مساء الخير عايزه احكي معاكو في حاجه مضايقاني اوي وبحكيها من قلبي بتعملو اي لما تشوف كل الي حواليكو بيقللو منكو دايما متشاف قليل من أهل صحاب من كل مكان
لدرجه كرهت التعامل مع الناس وكرهت كلام اهلك
وكاني بتعاقب ع ذنبي مش بايدي اني ضعيفه وغلبانه وع نياتي أو طيبه قلبي واني حساسه ومعنديش شخصيه مرا حد قالي انتي لقطه في الزمن ده ورقه بيضه وسط كل دول ودي حقيقه مش بقول كده عشان ابقي ضحيه بس انا فعلا كده هاديه خالص ومبعرفش اتعامل ولا اتكلم
مبقتش قادره اتحمل ضغط أن كل ال حواليا بيقللو مني وشاييفني قليله كده
في كلمه اختي قالتلهالي لما اجيب ولادي هخليكي هزوء هتبقي هزوء بالنسابلهم هي اكبر مني
انا حاسه اني تعبت اوي ويمكن معاهم حق انا فعلا مبعرفش اعمل اي حاجه بس أنا نفسي اتغير نفسي اثبت لنفسي واثبتلهم اني مش كده بس بالافعاال
وارجوكم ي جماعه محدش يكلمني من ناحيه الدين وتقولولي جربتي تروحي لربنا
لعرض السؤال في فدني اضغط هنا
السلام عليكم ورحمة الله وبركاتة
انا عندي 17 سنه في تانية ثانوي بكالوريا مسار طب وعلوم الحياة ودلوقتي إذا دخلت في شهر 10 ومراكمة كمية دروس ونفسيتي زفت وبمر بظروف ربنا يعديها على خير ومش عارفة اعمل ايه وانا حلمي اني ابقى دكتورة طب أو صيدلة ونفسي افرح اهلي وارفع رأسهم ومش عاوزه اشمت حد فياا معلش اللي يقدر ينصحني ب اي حاجه بجد اقل كلمة بتفرق معايا و جزاكم الله خيرا
لعرض السؤال في فدني اضغط هنا
السلام عليكم انا بنت عندي 19 سنه
انا بابا وماما منفصلين من وانا لسه بيبي وبابا من وانا صغيره بيعاملني معامله سيئه جدا وبيضربني على طول على اي سبب حتى لو ميستاهلش ومكنش بيرضى يخليني ازور اي حد من قرايبنا
كنت محتاجه احس بالأمان مره عرف اني شفت ماما وضربني جالي صدمه نفسيه وعصبيه وقعدت فتره كبيره متكلمش ودخلني مصحه نفسيه
كنت بتعامل اوحش معامله بجد ومش جديد عليا طول حياتي كده وهو كان بيعالجني مش عشان خايف عليا لا عشان خايف من انو يتحبس قعدت سنه في المصحه وبعدها على طول يهددني بيها اني لو حكيت اي حاجه لحد هفضل في المصحه طول عمري
وانا مكنتش هحكي مش عشان خايفه منو عشان ده والدي مع انو عمري ماشفت منو لحظه بس حنيه لكن خايفه من ربنا ومش عارفه أساساً اعمل اي واي اللي المفروض يتعمل
المهم بعدها اتقدملي شاب وكان مناسب جدا وكويس وبابا ساعتها وافق وقال اخيرا هخلص منك وكنت فرحانه جدا عشان هبعد عنو وبدأ يبقي كويس شويه معايا حصل في مره موقف وكنت اول مره اتجرأ وارد عليه ساعتها بعدها تاني يوم فسخ خطوبتي وكلمو بطريقه وحشه جدا سيئه
و فكرت كتير اكلم حد من قرايبنا في السر لكن هما مش هيعملو اي حاجه هيسمعو بس وماما مش في ايدها حاجه وغلطه عمرها انها اتجوزت بابا وفكرت كتير ابعت على اي ابليكيشن بس هو ممكن يعرف هنا هو مش هيعرف حاجه عشان ابليكيشن غريب وبمسح كل حاجه بعملها على الموبايل عشان بيمسكه ويفتش فيه
لو حد يقدر يساعدني اعمل اي معنديش اي مكان اروحه وهل في حل ولا هفضل طول عمري كده
لعرض السؤال في فدني اضغط هنا
لو حد عنده تجربه مع دوا نايت كالم او ازي عرف يوقفه يفيدني لانو حاولت و معرفتش بالعكس بقيت أزود في ال dose
لعرض السؤال في فدني اضغط هنا
انا بنت وعندي عاده نفسي ابطل اعملها الا وهي اني ديما محتاجه اوري للناس حلوه وشكلي حلو مش عارفه دي فطره البني ادم انو بيدور على الاهتمام ولا ده اي ممكن حل
لعرض السؤال في فدني اضغط هنا
عندي مشكله فالكلام مع الناس كل ما اجي اكلم حد غريب جسمي كله بيترعش وبيحصلي تلعثم ببقي مش قادره اتكلم من التوتر
لعرض السؤال في فدني اضغط هنا
السلام عليكم ورحمة الله وبركاته
انا عندي 20سنه ،بعاني من حساسيه مفرطه وفرط تفكير ووسواس وشخصيه ضعيفه جدا
وكنت بعاني من مشاكل الطفوله والتنعنيف الجسدي والنفسي اللي لحد دلوقتي مأثر فيا بشكل واضح جدا في علاقاتي مع صحابي وفي حياتي عامةً بعاني من نفسي
بحب افضل لوحدي دايما وانعزل عن الناس
مش طايقه اهلي حاولت اتعامل معاهم كويس بس انا جوايا شايله منهم كتير ،دا غير انهم بيعملوا حاجات كتير غلط اثرت فيا بطريقه تخنق
الاهم عندي دلوقتي اني كنت شاطرة دراسياً وشغوفه وبعمل كل حاجه بحب
واحياناْ كنت بطلع من الاوائل ،دلوقتي انا لا افقه شئ حرفياًْ والله دماغي متقفله سواء لغه او مناهج او كتابه او قراءه ،رغم اني انا ف كليه طبية ومعايه مواد من السنه اللي فاتت ودماغي متقفله ولا عارفه اذاكر ولا افهم ولا دماغي بتسكت ولا تديني فرصه احاول
(انا بعاني من مس وحسد بالشرف ،شكلي حلو وكنت متفوقه وكنت ملتزمه ومثقفه وبكتب)
دلوقت انا ولا بصلي وبقيت بحس بعدم ثقه وعدم طاقه ،ساعدوني بالله ارجع ،انا مش عندي فرصه تاني ف الكليه 💔💔
لعرض السؤال في فدني اضغط هنا
ازاي ابطل اكون محتاجة دايما اهتمام؟
وازاي ابطل افكر ف حاجات سلبية لمجرد م اقعد لوحدي، انا فيا الطبع دا من زمان عشان كنت بفكر ان لما اتخيل الاسوء مش هتصدم لكن الطبع دا بدأ يتعبني عشان مجرد م الاصوات اللي حواليا بتسكت دماغي بتفكر ف كل الاحتمالات السلبية والسيئة اللي ممكن تحصل وانا حقيقي تعبت
لعرض السؤال في فدني اضغط هنا
انا ادمنت علاج اسمه نايت كالم ودخلت في حالت اكتئاب حاد بعد ما انفصلت عن خطيبتي ومش قادر انساها وهي اتخطبت وقلبي وجعني اوووي بجد فوصلت لمرحله دلوقت ان عاوز اموت نفسي بجد ومش لاقي حد جمبي حتي يواسيني فده اخر حاجه ممكن اعملها لو فيه حد مختص يحاول يخرجني من ال انا فيه انا مش عارف هكون هنا بكره ولا لا
لعرض السؤال في فدني اضغط هنا
انا عندي ١٧ سنه وماما عندها ٦٢ سنه وبابا مش عايش معانا من زمان فماما هيا اللي شايله الضغط كللو دايما وفعلا مقدره انها بتتعب اوي وبتطلع ضغطها ده عليا كتير وبحاول استحمل وعمري ما سيبتها زعلانه حتى لو مغلطش واختي بردو كانت عايشه معانا فالحمل كان بيتقسم علينا كلنا ..
