السلام عليكم ورحمه الله وبركاته، انا يعاني من مشكله انو مش بعرف اعبر عن كل مشاعري ولو عبرت بعبر ب شكل غلط بيخلي اللي يسمعني يفهمني بشكل غلط واحيانا وقت زعل بيني وبين أشخاص معينين مش بقدر ابرر موقفي ويكتفي بالسكوت واللي قدامي بيحس انو انا مش مهتمه ابرر على الرغم انو انا عكس كده وهو شعور أو كانو حاجه بتقيدني عن التبرير والتعبير... نفسي اطلع كل اللي جوايا... انا مليانه غلطات ف التعامل منها عصبيتي و وقت الزعل بيطلع مني كلام يجرح كتير بس والله غصب عني وحاسه انو جوايا مشاعر كتيره مكتوم مش عارفه اعمل اي؟
لعرض السؤال في فدني اضغط هنا
موضوع للنقاش وليس للسخرية
انا 27 سنه عشت حياتي لدرجه وشغل وحاليا بدون شغل مش مرتبطه وطول عمرى وحيده وكنت مستنيه ابن الحلال يجي وبعد فتره شيلت الفكره من دماغي لكن حاليا بقيت أحس ان محتاجه اعيش حياتي وحد يكون جنبي يسمعني في حلال ربنا بس بصراحه الموضوع طول وربنا مبعتش حد وخايفه اموت وانا وحيده ومعرفيش ليه الفتره دي نفسي اتخطب زي باقى البنات بس انا شكلى عادي ونفسيتي تعبت من كتر تفكير ان محدش هيجي عشان انا عاديه
لعرض السؤال في فدني اضغط هنا
بحس نفسي غريبه عشان انا بحب الكوره و نفسي ادخل هندسة ميكانيكا و من كتر كلام صحابي و الناس اني كدا كأني ولد و أن دي حاجة الولاد بقيت بحس نفسي اني مش بنت انا ف الطبيعي مش بتأثر بكلام الناس لكن بليل الover thinking بيموتني هو انا فعلا مش بنت؟
و بقيت بحس اني عبء كبير على المجتمع عشان عندي ربو بس انا بحاول محسش اني كدا و وفاة عمتي كانت اكبر حاجة مؤلمه عليا ماتت قبل عيد ميلادي عمتي هي الي كانت مربياني هي الي حبتني و اهتمت بيا بجد مش زي بابا الي كان بيفرغ غضبه فيا كل يوم ولا زي امي الي سابتني وأنا عندي شهرين بس و مسألتش عليا
نفسي اروح واتكلم مع دكتور نفسي بس بابا مش راضي انا بجد تعبت من حاجات كتير معنديش ام معنديش اخوات مش هعرف العب في بيراميدز عشان عندي ربو و عمتي مش هشوفها تاني و ثانويه عامه السنه الجايه ضغوط كتيره محدش فاهمها و ابتديت اتجه لطريق غلط مش عارفه ارجع منه و هو العادة السرية بقيت بقرف من نفسي جامد
لعرض السؤال في فدني اضغط هنا
أهم حاجه نعملها في سن العشرينات اننا نحافظ على نفسنا من التفاهة الموجوده الأيام دي, , من سنتين أخدت قرار اني استثمر في عقلي و ابعد عن التفاهة والنهارده بقيت شخص مش بيسمع أغاني مش بيبص على بنات مش بيلبس لبس غريب مش بيضحك علي اي حاجه مش بيتكلم في اي حاجه، دكتور محمد الغليظ بيقول أسوأ حاجه ممكن تحصلك أنك تكون فاضي,
حسن من تفكيرك وعقلك إنت لو سمعت أغاني ومهرجانات عقليتك هتتشكل من كلامهم ولو سمعت ناس بتتكلم في بيزنس وتطوير ذات مثلا عقليتك برضو هتتشكل من كلامهم,
و دا كله فضل ربنا علينا , بس بزعل جدا لما بشوف شباب من سني وكل همهم يكلمو فلانه ويبصو على فلانه وبنات كل همها تلبس كدا وتحط ميك اب كذا, أنا مش بقول اني أحسن واحد ولا بقول كدا عشان أبينلكو حاجه حلوه فيا, دا بس عشان أخد نفسي مثال عشان أوصل وجهة نظري
لعرض السؤال في فدني اضغط هنا
داخل على خطوة خطوبه ومش عارف المفروض مع ارتفاع الاسعار دى نتفق على كام جرام دهب؟
لعرض السؤال في فدني اضغط هنا
مش عارفة الصراحة ابدأ ازاي بس انا حالياً في تالتة ثانوي و و بابايا عايش الحمدلله بيشتغل سواق لشركة ما بس المصاريف زيادة اوي عليه ف لو حد عنده اقتراح مهارة اتعلمها تكون بسيطة اقدر اعملها بجانب الدراسة تدخلي دخل كويس ياريت يفيدني أو شغل ينفع يكون جزئي بردو عشان حقيقي الوضع صعب و انا مش عايزة اني أفقد فرصتي في اني اتعلم و اخليه فخور بيا
و شكراً مقدماً
لعرض السؤال في فدني اضغط هنا
انا مشكلتي مع امي ديما مخلياني شايله المسؤليه عن أي حد ف البيت والموضوع دا بخنقني وحولت اتكلم معها لكن هي مش بتفهمي وبتتخانق معايا وتزعل ومش عارفه اعمل اي وممكن توصل المشكله إنها تخاصمني وديما تقولي انا تعبانه ومش قادره اعمل اي بقي
لعرض السؤال في فدني اضغط هنا
كنت بحب واحدة أووي وبعدين كلمت بابا عليها قالي مينفعش تتجوز واحدة قدك المهم عدت الايام ولما عرفت أنها خلاص مش ليا بطلت أبص عليها حوالي 3 أسابيع لكن لما بشوفها بحس أنها ملاك مش ممكن يجماعة الطرحة معمولة عشانها وشها مرسوم في الطرحة والمشكلة كل ما أشوفها أحس أن مستحيل ألقي زي دي فاتضايق وأبقا عايزها هو اي دا بقى؟
لعرض السؤال في فدني اضغط هنا
كيف يمكن إنكار المنكر في هذا الزمن الصعب الذي يحوي من الجهل والتعصب الأعمى وهجمات الإعلام والمسلسلات والأفلام التي تهدم الدين بطريقة ناعمة
وما طريقة تكوين الفكر السليم الوسطي المعتدل
لعرض السؤال في فدني اضغط هنا
السلام عليكم
انا أم عندي 50 سنه معايا ولد وبنت
البنت عندها 14 سنه والولد 12 سنه، قبل ما يتوفى ابوهم
الله يرحمه قالي انه عايز يحط مبلغ في البنك للبنت عشان تتعلم بيه وأجهزها بيه بس انا قلتله متحطلهاش وانا
مش هخليها تحتاج حاجه هو وافق، احنا ساكنين في بيت ملك فأنا اقترحت عليه اننا نبني الدور التاني لإبني ونعمله شقه فيه هو وافق وعملنا الشقه ومفاضلش
غير السيراميك والدهان فقط، احنا صبّناها وابني كان عنده تقريبا 8 سنين، وجهزنا باقيها من كم شهر كده،، والشقة اتكلفت كتير بصراحه،،
قبلها بسنه ابني قالي انه عايز موبايل جبتله موبايل، بعدها قالي انه عايزة عجله (دراجه)
