سلام عليكم،
انا بحاول التزم واقرب من ربنا أكتر، و كانت في نيتي ألبس الخمار بعد ما اخلص جامعة واتخرج عشان مجتمع الجامعة صعب وكان مش مشجع نهائي
حاليا اتخرجت الحمدلله واتخطبت قبل ما اتخرج، و من كام يوم اتكلمت مع خطيبي في اني عايزة آخد الخطوة دي، و لقيت رده إنه مش موافق وأنه جه خطبني وأنا بشكلي الحالي مش وأنا لابسة الخمار، وإني صغيرة و جسمي صغير و هيبقا شكله وحش اوي عليا ومش هيعرف يمشي معايا به لو رايحين مناسبة أو قدام أهله،
قالي إن لبسي للطرحة كويس و لبسي واسع فملهوش لازمة، قولتله دي خطوة اقرب بيها لربنا و إن ده اللبس الصح للحجاب، قالي مش موافق أعمل كده و إني براحتي و إن مش كل حاجة لازم يقولي عليها آه، قولتله يمكن انت مش واخد بالك انت بتقول ايه ومش مفكر في موضوع كويس فكر كويس و رد عليا، قالي إن ده رأيه وإني حرة بس هو مش موافق، قالي ممكن بدل البنطلون تلبسي جيبة و بس كده و طرحتك
كويسة مش بتبين الرقبة ولا الشعر و لبسك واسع
وقبل الخطوبة كنا مختلفيين بسبب الاغاني، قولتله مش عايزة اشغل اغاني، وافقني بعدها لما سمع لعيلته صمم على الأغاني و قالي شكلنا هيبقى وحش والناس هتيجي تعمل ايه لو مفيش اغاني! قولتله بدون موسيقى اعترضت بردو عشان اهله مكنوش موافقين، وانا كنت مانعة تماما اسمع اغاني و ربنا هداني وكنت مبنشرش اي حاجة فيها موسيقى لحد موضوع الخطوبة ده و رجعت تاني للأسف لأني كنت بختار الاغاني الي هتشتغل في الخطوبة غير أنه بيبعتلي اغاني عشان أسمعها و ياخد رأيي فيها
حاولت ابعتله بودكاست و قرآن كتير بس معتقدش بيسمعهم اصلا، هو كويس و في صفات كتير حلوة بس في اختلاف كبير بينا في النقطة دي، هل ممكن اغير فكره؟ و ازاي اتناقش معاه في الأمر؟ وممكن يكون مش واخد باله من الي بيعمله ومحتاج أرشده؟
وانا اصلا اخواتي بنات و ماما منتقبات وكان في اول التعارف مستغرب من موضوع وبيسألني ليه؟ اصل الي بيعملوا كده بيبقوا فائقات جمال بس ومامته بردو كانت تقولي نفس الكلام
لعرض السؤال في فدني اضغط هنا
عندى اصحاب كتير بس ولا واحدة فيهم بتكلمنى غير لو عايزة مصلحة لكن غير كدا لا وانا بسأل دايما وهما مش بيسألوا حتى عليا غير فى المصلحة ولو ما رديتش عليهم بيقولو بتتأخرى لي علينا فى الرد
اعمل اى فى الموضوع دا ؟
ولما نطلع مع بعض مشوار بحس انى مش بنتمى ليهم نهائيا .
كل واحدة ليها صديقة مفضلة بتحبها بحس ان انا مجرد مصلحة مش صديقة 🙂🤕
لعرض السؤال في فدني اضغط هنا
انا حبيت واحد كل همه نفسه الأول كان كويس دلوقتي اتغير معايا اووي ليطلب حاجات انا مقدرش اعملها بيهملني وبيتجاهلني كتير وبيعمل دائما بلوك ولازم تتحايل عشان يفكه ولازم انا ال اعتذر وصلح حتي لو م غلط المهم أن هو ميشوفش نفسه غلط ومن عارفه اتصرف ازاي ممكن أفاده؟
لعرض السؤال في فدني اضغط هنا
كنت عاوز اتعرف على بنت بس انا مش اجتماعي زي اصحابي مش عارف اتكلم ولا اقول اي حاجه خالص
لعرض السؤال في فدني اضغط هنا
السلام عليكم ورحمة الله وبركاته
#سؤال لاهل الخبرة والتجارب ارجو الرد فقد احترت في أمري
انا شاب تقدمت لخطبة فتاة منذ ما يقارب سنة ونصف
وذكرت لها أن لن استطيع أن اجيب لها مثل اختها الكبيرة التي تزوجت لأنه جاء لها ذهب وقائمة كتبت بمبلغ كبير و١٠٠ جرام ذهب واتفقت معها على ذلك وهي قالت (انا مليش دعوة بأخواتي )
وبعدين تقدمت طلبوا فوق طاقتي مثل اخوانهم بل أرادوا اني اشتري الحاجات التي تشتريها العروسة وفقا للعرف الاجهزة الكهربائية وهم يجيبوا حاجة المطبخ
ثم قلت لهم اني أستشير اهلي وارد وبعد يومين كلمت البنت قولتلها بصي اهلك طلبوا زي اختك وانا إمكانياتي ١ و ٢ و٣ قالتلي رد غريب طبيعي يطلبوا زي اخواتي قولتلها انتي قولت كذا وكذا قالت انا بالنسبة ليا مش فارق معايا اللي هياجي بس أهلي حقهم يأمنوا بنتهم
بعدين قولتله خلاص هكلمك والدك واقولها إمكانياتي كذا قالت لأ متكلموش
وبعد أسبوع والدها مات
استمرت تتكلم معايا وانا فضلت معاها قرابة سنة ونص بعد كدة بس موعدتهاش بالزواج ولا حاجة تاني كان نوع من أنواع الدعم ليها وكدة في الفترة دي
المهم كانت بتقولي بحبك وبتاع وبعدين كان ليها ابن عم هي مكلمتوش اصلا ولا مرة في حياتها بس أهلها كانوا بيقولوا وهم صغيرين فلانة هتتجوز فلان
الواد دا خطب لمدة تلت سنين ومن اسبوع كلم البنت دي وقالها انا بفسخ وبحبك وبتاع هي قالت له أن في مشاكل وكدة وأنهم آذوهم كتير المهم البنت كلمت امها وقالت لها حصل كذا وانا بحب ابن عمي امها زعقتلها لأن بينهم مشاكل كبيرة جدا وهم معتزلين العيلة دي من زمان ومفيش بينهم كلام نهائي ولا بين البنت وبن عمها
المهم انها شتكتها والبنت عملت بلوك لابن عنها
وكانت بتلومني قاتله انت مش بتحبني لو بتحبني كنت زماني لابسة دبلتك وانت محاولتش تاني عشاني وانت وانت وانا رديت بس مردتش ارد ردود صعبة ولكن ردود هادئة احتراما ليها ومشاعرها
واحترام للظروف اللي مرت وبتمر بيها ساعتان كتير تقول بحبك واكتر من مرة تقولي خليك كدة لحد ما فجأة تلاقيني اكتب كتابي
فأنا مش فاهم اي دا هل في مشاعر من ناحيتها ليا ولا مفيش وانا مش قادر اقبل انها بتحب حد تاني حتى لو علاقتهم مستحيلة بسبب مشاكل كبيرة جدا وآذى كتير (سحر) وكدة ومش عارف اخد قرار ياريت نصيحة يا جماعة بالله عليكم .
لعرض السؤال في فدني اضغط هنا
لي الاهل بتظلم لي بيميزو حد عن حد
لعرض السؤال في فدني اضغط هنا
قبل أن أبدأ في سرد مشكلتي، أود أن أقول إني فتاة ملتزمة وأعرف ربي حق المعرفة. منذ الصف الثالث الثانوي، أُعجبتُ بشاب جارنا يكبرني بسنة؛ ورغم أنني أعرفه منذ فترة، إلا أن اهتمامي به بدأ في ذلك العام. لن أزعم أنه هو الآخر كان معجباً بي، فمجرد نظراته لي لا تعني أنه وصل إلى مرحلة الدعاء في صلاته ليكون لي، كما كنت أفعل أنا تماماً.
ولمحاسن الصدف، حين التحقت بالجامعة، وجدته معي في نفس الكلية بل وفي نفس القسم أيضاً. كنت أعرف الكلية عموماً لكنني لم أكن أعلم أين مقرها بالضبط، ومن حين لآخر كنت أراه، وإن كان ذلك لا يحدث كثيراً.