المهم انا في ٣ ث وعدى اكترمن شهرين وبجد حاسه بضغط كبير اوي كل يوم وحاسه بضغط اني بضغط على اهلي في المصاريف وانا بجد بقالي فتره نفسي ارفه عن نفسي واقعد مع صحابي شويه مش هيحصل حاجه
فالنهارده وانا راجعه من الدرس كلمت ماما قولتلها هقعد مع صاحبتي شويه قالتلي ماشي نص ساعه بس وارجعي وانا كنت عايزه اطول فاتحايلت عليها شويه مرضيتش فبعد ما روحت كل اللي قولتو اني زعلانه منها عشان مخلتنيش اقعد شويه كمان واني مضغوطه الفتره اللي فاتت
مره واحده زعقت جامد جدا وفضلت تقوللي انا غلطانه اني رضيتلك على حاجه اصلا انا كان مفروض ارفضلك كل طلباتك عشان ترتاحي وتريحيني ومش هترتاحي غير لما اموت وفضلت تزعق تزعق جامد وماما اصلا ضغطها بيعلى من غير حاجه
ففضلت تقوللي انتي السبب وهتموتيني بسبب الضغط العالي فقولتلها ان مامة صاحبتها كلمتنا وقالتلنا نقعد سوا نرفه شويه عن نفسنا زعقتلي اكتر وضربتني وبجد اول مره في حياتي ماما تضربني تقريبا والموضوع اثر فيا اوي وبجد انا عملت ايه ؟
قولتلها اني زعلانه بس مش اكتر ليه وجد انا بقالي ٣ سنين مشوفتش ماما متعصبه العصبيه دي كلها ومكمان اختي هتسافر قريب فهبقا لوحدي معاها ومش عارفه هتعامل معاها ازاي بعد كده ...
انا مقدره انها كبيره في السن ومش قادره تستحمل اي ضغط بس انا بردو ليا احتياجاتي وليا طلباتي ليه كل طلب بسيط بيبقا تقيل على قلبيها اوي كده وتقلب الموضوع حوار كبييير وتحسسني بالذنب وتكرهني في عيشتي
انا بجد تعبت من كتر ما بتزعقلي وكل مره بروح اعتذر حتى لو غلطانه بس انا بجد المره دي مش قادره مش قادره اعتذر لها لاني بجد مغلطش في حاجه ده غير اني طالع عين امي من غير حاجه ومش ناقصه فليه ..
حد يقوللي بجد اتعامل معاها ازاي عشان الفتره الجايه هتعامل معاها اكتر ومحتاجه حل للموضوع ده
لعرض السؤال في فدني اضغط هنا
لو في حاجات كتير الواحد مش لاقي ليها حل والمشكله بقيت مش بثق في حد للأسف لان شايفه كله زي بعض يعمل ايه
لعرض السؤال في فدني اضغط هنا
انا زهقت من الدنيا باللي فيها اقول اللي حواليه قافلين الباب في وشي ما فيش حاجه بتنجح في حياتي شغل واشتغلت 5 شغلات وطلع عيني فيها انا دلوقتي في شغل وانا شغلانه جديده ومش عارف اعمل ايه وما فيش مكسب كله على قد الرايح في الدنيا ديت وثالثه اعدادي كمان
لعرض السؤال في فدني اضغط هنا
السلام عليكم ورحمة الله وبركاته
ارجو نصيحة نتعامل ازاي مع الموقف ده ام زوجي بتمد أيدها للناس وتشحت وتشتغل فالبيوت وبتلم خردة من الق*أمة أعزكم الله مش محتاجة ولها معاش وزوجي مكفيها وبتاكل من اللي بناكل منه ومش بنطلب منها شيئ للعلم عندها اولاد غير زوجي ولكن سابولها المحافظة كلها ومشوا بسبب أفعالها وكل ما تطلع الشارع لو ٥ أفراد قالولها تعالي كلي بتروح تاكل مع أن بتكون لسه واكله معانا والناس كلت وشنا وماشية بملابس مقطعة مع اني جبتلها كتير تركنهم ومش بترضا تلبسهم هي عاقلة يا جماعة عاقلة هي بتعمل كده بإرادتها من سنين واولادها اطفال وللاسف أولادها بقوا رجالة وبرضوا مش راضية تبطل
ارجو تفيدوني نعمل ايه زوجي بيقولها بطلي كده بتقوله بصرف علي نفسي وهي مش بتجيب قشاية حرفياً والآخر بتطلع تلطم وتصوت ،مستحيل مستحيل توافق تروح لدكتور نفسي
لعرض السؤال في فدني اضغط هنا
بتعالج بقالي سنه من الوسواس القهري واضطراب القلق العام ادوية نفسيه بس بقالي فترة حاسه اني عاوزة اتكلم مع شباب بهوية مختلفه واعمل هوية مختلفه والف قصه عن نفسي مش حقيقه وحاسة اني بنجذب لاي راجل عموما التفكير دا تعبني جدا انا عمري ما كنت كدا ابدا مع العلم انا متجوزة بقالي خمس سنين و حياتي الزوجية كويسة وجوزي كويس جدا معرفش دا الإحساس دا من ايه
لعرض السؤال في فدني اضغط هنا
السلام عليكم
انا و انا صغيره ماما كانت تعبانه لمده سنه لان كان فيه المفروض عمليه و حصل مشكله بسبب الدكتور تقريبا ده طبعا كان فيه إهمال من الباقي و ده كان غصب عنهم اكيد بس كان فيه ناس معينه كانت ديما بتكلمني بقرف و تزعق لي بشكل مش طبيعي و نظره مقرفه و كلام بيجرح و اكييد ده كان بأذني نفسيا
و يعتبر كنت دخلت في حالة اكتئاب في الفتره دي و ماثر اكتر علشان كنت البنت المدلعه عند العيله كلها مع ان هم ملهمش حكم عليا خاالص المشكله ان انا كنت بشوفهم كل يوم ده لمده سنه فاهمين كمية الاذي
و المشكله ان الموضوع ده و انا كنت في سته ابتدائي و انا دلوقتي اولى ثانوي يعني اربع سنين و لحد دلوقتي مش عارفه اتخطى و بفتكره علي طول و اوقات بقعد اعيط و مش عارفه اتخطى ده ازاي
لعرض السؤال في فدني اضغط هنا
انا ذكرى ميلادي قربت، بخاف من اليوم ده اوي، زمان كان دايما لازم يحصل مشكلة او ابعد عن حد بحبه ف اليوم ده و كان بيعدي بشكل صعب اوي عليا و السنة اللي فاتت كان معايا ناس جداد اتبسطت اوي بيهم و كان احلى يوم يعتبر ف حياتي، الناس دول مبقوش موجودين دلوقتي و انا خايفة و مش عايزة احس بالنقص و ف نفس الوقت مش عايزة يكون معايا حد عشان انا مش هقدر اثق فيهم تاني، هل في حل إني اتخطى الخوف ده
لعرض السؤال في فدني اضغط هنا
انا كنت طول عمرى بحب انام فى الضلمه ( ظلام يعنى ) ولازم الاوضه تكون مضلمه جدا لدرجة انى كنت وصلت لمرحلة لو جاى من تحت عقب الباب خيط نور مستريحش ف النوم كنت اقفل كل منافذ الضوء خاالص فكان جتلى فتره بقيت متابع واحد على يوتيوب قصص قتل حقيقيه وغامضه ومرعبه من بعدها بدأت أخاف جدا وبقيت ونا نايم اشغل لمبه صفره اضائتها خفيفه جدا وأنا نايم انا تخطيت الخوف ده بس لسه لحد دلوقتي بنام باللمبه الصفره دى وبقيت بخاف م الضلمه هل انا كده فيا حاجه
لعرض السؤال في فدني اضغط هنا
مشكلة صديقة هي ليست قريبة ولكن طلبت مني نصيحة
صديقتي تعاني منذ فترة كبيرة من الوحدة ربما اكثر من عامين وقبلها علاقتها بصديقاتها كلها كانت سطحية او ليست عميقة فتولد معاها احتياج عاطفي
