حاجه علشان انتوا زهقتوا مني بس دي اول تجربه ليا وعايزه اكون طالعه منها كسبانه أن شاء الله 🥹💗.
***
اذاكر كام ماده في اليوم يعني اذاكر مادتين واحل عليهم في نفس اليوم ولا اذاكر ٣ في اليوم واحل عليهم اليوم اللي بعده عارفه ان دا مش هينفع مع نزول السنتر خالص بس قولوا الصح اللي انتوا شايفينه انتوا اكبر مني بردو وهتبقوا فاهمين اكتر مني💗💗.
كنت ناويه اشترك مراجعه منصه وانزل سنتر بس مش كله يعني الفيزياء مثلا والاحياء منصه وسنتر وممكن الكيمياء بردو ولا مش هلحق اعمل كدا وهبقا ضاغطه نفسي وظالماها؟
وهل ممكن اكافئ نفسي كل جمعه مثلا افتح الفون واتفرج علي كارتون بحبه او بودكاست ولا بلاش افتح الفون ولا ايه ؟
الاسئله دي شاغله بالي اوي يمكن من شهر ٣ وبصراحه مش عايزه اضيع الفرصه من ايدي عايزه اطلع من السنه دي وانا راضيه باللي عملته والنتيجه مش فارقه هي بتاعت ربنا اللي شايف لينا الخير دايما 🥹💗💗💗💗
لعرض السؤال في فدني اضغط هنا
السلام عليكم ورحمة الله وبركاته
انا بحب اعمل voice over بصوتي سواء اقرا شعر او نثر أو نص كتاب
ممكن حد يقترح لي مواضيع حلوه عشان أسجلها بصوتي سواء قصيدة أو شعر او نثر أو نص من كتاب عجبه يكون اللغه العربيه الفصحى
لعرض السؤال في فدني اضغط هنا
عايز اعرف لو تعلمت الماني اي الشغل اللي اقدر اشتغله غير كول سنتر ويكون بدخل كويس وياريت لو حد يعرف حاجه فريلانس يبقي فل
+ انا حاليا بقرأ كويس واترجم كويس بس لسه مش بعرف اتكلم اوي ولا بسمع كويس لازم يتعاد جمله مره كمان عشان افهم اشتغل عليهم ازاي لو حد عنده معلومه
لعرض السؤال في فدني اضغط هنا
اريد احسن دورة او برنامج عربي مجاني يعلم مهارات التواصل(communication skills)
ويكون محتوى قوي ومجاني.
لعرض السؤال في فدني اضغط هنا
افدني من معرفتك
تنصحوني بمهارات ايه اتعلمها علشان المستقبل و عايز شوية نصايح ليا لحياتي عموما وياريت اللي يقولي مهارة يقولي اتعلمها منين ويكون محتوى قوي ومجاني
لعرض السؤال في فدني اضغط هنا
السلام عليكم ورحمه الله وبركاته
كنت محتاجه تساعدوني في فكره لمشروع عندى في الكليه
المشروع عباره عن فيديو مدته ١٠ دقائق لازم الفكره تكون مفيده وجديده ولها فكره لاخصائي ويفضل يكون لها علاقه بالتكنولوجيا وتكون سهله في التصوير لانه عمل فردى ممكن أفكاركم وشكرا
لعرض السؤال في فدني اضغط هنا
السلام عليكم ❤️
أنا طالبة في ثانوى و كنت عايزه اشتغل بس مش عارفة اشتغل ايه وانا بتعلم بسرعة وكمان بحب الرسم والكتابة فممكن لو حد يقدر يساعدني أو يقول افكار .......
