السلام عليكم ورحمه الله وبركاته
باختصار انا اتعرضت للخيانه الزوجيه من سنتين
زوجي خاني مع وحده أقل ما يقال عنها انها زباله في كل حاجه و للاسف خيانه كامله فضل سنه معها و في خلال السنه دي كان بيعملني معامله العبيد انا كنت حاسه بكل حاجه بس كنت بقول ربنا يكشف لي الحقيقة و كنت متحمله كل اللي بيعملوا معايا حتى حقي الشرعي كان بيحرمني منه
المهم بعد ما عرفت و شفت صور زباله كانت بتبعتهالو و هي عريانه وواجهته و خربت الدنيا اعترف بكل حاجه الا أن. نام معها حلف على المصحف انو ما وصلت لكده معها
لكن انا متاكده انو نام معها و كتير كمان
المهم بعد اسف منه كتير و وعدني انو خلاص تاب لربنا و رجع لبيته و عيالو لاني ساعت ما عرفت كان معايا منه طفل و حامل في الشهر الرابع
هو من ساعتها و هو فعلا اتغير و بيعمل معيا كل شيء جميل و لحد النهارده بيتأسف لي
المشكله اني مش عارفه أنسى و قلبي و عقلي فيهم نار انا صاحيه نايمه افكر في اللي عمله حسه اني هموت اعمل اي فدوني
لعرض السؤال في فدني اضغط هنا
انا مش متجوزة ولا مخطوبه ولا مرتبطه، اتولدت في بلد بتمنع البنات انهم يطلعوا من بيتهم الا للضرورة زى دراسه او للمستشفى، حاسه إنى كبرت وبقيت اخاف اكلم الناس وانا باصه في عينهم او اكلم الناس بشكل عام ،
بخاف من التجمعات رغم انه لو كنت بخرج من بيتى من وانا صغيره هبقى اجتماعيه قوى ، اللى اقصده انه انا اصلا مش انطوائيه زى ما الناس مفكرانى، الفكره إنى بخاف اتكلم فتره طويله ، بخاف ابص فعين اى حد اذا كان راجل او بنت، لما حد بيوجهلى كلام اياً كان ايه هو جسمي بيرعش بطريقة غريبه دا مش خجل معرفش ايه دا؟
أحيانا لما افكر انه انا خلاص في مرحلة جواز يعني ف اى وقت هيطلوبنى بتوتر مش عارفه اعمل ليه بجد خايفه اوى 😔
غير كدا بفكر هو ايه إلى هيعجبه فيا الراجل وانا مش بعرف اتكلم كويس وبدأت تظهر تأته في كلامى وكمان حتى لما اضحك مبقدرش معرفش ازاى ، بشكل عام انا محتاجه حد يساعدني أتجاوز المرحله دى محتاجه حد يفيدنى بجد يقولى اعمل ايه ولو لازم إنى اعمل تمارين هعملها قولولى اعمل ايه😭
انا دلوقتى في فتره بتعلم فيها كتابة روايات، والحوار اللى المفروض يبقى بين الشخصيات مش عارفه اعمله من كتر ما إنى مش بعرف اتكلم اصلا ، تعبت 😔
لعرض السؤال في فدني اضغط هنا
ازاي اقدر استغنى عن الناس مبقاش محتاجه صحاب ولا حد اكلمه ولا اخرج معاه وابقى مبسوطه لوحدي مش حاسه اني محتاجه حد، وازاي لما اضايق محكيش لحد لان للاسف مهما الناس اقنعوك انهم بيحبوك للاسف بيجي يوم ويستخدموا الحاجات اللي حكيتها ضدك ويحسسوك انك مجنون او مريض نفسي.
هو طبيعي اضايق لما صحابي يتشغلوا بحاجات طول الوقت ويبعدوا عني حتى لما يكون عندهم وقت فاضي معدوش بيكلموني ولا انا فعلا مجنونه وبطلع كل االي حواليا وحشين وبيبعدوا عني؟
لعرض السؤال في فدني اضغط هنا
هو ممكن يكون سؤال غريب بس فعلا هو احنا هنلاقي ناس زينا فين أو ازاي يعني مثلا انا حد عارفه اهتماماتي بس الفكره بقي هنلاقي فين الشخص اللي زي كل الأشخاص اللي قدامي أو اللي بيتقدموا أو اللي بيقول كلهم بيبقوا مش زي مش دا اللي مستنيه وعامة الموضوع دا مش بتهاون فيه انا بحب الكتب جدا و الثقافات واللغات و اللوح والفن و الموسيقي و حاجات كتير تانيه كل اللي بيجي قدامي بيبقي زوقه مختلف ملهوش في الفن ملهوش في القراءه ومفيش حد مثلا يقدر دا ويساعدني اهتم باللي بحبه لا بلاقي سخريه فاااااا بجد هنلاقي امتى الناس اللي زينا أو هنلاقيها فين ومش شرط يبقي حب انا بدور ع صحاب زي محتاجه اتحاوط بناس زي اهتمامتي
لعرض السؤال في فدني اضغط هنا
انا مى عندي 22سنه ليا صاحبه كنا بيست فريند لبعض وكل حاجه نحكيها لبعض واتعلقنا ببعض فترة ما جدا جدا جدا وكنا كل حاجه مع بعض فجأة صحبتي دي اتغيرت بدون اي مقدمات اه عندها ظروف شقلبتها شوية بس ماكلنا. عندنا ظروف ده داعي اتغير ع الى بحبهم ؟
المهم عاتبتها مره واتنين والف وفكل مره تقريبا الموضوع كان بيقول اننا نسيب بعض نهائيا وبالفعل كل ما اكلمها ميكونش فارق معاها واحس بقسوة فالتعامل
وانا الى ارجع سوري زي الكلبة واكلمها لدرجة اني مابقتش قادرة اسيبها وبقا في مؤشرات كتير تقول انها خلاص مش عاوزاني مابقتش مهما عندها زي الاول الا اني بردو ماسكه فيها اه ساعات مابقيناش نتكلم باليوم والاتنين والاسبوع كمان ولازم ادخل انا ابادر وساعات هي تبادر بس مش اوي
انصحوني اعمل اي انا فعلا متعلقة بيها وكل ما اكلمها تقولى طاقتي خلصت حورات معاها اجتماعية وحورات معاها وظروف ادتلها كل المبررات الى فالدنيا
وكل ما اعاتبها متدنيش كلمه حلوه تبل ريئي كلامها كله محايد بعد ما كانت بتعشق حرفيا التراب الى بمشي عليه ولو تعبت شوية واختفيت كانت ترن عليا وع ولدتي وتوصلى باي طريقه وغيرو وغيرو انا بس مش عاوزه اطول المسدجات طويلة اوي بالله ساعدوني
حاولت افك التعلق حاولت ابعد بس مفيش
قولولى اعمل اي وانا بجد عايزاها وفنفس الوقت حاسه اني تقيله عليها مابقتش عارفه اعمل اي
لعرض السؤال في فدني اضغط هنا
السلام عليكم ورحمة الله وبركاته
داخله اولي جامعه ولسه ماقررتش اصلا مش عارفه اخد قرار ادخل ايه ان بالمعني مش لاقيه حاجة ادخلها فعلا جايبه 57 في الميه وعملت تظلم طلعلي درجات بس مفيش حد عبرني ولا اتصل بيا لحد النهارده خايفه ما أخذهومش
المهم انا مش عارفه ادخل ايه او اتصرف ازاي قبل النتيجه قولت أسنان وبصراحه قولت هيبقا آخري خالص ٨٥ مش هقل ولا هزيد ماما كانت دايما تقولي ٩٣ وخالو قال ٨٥ اتعشمت في الدرجه جدا وقولت خلاص لو جبتها يبقا علوم وهتوكل على الله
وجيت قبل النتيجه بيوم فـ بكلم نفسي ولقيتني بقول بصي لو ما لحقناش علوم وجبنا في السبعينات فـ احنا هنروح لحقوق حتى لو مجموعنا جايب كليات أعلى بالنسبه ليا شايفه الحقوق كليه من كليات القمه فـ قولت ايا كانت النتيجه مش هزعل بقا
فـ النتيجه ظهرت ما قدرتش اجيبها لنفسي قولت لاختي تجيبها طبعا شايله مستقبلي ومستقبل عيلتي كان نفسي افرحهم واقولهم خلاص ربنا بيجازيكم على كل اللي صرفتوه عليا في تعليمي
يوم النتيجه ما قدرتش ابص لبابا كنت حاسه ان انا عامله حاجة غلط ومستحيل ابصله او حتي اكلمه بابا عمره ما كان من الناس اللي بتلوم لو ما وصلتش لحاجه وما اتكلمش لان هو شافني قد ايه تعبت من كتر توتر الامتحانات قبل الامتحان بيومين كنت في المستشفي بسبب نزيف وطلب مني منظار بس قولت هذاكر لان خلاص امتحاناتي ومش ناقصه تضييع وقت مش عايزه ادخل في التفاصيل اوي
جات النتيجه خلاص وانهيار وعياط واصرخ بس بصوت مكتوم علشان الناس اصلا عندنا حياتنا بتتمحور على الناس ماينفعش صوتنا يبقا عالي حتى واحنا في اكتر انهياراتنا الناس مركزه معانا فعلا بشكل مرعب
حتى يوم ماتعبت من كتر الوجع كنت بصرخ بصوت عالي ماما قالتلي الناس حاولت اكتم وجعي مفيش أصعب من كدا عموما كنت فاكره بقا ان هلحق حقوق انتساب وكدا واتعشمت خلاص انها هتبقا من نصيبي اهو حاجة وصلنالها ومش مهم المجموع
وحققنا الخطه التالته اهو ربنا ما اداناش المجموع اللي عايزينه بس هنحقق حاجه مع ان كان فيه رفض اصل الناس والناس وهتقول دي ودي وانتي بنت والناس ويقولوا اقل كليه ((بالنسبه ليا دي القمه فعلا من بعد الطب والعلوم فـ عندي الحقوق قمه بجد اي حد في حقوق دا يابخته عارفه انها دراستها مش سهله ومحتاجة مجهود وفعلا زي اي كليه قمه) بس خلاص دي كمان ضاعت من ايدي الحمدلله فعلا بقولها وانا راضيه
بس اوقات المجتمع والناس هما السبب في عدم الرضا لدرجه ان اوقات بيضطروا يخلوا الواحد يقول لربنا ليه مش انا وصعبه اوي دي تتقال لواحد انضف مننا كلنا
كلام كتير محتاجه اقوله بس السؤال هيطول بس لازم اتكلم مش لاقيه حد اتكلم معاه فعلا ماما بعد النتيجه بيومين قالتلي انا جمبك في اي حاجة انتي هتعملها وهسندك فرحت والله جات قالت لبابا قال شوفي عايزه ايه خاص وادخلهولك رديت عليه قولتله لا اللي ربنا كتبه هدخله مع ان مش حابه حوار المعاهد بس وقتها كنت فاكره ان لسه هقبل في حقوق علشان التنسيق ماكانش نزل والحمدلله ان رفضت لان كلمه اتقالت قدامي وجعتني اوي وأهلي عموما من الناس اللي بتقول انا عملتلك وعملتلك وحاجات كتير كدا
ووقت ما اوصل هيتقالي دا انتي كنتي جايبه كذا واحنا اللي عملناكي عندهم تقريبا القمه في الطب وبس علي الرغم انهم بيفتخروا بأي حد سواء في كليه تربيه او تجاره او غيرها ويجوا عندنا ولا طبعا الاسبوع دا اسوء اسبوع مر عليا كل حاجه انكشفت قدامي
كل اللي قال منهم راضيين اسفه في الكلمه طلعوا كدابين كلهم ماما قالتلي كسرتي ضهر بابا وفضحتينا و حاجات كتير آسفه تاني في اللي هيتقال مش المفروض دي لما شرف البنت بيضيع فـ بتضيع سمعه أهلها معاها ولا ايه بالظبط
اتقالي ربنا كسرك وبيذلك قولتلهم كل دا يتقال الا ربنا ما بيكسرش حد ولا بيذل حد دا من حبه ليا والله اتشافت وحشه حتى يعني اتشافت ان كدا من عقوق الوالدين بابا قالي قبل كدا ربنا كان لازم يكسرك بس ما قدرتش اتكلم معاه ولا اقوله ان ربنا مش بيعمل كدا بس لما ماما قالتلي قدرت اقولها كدا
ماما ضربتني بسبب ان بقولها وانا اعمل ايه انا كمان والله من جوايا مش قادره اعيش مهما كانت الدنيا كلها زعلانه عليا عمرها ما هتبقي زعلانه شبه ما الإنسان بيزعل علي نفسه ما قومتش من قدامها سبتها تضربني دا حتى كنت بجيبلها اي حاجه ينفع تضربني بيها
كلامهم وحش اوي كانت فاكره ان مجموعي هيجيب حقوق قعدت تقولي يلا هتبقي ايه في الاخر محاميه طب مالهم يعني يا ماما هما وحشين شبههم شبه الدكاتره مافرقتش غير المهنه معلش دا بيشيل اسم اهله من طب ودا يشيل اسم اهله من حقوق وتربيه وحاجات كتير
قالتلي فاشله وهتتكلمي قولتها حتي حقوق مش هلحقها والله قالتلي احسن احنا ربنا ابتلانا بيكي اصلا وكلام كتير اوي مالهوش لازم ان اقوله اختي من وقت ما النتيجه طلعت يوم النتيجه تقريبا قعدت تقولي معاهد معاهد طب سيبيني ارتاح طيب بلاش توجعيني اكتر عايزين ادخل كليه اي كليه حتى لو مش حاباها
تقريبا مجموعي جايب تربيه بس نوعيه فنيه وموسيقي انا مش حاباها عموما مش هيبقا بالعافيه بقا تقوم تقولي مش جايبه حاجه وهتتشرطي كمان طب وانا اعيش ازاي؟ ما هو مش هبقا ما حققتش حاجه وكمان ادخل بالعافيه علشان الاسم كليه وخلاص لا انا مش من النوع دا خالص كان نفسي أبقى حاجه والله حتى هما عارفين ان ما قصرتش بس فاكرين ان هما لما يقولوا الكلام اللي يوجع دا يبقا خايفين علينا
طب ما تسيبوني اعيش ولما التنسيق ينزل واكتب رغبات وزي ما تيجي بقا انا كمان مش عاجبني اللي بيحصل بس مش هقدر اتكلم لو اتكلمت هبقا بجحه لان مش جايبه مجموع حرفيا حتي امبارح وجعتني بكلامها تاني فضلت اعيط اكتر من ٤ ساعات مفيش حاجة في أيدي اعملها وبابا بليل جه سمعني كلمتين حلوين علشان كان بيسأل على حاجة وما سمعتوش
قالي بردو ربنا عمل كدا علشان شايف انك ما تستاهليش تبقي حاجة حاولت ابين ان الموضوع عادي وفضلت قاعده معاهم شويه وبعدين دخلت حرفيا ما نمتش دا انهارت وعادي فاكرين ان ما عنديش مشاعر حتى لما باجي اتكلم بيشوفوا كلامي ومشاعري بإستهزاء اللي هو انتي ماعندكيش طاقه شبهنا وتقدري تتحملي حاجات كتير لان انا اللي عودتهم ان ما بشتكيش
حتى من وانا صغيره كانوا حرفيا بيجوا عليا اوي عن اخواتي علشان ماشيين بمبدأ دي بنت بـ 100 راجل حرفيا كانوا بيقولولي كدا اللي هو تقدري تتحملي اي حاجة عايزين اللي يشوفك يقول كدا وانا بقا وقتها كنت صغيره وهبله ومش فاهمه حاجة فـ اتعودت اشيل مسؤليه نفسي واربي نفسي حرفيا
لا احكي ايه مزعلني او عايزه ايه او أرفض لا احنا هنعمل اي حاجه يقولوا عليها حتى لو مش هقدر قالوا ان بغير من اخواتي اصل هما بشرتهم بيضه ومش عارفه ايه وانا مختلفه عنهم فـ أكيد هغير منهم واتقبلت الموضوع وقولت عادي حتى وصلت لمرحله ان ما بحبش نفسي بجد
قالوا إني بغير من اختي الكبيره وحاطه خطيبها في دماغي اللي هو اصلا خطيبها دا يعتبر خالنا هو ابن عم ماما بس لسه 21 سنه بس حضرتك دا خالو من غير اي حاجة مابقيتش بكلمه وحتي لما بيسأل عليا مش بروح اسلم عليه هو السلام اصلا من بعيد اللي هو ازيك يا خالو وخلاص مسحت رقمه اللي هو اصلا ماما هي اللي قالتلي دا رقمه خدي رني عليه من عندك مش انا اللي أخدته علشان غرض معين وازاي اصلا ومن غير اي حاجة ودي اختي؟؟
حتيحتى لما ببقا نازله وهو موجود مابكلمهوش حتي لما هو بيكلمني ببتسم وخلاص كأنه مش موجود لما بيجي يوم الجمعه فـ يوم اجازه بقا بابا موجود وكدا فـ هنأكل كلنا لا مش بأكل معاهم بقعد في الاوضه لوحدي وبأكل مع ان ماما وبابا بره واختي الصغيره بس انا لا هبعد علشان مش عايزه مشاكل
طب تعالي نلعب كلنا لا انا مش قادره هنام واي حاجة لا وبردو بتشاف غيرانه من اخواتي ولو اتكلمت وقولت ان نفسيتي بتزعل لا مستحيل تتكلمي ازاي تقولي كدا انتي مش بشر شبهنا لا انتي بتسحملي
اي حد فيهم عنده مشكله بيحكيلي وبقعد اسمع وانا مبسوطه انا اجي اتكلم هيسمعوني لا طبعا مستحيل اسكتي دلوقت انا مصدعه انتي يا بنتي كئيبه ايه القرف دا اسكتي جبتيلنا المرض والنهارده صحيت بدري نزلت مع ماما نشتري كام حاجة للفطار والغدا ماما قالتلي هندخلك خاص شوفي حقوق ولا علوم ولا انتي عايزه ايه ما ردتش عليها
بجد هرد عليها ازاي اقولها ايه وهما اصلا ماشيين غلط حرفيا يعني لما انتوا عايزين تشوفوني فرحانه وخايفين عليا فعلا ومش عايزين ان ازعل ليه بتقولوا كدا اصلا وليه الكلام دا لازمته ايه مش كفاية عليا دماغي يعني ولا ايه ما انا صعبان عليا الفلوس اللي دفعتوها قبل ما يبقا صعبان عليا نفسي وصحتي ومشاعري وخوفي وكل حاجة
اعيش ازاي بجد واعمل ايه واتصرف ازاي واقولهم ايه اصلا لما سألتني تاني قولتلها مش عايزه حاجة لان حرفيا لو قولت عايزه هيعايروني اهلي من الناس اللي حرفيا بتعاير يعني انت اصلا كل لما تنجح هتفتكر انك داخل بفلوس أهلك وهما هيزودوها عليك اكتر الواحد اصلا لسه مش فاهم حاجة بجد ومش عارف يتأقلم اصلا ابدأ أتكلم معاهم ازاي وبجد بحس ان مش عارفه اقولهم كل الكلام دا بحس ان كلامي معاهم مش بيغير حاجة والله.