قبل أن أتم حكايتي، أود الإشارة إلى أنني لا أصاحب الشباب؛ في البداية لم أكن أفعل ذلك خوفاً من أهلي، ولكن عندما كبرت واقتربت من ربي، أدركت أن هذا أمر محرم، ومنذ ذلك الحين صرت أحترم نفسي وأقدرها حق قدرها، ولا أرخصها لأحد، فمن أرادني فليأتِ لخطبتي بالطريقة الصحيحة. كنت عندما أعلم أن أية فتاة مرتبطة بشاب خارج نطاق العلاقة الشرعية أشعر بالاشمئزاز الشديد من الشاب لانه متلاعب ولا يقدس للعلاقات، وكنت أدعي الله دائماً أن يكون الشاب الذي أعجب به محترمًا ولا يصاحب الفتيات.
المهم، في أحد الأيام كنت راجعة من الخارج بعد المغرب بقليل وكان الوقت ليلاً. توجد لدينا كلاب ضالة في منطقتنا، وعادة لا أخاف منها إن رأيتها، لكنني مررت بموقف سابق جعلني أهابها. تلك الكلاب معروفة بأنها قد تتشرس فجأة، وكنت مرعوبة للغاية، وبمجرد أن رأتني تشرست عليّ وركضت خلفي. كنت أمشي في الشارع الذي تقع فيه عمارته، وهو شارع مجاور لشارعي؛ وكنت أحب المرور من هناك على أمل أن تحدث صدفة لطيفة تسعدني برؤيته، إذ إنه اعتاد الخروج في هذا الوقت تحديداً لسبب لا أعرفه.
حين هجمت عليّ الكلاب، ركضت هاربة إلى داخل بوابة عمارته وأغلقتها بقوة خلفي، وبالطبع ظلت الكلاب تنبح في الخارج. كنت متوترة لدرجة أنني أسقطت حقيبتي وهاتفي، ولم أكن قادرة على إغلاق البوابة بالمزلاج لأنني لم أكن أرى شيئاً من ظلمة المدخل الذي أظلم تماماً فور إغلاق الباب. كنت أرتجف، وشعرت بغباء شديد لدخولي بيته، وأنه ما كان لي أن أُصرف هكذا رغم أنه التصرف الطبيعي للنجاة. بعدها بقليل نزل أحدهم -وكان هو بالتأكيد لأنه كان ذاهباً في مشوار- فحكيت له ما حدث بعد أن أغلق البوابة وأضواء المدخل. لقد تفهم الموقف وقال إن الأمور على ما يرام والمهم أنني بخير؛ وقد شعرت براحة كبيرة لتفهمه.
بعدها بقينا نقف قليلاً، ونظرت من ثقب البوابة فرأيت الكلاب لا تزال في مكانها. بالطبع هو ليس جباناً أو فاقداً للرجولة، لكن لم يكن من الذكاء أو الصواب أن يواجه كلاباً مسعورة بمفرده، فمن المؤكد أن الكلاب ستنتصر وقد تؤذيه بشدة. (في وقت لاحق، أخبرتني إحدى صديقاتي أن هذا الموقف يدل على نقص في رجولته، لكنني بصراحة لا أرى ذلك).
بعد نحو عشر دقائق، سمعنا صوت شخص ينزل على الدرج، فتوتر بشدة وقال لي إنه من غير اللائق أن يراني أحد معه في هذا الوضع في المدخل لوحدنا، فأخذني إلى مكان مخفي بعيد عن السلم، وقال إنه سيوصلني بنفسه بعد أن ينصرف ذلك الشخص. بعد أن ذهب الرجل، ظللت واقفة بينما هو لم يتحرك وبقي مطلاً عليّ بنظراته؛ ارتبكت وشعرت بالخجل والإحراج، وأحسست بأنني أرتكب خطأً ما. باختصار شديد، ودون الدخول في تفاصيل كثيرة، اقترب مني وقبّلني!
صُدمت تماماً فدفعته عني وصفعته على وجهه بقوة. لم أكن أتوقع منه أن يقدم على فعل كهذا، خصوصاً أنني كنت أشعر بالأمان معه. خرجت بعدها مسرعة غير مبالية بالكلاب، وكنت أريد الفرار من أمامه بأسرع وقت. لحق بي محاولةً الاعتذار، لكنه سكت في النهاية وظل ماشيًا خلفي بصمت حتى دخلت عمارتي.
أصبت بعدها باكتئاب شديد؛ كنت أبكي بحرقة في صلاتي وأطلب من الله أن يسامحني، ويرجع ذلك لأنني، وللحظة واحدة فقط قبل أن أبعده وأصفعه، أردته أن يستمر ويتعمق في الأمر أكثر! شعرت بأنني منافقة وكاذبة، وأنا المفترض أنني فتاة ملتزمة وأخشى الله.
بعد مرور شهر تقريبًا، صرت بحالة أفضل بعض الشيء، لكنني توقفت عن الذهاب إلى الكلية. أخبرني أبي يوماً أن هناك عريساً تقدّم لخطبتي، وحين جلست معه في جلسة الرؤية الشرعية، فوجئت بأنه هو! كنت أظن أنه سيفتح سيرة ما حدث بيننا، لكنه تصرف وكأن شيئاً لم يكن، لدرجة جعلتني أشك في أنني كنت أتخيل ما جرى!
بعد أن انتهت جلسة الرؤية الشرعية رحل، وبقيت أنا في حالة ذهول تام. والآن لا أعرف ما يجب عليّ فعله:
هل جاء لخطبتي ليشفر على خطيئته ويصلح ما أفسده؟ إن كان يفعل ذلك لأجل هذا السبب فقط فلن أوافق عليه أبداً. أنا خائفة إن سألته أن يجيبني بنعم، بأنه يريد إصلاح غلطته، وحينها أرفضه فيبتعد. وبرغم كل ما فعل، لم أستطع كرهه، لكنني في الوقت ذاته أريده أن يتقدملي لأجلي أنا.
فما رأيكم؟ هل أتحدث معه، أم أصمت وأتعامل وكأن شيئاً لم يحدث؟
لعرض السؤال في فدني اضغط هنا
انا بحب واحد بس معرفش هو بيحبني ولا لاء اتعرفنا على احد الابليكشنات وحبيتو جدا وهو ما بعرف صراحه بس الي بعرفو اني بحبو وفي يوم من غير ما نتزاعل ولا شي ساولي بلوك من كل مكان وانا فضلت اراسلو بس مكنتش اعرف انو ساولي بلوك لان الابليكيشن ده بيجبلي ان الرساله وصلت فهو طبيعي ما كان يرد وانا ساويت سنريوهات براسي وتعبت بعديها جدا
وبعد فتره بدأت افوق لدراستي ولحياتي وفجأة هو رجع وقالي سبب غيابو غير منطقي بلمره وانو ساولي بلوك لاني في حدا هو عندو followers كتير انا عملتلو Repost وهو غار فسوالي بلوك وطلعني غلطانه تمام
ولاني لسه بحبو قلتلوا انا آسفه ومرح تتكرر وسامحتوا وما رضيت اساوي مشكله لاني كتير افتقتو وقلت خلاص ربنا عطاني فرصه تانيه وحكينا واتصالحنا ورجعنا من اول وجديد بس انا لما سالتو انت ليه رجعت قالي مش قادر من بعدك وحياتي خربت ومن هاده الكلام وتاني يوم اختفي بعد ما علقني بيه تاني وقلبي رجع يوجعني انا شو اعمل لحتى امحيه من حياتي واخليه يندم انو تركني ولمعلومه احنا من دول مختلفه
لعرض السؤال في فدني اضغط هنا
اتعرفت علي شاب فرق السن بينا ١٥ سنه الفكرة هو شخصية محترمه
بس يعني حصل تعلق مننا فقلتله انت بتسلي؟
لان لو صادق ف مشاعرك هتفكر تاخد خطوة
فضل يحكي عن ظروفه وظروفه مش نقص فلوس لا مشاكل جامدة ف مش عارفه
اعمل اي وحاسه ظلمته ب الاتهام دا
هو اتقدم لناس كتير بس الناس واخدين فكرة غلط بسبب حادثه اتلبست فيهم زور محدش قابل بيه أو يوافق عليه ممكن حد يقولي اعمل اي
لعرض السؤال في فدني اضغط هنا
انا عندي مشاكل نفسيه كتير ولكن اكبر مشكله مقابلاني اني اه اجتماعيه جداا ولكن بخاف ومش بعرف اتعامل مع راجل مش بحب اسمع صوتهم في الفون ببقى خايفه لما بتعرف على اي حد من اي مكان ببقى خايفه اقول اسمي أو اي حاجه عن حياتي عندي فكرة الاسم والصورة خط احمر مش قادرة ادي فرصه لي حد أبدا يقرب مني
بقيت اخش برنامج تعارف عشان اتعرف على حد واكسر الخوف الي جوايه بحس اني بقابل ناس كويسه واني كد خايفه اني اقول اي حاجه عني واكيد بيبقى عايز يشوف صورتي برفض ويبقي مديقه وش عارفه اعمل ايه بجد تعبت
وانا اصلا حاسة اني مش عايزه اي راجل يقرب مني وفي نفس الوقت عايزه ارتبط عندي 20 سنه ولكن عندي امكانيه اني اقدر استقر واكون اسره عادي يعني ولكن مش عارفه اتعامل ازي مع الخوف ده وتعبت
لعرض السؤال في فدني اضغط هنا
انا تزوجت من سنة و ٣ شهور وللأسف طلعت والدة زوجى نرجسية وزوجى وأخوه هى بتمشيهم بالريموت كنترول.. طول الوقت كذب ولؤم ونكد وتسخنه عليا وحسد وغيرة منى وهو سمعنا وأطعنا ولا أقدر انتقدها حتى لو الوحش ال هى عملته حصل قدامه...+انها كانت عاوزة تعيش معايا وهو يتخانق معايا باليومين كل فترة ف الموضوع ده وأحداث كتير سببتلى صدمات
حاليا الحمدلله انا رفعت قضية خلع وقية بقائمة المنقولات الزوجية...
