جميع الأسئلة المتعلقة بقسم الصحة النفسية على فدني
..الخوف من المجهول ..الخوف من الناس .. الخوف من القادم .. الخوف من الفقد... واوقات الخوف من الخروج من الغرفة
ايه السبب ؟ وازاى اقدر اتخطى خوفى؟
لعرض السؤال في فدني اضغط هنا
إنني أقف في منتصف حيرة مرهقة لا أستطيع تفكيك خيوطها، وتحديداً حين يتعلق الأمر بعلاقتي بوالدي؛ فهو في الأصل إنسان طيب وحنون لأبعد الحدود، وأنا أكنّ له حباً عظيماً وصادقاً. ولكن، يكمن الألم والتعقيد في تلك اللحظات التي يفقد فيها أعصابه، حيث يُقدم على ضربي -سواء كان خفيفاً أو غير مؤذٍ جسدياً- ولكنه في عمق روحي يترك أثراً جارحاً، ويولد شعوراً مدمراً بالدونية وكره الذات. والأكثر إرهاقاً في هذه الدائرة هو ما يحدث بعدها؛ إذ يعود ليصالحني ويوضح لي الأمور بحكمة، وكأن شيئاً لم يكن، هذا التناقض المستمر بين طيبته المطلقة وبين ذلك الفعل الذي يترك في نفسي جرحاً خفياً يرفض الالتئام سريعاً يجعلني عاجزة عن الفهم: هل هذه الشخصية المتناقضة أمر طبيعي؟ أم أن هناك خطباً ما؟ إنني متألمة حقاً من هذا التناوب المستمر بين جرح الفعل واعتذار المحبة، وأتمنى لو أجد تفسيراً يريح عقلي وقلبي من هذا الثقيل النفسي.
لعرض السؤال في فدني اضغط هنا
مريت بكذا مواقف مضايقات وانا صغيره ده خلاني اكره فكرت ان يبقا في راجل في حياتي و اتقبل انه يلمسني او كده و حاليا في علاقه مع شخص و المفروض نيتنا الزواج بس بخاف و بقلق و بحس اني بضايق كل لما الموضوع يتلمحله ازاي اتعافي من الماضي و اقدر اتقبل الحاجه ديه و محسش انها مهينه لكوني بنت وانها حاجه طبيعيه مش حاجه مجرد شهوه للراجل وبس وازاي اقدر اهدى و اكون متقبله كل حاجه لانه مواقف الطفوله و المراهقه خلت عندي عقده و صدمه بتخليني برفض اي شخص عشان مش عايزه امر بالعلاقه ديه
لعرض السؤال في فدني اضغط هنا
ازاي اعرف أخرج لوحدي وانبسط اتجرا أخد الخطوه؟
لعرض السؤال في فدني اضغط هنا
سلام عليكم
ازاى اتعامل مع موت اخى فجاه وهو اخويا الوحيد انا شخصية كتومه او مش بحب اعبر عن مشاعرى السلبية عشان ماما متتاثرش بس حاليا
دلوقتي انا بتناسى اخويا عشان معيطش واكون راضية بقضاء الله بدعيله وبقرا قرآن لكن بتناسى كل الذكريات ده صح ولا غلط
لعرض السؤال في فدني اضغط هنا
السلام عليكم يا جماعة الخير ...
كان عندي مشكلة صغيرة أو بالأحري حاجة مش عارفة أفهمها لأنو لو فسرتها عاطفتي هتهديني تفسير يرضيني مش تفسير منطقي ..
المهم أنا تعرفت علي ولد أكبر مني بسنتين، هو شخص ناضج وكويس ومحترم جدا وأنا كنت أول واحدة يكلمها في حياتو ويرتبط بيها ... أنا شخص كل شوية ضميرو بيصحي ف قولتلو أنو حرام نتكلم وعلاقة غير شرعية فـ نرجع نسيب باب ..ودا بيفتح مجال نرجع للذنب تاني ...
المهم انا كنت شايلة هم كبير أوي علي قلبي بسبب الكلام دا ...لكن بسبب اعتياد الذنب ضميري بطل يأنبني صراحة ...المهم انا حبيت الشخص دا جدا ...
جه وقت أخويا شاف الشات اللي بينا ونا كنت بره البيت .. انا جيت ولما عرفت اللي حصل روحت أشيل البلوك عشان عرفت انو أخويا قالو يبلكني وهو رفض وف الاخر شتمو بعض وأخويا بلكو ...
بعد ما فكيتو لاقيتو عامل البلوك ف استنيت كذا يوم ولاحظت انو بلكني من كل أكونتات سوشيال ...المهم أنا زعلت وعيطت طبعا ... وفي نفس الوقت ارتحت لانو كنت شايلة هم كبير أوي بسبب الكلام يعني ...بس أنا مش عارفة هو ليه بلكني ...
انا بقا بسأل كل دا أو كاتبة الكلام دا عشان أعرف اللي عملتو دا بسبب أنو هرب ....ولا ممكن يكون في مبرر تاني لانو حاولت أوصلو برقم تاني ..بلكني منو بردو وهو عارف أنو أنا ...هو مش كان بالشخص العيل أو اللي مش راجل عشان أفكر أنو هرب لانو كان كلامنا أنو هيتقدملي بعد سنتين لما يقدر يشتغل لانو لسة ف الجامعة ..
اللي حوليا كلهم بيقولوا أنو هرب عادي ومش راجل ...وانا بدعي نتجمع بالحلال ونتجوز علي الرغم انو مش عارفة أسبابو ..بس غصب عني كل فترة بفكر في اللي حصل وبتجيلي شكوك يمكن هو أصلا مش عايزك ...وانتي بتعدي في الفاضي ...
