مريم رجب

اتكلمي مع أخصائية نفسية هتساعدك كتير وربنا معاكي ويصبرك يارب

تقدري تتكلمي مع أخصائية نفسية هنا وتقوليلها تفاصيل أكتر علشان تساعدك

گان في دكتور ناشر الروشتة دي لعلها مفيدة ليكي

طبعاً تحولي الموضوع لبابكي مباشرةً وتقولي له إن في شخص جه طلب منك رقمه وانتي أديتله الرقم، وباباكي راجل واعي وكبير وعنده خبرة أكثر منك بكثير لو شاف الشخص ده مناسب هيوافق لو مش مناسب مش هيوافق. وساعتها لما باباكي مش هيوافق الشخص ده هيبعد عنك تماماً. كمان نصيحة مني أوعي تاخدي رقم حد متعرفهوش تاني، ولو هيحصل لأي ظرف متفتحيش مجال نهائي نهائي للنقاش وبلاش نقاش جانبي انتي لسه صغيرة وكويس إنك وقعتي في شخص محترم، لو بعد الشر موقف ده حصل مع شخص مش محترم كان بجد العواقب هتبقا بشعة أرجوكي خلي بالك من نفسك اكتر من كده وبلاش أمان زائد. وبلاش تنزلي تقابلي حد ولا حتى تركبي مواصلات مع حد متعرفهوش في أشخاص مريضة في أشخاص ممكن تركبي معاهم باص أو ميكروباص عام وتكتشفي أن كل في ميكروباص أو باص تبعهم، ممكن تطلع بعد الشر عصابة، تجارة أعضاء ألخ. أرجوكي لا تستهوني بالموضوع الموضوع بقا منتشر خلي بالك ومتعمليش كده تاني أنا بنصحك علشان خايفة عليكي، حافظي على نفسك البنت في سن ده الناس بتستغل حسن ظنها وبتبقا عواقب وحشة.

ده جدول عبادات بسيط اعملي بنفس طريقة وألزقي على مكتبك بنفس الطريقة كل يوم تصحي تخلصي صلاة معينه تعلمي بالقلم الرصاص على مربع هتحسي أنك عايزه تعملي وتنجزيهم كلهم لان ده هيعزز عندك الشعور بتحفيز مخك للإنجاز، في نهاية اليوم رجعي انتي عملتي ايه ومعملتيش ايه وخلي عندك تحدي انه في اليوم الجاي هتعلمي على كل دول مش هتسيبي حاجه فيهم، عادي لو في الاول مش عارفه تلتزمي اوي متخليش شيطان يضحك عليكي ويحسسك بالفشل. عن نفسي لما بتكاسل في عبادة عنداً في شيطان تاني يوم بعمل ضعف مجهود في العبادة دي اليوم تاني وهي دي الإرادة الي عايزها تبقا عندك. مهم تعلمي برصاص وفي بداية يوم جديد تمسحي الي عملتي عليهم علشان تبدأي تعلمي على عبادات اليوم الجديد. ربنا يوفقك ويحقق لك كل الي بتحلمي بي انل واثقة انك هتقدري توصلي يوما ما

ف career coach دي بتقعد معاكي وبتساعدك تعرفي انتي ايه ميولك وايه نوع شخصيتك وايه هدفك ومجال مناسب ليكي كونك تحددي ده بدري وتقدري تكتشفي نفسك هيساعدك كتير فكل الي بتقولي عليه وفتحقيق أهدافك واختياراتك في الحياة. هنزل بوست قريب جدا هتكلم فيه عن موضوع ده إن شاء الله وهنزل لينكات فيها اختبارات بتحدد شخصيتك وميولك زي ميولك اتجاه الفن او اتجاه التحليل والاكتشاف وكل هذا بيتم بناء عليه فيما بعد مجال مناسب ليكي. اول ما انزل بوست ده هكون حريصة اني هبعتلك اللينك هنا. ولتقوية علاقتك بربنا ابدأي بحفظ القرآن الكريم مع معلمة قرآن سواء في اقرب مسجد ليكي وده الافضل لبناء صحبة صالحة او حتى اونلاين، هشارك معاكي جدول عبادات بسيط هشارك صورته في أجابه اخرى هيساعدك جدا في الالتزام. ثانياً اسمعي بودكاست لياسر الحزيمي، اسمعي معتز مشعل، اسمعي لابراهيم الفقي الناس دي ممتازة في مجال التنمية البشرية وتعطي كاقة إيجابية وتفسير كل ما تمر بي في حلقاتهم على يوتيوب والأهم من ذلك أن مرجعهم الدين.

اولا عايزاكي تعرفي كونك ١٥ سنة ده انتي لسه صغيرة والحياة مجرتيش بيكي زي ما انتي حاسه ولسه قدامك عمر طويل إن شاء الله تحققي كل الي نفسك فيه فخدي نفس عميق كده وتأكدي أن مفيش حاجه فاتتك وبدل الفرصة الواحدة هتلاقي مية في انتظارك والشاطر الي يعرف يستغلهم بهدوء. إحساسك ده كلنا مرينا بي واحنا قدك المشاعر المتلخبطة والسؤال بيتردد على ذهنك انا ايه هدفي وعايزه اطلع ايه لما اكبر وازاي ابقا ناجحة؟، فعايزاكي تعرفي ان دي هرمونات فترة المراهقة بتلعب دور كبير اوي في الحتة دي وكمان في الغضب الي وصلي من كلامك، جايلك من مستقبل وبقولك لما هتكبري هتعرفي ازاي تتأقلمي مع بيئة أهلك ودي البيئة الوحيدة التي يجب تأقلم معاها من ناحية التعامل وليس شرط أن يكون تأقلم ده انك تكوني شبهم في تفكير او الأحلام وهتقربي منهم اكتر وكل الإنسان لما بيكبر والعلاقات قوة ترابطه مع اهله بتزيد ويكتشف هي علاقة الوحيدة التي يجيب الاستثمار فيها، ممكن تحفيز الي بتتمني انه يجي من أهلك هما نفسهم ميكنش عندهم وعي بي مش مدركين مدى اهميته زي ما انتي ما شاء الله متعلمة ومدركة مدى اهمية التحفيز والتشجيع، فممكن تبحثي حتى لو على صديقة واحدة تكون شريكة الرحلة شبهك ومهم مهم يبقا حد شبهك علشان تعرفي تتأقلمي متصاحبيش ناس مش شبهك واتعلمي تحطي حدود لنفسك اتعلمي ازاي لما اكون ازاي ابعد عن حد ابعد عنه فعلا مش هو يجبرني على قربه مني، متسابيش مدرستك خليكي فيها وخلي عندك إرادة إنك تقولي لا انا مش قابله بعلاقتي بيهم وترفضي علاقتهم دي سواء بشكل مباشر او غير مباشر بتجاهلهم. طب بحثت كتير وملقتش حد شبهي، إذا اكتفي بذاتك وبعلاقتك مع ربنا فقط وتحسين علاقتك مع أهلك لا تقبلي بما لا ترغبي فيه، لعدم توافر ما تبحثين عنه.