زي ابن خاله، جبتهاله، وبنتي دلوقتي عايزاني اجبلها تابلت
عشان هي داخله اولي ثانوي السنه الجايه، بس انا مرضيتش
وقولتلها معاكي موبايل، هي معاها موبايل خالها جايبهولها
وانا كل شويه بهددها بيه ان لو مسمعتش كلامي هبيعه
مع ان تمنه دلوقتي بعد ما بقي مكسر ميجبش الف جنيه،
وكذا مره اشيله منها، وقلتلها لو خرب مش هصلحه وهو تقريبا قرب يخرب،،،، المشكله انها من سنتين تقريبا قبل
ما يتوفي ابوها لما كنا قاعدين نتكلم وهو قالي عايز يحطلها فلوس بأسمها هي سمعتنا ومن وقتها كل ما تقولي علي حاجه وانا ارفض تقولي كده وتقولي الفلوس اللي عملتي بيها لابراهيم كانت المفروض ليا، انا عملت كده ليه عشان اضمن مستقبله،، مش بتروح دروس عشان عايزاني اجبلها طقمين خروج وانا رفضت وتقريبا مراحتش اي درس، الكتب الخارجيه مجبتلهاش والاله الحاسبه كمان،، كل شويه تقولي
انتي ظالمه وانا مش مسمحاكي، انا بضربها عالطول لما مش
بتسمع كلامي وبقارنها بباقي البنات،، بس بعمل كده عشان
تبقي زيهم، ابني الكل بيشتكي منه انه بيسب الدين ولسانه
طويل وهي لما بتسمع كده. بتقولي اخيرا حد عرف ابنك
علي حقيقته، كل شويه تقولي انتي مش امي ابراهيم بس
اللي ابنك، لاني بضربها ومش بضربه، كل يوم تحلم اني
بضربها واني دبحتها بالسكينه وانا بقولها ده وسواس لانك
حاطه في بالك كده، بقيت مبتحسش باجي اضربها مش
بتتحرك ولا بتدافع عن نفسها ولا حتي بتعيط ولا بتجري
زي الاول،، مش بتزعل مني مهما ضربتها واتخانقت معاها يعني بقي عندها تبلد عاطفي،، هي رجليها
واجعاها ومحتاجه عمليه ب 19 الف فيها لان الدكتور
قال ان معملتهاش بمرور الزمن حركتها هتقل تدريجياً
وده اللي بيحصل الان، ابوها قبل ما يتوفي جبلها حلق
4 جرام ففمره كانت اختي عندنا فقلتلها لو عايزاني
اعملك العمليه هاتي الحلق ابيعه واعملهالك، هي ضحكت
وقتها بس بعد ما مشيت اختي، عيطت واتخانقت وقالتلي ليه تقولي كده قدام حد والعمليه انا مش عايزه
اعملها لانك عايزة تاخدي مني حقها كأني مش بنتك زي ابراهيم،، انا قلتلها خلاص متعمليهاش، عدي علي الكلام
ده شهر ورجليها بقيت تعباها اكتر وحركتها بدأت تقل قولتلها
هعملهالك قالتلي والله ما هعملها حتي لو ببلاش والان هي رافضه تعملها وكل شويه تقولي انتي ظالمه وانا مش
مسمحاكي وانتي وهو بتكرهوني،،، انا مره قلتلها انتي كافره، لانها مكنتش بتصلي بانتظام وكان عمرها وقتها 12 تقريباً،، قولتلهاانتي مريضه نفسيا ومجنونه، وفعلا من سنتين روحت
كشفتلها عند دكتور مخ واعصاب لاني شكيت انها
كده، بس النتيجه طلعت سليمه ومن وقتها وهي بتقولي
اني ظالمه واني زي ما عملت ليها اعمل ليه هو كمان، وانا
قلتلها ان ابني مش زيها، هو عاقل ومؤدب مش زيها،
دلوقتي عايزة اعرف هل انا ظالمه زي ما بتقول ولا لا؟؟
لعرض السؤال في فدني اضغط هنا
الغضب مش مشكلة.
المشكلة إننا يا بننفجّر… يا بنكتم.
والإتنين بيدمرونا.
إحنا اتربّينا إن “الهادي المحترم ميزعلش”.
فبقينا نكتم…
نكتم…
نكتم…
لحد ما ننفجر في أي حاجه بسيطه.
لكن الحقيقة؟
إدارة الغضب مش إنك تمسك نفسك بالعافية… ولا إنك تفضل ساكت.
إدارة الغضب يعني تعرف تعبّر من غير ما تأذي… ومن غير ما تبقى ضعيف.
تعالى أقولّك خطوات بسيطة هتساعدك تتحكم في غضبك ومن غير ما تكتم مشاعرك:
🌟اعترف إنك غضبان.
مش هتبقى ضعيف لما تقول: “أنا متضايق”.
🌟 سيب نفسك تفهم الموقف وتستوعبه … بس مش لازم تتصرف فورًا.
الغضب مش قرار…
لكن تصرفك وقت الغضب قرار.
🌟اسكت 10 ثواني.
ادي مساحة لمخك أنه يفهم ويفكر صح.
🌟 قول اللي جواك بوضوح.
قول: “اللي حصل ضايقني… وأنا محتاج نحله من غير ضغط”.
🌟 اختار الوقت والمكان.
مش لازم نناقش المشكلة واحنا في قمة الانفعال.
🌟 مسموح تعبر… مش مسموح تجرح.
الصوت العالي مش قوة…
القوة في السيطرة على الكلام.
🫰🏻وفي النهاية…
الغضب مش عيب.
الضعف الحقيقي إنك تنفجر في الناس…
أو تكتم لحد ما تتآكل من جواك.
اسمع غضبك… وافهمه… وبعدين عبر عنه بوعي.
ده مش ضعف…
ده نُضج
لعرض السؤال في فدني اضغط هنا
سؤال شخصي مؤثر
في بنت حبيتها وكنت قربت اخطبها ولكن كل ما بفتكر ان ليها ماضي بتراجع عن قراري ونفس الوقت عايز أبعد عنها ومش عارف البنت بتعيط جامد لو جبت سيرة ان احنا مش هنكمل مع بعض هي متعلقة بيا جدا ومتعشمة جدا ان احنا هنتجوز ومتمسكة بيا لآخر لحظة
وبتقولي انا هفضل معاك حتى لو نسبة الأمل اننا نتجوز 1% انا هفضل على الأمل ده انا بحبها ولكن مش قادر آخد الخطوة بسبب ان عندها ماضي وبيجي في دماغي مخاوف كتير لبعد كدة وكل ما ازعلها أو نقعد كام يوم منتكلمش أو نحاول نبعد عن بعض بنقعد أقصى مدة 3 أو 4 ايام وهي اللي بتيجي تكلمني وانا مش بقدر أكسر بخاطرها مش عارف اعمل اي
ملحوظة الموضوع مؤثر نفسيا جدا فيا وفيها افيدوني افادكم الله اعمل اي
لعرض السؤال في فدني اضغط هنا
في البدايه... انا اولى ثانوي مدرسه مشتركه بين الصبيان والبنات... المهم الفصول مختلطه كمان.. ف ولد بيفضل يبصلي ونا بدايق وغصب عني ببص ليه وبيكون عاوزه اقوم ازعقلو أو اقولو مش يبصلي بس مش بقدر.. هو كرر الموضوع دا كتير
دا اي إعجاب ولا مش طايقني ولا اي .
المشكله عندي كمان انو لما حد يركز معايا أو يبص ف عيني مباشر بتوتر جامد وجسمي كلو بيسخن تلقائيا
ف مش عارفه هل أخد موقف ولا مش اهتم...
