عرفت واحدة من فترة وشخصيتها عجبتني اوي وكان في تفاهم بينا واكتشفت بعد كدا انها منتقبة وهي إنسانة كويسة اوي وناوي اتقدملها إن شاء الله وبطلت كلام معاها الحمد لله بس خايف شكلها ميعجبنيش واحرجها بعد الرؤية الشرعية اعمل ايه؟
لعرض السؤال في فدني اضغط هنا
أنا عندي حوالي 16 سنه الشباب بنفس عمري أو
في منطقتي اجتماعيين جدا .
طول عمري ما حبيت اقعد مع الناس و لأسباب انا شايفها منطقية:
اختلافات ثقافية ما بيني و ما بين المجتمع الي حواليا.
كل ما بعض وقت اكثر مع نفسي بلاقيهم بيتنمروا عليا.
حاسس ان الناس أو انا مش عارف احساسي.
الصراحة حاسس ان الناس اغبيا معظم الوقت بيكدروني بحاجات شبه الهدوم دي مش سمك أو متعملش نفسك مثقف.
بيستغلوا اني ذكائي الإجتماعي قريب لصفر و بيضحكوا عليا.
و كل مره أقول هطلت من خندقي و عالم الخيال بتاعي احس الي الناس اوحش و اوحش .
انا حاسس بالحزن و لكن في نفس الوقت راحه في العزلة بتاعتي ما كدبش عشان بتمر علي ايام و اقول لنفسي كده احسن أصلاً.
لعرض السؤال في فدني اضغط هنا
هل الحب ممكن يستمر 26 سنه برغم ان كل واحد شاف طريقه
من فتره للتانيه بيكون في حنين وسؤال عن الاحوال لكن مفيش اي خطوه بتتاخد وكل واحد مكمل حياته
لكن لما المرض اشتد على كل واحد فينا بامراض مزمنه وبعد معاناه مع الاطراف التانيه سنين
في قرار اتاخد ان اننا محتاجين نكمل الباقي من عمرنا جمب بعض
خصوصا ان مفيش راحه مع الاشخاص التانيه لا نفسيا ولا جسديا
هل احنا كده انانيين ولا من حقنا نعيش الباقي من عمرنا ف تعب ومشقه ومرض
لعرض السؤال في فدني اضغط هنا
السلام عليكم ورحمه الله وبركاته
انا شخص انطوائي جدا و مكنتش بحب اتكلم مع حد لكن بعد فترة انا اتعرفت على صاحبتي و هي فعلا اصبحت كل حاجه في حياتي بس انا عندي مشكله اني لما بحب حد بحبه حب تملك يعني مش عايزاه تكلم حد غيري ولا تهزر مع حد حاولت كذا مره اني اعالج الحته دي لكن فعلا مش عارفه و بقيت بزعل منها كتير حتى لما حاولت اعالج الحته دي لقيت اني بحاول اقطع علاقتي بيها علشان مبقاش متضايقه بس دا بردو بيأثر على نفسيتي مش عارفه اعمل ايه
لعرض السؤال في فدني اضغط هنا
اهلا انا كنت محتاجه اخد رأيكم فى موضوع معين
انا كان ليا صديق بقالنا تلات سنين وهو غالى عندى اوى وبقا يعتبرني الشخص اللى بيكون على طبيعته معاها وبيفضفض ويحكى وكده وبسبب طريقته اللطيفه ووو عوامل كتير خلتنى انجذبله بس مقولتش اى حاجه ولا بينت تعلقي ولا انجذابى ده لمده سنتين كاملين بتعامل طبيعي جدا المهم هو كان ليه تجربه حب من قريبته وكانت هتبقا خطوبه بس هى كسرت قلبه بطريقه ما معرفهاش هو كانوغامض شويه ف شخصيته ومشاعره ومبيحبش يحكى تفاصيل اوى بس كنت بحترم ده كنوع من انواع الخصوصيه
بس اللى اعرفه انه كان بيعشقها ولحد دلوقتي مش قادر يتخطاها وعشان كده انا مرضتش اقول حاجه جوايا لأن ممكن يكون مفيش اى حاجه من ناحيته او مش مستعد او لسه متخطاش او او ف انا قررت ملعبش ناحيه الموضوع ده خالص ولا اسمح لنفسي افكر كتير ولا اعشم نفسي زياده عشان متأذاش نفسيا
بطريقه او بأخرى حصل موقف هو خمن فيه انى ممكن اتعلقت بيه انا قولتله لو حصل ده فعلا ف انا مش هسمح لنفسي حاجة تكبر جوايا عشان عارفه انك متخطتش ده هو راعي ده وقالى انا كمان حسيت انى اتعلقت بيكي شويه بس خايف اظلمك وانتى متستحقيش اى اذيه بسببي بس هحاول اتخطى عشانك خلال فتره غيابك الجايه عشان امتحاناتك اللى هى شهرين ف قولت تمام لحد ساعتها احنا اصدقاء زى ماكنا بس عشمنى اوى والامل لمع جوايا انه خلاص هو هيبادلك نفس المشاعر
وحلمت بقا احلام ورديه وبلا بلا بلا ف جيت بعتله بعد شويه بعتله لقيت طريقته اتغيرت خالص بقا يتجاهل كتير اسلوبه بقا جاف وبيغلط الغلط ويقول مقصدش ومادام مقصدش يبقا معتذرش واصلا ده مينفعش احنا مبناخدش بنيه الشخص ده هو كان قصده ولا لا بناخد باللى خلاص حصل وعنده كبرياء بيخليه مستحيل يعتذر لحد حتى لو هو الغلطان ف حقه وده غلط هيخليه يخسر ناس كتير ف حياته واسلوبه مبيراعيش مشاعر اوى ولا يحب اللى يعلى صوته عليه ولو حاجه بسيطه ولو حتى السبب انه غلطان ف حق الشخص اللى على صوته عليه
قال انا كنت هحاول اتخطى عشان شخصيتك متتخسرش بس لكن انه يتخطى عشانى انا كشخص لا كنت بعديله مواقف وكلام كتير اوى ساعات عشانمنشدش مع بعض وهو مراعاش ده خالص وقال انه مبيثقش ف حد نهائى حتى انا بعد كل العشره دى شايف انه مستحقش الثقه وبيقول السبب انها خلته يشك وميثقش ف كل الناس اللى حواليه
طيب انا بقالى سنين وعمره ماشاف حاجه وحشه وشايفه ان بعد كل ده انه ميثقش فيا دى حاجه زباله اوى وبيقول انه مش عاوز يتكلم او يفتح قلبه ولا يبين شخصيته الحقيقيه قدامى عشان هكرهه يعنى كل ده كانت قشور بس من حياته وهو شايف انه مش هيقدم اى مشاعر لحد وفاقد شغف وامل ف حوار الحب والجواز ده خالص وبيتهرب منه بقوله هتفضل راهب يعني اكيد هييجي وقت واهلك هيزنوا عليك تخطب وتتجوز وبرضو كده او كده هتظلم بنت ملهاش ذنب برضو ف كل اللى جواك ده
وف الاخر هو لابيعرف يتكلم لما بيكون غلطان ف حق حد ولا بيعرف يبرر ولا يراضي اللى قدامه بكلمتين حتى لو مش هيعتذر ودايما بيشوف اى طريقه يقلب بيها الترابيزه على اللى بيكلمه زى اخر مره بقوله انت بتعمل كده لى معايا ومش راضي يرد ف عليت صوتى حاجه بسيطه عشان افهم راح قفل وكتبلى شات انه بيكره الصوت العالى وانه اتعصب ومش عاوز يتكلم دلوقتى وده طبعا تهرب من انه يجاوبنى
للامانه مش عشان انا بكتب لنفسي والله العظيم عمرى ماعملت معاه حاجه وحشه تخليه اصلا يفكر يعمل كل ده معايا ولو كان اى عتاب بيننا ف ده من المحبه وانى عاوزه اتفاهم ومش عاوزه اقطع العلاقه خالص وانه غالى اوى عندى رغم ان اخر فتره عيطت اوى اوى بسببه وهو عارف ده كويس ومعلقش على اى حاجة
بعد كووووول كان بيطلب منى افضل صديقه وانه مش عاوزنى ابعد عنه مع انه عارف ده هيتعبنى نفسيا بس مش مراعي ده هو عاوزنى جنبه بس
لعرض السؤال في فدني اضغط هنا
انا شب عندي 18 انا عندي مشكله انا بحس اني انا وحيد وسط اهلي ووسط صاحبي ببقى دايما عايز حد يهتم بيا من غير ما اقول بحاول اتعرف على ناس جديدة وكل مرة الموضوع بيفشل لغايه لما فقدت الأمل حد عنده حل
لعرض السؤال في فدني اضغط هنا
أنا لا أرى أن أفلام الخيال العلمى والانمى وأغلب الأعمال على أنها صُنعت للترفيه أو المشاهدة أو نشر الثقافات فقط بل من يصنع هذه الأعمال دائما ما يريد أن يوجه رسائل مهمة ومعارف للمشاهد ما رأيك أنت ؟
لعرض السؤال في فدني اضغط هنا
لو كان في شخص متقدملي قبل كدا و ماحصلش نصيب ورجع خطب بعدي و ماحصلش نصيب برضوا فـَ مامته كلمت والدتي إننا نرجع تاني بس هو بعدها لقيته بيكلمتي وبيقولي إنه عايز يطور من شغله ويسافر وبعدها عرفت إنه إتقدم لواحدة تانيه و ماحصلش نصيب بينهم لإن دا كان إجبار من باباه فـَ وافق يتقدم وبعدين قال مش مرتاح وبعدين رجع كلمني وأنا كنت متلغبطة وقتها وقولتله محتاجة وقت أفكر بس ساعتها قالي خلاص عرفت ردك ( اللي هو الرفض يعني) وقفلنا مع بعض وبعدها أخته كلمتني وقالتلي فكري براحتك وقُدر وقتك فـَ المفروض هما اللي يسألوني تأتي عن رأيي ولا أنا أو أهلي أبلغهم بـِ موافقتي ، أهلي عارفين كل حاجة وكان رجوعنا لما كلمني آخر مرة بالاتفاق بين مامته ومامتي لحد ما ينزلوا أجازة والعيلتين يتجمعوا سوا
لعرض السؤال في فدني اضغط هنا
السلام عليكم
اول حاجة انا كنت في علاقة حب مع بنت لينا 3 سنين من سنة بدات علاقتنا يقل فيها التواصل والكلام بدا يكون في زعل من ناحيتي انا بحب وجودها جنبي ببقا مطمن حاسس انه الحياة حلوة بيها طبعا هيا بعدت لسبب انها عايزة تحافظ على نفسها بتخاف أهلها وكدا انا وفقت على دا كنا نغيب حد يسال عن التاني كل فترة وفترة هيا كانت في امتحانات وخلصت انا ليلة السبت صليت استخارة على الموضوع كله حتى لو هايوصل لي زواج
السبت الصبح لقيتها باعتة رسالة سالت عني من كام يوم كنت عايز ايه اتكلمنا بعد كدا قالت دا آخر كلام مابينا بلاش تبعت تاني عايزة اكون مرتاحة مش خايفة من حاجة ومتى اخون ثقة اهلي بس لا عملت بلوك ولا شي انا طلبت منها تعمل بلوك خلاص طالما مفيش تواصل اعمليه يبقى العلاقة انتهت بس هيا رفضت قالت مش هاعمل هل كلامها ليا وكدا دا نتيجة للاستخارة انها مش نصيبي رغم اني بحبها خالص مش طالعة من بالي لسة ظروفي متى تسمح اخطبها بس بحاول اهلي رافضين لفكرة أنساب احنا عليتنا أكبر هما لا انا ضد دا بقولهم انا شاريها كفاية أهلها نفسهم سمعتهم كويسة وجماعة محترمين جدا جدا مليش دعوة بقصة الأنساب وكدا عايز اعرف اقنع اهلي ازاي وكمان هل دي نتيجة الاستخارة خايف متى تكون ليا.