شكرا ❤️
لعرض السؤال في فدني اضغط هنا
عايزة ازود دخلي ممكن تقولوا لي افكار وتكون سهله ومش مكلفه
لعرض السؤال في فدني اضغط هنا
بدور علي مصادر تعلم شطرنج مجانيه بس بجد ملقتش غير مصدر واحد و مصدر ده بيرغي كتير اوي بعيد عن لعبه مع اني عايزه اتعلمها بس مصدر ده بيشرجه بطريقه ممله مفيش اي مصدر لتعلم احسن
لعرض السؤال في فدني اضغط هنا
السلام عليكم
ولاد خالتو قصيرين اووي وفي مشكله في النمو عندهم
وكانت محتاج دكتور غدد صماء كويس في اكتوبر او قريب شويه عشان تقدر تتابع معا
فلو حد يعرف دكتور ممكن يقولي
لعرض السؤال في فدني اضغط هنا
أنا كنت شغاله في شركه و كانت كويسه نوعا ما كنت بصلي و باخد بريك نص ساعه و كنت بقعد على كرسي والشغل كان من الساعه 5 الصبح الي 6 المغرب و انتو عارفين شغل الشركات انتاج و بتاع وكنت بروح و باجي عربيه تقريبا في ساعه و نص و مكنتش بدفع مواصلات دي عربيه الشغل و كان المرتب خمسه و نص فأنا سبت الشغل و دلوقتي لقيت شغل بعد فتره كبيرة في زي مول الشغل هيكون من الساعه 11 ل 11 و المرتب 4 ونص و احتمال يزيد لخمستلاف و هكون واقفه ومفيش انتاج ولا الكلام ده و جنب البيت فانهي الاحسن ليا لو حد مجرب أنا عندي 19 سنه
لعرض السؤال في فدني اضغط هنا
دلوقتي أنا معايا ليسانس لغة عربية وعايز اشتغل واجيب قرش كل ما اقدم فى شغل فى قطاع خاص يقولى مؤهل عالي لا فى ناس قالتلي على موضوع الدورس بس انا مش غاويها و معنديش مكان للدروس فمش عارف اعمل ايه
لعرض السؤال في فدني اضغط هنا
لو انا طالبة وعاوزه اي حاجه اعملها تفدني مع الدراسه تنصحوني بإيه
لعرض السؤال في فدني اضغط هنا
انا متعددة المواهب بشكل كبير لدرجه ان في كليات كتير ممكن ينفعوا لي شغفي عايز كام تخصص مع بعض الفكره اني شاطره الحمد لله في كل التخصصات الي مختاراها بس مش عارفه اعمل اي في نفس الوقت مواهبي مظلومه جدا لان محدش يعرف اني بعرف اعمل حاجه حتي غير اهلي
لعرض السؤال في فدني اضغط هنا
اي احسن الكتب ال الواحد يقرأها وبتوصف عن اي ياريت تفيدوني
لعرض السؤال في فدني اضغط هنا
شاركنا كتبك المفضلة
السلام عليكم ورحمة الله وبركاته
ما هي الكتب التي تنصحون بقراءتها؟ ولماذا؟
شروط الاقتراح:
1- أن تكون قد قرأت الكتاب بالفعل.
2- اذكر اسم الكاتب و المجال الذي ينتمي إليه الكتاب.
3- قدّم نبذة مختصرة عما استفدته من قراءته.
إن لم تُستوفَ الشروط، ضع اقتراحك في تعليق..
جزاكم الله خيرًا.
لعرض السؤال في فدني اضغط هنا
انا شخص ٢٦ سنه كل الي املكو في حياتي ٤٠٠٠ جنية دا فلوس كمان عايش منها عندي ظروف جسدية تمنعني اني أبذل مجهود كبير بس انا بدي دروس خصوصية ف مكان بيسرقني َوحرفيا داخل على انتحار اموري زي الزفت لا لاقي وظيفة ولا غيرو وتعبت اقسم بالله
اللي يعرف أماكن بتوظف اونلاين اي حاجة ممكن تهون علي الواحد الله يكرمكو عشان انا الدنيا صغيرة في عيني من زرة التراب
لعرض السؤال في فدني اضغط هنا
السلام عليكم و رحمة الله و بركاته
هسأل سؤال له علاقة ب ال time management و عايزه إجابة تكون من متخصص أو مُجرب أو شخص حتى بيسمع و بيقرأ عنها كتير و بعتذر مش حابه الإجابة تكون بناءاً على رأي شخصي أبدا.
هل الصح فعلاً إن الشخص يقسم يومه time booking ولا إن يخليه على to do list
من مميزات تقسم التايم بوكينج "اي تحديد وقت للمهمات متى تبدأ و متى تنتهي" إنه بيخلي الإنسان يبطل تسويف و يلزمه انه يخلص المهمة في وقتها و حتى لو مخلصش ف يبدأ يدخل على المهمه اللي بعدها ف وقتها المحدد ف يبقا حتى لو مأنجزش كل المهمات بس هو اخد من كل مهمه حبه على حسب مواعيدها
ولا الأحسن to do list اللي بيخلي مهامه محدده منغير وقت محدد بحيث لو حدث ظرف معين أو وجد فجأه إنه عايز ينام أو تركيزه وقف ف ياخد مهمه بسيطة و بعدها ياخد مهمه صعبه بدون وقت محدد كمراعاه إنه انسان طبيعي يتعب او جودة شغله تقل و هل ده هيخليه يسوف اكتر ولا لاء؟.
