السلام عليكم..
انا من فترة اتسرق مني تليفون سامسونج جلاكسي S23 الترا هاي كوبي .. عملت محضر وتتبع وكل حاجة وكلمت محامي علشان يتواصل مع اللي واخد التليفون ويرجعه .. بس الراجل قاله إن التليفون وقع منه وباظ وهو عايز يدفع تمنه .. فالمحامي اتفق معاه ع 4000 جنيه .. كدا كويس ولا المبلغ قليل .. وهل بيتم إثبات المبلغ في محضر التنازل لضمان حقوق الطرفين ولا لاء ؟
لعرض السؤال في فدني اضغط هنا
انا كنت بعت قطعه ارض لان جاري كان علطول مشاكل وعاوز ياخدها بوضع اليد او في أحسن الظروف بالبخس
المهم اني بعتها ودلوقتي الجار بيقول انه هيرفع دعوي حق شفعه عشان ياخد الارض
والمشتري لما عرف عاوز يغير عقد البيع بسعر أعلى وعاوز يعمل صحه توقيع ....
انا دلوقتي اعمل ايه عشان اضمن ان المشتري ممكن يرجع في البيع ويطالب بالمبلغ المكتوب اللي مش حقيقي طبعا
هو برضو عرض نكتب ورقة ضد يعني ورقة مفاداها ان في حين الرجوع في البيع يتم دفع مبلغ كذا اللي هوا المبلغ الفعلي ونمضي عليه بائع ومشتري
وكمان انا باقي مبلغ في العقد لحين عمل الحيازة للارض واحد الورثة مش راضي يممضي علي ورق الحيازه فطبعا الجمعيه الزراعيه وقفت عمل الحيازه لكل الورثه فهل ممكن المشتري يرفع عليا دعوه بانه عايز الحياز
لعرض السؤال في فدني اضغط هنا
ما هو الضمانات القانونية التي تحفظ حقي لما أبي يبعيلي السياره لأن انا تحت السن وابي ولي طبيعي عليا
لعرض السؤال في فدني اضغط هنا
شركة عرضت عليا اخد توكيلها في محافظتي
وقولتلهم انا مش هاخد التوكيل بس هجيبلكم حد ياخد التوكيل مقابل عمولة
فمدير الشركة عرض عليا نسبة عن كل فاتورة ياخدها الشخص الي هجيبه فيما بعد
ايه شكل الاتفاق الي يضمن تنفيذ الكلام دن فيما بعد
السؤال للسادة المحامين
لعرض السؤال في فدني اضغط هنا
ازى اعمل استعلام عن نفسى بإن فى قضيه عليا أو لا
لعرض السؤال في فدني اضغط هنا
أبي عنده بيت قديم ملك وتوفي
كان عندي أخت أكبر مني توفت قبل أبي بعشر سنوات ولها أولاد وبرا بأختي أدخلتهم في إعلان الميراث
للعلم انا لم اتزوج حاليا اولاد اختي عايزين يطردوني من بيت أبويا لتقسيم الميراث ولما البيت مجبش سعر لانه داخل في التطوير قاعدين معايا عافية رغم اني لم أحصل على عائد من البيت لانه إيجار قديم
لعرض السؤال في فدني اضغط هنا
اي عيوب الخُلع للمرأه؟
لعرض السؤال في فدني اضغط هنا
السلام عليكم
واقف على الطلاق ومحتار مبين طفلة 3 سنين خايف عليها من نتيجة شبه مؤكدة في حالة الطلاق وزوجة مريضه نفسيا وانانية جدا وعنيدة وسليطة اللسان وغبية وكسولة جدا ورافضة التغيير تماما واهلها مرضى بأمراض نفسية اخطر واسوأ سيكوباتيين ونرجسيين وفصام واكتأب كل دي امراض موجودة عند اهلها اللي حال الطلاق بنتي حتكون مبينهم ولو اتراجعت عن الطلاق ورجعتها بعد المعاناة والتنازلات مش حخلص من غرورها وكسلها وسلبياتها اللي تعبت منها حالياً احنا متفقين تماماً على الطلاق ولكن اخرنا التنفيذ خايف اظلم بنتي وبردو خايف ارجعها واظلم نفسي لأن حتى فقدت الثقة بيها تماما.
