السلام عليكم أنا في سنه اولي كليه و انا راكمت عليا محاضرات كتير جدا والمفروض أن الميد الاسبوع الجاي أنا كنت شغاله الم المحاضرات دي من زمان بس بحس أن كل يوم زي الي قبله و انا بصراحه جالي احباط من كتر المحاضرات الي عليا
لعرض السؤال في فدني اضغط هنا
بعاني من القلق الزائد واضطراب ما بعد الصدمه وبفكر كتير جدا رغم اني مكنتش بدرجه التفكير دي بس الي تاعبني القلق الزائد ده مخلي ضربات قلبي سريعه دايما وبحاول اتعايش بس مش عارف اهدي نفسي وبفتكر علاقات قديمه وغلطات قديمه مر عليها الزمان ونسيتها بس حاليا رجعت للصفر
لعرض السؤال في فدني اضغط هنا
انا طول حياتي من وانا صغيره وانا منعزله عن الناس ف بدأ يجيلي رهاب لدرجه اني بنزل السوبر ماركت اجيب طلباتي الصبح بدري عشان ميبقاش في ناس في الشارع كتير
وفي الجامعة لازم حد من صحابي معايا ومعنديش ثقه في نفسي ابداً واي كلمه توديني وتجيبني ومش عارفه اثق في نفسي ولو حد انتقدني في لبسي او شكلي مش بعرف ارد وزعلانه اوي ومش عارفه اتعامل مع البشر.
لعرض السؤال في فدني اضغط هنا
سلام عليكم
انا عندي مشكله مش عارفه اعمل اي بخاف ان انا اتعامل مع الناس بخاف من اي حاجه فيه تجمعات الموضوع ده بقا صعب جدا
لعرض السؤال في فدني اضغط هنا
السلام عليكم ورحمة الله وبركاته، كيف أتحرر من الخوف!
وعندما أذكر الخوف فأنا لا أعني به مجرد الشعور وحسب، أعني الخوف الذي يكبّل يداي!
لعرض السؤال في فدني اضغط هنا
حاسة بكسره غير طبيعية انا بحاول اعيش بجد بحاول اعيش يوميا بسأل نفسي سؤال هو ليه اعيش !! حاسة أن حياتي واقفة ولا قادرة اركز ف مذاكرتي وبروح جامعتي بالعافية ومقصرة بشكل مبالغ فيه ف حفظ القرآن ولا عارفة ولا قادرة اركز ف اني احفظ .
كل معلومة بتدخل تقريبا بتتبخر ..الفشل مؤلم بالنسبالي طول الوقت كنت بحاول وبجتهد حاليا حتى المحاولة انا عاجزة عنها ..انا بقى بيجيلي بانك اتاك ف المحاضرات من كتر خوفي اتسأل ومعرفة اجاوب خايفة افشل أو خايفة حد يقولي انتي فاشلة زيديني محاضرة أن مينفعش مستوايا يكون كده ...
بحاول اخس ومش عارفة اعمل ده معنديش طاقة ولا إرادة استمر بيها شوفت دكتور ولكن مع اول دروب وقعت وقعة وحشة والموضوع قلب سلبي ... بقيت شايفة نفسي وحشة ومش قادرة اكمل ف الجامعة مع اني ف رابعة ومش قادرة استمر ف الحياة وفكرت ف الانتحار كتير ولكن اللي موقفني خوفي من ربنا ...
بقيت شخص مش عاوز يشوف حد ولا يختلط بحد ..نظراتهم ليا بتقهرني مع اني جميلة وطول الوقت شايفة نفسي جميلة واستاهل كل حاجه كويسة بس نظراتهم اللي عبارة عن لوم طول الوقت اني مش عارفة اخس بتقهرني طول الوقت مخطوط عليا ضغط اني لازم ابقى بصورة محددة طول الوقت سؤال بتعملي دايت ولا لا طول الوقت بيتقالي مش هتلاقي عريس ومحدش هيتقبلك مع اني مش شايفة نفسي كده انا مش شايفة نفسي بشعة كده وحقيقي تعبان ومش قادرة مفكرش ف نظراتهم وطريقتهم وأسلوبها وكلامهم
لعرض السؤال في فدني اضغط هنا
دلوقتي انا بيحصلي حاجه غريبه انا كل ما اجي أكل الاقي شعر كتير ف طبقي مع ان أهلي كلهم بيبقو بياكلو من نفس الاكل بس الشعر بيبقا ف طبقي انا بس، وبقالي حوالي أسبوعين كل شويه احلم ب كوابيس وحلمت خير اللهم اجعله خير اني ملبوسه من ٣ وكانو بيغصبوني اعمل حاجات مش بإرادتي ومكنتش عارفه اتحكم ف نفسي خالص،
الموضوع دا بدأ يحصل لما بقيت اقرأ اذكاري كل يوم، وزمان من حوالي سنتين كان دايما بيحصل معايا حاجات من العالم الاخر يعني كنت بحس ان حد بيلمسني والحقيقه ان مفيش حد بيلمسني بجد ومره اتحدف عليا توكه لما كنت واقفه قدام المرايه وكنت بدوخ لما بصلي بس بعدين الحاجات دي خفت خالص بس من ساعه ما بقيت بقرأ القرآن اكتر وبصلي قيام الليل الحاجات دي رجعت شويه تاني، واصلا بيتنا فيه حاجات غريبه بتحصل مع كلو بس انا اكتر واحده متضرره.
لعرض السؤال في فدني اضغط هنا
كان في واحد معتبرة صديق ليا ساء الظن بيا في مرة من المرات فقررت اني ابعد عنه من فترة بسيطة خلال الاسابيع ال فاتت قررت اني اكلمه لاني حسيت باني ممكن اكون اذيته من غير ما اقصد لانه حاول يعتذر ليا بس انا رفضت دا المهم عدت بيا الايام و بقينا نتكلم و لكن انا للامانه مكنتش حابب اني اكمل عندي شعور بالنفور منه و مش حابب وجوده تاني في حياتي بس كنت بتغاضى عن دا و كنت بقول لنفسي انا ممكن بكون بظلمه
المهم هوه للاسف ظن بيا للمرة التانية و انا المرة دي قررت اواجه و مقفلش الموضوع فورا زي المرة ال عدت ولكنه عامل نفسه مش فاهم حاجه انا بجد اتضايقت و بقيت مستاء من ال بيحصل دا
ليه ممكن شخص يسوء الظن في حد بالشكل دا او ليه حد يعمل في حد كدا انا بقا عندي تروما من الصداقات حاسس ان اغلب ال حواليا هما حواليا علشان سبب مش علشاني انا و بالرغم من ال حصل من الشخص دا الا اني بحمد ربنا انو بعد عني بس للاسف ما بعد دا انا مش عارف ممكن ادي فرصة لحد تاني ولا لا انا مضايق و حتى كلام والله ما عارف اعبر عن ال جوايا عايز اصرخ بصوت عالي