خدي بالك لأن مرض ده بيتنقل بسهولة بلاش تبوسوا حد من باقي عيلتكم علشان ميتنقلش لي كل حاجه خاصة بيكم لوحدكم فقط حتى انتوا الاتنين كل حاجه ليها حاجتها لوحدها متقلقيش انا بنت اختي جالها المرض ده والحمدلله ربنا شفاها إن شاء الله ربنا يشفيكم ويعافيكم ولو انتي حاسه العلاج مبيجبش نتيجة يبقا لازم تروحي لدكتور تاني في اسرع وقت علشان اعراض متزدش عليكي

نصيحة توجه لدكتور نفساني بأقرب وقت ممكن و ان شاء الله تتحسن و أيضا قرب من ربنا اكتر ابدأ في حفظ القرآن و تفسير الآيات هتفرق معاك جامد

بصي انا معنديش معلومة بصراحة بس اكشفي افضل و اطمني بردو احتياطي روحي لدكتور مخ و اعصاب ممكن يكون لي علاقة بموضوع ده و اتصلي بصيدلية العزبي الخط الساخن و دوسي علي رقم الي يوديكي للاستشارات الطبية و قولي الي عندك ده و شوفي هينصحك بأيه و حاولي تشوفي جروبات يكونوا فيها دكاترة بيردو علي استشارات كده

بصي يا حبيبتي لازم في فترة الخطوبة دي تحطي نقط علي حروف و كل شئ يبقا واضح و متخجليش من انك تكلمي في حاجه زي دي لأن كلمة الي هتطلع منك دلوقتي هيتبني عليها حاجات بعدين و الي مش هتكلمي و هتوضحي من الاول من دلوقتي مش هيبقى ليكي حق تتكلمي فيه بعدين فأنتي تقوليله بشكل مباشر انت شايف احتياجات البيت و ان شاء الله لما نخلف احتياجات اولادنا و كل ده علي الراجل ولا ست و بناءً علي اجابته و بناءً علي مدى موافقتك علي اجابته خدي قراراك و ناقشي و لو معرفتيش توصلي معاه لل انتي عايزاه و موضوع مرضاش نفسك يبقا قوليله ان وضع مش عجبك و انك مش موافقة علي كذا كذا رضي و اقتنع اهلا و سهلا مرضيش يبقا كل شئ قسمة و نصيب

بصي انا مقدرة مشاعرك جدا فعلشان كده هنصحك الاول تشغلي نفسك علشان احساسك بأنك محتاجة له و مش عارفه تمشي يومك من غيره يروح علشان تفكري صح و توزني الامور طب هتعملي كده ازاي؟ هقولك ألعبي اي نوع رياضة بتحبيها و لو مفيش روحي جيم، مارسي هوايتك المفضلة و طلعي فيها طاقتك، انزلي كورس في مجال انتي مهتمة بي، فكري في انك تبدأي تحفظي القرآن الكريم اي حاجه من دول هتساعدك ان تتشغلي و تعدي التجربة دي و لما هتعديها هتكتشفي ان قرار الابعتاد ده الصح و ان ده الشخص الي مش مناسب ليكي و ان الحياة فيها ناس احسن منه بكتير انتي بس دلوقتي مش قادرة تتخيلي الحياة من غيره و ده بسبب احتياجك لي عاطفياً و في غشاوة معمولة علي عقلك مع انك مدركة لكل شئ و طبع غلاب مستحيل يكون اتربي مع اسرة زي دي يكون مأثروش عليه و لو بالواحد في مية الانسان مهما كان بيتأثر بالبيئة الي عايش فيها فهل ده جو العائلي الي عايزه ولادك يكبروا و يتربوا فيه في مستقبل؟ هل دول الأسرة الي هيكونوا عيلة الاب لولادك؟ هل مامته الي غلطت فيكم دي ترضي ان ولادك يقولوا لها يا تيتا؟ ارجوكي متخليش قلبك الي بيحكم فقط و متتسرعيش ابعدي عن موضوع و خدي وقتك في تعافي من تجربة و اشغال نفسك بعدين ارجعي فكري في فكرة الارتباط تاني ساعتها بأكدلك مليون في مية أنك مستحيل هتفكري ترتبطي بالشخص ده تاني و مش هتندمي انك بعدتي عنه و هتحمدي ربنا انهم بانوا علي حقيقتهم عايزاكي تفتكري ان ده شريك حياتك عارفة يعني ايه؟ يعني الي كل يوم هتصحي تلاقي موجود جنبك و ولادك هيشيلوا اسمه و اسم عيلته

بس عايزاكي تفهمي الفجوة الي بينا و بينهم و عايزاكي تعرفي تخلقي معاهم حوار ناضج و نقاش هادي بعيد عن اي عند و توصليلهم الي انتي حاسه بي زي ان يا ماما انا عايزاكي تثقي فيا قوليلها انك حاسه انها مش واثقة فيكي بسبب ان هي بتراقب موبايلك شوفي هتقولك ايه افهمي وجهة نظرها

ازيك عاملة ايه يارب تكوني بخير🤍 أولا قبل اي حاجه عايزاكي تعرفي معلومة ان كلنا و احنا بنات في سنك مرينا بال بتمري بي و نفس احساس تملك و تحكم من الاهل بس لما كبرنا فهمنا أن ده كان خوف منهم علينا من الي بيحصل حوالينا في دنيا و بقينا نشوف الدنيا من وجهة نظرهم و فهمنا ان طريقة تربيتهم لينا الي كانت ساعات كتير اوي بتدايقنا كانت دي محاولة منهم من انهم يحمونا من الدنيا، بس في نفس الوقت مقدرش اقول انها طريقة صح بس الي اقدر اقوله ان كل واحد بيربي أولاده علي قدر معرفته و جيله يعني انتي ان شاء الله لما تكبري و تتجوزي و تخلفي هتربي أولادك بطريقة مختلفة تماماً زي أمهات الجديدة دلوقتي كده بيقرأوا في التربية الحديثة و علم نفس و في توعية رهيبة دلوقتي بكل شئ لكن امهاتنا احنا الي هما من جيل مامت حضرتك مختلفين تماماً انتي لازم تبقي واعية بالنقطة دي علشان كده مامتك لما بتقوليلها دكتور نفساني هي في دماغها ان دكتور ده هيجننك لان ده للأسف المفهوم الغلط الي كان منتشر زمان. ف أول حاجه عايزها منك تفهمي ان في فجوة كبيرة بينك و بينها في الأجيال و مصطلحات و المفاهيم، طب الحل؟ ان اغير مفهاميها بعد السن الي هي وصلتله ده؟ أن اجي اقولها الصح و الغلط؟ لا خالص و اوعي تعملي كده اول حاجه هتيجي في بالها انك مش بتحترميها و بتعدلي عليها و كل كلام ده الي اكيد سمعتي مية مرة، الطريقة الوحيدة لحل موضوع انك تعرفي ازاي توصلي معاهم لوضع يرضيكي و يرضيهم و تتناقشي معاهم بطريقة الصحيحة الناضجه الي من غير عناد، و ده هينقلنا للنقطة العند انتي قولتي انك حد عنيد جدا جدا و ده يبرر طريقة تصرف الي بياخدوها معاكي الي هي بتأذيكي نفسياً و جسدياً كمان. بصي انا مش هقولك هما صح و استحمليهم لا اعرفي أن مش صح حد يمد ايده عليكي او يهينك و ده حقك من ناحيتهم، بس بردو استني حقهم الي عندك فين بقا؟ زي ما هما مش من حقهم يضربوكي و يعاقبوكي بالطريقة دي، انتي كمان مش من حقك تعندي و تتعبيهم معاكي مش من حقك تأذيهم فيكي. بصي هما دي طريقتهم في الحفاظ عليكي و علي مصلحتك يعني بابا عايزك تلبسي الحجاب ماليزي غصب عنك ليه؟ علشان شايف ان ده بيقربك من ربنا و بيحافظ عليكي و بيسترك بس هو مش عارف يوصلك كده فبيوصله بطريقة أمر انه بيأمرك بكده و خلاص مفيش نقاش طب هل هو كده غلطان؟ ايوة بس لو بصينا لسنه و لجيله و النقطة الي كلمتك بيها فوق هتلاقي نفسك فهمتي وجهة نظره و راعيته و عرفتي كمان تتعاملي معاه. بصي انا فاهمه كويس إحساسك بالتحكم ده و انك مش عايزه تحسي ان حد ميسيطر عليكي و ده احساس كلنا مرينا بي و احنا في سنك و الي هو سن المراهقة فده احساس طبيعي بس خلينا نبص كده لكل حاجه في الدنيا و هنغير اسم الشخص الي بيتحكم فينا ل ولي أمرنا اي حد بيتولد سواء ولد او بنت مش بيبقا لي ولي امر؟ طب لقدر الله بعد فترة ولي امر الي هو الأب توفي؟ الأم تروح تعمل وصية علي بنتها يعني هي المسئولة عنها قدام القانون لحد ما تم ٢١ سنة و تبقا وصية علي نفسها طب ده في قانون الدنيا طب عند ربنا بقا؟ ربنا هيحاسب ماما و بابا عليكي ربوكي تربية صالحة ترضي ربنا ولا لا، طب مامتك و باباكي دول مش كانوا زيك بردو و ليهم ام و أب و بيأمروهم و بينهوهم؟ لو بتكلمي عن الامر و نهي في ده شئ مفروغ منه علشان احنا كلنا مش بمزاجنا ان نسمع كلامهم ولا لا ربنا أمرنا بكده لو عايزين رضي ربنا يبقا نراضيهم و اكيد سمعتي كتير عن عقاب ربنا لعقوق الوالدين، ربنا أمرنا منقولهمش حتي أف بس كده طب تفتكري بقا انتي لما تصبري علي الحجاب الي باباكي أمرك بي علشان ترضي ربنا طبعا أول حاجه ثم ترضي باباكي كده انتي ملكيش اجر عند ربنا؟ طب تفتكري ان اصلا اي وجع او ألم انتي حاسه بي دلوقتي ربنا مش حاسس بيكي او مش بيديكي عليه اجر علشان انتي صابرة علشان ترضيهم؟ صدقيني ربنا رحيم اوي و حاسس بيكي و بكل معاناة الي في قلبك قربي من ربنا و صلي و احكيله كل الي مدايقك، و صلي قيام ليل ركعتين كده قبل الفجر واحكي لربنا علي كل الي مدايقك و نفسك فيه و مستحيل ربنا يردك صدقيني بيعمل معجزات والله و عن تجربه