حاسة انى بلا مشاعر حقيقى مع انى اصلا رومانسية وعاطفية جدا ومش قادرة اصدق ان فى حب حقيقى ف الدنيا... 💔 ومع أهلى ف البيت مش طايقة ان حد ينصحنى بإصرار ف أى شئ وأى حاجه بتكبر جدا ف كله بيتجنبنى ويراضينى...
•
ازاى اتخطى ال حصل لى انا مبقاش عندى ثقة ف اى حد وتم التلاعب بيا جامد لأن اصلا شخصيتى حساسة ومش بأذى حد وماشية طول حياتى جوا الحيط حرفيا ... وكنت عايزة اعيش وأكون أسرة بس لما فهمت انهم عاوزين يكسرونى ويخسرونى أهلى واحبابى بعدت تماماً.. راضية بقضاء ربنا الحمدلله
لعرض السؤال في فدني اضغط هنا
امبارح كنت بكلم واحد صاحبى واتس عادى جدا بس كلام مش متصل يعنى انا ممكن ابعت رساله هو يرد بعدها بعشر دقايق بكون بيعمل حاجه ونا كمان اما اشوف رسالته ارد عليه وكده
المهم جيت ارن عليه رنيت عليه مرتين مردش وبعدين بعتله رساله بشكل هزار يعنى ورد وعادى وكملنا كلامنا وبعدها بحوالى ساعتين رنيت عليه كمان مره ومردش فانا اتضايقت جدا الصراحه لقيت نفسى مخنوق رحت باعتله على الواتس انا هعملك بلوك ومستنتش منه رد وعملت بلوك
انا عارف انه تصرف غبى منى بس انا بطبيعتى مبعرفش اعبر عن مشاعرى خصوصا ان انا دايما الطرف الأكثر سؤالا فى العلاقه
انا مهتم اعرف عنه كل حاجه وكل تفصيله ف حياته لإن احنا بنعتبر بعض اخوات بس هو مكنش بيسألنى بقا معقوله بعد اربع سنين صحوبيه ودى السنه الخامسه وميبقاش عارف يوم ميلادى امتى ولا عمره مثلا سمع ضحكتى الهبله الى بتطلع ونا قاعد مع اصحابى
احنا علاقتنا طول الاربع سنين اتبنت من ورا حديده احنا عمرنا مخرجنا مع بعض وكلامنا كله ع التليفون هو مش شرط نخرج لان انا ليا اصحاب كتير مبخرجش معاهم بس بقابلهم ع الاقل ف الدروس ونتكلم انما هو مش معايا ف ولا درس
وعلى طول كنت انا الى بعرض عليه نخرج وهو كان بيخلق اعذار مش عارف لى مع اننا عادى واخدين ع بعض حتى قبل تالته ثانوى قلت نخرج ولو خروجه لإن احنا مش هنفضى ف تالته بس رفض بحجة انه مريض
دايما بلاحظ ان انا فى المكالمات الى بيسأل اكتر هومبيسألش خالص
دايما بلاحظ ان انا لو فى مشكله بكلمه واحكيله وبطلب منه نصيحه انما هو مبيحكيليش مشاكله ساعات بصور جزء من يومى وابعتله واشاركه حياتى انما هو مبيشاركنيش يومه ع كول ببعتله صور ليا وهو مبيبعتليش صوره غير لما انا اطلب
اى الحل ؟!!
لعرض السؤال في فدني اضغط هنا
دلوقتي انا من النوع اللي بحب الشخص اللي معايا جدا اقصد يعني اي حد قريب مني بتعلق بيه و بالذات لو معاملته كويسه و بحس انه لما يبعد انه في غلط فيا مع العلم اني لا بتغير و لا بعمل حاجه وحشه لحد بس بحس انه اي حد بيكون عزيز عليا لازم يبعد عني بالنهاية و المشكله ان الموضوع دا بيشغل تفكيري جدا و ليه دايما انا بخاف علي شعور الناس في حين اني عمري ما حسيت ان حد بخاف علي شعور انا مش عايزه اكون وحشه بس برضو بحس نفسي مغفله اعمل ايه
لعرض السؤال في فدني اضغط هنا
انا مخطوبه وخطيبي فيه حاجات كتيره وحشه فيه وحاجات كتيره حلوه بردو ساعات كتير ببقا كارهاه ومش عاوزاه ولو جينا للجد ببقا مش عاوزه اسيبه لانه ساعات بيبقى حنين عليا
المشكلة بقا انه فيه حد دخلته حياتي تاني وانا عارفه انه غلط احنا كنا صحاب قبل خطيبي م يظهر بكتير وبنتكلم عادي وهو حبني وعاوزني أسيب خطيبي بس خطيبي ملهوش ذنب
وانا مش عارفه اعمل اي يعني ال زي صحبي ده مش عاوزة اخسره وخطيبي كويس معايا ومستحيل اسيبه بسبب موضوع زي كده
وانا اصلا محتاره فكل حاجة وال بيحبني د بعتلي انهارده انه لازم نفهم علاقتنا لان يعتبر خطيبي موجود وهو خايف يتعلق بيا واسيبه عشان قبل كد دخل ف علاقه واتعلق واتخذل عشان كد خايف فهو عاوز يفهم مني آخرتها اي وانا قولتله مش هقدر اسيبه هو مش وحش معايا
لعرض السؤال في فدني اضغط هنا
في حد اتعرفت عليه هو شخصية محترمة وكويس جدا ودكتور بس في مشكلة أنه ٣٦ وانا ٢٠ لسا ف تالتة جامعة وحاسة أن فرق السن كبير هو من مكان وانا من مكان وحاسة أنه مش حاسس بفرق السن أو أن عندهم عادي
احنا لسا ف البداية ومقاليش معجب ولا الكلام ده بس كذا مرة يقولي نفسي اكلم مامتك انا خايفة من فرق السن ده وان اهلي ميتقبلوش ده وخصوصا أن أنا مثلا كمان اربع سنين هيكون عنده ٤٠ وانا لسا ٢٤
هو حنين وطيب وبيعرف ربنا كويس ف الشخص الي قدامه وميبانش عليه السن ده وبيهتم بنفسه وشكله وهيعيشني ف كل حاجة كويسة معنويا وماديا واحتواء وحنية بس فرق السن هو الي مخوفني
لعرض السؤال في فدني اضغط هنا
بتعملوا ايه عشان تستوعبوا خبر معين؟؟ يعني بتعملوا ايه لما حد بيرفض وجودكم جنبه وبيقرر فجاه ف يوم وليلة انه عايز يبعد وخلاص مع اني فنفس الوقت كنت بفكر ازاي اخلي الشخص ده سعيد بس فنفس الوقت الشخص كان بيفكر بطريقه حلوة عشان يطلعني من حياته..
بتتخطوا ازاي حد كنتوا راسمين حياتكم معاه؟ مش عارفه انام كويس ولا ابطل عياط ولا اكل كويس..
