انا بجد حالتي صعبه بكره عيلتي كلهم ومش عارفه اذاكر وعندي توتر زياده ومنعزله عن الناس مش بطلع غير قليل امي دي اكتر واحده بكرهها في حياتي وبابا كمان
السلام عليكم، ممكن تدخلي على قائمة الخبراء في فدني تختاري من المختصين اللي فيها، التواصل من داخل صفحة الخبيرة اللي تختاريها بتضغطي زر حجز استشارة وبيوصلك بوسيلة التواصل بتاعتها. اضغطي على الثلاث شرط اللي على الجنب وهتظهر قائمة منسدلة اختاري منها صفحة الخبراء. **** كمان ممكن في موقع فيزيتا تبحثي عن التخصص اللي عاوزاه وتشوفي أقرب حد في المكان اللي عايشة فيه، واقرأي ريفيوهات الناس اللي تابعوا وتقييماتهم قبل ما تختاري. بالتوفيق.
تم النشر السبت، ٢٢ أغسطس ٢٠٢٦
بتقولي مش حابه تصلي فـ كل الكومنتات بصي يا حبيبتي اولا اغلب البيوت كدا مفيش حياة وردي بس انتي بكلمه مش حابة اصلي دي انتي اصلا م عارفه معناها ربنا بيقول ومن اعرض عن ذكري فإن له معيشة ضنكا صدق الله العظيم وكلمه ضنكا يعني شديدة السواد عايزه حالك يتظبط وانتي مش بتصلي ازاااااي نفسي اعرف اه كلنا بييجي وقت وننتكس ناخد كام يوم كدا م ملتزمين زي الاول لكن مش هتلاقي حد اقرب واحن عليكي من ربنا سبحانه وتعالي فرعون كان مشرك وبيقول انا ربكم الاعلي وهو بيغرق قال لموسي اغثني ياموسي اغثني ياموسي كذا مره فـ ربنا قال وعزتي لو قالها مره لأغثته تخيلي دا مشرك بالله وربنا كان هينجيه وهو بيقول انا ربكم الاعلي فما بالك باللي بيصلي وبيسجد ويقول سبحان ربي الأعلى مفيش حد هيتحمل يقابلك ويسمعك خمس مرات فـ اليوم الا ربنا بيقبلنا واحنا مبسوطين، زعلانين اي حال بيقبلنا عليه ربنا احن عليكي من نفسك دا بيقول ونحن اقرب اليه من حبل الوريد انتي متخيله والله لو خيروني اللي يحاسبني ابويا او امي هختار ربنا لانه هو ارحم الراحمين ارحم مني بنفسي صلي وادعي وارجعي لربنا تاني وربنا يهديك ويريح بالك
تم النشر الثلاثاء، ٢٥ أغسطس ٢٠٢٦
فاهمه شعورك متقلقيش، بصي، ربنا مش هيحاسبنا علي مشاعرنا لانها حاجه اراديه من عند ربنا زي الشعور بالامان، خلي تعاملك معاهم يبقي في حدود الادب والاحترام، في واحد قبل كدا جه للرسول عليه الصلاه والسلام وقاله ان ابواه كافرين ف هيسيب بيته ويتخلي عن ابواه الرسول قاله لا لانهم تعبو في تربيته ( مش فاكره الحديث بس دي قصتها يعني 😂) والرسول قاله بعدها ان واجب عليه يطيع والديه الا عند الكفر، بمعني، ان عصيتيهم حتي لو هما غلطانين ف انتي هتاخدي ذنب عظيم لان اهم حاجه بعد طاعه ربنا هي طاعه الوالدين ف متخليش كرهك ليهم يغير سلوكك معاهم، صعبه عليكي كل ما تحسي انك هتقولي كلام وحش سبحي ربنا في سرك عشان تهدي وقولي حاضر ونعم، بتاخدي حسنات علي صبرك ومع الوقت ربنا بيهدي وهتفهمي بعدين قد اي بيتعبو عشان اصلا تقعدي انتي في البيت وتشتري حاجات زي باقي الناس عشان متحسيش انك اقل من حد يعني انا كان عندي نفس المشكله مع بابا وبجد والله لما فهمت قد اي بيتعب بقيت بحترمه جدا، ان قال مثلا كلمه زعلتني بقول لنفسي عنده ضغوط وبيخرج مشاعره السلبيه وانا بنته ف عادي، في ناس بتعبر عن حبها بالافعال مش بالكلام، انا فاهماكي اننا كبنات بنحب الكلام والافعال واللي يهتم بينا ويدلعنا والكلام دا كله بس افرض ربنا عاينلك الحاجات دي في زوج صالح، مش هيبقي احسن؟ ف قربي من ربنا وسيبك من التفكير دا لانه هيضيعك، بسبب تفكيرك دا ممكن ميبقوش راضيين عنك ويدعو دعوه من عصبيتهم دون وعي هتروحي فيها سواء في دنيا او اخره، ربنا يهدي الجميع 🤎
تم النشر الثلاثاء، ٢٥ أغسطس ٢٠٢٦