لعرض السؤال في فدني اضغط هنا
اعمل ايه لو حد خدعني و فهمني اني هتداول فلوسي وبعتله الفلوس علي فودافون كاش و مردش عليا بعدها
لعرض السؤال في فدني اضغط هنا
أنا بعت موتوسيكل بتوكيل إلى واحد التوكيل الذى معه باعه إلى شخص آخر جانى محضر تبديد لان الرخصة باسمى ذهبت إلى الشخص الثانى وسألته لماذا لم ترخص او تغير ملكية قال لى. إن الموتوسيكل قد سرق ولم يعمل محضر بالواقعة ماذا افعل معه ولا يريد أن يعمل محضر حتى اقفل الملف بتاع المكنة ارجو الرد للاهميه القصوى مع العلم اننى اخذت منه التوكيل الذى معه ورخصة القيادة واستخرجت شهادة بيانات وبراءة ذمة المكنة ولم يوجد عليها اى مخالفات ومعى اصل التوكيلات الاول والثانى ماذا افعل حتى أخرج من المشكلة دية
لعرض السؤال في فدني اضغط هنا
أنا مرعوبه ومش عارفه اتلم علي اعصابي
جماعة أنا بقالي فترة ملاحظة في حاجه غلط علي موبيلي أن في حد بيفتح الفيس والواتس والايميل
بعدها عملت سوفت للموبيل واقيت رسائل على الموبايل إن كان في حد بيطلب الباسورد وكلمات الامان ومكنتش بتوصلي الرسايل دي
المهم في تطبيق علي الموبيل أنا عمري ما اشتركت فيه لقيت في حد مشترك فيه وكاتب عنوانه ورقم موبيله والشخص دا حد اعرفه
اقدم بلاغ فيه لانه كده معاه كل صوري وحساباتي والبطاقة وكل معلوماتي ولا اواجهه بس خايفه لما اواجهه ياخد احتياطاته قبل ما اعمل اي اجراء
مع العلم اني لما اكتشفت دا حذفت كل حساباتي اللي ع السوشيال وهو حس بكده وباين عليه
لعرض السؤال في فدني اضغط هنا
إنا مظلوم في شي وعايز يوصلي حقي بالإعلام والصحافة أنا اتوجعت كثير والله بسببو أنا عايز يساعدني آنو قضيتي تصل الرأي العام
لعرض السؤال في فدني اضغط هنا
لم يتم سداد ٤ اقساط فى الإعلان ١٤ هل فيه مشكلة
لعرض السؤال في فدني اضغط هنا
ازاي اثبت إن الشقه اللي انا ساكن فيها ايجار مش تمليك
حتى اتقدم بتظلم في سكن كل المصرين 5
لانه تم عد انطباقي للشروط بسبب عداد مرافق كهرباء وغاز باسمي
لعرض السؤال في فدني اضغط هنا
والدتى توفت من فتره طويله و والدى تزوج من شهرين سيده تصغره باكتر من 30 سنه و هي اللى طلبت الزواج منه. بعد الزواج اخبرت ابى انها حامل و جعلته يكتب لها كل فلوسه و فعلا حطلها كل فلوسه باسمها و كان ابى له ربع بيت والدتى نصيبه من الميراث فيها لاننا بنات فطلبت ان يكتب لها ربع البيت باسمها بيع و شراء و اتفاجئنا بذلك و كمان عرفنا انها مضته على وصولات امانه بمبلغ كبير احنا دلوقتى عاوزين نرجع ربع البيت لانه وصية والدتى لينا نحافظ عليه.