لعرض السؤال في فدني اضغط هنا
ازاي أعمل علاقات مع ناس جديدة؟
أنا ما عنديش غير صديقة واحدة وساكنة بعيد دلوقتي وحرفيًّا بنتقابل مرة واحدة في السنة
وللأسف أنا انطوائية ومش بخرج من ساعة ما اتخرجت (من سنتين) بمزاجي
بشتغل أونلاين وبنزل كل فين وفين ممكن مرة أو مرتين في الشهر أشتري حاجات بسيطة
المنطقة اللي ساكنة فيها ما فيهاش أماكن كويسة أقعد فيها كبنت يعني وعشان ألاقي مكان كويس لازم أركب مواصلات حوالي ساعة عشان أوصل، فعشان كدا مش بعرف أخرج باستمرار
والأصحاب الأونلاين جربت كتير، بس بعد فترة بيزهقوا وكل واحد بينشغل في حياته والتواصل بيقل زائد إنهم مش بيعالجوا مشكلة عدم نزولي من البيت عشان من محافظات ودول تانية
لعرض السؤال في فدني اضغط هنا
السلام عليكم
انا بنت عندي 24 سنة اتخطبت مرة ومحصلش نصيب ودلوقتي اتخطبت تاني ولكن انا مش قابلة الشخص أبدا ولا مرتاحة بالرغم من وجود فيه صفات كل بنت بتتمناها ولكن مشكلتي هي النفور من ناحيته ووصل الحال إني مش بحب أشوفه ودا بسبب اني وافقت مع اعتقادي ان مع الوقت هتأقلم ولكن للأسف نفوري زاد منه بالإضافة لشخصيته الساذجة والكذب في بعض الأمور وحركات طفولية ، أعمل اي وأمر الفركشة صعب لاني مش صغيرة وعايشة في مجتمع ريفي وأهلي صعبين ولكني كل يوم حالتي النفسية بتسوء 💔
لعرض السؤال في فدني اضغط هنا
السلام عليكم
مشكلتي هيا بس انا مش عايزه اي كلام محبط مبدئيا انا مشكلتي كلها في اهلي
انا هبدا ب ماما يعني ماما انا عمري في حياتي م شيلت معاها سر معندهاش اي مشكله انها تخلي سيرتي وصورتي وحشه عند اهلها يعني جدتي وأخواتها وكده في حين ان عندي ولاد خالي وخالتي وكلهم عموما مامتهم ظاهراهم بأحسن صوره معندهاش اي مشكله انها تعايرني باسوأ حاجه
في اكتر وقت بكون محتاجاها ومحتاجه دعاها بتدعي عليا وبتعدي عليا أشد الدعا يعني زي ربنا يخليكي اقل زمايلك وهكذا دايما في خلافات مع بابا ودا بيبقى سبب مشاكل كتيره اوي ف حياتنا من صغري ماما بتكرهي ف بابا بس هيا مش بتاخد بالها من يعني هيا بتشكي عادي انا بقا الي كرهته غصب عني
وأما كبرت شويا وبدأت اركز مع بابا لاقيته انسان غلط انا عارفه اني حرام ومينفعش اني اقول كده بس خليني احكي بابا مبدأيا مش بيصلي دايما شايف انو صح والباقي كلو مش فاهم حاجه ومش عارفه اي معندوش اي ادني مشكله في انو يرفع صوته وهوا بيزعق لماما او بيزعق لأي حد ف البيت حتى استعماله للفون غلط بينزل بوستات ع الفيس وكلو هيا مينفعش عموما مش بيكتب حجات غلط هوا بيكتب عن حجات الغلط بيحذر منها فاهمين حته محتوي التلفون والي بيظهرلوا سئ جداا
والي كرهني فيه زياده حصلت مشكلتين الفتره الي فاتت وهوا ضربني لدرجه ان جارنا ف المرتين جم وخبطوا ع الباب عشان يلحقوا
المشكله كرهت نفسي وحياتي وكرهتها خصوصا ان ماما حتى م بتواسي ومليش حد احكيلوا خصوصا كمان الي بيحصل دا ميتحكيش وهوا بيهزق تهزيق وحش اوووي والفاظ مينفعش تتقال بصوت عالي وقدام الناس ولا ف اي احراج من اي حاجه وحته هوا مقصر ف مصاريف البيت واقول مش هكلموا تاني الاقيه شال ايدوا من المسؤوليات الي عليه
واجي انصحه مش بيقبل النصيحه شايف نفسه هوا الي صح ولا خايف ع سمعتنا واحنا بنات حته احنا ملناش اخ ولد كنا نقول ان المشاكل فيه واهو ولد عادي يعني سمعتوا مش هتفرق اوي بس احنا بنات دا مينفعش انا بجد كرهته اوي لأبعد الحدود وبقيت بارده كميه برود معاه وحش اوي والله غصب عني انا برد عليه عشان ربنا وان دا مينفعش بابايا برضوا وحرام وكده بس انا مبقتش عارفه اتعامل ازاي ولا عارفه اقولو او اتكلم ف اي معاه
بس للاسف مينفعش اتمني يموت عشان هوا السند الوحيد بس برضوا وجوده مخسرنا كتير اوي والله بجد بقيت شايفه نفسي اقل من اي حد لما بلاقي زمايلي ف المدرسه بيقولو بنسمع صوتكم بتزعقوا بحس بكميه احراج وبكرهوا اكتر انا والله م لاقيه حل وتعبت اوي واعصابي تعبت اوي والله خصوصا اني داخله ع ثانويه عامه وم عايزه كل الشتت دا عشان بتعب اوي م كتر التفكير وهما م بيقدروا اي حاجه مستحيل اصلا يقدروا بالعكس لو قولت لماما عندي ثانويه م عايزه صوت وم عارفه اي هتقولي هتنفي اوي يارب وتقعد تدعي انا اسفه طولت عليكم٠
لعرض السؤال في فدني اضغط هنا
من صغري وانا رافضه فكره الحب و الارتباط وكل م يتقدم ليا عريس كنت اقول لا ودلوقتي معرفش اللي حصل كل حاجه اتغيرت دلوقتي انا نفسي بجد احب واتحب نفسي بجد في حد يكون حنين عليا بس خايفه احب حد وفي نفس الوقت عايزه أحب
لعرض السؤال في فدني اضغط هنا
من سنتين ونص كدا انا ارتبطت و فضلنا مع بعض سنه و شوية و كانت فعلا اجمل ايام حياتي وكانت اكتر واحدة بحبها ف حياتي و سيبنا بعض بسبب عندها كانت عنيدة جدا و انا مش هقول كراجل بحب كلامي يمشي و كدا بس عندي وجهة نظر أن الحاجة ديه غلط مينفعش تتعمل المهم.. من بعد ما سبتها مع العلم اني كنت قاعد مع ابوها و قارئ معاه الفاتحه من بعد ما سبتها و انا عايز ارتبط تاني عايز ارجع نفس الاحساس اللي كنت بعيشه معاها تاني انا مش زعلان عليها انا بس عايز اعيش نفس الاحساس تاني لدرجه اني دايما بدور على الارتباط اي بنت تعجبني مش ببص أننا ممكن نبقى صحاب بس أو حتى بيست فريند لا انا عايز نرتبط ،
بقا هدفي مع معاملتي مع اي بنت تعجبني اني ارتبط ،حاولت كتير اشغل نفسي ب اني التزم بالكلية و التزم بالشغل حتى بليل حتى بنزل الجيم و الحمد لله دائما فاكر ربنا و بصلى و بدعي أن ربنا يقرب ليا بنت الحلال و كنت بحاول اعمل كل حاجة تسحلني علشان يبقا معنديش وقت اني امسك الفون و افكر اني اكلم واحدة بس للاسف دماغي كانت دايما بتسوحني يعني مثلا وانا في الكلية اشوف بنت حلوة لبسها ألوانه متناسقه عيني تطلع قلوب عليها وهكذا ف الشغل و الجيم مش عارف اعمل ايه
لعرض السؤال في فدني اضغط هنا
الموضوع من عندي من وانا صغيره، دايما نفسي الولاد تشوفني وتعجب بيا ويكلموني وكان نفسي انزل صوري سوشيال عشان ده يحصل بس للاسف مكنش ينفع لاسباب خاصه دي اول حاجة تاني حاجة انا دايما الولد الي بيعجبني بعمل كل حاجة عشان اوصله ولما مبعرفش واشوفه مع حد غيري بتخنق اوي واقول انا اقل ف ايه؟؟ ايه الي ناقص فيا عشان ميبصليش ويبصلها هيا