أنا حاسس بكي وبكل كلمة قُلتِها، وحاسس بحجم القهر والضغط المرعب اللى إنتي عايشة فيه لوحدك ومحدش حاسس بيه. طبيعي جداً في وسط القسوة والبعد اللى إنتي حاسة بيه من أهلك –وخصوصاً والدتك ووالدك– إنك تحسي إن الدنيا مقفلة في وشك، وإن التوتر والعزلة هما الحصن الوحيد عشان تقدري تتنفسي. إنتي مش مجنونة ولا إنتي غلطانة في إحساسك بالتعب، دي صرخة روح وجسم مش قادرة تستحمل أكتر من كده. لكن تعالي نتأمل سوا بالراحة وبدون أي أحكام: إحنا طلعنا من البيت ومن الأهل المكسورين المقهورين، ووصلنا لمرحلة إننا زعلانين من ربنا نفسه وكارهين الدين، وحاسين إنه هو السبب في كل ده. هل ده حقيقي؟ تعالي نفكر فيها بعقل: هل قسوة الأهل، وظلم البيئة المحيطة، وشعور العزلة، هو ده دين ربنا ورحمته؟ أبداً والله. ربنا سبحانه وتعالى لم يُنزل الدين عشان يعذبنا، ولا عشان يسيبنا في قاع الوحدة والوجع. بالعكس، الإنسان لما بيقفلوا في وشّه كل الأبواب، بيحتاج باب واحد مفتوح على مصراعيه.. باب أرحم الراحمين اللى شايف دموعك في الغرفة لوحدك، وعارف إنتي استملتي إيه من أمك وأبوكي ومن الدنيا. الناس دي –حتى لو كانوا أهلك– أخطأوا في حقك وظلموكِ نفسياً، وده وجع حقيقي لا ننكره. لكن الخطأ الفكبري إننا نخلط بين "أخطاء البشر وقسوتهم" وبين "عدل ورحمة الخالق". الله سبحانه وتعالى لا يقبل الظلم، وهو بريء تماماً من أي وجع عشتيه بسببهم. بالعكس، هو الحنين الوحيد اللى لو رجعتي لْبابه هتعرفي يعني إ ايه أمان حقيقي، وإيه حضن دافي يطبطب على قلبك المنهك من غير ما يحاسبك على عصبيتك ولا على أفكارك السودا. إنتي مش مجبرة ترجعي لربنا عشان "تخافي منه" أو عشان هو غضبان عليكِ؛ إنتي محتاجة ترجعي لربنا علشان "تستريحي إنتي". تخيلي إلهٍ عظيم بيكلمك في القرآن ويقولك: (وَاللَّهُ يَدْعُو إِلَى دَارِ السَّلَامِ)، إلهٍ لا يمل من استماع شكوتك ودموعك، وعارف إنك مكنتيش ملحدة عن كفر بالحق، بل من شدة القهر والعجز والوجع اللى شفتیه في حياتك. ابدئي بخطوة بسيطة جداً لا محتاجة مجهود ولا مذاكرة ولا صلاة طويلة: اقعدي في أوضتك وحدك، وقولي بصوت مكسور: "يا رب، أنا متعبة جداً، مش قادرة، ومش فاهمة حاجة، ومش عارفة أنا صح ولا غلط.. تعبت من أهلي ومن نفسي ومن الدنيا.. خذ بيدي وعوضني عن كل القسوة دي". والله يا بنتي ما هتقوليها بصدق إلا وتحسي ببردة وطمأنينة تسري في صدرك، لأن اللى خلقك أرحم بكي من أمك ومن الدنيا كلها. الباب مفتوح، وعمر ربنا ما هيقفل بابه في وجه حد راح له وهو مكسور.
تم النشر الأحد، ٢٣ أغسطس ٢٠٢٦
أنا آسفة جدًا إنك بتمري بظروف صعبة زي دي، وإنك حاسة بالكره والتوتر والعزلة ده. مشاعرك حقيقية ومهمة، وإنك قدرتي تتكلمي عنها خطوة شجاعة. أنا هنا عشان أساعدك بقدر ما أقدر، وأذكرك إن طلب المساعدة المهنية خطوة مهمة جدًا في مثل حالتك. بما إنك بتسألي عن دكتور نفسي أو ثيرابست أونلاين، أنصحك تبحثي عن خبراء على منصة فدني، حيث فيه متخصصين في الصحة النفسية يقدموا استشارات. جربي تبحثي عن أسئلة مشابهة على فدني عشان تشوفي تجارب الآخرين وتاخدي أفكار إضافية. في الوقت الحالي، حاولي تبدئي بخطوات صغيرة عملية: حددي وقتًا قصيرًا يوميًا للدراسة حتى لو 15 دقيقة، واكتبي مشاعرك في مذكرة عشان تفهميها أكتر بدون ما تتراكم. لو التوتر بيأثر على نومك أو أكلك، ركزي على روتين يومي بسيط يساعدك تحافظي على طاقتك. أنتِ مش لوحدك في ده، ومع الوقت والمساعدة المناسبة هتقدري تتجاوزي. لو عايزة تتكلمي أكتر عن أي جزء، أنا جاهزة أسمعك.
