امبارح كنت بكلم واحد صاحبى واتس عادى جدا بس كلام مش متصل يعنى انا ممكن ابعت رساله هو يرد بعدها بعشر دقايق بكون بيعمل حاجه ونا كمان اما اشوف رسالته ارد عليه وكده
المهم جيت ارن عليه رنيت عليه مرتين مردش وبعدين بعتله رساله بشكل هزار يعنى ورد وعادى وكملنا كلامنا وبعدها بحوالى ساعتين رنيت عليه كمان مره ومردش فانا اتضايقت جدا الصراحه لقيت نفسى مخنوق رحت باعتله على الواتس انا هعملك بلوك ومستنتش منه رد وعملت بلوك
انا عارف انه تصرف غبى منى بس انا بطبيعتى مبعرفش اعبر عن مشاعرى خصوصا ان انا دايما الطرف الأكثر سؤالا فى العلاقه
انا مهتم اعرف عنه كل حاجه وكل تفصيله ف حياته لإن احنا بنعتبر بعض اخوات بس هو مكنش بيسألنى بقا معقوله بعد اربع سنين صحوبيه ودى السنه الخامسه وميبقاش عارف يوم ميلادى امتى ولا عمره مثلا سمع ضحكتى الهبله الى بتطلع ونا قاعد مع اصحابى
احنا علاقتنا طول الاربع سنين اتبنت من ورا حديده احنا عمرنا مخرجنا مع بعض وكلامنا كله ع التليفون هو مش شرط نخرج لان انا ليا اصحاب كتير مبخرجش معاهم بس بقابلهم ع الاقل ف الدروس ونتكلم انما هو مش معايا ف ولا درس
وعلى طول كنت انا الى بعرض عليه نخرج وهو كان بيخلق اعذار مش عارف لى مع اننا عادى واخدين ع بعض حتى قبل تالته ثانوى قلت نخرج ولو خروجه لإن احنا مش هنفضى ف تالته بس رفض بحجة انه مريض
دايما بلاحظ ان انا فى المكالمات الى بيسأل اكتر هومبيسألش خالص
دايما بلاحظ ان انا لو فى مشكله بكلمه واحكيله وبطلب منه نصيحه انما هو مبيحكيليش مشاكله ساعات بصور جزء من يومى وابعتله واشاركه حياتى انما هو مبيشاركنيش يومه ع كول ببعتله صور ليا وهو مبيبعتليش صوره غير لما انا اطلب
اى الحل ؟!!
لعرض السؤال في فدني اضغط هنا
دلوقتي انا من النوع اللي بحب الشخص اللي معايا جدا اقصد يعني اي حد قريب مني بتعلق بيه و بالذات لو معاملته كويسه و بحس انه لما يبعد انه في غلط فيا مع العلم اني لا بتغير و لا بعمل حاجه وحشه لحد بس بحس انه اي حد بيكون عزيز عليا لازم يبعد عني بالنهاية و المشكله ان الموضوع دا بيشغل تفكيري جدا و ليه دايما انا بخاف علي شعور الناس في حين اني عمري ما حسيت ان حد بخاف علي شعور انا مش عايزه اكون وحشه بس برضو بحس نفسي مغفله اعمل ايه
لعرض السؤال في فدني اضغط هنا
_أنا بنت وهي بنت خالتي وكنا قريبين من بعض جدًا لدرجة إننا كنا شبه أخوات، وكل أسراري وتفاصيل حياتي كانت معاها وكنت واثقة فيها ثقة عمياء. أكتر من أربع سنين وأنا بستحمل وأعدي حاجات كتير عشان أحافظ على علاقتنا، ولما المشاكل بينا زادت طلبت منها ناخد بريك ونهدى شوية عشان نرجع أحسن من الأول، مش عشان أنهي علاقتنا. لكن من وقتها بدأت تعاملني بطريقة وجعتني جدًا، وفضلت السنتين دول شايلة في قلبي ومستحملة، لحد ما في الآخر هي اللي سابتني، وده كسرني لأني حسيت إني أنا اللي اتساب بعد كل السنين اللي حاولت فيها أحافظ عليها. بعدها خالتي اتدخلت وقالت لنا إننا أخوات ومينفعش نبعد، فرجعنا، لكن أنا مكنتش زي الأول. خلال الفترة دي اكتشفت حاجات كتير كانت بتكتبها وتقولها عني، وحاجات في تصرفاتها خلتني أشوف جانب منها عمري ما تخيلت وجوده. اتصدمت إني كنت حاطة كل أسراري وثقتي في إنسانة اكتشفت إني معرفهاش زي ما كنت فاكرة، وحسيت كأني كنت غريبة عن واحدة كنت بعتبرها أختي. عشان كده أنا دلوقتي اخترت البعد، مش كرهًا فيها ولا رغبة في الانتقام، وهي هتفضل بنت خالتي وهحترمها، لكن مقدرتش أكمل نفس العلاقة وأنا من جوايا مكسورة ومش مرتاحة. وسؤالي بجد: هل أنا عملت الصح لما اخترت البعد بعد كل اللي حصل؟ وهل أنا كده بوقع بين العيلتين وبسبب مشكلة أكبر، ولا من حقي أحافظ على صلة العيلة وفي نفس الوقت أحط حدود مع شخص مبقتش قادرة أثق فيه؟
لعرض السؤال في فدني اضغط هنا
السلام عليكم
انا كنت بكلم شخص واهلي عرفوا الموضوع واتعاقبت منعوا التلفون 6 شهور تقريبا غير الاحساس بالذنب الي كنت حاساه لدرجه اوقات كنت بفكر في الانتحار بس بيمنعني خوفي من ربنا وخوفي علي ماما ولغايه الان انا مش عارفه انسى الشخص الي كنت بحبه
عدى على الموضوع ده سنه واكتر الحمد الله اهلي سامحوني بس لسه في قله ثقه مع اني والله عمري ما كنت من اللي بكلم شباب او حتى مجرد نظره بس للاسف انا ضعفت وحبيته
المهم الي واجعني اختي اصغر مني بسنتين للاسف هي شايفه اني امي بتفضلني عنها او بتغير مني فاي نقاش بينا تقول لماما خليها تنفعك بتاعت الولد والتليفونات وماما تزعق فيها وهي على ابسط الامور ترجع تكرر الموضوع لدرجه إني والله كنت بفضل ابكي لغايه لما يغمى عليا او انام مش عارفه والله وبسبب الموضوع ده انا بقيت اتجنبها خااالص لدرجه انا مبقتش اكلمها اصلااا انا تعبت نفسيا ومش عارفه اعمل ايه بجد تعبت والله 💔
لعرض السؤال في فدني اضغط هنا
انا احمد من اليمن مستوى ثالث في قسم نظم معلومات عمري ٢٠ عام راح اكمل الجامعه البكالريوس وعمري ٢١ عام ، افكر ادرس بكالوريوس مره اخرى والسبب انه اشوف انه معدلي ضعيف في مستوى اول وثاني يعني جمعتهم مع بعض وطلعوا ٦٩،٧ ، وفكرت ادرس مره اخرى بكالوريوس ولكن اشوف انه بكون متاخر طبعا المعدل حقي ضعيف كان به معي ظروف ومن مستوى ثاني
بدأت اذهب لمعالج نفسي وقد سويت ١٥ جلسه نفسيه ومواصل ولكن اشوف نفسي ان أنا بتأخر بالحياه من ناحيه الزواج والاستقلال المادي ايضا قد يبدو صعبا انك تعيد الدراسه من البدايه انا افكر بالمعدل
ايضا اشعر بالقهر في من اصحابي عائلاتهم جيده معدلاتهم بالتسعين ٩٠، وانا عائلتي يعني غير مستقره وذهبت للمعالج النفسي
اعطوني نصيحتكم لي
لعرض السؤال في فدني اضغط هنا
انا مخطوبه وخطيبي فيه حاجات كتيره وحشه فيه وحاجات كتيره حلوه بردو ساعات كتير ببقا كارهاه ومش عاوزاه ولو جينا للجد ببقا مش عاوزه اسيبه لانه ساعات بيبقى حنين عليا