لعرض السؤال في فدني اضغط هنا
أنا دايمًا بكون منجذبه لفكرة الزواج والعلاقات والموضوع ده بيخليني أكون مشتته وخاصة إني في ثانوية عامه يعني المفروض إنه مش وقته
عمري ما كلمت ولد، وبحب العلاقات اللي فيها رحمه و الأفراح الإسلاميه والحاجات الجميله دي
بس المشكله إن ده بالنسبه لبابا لسه بدري أوي
علشان أنا متفوقه في دراستي والحمد لله خاتمه القرآن ولابسه النقاب بس المشاعر الفياضه دي بجد أحيانا بتخليني أكتئب لإني عارفه إن أي منفذ لخروج المشاعر دي من المتوفر حاليا من العلاقات الغير شرعيه هيكون حرام وفي نفس الوقت الحاجه الحلال لسه على المدى البعيد
لعرض السؤال في فدني اضغط هنا
السلام عليكم
أنا محتاجة افكار سوشيال ميديا اعملها انا عندى تروما ماضى علاقات وأحداث وحابة افيد غيرى اقدر اقدمها ازاى
لعرض السؤال في فدني اضغط هنا
أنا في بنت معايا في الجامعة اتريقت على اسم والدي وهو إسمه ميمي وقالت في راجل إسمه كده كانت واقفة بتتكلم معايا والدكتور بياخد الغياب ومكنتش تعرف إن ده إسم والدي وقالت لي هو إنتي ومشيت والموضوع عدى لكن زهقانة علشان قالت كده
وحاجة تاني معنديش صحاب في الجامعة بمشي لوحدي وبقعد طول الوقت لوحدي ومتضايقة جدا ومش بعرف أتكلم مع حد وأسلوبي جاف وبطلع الابتسامة بصعوبة لكن مش بإرادتي فالناس بتبعد لكن كلهم بيبقوا واقفين مع بعض وأنا لوحدي وببقي عايزه أعيط وفي أوقات كثير بعيط فيها ودايما مكتئبة
لعرض السؤال في فدني اضغط هنا
انا عندي 13سنه اول موقف اني مثلا يكون بحب الشخص جدا وعزيز على قلبي لكن في حاجه فيا مش مفهومه لما الشخص ده بيبقى تعبان أو بيعيط مش بخاف عليه مش بحس أن زعلانه عليه ولا اي حاجه رغم أن الشخص ده بحبو جدا ومفيش حاجه عملهالي وحشه
تاني حاجه اني عندي واحده صحبتي بتحبني جدا وانا نفس الشعور لكن بعد فتره مش قليله بقيت مش بحب الشخصيه دي مش حباها خالص بتجنبها بطريقه مش طبيعيه بقيت مش بحبها نهائي بدون سبب خالص البنت بتحاول تقرب مني وكده لكن انا بجد مش طايقاها خالص
حتى لما حد من صحابي أو اي حد يمسك ايدي من وانا صغيره مش بحب حد يمسك ايدي خالص بحس اني مخنوقه وبخاف من اي صاحبه حركتها عفويه مش قصدها بفكرها حاجه تانيه مش عارفه بجد اي سبب كل
لعرض السؤال في فدني اضغط هنا
صاحبتي او بمعنى ادق الشخص الي هكمل نص ديني و عمري معاه حاسس انه مش هنبقي متوافقين احنا مع بعض بقالنا 3 سنين و المشاكل الي احنا فيها من أول ما عرفنا بعض هي هي
مثلا هي عندها صحاب ولاد من زمان و انا منعت ده خالص كلام و نزول و كل حاجة بقت مقتصرة انهم ممكن يقعدوا مع بعض و انا معاهم يعني واحد او اتنين من صحابهم الشباب و انا و الباقي بنات 3 او 4 بنات مثلا و كل 4 شهور مثلا مرة الحوار ده
بس انا بتخنق من الموضوع ده و مش عارف امنعه عشان هي متعودة ع كدة و انا مش كدة خالص و قبلت بده عشانها و قلتله تدريجيا هنقطعه بس هي مش مقتنعة و بتقولي لما نتجوز هنروح نزورهم و ييجو يزورونا و هبل كدة
إذا كان انا صحابي الشباب مش هدخلهم بيتي عشانك و انتي عادي كدة و حاسس بجد اننا مش شبه بعض و مش هنعرف نتأقلم خالص بس انا وهي بنحب بعض اوووي و متعلقين اووي ببعض بس النقطة دي بالنسبالي نقطة فاصلة ممكن اسيبها بسببها و انا هبقى تعبان طبعا عشان بحبها بس مقبلش على نفسي كدة عايز حل يا اخواتي انا مش عارف اعمل ايه
لعرض السؤال في فدني اضغط هنا
مش عارفة اسامح امي على اللي عملته هي للاسف مش شديدة في الحقوق اخويا طمع في حاجة المفروض البنت بتدخل بيها في جوازها وادتهاله يعني يعتبر راحت لمراته وبتقول انا بساعد ابني
دا غير عقار وايجار حقنا فيه لم يتنازل عنه وبتديله الايجار بحجة تسديد الديون وهو اصلا بحسه كداب كل شوية يشتري حاجة ويتداين عشان يفضل ياخد منه
بصراحة حاجة تحتسب في حقها مع انه هو السبب في طمعه وجشعه
تفتكرو اسامحها ازاي عشان هي مغلوبة على امرها برضو وهو شغال عليها الله ينور مع ان ما شاء الله كل حاجة معاه سواء اسرة او عربية او شغل
لعرض السؤال في فدني اضغط هنا
السلام عليكم ورحمة الله وبركاته
جماعه أتمنى محدش ياخد الموضوع بتريقه او بطريقه خطأ ويفهمني خطأ لان نفسي الاقي حل بصراحه انا شهوتي عاليه بحاول أسيطر عليها عشان انا لسه بنت بس ساعات بفشل وده تاعبني جدا في حياتي تقريبا حياتي متوقفه سواء دراسه أو أي عمل اخر بسبب تفكيري
أتمنى الاقي الحل لاني حاليا لسه ربنا مارادش وجه نصيبي اللي مفروض هايبقي زوجي إن شاء الله بإذن الله وشكرا
لعرض السؤال في فدني اضغط هنا
معجبه بشخص في نفس منطقتي لإني حسيت إنه معجب بيا هو في ٣جامعه وأنا في ٣ ثانوي
ماحصلش بينا أي كلام أو نظرات أو أي حاجه حرام هو مامته غالبًا قالت له عليا لما شافت فيا صفات كتيره حلوه وصفات مشابهه لصفات ابنها
بس مفيش أي كلام مباشر خالص بس أنا حسيت من تلميحات الأم المتكرره عنه
أنا حاسه إني بدأت أتعلق بيه شويه بس كل حاجه بيني وبين نفسي
وبقيت بفكر فيه كتير حاسه إن التعلق ده من كتر كلام مامته عليه قدامي
وفي نفس الوقت أنا حاسه إنه لو حصل مقدمة للخطبة بابا ممكن مايوافقش لأسباب بالنسبه لبابا حاجات مش مناسبه بس بالنسبالي عادي جدا لإن تفكيري مختلف عن أبي
لعرض السؤال في فدني اضغط هنا
اهلا بكم
منذ كنت طفلا في الدراسة كنت اعاني من الوحدة رغم وجود ناس كتير حولي ففي المدرسة منذ الصف الاول الابتدائي كنت اهرب من المدرسه لاني كنت اتعرض للضرب والاهانة من طلاب الفصل ولا حياة لمن تنادي
وعندما كنت ارجع للاسرة كنت اضرب لاني تركت اطفال يضربونني و استمر الحال لمدة طويلة مما جعلني انطوائي و اكره العلاقات
اما حاليا انا سني ٢٠ عام في الكلية حاولت الدخول في علاقات عاطفية حتى في الكلية لكني فشلت وحتي هذا اللحظة عندي أصدقاء فقط على الورق اذا اعتمدت عليهم في أتفه شيء او حزنت منهم لم أجدهم نهائيا
وبالنسبة للاسرة فهي مفككة ومليئة بالنزاعات و التهديدات وبالنسبة لي انا فمدمن على الإباحية و مشاهدة الشواذ و العاده السريه وحتى هذه الايام كلما بحثت او حاولت الاعتماد على صديق يعاملني بالمثل افقد الامل و قلبي يكسر واندم اني فكرت
احاول اكون اجتماعي للحظة فرجاء تحدثوا معي بكل شفافية بدون اي احراج انا اتقبل اي شيء وشكرا لكم
لعرض السؤال في فدني اضغط هنا
انا بكلم شاب على الفيس وأعجبنا ببعض
انا بنت محترمه ومش بتاعت ارتباط أو اي شيء من ده و كلمته قولتلو لو فعلا بيحبني يستناني لحد ما أخلص دراستي و بعدها ييجي يتقدملي بس هو قاللي لا متقلقيش وانا هتقدملك وانا جاهز و محترم و مش بتسلى و لحد كده كويس...