فهل لو كاتب لها فى عقد البيع و الشراء اللى هو صحه توقيع لو كتبلها الربع و محل زياده و ده مش حقه فهل لنا( باقى الورثه) نقدر نبطل البيع
لعرض السؤال في فدني اضغط هنا
انا عملت عمليه استئصال جزء من القولون ومركب فلانشه في الجنب
هل ليا جيش ولا هاخد اعفاء
وهل اروح بعد ما اخف ولا قبل ايه الافضل
لعرض السؤال في فدني اضغط هنا
انا بطاقتي انتهت ومفروض اروح الجيش ايه رأيكم أجددها الاول ولا اروح الجيش الاول
وهل ينفع تتجدد من غير موقف التجنيد
لعرض السؤال في فدني اضغط هنا
كان عليا وصلين امانه وبعدها اتقطعو ومضيت على 5 وصولات بـ 100 الف أي الضرر ليا او اي مصلحه المرابي انه يخلي 5 وصولات على 100 ألف بدل وصلين على ابيض
لعرض السؤال في فدني اضغط هنا
لو سمحتم ممكن محامي يرد عليه ويقولي الكلام دا مظبوط ولا
لو في واحده أرملة وعايزه تتجوز بس المعاش مش يسقط منها
في جواز عند المحامي بيبقى العريس وهي والشهود واهلها
وبيتجوز عادي
قدام الكل بس مش بيتسجل في المحكمة في فعلا حاجه زي كدا ولا هري الكلام دا
لعرض السؤال في فدني اضغط هنا
السلام عليكم
انا بواجه مشكله كبيره وهي ان من اسبوع بالظبط ويومين كنت محتاج لي فلوس فلقيت بالصدفه قدامي برنامج ليه اعلان علي انستجرام فحملت البرنامج وبعد ما صورت بطاقتي وش وضهر واتصورت سيلفي ودخلت رقم محفظتي وهكذا بعتولي ٣٨٥ جنيه ودلوقتي عيزني ارجعهم ٧٠٠
انا امتعنت عن الدفع لقيت أرقام بتكلمي علي الواتس اب الأرقام دي دوليه مش مصريه وبيتكلمو بيهددو وبعتتلي اسكرين شوت فيها صور بطاقتي وصورتي واسكرين فيها جميع الأرقام الموجودة علي موبيلي وقالو لو الفلوس متحولتش دلوقتي هنفضحك وكلام مش لطيف فقلت مش دافع برضو لقيت بعدها اصدقاء ليا مبعوت ليهم صورة بطاقتي وصورتي ومكتوب جنبها كلام اخر قله الادب وحاطين رقم والدتي في الصور دي وكاتبين انها بتعمل حاجات مش كويسه عشان تصرف عليا وتسدد قروضي واني اسف جدا قواد ليها وبعتو الكلام دا لي عدد كبير من الأرقام الموجودة عندي ودلوقتي أرقام برايفت بتتصل واللهجه مش مصريه خالص وبيتكلمو بتهديد وتسدد يا هتشوف ايام سوده هخليك تتمني انك تنتحر او يحصلك حاجه تشيلك من علي وجهه الارض انتا وأهل بيتك انا الموضوع دا بجد تعبلي نفسيتي جدا ومش عارف ولا فاهم حاجه والناس دي مين واخرهم ايه
اسم التطبيق هماليا او همالايا وعلي جوجل بلاي اسمه كريدت بوكس حد يقولي اعمل ايه واتصرف ازاي لاني بجد حاسس اني ممكن اعمل حاجه في نفس بسبب اللي حصل ومنظري اللي بقي مش كويس قدام اهلي واصحابي ارجوكم ساعدوني
لعرض السؤال في فدني اضغط هنا
عندى شقة ايجار قديم بتاعة والدى الذى توفى وقمت بتزويج ابنى فى هذه الشقة وبعد فترة من زواجه رفض صاحب العقار إعطاء إيصال ومن كلامه انه يهدد برفع قضية لإخلاء الشقة
لعرض السؤال في فدني اضغط هنا
لو حد عايز يتزوج واحده مصريه بس هي مسيحيه وهو مسلم بس هو من اليمن في دوله الصين وعايز يطلعها عنده في الصين بس ما يصير إلا بيكون بالزواج المدني عشان المعامله عبر السفاره ماهي الترتيبات اللازمة طبعا إذا لديكم معلومات حول هذا؟