المشكلة بقا انه فيه حد دخلته حياتي تاني وانا عارفه انه غلط احنا كنا صحاب قبل خطيبي م يظهر بكتير وبنتكلم عادي وهو حبني وعاوزني أسيب خطيبي بس خطيبي ملهوش ذنب
وانا مش عارفه اعمل اي يعني ال زي صحبي ده مش عاوزة اخسره وخطيبي كويس معايا ومستحيل اسيبه بسبب موضوع زي كده
وانا اصلا محتاره فكل حاجة وال بيحبني د بعتلي انهارده انه لازم نفهم علاقتنا لان يعتبر خطيبي موجود وهو خايف يتعلق بيا واسيبه عشان قبل كد دخل ف علاقه واتعلق واتخذل عشان كد خايف فهو عاوز يفهم مني آخرتها اي وانا قولتله مش هقدر اسيبه هو مش وحش معايا
لعرض السؤال في فدني اضغط هنا
انا من اكتر من 8 سنين يعني من سعت ما بابا اتوفي وانا كان عندي تقريباً 10 سنين وانا بعاني من مشاكل مع امي واختي الصغيرة حالياً انا داخلة في 18 سنة وادركت ان مافيش حل خالص معاهم كل ماجي اتكلم معاهم يقلبوا الترابيزة عليا و يطلعوني غلط وفيا عيوب الدنيا
ف ادركت ان مافيش اي حل معاهم ومافيش فايدة في الكلام اطلاقاً
بس الموضوع اثر بالسلب عليا انا
بقيت عايزة اهتمام من اي حد وحرفياً زي مابكون بتعلق بقاشية وده سبب ان يجيلي تروما من معظم البشر بسبب كتر الخذلان اللي اتعرضت ليه
وبسبب طريقة امي معايا من سنين طويلة جداً بقيت بلاقي راحتي في الانعزال و البعد عن البشر كلهم
لدرجة ان الموضوع ده مش بس أثر علي نفسيتي انما بردو علي صحتي الجسدية
لعرض السؤال في فدني اضغط هنا
في حد اتعرفت عليه هو شخصية محترمة وكويس جدا ودكتور بس في مشكلة أنه ٣٦ وانا ٢٠ لسا ف تالتة جامعة وحاسة أن فرق السن كبير هو من مكان وانا من مكان وحاسة أنه مش حاسس بفرق السن أو أن عندهم عادي
احنا لسا ف البداية ومقاليش معجب ولا الكلام ده بس كذا مرة يقولي نفسي اكلم مامتك انا خايفة من فرق السن ده وان اهلي ميتقبلوش ده وخصوصا أن أنا مثلا كمان اربع سنين هيكون عنده ٤٠ وانا لسا ٢٤
هو حنين وطيب وبيعرف ربنا كويس ف الشخص الي قدامه وميبانش عليه السن ده وبيهتم بنفسه وشكله وهيعيشني ف كل حاجة كويسة معنويا وماديا واحتواء وحنية بس فرق السن هو الي مخوفني
لعرض السؤال في فدني اضغط هنا
عندما تجد جميع من حولك ضدك..
عندما تشعر بأنك لا شيء يذكر..
عندما تمر بهم وكأنك لم تكن..
عندما تفقد ذاتك الإحساس بك، وفقط تزيد في تعذيبك..
عندما ينتهي التفكير في اي شيء، وفقط تقول متى ينتهي كل هذا؟!
لعرض السؤال في فدني اضغط هنا
السلام عليكم ورحمة الله وبركاته
أنا فتاة اتممت الـ 21 من عمري وانا مطلقه الان بعد زواج دام لـ 5 شهور والزواج تم بعد خطوبه 5 شهور كذلك
وبعد طلاقي لما اعد كما كنت، تلك الفتاة اللتي تزوجت بعمر الـ 19.
مر على طلاقي سنه ولم يتغير شيء بالنسبة لي نزلت اشتغلت حتى لا استسلم لعقلي وافكاري وظننت انني سأنجو هكذا ولكن لما يتغير شيء
عايزة أكمل جامعه ولكن والدي اعترض وقال ان مفيش جامعه وكدا كويس
الايام ثقيلة على قلبي بشكل لا يحتمل أسأل اللّٰه ان يجعله اخف.
كيف اكمل وارجع الشغف لروحي؟
كيف اقنع والدي انِ اكمل دراسه؟
وكيف أتخطى تلك التجربه التي اخذت مني روحي؟
لعرض السؤال في فدني اضغط هنا
عندي مشكله ان بيجيلي دايماً تعليقات على جسمي انا152 ووزني49 المهم اني نزلت الچيم ومش هكدب عليكو انا ثقتي اتهزت من كميه التعليقات من قريب قبل الغريب ودايماً كانت بتجرحني التعليقات دي واجي اقول لماما تقعد تقولي بطلي اڤوره دول بيهزرو معايا حتى لما نزلت الچيم مع بنت خالتي قالت كذا مره يلا يالي بتزيدي بالجرام انا محبتش ارد ولا بحب ارد على اي حد بإساءه بالعكس بخاف اجرح مشاعر الي قدامي حتى لو من بصه في المقابل الي قدامي مش بيقدر انا حساسه اوي وماما عارفه كده بجد بقيت اكره نفسي وشكلي والناس كلها ببقى نفسي اقولهم وانتم مالكم واجرحهم زي ما انا عايزه بس مبقدرش وان عملت كده ماما بتزعقلي مع اني لو كنا مكانها مكنتش هسكت لو حد انتقد بنتي في حاجه بجد تعبت وزهقت ومش عارفه اعمل ايه
لعرض السؤال في فدني اضغط هنا
السلام عليكم ورحمة الله وبركاته
هحكي موضوع كدا عارفه اني غلطانه وندمانه اوووي
من سنه و8شهور تعرفت ع حد واتكلمنا وحبينا بعض وطول فتره كلامنا يشهد ربنا ع كلامنا ان مفيش اي حاجه غلط.
المهم انا مكنتش ارضى انزل اقابله عشان مكانش ينفع انزل اصلا ف لسه من 3 ايام كنت انا نزلت المعهد والمكان قريب عادي يعني لو شوفته المهم....
تقابلنا قعدنا شوي ف الكافيه رجع كل فينا ع بيته ولما رجعت بعدها بشوي لقيته بيقولي انتي غير الصور مع اني منتقبه اصلا ف عيني وكدا ظاهر فبيقولي انتي بشرتك سمرة شوي عن الصور مهو طبيعي يعني اكون كدا اي العبط دا
المهم يعني طريقته تغيرت انا قفلت نت يومين فتحت تاني ملقيتش اي رساله منه رنيت عليه اقولك اي يعني مبعتش حتى نقطه ف رساله قالي كان لازم اعمل كدا من امبارح ف قلي خلينا صحاب الكلمه دي نزلت عليا كانها صاعقة حطمت قلبي لانه كان كل حياتي
تظاهرت بالقوة وان مش فارق معايا كلامه لاني انا فعلا م فارق لاني متيقنه وعارفه نفسي كويس وشايفه نفسي حلوة اوووي كمان وهو حب شكل محبش قلب واللي يحب واحدة عشان شكلها مش هيكفيه نساء الارض
ف انا دلوقتي مش عارفه اتقبل الموضوع هو لي كل دااا
عارفه اني غلطت اني كلمته كل الفتره دي حبيته وتعلقت بيه كان كل اهلي هو
بس مطلعش قد وعده ليا وكسر قلبي بس مش مسامحه ليوم الدين
ومش عايزة ادعي واقول حسبي الله كسرلي قلبي لاني بحبه وهفضل احبه لاخر يوم ف عمري هو هيتزوج ويكون اسرة ونا هفضل عايشه ع كل ذكري بينا حتي لو انها وجع لقلبي
دلوقتي اي اعمل انا هو انا عشان حبيت يحصل فيا كل دا
ندمااانه اووووووووووي اني عصيت ربنا عشانه وهو طلع ميستاهلش اي حاجه ❤️🩹
لعرض السؤال في فدني اضغط هنا
بتعملوا ايه عشان تستوعبوا خبر معين؟؟ يعني بتعملوا ايه لما حد بيرفض وجودكم جنبه وبيقرر فجاه ف يوم وليلة انه عايز يبعد وخلاص مع اني فنفس الوقت كنت بفكر ازاي اخلي الشخص ده سعيد بس فنفس الوقت الشخص كان بيفكر بطريقه حلوة عشان يطلعني من حياته..