لعرض السؤال في فدني اضغط هنا
السلام عليكم ورحمة الله وبركاته
أنا بفضل الله شخصيه ملتزمه دينيا وخاتمه القرآن الحمد لله وكان مستواي كويس جدا في الدراسه وكنت بطلع دائما الأولى لحد أولى ثانوي قبل ما أمسك الفون
إحنا في بيتنا متداخلين مع قرايبي جدا فسبب التداخل ده أنا اتعلقت بشخص قريبي أكبر مني بسنتين وكنا بنتكلم واتساب بس مش كتير وهو مش عارف مشاعري تجاهه ولا أنا برضو أعرف مشاعره تجاهي بس أنا اتعلقت بيه جدا حتى الشات اللي بينا كله كلام عادي خالص بيكلمني يطمن على دراستي مثلا ودروسي وكده
دلوقتي أنا خلصت تالته ثانوي والتعلق ده بيزيد مع الوقت ومبقتش قادره إني مكلموش مع إننا مش بنتكلم في أي حاجه تغضب ربنا بنتكلم على سبيل القرابه مثلا ووالدتي عارفه إننا بنتواصل شات وكده وأنا الشخص ده راسمه حياتي اللي جايه كلها معاه ومش متخيله حياتي من غيره وبصراحه مش عارفه اللي أنا بعمله حلال ولا حرام بس حاولت كذا مره إني أقطع تواصل معاه بقطع فتره وبعدها برجع تاني
وحاسه إن ممكن ربنا يبعد عني خير بسبب الذنب ده وفي نفس الوقت أنا مش عارفه أوقف كلام معاه مع العلم إننا كنا مش بنتكلم غير قليل خالص والكلام زاد جدا بعد ما خلصت امتحانات
لعرض السؤال في فدني اضغط هنا
ازاى اتعامل مع شخص عزيز عليا جدا أساء لي جدا بكلمات صعبة على النفس لمجرد خلاف عادي حصل ما بيننا
لعرض السؤال في فدني اضغط هنا
انا الحمد لله حياتي ماشيه زي اي شخص بيحاول يمشي في الدنيا ، بس في حاجه وحده دايما بتتضايقني ودايما بتخليني انام معيطه يومها ، وهي امي . انا كأكبر وحده في اخواتي كنت اول تجربه ليهم في التربيه وكل الحوارات دي ، كانت علاقتي مع ماما وبابا مقدرش اقول عليها عاديه يمكن اقل من عاديه ، بعدها بدأت تتحسن علاقتي مع بابا شويه شويه ، لحد سنة 2024 بابا عمل حادثه من بعدها وبابا اقرب انسان ليا ولروحي مكانتش علاقة اب وبنته لا كانت علاقة اتنين صحاب اتنين اخوات كنت بقوله على كل حاجه وبيسمعني وكان بيحكيلي على الي مضايقه وبسمعه ، وهنا كانت بداية المشكله مع ماما بدأت تغير وتتضايق طب هل انا استشفيت كده ؟ لا ، انا دفعة 2025 وساكنين في الخليج ورجعنا مصر علشان اسجل للجامعه ف خالتو جت عندنا البيت وقعدوا يتكلموا هي وماما شويه ودخلت عليهم راحت خالتو قالتلي
" امك بتغير على باباكي منك " انا سكت من كتر ما الجمله غبيه وتفكير غبي ، عارفين المشكله فين ؟ المشكله انه بابا مش مقصر مع ماما فحاجه حبه ليها ميتقارنش لحبه ليا هي مراته وحب سنين والي عاشت معاه ع الحلوه قبل المره وانا بنته الحبيبه غير المشبوهه !! ، ساعتها هم سافروا وانا فضلت فمصر علشان الدراسه ، طبعا لما بعدت عن البيت بابا كان بيكلمني وماما واخواتي واني وحشتهم وكان لما بوحشه بيعيط ، عدت سنه اولى ليا وسافرت اقضي الصيف ده معاهم ومن هنا كل حاجه بانت ومن هنا بدأت مشكلتي ، اول موقف حصل قالتله دي ( عليا انا ) قاعده 3 شهور وماشيه وانا الي بقيالك ، انا سكت برضو لنفس غباء الجمله وحاولت اقلب الموضوع بهزار ، الموضوع كمّل وبقيت متعاملني وحش والغيره بتكون واضحه لدرجة انها بقت بتخنقني في عيشتي ك انتقام ، لازم تعرفوا حاجه ، ماما من ساعة ما اتولدت وانا بسمع منها كلمة " يخربيت خلفة البنات " ، " ايه الخلفه السودا دي " وهكذا دايما على مسامعي انا واختي الي اصغر مني ب6 سنين مع العلم عندنا اخوات ولاد.
فضلت المشاكل بيني وبينها وكان دايما بابا بيقف في صفها لحد مره جيت وقولت لبابا انها بتفرق بينا وانها دايما بتبين عدم حبها ليا و و و وبابا كان بيسمعني وساكت لاني قولتله انت مش بتشوف حاجه من الي بتحصل ( بابا شغله يهلك الواحد من صباح ربنا لحد بالليل ممكن في اليوم نشوفه من ساعه لساعاين وينام والمشاكل بتحصل وهو مش موجود) وطبعا ذكرتله مواقف كتير من الي كانت بتحصل وهو مش موجود ( مش حابه احكيها بس كلها بتتمحور حول التفرقه والتعنيف والكلام الي بيجرح من وانا طفله لحد دلوقتي ، محفورين في ذاكرتي لحد الان ) ، وبالرغم من كلامي وعياطي وانا بواجه بابا بس عمري موضحتله حوار الغيره ده مش عارفه بجد اجيبها ازاي ! .
طبعا المشاكل بعدها بدات تكتر بس ماما كانت بتمثل وتكذب كتير ربنا يسامحها ويهديها ، اول ما انا وهي نتخانق او نشد في الكلام ويكون بابا موجود تروح معيطه او داعيه على نفسها بالموت ، طبعا بابا بينسى كل النقاش وهوبا خلاص انا البنت العاقه الي هتدخل النار حدف . انا مش بلوم بابا ابدا لانه طبيعي …. الست دي بالنسبالنه احنا " ام " اما بالنسباله هو " زوجه " بالعربي مهما اتكلمت وشرحت عمره ما هيفهم ولا هيصدق لانه مش عايز يصدق .
اخر مشكله حصلت بينا كانت امبارح شتمتني واهانتني وبابا برضو كالعاده رمى اللوم عليا واني مش محترمه وقليلة ادب وعاقه ، وزعل مني وخاصمني ومش بيتكلم معايا ، وهي بتكيد فيا ومبسوطه ان بابا خاصمني وانا ساكته وبعيط ومحتسبه الاجر🤷🏻♀️ .
ماما عاشت في بيئه قاسيه بين معيشه صعبه واب بيفرق بينها وبين اختها الصغيره وده الي عملها نقص وغيره ، وبين امها الي كانت بتفرق بينها وبين اخوها ، ومن هنا نعرف ان فاقد الشيء لا يعطيه ، لكن اتمنى ان انا اكون العكس.
انا دلوقتي عندي 18 سنه وكذا مره حاولت اصلح علاقتنا بس هي مش بتساعد وللاسف انا في جزء مني بقى بيكرهها او يمكن كُلّي ، المشاعر مش بإدينا ووجابي دلوقتي اني ابرها .
حابه اقولها شكرا انك خليتيني خايفه اكبر واجيب بنت واعمل فيها زي ما عملتي فيا
لو حد وصل لحد هنا يدعيلي ان ربنا يهديها
لعرض السؤال في فدني اضغط هنا
انا كنت حاكية الموضوع قبل كدا ان امى عندها مشكلة معي بلا سبب اللى مقلتهوش هو كمية العذاب النفسى اللى عيشته و ماحكيتش موضوع الاذى دا من إمتى بعيد عن سنين اللى كبرت فيها مهمشة مش على اساس انى بنتها الكبيرة خالص
الخمس سنين اللى فاتو او اكتر انا من كتر اللى انا فيه مبقتش أعد اتعودت خلاص المشاكل زادت الإهانة زادت الضرب زاد بس كنت بقول حتعدى فيوم حمشى فيوم حكون كويسة لكن دلوقتى دا مبقاش خيار
انا ف خمس سنين دول ماشوفتش الشارع بعد ما كنت بقول اهرب بقيت أخاف من الشارع بخاف انزل بقيت بخاف من الناس و مش عارفة اشتكى لمين طب او قلت حد حيصدق طب أروح لمين فضلت مستنية الوقت يعدى قاعدة مستنية يا يمشونى ي يقتلوني و انى أشكى لأبويا مش خيار لانه زيها
عمامي وحشين عماتي العن خالتى سيئه بمعنى الكلمة جدتى ام امى الله يرحمها بدأت اشك هى لو كانت عايشة كانت حتسندنى انا فكرت كتير انتحر و كنت خلاص و ايه اللى بيمنعنى ف الاخر ماعرفش
بطلت انام حرفيا انا مانمتش غير كام مره خلال الخمس سنين اللى فاتو ماغفلتش حتى ماسرحتش حتى قاعدة بفكر و بس لقيت نفسى فجأة بتصور و تليفونى متهكر و صورى بتنزل على نت مش عارفة فين أصلا
و كل دا اكتشفته بعد ما كانت بتقرأ عليا و بدأت اسمعهم بيكلمونى طبعا جارتها صاحبتها هى اللى كلمتنى طبعا بيت قديم الدور اللى فوق على طول مافيش منفذ شبكها فوق شباكى على طول لازقين فكانت هى بتتكلم عادى و انا سامعة المشكلة اللى مش فاهمة دا ازاى من غير ما اتكلم هى سمعانى طب إزاى بالسحر
و فضلت تتكلم و تهدد و احنا عملنا و سوينا و صورك على النت و حنقتلك و بتتكلم مش بتسكت مش بتنام هى لو راحت تنام تخلى مرات اخوها تكلمنى و اجوازتهم يشتموني و حنعمل و نسوى و أقذر الكلام و تحرش و كل دا ايه و انا قاعدة فى البيت
و طبعا الكلام لم يخلو من اد ايه انا عاقة و انا سبب و حتشوفى حرفيا الكلام غسيل دماغ مضمونة انا وحشة انا غلطانة انا صورت نفسى انا نزلت صورى طول الوقت مش مصدقينك مع انى مادافعتش عن نفسى
و طبعا انا حبة دماغى دارت و حبة بنتحر و حبة افوق و أحاول امشى مش عارفة محاوطين عليا لو خرجت معاهم و نرجع البيت على طول طبعا بعد كل دا هما مش عايزين اموت جوا البيت و الخطط مش بتخلص و الموضوع عمال يطول
ابويا كل شوية كمان يهدد خلاص بقا ضمن الخطة هو عارف الموضوع ماشى ازاى انا دلوقتى اعمل ايه يعنى خلاص بجاهد نفسى بالعافية دماغى بقت تتوه كتير حرفيا جمعت الكام كلمة بالعافية يعنى انا بكتب دلوقت بكرة حموت ازاى حموت منتحرة ولا حموت ف شوارع مش لاقية حل يعنى
لعرض السؤال في فدني اضغط هنا
بقالي سنين لوحدي ومن وانا طفل كنت لوحدي لما كان بيحصلي مشكله او لما كانت الناس بتتنمر عليا وانا طفل كنت بغطي وشي وأعيط من غير صوت يوميا عشان محدش يعرف ومكنتش بحكي لحد لان مكنش حد من اهلى بيسمعني
كبرت واتعرفت على تلاته صحاب في حياتي على مدار حياتي كلها هما الي كانو معايا بس محدش فيهم كمل كل واحد فيهم كان عباره عن فتره في حياتي وخلصت وكانو احلى فترات حياتي
طول عمري انسان اجتماعي وبحب الناس واللمه والصحاب بس اتحرمت من الصحاب بقالي سنين لوحدي لما بزعل بشكي لربنا واما بفرح بفرح لنفسي معنديش حد احكيله يومي معنديش حد اقابله كل يوم ننزل نقعد على قهوه واحكيله يومي
معنديش حد يشجعني معنديش حد يبين لي اني غالي عنده وانه بيحبني من كتر منا اتاذيت فصغري ومكنش حد بيسمعنى وكانو بيتنمرو عليا بقى عندي تعلق مرضى باي حد يديني اهتمام او يسمعني ويحسسني اني مهم وان وقته ليا
انا نفسي حد يسألني مالك او يشيل عني الحمل بدل ما أنا شايله لوحدي نفسي حد يفرح لفرحي وهو الي يكلمني يقولي انه عايز يشوفني نفسي في اهتمام بسبب ان موضوع الصحاب مهما اتعرفت على ناس مبيبقوش صحاب بجد فكرت اني اتعرف على بنت ونبقا صحاب لان من علاقاتي القديمه مع البنات لما بتعرف على بنت بتديني يومها كله
المشكله اني بتعلق وفي ناس انا لسه متعلق بيهم لحد انهارده مش قادر انساهم وخايف ده يتكرر وبسبب الهم والضغط الي بشيله لوحدي اتجهت للتدخين وانا عمري ٢٠ سنه انا مش عارف اعمل اي انا اتعودت على الوحده بس تعبت نفسي مبقاش لوحدي مره نفسي حد يشيل عني ويديني اهتمام آسف لو طولت
لعرض السؤال في فدني اضغط هنا
السلام عليكم يا كرام
أسأل الله لى ولكم العافيه عندى مشكلة من سنين انا بسعي دائما اكون شخص كويس ومتاثرش واصلح عيوبى ولكن انا كبيرة اخواتى ودائماً لي نصيب من الضغط والدخول فى مشاكل وتحمل مسؤوليات انا لا أصلح لها ومع ذلك لم اتكلم وتعلمت ومفيش حاجه اسمها معرفش اتعلم واعمل مفيش مشكله فى كل دا اديهم عيونى بس وصلت لمرحله اني مش قادرة سنين كتير كفيله أنها تبيني كبيرة وتعبانه عندى 24 بس سني كأنه 40 بكل مشاكلي /الى هيا مش مشاكلى/
اى مشكلتي دلوقتى الاهانة المبالغ فيها فى كل وقت ومكان انا دكتورة مجتهده طول حياتى مش بحمل حد اى حاجه تخصنى هادئة حياتى يعتبر محدش يعرف عنها غيري انا وبس لا عندى أصحاب ولا حتى حد احكى معاه كتومه من يومى واشهد الله أن أهلي ربونى احسن التربيه بس الاهانه بقت فوق المحتمل دائماً تقليل ويوصل لضرب من والدى رايي لو مقلتوش اتهزا لو قلته اتهزا بيدخلنى فى كل صغيرة وكبيرة مشاكل اخواتى كلهم هى مشاكلى عشان انا إلى معرفتش أحلها أو ازاى مشكله تحصل وانا موجوده والله اني انا بتعاقب على كل خطأ يخص اى حد والشخص نفسه لا يمسه شيء + أن واخده دور أن اخواتى مش هيشوفوا إلى انا شفته ودا مرهقنى بقيت كأني بتعب مرتين فى كل حاجه ..