ولكم جزيل الشكر التقدير
لعرض السؤال في فدني اضغط هنا
هل يعتبر التعهد بدفع عموله مقابل خدمة معينة من خلال الواتساب ملزم قانونا في مصر
لعرض السؤال في فدني اضغط هنا
السلام عليكم
انا عندى ١٧ سنه امى متوفيه وعندى اخت فى تالته اعدادي وأخت فى تالته ابتدائي ابويا بيعاملنى وحش جدا جدا وعلى طول بيشتمنى ويفضل يدعى عليا
انا فى تانيه تمريض انا كنت مخطوبه قبل كده وفركشت قبل وفاه والدتى وانا بيجيلي عرسان كتير جدا بس هتجوز وانا بدرس ومش هيبقى فيه أطفال وهنكتب عند محامى لغايه ما اخلص ونبقى نكتب رسمى بس انا خايفه انى اتجوز واندم بعد كده فمش عارفه اعمل ايه
لعرض السؤال في فدني اضغط هنا
دلوقتي انا تزوجت فتاه عرفيا وعقد كامل زي العقد الصوري انا وهي فقط واساسه الرضا والاشهار العقد فقط غير مكتوب عليه انه عقد زوج عرفي فأنا كتبت عليه بخط اليد ده يبطل العقد ؟ وهل لو العقد اتقطع كدا الجواز مع اني لم اطلق
لعرض السؤال في فدني اضغط هنا
انا شاب عندى ٢٤ سنة ومخنوق جداً جداً بسبب أهلى علطول بيأذونى بالكلام أو الضرب منذ الصغر وبيهددونى وحاسس انى من كتر الأذى هيحصلى حاجة وافقد عقلى واتجنن أو انتحر أو اقتلهم عشان ارتاح مش حاسس خالص بالأمان معاهم وحاسس أنهم ناوين على حاجة وحشة ليا لانى سمعت بعض الحاجات اللى بتدل على دا ومش عارف اعمل ايه والمشكلة انى معنديش وظيفة تكون مصدر رزق ليا بحيث انى اعرف استقل عنهم ولما حاولت اشتغل واسيب دراستى لحد لما تتحسن ظروفى هددونى و لما قررت اسمع كلامهم وارجع لدراستى برضو مش سايبنى فى حالى واى اختلاف معاهم بيطلعونى شيطان وبيهددونى بحاجات كتير زى الضرب وانو امى هتكلم خالى لانه عارف ناس وهتخليهم يضربونى وساعات ابويا بيقولى لو ممشيتش زى ما احنا عايزين هطلبك الشرطة وهقولهم انك بتضربنا وعمال يخوفنى فأرجوك ايه اللى ممكن اعمله بشكل قانونى يطلعنى من اللى انا فيه دا ؟؟؟؟؟؟؟؟
لعرض السؤال في فدني اضغط هنا
همووووت انا ظلمت نفسي ظلم بين واتجوزت راجل اكبر مني ب ١٨ سنه عنده ٥٤ سنه علي امل انه يعوضني اللي فات ويكون حنين عليا وانه عاقل وهيتحمل المسؤولية بعد ما اقنعني انه اتجوز تقليدي وان مراته مش كويسه ومش نضيفه وقاسيه ف المعامله حتي مع ولادها ومش بتركز غير في شغلها وانه هاجرها من ٥ سنوات وانه عرفها انه هيتجوز وخيرها واختارت تفضل علي ذمته
واتجوزت واكتشفت ان كل دا كذب واسوأ معامله وقال انه متجوزني متعه وكان يجيلي بعض الايام ساعه ياخد غرضه ويمشي وماكتب قايمه ولا جاب ذهبي ودلوقت علشان يطلقني عاوزني اتنازل عن مؤخري
اعمل ايه همووووت
ما كملتش جواز اسبوعين حتى
مش قادرة اعمل أي شئ في حياتي ...عاوزه اموت
حاسه اني بموت بالبطئ
عاوزه اموت كفايه انا تعبت اوي في حياتي وكنت متخيله اني اما اتنازل ربنا هيكافئني لكن العكس حصل
أنا تعبت وعاوزه ارتاح
مش عاوزه اي شئ من الدنيا
عاوزه اموت