نشرت على احد مواقع التي تتيح الفضفضة باسم مستعار " اسماء فواكه لكل شخصية" كتبت عن مشاعر الوحدة التي تعيشها كنوع من الفضفضة لانه لم يكن فترتها أحد قريب منها لتحكي له فأجابها شاب واستمر الحديث بينها ربما ثلاثة ايام بسبب تشابه شخصيتهما وايضا احتياجها النفسي للونس
وعندما وجدت ان الامر بدأ يتعمق بينهما يكثر الكلام طلبت بأدب ان يتوقفوا عن التواصل بسبب ان التواصل هذا حرام وهذه ليست شخصيتها قطعوا التواصل فترة شهر ثم عاد هو من الجيش فعاد التواصل بينهما ثم قطعته هي مرة ثانية ولكن هي من عادت لتكلمه هذه المرة "تفضفض عن مشاعرها " وعندما يتعمق الحديث بينهم تعود وتقطعه ونوت ألا تعود لهذا الذنب ولكن وقعت فيه مجددا
وعادت تحدثه ولكن هذه المرة أصبح يلمح هو برغبة في تزوجها أو إعجابه بها وبشخصيتها وهي ليست معجبة به حتى عامة ومراسلتها له فقط لأجل أنها وجدت انه يهتم بمشاكلها ويسمعها ويؤنسها ومقتنعة تماما أن هذه العلاقة حرام اولا وثانيا هي لن تكتمل ولا يصح أن تكتمل وهي نفسها تريد أن تبتعد عنه ولكنها تشعر أنها لا تستطيع خاصة أن أخر مرة قطعت التواصل معه ظلت لأكثر شهرين تعاني من إحساس الوحدة وفقد الونس والقلق لأتفه الأسباب وتشعر أنه زاد لديها الرغبة في وجود شخص يشاركها يومه وتشاركه يومها.
هي الآن تطلب مني أن أنصحها كيف تبتعد بشكل نهائي وكيف تغلق هذا الباب تماما وتتخطى مشاعرها وتتأقلم مع تراكم المشاعر التي يدفعها لتعود لتراسله مجددا
مع العلم حاولت أن تشارك صديقاتها سابقا ان تتقرب لهم لكن كانت تجدهم يصدونها يتجاهلون يردون ببرود فبشكل طبيعي وجدت شخصا يهتم بالتالي وقعت في هذا الأمر وتعيش طيلة الوقت في ألم تأنيب الضمير وخوف من أن يعاقبها الله عقاب شديد
لعرض السؤال في فدني اضغط هنا
سلام الله عليكم ...
انا طالب في الصف الثالث الثانوي الازهري..
مرّ شهران [ ٨ ، ٩ ] وأنا لم أنتج أي شيء ومراكم.
مع العلم انني جيد جدا دراسيًا ، لستُ بمرتبة العباقر
او بما تُسمى بال ( دحيح ) .
وتائه جدا ، آمال عائلتي بي ، خالي تولّى أمري..
من المصاريف إلى الجوارب .
أتمنى تساعدوني لانني تائه جدا
لعرض السؤال في فدني اضغط هنا
انا طالبه اولى ثانوى ف انا قلقانه من السنه دي وحاسه بضغط وكتير من صحابي دخلو تجارة ف مبقاش فيه حد بروح معاه ولا حد بذاكر معاه ...ف المهم المدرسة مش بستفيد منها باي حاجه المدرسين مش بيشرحو لما احنا قسم ظهر وغير موعيد الدروس اللي مش ظابطة...من فضلكم ساعدوني او انصحوني
لعرض السؤال في فدني اضغط هنا
سلام عليكم
انا عندي 25سنه حاسه اني مضغوطه ونفسيتي ومزاجي دايما مش احسن حاجه انا عاوزه الاقي شغل واصلا مش عارفه اشتغل ايه مضايقه اني ف سن ال25 ومش بعمل اي دخل ومعنديش اي اصدقاء
انا مش مضايقه من ده انا اصلا اللي مكنتش حابه بس احيانا بحس اني محتاجه ناس ف حياتي عندهم نفس الاهتمامات و ننفع بعض فعلا
انا اتخرجت من كليه مش بحبها ورحلتي ف التعليم كانت وحشه وطول الوقت حاسه بصعوبات وضغط حاسه معنديش اي مهارات مع اني شاطرة بس حاسه معنديش حاجه اقدمها و بدأت ارجع اطور مستواي ف الانجليزي لان نفسي اتعلم كذا لغه
حاليا انا عاوزه حد يساعدني الاقي شغل بمرتب ثابت الفتره دي جنب ما انا بطور نفسي علشان مش عارفه اعمل اي بس شغل بمرتب ثابت
انا خريجة شريعه اسلاميه هل اعمل دبلومه ولا اي المهارات مثلا اللي اتعلمها تخليني الاقي شغل كويس
بالمناسبه طول عمري نفسي اشتغل ف بنك او شركه كبيره بس حاسه اني زيرو
انا تايهة جدا عاوزه حد يفيدني
آسفه اني طولت عليكم
لعرض السؤال في فدني اضغط هنا
السلام عليكم انا خريجة السنادي بدأت سن 23
تايهه خالص فكريا مش عارفه انظم أفكاري عايزه اعمل كل حاجه بس بتبقي النتيجة صفر
بدأت شغل مباشرة بعد الكليه انا قسم طاقه متجدده اول ما اشتغلت كنت حاسه اني وصلت لهدفي وكان عندي شغف وفجأة الأفكار زادت والتوهه وسبت الشغل من كتر ما مش عارفه اركز في دماغي افكار كتير وتعبت من الموضوع ده بحسب كل حاجه بس مش بتحرك وبيجيلي اكتئاب وعزله من كتر ما انا مش عارفه اسيطر ع أفكاري
احل المشكلة دي ازاي خصوصا اني مدركه أن سن العشرين هو سن البناء وانا واقفه مكاني وبتعب اكتر
لعرض السؤال في فدني اضغط هنا
انا لدي مشكله أنني أعاني في اعوجاج في ظهري وصرت أتعالج منه تسع شهور حتى الآن أتعالج منه بشيء يدعى حزام العمود الفقري
حقا أنه يؤلم جدا لكنني خائفه من المستقبل أن بعد كل هذا لا يتم شفائي وفي النهايه أفعل العمليه المشكله ان عائلتي حقا تزيدني ضغطا فوق الضغط عندما اشتكي أو اتكلم يضحكوا على أوجاعي لأنهم لم يجربوها قط
وايضا أنا من النوع الذي لا يستطيع كتم مشاعره مثلا ابكي غير قاصده فيضحكوا علي أنني ابكي وغير كل هذا امي
امي هذه حقا المعنى الحرفي لتزيدني حمل فوق الحمل طوال الوقت تزعق في تضربني وتحبطني وتقول أنني فاشله انتي لن تنجحي وانتي وانتي وانتي وهكذا
وتريد أن تسيطر علي بالكامل مع انها لا تفعل هكذا مع اخوتي وانا اكره ذالك فعندما اعترض أو شيء تجعلني أكره اليوم الذي جئت فيه عندما اعترض ولا أحد يشعر بما يشعر لأنني من النوع الذي يضحك أمام الناس لكنه من الداخل منهار حقا لا أعرف ماذا افعل
لعرض السؤال في فدني اضغط هنا
في شخص كان بيبتزني بكلام وبصور ليا وكان بيهددني ويدخلي من كذا رقم وعارف ارقام اهلي كلهم لدرجة دخل على أنه بنت لرقم امي وبيختفي فتره جامده ويرجع ودلوقتي خايفه يرجع تاني بعد ما ظهر في رمضان اللي فات ومش عارفه اعمل اي
ارجو الرد في اسرع وقت
لعرض السؤال في فدني اضغط هنا
السلام عليكم،
عندي مشكلة صغيرة قد كدهو🤏🏻ومحتاجة حد يفكر معايا بصوت عالي، أنا بقالي فترة حاسة اني بدوخ اوي... يعني انا الاول كنت بحس ان الدوخة دي شيء صغنن عادي وبتحصل مثلا لما نقوم فجأة..