تم النشر السبت، ٢٢ أغسطس ٢٠٢٦
استغفري ربك كل يوم مرة
تم النشر الاثنين، ٢٤ أغسطس ٢٠٢٦
وهل تحبي ان يكرهك اولادك في المستقبل متل ما تكرهين اهلك حتى لو كنتي وحشة مع اولادك
تم النشر السبت، ٢٢ أغسطس ٢٠٢٦
@عبده . لا انا مش بصلي
تم النشر السبت، ٢٩ أغسطس ٢٠٢٦
بدأتي صلاة ؟
تم النشر الجمعة، ٢٨ أغسطس ٢٠٢٦
حاولى تقربى من ربنا و صلى و لو مش حابه تصلى يبقى اعرفى مين هو ربنا و ليه اصلا احنا بنصلى وليه لازم نصلى و يمكن دا يغير فكرتك عن الصلاه لان انتى بتقولى انك بتحبى ربنا ف فى حد بيحب حد و مبيحبش يقابله لانك لو فعلا بتحبى ربنا هتبقى عايزه تصلى و تقابليه و تحكيله كل اللى مضايقك لان ربنا سبحانه وتعالى ولله المثل الاعلى زى مثلا لما تلاقى شخص بتكلميه بكل اللى انتى عايزاه براحتك و اى موضوع من غير ما تحافى الشخص دا ياخد عنك فكره وحشه او يروح يقول لحد مثلا و ف اى وقت حرفيا وقت م هتبقى عايزه تقبليه هتلاقيه دا ربنا سبحانه و تعالى انا حاسه بيكى لان عندى صاحبتى كدا برضو ف مشاكل مع الاهل و كدا
تم النشر الاثنين، ٢٤ أغسطس ٢٠٢٦
متقوليش مش حابة قولي مش متعودة ... متعمليش حاجز بينك وبين الصلاة
تم النشر الاثنين، ٢٤ أغسطس ٢٠٢٦
@Mohamed Hamada مش حابه اصلي
تم النشر الاثنين، ٢٤ أغسطس ٢٠٢٦
@عبده . حاضر
تم النشر الاثنين، ٢٤ أغسطس ٢٠٢٦
صلا و استغفار
تم النشر الاثنين، ٢٤ أغسطس ٢٠٢٦
@Luca مش عايزه اصلي ربنا يهديني
تم النشر الاثنين، ٢٤ أغسطس ٢٠٢٦
طيب ما تصلي علي فكره انا عشت سنوات في عنف وضرب لدرجه ان الواحد كان شايف الموت أرحم له ، بس لما صليت الموضوع أختلف تماماً مبقاش في توتر داخلي بقيت اهدأ وأحسن بكتيرررر ، ولو دعيتي ربنا ربنا هينجيكي (ده الحل الواحد وعن تجربه ) مفيش حد هيقدر يساعدك غيره ، وبعدين مش كل الناس مرضي زي ما بتقولي ولزام يتعالجو خالص في ناس كويسه جدآ هتعرفيهم بس لما تغير من نفسك
تم النشر الاثنين، ٢٤ أغسطس ٢٠٢٦
@AAA لو بعمل فيهم نفس الي بيعملوه حقهم يكرهوني
تم النشر الأحد، ٢٣ أغسطس ٢٠٢٦
@عبده . البيت مش بيهدا من الزعيق انا مش ملحده انا بس مش بصلي بس لكن بالعكس انا بحب ربنا بحس البشر دي كائنات مقرفه بس كلهم بجد ناس يحتاجون علاج
تم النشر الأحد، ٢٣ أغسطس ٢٠٢٦
لو جو البيت مضطرب وأهلك عندهم مشاكل نفسية زي العصبية والعنف فطبيعي انك تعاني وتتألمي لأن أهلك هم أقرب الناس لك والمفروض هم مصدر الدعم ....عموما مفيش حل في يوم وليلة ولكن الحل محتاج صبر فعليكي بأن ترجعي لربنا بالتدريج وابدأي بالخمس صلوات.... أما الإلحاد مش هيفيدك
تم النشر الأحد، ٢٣ أغسطس ٢٠٢٦
لعرض السؤال في فدني اضغط هنا