انا وصلت لمرحلة انى بالايام مش بنام تعب جسدى ونفسى مش هقول اكتئاب لأن دا من زمن طويل جدا أكاد اكون اعتدت على ذلك معنديش غير ربنا يسمعنى بس انا تعبت اتكلمت مع والدى وغصب عنى بكيت قالى أن مليش فائدة ودائما ينعتنى بالغبيه رغم أن الحمد لله انا مش كدا خالص بشهاده أهلي والناس إلى دائما بيلجئولى فى حل مشاكلهم ودائماً اى حاجه اعملها يقعد يقلل منى بشكل رغم أن يشوفه احسن حد فى العالم ...
انا بدى لاخواتى دروسهم وبديهم قرآن وتجويد والحمد لله على قدر من النفع للى حواليا وفى خدمته دائما دونا عن اخواتى إلى كل حد شايف حياته وانا مش هاين عليا انتبه لشغلى واسيبه وامى ارهقتنى من السلبيه كل حاجه عادى كل دا مقابل الاهانه والضرب إلى كل مرة كأنها اول مرة
ارجو الافادة عايزة حل لأن دماغى معدتش مستوعبه مبقتش مدركة الحياه نهائى
لعرض السؤال في فدني اضغط هنا
مساء الخير
عندي مشكله بعاني منها من حوالي ٣ سنين وهي أهلي
أهلي دايما بينهم مشاكل مع بعض او معايا لسبب او بدون وحياتي دايما كئيبه ومفهاش جو اسري خالص بس طبعا قدام الناس هم بيبينو قد اي بيحبوني عشان المجتمع
انا الاخ الكبير والحفيد الاكبر للعيله فانا محطوط طول الوقت في مقارنه مع كل افراد العيله رغم ان اكبر حد فيهم اصلا اصغر مني بفرق ٣ سنين ف الدراسه ولكن بتقارن بردو بيهم
وانا الي المفروض ابقى اللي بيستحملهم وبياخد بالو منهم دايما لان بكل بساطه انا الكبير
روحت مستشفى قبل كدا وكشفت نفسيه من سنه وكتبتلي على مضاد اكتئاب وكنت باخدو من وراهم لحد م عرفو ومنعوه مني وطبعا قضيت اصعب فتره انسحاب للدوا دا لانها كانت امتحانات ٣ اعدادي وضغط منهم ومعايره بأصغر الاشياء حتى الاكل والشرب ودايما كدا
وحاليا انا خايف من اللي جاي لان عندي سنتين شهاده والتزام وعندي أحلام عاوز أحققها ومش قادر وانا ف التشتت ده كلو لان كل م احاول اعمل حاجه تتهاجم وتتمنع ويتقالي انت تجيب مجموع وتدخل طب او هندسه عشان تشرف العيله وتشرفنا
وكرهت كل حاجه حتى هندسه الميكانيكا الي كنت عاوز ادخلها كارهها وماشي ف طريقها بهدف بس اني اكمل تعليمي برا مصر عشان مبقاش معاهم وميكونش في كميه الظلم الي بتعرض له ده وامبارح كان عندي مشكله ف اعصابي وروحت كشفت
والدكتور كتبلي على ادويه مضادات اكتئاب ورفضو يخلوني اخدها ولكن دي ممكن اخدها من وراهم زي ما عملت قبل كدا ولكن انا مش عارف اعمل اي مع الوضع ده لان مش بعرف اركز ولا اتعامل مع حياتي العمليه بشكل طبيعي زي اي حد ومعنديش حاليا مصدر دخل يخليني اعيش لوحدي ولو لفتره مؤقته
لعرض السؤال في فدني اضغط هنا
أنا من وانا عندي سنتين والدي انفصل عن والدتي كنا كلنا في شقة واحدة والأمور تمام بس محدش يعرف انهم منفصلين لحد ما أمي اشترت شقتين في منطقة تانية كان اخواتي الاتنين شغالين في مصنع قريبها وابويا في الشغل وانا مع امي وهي اتجوزت عرفي قريبها وانا كنت 3 ابتدائي مفهمش اي حاجة بس الحق يقال ماديا مكانتش بتقصر معايا في حاجة يعني كان أكلي شربي عندي وعندي بلايستيشن بلعب بيه.
امي وجوزها كانو على طول مخدرات و هي بتصرف عليه من معاها تشتغل وتاخد معاش عشان تصرف وفضل الوضع مستمر لحد مهو عرف اخواتي واحد كبر دماغه والتاني بيشرب حشيش وخمور كنت عيل صغير زي مقولت في ابتدائي وقتها لما عرفهم كبرت شوية كنت في 4 ولا 5 واخويا ده كان بيشرب معاهم وانا كنت صغير جدا الوضع مش عاجبني فكنت بسهر في البلايستيشن لوحدي أو مع أي حد اطلع الاقي امي وجوزها واخويا كل واحد على الأرض وفي مكان شكل من كتر الحشيش والخمور.
بعد كده امي كانت بتخليني ارصلها الفحم هي بطلت حشيش وخمور بس بتشيش وتخليني انزل أجيب معسل وفحم وولع وكل ده وانا في ابتدائي لحد تانية ثانوي كمان كانت بتشرب المهم قدام عيني
فضلت مع جوزها ده لحد ما مرة ضربو بعض ضرب جامد وهو مجاش تاني بعد كده اتجوزت راجل تاني كان ضخم وكنت بخاف منه الفترة دي كنت لسة اولى اعدادي واستمرت لحد تالتة.
مكنتش بروح خالص في ابتدائي والإعدادي مدرسة حكومة العيال كانو بلطجية اول يوم ليا واحد شتمني جيت اتخانق مع قطعلي هدومي ومسح بيا الأرض بتاعت الفصل كلها وروحت بهدوم مقطعة
وكنت قاعد اعيط قولت لامي قالتلي بص عندك في اوضتك بلايستيشن وكمبيوتر وشاشة وفلوس اعمل اللي تعمله حاجة تاني مليش دعوة، كنت اخلص مدرسة اغلب الوقت بتضرب مش بعرف اعمل حاجة اكون ماشي على السلم واحد يديني قفا أو قلم أو يزقني على الأرض هدومي تتبهدل ويضحكو عليا
مرة كنت واقف على الباب بتاع الفصل المدرس قالي بما انك وقفت هتتمد قعدت اعيط افتكرت هصعب عليه قالي عيطي يا سوسن زي النسوان وكل الفصل ضحك عليا وقعدت اعيط ومدني قولت لامي قالتلي نفس الأمر كنت اتصل بابويا يقولي مليش دعوه وجوز أمي يقولي مليش دعوه كلهم يقولو عندك فلوسك.
كنت كل يوم في إعدادي المدرسة اتضرب لدرجة أن العيال هناك مسكوني مرة قطعولي هدومي ومسحو بيا بلاط الفصل كله وانا كنت بصرخ واعيط وكانو يضربو فيا ويحطوني ورا الباب ويرمو عليا زبالة ويشتموني والمدرسين يمدوني على رجلي والبيت ارجع اسمع كلام سم اهلي مكانوش بيمدو أيديهم عليا بس كان كلام سم...
بعد كده جوز امي زي مقولت كان ضخم ضربها مخلاش فيها جزء سليم قدامي وشتايم وانا كنت تانية إعدادي وجسمي ضعيف جدا جدا دلوقتي ما بالكو لما كنت أصغر طلع اخويا ضربو وراحوا القسم كلهم لأن التلاتة ضربو بعض والتلاتة مفيش جزء فيهم سليم وانا مش فاهم حاجة الشرطة وقتها صعبت عليه اداني فلوس وقالي حبيبي روح ملكش دعوه بالكلام ده
بعدها امي راحت الشغل بيات واخويا للاسف بيبيع مخدرات كان يرجع الفجر ولا سلام ولا كلام اخويا التاني في الجيش ابويا بعيد فكنت عايش لوحدي زي ما ذكرت برضو ابويا منفصل عن امي من وانا سنتين ولما بقيت في تالتة ابتدائي خدنا شقة بعيد عنه فكانت هي متجوزة مرتين في وقت مختلف وكنت يبقى في اوضة لوحدي يعني حتى وهما معايا انا عايش لوحدي
اخويا بيبيع مخدرات ويسرق اكتر من مرة سرقني، سرق اخويا التاني، سرق امي وابويا وسرق ناس لدرجة أن مرة ناس طلعولي شتموني وكانو جايبين كلاب عشان يخوفوني وامي اتصلت بيها حلت معاهم لأنها في الشغل.
اخويا ده برضو وهو 17 سنة اتجوز عرفي وخلف وسقط وساب شغلانات كتير بسبب أنه بيسرقهم وكل ده كنت بشوفه بعيني وكل المشاكل اللي قولتها يشوفها بعيني وسرقني كذا مرة
اسف لو بكرر الكلام بس دي طريقتي
المدرسة زي مقولت كنت بتضرب كتير جدا من المدرسين والعيال والبيت يقولولي ملناش دعوه لكن هما نفسهم بيصرفو عليا عادي وتقريبا محدش منهم مد ايدو عليا الا مرة أو اتنين وانا صغير.
قولت لنفسي بعد كل ده اروح لابويا أبويا كان يقولي حبيبي تعالى نخرج وانا لاني متعاملتش معاه كتير قولت شكله راجل كويس كان ياخدني مكان صرف في الاكل مثلا جنيه او عشرة أو الف يفضل يذلني بيهم ويقولي انا بجيب انت بتكلفني حرام عليك ليه ادفع مبالغ زي دي وكان يتصل بكل عماتي وعمامي وينزل لصحابه في القهوة يقولهم اكلتو بكذا لحد ما بطلت أخرج معاه وقولتلو بعد كده أخرج لوحدك وملكش دعوة بيا
جه في مرة كنت قاعد على القهوة معاه حصل خناقة وكلو بيحدف على بعض حاجات راح سابني وجري قولت لامي قالتلي ده زلزال 92 سابني وجري مش عايزو يعمل كده معاك؟؟؟
ودائما أسأل امي هو بابا كان كويس تقعد تشتم فيه أسأل أبويا هي امي كانت كويسة يقعد يشتم فيها ،
جيت خلصت ثانوية عامة قولت اكيد اهلي هيفرحو بيا امي عشان زي مقولت كويسة في الأمور المادية قالتلي انا عايزة ادخلك خاص عشان متبعدش بس مش معايا فلوس حاجة تاني هحاول اساعدك اتصلت هي بابويا قالتلو الواد لو سافر هتكون محافظة 6 ساعات اتصرف في فلوس عشان ميزعلش قالها ياكش يم*ت سمعت الكلام ده قعدت اعيط في المسجد جامد جدا وروحت كلية محافظة 6 ساعات وامي كانت بتديني حق فندق اقعد فيه لوحدي أوضة كويسة تكييف وتلاجة عشان مايكونش معايا حد
بس برضو هي طول الوقت في البيت خناقات انا بسجل حلقات راديو بدون ذكر لوظيفتي اقولها اسمعي تقولي مليش دعوه انزل كورس تقولي لازم تجبلي من هناك لحمة ومخبوزات وتديني فلوس اجيب اقولها مش لازم المنطقة بعيد ومش بفهم في الحاجات دي تشتم باسوء الألفاظ.
اي منطقة اروحها عايزة طلبات حتى لما كنت بسافر محافظة ال6 ساعات تقولي هات من هناك طلبات وطلبات كتير جدا جدا جدا
مثلا قريب عملت معايا مشكلة، انا شغلي اونلاين الساعة 9 الصبح صحيت 9 الا 5 بفتح الفون واللاب واقول بسم الله مقالتليش صباح الخير قالتلي رن على الجزار اطلب 5 ك لحمة و2 ك ممبار ورصت طلبات قولتلها ليه كل ده احنا لوحدنا انتي بتعملي لكل كتير جدا بيترمي قعدت تشتم راحت اتصلت هي ب 3 جزارين صحتهم من النوم قفلت وقعدت تشتم قولتلها مين فايقلك على الصبح قالتلي على ايامي كانو يفتحو من الفجر.
