السلام عليكم
انا بنت سني18سنه
من شهر تمانيه وانا بعاني من نوبات هلع وقلق وزاد اكتر عليه وسواس الموت بقيت لما اعمل اي حاجه وسواس الموت مش بيفارقني بقييت انام بفكر فيه حتى اول ما اقوم افكر فيه بقيت تعبانه اوي
حاولت اتعايش مع الموضوع وبقيت احسن بشويه بس من كام يوم حصل عندنا حاله وفاه ومن ساعته وانا مرعوبه خايفه على اهلي ليحصلهم حاجه وبقيت خايفه كل شويه حاسه اني خلاص بموت
بقيت خاف انام لوحدي او اسهر لوحدي حتى بخاف اقعد ف مكان لوحدي وبخاف اصلي ف حته مفيهاش حد لاني بترعب لازم اصلي ف حته فيه حد حتى الصلاه بقيت صعبه عليها بقيت مخنوقه ومش طايقه نفسي ومستنيه اخلص بسرعه حتى ببقى مش عارفه اقرأ قرآن خالص ببقا حاسه اني مش قادره اعمل حاجه جسمي فيه رعشه مع الخوف وببقا مش قادره من كتر الخوف والقلق
كل حاجه بقيت صعبه عليا ومش عارفه اعيش طبيعية ابدا ومش عارفه اعمل اي
لعرض السؤال في فدني اضغط هنا
السلام عليكم ورحمه الله وبركاته
انا بنوته عندي 17 سنه بتخيل حاجات وهي اصلا مش حقيقيه وبعيش تأثير الحاجه دي عليا يعني بعيشها يعني كمثلا وفاه شخص عزيز عليا فازعل وتضايق ف حاجه دي مش حباها بصراحه فيا يعني هي قريب قوي ان انا بعيش الحاجات ديت فبتخيل ان موت الشخص ده حقيقي
وحصلت معايا مثلا ان المده ان الشخص ده مات عزيز عليا فابدأ بقى اعيط وازعل واتخيل الحاجات دي واصلا الحاجات دي مش حقيقيه تخيلات مش اكتر فهو بزعل على التخيلات
فانا بصراحه حابه ان انا ابطل التهيؤات دي لان التهيؤات او احلام اليقظه ديت يعني مبوظه حياتي بصراحه خصوصا العقليه والكلام من ده فبصراحه مش حابه الحاجه دي
فاي حد يقدر يساعدني فبشكرك جدا جدا لان في ثالثه ثانوي فالحاجه دي بتأثر جدا علي. لان هي بتخليني افكر كتير وقريب جدا ان انا بلاش الحاجه ديه في موت الشخص ده او العزيز عليا فانا مش هعيط انا بس مش اكتر فمش حابه اكون انسانه بدون احساس او بدون مشاعر رغم ان انا انسانه حساسه جدا وانا حابه كده انا حابه اني اكون حساسه.
فانا مش حابه يكون قريب يكون يعني اكون انسان على الحجر ما عنديش اي مشاعر بصراحه يعني فحابه بصراحه حد يساعدني في النقطه دي بالذات لان النقطه دي مأثره برده عليا احيانا في احلام اليقظه والتفكير المفرد قبل النوم والكلام من ده.
التفكير المفرط قبل النوم حاولت اعالجه يعني والعلاج يعني الحمد لله يعني عالجت نصه كده
فبجد يعني عايزه إن أنا ابطل تفكير في حاجات او مشاهد مش موجوده اصلا. وابطل التخيلات الوهميه دي. دي اولا.
ثانيا انا بجد عارفه اني بعض الناس هتقول لي ما تشغلي نفسك بحاجه وانت بتفكري بالحاجات دي اشغل نفسي بايه انا اصلا مش عارفه اشغل نفسي بحاجه. بصراحه يعني حتى عم اجي اذاكر ممكن في نص المذاكره كده اتخيل حاجه اصلا من عقلي وازعل عليها وافرح بيها او حاجه زي كده. اللي هي يعني احلام اليقظه
فازاي اعالج احلام اليقظه. انا مش عارفه. لعله خير وبتمنى حد يقدر يساعدني ويكون فعلا عمل حاجه او او اتعالج بطريقه معينه وجابت نتيجه معاها. بس شكرا جدا جدا على اللي هيساعدني بجد واتمنى له التوفيق في حياته.
لعرض السؤال في فدني اضغط هنا
اوقات بشك إني ممكن أكون بعاني من اضطراب القلق بس كتير بحس اني بوهم نفسي
بقالي سنين يمكن من ٢ اعدادي وانا دلوقتي داخلة تالتة جامعة بعاني من حاجات ثابتة ممكن درجتها قلت او اختلفت :
١. تفكير زائد وتحليل المواقف والكلام بشكل مستمر وطول الوقت حتى لو موقف بسيط.
٢. القلق من المستقبل والسيناريوهات اللي ممكن تحصل ولازم اكون حاطة خطة في دماغي احتمالات ممكن تحصل.
٣.مقدرش انام غير وانا مخططة يومي هيمشي ازاي والمواعيد عني سيف بحس بخنقة وتوتر وضغط لو عارفة اني عندي مشوار بس معرفش الساعة كام .
٤. خوف من الرفض أو الهجر أو إن شخص مهم يبعد ومؤخرا بقى يخليني اول ما أحس ان علاقتي بحد بدأت تتعمق بحس كأني خايفة أو يحصل رد فعل اندفاعي بالكلام او التصرفات وأبدأ أبعد بسرعة.
٥. الاحتياج للطمئنينة، لما بيبقى في حاجة معرفهاش او هعمل حاجة جديدة بحتاج ديما حد يطمنني ويهديني ان دا طبيعي او دي حاجة عادية متخوفش، او لو حد بحبه ببقى حاسة اني محتاجة انه يأكد دا بس مش بطلب او اخرج الاحتياج دا .
٦.القلق من الأعراض الجسدية والخوف من أن تكون مشكلة صحية ولكن يتلاشي الاحساس بإقناع نفسي إني اتوهم.
٧.صعوبة تهدئة التفكير ممكن افضل صاحية مش عارفة انام من كتر ما انا مش قادرة اكنترول الأفكار واللي غالبا سلبية.
٨. جلد ذات قوي جدًا بعد الأخطاء أو المواقف لو غلطة صغيرة بعمل لنفسي محكمة وبحس بجد انها نهاية العالم وان الناس كلها شايفاني غير مسؤولة وفاشلة.
٩. التوتر من المواقف الاجتماعية لو في مناسبة ببقى محرجة جدا كمان لو حد سلم عليا، وبتكسف وبتوتر لو راجل في محيط الشغل او الكلية نطق اسمي بحس اني عاوزة الارض تتشق وتبلعني كدا.
١٠. القلق عند وجود مشاعر أو علاقات قريبة وأحيانًا الرغبة في الانسحاب رغم الرغبة في القرب.
١١. ظهور القلق جسديًا: شد في الجسم، ألم مع العصبية، إحساس بالضغط والتوتر، ورعشة أحيانًا، الشعور بأنني أريد التكلم اتكلم كثيرا لكنني لا أعرف ماذا اقول او كلامي غير مرتب.
١٢. صعوبة تحمل الجهل بحاول أعرف "هو ليه حصل؟ وإيه معناه؟ وإيه اللي هيحصل بعد كده؟ طب فلانة بتفكر في ايه؟ طب يا ترى انا متشافة ازاي؟ "
١٣. لو حد سألني سؤال فجأة حتى لو عارفاه دماغي بحسها بتقف بحس كإني بحاول أشغلها معلقة احساس انك ماسك موبايلك بتحاول تحركه بس التاتش مش شغال.
١٤. ذاكرتي ضعيفة بنسى بسرعة
اوقات بحس انه لاء دا مش طبيعي وكتيير بقعد اقول اكيد لاء يعني متهيألي اساسا وانا اللي مركزة زيادة بس حتى اللي حواليا لاحظوا اني بتوتر بسرعة ممكن من حاجات بسيطة اوي زي الأخصائية طلبت مني أجيب لها شريط لزق من الدولاب وانا بدور عليه كانت ايدي بترتعش بس انا مكنتش حاسة بتوتر عالي اوقات بحس انه انا طول الوقت متنشنة ومتوترة بس اوقات بحس متهيألي فاهمين حاجة؟
لعرض السؤال في فدني اضغط هنا
دايما بتمدح على اني جميلة وأنا بشوف نفسي جميلة وكمان اوي وده بيخليني اوقف قدام المراية كتير وابص على جسمي و وشي كمان و أفضل امدح نفسي وإن مفنيش غلطة بس دايما بيجي في بالي كم البنات اللي بتسكونهم جن وغيره عشان بيوقفوا قدام المراية دايما بسمع أن ده بيحصل لما بنت توقف قدام مراية بجد ببقى عاوزه اتعامل نفسي أكتر واكتر بس بخاف فإيه الحل
لعرض السؤال في فدني اضغط هنا
ما هو علاج حالتي؟
سؤال عن: «حالة نادر» !!!
