انا في رحلة وعي وتعافي وبحاول اتحرر من انماط قديمة بتضغط علي في حياتي اليومية
لقيت نفسي دايما مربوط بفكرة ان قيمتي مرتبطة بالانتاجية والكمال وبواجه صعوبة في الهدوء او تقبل ضعفي الانساني كمان عندي خوف من الوحدة من الفشل ومن ان الناس ما تقدرش مجهودي
قرأت وسمعت عن محاور كتير زي التحرر من المثالية من دور المنقذ ومن الافراط في التفكير لكن لسه محتاج خطوات عملية اطبقها في يومي عشان اعيش بسلام اكتر سؤالي ليكم ايه الطرق او العادات اللي ساعدتكم شخصيا تتعاملوا مع الضغط الداخلي المثالية او الخوف من فقدان التقدير وهل في حاجات بسيطة ممكن ابدأ بيها عشان اوزن بين الطموح والراحة النفسية لأن فعلا حاسس حياتي بتروح مني وانا ثابت في مكاني وأسير أفكاري والكثير من الانماط والعادات الخاطئة
في قاعده مهمه ومريحه واسمها= مش الكل ، مش الكل هيحبك ولا الكل هيكرهك ولا الكل هيقدرك ولا الكل مش هيقدرك وهكذا ، ثم المثاليه حلها في ان كلنا ال٨ مليار مهما كنا كويسين في حد يتميز عن الاخر فحاجه حتي لو ان حد بيعرف يمشي فارد ضهره كويس فاهم؟ ف الموضوع غير منطقي ومستحيل اصلا ولكن المثاليه ده تقدر تحققها قصاد نسختك القديمه ده فحاله لو فيها عيوب ، اذن المثاليه هي حاله خاصه بيك لوحدك مستحيل تتحط قصاد حد ك مقارنه او مقياس ، مثاليتك في تخلصك من اي عاده سلبيه ، تطوير مهاراتك،تحسنك ولو بشكل نسبي بطئ مش لازم سريع بس كده
تم النشر الأربعاء، ١٠ يونيو ٢٠٢٦
السلام عليكم ورحمه الله وبركاته هو السر كله في كلمه توازن يعني احنا علشان نخلي نفسيتنا افضل كمان انتاجنا يكون افضل ضروري نكون صاحيين الصبح بندور على التوازن مش بندور بس على الانجاز ومش بندور بس على الراحه النفسيه كل اما حطينا لنفسنا هدف او بصينا على حاجه اكثر من الثانيه هنلاقي نفس مرتين برده فانا هحتاج ان انا مثلا لو انت الصبح قمت عملت تمرين قوي جدا جدا جدا علشان انا عايز جسمي يبقى كويس حلو طيب هل انا بقى وزنت يعني هل لما عملت التمرينه القوي جدا جدا ده رعيت ان انا اكل اكل يناسب التمرين ده لو ما عملتش كده يبقى انا مش هحصل النتيجه اللي انا عايزها فلذلك انا لازم اعمل التوازن نفس الشكل في الامور النفسيه والروحانيه والانتاجيه والدراسيه والوعي وكل الكلام ده طول الوقت اخلي قدامي كاستين الميزان حتى في الصح والغلط يعني انا علشان ما اكونش رايح فكره المثاليه اللي هي بتضغط على الانسان برده لازم يكون قدام الميزان انا محتاج ان ميزاني ما يبوظش خالص انا كده كده عارف ان ميزاني هيفضل فيه اا الايجابيه وحاجات ثانيه سلبيه فلازم في يوم اكون انا عندي شفافيه كافيه اني اشوف ايه ايجابيات يوم النهارده انا عملت ايه كويس وايه سلبيات يوم النهارده انا عملت ايه وحشه طيب هشوف الايجابيات ازاي اقدر استمر عليه وازاي اقدر احافظ عليها والسلبيات ازاي اقدر احسن منهم كل يوم براجع نفسي المراجعه دي وكل فتره بعمل لنفسي تقييم علشان ابقى فعلا حافظت على التوازن لو خليته قدام عينك التوازن ان شاء الله هتحس ان انت احسن كثير جدا من انك تحط قدام عينك حاجه واحده بس اتمنى ان انا اكون ساعدتك على قدر قدرتي وان شاء الله كل الامور تكون بخير وطيبه
