علاقتنا كويسة جدا
ولكن فجأة شاف صور ليا بجانب حد معروف على السوشيال وانا كان نفسي اشوفه جدا جدا ولما شوفته اتصورت ولكن انا كنت قريبة جدا بالنسبة علاقتنا حاليا أو تفكيري أنا حاليا دا مستحيل يحصل مع اي مخلوق في الدنيا أو أكون كدا غير جنبه هو وبس وطبعا دا قبل ما يكون في بينا علاقة هو شافها اتكلم بأسلوب مش كويس جدا وغلط في المنظر وكان الكلام كله إهانة ليا واتقال إن لو دا كان عارفه مكنش فكر نص تفكير يتعرف عليا فهل ليه حق يعمل كل دا وكمان انا عملت حاجات كتير اوي عشانه وبحافظ على كل حاجه بينا وللأسف اي مشكلة بينا سواء أنا غلطانة أو هو لازم أنا اللي أكلمه وهو مجرد بيسكت ومش بيكلمني نهائي ودلوقتي كالعادة مفيش اي كلام والمفروض زي كل مره أكلمه واعيط واقوله كلام قد كدا
موقفي اي واعمل اي دلوقتي
السلام عليكم ورحمه الله وبركاته ب بداتي سؤالك بانكم كويسه او موضحتيش ايه هي طبيعه العلاقه ما بينكم دي لو انتوا مخطوبين تمام لو مرتبطين، متصاحبين مقربين من بعض بيست فريندز ايا كان المسميات اللي هي ما قبل المخطوبين مش هنبقى تمام قوي بس خلينا نشوف كده بما ان الوضع اللي انت بتوصفيه انه هنا انت الشخص اللي نوعا متعلق فدائما هو اللي بيجري عشان يصالح ويعيط وينهار ويقول قد ايه للطرف الثاني انا ما اقدرش استغنى عنك وما تعملش كده وهو بيكون جامد جدا وبيقدر يتماسك وما عندوش مشكله وبيبان ان هو في وقت المواقف انه مش فارق له. النوع ده من العلاقات ايا كان بقى مسماه مش حلو خالص وما ينفعش ان انا اتعامل على اساس انه ده وضع ينفع يستمر لازم اكون قدام حاجه من الاثنين يا اما هنهي النوع ده من العلاقات يا اما هحارب جدا جدا انه انا اخذ حقي زي ما الطرف الثاني بياخد حقه فشوفي انت هتختاري ايه في الحالتين دول. بالنسبه للموقف الصغير اللي انت بتقوليه كونك عارفه انه بوزيشن معين او وضعيه معينه في القرب او التلامس الجسدي او الحركات انها سبيشيال انها ما تنفعش اصلا غير لناس هم معروفين ان هم قريبين مننا قوي وعلاقتنا بهم قريبه قوي وانك عارفه الريستركشن ده عارفه اللاين ده فده المفروض ما يخليكيش تزعلي اصلا انه في حد حاسبك عليه انت منك لنفسك انك عارفه انه المفروض ده خط مكنش مفروض اعديه فمحتاجه انت اللي تراجعي نفسك هل هو ينفع اصلا ان انا اعدي الحدود لمجرد ان انا شفت حد مشهور وكنت نفسي اشوفه قوي واتصور معاه. راجعي نفسك كويس راجع مبادئ قبل ما ابدا ابص على الاطراف اللي قدامي بتلوم ازاي او بتكلم ازاي؟ يا رب اكون افدتك وقدرت افهم سؤالك واجاوب عليه من المنظور اللي انا افهمه اكتر من اي حاجه.
تم النشر السبت، ٦ يونيو ٢٠٢٦
لعرض السؤال في فدني اضغط هنا