«أنا شابةٌ أبلغ من العمر ستة وعشرين عاماً، ومن أصحاب الذكاء الفائق (معدل ذكائي +195). أعيش منذ سنتين في معاناة يومية مريرة؛ إذ تجتاحني نوبات غضب حادة بمجرد استيقاظي من النوم. في تلك اللحظات، تتداعى إلى ذهني ذكريات سيئة ومشاحنات قديمة، وتتملكني رغبة قهرية شديدة في الشجار مع أشخاص أذوني في الماضي. أجد نفسي أتحدث معهم فعلياً بشكل قهري وعصبي، وتتكرر الكلمات ذاتها على لساني بصوت يرتفع تارة وينخفض تارة أخرى. أشعر حينها بعصبية عارمة كأن دماغي يحترق، وتجتاحني رغبة مؤلمة وقهرية في القتل والحرق؛ وهي أفكار متطفلة مرعبة أرغب بشدة في التخلص منها لكنني عاجزة تماماً عن ذلك.
لقد بدأت رحلتي مع هذه الاضطرابات منذ الطفولة؛ ففي سن العاشرة ظهر لدي سلوك قهري تمثل في الهوس بالنظام والترتيب. وفي سن الثانية عشرة، عانيت من تخدير وتنميل في النصف الأيسر من جسدي وفي كفوف يدي. ومع بلوغي سن الرابعة عشرة، بدأت أعاني من سيلان الأنف وحساسية الجيوب الأنفية، تلاها الإصابة بالاكتئاب في سن الخامسة عشرة، ثم الرهاب الاجتماعي في سن السادسة عشرة، بالإضافة إلى تشنجات في عضلات الساق ما زالت تأتيني على فترات متقطعة حتى الآن.
عندما بلغت سن الثانية والعشرين، تمكنت بحمد الله من التغلب على الرهاب الاجتماعي، غير أنني أصبحت أميل في كثير من الأحيان إلى الرغبة في الانعزال التام عن المجتمع. مؤخراً، تناولت دواء (مودابيكس - Modapex) لعدة أشهر، إلا أن استجابتي له كانت ضعيفة جداً، حيث لم يقلل من حدة الأعراض إلا بنسبة منخفضة وغير كافية».
بماذا تشخصون حالتي؟
ما هو العلاج من فضلك؟ وما التشخيص؟
لعرض السؤال في فدني اضغط هنا
اخي احمد كيف حالك انا اعاني من القلون العصبي وهو يسبب لي الكتير من الأعراض البعض منها لا ابالي لها لكن البعض يسبب لي الإرهاق والتعب من هذه الحياة والخوف من الموت ومن اي شيء الفقد الحزن كل شىء هل يوجد حل وهل يوجد علاج
لعرض السؤال في فدني اضغط هنا
السلام عليكم
انا بقالي سنة بعاني مع شيء انا مش عارفة هو وسواس قهري و لا ايه بالظبط.. الموضوع بدأ بشكل تافه إلى حدٍ ما و هو اني شوفت لقطة من مسلسل لأم قتلت اطفالها.. من ساعتها حتى الآن و لمدة سنة و انا دماغي مش سايباني فحالي.. دايمًا خايفة ان انا اعمل كده ف احد افراد عائلتي و دايمًا بتجيلي افكار صعبة جدًا بدون مبرر و كل ما بحاول اطردها بيكون بلا فائدة.. انا بقالي سنة بعاني مع الأفكار الوسواسية دي و مش هعرف اني اروح لطبيب نفسي.. بقيت بخاف مني و بخاف من أي تصرف بعمله و بفكر الف مرة قبل ما اعمل حاجة.. انا بطبعي شخصية متوترة و كثيرة التفكير و جه الموضوع ده زود الطين بلَّه.. بمعنى اني بقيت اتوتر جدًا من أي افكار وسواسية و بحاول اطردها من دماغي و مش عارفة اعمل ايه.. الموضوع بيجيلي على هيئة نوبات بمعنى ان ايام الافكار تكون زايدة جدًا و مش عارفة اطردها من دماغي و ايام تانية تكون اهدى شوية.. حاولت اني اجرب حل التجاهل و اني اتجاهل الأفكار دي بس مش عارفة و بتوتر و مش عارفة اعمل ايه.. ياريت اللي عنده حل يقولي فضلًا.
لعرض السؤال في فدني اضغط هنا
يمكن انا لا احكي عن جانبي السيء مع انه يطغى على الجيد
واعتقد انه أصل ما انا عليه حاليًّا..
لذلك بعض من رآني قد رآني في طيفِ شخصية كتبتها تجسدني، والتي قدمتُ فيها جزءًا مني، وكان غالبا ما يطغى فيه جانب العجز والأمل والطيبة، واشرح مشاعري خلال هذا النموذج
لكن ايضا اشعر أنه ليس انا
لانه ليست لدي الجرأة كي اضعها في نفس الظروف التي كنت فيها واعطيها نسختي كما انا
لأني اعلمُ أنني لن أستطيع تقبُّلها...
لن استطيع تقبلها لدرجة ما وضعتُ في شخصيتي الخيالية إلا السمات التي أشعر بالأمان إن ظهرت أمامي في الأمر الواقع..
وإن كنت اضحك على نفسي، وادري باني اضحك على نفسي، لكن لا اريد ان يكون هناك نموذج يمثلني، لأني سأستطيع أن ارى القبح الذي انا عليه بشكل مباشر اوضح...
او بالأحرى، لا أريد رؤية نموذجٍ جسدتُّه تفصيلًا لي أنا شخصيًّا..
فغيرُهَا قد قابلتُ مَن عرى نفسي أمام نفسي عبر مشاعره، وقد تعلقتُ به...
لكن لربما عداوتي لم تكن مكنونة إلا أمام نفسي... أو أني احتجتُ لمَن يذكرني بأني لستُ المسخَ الوحيد، ونفهم بعضنا بعضًا...
يمكن أن أكون انا اكثر شخص لا أريد كسر نظرته عني -وإن كانت زائفة- لان نظرة غيري الجيدة عني لن تعوضني في حين هم لا يعرفون عني اكثر مما اعرف عن نفسي، لذلك حكمها سيكون ناقصًا او مغلوطًا حتى، لاني يستحيل أن ابين لهم عيوبي
وكل من رأى جزءًا من عيوبي، كانت لدي المقدرة على ملاحظة الكره والإشمئزاز مني في نظراته...
وانا ايضًا لا استطيعُ تمالك نفسي، واشيح بنظري عنه لاني لو نظرت له لا استطيع تمالك نظراتي العدوانية والمتقززة والأحدِّ تجاهه..
بدا على ذلك الشخصِ سماتٌ من الشخصية الحدية، وهذا عندي ايضا...
وفيه من الطباع الحادة والمتهورة والتي تبعد الناس عنه سواءًا كان يشعر أم لا، وبدون سبب واضح، ثم يتألم من بعدهم ويندم، ولو عاد به الزمن لكرَّرَ نفسَ الشيء، إذا أنه يكرره في حاضره..
وهذا أيضًا فيَّ وبقوة..
فيه مِن اضطراب ما بعد الصدمة، وبعض سمات الأمراض الصحية والنفسية التي تحدث له فيَّ انا...
كان جلد الذاتِ والتيه حاضرًا عندهُ في احدى المراحل، وهذا عندي...
كان يحاول الإختباءَ أمام نفسه قبل غيرهِ طول الوقتِ من دافعه الحقيقي وراء شعاراتٍ براقة على اساس أن يزيح من كاهله الندم، لانه لا يقوى على تحمل ألم الذنب، لكن أيضًا هو ليسَ بمستعدٍّ أن يتركَ الشيء الذي يُحمله الذنب... وفي النهايةِ تقبَّلَ هذا الشيء، وإن كان غيرَ راضٍ، وهذا فيَّ...
يخاف الإقترابَ من اعز الناس له، احيانًا يؤذيهم بإستهتار، لكنه لا يريدُ البُعد عنهم
وهذا أيضًا فيَّ..
احيانا ينجرف وراء ما يعتقده صحيحًا، حتى لو كان خاطئًا وهو يدري
وهذا أيضًا فيَّ...
يصبحُ عدوانيًّا، ونبرته وملامحه صريحةُ في بصق الحقد عندما ينسلخ في فترة سوداوية بسبب الضغط، ويكون غيرَ مُمَانع في إظهار التصرفات، ولا يحاول كتمها، إذ أنَّ ما فيه أولى بأن يُتَحَمَّل،
وهذا أيضًا فيَّ...
انا اراهُ من جانبِ المشاعر
وحتى التصرفات، هى انعكاس للمشاعر..