أنا مش عايزة نرجع نتكلم بصراحة عشان انا كنت حساني منافقة ..بس عايزة أعرف اي سبب اللي هو عملو دا ..عشان أطمن أنو بدعي ودعائي لشخص عايزني زي ما انا عايزاه
لعرض السؤال في فدني اضغط هنا
انا حاسه اني تايهه و مشوشه و مشتته و بعمل حاجات غريبه عليه و ع طول تعبانه و عندي اكتئاب و بعمل حاجات غلط كتير مع اني مش ببقي مبسوطه فيها و مش قارده ع نفسي لدرجه اني فكره اتجوز مخصوص عشان القى شخص يعدل مني بس خايفه برضوا و بالذات اني صغيره
انا اهلي منفصلين و عايشه مع اهل امي و كل نص ساعة مشاكل و حد يزعل مني و يفهمني غلط و يلبسني تهمه انا ما اعرفش عنها حاجه انا هنفجر من الضغط وانا حاليا ف ثانويه عامه علمي رياضه و كمان بعاني من كذا مشكله ف المعده زي قولون عصبي وارتجاع مريء و عندي وسوء تغذيه وعلى طول نايمه ومش بقدر اركز
لعرض السؤال في فدني اضغط هنا
السلام عليكم ،
أنا حاليا بتقابلنى مشكلة وهي انى مش بستمر فى حاجة كل ما انوى انى هعملها بجدية بفشل فيها تعبت من كتر المحاولات
أنا تانية بكالوريا والمفروض انى عندى حلم ولازم اذاكر واجربت نفسى بشتى الطرق كل اسبوع بكتب تسكاتى وكل يوم بكتب التودوليست الاول كنت بقلل من التليفون حاليا بعدت عنه خالص بقالى اسبوع فصلاه يعنى مش بمسكه نهائي
حاولت اراقب نفسى واشوف وقتى بيروح فين بذاكر بطريقة البومودور مثلا 120 دقيقة مذاكرة وربع ساعة بريك المهم انى فى النهاية جربت كل حاجة مفيدة قربت من ربنا اوى كل فروضى فى وقتها واذكارى ودايما بشغل قرآن جنبى وبدعى كتير فى النهاية ممكن يوم يكون عندى الحماس عالى اطلع ب 10 ساعات ده آخرى عارفة ان عدد الساعات مش مقياس وان الكمية اهم من الوقت بس انا بحب احسب لنفسى
آجى تانى يوم عكس اليوم الاول تماما مش بحصل 4 ساعات بالعافية زى ما قولت ان مفيش اى مشتتات حواليا هو بس التابلت اللى بذاكر عليه مفيش اى حاجة مشتته عليه غير اليوتيوب حاولت اوقف السجل وأعمل ليه تايمر فى اليوم ميفتحش بعده بردو بستسلم شتان بين الشخص اللى بيقوم عنده حماس والشخص اللى بيضيع ساعة واتنين على اليوتيوب آخر الاسبوع بلاقى 13 ساعة على اليوتيوب بس بحس انى هبله اوى منين عندى حلم ومنين بضيع الوقت ده كله كان زمانى حليت فى كتاب ولا عملت اى حاجة مفيدة بس للاسف الندم مش بيرجع حاجة ووقت ساعتها بيجى فى دماغى ان بالمنظر ده مش هوصل لحاجة
وبتبدأ ثقتى فى نفسى تقل وافتكر صحابى اللى ما شاء الله احسن منى كتير ثقتى تقل اكتر نفسى بس أستمر على حاجة دايما اصحى بدرى كل يوم مش يوم ويومين لا أذاكر كل يوم 10 ساعات مش يوم ويوم لا وبالمناسبه دول يعتبر حاجة متوسطة او عادية انا حرفيا مفيش حاجة فى حياتى غير المذاكرة وكلها اونلاين
ساعات بيكون عندى حماس واكمل وانا حابه وساعات تانية لا مفيش حماس خالص واقول مش مشكلة هكمل بردو اول ما احس بشوية انجاز اليوم كله بيضيع على حساب "بكافئ نفسى "
إيه الحل تعبت من كمية الخطوات اللى بقرر أعملها ومش بكمل عليها وبستمر وأقول يمكن تظبط هتظبط المرة الجاية لحد ما بقع خالص واضطر ابدأ من الصفر .
لعرض السؤال في فدني اضغط هنا
امتي اعرف اني فعلا تخطيت الشخص ده واتعافيت منه
لعرض السؤال في فدني اضغط هنا
كيف اتعايش مع مشاعر الذنب والندم المؤلمة التي تدفعني يوميا للانتحار والتخلص من حياتي
وشعور كره الذات وجلدها بلا رحمة حتى أنني أشعر بأني في محكمة وأعاقب نفسي يومياً وأصبحت لا اطيق نفسي وأشعر أنني إنسانة حقيرة بلا قيمة ويمنعني عن الانتحار خوفي من الله وعذاب الآخرة لكني أعيش متألمة أفقد الشعور بالحياة وأكره ذاتي ولا أريد ان افعل اى شيء اود فقط الموت والتخلص من حياتي التي دمرتها بنفسي
لعرض السؤال في فدني اضغط هنا
السلام عليكم
دلوقتي انا خايف من حاجه انا خريج كليه زراعه وخارج بتقدير امتياز مع مرتبه الشرف بس انا مش بحب الكليه ومن وانا في تانيه ثانوي او من اوائل الثانويه العامه مش بحب التعامل مع الناس فاتجاهت ليه للنت الكمبيوتر عشقي
اتعلمت البرمجه اتعلمت جرافيك وبتكلم انجليزي بتكلم اسباني واتعلمت مهارات كثير وكان نفسي ادخل حاسبات بس ما دخلتش المهم انا اشتغلت في شركات كثير وفي مناصب حلوه فيها كنت ceo لشركة استيراد وتصديرواشتغلتit في شركه وعملت شركه لنفسي على النت واشتغلت وعملت منها فلوس حلوه
الفكره دلوقتي ان انا في الجيش ومش عارف بعد ما هخرج من الجيش حاسس مهاراتي قلت واللغات برده حاسس كل اللي عملته ضاع مش عارف اعمل ايه ومش عارف بعد ما اخلص جيش هشتغل فيه انا حاسس نفسي اني فاشل مش عارف الاحساس ده جاي لي من ايه او حاسس ان انا عملته ده كله ضاع بس انا مش شايف نفسي عملت حاجه
لعرض السؤال في فدني اضغط هنا
هل فعلا الانسان يبتلى فيما يحب وان من علق قلبه بأمر عوقب بحرمانه؟ في شيوخ بتقولها ف عقلي بصراحة مع انه مقتنع انه وارد متبقاش صح بس اتربطت عندي لا اراديا لانها لمست في حاجة اصلا عندي مشكله معاها
مؤخرا بقيت عايشة بمخاوف من اني اتعلق بأي حاجة لاني بقيت خايفة اتحرم منها
بقيت اخاف احب الناس بخاف اقرب من صحاب علشان بخاف من لحظة اني اخسرهم بخاف من الحب وبرفض فكرة الجواز والخطوبة ومش ببقى عارفة اقول ايه لأهلي وأشرح لهم ازاي مخاوفي انه خايف اتعلق ونسيب بعض لأي سبب واني خايفة ادخل حد جديد حياتي اصلا وبتعامل انه علاقاتي الدايرة الموجودة " اللي مؤخرا فضيت عليا جامد بعد ما بعدت عني فجأة صاحبتي اللي كانت معايا ١٢ سنة اول ما دخلت الجامعة وصاحبت ناس جديدة" دلوقتي ومش عاوزة ادخل حد جديد وشايفة اني لما ادخل حد جديد بدخل خوف جديد من انه ايه جابرني ع كدا
وشايلة هم لما اتخرج هتبقى ايه حجتي لأهلي اني ارفض حد " مؤخرا اصلا مفيش حد اتقدم تاني بس انا مش بركز صراحة" بس ديما برفض بحجة اني عاوزة اكمل دراسة او لسه صغيرة
مع العلم بحب الحب ونفسي جدا جدا جدا يكون في حياتي ونس وحد يشاركني ايامي سواء صاحبة او حبيب وبتعدي عليا ايام ببقى في حالة نفسية بشعة لاني ممبقاش لاقية حد في حياتي او حواليا قريب مني بس في نفس الوقت اي فرصة بهرب منها واول ما بحس اني هبدأ اتعود ع حد او اتعلق بهرب
لعرض السؤال في فدني اضغط هنا
أهلي اتخلوا عني وحاسة بتوهة وخائفة..