لعرض السؤال في فدني اضغط هنا
ما هي المخاطر التي يمكن ان تعود علي عندما اقوم بتصوير البطاقة لـ إرسالها لـ وسيط لكي اعمل؟
لعرض السؤال في فدني اضغط هنا
انا كنت بشتغل عند حد من فتره تمام والشغل اللي انا كنت بشتغله فيه كنت بسحب حاجات على اساس تتخصم من المرتب بتاعي وكنت ساعات بسحب فلوس من الدرج المكان اللي انا كنت شغاله فيه كنت انا المسؤوله عن النظافه عن الكاشير كنت مسئوله فيه عن كل حاجه اتعرضت لضغط كتير من صاحب المكان اتعرضت عن ان هو كان بيجبرني اشتغل فوق ال 16 ساعه وشفته هو كان بيعمل ايه لما كان بيخلي ناس تمشي وتعوز تمشي من قبليها. فقررت امشي من فتره. وفي نفس الوقت قمت مشيت عدى على الحوار ده حوالي سبع ثمان. شهور. رحت اشتغلت في مكان ثاني وقررت ان انا اشتغل بس المكان اشتغلت فيه كان محترم جدا جدا شغل بمرتب كويس. ناس كويسين محترمين من فتره من حوالي شهرين لقيت مكالمه. قال لي هي متهمه. هي متهمه باقصى قضيه سرقه قلت له تمام قل لي مين اللي مبلغ على اساس ان نحل القضيه واديك قال لي لا والله تجيلي عند حاجه اسمها نيابه ستيفا. اه عشان هي هتتحبس وتعمل المهم ان الرقم ده فضل يتصل بيا فوق ال 30 40 مره في اليوم لمده 30 يوم ما عدا جون يوم الجمعه والسبت. لما لقيت ان الموضوع ساكت كنت انا كملت شغلي عادي جدا انا للاسف الشديد ما عنديش حد يقولي غير انا وامي وامي مريضه كملت شغلي اتفاجئت ان انا وانا في الشغل داخل عليا صاحب المكان طلب المدير اللي انا شغاله معاه حاليا. المدير طلعه اكلمه وورى له كاميرات ان انا كنت بسرق حاجات وان انا كنت باخد حاجات فوق الاكتر من 15 كاميرا وبيقول انا حطيتهم عند الموضوع اتحول للنيابه واعمل المحضر هناك في الاسم. والموضوع كبير بس عايز بطاقتها. نظرا ان الموضوع اصلا هو ما كانش معاه عنوان بطاقتي. فامن مدير وخد بعضه وقام جه وريني الكاميرات انا شايف الكاميرات الحاجات اللي انا كنت باخدها فعلا كنت باخد فلوس واحطها في جيبي الكوانا كان بيخصمها مني فعلا بس مفيش اي اثبات دليل كل اللي بيشوف الكاميرات يقول اصل انا ان انا شكلي قديم. اعمل ايه؟ انا محتاجه حل؟ وبعديها مشي فقرر المدير اللي انا شغاله معاه حاليا انه يطردني. وانا ما عملتش حاجه وعايزه اخد حقي ومش عارفه ان انا اجيب محامي نظرا لان المصاريف المحامي غاليه ومش عنديش حد كبير يروح يسال وانا كل اللي عندي اصلا 20 سنه.
لعرض السؤال في فدني اضغط هنا
أنا معايا عمى عايش بالسعودية و كفيل سعودى ومعاه 4 اخوات منهم والدى
ف فى فترة من الفترات كان بياخد مبلغ معين من الناس فى مقابل أنه يخليهم يسافروا السعودية ويشتغلوا هناك ف المهم خلال الفترة دى جات كورونا وكل تأشيرات السفر وقفت واتلغت ف بالتالى فى تأشيرات كتير عملها واتلغت بالفعل ف المهم بعد انتهاء فترة الحظر وخلاص انتهت فترة كورونا الناس اللى دفعت فلوس عاوزة تسافر وهو خلاص كل التأشيرات أتلغت ومش معاه فلوس علشان يرجعها لهم تانى ف حاليا الناس عاوزة فلوسها ف بقيوا يروحوا لأهله البيت يطلبوا فلوسهم خصوصا