لذلك اشعُر اني اشبهه من الناحيتين..
وكله اكرهه فيَّ...
كلما اتخيل النسخة الأمثل مني تفعلُ شيئًا، ثم اعود لواقعي وتظهر نسختي القبيحة تفعل عكس هذا الشيء، اشعر بالتعرق، والقرف من نفسي
لدرجة اني حينها لا اتردد في الشخبطة على صوري وتمزيقها وحرقها، أو اني لا أمانع إيذاء نفسي...
لعرض السؤال في فدني اضغط هنا
فكرة اني طموحة دي تعباني حاطه عليا ضغط كبير اني منجزش شيء في يومي او اعيش يومي طبيعي زي اني اكل اشرب اصلي أنام بدون حاجة زيادة بتحسسني بالتقصير واني عملت حاجة غلط نفسي اخلص من الشعور ده
حاليا انا بتعلم skill الكورس مدته 5 ساعات خلصت ساعة في حاجات أنا كنت أعرفها فمش هنام غير لما اخلصه عشان أعرف أنام من الأساس بجد نفسي ابطل أضغط نفسي واحس أني متاخره على شيء ما
لعرض السؤال في فدني اضغط هنا
عندي سوال ياريت تجاوبوني عليه بجد هو لو انا كنت وحده ملتزمه وربنا حماني في فترة المدرسه والثانوي اني مكلمش شباب انا عرفة ساعتها انو ربنا هيظلني يوم القيمه من ٧ الي هيظلهم تحت ظله
وبعديه جيت الفتره دي يعلم ربنا انو غصب عني واني والله مش بعمل كده استخفاف بربنا او بعمل كده نقصني حب وبدور عليه بره او مش عارفه قيمه نفسي والله ابدا انا الحمد لله محاطه بحب ولو ملقتهوش بحب انا الناس
المهم نزلت برنامج من برامج التعارف واتعرفت على كذا شاب ورجعت توبة تاني توبه نصوحه والله من قلبي ورجعت تاني نفسي ضعفت مع إني بجاهد نفسي وبمسح أي حاجه تحاول تجرني للحاجات دي لحد ما رجعت امبارح ونزلت البرنامج تاني واتعرفت على شباين
أنا محبتش قبل كده والحمد لله ربنا حماني ومش بهدر قلبي في الحب مجرد كلام عادي فانا مسحت التطبيق بليل ومسحت الحساب وتوبة لربنا انا والله الذنب ده كبير عليا اوي ويعلم ربنا بيزعلني قد اي ويخليني مش طايقه نفسي
عندي سؤال كده ربنا مش هيخليني من السبعه الي بيظلهم تحت ظله وهل كده انا واحده اخلاقها وحشه ومش محترمه مع اني الحمد لله الحمد لله لابسه الحجاب الشرعي وعارفه حدودي و بحاول واسعى اني اغض بصري ومش بتكلم مع شباب نهائي في الحياه بره بس ماعدا التطبيق
بس حد يرد لو سمحتو ويفيدني انا ايدي بترتعش وانا بكتب وزعلانه اوي ووحسه اني حتى لو ربنا تقيل توبتي إن شاء الله هيرزقني بشخص كان بيكلم بنات برضو ومش هاخد واحد صالح
لعرض السؤال في فدني اضغط هنا
ازاي اخلص من الإحراج بعد موقف محرج جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا صعب
لعرض السؤال في فدني اضغط هنا
السلام عليكم ..
انا شاب ١٩ سنه
في مشكله عندي والله هي أساس مشاكلي كلها ، ياريت بس بعد إذنكم تكملوا قراء للآخر..
أنا كنت من فتره كبيره بصلي و ملتزم و كنت اللهم بارك كل يوم قيام ليل ، و مبسوط و أنا بعمل ده ، و عندي يقين بالله تام إن كل مشاكلي هتتحل حتى لو مفيش ١% أمل ..
لحد ما جيت في يوم و اكتشفت إن بتنزل مني نقط بول صغيره كده بتقعد لمده ١٠ دقايق بعد التبول ، اتوترت جدا طبعا عشان الصلاه و كده ، لحد ما تقبلت الوضع و حاولت أتحفظ بشيء العشر دقايق دول و أصلي و الحمد لله إتسهلت ..
لحد ما جيت بعدها بفتره إكتشفت تاني إني النقط مش بتنزل بس بعد التبول .. لادي بتنزل كل يوم في أوقات متفرقه ، مقدرش أحدد نزولها بفعل معين أو كده ، هي من غير ما أحس
من ساعتها بقى و أنا فقدت الأمل ، فضلت اتحفظ من النقط دي اليوم كله و اعمل حمام قبل كل صلاه عشان أضمن إنه مينزلش حاجه بس بردو ساعات بيبقى فيه نقط
و سمعت لشيوخ كتير في الموضوع ده منهم اللي قال لابد تطهيرها و منهم اللي قال معفو عنها
بالاضافه اني مش عارف حالتي اي
، لا انا سليم و لا انا مريض بسلس ف اخد حكم مريض السلس و اتوضأ لكل صلاه و خلاص ، انا في النص
ده غير الوسواس اللي دخل عليا من كل جانب من جوانب الطهاره بسبب الموضوع ده
تعبت والله ، و كل يوم بنهار بسبب الموضوع ده ، و مش قادر اخد اجابه مفيده و في نفس الوقت خايف اخد برأي مُيسر ، اتفاجئ يوم القيامه ان صلواتي كلها مش مقبوله !!
ده كابوس بيراودني كل يوم اساسا
من ساعتها و أنا تعلقي بالصلاه بيقل واحده واحده .. بقيت بقلل صلاه كتير و بأخر الفروض و لو صليت بيبقى مفيش خشوع
أنا قاعد لحد الان سنه على الموضوع ده ، أنا إتغير فيا حاجات كتير بسبب ده و بقيت حاسس بإكتئاب و خايف طول الوقت و تعبت والله
آسف لو ضايقت حد بحاجه زي دي بس أنا فعلا تعبان جدا ، و حتى مش قادر اروح لدكتور بسبب حالتي الماديه يعني
لعرض السؤال في فدني اضغط هنا
انا عندي اكتئاب نص مصدق ونص لا انا متشخصة من مختصة اوريدي ...بيجيلي افكار انتحارية كتير وافكار بإذاء نفسي زي اني أجرح نفسي بسكينه او اني امشي قدام عربية ف طريق سريع وغيره ...افكار بإني ابعد عن الكل واختفي واحساس دائم ان محدش فاهمني ..احساس دائم بعدم الأمان لأي حد حتى امي معنديش امان كافي ناحيتها .. معنديش طموح معنديش احلام معنديش رغبة للحياة ..مش عاوزة اعيش وجزء مش عاوز يموت علشان مدرك ادراك تام ان الانتحار حرام وان مينفعش تبقى اخرتي بانتحار خوف من عقاب ربنا بمعنى اصح ... بس ف نفس الوقت مش قادر يعيش هو حاسس ان مفيش هدف للحياة اصلا انا ليه اعيش!! ليه اكمل ف حياة محدش عاوزني فيها!! ف حياة معظم اللي فيها مش فاهمني ومصدر ضغط عليا طول الوقت ..جوايا خوف من اني اخد خطوة الانتحار وف نفس الوقت عناد بإني رافضة اطلب من حد المساعدة مش عاوزة من حد يساعدني مع اني محتاجة المساعدة دي ...طول الوقت تايهه تايهه اويي حقيقي ومش فاهمه حاجه اوقات بحس دماغي بتغلي من التوهان اللي انا فيه ومش لاقية حلول غير الانتحار مع اني مدركة انه مش حل بس تعبت
لعرض السؤال في فدني اضغط هنا
السلام عليكم ورحمة الله وبركاته
انا بكتب مشكلتي وانا بجد زعلانه جامد ي جماعه هو اغلب اللي حواليا واخدين فكرة ان فلانه شخص ملتزم وفلانه شخص كويس انا ببقى نفسي اقلهم اني حتى لو في نظركم كدا ف انا بجد موصلتش لكدا بالساهل بمر بصراعات نفسيه وذنوب انا بجد تعبتلها نفسي
وبحس والله اني شخص منافق مشكلتي الوحده انا وحيده عند اهلي وهما منفصلين وراضيه الحمد لله بس مشكلتي ان أبواب الذنب بتبقى مفتوحه طول الوقت بحس بصراع نفسي اني بدور ع حد يسمعني من برا وبجي عند آخر لحظه بقول لاء ميصحش مش عاوزين نعمل كدا تاني ونغضب ربنا
فعالجت المشكلة اني نص اليوم بشتغل الفترة المسائية بحيث مش الاقي وقت للتفكير بس وقت الضهر تعبت بجد انا مش عارفه اي اعمل خاصة. اكتشفت تطبيق مليان ناس بس دماغهم غريبه فمشيت وتركته قدرت معملش اي ذنب القيت نظرة بس مدايقه كل شويه هتلاقي حد يسمعك طب دوري برمي الفون واسيب المكان انا مشتته بجد وقلبي واجعني حتى قيام الليل انقطع مني وصلاة الفجر تايهه والله معرفش إيماني قل والصلاة تقيلة علي قلبي