بقيت حاسه اني عايشه وميته في نفس الوقت واكني بغرق ومش قادره انقذ نفسي وكل حاجه حلوة جوايا ضاعت وكاني خسرت نفسي، قلبي كل يوم واجعني مش عارفه اتبسط بأي حاجه ولا حاسه باحساس فرحة جوايا والموضوع بقاله فترة،
بقيت بنام على عياط وبصحي علي عياط مش مستوعبة ان اكتر انسان انا حبيته قدر يتخلي عني بمنتهى السهولة برغم اني كنت بحكيله عن بابا وقد ايه اتخذلت منه ومش مستعدة يحصل فيا تاني
لعرض السؤال في فدني اضغط هنا
دلوقتي انا عندي٢٣ سنه واتخرجت من سنه، وقت مشروع التخرج في واحد دخل يتكلم معايا (عن المشروع) وفجأة لقيته قالي انه عايز يرتبط (قال انه شافني وعارفني من اولى وكنا مع بعض ف اللجنة وغير كدا هو وصفني، وطلب صورة ابعتهاله بس انا موافقتش بحيث انه عارفني فا ملهاش لازمة الصور)
ولما رفضت الارتباط كان بيتحايل كتير لدرجة انه حاليا ف الجيش وكل ما ينزل اجازة يبعتلي انه عايز ييجي يتقدم بس الاول نرتبط، انا برضو رفضت موضوع الارتباط وقال انه هييجي يتقدم قولتله تمام بس حابة نعرف شخصيات بعض الاول (لاني مش حابة اتخطب لواحد معرفهوش ولا قدر الله لو محصلش نصيب مش هكون حابة ان خطوبتي اتفشكلت غير ان التعلق عندي زيادة حبتين)
هو وافق وشرط بعدها بشهر ييجي يتقدم عشان يخطب وبعد الخطوبة ب٢٠ يوم نكتب الكتاب وبعدين الفرح ييجي براحته (الحقيقة انا مش فاهمة ايه السرعة دي وغير كدا حاسة اني غلطانة لما قولتله نعرف شخصيات بعض الاول لان كدا هنتكلم واحنا منجوزش لبعض او مفيش حاجة رسمية بينا )
هو قال ان عنده شقة وتقريبا لسه متشطبتش وغير كدا هو لسه ف الجيش بس كلها كام شهر وهيخرج
أنا أكيد هصلي استخارة وادعي لو فيه خير بس انا محتاجة حد يفيدني ويلفت نظري لو في حاجة
مش حاسة اني مقتنعة بس اصراره عليا الي مخليني افكر كتير فالموضوع
انا اكيد حابة اتخطب اتجوز بس الموضوع هنا سريع اوي وغير كدا كل ما افكر ف الجواز احس اني مش مستعدة لحياة جديدة زي دي ومع حد جديد حاسة انه هيبقا مفروض عليا
ياريت تفيدوني انا لسه مقولتش لاهلي واسفة لو طولت عليكو
لعرض السؤال في فدني اضغط هنا
لما تبقا الأخلاق والتعامل الكويس ومراعاة الناس ذريعة لأنهم يأذوك
ولما تبقا المسامحة تنشيط للأذى والمشاكل
ولما تطغى عقدة النقص عند شخص معين فيظلم كل الناس وميشبعش حرفيا متعرفش امتى هيشبع
ايوة بتكلم عن شياطين الإنس مفيش مبدأ ولكن في شر فقط لأجل الشر وكأنه بيتقرب لإبليس بالشر ده
.. مش المفروض نسامح وعلى فكرة مش بنسامح عشان احنا ضعفاء ولكن عشان عايزين الأحسن وأقولك حاجة حتى لو احنا بنسامح عشان ضعفاء ومش قادرين نرد فده برضو مش مبرر للأذى والشر اللي بيعملوه
.. عموما ربنا قادر يهلكهم ولكنهم ابتلاء في الحياة وده مش تواكل ولكن فعلا لازم ناخد معاهم رد فعل بالحكمة وأقل الخسائر .... وصدقني الخسارة الحقيقية هي أنهم يقدروا يستفزوك وتتعصب وتنتقم وبكدا تكون بقيت زيهم ويكونوا نجحوا ......... ربنا يهدي و يصلح حال كل من بيتمنى الخير للناس
لعرض السؤال في فدني اضغط هنا
انا بنت عندي18 سنه... أسالكم بالله ان تقراو مشكلتي علشان انا حرفيا في ورطه ومش لاقيه حد يساعدني....
بصوا انا مع واحد بقالنا حوالي تلات سنين... بنتكلم اونلاين بس لكن عمرنا متقابلنا.. المهم اتعرفنا عن طريق النت وفضلنا نتكلم لحد محبيتو بعدها ابتدا الموضوع بمره عايز اشوفك ب هدوم داخليه والكلام داا. وانا من حبي الشديد ليه للاسف الشديد عملت كدا😔 مع العلم انا عمري معملت حاجه زي كدا او مشيت مع حد ف الحرام اصلا...
المهم بعدها بقى علطول بيشوفني كدا وانا مش عارفه اعمل اي وهوا قالي كتير جدا لو عايزه تبعدي براحتك وهوا مستحيل يعمل حاجه تضرني لانو لو كان عايز يعمل حاجه تضرني لا قدر الله كان عمل من زمان بس انا واثقه فيه جدااااا لإبعد حد..
المهم انا خايفه قوي لما أقابل ربنا مش عاࢪفه اعمل اي واهلي اللي خونت ثقتهم فيا مش عارفه واحنا الاتنين فرق السن مبينا كبير شويه ودايما يقولي انا خايف اتقدملك اهلك يرفضوني هوا عموما مش هنا لسه هوا بعيد...
ودايما اقولو اتقدم واعمل اللي عليك يحلف ويقولي والله هعمل كل حاجه ومش هسيبك ولا هتخلى عنك ...
بصراحه عمري مطلبت منو حاجه ورفض بالعكس دا دايما بيقف جنبي في كل حاجه في الفلوس في جدعنه في كل حاجه والله.. وهوا دا اللي مخليني مستمره معاه لاني انا عايزاه برضووو جداااا بس عايزاه في الحلال ومش عايزه يحصل مبينا اي تجاوزات اكتر من كدا بقى وف نفس الوقت خايفه افضل استمر في علاقه حرام لا هترضيني في الاخر ولا هترضي ربنا.. وانا مش قادره ابعد والله نهائي
قولولي اعمل اي وارجو الرد باحترام جزاكم الله خيرا
لعرض السؤال في فدني اضغط هنا
السلام عليكم ورحمه الله وبركاته
مش عارفه ابدا منين
، أنا عايزة أحكي موضوع حصل بيني وبين مديري من البداية، لأن الموضوع بالنسبة لي مش مجرد موقف واحد، وفيه تفاصيل ومشاعر اتراكمت مع الوقت.
في البداية كانت علاقتنا عادية كل يوم بروح الشغل ابذل مجهود ومركزش مع حد وبليل هو بيروحني على البيت ، ومع الوقت حصل بيننا تقرّب وقرب أكبر، خصوصا إنه كان ديما شايف مستوايا كويس في الشغل وبدأت أحس إن وجوده وقربه بقى له تأثير كبير عليّا لانه كان ديما بيديني نصايح في الشغل وفي الحياه عمتا وهو كمان كان بيبين اهتمام وقرب، وده خلاني مش عارفة أحدد طبيعة العلاقة بالضبط.
بعد فترة حصلت بيننا مواقف فيها قرب وحنية وتجاوزت حدود العلاقة العادية، وده خلاني أتعلق أكتر وأبدأ أفكر في معنى تصرفاته: هل كان مجرد قرب في لحظته، ولا كان فيه مشاعر حقيقية من ناحيته؟
المشكلة إن أنا كنت بحس معاه بالأمان والراحة والقرب، وفي نفس الوقت كنت عارفة إن فيه حدود المفروض تكون موجودة، فبقيت متلخبطة بين اللي بحسه واللي أنا شايفة إنه الصح.
أنا كمان مش عايزة أقول إن كل تصرف حصل كان معناه حاجة معينة، ولا عايزة أظلمه أو أفسر نيته من غير دليل. أنا بس بحاول أفهم الصورة كاملة: هو كان شايفني إزاي؟ وأنا ليه اتعلقت بالشكل ده؟ وإيه معنى القرب اللي حصل بيننا؟
واللي حصل بعد كده زوّد اللخبطة عندي، لأن مشاعري ما اختفتش بمجرد إني حاولت احط حدود بالعكس، بقيت محتاجة أفهم نفسي أكتر وأعرف إزاي أتعامل مع التعلق ده من غير ما أنكر مشاعري أو أتصرف بطريقة أندم عليها بذات أن ونا بحاول ابعد عنه جسديا كان ديما في بالي وتفكيري ، وحاسه إن تعلقي بيه هو إنه عشان والدي توفى ونا طفلة وتقريبا مكنش عندي عيله تحتويني ف لما لقيت الاهتمام معاه أو الحنين تعلقت بيه مثلا ؟ وبقيت بحب الشغل علشان بيخليني اهرب من البيت وبيعملي واقع تاني غير اللي انا عيشاه؟
هو اعترفلي بالحب وكان عارف إننا مينفعش نبقا مع بعض لانه مديري ومتجوز واكبر مني وكده ، بس قال إنه على الأقل ريح ضميره وعارف إن الغلط كلو عليه .