لان الناس دى لما كانت بتحول له الفلوس كانت بتدى الفلوس لاخواته و اخواته يبعتوها له إلا والدى الوحيد اللى كان رافض تماما للموضوع دا ومعارض له وبسببه اعتراضه هو و عمى اتخانقوا ومتخاصمين ومش بيكلموا بعض
ف حاليا الناس مش عارفة تشتكى عمى بحكم أنه ف السعودية وكدا ومش هتقدر توصل له قاموا اشتكوا اخواته كلهم بما فيهم والدى بحكم أنه مفيش فى أيديهم اى حل تانى
ف عمى خاف على اخواته وبعت لهم فلوس الناس دى وهما دفعوها للناس إلا والدى كان الشخص الوحيد اللى عمى مرضيش يساعده أو يديه فلوس الناس اللى بتطالب بيها لأنهم متخاصمين و بسبب ذلك حكمت المحكمة على والدى بالحبس لمدة 3 شهور ( وانا مش عارف ازاى حصل كدا واتحكم عليه بالحكم دا خصوصا أن والدى كان الوحيد اللى مشتركش معاه ف الجريمة دى زى ما عملوا باقى اخواته ومفيش اى إثبات أو دليل أنه نصب على الناس دى أساسا دا بعيدا عن أنه معظم الناس دى ميعرفش اسماءها حتى لأننا عايشين ف مدينة بعيدة عن أهله )
ف دلوقتى كنت عاوز مساعدة فى موضوع والدى لانه حاليا الشرطة بدأت تتحرك علشان تقبض عليه واحنا مش معانا المبلغ دا علشان نرجعه الناس غير أنه مفيش اى ذنب على والدى أنه يقع فى مشكلة زى دى وهو الوحيد اللى معملش اى حاجة غلط فيهم وكمان هيضر فى شغله وممكن يطردونا من المدينة بسبب الموضوع دا و عمى رافض تماما يبعت فلوس لوالدى بحكم أنه عاوز ينتقم منه علشان رفض أنه يساعده وكدا
ف ايه الحل القانونى فى موضوع زى كدا ومعرفش ازاى المحكمة تحكم بحكم زى دا وهو ملهوش أي ذنب ولا علاقة بكل اللى حصل دا مجرد بلاغ كيدى من الناس علشان يجبروه يدفع الفلوس عوضا عن عمى مش اكتر والمشكلة الأكبر أنه لو فكر و دفع لواحد بس على الاقل ناس كتير هتروح تعمل نفس الحركة لمجرد أنهم لقيوه استسلم ودفع لناس هو ملهوش اى علاقة بيهم ف ايه الحل
لعرض السؤال في فدني اضغط هنا
السلام عليكم ورحمة الله وبركاته
انا اجنبي مقيم في القاهرة، وناوي اتزوج فتاة مصرية لم تبلغ السن القانونية. حابب استفسر عن توثيق عقد الزواج وهل يجزي الزواج العرفي او ممكن يسبب مشاكل مستقبلا؟
لعرض السؤال في فدني اضغط هنا
أنا روحت اتقدم لوحده وأبوها عايز يحط الدهب في القائمه ١٠٠ جرام
هل هنا في خطوره فما بعد؟؟؟
لعرض السؤال في فدني اضغط هنا
استماره 40
ما أمكانيه صرف التأمين من مصابى حادث أتوبيس نقل عام وكيف
لعرض السؤال في فدني اضغط هنا
رافع قضية إيصالات امانة علي شخص ما و اخدت حكم عليه من سنة و مفيش اي جديد كل ما اروح اسأل يقولولي لسه لما يستأنف و لحد النهاردة بيتقالي لسه ومش عارف اعمل ايه
هل الفلوس ضاعت عليا كده ولا فيه خطوة لازم اعملها
لعرض السؤال في فدني اضغط هنا
عاوزة أعرف إيه الاختلاف بين الزواج عند مأذون و الزواج على يد محامى.. ما الافضل بينهم و ما هي الفروق ؟ و ماهى الطريقه السليمة مع العلم إن الشخصين اللذين سيتم عقد قرانهم أعمارهم ٥٠ عاما تقريبا..