وأفضل اتذكر ذنوب عدا عليها سنه بقى واجلد ذاتي انا مش عارفه اعمل اي @Esmat Ali
لعرض السؤال في فدني اضغط هنا
حالتي النفسية الفتره دي وحشه اوي حاسه اني مخنوقه بعمل مشاكل مع اي حد بحس الناس كلهم ممثلين وباخد مهدئات ومنومات عشان حاسه عصبيتي زايده اوي بس للاسف ادمنتها وكمان حاسه برغبه في الانتحار وخنقه شديده وعياط بدون سبب وعندي فقدان شهيه واوقات شهيتي تتفتح بزياده مش عارفه اعمل اي وزني نقص عامة وفتره يزيد وعندي توتر جامد ومراكمه محاضرات مش قادره اتخطي صدمات طفوله
لعرض السؤال في فدني اضغط هنا
انا عندى 23سنه عندى اضطراب فى الميول الجنسيه من وانا صغير ف سن الطفوله بسبب تربيه الاهل فضلت معايا لحد ما وصلت الجامعه وبدات اتعرف على شباب واتكلم معاهم واقابل واعمل علاقات جنسيه الى ان اصبحت الحاجه دى مهمه عاوز اتعالج منها كمان عندى ضغطوط نفسيه بسبب مجال شغلى عدم رضاءى عنه بسبب تعبه وعدم وجود فلوس فيه مقابل الشغل اى الحل
لعرض السؤال في فدني اضغط هنا
انا عندى وسوسة في كل حاجه مضيقانى وحاسة انى مش عايشه ايه الحل وسواس قهري في كل حاجه فى حياتى انا 18 سنة
لعرض السؤال في فدني اضغط هنا
انا بجد حالتي صعبه بكره عيلتي كلهم ومش عارفه اذاكر وعندي توتر زياده ومنعزله عن الناس مش بطلع غير قليل امي دي اكتر واحده بكرهها في حياتي وبابا كمان
لعرض السؤال في فدني اضغط هنا
انا فى كرب وضيق شديد بس الحمد لله، لما بدعى ربنا يفرج عنى ويجبرنى بحس ان ربنا مش هيستجيب دعوتى ويفرج عنى لانى مقصر جدا وذنوبى كثير واللى مخوفنى حديث الرسول صلى الله عليه وسلم فأنى يستجاب له
لعرض السؤال في فدني اضغط هنا
انا بشك في كل حاجه وبعيد الحاجه اكتر من حاجه وبحس أن في حد بيكلمني في دماغي وان كيف اتخلص من هذا
لعرض السؤال في فدني اضغط هنا
انا بقارن نفسي بطريقه مش طبيعية في ناحيه المذاكره مع أني شاطره ودرجاتي ممتازه والكل بيشكر فيها
بس بقارن نفسي بطريقه صعبه ودموية وممكن توصل لدرجه اني أتخيل اني بقتل الشخص دا بطريقه بشعه ودموية
وكمان مثلا لو بذاكر وبعت رساله لصحبتي والاقيها ما بترد مع أنها في العادي بترد علطول وانا بفتكر أنها بتقولي انا معتش همسك الموبايل عشان اذاكر ودماغي بتربط دا ب دا بس دا غصب عني
انا يعتبر بذاكر وانا بنزف نفسيا ما حدش من الأهل يساعد يساند يحفز
مافيش حرفيا هي معركة دمويه
أنا تفكيري كله دموي بص انا ممكن اضحك مع أي حد شاطر ويبان اني مهووسه بيه محدش ملاحظ كدا بس انا كدا فعليا حاجات بتطلع من غير وعيي وممكن وانا بتكلم معاها في حاجه افتكر قد اي هي قدوه لكل الناس وبتقفل اي امتحان
في حاجات كتير جدا بس انا مش مستعده نفسيا أقولها
لعرض السؤال في فدني اضغط هنا
أنا عاوزه اتكلم مع حد يديني حلول واضحه مش حلول مؤقته أنا عاوزه اتكلم بس الكلام ولا بيقدم ولا بيأخر اي حاجه عاوزه ناس ناضجه و فاهمه...!!!
لعرض السؤال في فدني اضغط هنا
السلام عليكم
أنا قربت اتم 21 سنه لكن من وانا فاعدادى وانا بعانى من مشاكل معدتى ورحت لدكاترة كتير جدا في كل التخصصات لان مفيش اى تحسن وكل يوم بمرض شكل لحد ما معدتى اتدمرت من المسكنات والعلاج وكذلك حالتى النفسيه
من اول 2 ثانوى الموضوع كان صعب خالص مكنش بروح دروس خالص مكنش بذاكر مبخرجش من الاوضه تماما وحاولت كذا مرة اموت بس الحمد لله بعدها رحت لدكتور نفسانى وامتحنت 2 ثانوى ونجحت بدأت مذاكرة قبلها باسبوعبن بعدين كنت مش عاوزة اكمل 3 ثانوى
وقالولى اجليها لحد ما تتحسنى وانا رفضت برغم انى مرعوبة وانا ثانوية ازهرية المهم جيت في نصها تعبت ومش عاوزة اكمل هأجل قالولى اجلى اتراجعت تانى وقلت لا اللي يحصل يحصل مكنتش بروح دروس في كل المواد عشان مفيش مدرسين كفء
كمان كنت بروح الدرس الضغط بيقل وبتعب وبابا بيجى ياخدنى واحيانا بروح لوحدى كان بلبس للدرس واوصل لباب البيت وارجع تانى مش عاوزة اروح ومحدش فاهم اى حاجة
المهم ان كنت بعلق محاليل حتى بروح بيها الامتحانات ومذاكرتى مكانتش اد كد كنت داخلة الامتحانات مرعوبة وانا عندى فوبيا من الامتحانات اصلا وبتجيلى نوبة قلق وهلع لحد الحمد لله جت النتيجه وحصلت لى وعكة دراسية على مادة وأخدت 3 ثانوى تانى كان كله منتظر منى طب ومش مصدقين بيقولو ان خايفين من الحسد فبنقول كد
المهم اتدمرت وحبست نفسي لحد ما كسروا الباب بس كنت بتعالج نفسيا لسه بس جهم قطعوه فجاة وقالو مش هروح تانى عشان مبقاش مدمنه وانا مش عارفة اعمل اى كنت بروح معرفى سلوكى وبتعالح دوائى واتشخصت اضطراب حدية
وكنت في الاول خالص عندى هلاوس ووساوس وكنت باخدلها دوا آخر حاجه اتشخصت اضطراب شخصية حدية وكل ذرة اتفه اتفه اتفه الامور بفكر فيها بتتعبنى وبقعد افكر فاللي جاى واللي فات ومكتئبة ديما وشايفه الحياة دى
انا حاليا في كلية دراسات اسلامية وحاباها بس الوسواس مش سايبنى فحالى ديما اى مسالة دينية اقعد افكر فيها كتير واخاف وادور وابحث واعيط عشان خايفه اكون كد بعمل حاجه غلط بحلل وبفصل كل حرف هل كده حرام هل انا وحشه هل ده علامة الكبر هل كده غيبه كتيرررر برغم انى سامعه المسائل كويس بس بتجى أسئلة ضمنية بتتعبنى واقعد افكر واتعب
انا عارفة ان طبعا القرب من ربنا ده اساس كل صلاح بس انا م عارفة اعيش م عارفه بسبب الوسواس كل يوم بفضل ساعتين او ساعه بحاول انام ومش عارفة بسبب الوسواس في تفاصيل اليوم ووصل للشك في نفسي هل تشخيصى كان صح؟ هل انا بوهم نفسي؟ هل انا مريضه فعلا؟ هل لو رحت لدكتور هيكون صادق معايا ولا هيقو لى انى مريضه عشان اتابع ويستفيد منى؟
وصلت للشك في كل حاجه ومش لاقيه حل يساعدنى ولا لاقيه حد يفيدنى ويقولى اعمل اى
هل ارجع اتابع تانى مع دكتور ولا اعمل اى واللي بيتعامل معايا بيبقى صعب خالص يتعامل معايا عشان انا ديما مكتئبه او هما شايفنى سوداوية او نكدية
بس انا شايفه الحياة على هيئتها وحقيقتها هى متستحقش بس انا اللي عندى خوف زايد من كل حاجه بخاف من الموت والقبر ازاى هكون لوحدى تحت التراب مع انى لوحدى فوق الارض عادى بس تحت حاجه تانية هقعد كتير اوى تحت وعشان انا بخاف من الاماكن المغلقه والضيقه بتجيلى نوبة مش قادرة اصدق ان ممكن انام تحت التراب فكفن ويتردم عليا واقعد كتير كده 😭
ممكن دكتورة نفسيه تفيدنى بكل امانه؟
لعرض السؤال في فدني اضغط هنا
بقالي فترة كبيرة كل ما أجي أتوضأ أحس نفسي نسيت أعمل العدد صح، أو فيه حتة مجاش فيها مياه، ولو شعرية جاءت على أذني وأنا بمسح بحس كده إن الوضوء باطل وأفضل أعيد وأعيد، يعني احتياطي حتى لو أنا عارفة الوضوء صح، علشان لو طلع غلط أكون اتوضأت صح.