لعرض السؤال في فدني اضغط هنا
عندي مشاكل متعلقة بفرط التفكير والخوف من الناس ومن الفشل والموضوع مأثر على اغلب جوانب حياتي زي الشغل واني خايفة اختار كارير معين ومقدرش اكمل فيه او تخصصي الحالي مش مناسب لشخصيتي الحالية ف انا واقفة مش بطور فيه، في حياتي بشكل عام بقعد افكر بسيناريو الحاجات قبل ماتحصل واقعد اتخيل مع نفسي اعمل ايه واتصرف ازاي ولو معجبنيش تصرفي بكنسل المشوار، عايزة اروح لحد يساعدني نفسيا في حل المشاكل دي وتحسين نفسي وتفكيري
مين الشخص الي مفروض اروحله هل دكتورة نفسية ام لايف كوتش ام كارير كوتش انا فعلا محتارة ابدأ مع مين وخايفة برضو اروح لحد ميبقاش متفهم هيعقدني اكتر
لعرض السؤال في فدني اضغط هنا
كنت مخطوبة لشخص محترم جدا ولكن كنت بالبداية مترددة شوي ولكن تمت الخطبة و كنت سعيده معاه وكل شئ تمام
بس كل فتره كنت أتردد أو اقلق وكنت اترقبه حتي يحدث
خطأ أو شئ حتي يكون في سبب اني لا اكمل ولكن يشاء الله أن الأمر يستمر ولكن من الخوف تركته قبل كتب كتابنا ب اسبوع
ورجع مره اخري سألني وكنت وصفت حالتي بأنها توتر وخوف زيادة من الزواج كان الموضوع محير وملخبط بالنسبة لي ف هو انتظرني ومن ثم قولت له لا اريد أن اكمل لأنس لا أعلم متي راح اعالج ذلك الخوف و تركني وهو مكسور مني وخطب ولكن غير مرتاح ورجع لي مره اخري عرض علي الأمر وانا وافقت وكلم الأهل
وتركت خطيبته والآن منتظرين قراري ف انا بعد ما كنت مبسوطه إن الأمر رجع و كنت بتعذب من بعد ما تركته
رجعت لنقطة الصفر بأني محتاره وقلقه هو الأمر اللي محيرني
هو ماشاءالله كويس من كل شئ ولكن بسبب فرق السن ف يبان أنه أكبر مني بالشكل والحجم ف في احساس هيك متعب اول ما يقرب الأمر اتعب واخاف ولما يتركني اتعب واحزن
هو شاريني جدا جدااااا ويحبني ويعرف يحتويني وكل شي و ميسور الحال وشخص مسؤل بس انا مش قادرة اخد خطوة سؤال هل هذا يتغير بعد الزواج هل اضغط علي نفسي والغي عقلي وأكمل الأمر ام أخذ بهذا الإحساس ولا ارجع مره اخري
لعرض السؤال في فدني اضغط هنا
السلام عليكم
انا بنت عندى 18سنه و فى تالتة ثانوي السنادى المهم انا عندى حد قريبى من بعيد عنه 30 سنه انا وهو كلامنا عادى جدا بس انا حاسه انى متعلقه بيه وحاسه انى عاوزاه المهم يعني هو اصلا قريب من حد من عيلتى جدا وحكلها انو عاوز يجى يخطبنى لان حب شخصيتى الهاديه وانى شكلى حلو وكدا وشايفنى مناسبه
بس المشكله انو مامتى و مامته كان بينهم مشكله ولما فتح الموضوع مع مامته اتخانقت معاه ورفضت و هو قال لقريبتى دى انو هيحاول كتير لكن هو ميعرفش انى اعرف الحاجات دى طبعا الموضوع شاغلنى اووى و بفكر كتير اووى و خصوصا انى بيتقدملى عرسان كتيره كويسين اووى بس حاسه انى عاوزاه هو مع ان محصلش بينا اى ارتباط ولا كلام من ده هو حلو وجاهز وحنين اووى وشخص كويس بس خايفه اوافق اندم مش عارفه اعمل ايه بجد انا لما فكرت قولت اشيل الموضوع من دماغي بس حاسه بزعل اووى
لعرض السؤال في فدني اضغط هنا
أواجه مشكلة مع الموت كنت متقبلة فكر الموت عادي، لكن بعدين صرت مرة أخاف منه جدا تذكرت شي بطفولتي كنت أفكر بالموت وهل يعني مثلا تخيل لو ما في شيء بعد الموت بس خلاص كذا ؟ هذه فكرة مرة ارعبتني وأنا الصغير وصارت ترجع لي وأنا كبير وصارت تجيب لي كتمة حتى لما اروح انام أو أتابع تجيني خوفا واقعد ابكي صارت مرة مقلقتني أول ما كان عندي مشكلة، يعني كنت حتى أتمنى أموت كنت أكره حياتي جدا وإلا أنا أكرهها، ابي شخص ساعدني من ذا الخوف الكتمه (بعيدا عن الدين)
لعرض السؤال في فدني اضغط هنا
أنا الخوف والقلق والتوتر والتفكير الزياده مسيطرين علي حياتي اوي الفترة دي بسبب موضوع كل ما باجي أنساه او أتلاشاه ألاقيه قدامي او أمي تكلمني عنه وأرجع تاني أفكر ف أخاف لده يحصل ف أتوتر ف أقلق ف مش بكون عارفه أروح من نفسي فين أعمل ايه وايه الحل والموضوع متعلق ببيتنا ومشاكل أخرى مع العلم اني اوقات من كتر الخوف بكون عايزه أأذي نفسي وطلبت من أهلي كتير اني أروح ل طبيب نفسي بتقابل اما بالرفض اما بالتجاهل التام وانا مش بعرف أتكلم مع حد عن مشاكل علشان يساعدني علشان بخاف أحكي خصوصياتي وكان عندي مشكلة ضيق تنفس وكشفت عند دكتور معده وقالي ان عندي قولون عصبي وهو السبب وانا أصلا عندي زيادة في نشاط الجهاز العصبي بجد تعبت ومش عارفه أروح من نفسي فين
لعرض السؤال في فدني اضغط هنا
السلام عليكم ورحمه الله
انا لما بتوتر جدا او اتعب بيجي ليا ضيق تنفس وضربات القلب بتكون سريعه جدا ازاي اتخلص من دا
لعرض السؤال في فدني اضغط هنا
السلام عليكم
انا تالته ثانوي وأجلت السنه وامتحنت العربي ونقصت ٢٧ درجه فضلت ندمانه ولسه مبدأتش هل انا متأخر ه لان عدي شهرين ونص ولالا وازاي اتخطي العربي
لعرض السؤال في فدني اضغط هنا
انا دايما بحس اني مخنوقة ومش بحب اقعد مع حد ودايما قاعده. لوحدي مع اني لسه ف الكليه حتي الكليه مش بحب اروحها انا مش عارفه اللي انا فيه ده سببه ايه بقيت نفسي رهيبه.
