انا وانا صغير شفت مشهد...عنيف ودموي وحاسس انها مأثره عليا لحد دلوقتي مع ان امر عدي عليه سنين..كنت فاكر إني نسيت بس لا..بتجيلي يعني افكار...عنيفه وتعذيب ومشاعر كأبه وغضب واحيانا ببقا عايز اعيط بدون سبب.. وبحس اني خايف ومتوتر بدون سبب
لعرض السؤال في فدني اضغط هنا
السلام عليكم
انا بنت سني18سنه
من شهر تمانيه وانا بعاني من نوبات هلع وقلق وزاد اكتر عليه وسواس الموت بقيت لما اعمل اي حاجه وسواس الموت مش بيفارقني بقييت انام بفكر فيه حتى اول ما اقوم افكر فيه بقيت تعبانه اوي
حاولت اتعايش مع الموضوع وبقيت احسن بشويه بس من كام يوم حصل عندنا حاله وفاه ومن ساعته وانا مرعوبه خايفه على اهلي ليحصلهم حاجه وبقيت خايفه كل شويه حاسه اني خلاص بموت
بقيت خاف انام لوحدي او اسهر لوحدي حتى بخاف اقعد ف مكان لوحدي وبخاف اصلي ف حته مفيهاش حد لاني بترعب لازم اصلي ف حته فيه حد حتى الصلاه بقيت صعبه عليها بقيت مخنوقه ومش طايقه نفسي ومستنيه اخلص بسرعه حتى ببقى مش عارفه اقرأ قرآن خالص ببقا حاسه اني مش قادره اعمل حاجه جسمي فيه رعشه مع الخوف وببقا مش قادره من كتر الخوف والقلق
كل حاجه بقيت صعبه عليا ومش عارفه اعيش طبيعية ابدا ومش عارفه اعمل اي
لعرض السؤال في فدني اضغط هنا
أوقات لما بيبقى معايا حاجة بحبها بخاف اوي بحس إن هيحصل حاجه وحشة وأخسرها بعدين دايما بتخيل السيناريو اللي هيحصل بس بتخيل السيناريو الوحش وبحاول اخد حذري واتصرف بشكل سلبي بعدها بندم وبخسر الحاجة دي لما بحب حد بخاف اوي اخسره بقيت بتجنب اي حاجه فيها مشاعر لأني بخاف على الشخص دا جامد بحس إني لازم أقلق بحس ان اللي بيحصل ببقي راسماه ف دماغي وببقى عارفة نهايته بس مكملة عشان دا بيحسسني بالأمان المزيف والمؤقت
مش بحب اشوف نفسي اقل من حد اوقات بتصرف بتكبر غصب عني واوقات بعاقب نفسي بإني اجلد ذاتي بحس اوقات ان ثقتي ف نفسي عالية لدرجة النرجسية بس بعرف اكون متواضعة دايما برسم كل السيناريوهات ف دماغي قبل اي خطوة بخطيها وتبقى هي اللي بتحصل
بحس اني لو أخدت حقي من حد هأذيه جامد اوي ف بخاف على الشخص دا مني وبقرر اتجنبه وخلاص مش عارفه بحس ان دي مشكلة عندي بجد اوقات بعرف اتحكم واوقات لا كنت بحب المفاجآت بس دلوقتي بقيت بكرهها بسبب اني اتأذيت كتير بطرق مختلفة من ناس كنت بحبهم بخاف حد يبقى قريب اووي مني لأني بخاف اخسره فأصبحت دايرة معارفي سطحية بفهمهم أنهم قريبين مني عشان لو احتاجت حد فيهم ميبخلوش عليا ودايما بيبقى عندي اي حد بيسمعني او بيعاملني كويس او بيعملي حاجة بسيطة انه عملي جميل واني لازم اردهوله عشان لما احتاج الشخص دا الاقيه واوقات بحس انهم بيستغلوني من الحتة دي بس ببعد عنهم منغير ما ارد عشان زي ما ذكرت قبل كدا بخاف عليهم من نفسي
حاسة بجد ان دي مشكلة ف شخصيتي
لعرض السؤال في فدني اضغط هنا
صباح الخير أنا عندي عشرين سنة دلوقتي أنا بعيدة جدًا عن ربنا يعني فين وفين لما بصلي أو بقرأ قرآن أنا بجد من جوايا نفسي أقرب من ربنا جدًا، بس برضو بكسل أقوم أصلي وأدعي. أنا بصلي بس فين وفين، وحياتي مدمرة بجد. أنا دايمًا لوحدي، آه حواليا أصحابي وأهلي، بس برضو بحس إني لوحدي
فاشلة دراسيًا وفاشلة في علاقتي مع ربنا. دايمًا بحس إني فاشلة في كل حاجة. أنا من جوايا نفسي أتغير، نفسي أقرب من ربنا، نفسي أكون إنسانة كويسة، بس أنا كل مرة بلاقي نفسي مش بعمل حاجة. وأنا والله بحاول، دايمًا بحاول، بس كل مرة بفشل في كل حاجة، بس بحاول مفكرش أستسلم.
أنا ساعات بكون راضية وحاسة إن ربنا بيحبني، بس دلوقتي أنا مش حاسة بكده بحس إن ربنا مش بيحبني، وكل ما بدعي على حاجة نفسي فيها مش بتيجي. أنا عارفة إني مقصرة أوي أوي، بس مش عارفة، مش عارفة بجد أعمل إيه. رغم إني بحاول برضو، مش بلاقي أي نتيجة
وأكتر حاجة نفسي فيها إن علاقتي بربنا تكون أحسن، أقرب منه، نفسي أوي أوي أنتظم في صلاتي
وبرضو علاقتي بمامتي مش أحسن حاجة، أو بمعنى أصح إني مش بحبها، ومش قادرة أستحملها بجد. دايمًا بنتخانق، بتلومني في كل حاجة، وأنا السبب في كل حاجة. ساعات بكون مش قادرة بسببها، بسبب تحكمها وإن أنا نفسي في كذا وهي مش موافقة. بتشتمني وبتزعقلي قدام الناس، وبتضربني كمان وأنا كبيرة
أنا بابا متوفي و بحس إني ماليش حد، حد يطبطب عليا أو يسندني أو يساعدني. وأنا بحس إني بعمل كل حاجة لوحدي، وكل ده برضو بفشل
زهقت بجد من حياتي ومن إني فاشلة
لعرض السؤال في فدني اضغط هنا
السلام عليكم ورحمة الله وبركاته
أنا متزوجة من ٤ سنين زوجي عنيد جدا قاسي شوية معندوش نقطة إنه يتنازل ويراضي اللي قدامه لو حسه زعلان، كتوم بدرجة رهيبة مندفع جدا
في بداية حياتنا حصلت دروبات ومن ضمنهم مرة ضربني ضرب مؤذي وقتها أهلي تدخلوا وحرفيا اخدنا وقت كبير ع يرجعني وأنا اخترت ارجع على أساس انه اتغير بصراحة مش هنكر من وقتها ممدش ايده تاني
مؤخرا بقى يعمل مشاكل جامد مع أهله اخوه وأمه وبقى يجرحهم بالكلام ورمى كل حاجة كويسة عملوها معاه ورا ضهره ومهموش حد خالص منهم وبيفضل قاطع صلة الرحم بالشهور ومش واخد رضا أمه ويدمر حياتنا قدامنا لأنه عايز يبيع بيته وأرضه وكل حاجة
وكل ما تجي اتناقش يقولي ملكيش دعوة متدخليش ومهما اعمل مش بيستجيب بقالنا سنة بقول واهديه على أهله وأنصحه باللين ع بحبه وعايزة اصلح العلاقات وهو زي ماهو
مبقيتش حاسة بالأمان بقول كفاية لحد هنا لكن بتصعب عليا بنتي إنها تتربى بعيد وفي نفس الوقت خايفة اخلف تاني ووقتها بالعكس هيبقى وحش اكتر بحجة إني معايا عيلين وهتحمل