والموضوع ده بقى بيخليني أأخر الصلاة جداً، ممكن أكون داخلة أتوضأ في أول الأذان وأصلي في الآخر.
حتى الصلاة، من ساعة ما عرفت إن لازم القراءة بالتشكيل علشان المعنى ميتغيرش، وأنا بعيد الفاتحة وأعيد، بقيت أشك أنا قلت الآية دي ولا لأ، ولما أركع وأروح أسجد أقعد أفتكر: هو أنا رفعت من الركوع؟ طيب أفرضي كل ده غلط؟
وبقيت ببحث عن طريقة الصلاة الصح وأحاول أركز عليها وأقول هبقى أصلي احتياطي مرة كمان. وأي حركة في بطني بحس نفسي ضيعت الوضوء وأخاف أكمل وأطلع فعلاً ضيعت الوضوء، حتى لو فيه رخصة زي ما بيقولوا، بخاف ممكن ميكونش فيه رخصة والعلماء غلطانين أو أنا معنديش وسواس.
لعرض السؤال في فدني اضغط هنا
اتشخصت كتير بقلق مزمن مش دايما مرضي . ساعات يزيد و يوصل لأعراض وسواس قهري و ساعات ما يبقاش في أي قلق أصلا .
مش عارفة أعيش مرتاحة من كتر القلق .
كل يوم عندي توتر
بصحى متأخر و أول ما المغرب يأذن و احس اليوم بيخلص و زوجي هيرجع بتوتر و احس اني ما خلصتش حاجة في البيت.
كل يوم عندي قلق و شعور بالفشل
و دايما حاسة ان حاجة بتجري ورايا و منهكة
دايما حاسة و لا حاجة من اللي نفسي أعمله خلصت
ساعات ده بيخليني أسيب كل ده و اقعد
ساعات احس اني محتاجة أضغط نفسي اكتر و انجز
ساعات احس عاوزة أهرب
ساعات افكر في مشاكل و اكبرها في دماغي و مع أقرب فرصة اتصرف على أساسها .
ما عنديش رغبة و لا وقت لجلسات العلاج السلوكي المعرفي اللي اتوصفت لي كتير
لعرض السؤال في فدني اضغط هنا
انا دايما سرحانه ومش لاقيه حل لمشكلتى انى لو حد كلمنى بتوه ودماغى بتفكر فى حاجه تانيه لو بسمع فيديوز او بودكاست انا بتوه واسرح ومش بنتبه ومعرفش هما بيتكلموا فى ايه ولازم ارجع تانى علشان اسمع كويس وممكن بردو فى المره التانيه اسرح مش عارفه ايه دا انا تعبت من الفكره دى وللاسف مأثره على دراستى لو دكتور شرح اى حاجه انا بسرح ومش بنتبه ودماغى بتفكر فى حاجه تانيه وللاسف انا مش هعرف ارجع كلامه اللى فات زى الفيديو انا مش فاهمه مشكلة توهانى والسرحان المستمر دا ايه ممكن تفيدوني علشان انا فعلا تعبت من الازمه دى
لعرض السؤال في فدني اضغط هنا
انا اخاف من كل شي واريد ان اتعدى هذا الخوف
لعرض السؤال في فدني اضغط هنا
ليه الواحد بيفكر علطول في الموت بيبقا خايف ليموت او يجيله لا قدر الله جلطه او نزيف او ازمه قلبيه ويموت الواحد بيقعد يفكر لدرجة انه نسا طعم السعاده والنوم ولدرجة انو جسمو ارهق وعاد بيحس بحاجات تخليه يفكر اكتر في الموضوع ويفكر اكتر في الشخص وهو بيطلع في الروح هل هوا بيحس ولو بيحس الي بيموتو دول مبيشتكوش من الي بيحسو ليه وهل الواحد بيبقا حاسس انو هوا هيموت قبلها باربعين يوم
لعرض السؤال في فدني اضغط هنا
انا مش كويسه خالص بعد تالته ثانوى بحاول أنسى اللى حصل فى الامتحانات مش قادره خايفه اجيب درجه وحشه الموضوع يتحول لعقده خاصه ان كل امتحان له صعوبه معايا وله حكايه من اصعبهم امتحان التطبيقيه والكمياء اللى من شده حبي ليهم كنت بدعى ربنا افضل اتعلمهم للأبد امتحان الكمياء تعبت وما عرفتش احل كويس والتطبيقيه ما عرفتش احل خالص عماله احل واعمل خطوات النواتج مش بتطلع هبدت الامتحان وخرجت مهمومه وأولياء الأمور كلهم معاهم ورد ومبسوطين وانا ماشيه وسطهم بهمومى وعقلي فاضي روحت قاعده على السلم واعيط لحد دلوقتى مش قادره أواجه نفسي بانى ازاى اهبد وأخرج بالطريقه دى
لعرض السؤال في فدني اضغط هنا
السلام عليكم انا محتاجه علاج لحالتي او حل
اوقات بحس بخنقه غريبه بكلم نفسي بتعصب من اقل حاجة بتجيني افكار عن ربنا وحشه اوي استغفرالله العظيم من كتر التفكير دماغي بتوجعني وبحس بتوهان كده اعصابي بتبوظ بسبب كده بشوف احلام كتيره اوي واحس ان عايشه فيهاا طول الوقت زهقانه اوي بفكر ف الانتحار بطريقه غريبه وبحاول كده وبقول انوو عادي ممكن رد بالله
وعليكم السلام
لعرض السؤال في فدني اضغط هنا
السلام عليكم
انا اعاني من وسواس مكنتش اعرف دا بدا الموضوع اني طفله بلاقيني بشتم ربنا في سري
او كل بنده على ماما اقولها اني بوظت حاجه ودا محصلش عدى الوقت وبدات اكبر واتلاشى
تحول الامر لانسه بيجلها بيريود فبتطهر فتلاقي نفسها دخلت دوامه انتي مش طاهره وفي افرازات تمنع صلاتك عادي بتخطى وبحاول ومره تصيب ومرات ابطل صلاه
"للعلم اني حد كسول مش هطهر مليون مره لا هبطل صلاه اسهل"
يعدي الوقت واكبر وارتبط فلاقي نفسي تحولت لحد بيجيله فكره لازملها رد
مردتيش عليها رد مقنع مبروك دماغك هتشت منك ابدا اسأل حبيت قبلي لو رد باه بس كان مجرد لعب عيال
لاول مره ارد تمام وبجد اكون عادي لكن مع الوقت يجيلي افكار كللللل يوم
حب قبلك مش اول حب ف حياته كانت اجمل قالها بحبك كلمها زيك خرجها .............كلها محتاجه رد مقنع
اروح اسال يترد عليا مره واتنين بعدها اللي معايا يزهق ويسيبني
اتخطبت تكرر نفس الامر بالمللي بس كان الجديد روحت لدكتور نفسي ليتم علاج ست شهور بدون جدوى فلوس تقيله عليا مستحملتش ووقفت
ويمر سنه بدون حاجه علشان يرجعلي نفس الشخص الاول ويجي يتقدم لتبدا القصه من تاني أسأله فجاه رد مقنع لاما هشيط واصوت واعيط وأحط ايدي ع دماغي لعل الافكار تمشييييييي
ويزيد الامر سوء لتاتي افكار حول وجود الله
اصلي لاني مسلمه موحده لكن بدون اقتناع
بقيت بتخانق وببعد عن الناس عشان مواجهش دايما بعيط حزينه مش راضيه قرفانه
ارجوكوا ساعدوني اعمل ايه هل هتعافى؟؟؟
طب هل هتعافى لوحدي ولا لازم تدخل طبيب هل دا مرض نفسي فعلا
لعرض السؤال في فدني اضغط هنا
بعاني من القلق والوسواس بس بدرجه خفيفه وكنت حابه اتواصل مع اخصائي نفسي بس متردده فياريت اللي جرب العلاج النفسي يقولي تجربته وهل فعلا استفاد واتعالج ولا مفرقش كتير ثانيا لو تساعدوني الاقي اخصائي شاطر و مجرب اكون شاكره @أحمد الديب