لعرض السؤال في فدني اضغط هنا
السلام عليكم
انا عندي مرض الذهان واحيان اتشخص فصام انا كنت في الاول فكرت اني ده تواصل روحاني عشان مكنتش شوفت على النت التواصل الروحاني العقلي وبعد كده نسيت الموضوع انو روحاني وامي اخذتني عندي شيخ كان دجال وقال ليا انو سحر وفضلت اروح سنه كامله ولغاية الان مقتنعه انو سحر وأهلي يقولو دي اوهام من العقل
هل في اشخاص هنا مرو بالتجربة دي هل تعالجت هل الأعراض الهلاوس السمعيه والكلام علي الفم راحو هل الحركات اللاإراديه راحت هل الضحك راح
اريد ان تقولو لي ارجوكم ارجوكم ارجوكم لي العلاج
انا جربت ادويه كتير وحالتي لا تتحسن
لعرض السؤال في فدني اضغط هنا
انا ثانيه بكالوريا بس خدمات وخايفة اتظلم وبسبب ان فى حضور وغياب للبكالوريا فخايفه اكتر واحنا كخدمات مهملينا جامد فى المدرسه ولا مدرسين بتشرح ولا عارفين احنا بنتسجل حضور ولا لا فخايفه بجد يسقطونا كخدمات فبجد انا نفسيتى تعبانه وكمان بروح المدرسه بقعد مع ما صحابى فى المدرسه لساعات لان مافيش مدرسين يشرحو فبحس انى بضيع وقت وبحس اننا كده بالنظام ده مش هكون دكتوره زي ما انا عايزه فخايفه جدا
لعرض السؤال في فدني اضغط هنا
محتاجه الافاده جدا من سنه بالظبط عرفت واحد و حبيته جدا من ع الانترنت و كنت ديما بحاول مغلطش و اكون افضل نسخه و هو كان بيحبني مع الوقت اتغير و بقى غريب و مش فاهماه تصرفاته بتقول مفيش حب و لما اواجه يقولي لا حتى كلمه بحبك كان متعود يقولها بطلها خالص و لما انا اقول مجرد رده بيبقى انا اكتر كلامه بقى بيدايقني جدا مع انه عارف اني بحبه جدا لما بعمل حاجه تزعل بصالحه م بيتصالح بسرعه بياخد فتره و بعد كتير من كلمه متزعلش الاهتمام بقى صفر لما كان بيزعلني كان بيقولي متزعليش يمكن ف نفس اليوم الفتره اللي فاتت بيسيني ب الاسبوع و ميتكلمش و دلوقتي مبيقولش اصلا انا بحبه جدا بس من تصرفاته بقيت خايفه اني اكرهه اوي م عاوزه اسيبه لاني وعدت وعد و لازم اوفي بيه بس م عاوزه اكمل بالطريقه دي بالله عليكي فديني عشان انا تعبت @Psy-a'laa M. Abdulhamid
لعرض السؤال في فدني اضغط هنا
جماعه انا ف مشاكل كبيره اوي اوي نفسيه وماديه انا ف تالته ثانوي عام علمي علوم التحدي صعب عليا اوي واهلي صعبين عديت حاجات كتير اوي بس انا بحب مسيحي بقيت حسه أن مهمه اعمل في غلط بس والله العظيم هو انسان محترم عوضني عن حنيت اهلي واهتمامهم وبيسعدني ف اي حاجه انا طالبه منكم الدعاء والنصيحة ولو متوفر شغل اونلاين ياريت تفيدوني وشكرا @أحمد بلال كرماني
لعرض السؤال في فدني اضغط هنا
انا عمري ١٦ سنة واحتاج تفسير لكل شئ وعندي سؤال في كل حاجه ومش عارفة البوينت من الحياة ايه كأني اتخلقت جديدة مش عارفة ازاي اتعامل مع الناس ولا الحاجات الصح من الخطأ وبفكر في تفاصيل ملهاش لازمة ومش بسمع بودكاستس لان مش واثقة اذا كلامهم صحيح او لا وعندي سؤال حرفيا لكل حاجة والاجابات مش بتقنعني
وبحس نفسي بسمع الاصوات من برا خالص مش عارفة احس مش عارفة اعيش بتظاهر بإني تمام بس انا مش تمام
عندي فضول اتعلم بس مجهدة وحاسة الحاجة دي ممتصة طاقتي
لعرض السؤال في فدني اضغط هنا
مش عارفه ابدأ كلامي ازاي بس بقالي سنتين مش عارفه انا مين ولا فين انا حاليا ف تانيه ثانوي تمريض الي هو بعد الاعدادي من بعد ما ظهرت النتيجة وبابا قرر ان هو يدخلي تمريض بس ده مكنش هدفي ولا الي كنت بذاكر علشانه
مكنتش اعرف يعني اي تمريض د اصلا ولا كنت حسباه خالص كنت بتعب وباجي ع نفسي اوي عشان اجيب مجموع عشان بابا يدخلني ثانوي وميقوليش مجبتيش مجموع ف اعدادي يبقي هتيجي ف ثانوي؟
لحد ما النتيجة ظهرت ولقيته بيقولي مجموعك عالي هدخلك تمريض انا اتصدمت مكنتش قادرة انطق ونا مش قريبة من بابا خالص ولا حتى بتناقش معاه ف اي موضوع ولا ف كلام لينا زي اي اب وبنته
المهم انه حتي مقعدش معايا وكلمني وفهمني لا هو قالي هتدخلي ونا مقدرتش اعترض كنت بعيط بس ليل نهار وكانت خناقات بينه وبين ماما عشان هي كمان رافضة اني ادخل تمريض وقدمت الورق واتقبلت وجه معاد اول اختبار كنت مصلية استخارة ولقيت نفسي ف تمريض ف روحت وكنت مقررة اني مش هحل عشان اسقط ف الاختبار بس لقيت ايدي بتكتب غصب عني وخلصت وفعلا نجحت وتاني وتالت اختبار عدوا
دخلت اول سنه مش عارفه اتصاحب ع البنات الجديدة ولا عارفه اعمل صحاب مش عارفه بجد ولا عارفه اتأقلم ع المكان شوفت الغل الي بجد والصحاب المصلحة وكل الحاجات الي كنت بسمع عنها بين الصحاب
مكنتش عارفه اذاكر دماغي كأنها بتقولي والله منا شغالة وما هفهم حاجه لدرجة الميس عملتلي استدعاء ولي أمر عشان عدم مذاكرتي ودرجاتي الي مش كويسه بابا راح واتكلموا وعرفت اني داخله غصب عني وبابا قالي احولك ثانوي عام بس انا رفضت لأن عارفه انه مكنش هيصرف عليا لو حولت وكان كل يوم زعيق
المهم حاولت اروح كورسات بس لحد دلوقتي مش عارفه اذاكر لدرجة اني والله العظيم كنت ف فترة امتحانات الفاينال بروح من الامتحان الضهر انام لحد تاني يوم الصبح و عاديييي كأني داخله محاضرة مش امتحان وكمان ف مواد كتيرة مش بفتحها والله كنت بدخل الامتحان من غير ما افتح الكتب طول السنه
وعلاقتي مع امي مبقتش زي الاول وبقا بيجيلي نوبات هلع كتيرة وصداع مش بيروح بس الحمد لله بحاول التزم ف الصلاة مش بسيب فرض بس للأسف هجرت القرآن وضميرى بيأنبني وبحاول أرجع وبقيت حد تاني معرفهوش ف كل حاجه حتى معاملتي مع اخواتي بطلع كل الزهق الي جوايا فيهم
مبقتش بعرف احكي لأمي بقيت بتخض من اقل حاجه و من اقل صوت ودايما يجيلي رعشه واعصابي بتسيب ع طول ولما بيجيلي نوبة هلع بشد ف شعرى اوصرخ واعور نفسي وبعيط بهستيريه ومش بكون حاسه بحاجة والاقي نفسي بعيط من غير سبب ف اي مكان و اي وقت والصداع بيجيلي بطريقة بشعه وبحس ف ناس بتتكلم ف دماغي وبرد عليهم بس مش بفهم هما بيقولوا اي وبيجيلي افكار وحشه كتيرة