أولاً أسمحلي أحييك عن عدم استسلامك و مواصلة دراستك في مجالات مختلفة على رغم من ضغوط النفسية الي اتعرض ليها. ثانياً الجملة الي قالها ابن عمك هي جملة فقط استخدمها كحجة لكسب الجدال لصالحه فقط لاغير و حتي يضعف وضعك في الموقف، و هو علي يقين تام بأنك على علم و على صواب. كمان نصحيتي لك لا تجعل أحد يهز ثقتك بنفسك، يجب أن ينبع تقديرك لذاتك و لمجهودك من داخلك أولًا، و إذا حدث لن تتأثر أبداً بأي كلمة من الآخرين. ولا تسمح لأحد بأن يقلل منك، رد عليهم بكل احترام و قل "رحم الله امرئ عرف قدر نفسه"، و أنا عرفتها ولا أهتم لأشخاص هدفها الوحيد هو تقليل مني. نأتي لمسألة الشهادة عندك حق انك قولت في اصحاب ملايين و معهمش شهادات و ده واقع فعلاً، لكن بدا لي من كلامك أنك تشعر بداخلك أن ينقصك أمر الشهادة فقط و عندما يأتي أحد و يذكرك بالأمر، يزعجك الأمر نفسياً، فسأقترح عليك أمر إذا كانت ظروفك تسمح الآن لتكملة دراستك و دخول للجامعة الحصول علي شهادة فما المانع إذاً؟ لا يُهم ما سنك الآن فهناك الكثيرون مروا بظروف و لم يكملوا دراسة و لكن بعد ذلك واصلوا. تستطيع أن تستفسر عن هذا الأمر في بلدك و عن الإجراءات و تواصل الدراسة و تستطيع أن تواصلها بالمنزل إذا كنت لا ترغب في الذهاب للجامعة. أتمني لك التوفيق...

ازيك يا حمزة عامل ايه يارب تكون بخير الفترة دي و احسن

أتمني حد من من اخصائيين نفسيين في فدني يتواصل معاها هنا و يساعدها

بص الاول عايزاك تعرف حاجة أن الناس المتنمرة دي بيبقا عندها مشاكل نفسية يعني ناس مش ساوية و بيطلعوا عقدهم دي علي الناس الي حواليهم علشان يحسوا بالقوة، ف الاول خليك مدرك أنهم مش صحيين نفسياً، طب نيجي بقا لأهم نقطة انتي مفروض تتعامل مع نفسك الاول ازاي؟ متستغربش اني بقولك كده بس انت لازم تعرف ازاي تتعامل مع نفسك الاول علشان تعرف تتعامل معاهم يعني ببساطة بدون تعقيد خالص دلوقتي حد جه فيهم و اتنمر عليك علشان وزنك، فبيجيلك احساس انك كاره نفسك و كاره شكلك و عايز تتخلص من جسمك ده حالا دلوقتي طب هل ده شعور صحيح؟ ابداً دلوقتي الي تنمر علي شكلك ده هو اصلا عنده مشكلة مع شكله يعني هو اصلا بيكره شكله ف بيكرهك انت كمان في شكلك و لما بيلاقيك فعلا بتدايق و بتبدأ تكره شكلك، هو بيحس بأنه جميل و احلي واحد في دنيا لكن في الحقيقة الاحساس الي بيحسه ده احساس مزيف تماماً و لما انت بتدايق بيوصل لغرضه علشان يحس الاحساس ده يعني هو بيرمي احساس جواه ليك علشان يحس هو بتحسن. حاول تقرأ كلامي كويس و لما هتفكر هتعرف أنه فعلاً الاحساسيس الي جواك الي مخلياك كاره شكلك دي مش حقيقية و دي مكنتش جواك قبل ما الشخص متنمر ده او الناس الي زيه تظهر في حياتك و قبلها كنت متقبل نفسك عادي. فأنت محتاج تقعد مع نفسك و تفكر أن فعلاً انت شخص جميل سواء تخين او رفيع او أيا كان شكلك لأن شكلك ده الي بيميزك عن غيرك انا مش هعرف اميزك عن غيرك غير عن طريق شكلك و ملامحك و كل ده، و خليك عارف انك حتي لو خسيت الشخص ده هيفضل يتنمر عليك بردو مش علشان انت وحش لا علشان هو الي وحش و هو الي ماشي بيأذي في الناس شوف ممكن يكون جرح كم واحد غيرك بكلامه و تنمره ده؟ و صدقني هتكبر و هتعرف أن الناس مبتعجبهاش حاجة خالص و مهما حاولت و سعيت مش هتعرف توصل أنك ترضي كل الناس و هتلاقي الي بيحبك و الي بيكرهك و الي هيقدرك جدا والي هيعمل زي زميلك و يتريق عليك و مهما نجحت و عملت هتلاقي بردو كده هي دي الحياة