انا بقيت اتخنق فبقيت اخلص شغل وباقي اليوم على القهوة لوحدي أو معايا حد مش بتفرق بس اغلب الوقت لوحدي وبقول أقعد عشان اخلص من الطلبات قالتلي مرة وانت جاي هات طماطم وتين شوكي وهاتلي اكل قولتلها هجبلي اندومي قالتلي لو جبت اندومي متجبليش اكل قولتلها تمام بس ممكن ملاقيش تين شوكي لاني هرجع متأخر قالتلي هتلاقي
طلعت بالطماطم بس قالتلي لية مجبتليش اكل قولتلها انا قولتلك هجيب اندومي قولتي مش عايزة وقولتلك مش هلاقي تين قعدت تقولي حسبي الله ونعم الوكيل الله يلعنك مش مسامحك لا دنيا ولا أخرة كل ده عشان تين!!!!!!!
برضو عشان الحوارات دي كنت بقعد في اوضة بعيد عنها يعني هي مشغلة التكييف برا انا بقعد جوا في المروحة تقولي أقعد معايا برفض تروح قايلالي التكييف مش شغال كويس اقولها عايز يتنضف تقولي لا انت مبوظه عشان عايز تتعبني وانا عندي الضغط ربنا ياخدك ويريحني منك او ياخدني انا.
بقيت بستنى الوقت اللي هي تروح فيه شغلها لأنها زي مقولت ممكن نقعد معايا 3 شهور وباقي السنة بيات تبعت مصروف واكل بكون مرتاح جدا.
كانت زمان تعوز تخرج معايا وتصمم تشرب شيشة على الكافية ارفض عشان كده تقعد تدعي عليا،
مرة تانية عملت رز وبسلة وفراخ ولحمة قالتلي اطلب فرخة ليا وليك ولاخوك ورز وكلوسلو وظبط وجبة قولتلها اية اللي انتي بتقولي ده انا باكل ورك بالعافية وبعدين في اكل كتير انتي عاملاه راحت كسرت التليفون الارضي وقعدت تزعق جامد جدا.
وبرضو زي مقولت شوفتها ساعة جوزها والقسم وهما ضاربين بعض برضو صحاب اخويا طلعو شتموها وهي ضربتهم قدامي وده برضو كان مضايقني كل المواقف دي.
نرجع نتكلم تاني بعد حوار جوزها كنت وقتها مليش صحاب كتير كان واحد قريب جدا مني حكيتلو كل اللي حصل وقتها كنت خام، كان بيبعتلي افلام اب**ية وعلمني العادة السرية بقيت مدمن عليها جدا جدا لحد دلوقتي وحاليا انا وهو خسرنا بعض.
ولحد دلوقتي بيتضحك كتير عليا يعني على سبيل المثال بنت وولد في وقت مختلف طلبو مني مساعدات كتير جدا جدا جدا جدا بعد مخدو مصلحتهم مسحو رقمي وعملولي أن فريند.
مرة تانية كنت بحب بنت قولتلها قالتلي لا كنت بحاول ابعد عشان متعلقش بيها كانت بتكلمي يوميا اتعلقت بيها قالتلي انا مش عايزة نبقى صحاب تاني.
مرة تانية كنت بحب بنت في إعدادي واد قالي عايز تكلمها؟ اشكر فيا قدامها عملت كده من كام يوم واحنا اهو 21 سنة الاتنين اتخطبو وهو ضحك عليا.
مرة تانية واحد شافني في الشارع قالي هات 100ج وكيس الملوخية اللي معاك هرجعها 200 والكيس كيسين وافقت قالي استنى 5 دقائق وقفت على رجلي ساعة إلا ربع مجاش.
أنا آسف لو كلامي مش مترتب بس وانا قاعد اكتب بفتكر حصل اية بس المواقف دي الأخيرة بيضحكو عليا ومرة مدرس ضحك عليا العيال في الدرس قالي هاتلي شريط كهربا ناشفة وضحك عليا وانا وافقت كنت فاكر أن ده حقيقي وبعدها زعقتلو وسيبتو.
أنا اقسم بالله كده حكيت اللي فاكرو بس ده في كتير انا مش فاكرو.
بس كله بقى بيضحك عليا وحاليا له تأثير كبير عليا عصبي جدا كل صحابي بيقعدوني معاهم عشان يضحكو عليا وبس بقيت مادة للسخرية لما بتكلم صوتي بيكون عالي جدا جدا بكرر الكلام كتير، في الشقة بقعد الف بالموبايل أو الف من غير حاجة واتنطط كتير مش عارف ادير حياتي لدرجة أن ليا واحد صاحبي كنت اي قرار بقوله تعالى خدو مكاني حد يقولي عايزك في شغل أو اي حاجة اقول لصاحبي ارد اقول اية.
صاحبي ده قالي انا هقولك حاجة متزعلش مني لاني مش هدلس ولا اكون كداب معاك 98٪ من الناس محدش بيحبك انا مقدر اللي انت عيشته بس انت بقيت مادة للسخرية نصيحة مني ومتزعلش شوفلك دكتور نفسي انا اقدر أفيدك 20٪ لكن هو هيفيدك اكتر لأن كل تصرفاتك عبيطة وكل تصرفاتك غلط وكلك غلط والكل بيستغلك ولو فضلت كده هتتبهدل في الجيش وهتتبهدل مع مراتك.
أنا عارف ان الكلام مش مرتب بس اسف والله جدا انا حبيت افضفض
برضو كان ليا واحد صاحبي اقسم بالله كان اكتر من أخ وكان بينا رغي بطريقة مش طبيعية يعني هو قبل الشغل يتصل من اول ميطلع من باب البيت لحد ميوصل وفي الشغل يتصل وبعدها يتصل وانا في شغلي برضو نفس القصة ولو راح يجيب حاجة وهو في الطريق يتصل ده غير الشات طول اليوم.
بداية معرفتي بيه كانت خناقة وقال عليا اسوء كلام في الشغل قدام كل الناس في الجروب بسبب انه عايزني اغير من طريقة شغلي وانا مش مقتنع بوجهة نظرو عمل كده بعدها كان بيحاول يقرب وانا اصد وهو يقرب لحد متصاحبنا.
وقت الامتحانات عندي كان ناقص مادة اشيلها واعيد السنة كنت مرعوب اقسم بالله كان عارف مواعيد الامتحان وكان يتصل بيا قبل منزل من البيت ومرة في القطر ومرة قبل وبعد اللجنة فبقى في قرب بينا مش طبيعي والكلام مكانش بيخلص الا لما حد ينام ولو حد زعلني أو زعلو كنا بناخد موقف معاه وممكن نقاطعه والله كان بيتصل بيا يقولي يعني اية انت متسألش انا شيفت امتى بكره او لية مكلمتنيش غير مرتين بس النهارده لدرجة اني قاعد بقلب في الشات مستغرب من كلامي معاه دلوقتي ازاي وكان زمان ازاي وكان بيساعدني اوي في شغلي.
اتغير 180 درجة نهائي ومن غير اي سبب جه في يوم قالي تعالى جيم بيس لعبت معاه عادي على الموبايل لاقيتو قاعد متعصب قولتلو مالك قالي مرهق فضل بعدها يرد على قد الكلمة وقالي اشغل نفسك بحاجة غيري وقطع معايا 3 ايام بعد مكنا 24 ساعة
فضل بعدها فترة يرجع زي زمان من رغي ومرة يكلمني وحش لدرجة أنه اتصل الفجر قالي اقسم بالله العظيم بكرهك وعمري محبيتك قولتلوا يبني انت ازاي متغير كده قالي عشان مش عايز اكلمك قولتلو انت حر بعدها اتكلم وقالي متيجي نخرج قولتلو ماشي يخويا جابلي حواوشي وانا جبتلو حلويات وقعدنا على القهوة قولتلو عرفني انت بقيت متغير كده لية ده احنا كنا اقرب اتنين لبعض واللي بينا مكانش قليل انت عملت معايا اللي معملوش اخويا ودلوقتي انت حد تاني راح قالي انت ازاي تدفع انت فلوس الحلويات قولتلو انت قايلي أن عندك التزامات ومع ذلك جايبني نخرج فطبيعي مخليكش تدفع حاجة انت وراك انا الحمد لله معايا فلوس بابا وماما بيدوني مصروف غير اني شغال في مكانين واصلا عايش لوحدي بيفيض مني كل شهر ومش عايز اكلفك راح قالي يالا تكلف أية انت موبايلك وحش وانا معايا ايفون ا وقعد يقولي على أسرار ليا انا زعلت وقلبت وشي قالي عايز تعيط عادي معنديش مشكلة وفتحت شنطة بلبن قالي في اية ياض انت محروم للدرجادي قولتلو متكلمني عدل بقى قالي هو ده اللي عندي انت عيل متوحد اصلا قولتلو هو انت زعلان وكل ده عشان أنا اللي دفعت قالي اه هو كده
;
بعدها كان المفروض اروح 11 ونص عشان المترو لاقيتو 10 ونص بيقولي يلا نقوم انا مش قادر وفي وسط الطريق قالي مش عايز اعرفك تاني ولا تكلمني قولتلو انا يكررها عيب يا ابني كده والله قالي انا حر فركبت المترو وانا مش مصدق ازاي الشخص اللي كنا اقرب اتنين ورغي 24 ساعة بقينا كده وعشان مكونش غلطان بعتلو رسالة قولتلو اسف حط قلب وسكت وبعدها قطع شهر
بعد القطع شهر كلمته اعرف منه الاسباب كلمني وحش جدا جدا عملتله بلوك راح اتصل كتير جدا وقالي فكه ده انت انسان مريض رفضت وفكيته من نفسي بعد اسبوعين وقعد يعتذر وسكت وبعد اسبوع قالي أنه ساب الشغل وعيط فيه واتخصمله وكلمتو على القد وقولت لمديري في الشغل ده أشطر مني هاتوا وقالي هحاول
وبعدها قالي أنه نازل مكان تاني ولو المكان اللي أنا اتكلمت فيه هيجيبو هيشتغل الاتنين مع بعض، لاقيته بعدها كان بيطلب مساعدة في شغل اني امسكله سيستم وكده وكنت بوافق عادي وهو كان بيكون عنده امتحان أو حاجة وطلبت منه رقم شخص هو كلمه عشان اطلب منه حاجة في حدود الشغل راح قالي "يلا ياض من هنا بطل صياح ومش هديك حاجة" وقطع معايا اسبوعين كاملين وبعدها طلب مني مساعدة في الشغل كلمتو بنفس الأسلوب راح شتمني وقفل في وشي.
في الفترتين اللي قطع معايا فيهم، اخويا خطب وهو اختفى وكان قاطع معايا، وقعت في قلب الشقة وأغمى عليا لأني عايش لوحدي وقومت من نفسي وهو معرفش اي حاجة غير بعدها دكتورة مادة معينة زعقتلي في الفون وبسببها قعدت اعيط وسافرت يومين ورا بعض مكلتش لقمة فيهم ودخلت البيت عيطت وخدت إجازة من شغلي ومعرفش لانه كان قاطع معايا، جالي ارتكاريا وعرف بعدها بفترة لما رجع واتصل تاني بعد امتحان وقالي صوتك متغير قولتلو تعبان عندي ارتكاريا ولاقيتو قالي انت جربان قاعد بتهرش واتصل بيا مردتش قالي عشان خاطري رد انا نفسي اوي اشوفك وانت بتهرش وبتتوجع وشديت معاه قالي بهزر ده انت نكدي ومقرف وبقى بعدها يسأل عادي على تعبان عندي اية.
جيت في شهر رمضان قولت لنفسي يا واد خليك كويس واعمل بأصلك قولتلو انا بحكي لامي كتير عنك انك اخويا وحبيبي تعالا البيت اعرفك عليهم هي واخويا وتفطر قالي اشمعنا البيت هو انت شايفني جعان؟؟ وانا مش هخش بيوت ده انت بعيد عني ساعة ونص قولتلو انا جيت لك مرتين عشان متزعلش عاملني بالمثل قالي مفيش مثل ومش جاي في حتة وبطل صداع لاني مش بدخل بيوت انت لو ساكن جنبي هخش بيتك غير كده لا ولاقيتو جاي يكلمني يقولي كنت سهران مع صحابي في الوقفة وقعدو يشربوا حشيش وخمور وانا فيب بس رغم انه كان ممكن يجي يقعد عندي وياكل وبعيد عن القرف ده برضو وهو كان فاضي وانا فاضي.
مرة قولتلو تعالا المنطقة تحب تاكل اية قالي وانت شايفني جعان؟؟؟ وكررها وراح خرج هو ومرة قالي مش معايا فلوس قولتلو عايز كام قالي هو انت شايفني شحات؟؟؟
ومرة تانية قالي تيجي نخرج قولتلو تمام قالي لا انا هروح عند بيت جدي وانت ملكش حد يسأل عليك وعايش لوحدك هههههه انت مش متخيل قد اية انا مبسوط انك قاعد لوحدك وملكش أهل ولا حد شديت معاه قالي بهزر معاك ولا انت هتقف على الواحدة؟؟؟
ومرة زعلت جدآ لان امي كانت في الشغل وعزمتني عزومة حلوة قالتلي هات صاحبك معاك وهو كان مقاطعني مكنتش عارف اقولها اية.
بعدها بقى كويس يعني وافق يجيلي جبتلو كريب وعصير وبيبسي وشيكولاتة وبعدها اتخانفت في الشغل اتصل قالي كلام حلو وفضل معايا على الفون للفجر وكنت مش واكل قالي كل يا حبيبي عشان خاطري وبعدها بيومين عزمني على شاورما وعصير وبيبسي بعدها باسبوع قعدنا مع ناس كنت برغي وسطهم لاقيتو قال اسمعو **** رديتلو الشتيمة واتس قالي انت ازاي تشتمني بامي قولتلو انت اللي بدأت قالي مقصدش قولتلوا خلاص مفيش حاجه حصل خير متزعلش وانا مش هزعل قالي لو كلمتني هفشخك وقطع معايا شهر وكلمتو قولتلو الحق اهلي قاطعو بعض قالي مليش دعوه!!!!!
رغم أن نفس الشخص كله بيقوله يا ابن ال*** قدامي ومش بيقول نص كلمة.
معرفش هو لية كده انا عاملتو معاملة عمري معاملتها لحد اقول يبني نفسي اعرفك على ماما واخويا وهخلي ماما تعمل بشاميل وبانيه وتتعرف عليها واخويا يعرفك يقولي انا مش جعان ومش هخش بيوت.
اتريق على مرضي.. اقولو هخلي ماما تعمل بشاميل وبانيه وتتعرف عليها واخويا موجود يقولي انا مش جعان يجي يقولي مش معايا فلوس اقولو اسلفك يقولي انا مش شحات.
وعلى فكرة هو هو نفس الشخص اللي قالي روح لدكتور لما عرفته كده وقالي محدش بيحبك ولما فكرت في كلامه لاقيت أن محدش بيحبني فعلا حتى ناس صحابي وصحابو في نفس الوقت بيخرجو من غيري ويجبوني عشان يضحكو عليا كله بيضحك عليا للاسف بيخرجوني وقت ميعوزو ويبعدو وقت ميعوزو معرفش انا لية بتعامل كده رغم أن يشهد ربنا أن عمري ما أذيت حد.