تالت حاجة لما بوصله وبقعد فتره طويله بزهق مبعرفس اتأقلم ببقي عاوزة تجديد اروح لواحد جديد شكله احلي واحسن وده بيخليني اتخنق معرفش اقعد فتره من غير ولد بحس ان في حاجة غلط ولما بسيب واحد لازم يبقي في استبن مستنيني يعوض نقص ده وموضوع اكيد مس حلوه بس عايزة اعرف ده معاناه ايه وايه سببه اصلا وده مرض واسمه ايه؟
وحقيقي كنت بتمني يكون معايا مبلغ اني اروح ل ثيرابيست بس الحمد لله بتمني نصيحه بهدوء
لعرض السؤال في فدني اضغط هنا
السلام عليكم
بنت عمي اتقدملها ابن عمي كذا مره والمفروض انه مديها فتره تفكر فيها هى بتقول انا هوافق وادى العلاقه دي فرصه وهى عارفه ومتأكده انهم مش هيكملوا مع بعض لأنهم مختلفين عن بعض فى حاجات كتير بس هو مش شايف ده هى حاولت تبوظ الموضوع ده وهو حله وبيحبها جدا بصراحه ف ايه رايكم هى صح ولا غلط وتبقي كده بتظلمه وبتظلم نفسها ولا تدى الموضوع فرصه بجد عشان ترتاح من ناحيته لأنها حاسه برضو بالذنب
لعرض السؤال في فدني اضغط هنا
انا عندى ٢٠ سنة ولسه لحد دلوقتي بعاني من الرهاب الاجتماعي ومش عارفه اتخلص منه، محتاجه حل او محتاجه اعرف نصيحة حد كان بيعاني منـه وقدر يتغلب عليه، انا بجد ف حاجات كتير متعطلة ف حياتي بسبب الرهاب ده،
مبعرفش اكون اجتماعية او اخد حتى راحتي ف اي مكان موجود فيه ناس، وكمان عندى خجل غير عادى من انى اخرج لوحدى او انى اتكلم مع حد غريب او الرجال عمومًا، حتى مع عيلتي مش مختلطة بيهم ولا بروح ولا باجي عند اي حد وف البيت دايمًا مش بخرج اصلاً،
ومع اصحابي انا بحاول اغير من نفسي بس مش عارفه دايمًا ببقى هادية وصامته مع انى ف بيتي ومع الناس القريبين مني انا عكس كده تماما واللـه بس معرفش انا بقيت ليه كده،
انا حياتي ضاعت عليها فرص كتير بسبب انى بخجل او عندى رهاب اجتماعي وده بيقهرني جدًا وعاملى اكتئاب لانى بحاول اغير من نفسي بس برضو مفيش نتيجة، مش عارفه اكون حرة ع طول حاسة انى مُقيدة بنظرات الناس ليا وانى متراقبة طول الوقت فمش عارفه اكون ع راحتى ف اي مكان زى ما بشوف الناس دى ع راحتها كده وحرة وبتتنفس لوحدها عادى، هو انتوا كده ازاى، ساعدوني لو سمحتوا
لعرض السؤال في فدني اضغط هنا
السلام عليكم
بصو هحكي قصتي عشان تفهمو مشكلتي على اساسها
انا من حوالي 7شهور كنت بكلم ولد و كنت بخرج معه و كده بصو انا مش مستنيا حد يقولي اني غلط و اللي عملتو دا قله ادب وكل دا انا عارفه والله
المهم اهلي عرفو و ساعتها أخويا ضربني و خد الفون و مسح كل الابلكيشن و كانت المعاملة في البيت وحشة اوي فعلا
المهم قعدت فتره اعتذر و كان برضو محدش قابل ممكن اخويا و ماما كانو شويه لكن بابا كان قافل اوي عشان بحب بابا مكنتش قادره استحمل كدا ف حاولت اعمل كاتنج بس اخويا دخل عليا في الاخر هو وماما و اتكلمو معايا وكدا و بابا كان في الشغل و لما جه انا كنت عماله اعيط عشان هو بعيد عني و مش بيكلمني ف ماما ناديت عليه وقالتلو اللي حصل و كدا هو فضل يتكلم معايا و سامحني
الحوار دا كان من شهر 4
انا بعد اللي حصل حاسة اني جوايا حاجات مبقتش حساها و حاسة اني بقيت همدانه ومعنديش طاقه خالص لاي حاجة و حتى مبقتش عارفة اتعامل زي الاول وحاسه اني ديما تعبانه
والفتره دي انا لوحدي اوي معنديش اي تواصل مع صحابي و لوحدي و حتى في البيت هما من النوع اللي مش بيعرفو يطلعو مشاعرهم و انا طالعه زيهم للاسف ممكن نفضل قاعدين هما عارفين ان فيا حاجة بس مش عايزين يبينو انهم مهتمين
وانا قبل الحوار دا كان برضو حصل معايا حوارات مع صحابي وخسرت ناس كتير وكنت نفسيتي وحشه اوي
انا باقي على امتحاناتي 10 أيام ومش قادره اعمل حاجة بجد
وانا تالته ثانوي ف محتاجه حد يفدني بجد
وانا عارفة اني كل اللي عملتو دا غلط والله ياريت محدش يلوم عليا انا عارفة اني غلط وندمانه
وشكرا
لعرض السؤال في فدني اضغط هنا
السلام عليكم ورحمة الله وبركاته
كل عام وانتم بخير -
انا ارتكبت غلط زمان في حق اهلي وفي حق نفسي كمان ربنا يغفر لي انا عندي 19 سنة من 5 سنين اتعرفت علي ولد واتكلمنا كام شهر ووالله كان اول مرة في حياتي ووقتها انا كنت وحيدة وبعيدة عن كل الناس حتى اهلي ودا مش مبرر انا عارفة اني غلطت غلط كبير اوي ومش مسامحة نفسي لغاية دلوقتي بس وقتها كنت صغيرة وطايشة ومع ذلك والله لا عمري بعت صورة ولا اتكلمت فيديو والولد اللي كلمته دا ميعرفش شكلي ولا انا اعرف شكله حتى الان لاننا كنا من محافظات مختلفة وهو كمان كان من سني ف كان كله كلام عيال وبنشكي اللي مزعلنا لبعض وخلاص وانا والله مش مستهونة بالغلط دا ابدا
وبعد حوالي 3 شهور اهلي عرفوا وضربوني واخدوا مني الموبايل وقعدوني من التعليم سنتين تقريبا لغاية ما الناس اقنعوهم اني اكمل وحاليا انا ثالثة ثانوي عام ادعولي مشكلتي بقي ازاي اقدر اخليهم ينسوا غلطي دا ؟
يعني انا قعدت السنتين دول حرفيا اهانة وذل وحرمان بس انا استاهل انا غلطت وكان لازم اتعاقب وبعد السنتين دول بدأوا يعاملوني عادي بس انا اللي كنت دايما حريصة اني اوريهم اني ندمانة والله اتغيرت وقربت من ربنا بس النهاردة كنت بقول ان عايزة اشتري موبايل بعد الامتحانات ف اختي الكبيرة قالتلي ان هما قالوا مش هنجيب ليكي موبايل علشان خايفين بصراحة من جوايا انهرت لاني والله ندمانة واتغيرت بس هما مش قادرين ينسوا اعمل ايه فيدوني بالله انا تعبت نفسيا من كتر جلد الذات ودايما بدعي ربنا إنه يغفر لي بس اهلي مش راضين يغفرولي
لعرض السؤال في فدني اضغط هنا
انا في تانية اعدادي اتعرضت للتنمر بسبب وزني57 و طولي 150 وماما كانت ديما تقولي غيرانين منك عشان انتي حلوه و انا و عيال عمي رحنا نجيب الشهادة انا جبت ملحق في الرياضيات و عيال عمي نجحوا و بقا مستعرين يمشو معايه و انا عندي مشكلة كمان اني مش بعرف اتكلم يعني شبه متوتره و كل صحابي مش بيحبوني و عيال عمي بيقولولي انتي كئيبه و شوفت في حياتي كتير زي خيانه بابا مع صحبت امي و غير كدا كتير
لعرض السؤال في فدني اضغط هنا
انا وصحبتي قطعنا كلام من اربع سنين ورجعنا نتكلم بقالنا اربع ايام ولا حاجه، حرفيا هي وحشاني اووي ونفسي نقرب تاني، وملاحظة انها مش بتقفل كلام يعني عادي وكده، ف رأيكم اعمل ايه؟ ازاي نرجع زي الاول؟ احنا قاطعين مع بعض واحنا 15 سنه واحنا دلوقتي 19 سنه.
صعب نتقابل الفتره دي لاننا ثانويه عامه وهي ساكنه بعيد عني، هنتقابل بعد الامتحانات المفروض.