بتتخطوا ازاي حد كنتوا راسمين حياتكم معاه؟ مش عارفه انام كويس ولا ابطل عياط ولا اكل كويس..
بقيت حاسه اني عايشه وميته في نفس الوقت واكني بغرق ومش قادره انقذ نفسي وكل حاجه حلوة جوايا ضاعت وكاني خسرت نفسي، قلبي كل يوم واجعني مش عارفه اتبسط بأي حاجه ولا حاسه باحساس فرحة جوايا والموضوع بقاله فترة،
بقيت بنام على عياط وبصحي علي عياط مش مستوعبة ان اكتر انسان انا حبيته قدر يتخلي عني بمنتهى السهولة برغم اني كنت بحكيله عن بابا وقد ايه اتخذلت منه ومش مستعدة يحصل فيا تاني
لعرض السؤال في فدني اضغط هنا
السلام عليكم
انا من فتره كبيره حصلي مشكله اتصدمت في شخص المفروض انو كان كل حياتي وكان كويس ومحترم جدا كان خطيبي كنا بنحب بعض جدا جه ف وقت بقي متغير معايا ولما اجيب سيره اي حاجه ف المستقبل كان يقولي مستعجله علي اي انا معاكي اهو وكلو ف وقتو كانو بيتهرب
في نفس الوقت كانت صاحبتي غريبه وتصرفتاهم مش مظبوطه في مره مسكت موبايلو من وراه لقيت رقم صاحبتي متسجل عندو ومكالمات كتير جدا وكل ده وانا هبله وعبيطه ومش فاهمه اي حاجه وكنت واثقه فيه ثقه عمياء ومكنتش بمسك موبايله خالص عشان انا مديالو الامان وكده واجهتو فضل يطلع كل عيوب الدنيا فيا وكأنو هو الملاك
وفجاه اتغير مش هو ده الي كنت اعرف وبحبو وبعدها لقيتها بعتالي اسكرينات وهو بيتكلم عليا معاها وانو كان مستحملني بالعافيه وانو مش مبسوط معايا وعاوز يفركش بس كان بيدور علي طريقه عشان يطلعني انا اللي غلطانه عشان يفركش وبكل بجاحه بعدها لقيتها بتقولي ف الاخر ياريت متكلمنيش تاني ومش عاوزه اعرفك
وانا عشان طيبه فضلت أعاتب فيها واكتشفت انها عملت بلوك يعني حتى كلامي مش وصلها مش فاهمه ليه ومن اقرب صديقه ليا كنت بعتبرها اختي يعني واضح جدا انها بتكرهني من زمان وطلعت كمان هيا اللي دخلت كلمتو طب كان يبعد لكن من غير ميستغبيني وكمان كان عاوز يطلعني وحشه قدام الناس
أنا نفسيتي مدمره وعايشه على المهدئات بس اهلي ميعرفوش وعارفه انو غلط بس غصب عني وعاوزه ارجع زي زمان مش عارفه ولما بخرج بيقعدو يسألوا عن الموضوع وتعبت من كلام الناس ونظراتهم ليا
حاسه اني خسرت كل حاجه خسرت الشخص الوحيد اللي حبيته واتمنيته من الدنيا وخسرت صاحبتي الوحيده مش عارفه اعيش حاسه اني مليش لازمه في الدنيا مش عارفه اعمل ايه تنصحوني به اي عشان ارجع زي الاول وانسى ازاي رغم أن في صعوبه
لعرض السؤال في فدني اضغط هنا
بابا وماما عايزين ادخل طب وانا مش عارفة انا هعرف ادخلها ولا لأ وانا اصلا مش عايزة ادخلها بسببهم كرهتها بجد اخر مرة بابا قالي لو مدخلتيهاش هدمرك ومش هصرف عليكي قال كدا بجد انا مش مزودة حاجة من عندي قال هدمرك انا مليش طموح في حاجة لأن انا اصلا مش مسموح لي افكر في اي حاجة تانية يعني لما كنت بروح اقول لماما مثلا اني عايزة اكون مهندسة برمجة أو ادخل الالسن كانو بيتهمومي بالفشل واني عشان مش هقدر اجيب الطب هدخل كلية تانية هما لدرجة اني كرهت اي حاجه كان نفسي فيها بيصروفوا عليا وكل حاجة بس انا مش مرتاحة وخايفة من الي هيحصل لومجبتش طب أولو جبتها هعمل ايه وانا مش بحبها
لعرض السؤال في فدني اضغط هنا
والدي مسافر منذ نحو عشر سنوات للعمل خارج البلاد، وقد تركني في مصر عندما كنت في الحادية عشرة من عمري، وأنا الآن في الحادية والعشرين. علاقتي بوالدي جيدة، وهو يحبني ويحب أسرتنا، وأنا أعلم أن ظروف العمل هي التي أجبرته على البقاء بعيدًا عنا، وليس لأنه لا يريد أن يكون معنا.
خلال هذه السنوات كان تواصله معي هاتفيًا فقط، تقريبًا مرة واحدة في الأسبوع، وكان يعود إلى مصر في إجازة مرة كل سنتين تقريبًا، وتكون إجازته قصيرة جدًا، غالبًا أقل من شهر.
مع مرور الوقت، اضطررت إلى الاعتماد على نفسي في كثير من الأمور التي كنت أتمنى أن يكون والدي موجودًا بجانبي فيها. مررت بمواقف وظروف صعبة، واجتزت مراحل التعليم المختلفة دون وجوده إلى جانبي بشكل فعلي، كما تحملت مسؤوليات تجاه والدتي وإخوتي في سن مبكرة.
أشعر أن كل ذلك جعلني أتأقلم تدريجيًا مع فكرة أنني لا أملك أبًا حاضرًا في حياتي اليومية، بل أصبحت أحيانًا أشعر وكأنني أنا المسؤول عن إخوتي، وكأنني ألعب دور الأب بالنسبة لهم.
المشكلة التي أشعر بها الآن هي أن مشاعري تجاه والدي أصبحت ضعيفة أو جافة من الناحية العاطفية. لا أشعر تجاهه بالحب أو الخوف أو الاهتمام بنفس الدرجة التي أشعر بها تجاه والدتي. والدتي عشت معها طوال حياتي، وأشعر بقرب شديد منها؛ أحب الجلوس معها والحديث إليها، وأخاف عليها وأهتم بها بشكل كبير. أما والدي، فبسبب غيابه عن حياتي لمدة عشر سنوات، أشعر أنني أصبحت بعيدًا عنه عاطفيًا رغم احترامي الشديد له وعدم إساءتي إليه أو التقليل منه بأي شكل.
أنا لا ألوم والدي، وأدرك أن ظروفه هي التي دفعته إلى الغياب، كما أنني أعلم أنه يحبني. لكنني أشعر بالذنب بسبب ضعف مشاعري تجاهه، وكأنني شخص عاق أو جاحد، مع أنني لا أتعمد ذلك ولا أستطيع التحكم في مشاعري.