وحالياً مش عارفة أخد أي قرار،، ولا حتى أفكر في اللي جاي إيه،، تعبانة نفسياً وعصبياً جداااااا،، وطبعاً الزواج في ظروفي بقى شبه مستحيل.. فعايزة بس أعرف أقوي نفسي بنفسي إزاي دون الاحتياج لأي أحد،، لأن بيجي أوقات ببقى محتاجة لحد أستشيره أكلمه أفضفض معاه بخصوص حياتي أو أي قرار جديد فيها،، أرجو الإفادة ضروري من فضلكم
لعرض السؤال في فدني اضغط هنا
أنا انسانة غريبة جداً، حاسة اني اكتر انسان متناقض ممكن حد يعرفه... مبقتش فاهمة اي حاجة من اللي بتحصل، انا مدركة كويس جدا حجم المشكلة بال الكارثة اللي هبقا فيها لو استمريت على نفس المنوال دة بس مش قادرة ابطل اكرر نفس الاخطاء بقالي سنين بعمل نفس الاخطاء،
كنت فاكرة نفسي المرادي هتغير بجد، بس مفيش فايدة فيّ، يئست من نفسي انها تتصلح، عليا حمل زي الجبل مش قادرة اتحرك منه انا بس بزيد فيه، مش عارفة اوقف اي حاجة من اللي بتحصل دي،
حاجات كنت ارفض بس التفكير فيها بقت واقع معايا، سلوكياتي اتغيرت للأسوأ، علاقاتي اتدمرت تقريباً، بقيت حاسة اني منافقة ومستحقش حد يبقا جمبي، بطلت اكلم حد وبقيت بعمل نفس اليوم، بقوم بجاري الاحداث وبنام، بعمل اخطاء بشعة،
شايفة مستقبلي من قبل ما يجي، شيفاه وهو بيتدمر وانا بتفرج وبس زهقت من كل دة زهقت من نفسي بجد، حتى بعد ما قربت من ربنا جداً وكنت فعلاً حاسة براحة جوايا، حتى دة باظ، اهلي ميستحقوش مني دة، ولا انا استحق مني دة، كنت انسانة جميلة بس بوظتها بإيدي، انا ببوظ كل الفرص اللي بتجيلي، ببوظ كل حاجة
لعرض السؤال في فدني اضغط هنا
ما اسباب التي تؤدي الى فقدان الشغف في الشغل او في حياه عموما
لعرض السؤال في فدني اضغط هنا
هل لدى احد تفسير لعدم شعوري بالذنب بعد ان ساعدت والدى المكتئب على الانتحار
لعرض السؤال في فدني اضغط هنا
أنا معنديش أى حافز للحياه
ومعنديش سبب يسعدني يخليني اكمل فى الحياه
طول الوقت عاوزه اهرب بالنوم
لعرض السؤال في فدني اضغط هنا
هل من الممكن للعوامل النفسية دور و تأثير على الإنسان مما يدفعه لإرتكاب الجرائم ؟
لعرض السؤال في فدني اضغط هنا
السلام عليكم
أنا فى المرحلة الثانوية ودائما اعانى من مخاوف على مستقبل واخاف من عدم تحقيق احلامى بالالتحاق بكلية الطب وحفظ القرآن كما أن هناك أمرا آخر اخاف منه وهو زوجى المستقبلى كيف سيكون وهل سأعيش حياة سعيدة فى المستقبل
فى الفترة الأخيرة لاحظت رغبة شديدة عندى فى النوم والكسل وعدم الدراسة والحفظ للقرآن وصلاة الفجر ورغبة شديدة فى سماع الاغانى الرومانسية والمسلسلات لا أعرف لماذا ولقد أقترب موعد الاختبار
كما انى افكر كثيرا فى شاب قد اعجبت به فى المرحلة المتوسطة وهذا يزيد ضيقى ولا اعرف ماذا أفعل ارجو الرد مع العلم انى لم أكن هكذا وكنت نشيطة جدا وأيضا أصبحت أكره شكلى والتغيرات التى تحدث بسبب البلوغ عند الفتيات كلها تضايقنى واتمنى دائما أنه يا ليتنى لم اكبر انا اكره كونى مراهقة وحيدة منعزلة متشائمة
لعرض السؤال في فدني اضغط هنا
مبقتش قادرة احب باقي صحابي بعد وفاة صديقتي المقربة وكره أكون معهم وفي مشاكل كتير
وبقيت مش عايزه اكلم حد ولا طايقه حد وحاسه ان انا مش زي باقي الناس
لعرض السؤال في فدني اضغط هنا
السلام عليكم ورحمه االسلام عليكم ورحمه الله وبركاته.
انا شغاله مدرسة. في مشكله دائما مع امي وابويا. ان هم دائما بحس ان هم بيجوا عليا. دايما بيستغلوني سواء ماديا او يعني كبيره ودائما بحس ان هم بيستغلوا حته ان انا الطيبه و بري بيهم ان هم ايه يضغطوا عليا
يضغطوا علي ماديا واضغطوا عليا معنويا دائما بحس ان هم بيميزوا بيني وبين اخواتي وان هم بيعاملوا اخواتي احسن منك بكثير. وبالذات امي.
أمي مش عايزه اقول بخيله بس هي فعلا كده، امي بتستخسر فيا اي حاجه في الدنيا مع انها لو طايله تاخد مني يعني اي حاجه هتاخدها امي ياما عملت لها ياما ياما عملت لها وما فيش تقدير ولا في أي حاجه
وعند اي مشكله بس حتى لو صغيره كده اهو تروح كان هي دي النهايه. وتروح جايه عليا تروح. شتيمه واستغلال وتاخذ حاجتي وتطردني ويعني كلام كلام مش كويس خالص مش كويس.
آخر مشكله حصلت ان انا... انا متجوزه وعندي أربع عيال. دايما أمي يكون معاها فلوس وتقول مش معايا مش معايا وهاتي واعملي ومش معايا وادينا وكان وعاوزينه وأصل ابوكي ومش بيصرف علينا ابويا متجوز واحده ثانيه ومعاه اولادي ومتجوز بقى له اكثر من 20 سنه. بسبب عمايلها برده واسلوبها اللي مش حلو معانا ومعاهم واللي احترام وقله قيمه قدام الناس وشتيمه قدام الناس وكلام فاضي
بس الاستغلال دوت يعني. بتستغلني جدا ماديا وتستغلني معنويا وتقل قيمتي قدام الناس قدام الناس واللي مش يسوى واخواتي كده برده. بس انا تعبت. انا يعني الود ودي اقطع علاقتي بيها خالص خالص لأن نفسيتي تعبت تعبت تعبت ما عنتش قادره.