لعرض السؤال في فدني اضغط هنا
انا حبيت واحد أكبر مني بتلات سنين الواحد ده اتعرفت عليه على احد مواقع التواصل عن طريق اني كنت بسأل سؤال وهو جاوبني برايفت ومن ساعتها واحنا بنتكلم اتكلمنا لمدة أسبوع وكان يمكن اكتر اسبوع حلو في حياتي
المهم اتعلقت بيه جامد مكنتش اعرف اني بحبه لسا في احد الايام عملي بلوك لسبب احب احتفظ بيه هو الايجو بتاعه خلاه ميبعتش يسأل عني وانا كذلك الأمر فضلت مكتئبة بسببه شهرين لحد ما حكيت لوحدة صحبتي وقالت لي اعترفي له للمعلومة هو كان ارتبط في الوقت ده بس قالتلي عشان هو كدا كدا هيرفضك فتعرفي تنسيه وانا تبعتها ساعتها اتقالي كلام خلاني اغمى عليا وقلبي كان هيوقف يوميها بس الحمد لله عدت على خير المهم الكلام المفروض يخليني اكرهه لكن انا في دوامة عياط كل يوم على الله ومش قادرة اكرهه ومش قادرة انساه في ممكن حد يقولي هو انا ليه كدا ؟؟؟
لعرض السؤال في فدني اضغط هنا
ساعات بيبقى جوانا كلام كثير مش بنحب نتكلم فيه معا الاهل او الصحاب لاجل اننا بنحس انهم مش فاهمين او واخدين الموضوع غلط في او مش مكاني عشان يشوفوه من منظورنا كل الي محتاجه حد تمام اتكلم معاه نبقى صحاب عادي لاني بقالي كتير حوالي من سنتين بشوف ناس وحبيبها صحاب بس شكلهم كانهم اخوات واكتر المهم القبول والراحة النفسية
لعرض السؤال في فدني اضغط هنا
السلام عليكم،
انا طالبة في تالته ثانوي عام دفعة ٢٥ يعني كنت مأجله مواد، من تانيه ثانوي وانا بدأت أكبر دماغي وبقول فكك بقا وشدي السنه الجايه م طول عمرك بتتعبي ف الدراسه وتطلعي من الاوائل فيها اي لما تريحي شويه السنادي وبالفعل كنت بفتح سوشيال ميديا كتير جدا لدرجة وصلت إلى الإدمان بقيت بنام كتير جدا جدا دايما مش عندي طاقه بتعب بسرعه مجرد م اعمل مجهود بسيط
حولت دروسي كلها اونلاين لان كنت بتعب جامد ومش بقدر اروح الدروس وبنعس غصب عني، قولت يمكن ضغط ويعدي دخلت تالته بنفس الوضع بس خلاص قررت هرجع اهتم بدراستي اووي لان عايزه اجيب مجموع عالي وكله بيقولي دكتوره وحاطين امل كبير فيا المشكله ان الدنيا مكانتش زي ما خططت وراكمت كتير من الاول ومكنتش عارفه ارجع اذاكر
حوار النوم والتعب روحت لدكاتره كتير واخدت فيتامينات والتحسن بسيط للأسف المهم انا يعتبر ضيعت اول سنه ع الفاضي واجلت مواد لان كنت شايفه ان انا كدا حلمي هيضيع بسبب ان مكنتش بذاكر وقولت خلاص اكيد اتعلمت الدرس وهشد السنه دي ودي فرصه ليا لازم استغلها بالذات ان اهلي وافقوا بصعوبه ع التأجيل،
لكن نفس الشيء بيتكرر تاني السنادي وتعبت جدا عملت كل حاجه عشان اذاكر مش بقدر عندي قدرة اقعد ابص ع السقف ولا انب اذاكر مفيش تواصل كفايه بيني وبين اهلي عشان احكي دا لان هيشوفو ان دا دلع استمريت ع الأذكار والقرآن والرُقيه مفيش حاجه بتتحسن!
انا زهقت جدا من فشلي انا مش عايزه أكون شخص فاشل بس مش قادره اتغير بدأت افكر ان عايزه ام..وت وبقول قدام اهلي حاجات كتير مش حلوه وبيزعقولي وماما وقفتني دوا كان كاتبه دكتور ظنا منه انه السبب لان من اول م بدأت اخده والطاقه السلبيه ذادت اكتر ،
كل مره بصبر نفسي ان لا دي دنيا اهدي كدا بس خلاص مبقيتش قادره حاسه ان عايشه عبث كدا يعني بلا قيمه او منفعه ، بقيت بفكر لو اهلي بيربو حاجه تاني بدالي كان نفعهم اكتر مني الامتحانات قربت جدا وانا لسه حالتي سيئه ضيعت سنتين ع الفاضي وضيعت الكليه اللي بتمناها يعتبر حاسه بقيت بطيئه ف اي حاجه بعملها ومش بستوعب بسرعه عندي حاجات كتير عايزه اقولها بس هكتفي بكدا واسفه ان طولت لكن معنديش حد ممكن احكيله لو حد يعرف يساعدني هكون متشكره جدا ، جزاكم الله خيرا مقدما🙏
لعرض السؤال في فدني اضغط هنا
اعمل ايه لو انا محتاجه اتكلم مع حد يفهمني ويفهم دماغي بتفكر ازاي من غير ما ياخد فكره وحشه عني
انا عايزة حد يسمعني بجد مش عايزة حد يقاطعني كل شويه وعايزة حد يفهم حالتي وانا بحس بإيه
وفعلا يقولي كلام يريحني ويغير طريقه تفكيري
انا حاسه اني محتاجه حد يحبني بجد ويبان ده ف تصرفاته البسيطه انا عارفه ان اهلي بيحبوني جدا كمان بس مش بيظهروا ده بل بالعكس انا حاسه انهم بيإذوني من غير ما يحسوا
حاسه اني مكتومه اوي عايزة اطلع طاقه رهيبه سلبيه من جوايا ولما اعيط وانفجر واحاول احكي اللي جوايا يقولولي انتي فيكي ايه عشان تزعلي اوي كده انتي ولا متجوزة ولا مخلفه ولا بتشتغلي ولا بتعملي اي حاجه ف حياتك طول النهار والليل قاعده مبتعمليش حاجه يبقي ايه اللي مزعلك
هو انا لازم اكون شايله مسؤلية عشان اتحب ولا ازعل ولا احس باهتمام ؟
لازم اتجوز عشان احس بالحب والاهتمام وان اكون فعلا مهمة في حياة حد ؟ والله اعلم اللي هتجوزه ده هيكون فعلا شخص يحسسني بالحب ولا هيكون بلاء
انا مخنوقه اوي وبحس اني كل شويه عايزة اعيط بس لما اجي اتكلم مع حد من اهلي بيحسسوني اني غلطانه ومكبرة الموضوع وفعلا بحس بالذنب بقول هو انا ايه اللي خلاني اتكلم ولا احكي هما فيهم اللي مكفيهم وكده كده مفيش حد هيفهمك ولا هيساعدك
انا طول حياتي بحاول اظهر احسن ما فيا وبحاول مغلطش عشان محدش يفهمني غلط واكون محبوبه والناس يحبوا انهم يقعدوا معايا
بحس اني مش محبوبه مع اني عارفه والله انهم بيحبوني بس مش حاسه بالاهتمام اللي انا عايزاه دايما بحس اني مش مرغوب فيا بحس اني تقيله كده علي القلب
بيجي ف دماغي افكار كتير سلبيه مع اني باخد علاج نفسي وماشيه مع دكتور بس حتي الدكتور بحسه مش فاهمني وكأني فار تجارب كل شويه اغير علاج ويفهمني اني هرتاح عليه بس انا حاسه انه ملهوش لازمه انا حاسه اني مش عايزة علاج لان البيئه اللي حواليا مش بيساعدوني اتعالج انا بقااي سنييين طويله باخد علاج كل شويه ابقي كويسه وارجع انتكس تاني وارجع كويسه وانتكس تاااني تعبت حرافيا حياتي مش مستقرة مش عارفه اخد قرار ف حياتي ابدا
وكل اللي حواليا مفهمني كده اني مش قد المسؤليه اني مش هعرف اخد قرار في حياتي اني مليش لازمه ف حياتي
انا فعلا اوقات بحس كده اني مليش لازمه لان انا فعلا مبعملش حاجه ف حياتي وكل ما احاول اعمل حاجه افشل فيها حاسه اني انسانه فاشله
بس مرة تانيه ارجع قويه
انا تعبت دماغي مش بتوقف وبحاول اتجاهل الافكار دي كلها بس الافكار كتير واللي حواليا بيضغطوا عليا مفيش حد بيساعدني
انا دايما بحاول اظهر كويسه ومفييش اي مشكله لان عارفه اني لو انفجرت هرجع برضوا كأني معملتش حاجه وبرضوا هرجع لنقطه الصفر ومفيش حد هيساعدني ولا هيفهمني بل بالعكس ممكن يضغطوا عليا واندم اني اتكلمت
انا من كلامي الواحد يحس ان اهلي بيعذبوني بس لأ والله انا عارفه هما بيحبوني بس مش قادرين برضوا يفهموني
مش عارفه اعمل ايه ولا اروح فين انا محتاره
انا زي اي بنت نفسي اتجوز ونفسي احس بالاهتمام بس هل ده ممكن يكون اني ناقصه اهتمام ؟؟ لان انا عايزة اتجوز واستقر واعيش حياه جديدة اوووي بس خايفه اكون مش اد القرار