بس الايام دي وبالذات لما آجي اذاكر او اكون مركزة وبحل اسئلة بلاقي دماغي تقلت اوي وانا قاعدة يعني مقومتش فجأة او عملت حاجة وفجأة بلاقي دماغي دايخة جامد... الدوخة دي طبيعية... من التركيز يعني؟
هو انا قادرة اذاكر بس على فترات متباعدة.. بس الفكرة ان الشيء دة مزعج فاهمين...
وفي مرة كنت مركزة في الشرح قدامي لقيت مرة واحدة فيه دوخة ورعشة داخلية كدة جوا جسمي وضيق تنفس وحاجة تقيلة على قلبي وقعدت فترة كدة... الشيء الغريب كان الرعشة.. ايه الرعشة دي؟
طب هل انا بركز بزيادة.. لا ماهو مش حاسة... بس خلاص كدة. ملحوظة.. انا وزني كويس وباكل كويس والحمدلله يعني اظن اني كويسة
لعرض السؤال في فدني اضغط هنا
طيب انا دايما حاسه إني خايفة من حاجة معرفهاش و دايما بحس نفسي غريبة و مش قادرة أتعرف عليا، بحس أحيانا إني مبسوطة و مفيش حاجة تستاهل إني اتضايق و في نفس الوقت بعدها ممكن أحس إني متضايقة جدا و عايزة اعيط بس و أبعد عن كل حاجة لدرجة إني يكون عايزة أذي نفسي عشان اشوف إذا اللي بحس بيه حقيقي و لا انا متوهمة الشعور، بحس بعدم انتماء لأي حاجة و فقدان شغف غريب و مش عارفة أفهم ايه اللي بيحصل معايا
لعرض السؤال في فدني اضغط هنا
السلام عليكم ورحمة الله وبركاته.
أنا محتاجة أحكي حاجة حصلت معايا، ومحتاجة أكون صريحة جدًا.
أنا كنت بلبس الطرحة، بس لو هكون دقيقة، هي كانت احتشام أكتر من إنها حجاب كامل.
في يوم خلعتها، وأنا عارفة كويس إن ده حرام، ومكنتش مش واعية أو مش فاهمة أنا بعمل إيه.
بس وقتها حسيت براحة نفسية كبيرة جدًا.
خلعتها يوم واحد بس، وبعدها لبستها تاني على طول، ومسبتهاش بعدها، وبقالـي ثلاثة أسابيع لابساها.
اللي مضايقني دلوقتي إني وقتها مكنتش حاسة بالذنب، ولا ندمانة حتى.
ودلوقتي بقيت بسأل نفسي: إزاي أنا عملت كده؟
أنا اللي طول عمري بخاف من ربنا، وحافظة قرآن، وبحاول أبعد عن أي حاجة ممكن تغضبه.
أنا ندمانة جدًا دلوقتي، وقلبي واجعني، وضايق صدري بطريقة صعبة.
ولما حكيت لصاحبتي، قالت لي إن حسناتي القديمة ممكن تكون اتمسحت، وكأني مكنتش لابسة الطرحة أصلًا.
والكلام ده خوفني جدًا.
أنا مش بحاول أبرر اللي حصل، أنا عارفة إني غلطت.
بس هل ربنا هيسامحني؟ وهل فعلًا ممكن حسناتي القديمة تضيع؟
أنا ندمانة بجد، ونفسي أصلح اللي حصل وأرجع لربنا وأنا مطمنة.
محتاجة أعرف أعمل إي
لعرض السؤال في فدني اضغط هنا
انا شخص خواف اوي اوي من العلاقات عموما، بثق ف اللي بيقربوا مني ظاهريًا بس بيفضل جوايا دايما شكوك تجاهم و تجاه كل لحظة حلوة بعيشها، صراحة بسبب بعض الأزمات بقيت اشوف إني مستحقش الحب اصلا ولا إني يكون معايا حد و بقيت اهرب من اي حد يحاول يقرب مني،لأني بقا عندي يقين جوايا إنهم بعد ما يقربوا مني هيكرهوني و يبعدوا، عايزة احل المشكلة دي و ارجع اثق ف نفسب الموضوع مأثر على صحتي و مذاكرتي لانه ترتب عليه مشاكل كتير كتير
لعرض السؤال في فدني اضغط هنا
انا كنت ثانويه عامه السنادي ومغشتش لانه حرام ولقيت انى جايبه ٥٠ فى الميه ودور تانى ومشيت علشان أنجح حالتى النفسيه سيئه جدا وبقى عندى عدم ثقه فى النفس بقيت مهمله فى نفسي واهتماماتى وصحتي ومكنتش بصلي ولا بحفظ قرآن ومكنتش حابه النقاب..
النتيجه طلعت لقيته معهد فنى تجارى فى دمياط وابقى وحيده بردو زى الثانوى صحابى كانوا أدبي وانا علمى رياضه وهم مخطوبين واتجوزوا ودخلوا كليه وانا لا..
مش بحقد عليهم والله ربنا يسعدهم بس بقى غصب عنى بقى فى مقارنات بعملها هم اتجوزوا وبقى معاهم كليه.. وانا بقيت عندنا شبه عانس ومدخلتش كليه وكان نفسى ادخلها اووى بزعل بجد وشايله فى نفسيتي واهلى زعلانين بس مش فى ايديهم حاجه..
دخلت معهد .. واهلى قالولى اتخطبى بقى عاوزين الفرح يدخل بيتنا وانا معنديش قابليه اتخطب ولا اتجوز وعاوزه اتجوز فى مدينه وانا ريف بس مش عارفه هيجى ازاى ..
وكمان كنت كلمت شاب من أولى ثانوى وعلاقاتنا مستمره لحد دلوقتي بس الايام دى لما واجهته وقلتله تعالى اتقدم قالى هو لسه مش ثبت فى الشغل ودا فعلا ..وكان بيقولى الاول هيتقدملى فى تانيه كليه بس دلوقتي مفيش كليات ... وامى فتحت معايا الموضوع النهارده وقالت عاوزين نفرح مفيش كليات بعد المعهد لان حالتنا الفترة دى وحشه..
دلوقتي انا عاوزه يبقى معايا شهاده حتى لو مش هشتغل بيها.. وكان نفسى ادخل كليه كل م اشوف وحده حاطه صور ليها قدام الكليه اتحسر على نفسى .. وانا معنديش قابليه للجواز.. وخايفه من حماتى لتكون وحشه ام بابا تعبت امى اوى..