و ايه الأفضل في تقسيم اليوم
"وضع المهمه الصعبه أول اليوم" هيخلي الشخص كل ميسوف و يأجلها يحس ب ضغط زياده ف باقي اليوم بيحركه ان يخلص المهمه الصعبه و لما يبذل فيها مجهود كبير هيدخل على الأصغر حتى لو انتج في المهام الأصغر بشكل أقل بس كونه انجز مهمه صعبه ده ف حد ذاته كويس؟
و لا الأحسن "المهمه السهله في بدايه يومه" بحيث لو المهام سهله خلصها هياخد طاقة إيجابية و احساس بالإنجاز إنه يدخل على المهمه الأصعب ؟
و ايهما أفضل في تحديد موعد المهمة
هل الإنسان يحط للمهمه وقت أكبر لإنجازها أم اقل.
يعني لو مثلاً المهمه هتاخد ١٠ ايام ف هو يعمل الجدول على أساس هتاخد ١٤ يوم ، ف لو خلص المهمه قبل ال ١٤ يوم هيحس ب إنجاز يجعله يستمر ، و هيكون راعى ظروفه اللي ممكن تحصل
ولا يحط وقت أقل ذي مثلاً ٩ ايام بحيث يضغط نفسه و يتحرك على الأساس ده و يبدأ يوقف فكرة التسويف و تأجيل المهام لأخر وقتها.
طبعاً اسئلتي لا تعتمد على الوقت ف انا عارفه إن الفجر افضل وقت للتركيز و هكذا بس بسأل من باب إن ممكن الإنسان غصب عنه يومه بدأ من الضهر أو العصر لظروف خارج عن ارادته او لمهام ظهرت فجأة ف وقتها يتصرف ازاي و يقسم يومه ازاي.
حابه أجرب كل الطرق بنفسي و أعرف الأفضل و لكن عندي مهام كتيره لازم احددلها نظام معنديش وقت لتجربة أبدا ، فلذلك يا ريت الإجابات تكون مراعيه جداً فكرة اختيار النظام الأنسب بدقة لإن لو منجحش انا هضيع..
و كل سنة و حضراتكم طيبين و رمضان كريم عليكم
و حابه أسمع إجابة حضرتك يا دكتورة في الأمر ده @Mai Mahfouz و جزاكم الله خيراً
لعرض السؤال في فدني اضغط هنا
انا خريج كليه خدمه اجتماعيه سنه 2025 عاوز اعرف ايه الوظائف المتاحه واعمل ايه علشان تشتغل بشهادتي انا تقديري جيد جدا مع مرتبه الشرف وبقدر اتعلم اي حاجه بسهوله وبسرعه واقدر اتحكم في انفعلاتي وجسماني قوي يعني اقدر على اي ظروف شغل وكمان عندي مهاره في التحدث والاقناع
لعرض السؤال في فدني اضغط هنا
عايز تطبيق يقفل المواقع الغير مرغوب فيها وفنفس الوقت مقدرش امسح التطبيق ده ولا ارجع عن قراري
لعرض السؤال في فدني اضغط هنا
انا عايز اجيب هديه لعمتو اجبلها اي عشان مش عارف بس عمتو مش بيعجبها العجب انا نفسي اجبلها حاجه تعجبها لانها كانت زعلانه مني وكلمتني بس انا عايز اجبلها هديه عايز حد يساعدني في الموضوع دا يبقا كتر خيركم
لعرض السؤال في فدني اضغط هنا
السلام عليكم ورحمة الله وبركاته
أنا طالب في جامعة الأزهر وخصوصاً كلية اللغات والترجمه
أنا فاضل لي سنه على التخرج ولسه مش عارف أكمل في أنهى مسار مهني ومحتار بين الترجمة بأنواعها ولا تعليم الأعاجم ؟
وهل مهنة الترجمه بقت قليله في السوق وتختفي قريب بسبب الذكاء الاصطناعي ؟
مع العلم أنا في قسم اللغة الإنجليزية
يا ريت اللي يعرف يجاوبني لأني في حيرة شديدة من أمري
لعرض السؤال في فدني اضغط هنا
في فار صغير جدا دخل المطبخ جبت ليه لزق وشلت المطبخ ابن الحلال مستخبي اعمل اي عشان اجيبو خصوصا ان اتعرض عليه 200جنيه من امي لو قتلت الفار لازم اخد 200جنيه😂
لعرض السؤال في فدني اضغط هنا
انا عايزه اعمل مشروع ملابس ومنظفات وميكب
حد عارف مكان بيبيع بسعر كويس وابدا بكام اول المشروع. فضلا وضع اجابه مفيده وليس تعليقا
لعرض السؤال في فدني اضغط هنا
انا طالبه أولي جامعه وأريد وسائل مضمونه أبدا أجيب منها فلوس حتى لو دولار واحد ومع الوقت يزيد ... ••
ما الاشياء التي ساعدتكو في العمل الحر؟؟
ماعدا مواقع خمسات واللي يشبهها عشان التنافس عليهم عالي وأنا لسه في بدايه التجربة ولسه بتكسب خبره.