سؤالي:
هل من الطبيعي أن يحدث هذا النوع من الفتور أو الجفاف العاطفي تجاه الأب نتيجة الغياب الطويل وعدم وجود علاقة يومية معه؟ وهل يعني ضعف مشاعري تجاه والدي أنني لا أحبه أو أن هناك مشكلة في شخصيتي أو في علاقتي به؟ وكيف يمكنني التعامل مع هذا الشعور بالذنب، وهل يمكن إعادة بناء القرب العاطفي بيننا بعد كل هذه السنوات؟
لعرض السؤال في فدني اضغط هنا
من فتره من حوالي ست شهور رحت كورس و لقيت واحد زميلي من لما كنت في الثانوي، أنا كنت معجبه بيه من ايام الثانوي من بعيد بس مكنتش اعرفه شخصيا المهم لما لقيته عرفته و قعدنا نتكلم عشان مكنش في حد اعرفه غيره و قربنا من بعض كأصدقاء يعني مكنش في أي تلميحات ولا اي حاجه ، ارتحت معاه جدا و طلع عسول بشكل مش طبيعي و حرفيا خدنا على بعض بسرعه ولا كأننا نعرف بعض من سنين
المشكله بقى دلوقتي الغلطه الي عملتها، كنا بنتكلم في مره و وقعت من لساني و قلتله اني معجبه بيه مع اني مش عايزه بفكر في الجواز و في مشاكل قد الدنيا في حياتي و حرفيا مش وضع مناسب نهائي للارتباط و بجد ندمانه بشكل مش طبيعي خصوصا لو اي حد تاني عرف اني قلتله هيقول عليا كلام زي الزفت و طبعا المجتمع بيعامل اي بنت عندها مشاعر أنها شمال ما علينا قالي أنه معجب بشخصيتي جدا بس مش متأكد لو هو معجب بيا اكتر من صحاب ولا لا ، قفلت على الموضوع عشان كنت محرجه جدا طبعا و بعدها متجابتش السيره نهائي و كلامنا بقى سطحي جدا و بجد أنا مش عارفه عملت كدا ليه و مش عارفه اعمل ايه دلوقتي
لعرض السؤال في فدني اضغط هنا
انا متجوز من 5 سنين انا ومراتي بنحب بعض جدا بس هي بتحب العلاقه كتير وبطرق مختلفه وبتحب افكار جديده لدرجه انا بقيت مش عارف اعمل اي علشان ف الاوقات بتكون عندي ضغط شغل وهي بتعوزني وانا مش عارف اتصرف ازي ان اخليها تهدى شويه
لعرض السؤال في فدني اضغط هنا
دلوقتي انا عندي٢٣ سنه واتخرجت من سنه، وقت مشروع التخرج في واحد دخل يتكلم معايا (عن المشروع) وفجأة لقيته قالي انه عايز يرتبط (قال انه شافني وعارفني من اولى وكنا مع بعض ف اللجنة وغير كدا هو وصفني، وطلب صورة ابعتهاله بس انا موافقتش بحيث انه عارفني فا ملهاش لازمة الصور)
ولما رفضت الارتباط كان بيتحايل كتير لدرجة انه حاليا ف الجيش وكل ما ينزل اجازة يبعتلي انه عايز ييجي يتقدم بس الاول نرتبط، انا برضو رفضت موضوع الارتباط وقال انه هييجي يتقدم قولتله تمام بس حابة نعرف شخصيات بعض الاول (لاني مش حابة اتخطب لواحد معرفهوش ولا قدر الله لو محصلش نصيب مش هكون حابة ان خطوبتي اتفشكلت غير ان التعلق عندي زيادة حبتين)
هو وافق وشرط بعدها بشهر ييجي يتقدم عشان يخطب وبعد الخطوبة ب٢٠ يوم نكتب الكتاب وبعدين الفرح ييجي براحته (الحقيقة انا مش فاهمة ايه السرعة دي وغير كدا حاسة اني غلطانة لما قولتله نعرف شخصيات بعض الاول لان كدا هنتكلم واحنا منجوزش لبعض او مفيش حاجة رسمية بينا )
هو قال ان عنده شقة وتقريبا لسه متشطبتش وغير كدا هو لسه ف الجيش بس كلها كام شهر وهيخرج
أنا أكيد هصلي استخارة وادعي لو فيه خير بس انا محتاجة حد يفيدني ويلفت نظري لو في حاجة
مش حاسة اني مقتنعة بس اصراره عليا الي مخليني افكر كتير فالموضوع
انا اكيد حابة اتخطب اتجوز بس الموضوع هنا سريع اوي وغير كدا كل ما افكر ف الجواز احس اني مش مستعدة لحياة جديدة زي دي ومع حد جديد حاسة انه هيبقا مفروض عليا
ياريت تفيدوني انا لسه مقولتش لاهلي واسفة لو طولت عليكو
لعرض السؤال في فدني اضغط هنا
لما تبقا الأخلاق والتعامل الكويس ومراعاة الناس ذريعة لأنهم يأذوك
ولما تبقا المسامحة تنشيط للأذى والمشاكل
ولما تطغى عقدة النقص عند شخص معين فيظلم كل الناس وميشبعش حرفيا متعرفش امتى هيشبع
ايوة بتكلم عن شياطين الإنس مفيش مبدأ ولكن في شر فقط لأجل الشر وكأنه بيتقرب لإبليس بالشر ده
.. مش المفروض نسامح وعلى فكرة مش بنسامح عشان احنا ضعفاء ولكن عشان عايزين الأحسن وأقولك حاجة حتى لو احنا بنسامح عشان ضعفاء ومش قادرين نرد فده برضو مش مبرر للأذى والشر اللي بيعملوه
.. عموما ربنا قادر يهلكهم ولكنهم ابتلاء في الحياة وده مش تواكل ولكن فعلا لازم ناخد معاهم رد فعل بالحكمة وأقل الخسائر .... وصدقني الخسارة الحقيقية هي أنهم يقدروا يستفزوك وتتعصب وتنتقم وبكدا تكون بقيت زيهم ويكونوا نجحوا ......... ربنا يهدي و يصلح حال كل من بيتمنى الخير للناس
لعرض السؤال في فدني اضغط هنا
السلام عليكم
انا فتاه ابلغ من العمر 14 عاما مشكلتي اني لو ذاكرت وحصلت على درجات جيده او الدرجه الكامله أشعر بعدم الاستحقاق او اني لم اكن استحق هذا مع العلم اني فتاه متميزه ولا اغش أو لما اصلي صلاه بخشوع تام أشعر اني لم افعل شيئا وان صلاتي ليست صحيحة أو لما أقرأ قرآن أشعر انني أخدع نفسي أو لما انظر إلى الناس أشعر بأنهم ملتزمون عني مع العلم اني أحاول الالتزام بقوه مع اني لا ارتدي الزي الشرعي أو ما يعرف بالخمار إلا اني دائما اغطي رقبتي وشعري وأرتدي بناطيل واسعه وانا جميله جدا بمقياس الجمال في وقتنا الحاضر.
أتساءل هل شعور عدم الاستحقاق هذا طبيعي ام لا؟
لعرض السؤال في فدني اضغط هنا
أنا مطلقه وعندي طفل وضعي مع اهلي جدا سيئ من بعد طلاقي صار كل شي فوق راسي واخوي ما يسوي شي واعطي ابوي شهريا ٤٠٠ ريال ومن كثر الضغط فكرت ارجع ل طليقي بس مو عرفه ابي ارتاح
لعرض السؤال في فدني اضغط هنا
السلام عليكم
انا بنت عندي 14 سنه في تالتة اعدادي حاسه اني لو ذاكرت او ماذكرتش بحس اني معملتش اي حاجه حاسه بالضغط دايما وحاسه اني فايتني كتير من تعلم لغه جديده غير الانجليزي وورد قرآن وحفظ قرآن وبودكاست وقراءة ورياضه او مهارات كتيره
حاسه اني مطلوب اعملها المشكله اني مبعملش اي حاجه في الآخر و وبينتهي بي الوقت باني تمسك الموبايل واقعد اسكرول من غير هدف ودا اللي بيزيد الضغط اكتر فأنا ولا بخلص الي عليا ولا حاسه بالراحة مش عارفه انا ايه بصراحه اتمنى تفيدوني 😣 @Psy-a'laa M. Abdulhamid
لعرض السؤال في فدني اضغط هنا
انا بنت عندي18 سنه... أسالكم بالله ان تقراو مشكلتي علشان انا حرفيا في ورطه ومش لاقيه حد يساعدني....