لعرض السؤال في فدني اضغط هنا
السلام عليكم ورحمة الله تعالى وبركاته
انا بنت عزباء ومشكلتي هي الاحلام كل ما انام سواء بالنهار او الليل بشوف احلام وحشه خالص مع اخواتي وكمان عمامي -( جنسيه) بصحي بطني وجعاني وحاسه احساس وحش في جسمي بقراء قران قبل ما انام وبرضو بشوف الاحلام ديا 😭😭
لعرض السؤال في فدني اضغط هنا
كنت باخد علاج نفسي خدتو اسبوع وبطلتو من نفسي وعندي فقدان شغف وتعبانه وعندي وسواس كنت بحس اني مش بحس بحاجه وفاقده الاحساس بس بقيت احسن واما افكر اني كنت كدة برجع تاني حد يفدني
لعرض السؤال في فدني اضغط هنا
انا عندي 19 سنه من وانا صغيره كنت بين اب وام منفصلين وعشت فتره عند بابا وفتره عند ماما مع خلافات كتير وانا اصغر اخوات فده اثر عليا وبقيت منعزله من وانا صغيره ومعتمده ان عندي صحاب في خيالى وكنت بكلم نفسي كتير جدا وكان الكل بيتريق عليا في الحاجه دي والموضوع اطور بتقدم السنين وبقي عندي صعوبه في التعرف على الناس او الكلام مع الناس عموما واي تجمعات بهرب منها وطبعا كنت مصدر تريقه لعيلتى حولت اعالج ده بس معرفتش وده ذاد الموضوع ووصل لاكتئاب شديد وتفكير في اذاء نفسي كنت بحاول اهرب من الافكار دي واقرب من ربنا وده سعدنى جامد بس بردو الاكتئاب بيزيد عليا وعيلتى محدش فيهم مصدقنى وبيقولوا لسه صغيره وكده حولت اطلع نفسي من المود باكتر من طريقه وبفشل وكمان حصلتلى صدمات نفسيه كبيره اوي فده زاد عليا الاكتئاب ومشاكل صحيه كتير حولت احكي مع اي حد اللي مش مهتم واللي شايف اني مفنيش حاجه والموضوع ده تعبنى وافكاري بدات تزيد في انهاء حياتي واللى بيخلينى متردده خوفى من ربنا ومش عارفه اعمل اى؟
لعرض السؤال في فدني اضغط هنا
انا شاب عندي 23 سنة وبعاني من وسواس في العقيده والجنة والنار مع اني قبل الوسواس ده كنت حرفيا قلبي يكاد يكون اسعد قلب في الدنيا دي من الطمأنينة والسكينه بسبب البعد عن المعاصي وغص البصر والطاعات والخشوع في الصلاة.... إلخ
لكن في يوم وليلة ظهرلي وسواس طاب ما يمكن كل ده وهم طاب ما يمكن كذا وانت اي ضمنك وهكذا وانا عارف انه وسواس مع اني قبل الوسواس كنت واصل لدرجه من اليقين والتدبر معتقدش اني كان في حد بيفكر زي كده ولكن فجأة كل ده اختفي واتقلب بشك بعاني منه في يومي ومجنني جدا وعندي رعب اني الوسواس ده يفضل ملازمني طول عمري فلو حد مر بالفتره دي يقولي نصايحه بالله عليكم عشان انا مش عارف اخشع في الصلاة
لعرض السؤال في فدني اضغط هنا
السلام عليكم
انا بتجيلي أفكار عن الماضي بتاعي وهو بصراحة كان سيئ حبتين يعني مليان مواقف محرجة ومليان ذل ليا مواقف فيها ذل انا رضيت وعملتها مواقف من دي كتير وحاليا انا مش قادرة اتخلص من الافكار دي مع ان الشخصية اتغيرت انا من اسبوع بس اتشخصت بانفصام وباخد علاج لكن للأسف الأفكار لسه بتيجيلي وهي اعاقتني عن الاستمرار في حياتي الجديدة كأنها مكبلاني مش قادرة اخرج منها وبلوم نفسي على القديم كتير تنصحوني بإيه وياريت لو حد عارف شخص مر بنفس التجربة ياريت يعرفني
لعرض السؤال في فدني اضغط هنا
السلام عليكم :
في امنيه ودعوة معينه نفسي فيها بس هي مستحيلة تحصل الأسباب عكس ومستحيلة بس لساني مصر يدعي وقلبي مصر يحلم بالحاجه دي والحلم ده خايفة اتعشم زيادة ومتتحققش دائما بدعي بأسم الله الوهاب وفي قيام الليل بهذا الشئ ...
لعرض السؤال في فدني اضغط هنا
انا عندي 14 سنه وعندي طموح عالي جدا لدرجه اني لما بحكي لحد من اهلي على حاجه بسيطه جدا من طموحي بيقولوا ان طموحي عالي جدا وإن شاء الله هعرف احققه لأني ذكيه وانا مؤمنة جدا بقدراتي واهلي بيشجعوني الحمد لله بس مش عارفه ليه ديما بحس اني هموت قبل ما احقق الطموح ده كل مره بصلي او جتى بمشي في الشارع او راكبه موصلات بحس اني هموت قبل ما اكمل حتى الإعدادية ودي حاجه خنقاني جدا ياريت حد يفسرلي ليه عندي الشعور ده وازاي اتغلب عليه
لعرض السؤال في فدني اضغط هنا
اتعرضت للتحرش في المواصلات من أكتر من أربع سنين من شخص قاعد ورايا، وبرغم إني وقفت الشخص دا عند حده لوحدي وما حدش من الركاب اتدخل للأسف)، لسا لما بركب مواصلات بحس إن حد بيحط إيده عليا حتى لو ما فيش حد قاعد ورايا وحتى لو الكرسي محكم الشعور دا مؤذي وبيفضل مأزمني طول الطريق وببقى مش عارفة دا بجد ولا تهيؤات وبفضل متوترة وبتلفت كتير، ازاي أتخلص من الشعور دا؟
لعرض السؤال في فدني اضغط هنا
أعاني من وسواس المرض بشكل متعب جدًا نفسيًا. كلما شعرت بأي تعب أذهب إلى الأطباء، وتكون التحاليل سليمة، لكني أعود للبحث عن الأمراض على الإنترنت وأتخيل أنني مصابة بشيء خطير، ثم أبكي وأظل أفتش جسمي وأراقب أي ألم بسيط. من حولي يقولون إنني أحتاج إلى طبيب نفسي، وأنا فعلًا أشعر أن الخوف والوسواس لم يعودا يتركانني أعيش بشكل طبيعي. كيف أبدأ التعامل مع هذا الخوف وأهدأ؟
لعرض السؤال في فدني اضغط هنا
هلا شباب
مش عارف انا بكتب حاليا ليه بس حبيت أشارك
يمكن الكتابه تفيد مثلا او حد يكون عنده حل يمكن
مشكلتي مش ف الاباحيه او العاده او معتقدش انه ادمان لانى ممكن ابطله بسهوله جدا لو توفرت شروط معينه و معرفش تتوفر ازاى او امتى حتى
بص افهمكوا اولا انا عندى عقده الشكل و هى انى دايما بحاول اكون بيرفيكشنست و كل تفصيله صغيره بركز فيها ف بالتالي دا مخليني شايف نفسى وحش دايما مع انى ممكن اكون عكس كدا عادى لانى مكنتش بشوف نفسى وحش الا قريب عمتا و بحس دايما انه لو فى بنت ف حياتى او حد مهتم ف هكون اسعد و احسن و كدا