كويس انك خد بالك انك مهمل في مادة و متيأسش من المادة و حاول بكذا طريقة لحد ما تلاقي حل و اوعي اوعي تهمل الإنجليزي بالذات بص هي مش هتيجي بحفظ الي هو زي بتاع زمان و ورقة و قلم و تقعد تكتب لانك ببساطة ممكن تقعد تحفظ كلمات من هنا لسنة جاية و في الاخر مش هتيجي منهم في الامتحان علشان انت عارف نظام ال open book طب ايه الحل؟ أولا تغير المدرس علشان انت مش فاهم منه متكملش مع حد انت مش فاهم معاه و مبتستفدش اي حاجة ده في اي مادة عموما مش الانجليزي بس بعد ما تلاقي حد كويس ان شاء الله "متاخدش وقت في تدوير علي مدرس + مفيش مدرس مثالي هيديك كل حاجة أهم حاجة تفهم الجرامر لو لاقيت مدرس بتفهم منه الجرامر و بتعرف تحل و ركزلي علي بتفهم منه الجرامر مش بيحفظهولك بالاجابات امسك فيه و اوعي تسيبه" المهم بعد ما تلاقي المدرس ده ان شاء الله انت بقا دورك في كلمات دي تقرأها بالمعاني بتاعتها بعدين تبدأ تحل عليها كتير جدا سواء قطعة او سواء choose و ده مطلوب منك طول السنة في كلمات انك تحل عليها كتير طريقة حفظ كلمات بالعموايد و تكتب في كلمة مية مرة دي طريقة مبقتش نافعة في نظام جديد خلاص علشان انت عبقال ما تخش علي كلمات ال unit جديد هتكون نسيت القديمة خلاص و اتبخرت ف انت لازم تحل علي القديم و جديد في كلمات و بكدة هتثبت اكتر و ربنا يوفقك ان شاء الله

أولاً ربنا يرحم والدك و يغفر له يارب بصي اتواصلي مع أخصائية نفسية و ده علشان هي هتساعدك في تخطي الاحساس بالذنب الي انتي بتمري بي خصوصاً أن عدا سنة علي الوفاة و انتي مش قادرة تتخطي الاحساس بالذنب ف هي هتساعدك و هستمعك و كده و في برامج تقدري تحجزي مع أخصائية نفسية اونلاين زي برنامج أسمه شازلونج بس طبعا الأول قولي لمامتك و ان شاء الله هي هتتفهم الموضوع و تساعدك. بالنسبة لموضوع انك حاسه بالذنب لأنك مكنتش بتشوفي كتير في الفترة الاخيرة اعرفي أن ده كان غصب عنك وقتها و كان علشان دروسك وقتها و أن شاء الله بعد عمر طويل ليك هتشوفي في الجنة و كل ما تفتكري ادعيله كتير اوي علشان ده الي هيوصله دعائك لي و تصدقيله حتي لو بجنيه لأي حد غلبان، يقول النبيُّ ﷺ" إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له"، ولد صالح في الحديث هنا بمعني أن حد من أولاده صالح و قريب من ربنا يدعيله بالرحمة و المغفرة. احساس انك خايفة متشوفيش الي بتحبيهم بسبب انشغالك ده، في فكرة بسيطة كده ممكن تحددي يوم في الاسبوع تكوني فاضية فيه تكلمي كل الي بتحبيهم في موبايل و تطمني عليهم، أما بالنسبة لأهل بيتك اقعدي معاهم في اوقاتك الفاضية بدل مثلا ما تقعدي علي سوشيال ميديا و كده و قربي منهم و عبريلهم عن حبك ده كله هيساعدك في انك تبقي احسن و تتخلصي من احساس الخوف ده. اما بالنسبة للشخص الي بتحبي ده، في كذا حاجة تدل أن ده مش حب حقيقي أولا انتي في مرحلة مراهقة و لما هتتخطيها بنسبة ٩٠٪ الشخص ده مش هتبقي معجبة بي بعد كده، تاني حاجة انتي محتاجة حد جنبك علشان كده ممكن تنجذبي لأي حد بسهولة بحثاً لحد يسمعك و يقف جنبك في الفترة دي بس خلي بالك ارجوكي و لما تلطبي المساعدة من حد اطلبيها من حد موثوق لأن حطي في بالك أن ممكن احتياجك لحد جنبك في الفترة دي يوقعك في ناس مش كويسة لقدر الله

بصي هو انا علي حد علمي يعني أن كلية آداب قسم علم نفس مينفعش تخشيها إلا لو أنتي أدبي بس لان بيبقا فيها امتحان الاول علشان تتقبلي فيها لكن اتأكدي بردو...

اختار الي مناسب لظروفك يعني لو ظروفك متنسابش مصاريف الخاص متضغطش علي اهلك و تخشها و خش معهد فني صحي او تقدر تخش كلية بعيد عن مجال طب عموماً حكومي بص بمنظور أوسع شوية و دور علي كذا حل و بديل و ربنا يوفقك ان شاء الله

ازيك عاملة ايه يارب تكوني بخير وأفضل حال🤍 بصي أولا عايزاكي تعرفي ان حياتك مبظتش ولا حاجه و أنك لسه قدامك حاجات كتيرة في الحياة حلوة لسه مشوفتهاش بعيد عن محيط البيت، في اصدقاء جميلة هتقبليهم صدفة هيهونوا عليكي كل حاجة وحشة، ان شاء الله ربنا يرزقك بزوج يعوضك عن كل شئ وحش شوفتي فحياتك مبظتش لا انتي لسه قدامك كتير اوي. الي مامتك بتعمله ده هي الي هتتحمل ذنبه هي شخص بالغ و كبير و واعي و عارفة هي بتعمل ايه كويس ف هي الي هتتحمل نتيجة اخطاءها تجاهلي الموضوع تماماً عارفه انك مدايقة و جواكي شعور صعب بس انتي مش في ايدك انك تكلمي معاها في موضوع ده من الي بتحكي اعتقد أن هي هتاخد رد فعل قوية جدا اتجاهك فالافضل انك تتجاهلي الموضوع و هي تتحمل نتيجة خطاءها بالنسبة لكل ذكريات السيئة الي مريتي بيها متفكريش فيها كتير بلاش تعيدي كل حاجة مريتي بيها من اول وجديد و نفس مشاعر كل حاجة سئية عيشتيها تاني لان ده هيدمر نفسيتك يعني المطلوب منك انك متغرقيش في الذكريات دي متخلهاش تدمرك خلاص ده في الماضي نقدر دلوقتي نشوف الحاضر و نركز علي الي جاي في المستقبل و نشوف نقدر نعمل فيه ايه طب لما تراودك الذكريات دي بين حين و آخر؟ ممكن نزعل و ندايق و يجيلنا احساس بأننا عايزين نعيط كل ده طبيعي مش بقولك اعملي عكس كده بل بالعكس ادي لمشاعرك حقها و عبري عن مشاعرك لكن حذاري تغرقي فيها و تبقا هي دي حياتك محبوسة جوا ذكريات الأليمة دي كمان هقولك علي حاجة بخصوص الترويق و كده، عموما في العادي انك تقعدي في مكان مترتب و حلو نفسيتك هتبقا احسن بكتير ف خلي دايما المكان الي بتقعدي فيه انتي او بتنامي فيه يبقا مترتب و حلو حتي في اصغر تفاصيل هيريحك نفسياً، نيجي بقا لنقطة الترويق دي انا فاهماكي كويس اوي ان المسئولية كبيرة عليكي و أنك حاسه بضغط و عايزه مامتك حتي تساعد معاكي مترميش كل حاجة عليكي بصي تعالي الاول نشوف علاقتك بمامتك نقدر نصلحها ازاي؟، جربتي قبل كده تحكيلها عن مشاعرك يعني تطلبي منها ان لو سمحت يا ماما محتاجة اتكلم معاكي و تبدأي تشرحيلها الي جواكي و مشاعرك بدون خوف جربتي تعملي كده؟ و اخر حاجة تواصلي معايا و انا ممكن اقدر اساعدك في موضوع الكتابة بما إنك شاطرة فيه🤍