بصوا انا مع واحد بقالنا حوالي تلات سنين... بنتكلم اونلاين بس لكن عمرنا متقابلنا.. المهم اتعرفنا عن طريق النت وفضلنا نتكلم لحد محبيتو بعدها ابتدا الموضوع بمره عايز اشوفك ب هدوم داخليه والكلام داا. وانا من حبي الشديد ليه للاسف الشديد عملت كدا😔 مع العلم انا عمري معملت حاجه زي كدا او مشيت مع حد ف الحرام اصلا...
المهم بعدها بقى علطول بيشوفني كدا وانا مش عارفه اعمل اي وهوا قالي كتير جدا لو عايزه تبعدي براحتك وهوا مستحيل يعمل حاجه تضرني لانو لو كان عايز يعمل حاجه تضرني لا قدر الله كان عمل من زمان بس انا واثقه فيه جدااااا لإبعد حد..
المهم انا خايفه قوي لما أقابل ربنا مش عاࢪفه اعمل اي واهلي اللي خونت ثقتهم فيا مش عارفه واحنا الاتنين فرق السن مبينا كبير شويه ودايما يقولي انا خايف اتقدملك اهلك يرفضوني هوا عموما مش هنا لسه هوا بعيد...
ودايما اقولو اتقدم واعمل اللي عليك يحلف ويقولي والله هعمل كل حاجه ومش هسيبك ولا هتخلى عنك ...
بصراحه عمري مطلبت منو حاجه ورفض بالعكس دا دايما بيقف جنبي في كل حاجه في الفلوس في جدعنه في كل حاجه والله.. وهوا دا اللي مخليني مستمره معاه لاني انا عايزاه برضووو جداااا بس عايزاه في الحلال ومش عايزه يحصل مبينا اي تجاوزات اكتر من كدا بقى وف نفس الوقت خايفه افضل استمر في علاقه حرام لا هترضيني في الاخر ولا هترضي ربنا.. وانا مش قادره ابعد والله نهائي
قولولي اعمل اي وارجو الرد باحترام جزاكم الله خيرا
لعرض السؤال في فدني اضغط هنا
مساء الخير
عايزه احكي معاكو في حاجه مضايقاني اوي وبحكيها من قلبي بتعملو اي لما تشوف كل الي حواليكو بيقللو منكو دايما متشاف قليل من أهل صحاب من كل مكان
لدرجه كرهت التعامل مع الناس وكرهت كلام اهلك
وكأني بتعاقب ع ذنبي مش بايدي اني ضعيفه وغلبانه وع نياتي أو طيبه قلبي واني حساسه ومعنديش شخصيه
مرة حد قالي انتي لقطه في الزمن ده ورقه بيضه وسط كل دول ودي حقيقه مش بقول كده عشان ابقى ضحيه بس انا فعلا كده هاديه خالص ومبعرفش اتعامل ولا اتكلم
مبقتش قادره اتحمل ضغط أن كل ال حواليا بيقللو مني وشاييفني قليله كده
في كلمه اختي قالتلهالي لما اجيب ولادي هخليكي هزوء هتبقي هزوء بالنسابلهم هي اكبر مني
انا حاسه اني تعبت اوي ويمكن معاهم حق انا فعلا مبعرفش اعمل اي حاجه بس أنا نفسي اتغير نفسي اثبت لنفسي واثبتلهم اني مش كده بس بالأفعال
وارجوكم ي جماعه محدش يكلمني من ناحيه الدين وتقولولي جربتي تروحي لربنا
لعرض السؤال في فدني اضغط هنا
السلام عليكم انا بنت عندي 19 سنه
انا بابا وماما منفصلين من وانا لسه بيبي وبابا من وانا صغيره بيعاملني معامله سيئه جدا وبيضربني على طول على اي سبب حتى لو ميستاهلش ومكنش بيرضى يخليني ازور اي حد من قرايبنا
كنت محتاجه احس بالأمان مره عرف اني شفت ماما وضربني جالي صدمه نفسيه وعصبيه وقعدت فتره كبيره متكلمش ودخلني مصحه نفسيه
كنت بتعامل اوحش معامله بجد ومش جديد عليا طول حياتي كده وهو كان بيعالجني مش عشان خايف عليا لا عشان خايف من انو يتحبس قعدت سنه في المصحه وبعدها على طول يهددني بيها اني لو حكيت اي حاجه لحد هفضل في المصحه طول عمري
وانا مكنتش هحكي مش عشان خايفه منو عشان ده والدي مع انو عمري ماشفت منو لحظه بس حنيه لكن خايفه من ربنا ومش عارفه أساساً اعمل اي واي اللي المفروض يتعمل
المهم بعدها اتقدملي شاب وكان مناسب جدا وكويس وبابا ساعتها وافق وقال اخيرا هخلص منك وكنت فرحانه جدا عشان هبعد عنو وبدأ يبقي كويس شويه معايا حصل في مره موقف وكنت اول مره اتجرأ وارد عليه ساعتها بعدها تاني يوم فسخ خطوبتي وكلمو بطريقه وحشه جدا سيئه
و فكرت كتير اكلم حد من قرايبنا في السر لكن هما مش هيعملو اي حاجه هيسمعو بس وماما مش في ايدها حاجه وغلطه عمرها انها اتجوزت بابا وفكرت كتير ابعت على اي ابليكيشن بس هو ممكن يعرف هنا هو مش هيعرف حاجه عشان ابليكيشن غريب وبمسح كل حاجه بعملها على الموبايل عشان بيمسكه ويفتش فيه
لو حد يقدر يساعدني اعمل اي معنديش اي مكان اروحه وهل في حل ولا هفضل طول عمري كده
لعرض السؤال في فدني اضغط هنا
بحس أن أنا كل ما احاول اقرب من ربنا بحس اني غريبه عن العالم يعني امنع الميكب والبس لبس واسع بحس اني غريبه حتى مع اختي بحس اني اكبر منها لم بنمشي مع بعض مع العلم هي الكبيره بس برجع اقول لي نفسي مش مهم الدنيا اهم حاجه الاخره بس مش عارفه بحس أحيانا اني ممكن مكملش ف الي أنا بعمله ده بي سبب احساس ده
لعرض السؤال في فدني اضغط هنا
السلام عليكم ورحمه الله وبركاته
مش عارفه ابدا منين
، أنا عايزة أحكي موضوع حصل بيني وبين مديري من البداية، لأن الموضوع بالنسبة لي مش مجرد موقف واحد، وفيه تفاصيل ومشاعر اتراكمت مع الوقت.
في البداية كانت علاقتنا عادية كل يوم بروح الشغل ابذل مجهود ومركزش مع حد وبليل هو بيروحني على البيت ، ومع الوقت حصل بيننا تقرّب وقرب أكبر، خصوصا إنه كان ديما شايف مستوايا كويس في الشغل وبدأت أحس إن وجوده وقربه بقى له تأثير كبير عليّا لانه كان ديما بيديني نصايح في الشغل وفي الحياه عمتا وهو كمان كان بيبين اهتمام وقرب، وده خلاني مش عارفة أحدد طبيعة العلاقة بالضبط.
بعد فترة حصلت بيننا مواقف فيها قرب وحنية وتجاوزت حدود العلاقة العادية، وده خلاني أتعلق أكتر وأبدأ أفكر في معنى تصرفاته: هل كان مجرد قرب في لحظته، ولا كان فيه مشاعر حقيقية من ناحيته؟
المشكلة إن أنا كنت بحس معاه بالأمان والراحة والقرب، وفي نفس الوقت كنت عارفة إن فيه حدود المفروض تكون موجودة، فبقيت متلخبطة بين اللي بحسه واللي أنا شايفة إنه الصح.