لقيته بيسألني اني ابعتله صور اكتر ليا عشان بيحب يشوفني فبعتلو صور ليا بالحجاب عاديه مفيهاش حاجه
بعدها لقيته بيسألني اني ابعتله صور جسمي ( صور عاديه ليا يعني بس هو عايز يعرف شكل جسمي) فأنا اقوله لا مينفعش وان كده حرام بس هو حسسني أن انا اللي فيا حاجه غلط وان دي حاجه عاديه انو يطلبها و مفهمني أنو بيطلب ده عشان بيحبني بس انا بردو برفض
بعدها يرجع يقوللي عايز اقابلك عشان اشوفك وانا قولتلو هحاول برغم اني عارفه أني انا بخون ثقة اهلي فيا و دي حاجه مزعلاني وانا حاسه ان هو مش كويس ومش عارفه ارفضه بالذوق ازاي وخايفه يطلع مش كويس في الاخر و يهددني أو يعمل حاجه تأذيني...اعمل ايه
لعرض السؤال في فدني اضغط هنا
أنا متعلقه بشخص وبحبه اوي وبجد بحبه حب صادق بس انا وهو ارتبطنا اكتر من تلت سنين وعمرنا متقابلنا بس كنا بنشوف بعض بالصدفه والله وعمره ما طلب مني اي حاجه وحشه وساعدني انو كمان سنتين ويجي يخطبني رسمي ومتاكده انو بيحبني بجد وانا باقيه عليه زي مكنت فاكره وعمره مغلط ف حقي وعيلته كلهم عارفين وعيلتي برضو بس انا عرفت ان علاقتناا ده حرام فنا م عاوزه اكمل عشان ارضي ربنا وضميري يرتاح اعمل اي بس ف نفس الوقت م عاوزاه يزعل وعاوزه يفضل يحبني ويعمل بوعده
لعرض السؤال في فدني اضغط هنا
السلام عليكم
أنا في تالته ثانوي ومدمن على الفيسبوك
فبضيع بعض الوقت اللي أحتاجه في المذاكرة و السبب إني بخاف أضيع التريندات والأخبار بتاعت العالم فبخاف لما حد يسألني من صحابي أو من إخواتي عن تريند أو حادثة كانت مشهورة علي الفيسبوك ومعرفهاش فبشعر إني مختلف ومبقتش مواكب الأحداث فإيه الحل
لعرض السؤال في فدني اضغط هنا
لي أخت عندها ٢٢ سنه بتقعد تتف علينا وتزوم وتهبد بأصوات عاليه جدا وتشتمنا وخصوصا بابا وانا حطانا في دماغها زيادة عن اللزوم متوقعه انا احنا بنضايقها وبتعمل حاجات تنرفزها لو حد تنحنح غصب عنه ولا حتى بابا كح ولا سمعت صوته انه بيتكلم مش عايزه تسمع صوته نهائي ومتوقعه لو انا دخلت الاوضه اجيب حاجه يبقي كده انا بضايقها تقعد تتف عليا جامد وتزوم معتقده اني بضايقها
على طول تشتم بألفاظ سيئه بس بتكون قصد بالكلام بابا حاطه في دماغه زيادة عن اللزوم ولو ماما تكلمت وقعدت تتخانق معها بتفكرها انا بدافع عننا تقعد تخبط وتقفل في باب الاوضه جامد وتدخل الحمام تعمل نفس الأصوات بدايه من أول ما تصحى من النوم مش بتفصل حركاتها ولا اصواتها
حاولت نكلم معها وأقرب منها مش متقبله حاجه ولا طايقانا ولا طايقه حد لما تتعصب وشها يحمر بعينها وتقعد تبرق بعينها كلنا في البيت مش طايقين بعض بسبب الضغط اللي بتسببه لينا معتقده اننا بنضايقها طول الوقت
ساعات تبقى كويسه عادي بتتكلم واغلب الأوقات في الحركات وحالة العصبيه اللي فيها وفي مرة بابا شدها من شعرها وقعدت تصوت وتحدفه بحاجات وبقت في حاله هياج وقعدنا قافلين الباب بسبب انها عايزه تضربه في دماغه بالازازة والطاسات وتصوت وتعلي في صوتها وتشتم شتيمه مش حلوه ايه تصرف معاها نعمل ايه المفروض
لعرض السؤال في فدني اضغط هنا
فى بنت شوفتها عجبتنى كلمت حد من اهلها قعدوا كام يوم يفكروا و البنت شافتنى من بعيد كشكلا يعنى وبعدين ادونى رقم ابوها
كلمته قالى تنورنى نشرب مع بعض كوبايه شاى السؤال هنا المفروض هروح اعمل ايه وهل هيقعدنى معاها قعده التعارف فى اليوم دا ولا المفروض بيحصل ايه؟
لعرض السؤال في فدني اضغط هنا
في ست كبيره عندها حاجه و 50 سنه تقريبا اتعرفت عليها من قريب هي بتبيع حاجات وعندها مكتبه في مقرأه عندنا هنا في المنطقه انا وهي كنا معلمات المقرأه دي انا عندي 18 سنه ومن طريقه كلامها المستمره عن ابن ليها اكتشفت انها بتحاول تلفت انتباهي لابنها ده ابنها ده متدين وحد كويس يعني واكبر مني بثلاث سنين بس هي بتستمر في الكلام عليه
يعني اي موضوع بنفتحه انا وهي سواء موضوع شراء او مقرأه او اي حاجه بتجيب سيره ابنها قدامي متعمده وبتشكر فيه دايما بس انا مش عارفه اتعامل معاها ازاي انا بسكت يعني انا لما بس انا حسيت اني بدأت افكر وشخص كويس جذبت انتباهي له
عندها بنت صغيره البنت كشفت الموضوع كله وقالت لي انت هتتجوزي امتى وبدأت تسأل شويه اسئله كده خلتني اكتشف منها ان في حاجه ورا الاسئله دي فأنا بصراحه مش عارفه
انا عارفه ان القرار كله او الموضوع كله بيد الله كل دي اقدار ونصيب يعني وكمان يعني القرار في الاخر برده لبابا فانا بصراحه يعني مش عارفه وكمان بحب أشتري منها لانها بتهتم بيا جدا الحاجه اللي بقولها عليها بالظبط كويسه جدا جدا في البيع معايا انا بالاخص غير تعاملها مع بقيه الناس