بقيت خايفه يبقى حظى وحش فى الحياه.. لا بقيت بصلى نفسيتي بجد مدمرة بقيت بارده ومعنديش طاقه أعمل اى حاجه الروح الحلوة اللى كانت جوايا ماتت...أهلى عاوزين يفرحوا بيا وانا فى نفس الوقت عاوزه اكمل تعليم وخايفه اتخطب وبعد الجواز يقلى مفيش تعليم
لعرض السؤال في فدني اضغط هنا
انا مش عارفه اعمل ايه اي حاجه بتأثر في نفسيتي حاليا مخنوقه جدا يعني كل لما احاول اعمل حاجه برجع لنقطة الصفر حاسه بالوحدة رغم اني كله حواليا ونفسيتي تعبانه اوي وتوتر دايما
لعرض السؤال في فدني اضغط هنا
عايزه انفصل عن زوجي
عايزاه يكرهني وفي نفس الوقت مكنش غلطانة
لعرض السؤال في فدني اضغط هنا
انا عندي ٢٩ سنه فاقد القدره على الاستمتاع باي حاجه خالص.. وده كان سبب ف ان علاقاتي تبوظ ف الارتباط لان الطرف الآخر متوقع اني اديله مشاعر معينه.. الحقيقه مفيش اي مشاعر لاي حاجه لا بالسلب ولا بالايجاب.. فيه حلول
لعرض السؤال في فدني اضغط هنا
السلام عليكم
أنا 20 سنه طالب في كلية طب ديما بشوف نفسي وحش شكلي مش جميل مع إن والدتي والناس القريبين مني ديما بيقولوا عكس دا ووالدتي كل ما نتكلم عن شكلي تحلف ليا ب ان شكلي جميل دا غير إن صديقات والدتي بيقولوا عليا شكلي جميل وجسمي رياضي وجميل وانا شايف عكس دا والي ديما بيأكدلي كلامي اني مش الشخص الي البنات ديما عاوزه تكلمه وتبعتله أو الي البنات بتتكلم عنه مفيش في حياتي بنات كتير غير بنت كنت مرتبط بيها وسبتها واكتشفت أنها كانت معايا لمجرد المصلحه
وعن جسمي مش شايف أني وصلت الوزن المثالي ولا الجسم المثالي
انا بحاول موصلش دا لحد بحاول أبان واثق من نفسي بس انا تعبت من الصراع النفسي الي جوايا
مش عارف هو فيه مقياس جمال للراجل ولا لا ولا دي مشكله نفسيه بمر بيها إني ديما بشوف نفسي وحش وازاي اتخاطها لأن الموضوع مسببلي عدم ثقه في نفسي ولما ارتبطت بالبنت مع أن والدتي كانت بتقولي أنها أقل مني جمالا بس انا شايف نفسي وحش وكنت بقول أن كويس أنها رضيت بشكلي
لعرض السؤال في فدني اضغط هنا
انا عندى ٣٠ سنه متجوز وعندى اسره بعانى كتير من انى بحب ساعات كتير الوحده لانى للاسف لما بتعامل مع حد وبحبه وبتعامل بعشم جدا زى فى الشغل ممكن اعاملهم اكتر من اخوات لأنهم طبيعى معايا اكتر من اهلى بس للاسف لما بتعامل بعشم قوى باخد صدمات ومواقف سيئه جدا منهم وفى الحاله ده باخد جنب وببعد واخد كل حاجه على اعصابي انا حرفيا مخنوق جدا الفتره ده
ممكن حل
لعرض السؤال في فدني اضغط هنا
أنا محتاجة أحكي حاجة طويلة شوية ومحتاجة رأي ناس من غير حكم عليا لأني حاسة إني تايهة ومش عارفة أتصرف إزاي
أنا داخلة صيدلة في جامعة خاصة وده كان قرار أنا نفسي فيه بس من وقت ما بدأت آخد الموضوع بجد وأنا عندي خوف كبير من المستقبل المصاريف مش قليلة وأنا مش عايزة أحس إني بضغط على أهلي أو إنهم بيضحوا بحاجات كتير عشاني وفي نفس الوقت أنا فعلًا نفسي أكمل وأثبت لنفسي إني أقدر
المشكلة إن الدراسة نفسها مخوفاني أنا مش من الناس اللي بتعرف تقعد تذاكر بالساعات وتركيزي بيخلص بسرعة وكمان في مواد زي الكيمياء والإنجليزي كنت دايمًا بحس إني مش فاهمة أساسياتها كويس فبقيت خايفة أدخل الكلية وأبدأ أراكم وأفشل أو أندم إني اخترت الطريق ده وكان قدامي اختيار حكومي
ولسه جوايا سؤال هل كان المفروض أختار الطريق الأسهل ماديًا وأريح أهلي ولا أكمل في الحاجة اللي أنا نفسي فيها وأحاول أتحمل
وفوق موضوع الكلية عندي ضغط في البيت وأوقات بحس إن قراراتي مش كلها بإيدي وإن أي قرار آخده لازم أحسب رد فعل أهلي ومصاريفه وتأثيره عليهم فبقيت حتى الحاجات اللي المفروض أفرح بيها بخاف منها
وكمان عندي شخص في حياتي وعلاقتنا بقت جزء من الضغط اللي أنا حاسة بيه هو بيحبني وبيخاف عليا وأنا مقدرة ده لكن في مواقف بحس إني بين إني أراعي مشاعره وبين إني أعيش حياتي وآخد قرارات تخصني وحصلت بينا مشاكل بسبب خروجات وحاجات تخص الكلية وحياتي الجديدة
وأوقات بحس إني مهما عملت هكون مقصرة مع حد يا إما معاه يا إما مع أهلي يا إما مع نفسي وأكتر حاجة متعبة بالنسبة لي إني مش عارفة أنا المفروض أركز في إيه الأول هل أركز في الكلية وأعتبرها مستقبلي وأبعد عن أي حاجة تشتتني ولا أحاول أشتغل جنب الدراسة عشان أساعد في مصاريفي ولا أكمل في صيدلة مهما خوفت وأدي نفسي فرصة ولا أكون واقعية وأختار الطريق الحكومي وأوفر على أهلي
أنا كمان بفكر في مستقبلي بعد التخرج هل فعلًا هقدر ألاقي شغل كويس وهل هقدر أوصل لدخل كويس وأعتمد على نفسي ولا أنا بحلم بحاجة أكبر من إمكانياتي يمكن من بره الموضوع يبان إن عندي كلية وخلاص لكن أنا من جوايا شايلة كل الحاجات دي فوق بعض وبفكر في كل قرار ألف مرة لدرجة إني بتعب من التفكير نفسه
أنا مش محتاجة حد يقولي اعملي اللي يريحك وخلاص لأني أصلًا مش عارفة إيه اللي هيريحني محتاجة ناس أكبر مني أو مروا بتجربة شبه دي يقولولي إزاي أوازن بين أهلي والكلية والعلاقة والمستقبل وهل طبيعي إني أكون خايفة بالشكل ده في بداية طريق جديد
ولو كنتوا مكاني إيه الحاجات اللي كنتوا هتفكروا فيها قبل ما تكملوا في نفس الطريق وياريت اللي هيرد يحاول يفهم الصورة كلها قبل ما يحكم لأني فعلًا محتاجة نصيحة مش حكم
لعرض السؤال في فدني اضغط هنا
السلام عليكم
انا عندي حاجه غريبه جداا كشفت واخدتلها علاج بس بتزيد هي كانت عندي قبل كده بس من وقت متخطبت وهي بتزيد اوي اول حاجه كان قبل كده عندي حساسيه ف جسمي عامة كنت بهرش والمكان يبقا احمر وساخن وممكن يورم وكانت ف رجليا وايديا فقط وكشفت والحمد لله الموضوع خف شويه وممكن خاالص