خدي ردات فعل قوية اتجاه اي تصرف من تصرفاته حتي لو كان صغير بحيث يوصله انك شخصية حادة و يعرف حدوده معاكي كويس و احذري أنه يخدعك بلطفه في مرة من المرات ف تتعاملي معاه كويس دايما خلي ردات فعلك قوية و حادة و تجنبي اي محادثات جانبية معاه او اي موضوع برا العمل عن طريق نظراتك الحادة و تجاهل الرد عليه و لما يبصلك بطريقة مش كويسة بصي في عينه بظبط مباشرة بطريقة حادة

بصي انا معنديش معلومة تفيدك في منتجات لأن معنديش تجربة حلوة مع منتج قبل كده في موضوع ده بس حبيت اقولك حاجة تانيه🤍 صراع ان وشنا يبقا صافي صراع مش هينتهي و هنطلع في احنا الي في الاخر الخسرانين يعني ببساطة لازم نتقبل وشنا و نحبه زي ما هو كده السوشيال ميديا حطلتنا مقاييس للجمال مش صح و مش حقيقية وشك بيتعرض لعوامل كتير اوي ممكن تعمل في تصبغات او حبوب غير الجو المترب الي وارد يعمل حبوب بس ده مش معناه ابدا اني بقولك اهملي وشك لا حلو اننا نهتم بي و نسعي انه يبقا صحي و احسن بس هيبقا احلي لو بنهتم بي علشان احنا بنحبه و عايزين نحافظ عليه مش علشان احنا بنكرهه و عايزين نغيره و مش متقبلينه و بالمناسبة انا كمان بعاني من نفس المشكلة دي و بستخدم غسول بس مقدرش انصحك بي علشان لحد دلوقتي مشوفتش نتيجة منه لو بعد فترة من الاستخدام شوفت نتجيه هقولك عليه🤍

أولا لازم يومك بالنهار يكون طويل و بتبذل في جهد علشان لما يجي ليل يكون الجسم استهلك طاقته و يلجأ للنوم يعني الجسم عامل زي بطارية موبايل بالظبط لو فضلت تستهلك طاقته بالنهار هيجي الليل و هيفصل شحن و هيلجأ للنوم. و متستناش نومك يتظبط علشان تبدأ تعمل روتينك اليومي او اشغالك لا ابدأ اعملهم حتي و هو متلخبط. تاني حاجة لازم تحاول تشتغل عليها تبعد تماماً عن موبايل في يومك خصص ساعتين في اليوم ساعة بالنهار و ساعة بليل متاح فيها تمسك موبايل بس غير كده باقي اليوم لا. بس موضوع محتاج وقت يعني في الاول اشتغل علي نفسك بس في انك تحاول تقلل عدد ساعات الي بتمسك فيها موبايل و في كمان حلية جميلة اوي ممكن تستخدمها قبل ما تنام تجهز الحاجات الي عايز تعملها في ورقة و تكون حاجات معقولة و منطقية زي مثلا انك تكتب الصلوات الخمس و انك هتقرأ صفحتين من قرآن بكرة و صفحتين من كتاب ما ممكن تشوفها عدد قليل و يبقا عندك رغبة في انك تقرأ عدد صفحات اكتر في الكتاب بس لازم تحدد بظبط عدد صفحات و مش مهم كمية علي قد ما مهمة الاستمرارية و خلي في الأول عدد قليل علشان متكسلش او عقلك يوهمك ب ان احنا ورانا حاجات كتير اوي او تحس انك تبدأ ده شئ صعب خليهم حاجات سهله و تنجزها بسرعة علشان يبقا عندك دافع تعمل حاجات تانية و ترتب المهام دي علي حسب اولوياتك و هكذا ده هيخلي عندك دافع انك تصحي تنجز الحاجات دي علشان انت عملت مهام ليومك و اول ما تصحي ابدأ نفذ اول مهمة من دول و لما تخلصها زي صلاة الفجر مثلا علم عليها صح ده هيخلي في دافع عندك انك تخلص باقي الحاجات تانية، الطريقة دي هتساعدك في انك تستعيد روتينك اليومي تاني و انك تجعل لنفسك اهداف حتي لو بسيطة خالص زي دي و ان شاء الله اما ترجع روتينك اليومي تاني ابدأ حط اهداف اكبر زي مثلاً انك عايز تتعلم حاجة جديدة و ابدأ دخلها في روتينك اليومي بشكل بسيط. و علشان ترجع تصلي ان شاء الله تاني خلي مصلية دايما مفروشة في ركن في البيت انت غالبا بتبقا قاعد في و خليك متوضي دايما ده هيبعد عنك فكرة الكسل عن الصلاة و في ابلكيشن اسمه stay free بيعرفك انت بتقعد وقت قد ايه علي موبايل و بتستهلك وقت قد ايه في كل تطبيق و ده هيساعدك في انك تقلل من وقتك علي موبايل و في كمان اوبشن انك تقفل تطبيق ما و كل ما هتفتحه هيطلعك من تطبيق ده و ممكن تخصص وقت معين لكل تطبيق زي ١٥ دقيقه مثلاً كده من عليه و بعدين بيطلعك تلقائي

سؤال مهم ليه خايفة تقوليله اقعد معايا؟ هو ده دوره اصلا انه يطمنك و تلاقي وقت ما تحسي انك محتاجه ضهر و سند و أمان هو ده دوره الطبيعي. اطلبي منه قوليله الي بتمري بي و فهمي ان الاحاسيس دي غصب عنك و دي هرمونات حمل و انك محتاجاه في الوقت الي بيقعدوا تحت مع صحابه يبقا معاكي فيه بس اطلبي ده بكل ودّ

اطلبي مصحة نفسية تيجي تاخده و بلغي مصحة بحالته دي و قوليلهم ممكن يضربكم لو تعرفوا تجيبوا شرطة معاكم جيبوا و متسكتيش بجد هو ده انسب حل ليكم و لي علشان هو اكيد بيتعاطي حاجة

الأول لازم تطمني علي صحتك عند دكتور شاطر بعدين لو مطلعش في حاجة ألجي لشيخ و يكون مصدر ثقة و اقرر تاني شيخ و ليس دجالين الي بقوا موجودين اليومين دول ممكن تسألي في جامع قريب منك لو في شيخ يقدر يساعدك او يكون شيخ مصدر ثقة انتي تعرفي