ولما كشفت الدكتور بيقول عندي انفصام ف الشخصية مش بعرف انام غير بعلاج لو مخدتهوش مش بنام وعمرى ما اعترفت بحاجة اسمها شخص مريض نفسي بس انا لأول مرة بقول انا مريضة نفسياا ونفسيتي وحشه والسبب هو ابويااا من وانا طفلة بيعاملني بطريقة وحشه خلاني عديمه الشخصية بخاف من اي حد و اي حاجه معنديش رأي ثابت
بيعامل اخواتي غيرى والله العظيم ابويا عمره ما حضني ولا قالي كلمه حلوة انا محتجاه اويي اوي بجد د حتى لما بكون تعبانه او لو شايفني تعبانة مش بيقولي مالك او عندك اي و بكشف بعد الهنا بسنه لما بكون خلاص هموت
أمي عارفه كل ده ان بسبب ابوياا بس بتقاوح وتقولي بسبب التليفون انتي الاول كنتي بتقعدي ف وسطنا دلوقتي بتقعدي ف اوضتك و لوحدك كل ده حصل من اول ما دخلت مدرسه غير حلمي وكنت بحب اروح الدروس والمدرسه دلوقتي بقيت بحب اقعد ف البيت مخرجش منه لولا ان ممكن اتفصل من المدرسه بسبب الغياب مكنش زماني روحت
وبجد والله مافي شغفففف وعارفه ان ده اختيار ربنا و ده احسن ليا من المكان الي كنت عاوزاه وراضيه بس مش عارفه أتقبل حاسه اني غريبة ومش عارفه اذاااكرررر انا كنت ببص للبنات الي مش بتعرف تقرأ ومش احسن حاجه بس مهتميين بنفسهم واقول هما ازاي كدا ومش بيحسوا ع دمهم
دلوقتي انا شايفة نفسي اقل وافشل واحدة ف دفعتي ودي الحقيقة ودايما بحس يحاجات غريبة وان ف حد واقف ورايا وانا بصلي وبحس بيه مش بتخيل واحلام وحشة وبصحي مش فاكرة الحلم او افتكر منه حاجات تاني يوم وبحس دايما ان ف حد جنبي وبيلمسني او حد بيتكلم مش عارفة مش عارفهههه
دي نقطة من وسط كتاب حياتي الي مش عارفة انظمه الي عنده حاجه يفيدني واسفه اني طولت بس اندمجت وشكرااا
لعرض السؤال في فدني اضغط هنا
انا عندي 15 سنه مرتبطه ب ولد 17سنه عارفه ان سننا صغير بس احنا بنحب بعض وبنحترم بعض جدا وهو مؤدب اووي بس مش عارفه حسا اني خايفه من الفقدان جدا اعمل ايه عشان اقلل من احساس اني هفقده
لعرض السؤال في فدني اضغط هنا
هو ليه الواحد بيفضل عنده كسوف ورهاب اجتماعي حتي وهو عنده حياه زي شغل ودراسه حتي بستغرب ازاي كل اللي حواليا عايشين حياتهم من غير الخوف والتوتر من كل حاجه وبحس ان مش قادره اتعامل أو اتكلم مع حد بخلص شغلي وجامعتي ومش بعمل اي نشاط تاني ولا بتعامل مع حد واي تعامل بسيط بيني وبين أي حد بحسه إنجاز
لعرض السؤال في فدني اضغط هنا
ي جماعه انا ببعد عن نفسى وببعد عن ربنا وبقيت بتغير لشخص سئ بجد فى كل حاجه حتى نفسى من جوا مبقتش كويسه مبقتش عارفه اعمل ايه بقيت بعمل حاجات مش من طريقتى ولا اسلوبى بعد عن صلاتى دينى مذاكرتى الى بحارب عليها اهلى عامله ليها مشاكل وواخده منهم فلوس الدنيا ومشتركه منصات ومذاكره بقيت بعيده عنها كل حاجه غلط حتى نفسيتى غلط شخصيتى الى بتوعينى بالصح والغلط بقيت شخصيه سيئه مش بتوقفنى بتخلينى اعمل كذا واعمل كذا مفيش ضمير مفيش حاجه اهم حاجه نفسى بعمل اى حاجه طول م محدش عارف خلاص أنا كدا تمام بامان مرا على مرا بعدت عنى خالص خالص مبقتش انا بعدت عن كل حاجه كويسه بقيت شخص اقسم بالله بكرهنى وبكره كل حاجه طيب انا بقيت في تالته ثانوى ذاكرى مفيش اى اهميه ولامهتمه لحد ولا لنفسى ولا لحاجه بعمل بس الى عايزاه وبعيده عن كل حاجه كويسه ولوحدى محدش يعرف عنى حاجه وعن بمر بايه بعمل ايه شخصيتى الى بقت زفت دينى الى بعدت عنه صلاتى ضميرى بقا كل حاجه مش مهمه كل الى مهم صح أن يكون عايشه موجوده وخلاص دا الى مهم انا بقا اهميتى وجودى شخصيتى نفسى كلهم بجد حاجه زبالة مش عارفه قف او احط لنفسى حدود واقول كفايه اهتمى ابعدى اطردى الشيطان أفكار زفت تفكير بعيد عن ربنا كل م قول اقرب اقول لا انا كدا قويه لما اقرب من ربنا وهو يحن عليا ويعملى الى ادعيه بيه وبعدين ابعد انا مش عايزه ابقى
انا بجد مش عارفه اشرح ولا اوضح حاجه بس بجد انا بقيت حد لا يطاق والله شخصيتى وكل حاجه وحشه عايزه اهرب اهرب من نفسى من العالم من اهلى من الناس من المذاكره مفيش حاجه مهمه عندى بس حياتى دنيا فارغه عايزه اموت عايزه اروح عند ربنا يمكن اقرب منه مش اتمادى وابعد عنه بجد تعبت من نفسى بجد صح اكتر حاجه عدو الانسان نفسه مبقتش كويسه او حتى انسانه زى الى كنتها لاحتى فى التعامل الاسلوب بقيت مش مهتمه بارده مفيش حاجه مهمه مش عارفه اشرح واقول ايه او حتى اقول موقف واحد يفهمكم بس كل الى اعرفه انى شخص وحش وحش اوي وكل يوم بذيد فى وحاشتى وربنا بعيد عنى مش موقفتى سايبنى اعمل اي حاجه وابعد عنه سايبنى مصليش سايبنى بكل حاجه نفسى ربنا يوققنى يصحينى يوعينى انها فارغه منتهيه مش دايمه فيها انا مش عايزاها عايزاه هو بس مش مقربه منه حتى بضمير حتى بنفسيه حتى بدقات قلبى كل حاجه بتبعد عنه مش بتقرب المفروض امشى ناحيته لا أنا بمشى الناحيه التانيه عايزة حاجع توقفنى حاجه تحطلى حدود حاجه تقولى كفايه بتدمرى نفسك مستقبلك مذاكرتك بعد عم صلاتك شخصيتك الى كانت طيبه وكويسه بقيت مهمله ومش مهمه عايشه كدا اكل واشرب وانام ولا حاجه تانى مهمه انامش عارفه اعمل ايه بس انا بعيده اوى وببعد اوى وكاره نفسى اوى