لعرض السؤال في فدني اضغط هنا
بابا متوفي وماما تزوجت عرفي من شخص علشان المعاش وحاليا حصل مشاكل بينهم واعتدى عليها تسبب لها في أذى وعملت له محضر وقالت انها كانت متزوجاه عرفى من سنتين وطلقها
وحاليا اهله بيهددوها انهم يرفعوا قضية عليها في التأمينات بس مش معاهم صورة أصلية لقسيمة الزواج معاهم صورة ع الفون
هل الصورة دى هيعرفوا يعملوا بيها حاجة؟
ولو عملوا حاجة كدا هى هتدفع السنتين اللى قالت عليهم في المحضر ويتشال نصيبها من المعاش؟
لعرض السؤال في فدني اضغط هنا
هل يتم استلام البطاقه الشخصيه عند فقد ايصال استلام البطاقه الشخصيه؟
لعرض السؤال في فدني اضغط هنا
انا اخدت منقولاتي الي انا جبتها فقط وطليقي طلب القايمه عليها اقرار مني بأخذ جميع ممتلكاتي وخلاني بصمت عليها بس انا بعتله قايمه مزوره وعليها اقرار مش بخطي بس البصمه تخصني هل هو يقدر يضرني بالبصمه دي وللعلم انا اتبهدلت بسببه وبسبب اهله كتير
لعرض السؤال في فدني اضغط هنا
هل أروح اعمل محضر أبويا فى القسم ؟
دلوقتي أبويا ضربنى و أنا عندى ٢٥ سنة و بنت و مش أول مرة يضربنى لدرجة مش اقوم من سرير بسبب ألم و الجروح و الكدمات اللى فى جسمى مع انى للاسف عايشة معاه و معنديش مكان تانى اروحه و عايزة اهرب من البيت و مش معى اى فلوس المفروض اعمل ايه و حاولت اتواصل مع حد من حقوق المرأة مش عارفة اوصل لحاجة و فكرت كتير فى الانتحار
لعرض السؤال في فدني اضغط هنا
السلام عليكم
انا حابه اشوف حل لمشكلتي احنا 3 بنات ابويا كبير بالسن، كنت بشتغل ممرضة مسنين ومرتبي كله للبيت. ماعندي مشكله لحد هنا، اختي جات تتجوز ومكناش مجهزينها، رحنا جبنا كل الاجهزه بالقسط ومضيت ايصال امانه بالمبلغ.
سددت جزء كبير منه وقعدت من الشغل بسبب تعب بابا حاليا الست عايزه تحبسني بالوصل بعت كل حاجه اقدر ابيعها وجمعت جزء ورافضه تاخده وبابا من وقت ماسمع انها هتبلغ جتله جلطه ممكن تقولولي اتصرف ازاي
لعرض السؤال في فدني اضغط هنا
انا 22 سنه يتيم امي متوفية من 20 سنه اتربيت ف صغرى مع خالتي ومكنتش اعرف انها خالتي لحد 2014 سنه الوفاة جاتلي صدمه وابويا مكنتش اعرف عنه حاجة مكنش بيسال فيا الا ف السنه مره .
خالتي توفاها الله ابويا اخدني اعيش معاه طلع متجوز وابويا كنت بسمع عنه حاجات وحشه أنه بخيل وبيحب الفلوس بس و ملوش عزيز
لحد وخهوا فعلاً بهية جدا
انا جبت مجموع حلو ف ثانويه من غير دروس بمجهودي
ومكنتش اعرف ازاى اقدم للكليه . فات موعد التنسيق المحدد و عدت 4 سنين و محدش ساعدني ابويا بيعايرني بكدا
ابويا كان مدرس عربي و بقا موجه ولما طلع معاش بدء يشتغل ف الخرده قال ايه عشان يحافظ ع الأراضي الل بيملكها
بيقبض معاش امي الل كانت مدرسه مع معاشه و مبيصرفش ع البيت و من قله الفلوس بيحصل مشاكل بينا وبقا كل واحد ف البيت ف طريق
احنا 3 اخوات و ابويا و مراته
وبزعق مع ابويا كتير
.السؤال ...