لعرض السؤال في فدني اضغط هنا
سلام عليكم
لو انا حاسه اني وحشه مش كشكل لكن كشخصية ودايما عندي الشعور ده وأنه مفيش حد متقبلني وخايفه من حاجات كتتتير المفروض اعمل اي حاسه اني تايهة
لعرض السؤال في فدني اضغط هنا
سلام عليكم
انا بقالي فتره طلعت من علاقه بس ساعات بتاجي في بالي وبفكر فيها مع اني مش عايز ارجع ولا عايز اخش في علاقه تاني حاليا علشان مش جاهز ولا عايز ارجع علشان انا لسه مش كويس نفسيا وحتى لو حاولت نرجع لنفس الحته وهنسيب بعض علشان انا لسه مش عارف اصل حاجات فيه فحد ممكن ينصحني
لعرض السؤال في فدني اضغط هنا
كنت متجوز وعايش حياتي وفجأة اللي كنت متجوزها كنت مسافر ونازل إجازة محضرة الطلاق ونصبت عليا في شقى عمري وبعد الطلاق بسنتين اتجوزت برضو مسبتنيش في حالي اكتشفت أنها عليها قواضي حبس ب ٥ سنين نصب ووصلات أمانة وشغل ترامادول واتجوزت عرفي واحد كانت ماشية معاه وطليقته قالتلي ده قبل الطلاق بس انا مكنتش مصدق ولا متخيل انا مش عارف اتعافى وعندي رغبة انتقامية
لعرض السؤال في فدني اضغط هنا
كنت حد سوي نفسيآ و كنت حد بيقدم كل حاجه بحب ومن غير مقابل اهلي كانوا دايمآ يقولوا في حقي حاجات مش صح فيا و البرا يشكر و الجوا يذم فيا
انا في يوم نمت عندي انهيار صحيت زماني حد مختلف و متغير وان صفاتي الي بحبها فيا بتختفي انا خايفه يغيروا فيا امتى اعرف الحق اللي باقي مني
أنا خايفه لتحاول لشخصيه مؤذيه انا خايفه اووي
لعرض السؤال في فدني اضغط هنا
عندي مشكلة انو عند النوم لما اتمدد بلاقي دموعي بتنزل لحالها من غير سبب ولا حتى بكون بفكر بشي فبستغرب وبصير افكر طب ليه بعيط وانا شخصية ما بحب العياط ولا الدموع ولا بحياتي عيطت قدام حد الا مرتين مرة بفرح اختي ويومها عطول مسحت دموعي برضو والمرة الثانية كنت واقعة بمشكلة كبيرة جدا..
وبس غير كدا بعيط لوحدي وبكون دايما فيه سبب سواء فرحانة او زعلانة حتى لو مضغوطة اشي بعيط لوحدي..
لكن صرلي 3 اشهر وشوية وانا دموعي بالليل بتنزل لوحدها من غير اي سبب بكون بحضر يوتيوب عادي او بقلب عالتلفزيون بلاقي دموعي نزلت لوحدها ف آخر فترة صرت كل ما اعيط اصير افكر باشي عشان يبقى الدموع بسبب مش عالفاضي ومع هيك بعيط وحاولت كتير امسح واوقف الدموع بس بتنزل غصب عني وكل ما امسح اعيط بزيادة ف صرت اسيبها تنزل عشان معيطش كتير.. ف شو السبب وايه الحالة دي ليها حل او لا؟!
لعرض السؤال في فدني اضغط هنا
السلام عليكم ورحمه الله وبركاته
مش عارفه ابدأ منين ولا اقول ايه بس انا هتكلم باللي ف عقلي من غير ما ازينه ومن غير ما اعيش دور الضحيه او ابان اني صح انا بحكي عشان اطلع اللي جوايا بس وارتاح
انا امي بقالها ٧ شهور بتعاملني بطريقه وحشه اوي اكني مش بنتها بكون بتكلم معاها بتسيبني وتمشي او تلف وشها الناحيه التانيه علطول بتقولي انتي معندكيش مسؤوليه وغبيه ومحدش يعتمد عليكي بس كلامها موجعنيش قد ما وجعني معاملتها لاخواتي احسن مني
علطول بشوفها بتضحك مع اخواتي وبتهزر وتحكي معاهم ويخرجو مع بعض وتحكيلهم أسرارها وهما نفس الشيء محدش منهم بخاف يتكلم معاها
انا كل لما اتكلم تبدأ معايا تحقيق وتطلعني غلط ف الاخر بخاف اتكلم معاها لدرجه ان في الدقيقتين ف اليوم اللي بتسال عليا فيهم وتكلمني بكون متوتره وخايفه ومش عارفه اتكلم واخواتي كلهم طبعا متدلعين فكل واحد يجي يضايقني
عندي اختين هما قد بعض يعتبر ف عاملين زي الصحاب كل شويه يتكلم ويتنمرو عليا وبيقفولي على الواحده لما اكل يتنمرو على طريقه اكلي ولما امشي يتنمرو على مشيتي واربعه وعشرين ساعه بيتكلموا مع بعض ولما اجي اتكلم بيسكتو وكل واحد بيبعد لدرجه انهم بيتنمرو قدام أمي وامي مش بتقول حاجه
فانا بتعصب وبتخانق معاهم وطبعا انا اللي ف الاخر بطلع غلط وعصبيه لدرجه انهم مسميني ف البيت المريضه نفسيا أختي كل شويه تقولي كده وكل لما اتكلم تقولي اسكتي محدش هيرد عليكي اصلا او محدش عايز يسمعك صوتك بيصدعنا بس ده كلو مش حاجه قدام الكلمات اللي علطول بتقولهم ليا اني مريضه نفسيه ومهمشه وبكره ومحدش هيحبني
وتيجي تذلني ان امي بتعاملها احسن مني واني محدش بيسمعني وانا بتكلم وعلطول محدش بيرد عليا وبتقول اني نكره وليهم حق ميردوش معرفش ايه اللي ممكن يوصل واحده انهم تقول كده لاختها بس بجد الموضوع مضايقني المشكله لما اعاملهم وحش بكرهه نفسي وبحس بتأنيب ضمير
لعرض السؤال في فدني اضغط هنا
السلام عليكم
انا شوفت اجاباتك للأسئلة هنا وبصراحه عجبتني ف ممكن تجاوبني ع سؤالي دا
انا بنت اجتماعية جدا وعنيدة جدا ف من ضمن دا اتولد عندي حاجه وهيا ان اخلي الناس كلها صحابي ف مثلا لو واحده ف الشلة مكنتش انا من أولوياتها لازم انا احاول اني اخليها تحبني أو تبقي معايا انا علطول ودايما بيحصل زي ما انا عاوزه وانا بكون حباهم ومهتمة بيهم ومش عاوزه اسيبهم بس احيانا بحس بملل واني عاوزه اغيرها او اغير صحابي دولة عموما وعلي قد ما اني افكر اسيبهم صعب عليا علي قد ما شعور الخنقة والملل اني قاعده معاهم صعب اكتر