مش عارفه هتفكرو ازاى او بطريقه ايه بس أنا بجد شخص اللعنه عليا حاسه مش هدخل الجنه ولا حتى حد هيسال عنى كلهم بعاد عنى انا وحدى ووحدى بقيت قاسيه مش هامنى حاجه اتخنقت من المثاليه بقيت فى فوضى بقيت مخليه حياتى فوضه وانا وحيده لوحدى محدش يعرف عنى حاجه عن اى بمر بي ايه حياتى ازاى بضيع ولا لا ي جماعه دنيا وحشه بعدت عن حد مفيش حد يعرف عن اسلوبى طريقتى حاجه محدش يقولى دا صح فكرى صح اختارى صح مش انه يوعينى انه حتى حد يشاركنى الرحله حد يكون جمبى يوقفنى لما ابعد لما المشاكل والقرف وكل الى بيحصل فيا منهم ومن الناس دى كلها بجد مش عارفه اشرح ولا اوضح ولا اتكلم بس انا عارفه انى بضيع ومش قادرة اقرب من ربنا مش قادرة ومش عارفه عايزاه مش قادرة اقرب مش عارفه فيه ايه مش عارفه مالى مش عارفه بجد عايزاه يصلحنى يقربنى منه والله بحس انى مريضه نفسيه تفكيرى تصرفاتى اسلوبى حياتى حاجات كتير مش بعرف اوازنها عايشه وسط ناس بس انا لوحدى حرفيا بكل ذرة أنا لوحدى لوحدى عايزه اقاوم عايزه حتى اعمل الى عليا اذاكر عايزه اكون شخص كويس حتى عشان نفسه وجوده وفى الاخر عايزه ليه عشان دنيا فارغه ملهاش لازمه يرب انا تعبت عايزاه يرشدنى يقرب يوعينى يفهمنى يبعتلى حاجه جوايا حاجات مش بعرف حتى افهمها لنفسى بكبت وبنسى وكل حاجه مش بعرف اقولكم ايه مش عارفه بس بجد انا حتر نفسى مش عارفه تطلع حاجه معينه من دماغى انا بس كل حاجه فى نسيج عقلى مبتكلمش وافتكرش كل حاجه جوايا وبقول كدا عشوائى مش عارفه افتكر انسج بس كله موجود فى دماغى بس كله معرفش افكر فيه او اتكلمه بجد مش عارفه حتى افهمكم انا ضايعه وتايهه وحاجات كتير كرهاها
الدنيا دى وحيده كل حاجه نفسى نفسه تفكير شخصيه ي جماعه تعبت تفكيرى وحده كل ثانيه مبيخلص كل حياتى متلخبطه بسبب تفكيرى واسلوبى نسيج عقلى دا تفكير تفكير تفكير كتيير حاجات مش عارفه اقول ايه مش عارفه انا ايه بجد بضيع اكتر واكتر بتفكيرى وكل حاجه فيا
بحس انى مريضه نفسيه بسبب التناقد التفكير حاجات كتير
الى بقرره بكونه كنفسيه لو قررت نفسيتى هتكون كذا بخليها كذا وبوهم نفسى انى كذا مع انه انا ممكن اكون عاديه خالص ومش كدا بس لا الى بيجى على بالى بكون وبوهم نفسى واغير واقول لا ومش عارفه ايه مش مستحمله بجد حتى نفسى دماغى مش قادرة ايه دا كله @Psy-a'laa M. Abdulhamid
لعرض السؤال في فدني اضغط هنا
انا طول عمري بحس اني معنديش رغبه فالحياه كنت فاكره أنه من الفراغ لما بدأت ابني لنفسي حياه زي نزلت اشتغل واهتميت بالجامعه ودراستي بحس الموضوع بقي اسوء وبحس دايما اني مستنزفه فالحالتين حتي الناس مبقدرش اقعد معاهم وقت طويل وبقيت وحيده فالجامعه والشغل
لعرض السؤال في فدني اضغط هنا
دلوقتي لو انا لما دخلت ثانوي كنت عارفه كويسه ان مفيش حب ولا كلام من ده و كنت من النوع الي يعتبر بارد شويه الي مبيحبش حد من الاخر مش بتعشم ف حد ف المهم كنت دايما ماشيه علي مبدأ ان أي حد يتعوض حتي انا
ده الي كنت بقوله يعني لما يكون عندي صاحبه و ابعد عنها عشان واحده حسيتها شبهي اکثر و من واحده لواحده و كده و عادي م هما هيصاحبوا غيري برده يعني الموضوع مكنش اوي ف بالي ف المهم لما دخلت ثانوي كان في واحد بيفضل يبص لي و انا كنت ببص له بس بعدين اكتشفت انه بيحب واحده معانا ف الفصل ف عشان عيني كانت بتروح له تلقائي لأني كنت اتعودت ابص له ف قولت عشان میفکرش اني معجبه بيه ولا حاجه ف حاولت اركز انتباهي علي حد تاني
الحد الثاني ده كنت بحسه طفولي ف نفسه بيغلط و بيقع كتير و طول الوقت بيقول نكت رخمه بس معرفش بصيت له و هو كان بيبص لي و بدأ يضحك لي و بعد المدرسه و ف اي مكان يشوفني ف المهم بعد ثلاث شهور حسيت اني فوقت لشويه لنفسي و قولت هو انا عايزاه يكلمني ؟
ف
قولت لا عشان حرام و لو بعت لي مثلا و عملت له بلوك هبان هبله قدامه ف بطلت ابص هو كان يقف قدام السبورة بالدقايق عشان ابص له و تصرفاته و كلامه زي انه يقول كلام ف الفصل و هو قاعد لوحده زي بحبك كده مرة واحده ف الفصل و يبص لي بطرف عينيه انا فضلت بحاول مبصش شهور حاولت و قولت مع الوقت هيستسلم و يشوف غيري بس للاسف اتعلقت بيه
انا شوفت فيه عناد و اصرار و غیره و حنيه و المهم كان يقعد ينزل ريبوستات عن ازاي بيحب واحده و هي م فارق معاها ف نزلت ریبوست و انا اصلا وقتها مكنتش اعرف انه يعرف الاكونت بس قولت يمكن ان انا م عايزه کلام عشان حرام قولت يمكن يبعد لقيته و مس الفلسفه بتتكلم بيقول لها مس مش هو الارتباط حرام؟
قالت له طبعا ف قال لها بس اني ابص لها عادي قالت له لا حرام برده راح مشوح بإيديه و عمل نفسه مسمعش بس هو على اساس وصل لي انه فهم رجعت ابص له شويه بس ف يوم لقيته واقف مع صاحبه ف صاحبه بيقول له اقول ف هو بيقوله قول انا هخاف ف صاحبه راح قال بصوت عالي (اسمه كاتب على الانستا بحبك يا (اسمي و قالها اربع مرات
حرفيا اليوم الي بعده هو مكنش عايز يدخل بس دخل و كنت بعدت و فضلت ارجع ابص له لانه حرفيا كان بجد بيحاول و بيقف لو بالنص ساعه يبص لي و لو عينى اجت في عينيه يدمع لى و كنت برجع ابص بس
بعدين هو يعني كان بيتابع بنات كتير علي الانستا و كده ف ده اصلا سبب من اني كنت بحاول ابعد بس هو كان معايا ف الفصل يعني لدرجه اني كنت بروح المدرسه متأخر عشان بيتي بعيد و بركب موصلات و بفضل واقفة كتير علي الطريق يعني حرفيا الطابور يطلع و الحصه تبدأ و انا لسه موصلتش و هو بيته جمب المدرسه
كنت انزل من العربيه الاقيه واقف يستني برا المدرسه و مكنش يمشي غير لما يشوفني ف يضحك لي و يمشي قدامي و لو دخل المدرسه يقعد برا لما يشوفني يدخل ورايا الفصل و لما اجت ورقه علمي و ادبي راح شاف انا اخترت ايه و دخل ورايا و صاحبه مسكو ف الفصل و قعدوا يقولوا والله كنا عارفين هتغير ليه
و انا لما روحت تشوف الورقه عرفت انت رايح تشوف ايه و المهم راح غير و بقي زيهم و لما تانيه بدأت لقيته معايا ف الفصل و طلع بعد مغيرها مع اصحابه راح اجي ف الاجازه كتبها زيي بس انا برده كنت بحاول اتجاهل اصل انا مش وحشه انا كنت بموت كل يوم و شايفة نفسي وحشه بس انا عارفه ان لو فضلنا معلقين و بعض و بنضحك لبعض الناس هتاخد فكرة وحشه عني وغير كده هعلق نفسي و انا عارفه اني مش بشوفه غير ف المدرسه بس