هو بيصلي ومش بيشرب اي حاجة يعني الظاهر مفهوش حاجة وحشة بس قاسي حاسة بجوع عاطفي معاه أنا شخصية بحب الحب وبحب أعبر عن حبي واتغيرت كتير علشانه في المقابل هو معندوش اي نوع من الحب بحسه تجاهي اللي هو مش كارهني بس مش بيعرف يحب ولا يحتوي ولا يطبطب
ماشي مش مقصر بيته حاجة وفي نفس الوقت حريص في الصرف بقيت أحس إني مش مرتاحة في حياتي ومش عارفه آخد قرار وانفصل وكفاية لحد كدا معايا بنت وأعرف أربيها ولا استنى يمكن يتحسن مع إنه مش بيتغير ابدا ابدا ابدا
اكتر حاجة مخوفاني إنه ملوش خير في أهله النقطة دي مخوفاني بصراحة
يشهد ربنا مش عايزة اخرب بيتي وأفرق بنتي عن ابوها واهلها بس حقيقي مش عارفه اعمل اي
بحاول اعمل كل حاجة ع بحب بيتي وبنتي ومش هقول زوجي عقلاني بصراحة لا وعمل حاجات كتير والله مؤذية بس بيصعب علي وبحس إنه متخبط وهيضيع حقيقي لو سيبته
ومن ناحية تاني منكرش إني خايفة منه ومن إنه زي ما فرط في أهله يفرط في وخاصة إنه اكتر من مرة وكل مرة ارجعله ويندمني
سؤالي بقى هل اللي بيعمله ده يستدعي طلاق ولا طول ما عندي صبر اصبر
لعرض السؤال في فدني اضغط هنا
ماما ماتت يوم ٨
الصراحة مش عارفه اتعامل إنا اه متجوزة وعندي ابني
هي كان عندها فشل كلوي
وماتت حاسة اني هموت من الرعب رغم اني متأكدة أنها ارتاحت
بس فكرة أن ماما تموت دي صعبة اوي
مش متقبلة الفكرة ومش عايزة أتقبلها
هموووت اعمل اي بجد قريبة من ربنا وبصلي بس نفسيا مستنزفة اوي اوي
وبتخيلها دايماا
لعرض السؤال في فدني اضغط هنا
تعبت لدرجة أني أريد إنهاء حياتي أو الموت فقط
يمنعني أنه قرار لا يمكنني بعدها التراجع عنه
وأنا أجبن من القيام بمثل ذلك الشيء
وحتى الموت في الحقيقة أخاف منه
وكلما شعرت بما يقربني إليه أنهار وأدعو الله أن يمهلني فرصة
حياتي تتجه نحو نقطة واحدة من السواد، والهم وصل لنفسي بعدما قضى على حياتي خارجيًّا، أشعر أني اتآكل، لا شيء فيَّ جيد، صحة أو هدفًا أو دينًا أو نفسًا أو علاقات وإلى آخره، لست راضية عما وصلت إليه، وكلما فكرت بمحاولة الإصلاح من نفسي أشعر بالعجز والكسل، والخوف.. نعم، الخوف، الخوف من نفسي التي ستكون عليها بدون المرض، لا أعلم لنفسي هوية سوية بدونه، سأكون أكثر إكتئابًا وفشلًا، إذ أن لا عذر لي أمام نفسي حينها عن عدم التقدم... لست متأكدةً حتى ما إذا كنتُ في تلك المرحلة بالفعل وأماطل، لكن الشيء الذي أنا متأكدة منه أن الألم فاق قدرة تحملي بكثير..
لعرض السؤال في فدني اضغط هنا
اوقات بشك إني ممكن أكون بعاني من اضطراب القلق بس كتير بحس اني بوهم نفسي
بقالي سنين يمكن من ٢ اعدادي وانا دلوقتي داخلة تالتة جامعة بعاني من حاجات ثابتة ممكن درجتها قلت او اختلفت :
١. تفكير زائد وتحليل المواقف والكلام بشكل مستمر وطول الوقت حتى لو موقف بسيط.
٢. القلق من المستقبل والسيناريوهات اللي ممكن تحصل ولازم اكون حاطة خطة في دماغي احتمالات ممكن تحصل.
٣.مقدرش انام غير وانا مخططة يومي هيمشي ازاي والمواعيد عني سيف بحس بخنقة وتوتر وضغط لو عارفة اني عندي مشوار بس معرفش الساعة كام .
٤. خوف من الرفض أو الهجر أو إن شخص مهم يبعد ومؤخرا بقى يخليني اول ما أحس ان علاقتي بحد بدأت تتعمق بحس كأني خايفة أو يحصل رد فعل اندفاعي بالكلام او التصرفات وأبدأ أبعد بسرعة.
٥. الاحتياج للطمئنينة، لما بيبقى في حاجة معرفهاش او هعمل حاجة جديدة بحتاج ديما حد يطمنني ويهديني ان دا طبيعي او دي حاجة عادية متخوفش، او لو حد بحبه ببقى حاسة اني محتاجة انه يأكد دا بس مش بطلب او اخرج الاحتياج دا .
٦.القلق من الأعراض الجسدية والخوف من أن تكون مشكلة صحية ولكن يتلاشي الاحساس بإقناع نفسي إني اتوهم.
٧.صعوبة تهدئة التفكير ممكن افضل صاحية مش عارفة انام من كتر ما انا مش قادرة اكنترول الأفكار واللي غالبا سلبية.
٨. جلد ذات قوي جدًا بعد الأخطاء أو المواقف لو غلطة صغيرة بعمل لنفسي محكمة وبحس بجد انها نهاية العالم وان الناس كلها شايفاني غير مسؤولة وفاشلة.
٩. التوتر من المواقف الاجتماعية لو في مناسبة ببقى محرجة جدا كمان لو حد سلم عليا، وبتكسف وبتوتر لو راجل في محيط الشغل او الكلية نطق اسمي بحس اني عاوزة الارض تتشق وتبلعني كدا.
١٠. القلق عند وجود مشاعر أو علاقات قريبة وأحيانًا الرغبة في الانسحاب رغم الرغبة في القرب.
١١. ظهور القلق جسديًا: شد في الجسم، ألم مع العصبية، إحساس بالضغط والتوتر، ورعشة أحيانًا، الشعور بأنني أريد التكلم اتكلم كثيرا لكنني لا أعرف ماذا اقول او كلامي غير مرتب.
١٢. صعوبة تحمل الجهل بحاول أعرف "هو ليه حصل؟ وإيه معناه؟ وإيه اللي هيحصل بعد كده؟ طب فلانة بتفكر في ايه؟ طب يا ترى انا متشافة ازاي؟ "
١٣. لو حد سألني سؤال فجأة حتى لو عارفاه دماغي بحسها بتقف بحس كإني بحاول أشغلها معلقة احساس انك ماسك موبايلك بتحاول تحركه بس التاتش مش شغال.
١٤. ذاكرتي ضعيفة بنسى بسرعة
اوقات بحس انه لاء دا مش طبيعي وكتيير بقعد اقول اكيد لاء يعني متهيألي اساسا وانا اللي مركزة زيادة بس حتى اللي حواليا لاحظوا اني بتوتر بسرعة ممكن من حاجات بسيطة اوي زي الأخصائية طلبت مني أجيب لها شريط لزق من الدولاب وانا بدور عليه كانت ايدي بترتعش بس انا مكنتش حاسة بتوتر عالي اوقات بحس انه انا طول الوقت متنشنة ومتوترة بس اوقات بحس متهيألي فاهمين حاجة؟
لعرض السؤال في فدني اضغط هنا
ازاي نقدر نتعرف على طفلنا الداخلي. ونتسامح معه وان احنا نحبه ونغير تفكيره وازاي ان احنا نقدر نصلح علاقتنا. باهلنا. وازاي؟ نقدر ان احنا نعالج نفسنا من الصدمات اللي مرينا بها.
وازاي ان احنا نقدر نتعامل مع الفقد. وان احنا لسه مش قادرين نتقبله.