ف انا عايزه اتخطى العلاقه دي ومش قادره انسى اي تفصيله بينا ولا قادرة ابطل تفكير مهما اشغل نفسي
ف ارجو لو حد عارف اعمل ايه يساعدني لاني مش حابه احكي لحد ولا عارفه اعمل ايه .
لعرض السؤال في فدني اضغط هنا
لو في حاجات كتير الواحد مش لاقي ليها حل والمشكله بقيت مش بثق في حد للأسف لان شايفه كله زي بعض يعمل ايه
لعرض السؤال في فدني اضغط هنا
انا ذكرى ميلادي قربت، بخاف من اليوم ده اوي، زمان كان دايما لازم يحصل مشكلة او ابعد عن حد بحبه ف اليوم ده و كان بيعدي بشكل صعب اوي عليا و السنة اللي فاتت كان معايا ناس جداد اتبسطت اوي بيهم و كان احلى يوم يعتبر ف حياتي، الناس دول مبقوش موجودين دلوقتي و انا خايفة و مش عايزة احس بالنقص و ف نفس الوقت مش عايزة يكون معايا حد عشان انا مش هقدر اثق فيهم تاني، هل في حل إني اتخطى الخوف ده
لعرض السؤال في فدني اضغط هنا
مشكلة صديقة هي ليست قريبة ولكن طلبت مني نصيحة
صديقتي تعاني منذ فترة كبيرة من الوحدة ربما اكثر من عامين وقبلها علاقتها بصديقاتها كلها كانت سطحية او ليست عميقة فتولد معاها احتياج عاطفي
نشرت على احد مواقع التي تتيح الفضفضة باسم مستعار " اسماء فواكه لكل شخصية" كتبت عن مشاعر الوحدة التي تعيشها كنوع من الفضفضة لانه لم يكن فترتها أحد قريب منها لتحكي له فأجابها شاب واستمر الحديث بينها ربما ثلاثة ايام بسبب تشابه شخصيتهما وايضا احتياجها النفسي للونس
وعندما وجدت ان الامر بدأ يتعمق بينهما يكثر الكلام طلبت بأدب ان يتوقفوا عن التواصل بسبب ان التواصل هذا حرام وهذه ليست شخصيتها قطعوا التواصل فترة شهر ثم عاد هو من الجيش فعاد التواصل بينهما ثم قطعته هي مرة ثانية ولكن هي من عادت لتكلمه هذه المرة "تفضفض عن مشاعرها " وعندما يتعمق الحديث بينهم تعود وتقطعه ونوت ألا تعود لهذا الذنب ولكن وقعت فيه مجددا
وعادت تحدثه ولكن هذه المرة أصبح يلمح هو برغبة في تزوجها أو إعجابه بها وبشخصيتها وهي ليست معجبة به حتى عامة ومراسلتها له فقط لأجل أنها وجدت انه يهتم بمشاكلها ويسمعها ويؤنسها ومقتنعة تماما أن هذه العلاقة حرام اولا وثانيا هي لن تكتمل ولا يصح أن تكتمل وهي نفسها تريد أن تبتعد عنه ولكنها تشعر أنها لا تستطيع خاصة أن أخر مرة قطعت التواصل معه ظلت لأكثر شهرين تعاني من إحساس الوحدة وفقد الونس والقلق لأتفه الأسباب وتشعر أنه زاد لديها الرغبة في وجود شخص يشاركها يومه وتشاركه يومها.
هي الآن تطلب مني أن أنصحها كيف تبتعد بشكل نهائي وكيف تغلق هذا الباب تماما وتتخطى مشاعرها وتتأقلم مع تراكم المشاعر التي يدفعها لتعود لتراسله مجددا
مع العلم حاولت أن تشارك صديقاتها سابقا ان تتقرب لهم لكن كانت تجدهم يصدونها يتجاهلون يردون ببرود فبشكل طبيعي وجدت شخصا يهتم بالتالي وقعت في هذا الأمر وتعيش طيلة الوقت في ألم تأنيب الضمير وخوف من أن يعاقبها الله عقاب شديد
لعرض السؤال في فدني اضغط هنا
ازاي أعالج نفسي من صدمات قديمه و ازاي اعوض الفراغ إلى بابا سابه لأني بدخل علاقات كتيره على أساس يتملي الفراغ دا بس أنا إلي بدمر في الاخر
لعرض السؤال في فدني اضغط هنا
تعملو اي لو انتم ف ريليشن مع حد وهو كل مره الاهتمام بتاعه بيقل وممكن توصل انكم تقعدو يومين م بتتكلمو غير دقيقه كد ويتحجج انو كان مشغول وتصدقي عادي جدا ف تلاقيه منزل استوريهات او عامل ريبوستات طب ما انت كان عندك وقت تكلمني ومكلمتنيش وبتحبوه اوي وم قادرين تبعد تعملو معاه اي؟
لعرض السؤال في فدني اضغط هنا
نا بحب شخص وهو بيحبني ونا مبلغه ماما إني بڪلمو وهيه عارفة نا قربت اكمل سنه مع شاب دوا وبحبو جدا قربنا نكمل سنه هل دا حرام ول اي
لعرض السؤال في فدني اضغط هنا
انا شخص خواف اوي اوي من العلاقات عموما، بثق ف اللي بيقربوا مني ظاهريًا بس بيفضل جوايا دايما شكوك تجاهم و تجاه كل لحظة حلوة بعيشها، صراحة بسبب بعض الأزمات بقيت اشوف إني مستحقش الحب اصلا ولا إني يكون معايا حد و بقيت اهرب من اي حد يحاول يقرب مني،لأني بقا عندي يقين جوايا إنهم بعد ما يقربوا مني هيكرهوني و يبعدوا، عايزة احل المشكلة دي و ارجع اثق ف نفسب الموضوع مأثر على صحتي و مذاكرتي لانه ترتب عليه مشاكل كتير كتير
لعرض السؤال في فدني اضغط هنا
انا عندى ٣٠ سنه متجوز وعندى اسره بعانى كتير من انى بحب ساعات كتير الوحده لانى للاسف لما بتعامل مع حد وبحبه وبتعامل بعشم جدا زى فى الشغل ممكن اعاملهم اكتر من اخوات لأنهم طبيعى معايا اكتر من اهلى بس للاسف لما بتعامل بعشم قوى باخد صدمات ومواقف سيئه جدا منهم وفى الحاله ده باخد جنب وببعد واخد كل حاجه على اعصابي انا حرفيا مخنوق جدا الفتره ده
ممكن حل
لعرض السؤال في فدني اضغط هنا
السلام عليكم ورحمه الله وبركاته
دلوقتي انا بقى لي تسع شهور متجوزه وبعدين انا ساكنه في بيت عيله وبناكل وبنشرب انا وجوزي مع حماتي وحمايا وكده من ساعه ما اتجوزنا وللاسف كل حاجه عند حمايا وحماتي بالهزار هي الشتايم وانا برفض ده تماما لاني ما بحبش اغلط في حد ولا حد يغلط فيا
هو ده اللي انا عشت عليه وشفته اتربيت عليه دايما حتى لما قلت لجوزي ان انا مش متقبله مثلا الشتايم دي من حمايا ولا حتى من اخت جوزي ولا حتى من اي حد فيهم هو قال لي ان هم بيهزروا معاكي وكده فقلت له انا مش عايزه الهزار ده لو هيبقى بالشكل ده فانا مش عايزاه وانا بحترم اهله جدا وبحبه
وكل اللي بطلبه مش عايزه حد لاغلط فيه ولا يغلط فيه وحتى واجهت الكلام ده قبل كده لحمايا بيشتمني في مره بمامتي فانا قلت له لو سمحت دي مامتي ما تغلطش فيها ما بحبش حد يتكلم اي كلمه وحشه عن أهلي