دايما عايزة اهتمام واكون محط الانظار انا مش عارفه دي انانيه ولا نرجسيه بس انا مش كده انا بس عايزة اهتمام طول الوقت عايزة احس ان فيه حد بيحبني من غير مقابل عايزة حد يحبني زي ما انا بحب اللي قدامي بإخلاص
هو انا ممكن اكون انانيه لما ابقي مش بفكر ولا عايزة اسمع حد عايزة الناس يسمعوني بس ويحبوني ويهتموا بيا اووي
مش عارفه انا بقيت افكر ازاي ولا بقيت شخصيتي ازاي انا كل شويه ف حال بجد
وكمان مبحبش اسمع شكاوي حد لما حد يكون بيشتكي من مشكله بتخنق اوي مش ببقي عايزة اسمع ولا اكمل كلام مع الشخص ده بس مش بقدر لان الاشخاص دول هما أهلي يعني غصب عني لازم اسمعهم واحس بيهم واحل مشاكلهم مع اني اصغر واحده في اخواتي بس بحس اني شايله هم فوق همي مع ان هما برضوا شايلين هموم كتير بس محدش بيفكر فيا زي ما بفكر فيهم وببقي عايزة اساعدهم
انا حتي مش قادرة اقول الكلام اللي قولته ده كله لحد من اهلي لان هيحسسوني بالذنب اني اتكلمت هيحسسوني اني تافهه ومشاكلي مش مشاكل اصلا يعني انا فعلا اوقات بحس بكده بس ليه لما بكون علي اخري بحس ان مفيش هم اكبر من همي
يعني العيد بكرة انا حرفيا اكبر امنية عندي هي اني اتصور مع اخويا وانزل مع عيلتي كلهم واحد واحد كده بدري لصلاه العيد واعيش اجواء العيد ونسهر مع بعض ونخرج بس ده كله مش هيحصل لان بابا بينزل لوحده مش بيستني حد وماما رجلها وجعاها ومش بتقدر تمشي كويس واخواتي كل واحده بتتأخر علي الصلاه محدش بيروح بدري واخويا بيروح يصلي مع صحابه مش معانا اصلا
انا اسفه علي الكلام الكتير اللي كتبته فوق انا مش عارفه اصلا حد هيقرأه ولا لأ بس اهو اتكلمت شويه مع اني عارفه ان انا رغايه اوي وكل كلامي ملهوش لازمه ومش متناسق مع بعضه بس عادي اديني بتكلم وخلاص
لعرض السؤال في فدني اضغط هنا
السلام عليكم ورحمه الله وبركاته
بصوا يا جماعة اناا من وانا صغيره ماما كانت بتعمل مواقف كتير مش حلوه ومش حنينه علينا ولا اي حاجه ودايما كان بيقعد يتقالي د امك عملت كذا وكذا والكلام ده من العيله وامي دايما بتقعد تدعي علياا وبجد من وانا صغيره
الموضوع ده كان مدايقني وبعدين هحكيلكوا ع موقف انا خرجت انا واختي الكبيره روحنا اشترينا لبس لاختي الصغيره ف اصلا اللبس كان غالي الكلام ده كان رمضان اللي فات ف الطقم كان وقتها ب 1650 تقريباا هياا بقاا ف اليوم ده قعدت تزعق وتشتم وتقريبا اليوم ده كان ممكن يكون ليله القدر اصلا ف قعدت تدعي عليه طول الليل بسبب الطقم ده وتقولي الهي تنذلي ي بعيده وتدعي ب أدعيه موت
انا يوميها عدمت عياط بجد ومن بعدها حصل موقف تاني وبرده وقعدت تدعي روحت نازله قاعده تحت عند جدي ومن وقتها وانا مش بكلمها ولا هياا بتكلمني هل انا غلطانه؟ هل ده عقوق والدين؟ بس انا معملتش حاجه غلط حتى هياا مبتفكرش تى تتكلم معايا انا اصلاا بالنسبه ليا دلوقتي انا بعتبر امي اتوفت اصلاا او مليش ام
احساس صعب لما تلاقي ام صحبتك قاعده بتطبطب ع بنتها وواخداها ف حضنها وانتي نفسك تجربي الشعور ده ومش لاقيه م انها عايشه مش متوفيه يعني وبجد حياتي مش مظبوطه خالص وكل اما اسمع فيديو يقعد يقول لازم تكون بار بوالديك عشان ربنا يوفقك بس انا الحمدالله علاقتي ب بابا حلوه يمكن انا اكتر واحده ف اخواتي واخده ع بابا وبتكلم معاه
بجد مش عارفه اعمل اي؟
لعرض السؤال في فدني اضغط هنا
انا طالب في كلية تربية نوعية و من ساعه ما دخلت الكلية ديه و انا مش عارف اكون علاقات و لا عارف اعمل صحاب من الكلية ولا برا الكليه حاولت كتير اعرف ناس و يبقا عندي علاقات بس للاسف بيتقالي كلمه واحدة في كل مرة انت مريب معرفش ايه اللي حصل وحتى لما حاولت اعمل شلة و يبقا عندي صحاب لما بقف معاهم مش بيكون ليا رأي و مش بتكلم غير لو اتوجه ليا الكلام غير كدا يا ساكت أو ماسك الفون
و مبقتش عارف ارتبط انا عارف أنه حرام بس اكيد اي حد في سني عارف احساس انك عايز الاهتمام من حد بيحبك عايز حد ف اخر يومك تحكيله أن اللي حصل سواء حلو او وحش (انا مرة قبل حصلي حاجة حلوة في نص يوم فرحتني ملقتش حد اشاركه فرحتي زعلت أوي لدرجه عيني دمعت) و حاولت املا يومي يعني والصبح ف الكلية و بقيت اليوم ف الشغل و بعد كدا بطلع على الجيم معنديش وقت حتى افكر ف حد أو احب حد
كنت حاسس اني في ثغرة جوايا و حاولت كتير اطور من نفسي بقول يمكن دا يخلي الناس اللي حواليا يشوفوني حد ناجح حد يتمنو يعرفوه الموضوع دا مسببلي ازمه كبيرة ، ولما بقعد مع نفسي ببقا عايز اتكلم مع حد انا فعلا مش بحب الوحدة انا ايام الثانوية مكنتش كدا كنت زي ما بيقولوا الإرهاب الاجتماعي يخاف مني و لما بقعد مع صحابي بتوع المدرسة كل واحد بيقول أنه لاقى البنت اللي شبه و اللي تحبه وانا لسه هل العيب فيا ،
وايه الحل مع العلم انا بالنسبة لاهلي مجرد فلوس أنا اللي بصرف على البيت ف هما شايفني فلوس ولما بتكلم بيتقالي اسكت و بيزعقولي ف اروح اكل و انام ف اوضتي ومليش دعوة بيهم بعد كدا
لعرض السؤال في فدني اضغط هنا
ممكن نصيحه ( ب معني متغلطش غلطتي)؟
لعرض السؤال في فدني اضغط هنا
انا 18سنه وكده والحمد لله بصلي ولو وقعت بتوب وارجع وكده الحمد لله اهلي مربياني احسن التربيه والحمد لله امي منتقبه بس مفيش اهتمام اوي فانا بحس بفراغ عاطفي واحتياج وعايز احس ان حد بيحب وجودي وكده وبقيت بحاول اتعرف على واحده بس تكون منتقبه اكبر مني وعارف ان الارتباط حرام وكمان انا تالته ثانوي وعلى طول لوحدي ومحدش عارف انا بحس بايه عامل ايه في مذاكرتي وكده علشان كنت بفكر في كده ان حد يسمعني او يكون مستنيني او مهتم بوجودي وكمان عندي صحاب بس مش بنتكلم خالص هما بيكلموا بعض ومحدش بيكلمني الا في الضروره اوي وكمان حاذف برامج السوشيال كلها فا بقيت من شخص الحمد لله بيغض بصره لحد بيحاول يتعرف ومش عارف اعمل وبقيت كاره نفسي
لعرض السؤال في فدني اضغط هنا
ينفع اسمى بنتى مفازة ولا فيروز احلى
لعرض السؤال في فدني اضغط هنا
السلام عليكم
مشكلتي بتبدأ من ان والدي مبيصرفش علينا امي بتشتغل وهي اللي بتصرف على كل حاجه حرفيا
والدي كان مدرس في الحكومه كان بيوصل قبضه ل ٧ آلاف مكنش بيصرف عليا انا واخويا ولا علي البيت
كان بيجيب بيهم سجاير بالاكتر للمعلومية كان بيشرب ٣ علب في اليوم ومثلا ممكن ب٦٠٠ ج علاج والباقي كان بيصرف بيه على نفسه المهم ابويا طلع علي المعاش ومعاه بقي ٣٠٠٠ آلاف ف طبعا م بيقضي السجاير ف بقي بيشرب علبتين ويجيب دوا بردو ف اخويا سافر ف بقي يقوله انو عايز فلوس منه عشان يجيب علاج لكن لاحظت انو بيصرف ع سجاير ويزود ف العلب من تاني
كان فتره اخد منه الفين وفتره تانيه الف ونص واخر فتره كانت الف طبعا انا لما كان بيبعتني مشاوير اجيب له طلباته كنت بلاحظ ان علب السجاير بتزيد ف كنت بزعل الفلوس دي خساره وحرام تروح علي السجاير وفي حاجات تاني اولي