وازاي نصلح علاقتنا ونخلي في ثقه في النفس ونقدر ما نبقاش لوحدنا ونعرف نتعامل مع العلاقات بدون ان احنا نمر بتجارب قاسي ونفتكر الماضي او ان احنا نبقى في علاقه طبيعيه نقدر ندي الريأكشن الطبيعي او التعبير الطبيعي ما يبقاش زياده عن اللزوم و ازاي نقدر نتعامل مع القلق والتوتر المزمن؟
لعرض السؤال في فدني اضغط هنا
مشكلتي اني بحس أضعف مايكون مع كل موقف بمر فيه في حياتي ومع الزمن والظروف بحس اني بنهار جدا واني مش قد الحياة
انا بنت عندي اربع إخوة ذكور واحنا تلات بنات اخواتي اتجوزوا متأخر وكان نصيبهم مش احسن حاجة وانا اتقدملي النهارده واحد هو موظف وطموح وعند إمكانيات كتيرة وسألني لو عاوزة اشتغل فجاوبته نفسي والكلام ده واني اخلص كلية وافكر بس اخويا قال إنه رجل وعليه القوامة وأنها تقعد في البيت وتكون في خدمتك وده شيء مش وحش بالنسبة لي بس حسيت انه هو كان عاوزني اشتغل
وكمان احنا حالتنا المادية مش احسن حاجة وكمان اخواتي ماحدش فيهم متجوز والصراحة بخاف اني اتعلق بحد ومن فكرة الرفض ومش بتقدم ليا عرسان وانا نفسي في واحد يكون فيه مواصفات زي المتقدم ليا النهارده اخويا بيقولي قدري نفسك وثقي فيها وان لو عاوز حد بيشتريه ويقدره
هو يعتبر أقارب ليا من ناحية الام وعايشين في القاهره واني عايشة في قرية محافظة ليها تقاليد وعادات وانا خريجة حقوق ولكن تقديري ما يخيلنيش اني اشتغل في وظيفة قضائية من المناصب الرفيعة
وكمان بحس بالضعف وانا عندي فرط تفكير وخوف من الرفض ومن وضع اهلي واني حياتي مافيهاش مميزات كتيرة واني الصراحة نفسي في حد يكون عنده مواصفات أنه يفتح بيت ومقتدر وأنه عنده كفاءة عالية ولقيت المواصفات ده فيه بس حسيت بالنقص من عندي واني لا امتلك شيء ولا اصلح لشيء
اهلي كتر الله خيرهم وأنهم بيدعموني وبيحبوني وبيحاولوا انهم يخففوا من تفكيري وان بحبهم بس بخاف اني ميقدرنيش وانا في مقارنات كتيرة بتحصل جوا دماغي وانا تعبت نفسياً عشان كدا بخاف من انه يتقدم لي حد او ميكونش مناسب
نفسي في نصيحه تنفعني وكلام يريحني ويشيل عني كتر التفكير لأن الأمر كله لله وهو رزقني اني يجي وهو هيرزقني باشياء كتيرة في حياتي وساوس الشيطان والتفكير الزيادة والخوف بالنسبة تجعلني كالحي عايش ولكنه شبه ميت ومنطفئ
لعرض السؤال في فدني اضغط هنا
( سني 20 سنه )
ساعات بخاف من فكرة الزواج في سن الثلاثين أو قريب من الثلاثين لأني بخاف اني لما اتجوز إن شاء الله معرفش اعيش حياتي مع زوجتي واولادي بحكم السن واخاف من أن الزمن والعمر يفرقنا عن بعض بسرعه واني بسمع أن بعض البنات مبتحبش تتجوز الراجل في سن الثلاثين وتكون شايفه أنه كبير وكدا دا غير نظرة المجتمع
وفي نفس الوقت مش عاوز البنت الي اتزوجها يكون مفيش بينا حب او مجرد زواج وخلاص زي الصالونات أو القرايب وغيره من أنواع الزواج
اعمل ايه علشان اخفف القلق من الموضوع والخوف منه
لعرض السؤال في فدني اضغط هنا
عندي دايما احساس بإني عايزه اعيط ف الكلام الكويس و الوحش بس ف المدح اكتر عيني بدمع و بحس بإني عايزه اعيط و ان في خنقه كده معرفش ليه مع اني المفروض ابقى مبسوطه مش مخنوقه و عايزه اعيط
لعرض السؤال في فدني اضغط هنا
مش عارفه أبدا منين بس لو حد عندو معلومات عن ازاي احب شكلي بالحجاب.
انا لبسته عن طريق اهلي من كتر ضغط الكلام لكن دلوقتي انا اقدر اخلعه بعد سنتين..بحس ساعات أن مشكلتي مش اني خايفه اقلعه عشان ربنا لكن ان انا خايفه من نظره الناس انا مش حابه شكلي خالص بيه ومش عارفه اعمل ايه حاسه أن هو مش مخليني ابقى على شخصيتي الحقيقة بحتاج البس لبس معين و اللبس دا مش قصير او كده لكن بيبرز شخصيتي بيحسسنس اني انا. لكن الحجاب دائما بلبس حاجات بحس اني مش انا مش هي دي الانسانه الي في البيت كأني فيك عارفه أن دا شئ سطحي لكنه مأثر عليا
لعرض السؤال في فدني اضغط هنا
مر أكثر من عامين أعيشهم وحدي بين عائلتي وربما بعض بقايا الأصدقاء لكنني أفقد فيها الأنس والمشاركة والونس، تمر بي ضغوطات نفسية، مشكلات، مرض وشفاء إخفاقات ونجاحات أحملها جميعا وحدي.
كنت بطبيعتي اجتماعية جدا دائرتي كانت كبيرة مع أن القريبين مني قليلون لكن مع بداية الحياة الجامعية ابتعد القريبون وألهتنا الحياة.
أشعر مؤخرا أن حياتي فعلا متوقفة لا أستطيع أن أكف عن التفكير والتفكير في كيف هي حياتي وحيدة وفارغة، الإنجازات لا طعم لها الحزن أكتمه وأبتسم أمام الجميع مع أن جسدي أصبح يظهر عليه الضغط الذي أخفيه.
ليس متاحا أن أُخْطب ليس لسبب لكنني لا أعتقد أن الأمر متاح أصلا لست الشخصية الملفتة او الممتعة، جماليا أنا أقل وأقل من عادية ونفسيا لست واثقة أنني مستعدة. أصبحت أهرب من العلاقات كلها وأتعامل مع كل العلاقات أنه سيهرب الطرف الأخر " سواء صديقة أو غيرها لم أجرب مع النوع الأخر" وأخيرا لا أحد يتقدم ولست مهتمة أو لا أفكر في هذا الأمر كثيرا.
عامة ما أحتاجه كيف أتوقف عن الالتفات والتفكير الكثير والمبالغ فيه في مدى استحقاقي للحب ومتى سأجده وصراع بين الخيال في إيجاب الونس والرفقة والمشاركة وبين الواقع والأدلة التي تنفي لقاءهم وتثبت عدم استحقاقي وتجاربي الفاشلة السابقة التي توقفت عن عدها من كثرتها
أريد أن أتوقف عن التفكير وأركز أكثر على حياتي العملية التي للتو بدأت ولا أستطيع الإندماج فيها جيدا وأن أتميز فيها بسبب حالة التبلد التي أصبحت عليها مؤخرا
وشكرا مقدما على وقتكم كنت احتاج التحدث من باب الفضفضة لعلها تريح ولعله يكون مع أحدكم حل أو قول يهون علي
لعرض السؤال في فدني اضغط هنا
دايما بتمدح على اني جميلة وأنا بشوف نفسي جميلة وكمان اوي وده بيخليني اوقف قدام المراية كتير وابص على جسمي و وشي كمان و أفضل امدح نفسي وإن مفنيش غلطة بس دايما بيجي في بالي كم البنات اللي بتسكونهم جن وغيره عشان بيوقفوا قدام المراية دايما بسمع أن ده بيحصل لما بنت توقف قدام مراية بجد ببقى عاوزه اتعامل نفسي أكتر واكتر بس بخاف فإيه الحل
لعرض السؤال في فدني اضغط هنا
ما هو علاج حالتي؟
سؤال عن: «حالة نادر» !!!
«أنا شابةٌ أبلغ من العمر ستة وعشرين عاماً، ومن أصحاب الذكاء الفائق (معدل ذكائي +195). أعيش منذ سنتين في معاناة يومية مريرة؛ إذ تجتاحني نوبات غضب حادة بمجرد استيقاظي من النوم. في تلك اللحظات، تتداعى إلى ذهني ذكريات سيئة ومشاحنات قديمة، وتتملكني رغبة قهرية شديدة في الشجار مع أشخاص أذوني في الماضي. أجد نفسي أتحدث معهم فعلياً بشكل قهري وعصبي، وتتكرر الكلمات ذاتها على لساني بصوت يرتفع تارة وينخفض تارة أخرى. أشعر حينها بعصبية عارمة كأن دماغي يحترق، وتجتاحني رغبة مؤلمة وقهرية في القتل والحرق؛ وهي أفكار متطفلة مرعبة أرغب بشدة في التخلص منها لكنني عاجزة تماماً عن ذلك.