دلوقتي بجد انا نفسيتي وحشه فحمايا بيقول لي هنذبح البط والفراخ بكره ويتنظفوا كده فبيقول ان احنا نصحى يعني الساعه 6:00 الصبح ان احنا نطلع نذبح فراخ يعني وننظفها وكده وكل ده بقى انا لما برد على جوزي وبقول له انا ما بحبش الطريقه ديت فما بحبهاش فيا ريت ما يهزروش معايا كده فيقول لي هم بيهزروا معاكي علشان هم اصلا طبيعتهم كده
واصلا حمايا بيفضل يشتم حماتي وبنته ويشتمهم كلهم بس انا عن نفسي مش راضياه على كرامتي لو هم قبلوها لكن انا ما اقبلهاش
انا نفسيتي تعبت بجد وعايزه احلل الموضوع ده وحتى حماتي لما تبقى زعلانه من حاجه باجي اسألها على اي حاجه بتفضل تقول انت دايما مش فاهماني يعني الحاجه اللي بسألها فيها مثلا عاديه خالص تفضل تقول لي انت دايما مش فاهماني والاقيها بتكلمني بزعيق وبطريقه مش حلوه اصلا حتى اخت جوزي بتكلمني برده باسلوب مش حلو وبزهق كده وطريقتها مش حلوه معايا في الكلام وحتى عبيطه كمان
يعني حتى كمان انا كنت واقفه على باب الاوضه بدل ما تقول لي بعد اذنك تروح زقاني وهي جايه تعدي من على الباب وفي مره داست على رجلي من غير ما تقول لي انا آسفه او ما اقصدش او اي كلمه وفي مره ثانيه برده راحت رايحه جايبه حديده وزقتها على رجلي
وحتى انا اول ما اتجوزت كنت مستغربه ليه الاسلوب بالطريقه دي معايا اللي هي اخت جوزي وكده حتى قلت لها انت ليه بتعملي معايا كده ليه بتصحي الصبح مش بتكلميني وما بتحكيش معايا مع ان انا ما عملتلكيش حاجه طب انا ضايقتك في حاجه قالت لي لا حتى انا في الوقت ده حضنتها وندمت إني عملت كده والله لان رحت للشخص الغلط والله حتى قلت لها يا حبيبتي لو احتجتيني معاكي في اي حاجه انا معاكي ولو احتجتيني في اي نصيحه انا معاكي طب لو في حاجه مضايقاك قولي لي قالت لي ماشي
واكتر الاوقات ما كانتش بترد عليا لما انا قلت لها انت بتقومي الصبح متعصبه ليه ومش طايقه حد قالت لي انا عندي ظروف الظروف دي ممكن تكون عباره عن حد عامل لها مثلا سحر او هي جواها يعني أعوذ بالله من الشيطان الرجيم ملبوسه
يعني هم عمالين يفهموني الموضوع ده وانا الله اعلم مش عارفه الموضوع ده حقيقي ولا لا فهي اصلا يعني بتقوم اصلا متعصبه على الكل مش عليا انا وساعات تكلم مامتها وما ترضاش تكلمني يمكن بالكام يوم وبحسها أصلا بتغير مني لما انا بجيب حاجه بتبقى عايزه تجيب شبه كل حاجه وانا بسايس اموري لحد ما هي تتجوز وتروح بيتها
هي كده كده مش دايمه بس اللي بيزعلني طريقتها لان ما بعملهاش انا اصلا بطريقه وحشه حتى لو هي احتاجت مني اي حاجه انا مش بحوشها عنها
كنت اتمنى ان هي تبقى ليا اخت مع ان انا بنت وحيده بس اعتبرتها اختي والله بس اعتبرت الشخص الغلط وحاولت افهمها حاجات كثيره بس هي كانت رافضه كل يعني حاجات زي مثلا نصايح هي ما كانتش غير بتقبل غير اللي في دماغها وبس لو جيت اساعدها في حاجه طب اساعدك في ايه طب ما هو الشغل كتير اهو ده ردها عليا
طب اعمل معاكي ايه طيب قولي لي طب ما انا ممكن احط حاجه ما تعجب كده كده بيبقى في العاده احيانا بحط حاجات وتبقى والله في مكان كويس مش شكر في نفسي والله هي تروح رايحه مغيراها في مكان تاني فبسألها انا كده كده جديده في البيت فبقول لها اعمل معاكي ايه امسح الكوميدينو امسح الباب سيبيهم دلوقتي ده رد عليا بعد شويه على ايه بتمسح الباب وبعد كده بتمسح الكام فانا بلاقي مواعين مثلا محتاجه تخلص بخلصها هدوم محتاجه اطبقها حاجات تانيه مثلا بس بعيد عن التنفيض اللي هي بتنفضه ده
حتى حماتي بتسمع كلامها حتى لما قلت لها يا ماما امسح الكوميدينو وقالت لي سيبيه دلوقتي ردها عليا لما رحت احكي لجوزي واقول له على الموضوع ده موضوع ان انا سعيد يعني اخت جوزي وكده وكل اللي حصل من ناحيه ان انا اساعدهم وكده وهم مش راضيين يقولوا لي على حاجه اساعدهم فيها
فهو كان ورايا مثلا غسيل في بيتي فقلت لجوزي اروح ان انا اعمله فقال لي لا ما تطلعيش دلوقتي وساعديهم شوفي حاجه ثانيه محتاجه تتعمل اعمليها حتى لو مش هتساعديهم مثلا في التنفيض فالمهم انا سمعت كلام وقلت له حاضر فحمايا نده عليا فقال لي اعملي لي عصير فانا بعد كده عملت لي العصير ورحت له قعدت جنب منه شويه على السرير محبطه وزعلانه من اللي هم قالوه لي فالمهم قال لي روحي ساعديهم
قلت له يا بابا هو هم مش راضيين يخلوني اساعدهم قال لي ماشي انا بقول له كده بحكم ان هو يكلمهم او يقول لهم حاجه بس هو ما قالهمش بس عادي حتى لو انا ما ساعدتهمش آديني عملت اللي عليا وساعدتهم في حاجات بسيطه لولا اللي احنا مجبرين نعيش في العيله لبعض ما اخو جوزي يتجوز الثاني
لان طبعا احنا عندنا ان لازم العريس هو لو بقى لوحده في شقته اكل وشرب لوحده هو بيسدد هو النقاط ويدفعه مع اني ما خدش منه ولا جنيه مش عارفه ده كان ده صح ولا لا وكل النقط اللي اجا هم اللي اخذوا وجوزي كل ما يجي يتكلم ويهزر مثلا والله اكل لوحدي مثلا بهزار كده فوق رد حماتي تقول ايه خد الدفتر النقود وماله كل فوق عادي كانها مسكانه من ايدنا اللي بتوجعنا وكمان هم بيدفعوا ميه ونور يعني فلوس يعني وكده حق الميه النور
لما انا خلاص بقيت محبطه ما بقتش عارفه اعمل ايه حتى لو انا تعبت يعني مثلا من يومين فاتوا انا طلعت شقتي وكنت تعبانه وكمان انا ما اتغديتش معاهم هم قالوا لي تعالوا اتغدي وانا من التعب ما قدرتش اتغدى وكده وبعد كده هم ما سألوش عليا
فضلت نايمه في شقتي ولا حد رن عليا الجرس ولا قال لي انت محتاجه حاجه ولا انت مش موجوده ولا انت يا عايشه ولا ميته معبرونيش وهم اصلا كذا مره يعملوا معايا الموقف ده مش اول مره لا اتغديت ولا اتعشيت وجوزي كان وقتها مسافر ومش لاقيه حد يجي يجيب لي حاجه حتى ما بعتوش حتى ابنهم الصغير حتى يسألني بس انت عايزه حاجه اجيبها لك من بره لقيت اخو جوزي الصغير جاي يخبط عليا وياخد حاجه لحمايه حتى انا ما قالولهوش حتى أسالها لو محتاجه حاجه ولا اتغدت ولا اتعشت ما فيش أي سؤال من ده اتوجه لي