أنا كمان مش عايزة أقول إن كل تصرف حصل كان معناه حاجة معينة، ولا عايزة أظلمه أو أفسر نيته من غير دليل. أنا بس بحاول أفهم الصورة كاملة: هو كان شايفني إزاي؟ وأنا ليه اتعلقت بالشكل ده؟ وإيه معنى القرب اللي حصل بيننا؟
واللي حصل بعد كده زوّد اللخبطة عندي، لأن مشاعري ما اختفتش بمجرد إني حاولت احط حدود بالعكس، بقيت محتاجة أفهم نفسي أكتر وأعرف إزاي أتعامل مع التعلق ده من غير ما أنكر مشاعري أو أتصرف بطريقة أندم عليها بذات أن ونا بحاول ابعد عنه جسديا كان ديما في بالي وتفكيري ، وحاسه إن تعلقي بيه هو إنه عشان والدي توفى ونا طفلة وتقريبا مكنش عندي عيله تحتويني ف لما لقيت الاهتمام معاه أو الحنين تعلقت بيه مثلا ؟ وبقيت بحب الشغل علشان بيخليني اهرب من البيت وبيعملي واقع تاني غير اللي انا عيشاه؟
هو اعترفلي بالحب وكان عارف إننا مينفعش نبقا مع بعض لانه مديري ومتجوز واكبر مني وكده ، بس قال إنه على الأقل ريح ضميره وعارف إن الغلط كلو عليه .
ف انا عايزه اتخطى العلاقه دي ومش قادره انسى اي تفصيله بينا ولا قادرة ابطل تفكير مهما اشغل نفسي
ف ارجو لو حد عارف اعمل ايه يساعدني لاني مش حابه احكي لحد ولا عارفه اعمل ايه .
لعرض السؤال في فدني اضغط هنا
انا بنت وعندي عاده نفسي ابطل اعملها الا وهي اني ديما محتاجه اوري للناس حلوه وشكلي حلو مش عارفه دي فطره البني ادم انو بيدور على الاهتمام ولا ده اي ممكن حل
لعرض السؤال في فدني اضغط هنا
السلام عليكم
حابه اعرف ايه المهارات الي لازم اتعلمها كبنت في سن المراهقه
لعرض السؤال في فدني اضغط هنا
ازاي ابطل اكون محتاجة دايما اهتمام؟
وازاي ابطل افكر ف حاجات سلبية لمجرد م اقعد لوحدي، انا فيا الطبع دا من زمان عشان كنت بفكر ان لما اتخيل الاسوء مش هتصدم لكن الطبع دا بدأ يتعبني عشان مجرد م الاصوات اللي حواليا بتسكت دماغي بتفكر ف كل الاحتمالات السلبية والسيئة اللي ممكن تحصل وانا حقيقي تعبت
لعرض السؤال في فدني اضغط هنا
انا بنت وعندي 14 سنه حابه اعرف تجاربكم ولو رجعتوا لسني دا ايه الحاجات الي تهتموا بيها وايه الي هتبعدوا عنها ياريت تفيدوني
لعرض السؤال في فدني اضغط هنا
انا عندي ١٧ سنه وماما عندها ٦٢ سنه وبابا مش عايش معانا من زمان فماما هيا اللي شايله الضغط كللو دايما وفعلا مقدره انها بتتعب اوي وبتطلع ضغطها ده عليا كتير وبحاول استحمل وعمري ما سيبتها زعلانه حتى لو مغلطش واختي بردو كانت عايشه معانا فالحمل كان بيتقسم علينا كلنا ..
المهم انا في ٣ ث وعدى اكترمن شهرين وبجد حاسه بضغط كبير اوي كل يوم وحاسه بضغط اني بضغط على اهلي في المصاريف وانا بجد بقالي فتره نفسي ارفه عن نفسي واقعد مع صحابي شويه مش هيحصل حاجه
فالنهارده وانا راجعه من الدرس كلمت ماما قولتلها هقعد مع صاحبتي شويه قالتلي ماشي نص ساعه بس وارجعي وانا كنت عايزه اطول فاتحايلت عليها شويه مرضيتش فبعد ما روحت كل اللي قولتو اني زعلانه منها عشان مخلتنيش اقعد شويه كمان واني مضغوطه الفتره اللي فاتت
مره واحده زعقت جامد جدا وفضلت تقوللي انا غلطانه اني رضيتلك على حاجه اصلا انا كان مفروض ارفضلك كل طلباتك عشان ترتاحي وتريحيني ومش هترتاحي غير لما اموت وفضلت تزعق تزعق جامد وماما اصلا ضغطها بيعلى من غير حاجه
ففضلت تقوللي انتي السبب وهتموتيني بسبب الضغط العالي فقولتلها ان مامة صاحبتها كلمتنا وقالتلنا نقعد سوا نرفه شويه عن نفسنا زعقتلي اكتر وضربتني وبجد اول مره في حياتي ماما تضربني تقريبا والموضوع اثر فيا اوي وبجد انا عملت ايه ؟
قولتلها اني زعلانه بس مش اكتر ليه وجد انا بقالي ٣ سنين مشوفتش ماما متعصبه العصبيه دي كلها ومكمان اختي هتسافر قريب فهبقا لوحدي معاها ومش عارفه هتعامل معاها ازاي بعد كده ...
انا مقدره انها كبيره في السن ومش قادره تستحمل اي ضغط بس انا بردو ليا احتياجاتي وليا طلباتي ليه كل طلب بسيط بيبقا تقيل على قلبيها اوي كده وتقلب الموضوع حوار كبييير وتحسسني بالذنب وتكرهني في عيشتي
انا بجد تعبت من كتر ما بتزعقلي وكل مره بروح اعتذر حتى لو غلطانه بس انا بجد المره دي مش قادره مش قادره اعتذر لها لاني بجد مغلطش في حاجه ده غير اني طالع عين امي من غير حاجه ومش ناقصه فليه ..
حد يقوللي بجد اتعامل معاها ازاي عشان الفتره الجايه هتعامل معاها اكتر ومحتاجه حل للموضوع ده
لعرض السؤال في فدني اضغط هنا
جماعة انا شغال في فندق ويوم الجمعة عندنا حفلة والمطلوب مني انزل اشيل خمور واوزعها علي الترابيزات انا لو رفضت مش هاخد مستحقاتي عن باقي الايام ومش عارف اعمل اي؟
لعرض السؤال في فدني اضغط هنا
انا نفسي ابقي قريبه اوي اوي اوي م ربنا نفسي اعمل كل حاجه ربنا يبقي متقبل مني ومعملش اي غلط انا بدات م يومين اصلي ونفسي اجمع مبلغ واطلعه زكاة عني او هدوم المهم نفسي احفظ قرآن اون لاين بس مجاناً ال عارف يقولي منصه اي وادخل فيها ونشجع ونحفظ سوا.