لقد بدأت رحلتي مع هذه الاضطرابات منذ الطفولة؛ ففي سن العاشرة ظهر لدي سلوك قهري تمثل في الهوس بالنظام والترتيب. وفي سن الثانية عشرة، عانيت من تخدير وتنميل في النصف الأيسر من جسدي وفي كفوف يدي. ومع بلوغي سن الرابعة عشرة، بدأت أعاني من سيلان الأنف وحساسية الجيوب الأنفية، تلاها الإصابة بالاكتئاب في سن الخامسة عشرة، ثم الرهاب الاجتماعي في سن السادسة عشرة، بالإضافة إلى تشنجات في عضلات الساق ما زالت تأتيني على فترات متقطعة حتى الآن.
عندما بلغت سن الثانية والعشرين، تمكنت بحمد الله من التغلب على الرهاب الاجتماعي، غير أنني أصبحت أميل في كثير من الأحيان إلى الرغبة في الانعزال التام عن المجتمع. مؤخراً، تناولت دواء (مودابيكس - Modapex) لعدة أشهر، إلا أن استجابتي له كانت ضعيفة جداً، حيث لم يقلل من حدة الأعراض إلا بنسبة منخفضة وغير كافية».
بماذا تشخصون حالتي؟
ما هو العلاج من فضلك؟ وما التشخيص؟
لعرض السؤال في فدني اضغط هنا
اخي احمد كيف حالك انا اعاني من القلون العصبي وهو يسبب لي الكتير من الأعراض البعض منها لا ابالي لها لكن البعض يسبب لي الإرهاق والتعب من هذه الحياة والخوف من الموت ومن اي شيء الفقد الحزن كل شىء هل يوجد حل وهل يوجد علاج
لعرض السؤال في فدني اضغط هنا
بتجيلي افكار انتحاريه بشعه
انا عمري م كنت بفكر بالطريقه دي او بفكر كدا ودايما بخاف جدا م الموت وبخاف اموت وانا م جاهزه اقابل ربنا
بس بقالي فتره عندي افكار انتحاريه مش طبيعيه
في صوت في دماغي مش سايبني في حالي بمعني الكلمه بيقولي ارمي نفسك من دور عالي ومش هتحسي بحاجه ولا بأي وجع
انا مرعوبه اكون بمر بلحظه غصب او ضعف وانفذ كلام الصوت
لعرض السؤال في فدني اضغط هنا
انا نشأت في بيت والدي فيه مش بيحب والدتي ابدا و كان على طول خلافات و حرام هي غلبانة جدا وطيبة بس هو شخصية متسلطة وبيكرهها وبيتللكلها ع كل حاجه ومازال لحد الآن رغم انهم كبروا وعدوا الستين سنة بس هو بيظلمها رغم انه حنين معانا كعياله و مع أي حد غريب ولا اي ست تلاقيه حنين معاها بس قصدي يعني مرات عمي او كده لكن مش بمعنى غلط الا امي ميتعاطفش معاها لو عملت إيه
من زمان وهو مسببلي رعب وخوف انه ينفصلوا واتربيت ع كده بس خلاص أنا تعبت مبقتش قادرة استحمل بقيت شخصية قلوقة جدا وبخاف من الهوا جوو البيت خلاص والله ماقادرة استحمل اي ضغط ولا اي كلمة ولا اي خلاف مهما كان بسيط يمكن اوقات بكبر الموضوع بس غصب عني انا بحبهم هما الاتنين ومقدرش استغنى عنهم وهو مش هعرف اتكلم معاه لأنه بيشوفني جاية في صفها فمش بيحب يسمع وانا معنديش طاقة اتكلم
اعمل إيه انا مش عارفه مفروض اعمل ايه
لعرض السؤال في فدني اضغط هنا
جماعة انا ف مشكلة ومش عارفه اعمل ايه
انا ٢٨ سنة و عندي اخ اكبر مني كل شوية ينزل فيا ضرب مرة شوهلي وشي و هددني أنه هيموتني و مرة يزعقلي في الشارع قدام الناس عشان شاكك اني بكلم واحد من وراهم وده محصلش لمجرد اني برفض العرسان اللي بيجيبوها عشان شكلهم مش مناسب
وامبارح كان هيفتح لي دماغي بالمروحه لولا اني حوشته صوباعي اللي اتفتح و بابا ماما يهدوه هو و كان هيكسر عليا الباب حرفيا مهدداه من اسبوع اني هعمله محضر لو فكر يضربني و مفيش فايدة كان هيموتني حرفيا وكل ده بدون سبب
لقياه مغلول مني وبيبصلي بكل حقد وغل اللي ف الدنيا اكني عدوته وابويا وامي ف صفه وكل عذرهم أن انا اللي استفزيته بالكلام و بيتبلوا عليا يقولوا انا اللي ضربته ...
مش عارفه حرفيا اعمل ايه ولا اروح لمين تعبت بجد ومش لاقيه حل معاه بقيت قافلة ع نفسي الاوضة دايما من كتر الخوف و ضربني تاني من اسبوعين ع راسي و جابلي ارتجاج ف المخ وابويا وامي يضربوني بالاقلام عشان بصرخ وبقوله انت مريض نفسي
كلمت خالي ف ساعتها و قالي هتصرف و مشي ومعملش حاجه و ابويا وامي يقولولي انتي بتفتري عليه و بتتبلي عليه وحسبي الله ونعم الوكيل فيكي و روحي صالحيه لاني بقالي اسبوع مقاطعاه وأما اقولهم مش هصالحه ده جابلي ارتجاج ف المخ يقولولي ماهي الدكتور قال طلعت بسيطة خلاص اهي هدي الدنيا و امي مقطعاني و واخدة جنب مني عشان انا مبكلمهوش هو ده طبيعي ؟؟؟!!
لعرض السؤال في فدني اضغط هنا
انا حاسه اني عندي عدم ثقه في النفس بسبب شكلي حقيقي ساعات بتوصل معايا اني اعيط ومنزلش من البيت مع اني ملامحي مقبوله والكل بيقولي عندك قبول وعيونك وابتسامتك حلوين ولما بنزل الكل بيركز معايا بس لو حصل موقف وعديت من جنب حد مثلا وقال وحشه بزعل اوي يعني رأي شخص واحد من وسط 10 بيقفل يومي
النهارده حصل موقف تاني عديت من جنب اتنين قال تقرف الكلب هي ممكن تكون مش عليا بس انا مش شايفاها غير ليا وزعلت ولغيت طلباتي وحسيت اني وحشه فعلا
انا عندي مشكلة مع اهلي من زمان مش بيحبو البنت السمرا وأنا قمحاويه بس بشرتي من النوع الي بيسمر بسرعه من الشمس لو نزلت نص ساعة انزل درجه دايما بستخدم كريمات كتير تفتيح بس مش بفايده وبشرتي دهنيه مش بستحمل الكم دا وبطلع حبوب
والناس لما تبص عليا حرفيا ممكن ابكي ف الشارع دا غير ان معايا واحدة صحبتي بتدور ع عرسان لاخواتها عايزهم بيض وكل شوية تقول الكلام ده قدامي بحس بنقص حتى اخويا بيدور ع عروسه بيضه كل صحابي اتخطبوا بحس ان انا لا عشان لوني وان الاولى واحده بيضه وان ماليش الحق اقبل بحد احلى او ابيض مني عشان هيعايريني وهيكون مجبر عليا
مع ان في كل مكان بعجب اي حد وصحابي بيحسسوني بالنقص دا احنا اتخطبنا عشان حلوين وبيض وانتي وحشه انا مش ف دماغي جواز ولا خطوبه ولا اي حاجه بس كلامهم بيحسسني بنقص مع ان اتقدملي ناس من ونا ف تانيه اعدادي ولحد دلوقتي وبحاول اختار الي يناسبني وصحابي دول مع اول واحد خطب وافقوا فانا تفكيري متلغبط جدا وحاسه بنقص وعدم ثقه من شكلي
لعرض السؤال في فدني اضغط هنا
السلام عليكم ورحمة الله وبركاته
انا بشتغل ف للصيدلية ف المهم طبعا بتعرض اني بشوف شباب بكل الأعمار
ف الحمدلله بحاول اغض بصري ع كد م اقدر الفكرة لما بصرف نظري انا بحس القدامي بيصلي نظرة استغراب بلاقي شباب باصه فيا وانا عيني ف اي مكان عشان مبصلوش الا اني بلاقي يا ابتسامه يا الاقي عيني يفضل يبص انا توترت والموضوع مسببلي رهبه طب انا عملت حاجه غلط طب في اي بجد انا مش عارفة اي للحل
يا اخوات انا اي اعمل بجد؟ والله حقيقي بتوتر بدأت لما بجاهد نفسي اني مبصش
كل ماشاب يبص انا بتوتر والله وبحس هعيط مش عارفة اي السبب
لعرض السؤال في فدني اضغط هنا
عندي تعلق ناتج عن إحتياج عاطفي بسبب انه أبويا طول وقت طفولتي كان مسافر ومرجعش غير وأنا مراهقة وأمي شديدة شوية ف بدأت قصة التعلق من وانا في إبتدائي ومكملة معايا حتي الآن وانا في الجامعة ولاحظت انه نمط الشباب اللي بتعلق بيهم كلهم توكسيك حرفيا كلهم وتعبت أوي بجد وممكن حد أشوفه مره مرتين بس أتعلق بيه ويفضل معلق معايا فترات طويلة بتوصل ل سنتين وتلاته
لعرض السؤال في فدني اضغط هنا
صباح الخير يا جماعة.. محتاجة رايكم.