المهم ف ثانيه لقيته بدا ينزل ريبوست زي حرفي و حرفه و always forever و قريب الروح بعيد المسافات و حتي لو متكلمناش هفضل افكر فيك ف كده ف كنت بموت كل يوم و بفضل اصلی و انا بعيط و نفسی
اقسم بالله مكنش بيبعد كان بيفضل يحاول و يقرب لو شافني واقفه ف مكان ويبص و يتكلم و حتي كنت صدفه كنت ماشيه ف هو كان ماشيه مع اخته ف لقتها ضحكت لي اخته دي مجوزة ف كل م كنت ابعد كان حاجه تعشمني ان ممكن ظلماه
بس بعد الي صحبتي قالته لي حسيت ان واحده عاديه لمكان معين بس او م عارفه بس حسيت اني شكلي كان اهبل و هو عايش حياته و انا موقفه حياتي و صحتي باظت بسبب العيط بتاع كل يوم و الزعل و جلد الذات الي كنت عايشه فيه بسبب قد ايه كنت شايفه نفسي قاسيه عليه
و بدأت اخد بالي زي حتي بعد م كنت بعيط قدامه كذا مرة عمرهم غير من اي حاجه تضايقني حتي انه
يخفيها و ميقولهاش لصحابه قدامي لا كان بيقولها عادي و يشوفني بعيط و هو عارف ليه عشان مش مره واحده الي كنت فيها بسببه و هو متاكد اني بحبه
و اليوم الثاني الاقيه بيبص لي لما يشوفني و يضحك لي عادي و كأن محصلش حاجه خالص اليوم الي قبله و لو مضحكتش يلف وشه و ميبصش لي اليوم كله ساعات مبفهمش بجد طب ليه لو انت مش بتحبني
مبعدتش من الاول لما انا اتجاهلتك ده حتي مكنش بينا كلام يعني يكون عشمتك بحاجه ده انا محاولتش اثيت حبي غير بعد شهور من محولاته و اني صدقت انه بيحبني ؟
بس ساعات كنت بحسه عايز يفضل يحاول لوحده يفضل يحاول و يوري اصحابه قد ايه هو بيحب واحده مش بتحبه و ينزل ف ريبوستات مع اني كنت احاول ابين اني بحبه بس ولا كان يدي رد فعل ولا كأنه شاف الرساله الوحيده الي بعتها لي ف كانت ف اخر ثانيه ثانوي كانت "موحشتكيش ؟"
و بعدها اصلا زي مهو بتصرفاته و طريقته و برده فضلت مختاره البعد يعني هو مختار المكان ده حتي لو عشمني ف الاول و صدقته خلاص انا فهمت انه ف الحقيقه مش عايزني او تعبت معدتش فاهمه اعمل ايه
بس هو عمره م حبنيي خالص ؟ اومال ايه الدموع لما اتجاهله و الغيرة والفرحه و لمعه عينيه لما اضحك له معدتش فاهمه حاجه و م قادره اتخطي
لعرض السؤال في فدني اضغط هنا
في ولد بيهددني بصوري وخلاني اتصور صورة وحشة وبيهددني انو هيقولو لماما عشان معاه رقمها وامي عرفت اننا صحاب ومش راضية تنزلني الجامعه وهو عمال يهددني وانا خايفة ومش عارفة اروح ابلغ فيدوني بالله عليكو
لعرض السؤال في فدني اضغط هنا
ازاي ابطل توتر من ابسط الاشياء ؟
لعرض السؤال في فدني اضغط هنا
السلام عليكم،
هذه أول مرة أكتب فيها في منتدى، وما دفعني للجوء إلى هنا هو أنني لا أجد من أفضي إليه بما في قلبي أو أحدثه عن هذا الأمر.
أنا فتاة سأتم عامي العشرين بعد شهرين إن شاء الله، ولم يتقدم احد لخطبتي، بينما قريبتي التي في نفس سني متزوجة ما شاء الله. أنا حالياً في السنة الثالثة بالجامعة، وهناك بنات معي قد خطبن، ومخاوفي هي أن أظل وحدي طوال حياتي بلا زواج، أو أن يتأخر زواجي كثيراً مثل بنات عمتي اللاتي تجاوزن الثلاثين من العمر دون حتى خطبة، وأنا حقاً قلقة من أن أكون مثلهن.
دائماً ما أدعو الله أن يرزقني بالزوج الصالح عاجلاً غير آجل، والله ما دعوت بأن أحصل على درجات عالية في الكلية، وانا والحمد لله مجتهدة في دراستي ولا أهملها. دائماً ما أدعو بالزواج؛ لأنني حقاً من أعماق قلبي أتمنى الاستقرار، وأن يكون لي أطفال وزوج. وأنا أعلم جيداً أن الزواج مسؤولية كبيرة، وإنني لها إن شاء الله.
أريد أن أعرف إن كان أحد قد مر بتجربة مشابهة لتجربتي لكي أهون على نفسي🙏🏻
لعرض السؤال في فدني اضغط هنا
انا من و انا صغيره و انا مريضه عديت بحاجات كتير بس الغريبه ان انا لما ببقى ف مكان او مثلا ابسط حاجه المدرسه عشان اخلي المدرسه تاخد بالها مني او تهتم بيا كنت بقول ان انا مريضه و بقول حاجات من دماغي محصلتش
ساعتها مش ببقى عارفه انا بقول كده ليه و لما براجع نفسي مش ببقى عاوزه اقول كده بس اول لما بقعد مع حد بقول كده يمكن ده فيا من وانا صغيره بس انا فعلا عندي مشاكل
بقيت اخر فتره بغيب عن العالم حتى لو انا صاحيه م ببقى شايفه و لا سامعه ولا حاسه و بعض الاوقات بفقد الوعي و عندي صداع شديد جدا
و للعلم انا اهلي مع ان هما كويسين بس صعبين جدا و خصوصا والدي ممكن من ابسط حاجه اتضرب و ديما ديما في زعيق كل يوم في زعيق و شكل و شتايم حاسه ان انا عاوزه اروح لدكتوره نفسيه بس معنديش الجرأه اني اقول حاجه زي كده
لعرض السؤال في فدني اضغط هنا
انا دلوقتى تانيه بكالوريا شهاده ومسار طب وعلوم حياه ومختاره فيزيا وحرفيا مراكمه فى كل المواد وبنام ديما وانا ضميرى مأنبنى وبحس ان من المفروض مأنمش واذاكر وكمان ضايعه فى الانجليزى ومش عارفه اخد مع مين
لعرض السؤال في فدني اضغط هنا
أنا لسه سنه أولى في المعهد ومكنش عندي صحاب واتصاحبت على بنتين بس المشكله ان وقت البريك انا ببقى قاعده معاهم وبكره انا هحضر وهما مش هيحضرو وانا خايفه اقعد لوحدي وكمان المعهد زحمه وانا مش اجتماعيه ياريت لو حد عنده نصيحه يقولهالي
لعرض السؤال في فدني اضغط هنا
السلام عليكم
انا عندي خوف اني افشل لدرجة مبقتش بحاول اعمل حاجه خايف افشل وفي نفس وقت زعلان لكن مانو موضوع يبان أنه سهل لكن انا حرفيا زي انسان تايه عن صلاته تايه عن حياته تايه عن صحته
لعرض السؤال في فدني اضغط هنا
السلام عليكم