لعرض السؤال في فدني اضغط هنا
عارفه سؤالي مش مهم اوي زي أسئلة الناس الي هنا بس انا بجد في علاقه الطرف التاني كان سام اويي بس انا كنت بحبه وبشكل ما يعني بعدت عنه وعدا شهرين ومش عارفه انساه شايفاه بيمشي في حياته وأتخطى وأنا لسا واقفه في مكاني محدش يقولي انشغلي في حياتك واعملي لأن انا حياتي مفهاش الاثاره دي بجد
لعرض السؤال في فدني اضغط هنا
أنا اتقدم لي عريس أول مرة اقابله هو أول ما دخل لبسه مش وحش يعني بس مش مهتم اوي ضوافره مش نظيفه شراب مش نضيف قوي
بدأ كلامه انه شخص عادي وبيشتم وعايز زوجه تكون في البيت هاديه وتقوم على شؤون البيت ومش عارفه ايه وشويه كلام من كده وكمان كلامه كويس باين ان هو متدين شويه مش قوي يعني مش متزمت بس علاقته بوالده مش أحسن حاجه لان والده بيقولوا ان هو مش متزن عقليا بس كلامه عليه مش الطف حاجه
هو اتكلم بصراحه مطلقه في كل حاجه في علاقاته باهله باباه بس ليه حاجه يعني قلقتني شويه شكله بردك مقبول بس مش من اللي انا عايزاه اه وقال لما قلنا له ان شاء الله لو في نصيب ممكن نقعد قاعده ثانيه قبل ما ندي الاوكي ان احنا تمام يعني قال يا رب يبقى في ثانيه ثانيه وثالثه علشان انا واقف عند الصفر فانا مش عارفه اقرر اوافق ولا ما وافقش
انا سألته إيه اللي متوقعه من زوجتك في يوم عادي؟ قال تقوم بواجباتها في البيت وشغلها ما ياثرش على بيتها ومش عارفه
ومسؤولياتها قلت له يعني انت شايف المسؤوليات البيت كلها على الست بس طب انت فين من شغل البيت راح قال انا مش بعرف اعمل حاجه انا بسلق بيض قلت له ماشي ممكن نتعلم فيما بعد يعني ما بقاش تعبانه وانا ما بقدرش فتقول لا اعملي كذا وقلت له لو في تقصير في شغل البيت هتعمل ايه ولو ما فيش اكل في مره عادي قال هنطلع اي حاجه نعملها او اجيب كيس اندومي واعمله
وسألته بردك لو بتتعصب بتعصب ازاي بتغلط او كده هو بيقول طبيعي انا عمري ما هشتم اللي قدامي بالاب والام والكلام ده قلت له انت لما بتتعصب هتعمل ايه او لو انا استفزتك لاقصى درجه هتعمل ايه ممكن توصل الضرب والشتيمه يعني يقول لي لا وليه توصليني لكده قلت له يعني لو وصلت ليها هتعملها قعد يلا وما اجاوبش قوي حته لو بتشتم وقت الخلاف دي ما سألتوش فيها بس هو قال يعني هنحترم اللي قدامي والكلام ده
وقلت له لو حصل خلاف انت اللي رأيك يمشي بحيث ان انت شايف ان القوامه مع الراجل قال ما هو الكلمه الاول والاخير للراجل بتقول يعني ما فيش اي رأي للست اللي معاك قال لا اكيد لازم استشيرها في في كل حاجة تخص حياتنا بس لو اختلافنا رأيه هو اللي يمشي
اساسا مشكلته مع والده هو اللي قال ان والده عمل كذا قرار غلط مامته ووالده جمعوا فلوس وفي الاخر خد الفلوس واشتري البيت مثلا في شبين في مطروح وباعهم ثاني وضيع الفلوس وقلت له انت ما تستناش مني فلوس ومامتي لمحت كده قالت ان هو مش متزن ان والده مش متزن بس ما حصلش فرصه ان انا اتكلمت مع ماما عن المعلومات اللي تعرفها
فكره ان هو يساعد في شغل البيت هو قال اكيد انا مش هبهدل الدنيا ورايا وانا شخص بحب النظام ومش عارفه ايه بس بردك هو ما عندوش فكره ان الشخص يساعد في شغل البيت اصلا ده اللي استنتجته من كلامه وفكره التدخل الاهل ده هو مش حابب حد يتدخل ويقول لي نوصلها ان حد يتدخل قلت له طب لو حبينا من عندك مثلا اتدخل مامتك ولا باباك قال لا باباه لا ماما تمام قلت له تمام يبقى انا عندي من عند مامتي كمان ما سألتوش على حته تتوقع ايه من زوجتك لاهلك دي
جه في الآخر سألني وقال مشاركة الزوجة في البيت
هو من كلامه كان قال إن الست تشارك في مصاريف البيت لأن والدته هي اللي ساعدة والده وهي اتحوزته وهي مش حياته حاجة
قلتله ولو نفترض أن أنا سبت شغلي كده مش هتصرف عليا
مش فاكرة ترتيب الكلام إزاي الصراحة بس أنا قلتله ليه ما نمشيش على قد قدراتك مش انت بتقول القوامة للراجل اسمعني في الحته دي
وقلتله إحنا هنعيش على دخلك واكيد لو في رفهيات زيادة عن اللزوم أنا هجيبها من مرتبي ودا لا يمنع أن جزء من رفاهياتي هيكون مسؤوليتك
قال اكيد لو هنمشي على قدر ظروفي ومش هتطلبي حاجات أوفر اكيد هتكون عندي لكن ما تجيش تقولي أنا عاوزة اغير ديكور البيت دا كده وأنا مش عامل حسابي أو عاوزة أعمل اوردر شي إن أو عاوزة اجيب دا
وقالي لو مرتبك على قد رفاهياتك وبنزين عربيتك يبقا كده كويس على أساس أنه ناوي يشتري ليه وليا عربيه بس اكيد مع الوقت مش اول ما نتزوج
فأنا مش عارفه اوافق ولا لأ
لعرض السؤال في فدني اضغط هنا
هل تقصير الام والاب لأبنائهم يؤثر سالباً علي الاحفاد
هل ظلم الاب والأم لأبنائهم يكون سبباً في ظلم الأبناء لاولادهم
لعرض السؤال في فدني اضغط هنا
انا كان عندي صاحبه انا وهي لينا 16سنه من بعض حرفيا كنت جنبها في كل الاوقات ومسبتهاش ثانيه وهي كانت بتكون جنبي بس انا بالاكتر اول حاجه صاحبت بنات مش كويسه واقنعوها تبعد عني وتعملي بلوك وارتبطت بعيل مش كويس بس بعدين عاتبتها ورجعنا كويسين
وبعدت عن البنات بس الولد لا كان بيخونها وعيل بتاع مشاكل وبيشرب وبيزني بس هي كانت معميه بيه لحد ماسابته واتقفل الموضوع قبل ماتبعد عنه انا كنت مرتبطه بحد اول ماحط نفسه ف مقارنه معاه سبتو من غير تفكير مع انه كان بيعشقني
وقبل ماسيبو هي ارتبطت بيه وقالت لي هاخدلك حقك منو اتكلمو يومين وسابتو وهو قالي انا ارتبطت بيها عشان اثبتلك انها هتبيعك مش زي مانتي فاكره وأنا بحبك انتي وهو كان بيحبني فعلا بس مفكرتش ثانيه وسبتو ع عكسها هي اول ماحبيبها قالها تبلكني بلكتني
المهم رجعنا كويسين واحسن من الأول اتخطبت لواحد كان لما يكون ف مشكلة بيهم كان يدخل يكلمني احل بينهم وهي كانت تقولي كلميه قوليلو كذا كذا وكنت اقول عادي بس اكتشفت بعدين انه هو بيقولي انتي حربايه بتوقعي بينا تقولي عندها كلام وعندي كلام دا غير تلقيح بكلام اني مش كويسه عشان كنت مرتبطه قبل كدا وهي قالتلو
مكنتش احكيلها الكلام دا واخدو ف نفسي واسكت كانت تيجي عليا فتره احس بخنقه كبيره وزعل كبير جوايا فبقفل واتساب ومش برد ع حد يومين تلاته لحد مارجع طبيعي هي كانت بتزعل مني ف الحته دي اني بقفل من غير ما أقول وفهمتها انو غصب عني ومش قاصده كدا ولا ببعد عنها بعدين بدأت الاحظ برودها ف تعاملها معايا
وكنت اقرب اكتر لما احس بكدا المهم انا كنت شبه مخطوبه لحد كنت بحبه اوي ومعميه بيه وهو مكنش بيعمل حاجه غير يجرحني ونسيب ونرجع كتير وهي مكنتش تحبه ولا بطيقه عشان بيعاملني وحش
حصلت مشكلة كبيره بيني وبين الشخص ده واتفقت معاها ان خلاص مفيش رجوع تاني خوفا انه يأذيني لما كلمني الشخص ده قلبي دق ورجعنا وهو اتحسن خالص معايا وهي كانت قيلالي لو رجعتو هزعل منك زعل كبير فقلت له صاحبتي هتزعل ومش عايزة اخبي عليها حاجه اقنعها وهو قال تمام وكلمها وأنا كدبت عليها قولتلها اني مش عايزه بس هو عايز يكلمك انتي يقنعك وتقنعيني ارجع
قالتلي انا هقوله لا مينفعش ترجعي قولتلها تمام ع اساس انو هيعرف يقنعها والقصه مش هتبوظ بس هو معرفش وقالها ان انا مقولتش اني مش عايزه واني خايفه ع زعلها بس لو عرفت اننا بنتكلم هي زعلت مني وقالت لي ماليش دعوه بموضوعكم دا تاني وانتي بالذات ماليش دعوه بيكي
قعدت ابعتلها ف الرسايل مرضتش ترد عليا رنيت كتير مردتش رنيت ع اختها قالتلي هي شايفه رناتك ومش بترد فانا اتعصبت وبعتلها عتاب ان انا عملت معاكي كل حاجة كويسه ومتغيرتش انتي بعتيني عشان ولد ومتغيرتش بعتيني عشان صحاب وحشين ومتغيرتش سيبت الي بيحبني عشانك وخطيبك كان يقول فيا بسببك
قولت كلام كتير من دا عشان متعصبه هي قالتلي انتي بتعايرني وانتي الي اتغيرتي ووحشه وبتتغيري عشان اي عشان ولاد وخطيبي مقولتلكيش كلميه انتي الي كنتي تبعتي مع ان والله العظيم هي كانت تقولي قوليلو انا زعلانه من كذا قالتلي متبعتليش حاجه تاني ومسحت رقمي وعملتلي انفولو من كل مكان حتى اخواتها برضو نفس الكلام
يوم عيد ميلادها كلمتها عاتبتها واعتذرت لها علقت رسايلي بالايام وترد ع القد فاسكت بعدين كلمتها تاني بتقولي انتي الي بتبعدي لما بطلتي تتكلمي قولت مش عايزاني قولتلها انا بعتذرلك وانتي بتطنشي دا اي
مش شايفه نفسها غلطانه خالص وان كل الغلط بسببي واننا وصلنا هنا بسببي بسبب اني بقفل ومش بقولها وكدا اتغيرت آخر فتره قفلت كنت تعبانه فرنت عليا صاحبه تاني قولتلها اني تعبانه وتقول لصحبتي دي اني تعبانه قالتلي ماشي البنت طنشت مقالتش لما فتحت كنت فاكره اني البنت قيلالها فزعلت اني ازاي تعبانه وحتى مقالتش مالك بالكدب لما قولتلها كدا قالتلي هي مقالتليش قالتلي بعد مافتحتي وأنا اصلا زعلانه منك تقولي ليها ومتقوليش ليا
قولتلها انا كنت تعبانه وهي سألت وانتي واجبك كان المفروض تدوري وتسألي قالتلي لا انا مش غلطانه خلي صحبتك دي تنفعك طالما بتحكيلها انا حرفيا تعبت وكلامها قاهرني ازاي تشوفني كدا بعد الي عملتو كل دا معاها ازاي تقول عليا كدا ونا بحاول بدل المره اتنين وتلاته وهي بتقولي مبتحاوليش انا هتجنن مش عارفه مين فينا الصح ونا فعلا غلطانه ولا ولا وازاي يهون عليها نبعد كدا وحتى لو غلطت ماهي غلطت نفس غلطي واكبر وسامحتها ليه مش عايزه تسامحني انا غلطانه بجد؟؟
لعرض السؤال في فدني اضغط هنا
ساعدوني ساعدوني.
عشان اشوف حل.
دلوقتي انا رايحه أولى ثانوي و كنت تجريبي و كان معايا بنت من أولى اعدادي ديما كانت بتلبس محتشم و باين انها كويسه قولت اتصاحب عليها كانت بتعاملني كويس بس هي راحت فصل تاني و هي ساعات بتكلمني وحش و تزعجني مكنتش برد عليها و اسكت علشان العلاقه تستمر
و لما اطلب حاجه منها كانت مش بتيدلي حاجه و انا كنت بديلها عادي علشان العلاقه تستمر و بكتم جوايا و بسكت و هي نقلت حكومي عربي و انا زيها و مكنتش اعرف انها هتنقل و طلع امها صاحبة ماما و عمها صاحب عمي الانتيم و بيتها قريب من بيتي
و انا مش عاوزه اكلمها تاني بس ماما بتقولي دي شاطره و كويسه و خليكي معها و مش عارفه اقلها ازاي و هي ماما ديما بتشكر فيها مع انها البنت كانت ديما بتحرجني مع الناس أو صحابي و مش كويسه معايا اعمل ايه
لعرض السؤال في فدني اضغط هنا
شخص متجوز و عريس بقالة سنة و عايز يتجوز التانية
و الحمدلله مقتدر و عندي كذا مشروع
الاولي اتجوزتها و انا بحبها و بعشقها و اتجوزنا غصب غن الاهل و للعلم انا و هي ولاد عمه و علشان نتجوز اطلق فيها امها و انا قاطعت ابويا و ابوها مش عاجبه الجوازه علشان النسب
لاني شخص ابويا و امي منفصلين من و انا صغير و اسره مفككه و انا بنيت نفسي بنفسي و شيلت مسؤلية من و انا صغير و دلوقتي سني 21 سنه اتجوزت و شبكت و جهزتي نفسي بنفسي من غير جنيه من حد
و الحمدلله ربنا بعد الجواز فتحها علي الواحد
كان قبل الجواز ممكن دخلي كله ميكملش 3000 في الشهر و لكن بعد الجواز الوضع كلو اختلف جدا و بقيت بعمل اضعاف الرقام دا بمراحل
و دلوقتي عايز اتجوز التانيه و دا لاني مش مطمن من الزوجه الاولي لما بيحصل بينا مشكلة بتفكرني انها عاشت معايا ايام مكنش المفروض تعيشها و انها استحملت الفقر و الهم
و انها شرياني و الدليل علي كدا انها مش بتروح لاهلها تغضب او تعرف حاجه عن مشاكلنا و دا علشان اهلها محبب علي قلبها انها تتطلق
موقف بسيط مره اخدت موقف من اهلي علشانها و لما كلمتها لقيتها بتقولي محدش غصبك علي حاجه ولا ضربك علي ايدك
روحت مغضبها عند اهلها لقيت ابوها جايبها و جاي و بيقولي تطلقو ؟
كان الرد من ب لا بس لقيته بيقول لا ما هو لو هيكون في بينكم مشاكل تطلقو احسن و نفضها سيره
و من ساعتها انا مبقتش طايق التعامل مع اهلها و هي بقت بتعاير او كل شويه تفكر الواحد بحاجات دي
و دا حسسني بعدم امان و طمأنينة من نحيتها مع انتا بنحب بعض جدا
و هي بامانه غير مقصره في اي حاجة و حتي مشاكلنا محدوده جدا و لكن بدأت تزيد اخر شهر
و انا نفس الموضوع ولا مقصر معاها في كلمه ولا غيره و الحمدلله كل واحد فينا عارف التاني بالنسبة ليه اي
ف المهم انا بسبب عدم اماني دا فكرت اتجوز تاني
و فاتحتها في الموضوع
لقيتها بتقول لا و رافضه الفكره و بقي في نكد في البيت اكتر من الاول
ف انا بفكر اتجوز من وراها
ف محتاج حد يدلني علي الصالح يمكن انا غلط في حاجه
و بقرر تاني انا مش مقصر معاها في حاجه و هي نفس الموضوع برضو و احنا الاتنين بنحب بعض الحمدلله
لعرض السؤال في فدني اضغط هنا
هل من العدل ان يدفع المرء ثمن الخطأ اضعافا، ولو كان هفوة عابرة او فعلا خرج عن ارادته؟
لقد الفت ان اكون موضع محاسبة قاسية من كل من حولي، حتى اقربهم الى قلبي، حتى صرت ارى نفسي كتلة من الاخطاء، لا يكاد ينجو مني فعل او قول، وبدأت ابغض ذاتي وكأنها خصمي الاول.