تم النشر الجمعة، ١٢ يونيو ٢٠٢٦
انت محتاج تفصل قيمه نفسك عن انجازاتك لان انت انسان سواء نجحت او فشلت ف انت انسان وليك قيمه والانجاز انت الي تقدر تحدد بيه قيمتك مش أنجازك هو الي يقيمك+شوف شغفك فين وامشي وراه وحاول تعمل الحاجه الي بتحبها وهتريحك واي فكر يجيلك زي انا فاشل انا متقدمتش خطوه صح او اي حاجه اسأل نفسك انت فاشل لي مثلا او مش ناجح لي مش هتلاقي اجابه لان مفيش اجابه انت بس الي بتوهم نفسك او نفسك الي بتوهمك علشان تفضل مكان الخلاصه حاول تكون انت مش حد تاني وافهم نفسك وحبها.
تم النشر الخميس، ١١ يونيو ٢٠٢٦
أحمد، شكراً على مشاركتك الصريحة. الوعي اللي وصلت له خطوة كبيرة، وربنا ييسر لك التحرر من هذه الأنماط. ابدأ بخطوات عملية بسيطة تركز على التوازن بين الطموح والراحة: حدد نية يومية : كل صباح اكتب 3 أهداف صغيرة فقط (مثل إنجاز مهمة واحدة أو الراحة بعد العمل)، وتذكر أن قيمتك من الله وليست من الإنتاجية. سجل الإنجازات غير المرتبطة بالكمال : يومياً اكتب شيئاً واحداً أنجزته حتى لو بسيط، مع تذكير نفسك بآية "وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا" لتقليل الخوف من الفشل. خصص وقتاً ثابتاً للراحة : اجعل الراحة جزءاً من جدولك كـ"مهمة"، مثل قراءة صفحة من القرآن أو التأمل في نعم الله، لتوازن الطموح. واجه الخوف من التقدير : عندما يأتي الخوف، اسأل نفسك "ما الدليل؟" واكتب 3 أمور أقدرها في نفسي بغض النظر عن آراء الآخرين. هذه العادات ساعدت الكثيرين في تقليل الضغط الداخلي تدريجياً. جرب واحدة أو اثنتين أولاً لمدة أسبوع. للمزيد من الدعم المتخصص، زر صفحة الخبراء على Fedni: https://www.fedni.net/experts، وابحث عن أسئلة مشابهة في التطبيق لتستفيد من تجارب الآخرين.
تم النشر الثلاثاء، ٩ يونيو ٢٠٢٦
شكرا ليكم @Rwan r @حبيـبـه ♡. فعلا كلامكم صح عمر ما هقدر اكون احسن حد في كل حاجة وكمان ليا قيمة لان ربنا سبحانه وتعالى كرمني وقال (ولقد كرمنا بني ءادم) والفشل والتقصير مش معناه اني خلاص معدش ليا لازمة هوا اه فعلا قيمتي العملية أو في السوق أو وسط الناس ممكن تكون قلت بسبب الفشل ده ولكن ده قيمتي في السوق أو عند الناس ولكن قيمتي كإنسان موجودة ان ربنا جعلني مخلوق مكرم وفعلا رضا الناس عمري ما هقدر اوصله ولكن انا محتاج اتعلم ده واتعلم ازاي أتقبل الرفض من بعض الناس والقبول من البعض التاني واتعايش معاه شكرا جدا ليكم ربنا يجازيكم كل خير
تم النشر الخميس، ١١ يونيو ٢٠٢٦
لعرض السؤال في فدني اضغط هنا