أنا عندي ١٨ سنة، ويومي ف العاده بيبقى مشغول بشتغل أونلاين، بساعد في البيت، وبجهز نفسي لتالتة ثانوي. المشكلة مش في اليوم نفسه، المشكلة بتحصل بالليل وبالتحديد وأنا بخلص شغل تاني غير بتاع الصبح وبنيجي على الساعة ٦ أو ٧ الصبح.
أول ما أخلص شغل وأجي أنام، بدل ما أرتاح، بلاقي نفسي مخنوقة جداً ومش قادره أتنفس وبعيط عياط هستيري معرفش بدأ منين ولا ليه.
أنا في العادي إنسانة كتومة جداً، وأي حاجة بتوجعني زمان كنت بعديها وبضحك في وش الناس، وماشية بمبدأ إني القوية اللي مش بتتكسر، وكنت بتخطى المواقف بسرعة جداً من كتر ما بشغل نفسي من صغري.
آخر فتره بدأت أقرأ كتاب اسمه (جروح نفسية)، ومن ساعتها الكتاب فتح باب قديم أوي.. بقيت كل يوم في وقت النوم ده أفتكر كل اللي أذوني، وشريط حياتي يمر، وتصعب عليّ نفسي أوي، وسؤال واحد بيلف في دماغي: (ليه؟!).
أنا خايفة ومش فاهمة هو ده رد فعل طبيعي لمجرد تراكمات وكتمان سنين، ولا أنا كده دخلت في منطقة خطر ومحتاجة بجد أروح لطبيب نفسي؟ وهل اللي بعمله ده (العياط الهستيري الفجر) مع معايير الضغط دي محتاج تدخل متخصص؟
لعرض السؤال في فدني اضغط هنا
دايما بحس اني. بموت من جوايا حاسه بوجع نفسي رهيب. بقالي فتره كبيرة جدا بالشكل دة والمشكله الوحيدة ان مفيش سبب لده. مثلا. دايما دايما عندي. خمول غير طبيعي بتعب من اقل مجهود. علطول فسريري بكره البشر وبكره اهلي بدون سبب فجأه وهما اصلا مش وحشين معايا بأذي. نفسي كتير جدا مش بهدف الانتحار بهدف. اني. احس. بالوجع الجسدي مع النفسي بعاقب نفسي حاسه اصلا ان بقيت معنديش مشاعر بعد. مكنت حساسه جدا. دايما كنت بعيط لما بزعل دلوقتي لسا. حساسه بس مبعيطش. والوجع يزيد. عن الاول دايما ببان قويه. قوه مبتظهرش غير للناس بيتمنو حرفيا قوتي اللي هي مش. حقيقيه اصلاا علطول. عندي. افكار انتحاريه بس مش بنفذها بأذي نفسي بس اللي مستغرباه ان جدتي. توفت من اقل من شهر ونا كنت بعشقها. حرفيا منزلتش دمعه وحاسه اني مش مهتمه بموتها رغم اني كنت بعشقها مش فاهمه اي الفتره اللي نا فيها دي. بس الفتره دي نا كرهت الدنيا فيها.، برأيكم دة اي!؟
لعرض السؤال في فدني اضغط هنا
أنا اول مره احمل ..
وحامل ف الشهر الرابع بس عندي ورم ليفي ف الرحم الدكتوره بتقول انه ف جدار الرحم بس انا مش متاكده ولا مصدقه عاوزا افهم اكتر واكتر وانا من بدايه الحمل وانا برجع ترجيع مستمر لحد الان وكنت باخد يعتبر يوم ويوم محلول ملحي ع حقنه دانست تركيز ٨ وفجاه منعتني منها بس الفكره إن الورم ليفي دا ف اول حملي مكنتش كدا كنت كل لما اروح لدكتور يقول إنه كيس دهني واصغر من حجم زيتون وانا دلوقتي مش عارفه اعمل اي وخايفه ومش فاهمه حالتي اصلا بقيت مش عارفه دا اعراض حمل ولا دا أعراض الورم ولا دا طبيعي ولا فيا حاجه أنا يعتبر أن خايفه من مجهول .. ممكن حد يفهمني حالتي وبالنسبه للترجيع فأنا لحد الان لسه برجع ودرجه الحراره بتاعتي كانت بتوصل لل٤٠ وخسيت بطريقه صعبه اوي
لعرض السؤال في فدني اضغط هنا
السلام عليكم.
انا شغالة مساعدة دكتور اسنان المهم امبارح صباعي اتشك بسرنجة مستعملة من مريض وصباعي نزف كتير حطيتله بتادين ولفيته وكملت اليوم عادي.
لما روحت سألت عن الموضوع اكتشفت اني لازم اروح المستشفى واعمل تحاليل واخد حقنة معينة وحاجات كتير ونا بصراحة كسلت لأن كان الوقت متأخر اصلا والمستشفى بعيدة عن منطقتي. المهم تاني يوم نسيت او مجاش ببالي لحد ما اليوم خلص وفجأة افتكرت واستوعبت اللي انا فيه وبديت أخاف واتوتر من أي مرض ممكن ينتقل ليا من الدم وحاسة اني اتأخرت ع اتخاذ اي اجراء. المفروض اعمل اي ولا ده عادي؟
خصوصا اني صباعي مش ظاهر عليه أي اعراض غير مكان الشكة بس
لعرض السؤال في فدني اضغط هنا
عايزه يكون عندي ثقة في نفسي لان دي بجد حاجه مأثره على حياتي وكل حاجه يعني مثلا لو الاستاذ سأل سؤال اننا نقول رأينا في حاجه او نناقش معاه في حاجه انا مستحيل اتكلم ومع اني نفسي أتكلم بس بكون خايفة وفي بنت معايا ما شاء الله عليها بتقوم دايما وبتتكلم في كل حاجه وعندها معلومات في حاجات كتير اوي ومستواها الدراسي كويس جدا وكمان بحس اني لو وقفت مش هعرف اجمع كلمتين او اني اقدر اقول كلام علمي.