انا ماما متكفله بمصاريف البيت كلها وللأسف ده صعب عليها من حيث اكل وشرب وحاجات تانيه كتير من مصاريفي بردو وكهربا وغاز ومايه وطبعا بابا مبيصرفش ف ده اكيد مأثر ف انا بزعل ع الفلوس اللي بتروح هضر في السجاير واحنا محتاجين ف المهم أخوية كلمته وقولت له بلاش تبعت تاني لانه حرام هو مفروض يقتصد في السجاير علشان بعرف يجيب الباقي من حاجته وفلوسك انت اولي بيها علشان تعرف تتجوز وتجهز نفسك وحكيت ليه اللي حصل صراحه انا حاسه بالذنب والندم م عارفه ده قرار صح ولا لا انا من رأي تن تلات الف كتير يروحو علي السجاير يعني العلبه الواحده ب ٥٥ ج حرام والله
لعرض السؤال في فدني اضغط هنا
سلام عليكم
انا عارفه ان انا كنت بعمل غلطات كثير انا عاوزة بس تنصحوني اعمل ايه او وجهوني للطريق الصح انا بنت وعندي 19 سنه انا الحمد لله اهلي ربوني احسن تربيه بس ممكن يكون عشان ما كانش في حد مهتم فيا فتوجهت للتطبيقات اللي هي بتبقى فيها البنات والاولاد ديت فكنت كل يوم بكلم ولد فانا حاسه بالتعب وزهقت من الحته دي وعارفه هو غلط برجع اصلي واتوب وأقرب من ربنا برضوا برجع رغم إني كنت بحذف في التطبيقات كنت ارجع تاني فمش عارفه اعمل ايه في ايه تنصحوني قولوا لي اعمل ايه
لعرض السؤال في فدني اضغط هنا
أنا طالبه في خدمة اجتماعية وللاسف مجال زي ده محتاج حد عنده قدرة على التواصل مع الناس عايز شخص اجتماعي يعني بس للاسف أنا مش عارفه حتى اكون صداقات في الجامعة ولا ليا اصلا صحاب خالص لدرجة اني بكون عايزه اشارك في المحاضرة واطلع اتكلم قصاد الطلبة مش بقدر ولا بقدر أواجه اي مواقف اجتماعية ممكن اتعرض ليها بحاول أتجنب وانسحب من اي مشكلة بتعرض ليها لدرجة أني يكون عايزه اعمل حاجه جديده في حياته اروح مثلا جيم ابدا افكر في شغل اون لاين أو حتى أنزل تدريب في مراكز التخاطب مش بقدر اخد خطوة زي دي دائما بيجي في بالي اتكلم ازاي مع اللي قدامي اساله ازاي ايه الجمل اللي مناسبة في موقف زي ده عشان أنا دائما شغله بالي اللي قدامي شايفني ازاي راي الناس فيها وفي طريقة كلامي يعني مش عارفه ده رهاب اجتماعي والا عدم ثقة في النفس
لعرض السؤال في فدني اضغط هنا
انا في اكتر مرحله ممكن اكون تايهة فيها فحياتي انا كنت عامله اعجاب مع فديو بيتكلم عن أن الصداقة الثلاثيه بتبوظ فأنا عندي اتنين صحابي شافوه وسألوني وكدا قلت لهم إن الكلام حقيقي ف المهم واحدة فيهم اسمها حنين كلمتني وعرفت كل الي مدايقني وهم كانو عاملين مواقف وحشه معايا خلتني احس كدا
مش عايزة اطول عليكم المواقف هي أن سابوني فجأة ومشيو ف نفس اليوم مرتين واكتشفت انهم خرجوا من ورايا المهم يعني فقالت متزعليش وبرضو صحبتنا التانيه اسمها ملك قالت متزعليش وحقك علينا وكدا وبدأت تكلمني حلو اوي اوي و طبيعي وفجأه تجاهل تام وانا مش فاهمة لي بعدين قالت انو بسبب الموضوع ده بقولها بدل ما تعاتبيني بتقولي أصل مكنتش حبه انافقك بقولها يعني اي بتقولي كنت عايزة تهدر
وانا للعلم كنت بسألها مالك كذا مره وكل ده مفيش فايدة بعدين بقا بتقولي انها مكنتش تعرف انا لي زعلانه ف استغربت وقلت لها انا قولت لكم وحتى المفروض تراضينا قالت لي بعد ما فكرت في الموضوع حسيت اني متراضتش ولا حاجة
المهم يعني بعدين يقول لصحبتي التانيه حنين انتي مقولتيش لملك حاجة عن المكالمة قالت واقولها لي أصلا دي حاجة بنا واتعصبت اوي بعدين اكتشفت انها قالت وقالت حاجة انا مقولتهاش وذكرت الوحش بس وحرفيا عملت حاجة صدمتني فيها لما دخلت قولت لها انتي قولتي كذا بتقولي اه بقولها بس كذا محصلش انتي كدا كدابه يعني ولا أي راحت تقولي قصدك اني كدابه وبعدها اتمنعت عن الرد وصحبتي الي هي ملك اسلوبها متغير ويتدافع باستماته تقولي مكنتش قصدها أصل هي عندها ظروف وحاجات غريبه كمان حنين عملت أن. فولو ليا انا مش فاهمة هو اي الهبل ده ولا أي بيحصل وهل هم بيعملوا كدا لي ولو عايزين يمشوا ممشيوش بسهوله لي
لعرض السؤال في فدني اضغط هنا
حصل سوء تفاهم من اهلي مع عريس احنا كنا كويسين جدا في الرؤية و هم ادخلوا بأنه يذاكر للعيال معايا اكتر مما انا طلبت و انهم بيشتغلوا في البيت كل حاجة مساعده حتى لو تعبانين و بالغوا في الكلام ده ال انا شايفه ده بيني و بينه نتفق عليه و اصلا انا بكلم لو فاضي تقعد مع الاولاد كده انا بعمل حاجة المهم هم زودوها اوي و حاجات اخويا مش بيعملها مش بيذاكر لاخوه اصلا المهم هو قال مفيش نصيب بس انا مش عارفه أنساه اعمل ايه و عدي شهر و انا اصلا قولت ما تشيلوه الهم و ده مسؤوليتي يعني شغلي فالمشروع فهم.
و هو شغله اون لاين ساعات كبيرة جدا
اي الحل ممكن ابعت رساله له اسأل عن السبب عشان ابطل تفكير و لا اكلم الوسيطه و لا اكلم اخي يستفسر منه
و ده كله مش قادرة اعمله كرامتي فوق كله ما اروح لشاب
و لا انسي بحلم بيه و اهله بيحبوا هدايا و هو جابلي مع ابي قماش فستان افصله لونه ال انا عايزاه هل اصدق الاحلام ولا اعمل ايه
تعبت اوي انا ٢٧ سنه هو أكبر ٧ سنين بس اول مره ارتاح لحد التزام و صلاة و اخلاق بس هو هادي و موت اخوه مأثر عليه ممكن مش عايز وجع دماغ مع ان اهلي نيتهم كويسه و في كلام تاني بصراحه هم مكنوش احسن حاجة معه كأنه مش عاجبهم مع اني و الله كل ال بيقوله صح و الأصل لكن هم بيحلموا و عايزين يحملوني حاجات انا مش عايزاها و هو متفق معايا مثلا لا شغل هم بيكلموا لا دلوقتي لازم الست تشتغل طب ما انت مش مشغل مراتك و لا تقبل اعمل اي تعبت و هو قالي ست البنات كنت فرحانه بيها لحد ما رفض حسيت ان ليه طيب اتقالت
لعرض السؤال في فدني اضغط هنا
فيه مشكله مع واحدة صاحبتي هي بتحب شخص جدا كان معاها في شغل بعدها هي مشيت كان فيه بينهم كلام عادي وهي متعلقه بيه وحاسه كمان بتلميح من ناحيته المهم هو حاليا مسافر بيشتغل برا وهي فيه عرسان بيتقدمولها ولكن هي بترفض مستنيه منه خطوة وهو تقريبا مش جاهز ماديا دلوقتي فعلشان كدا خايف أنه يعترفلها أو ياخد الخطوة احنا دلوقتي محتاجين نتأكد هو فعلا عنده النيه ياخد الخطوة ولا لا وطبعا من غير ما هي تعترف بحاجة أو تلمحله بشئ ومحدش يقولي تكبر دماغها وتدي فرصه لشخص تاني علشان هي بتحبه جداا
لعرض السؤال في فدني اضغط هنا
السلام عليكم 🤍
مش بعرف أكتب نصايح أوي، لكن دي حاجة فعلًا بقيت مقتنعة بيها جدًا مؤخرًا، وحسّيت إنها تستحق تتقال..
أوقات فعل صغير جدًا مننا ممكن يفرق مع حد أكتر مما نتخيل، عشان كده حاول دايمًا تكون لين في كلامك وطريقتك مع الناس.
إحنا فعلًا مانعرفش مين بيحارب أفكار مرهقة أو يوم صعب وهو ساكت.
حاول تبقى لطيف قدر المستطاع، انت ماتعرفش مين حواليك بيمر بيوم سئ ولطفك ممكن ينجيّه من حبل أفكار سلبية مش عارف يقطعه.
همومك تقدر تخليها تظهر على السطح وانت لوحدك أو فى وجود شخص بيحاول يساعدك .. لكنها مش عذر أبدًا لـ حدتك فى التعامل مع اللى حواليك!
انت كبرت كفاية عشان تدرك إن كل واحد شايل شيلته بالعافية ومش ناقص حد .. فـ إن كرمك مادفعكش إنك تخفف عن اللى قدامك، يبقى واجبك إنك ماتزودش عليه 🤍.