كمان هي المصدر الوحيد يعتبر في منطقتي ان انا اشتري منها الحاجات اللي انا بحتاجها فانا مش عارفه يعني بصراحه موضوعي ده المفروض اعمل فيه ايه انا طالبه اصلا لسه صغيره او هو كمان لسه طالب بس برده في مشاعر جوايا في ان انا بشوف شخص معين بنجذب ليه
لعرض السؤال في فدني اضغط هنا
السلام عليكم
للأسف كنت متابعة مع دكتورة نفسية كلمة مريضة قليلة عليها كانت بتأذيني بكلامها وتتريق عليا وعلى تصرفاتي وتقلل مني ومن مشاعري ومن ضمن الحاجات كانت تقعد تقولي معرفش انت مش زي البنات ليه ده بنتي فيها كذا وكذا مش انت وكانت بتأذيني في موضوع شخصي هي عارفاه وتكلم ماما تقولها ده بنتك دي حبيبتي والجلسه اللي بعدها تطلع عيني ومكنتش بتكتبلي أدوية مع اني كنت بترعش قدامها ومستبيعه كل حاجه وحياتي واقفه
حاليا انا شبه مدمرة وحاسه بالذنب لاني كنت بحكيلها حاجات شخصية اوي وحاجات في البيت وهي عارفانا على المستوي الشخصي اصلا بخاف تبعت لاهلي كل الورق اللي كنت كاتباه بحكيلها فيه كل حاجه ومنها حاجات خاصة لماما وبابا هي إنسانه مريضة بتعمل العمله وتعمل نفسها مستغربة اللي قدامها
كرهتني في نفسي بقيت بعيط بسبب ومن غير سبب وحياتي متكعبله وعلاقتي بأهلي اتحسنت واهلي لو عرفوا اللي كنت يحكيهولها هيتصدموا جامد و هتبقي قافلة بينا بالمناسبة تابعت بعدها مع ثيرابيست كل اللي حكيته لها حكيته لاهلي كله تفصيلة تفصيلة قدام الدكتور اللي بتكتبلي العلاج واحرجتهم واهلي اتصدموا بس الدكتورة الأولى حاكيالها كل حاجه حرفيا
لعرض السؤال في فدني اضغط هنا
انا عندي أخت أصغر مني بسنتين وبحبها جدا ...ونفسي اعرف انصحها بطريقه كويسه تقتنع اننا بنخاف عليها وعايزين ليها الخير ...هي دخلت في موضوع الانستا وسوشيال ميديا والموضوع ده ومش عارف ابعده ازاي عنها من غير ما اخسر الأخوية اللي بيننا بحكم اني ذكر ورجل بطبعي الغيره علي اهل بيتي واللي يخصني ..
بس برضوا محتاج اتحكم في عقلي شويه وغيرتي بدون ما اتعصب او اخسر الأخوية اللي بيننا وبدل ما تلجأ ليا تروح تلجأ للغريب ...كل ما احاول اقفلها كل ايميل هي بتعملوا على انستا او الفيس او اي حاجه مرتبطه بالسوشيال وبيخلي دماغها تتسحل مع القرف سوشيال ميديا الاقيها بتعمل واحد تاني من ورايا وممكن والله اعلم تكلم ولاد ...
احنا ناس اتربينا على الدين من صغرنا وكل حاجه بس برضو السوشيال بيخلي كل الناس تتسحل وتنسى هو وظيفته ايه في الحياه ...
خلاصه الكلام قصدي انا مش عارف اتصرف حد عنده فكره او حل ...وازاي اتعامل مع الموضوع ده ...لاني مش عايزها حد يضحك عليها او تخسر دينها او تخسر الاخره وتتلهي بالدنيا عايز أنصحها واكلمها واتفاهم معاها ..حد عنده حل ...ولو يعرف ينصحني ازاي اتعامل معاها زي ما قال الله ورسوله وجزاكم الله خيرا
لعرض السؤال في فدني اضغط هنا
كنت بتعامل بحسن نيه وكنت شاريها وعاوزها رغم اللي اتقالي وسمعته عنها ...
حبتها غصب عني عملت عشانها كتير وللأسف كل دا مع أول مطب انا مش سبب فيه اتنسى
زعلان أوي على حبي الأول اللي كنت عاوز أدخله في سياق حلال وأخطبها زعلان أوي اني حاسبت علي غلطاتها و عكها قبلي وانا كنت بغيرها عشان تبقي ليا
لعرض السؤال في فدني اضغط هنا
اولا السلام عليكم ورحمة الله وبركاته
انا عندي مشكله كبيره بالنسبالي إني مش بعرف أحضن امي مهما عملت بحس بشعور اني مش قادره أقرب وحتى لو امي حاولت تحضني تلاقيني تلقائيا ببعد.
حاولت أكثر من مره أكسر الحاجز ده بس فشلت 💔
انا قاعده في سكن جامعي بروح لأهلي كل أسبوعين . امي بتبقى مستنيه اني آجي احضنها 😭 💔 بس انا مش بعمل كده بالرغم من اني انا نفسي اعمل كده جدا وكتير ما ببقى محتاجه حد يحضني .
فالنهارده رجعت من السكن و امي مش كانت ف البيت ف لما جات من بره استقبلتها على الباب بابتسامة وسلمت بأيدي عادي فقالت لي حد بيسلم كده قلت لها بأسلوب بارد عكس اللي جوايا انت عيزاني اسلم عليكي إزاي فكانت لسه هتجادل معايا ولكن جم اخواتي وعملوا دوشه وامي انشغلت معاهم . ففي وسط الكلام اخواتي بيقولو لي حاسين ان بقالك فتره طويله بعيده عننا مش اسبوعين عكس كل مره كنا مش بنحس بغيابك ، كنا بنحس انك بتيجي بسرعة فبسأل امي لو كان الكلام ده صح فأكددت لي أن كلامهم صح .
ودي مش اول مره قبل كده من سنه قعدت شهر الامتحانات كله مروحتش البيت فأمي حضنتني وجت تبوسني فبعدت بسرعه جدا بشكل محرج.