لعرض السؤال في فدني اضغط هنا
أنا شاب في عمر 20 سنه عايز اشتغل من البيت على التليفون حاولت كتير بس بتوه ومش عارف اعملها ازاي فهل ممكن حد ينصحني بخطه امشي عليها او حاجه اتعلمها في شهر اقدر اشتغل بيها او ينصحني بتطبيق اقدر اشتغل عليه بجانب جامعتي
لعرض السؤال في فدني اضغط هنا
السلام عليكم
أنا بقالي سنين كل ما أحاول أتعلم اللغة الإنجليزية مش بقدر أكمل فيها
وكمان لما بحاول أتعلم ذاتي ببقى مشتتة ومش عارفة إيه الأساسيات اللي المفروض أنجزها في المستوى الأول
وكنت بفكر آخد كورسات بس خفت مأستفدش منها أوي وكمان فيه مصادر كتير مجانية
ففكرت أشتري المجموعة دي
هل حد جربها قبل كده؟ أو حتى كتاب المستوى الأول بتاع ذامريكان انجلش؟
عندي أسباب قوية لتعلم اللغة الإنجليزية بس معنديش إرادة في حين فيه لغات تانية معنديش ليها أسباب بس حابة أتعلمها
وهل فيه حد اتعلم لغات أجنبية ومتعلمش انجليزي عادي؟
لعرض السؤال في فدني اضغط هنا
انا عاوز أغير لون الاوضه بس محتار اخليها اي انا الاوضه بستخدمها للمذاكرة والنوم بس انا حابب اللون الاسود وحاسس ان الاوضه تبقي فخمة خصوصا لو اديتها ليد فى جنب من الحيطان بس امي بتقولي هيضيق الاوضه ويقفل نفسك عن المذاكرة انتو شايفين اي الالوان الحلوه الي ممكن اعملها
لعرض السؤال في فدني اضغط هنا
السلام عليكم و رحمة اللّٰه و بركاته
اسألكم لترشيح بعض الروايات التي تصنيفها "خيال علمي" الغير مخالفة للعقيدة
و أدرك جيداً أن قراءتها ليست مفيدة كثيراً و لكني استعملها كنوع من "الترفية المباح" بعد الإنتهاء من واجباتي و الأوراد اليومية
و أعلم ايضاً انه لا يوجد أفضل من قصص الصحابة و سير الأنبياء و بالفعل في الوقت الحالي مُركزة على سيرة "أمهات المؤمنين" لذلك لا أرغب بإضافة سيرة شخص آخر معهم لإن ذلك سيشتتني
و إن كان لديكم ترشيحات متنوعة لنشاط بسيط لا يأخذ وقتاً طويلاً كالرسم و الخياطة و الطبخ
أو ترشيحات لقنوات يوتيوب ممتعة للمشاهده ف أفيدوني جزاكم الله خيراً
لعرض السؤال في فدني اضغط هنا
السلام عليكم ورحمة الله ♥
انا ف تانيه حقوق، بس سنه اوله مكنتش احسن حاجه معايا
وخاصة ان جالي اكتئاب بسبب اني محققتش حلمي ولسه لحد الان تعبانه بس في تحسن، المهم قلت أبدأ من جديد واتعلم فكنت دورت ع شغل وملقتش حتى بقالي سنه مش عارفه اطور انجلش بتاعي. فكنت لقيت كذا حد بيتكلم عن التداول فقلت ليه لا وانا ممكن استلف تمن الكورس وكده وقتها في حاجات كتيرر اووي هتتغير بس لما خاب ظني انا هتعب تماما فحد ممكن يقولي اعمل ايه؟!