عمتا بقا نتكلم عن الأحداث اولا كنت عرفت واحده ف الجامعه من شهر ١٠ كدا مثلا و تعلقت بيها بس احنا كنا صحاب بس مش اكتر و الفكره مش ف كده الفكره انها هى الى بعتتلى ف الاول و كانت هى دايما متمسكه و احيانا كنت بحس انها بتحبنى و كدا بس انا كنت شايف اننا صحاب و كنا سوا لشهر و شويه و عمتا ف الوقت دا مكنتش بشوف بورن او بروح للعاده اصلا لان مكنش فيه ضغط او جلد ذات او اى حاجه تحسسني بالخنقه او الضيق ف بالتالى مكنتش بجرى اهرب من مشكلاتى و اروح للبورن وعمتا ف العلاقه دى احب أوضح نقطه انها كانت ف الريل لايف مش سوشيال يعنى كنا بنتقابل عادى و كدا بس بعدها ب شهرين مثلا كنا شاريين كفرات للموبايل و كدا و كنت هديهولها و هى كانت حتى شاريالى ف المهم راحت بلكتنى بدون اى مقدمات او اسباب حتى بس لما بشوفها ف الجامعه بعتبرها مش موجوده مع انها تقريبا حاولت تتكلم معايا بس انا تجاهلت وجودها المهم بقا بعدها بقيت بجلد ف ذاتى كل شويه حرفيا. ببقا مخنوق من كل حاجه و عصبى حدا مش بطيق اتكلم مع حد او اقعد مع أهلى حتى ف المهم عرفت تطبيق من تطبيقات التعارف عرفت منه بنات عادى بس هنا فى نقطه انها كانت علاقات سوشيال ف بالتالى انا كنت بجلد ف ذاتى و بحس انى مش كفايه وانى منافق و كده و كل مره كنت بحس ان البنت بتحبنى كنت ببلكها و بقعد اجلد ف ذاتى واكون قرفان من كل حاجه و اقعد يوم او اتنين و ارجع تانى ادور ع بنت تملى بيها فراغى العاطفي و تتكرر هذه اللوب لمتى مش عارف بس انا حرفيا جبت اخرى و تعبت من كل حاجه و مش عارف ايش اسوى و تقريبا دا بيحصل عشان دى علاقات سوشيال مش ريل المهم انا اصلا بحاول اتخلى عن فكره البنات عمتا بس مش بقدر و دايما بحس انى ناقص وانى زباله و كدا مشعارف الصراحه ايش اسوى..بس و مش عايز ارجع للوب دى تانى انا جست عايز حل
لعرض السؤال في فدني اضغط هنا
انا كنت مصابة بمرض الوسواس القهري و تعافيت نوعا ما و الطبيبة أخبرتني أني اعاني حاليا من الشخصية الوسواسية بمعنى آخر أن الوسواس أصبح جزء من شخصيتي و أفكاري
مشكلتي أن أحاول الجمع بين العلاج النفسي و قيمة الدين لدي مثال:
أنظر للنفس بأنها أمارة بالسوء فحاول دائما تجاهل كلام ذاتي و افعل عكس ما ترغب به
ليس هذا فقط في أحكام الصلاه أرفض ما تخبرني به الطبيبة و أؤكد عليها أني سوف اسأل على الحكم الفقهي اولا
اخبرتني ان ما افعله سيزيد من مرضي و ان المريض عليه اتباع تعليمات الطبيب اولا و عندما يصبح سليم معافي يتبع اوامر الشيخ ليس هناك مشكله
اشعر اني في دوامه و اجابة الشيوخ في دار الافتاء اشعر دائما انها ناقصه مقتضبه
هناك كثير من الافكار التي تدور بداخلي حول الدين و عن الله و لا أجد من اتحدث معه عنها و لا اجد اجابة
دار الافتاء :اجابات مقتضبه مختصره جدا تدور حول الحلال و الحرام فقط
الطبيبة: توضح ان علاقتي بالله لن استطيع اصلاحها طالما لم اصلح علاقتي بذاتي
اشعر ان ربما ما كتبته غير واضح
احيانا اظن اني احتاج ان اتحدث مع شخص يعاني من الوسواس مثلي حتى يستطيع فهمي
لعرض السؤال في فدني اضغط هنا
السلام عليكم ورحمه الله
انا متجوزه ومخلفه واد وبنت في تربيتهم عندي وسواس رهيب اجي اديلهم العلاج حاجه تكلمني في عقلي تقولي انتي متديش العلاج او اديتي جرعه زياده وانا بصدق دماغي ومش بكون عارفه اعمل اي اديلو علاج وممكن يكون اخدو ولا مدهوش وهو لسا مخدهوش
+لو سبتهم عند امي بفضل خايفه ونفس حاجه تقولي في عقلي تلاقي ابنك بلع فلوس او برشام من عند امك وبفضل قلقانه ومش بسيبهم لوحدهم يلعبو مع قرايبهم لازم يبقو جنبي عشان ميضروش ،
الناس الي حواليا بيقولو اني اوڤر اوي وطريقتي دي هتطلع العيال بطريقه غلط و اي طفل في العيله امهم عادي سايباهم براحتهم خالص وهما بكل خير اللهم بارك ربنا يحفظهم بس انا بخاف اوي اسيبهم لوحدهم
لعرض السؤال في فدني اضغط هنا
السلام عليكم
يا جماعة أنا آسفة إني بسأل تاني في نفس الموضوع تقريبًا (أنا اللي كنت سألت قبل كده عن وسواس النظافة).
المهم، كنت بقول إني بشوف نمل كتير، بس دلوقتي الموضوع زاد بشكل واضح جدًا، وبقيت في أي مكان أروح له بلاقي نمل، والغريب إني أنا اللي بشوفه حواليا دايمًا.
مثلًا السرير اللي بنام عليه أنا وأختي، لو نمت على ناحية ألاقي نمل، ولو غيرت مكاني برضو ألاقيه. مع إن ده مش بسبب قلة نظافة، بالعكس أنا بحاول طول الوقت أخلي المكان نضيف، وبغطي الأكل كويس جدًا ومبسيبش أي بقايا أو أثر للأكل قريب مني، وبركّز دايمًا إن المكان يكون نضيف… ومع ذلك النمل موجود.
قبل ما أنام بتأكد إن هدومي مفيهاش نمل، وبنفض السرير والمخدة كويس جدًا، وأتأكد كمان إن مفيش حاجة جواها، لكن أول ما أنام ألاقي النمل ماشي حواليا.
النهارده مثلًا صحيت لقيته في المكان اللي كنت نايمة فيه تحديدًا، وباقي السرير عادي، وحتى على مخدتي كان فيه أكتر من سبع نملات.
اللي مضايقني أكتر إن الموضوع مش جديد، ده كان بيحصل حتى في الشتا، وكنت فاكرة إنه هيخف، لكن دلوقتي في الصيف الموضوع بقى أسوأ بكتير، وبقى فعلًا مقرف ومخليني مش طايقة نفسي.
المشكلة الأكبر إني بقرف جدًا من النمل، ومش بقدر أتجاهله. حتى لو حاولت، دماغي يفضل يفكر إنه ممكن يكون في الأكل… وده حصل فعلًا. كنت باكل، وأول لقمة لقيت فيها نمل، فسيبت الأكل رغم إني كنت جعانة، مع إن غيري كمل عادي.
من ساعتها وأنا مش بعرف آكل كويس، يا إما باكل حاجة بسيطة جدًا، يا إما مش باكل خالص. بقيت حتى مش قادرة أعمل لنفسي أكل من كتر القرف، وده مأثر عليّ جدًا، بقيت من الجوع مش عارفة أذاكر ولا أعمل أي حاجة.
أنا بجد تعبت، وبقيت بقرف من الأكل كله رغم إن الموضوع مش بسبب قلة نظافة.
وكمان بقيت بشوف النمل في أماكن تانية زي الحمام، وده مخليني مستغربة أكتر، لأني حاسة إني أكتر واحدة بتشوفه وبتتأثر بيه.