هل من حقي اطلب معاش امي منه
لعرض السؤال في فدني اضغط هنا
اخوات زوجى المتوفى متعنتين و مش راضيين يجيبو صور بطايقهم علشان اعمل اعلام وراثة واقدم على المعاش ما العمل
لعرض السؤال في فدني اضغط هنا
لو سمحت، لو كنت عامل توكيل لمحامي كضامن علي قرض تم إستلافه وهو دلوقتي اشتكي بموجب التوكيل ده وصدر حكم غيابي ومحدش عمل عليه معارضة، هل لو رحت أطلع فيش وتشبيه ممكن يتقبض عليا وهل الفيش هيطلع فيه الحكم ده ولا لازم اعمل معارضة علشان ميطلعش؟
لعرض السؤال في فدني اضغط هنا
ازاي اعمل اعلان وراثة لضمان الحق ؟
لعرض السؤال في فدني اضغط هنا
السلام عليكم ورحمه الله وبركاته
انا مطلقه رفعت قضيه على طليقي انا قعدت اربع شهور بس هو اتجوز على العفش بتاعي وجايبين لي عفش قديم وانا رحت التسليم كذا مره ورفضت لانه قديم فالمحامي دلوقتي يساويني بالنسبه للعفش والنفقات انا جايبه عفش كتير جدا هو اتجوز عليه فانا رفضت استلم العفش ده وطلبت بداله ان هو يدفع حق العفش هم رافضين هو عليه أحكام بس مش بتنفيذ فانا مش عارفه اعمل ايه حد يفيدني
لعرض السؤال في فدني اضغط هنا
انا نفسي ادخل شريعه وقانون وودي تكون دولي بس ايش الفرق الي بينهم وهل الدولي مناسب
لعرض السؤال في فدني اضغط هنا
خالتي يوجد عندها شقه في نفس البيت مع امي في بيت جدي ويوجد خلافات بسبب الميراث وليس الخلافات مع امي وخالتي هذه فقط بل الخلافات مع جميع الاخوات الخمسه مع بعضهم البعض ولكن خالتي هذه تأتي إلى البيت يومين فقط في الأسبوع وتقوم بفتح باب شقتها وكل لما ماما او بابا او انا أو اخوتي حد ينزل او يطلع السلم من عند امي للشارع تقوم بشتمه بأشد الألفاظ وقفل الباب في وجهه ولا احد يقوم بالرد عليها خوفا من الذنب احيانا واحيانا اخري ان احنا مش هنعرف نرد بمثل هذه الألفاظ البذيئه فما الحل معاها
لعرض السؤال في فدني اضغط هنا
في حالة الحكم غيابيا عليك في قضية جمارك وكان الحكم غرامه ضعف ثمن السلعه.. هل تسقط القضيه التقادم؟؟؟
لعرض السؤال في فدني اضغط هنا
أنا طالبة في كلية الحقوق بجامعة الإسكندرية، وكنت منذ الصغر في مدارس لغات، لكن بسبب ظروف كبيرة في العائلة التحقت بكلية الحقوق باللغة العربية بدلاً من اللغات. بصراحة، أنا سعيدة بدراستي هناك، ولكن لا أرغب في نسيان اللغات التي تعلمتها، خاصة الفرنسية والإنجليزية. إذا كان لدى أي شخص نصيحة لتطوير لغاتي، فليتفضل بمشاركتي. للأسف، لم أستفد من هذه الإجازة الصيفية في حضور أي دورات بسبب ظروف عائلية.
أرغب فعلاً في أخذ دورات وتطوير نفسي، لكن لا أعرف من أين أبدأ. عائلتي تقول إنه لا يزال الوقت مبكراً للتركيز على الدورات، ويجب أن أركز فقط على دراستي. كما أنني لا أملك أصدقاء يقدمون لي نصائح حول أفضل الأماكن التي يمكنني أن أتعلم فيها أو كيفية البدء.
أتابع بعض الأمور على الإنترنت، لكني أريد التأكد من أن الدورات التي أحصل عليها ستفيدني في سيرتي الذاتية. بدأت أيضاً في جمع المال لأبدأ من السنة القادمة. فهل يمكن أن ينصحني أحد بما يجب أن أف
عله؟
لعرض السؤال في فدني اضغط هنا
حصلت مشاده كلاميه بيني وبين واحد على الفيس بوك.
هوا قالي انت لو تعرف حاجه عن الاحترام كنت....... الخ
انا رديت عليه وقولت. انا محترم غصب عنك وعن اللي ربوك.
هل كده من حقه يعمل محضر سب وقذف ؟
ولو انا غلطان. جزاءها في الاخر ايه ؟
لعرض السؤال في فدني اضغط هنا
لعرض جميع الاسئلة في فدني اضغط هنا