لعرض السؤال في فدني اضغط هنا
انا في تانيه ثانوي وخلاص فاضل ترم وابقى تالته فعندي كام سؤال لاني تايهه ومليش حد يوجهني اعمل اي و اي اللي يخليني اجيب مجموع انا كنت عايزة علمي علوم ..ولكن انا مش عارفه هعرف اكمل ولا لا
لاني الترم الاول تعبت فمعرفتش اجيب درجات حلوة يعني جايبه في الفيزكس و الكيمستري 48 من 60 فانا شايفه ان دة مش هينفع معايا في علمي علوم فقلت مثلا انقل ادبي و لا اكمل
انا ماما بتقولي اكمل لكن انا خايفه لو كملت مجبش مجموع كويس انا هدفي النجاح هدفي فرحة اهلي واكون راضيه عن نفسي لكن انا مبحبش الادبي بصراحه فمش عارفه اعمل اي وكمان الافضل ادرس اونلاين ولا سنتر؟؟
انا حتى مليش صديقه تشجعني او تقولي نعمل اي انا حرفيا حاسه اني في بحر لوحدي وهغرق فارجوكم فيدوني
لعرض السؤال في فدني اضغط هنا
شباب انا كنت سألت قبل كده ازاي ألاقي شغل اونلاين
بس طلع الموضوع صعب اوي حد يقدر يختصرلنا تجربته وازاي ابدأ و ازاي عرف يلاقي فرص شغل كويسة خاصة سوق العمل الحر مش سهل ومحتاج حد خبير . وايه الكورسات اللي اخدها ممكن يفدني بيها
ياريت محدش يبخل علينا بمعلومة
وجزاكم الله خيرا
لعرض السؤال في فدني اضغط هنا
السلام عليكم
انا طالبه في اولي ثانوي و خلصت امتحانات و الاجازه المفروض اسبوعين اعمل اي علشان استغلها صح؟
خصوصا و انو عندنا مثلا الترم التاني هيبقي رمضان و العيد و زحمه و هكذا و كمان عندنا اللي هي ماده البرمجه و الذكاء الاصطناعي الخاصه بالمنصه و فيها منهج الترم التاني او الشباتر اللي فاضله معايا حوالي عشرين شابتر و كمان انا مستوايا في الانجلش كويس بس بواجه صعوبه ف الحاجات اللي بتحتاج حفظ و خصوصا الكلمات و دا لانه المنهج الجديد ف الإنجليزي معتمد ع الكلمات
و اخيرا انا بجد كنت عايزه أبدأ السنه الجديده كويس و لكن ضاع حوالي نص شهر و دا بسبب الامتحانات و كدا فأنا مش عايزه الاجازه تضيع ف اللعب و كدا و هي اصلا قصيره و ف نفس الوقت لو بدات اذاكر منهج اصلا فهيبقي في الاسبوع التاني منها
فكنت عايزه افكار استغلها ازاي صح و خاصة اني علاقتي مع ربنا مش أحسن حاجه و بالرغم اني بحاول بس بحس في حاجه قويه بتمنعني و متضايقه اوي من الموضوع دا و كمان ناويه إن شاء الله لحد رمضان او علي حسب يعني اني كل يوم أقرأ جزء قران
في النهايه آسفة لو طولت بس انا حياتي متلخبطه و محتاجه مساعده بجد و اني كمان ارجع للمدرسه بس بشخصيه أقوى و ثقه أعلى و بس شكرا جدا لكل حد هيقدملي اقتراح مفيد 🥹
لعرض السؤال في فدني اضغط هنا
محتاجه حد يكون جرب دكتورة ارشاد اسرى بعينها مش اعلانات
حد جرب دكتوره معينه وجابت نتيجه معاه ضرورى
مش مجرد دكتوره بتسمعوا عنها انها شاطره وخلاص
لعرض السؤال في فدني اضغط هنا
السلام عليكم
أنا عندي وقت فراغ كتير + عندي كمبيوتر و تابلت وموبايل وواي فاي سريع ومش معايا فلوس..