انا دايما بسأل نفسي ليه بمل وانا اللي كنت عايزه بس مش لاقيه إجابة احيانا بتوصل اني مبكونش قادره اتكلم معاهم بطنشهم مش برد عليهم ف هوا ليه بيحصل كده
لو عندك إجابة ممكن تجاوبني😔
لعرض السؤال في فدني اضغط هنا
السلام عليكم ورحمة الله وبركاته
أنا في أولى كلية وللأسف مكانتش كلية أحلامي بس قدر الله وماشاء فعل
المهم إزاي ابقى شطوره في دراستي وازاي اظبط يومي عشان حاسه إني تايهه ومراكمة كتير
وكمان ايه الحاجات إللي ممكن اعملها واطورها في فترة الجامعة واستغلها ؟
وازاي أبقى جميلة من الخارج والداخل ؟
ادعولي ربنا يوفقني ويرزقني بالزوج الصالح وابقى زوجة وأم عسولة موووت 😌 💗
لعرض السؤال في فدني اضغط هنا
انا عندي ١٦ سنة من وانا صغيره وانا بضرب لأتفه الأسباب من امي وابي بكل انواع الضرب صح الضرب مش معلم على جسمي بس انا كل ضربه معلمه في راسي ومش قادره انساها وكل ما اقلهم انا كبيره مينفعش اضرب يفزعوا فيا ويقولولي انت كبيره علي الضرب ويفضلوا يهددوني عشان هما امي وابويا من حقهم يعملوا فيا الي هما عاوزينوا موضوع الضرب ده مأثر على نفسيتي ومش عارفه اعمل ايه مش قادره انسى ومأثر على دراستي من كتر التفكير ولما اتكلم يقولولي إن عاقه للوالدين ويقعدوا بالأيام ميكلمنيش انا زهقت منهم لدرجة مش قادره ابصلهم
لعرض السؤال في فدني اضغط هنا
انا طالبه تالته ثانوي، انا اساسا مضغوطه وبقا عندي خوف داخل طول الوقت بسبب اني كل ما اشوف حاجه ليها علاقه بتالته ثانوي ادني افكر اذا كنت اقدر اجيب المجموع اللي عايزاه ولا لأ،
بالاضافه ان انا عندي ادمان بتطبيق على الموبايل، بيبعدني عن المذاكره وعن ربنا وعن كل حاجه وانا عارفه دا بس مش عارفه ابعد عنه لأن بصراحه لما بتضايق بروحله علي طول، هو التطبيق صحيح حسن حاجات كتير ليا في الانجليزي لأنه خلاني مثلا اعرف اكتب براجراف انجليزي بطريقه حلوه خاصه بيا انا لكن الوقت عندي بيضيع بسببه
بالاضافه ان اللي حواليا ببقى فاهمه ان عندهم ضغط بسبب شغلهم، لكن بيخرجو ضغطهم عليا فوق الضغط اللي انا فيه اصلا، دا مضايقني يعني انا اساسا بضغط علي نفسي عشان ابينلهم ان كل حاجه تمام وعادي عشان مش بحب اتكلم في مشاكلي لكن هما بيخرجو مشاعرهم السلبيه عليا ودا بيأثر عليا جامد،
وهزرت معاهم مره ب كنت عايزه اعرف الاجابه فعلا، قولتلهم انا حلمي مش طب، انا عايزه حاجه تانيه هتوافقو بيها ولا لأ، مردوش يردو وقالولي بجديه كدا كليه اي الاول، ففهمت انهم لو معجبتهمش الكليه هيرفضو، دي حاجه مخولاني بردو،
انا اساسا عامة بحب الطب اوي والجرايم بردو ف محتاره ما بين كليه الطب واي كليه تانيه ليها علاقه بالجرايم والجنائيات زي العلوم او الشرطه او حقوق، كدا، بس انا حددت هدف واحد وحليت المشكله دي الحمد لله واخترت الطب بمزاجي بس اتضايقت منهم في الجزئيه دي وعمال يجيلي خوف داخلي طب لو مدخلتش طب اعمل اي،
سمعت كمان عن امتحان كيميا السنه اللي فاتت وفيديو بتاع خالد صقر فعرفت ان الامتحان صعب اكتر من انا متوقعه والوزاره كانت منزله قريب انها هتخلي امتحانات السنادي بنفس مستوي امتحان الكيميا السنه اللي فاتت، بحاول اقنع نفسي ان رغم الامتحان كان صعب الا ان في عيال قفلته وأنا مش أقل منهم واقدر اعملها والكلام دا كله لكن لازال الخوف داخلي
لعرض السؤال في فدني اضغط هنا
السلام عليكم انا اول مره اعرض مشكلتي او اتكلم بس كنت كل مره بسكت لحد ما حسيت اني لازم احكي انا ارتبطت بشخص عرفته من علي النت الموضوع يبان غريب بالذات ان دي اول مره ارتبط بس حبيته بجد وكنت بشوفه شبهي ف حاجات كتيرالاول كنا صحاب لحد ما اعترفلي بحبه ليا وبصراحه انا كمان حبيته قعدنا خمس شهور مع بعض واول مشكله جامده حصلت ما بينا و كان اساسها انه كدب عليا مفكرش يحاول عشاني او عشان يصالحني وف الفتره دي عديت بفتره كانت من اسوا الفترات اللي ممكن اعدي بيها من كتر ما انا حبيته واتعلقت بيه و لما ندم واعتذر ليا ودا طبعا بعد ما انا اللي فتحت كلام برضو رجعنا لحد ما قالي ان اهله هيسحبو تليفونه في الدراسه مع انه كبير مش صغير وانا استغربت بس مكتش عندي مشكله وصدقت لحد ما لقيته فاتح اكونت انستجرام بتاعه عادي ومفكرني مش ملاحظه وبيعمل فولو لبنات عشوائيين ولما بعدت عنه وسبته حاولت انسي بكل الطرق معرفتش وللاسف كلمت ولاد بس كنت كل مره في بدايه الكلام بقفله من كتر ما انا مبقتش فاهمه بعمل كده ليه وبقيت بشوف نفسي وحشه وهو دخل اكونتي وشاف كل حاجه وقالي اني خاينه وانه مخانيش ومكلمش بنات غيري واني خنته حرفيا نفسيتي متدمره ومبقتش فاهمه حاجه حاسه ان دي مش انا واني كنت احسن من كده واني خسرت حد بيحبني وخسرت ثقته فيا وفضلت افكر كتير لحد ما حاولت انتحر النهارده بس اهلي لحقوني انا ف سنه هيتحدد بيها مستقبلي مش عارفه انسي او اعيش عادي بقيت بشوف كل حاجه باهته ومطفيه لدرجه اني مش عارفه انبسط حتي او افرح وسط صحابي ممكن تنصحوني اعمل ايه