الكلية دي لو جت يبقا دي الخير ليك طب لو مجتش؟ مش الخير ، عارفة انك سمعت كلام ده كتير و انك عارفه بس مش هتدركه غير لما تخلص الثانوية و ربنا يكتبلك الخير في كلية ما هتعرف ساعتها معني كلام ده . يعني ببساطة لو ربنا شايف ان مستقبلك في كلية دي هيكتبلك الخير فيها و العكس صحيح. مثال عليا مثلاً طول عمري كنت بحلم بكلية ما بعدين كبرت بدأت افكر و انا في ثانوية عامة هو انا عايزه الكلية دي فعلاً؟ هبقا مبسوطة و انا فيها؟ ولا ده مجرد حلم طفولة و من انا صغيرة و بس ؟ و حقيقي كنت تايهة و كنت بدعي يارب انا عايزه الكلية الي تكون الخير ليا و اعرف احقق ذاتي فيها. بعدين جت ثانوية و خلصتها و نتيجة مكنتش مرضية خالص بالنسبة لي مع إني عملت كل الي عليا ساعتها فضلت اعترض و اقول يارب ليه انا تعبت طب انا قصرت في يوم؟ طب كان مفروض ابذل مجهود اكبر؟ و خد وقتي في الحزن و طبعا زعلت علشان احنا بشر و لازم ندي لمشاعرنا وقت بس غلط نديلها وقت زيادة عن اللزوم و سيبك من الناس الي تقولك قوم و متعيطش و عافر لا عيط و ازعل و تخلص من كل مشاعر دي بس بعدها قوم و اوعي تقع،بس صدقني دلوقتي بعد ما دخلت الكلية أنا لو خيروني بين كليتي حالياً و كلية الي كنت بحلم بيها هختار كليتي حالياً بكل رضي ، علشان ببساطة لاقيت نفسي فيها و ان ايوة هو ده الي انا عايزاه و الايام ثبتتلي ان كلية الي بحلم بيها علي طول مكنتش تنفع بنسبة ١٪ معايا لأسباب كتير اوي ف بقول الحمدلله يارب انك اخترتلي الخير ليا. لكن علي جانب آخر لو جتلك الكلية الي نفسك فيها يبقا هي مكتبولك الحمدلله و ربنا كتبلك الخير فيها و هنياً لك. و صدقني مع مرور اول سنة ليك في كلية الي ربنا كتبلك الخير فيها هتكتشف ان الحياة فيها حاجات تانية كتير اوي اكبر من الحياة دراسية و مهارات كتير اوي لازم نكتسبها بعيد عن الدراسة و ان دراسة دي جزء من الحياة و مش هي كل الحياة هتكتشف ان في هوايات تانية كتير عندك في مجالات مختلفة و هيبقا عندك رغبة في انك تنمي هوايات دي و هتبقا دراسة جزء من حياتك مش هي محور حياتك. الحياة جامعية بتطلب منك مجهود في تطوير ذاتك دراسياً و مهنياً يعني ببساطة انت بتبذل مجهود علشان تتفوق في جامعة الي انت فيها و في نفس وقت بتبذل مجهود علشان تطور ذاتك و تهيأها لسوق العمل بالكورسات و الشغل علي نفسك و بتهيأ نفسك كمان لتطوير ذاتك علشان تقدر تواجه الحياة انت يا دوبك طول عمرك كنت في مدرسة و لسه يادوب بتبدأ تشوف الحياة انا شخصياً بعتبر الحياة المدرسية دي مهما واحد كان حاسس فيها انه كبير لما هينتقل منها هيعرف انه كان لسه صغير اوي و لسه مش عارف حاجات كتير عن الحياة زي العصفور بظبط الي فضل طول عمره محبوس في قفص و خرج للنور احنا بنبقا كده بظبط لسه يادوب بنقول الحياة فيها ايه؟ اوعي تتخيل ان ده اخر مطاف صدقني هتلاقي حاجات تانية كتير اوي مستنياك ف ارجوك متفقدش الأمل. و أيا كانت النتجية لازم متبطلش تحلم و تسعي لأحلام كتير و تحقيق ذاتك و مستقبلك . اتمني لك نتيجة مرضية إن شاء الله و مستقبل مشرق🤍

بعمل حاجة انا بحبها زي قراءه كتاب مثلا او اني اتفرج علي مسلسل بحبه و بيضحكني او اكلم حد من صحابي و نتفق علي خروجة حلوة او أقوم اروق مكان الي قاعدة فيه علشان ده بيحسن من نفسية باختصار بدور علي كل حاجة بحبها و ممكن تحسسني اني احسن حتي لو بسيطة زي اني اشتري شوكولاتة مثلا

طب دلوقتي ايه الحل؟ الحل انك ببساطة تعمليله بلوك و تقفلي كل باب هو هيخشلك منه صدقيني مش هيموت ولا حاجه. توقعي من شخص زي ده يبتزك عادي ممكن يبتزك بالشات الي معاه ليكي و يببدأ يهددك بعد كده لو قررتي تبعدي او بصورك او ب اي حاجة لازم تبعدي تجنباً لكل ده

بصي انا عايزه يبقا عندك وعي كويس اوي بأن الشخص ده بيبتزك عاطفياً ، طب يعني ايه اصلا الابتزاز العاطفي؟ هو الي بيعمله معاكي ده بالظبط بيكون في شخص بيستغل عواطفي و مشاعري علشان يوصل لغرض معين ف بتغلب عليا عواطفي و الي هو انتي عملتيه ( صعب عليكي يعني) و عملتله الغرض الي هو عايزه و أحب اقولك كلامك مع الشخص ده هيؤدي لحاجات تانية اكبر من مجرد حب و كلام و ارتباط لأنه ببساطة هيقعد يعمل عليكي حيل الاستعطاف دي كتير علشان يوصل لأي حاجة هو عايزاها منك حتي لو انتي فاكرة انك اقوي من كلام ده بس ساعات مشاعر بتقودنا لحاجات غلط كتير. ثانياً خلينا نفكر شوية كده بعقل هو لحق يحبك امتي و هو لسه سايب صحبتك زي ما بتقولي؟ طب اصلا الشخص ده لو هو بيحبني فعلاً ليه ميجليش البيت و يطلب ايدي من ولي امري مادام هيموت علشاني؟ عايزاكي تسألي نفسك سؤال هل انتي طبيبة نفسية علشان يقع عليكي انك تعالجي شخص ده و تمعني من الانتحار؟ طب اصلا فكرة الانتحار دي مين قالك انها حقيقية ؟ هل انتي متأكده أن صورة الي بيبعتهالك دي صورة ايده اصلا! مش صورة جيبها من النت و خلاص. انتي عارفة لو وصل الي بيعمله في ايده ده للعرق زي ما بتقولي و جاب دم ان هيغمي عليه اصلا مش هيبقا في حيل يجي يصورلك ايده؟ واضح انه شخص لسه مراهق و موضوع الارتباط ده منتشر جدا في مرحلة المراهقة عند الولاد بالذات علشان معظمهم بيحبوا يحسوا انهم مرغوب فيهم و ده بيحسسهم من قيمتهم. أهلك مش هيحبوا يعرفوا حاجة زي دي عنك و هتخليهم يفقدوا ثقة فيكي و دي ساعتها هتكون المشكلة الأكبر بجد