لعرض السؤال في فدني اضغط هنا
انا زهقت من الدنيا باللي فيها اقول اللي حواليه قافلين الباب في وشي ما فيش حاجه بتنجح في حياتي شغل واشتغلت 5 شغلات وطلع عيني فيها انا دلوقتي في شغل وانا شغلانه جديده ومش عارف اعمل ايه وما فيش مكسب كله على قد الرايح في الدنيا ديت وثالثه اعدادي كمان
لعرض السؤال في فدني اضغط هنا
السلام عليكم ورحمة الله وبركاته
ارجو نصيحة نتعامل ازاي مع الموقف ده ام زوجي بتمد أيدها للناس وتشحت وتشتغل فالبيوت وبتلم خردة من الق*أمة أعزكم الله مش محتاجة ولها معاش وزوجي مكفيها وبتاكل من اللي بناكل منه ومش بنطلب منها شيئ للعلم عندها اولاد غير زوجي ولكن سابولها المحافظة كلها ومشوا بسبب أفعالها وكل ما تطلع الشارع لو ٥ أفراد قالولها تعالي كلي بتروح تاكل مع أن بتكون لسه واكله معانا والناس كلت وشنا وماشية بملابس مقطعة مع اني جبتلها كتير تركنهم ومش بترضا تلبسهم هي عاقلة يا جماعة عاقلة هي بتعمل كده بإرادتها من سنين واولادها اطفال وللاسف أولادها بقوا رجالة وبرضوا مش راضية تبطل
ارجو تفيدوني نعمل ايه زوجي بيقولها بطلي كده بتقوله بصرف علي نفسي وهي مش بتجيب قشاية حرفياً والآخر بتطلع تلطم وتصوت ،مستحيل مستحيل توافق تروح لدكتور نفسي
لعرض السؤال في فدني اضغط هنا
كنت بتكلم مع والدي أن حد اتبلي عليا اني حرامية ومعرفش يثبت ده ف لقيت أمي كانت نائمة وسمعتنا ف بعدها بشوية لقيتها جاية تقولي انتي معاكي كام خاتم دهب .. وفين خاتمي الدهب مش فاكرة راح فين ف قولتلها بعتيه قالتلي لا مش فاكرة افتكري معايا... حسيت انها بتتهمني بالسرقة و مش قادره اكلمها عادي من ساعتها قولت اواجهها قدام بابا واقولها لقيت خاتمك الدهب ولا لسة و احكيله الكلام اللي هي قالتهولي و هو نايم و لا احكيله كلامه بعيد عنها من غير ما هي تسمع ؟؟؟ لاني حرفياً متضايقة اوي
لعرض السؤال في فدني اضغط هنا
مشكلة صديقة هي ليست قريبة ولكن طلبت مني نصيحة
صديقتي تعاني منذ فترة كبيرة من الوحدة ربما اكثر من عامين وقبلها علاقتها بصديقاتها كلها كانت سطحية او ليست عميقة فتولد معاها احتياج عاطفي
نشرت على احد مواقع التي تتيح الفضفضة باسم مستعار " اسماء فواكه لكل شخصية" كتبت عن مشاعر الوحدة التي تعيشها كنوع من الفضفضة لانه لم يكن فترتها أحد قريب منها لتحكي له فأجابها شاب واستمر الحديث بينها ربما ثلاثة ايام بسبب تشابه شخصيتهما وايضا احتياجها النفسي للونس
وعندما وجدت ان الامر بدأ يتعمق بينهما يكثر الكلام طلبت بأدب ان يتوقفوا عن التواصل بسبب ان التواصل هذا حرام وهذه ليست شخصيتها قطعوا التواصل فترة شهر ثم عاد هو من الجيش فعاد التواصل بينهما ثم قطعته هي مرة ثانية ولكن هي من عادت لتكلمه هذه المرة "تفضفض عن مشاعرها " وعندما يتعمق الحديث بينهم تعود وتقطعه ونوت ألا تعود لهذا الذنب ولكن وقعت فيه مجددا
وعادت تحدثه ولكن هذه المرة أصبح يلمح هو برغبة في تزوجها أو إعجابه بها وبشخصيتها وهي ليست معجبة به حتى عامة ومراسلتها له فقط لأجل أنها وجدت انه يهتم بمشاكلها ويسمعها ويؤنسها ومقتنعة تماما أن هذه العلاقة حرام اولا وثانيا هي لن تكتمل ولا يصح أن تكتمل وهي نفسها تريد أن تبتعد عنه ولكنها تشعر أنها لا تستطيع خاصة أن أخر مرة قطعت التواصل معه ظلت لأكثر شهرين تعاني من إحساس الوحدة وفقد الونس والقلق لأتفه الأسباب وتشعر أنه زاد لديها الرغبة في وجود شخص يشاركها يومه وتشاركه يومها.
هي الآن تطلب مني أن أنصحها كيف تبتعد بشكل نهائي وكيف تغلق هذا الباب تماما وتتخطى مشاعرها وتتأقلم مع تراكم المشاعر التي يدفعها لتعود لتراسله مجددا
مع العلم حاولت أن تشارك صديقاتها سابقا ان تتقرب لهم لكن كانت تجدهم يصدونها يتجاهلون يردون ببرود فبشكل طبيعي وجدت شخصا يهتم بالتالي وقعت في هذا الأمر وتعيش طيلة الوقت في ألم تأنيب الضمير وخوف من أن يعاقبها الله عقاب شديد
لعرض السؤال في فدني اضغط هنا
ازاي أعالج نفسي من صدمات قديمه و ازاي اعوض الفراغ إلى بابا سابه لأني بدخل علاقات كتيره على أساس يتملي الفراغ دا بس أنا إلي بدمر في الاخر
لعرض السؤال في فدني اضغط هنا
تعملو اي لو انتم ف ريليشن مع حد وهو كل مره الاهتمام بتاعه بيقل وممكن توصل انكم تقعدو يومين م بتتكلمو غير دقيقه كد ويتحجج انو كان مشغول وتصدقي عادي جدا ف تلاقيه منزل استوريهات او عامل ريبوستات طب ما انت كان عندك وقت تكلمني ومكلمتنيش وبتحبوه اوي وم قادرين تبعد تعملو معاه اي؟
لعرض السؤال في فدني اضغط هنا
انا لدي مشكله أنني أعاني في اعوجاج في ظهري وصرت أتعالج منه تسع شهور حتى الآن أتعالج منه بشيء يدعى حزام العمود الفقري
حقا أنه يؤلم جدا لكنني خائفه من المستقبل أن بعد كل هذا لا يتم شفائي وفي النهايه أفعل العمليه المشكله ان عائلتي حقا تزيدني ضغطا فوق الضغط عندما اشتكي أو اتكلم يضحكوا على أوجاعي لأنهم لم يجربوها قط
وايضا أنا من النوع الذي لا يستطيع كتم مشاعره مثلا ابكي غير قاصده فيضحكوا علي أنني ابكي وغير كل هذا امي
امي هذه حقا المعنى الحرفي لتزيدني حمل فوق الحمل طوال الوقت تزعق في تضربني وتحبطني وتقول أنني فاشله انتي لن تنجحي وانتي وانتي وانتي وهكذا
وتريد أن تسيطر علي بالكامل مع انها لا تفعل هكذا مع اخوتي وانا اكره ذالك فعندما اعترض أو شيء تجعلني أكره اليوم الذي جئت فيه عندما اعترض ولا أحد يشعر بما يشعر لأنني من النوع الذي يضحك أمام الناس لكنه من الداخل منهار حقا لا أعرف ماذا افعل
لعرض السؤال في فدني اضغط هنا
نا بحب شخص وهو بيحبني ونا مبلغه ماما إني بڪلمو وهيه عارفة نا قربت اكمل سنه مع شاب دوا وبحبو جدا قربنا نكمل سنه هل دا حرام ول اي
لعرض السؤال في فدني اضغط هنا
انا شخص خواف اوي اوي من العلاقات عموما، بثق ف اللي بيقربوا مني ظاهريًا بس بيفضل جوايا دايما شكوك تجاهم و تجاه كل لحظة حلوة بعيشها، صراحة بسبب بعض الأزمات بقيت اشوف إني مستحقش الحب اصلا ولا إني يكون معايا حد و بقيت اهرب من اي حد يحاول يقرب مني،لأني بقا عندي يقين جوايا إنهم بعد ما يقربوا مني هيكرهوني و يبعدوا، عايزة احل المشكلة دي و ارجع اثق ف نفسب الموضوع مأثر على صحتي و مذاكرتي لانه ترتب عليه مشاكل كتير كتير
لعرض السؤال في فدني اضغط هنا
انا كنت ثانويه عامه السنادي ومغشتش لانه حرام ولقيت انى جايبه ٥٠ فى الميه ودور تانى ومشيت علشان أنجح حالتى النفسيه سيئه جدا وبقى عندى عدم ثقه فى النفس بقيت مهمله فى نفسي واهتماماتى وصحتي ومكنتش بصلي ولا بحفظ قرآن ومكنتش حابه النقاب..
النتيجه طلعت لقيته معهد فنى تجارى فى دمياط وابقى وحيده بردو زى الثانوى صحابى كانوا أدبي وانا علمى رياضه وهم مخطوبين واتجوزوا ودخلوا كليه وانا لا..
مش بحقد عليهم والله ربنا يسعدهم بس بقى غصب عنى بقى فى مقارنات بعملها هم اتجوزوا وبقى معاهم كليه.. وانا بقيت عندنا شبه عانس ومدخلتش كليه وكان نفسى ادخلها اووى بزعل بجد وشايله فى نفسيتي واهلى زعلانين بس مش فى ايديهم حاجه..
دخلت معهد .. واهلى قالولى اتخطبى بقى عاوزين الفرح يدخل بيتنا وانا معنديش قابليه اتخطب ولا اتجوز وعاوزه اتجوز فى مدينه وانا ريف بس مش عارفه هيجى ازاى ..