كمان من وقت متخطبت بقاا وانا كان عندي غمقان ف الااندر ارام بسبب بردو الحساسيه دي فقولت أكشف علشان اتعالج منها واعمل تقشير وبعدين كشفت واخدت علاج برشام ليها اسمو هستازين واخدت زي لوشن كده بيهدي المكان الى متحسس ومضاد بكتريا وبعدين استخدمتو زي شهر بس مفيش اي تحسن
الموضوع زاد جدا لدرجه ان الااندر ارام بقا شبه محروق او الجلده الى فوق متشاله وفيه حبوب كتير جداا وفيه افراز كده اصفر شبه الجلد الميت وريحتو وحشه
بطلت العلاج من فتره بس الموضوع زاد جدا وحتى منطقه الصدر بقى فيها احمرار شديد وحبوب كتير صغيره وبتاكلني وبيزيد اوي لما خطيبي بيكون هنا وبعد مبيمشي علطول وشي بيطلع حبوب ورقبتي ومنطقه الصدر كل اماكن الحساسيه عامة بتزيد وتوجعني وابقا هموت منها
قرأت قران وشربت ميه مرقيه وعملت الحاجات دي وبردو مفيش نتيجه
آسفه ع الاطاله بس ممكن حد يفيدني لو حصل معاها كدد او لو يعرف حد كده او حل اي حاجه لاني جربت كتير وحاولت ومفيش اي فايده وبجد تعبتت ونفسيتي ادمرت.. 💔
لعرض السؤال في فدني اضغط هنا
انا عندي 21 سنه ورفيعه اوي والموضوع دا مدمر نفسيتي عملت كل حاجه لدرجه اني لجأت للكورتيزون و دمرت نفسي
نفسي اتخن واكون راضيه عن شكلي وابطل ابص للبنات و اتمنى ابقى بس زيهم
لعرض السؤال في فدني اضغط هنا
السلام عليكم ورحمه الله وبركاته
دلوقتي انا بقى لي تسع شهور متجوزه وبعدين انا ساكنه في بيت عيله وبناكل وبنشرب انا وجوزي مع حماتي وحمايا وكده من ساعه ما اتجوزنا وللاسف كل حاجه عند حمايا وحماتي بالهزار هي الشتايم وانا برفض ده تماما لاني ما بحبش اغلط في حد ولا حد يغلط فيا
هو ده اللي انا عشت عليه وشفته اتربيت عليه دايما حتى لما قلت لجوزي ان انا مش متقبله مثلا الشتايم دي من حمايا ولا حتى من اخت جوزي ولا حتى من اي حد فيهم هو قال لي ان هم بيهزروا معاكي وكده فقلت له انا مش عايزه الهزار ده لو هيبقى بالشكل ده فانا مش عايزاه وانا بحترم اهله جدا وبحبه
وكل اللي بطلبه مش عايزه حد لاغلط فيه ولا يغلط فيه وحتى واجهت الكلام ده قبل كده لحمايا بيشتمني في مره بمامتي فانا قلت له لو سمحت دي مامتي ما تغلطش فيها ما بحبش حد يتكلم اي كلمه وحشه عن أهلي
دلوقتي بجد انا نفسيتي وحشه فحمايا بيقول لي هنذبح البط والفراخ بكره ويتنظفوا كده فبيقول ان احنا نصحى يعني الساعه 6:00 الصبح ان احنا نطلع نذبح فراخ يعني وننظفها وكده وكل ده بقى انا لما برد على جوزي وبقول له انا ما بحبش الطريقه ديت فما بحبهاش فيا ريت ما يهزروش معايا كده فيقول لي هم بيهزروا معاكي علشان هم اصلا طبيعتهم كده
واصلا حمايا بيفضل يشتم حماتي وبنته ويشتمهم كلهم بس انا عن نفسي مش راضياه على كرامتي لو هم قبلوها لكن انا ما اقبلهاش
انا نفسيتي تعبت بجد وعايزه احلل الموضوع ده وحتى حماتي لما تبقى زعلانه من حاجه باجي اسألها على اي حاجه بتفضل تقول انت دايما مش فاهماني يعني الحاجه اللي بسألها فيها مثلا عاديه خالص تفضل تقول لي انت دايما مش فاهماني والاقيها بتكلمني بزعيق وبطريقه مش حلوه اصلا حتى اخت جوزي بتكلمني برده باسلوب مش حلو وبزهق كده وطريقتها مش حلوه معايا في الكلام وحتى عبيطه كمان
يعني حتى كمان انا كنت واقفه على باب الاوضه بدل ما تقول لي بعد اذنك تروح زقاني وهي جايه تعدي من على الباب وفي مره داست على رجلي من غير ما تقول لي انا آسفه او ما اقصدش او اي كلمه وفي مره ثانيه برده راحت رايحه جايبه حديده وزقتها على رجلي
وحتى انا اول ما اتجوزت كنت مستغربه ليه الاسلوب بالطريقه دي معايا اللي هي اخت جوزي وكده حتى قلت لها انت ليه بتعملي معايا كده ليه بتصحي الصبح مش بتكلميني وما بتحكيش معايا مع ان انا ما عملتلكيش حاجه طب انا ضايقتك في حاجه قالت لي لا حتى انا في الوقت ده حضنتها وندمت إني عملت كده والله لان رحت للشخص الغلط والله حتى قلت لها يا حبيبتي لو احتجتيني معاكي في اي حاجه انا معاكي ولو احتجتيني في اي نصيحه انا معاكي طب لو في حاجه مضايقاك قولي لي قالت لي ماشي
واكتر الاوقات ما كانتش بترد عليا لما انا قلت لها انت بتقومي الصبح متعصبه ليه ومش طايقه حد قالت لي انا عندي ظروف الظروف دي ممكن تكون عباره عن حد عامل لها مثلا سحر او هي جواها يعني أعوذ بالله من الشيطان الرجيم ملبوسه
يعني هم عمالين يفهموني الموضوع ده وانا الله اعلم مش عارفه الموضوع ده حقيقي ولا لا فهي اصلا يعني بتقوم اصلا متعصبه على الكل مش عليا انا وساعات تكلم مامتها وما ترضاش تكلمني يمكن بالكام يوم وبحسها أصلا بتغير مني لما انا بجيب حاجه بتبقى عايزه تجيب شبه كل حاجه وانا بسايس اموري لحد ما هي تتجوز وتروح بيتها
هي كده كده مش دايمه بس اللي بيزعلني طريقتها لان ما بعملهاش انا اصلا بطريقه وحشه حتى لو هي احتاجت مني اي حاجه انا مش بحوشها عنها
كنت اتمنى ان هي تبقى ليا اخت مع ان انا بنت وحيده بس اعتبرتها اختي والله بس اعتبرت الشخص الغلط وحاولت افهمها حاجات كثيره بس هي كانت رافضه كل يعني حاجات زي مثلا نصايح هي ما كانتش غير بتقبل غير اللي في دماغها وبس لو جيت اساعدها في حاجه طب اساعدك في ايه طب ما هو الشغل كتير اهو ده ردها عليا
طب اعمل معاكي ايه طيب قولي لي طب ما انا ممكن احط حاجه ما تعجب كده كده بيبقى في العاده احيانا بحط حاجات وتبقى والله في مكان كويس مش شكر في نفسي والله هي تروح رايحه مغيراها في مكان تاني فبسألها انا كده كده جديده في البيت فبقول لها اعمل معاكي ايه امسح الكوميدينو امسح الباب سيبيهم دلوقتي ده رد عليا بعد شويه على ايه بتمسح الباب وبعد كده بتمسح الكام فانا بلاقي مواعين مثلا محتاجه تخلص بخلصها هدوم محتاجه اطبقها حاجات تانيه مثلا بس بعيد عن التنفيض اللي هي بتنفضه ده