أولا أحب اقولك كلمة قبل ما اقول وجهة نظري في موضوع أرفق بنفسك شوية زي ما قدمت للبنت دي كل الحب و هي مقدرتش قدم لنفسك كمان الحب ده ، و متفكرش في الارتباط و تجربة تانية انت لسه متعفتش من التجربة دي لازم تاخد وقتك و تتعافي منها أولا...ممكن نفسك في الوقت ده تكون محتاجة حد يسندها و يهون عليها ده طبيعي جدا و ساعتها هتفكر ترتبط بس لما هتخش في علاقة ارتباط و انت لم تتعافي من تجربة الاولي هتلاقي نفسك بتظلم الشخص الي معاك ده و هتلاقيك عايز كل الحب و الاهتمام منها المبالغ فيه بس انت مش هتقدر تبادر بحاجة و مش هتقدر تديلاه انت كمان طاقة حب ف ساعتها طرف الآخر هيكون مظلوم ...ف لابد انك تاخد وقتك في معافاة من تجربة دي و ان شاء الله لما تفكر في الارتباط مرة اخري و الشخصية الي هتروح تتقدملها هتشرحلها بكل بساطة عن تجربتك السابقة و هي ساعتها هتعرف انك الطرف المظلوم مش ظالم. الأهم انك تتعلم من تجربة دي كويس اوي متخليش حد يستغلك و متأمنش لناس انت متعرفهمش بسهولة بس ده مش معناه انك تكون شاكك في كل الناس او عندك سوء ظن بيهم احمي كل الافعال السلبية الي ممكن ترتب عليك نتيجة التجربة دي يعني خليك معتدل متأمنش لأي حد بسهولة و في نفس الوقت متخلي موضوع يوصل معاك لشكوك كبيرة في كل الي حواليك لأن ده وارد يحصلك بعد التجربة دي اظن انت دلوقتي بقا عندك وعي كافي عن الأول زي انك قولت فعلا مدة خطوبة قصيرة جدا كمان متعارف عليه ان الخطوبة دي الطرفين بيظهروا فيها اجمل ما فيهم و ما بعد جواز بيكون مختلف انت اختزلت فترة دي جدا مقدرتش تعرف فيها شخصية الي هتتجوزها ولا الاهل كمان و زي ما بيقولوا الأصل غالب البنت بتبقا شبه الأم في الاغلب و شبه البيئة الي اتربت فيها . في حاجة لحظتها في كلامك انك بتقول هي كانت علي طول بتسألك عن مرتب دي شئ مش وحش ان تشارك زوجتك كل حاجة بس الي كان وحش بجد انها كانت حطاك في موضع شك و مش واثقة فيك حتي في امر بسيط زي ده و تدور علي العقد. احساسك بالظلم و احساسك بخيبة الأمل و كل الاحسايس دي هتروح مع الوقت اديلها وقتها بس و اهتمامك بنفسك و بشغلك و انك تدور علي طموحات و احلام جديدة بعيد عن الحياة العاطفية حالياً فقط (مؤقتاً إلي أن تتعافي من هذه تجربة) هيحسن نفسيتك جدا و اقرأ و ثقف نفسك و القراءة كنز بجد هتخلي عندك وعي اقرأ في مجال علم نفس علشان ده هيساعدك في انك تتعامل مع نفسك في فترة دي و ازاي تساعدها تتخطي تجربة دي. و متنساش أن مفيش حق عند ربنا بيضيع حتي لو ربنا مخدلكش حقك منهم في دنيا هتعرف تاخده منهم في الآخرة ربنا مبيسبش حد ظالم . اتمني لك حياة اجمل ان شاء الله

من وجهة نظري ان الانسان ده بيكون شايف ان الاعتذار بيقلل من قيمته او بيقلل من موقفه قدام الطرف الآخر و ده ممكن يكون نابع من مشاكل في طفولة بس لازم الانسان ده يقعد مع نفسه و يكتب كل حاجة بيحس بيها لما يتحط في موقف ده هل بيحس باحراج او خوف او عدم ثقة في نفس و يبدأ يعالج الاحسايس دي و يتناقش مع عقله أن الاحاسيس دي غير صحيحة و ان في ناس في حياتنا تستحق اننا نعتذرلها عن الاخطاء الي ارتكبنها في حقهم و ابعد عن اي حد بيطلب منك الاعتذار بعدين لما تعتذرله ميقدرش ده و يضغط عليك و يستخدمها نقطة ضعف عليك و قوة لي

وجود الشغف بيجي لما يكون عندك هدف لازم يبقا في هدف محدد و واضح و لي خطة انت بتمشي عليها علشان تقدر تصحي كل يوم يبقا عندك حافز تتشجع للهدف ده و ده حافز داخلي و مهم جدا كمان علشان يبقا عندك شغف لازم يبقا في حاجة بتحفزك و مش صح طول الوقت نعتمد علي محفزات خارجية ممكن في بعض من الوقت بس الاكيد و الي لازم يحدث ان الحافز يبقا نابع من جواك و ده بيحصل زي ما قولت عن طريق يبقا عندك هدف واضح و حاجة بتسعي ليها و ممكن تستعين بمحفزات خارجية تقدر تأثر علي التحفيز داخلي زي انك تكافئ نفسك لما تبدأ تمشي علي خطوات تحقيق الهدف ب اكله بتحبها او بخروجة كان نفسك فيها من زمان المهم تكون حاجة بتحبها و كان نفسك فيها ف عقلك هيبدأ يتعود أنه مش هيحصل علي مكافأة دي غير لما يبدأ يعمل خطوات معينة المهم انك تشتغل علي محفزات الداخلية الي نابعة من جواك علشان دي محفزات الي بتدوم لفترة طويلة أما المحفزات الخارجية بتساعد بس علي فترات قصيرة جدا

بستخدم الورقة و القلم او النوت بوك بتاعت الموبايل و بكتب كل الافكار الي بتيجي في دماغي و بتناقش فيها مع نفسي و لو الوقت ميسمحش للنقاش فيها حالياً بأجلها لوقت تاني و غالباً بنسي ارجعلها لكن طريقة دي بتساعدني كتير اني ارتب افكاري و ابعد الافكار الي ملهاش لازمة عن دماغي و اتخلص منها

اقفل المجال للنقاش معاها اصلا متردش بس حل بسيط خالص

أهم حاجة توكلي الأمر لبابا دلوقتي بابا هيعرف ازاي لو مناسب يرفضوا وميجيش

شكراً ليكي ده واجبي احنا هنا وظيفتنا نوعي بعض❤️

لازم تشخيص من دكتورة، حضرتك ساكنة فين علشان أقترح لك اسم دكتورة؟ كمان موضوع رحلة العلاج، العلاج دايما بياخد وقت للاستجابة، ربنا يشفيها يارب ويعافيها ويطمنك عليها، وتفرحي بيها.

تواصلي معايا في انتظارك

شكراً لتعاونكم👏🏻

أنصحك متسمعش غير لأهل الدين أو الي مرجع ليهم في كلامهم دائماً الدين ومتسيبش دماغك للناس الي بتطلع تقول أي كلمتين وخلاص مع احترامي للجميع. وانصحك تسمع لياسر الحزيمي له بودكاست بيتكلم في عن العلاقات بشكل عام

نزلي linkedin وكلميني عليه وهحاول أساعدك على قد ما اقدر إن شاء الله اكونت linkedin هتلاقي في بروفايل بتاعي ملحوظة** linkedin ده هيفيدك جدا هيفتحلك فرص كتير اوي وده أول الطريق إن شاء الله

في مواقع كتير للتوظيف غبر الانترنت ابخثي عنها منها موقع linkedin

لو انتي اصلا مش عارفه انتي عايزه ايه وايه شغفك وميولك ده موضوع تاني

لو انتي اصلا مش حابه الكلية دي ومش عايزها وشايفة إنك مش هتعرفي تنجحي فيها بكل طرق اخرجي منها ودي حاجه محدش هيعرفها غيرك ويقدر يقررها غيرك و حولي كلية حكومي يعني زي جامعة القاهرة وعين شمس وكده و روحي هناك واعملي طلب تحويل للكلية الي انتي شايفة نفسك فيها فعلا وهتقدري تنجحي فيها

طيب بصي علشان انا معرفش تفاصيل اوي نصحيتي ليكي لو عندك فرصة تكملي تعليمك كملي

اسم جامعتك ايه

انتي عايشة فين دلوقتي في مصر ولا فين؟

طب سبب رسوبك سنتين كان بسبب عدم مقدرتك على مذاكرة المواد ام هناك سبب آخر ؟

دي خاصة؟

قوليلي كليتك ايه علشان اعرف اساعدك ازاي

لازم تتعلم تعمل حاجه اسمها portfolio خاص بيك علشان تقدر تقدم بي على فرص الشغل ككاتب محتوى

تواصلي مع دكتور الي بتابعي معاه الضغط ارجوكي متتصرفيش من نفسك حفاظاً على صحتك

و ابحثي علي جوجل بردو اكتبي استشارات طبية مجانية هيطلعلك مواقع و كده اكتبي مشكلتك و ان شاء الله خير متقلقيش ربنا يشفيكي يارب و يعافيكي