اتساءل كثيرا: لماذا يتوجب علي ان اعتذر عن كل صغيرة وكبيرة، وان ابرر نفسي في كل مرة، بينما لا اجد من يعتذر لي، ولا من يبرر لي وجعي؟ لماذا اتعلم انا وحدي فن التجاهل، واتحمل الالم تحت ستار المحبة؟
كل ذلك الخوف الذي سكنني منذ الصغر، خوف الفقد، وبرودة المشاعر، والهجر، والتجاهل، ها انا القاه من اعز الناس الي، لا لذنب عظيم، بل لادنى خطأ.
لا افهم لماذا اكون انا دائما موضع العقاب؟ اذا ضاق احدهم من صوتي، اسكته في داخلي الى الابد، واذا اخطأت، عاقبت نفسي بما يفوق الخطأ ذاته. انا لا اتعمد الاساءة، وان اخطأت سعيت لاصلاح ما كان، فلدي ضمير يؤرقني، فلماذا كل هذه القسوة؟
وهل يعد طلب المحبة انانية؟ هل يصبح القلب مذنبا حين يرجو ان يحتضن، حتى وهو يخطئ؟
لعرض السؤال في فدني اضغط هنا
هل القايمة بيتكتب فيها دهب جرامات ولا فلوس؟
خطيبي بيقولي لا هكتبها جرامات مش فلوس عشان مدينش بفلوس ليكي كتير في مستقبل
وممكن تسجنيني بيهم في حالة الخلع، بقوله لا ده في حالة طلاق بس بيقولي لا و في الخلع كمان
لعرض السؤال في فدني اضغط هنا
انا متعلق بناس وبحبهم بجد يعني او ليهم معزه خاصه بس انا بقيت بلنسبالهم عادي او مش كده يعني هما كده بس انا بالغت في تقديرهم يعني بفكر فيهم دايما وبعزهم بس هما ممكن ميكونوش بيفكرو فيا زي منا بفكر فيهم ممكن اعرف ازاي احل المشكلة دي منغير مقعد افكر كتير واتعب نفسي
لعرض السؤال في فدني اضغط هنا
انا دلوقت مخطوبه لكن انا مش مرتاحه ولا حابه خطيبي بجد مش بطيقو مع العلم في كل حاجه بتمناها متدين طموح مش بيدخن واهلي ببحبوه جدااا بس انا برضو مش قادره حاولت اشرحلهم كتير لكن مش فاهمين دايما يقولولي اقتنعي أن دا نصيبك ودا جوزك لمصلحتك انا تعبانه وفي نفس الوقت بعاملو كويس عشان مش عايزه ازعل اهلي بس مبقتش قادره مجرد الفكره بتخنقني وانا عايزه اكمل تعليمي بس اهلي مش مقتنعين بفكره التعليم وان كدا ولا كدا هتجوز
لعرض السؤال في فدني اضغط هنا
كنت شغال في شركة من حوالي سنه ونص الشركة واتعرفت يعني علي بنات معانا في الشركة يعني حسيتهم اخواتي يعني بجد هما حسسوني بكده فبقينا يعني احنا اصلا فالشغل مع بعض بنضحك وبنهزر عادي وبنتكلم مع بعض بنطمن علي بعض حتا بعد ممشيت برضو بنتكلم ونسأل علي بعض فهل ده يعني حرام ولا اي مش عارف وكمان هيا وحدة متجوزه واختها مش متزوجه الاتنين اكبر مني انا 17 ووحده 28 ووحده 22 كمان يعني ناسهم يعرفو اننا بنتكلم وساعات بطمن عليهم واكلمهم او اروح اطمن عليهم مش عارف ده اي حكمه او اعمل اي
لعرض السؤال في فدني اضغط هنا
جماعه انا نفسي اطلق امنيه حياتي
انا عندي ٢٣ سنه ومعايا بنتين ادعولي اطلق
بقيت امنيه حياتي
لعرض السؤال في فدني اضغط هنا
جماعه انا بجد فى مشكلة انا دفعه 2024 ومن اول ما ظهرت النتيجة وانا مدمره وجالى معهد فني تجاري قولت خلاص ادخله واذاكر واجيب مجموع واكمل كليه تجاره سقطت اول سنه وكنت هحول بس نصحونى اكمل فيه وفعلا كملت سقطونى فى نفس المواد ولا ماده نجحونى فيها واللى بيسقط سنتين بيترفد دلوقتي بدور على اى حاجه تقبلنى يقلولى لا انتى مفصوله او دفعه قديمه ملكيش
أكلم الاداره يقلولى ملكيش غير خاص اكلم الشئون يقولوا لي ملكيش غير خاص ويكون تعليم متوسط يعني معهد سنتين اسال فى المعهد الاربع سنين يمكن حاجه تخدنى يقلولى انتى مفصوله ملكيش اى حاجه
دلوقتي اعمل اى بجد نفسيتى مدمره ومش قايله لاهلى ومش عارفه اروح فين ولا اقدم فى اى والله انا كنت شاطره ودرجاتى عاليه اقوم اسقط واترفد فاللى عنده حل جزاه الله الف خير
لعرض السؤال في فدني اضغط هنا
في تصرفات كتير صدرت من خطيبي عليها علامات حمرا بالنسبة لي!
هو شخص حنين و طموح و بيتحمل مسئؤلية بس في حاجات عليها علامة استفهام ياريت لو عندكم ليها تفسير قولوا لي
دخل بيتنا لأول مرة لوحده، وطلب إنه يخش يتوضى بيبص كده على الشقة وبيشوف تفاصيلها
مامتي منقبة ف كانت بتلبس النقاب وكانت قاعدة في ليفنج ف قولتله عدي على طول متبصش بقا عشان هي لسه بتلبسه، فلاقيته وهو معدي بيبص من الجنب كده!
بعدها قالي هو احنا بعد ما نتجوز حتى مينفعش اشوف مامتك من غير نقاب؟ فقولتله اكيد لا، لا يجوز
ف انا مش فاهماه هو ليه عمل كده و ليه بيسأل كده وكان في الاول خالص بيقولي هو ليه مامتك واخواتك منتقبين فقولتله قصة النقاب معاهم، وهو والدته كانوا مستغربين ليه هما منتقبين!
كمان كنت هدخل الاكل في المطبخ بعد ما اتغدى و هو قالي لا انا الي ادخله قولتله لا ميصحش قالي لا وصمم هو الي يدخله ودخل مطبخ وبردو كان عمال يبص على المطبخ!
وبعد ما مشي بيومين بيبعتلي صورة صورها ل صالة بتاعتنا وبيقولي بصي صورتلك بيتكم صورة حلوة ايه رأيك ف انا استغربت اوي ليه عمل كده!!
ده غير أن رائحة هدومه كانت كلها عرق لدرجة اني اول ما قابلته وطلعت الصالة شمتها وكانت قالبة ريحة المكان ومكنتش قادرة اقعد معاه وعيني بتدمع من الرائحة!! وحتى بوكية الي جابه لسه ريحة الكريهة دي موجودة فيه لدرجة اني طلعته برا اوضتي
ولما روح فضل يكلمني لحد الفجر بعدها نام معتقدش إنه خد شاور حتى!
انا مش فاهماه هو طيب و حنين وبيعرف يحتويني و مشى كذا حاجة في الإتفاقات عشاني و عمي قالي ده شاريكي بس انا معرفش الحاجات الي ظهرت منه دي مخوفاني وقلقاني! والرائحة دي بردو
غير أن في شوية مشاكل حصلت بينا و بين عيلته بعد الخطوبة بسبب باباه، وتصرفات كتير بتبين إن باباه بخيل و نرجسي
وكمان هو بيقولي بصدع و بسخن جامد لما بدايق وزمان كنت باخد دوا ضغط بس وقفته وزمان كنت تعبان نفسيا وبتوتر جامد اوي وكنت باخد ادوية نفسية، بس مقاليش اي تفاصيل تاني خالص وكل ما اقوله يحكيلي يقولي مش حابب احكي هتشوفيني ضعيف. خايفة يكون مخبي مشكلة صحية عنده ومش عايز يقولها بوضوح
واخوه تعبان بمرض نادر في القولون بيقولي ظهر عنده و عند ولاد خالتي بعد فترة كورونا بس بردو مش بيحكيلي وبيقولي بنكشف على اخويا طب دكتور قاله ايه؟ ميدنيش اجابات نافعة ويقفل على الموضوع
خايفة يكون وراثة
دي غير أن عيلته لحد دلوقتي معزموناش في بيتهم ولا مرة واحنا عزمناهم ٣ مرات و الرابعة خطيبي جه لوحده، ولما قولتله عيلتي مدايقة بسبب كده قالي بابا و ماما تعبانين على اقل شهر بعدها نعزمكوا!
باباه ساعة الشبكة معزمش على اهلي ب ماية ولا عصير واخويا هو الي راح جاب، وكذلك خطيبي في المرة التانية معزمش على اهلي ب حاجة و جاب ل نفسه سندوتش فول و فضل ياكل قدامهم وانا كنت محرجة اوي و معزمش عليهم ب حاجة، لما انا دوخت راح جابلي انا عصير و ماية جابلي انا بس
وكل شوية يقولي هو انتي بتشغلي التكيف على طول؟ طب الكهربا؟
ويكلمني في موضوع الشغل ويقولي طب ما تجربي تشتغلي وانا قولتله قبل كده مش عايزة اشتغل، ف سألته مش خايف عليا من سوق العمل؟ قالي ايه يعني كل الستات بتشتغل، وهي مامته وتقريبا ستات العيلة عنده كلها بتشتغل بس صدمني ب ردة فعله
وكل شوية يذكر إني غنية ومش محتاجة الفلوس بعدها يقولي بهزر وبعدها يرجع يقولي بيعي ليا شقة عشان نتجوز زي البنت الي عملت على النت ويقولي كل ده بهدف الهزار
ايه الحل وتصرف السليم لو سمحت افدوني، مبنامش الليل وخايفة اوي وقلقانة وفي شكوك كتير جوايا ازاي أتاكد اذا كان كويس ولا لا هل في اختبارات معينة اعملها؟
هو بيقعد يقولي بحبك و مستحيل اسيبك وبيقعد يراضيني لما بزعل بس على جانب الآخر في حاجات كتير مش قادرة ابطل تفكير فيها وهو هيسافر وهينزل بعد ٧ شهور لسه ف كل ده مش هشوفه
لعرض السؤال في فدني اضغط هنا
شخص مرتبطه بيه ومكلم مامتي والمفروض هيجي يتقدم بعد فتره عما يظبط اموره المهم الشخص دا بيكلمني ايام دي بيأدبني جدا شويه يبقي حلو وشويه يقلب عليا وديما بيحسسني ان الغلط مني رغم والله عمري ما اذيته المهم دخل شك فيا بقاله فتره وكنت بموت فعلا بقالي ٣ أسابيع وقررت ابعد عنه يرجع تاني ويفضل يزن عليا لحد ما ارد مافيش كلها يوم وألقيه أتحول ابعد عنه يحاول يوصلي بكل الطرق لدرجه حسسني ان عاوزه مش حب تعود بقالنا فتره علي هذا الحال ابعد عنه ومن مواقف مينفعش فيها رجوع أصلا بس بيرجعني هل لو خدت القرار وبعد خالص مهما عمل اي هكون أنا صح وقرار كويس ليا ؟
لعرض السؤال في فدني اضغط هنا
يا جماعه و الله تعبت خلاص من الشعور ده ..
دايما حاسس بخنقه طول الوقت و مش عارف اتعامل مع الناس و لا اتقبلهم ، دايما ببص للعالم بالنظره السوداوية ،
زهقت من الناس كلها .. دماغي هتنفجر من كتر ما انا بحسب كل كلمه و كل نظره ، مش عارف اتعامل زي بقيت الناس .. الناس كلها فهلويه و بتعرف تتعامل مع بعضها و انا مش فاهم حاجه
ممكن ارجع يومين ابقى متعافي شويه من الموضوع ده ، بس فتره التعافي مبتطولش و برجع تاني ، و بحس اني اتعلقت بأمل زائف
مش عارف هل قدرت أوصلكو الشعور اللي جوايا و لا لا ..