لعرض السؤال في فدني اضغط هنا
دلوقت انا واحدة عندي 19 سنة كنت في ثانوية عامة ودخلت كلية ألسن من علمي رياضة من وانا في تالتة اعدادي جالي صدمة من اصحابي وكنت وقتها ممتازة جدا في الدراسة وكنت بذاكر بدح بدح يعني ماشاء الله من اول ما هم بعدوا عني وانا شخصيتي اتغيرت جدا اه اتحسنت في حاجات كتير الحمد لله ومبسوطة اني بعدت عنهم بس في نفس الوقت مابقتش شاطرة خالص في دراستي انا اه الحمد لله قدراتي كويسة واساسياتي حلوة بس معدش عندي شغف ومعتش بذاكر كويس ولا بدي المذاكرة حقها وبأجل لآخر لحظة وساعات مابذاكرش خالص مع اني ماكنتش كده ابدا بتحسر على نفسي والله بشوف ناس قدي حاليا نفس شغفي اللي كان زمان بتقهر على نفسي جدا وكل يوم اقول هبقى انسانة تانية وهرجع احسن من الاول كمان وبنظم وقتي وبردو مفيش فايدة حتى في عز امتحاناتي في الثانوية العامة اللي هي اصعب فترة كنت بضيع وقت وكنت بسلي نفسي بأي حاجة وكنت بذاكر قليل مع ان كان يمكن اكون مراكمة فصل كامل مفتحتوش خالص ارجوكوا حد يشوفلي حل انا حقيقي عايزة اتغير ومش عارفة انا مش بتحجج ابدا باصحابي لكن انا ده اللي لاحظته
لعرض السؤال في فدني اضغط هنا
انا طالبة في الثانويه الازهريه أعاني من الاكتئاب بسبب اضطهاد عائلتي لي دائما ما يشجعون إخوتي وانا لا بس هم مش من الناحيه الماديه هم مش متأخرين في البدايه انا طالبه ومجتهده بطلع من الاوائل لكن بمجموع اقل من اختي الكبيره كانت ممتازه جدا وكان معلقين عليها امل بس هي لم توفق في الثانويه الازهريه دائما ما بيشجعوها واختي الاصغر مني بتطلع الأولي كل سنه ودائما بيشجعوها ويحفزوها اما انا فكنت بتكلم مع ماما وقد ايه انا نفسي اخش كلية طب راح ماما قالتلي فوقي يعني انتي هتخشي كلية طب ودائما ما بيجرحوني بالكلام على اساس اني لا احزن ولكن انا من الناس التي لا تحب ان تبكي امام احد ممكن اعيط مع نفسي دائما ما يجرحوني بك وبالفعل مثل ضربي من اجل اختي التي تبلغ من العمر تسع سنين من غير اعمل لها حاجه ومطلعيني ان انا بغير منها وممكن يضربوني عشانها عشان يرضوها نفسي في حد يشجعني يقول لي انت هتوصلي ولما اتكلم يقولوا لي انت قليله الادب ومش متربيه انا تعبت ومش قادر اذاكر وكل ما اجي اذاكر افتكر موقف بتاع ماما دائما ما يعطوا لاخواتي التشجيع نفسي مره يشجعوا اهدافي واحلامي نظرا لان اختي الكبرى لم توفق لكنها كانت تجيب درجات اعلى مني فهم يعتقدون اني كذلك لن اجيب لانهم لانها كانت متفوقه عني مش قادره اذاكر بسبب المواقف دي تعبت من وانا صغيره بيقعدوا يقولوا كلام عليا زي ان انا مش هوصل وياك انا حقك حلمي وان فاشله ومش فالحه مع اني بطلع من الاوائل كل سنه بس المركز اللي بجيبه مش عاجبهم مع اني ابذل قدر الامكان رجاء مش عارفه اعمل ايه عندي كتاب ومش قادره اذاكر بسبب الالام دي والجراح دي سواء كانت بالكلام او بالفعل مش مهتمين بيا خالص ولا بيسالوا على الدرجات ولا بيسالوا على اي حاجه بقعد افكر بيجي لي توتر ما اقدرش انام الليل كله بسبب التفكير
لعرض السؤال في فدني اضغط هنا
مساء الخير
انا بنت عندي 22سنه
اشتغلت كتير وقليل وف مجالات كتير وربنا يعلم الي كنت بمر بيه عشان امشي الدنيا بس وصلت لمرحله بقيت بشتغل عشان مصلحة الشغل مش مصلحتي وقتي كله للشغل بعد كدا مفيش وقت لحاجه تانيه وانا حاليا ظروف بيتي مش احسن حاجه الحاجه الوحيده الي باخذها من البيت هي النوم بس بصرف على نفسي ولو معايا زياده بحط ف البيت بدرس بس مش قادره انتبه لدراستي بسبب الشغل الفكره ان المرتب كان 7000وبسبب الإرهاق البدني والنفسي لأني حاسه اني مش بتقدم قررت اسيب الشغل واشوف حاجه وقتها اقل بس الي مكنتش عامله حسابه ان وقت اقل يعني فلوس اقل يعني بدل 7000هتبقى 5000ومواصلات واكلي وشربي وحياتي كلها هتمشي بال5000جنيه وانا عندي التزامات وعايزه اخد كورس لغه ينفعني جنب الوظيفه وعندي مشاكل ف البيت ونفس استقل واعمل بيزنس او اشتغل ف حاجه تريحني
ماديا اقدر اساعد بيها اهلي حاسه اني مشتته ونفسيتي بايظه مبقتش عارفه اعمل ايه وكل مرا بأهداف جديده وكل مرا خطه تبوظ اغيرها انا مش بعتمد على حد ومعنديش حد اعتمد عليه اصلا مش قادره اوفق بين دراستي او
شغلي ولو درست مش هعرف اصرف على دراستي ولو اشتغلت مش هلاقي وقت لدراستي ليه اصحاب الوظايف ميبقاش رحيمين شويه ويقدرو الي بيشتغل معاهم انا ابقى بحط كل طاقتي وانت واخد وقتي وبعمل كل حاجه عشان اطلع شغل كويس وخدمة محترمه ليه مفيش تقدير ليه الرواتب قليله كدا متعيش طفل رضيع عايش مع أهله
لعرض السؤال في فدني اضغط هنا
حد هنا خطيبه اتوفي
انا خطيبي نور عيني اتوفى ومش عارفه ازاي هكمل حياتي من غيره لوحدي وهو كان جزء مني ، كنت دايما بقوله انت نور عيني ال بشوفه بيه .