حتى لو انا تعبت حتى ما الاقيش حد منه يقولي الف سلامه عليك ولو انا تعبت مره وبقيت لوحدي في الشقه لازم أرن على جوزي اقول له وجوزي هو اللي يكلم حماتي ويقول لها ان انا تعبانه مش هم من نفسهم مثلا يسألوا انا ما نزلتش ليه طب تعبانه من ايه انا صراحه لما بلاقيهم مش بيسألوا عليا بقول هو انا اهمهم في ايه اصلا
والله العظيم اعتبرتهم زي اهلي حبيتهم وبقيت أرن عليهم على طول لما حمايا كان عمل حادثه ولما حماتي كانت بتتعب ولا كنت بعرف ان هي كانت تعبانه كنت برن وبهتم بيهم وبحبهم بس للاسف هم عاملوني بطريقه ما كنتش اتوقعهم منهم وحمايا كان دايما ما يكلمني يقعد يقول لي ربنا يجعلني عند حسن ظنك الظن وصلني خلاص كل حاجه عملتها وصلتني
آسفه على الكلام الكتير ده والله بس والله مضغوطه من جوايا ومش لاقيه حد اتكلم معاه يا ريت النصيحه تكون بجد لوجه الله وتكون نصيحه بجد تفيدني
لعرض السؤال في فدني اضغط هنا
أنا في أولى جامعة ومنتقبه
بحس إني دايما عاوزه أكون لوحدي في عزلة أعمل كل حاجه مع نفسي
بعرف أتعامل مع الناس بحب وود ولكن بزهق وبكون عاوزه أقعد لوحدي
حتى مشاركة الأفراح لو نزلت حاله فيها صورة للكلية أو أي ذكرى جميله بمسحها تاني لإني مش عاوزه حد يعرف عني أي حاجه
هل ده طبيعي ولا لأ
لعرض السؤال في فدني اضغط هنا
انا عندى واحد صاحبى عاوز اقلكم انى بعتبره اخويا بالمعنى الحرفى انا معنديش اخوات فبعتبره فعلا اخويا اتصاحبنا من اربع سنين ونا كنت بحبه جدا ومن حبى ليه كنت دايما الطرف المضحى ف العلاقه يامه اتخانقنا ونا الى كنت ببدأ الصلح يامه ضايقنى بمواقف بس كنت بتغاضى عارف ان الى بعمله غلط عليا نفسيا بس على افعالى هى الى خلت علاقتنا تتطور وتوصل لمرحلة الأخوه كده
بس فيه جزء غريب جدا ف علاقتنا وهى ان أغلب كلامنا واتس حرفيا صحوبيتنا اتبنت ع الرسايل ولما بقابله حاسس انى مببقاش عارف اتكلم ولا عارف افتح مواضيع ولإن الرسايل كان بيتأخر ساعات ع م يرد لانه معادش بيفتح التليفون اوى فبقيت ارن عليه ف الأول مكناش بنلاقى مواضيع نفتحها ومع الوقت بدأنا نتكلم لحد الفتره الأخيره بقيت ساعات ارن عليه ونجى نتكلم كلامه بسيط ومفيش كلام يعتبر مش عارفين نفتح مواضيع بقيت اما ابعتله رساله ع الواتس ميردش عليها غير تانى يوم
فيه حاجات كتيره اتغيرت لدرجة انى حسيت انه زعلان منى بس هيزعل من اى فرنيت عليه اليوم وكلمته مكالمه 25 دقيقه بس حرفيا اغلبها صمت بحاول افتح كلام وهو يرد ع قد الكلام هو مش زعلان ولا حاجه
انا لما بكلم اى حد من صحابى بنتكلم حلو
انما آجى عنده احس فقدت كل المواضيع فإيه الحل انا عاوز علاقتنا تفضل كويسه ع طول وعاوز لما اكلمه كلا الطرفين ميبقاش عاوز يقفل المكالمه وعاوز اعدل حتة قلة الكلام دى
لعرض السؤال في فدني اضغط هنا
ممكن حد يفيدني هو لي البنت لما الواحد يحبها ويبقا صريح ومخلص معاها بتتقل عليه ومبتعبر هوش وال بيكدب ويحور بتحبو ارجو الرد
لعرض السؤال في فدني اضغط هنا
انا مخطوبة لواحد مش مصري احنا بنحب بعض جدا لكن حصل بينا خلافات الفترة دي بسبب انه غير الاتفاقات اللي كانت ف بداية علاقتنا و دلوقتي قالي اننا نعيش بعلاقة 50/50 اللي هي معناها اني كـ شريكة حياته هشارك ف مصاريف البيت و شراء بيتنا و تجهيزه بالكامل طبعاً ده مش في ثقافتنا المصرية لكن هو حالته المادية مش كويسة انه يعمل كل ده لوحده لانه بينزل يقابلني مرة في السنة و بيدفع مبلغ جامد لانه بيركب ٣طيارات عشان يوصل مصر.
هو قالي انه شايف اننا احنا الاتنين نساعد عشان نعيش الحياة اللي احنا عايزينها مع بعض و نشتغل عشان نحقق ده لان شخص واحد بيصرف هيبقا الموضوع صعب.
مع العلم اننا هنتجوز في مصر و الجواز هنا مش سهل في المصاريف
فا هل فعلاً عنده حق في كلامه ؟ لاني خايفة اكون ظالماه و احنا حالياً بنتكلم اننا نرجع تاني بعد ما فكينا الخطوبة
لعرض السؤال في فدني اضغط هنا
ليه الانسان ملزم انه يسمع كلام من اهله يجرحه ويسكت ولما يجي في مرة يتكلم عن الكلام اللي قالوه واذوه يقول الكل اتقاله كدا عادي
لعرض السؤال في فدني اضغط هنا
انا بحب اقرأ كتب وروايات وناس كتير بتقولي اقري احسن ف كتب تفيدك ف مرضك بدل ماتتعبي وفضلو يتريقو عليا جداا معرفش ليه ويفضل يقولولي انتي مهمله ف تعبك ويحكم عليا انا عندي سكر وانا السكر لسه مش فاهمه بحاول افهمو علشان متعبش بس همن يفضلو يلومو عليا دايمآ وانا تعبت من لومهم ده الصراحه وتعبت من حكمهم عليا وبدخل عنايه ومستشفيات كتر
لعرض السؤال في فدني اضغط هنا
واقعه في ذنب معين ومش عارفه اعمل ايه وكل شوية بقطع وارجع وخايفه ومكسوفه من نفسي و ربنا
لعرض السؤال في فدني اضغط هنا
انا شخص غيور جدا على خطيبتي و انا محرج عليها متتكلمش مع ابن خالتها لانه شخص كان بيحبها . وهي كانت بتقولي حاضر و في نفس الوقت كان بيحصل مواقف مبينهم زي انها دخلته الشقة و هي لوحدها مع اختها و اختها نايمة و كانت بلبس البيت و بشعرها عادي و كان مبررها ان امها غصبتها تدخله عشان تأكله .
و تاني موقف لما اتحجبت فضل يهزر معاها و كان عايز يشيل الحجاب و قالها انا بحب شعرك اكتر . و بعدين قالتلي في مرة انها رايحة مع اهلها لحفلة تخرج اختها و انا بسبب ظروف شغلي معرفتش احضر معاها و فضلت قافلة التليفون بتاعها طول اليوم و لما روحت أكدت عليا ان هو مكنش معاهم ولكن بعد اسبوع من الموقف ده قالتلي انه كان معاهم و انها خبت عليا عشان مش عايزة مشاكل .