لو حد عنده حل أو مر بحاجة زي كده يقولّي أعمل إيه،
لأني فعلًا تعبت من الموضوع ده 😔
اسفه ع الاطاله و شكرا ليكم مقدما
لعرض السؤال في فدني اضغط هنا
السلام عليكم
كنت حابة اتكلم عن مشكلة نفسية بقيت أحس بيها بالصدفة و كبرت فجأة ، لما كان سني ١٦ كنت بحس بمجرد شعور مجرد شعور عادي و كنت بنسي الموضوع بسرعة لما ببص على عيون دمية كنت بحس انها بتراقبني من العيون بتاعتها زي كاميرا خفية ، كنت بكتفي اني ادور راس العروسة فقط لا غير
دلوقتي سني بقى ١٧ و الموضوع ازداد ، بقيت لما امسك الفون او امسك الاب و طبعا الكاميرا بتكون متوجهة علينا بقيت حاسة بشعور مش مريح و اني متراقبة برغم مفيش حاجة بكون قاعدة عادي او بذاكر و بحس بالشعور دا بدرجة اني بقيت احط مخصوص لاصقة على كاميرا الاب و احيانا اخبي كاميرا الفون بصابعي
انا مش مهووسة بالخصوصية بصراحة لكن الموضوع ظهر مرة واحدة و حاساه كبر فجأة
بقي جلوس امام جهاز الكتروني ظاهر فيه علامة الكاميرا الامامية مبقاش مريحة بالنسبة ليا مبقتش حاسة بالراحة و حاسة اني متراقبة
لعرض السؤال في فدني اضغط هنا
السلام عليكم الاول انا بعتذر لاني اتكلمت فالموضوع ده قبل كده انا بقالي سنتين مريض بالوسواس القهري واضطراب القلق قعدت فتره طويله لحد ما رحت لدكاتره كويسين يعني يعتبر بقالي سنه مع دكتور مخ واعصاب ونفسي ده الي جاب نتيجه بقالي معاه سنه بس اغلب المرات قالي ان الدوا عمل الي عليه والباقي عليا اني مقعدش فاضي واعمل رياضه وانزل الكليه وكده واشغل نفسي وانا بلتزم شويه والاغلب لا
وكمان في نفس الوقت رحت لدكتوره جلسات تقريبا قعدت معاها ٧ شهور مدنتيش غير تمرين واحد وكانت الجلسه عباره عن اني بحكي وهي بتكتب وترد وبس وبعدها رحت لدكتوره نفسيه تانيه للجلسات بردو حسيت انها فاهمه اكتر وانها بتساعد بجد ووضحتلي كل المشاكل الي عندي وادتني تمارين حوالي ١٢ تمرين او حاجه مطلوبه
لحد دلوقتي بقالي معاها تقريبا شهرين او تلت شهور بس مبلتزمش بال هي بتقوله ومبعملش التمارين بس اخر كام يوم بدات التزم فا انا مش عارف هل هي كويسه ولا اروح لدكتور تاني انا بسمع ان الجلسات النفسيه دي الناس بتقعد مع الدكتور جلستين تتكلم تبقا احسن بفرق واضح
هي بتساعدني اه بالكلام وكده وبتديني التمارين بس انا مش عارف هي كويسه ولا اروح لدكتور تاني مش عايز اكرر الغلطه الي حصلت مع الدكتوره الاولانيه ومش عايز اقضي بقيت عمري بتعالج
فعايز افهم هل ده طبيعي اني لسه مخفتش ولا بسبب تقصيري وهل الدكتوره دي كويسه هي ادتني تمارين يقظه وتمرين تسامح وتمرين تنفس وتمرين تخيل وتمارين تانيه وحاجات اعملها فهل استنى معاها شويه والتزم لحد ما اشوف نتيجه ولا اروح لدكتور تاني وانا عندي مشاكل تانيه غير المرضين دول زي قلة ثقه بالنفس وحاجات شبه كده اسف على الاطاله وشكرا مقدما
لعرض السؤال في فدني اضغط هنا
السلام عليكم
انا عندي موضوع غريب شويه بس أتمنى حد يفيدني
انا دايما بحلم باحلام غريبه و صعبه و بتخلي الواحد بقا عنده وساوس و ساعات مش بيحس انه عايش ف الحقيقه و كانه راح لعالم تاني و الأحلام دي عباره
٩٠% منها بحلم بكلاب بتبقي بتعضني او حلمت بتعابين قبل كدا بس مش كتير ولكن اغلب احلامي من الكلاب او انهم بيجروا ورايا و كدا و ساعات بتبقى كلاب سوده كمان للاسف
و بحلم كتير جدا بالجاموس و العجول و كدا و كمان اني اصلا بخاف منهم من طفولتي و احنا مش بنربي الحاجات دي اصلا انا في طفولتي يعني ممكن من اكتر من خمس سنين يعتبر بطلت اشوفهم و كدا بس بس هما بيجولي في الاحلام و بينطحوني لدرجه ف مره حلمت الجاموسه كلتني 🥲.
و كمان حلمت ان كان في راجل ف الحلم حواجبه سوده جدا و ليه شوارب داكنه و كان بيعاقبني و بيقوللي انه هيموتني الساعه سته و كنت مرعوبه جدا و عاقبني لاني تقريبا اسأت لبقره او حاجه من كدا و دخلني مكان مليان جاموس و حجمهم ضخم جدا بس الحمد لله ساعتها اليوم عدى على خير مع اني كنت خايفه جدا من معاد الساعه سته
فبصراحه ببقى مرعوبه ف الاحلام دي جدا و لما اصحي ممكن الحلم افضل اسبوع خايفه منه و فاكراه لدرجه اني دلوقتي فاكره كل الأحلام اللي حلمتها زي كدا و حلمت اني دوست على كتاكيت حيه و ماتو و كمان دوست على قطط صغيرين و ماتو
والله و الحلم بيبقي كأنه حقيقه فبصحى مرعوبه رعب مش طبيعي وببقي خايفه و مرهقه جدا و لو صحيت في وسط الحلم مع انه بيبقي نادرا بفضل استغفر و اقرأ المعوذات و هكذا و لكن لما انام تاني بكمل الحلم للاسف حتى😔
و ف مره كنت بذاكر فرحت ف النوم مره واحده كدا فرحت صحيت فجأه و انا حسيت حاجه عضتني جامد ف رقبتي و حسيت رقبتي ملسوعه و كدا ف الواحد بقي بيبقى عنده رعب و وسوسه مش طبيعيه +
انا لما كنت صغيرة مكنتش بخاف من الكلاب و لا حاجه كنت بخاف من القطط و الكلاب لا فبقيت لما اشوف حاجه من الحاجات دي ف الحقيقه بترعب منها و بحس بخفقان و دقات قلبي بتزيد و مش ببقي قادره استحمل مع العلم انا قلت لوالدتي على اغلب الأحلام دي و كنا هنجيب شيخ و كدا بس محرجه من الموضوع دا و للاسف الظروف مسمحتش و الشيخ مجاش. ☹️
لعرض السؤال في فدني اضغط هنا
السلام عليكم
اتمني تقرأو للاخر و حد يساعدني
انا عندي و في مشكله مضايقاني جدا و هيا مظهرلتيش الا مؤخرا او كانت موجودة من الاول بس بدرجه اخف من كدا و هي..
اني تقريبا كدا عندي وسواس نظافه او مش عارفه وسواس قهري بس انا مبحثتش في اعراضو.. ما علينا بس دا بيخليني اني حرفيا بقيت بكره الصيف و بخاف جدا من الحشرات لدرجه اني بقيت ببقي قاعده بفجأه احس دماغي بيقولي بصي هنا و اول م ابص ع المكان الاقي نمل بجد حرفيا ف البيت كله محدش بيشوف الحشرات قد م انا بشوفها
و كمان انا بشوف كل حاجه قدامي كأنها بكتريا خصوصا ف البيت يعني لما ابقي بره البالبيت الحاجه بتفضل بس انا ببقي مكبره دماغي فمش بركز اوي اما ف البيت مش بقدر و دا مش معناها انو الناس مقرفه و انا اللي نضيفه ما شاء الله يعني مع احترامي بس الموضوع وصل اني بقرف حد يكون قاعد على كرسي او حاجه و بعدها اقعد بعد م يبقي لسه قايم
و كمان بقرف اكل او اشرب من ورا حد مهما كان مين حرفيا انا زهقتهم ف البيت لدرجه انهم بيعملو حاجات تبان عاديه يعني مثلا يقعدو ع السرير انا بقرف جدا و بقولهم يقوموا و كمان يعني لو حد ايده فيها ميه و لمسني بقرف جدا و مش ببقى قادرة اتنفس و لدرجه اني بتحسبن فيه مهما كان قريب
و المشكله الناس محدش راضي يفهمني و دا بيأذيني كتير لانهم بيعملوا الحاجات اللي بتستفزني و لدرجه اني ف مره ركبت مواصلات ف المواصلات كانت بعيده شويه اخدت حاجه احطها ع الكرسي عشان اتجنب اقعد ورا الناس و اني دايما بتمنى لو اقدر اغطي كل حاجه بستعملها بكياس حتى بس المهم انو محدش يلمسها و انا ف البيت مش بشرب من الكبايات عادي لا بشتري ازازة ميه و بشرب فيها و الاكل اغلبه بعمله لنفسي في حله معينه و تقريبا عازله نفسي عنهم و بقرف كمان انام ورا حد او المخده اللي حد لمسها او نام عليها و لما حد يكون جمبي و احس بنفسه كدا او الهوا بقرف و بشمئز اويي.
و انا بقول الامثله دي بس عشان يبان حجم الموضوع وصل لفين و طبعا في كتير امثله من كدا بس انا مش عايزه اطول
و اخيرا انا شايفه انو الموضوع دا صح بنسبة ٧٠% ف هوا عادي بس بياذيني ساعات و عدم تفهم الناس و تقديرهم بيضايقني اكتر و دا المفروض يبقي صح و الناس متعملش كدا انا بجد بستغرب لما الاقي ناس عادي بتشرب من ورا بعض و هكذا ازاااي و ليه انا لو بموت من العطش مستحيل اعملها ف لي الناس متبطلش العادات السيئه دي هوا اه انا مزوداها بس ع الاقل دا صح لي بقا اطلع انا اللي غلط ف الاخر و موسوسه و حساسه بزياده لييه 😓😓
لعرض السؤال في فدني اضغط هنا
بكون نعسان جدا وفارق معايا انام عشان الوقت واصحى اكمل المهام ال ورايا فجأه ألاقينى صحيت بعد دقيقتين مثلاً وقلبى مقبوض قبضه غير طبيعية بتستمر حوالى دقيقه، ملحوظه مش خايف ولا قلقان من حاجه ، مجرد مخى عارف إن عاوز انام عشان محتاج النوم والوقت
لعرض السؤال في فدني اضغط هنا
لعرض جميع الاسئلة في فدني اضغط هنا