ومثلا لو الاستاذ طلعني على السبورة عشان يسألني او مسابقة بكون متوترة جدا وعايزه أختفي ولو في اي تجمع عائلي او مثلا قاعدة علمية او دينية بكون عايزه أجري خايفه يتناقشوا معايا ومعرفش ارد او كده وطبعا دي أمثلة بسيطة من حياتي
انا في تانيه بكالوريا وعايزه اكون ممتازة في دراستي ومثقفة وبعرف اتكلم يكون عندي فصاحة يعني واحاول اتخلص من الرهاب الاجتماعي واكون ملتزمه وعندي معلومات دينية
لعرض السؤال في فدني اضغط هنا
انا بدرس في المجال بقالي فترة ومُقبل على خطوة مهمة جدا تعتبر تنفيذ للي اتعلمته ف محتاج حد شغال في الموضوع ضروري عشان حاسس نفسي تايه اوي ومحتاج فعلا استشيره في حاجات كتير
لعرض السؤال في فدني اضغط هنا
كيف انشر كتيب ماهي الخطوات سواء في دار نشر او في منصات؟
لعرض السؤال في فدني اضغط هنا
جماعه انا من فتره شوفت كذا حد منزل ان دا هكر ومينفعش ندخل الرابط الكلام دا حقيقي ولا اي
لعرض السؤال في فدني اضغط هنا
السلام عليكم ورحمة الله وبركاته
انا عندي 18 سنه وكنت عاوزه أبدأ من الصفر في تعلم العلم الشرعي
وعندي مجلدات وكتب كتير جداً في علوم الشريعه بس مش عارفه أبدا منين ول اسمع بودكاستات ولا محاضرات لمين ممكن حد يفدني
بس لو هسمع هسمع لشيخ سلفي
لعرض السؤال في فدني اضغط هنا
السلام عليكم
لما كنت ف اولي ابتدائي او كي جي تو مش فاكره اوي السن، قبل كدا ماما طلبت مني اخد اختي معايا الصبح الساعه 8 ونروح عند تيتا عشان هي رايحه الشغل، احنا كنا متعودين عادي نروح لان تيتا قريبه وانا عارفه الطريق، المهم اني مشيت وعلى باب شارع تيتا كان في ولد صغير بنفس سني، كان زميل ليا في الدروس يعني، وجه توكتوك مشي ما بينا، بص ليا انا واختي وراح باصص للولد بعدها وقف ونزل ومسك الولد من قفاه وهو بيجبره يركب التوك توك،
الولد قعد يعيط جامد ويرفض، انا كنت عارفه ومستوعبه ان الراجل بيخطفه لان الخطف كان موجود اوي اوي ساعتها، الراجل يصرخ فيه ويجبره والمنطقه قاطعه وانا اختي نتفرج بس،
انا فاكره اوي نظره الولد ليا حاسه اني خاينه كدا ولسه حاسه بالذنب لحد دلوقتي اني حتي مصرختش، صرخه واحده مني كانت هتخوف الراجل وتبعده عن المكان بس انا كعملتش كدا، انا خدت اختي وجريت علي بيت تيتا ولما جيت ابص ورايا لقيت الولد متخدر ونايم علي كنبه التوكووك من ورا والراجل جري،
كنت صغيره ساعتها ف محدش صدقني لما قولت لماما وتيتا محدش يصدقني وساعتها دخلت في صدمه وحاله بكاء من الخوف بسبب اللي شفته، انا كل ما افتكر دا بتضايق واغضب من نفسي اوي يعني الولد بصلي طالب مني مساعده وانا اللي عملته فكرت بنفسي وخدت اختي وجريت،
بحكي لواحده صحبتي حاليا قالتلي ان انا كنت صغيره واي حد كان هيعمل كدا، الله يرحمه ان كان مات والله يارب يكون عايش اصلا او ربنا نجاه لان من ساعتها وانا مش بشوفه، مش عارفه اللي انا عملته دي انانيه ولا تفكير طفله عادي ولا اي، من ساعتها وانا عندي فوبيا من اي حد اساسا والله حاسه اني عايزه اقابل الولد واعتذرله جامد
لعرض السؤال في فدني اضغط هنا
أنا ثنائي قطب، وبعاني أحيانا من هلاوس وضلالات، ومتوقفة عن العلاج حاليا..
محيطي يعرف بمرضي، وأحيانا بيتم استخدامه ضدي -ربما بدون قصد- أثناء الخلافات، ومع استمرار ذكر مرضي بشكل أو آخر طول الوقت، فقدت كل رغبة في الحياة أو محاولة النجاة..
حاولت كثيرا انتحر، لكن كنت أحجم نفسي في النهاية، لأني مؤمنة أن الله لن يغفر لي قتلي لنفسي، لكن لم أعد قادرة أبدا على الاستمرار، ولا تحمل رؤية الصورة المحفوظة عني، أحس بوحدة ووحشة شديدة، وعدم قدرة عن التعبير عن نفسي، والعزوف عن التعبير عن مشاعري.
لا أعلم حتى ما الذي يجب أن أسأل عنه بالضبط، لكن أريد أن أحمي نفسي من وصف الآخرين لي بالجنون.
لعرض السؤال في فدني اضغط هنا
عندى تلعثم في الكلام ف محتاج تطور من نفسي واخلص من التلعثم وتتكلم وأظهر مخارج الحروف اعمل ايه
لعرض السؤال في فدني اضغط هنا
السلام عليكم
للاسف انا عندي مشكله اختي اكتشفت من فتره انها يعني بتعمل العاده السريه بس بطريقه مقرفه شويه بتتفرج على افلام اباحيه وبتكلم شباب كتير مع العلم ان والدي متدين واهلي عموما والموضوع اتطور معاها ان كذا حد لمسها بس يعني لسه بنت واكيد هتفهموني والموضوع الشهوه ولمس جسمها ف مكان معين بقاا هوس بتحكيلي انها ممكن تعمل اكتر من أربع او خمس مرات ف اليوم ومع العلم انها ما كنتش كده كانت بتصلي وحافظه كتاب ربنا ومعرفش ايه اللي حصلها الموضوع بقااا إدمان عندها وكمان انا مااقدرش احكي لأهلي لان متأكده ممكن تموت فيها منهم وكمان مااقدرش استشير شيخ لان تقريبا شبه الشيوخ عارفين والدي ي ريت ي جماعه حد يساعدني بدون تجريح هل هي تعتبر زانيه والحل ايه انها ترجع لربنا ازاي خصوصا انها بتقولي حاولت كذا مره برضو بتسيب الصلاه وتميل للحلجات دي وكمان محتاجه استشاره دكتور نفسيه هل ده مرض ولازم يتعالج وللأسف انا ما بقيتش عارفه هي اذت نفسها ولسه بنت ولا ايه ❤️🩹❤️🩹❤️🩹❤️🩹❤️🩹❤️🩹😭😭😭😭😭😭😭
لعرض السؤال في فدني اضغط هنا
انا دفعه ثانوي 2027،لسه مكملش الشهر الاول حتي وانا حاسه اني بضيع، الحمد لله مراكمتش اي حاجه بس الضغوط بتيجي من كل حته حرفيا، انا فقدت الشعور بالأمان، انا طول عمري كنت بسمع انها سنه صعبه ومليانه ضغوط بس مجاش ف بالي كدا،
المدرس بيخرج طاقته السلبيه عليا لو هو عنده ضغوط مثلا وانا سألته سؤال، العيله كذلك، اي طاقه سلبيه من حد بيخرجها عليا مش فاهمه ليه،
بردو منظمه وقتي بطريقه تخليني مراكمش والطريقه حلوه وقربتني من ربنا جدا وبعدتني عن الموبايل وانا متأكده تلاتلاف في الميه اني لو كملت علي دا هحقق اللي انا عايزاه بس دفعه السنه اللي فاتت، دفعه 2026 افقدتني الشغف اللي هو ممكن اتظلم في الدرجات او الغش يرفع التنسيق اوفر او محدش ياخد حقه وكدا.