انا جرحت مشاعر امي واحرجتها أنا قرفانه من نفسي ومش طيقاني
الموضوع ده كسرني جدا جدا من جوايا دموعي بتنزل لوحدها و انا بكتب
امي احسن ام في الدنيا كلها ضحت كتير علشان انا نفسي اعوضها ولو بشيء بسيط
انا مش عارفه انا ليه بعمل كده
لعرض السؤال في فدني اضغط هنا
انا حاسس إن أنا فارغ عاطفيا فبقول لنفسي لازم تشوف وحده تعاملها كحبيبة ليك عشان تسد الفجوة دي لكن انا في الكلية كل ما اجي احاول اعمل علاقة مع وحدة الاقي نفسي مش عارف اتكلم وببصلها على طول بس ما عنديش الجرأة أني اروح اكلمها،
انا قادر اكلمها بس مش قدام حد وممكن عشان انا مش عارف افتح محادثة معاها ازاي ، لا انا جربت موضوع انك تخلي واحدة حبيبة حقيقية ليك ،دا هيخليك تبعد عن عادة وحشة وفعلا انا قربتها وفرقت معايا بس الدنيا باظت،
وبالذات انا طالب وحالتي المادية تعبانة شوي لأني باخد فلوس كتير من ولدي للدراسة وكورسات الكلية ،عشان سبب الحالة المادية ثقتي بنفسي ضعيفة
فإيه الحل
لعرض السؤال في فدني اضغط هنا
محدش يتريق عليا بس لما اكون شخصيه انطوائية وعندي رهاب اجتماعي اني اعمل شخصيه وهميه في دماغي انا وأحبها واكلمها طول الوقت وأحكي لها على كل حاجه بتحصل معايا انا كدة طبيعيه ولا لا بجد يمكن الدافع أن الناس مبقاش فيها ثقه
لعرض السؤال في فدني اضغط هنا
هو في أي طريقة الإنسان يثبت نفسه بيها و هو لسه متجوزش يعني يثبت نفسه من الانتظار و الزعل انه مش قادر يلاقي حد مناسب أنا عارفة ان كل ده قسمة ونصيب بس الموضوع ساعات بيكون صعب عليا جدا وأنا والله بحاول أصبر بس عايزة أحس اني مش عايشة مستنية الجواز بس طول الوقت
لعرض السؤال في فدني اضغط هنا
السلام عليكم
انا بعانى من سرعه شديده في الكلام وحاسس ان الوقت بيجري وعندي فرط حركه وساعات بتهته في الكلام ومش بعرف اتكلم اصلا مش من الشباب اللي بيعرفو يتكلمو كل ما اتكلم في موضوع ولا أي حاجه اللي قدامى يقولي ايه الى بتقوله ده
بقيت حاسس اني كاره نفسى وحاسس ان كله جاى عليا وعارف ان كده غلط بس قلت احكي لعلى وعسى
لعرض السؤال في فدني اضغط هنا
مشكله لصديق عزيز على قلبي
واحد اتخانق مع مراته ضربها قلم وكده عشان هي ضربته
تمام لحد هنا وخناقه خلصت
فبعدها حماتها طلعت عشان تخلي ابنها يصالحها ابنها تفاجئ بقله أدب غير طبيعه المهم مسك نفسه شويه لقا بنت مش عاوزه تسكت
حتي بعد ما حماتها مشيت فالولد مستحملش قلة الادب بتاعتها فدخل كتم بقها مش مناخيرها تمام فدلوقتي البنت فاكراه كان هيموتها لكن هو كان بيعاقبها عادي
وكمان لما حكت لاهلها بردوا افتكروا انه هيموتها والولد مكنش قصده كده خالص
فدلوقتي حاولي ما يقارب الشهرين يحل لكن تفاجئ بعده قواضي منهم ضرب وتبديد قايمه ونققه وطلاق للضرر غالبا
فدلوقتي الولد مرحش عندهم من ساعة المشكله فحتى خايف يروح يلبسوه سرقه ولا يعملوا مشكله موضوع فيه طفل صغير
فدلوقتي لولد عاوز يحل بعد كل قواضي اللي عملتها دي
تنصحوه بايه والا يصلح ازي
لعرض السؤال في فدني اضغط هنا
السلام عليكم
بأختصار
انا شاب متجوز
معايا بنتين سنه ونص والتانيه شهر
زوجتي بتحب الاعده عند اهلها ب ال 10 أيام والشهر
وكذا مره انبهها لو بتحبي تباتي عند اهلك مكنتيش اتجوزتي
فا الحل ايه ؟
لعرض السؤال في فدني اضغط هنا
كان في شخص روحي متعلقة بيه جدا متقدملي وكان كل اللي انا عايزاه موجود فيه شخص ربنا بيحبه وحببني فيه سعى كتير عشان نكون مع بعض بس جه الرفض من أهلي كنت في وقت ضيق دعيت يارب ما نكمل وحاسة لحد الان اني السبب هو خطب بعدي بشهر ونص تقريبا وانا داخلة ع سنة بتعذب يوميا ومش عارفه أعيش ولا اتقبل الحياة بدونه حبي ليه تحول لعذاب مش عارفه اعمل ايه
لعرض السؤال في فدني اضغط هنا
سلام عليكم
عندى مشكله في الثقه والتعامل مع الناس بخاف اوي لدرجه ان حاسه ان طول الوقت ماشيه محرصه من كل الناس مستنيه الاذى من اى حد وفي اي وقت
انا الموضوع تعبني اوي لانه بيزيد، الشك عندى بقى في كل حاجه خايفه من ارتاح مع دا فاتخذل بتوقع الاسوأ من كل حد يعني لو حد كويس اويي معايا بحس بغدر
بخاف من الدكاتره لو عندى مشكله مثلا في اى حاجه ببقى مش مصدقه كلامه ومش عارفه ارتاح له بحس انه بيأذيني مش عارف مصلحتي
في شغلى بردو ديما حريصه وعارفه انه كله بيعمل لنفسه حاسه ان بتعامل معاهم على انهم كدا فبيخلى في مسافات بيني وبينهم
انا احساسي دا تعبني يمكن مش غلط بس هو مش مخليني عارفه اتعامل مخلى دماغى مش بتسكت مبحبش اتوقع الأسوأ لكن بقيت كدا وأي حاجه خيالي بيشتغل فيها للأسوأ بتخيل سيناريوهات سيئه جدا في حاجات كتير ومبتحصلش لدرجه ان دماغى شغاله حتى وانا نايمه مش عارفه اي الحل بجد
لعرض السؤال في فدني اضغط هنا
انا بخاف من ماما يعني انا 18 سنه وفی واحد اعرفه وهو عايز يتقدم بس احنا نعرف بعض من السوشيال ميديا وامي لو عرفت مش هتوافق عايزه اجبهلها بطریقه تانيه بس لو عرفت اننا بنتکلم هتاخد الموبيل ومش هترضى تسمع ولا تصدق انو عايزني بجد عايزه مساعده خايفه اقول بس هو عايزني ومتمسک بیا وقالي انو عايز یتقدم
لعرض السؤال في فدني اضغط هنا
شخصيا اعارض الاحتفال بأعياد الميلاد...