حتى حماتي بتسمع كلامها حتى لما قلت لها يا ماما امسح الكوميدينو وقالت لي سيبيه دلوقتي ردها عليا لما رحت احكي لجوزي واقول له على الموضوع ده موضوع ان انا سعيد يعني اخت جوزي وكده وكل اللي حصل من ناحيه ان انا اساعدهم وكده وهم مش راضيين يقولوا لي على حاجه اساعدهم فيها
فهو كان ورايا مثلا غسيل في بيتي فقلت لجوزي اروح ان انا اعمله فقال لي لا ما تطلعيش دلوقتي وساعديهم شوفي حاجه ثانيه محتاجه تتعمل اعمليها حتى لو مش هتساعديهم مثلا في التنفيض فالمهم انا سمعت كلام وقلت له حاضر فحمايا نده عليا فقال لي اعملي لي عصير فانا بعد كده عملت لي العصير ورحت له قعدت جنب منه شويه على السرير محبطه وزعلانه من اللي هم قالوه لي فالمهم قال لي روحي ساعديهم
قلت له يا بابا هو هم مش راضيين يخلوني اساعدهم قال لي ماشي انا بقول له كده بحكم ان هو يكلمهم او يقول لهم حاجه بس هو ما قالهمش بس عادي حتى لو انا ما ساعدتهمش آديني عملت اللي عليا وساعدتهم في حاجات بسيطه لولا اللي احنا مجبرين نعيش في العيله لبعض ما اخو جوزي يتجوز الثاني
لان طبعا احنا عندنا ان لازم العريس هو لو بقى لوحده في شقته اكل وشرب لوحده هو بيسدد هو النقاط ويدفعه مع اني ما خدش منه ولا جنيه مش عارفه ده كان ده صح ولا لا وكل النقط اللي اجا هم اللي اخذوا وجوزي كل ما يجي يتكلم ويهزر مثلا والله اكل لوحدي مثلا بهزار كده فوق رد حماتي تقول ايه خد الدفتر النقود وماله كل فوق عادي كانها مسكانه من ايدنا اللي بتوجعنا وكمان هم بيدفعوا ميه ونور يعني فلوس يعني وكده حق الميه النور
لما انا خلاص بقيت محبطه ما بقتش عارفه اعمل ايه حتى لو انا تعبت يعني مثلا من يومين فاتوا انا طلعت شقتي وكنت تعبانه وكمان انا ما اتغديتش معاهم هم قالوا لي تعالوا اتغدي وانا من التعب ما قدرتش اتغدى وكده وبعد كده هم ما سألوش عليا
فضلت نايمه في شقتي ولا حد رن عليا الجرس ولا قال لي انت محتاجه حاجه ولا انت مش موجوده ولا انت يا عايشه ولا ميته معبرونيش وهم اصلا كذا مره يعملوا معايا الموقف ده مش اول مره لا اتغديت ولا اتعشيت وجوزي كان وقتها مسافر ومش لاقيه حد يجي يجيب لي حاجه حتى ما بعتوش حتى ابنهم الصغير حتى يسألني بس انت عايزه حاجه اجيبها لك من بره لقيت اخو جوزي الصغير جاي يخبط عليا وياخد حاجه لحمايه حتى انا ما قالولهوش حتى أسالها لو محتاجه حاجه ولا اتغدت ولا اتعشت ما فيش أي سؤال من ده اتوجه لي
حتى لو انا تعبت حتى ما الاقيش حد منه يقولي الف سلامه عليك ولو انا تعبت مره وبقيت لوحدي في الشقه لازم أرن على جوزي اقول له وجوزي هو اللي يكلم حماتي ويقول لها ان انا تعبانه مش هم من نفسهم مثلا يسألوا انا ما نزلتش ليه طب تعبانه من ايه انا صراحه لما بلاقيهم مش بيسألوا عليا بقول هو انا اهمهم في ايه اصلا
والله العظيم اعتبرتهم زي اهلي حبيتهم وبقيت أرن عليهم على طول لما حمايا كان عمل حادثه ولما حماتي كانت بتتعب ولا كنت بعرف ان هي كانت تعبانه كنت برن وبهتم بيهم وبحبهم بس للاسف هم عاملوني بطريقه ما كنتش اتوقعهم منهم وحمايا كان دايما ما يكلمني يقعد يقول لي ربنا يجعلني عند حسن ظنك الظن وصلني خلاص كل حاجه عملتها وصلتني
آسفه على الكلام الكتير ده والله بس والله مضغوطه من جوايا ومش لاقيه حد اتكلم معاه يا ريت النصيحه تكون بجد لوجه الله وتكون نصيحه بجد تفيدني
لعرض السؤال في فدني اضغط هنا
انا شاب عندي 21 سنة ومدمن اباحية وعادة سرية بقالي سنين مش عارف دا ليه علاقة باللي حصلي في طفولتي كانت واحدة من العيلة تحب تخليني انام معاها وانا صغير بس منعملش علاقة للاخر مكنتش فاهم ايه دا ساعتها وكنت مستمتع مش هنكر الصراحة بس مكنتش اعرف ايه دا بالظبط او تأثيره يعني المهم لما كبرت بقيت مدمن اباحية وعادة سرية ودا مأثر جامد ع حياتي وع شخصيتي وكل شوية بحاول اتعافي بس بنتكس جامد وبرجع للصفر وانا بفضل احاول والله بس نفسي بقت مسيطرة عليا جامد وبقيت ضعيف قدامها ودا أثر عليا في حياتي أن انا مش بقدر اخلص حاجة لاخرها ومش بعرف التزم بحاجة ونفسي هي اللي مسيطرة عليا
لعرض السؤال في فدني اضغط هنا
اكتشفت اني شخص بيحب ان الناس تتعاطف معاه يعني لما بمر بمواقف و مفيش حل غير ي اقول الحقيقة ي يألف سيناريو محصلش يخلي الي قدامه يتعاطف معاه و يسامحه و يعدي غلطته و فعلا بيحصل كدا لحد ما اتعودت علي الكذب و ما بقتش عارف اصدق نفسي و في دوامه مش عارف اطلع منها أنت فاهمني ؟
لعرض السؤال في فدني اضغط هنا
عاوزة اقول اني حاسة بمشاعر كتير غريبة زي إني مبقيتش عارفة نفسي أو فاهماها حاسة اني اول مرة أعيش واني مش فاهمة حاجة يعني ايه حياة ودنيا وآخرة ودين وأول مرة احس بالوحدة وعدم الانتماء والغربة والضغط والاشتياق واللغبطة الوجودية وأفهم ان للصحاب اهمية وونس بجد وإرهاق عقلي ونفسي وجسدي وعصبي وتوتر وقلق
وحاسة اني ناسية كل اللي عشته انا كنت بعمل ايه وبحب ايه ومبحبش ايه ناسية كل ذكرياتي حتى عن السنة اللي فاتت واني مش فاهمة ولا فاكرة شخص جديد مش عارفة شكله وحياته والحاجات الكتير اللي لازم اتأقلم عليها واني معنديش حد أسأله عن ايه الطبيعي وايه المعاناة يعني الحياة كدا فعلا ولا انا اللي شيفاها صعبة ومزوداها على نفسي معنديش حد يساعدني او يشيل معي او يوجهني حاسه بعك شديد
لعرض السؤال في فدني اضغط هنا
أنا في أولى جامعة ومنتقبه
بحس إني دايما عاوزه أكون لوحدي في عزلة أعمل كل حاجه مع نفسي
بعرف أتعامل مع الناس بحب وود ولكن بزهق وبكون عاوزه أقعد لوحدي
حتى مشاركة الأفراح لو نزلت حاله فيها صورة للكلية أو أي ذكرى جميله بمسحها تاني لإني مش عاوزه حد يعرف عني أي حاجه
هل ده طبيعي ولا لأ
لعرض السؤال في فدني اضغط هنا
السلام عليكم و رحمة الله و بركاته..