لعرض السؤال في فدني اضغط هنا
انا بنت ٢٣ سنه
الحقيقه مش قادره احدد شخصيتي هل انا عندي رهاب اجتماعي ولا لا
انا عندي صحاب مش قليلين ومش كتير بعرف اتعامل واكون صداقات مع ناس غريبه بعرف اتكلم لما نكون شله يعني بعرف اتعامل الحمد لله
لكن لما الموضوع يوصل اني اقوم اقول كلمه قصاد عدد كبير حقيقي بتوتر وبخاف جدا جدا وجسمي بيتلج وبترعش كأني هموت
النهارده كان اول يوم شغل ليا المفروض اني هدرس لأطفال ولكن اول ما نزلت الحصه لقيت عيال مراهقين مش اطفال وسنهم كان تقريبا ١٣ و١٤ سنه خفت اوي ومشيت من الشغل وكنت متعصبه وحاسه اني فاشله الكل بيحاول يقنعني اشتغل وانا قلت لا وهربت حاسه اني فاشله اجتماعيا لأني بردو في الكليه كنت بهرب من البريزنتيشن وحاليا بعمل رساله ماجستير مش عارفه هواجه ازاي المشرفين والدكاتره ياريت حد يقولي هل انا ضعيفه !؟؟
لعرض السؤال في فدني اضغط هنا
انا كبيره حاليا 17 سنة بس فاكره مواقف صعبه اوي لي ابويا وامي كان عندي عم بيحدفني بفضلات الحيوانات علشان يضحك الناس ويبقى دمه خفيف وبيضربني كتير اوي من غير سبب ولو اشتكيت لأمي تضربني هي كمان لدرجه ف مره كان عايز يضربني جربت استخبى فيها راحت ودت وشها الجنب التاني
مكنش حد بيحميني منه فضل فكل تجمع عزومات يضربني يقول مني يبهدلني كنت بستغرب اشمعنى انا وليه محدش بيدافع عني المهم أن انا روحت اشتكيت لبابا أنه ضربني ولما استخبيت فماما سابته يضربني راح ضربني هو كمان
المواقف دي يمكن كنت وقتها 10 سنين او 9 كمان وانا 8 سنين كان ابويا كل حاجة يقولي انتي كبيره السيدة عائشة اتجوزت وهي عندها 9 كنت ساعتها بقوله انا عندي 8 بابا يزعق وكل حاجة يقولي السيدة خديجة اتجوزت عندها 9 سنين كل ما اشتكي أن حد اذاني القي نفس الرد مش فاهمة اي العلاقة وكان عمي ده يقولي انتي لو اتجوزتي تخلفي وانا اسفه في اللفظ بس وقتها انا 9 سنين مش فاهمة كلامهم وحتى لسه مبلغتش
لدرجة ف مره جاب عريس بجد معرفش لي اهلي كانو كدا عمي ده قال ل ابويا ازاي بنتك بتلبس بنص كم وانا ف3 ابتدائي كان ممنوع العب مع الاطفال كانت امي بتقعدني على المسطبه واقعد اتفرج على بنات عمتي الاكبر مني وبنات عمي واولاد عمي وعيال العيله كلها بيلعبو كنت ببقى عايزة العب معاهم اوي ويفضلوا يقولو يلا تعالي ابص لامي واقول مينفعش علشان عمي هيقول لبابا
كان بيرميني بفضلات الخرفان اعزكم الله ف وشي لما كنت العب مع الاطفال ف الشارع فمره كنت بروق بعد عزومه لناس غريبة ضحكهم كلهم عليا وضربني علشان القعده تحلو ويضحكوا
انا بستغرب جدا لي كان بيعمل معايا كدا لي انا اذيته ف اي ولي اهلي مدفعوش عني
انا عارفه الكلام ده من زمان ودلوقتي هو مبيعمليش حاجة لأنه مبيخلفش واتسجن كتير اوي واتمسك اعزكم الله بيفعل الفحشاء مع واحده وهو متجوز ومراته خلعته وراح اتجوز الي غلط معاها وخسر كل فلوسه وكل ما يملك وهي حالا طردته برا البيت وقاعد ف اوضه مع ابوه ( كان مسافر السعودية لمدة 8 سنين رجع مترحل وخسران كل حاجة ) ولما رجع كان عمري 8 سنين وشهور
انا وانا طفله كنت بصلي وادعي عليه لدرجة اول ما ادعي عليه اسمع امي بتقول ل ابويا وانا بصلي الحق فلان حصل له مصيبه انا عارفه انه من زمان انا دلوقتي مبدعيش عليه ولا باجي جمبه بل بيصعب عليا بس اهلي مش قادرة اسامحهم خاصة انهم بيضربوني على كل شيء وكل سبب وزعيق وامي ديما تحرض ابويا عليا ساعات بحس اني ممكن مكونش بنتهم لان انا فحالي وكل الناس تقولي انتي مؤدبة واخلاق ويقولو لأهلي وإهاي بيتباهو بيا قدام الناس بس يعاملوني بشكل غريب والدي لو جاب لي حاجة بيذلني بيها ويذلني أنه بيصرف عليا مع اني متفوقه دراسيا تفتكرو انا مش بنتهم
لعرض السؤال في فدني اضغط هنا
سلام عليكم
لو حد تجاهلكم متعمد وسط جروب ولما سألته ليه قالك مش هعرف انافقك انا زعلان بسبب ريبوست تيك توك وحرفيا معاملته كلها اتغيرت وبيعامل الناس الي مش صحابه قدامك احسن منك
لعرض السؤال في فدني اضغط هنا
انا كان لي زميل قدري في العمر، كلامي معاه هو محترم جدا ولا مره اتعدى الحدود معاي، بديت احس بمشاعر تجاهو فبعدت عنو بدون ما اكلمو عشان مشاعري ما تكبرش ونبقى في ارتباط والامور دي وهو حس بالحاجه دي فبقى بسألني وبحاول يتواصل معاي عشان يطمن علي وفي الاخر اعترفلي بحبه وقالي انو مش حيوعدني اني استناه لأنو الظروف مش معروفه ونحن بندرس لسه وهو حيشتغل على نفسو عشان يجي يتقدملي زي ما الناس بتعمل ، انا ردي ليه كان زي الصد وقلتلو لي جاي يعترفلي طالما هو مش جاهز ، انا كتمت حبي ليهو ومش قدرت اقولو حفاظا على نفسي ، بس الحاجه دي متعباني ويومي ما بكملش غير لما افكر فيه اعمل ايه واي التصرف الصح بعد الحصل دا يا ريت تفيدوني
لعرض السؤال في فدني اضغط هنا
قبل الفرح اعمل اي لو عايزة آآجل الخلفة في أول الجواز لحد ما افهم طبيعة زوجي و هل هو صالح ليا ولا لا ؟ وازاي امنع الحمل قبلها و اتجنب ضغط الاهل و الزوج ووصمة العار
لعرض السؤال في فدني اضغط هنا
السلام عليكم
عساكم بخير..
تعرفوا إحساس إنك تكون محاصر في ابتلاء صعب، خصوصًا لو لمس صحتك، ومش قادر تخبيه عن حد؟
الواحد فينا بيتعلم يداري، يتقن فن السكوت، يحاول يلبس وش عادي قدام الناس… بس في حاجات بتبان غصب عنك.
وفجأة تلاقي نفسك في مواقف بتكسرك، وناس كانوا شايفينك حاجة كبيرة، بقوا يبصوا لك كأنك أقل منهم.
بتمشي مع ناس مش شبهك، مش بيقدروك، بس بتمشي معاهم عشان متحسش إنك لوحدك، عشان متحسش بالنقص اللي بياكل فيك من جوّا.
وفي الآخر… بتلاقي نفسك بقيت أقل منهم فعلًا، وبقوا يعاملوك كأنك مش موجود.
ولما تقرب من ناس على قدك، نفسك تقرب منهم، تخاف تتكشف قدامهم، فتبعد… وفي الآخر برضو بيعرفوا.
انا عارفة إن كل واحد شايل ابتلاء، وكل ابتلاء صعب بطريقته...بس أصعب وجع لما يكون ابتلاؤك باين، مش عارف تستخبى منه.
كل ما يبان أكتر، الإحراج بيزيد، والخجل بيكبر، والتعب النفسي بيبقى أتقل من أي تعب جسدي.
كنتِ قبل كده حاجة تانية خالص… واثقة، واقفة على رجلك، والدنيا منوّرة في عينك.
دلوقتي الثقة وقعت، والحاجات اللي كانت باينة سهلة بقت جبال.
لما تبقي ملاحظ انك بقيت حمل تقيل بتعبك دا و حتي والديك تعبو منك و متضايقين منك و عليك حتي و لو بيظهرو عكس كدا..منين اقدر اقنع نفسي اني هلاقي اللي يستحملني و انا مش مستحمله نفسي ولا حتي اقرب الناس ليا مستحمليني..
صدقوني انا مش بزود ف الموضوع و كان كل التعب فيا انا بس ولكن انا بتكلم عن اللي بحس بيه و اللي مش قادره اتحمله بجد..
أنا عارفة إن ربنا مش بيحط فينا حاجة إلا وهو عارف إننا نقدر نشيلها…
بس بجد أنا تعبت. وصلت لآخر نفس فيّا..انا بقيت متاكده اني مش هستحمل دا ولا هقدر عليه.نفسي اعيّط، اصرخ بصوت عالي و لكن حتى الدموع مبقتش موجوده عنيا جفت و تعبت حتي مبقتش قادره ابكي.
نفسي أختفي شوية، نفسي محدش يعرف عني حاجة، ولا يسأل، ولا يبص، ولا يحكم.أنا أصلًا من النوع اللي بيكره إن حد يعرف عنه حاجة، بحس إني اتكشفت، وده بيوجعني أوي.
وخجولة لدرجة إن خجلي بيمنعني من حاجات بسيطة أي حد بيعملها وهو مطمن.
حاولت أتمسك بأي حاجة كويسة فيّا، أي حاجة أقول لنفسي "لسه فيكِ حاجة تستاهل".
بس حتى دي بقت بتفلت من إيدي.
عندي وسواس قهري، عندي تراكمات وتروما من حاجات كتير، وعندي تعب جسدي زوّد التعب النفسي.
واتعلمت على إيد الأيام إن التعب النفسي أوجع بمراحل من أي وجع جسدي.
أنا طول عمري كنت رحيمة، قلبي رقيق زيادة عن اللزوم، عمري ما سخِرت من حد ولا قللت من وجعه.
كنت اللي يلاقي حد تعبان يروح يطبطب عليه...
بس في المقابل… ما لقيتش حتى ربع اللي كنت بعمله.