عماله اقول طب لو محققتش اللي انا عايزاه اعمل اي، العيله كلها دخلت كليات القمه خاص، مش بحسدهم، ربنا يوفقهم بس انا مش هقدر ادخل خاص ف الحاجه معتمده علي مجهودي وبس، كل ما افتكر حاجه زي دي بخاف حتى الكوابيس مش بتسيبني في حالي اللي هو لا راحه وانا صاحيه ولا راحه وانا نايمه
لعرض السؤال في فدني اضغط هنا
السلام عليكم ورحمه الله وبركاته
انا بنت عندي ٢٠ سنة
عندي في البيت مشاكل كبيرة ما بين اهلي وواصلة للانفصال وماما بقاله بتاع ٥ أو ٦ شهور سايبة البيت وحاليا رفعت قضية نفقة وعايزانا بس اهل ابويا وابويا مش عايزين يودونا ليها لأنها طالبة مبلغ علشان تاخدنا ويعتبر عفش البيت ما عدا أوضة النوم ودلوقتي بيعملو أنهم يقولو كلام لينا زي مثلا المحامي قال إن امكو مش عايزاكو وأنها طلبت نفقة علي نفسها بس ومش رافعة ليكو القضية هي عمتا قالتلنا من البداية أن النفقة بتاعتي وبتاعت اخواتي لازم احنا الي نعملها علشان احنا معانا بطايق وخصوصا انا علشان معدية السن القانوني ف يعتبر انا مسئولة عن نفسي حاليا انا نفسيتي متدمرة حرفيا وحاسة الدنيا كل شوية بتسوء وخصوصا أن ابويا عايز هو كمان زي ما ماما عملت قضية هو كمان يعمل فيها انا مقهورة عليا انا واخواتي واحنا مالناش ذنب وحياتنا هتقف ولو حتي اجي عريس أو حد سأل عليا دلوقتي أو فيما بعد هيقولوله أن أهلها كذا ويبعد احنا مفيش حد هيتأذي غير انا واخواتي وبالفعل بنتأذي كل يوم في غياب ماما عننا ومش بنشوفها غير كل فين وفين وانا طبعا الكبيرة في يعتبر شايلة البيت ومسئولية اكبر مني وخصوصا اني ف جامعة
مش عارفة اتخطي الأفكار السلبية وبقعد اعيط كتير وخصوصا أن في ظلم كبير لينا من ابويا وأهله ومش معترفين بأي غلط وجدو عارف كل حاجة وحرفيا في حاجات ابويا عملها متتعداش بالقانون بس جدو ولا مرة قاله انت غلط وابويا نفسه بيقولنا أن ماما زي ما مشيت ترجع وأنه معملش حاجة رغم سمعناه كذا مرة بيكلم بنات وبينكر ده وبيقول اصل بكلم واحد صاحبي وبيبررو الخيانة أنه شئ طبيعي وكل الرجالة بتعمل كدا وشايفين أن دماغي صعبة وكدا انا مش همشي ف جوازة بدماغي دي
لعرض السؤال في فدني اضغط هنا
عايزه احسن النفسيه اعمل اي بصحي مش بقدر اقوم من علي السرير اصلا ولو قومت عشان اكل او اشرب او اعمل اي حاجه مطلوبه وارجع انما لو انا عايزه اعمل حاجه من جوايا مش قادره اعمل حاجه
لعرض السؤال في فدني اضغط هنا
كان نفسي يبقي ليا شله وصحاب حاليا ٢٥ وحقيقي وحيد جدا فكره انك هتموت لوحدك معندكش حد حتى يفتكرك ..
وحاليا حصل مشكله في الشغل واتفصلت حرفيا مديري باعني وزمايلي بالمقابل انا كنت طاحن نفسي في الشغل عشان مديري بعزه وكنت مفكره سند
خلاني اسأل هو انا قصرت في ايه ؟ مع ان كل زمايلي من الإدارات التانيه يشيدو بشغلي وبمدى تفاني في العمل بجد كنت باجي على نفسي جامد وياريت كان فيه حتى مرتب...
انا زهقان بس مش عارف من ايه ولا ايه بالظبط شغلانه مش مناسبه مع شخصيتي بس مضطر عشان مش لاقي غيرها حياه عايشها بدور مش دورك حياه بائسه بتعمل فيها كل حاجه تعبت واتفرمت عشان كان نفسك متوصلش للمرحله دي ووصلتلها برضو...
انا بس عاوز افهم انا قصرت في ايه؟! دراسه ؟؟؟ ذاكرت لما كان الكل بيلعب ويخرج
شغل ؟؟ فرمت نفسي وحاولت اطور لما كان الباقي بيهمبك وعايشها تطبيل
حتى اني بذاكر مجال تاني البرمجه حاليا لعل وعسى اخرج من الدوامه بس طبعا عارفين سوق العمل
فبجد انا قصرت في ايه ليه الحياه كرهاني كدا ليه كل حاجه وحشه ليه مبقتش حاسس حتى بطعم اي حاجه
عارفين الفكره أن بعد كل ده هنموت وهنتعذب برضو
فتبقى ولا طولت فرح دنيا ولا آخره حرفيا ...
كان نفسي اقول ان نفسي ارجع طفل بس حتى الايام دي كانت قاسيه اوي الواحد اتوجد في مكان مش مكانه وحياه مش حياته وموت مش موته
مش عارف اعمل ايه بجد فكرت في المخدرات اهو تبقى حاجه مؤقته بس مش هعرف اجبها
لعرض السؤال في فدني اضغط هنا
انا عندي مشكله مع شخصيتي انا حساسه جدا فوق الوصف والموضوع دا تاعبني اوي لو كلمه واحده اتقالت وحشه من غير قصد يومي كله يتقلب وابقي ماليش نفس اعمل اي حاجه وممكن الموضوع يوصل لايام مخنوقه وزعلانه بسبب الكلمه ودايما لو انا بتخانق مع حد بلاقيني فجأه بيجيلي زي الي هو باخد نفسي بصعوبه اوووي وبعيط وقلبي بيقعد يدق جامد اووووي وايدي بتترعش جامد مع اني ببقى عارفه اخد حقي عادي واعرف ارد بس في نفس الوقت مش ببقى عارفه الموضوع دا بجد مرهقني اوي نفسيا ومخليني طول الوقت منجنبه الناس ومش بتعامل مع اي حد خالص
لعرض السؤال في فدني اضغط هنا
انا بجد حالتي صعبه بكره عيلتي كلهم ومش عارفه اذاكر وعندي توتر زياده ومنعزله عن الناس مش بطلع غير قليل امي دي اكتر واحده بكرهها في حياتي وبابا كمان
لعرض السؤال في فدني اضغط هنا
ممكن حد يفيدني انا حاليا هتكلم عن اللى بيحصل في حياتي الفترة دي مش هحكي الماضي انا حاليا خلصت تالته ثانوي ومعنديش صحاب وعندي رهاب اجتماعي ومش بحب انزل لوحدي ف دايما فى البيت دايما بفكر كتير اوى ومش عارفه انا عايشه لى ومدمنه عادة سريه كل يوم حرفيا ادمان وينام ب منوم عشان أصحى اعيد نفس اليوم ومش عارفه انا عايشه لى ومعنديش ثقه في نفسي وبكرة شكلى وجسمي
لعرض السؤال في فدني اضغط هنا
السلام عليكم
ممكن حد يفيدني ازاي اتخطى الماضي واتخطى المشاكل وانسى ازاي مفكرش واسامح نفسي مش عارفة اتعايش مع نفسي كل مرة افكر بشوف نفسي قليلة في نظري عملت حاجات كتير غلط
نفسي حد يكلمني ويسمعني انا تعبت جدا شايفة ان اهلي بيحبوني بس بيتعصبوا مني احيانا بيعاملوني وحش انا عصبية جدا عصبية وبطني بتتعبني لما اتعصب عندي القولون باخد على خاطري بجد تعبت نفسي معنتش افكر اللي مضايقني
انا داخلة على سنة مهمة جدا لازم اذاكر واجتهد عندي هدف لازم اوصله وكمان مينفعش ادخل خاص لو لا قدر الله مجبتش مجموع لان اختي دخلت خاص انا بحس بذنب اصلا لما بطلب من بابا فلوس للدروس وباخد دروسي في مجاميع زحمة جدا بالرغم ان اختي كانت بتاخد كل دروسها برايفت
بحس اني مش لازم اطلب بس ده فعلا من حق بابا ومستحملة المجاميع الزحمة لمجرد ان مخليش بابا يدفع فلوس كتير بجد انا مش فاهمة يعني انا في ضغط كبير اويي من ناحية المصاريف ومن ناحية افكاري اللي مبتنتهيش
لعرض السؤال في فدني اضغط هنا
هل طبيعي اني احب الوحده اكتر من اني اتعامل مع الناس وفي نفس الوقت مش عارفه اعيش وحيده برضو حد فاهم قصدي 🥺
لعرض السؤال في فدني اضغط هنا
أنا عاوزه اتكلم مع حد يديني حلول واضحه مش حلول مؤقته أنا عاوزه اتكلم بس الكلام ولا بيقدم ولا بيأخر اي حاجه عاوزه ناس ناضجه و فاهمه...!!!