حبيت اسأل لو في طريقه استغل بيها الحاجات اللي عندي دي في اني اجيب فلوس ولو حتى مبلغ مش كبير بس اكون استغلتها في حاجه مفيده.
لعرض السؤال في فدني اضغط هنا
لو سمحتوا انا طالبة في كلية تجارة انجلش وكنت عايزه اشتغل من البيت(اونلاين)بمرتب ثابت
بس مش عارفه ابدأ منين أو ادور فين
كل اللي سألتهم بيبقى لازم ادفع مبلغ عشان اشتغل
انا بعرف اعمل جرافيك شويه وممكن اكون مسؤلة عن صفحات سوشيال ميديا بس مش عارفه الاقي فين
حد جرب قبل كدا حاجه زي دي؟
لعرض السؤال في فدني اضغط هنا
السلام عليكم ورحمة الله وبركاته.
أنا طالبة وبحاول ادور عن مسمى وظيفى معين عشان يدخلي دخل وفى نفس الوقت يكون عن بُعد .
أنا مش قادرة أحدد حاجة معينة عشان أبدأ فى تعلُم مهارتها .
مش حابة أي حاجة ليها علاقة بالسوشيل ميديا والتسويق .
وكمان التعليم هيكون صعب بالنسبالى لأنى معنديش مادة علمية أقدر أقدمها ولا حتى الأساليب المناسبة للشرح والتعليم .
كُنت بفكر فى حاجة تبع التحليل المالي ،و وتحليل البيانات التُجارية لكن فى نفس الوقت خايفة يكون الطريق طويل لأنى هقضي وقت كتير فى البحث و التعلُم وأنا محتاجة مصدر دخل .
وكمان معرفش حد أكبر وعنده خبره أسأله والبحث على الإنترنت بيقدم كلام فى العموم مش مسار فعلى
فممكن حد يفيدنى فى المجال دا ؟
أو اقترحات لمجالات أخرى ؟
لعرض السؤال في فدني اضغط هنا
عايز شغل جنب الدراسه اساعد بيه والدي لكن معنديش مهارة زي التصميم وغيرها شرط يكون ميزدش عن 3 ساعات
لعرض السؤال في فدني اضغط هنا
أريد افكار تخصصات لشركات ناشئة
لعرض السؤال في فدني اضغط هنا
ما هي أسهل لغة لتعلمها لعمر 13 ، كيف اتعلمها أثناء الدراسة ، .
مع العلم اريد تعلم ايضا الروسية و الاسبانية و الالمانية. اريد تعلمهم من جهة المحادثات و التحدث مع متحدثيها بليييييييز ساعدني لكن اقترح علي تطبيقات نادرة بديل كل المعروفين مثل دولينجو، مع العلم انا ادرس في كل ايام الاسبوع فاخرج على الساعة الرابعة و النصف مساء
لعرض السؤال في فدني اضغط هنا
محتاج تجربه لمشروع فعلي ناجحة ممكن أطبقها
لعرض السؤال في فدني اضغط هنا
أنا عايزه أشتغل من البيت بس مش عارفه ايه المجالات اللي ممكن اشتغل فيها
انا في الكلية وعايزه شغل بساعات عمل مرنه جدا لان كليتي صعبة وعندي امتحانات طول الوقت
عندي سؤالين
ايه المهارة اللي اقدر اتعلمها واشتغل بيها مناسبة مع اللي انا عايزاه
تاني حاجة ازاي الاقي شغل اصلا لان سوق العمل الحر صعب وغير مفهوم بالنسبالي
جزاكم الله خير
لعرض السؤال في فدني اضغط هنا
انا بدرس وعايز افكار عمل بجوار المذاكره
لعرض السؤال في فدني اضغط هنا
عايزة افتح مشروع "رحلات للسيدات" نطلع يوم صد رد رحلة ويكون سيدات فقط بس مش عارفة ابدأ منين خالص وازاي
هل حد فيكم عارف مصادر اقدر أبدأ منها؟
لعرض السؤال في فدني اضغط هنا
عايز تطبيق مجاني عبارة عن ان اعرض فيه موهبتي عليه.
لعرض السؤال في فدني اضغط هنا
لعرض جميع الاسئلة في فدني اضغط هنا