مش بحب نظرة الشفقة، بس على الأقل… ما تزودوش تعبي بكلامكم ونظراتكم انا وصلت لـ مرحلة بقيت بكره البشر تماما لـ درجة اني شايفه اما اعيش انا او يعيشو هما .
عارفة إنكم هتقولولي روحي لدكتور، بس والله ما بطيق سيرة الطب ولا الدكاترة مع احترامي لكل من في التخصص دا.تعرفو اني زمان لما كنت صغيره كنت عند دكتور فوالدتي بتدعيلي بتقوللي عبال منشوفوكي دكتوره قلتلها بعد الشر!!
ولو هتقولولي ابعدي عن الناس دي، هقولكم مش قادرة، ومش هينفع، ومش هيغير حاجة.
ولو هتقولولي قوي ثقتك بنفسك، هقولكم الثقة دي خلاص اتكسرت ومبقاش فيها حاجة تتصلح.
أنا مش ناسية نظرات السخرية، ولا نظرات القرف، ولا الكلام اللي بيجرح ويقعد في القلب.
دي حاجات بتتكرر كل يوم، وأنا بحاول أتجاهل… بس مبقتش قادرة.
بقيت بقول لنفسي "بكرة هيبقى أحسن" وأنا من جوايا مش عايزة أشوف بكرة أصلاً.
ورغم كل ده… متأكدة ان محدش هيحس اللي أنا حاسة بيه بالظبط.
بس يكفي إني قلت.
يكفي إني طلّعت اللي كاتم على نفسي.
شكرًا إنكم سمعتوني، حتى لو بكلمه حتى لو بصمت ، رغم انكم حد ميعرفنيش.
لعرض السؤال في فدني اضغط هنا
في حاجات في الاسلام زي مثلا الاستيقاظ للفجر واتضح ان الموضوع ليه فوايد رائعة وعندك كمان شرب الماء ونحن جالسون افضل من واحنا واقفين والعلم اثبت كده وكمان النوم علي البطن مضر وده الرسول نهانا عنه ومش شرط بس في الحاجات الصحية لا عندك برده إن "أحب الأعمال إلى الله أدومها وإن قل" طلع في كتب بتتكلم عن العادات الصغيرة اللي انت تعملها كل يوم وازاي هيكون تاثيرها عليك وكمان برده في دلوقتي ناس بيقولوا اهتموا بالناس اللي حواليكم واختاروا اصحابكم صح لان احنا هنبقي شبه اصحابنا اللي حوالينا افتكر وقتها قول الرسول "المرء على دين خليله فلينظر احدكم من يخالل" يعني كل مرة اجي اطور من نفسي في اي حاجة الاقي نفسي برجع للقرآن والسنة وادركت وقتها ان قبل ما اتعلم اي حاجة لازم ابدا الاول بالقرآن والسنة واتعلم الدين الإسلامي لانه بالفعل هو ده المنهج اللي هيعيشنا حياة سعيدة
لعرض السؤال في فدني اضغط هنا
محتاجه نصيحه من بنت
دلوقتي انا عندي ٢١ سنه و مشكلتي ان كل الي حواليا يا مخطوبين يا مرتبطين يا في راجل مهتم او معجب بيهم
و بسبب ده حاطه علي نفسي ضعط انو لازم انا كمان يكون في في حياتي حد و ان ده الطبيعي و غريب ان مفيش في حياتي حد و الحاجه دي مخلياني بتشد ل اي راجل ب سهوله لو ولد بعتلي فولو مثلا و شكله عجبني و كدا بيلغبطني بسرعه جدا و ببتدي اركز معاه و استناه يبعتلي و سهل اوي اي راجل يشتتني و يخليني انجذب لي
انا عايزه ابقي تقيله شويه مش اي راجل يلفت انتباها و يشتتني كدا و عايزه احب الفتره الي انا سنجل فيها دلوقتي دي و مبقاش مستنيه راجل يدخل حياتي
اكيد كل بنت بتبقا عايزه الاهتمام و ان في نص تاني ليها موجود
لحد ما ده يحصلي و الاقي نصيبي عايزه اعيش في سلام شويه و مبقاش قاعده مستنيه ريليشن شيب ب لهفه كدا
انا حلوه و واثقه في نفسي جدا و في شكلي ، فمش مثلا حاسه ب نقص و مستنيه راحل يدخل حياتي يثبتلي اني حلوه و اتحب
و انا حاطه رولز معينه و مواصفات للشخص الي عايزاه يدخل حياتي و مع ذالك بردو اي راجل ممكن يلفت انتباهي حتي لو مفهوش المواصفات الي عايزاها
لعرض السؤال في فدني اضغط هنا
السلام عليكم ورحمة الله وبركاته
كنت عاوزه انسى شخص ومتعلقه فيه ومش عارفه ادى حد فرصه او يمكن ايجالى عقده منهم بيقعد مبوظه وقت الرؤيه وهو فى الجيش وقال مش هخطب غير لما اخلص ومحددش عليا ولو كلمته وانه مستنيه يقول فهمت وبس مش يرد يقول مش عاوز وقولت يعمل بلوك وسايب رقمى انا عاوزه ابطل تفكير فيه
لعرض السؤال في فدني اضغط هنا
السلام عليكم
عايزة استشيركم في جوازة أنا مقبلة عليها لو سمحت ياريت أهل الخبرة تفيدني، أنا بابا متوفي وعايزة أطمن إن هل أنا ماشية صح ولا لا وجزاكم الله كل خير
دلوقتي أنا متقدملي عريس مهندس وشغله في السعودية
عنده شقة لسه بتبني في التجمع الخامس وهتتسلم بعد سنة ونص، وعليها أقساط لسه بعد التسليم حوالي ٤ سنين
هما قالوا هنجيب دهب حاجة بسيطة ب ٧٠ ألف وهي دي الشبكة، والشقة مش هيفرشوها كلها هيفرشوا اوضتين بس وهيسيبوا اوضة، والفرح نص بالنص يعني احنا هندفع معاهم فيه، + هيبقا عليا الأجهزة الكهربائية والسجاد والستاير والمطبخ بأدواته "ودي حاجات بمبالغ كبيرة اوي" فعلى أقل مفروض الشقة تتفرش كلها
الولد أخلاقه كويسة ومتربي وفي كل صفات الي أنا عايزها، بس هل شايفين هل أنا مظلومة في جوزاة دي ولا لا
أهلي شايفين إن لازم الشقة تتفرش كلها وهو يبقا عليه السجاد والفرح، والشبكة المبلغ يتزود شوية
عايزة اسمع لو سمحت آراكم
لعرض السؤال في فدني اضغط هنا
أنا جايه احكى أنى مش عارفه ارتاح فى أي حته فى بيتنا..بنت عمى عندها 3 عيال ولادها وهما متعودين ييجوا عندنا وهي بتقول ليهم يروحوا هناك عشان ترتاح هي من زنهم وهما بييجوا وأنا بحبهم وبلعب معاهم بس هما بيقعدوا كتير ممكن النهار كله وهما صوتهم عالى وأنا بحب الهدوء..
مش عارفه اعملهم إيه بس أنا بقيت مش عارفه اقعد خالص هما يعتبرو فى الابتدائي يسيبوهم عندنا وينادوا عليهم آخر الليل.. وفوق الموضوع أن جدتى ام ابويا مقيمه عندنا ليل ونهار وتنزل تنام وتيجى وهي طلباتها كتير وصوتها عالى برضوا..
انا مبقتش عارفه اقعد فى حته ودماغى صدع اقولهم إيه مفيش خصوصيه خالص لدرجة ان بنات عمى بيعرفوا كل حاجه عننا واحنا قاعدين فى بيتنا ملناش دعوه بحد. ..وهما عارفين كل حاجه اعمل إيه بجد
لعرض السؤال في فدني اضغط هنا
مش حقول مشكلتى الكبيرة مع امى لأنها غير مبررة امى بتكرهنى و حرفيا بلا سبب حاولت كتير افهم السبب يمكن اكون غلطت فى حاجة بس مالقيتش من و انا صغيرة بخدمها لدرجة اختى اما اتعاركت معها قالتلى يا خدامة
الكلام دا حصل لما كنا اطفال سنة اولى تانية ابتدائى كدا و كبرت انا اللى بخدم حد غلط غلطتى انا مش هو دعوة مستمرة عليا عديت كل دا طالما عايشة و عندى لقمة لحد ما بدأت امى تخطط انها تمشينى و قالتلى انا مش حسيبك
مش حقول عملت طبعا حاجات بشعة آخرها انها سرقت بطاقتى و عرفت انها جوزتنى و ماعرفش حتى شكل اللى جوزتهولى و انا بجيب طلبات البيت لقيت واحد من ورايا بيقولى انت طالق ببص بشوف البنى ادم دا بيكلمني انا ليه لقيته أخد بعضه جرى و ماشفتهوش برضوا لما روحت لقيتها مبسوطة ففهمت ان الموضوع دا تبع دا
وآه متأكدة ان اللى قالى كدا ليه علاقة لان عمالة تبصلى بشماتة و تلمح دلوقت ازاى اصلا جوزتنى و هل دا يعتبر اصلا جواز عشان اطلق كدا اطلقت اصلا
لعرض السؤال في فدني اضغط هنا
عندي سؤال
لو ان رجل تزوج أكثر من زوجة ومازال ينظر الى النساء في الشارع ومنصات التواصل مليئه بصور للنساء وفيديوهاته عنهن ويتحدث إلى امرأة على الخاص
أريد ان أفهم هل هذا طمع رغم انه متزوج من اثنتين وزوجاته يتجملن له
وهل كل الرجال هكذا ام انهم يجاهدون أنفسهم
لا أدري ان كنت صغت السؤال بالطريقةالتي تجول في خاطري ولكن أريد أن أفهم لماذا؟؟
لعرض السؤال في فدني اضغط هنا
لعرض جميع الاسئلة في فدني اضغط هنا