محتاجه استشاره ضروري انا بتعلق بالناس بسرعه رهيبه ودا بيأذيني جداا لان بتعلق بسرعه اوووي باي شخص وغير اني دايما بحاول اثبت اني قويه وعندي شخصيه بس انا ضعيفه وماعنديش ثقه في نفسي وجربت كل الحلول ومفيش فايده ولما موقف بيحصل بفكر افتكر كل حاجة وحشه واعيط كتير لدرجه انو بيغمي عليا او انام ايه الحل
لعرض السؤال في فدني اضغط هنا
انا بقيت احس بالوحده بقالي اكتر من سنه واكتر انا معندش صحاب واصلا عندي اكتئاب من 4 سنين ومش بشتغل حاولت كتير اشتغل معرفتش انا عندي 29 سنه ع قد ما الوحده عجبتني ع قد ما هيه خنقاني وانا مش بكلم حد ولا حد بيكلمني غير كدا كمان انا مش بخرج ولا بتفسح وجربت انشغل جربت اجرب حاجات جديده جربت اتعرف ع ناس فمنهم استغلال ومنهم مش بتكلم تاني مبقتش حتى حابه اتعرف ع ناس عارفه من كتر الخذلان الي شوفتو كل الي هتقولوه ليا عارفه حاولت اعمل حاجه جديده حاولت اغير من نفسي حاولت كل محاولات وفشلت ورجعت لوحدتي تاني ساعات بحس لا كدا أحسن أخليني كدا وساعات احس اني خايفه افضل لوحدي ومعنديش شغف لاي حاجه ومش عاوزه حتى حاجه مش عارفه الي هو انا كدا بس ولا حد شبهي
لعرض السؤال في فدني اضغط هنا
انا حاسة بالوحدة الخانقة والمشكلة ان حواليا ناس بس بردوا حاسة من جوايا انى لوحدى بقيت منعزلة تماما عن الناس حتى اهلى وامى الى علطول كنت اكلمها مش عارفة ليه بس يمكن لانى ايام مكنت بتكلم معاها كانت بتقولى بطلت رغى انت رغاية فبعدت عنها خالص حتى هى مستغربة منى واخواتى للاسف علاقتنا مش افضل حاجة اما بابا بقى دة مش بكلموا خالص وانا للاسف معنديش اصحاب وحاسة انى بلا روح نفسى ارجع تانى لحماسى الى كنت عليه ونفسى ارجع اضحك تانى من قلبى وكمان الدراسة عملالى أزمة مش عارفة اذاكر وكمان مش عارفة اسهر ولا اصحى بدرى اصلى الفجر وخايفة اوى لا دخل النار ولا حاجة لان ترك صلاة الفجر دى كبيرة وكمان زعلانة على حالى اوى بقيت عصبية ومتوترة نفسى ارتاح وكمان بخاف اكون علاقة مع زمايل بنات لحسن يسيبونى وبقى عندى تعلق مفرط بالأشياء زى التليفون ارجو الرد واسفة على الاطالة
لعرض السؤال في فدني اضغط هنا
نفسي احب واتحب اوي، طول اليوم بقعد شارد وسارح فتخيلاتي وأألف قصص واحلام وخيالات واقعد اعيشها وطبعا ده مأثر على كل حاجة فحياتي، بس نفسي يكون عندي حد قريب مني يحبني ويهتم بيا ويشاركني وشاركه ، عارف انه ممكن يكون سببه اني متحبتش وانا صغير من اهلي بس انا عايز حل
لعرض السؤال في فدني اضغط هنا
مساء الخير انا دي مش اول. دي مش اول مره اسال فيها كنت سالت السنه اللي فاتت والحقيقه الناس مشكورين يعني جاوبوني. انا عايزه اتكلم عن يعني قبل ما اتكلم عن اي حاجه احب اشكر حضراتكم على كل نصيحه حضراتكم قدمتوها ليا. في ثانيه ثانوي لما انا كنت محتاره في موضوع الجدول وكده.
الحمد لله في ثانيه ثانوي جبت 85 ونصف في الميه. بسمع في ثالثه ثانوي حاليا انا بذاكر وبحل وشاطره الحمد لله بس الفكره ان انا لما باجي اراجع بحيث فاتتني حاجات كتير قوي وفي نفس الوقت لما بغيب عن المذاكره شويه. ومثلا والدي لما يجي سبحان الله اول ما والدي او والدتي يعدوا من قصادي بفتح الفيديو او الريكورد للمدرس باعته لي اول فيديو مثلا نزل على اليوتيوب بيتصادف كثير قوي والله
بعد كدا كدا فكر بيني وبين نفسي اللي هو طب انا كده بنافق اهلي يعني اهلي مثلا لما بيجوا بيلاقوني بذاكر وانا ممكن اكون في الوقت ده مش بذاكر فبصراحه اللي هو حاسه ان هو ما ما استاهلش بصراحه يعني كتر الاهتمام دون ده الاحساس اللي بيجي لي في مخي داخلي حتى اتكلمت ماما وبابا.
لما كلمت ماما. قالت لي لا انا شايفاك مش مقصره بتحلي وكده وانا فعلا الحمد لله لما بحل مع مدرسين بحل صح واجيب درجات كويسه.
انا حاليا في العربي مخلصه واحده ونص نحو. ومخلصه درس ادب ودرس نصوص. ودرس قراءه. وطبعا حليت عليها واجباتهم امتحانات وفي التاريخ مخلصه الفصل الاول واول درسين في الفصل الثاني في الجغرافيا مخلصه الدرس التمهيدي واول درسين تقريبا يعني قربت افنش اول درسين. بس عندي مشكله كمان في الاحصاء المدرس كل اما أسأله سؤال اي نعم هو احيانا بيبقى غبي بصراحه الاسئله اللي مساله بتبقى غبيه بس بالنسبه لي انا اسئله كبيره يعني انا بالنسبه لي اسئله مهمه بس بالنسبه له هو اسئله غبيه
لانه انا باخد معاه من اولى ثانوي تقريبا بقى لي ثلاث سنين. فالمدرس ده كذا حد يعني احنا طبعا بناخد معاه من الجمهوريه كلها مكفوفين من الجمهوريه كلها. فهو بالنسبه له يعني احنا احنا القدام بقى بتعصب علينا كتير اوي يعني الموضوع مش مقتصر عليا انا. ااا. بقى بالنسبه له اسئلتنا بديهيه افكر في كذا منظور ان هو عشان شايفنا مثلا ان احنا على مستوى معين فاللي وانتوا ازاي بتسالوا الاسئله دي وازاي الاسئله دي بتيجي منكم وفي نفس الوقت في منظور ثاني طب اللي هو طب ما الجداد ما بيتعصبش عليهم كده يعني احنا مثلا انا وصاحبتي في مجموعه مع اثنين جداد لسه جداد السنه دي لو سالوا اي سؤال. بيتعصب عليهم عصيبه صغننه ان احنا على طول اي حاجه تطلع هفوه كده مننا بيتعصب علينا
فأنا انا عايزه نصائح فكرت كتير ان انا اعاتبه وبرده اعتبت نفسي كتير قوي في موضوع ال ال انا حاسه من جوايا انا مقصره. وفي نفس الوقت جه في دماغي بردك فكرت اللي هو طب انت عايزه تجيبي مجموع كذا كذا هل انت بتذاكري مذاكره المجموع ده وفي نفس الوقت برده كل اللي في دماغي يوم النتيجه ويوم الامتحانات ده بقى مكسلني ان انا اذاكر مع ان المفروض يشجعني بس انا انا عندي بالعكس بس كده تحياتي معذره على الاطاله.
لعرض السؤال في فدني اضغط هنا
السلام عليكم
الناس الي استطاعت ان تتحكم في مشاعرها ونفسها افيدونا ب نصيحتكم
ازاي تغلبت علي خوفك من الرفض وقدرت تبقي اكثر اجتماعية وتفاؤل وتصير محبوب!..