لعرض السؤال في فدني اضغط هنا
هكمل 24 سنه اتخرجت وبدأت في الماجستير لاحظت اني كل ما اخد خطوه جديده في حياتي لازم يحصلي نوبة قلق ( احس ان جسمي متلج وضربات قلبي سريعه وخوف غير مبرر واول ما تخلص افضل مكتئبه بعدها لفتره )
كل حاجه جديده تحصل سواء حلوه او وحشه لازم يحصلي كدا زي مثلا اشتري موبايل جديد او اغير ديكور البيت او انقل لبيت تاني حتي لو احلي من القديم حتي الماجستير لما بدأت فيه جاتلي نوبة قلق ولما اشتريت موبايل جديد رجعته تاني مقدرتش استحمل واخر مره حصلت من اسبوع لما جيت اسافر محافظة تانيه عشان اخد كورس جاتلي نوبة قلق ومروحتش
انا تعبانه جدا نفسي اعيش حياتي لما روحت لدكتوره نفسيه قالتلي بسبب طفولتك عشان كانت صعبه بسبب عصبيه بابا وخناقاته وضربه لماما طول الوقت كبرت في البيئه الغير سويه لدرجه ان جهازي العصبي بقي مجهد هرمونات السيرتونين والدوبامين تقريبا صفر مغيش حاجه بتفرحني طموحي اني اتعلم لغه واخلص الماستر واسافر بره مصر واشتغل شغلانه كويسه لكن للأسف بالمنظر ده انا مش هحقق اي حاجه خالص
الدكتوره قالتلي اني اتأخرت وان اللي قدي فاتح بيت وشايل مسؤولية واني اتأخرت .... هل فيه امل اني ابقي كويسه هل فيه امل اتخلص من النوبات دي واقدر اعيش زي الناس الطبيعية؟
لعرض السؤال في فدني اضغط هنا
انا مش متجوزة ولا مخطوبه ولا مرتبطه، اتولدت في بلد بتمنع البنات انهم يطلعوا من بيتهم الا للضرورة زى دراسه او للمستشفى، حاسه إنى كبرت وبقيت اخاف اكلم الناس وانا باصه في عينهم او اكلم الناس بشكل عام ،
بخاف من التجمعات رغم انه لو كنت بخرج من بيتى من وانا صغيره هبقى اجتماعيه قوى ، اللى اقصده انه انا اصلا مش انطوائيه زى ما الناس مفكرانى، الفكره إنى بخاف اتكلم فتره طويله ، بخاف ابص فعين اى حد اذا كان راجل او بنت، لما حد بيوجهلى كلام اياً كان ايه هو جسمي بيرعش بطريقة غريبه دا مش خجل معرفش ايه دا؟
أحيانا لما افكر انه انا خلاص في مرحلة جواز يعني ف اى وقت هيطلوبنى بتوتر مش عارفه اعمل ليه بجد خايفه اوى 😔
غير كدا بفكر هو ايه إلى هيعجبه فيا الراجل وانا مش بعرف اتكلم كويس وبدأت تظهر تأته في كلامى وكمان حتى لما اضحك مبقدرش معرفش ازاى ، بشكل عام انا محتاجه حد يساعدني أتجاوز المرحله دى محتاجه حد يفيدنى بجد يقولى اعمل ايه ولو لازم إنى اعمل تمارين هعملها قولولى اعمل ايه😭
انا دلوقتى في فتره بتعلم فيها كتابة روايات، والحوار اللى المفروض يبقى بين الشخصيات مش عارفه اعمله من كتر ما إنى مش بعرف اتكلم اصلا ، تعبت 😔
لعرض السؤال في فدني اضغط هنا
السلام عليكم انا بنت وحاليا داخله تالته جامعه
لما كنت لسه في بداية سنه تانيه ثانوي كنت ١٦ سنه لسه تقريبا بس مع اني كنت بنت بالغه وكبيره بس لحد وقتها مكنتش اعرف حاجات كتير بتحصل بين الراجل والست وكمان كان في علامات استفهام كتيره عندي ، وأهم حاجه مكنتش اعرف معناها نهائي غشاء البكاره او عذريه البنت كنت اسمع عنها قصص كتير بتحصل ليله الزفاف بسببها من قتل واتهام لسمعه البنت بس انا معرفش ايه ده اصلا او الحاجه ده فين او بيعرفوا ازاي ومكنش عندي الجرأه اسأل وكمان عادي الأسئله ده مكنتش شاغله بالي وقتها
المهم وقتها وانا ١٦ سنه حصلي موقف بشع جدا وكان موقف تحرش الموقف ده عملي صدمه لفتره طويله
من بعد الموقف ده كنت مكتئبه واقول لنفسي مش معنى انا ؟ وانا كده بقيت بنت وحشه ؟ المهم مع الأفكار ده بدأت ابحث عن جوجل واكتب قضايا تحرش او صور تحرش وكنت اقعد اقرا عن الحاجات ده واعيط جامد مش عارفه لحد دلوقتي كنت بعمل كده ليه لحد في مره وانا بعمل كده طلعلي موقع مش كويس كان اعلان ساعات لما تدخل على جوجل بيطلعك اعلانات وحشه المهم طلعلي الاعلان
وانا اتفرجت عليه كان في بنت بتعمل حاجه مش كويسه في نفسها
جالي فضول جامد مع اني معرفش وجاهله عن الموضوع ومعرفش الي بتعمله ده اسمه ايه او هيا بتعمل كده ليه او بتستفاد ايه بس روحت قلدتها بالضبط
وقتها حسيت بوجع جامد وشفت دم كتير واتخضيت جامد وقمت ومعتش عملت كده تاني واستحملت الوجع للأسف ساعتها انا فضيت غشاء البكاره بنفسي ( ملحوظه انا مكنتش اعرف اني عملت كده مكنتش اعرف اني غشاء البكاره في المكان ده اصلا كنت جاله عن الموضوع)
عدت الايام وبقيت اوعى وعرفت كل حاجه وعرفت اللي انا عملته في نفسه وساعتها شلت الهم اكتر وجالي اكتئاب اكتر بس مكنش في أيدي حاجه اعملها ومقلتش لحد
دلوقتي انا مش عارفه اعمل ايه وخايفه محدش يصدقني او يتهمني بحاجه انا معلمتهاش كان بيجيلي عرسان كتير وكنت برفض بسبب الموضوع ده بس لاني مش عارفه اتصرف ازاي
دلوقتي ابن خالتي أتقدم ليا وانا مستحيل أرفض الشخص ده لانه راجل فيه المواصفات اللي انا عاوزاها متدين جدا وليه شخصيه وحنين على أهل بيته وانا عمري ما شفت حنيه في حياتي فأنا عاوزاه ومش عاوزه الحاجه الحلوه اللي فيه تضيع مني .
دلوقتي انا مش عارفه اتصرف ازاي ممكن حد يفيدني ؟؟؟
لعرض السؤال في فدني اضغط هنا
اتشخصت كتير بقلق مزمن مش دايما مرضي . ساعات يزيد و يوصل لأعراض وسواس قهري و ساعات ما يبقاش في أي قلق أصلا .
مش عارفة أعيش مرتاحة من كتر القلق .
كل يوم عندي توتر
بصحى متأخر و أول ما المغرب يأذن و احس اليوم بيخلص و زوجي هيرجع بتوتر و احس اني ما خلصتش حاجة في البيت.
كل يوم عندي قلق و شعور بالفشل
و دايما حاسة ان حاجة بتجري ورايا و منهكة
دايما حاسة و لا حاجة من اللي نفسي أعمله خلصت
ساعات ده بيخليني أسيب كل ده و اقعد
ساعات احس اني محتاجة أضغط نفسي اكتر و انجز
ساعات احس عاوزة أهرب
ساعات افكر في مشاكل و اكبرها في دماغي و مع أقرب فرصة اتصرف على أساسها .
ما عنديش رغبة و لا وقت لجلسات العلاج السلوكي المعرفي اللي اتوصفت لي كتير
لعرض السؤال في فدني اضغط هنا
لعرض جميع الاسئلة في فدني اضغط هنا