لعرض السؤال في فدني اضغط هنا
الموضوع طويل هحاول اختصر لحد ما اقدر ... انا ارتبطت ب واحد عرفته ف وقت كنت ضعيفة فيه جدا عارفة اني ف تالتة ثانوى صغيرة بس بجد انا عارفة بقول اي ...المهم كنا بنتكلم بكل احترام مفيش اي حاجة وكدا مش ببرر اني صح ...ف ماما راحت عرفت من غير ما تسمعنى ضربتني وخدت التلفون وكسرت الهاند فري ومشكلتها انه من الصعيد وانا من الغربية وازاااي تبصي ل واحد صعيدي مع ان عملت مصايب كتير وهو مكانش بيعاملني غير بكل احترام ... وميكانيكي وانتى مقامك ميكانيكي وكدا ...قولت لاختي الكبيرة قولى لامك تديله فرصة راحت ماما قايلة ل بابا واتضربت ومنعوني من الدروس وكدا...ف قام هو عرف رن ع بابا يطلبني ف الحلال ...بابا راح قاله انا صارف عليها ومكلف وبنتى متبقاش بعيد عني وهي هتبقى دكتورة وانت ميكانيكي وكدا وقاله كلام عليا ذي انا مقدرش اقولك بنتى متربية ولا لا وقال كلام خلا حبيبي يدافع عني وكدا انتهى الكلام ان لا .... ف قولتله استنى ادخل الجامعة سنتين تلاتة وتعالى قالى استنى عادي بس هيتقال نفس الكلام وكلمتهم هتمشي عليكي وحكالى ع اللي حصل وكدا.....ف انا مش عارفة الحل اي غير اني اسيبه عشان بجد مش هينفع ...بعتذر طولت
لعرض السؤال في فدني اضغط هنا
انا واحده عندي 15 سنه وحبيت واحد عنده 17 سنه وقعدت سنه احبه من غير ما هوا يعرف وهوا شغال ف محل كنا بنجيب من عنده أكل وكدا بس بعد سنه هوا عرف ان أنا بحبه بس هوا قمر يعني وكل البنات بتحبه وكان بيكلم بس كلمني وبتاع وقالي ان هوا ببحبني وكدا وكلمته شهرين ونص بس خالي عرف وقالي لو مسبتهوش هقول لامك فأنا بقوله م هينفع اكلمك وكدا راح باعني ف ثانيه وقالي لو دا هيحل المشكله فعادي هوا ليه كل الولااد بياعه كده وبيحبو لمة البنمات وبيعلقوهم بيهم وبعد كده يبيعوهم وهوا ليه محاواش عامة انا حكيت قصه حيااتي بس انا كنت مخنوقه اووي وحبيت اتكلم حد ينصحني بقا وكدا
لعرض السؤال في فدني اضغط هنا
السلام عليكم،
انا لسه مخلصه تالته ثانوي ودخلت كليه الحمد لله وكان عندي ميدترم النهاره وجبت 18 من 20 وكان الاختبار سهل جدا فحاسه اني فاشله ومش عايزه اكمل تعليم حاسه ان مهما ادرس واحاول بفشل تعبت في تالته ثانوي وبعد ما شوفت النتيجه حسيت اني متعبتش خالص وبدأت أشك ف مجهودي، حاسه ان دا مش طريقي ولا نافعه فيه وخايفه اتعب اهلى معايا على فاضلي تاني
لعرض السؤال في فدني اضغط هنا
لا اعرف كيف ابدأ و من أين و لكن سوف احاول ان اصف ما اشعر به انا ف العشرين من عمري اشعر انني تائهة و مشتتة حتى أني لا اعرف عن ماذا اريد ان اتحدث و لكنني دائما ابحث او اشعر بأني اريد ان اتحدث مع من يستطيع ان يأخد بيدي من هذا الشعور
لا اعرف ماذا اريد ولا اعرف ان اعبر عما بداخلي ولا افهم نفسي كثيرا ما يضايقني هذا الشعور لا اعرف ما هي أهدافي و ما هي قدراتي لا أعرف كيف امشي في هذه الحياة لا احب ان اتحدث مع احد او اتناقش في مواضيع تحتاج الكثير من الكلام لكن احب ان اسمع من يتحدثون دون ان اشارك في الحديث دائما ما اخاف ان اعبر عن رأيي
لعرض السؤال في فدني اضغط هنا
عرفت واحدة 8 شهور و سيبنا بعض، ومن بعد تاني يوم عرفت واحدة تانيه واتكلمنا وحبينا بعض، بس مش قادر افهم انا ليه مش فاكر اي ذكرى أو اي لحظة حرفيا من البنت اللي فاتت ،
حرفيا كأن ذاكرتي اتمسحت، مكنش في يوم بيعدي غير لما بنتكلم 24ساعة، مش فاكر غير اسمها، ولو حتى بحاول أعصر دماغي بالتفكير فيها مش بفتكر اي حاجه بس اوقات بتوحشني لما بس بسمع اغاني حزينة،
هو دا الوقت اللي بتيجي على بالي فيه، فمش فاهم منين انا مش فاكر أي ذكرى ومنين بفتكرها بالاغاني، مش عارف انا نسيتها ولا بمثل على نفسي، وحاسس انو حاجات كتير بعد م سيبنا بعض اتغيرت،
في حاجات في شخصيتي اتغيرت ومش فاهم سببها، بس انا مكنتش كدا الاول، مش فاهم انا ليه اتغيرت في حاجات ومش عارف من امتى التغيير دا، ذاكرتي مش فاكره حاجه ونا مش فاهم حاجه
لعرض السؤال في فدني اضغط هنا
عاوزه احكي مشكله بتواجهني مش عارفه المشكله فياا ولافي الشخص اللي معايا عندي 22سنه ومرتبطه بشخص هو كويس جدا ومحترم بس انا دايما بشك ان هو بيتكلم مع حد تاني رغم ان محصلش اي حاجه تدل ان في حاجة
هو دايما يقولي ليه شايفني على طول ان انا خاين ومش كويس رغم ان مفيش حاجه اصلا وعلي طول بنتخانق بسبب الموضوع ده هل ده عادي ولا دي حاجه نفسيا فياا انا 🙂🙂🙂🙂🙂🙂🙂🙂🙂
لعرض السؤال في فدني اضغط هنا
السلام عليكم
انا شخص عندى ٢٢ سنة طالب طب انا بجد ببدأ كلامى وانا م عارف هقول اى وازاى بس بجد مرهق جدا وطاقتى خلصت وتعبت من حاجات كتير جداً ويتمنى بجد بجد حد يفيدنى
انا حبيت بعد تالتة ثانوى عطلول وارتبطت ببنت وانا من بعدها بحاول علشانها وعلشان اخطبها وهى بجد واخدة كل قلبى وعلطول بفكر فيها ولحد دلوقتى مرينا بمشاكل كتير ف علاقتنا ونسيب بعض ونرجع ونسيب ونرجع ولحد دلوقتى مكملين
بقالنا كدة ٥ سنين وفى الوقت ده كله كل المشاكل اللى اتحطينا فيها غيرت من شخصيتى جداً وغيرتها هى أكتر وحاسس انى مبقتش أفهمها وحاسس العلاقة أصبحت باهتة جدا وانا بحاول بكل الطرق علشان اخطبها بس الظروف كل شوية بتحكمنى