لكن غدا قريبتي ستقوم بعمل غذاء صغير جدا بمناسبة يوم ميلادها،
لكنني من مدة لم أذهب عندها وبصراحة رأيتها فرصة لأن اذهب،
وكنت افكر في احضار هدية بسيطة لانني من مدة لم ادخل بيتها واكتب عليها "ليس يوم بل كل يوم مميز لانّك___"
لكنني خائفة وقلقة من الأثم وإن كانت نواياي
١. زيارتها
٢. تأليف القلوب
٣. ربما بالرسالة هذه أظهر انني اعارض يوم الميلاد (لكن لا اريد ان يكون العكس وكأنني اضحك على نفسي)
وبشكل عام كيف اقضي على التوتر؟ أتوتر كثيرا في ابسط الأمور حرفيا ابسط الأمور
نظرة حادة من غيري انتبه لها ، حركة قدم لغة الجسد .. كل شيء انتبه له واربطه ببعضه واحلل الأمور.. ربما أذهب للبكاء بشدة لوحدي اذا رأيت تصرف لم يعجبني من احدهم ، مع العلم انني اجتماعية وناجحة في دراستي وواعية الحمد لله... اذا تخيلت شيء سيء ابكي مع انه لم يحدث
لعرض السؤال في فدني اضغط هنا
السلام عليكم ورحمة الله وبركاته
أنا شخص متعلم الحمد لله لكن عندي مشكلة إني خجول جدًا مع اللي قدامي يعني ممكن يكون ضعف شخصية مش عارف أعمل اي عشان اقوي شخصيتي مع الناس
لعرض السؤال في فدني اضغط هنا
أنا شاب لدي من العمر ٣٥ عام مريت بأشياء كتر صعبه في حياتي تعرضت لاغتصاب اكتر من مره وانا طفل في حدود ٥ او ٦ سنين او اكتر مش متذكر كويس كنت صغير جدا لكني فاكر الأحداث وكان اول مره كنت رايح الدرس وكان في جمبنا مدرسه تجاره بنات اعترضوا طريقي ٣ اشخاص في الشارع قدام الناس كتفوني ونطو بيا سور المدرسة وهددوني بمطوه واعتدو عليه وانا مكنتش فاهم شيء وعمال أعيط
وكان تاني شخص اعتدي عليه ابن عمي وانا مكنتش فاهم حاجه برده وبعدها زي ما يكون القدر كان قصدني تعرضت للاعتداء لتالت مره من قبل شخص كان عامل بناء ومرت الايام وكبرت وانا دايما حريص ان حد يعرف سري وكنت دايما مصاحب صحاب بتوع مشاكل برغم انهم مش شبهي ولا أنا شبههم
جايز كنت مصاحبهم عشان بطمن معاهم او بتحمي فيهم او بداري نفسي وسطيهم انه حد يكشف امري مش عارف ودايما كنت في صراع مع والدي بسب صحبتي للناس دي لانه والدي ظابط جيش لكنه كان قاسي جدا جدا عليه أنا وأمي
كانت والدتي الله يرحمها تقولي انه كان بيضربني وانا طفل وفي اللفة لو عملت حمام على نفسي بصراحه والدي أذاني كتير سواء بالضرب القاسي والتكتيف بالحبال لدرجه انه كنت بروح المدرسه والحبال معلمه في ايدي وعلى رقبتي وكان صحابي يتريقو عليا وانا كنت اقعد ألف قصص عشان احاول اداري العلامات دي
ودايما كنت بطفش من البيت لما اعرف انه على وصول عشان كنت بخاف يضربني او يموتني وكنت اروح اسهر في أفراح وأسهر مع أصحابي في الشوارع ومرت الايام وبعدها سافرت اوربا عن طريق البحر وبقالي في الغربه ١٥ سنه ومش عارف اعمل أوراق ولا حتى عارف اعمل فلوس ولا عارف انزل مصر
ولا بقيت عارف أتعامل مع الناس برغم اني شخص هادي جدا وبحب الهزار وطيب وبحب أساعد الناس وبدعي اني ذكي شويه لكن مشكلتي بغضب بسرعه نتيجة الصراع الي جواي والظروف الي عايشها وعشتها خصوصا اني بقيت شايف في عيون كل الي حواليه انهم كاشفين امري ولكن محدش واجّهني باللي بيحكوه حواليه حتى اقرب الناس ليه زي ما يكون متأكدين عشان كده محدش حاول يوجهمي او يتأكد مني ويسمعني زي ما يكون باين في ملامحيً ولا في نظراتي مش عارف
حاولت انتحر اكتر من مره وكان بينقذوني على آخر لحظه بسب قصه حب مع بنات مكملتش وسابوني وراحو وبسبب الصراع والخوف الي بقا ملازمني ودخلت في قصص حب مع بنات ومع رجاله كمان عملت معاهم علاقات كامله لكن كراجل مش شاذ لان بالرغم كل دي ولكن عمري ما كنت شاذ ولا حتى فكرت في يوم من الايام
انا عملت كده لأسباب كتيره هنا في اوربا الشواذ كتير وبيصطادوا الشباب الصغير والتايه في الحياه وانا كنت منهم وانا كنت شاب صغير ٢٠ سنه مع العلم اني برضه اتجهت الاتجاه ده عشان مكنش معايه فلوس أعيش بالرغم اني ليه أهل هنا دمرونا ومساعدونيش ولا حتى رضيو يعملوا لي ورق عشان اعرف اشتغل زي الناس بقيت اروح انام معاهم ويدوني فلوس سواء نساء او رجاله لبسه لبس حريمي يعني.
وبالنسبه للعلاقات الحب للبنات الي عرفتهم في حياتي ايام الدراسه كنا نقعد مرتبطين سنه واتنين وتلاته وانا مش عارف احوش فلوس ولا اعمل شيء بسبب اني مش عارف أكمل في شغل لان ممكن أعمل مشكله معاهم او هم يحاولو يعملو معايه مشكله عشان يطرودوني ويطردوني
جايز مبقتش عارف أتعامل مع الناس ولا هم الناس الي مش فاهمين أنا حياتي بقت مشتتة ومبقتش عارف اعمل ايه خصوصا اني بعد سن ٣٠ بقت متمسك بعاداتي وتقاليد المصريين ومش عارف أتعامل مع اوربين بعادتهم وتقاليدهم ولا حتى مع العرب لان ببساطه معدش حد بيتعامل بالعادات والتقاليد والاصول في الزمن الحالي
خصوصا كمان الي هدني ولغبطني اكتر موت والدتي من كذ اقل من سنه وكان والدي له سبب كبير بعد امر ربنا كان بيعاملها وحش جدا بسبب مرضها وكان دايما يهينها ويسبها طول الوقت. لكن دايما عندي احساس بيرودني ان الي والدي بيعملو ده ومش متزن نفسيا كده بسبب انه يعرف حاجة دايما كنت بحسها في نظراته وكلامه ليه ولكن مواجهنيش بشيء وانا معنديش ولا كان عندي الشجاعة اني احكي
أنا بسببي العيله كله سمعتها ادمرت وانا ادمرت بسبب القدر والنصيب ودايما بقول الحمد لله ومش معترض وزي الجبل شايل وساكت لكن أنا حقيقي مبقتش قادر
كان نفسي أعيش حياه طبعيه أتجوز واعمل بيت وأسره وافرح والدتي لكن ربنا ما أردش وبقيت عايش في وحده رهيبه وادخل حاله اكتئاب وأخرج منها ومبقتش عارف أتعرف على حد ولا حتى علي وحده تحتويني وتحتوي الطفل الي اتظلم جوايه بحنانها وتعوضني عن حنان امي وتبقى سندي لكن حتى دي بقيت فاشل فيه بسبب حاله الانطواء والخوف الي بقيت فيه
انا حتى بقيت اخاف أتواجد في مكان فيه ناس كتير بخاف من نظرتهم او يكون في حد بينهم عارف سري
الخوف الشديد بقا متمكن مني جدا لدرجة انه بقا باين في ملامحي أنا حقيقي مبقتش عارف اعمل ايه او اقول ايه أنا بقول الكلام دي وانا عارف ان المساعد ربنا لكن الي جواي محدش يستحمله ودايما عندي سوال لربنا ليه أنا يارب ولما استوعب الي قلته واستغفر ربنا وارجع أسأل طب الحكمه من البلاء ده وليه أتعرض لكل ده لحد ما أنا وعائلتي ادمرنا وضاعت سمعتنا بين الناس
ولا ده غضب من ربنا عليه هل طفل صغير غلط في ايه عشان ربنا يغضب عليه كده أنا تعبت والله العظيم من الوحده والتفكير في اسئله كتير مش لاقي ليه اجابات تعبت من جلد الذات وبقيت فاقد الأمل في كل البشر الي ربنا ودايما اقول ان أكيد ربنا حيعوضني بس هل في عوض عن الي حصلي ده شرف البني آدم وستر ربنا عليه مفيش اغله منه.
اسف للاطاله برغم اني اختصرت كلام كتير بالرغم اني مش عارف أنا كتبت الكلام دي ليه او حغير اي في الي القدر أو في الي حصل..