بس انا حاسس بحاجه زي الإغتراب الوجودي ، حاسس اني بتعلم اكون بني آدم ، القعده مع نفسي هي اللي بتريحني بس
و للاسف معيش فلوس اروح لدكتور نفسي
لعرض السؤال في فدني اضغط هنا
انا طالبه في الثانوية العامة اتعرفت على شاب من خلال مواقع التواصل الإجتماعي في البدايه كنت خايفه ومتردده اكلمه ولا لا بس انا كان عندي وقت كتير فاضي فقولت اجرب او اوافق اكلمه المهم دلوقتى احنا لينا اربع شهور مع بعض
اكتشفت انه شخص محترم جدا للعلم هو أكبر مني بسنه هو حبني وانا حبيته وبعتلي صور اهله وعرفني عليهم وعمال يقولي انه هيتجوزني لما انا ادخل الكلية واتخرج بس قالي هخطبك لما تروحي الكليه يعني كمان سنه
دلوقتي انا خايفه جامد يكون بيكدب عليا ومش يتجوزني رغم اني واثقه فيه وانا هتقول هتقولولي ابعدي عشان حرام انا نفسي ابعد عشان حرام بس اتعلقت بيه جامد بقيت مش متخيله يومي من غيره واحنا دايما بندعي نكون من نصيب بعض
وهو قالي هعمل كل حاجه عشان اتجوزك للعلم اتعرفنا على بعض صدفه في البدايه بس متوقعتش ان ممكن احبه واتعلق بيه للدرجه دي وفي نفس الوقت خايفه من اهلي لو حد عرف منهم للعلم هو من أسوان وانا من البحيرة بس والله احنا عارفين ان طريقه حبنا جات غلط وبندعي كتير محتاجه رد حد علي حالتي
لعرض السؤال في فدني اضغط هنا
لو سمحت هو المهر ده غير المؤخر والدهب؟
انا اتخطبت ومحدش من اهلي اتكلم معاه في مهر اتكلموا في مؤخر ٢٠٠ الف و دهب ب ١٠٠ الف
وهل دلوقتي ده الي ماشي؟ ولا انا استسهلت؟ الحمدلله انا متعملة تعليم خاص و مستوايا الحمدلله رب العالمين ف عايزة اعرف هل كده انا استسهلت معاه؟ عشان سمعت كذا حد من برا قالي إني استسهلت
لعرض السؤال في فدني اضغط هنا
انا متجوزه وأبويا شخص موذي جدا لابعد الحدود و متشخص مريض اكتئاب المهم أن احنا بنبعد عنه عشان مشاكل بس غصب عني بتواجد في نفس مكان عشان امي ست كبيره براعيها يشوفها علطول وهو من اقل كلمه مش عاجبه بيغضب و يثور ياما شوفنا منه عجب بنخاف نكلم قدامه هو بيكلم كتير بيوقعنا في غلط فقولت كلمه مش عجبته وزعق فيا و مد أيده لاول مره بعد ما تجوزت جالي انهيار عصبي زعلت فضلت أعيط
قولت لجوزي جوزي زعل قالي ابوكي ومريض حتى لو كان ضربك عادي انا اتقهرت اكتر انا مكنتيش قصدي يزعق بس كان نفسي كلامه حتى و رد فعله يجبر خاطري أنه حتى يزعل منهم ميكلمهمش يقولي تبعدي حتى عشان نفسيتك مش أنه حتى لو مد أيده قدامه كان هيسكت
أنا اصلا معملتيش حاجه بالعكس انا براعهيم بجيب طلباتهم بعامله من بعيد عشان ابعد عن اذيته هل جوزي غلطان ولا عنده حق هل لو قاطعت ابويا حرام كلامه مؤذي جدا بيجرح قدام اي حد
لعرض السؤال في فدني اضغط هنا
مريت بظروف ومشاكل كتير وانا صغير في السن يعني 17 سنه دلوقت بثق في الناس بسرعه بس بعدين بندم انا مش بدخل اي حد فحياتي معنديش اصحاب كتير وحتا اخواتي يعني مش بكلمهم كتير مش بقعد مع الناس وضحك وهزر عادي وليا معارف كتير بس صعب ادخل حد حياتي واعتبره صاحبي كل مدخل حد فحياتي واثق فيه والمشكله اني بعتبره كل حاجه فالاخر بكتشف ياما هو بدأ يقصر معاي ياما مش بيعتبرني زي منا معتبره يعني فبدايق وبسكت ممكن المح للشخص يعني انه بيقصر معاي بس لو حسيت ان في تقصير بجد ببعد يعني او بقلل اهتمامي بالشخص ده لحد منبعد تماما مش عارف المشكله فين ساعات بجيلي وقت مش عاوز اكلم حد نهائي واقطع علاقتي بالناس كلها يعني القريبين عشان محدش مهتم بيا زي منا مهتم بيه ومحدش بيسأل
لعرض السؤال في فدني اضغط هنا
السلام عليكم
انا بنت داخله ثانويه عامه ونفسيتي متدمره تقريبا من وانا وصغيره دايما بيحصل خلافات بين بابا وماما بس مبيتطلقوش بعذر مستقبل الاولاد ولسه المشاكل مستمره وبتزيد كل يوم وغير كدا بابا مريض قلب ومرتبه قليل وعلينا ديون اكتر من ١٠٠ الف جنيه والمفروض يعمل اكتر من عمليه وانا متعلقه بيه جدا والمشكله ان عندي متلازمة جوسيكا وعلى طول بتخيل حوادث سيئه محصلتش وبقعد ابكي عليها غير مشاكل تانيه مع امي مقدرش احكي عليها
+ انا من النوع اللي ميعرفش يعبر عن مشاعره فبعزل نفسي ولما اقعد معاهم بحس بضغط ولما مقعدش معاهم بحس اني مقصره وبجد حاسه بعبئ من كل النواحي ونفسيتي متدمره. ممكن حد يفيدني بحل؟
لعرض السؤال في فدني اضغط هنا
ايه رأيكم في إن العريس يمضي قايمة على بياض
شايفين هل ده من حق العروسة تضمن حقها كده ولا لا
وهل ده ظلم للعريس؟
وهل المؤخر بردو المبلغ لما يبقا مليون و ٢ مليون ده ظلم لي؟
لعرض السؤال في فدني اضغط هنا
هو طبيعي يا جماعه الراجل يتغير 180 درجة معايا أنا بالذات؟ 😂❤️
خطيبي وسط صحابه وفي شغله كاريزما أوي وتقيل وهادي والناس كلها بتعمله ألف حساب وكلمته ماشية بس معايا أنا حرفيا بيبقى طفل
هي كل الرجالة كده لما بيحبوا بجد وبيرتاحوا؟ ولا خطيبي بس اللي فاهم الرومانسية بطريقه طفولية شويه؟
لعرض السؤال في فدني اضغط هنا
انا اعرف احد من فترة و أحبه كثير بس هو ما شافني على الواقع و علاقة الحب على السوشل ميديا بس هو مناسب جدا و ما حاول يستغلني وصاركم شهر من اعرفه ف انا راح التقي بيه بعد شهرين و انا اشبه الصور بس مو بمستوى المثالية اللي بالصور يعني نفس الصورة ولكن الصورة احلى مني بمستوى 5 بالمئة كونها أكثر مثالية ف انا خايفة لما يشوفني ما يقتنع و ما يتركني بس بداخله يتضايق او شي خصوصا من الجنب شكلي من الجنب مو مثالي بس من الامام مثالي جدا .. ف انا خايفة و متوترة و من عارفة شنو البس ب اول لقاء... الا فستان ؟
و كذلك ما عندي ثقة بنفسي مع انو انا جميلة بنظر الناس ولكن ايضا خايفة ما اكون مثالية بنظره و يقل حبه الي
لعرض السؤال في فدني اضغط هنا
السلام عليكم ورحمه الله وبركاته
اولا كدا انا عندي ١٧ سنه الا كام شهر
عشت طفوله وحيده حرفيا من غير أهل ولا أصحاب
ابويا انفصل عن امي وانا عندي ٩ سنين بس انا مدايقتش لأنو كان بيجي البيت كل فتره مره ومكنش بيكلمنا انا أو اخويا فحسيت انو مش مهتم بينا وده حقيقة ثانيا اني بعد ده اضطرت تنزل تشتغل في مدرسة عشان تساعد في مصاريف البيت وانا بقيت لوحدي في البيت معظم الوقت حتى اخويا ما بيحبنيش مش عارف ليه بس هو شايفني كائن غريب
بس بعد سنتين وانا عندي ١١ سنه امي اتجوزت وبقت معظم الوقت في محافظة تانيه خالص انا برضو ما ادايقتش امي عرضت علينا أن احنا نروح معاها اخويا وافق وانا كنت اهبل ووافقت ومع أن ابويا كان بيبعت ليا انا واخويا مصاريف شهريا بس الراجل ده حسسني أن ليه فضل عليا حسيت نفسي عبد بيتعد عليه الاكل ولازم ينفذ الطلبات بالتفصيل قعدت سنتين في الوضع ده كان جحيم حياتي حرفيا قلبي قسي اكتر وما بقتش بثق في حد لأن انا اتأذيت من اقرب الناس ليا ومن ضمنهم اخويا الي علي طول مش طايق يكلمني أو يقعد معايا وامي الي شايفه اني عايز اهرب البيت رجعت للقاهرة وانا في سن ١٣ سنه بداية سن المراهقه كنت في ٣ اعدادي رجعت علي الامتحانات وخلصت
لما رجعت حسيت بتعاطف رهيب من خالتي وانا زي الاهبل وثقت فيها بس للأسف مكنش لا حل ولا اي حاجه كان كلو تجسس اي والله هيا كانت عايزه تفاصيل وخلاص عن الجوازه ولما انا بدأت اكتم بقت تكرهني وتتعصب لما تشوفني عشت في البيت القديم لوحدي وانا باخد مصاريف يوم قليله جدا الكلام ده كان علي ٢٠٢٣ كنت باخد ٢٥ جنيه في اليوم
بس سكت قعد ادور علي شغل في الخباثه من غير ما حد يعرف ولقيت شغل قبل رمضان بيومين في محل عصير قعد فيه فتره قصيره كان شهر بس وكنت بروح البيت بين أربع حيطان كل يوم من غير اي حاجه بعد شويه شديت حيلي وجبت اول تلفون ليا وبعدها جبت كمبيوتر قفلت علي قلبي وعشت حياتي لنفسي كنت بتعلم البرمجه وفي نفس الوقت يذاكر لمستقبلي امي كانت بتزورني احيانا وفضلت كدا لحد سن ١٦ سنه بعد العيد الكبير الي فات ده كنت متعلم برمجه بشكل كويس وعايش حياتي في سلامي بس امي قالت ليا أن لو انا مرحتش معاها هتطردني من الشقه دي وبتقول أن ميلزمهاش ابن عاصي وانا مره واحده كل هموم السنين دي جت فيا وضغط السنتين زمان برضو انا طبعا رافض بشكل قاطع وكنت عايز تمشي وأشوف شقه وشغل بس المشكلة اني داخل ٣ ثانوي ومحتاج وقت تذاكر فيه انا في الازهر والحمد لله مبسبش فرد من ساعه وانا عندي ٧ سنين والحمد لله حافظ معظم المصحف بس بجد عايز حل انا مش عايز اروح مع امي
وفي نفس الوقت مفيش حد في العيله بيحبني كل ما كنا بمنظور ناس أو حد يزورنا كانو يقولو لأمي أو ابويا ويسألهم إن كنت فيا حاجه في عقلي أو مريض نفسي
وكل ده ليه عشان أنا كنت هادي زياده عن اللزوم في حالي ومش بدايق حد ولا حد بيدايقني علي طول متفوق في دراستي بس لسه امي لحد دلوقتي بتعايرني بالكلام ده انا خلاص تعبت اكتر من مره كنت هنتحر بس في اخر لحظه كنت برجع لعقلي انا معنديش صاحب اكلمو ولا اخ يساعد وآسف اني طولت عليكم وشكرا لو وصلت لحد هنا
لعرض السؤال في فدني اضغط هنا
دلوقتي انا اكتشفت ان ف واحده بتسخن بابا ع ماما و بتحاول تخرب بيتنا هي لسه ظاهر من فتره مش قليله من 5 سنين كده ومن ساعه من ظهرت حاولت تخرب بينهم كتير و اوقات الصراحه بتنجح وماما و بابا اطلقو بسببها مره هي عندها 30 سنه تقريبا ومتجوزه عم بابا هو راجل عجوز اتجوزها لما مراتو ماتت بس انا الصراحه مش فاهمه هي عاوزه توصل لايه ف الاول كنا مدخلنها بيتنا و مرحبين بيها و واكله معانا عيش وملح ومع الوقت كشفنها ع حقيقتها لما حاولت تسخن كام مره والمشكله بابا مش شايف كده نهائي ومش عارفه الحل اي
لعرض السؤال في فدني اضغط هنا
انا عايزة اعتمد على نفسي ونفسي اشتغل عشان أحقق ليا دخل كويس عشان محدش يذلني
لعرض السؤال في فدني اضغط هنا
أنا بنت وعندي أخ حالياً هو عنده 15 سنة أنا مش عارفه أتكلم إزاي والله بس أنا بابا مش بيكلم أخويا خالص لأن هو ولد وحيد وإحنا 6 بنات وكلنا أكبر من الولد وهو من هو وطفل في قمة الدلع وأي طلب بيكون متنفذ.
إحنا كلنا البنات درسيًا متفوقين وبابا كان رافض إن البنت تمسك فون لحد أولى ثانوي هو وافق.
وكلنا مسكنا الفون في أولى ثانوي بس ومش مشغولين بالفون بالعكس علطول في إفادة
الموضوع تغير لما أخويا دخل أولى إعدادي مسك فون وإحنا كنا رافضين بس بابا قال لأ عادي يمسك هو ولد وحتى ولو غلط عادي
والحاجة دي علمت أخويا إن غلط الولد لكن البنت لا لو غلطت تتعاقب أشد العقاب!
أنا من فترة بدأت أشوف أخويا أغلب الأوقات قافل على نفسه الغرفة وأصلا من سن 11 سنة وهو مش بيسمع كلامنا خالص وأبي وأمي معاه في كل حاجة
بصراحة مش تجسس بس أنا كنت شاكة فيه وفي نظرات عيونة كان يطلع من الأوضة وعيونة حمراء وعرقان وكأنه مصطول والله.
أنا كنت بسمع بودكاستس عن الإباحية وحاجات فيه وعي والموضوع منتشر ومعروف
فبعدين بدأت أشك فيه معقول يكون بيشوف حاجات من دي
أنا عمري ما مسكت الفون بتاعه خالص لأن هو علطول في جيبه ولو بيشحن في الأوضة بيكون قافل بالمفتاح.
ف بابا مرة كان عامل عزومة وأخويا كان مشغول بالصدفة شوفت الفون بتاعه مفتوح صراحة قولت فرصة أتاكد أنا بتصرف بدافع الخوف على أخويا، وكنت خايفة هل دا تجسس
المهم بعدها دخلت لقيت إباحية ومواقع وحاجات بالهبل
ولقيت رسايل من بنات على الفيس
ولقيت صراحة حاجة تحزن وتخليك عايز تقتل نفسك
أنا ليا شهر مصدومة حتى مش بأكل في البيت.
أنا طبعًا مش هحكي لحد حاجة ولا هفضح أخويا حبيبي بس أنا مش قادرة أبص في وش أخويا وحاسة إني مخذولة دا أخويا الوحيد
بابا وماما هما السبب دلع مبالغ فيه عمرهم ما حاسبوه علي الصلاة ولا المال بياخد فلوس زيادة مدلع...
أنا وأخواتي البنات رفضنا الفون وبابا قال عادي
أمي عمرها ما ضربت أخويا على أي حاجة عشان هو ولد وحيد
أقولكم إيه غير إني كرهت عالم وسائل التواصل الإجتماعي وكرهت أي أهل مشغولين عن أولادهم ظننا منهم ان أولادهم كويسين..
أنا دلوقتي في حالة نفسية صعبة مش عارفه انسى ولا عارفة اتعامل مع أهلي ولا أخويا
لعرض السؤال في فدني اضغط هنا
انا حالياً مغترب وقاعد لوحدى لأسباب معينة خاصه بيا بحاول اتفادى بعض الأمور ولاكن ممكن الفترة تطول ، كنت عاوز أربى حيوان أليف بس للاسف بكره القطط اوى اوى وطبعاً الكلاب ف الشقه مش هينفع ، العصافير مش هحس بتفاعل معاها اوى يعنى مش هتسلينى بنفس تفاعل القطط والكلاب ، استقريت ف الآخر على القطط بس معنديش خلفية عن التعامل معاهم خالص وكمان بكرههم بس هكسر الحته دى ، لو حد عنده فكره هعودها ازاى تدخل الحمام لأنها لو عملتها بره الحمام هرميها ف الشارع ريحة البراز بتاعها مؤذى جدا ، أو فكرة تانى غير الحيوان الأليف او اى نوع تانى غير ما سبق ذكره
لعرض السؤال في فدني اضغط هنا
عندي مشكلتين هدخل في موضوع بدون مقدمة
الاول اني دايما بحس اني مش بعمل حاجه ، يعني الفترة الاخيرة اتعلمت اعمل وصفات و بقيت أطبقها و اتحسنت و الي حواليا بيقولوا انها جميلة فعلا حتى انا عارفه كدا ، بس بقول لنفسي انا معملتش حاجه انا طبقت وصفة بس
سنة دي انا نجحت بامتياز (ممكن يبان عادي بس لو قولتلك اني قبل 6 سنين بس مكنش في دماغي تعلم اصلا هتعرف اني اطورت) بس الفكرة ان الحم لله انا دعيت ربنا كتير و السنة كانت صعبة جدا و انا نجحت فيها بشكل يفوق توقعاتي فحاسه اني منجحتش بمجهودي ، ربنا استجاب لدعائي بس
و هكذا في باقي الحاجات ، لو رسمت رسمة من تلفون و طلعت حلوة بقول انا مرسمتش انا طبقت الفكرة ، قليل ما بحس بمجهود نفسي
تاني مشكلة انا عندي 20 سنة في منطقتنا دا سن مناسب للجواز ، بس انا لسه عايشه جوايا البنت الي كان عندها 15 سنة (مع العلم ان تصرفاتي عاقلة و و معنديش نهائي حركات المراهقة و بدون مجاملة الي يعرفني من غير ما يشوفني يديني سن اكبر) بحس ان لسه بدري بل اني كرهت الجواز لأسباب كتير و مبحبش حد يكلمني فيه ،
مبحبش فكرة ان حد يشوفني ف يرشحني لعريس ما (بتضرب في دماغي علطول فكرة ان جماد قابل لشراء و البيع) ببقى عايزة لو حد اتقدم يتقدم لشخصي انا ، و رغم ذلك برضوا أنا مرعوبة من الجواز لاسباب كتير محوطاني ، المشكلة ان لم حد يقول ان فيه عريس بتضايق جدا و بحس بخنقة و ممكن اتعصب عليه ، انا عايزة أتخطى الموضوع دا.