واهم حاجه طبعا تتقبل نفسك
لعرض السؤال في فدني اضغط هنا
انا عندي مشاكل نفسيه كتير ولكن اكبر مشكله مقابلاني اني اه اجتماعيه جداا ولكن بخاف ومش بعرف اتعامل مع راجل مش بحب اسمع صوتهم في الفون ببقى خايفه لما بتعرف على اي حد من اي مكان ببقى خايفه اقول اسمي أو اي حاجه عن حياتي عندي فكرة الاسم والصورة خط احمر مش قادرة ادي فرصه لي حد أبدا يقرب مني
بقيت اخش برنامج تعارف عشان اتعرف على حد واكسر الخوف الي جوايه بحس اني بقابل ناس كويسه واني كد خايفه اني اقول اي حاجه عني واكيد بيبقى عايز يشوف صورتي برفض ويبقي مديقه وش عارفه اعمل ايه بجد تعبت
وانا اصلا حاسة اني مش عايزه اي راجل يقرب مني وفي نفس الوقت عايزه ارتبط عندي 20 سنه ولكن عندي امكانيه اني اقدر استقر واكون اسره عادي يعني ولكن مش عارفه اتعامل ازي مع الخوف ده وتعبت
لعرض السؤال في فدني اضغط هنا
كيف يمكنني أن انتظم ف صلاتي وأبطل كسل
أنا طول عمري مقطعة في الصلاة مش كنت منتظمة عشان اقول نفسي ارجع اصلي زي ماكنت عشان مكدبش
فاتمنى حد ينصحني ازاي اقدر انتظم حتى في مرضي ودراستي وغيره
لعرض السؤال في فدني اضغط هنا
إزاي أتخلص من القلق لو حاسة إني بقالي سنين محبوسة في دايرة الخوف والقلق وكل ما أبدأ أتقدم في حياتي تبدأ تجيلي أفكار قلق اني بفشل او هفشل وفي حاجات تانية كتير مترابطة بالقلق تلخيصا مش هذكرها
مش مناسب إني أروح لمختص لأسباب كتير بس أنا عاوزة أتحسن عاوزة أعيش كويس أبطل أخاف من غير سبب واضح ومش عاوزة أفضل محبوسة وواقفة عند نفس النقطة ومش عاوزة مشاعر القلق تتحكم فيا فاهمين قصدي ؟
لعرض السؤال في فدني اضغط هنا
دلوقتي انا عندي٢٣ سنه واتخرجت من سنه، وقت مشروع التخرج في واحد دخل يتكلم معايا (عن المشروع) وفجأة لقيته قالي انه عايز يرتبط (قال انه شافني وعارفني من اولى وكنا مع بعض ف اللجنة وغير كدا هو وصفني، وطلب صورة ابعتهاله بس انا موافقتش بحيث انه عارفني فا ملهاش لازمة الصور)
ولما رفضت الارتباط كان بيتحايل كتير لدرجة انه حاليا ف الجيش وكل ما ينزل اجازة يبعتلي انه عايز ييجي يتقدم بس الاول نرتبط، انا برضو رفضت موضوع الارتباط وقال انه هييجي يتقدم قولتله تمام بس حابة نعرف شخصيات بعض الاول (لاني مش حابة اتخطب لواحد معرفهوش ولا قدر الله لو محصلش نصيب مش هكون حابة ان خطوبتي اتفشكلت غير ان التعلق عندي زيادة حبتين)
هو وافق وشرط بعدها بشهر ييجي يتقدم عشان يخطب وبعد الخطوبة ب٢٠ يوم نكتب الكتاب وبعدين الفرح ييجي براحته (الحقيقة انا مش فاهمة ايه السرعة دي وغير كدا حاسة اني غلطانة لما قولتله نعرف شخصيات بعض الاول لان كدا هنتكلم واحنا منجوزش لبعض او مفيش حاجة رسمية بينا )
هو قال ان عنده شقة وتقريبا لسه متشطبتش وغير كدا هو لسه ف الجيش بس كلها كام شهر وهيخرج
أنا أكيد هصلي استخارة وادعي لو فيه خير بس انا محتاجة حد يفيدني ويلفت نظري لو في حاجة
مش حاسة اني مقتنعة بس اصراره عليا الي مخليني افكر كتير فالموضوع
انا اكيد حابة اتخطب اتجوز بس الموضوع هنا سريع اوي وغير كدا كل ما افكر ف الجواز احس اني مش مستعدة لحياة جديدة زي دي ومع حد جديد حاسة انه هيبقا مفروض عليا
ياريت تفيدوني انا لسه مقولتش لاهلي واسفة لو طولت عليكو
لعرض السؤال في فدني اضغط هنا
عندي مشكله فالكلام مع الناس كل ما اجي اكلم حد غريب جسمي كله بيترعش وبيحصلي تلعثم ببقي مش قادره اتكلم من التوتر
لعرض السؤال في فدني اضغط هنا
ازاي ابطل اكون محتاجة دايما اهتمام؟
وازاي ابطل افكر ف حاجات سلبية لمجرد م اقعد لوحدي، انا فيا الطبع دا من زمان عشان كنت بفكر ان لما اتخيل الاسوء مش هتصدم لكن الطبع دا بدأ يتعبني عشان مجرد م الاصوات اللي حواليا بتسكت دماغي بتفكر ف كل الاحتمالات السلبية والسيئة اللي ممكن تحصل وانا حقيقي تعبت
لعرض السؤال في فدني اضغط هنا
انا ذكرى ميلادي قربت، بخاف من اليوم ده اوي، زمان كان دايما لازم يحصل مشكلة او ابعد عن حد بحبه ف اليوم ده و كان بيعدي بشكل صعب اوي عليا و السنة اللي فاتت كان معايا ناس جداد اتبسطت اوي بيهم و كان احلى يوم يعتبر ف حياتي، الناس دول مبقوش موجودين دلوقتي و انا خايفة و مش عايزة احس بالنقص و ف نفس الوقت مش عايزة يكون معايا حد عشان انا مش هقدر اثق فيهم تاني، هل في حل إني اتخطى الخوف ده
لعرض السؤال في فدني اضغط هنا
انا كنت طول عمرى بحب انام فى الضلمه ( ظلام يعنى ) ولازم الاوضه تكون مضلمه جدا لدرجة انى كنت وصلت لمرحلة لو جاى من تحت عقب الباب خيط نور مستريحش ف النوم كنت اقفل كل منافذ الضوء خاالص فكان جتلى فتره بقيت متابع واحد على يوتيوب قصص قتل حقيقيه وغامضه ومرعبه من بعدها بدأت أخاف جدا وبقيت ونا نايم اشغل لمبه صفره اضائتها خفيفه جدا وأنا نايم انا تخطيت الخوف ده بس لسه لحد دلوقتي بنام باللمبه الصفره دى وبقيت بخاف م الضلمه هل انا كده فيا حاجه
لعرض السؤال في فدني اضغط هنا
انا وانا صغير شفت مشهد...عنيف ودموي وحاسس انها مأثره عليا لحد دلوقتي مع ان امر عدي عليه سنين..كنت فاكر إني نسيت بس لا..بتجيلي يعني افكار...عنيفه وتعذيب ومشاعر كأبه وغضب واحيانا ببقا عايز اعيط بدون سبب.. وبحس اني خايف ومتوتر بدون سبب
لعرض السؤال في فدني اضغط هنا
السلام عليكم
انا بنت سني18سنه
من شهر تمانيه وانا بعاني من نوبات هلع وقلق وزاد اكتر عليه وسواس الموت بقيت لما اعمل اي حاجه وسواس الموت مش بيفارقني بقييت انام بفكر فيه حتى اول ما اقوم افكر فيه بقيت تعبانه اوي
حاولت اتعايش مع الموضوع وبقيت احسن بشويه بس من كام يوم حصل عندنا حاله وفاه ومن ساعته وانا مرعوبه خايفه على اهلي ليحصلهم حاجه وبقيت خايفه كل شويه حاسه اني خلاص بموت
بقيت خاف انام لوحدي او اسهر لوحدي حتى بخاف اقعد ف مكان لوحدي وبخاف اصلي ف حته مفيهاش حد لاني بترعب لازم اصلي ف حته فيه حد حتى الصلاه بقيت صعبه عليها بقيت مخنوقه ومش طايقه نفسي ومستنيه اخلص بسرعه حتى ببقى مش عارفه اقرأ قرآن خالص ببقا حاسه اني مش قادره اعمل حاجه جسمي فيه رعشه مع الخوف وببقا مش قادره من كتر الخوف والقلق
كل حاجه بقيت صعبه عليا ومش عارفه اعيش طبيعية ابدا ومش عارفه اعمل اي
لعرض السؤال في فدني اضغط هنا
لعرض جميع الاسئلة في فدني اضغط هنا