لعرض السؤال في فدني اضغط هنا
انا متزوجه من اربع سنين عن حب وعندي بنتين وقاعدة في بيت عيله حصلت مشكله بيني وبين زوجي ودخل مامته فالموضوع وكبر اكتر بيني وبينه والحياه بينا مكنتش الطف حاجه فتحت تليفونه وببص بالمكالمات وسمعت مكالمه بينه وبين مامته بيغلط فيا وفي أهلي وكل حاجه حكيته عن اهلي وعني راح قالها لي امه
واجهته باللي سمعته واتخانقنا وساب كل حاجه وبيتخانق معايه إن ازاي امسك الموبايل واسمع المكالمه انا عارفه أنه غلط انا في اللي قاله لأمه عليا وع اهلي قالي امشي بس أبوه رضاني وممشيتش
انا دلوقتي مش قادرة أعامله وهو مخاصمني مش عارفه اتعامل معاه ومش عارفه المفروض اعمل ايه، انا غلطانه أصالحه ولا امشي؟
انا اتخدعت فيه مكنتش اعرف انه كدة كنت مفكراه سري وأماني خذلني ومش عارفه اعمل اي اعيش عشان عيالي ولا أمشي
لعرض السؤال في فدني اضغط هنا
السلام عليكم
أنا بنت في تالتة ثانوي وفي ولد شاطر بيبصلي كتير من تانية ثانوي وباين أنه معجب جدا من تانية وهو من النوع المحترم اللي مش بيصاحب ولا بيكلم بنات ومستواه الدراسي عالي جدا والكل بيشكر في الولد ده
افتكرت إن نظراته دي ملهاش معنى لكن فوجئت في تالتة أنه مستمر والنظرات بتزيد بس مش بيبصلي لما يكون مع زميله نظراته بتزيد وبيحاول يقرب مني على قد ما يقدر لدرجة أنه غير مواعيد دروسه عشان يكون معايا في نفس الدرس وجه مخصوص عشان يشوفني وبيتقصد بستنى بعد الدرس يشوفني
هو تقريبا بيجي على نفسه عشان يشوفني بس انا يا جماعة بنت محترمة والطابع الديني يغلب عليا انا مكنتش بديله اي رد فعل ومكنتش مهتمة بحد لحد اما اكتشفت الموضوع ده في تالتة السنة دي اصلا بس متكلمتش ولا اديت أي رد فعل ولا ببص ولا بتكلم ولو شوفته في ثانية دماغي تروح الناحية التانية
ومرة غير معاد مجموعة عشان يشوفني لقاني غيرت المجموعة بتاعتي عشان مشوفوش وابعد عنه وهنا فهم اني برفضه ومش ببادله نفس المشاعر وكل ده من غير كلام بان عليه الزهق الشديد وبدأ يغير مجموعاته هو عشان ميشوفنيش ومعتش بيقف يستنى يشوفني
هو زعلان جامد الأيام دي ودا باين من تصرفاته وتعابير وشه وانا مقدرش اعمله حاجة هل اني بعدت عنه عشان عاوزاه حلال وشايفة الموضوع من ناحية مستقبلية وعارفة إن بعد الثانوية جامعة وممكن نتفرق وكل واحد يحب شخص تاني فقررت مديلوش رد فعل نهائي وزعل هل كدا انا غلطت؟
هل دا حرام؟ هو مش المفروض دا الصح؟ اعمل ايه طيب انا منجذبة انا كمان بس مقدرش أروح أقول له انا كذا كذا لو اتحط سيف على رقبتي مش قايلاها أنا بحترم أهلي في غيابهم ومقدرش أعمل حاجة من وراهم بس بدعيلو أنه يشوف الأمر زيي ولو في نصيب يبقى واحنا كبار مش دلوقتي
لعرض السؤال في فدني اضغط هنا
السلام عليكم ورحمه الله وبركاته
أنا امرأة متزوجة والحمد لله لدى ابنة صغيرة
كنت بتعرض للتحرش وايذاء النفس وأنا صغيرة ومن اقرب وحدة ليا بمعنى اصح (اختى ) وفضلت فترة معاها وكنت بحس بخوف ورهاب جماعى اخاف تتكلم أو اقعد مع حد وكنت بخاف أكلم ماما لأنها كانت بتهددنى بالموت فخفت وسكت واحد يومى هذا اتكلمت بس بعد فوات الاوان
وعلمتنى أسوأ الأفعال وبكره نفسى كل ما أفتكر او يحصل منى حاجة غصب عنى تانى كده فأنا تعبت نفسيتى وحاسة أن فى اكتئاب دائم معايا وبعيدة عن كل الحياة حتى التقرب لربنا بعيدة ونفسى اقرب خايفة إيه السبب أو الحل عشان ارتاح
لعرض السؤال في فدني اضغط هنا
ممكن حكم صادق؟
انا مش مرتاحة مع خطيبي يعني بحس اني ساعات بشك فيه وساعات بحس انه بيعمل إسقاط عليا بيشغلني بنفسي وحياتي وميرضاش يجاوبني على الاسئلة حتى العادية ناحيته
حاساه مش سهل رغم اني بقالي سنة معاه
في حاجات كتيرة حلوة بيعملها بس بحساب كل حاجه بيحسبلها
بحسه روبوت فبيزيد شكي خاصة انه مش في نفس بلدي يعني مسافر يشتغل
خاصة بعد ما كان بيقارن بطريقة مباشرة نبهته بقا بيقارن بطريقة غير مباشرة نبهته
بقى بيشكر في بنات تانيه بس نادر ما يشكر وبتكون ذلة لسان ويقعد يعتذر لكن مش حاسه ان ده حاجه كويسة
مش مرتاحة له
اعمل ايه بجد ومفيش حد في البيت شايفه وحش كله حابه
لعرض السؤال في فدني اضغط هنا
ازاي اكون صريحه مع اللي قدامي؟؟؟؟؟
لعرض السؤال في فدني اضغط هنا
أنا واحد للأسف اتلم مع اصدقاء السوء في اعدادي واتعلمت منهم حاجات غلط في غلط ووصلوني لدرجة اني بقيت اتفرج على الاباحية وعمل العادة السرية وحالياً كل واحد راح في حاله لكن المشكلة مش في كده
المشكلة اني بقالي اكتر من 6 سنين بحاول ابطل القرف ده بس مش عارف وتعبت من الموضوع ده ووصلت لدرجة اني غلطت مع بنت عمي الصغيره وللأسف اختها الكبيره واللي هي اصغر مني بجاولي سنتين شافتني بس انا مخدتش بالي منها
وانا دلوقتي بطلت ان اعمل كده بس معاملة بنت عمي الكبيرة ليا بقت وحشه ومكنتش اعرف ليه هي بتعاملني كده وجيت اتصدمت لما لقيتها من حوالي شهرين عارفه وقالتلي هي ليه كانت بتعاملني كده ليه بس هي زي ما هي متغيرتش وحتى انا بقيت كل ما بشوف معاملتها معايا بقيت بكره نفسي اوي بس بقول انا تبت عن كده ومش فاضل غير مشاهدة القرف ده اني ابطلها بس هي برده مش عاوزه تفهم اني كنت بعمل ده غصب عني ومكنتش اعرف انه حرام وبطلت وبحاول اني ابطل القرف اللي بسمعه بس عاوزها هي تكلمني كويس ويمكن ده اللي يخليني ابطل القرف ده وابقى انسان كويس
انا بصلي الحمد لله وبدعي ربنا اني ابطل
بس انا عاوز بنت عمي الكبيرة تسامحني وتبطل انها تشوفني بالمنظر ده بس مش عارف اعمل ايه؟
لعرض السؤال في فدني اضغط هنا
لعرض جميع الاسئلة في فدني اضغط هنا