انا مش بدور على انسان مثالي ، لكن من كتر الاشخاص الي شوفتها في حياتي بقيت افكر جديا اني متجوزش ، ف هل فيه حد عمل كدا و ايه حياته
اخيرا ياريت محدش يدخل الايمان و يقولي حلال و حرام و خلاص ، افهموني الاول
لعرض السؤال في فدني اضغط هنا
السلام عليكم انا دلوقتي عندي 18 سنه واهلي من صغري علطول ف خناق و صوت عالي و حاجات كتير تقرف وهما اساسا مطلقين مرتين وفاضلهم طلقه واحده وهما من شهر تقريبا كانو متخانقين وبابا كان بياكل عند جدي تحت وهو ي دوب بينام عندنا والنهادره جه اتخانق و وزعق و نزل تحت وساعات بحس ان بابا لي حق انو يزعل كده عشان ماما برضو عليها حركات مستفزه وانا نفستي تعبت والله مش عارفه اعمل اي
لعرض السؤال في فدني اضغط هنا
قلما اتوجه بالنصيحة من احد..
لكنني في ابتلاء وفتنة،
انا شابة في ال ٢٦ من العمر متعلمة، قد تقدم لي من حياتي العديد من الخطاب الحمد لله لكن لم يتم أي شيء...
وانا ككل فتاة احتاج ان اتزوج،
يصفوني عائلتي بالملتزمة الا انني ببساطة ابتعدت عن ما يغضب ربي وانسانة عادية... لا اتزين عند الخروج ، تركت مصافحة الرجال، لا اذهب للمنتجعات التي فيها كل الاختلاط الخمر ولا اعلم ماذا،
على الرغم من انني اجيد السباحة الا انني لا البس البوركيني، فانا في خارج منزلي اكون بلباس فضفاض لماذا اكون في المسبح بلباس اقل من الفضفاض،
حريصة على الحدود الشرعية اذا جاء احدهم لخطبتي، من الجلوس في مكان مفتوح امام العائلة وكل ذلك...
قد تمت مرة خطبتي من شاب اظهر الالتزام وتم فسخ الخطبة من طرفي بسبب تذمره انني لم اسمح له الباسي الشبكة، وقال انه بالعادة العريس من يقوم بذلك وليس امه...
وبعده تقدم لي اكثر من شاب، منهم من لا يصلي ومنهم من هو غير محافظ على صلاته وكل ذلك...
وانا معاييري ليست مرتفعة ابدا..، حتى انني اقول يكفي ان يكون ملتزم بالصلاة وان يتقبل الحلال والحرام... يعني ان استطيع العيش معه وربما اؤثر عليه ايجابيا... الا ان عائلتي تقول لي الشباب التي تصلي ولا يظهر عليها الالتزام لن تتوافقوا، ولن يقبلوا بملتزمة... الجملة جرحتني اولا بوصفهم اني ملتزمة جدا وهذه وصف كبير عليّ فأنا لدي العديد من النقص...
ثانيا لانه حصل فصل بيني وبين باقي البشر وكأنني كائن فضائي!.. نعم وأنا بدأت بالصلاة فقط!!! حتى لم اكن محجبة!
اخر شاب تقدم لي تم رفضه بالاساس لفارق كبير بالمستوى التعليمي فهو ربما انهى فقط الابتدائية وانا انهيت الماجستير وحذروني اهلي من ان الفارق قد يشكل خطرا على العلاقة،
بالاضافة الا انه فقط يحافظ على صلاته وليس ملتزم ملتزم ومن هنا بدأ النقاش بالعائلة..
هل شرط على الملتزمة الزواج من ملتزم كثيرا؟
وهل فعلا المحافظين على صلاتهم يرون من تحافظ على حدود الله معقدة؟
وهل فعلا نحن من عوالم مختلفة؟
بصراحة في بداية التزامي رغبت بالزواج فقط من ملتزم، لكن بدأ يظهر لي الاختلاف مثلا منهم من هو متصوف وغيره الكثير...
حتى بدأت ان اقول يكفي ان يحافظ على صلاته،،،
والان حتى هذا غير ملائم... ما يعني هذا غير التعرض للفتن! فأنا ايضا بشر!
لعرض السؤال في فدني اضغط هنا
السلام عليكم
انا اخر فتره حاسه اني تعبانه جدا و مخنوقه و مش قادره اعمل حاجه ساعات بحب افضل قاعده لوحدي بدون اي تسالي و ابص الحيطه
حسيت بألاحساس ده اخر فتره و لاحظته بسبب اني بشتغل ف العمل الحر الي هو الهدف الي انا بسعي وراه طول حياتي و برضه فقدت الشغف عنه و مش عايزه اعمل اي حاجه ف الدنيا تاني
الإنفجار الي حصلي مره واحده ده كان بسبب تراكمات كتيييره اوي من اهلي و كده و زادت التراكمات دي بسبب حاجه حصلت اخر فتره
ياريت محدش يستهون ب الي انا هقوله لانو بجد انا حاسه بخنقه و تعب مش طبيعي
انا مجنونة كوره بحب الكوره اكتر من اي حد هي حياتي بالمختصر اخر فتره مع المونديال و مقابله مصر مع الأرجنتين (الفريق الي بشجعه طول عمري) لقيت انتقادات جامده و سخريه و شتايم سواء ع اسطورتي و قدوتي أو ع الفريق الي بشجعه من زمان لدرجه ان الماتش ده كان أسوأ ماتش يعدي عليا ف حياتي . ملحوظه انا عمري ما ضايقت حد بتشجعي ولا أجبرته ع الي بحبه ولا عمري قللت من لاعب حد بيحبه من الباب للطاق كده و مؤمنه أن كل شخص بيحب لاعب عشان ذكرياته معه مش عشان افضليته و اكيد مينفعش نقلل من محبينه
المهم انا طول الماتش ده مشجعتش عشان الي حواليه بيشجعوا المنتخب المصري مراعاة بأحساسيهم مع ان ده حقي و حريتي و بعد ما الماتش خلص الشخص الي كان مستضفني عنده عشان اتفرج ع الماتش قالي دي اخر مره انا هستضيفك عندي و ف نص الماتش جاتلي مكالمات بتهددني من تشجيع المنتخب الي بحبه ده غير الشتايم الي اتقالت و التقليل مني كشخص ملوش اهميه اصلا و اني عبيطه المشكله موقفتش لحد هنا حتي ف الماتشات الي بعدها بالذات ف النهائي انا بجد شفت العجب غير اني كنت متضايقه جدا و زعلانه نفس الناس الشتموني و مش متقبلني دول فضلوا يتتريقوا و الي يقول الحق انتصر ف الآخر و الي يقول شعر و الي يقول ايات ف القران و حاجه مهزله فعلياً و حتي بعد كده لما حد بيشوف تعليق ليا بصوره ميسي أو اي حاجه بصله دي مش بيوقف انتقادات انا بجد تعبت
حتي اني فضفضت قبل كده لصحبي و هو واسني و هداني شويه بس انا لسه تعبانه و مخنوقه اوي
باختصار انا مش حاسه باي لذه ف حياتي و لا عايزه اعمل حاجه زي فقدان الشغف ده غير اني بلا فخر بكاتنج كل متضيق بيا الدنيا انا بجد حاسه اني تعبانه و بموووت و مش لاقيه حد ف الدنيا يسندني و ياريت محدش يقول كلمي أهلك لأنهم جزء كبير ف تعبي
يمكن كان في قبل كده تراكمات و مع التراكمات الي زادت عليا اخر فتره مقدرتش اتحمل اكتر من كده
ملحوظه: عندي ١٤سنه
لعرض السؤال في فدني اضغط هنا
هو انا عملت علاقة مش كاملة عموما بغض النظر ان خطيبي طلع ندل و هو الي اجبرني ع ده بس انا محتاجه افهم نظرة الراجل عموما حتي لو متأكد ان مافيش غيره الي عمل كده معاها
لعرض السؤال في فدني اضغط هنا
سلام عليكم
خطيبي داخلين ف سنه مع بعض من أسبوع قالي ان بعد الخطوبه بشهر كان بيتكلم مع بنات مع ان قلت له قبل كدا لو عرفت انك بتخوني هسيبك لاه الخيانه مع ذلك قالي ان كان بيتكلم مع بنات تخانقت معاه وقالي يعني هتسبيني مع ان مذكرتش ف المكالمه اني هسيبوا قالي طول ما صارحتك خلاص عدي الموضوع
المفروض هنتكب الكتاب الشهر جاي هوا بيتعامل عادي اتصل بيه وبعتلي رساله وتساب مردتش انا متأكده ان هوا معملش كدا ولا خاني بس حابب يعرف رد فعلي عشان هوا الفتره ال قال عليها كان كل شويه يكلمني مكنتش يعدي ربع ساعه يرن ويقفل غير بالليل كان نتكلم الفجر وساعات صباح يعني مفيش وقت يخوني فيه بس انا مش عارفه اعمل اي بيتعمل عادي وبيتكلم مع القريبين مني عادي اعمل اي التصرف معاه إزاي
لعرض السؤال في فدني اضغط هنا
مشاكل بالأسرة أبي بعيد عنا من 3 سنين نفس المدينة لكن مش نفس البيت مبيصرفش علينا كويس يعني دايما ناقصنا حاجة بيدينا مصروف اسبوعي قليل
عايشة انا وماما وأختين في شقة بسيطة جدا بس فيها حشرات ومفيش أمان اوي يعني المهم اني انا الوصل اللي بين ماما وبابا لان ماما مبتحبش تكلم بابا على الواتس لانه بارد في الرد
المشكلة اني مليش دعوة ومش عاوزة اتدخل حتى بابا معندوش مانع يكلم ماما على الواتساب فقط مش مكالمات وكده لكن في مقابل اني ما اتدخلش لكن ماما مصره اني اروح اقوله الطلبات اللي محتاجينها وهو مبيجبش الحاجة على طول ممكن يقعد يقول حاضر او مش معايا فلوس ويقعد بالايام او الأسبوع ع ما يجب
فهو بيكشر في وشي لانه بيزهق من الزن لان ماما بتفضل تقولي اني ازن وانا مليش ذنب انها تزن عليا ولا انه يكشر في وشي ولو هو مجبش الحاجة تفضل تزعقلي وتشتكي وتتضايق مني لو انا كمان كشرت قلتلها انها بتضغطني واني مليش دعوة هي لو عاوزة حاجة تبعتهاله لكنها رافضة
المهم اني ف الدوامة دي من سنين دايما هي بتشتكي وبقيت عصبية جدا واكتر من مرة تكون عاوزاني اروح اعيش معاه لدرجة ان ف مرة اتعصبت جدا جدا وحلفت اني امشي من البيت وخلتني اتصل ع بابا عشان يجي يخدني وانا كنت منهارة وفعلا هو جه واخدني بس رجعني لها الساعة واحدة بليل لأني اصلا قابلته الساعة 12
هو قالي حابة تعيشي معايا ولا مع ماما قلتله ماما واخواتي والسبب اني مش بحب تيته وجدو اللي هو عايش معاهم ولاني خفت على اخواتي لأنهم حساسين وانا بالنسبة لهم لو مشيت هما اللي هيشيلو الهم بتاعي
مشكلة كمان عمتو ابنها هيتجوز قريبا ف بابا خلاني انزل مع عماتو نشوف فستان بس انا عارفة ان ماما هتتضايق انها مش هي اللي هتنزل معانا لكني معرفتش ارد وسكت ماما عرفت وتعصبت جدا جدا لاني مرديتش وقلتلهم ان ماما اللي هتنزل ولما رحت لبابا تاني اللي هو بالمناسبة بنروح له كل جمعة وتيته وجدو وعماتو هناك ف قلتله ان لو ينفع اني منزلش مع عماتو لاني بتكسف منهم وانه او ماما اللي تنزلوا عشان الفستان (مجرد حجه عشان ماما تنزل لانه مش هينزل معانا لانه مشغول ومكسل وانا عارفة دا) ببس هو ببساطة قالي لا متتكسفيش ماما فضلت متعصبة ولما رحنا اختارنا فستان ايجار مش حلو اوي بس دا اللي موجود وعن نفسي انا متقبلة الفستان
والمشكلة هنا مشكلتان اولا ماما متعصبة ومش عاجبها ثانيا بابا مش عاوز يجيب جزمة حلوة للفستان لانه مقتنع ان الشوز اللي عندنا حلو على الفستان في الفرح ازاي انا معرفش واصلا الفستان طلع لبني والشوز بتاعي ابيض وفيه خط برجندي واساسا محدش بيروح فرح بشوز وانا مبحبش شكلي يكون مش حلو ف نفسي يوافق او الفرح يتلغي او ما ارحش الفرح والضغط دا كله خصوصا الفرح مضايقني جدا جدا لكني مش بشتكي او اتكلم الالو ماما فتحت الموضوع
تالت مشكلة خناقة ماما وبابا من ساعة لما كنت في اجازة سنة ستة ابتدائي وداخله اولى اعدادي لحد النهاردة خلاص هدخل اولى ثانوي في الفترة دي بقيت مدمنة اغاني وعادة **** وبحب العزلة جدا جدا ومبحبش اتعامل مع اسرتي خالص حتى اخواتي دايما بيتخانقو مع بعض وبيعملوا ازعاج وانا على الوضع دا منذ بداية المشكلة يعني حوالي 3 سنوات
انا عمري ما اشتكيت الا لما ما الموضوع بيتفتح وحتى احيانا لو اتفتح بفضل ساكتة انا مش عاوزة حاجة غير اني اعيش بسلام مش مهتمه حتى لو الاكل قليل او الماديات مش احسن حاجة انا بتجنب المشكلة زي الماديات والاختلاط والتعامل مع المشاعر المشكلة الوحيدة اللي مش عارفة اتجنبها هي ماما واهل بابا وبخله في بعض الجوانب او يمكن ماما بس انا متفهمة انها كمان تعبانة بس دا مش ذنبي
مبقيتش عارفة احاول انتظم في الصلاة زي الاول كنت بحاول واستمر اسبوعين مثلا حاليا مبكملش يومين حرفيا انا مش مقربة من اي حد لا ماما ولا بابا ولا اخواتي ولا صديق حتى ربنا غاضب عليا اكيد لاني عندي علامات تدل على ذلك مثل عدم البركة و عدم القدرة ع الدعاء وغيره
لعرض السؤال في فدني اضغط هنا
لعرض جميع الاسئلة في فدني اضغط هنا