شكراً جزيلاً 🤍

ماشي هرد عليك

انت لسه صغير خالص يا حمزة ليه تنتحر؟ في حاجات كتير اوي حلوة مستنياك، في ناس جميلة لسه انت مقابلتهاش انت بس قابلت الناس المؤذية لكن لسه الدنيا فيها ناس جميلة اوي والله هتقابلهم، في لسه صحاب هتقابلهم سواء في مدرسة بعد كام سنة او سواء لما تكبر و تروح الجامعة، أهلك كمان ليه تعيشهم حاجة زي كده؟ كمان عقوبة الانتحار شديدة عند ربنا مفيش حاجة تستاهل أنك تضيع حياتك و تنهيها و تغضب ربنا

كمان اعرف أن انت لو حبيت نفسك و بقيت متقبلها و عرفت تواجه اي كلمة مؤذية ممكن تأثر فيها ساعتها محدش هيقدر يتعرضلك و هتبقا زي كأنك بنيت سور كده بتحمي بي نفسك و جرب في مرة اعمل كده و شوف ازاي حياتك هتتشقلب تماما لازم حبك لنفسك و تقبلك لذاتك يبقا نابع من جواك انت شخصياً

بص يا حمزة انا عايزاك تعرف ان العيب مش فيك و الدليل علي ده أن لو سألت اي حد و قولتله اتعرض للتنمر قبل كده علي شكلك؟ هيقولك اه صدقني لو قالك لا يبقا بيكدب عليك مستحيل تلاقي حد متعرضش للتنمر علي شكله و لو لمرة في حياته انا شخصياً اتعرضله ..لما كبرنا فهمنا أن كلنا مرينا بده و أن العيب مكنش فينا ولا حاجة العيب كان في ناس الي بتتنمر علينا، و عادي لسه كلنا بنقابل ناس كده بس بقينا عارفيين نواجه الموقف صح و نبعد الناس دي عن طريقنا

هقولك عرفت منين..كلنا اتعرضنا للتنمر و احنا صغيرين و مازالنا لما كبرنا في ناس في حياتنا مازالت تتنمر علينا فكلنا حسينا نفس الي انت حسه ده بس لما كبرت عرفت أن الناس المؤذية دي هنقابلها كتير في مراحل حياتنا و أن العيب مش فينا ولا حاجة العيب فيهم هما، ناس محتاجة تتعالج اشخاص عندهم نقص و عقد هدفهم في الحياة احباطك و احساسك بأنك ولا حاجه علشان هما يحسوا بأنهم كل حاجة و احسن منك و احسن من كل الناس ، بس تعالي نفكر فيها كده ليه أناولهم غرضهم ده؟ ليه اضعف قدامهم و أحسسهم بكده؟ فحين أنا لو لحظة قدامهم حسوا بأني واثق من نفسي و رديت عليهم و حسستهم أن انا بحب نفسي و أن كلامهم ولا حاجة بالنسبة لي هما هيضعفوا و مش هيتكلموا معايا تاني ولا هيقدروا يتعرضوا ليا

و خليك فاكر أن احلي حب ممكن تدي لحد هو حبك لنفسك لأنها هي الي هتكمل معاك العمر كله فلازم تحبها و تتقبلها و لو عايز تخس بجد فهتخس علشان انت عايز تبقا شخص رياضي و صحي مش علشان انت بتكره شكلك و مش متقبله او علشان حد بيتنمر عليك صدقني لما هتحول هدفك هتحس بفرق كبير ممكن تقول مش فارقه عايز اخس علشان ايه المهم اخس بس لا صدقني بتفرق بتفرق في نفسيتك و ثقتك بنفسك و ثقتك بنفسك هو اول طريق لنجاحك في حياتك خليك قوي و واجهم و رد بأنك بتحب شكلك كده و الي بيرمي كلام علي ناس تانية بتبقا في الحقيقة هي بتبقا صورة داخلية منعاكسة ليهم، مش مطلوب منك تضربهم او كده لا مطلوب تواجه بدفاع عن نفسك فقط قولهم مثلا و انت واثق بنفسك " والله انا بحب شكلي كده و مطلبتش رأي حد و ياريت كل واحد يخلي في نفسه"

فمتشغلش بالك بأنك ترضي حد علي حساب نفسك

و لو انت مش متأسس اصلا في جرامر بتاع الانجلش دور علي حد يديك برايفت و يمسكلك جرامر من اول كي جي وان لأن صدقني دي طريقة وحيدة لفهم جرامر تالتة ثانوي، و كده كده انت بتاخد جرامر كله من أوله لأخره بس بتبقا بردو في اساسيات بتبقا واقعة عند بعض الطلاب لو دي واقعة عندك اعمل زي ما قولتلك

لا انا اصلا مع نفسي في العادي مبعرفش اركز و تركيزي مشتت و لازم اكتب الحاجات الي اعملها بترتيب علشان اعرف اركز في يومي و اعمل حاجات مطلوبة مني ف بيبقا صعب عليا اركز في حاجة واحدة و لما بيطلب مني حاجة فوقيها مخي بيتشتت جدا مبعرفش ولا اعمل الي كنت بعمله ولا الي اطلب مني

شكراً جدا جزاكي الله كل خير يارب

يا حبيبتي والله انا كان نفسي اساعدك

انتي مقدمكيش حل غير انك تعملي استغاثات علي سوشيال ميديا بس اخاف عليكي منه ليعمل فيكي حاجة بس الحل وحيد فعلاً علشان تنتهي من العذاب متواصل الي بيحصل فيكم ده

هدور والله و هحاول اساعدك لو عرفت اساعدك ب اي حاجة هتواصل معاكي هنا انتي لو تعرفي توصلي للمذيعين الكبار زي مني العراقي مثلاً دي ممكن تحللك مشكلتك حاولي تتواصلي معاها علي صفحاتها الرسمية في كل حتة انستا و فيس يارب ترد عليكي دي هتنقذك بجد

بجد حسبي الله ونعم الوكيل متزعليش مني بس حسابه عند ربنا مش هيبقا قليل ابدا

اتصلي بمؤسسة حقوق المرأة و حقوق الإنسان و اعملي محاولة و خلي املك في ربنا كبير يمكن يجوا يتصرفوا معاه

روحي اعملي بلاغ في قسم الشرطة بأنه بيتعدي عليكم و لو في اي اثار ضرب عليكي اثبتيها في محضر و لو تعرفوا حد معرفة في قسم الشرطة يمشيلك المحضر و يجوا يخدوا ، بجد انتوا ملكوش اي ذنب تكملوا حياتكم مع شخص زي ده

طب معندكوش حد كبير في العيلة يوقفوا عند حده

اتكلمي مع والدتك و روحي اكشفي تاني عند دكتورة نسا و توليد و هتكتبلك مسكن ينفع تاخدي و مش ضار

حقيقي فعلا الحمدلله ان مفيش اطفال إلا كان وضع بقا اسوء بكتير هي لا تصلح أن تربي اجيال للأسف... أنا شايفة انك تقطع مع الناس دي تماما ولا يكون في مجال للنقاش انت عملت الي عليك و حاولت كذا مرة ترجع بيتك و هما رفضوا متردش عليهم خالص الناس دي مادية بشكل بشع و الواحد مش قادر يتخيله ربنا يعافينا ازاي قادرين يوقفوا حياة بنتهم بشكل ده علشان خاطر الفلوس بس هما مش مدركين انهم هيطلعوا هما الطرف الخسران في الآخر و هيدمروا حياة بنتهم