بالمناسبة انا داخل جامعة خاصة وهى برضوا في جامعة خاصة
الظروف بتحكمنى من جهة ظروف البيت وانا بشتغل وم عارف أوفق بين الشغل ومذاكرتى وم عارف ارجع لنفسي حاسس انى بقيت تايه ومن كتر المشاكل اللى حصلتلى ف حياتى بسبب ابويا والعقد النفسية اللى انا اتحطيت فيها بقيت بجد شخص مختلف خالص انا توهت عن نفسي وتوهت عن طريقى
بقيت حاسس انى باهت وم عارف انا فين وبعمل اى وليه لسه مكمل ف طريقى
وتاعبنى برضوا موضوع تانى ومن وانا في أولى ثانوى تقريباً اتجريت غصب عنى للإباحية والعادة السرية ومن وقتها وانا بحاول ابطل م عارف وم عارف بجد الموضوع ليه علاقة باللى انا فيه ولا لا
فقدت الثقة في نفسي وفي الناس اللى حواليا وعاوز ابعد عن كل الناس وكل حاجة وابعد عن السوشيال ميديا وكل حاجة
عاوز ارجع نضيف من الاول وعاوز اخطبها وارتاح وأشوف مستقبلى
انا توهت عن نفسي ومحتاج حد يدلني ربنا يجازيكم كل خير
لعرض السؤال في فدني اضغط هنا
انا ف تالتة ثانوى عندي ١٨ سنة ف تالتة ثانوى وبحب اطور من نفسي عندي حلم غريب شوية اني ابقى غنية وجميلة زي اللي بنشوفهم ف التلفزيون كدا وعايزة اغير حياتي ١٨٠ درجة بس مش عارفة اعمل اي ...ف قولولى اعمل اي السنة دي انا معنديش طموح ف كلية معينة بس اكيد كلية كبيرة و اعمل اي ف تطوري وجمالى وديني وشكلى وكله بجد اتغير تغيير كامل
لعرض السؤال في فدني اضغط هنا
انا بطبيعتي الحمد لله شخص مجتهد وبيحب المذاكرة وبحب اتعلم اللغة وحقيقي كنت بحس بسعادة وانا بتعلم مش مجرد إجبار على المذاكرة .
حاليا انا من بداية السنه وانا مش عارفة ابدأ مذاكره كل يوم احط خطة ومعملش اي حاجه وبالنسبة للغة فكرت آخد كورس يلزمني ولكن حاليا مش معايا فلوس لده بس مش عارفة الزم نفسي خالص ومش عارفة حتى أجيب ساعة مذاكرة مع اني شخص كان اقلها 5 ساعات مذاكرة ف اليوم ...
كان عندي إرادة وطاقة اكمل بيها حاليا حتى الجامعة مش طايقة اروح مع احساس بالندم اني مش بحضر بس مبقتش قادرة خالص ..
تقريبا صداع معظم الوقت وقلة تركيز ف أي حاجه زي اني اغسل المواعين انا بجد دماغي بتبقى مش مركزة ف اللي بتعمل حقيقي بحس اني ف عالم موازي انا م ف عالم طبيعي ..
حاولت احط خطة صغيرة وتسكات صغيرة اويي وبرضو مش عارفة انتظم عليها مبقتش عارفة فين المشكلة ..خدت اجازة كام يوم ومنزلتش الجامعة وبرضو كأن شيئا لم يكن كإني في دوامة دماغي فيها مش بتقف ولا بحس بسعادة ولا بإنجاز ولا بالمتعة ف اني اعمل حاجه معينه وانا متشخصة باكتئاب شبه حاد ..
بس انا كل شوية بلاقيني بقول لنفسي انتي مش عندك حاجه وده كله دلع وقلة إرادة .. حقيقي بجد تعبت معرفش المشكلة فيا ولا فين مش فاهمه حاجه نهائي وحاسة بيأس مع اني عارفة اني مينفعش ايأس بس حاسة كل الطرق هتؤدي الفشل
لعرض السؤال في فدني اضغط هنا
أنا طالب في أولى جامعة وعندي مشكلة هي إني عندي كبت مشاعر حاسس إني هيجرالي حاجة عمري ماكلمت بنت وبقعد مع صحابي كل مابيكلموا صحابهم بحس بالنقص ومش بحقد عليهم بس بحس إني مش كويس مع إني مهتم بنفسي وشكلي كويس بس أنا مابعرفش أتكلم مع بنات صحابي بيقولولي عشان تتعرف عليهم إعمل كذا وكذا بس أنا ماعرفش إيه اللي هيحصل بعد كدا 😂هي بجد حاجة مضحكة وتبان تافهة بس مسببالي لفقدان شغف ومش قادر أذاكر لو حد عنده حل
لعرض السؤال في فدني اضغط هنا
ممكن تدعولي؟❤️🩹
أول مرة احس اني مش كويسة ومش عايزه اعيش.. الناس وحشة اوي اوي واللي حبيتهم مش من نصيبي..
لعرض السؤال في فدني اضغط هنا
السلام عليكم و رحمة الله تعالى و بركاته
مشكلتي كالاتي أنا طالبة ثالث ثانوي كأي طالب بعاني من قلق توتر و خوف من كونه يضيع سنته و ما يحقق احلامه لكن الضغط كبر بداخلي جداً اصبحت احس كأنه في كتلة و هم كبير في صدري و حزن و غير أفكار سيئة أتمنى تفهموني و ما بعرف أنا ما احتاج بالضبط هل هو تنظيم وقت لاني تعبت من النصائح ولا دعم نفسي و غير المذاكره اصبحت صعبة بالنسبة لي و الحفظ و الفهم و غير الاهمال رغم آني ما كنت كذا كنت مجتهدة و اتمنى تنصحوني و ترشدوني جزاكم الله خيرا.
لعرض السؤال في فدني اضغط هنا
حد عارف اخصائي نفسي كويس في المنوفيه أو المناطق المجاورة ؟ وياريت السعر وتحربتك معاه أو تجربه حد تعرفو معاه
لعرض السؤال في فدني اضغط هنا
انا الولد الوحيد علي اربع بنات واصغرهم كلهم ووالدي تعبان جدا وكان غشيم اوي ومبيشركش حد معاه في أي حاجة المهم باع ارض عندنا من غير ما حد يبقى معاه في الحوار ودلوقتي في مشكلة بسببو وانا الي شايل الطين وهو تعبان جدا وانا بطولي ولسا في الدراسة والموضوع مش عايزو يتطرق لمحاكم وقواضي لاني مش قدها ونفسيته هتتعب وممكن يروح فيها وانا مقصر جامد في دراستي وخصوصا كليتي عملي ولازم متابعة دورية في السكاشن وانا متأخر جدا والميد الاسبوع الجاي ومش عارف اعمل اي حاجه ودماغي هتنفجر بجد .
لعرض السؤال في فدني اضغط هنا
لعرض جميع الاسئلة في فدني اضغط هنا