وكمان كنت كلمت شاب من أولى ثانوى وعلاقاتنا مستمره لحد دلوقتي بس الايام دى لما واجهته وقلتله تعالى اتقدم قالى هو لسه مش ثبت فى الشغل ودا فعلا ..وكان بيقولى الاول هيتقدملى فى تانيه كليه بس دلوقتي مفيش كليات ... وامى فتحت معايا الموضوع النهارده وقالت عاوزين نفرح مفيش كليات بعد المعهد لان حالتنا الفترة دى وحشه..
دلوقتي انا عاوزه يبقى معايا شهاده حتى لو مش هشتغل بيها.. وكان نفسى ادخل كليه كل م اشوف وحده حاطه صور ليها قدام الكليه اتحسر على نفسى .. وانا معنديش قابليه للجواز.. وخايفه من حماتى لتكون وحشه ام بابا تعبت امى اوى..
بقيت خايفه يبقى حظى وحش فى الحياه.. لا بقيت بصلى نفسيتي بجد مدمرة بقيت بارده ومعنديش طاقه أعمل اى حاجه الروح الحلوة اللى كانت جوايا ماتت...أهلى عاوزين يفرحوا بيا وانا فى نفس الوقت عاوزه اكمل تعليم وخايفه اتخطب وبعد الجواز يقلى مفيش تعليم
لعرض السؤال في فدني اضغط هنا
عايزه انفصل عن زوجي
عايزاه يكرهني وفي نفس الوقت مكنش غلطانة
لعرض السؤال في فدني اضغط هنا
انا عندي ٢٩ سنه فاقد القدره على الاستمتاع باي حاجه خالص.. وده كان سبب ف ان علاقاتي تبوظ ف الارتباط لان الطرف الآخر متوقع اني اديله مشاعر معينه.. الحقيقه مفيش اي مشاعر لاي حاجه لا بالسلب ولا بالايجاب.. فيه حلول
لعرض السؤال في فدني اضغط هنا
السلام عليكم
أنا 20 سنه طالب في كلية طب ديما بشوف نفسي وحش شكلي مش جميل مع إن والدتي والناس القريبين مني ديما بيقولوا عكس دا ووالدتي كل ما نتكلم عن شكلي تحلف ليا ب ان شكلي جميل دا غير إن صديقات والدتي بيقولوا عليا شكلي جميل وجسمي رياضي وجميل وانا شايف عكس دا والي ديما بيأكدلي كلامي اني مش الشخص الي البنات ديما عاوزه تكلمه وتبعتله أو الي البنات بتتكلم عنه مفيش في حياتي بنات كتير غير بنت كنت مرتبط بيها وسبتها واكتشفت أنها كانت معايا لمجرد المصلحه
وعن جسمي مش شايف أني وصلت الوزن المثالي ولا الجسم المثالي
انا بحاول موصلش دا لحد بحاول أبان واثق من نفسي بس انا تعبت من الصراع النفسي الي جوايا
مش عارف هو فيه مقياس جمال للراجل ولا لا ولا دي مشكله نفسيه بمر بيها إني ديما بشوف نفسي وحش وازاي اتخاطها لأن الموضوع مسببلي عدم ثقه في نفسي ولما ارتبطت بالبنت مع أن والدتي كانت بتقولي أنها أقل مني جمالا بس انا شايف نفسي وحش وكنت بقول أن كويس أنها رضيت بشكلي
لعرض السؤال في فدني اضغط هنا
انا عندى ٣٠ سنه متجوز وعندى اسره بعانى كتير من انى بحب ساعات كتير الوحده لانى للاسف لما بتعامل مع حد وبحبه وبتعامل بعشم جدا زى فى الشغل ممكن اعاملهم اكتر من اخوات لأنهم طبيعى معايا اكتر من اهلى بس للاسف لما بتعامل بعشم قوى باخد صدمات ومواقف سيئه جدا منهم وفى الحاله ده باخد جنب وببعد واخد كل حاجه على اعصابي انا حرفيا مخنوق جدا الفتره ده
ممكن حل
لعرض السؤال في فدني اضغط هنا
أنا محتاجة أحكي حاجة طويلة شوية ومحتاجة رأي ناس من غير حكم عليا لأني حاسة إني تايهة ومش عارفة أتصرف إزاي
أنا داخلة صيدلة في جامعة خاصة وده كان قرار أنا نفسي فيه بس من وقت ما بدأت آخد الموضوع بجد وأنا عندي خوف كبير من المستقبل المصاريف مش قليلة وأنا مش عايزة أحس إني بضغط على أهلي أو إنهم بيضحوا بحاجات كتير عشاني وفي نفس الوقت أنا فعلًا نفسي أكمل وأثبت لنفسي إني أقدر
المشكلة إن الدراسة نفسها مخوفاني أنا مش من الناس اللي بتعرف تقعد تذاكر بالساعات وتركيزي بيخلص بسرعة وكمان في مواد زي الكيمياء والإنجليزي كنت دايمًا بحس إني مش فاهمة أساسياتها كويس فبقيت خايفة أدخل الكلية وأبدأ أراكم وأفشل أو أندم إني اخترت الطريق ده وكان قدامي اختيار حكومي
ولسه جوايا سؤال هل كان المفروض أختار الطريق الأسهل ماديًا وأريح أهلي ولا أكمل في الحاجة اللي أنا نفسي فيها وأحاول أتحمل
وفوق موضوع الكلية عندي ضغط في البيت وأوقات بحس إن قراراتي مش كلها بإيدي وإن أي قرار آخده لازم أحسب رد فعل أهلي ومصاريفه وتأثيره عليهم فبقيت حتى الحاجات اللي المفروض أفرح بيها بخاف منها
وكمان عندي شخص في حياتي وعلاقتنا بقت جزء من الضغط اللي أنا حاسة بيه هو بيحبني وبيخاف عليا وأنا مقدرة ده لكن في مواقف بحس إني بين إني أراعي مشاعره وبين إني أعيش حياتي وآخد قرارات تخصني وحصلت بينا مشاكل بسبب خروجات وحاجات تخص الكلية وحياتي الجديدة
وأوقات بحس إني مهما عملت هكون مقصرة مع حد يا إما معاه يا إما مع أهلي يا إما مع نفسي وأكتر حاجة متعبة بالنسبة لي إني مش عارفة أنا المفروض أركز في إيه الأول هل أركز في الكلية وأعتبرها مستقبلي وأبعد عن أي حاجة تشتتني ولا أحاول أشتغل جنب الدراسة عشان أساعد في مصاريفي ولا أكمل في صيدلة مهما خوفت وأدي نفسي فرصة ولا أكون واقعية وأختار الطريق الحكومي وأوفر على أهلي
أنا كمان بفكر في مستقبلي بعد التخرج هل فعلًا هقدر ألاقي شغل كويس وهل هقدر أوصل لدخل كويس وأعتمد على نفسي ولا أنا بحلم بحاجة أكبر من إمكانياتي يمكن من بره الموضوع يبان إن عندي كلية وخلاص لكن أنا من جوايا شايلة كل الحاجات دي فوق بعض وبفكر في كل قرار ألف مرة لدرجة إني بتعب من التفكير نفسه
أنا مش محتاجة حد يقولي اعملي اللي يريحك وخلاص لأني أصلًا مش عارفة إيه اللي هيريحني محتاجة ناس أكبر مني أو مروا بتجربة شبه دي يقولولي إزاي أوازن بين أهلي والكلية والعلاقة والمستقبل وهل طبيعي إني أكون خايفة بالشكل ده في بداية طريق جديد
ولو كنتوا مكاني إيه الحاجات اللي كنتوا هتفكروا فيها قبل ما تكملوا في نفس الطريق وياريت اللي هيرد يحاول يفهم الصورة كلها قبل ما يحكم لأني فعلًا محتاجة نصيحة مش حكم
لعرض السؤال في فدني اضغط هنا
لعرض جميع الاسئلة في فدني اضغط هنا