ليه لما بتنهى علاقة لسبب ما، و تعدى الأيام و انت بتحاول تبقى كويس من الجرح اللى سببته لنفسك أولا بدخولك لعلاقة زى دى و اللى سببه ليك الشخص التانى، و بتحاول تتخطى و بعد ما يعدى فترة و خلاص بقيت حاسس انك لحد ما كويس و انه مبقاش فارق معاك زى الأول.
ليه تكتشف بعدها انك لسه موجوع، لسه إحساس الوجع اللى كنت بتحسه الأول لسه بتحسه يعنى منتهاش اصلا لسه يتحس بالغصة لما تفتكر، ليه لسه موجوعة كده، طب و ليه التعافى مش بيخلص بسرعة، طب ليه ميجيش يوم فعلا و انام و اصحى ألقي نفسى ناسية كل حاجة، ليه مش بعرف انسى او الأصح معنديش فقدان ذاكرة
لعرض السؤال في فدني اضغط هنا
انا مامتي بتعاملني وحش جدا علطول بتزعق وتمد ايدها وبتحب اخويا الكبير اكتر مني هي عنيفه اوي وسببتلي انها خلتني أخسر والدي انهم اصلا منفصلين بقالهم كتير وانا تعبت وقعت ما بيني وبينه وبين مراته واخواتي وخليتهم يكرهوني انا عندي ٢٥ وجوز ماما قالي امشي من البيت واروح اشتغل وهو هيتكفل بمصاريفي ف الاول
لعرض السؤال في فدني اضغط هنا
السلام عليكم و رحمة الله
"يا أهل الخير، محتاجة نصيحتكم بجد، يمكن كلمة من حد فاهم تساعدني أرجع لنفسي قبل ما مشكلتي تكبر أو لو حد مرّ بظروف مشابهة أو متخصص يقدر يفيدني، ياريت يدلّني أعمل إيه، لأني فعلًا محتاجة أخرج من الدائرة دي
النهارده 20/9/2026 وأنا طالبة في تالتة ثانوي. من بداية السنة كنت ملتزمة جدًا بالمذاكرة، وبذاكر حوالي من 6 لـ8 ساعات في اليوم، وكنت مقررة على نفسي إني ما أغيبش عن أي درس أو حصة مهما كانت ظروفي، حتى لو كنت تعبانة جدًا. وكنت فعلًا حريصة إني ما أراكمش أي حاجة.
لكن الفترة الأخيرة حصل تغيير كبير جدًا فيا. بقيت أغيب عن دروس كتير من غير سبب ضروري، لمجرد إن عندنا تجهيزات فرح أختي، وبقيت لما أرجع من الدرس ما أذاكرش زي الأول، وبقيت مش قادرة أقعد حتى 5 دقايق على المذاكرة.
أنا مش بقول إن المشكلة إننا في بداية السنة، بالعكس، أنا بكره جدًا جملة "لسه في البداية"، لأن كل مرة بسمعها بحس إني ممكن أستهين باللي بيحصل وأقول لنفسي لسه بدري، وبعدها أدخل في مرحلة تراخي أكبر. النهارده 20 سبتمبر، وأنا بالفعل عندي تراكم في الأحياء والفيزياء والعربي، ومستوايا في المواد بدأ يقل عن الأول.
المشكلة الأساسية إن الفترة دي عندنا تجهيزات فرح أختي، والبيت فيه ضغط ومشاكل وصوت وحركة طول الوقت، والفرح نفسه شاغل تفكيري جدًا. بقيت طول الوقت خايفة يحصل أي مشكلة وتبوظ فرحة أختي، فحتى وأنا بعيدة عن البيت دماغي بتفضل مشغولة بالموضوع. ولما أرجع من الدرس، بدل ما أذاكر اللي أخدته، بلاقي نفسي بتشتت في تجهيزات الفرح أو بقعد مع أهلي، والوقت بيضيع.
كمان بقيت أنسى حاجات كتير جدًا، وأحيانًا أشيل حاجة وأنسى أنا حطيتها فين، وحاسة إن دماغي مشغولة طول الوقت ومش قادرة أركز في المذاكرة زي الأول.
المشكلة إن أنا عارفة كويس إن السنة دي مهمة، وعارفة أنا المفروض أعمل إيه، ومش محتاجة حد يقولي إن لازم أذاكر أو أنظم وقتي؛ أنا أصلًا عارفة ده كله. لكني مش عارفة إزاي أرجع أبدأ وسط الظروف دي، خصوصًا إن الفرح لسه قائم والتجهيزات والمشاكل مش هتختفي في يوم وليلة.
أنا مش عايزة أستنى لحد ما الفرح يخلص عشان أرجع لمستوايا، وفي نفس الوقت مش عارفة أتعامل مع الضغط والتشتت وال
تراكم اللي حصل.
لعرض السؤال في فدني اضغط هنا
انا وانا صغير شفت مشهد...عنيف ودموي وحاسس انها مأثره عليا لحد دلوقتي مع ان امر عدي عليه سنين..كنت فاكر إني نسيت بس لا..بتجيلي يعني افكار...عنيفه وتعذيب ومشاعر كأبه وغضب واحيانا ببقا عايز اعيط بدون سبب.. وبحس اني خايف ومتوتر بدون سبب
لعرض السؤال في فدني اضغط هنا
اكتشفت حاجه مهمه جدا هي الي موقفاني ف نفس النقطه الي فيها من سنين ان مش بعرف اجبر نفسي ان تعمل حاجه غصب عنها في العبادات وفي المذاكره وتطوير نفسي وف كل حاجه والموضوع دا مخوفني جدا بجد انا بقالي سنين ع الحال دا نفسي شهوانيه جدا ومش عارف اقومها ازاي ولا اعمل اي؟؟
لعرض السؤال في فدني اضغط هنا
في مشكلة وهي المشاعر أنها تضل تتأرجح. يعني .١. مرة بحضر اليوتيوبرز المصريين ندي وأحمد.٢. مرة بحضر النوستاالجيا الأطفال.٣. بروح مرات ل برنامج هاني هز الجبل.٤. ومرة ل الأفلام الدرامية مثل مرات الأب وبعدين برجع لأول محتوى حتى الأغاني مرة بروح لها ومرة بقطعها. أريد حل للمشكلة
لعرض السؤال في فدني اضغط هنا
السلام عليكم ورحمه الله وبركاته
أنا عايز أسأل سؤال لماذا زوجتى حين أسالها هل تريدين الزواج من شخص آخر غيرى تقول نعم اريد على سنة الله ورسوله وعندما سألتها سؤال آخر قلت لها هل حين مماتى ستتزوجين قالت نعم فأنا لا أعرف هل هي تحبنى ام ماذا وهي عشر سنين زواج وعندى ولدين منها بسم الله ماشاء الله فأنا أريد الإجابة أرجوكم هل هي تحبنى ام ماذا ولماذا تقول هذا؟
لعرض السؤال في فدني اضغط هنا
السلام عليكم
انا عندي 18سنه ومعنديش اصحاب خالص معرفش ليه حظي في الاصحاب وحش غير كدا انا دلوقتي أهلي كل ما حد يجي يتقدم لي اكبر مني بي 13سنه يوافقو انا كرهت موضوع الجواز بسببهم والله حد يقولي اعمل اي دا غير المعامله وحشه اوي وبالذات
بابا نفسي اكمل تعليمي بس بابا مش مساعدني فكرت كتير اشتغل بس كان بيضربني فيها حد يقولي اعمل اي؟
لعرض السؤال في فدني اضغط هنا
لعرض جميع الاسئلة في فدني اضغط هنا