و حصل خناقة و قالتلي انها كلمته عشان تشوف هتصور أختها ازاي و انهم اتكلموا في العربية سوا عشان يختاروا الاغنية الي هيشغلوها. انا فضلت اعدي لها كتير و لكن آخر موقف ده انا مبقتش قادر اتحمل وهي مش عايزة تحترم غيرتي ولا اني بقولها متكلميهوش. و كل ما يحصل خناقة بسببه بتقلب الترابيزة و بتهددني بوجودها وانا للأسف لسة بحبها و متعلق بوجودها وشايف بعدها عني مستحيل . انصحوني اعمل اي؟
لعرض السؤال في فدني اضغط هنا
بعد غربة النفس عن الجميع وانشغال كل سيدة بأحوال بيتها واولادها ليه مافيش مكان اجتماعي يمارس فيه جميع انواع التطور الذاتي بحيث تكون كل سيدة ليها أصحاب من نفس العمر لكن بتحفظ القرآن وتلعب رياضة ومهارات تواصل وتعديل سلوك افتقر إلى المعارف والأصدقاء وانا فى عمر الاربعين
انا أعمل ولكن افصل بين زملاء العمل وحياتي
لعرض السؤال في فدني اضغط هنا
السلام عليكم ورحمة الله
انا بنت عندي 15 سنة في اولي ثانوي وبنزل دروس وفي بنت بتاخد معايا في درس الإنجليزي ودرس العربي البنت دي كانت معايا في الإعدادية فهنسميها فلانة
فلانة دي انا وهيا كان ما بينا مشاكل كتيره وياما اتخانقنا ووصلت لمد الأيد وبغض النظر مين فينا الغلطان بس في النهاية اتصالحنا او مش اتصالحنا اوي بس بقينا بنتعامل عادي المهم بعد كده حصلت مشكلة كبيرة جدا بيني وبين واحدة صاحبتها وكام موقف بعدهم حصل معاها ووصلت ان احنا رجعنا اتخانقنا تاني
المهم ان الكلام دا حصل لما كنت في تانية اعدادي وبعد كده فلانة فضلت كل م تشوفني تبصلي بقرف ومن فوق لتحت طولت اللي فضل من تانية اعدادي لحد حتى 3 اعدادي بس دا في فترة الإمتحانات بس لاني في 3 اعدادي مكنتش باخد دروس اصلا بس بدأت اخد دروس من اولي ثانوي
وللاسف لقيتها بتاخد معايا في اكتر درس انا بحب انزله درس الإنجليزي ودرس العربي
ومع ذلك مبطلتش حركاتها انه تفضل تبصلي بقرف ومن فوق لتحت وكدا انا كنت بتجاهل دايما وبعدي دا كلوا ولما الاقيها بتبحلق لي بقرف ببعد نظري عنها بالرغم من اني حساسة جدا وحاجه زي دي في حد ذاتها بيكون ليها تأثير علي نفسيتي وبضايق وبفضل متنكده بسببها
ومبحبش اوقفها عند حدها عشان هي بنت مش متربية وسهل جدا انها تتطاول عليا بالكلام وتوصل عادي جدا انها تتطاول بالإيد لانها عيلة بلطجية فبطنش دايما نظرتها ليا دي وكنت بقول طالما مبتعمليش حاجه فاتجاهلها ولا اكني اعرفها لكن بجد بجد انا طفح بيا الكيل من تصرفاتها
وكل شوية اعدي واطنش وحسيت انها بدأت تتمادى زي مثلا النهاردة لما كنت في درس عربي واحنا مروحيين فضلت بصالي جامد وهي عمالة تقول بصوت عالي "انا عايزه اضرب حد "
بجد يجماعه هي تخطت حدودها جدا معايا وانا تعبت وزهقت والموضوع دا تعبني نفسيا جدا ومبقتش مركزه في مذاكرتي نهائي
عايزه حل للي انا فيه دا على الأقل اخليها تصفى من ناحيتي وتبطل تكرهني وتبصلي بقرف تتعامل معايا عادي او اوقفها عند حدها لاني عندي احساس ان انا بتجاهلي لتصرفتها دا بيخليها تتمادى معايا وتشوفني قليلة لانها بتبصلي نظرات استنكار واحتقار جامدين اوي ولا كأني نكرة
انا بجد مش فاهمة هي بتعمل كدا ليه يعني لو حد اتعرض لشخصية زي كده ياريت يفيدني ويقولي هي بتعمل معايا كدا ليه واتصرف معاها ازاي عشان اوقفها عند حدها وتبطل تحتقرني
يجماعة اقسم لكم بالله انها بتحتقرني اكتر حتى من الحيوانات بجد ربنا ياخدها دي تطيق العمي ومتطقنيش بتكرهني كره مش قادرة استوعبه
لعرض السؤال في فدني اضغط هنا
هل انتظاري للاهتمام أو رساله او مكالمه من شخص بكرهه
( كنت بحبه ) مشكلة عاطفيه أو نفسيه بالنسبة ليا ام هو مجرد جوع للاهتمام وكيف اتخلص من الشعور والانتظار دا مهما كان
لعرض السؤال في فدني اضغط هنا
ايه الحل لشخص وحيد وحيد وسط عيلته وسط الناس اللي المفروض صحابه وهو حاسس أنه عبء على اللي حواليه خايف يعارض بس اي شخص عشان ميسبهوش ويمشي أو يتغير معاه بيحاول يراضي الكل ويقولهم اعملوا اللي انتوا عايزينه وهو دايما لوحده بيسمع مشاكل الكل بس مفيش حد بيسمعه ولا حتى قادر يشرح أو يعبر عن اللي جواه هو حتى بقى يحس أن هو اللي مأفور ومكبر الموضوع وحساس بزيادة وخلاص مفيش حد فاهمه ولا هو فاهم الناس ولا عارف يتعامل معاها اتحول لإنسان عصبي وبارد ومطفي ملامحه وشكله كل حاجه دبلانه ومتغير مبقاش هو نفس الشخص
لعرض السؤال في فدني اضغط هنا
انا حاليا في كلية حاسبات امن سيبراني و بتقابلني مشكلة و مش عارف اعمل فيها ايه.
انا بطبيعتي شخص عقلاني و مبيفرقش معايا الجو بتاع الناس اللي في سني زي السوشيال ميديا او غيره و جو العيال الطايشة دة.
بس دايماً كنت بحس بفراغ جوايا و اني محتاج اهتمام او بمعنى اصح محتاج حد ممكن نقول كدة يعوضني عن نقص الاهتمام اللي عشته مع اهلي و احساسي كأني غريب و سطيهم، فأوقات بفكر اني ارتبط او يعني يكون فيه بنت في حياتي بس برجع اقول لنفسي لا و ان الكلام دة مش وقته و ارجع اقول اني محتاج حد في حياتي بدل احساس الوحدة اللي انا فيه بس برضه ارجع اقول لا لسا لازم اخلص دراستي و اكون كونت نفسي و يبقى عندي بيت و مستقر في شغلي و غيره.
المشكلة بقا اني عايش في الصراع دا بين قلبي و عقلي فمعنديش الإرادة الكافية اني عقلي يكسب ولا عندي الإهمال و ممكن نقول الطيش زي باقي شباب سني فا اكسِّب قلبي.
فا انت شايف اعمل ايه او ازاي انهي الصراع دا.
لعرض السؤال في فدني اضغط هنا
أنا بحب شب وهوا كان بيحبني بس مره وحده قال حرام إنا نتكلم كده سبيني لما اجي اخطوبه امبارح اجتلي نوبه هلع بعت ليه قال مش تبعتي هنا تاني ده معني ايه بقا
لعرض السؤال في فدني اضغط هنا
دلوقتي انا اتعرفت على ولد من 10 شهور كنا في الاول حلوين جدا وآخر فترة الخناقات بقت كتير جدا والفكرة انو ضامني بطريقة غريبة عشان انا بعيط كتير لما يحصل معاه هو بالتحديد مشكلة أو كدة
هو أول ولد يدخل حياتي والفترة اللي دخل فيها انا كنت في بداية ثانوية عامة وكل اللي حوليا معاهم اللي بيحبهم ومن زمان انا بشوف البنات بترتبط لكن هو دخل الفترة اللي انا كان عندي جفاف عاطفي لكل اللي حوليا،
آخر مشكلة حصلت هو شتمني فأنا رديتله نفس الشتيمة فزعل وقالي اقعدي اتنرفزي عليا كدة وإنتي اللي بتعيطي في الآخر هو بقى ضامني لأني كل مشكلة كنت بدخل أتكلم معاه وأحاول أصلح واحل كأني انا الراجل مش هو
دلوقتي أنا أخدت قرار إني لازم أغير فكرته دي عني عشان انا طول عمري معتزة بكرامتي وكنت حاطة حدود وقواعد في حياتي لكن هو في الأول قالي انو حبيبته الأولى سابته عشان هو شتمها برضو
المهم انا قولت هيكلمني المرة دي لكن فات دلوقتي 4 أيام وهو مبعتش حتى رسالة هو حاليا في الجيش لكن احنا كنا على طول بنتكلم انا بحبو جدا لكن المرة دي حطيت كرامتي الأول وإني المفروض أتقدر اكتر من كدة ،
خصوصاً انو آخر مشكلة حصلت سابني خالص من غير سؤال وانا كل يوم بتصل بيه مش بيرد ويوم ما رد قالي اتربيتي ولا لسه عمل معايا مشكلة أيام امتحاناتي في اكتر فترة كنت محتجالو فيها وهو كان وقتها كان في اجازة مقدرش الضغط اللي كنت فيه انا دلوقتي أعمل ايه انا متعلقة بيه جدا ومش عاوزة اسيبه بس لازم أحافظ على كرامتي لو العلاقة دي هتستمر
لعرض السؤال في فدني اضغط هنا
كنت متعرف على واحدة من قيمة ست شهور تقريبا وكانت كويسة جدا معايا ف البداية ومع الوقت ابتديت اخد عليها وعلى وجودها فحياتي مع الوقت بدأت المشاكل تكتر بينا لدرجة انها وصلت لخناق كل يوم بيني وبينها ودايما كانت هي اللى بتقفل الموضوع ولا كإن فارق معاها أي حاجة لكن يعلم ربي اني لما كنت بتصل بيها عشان نحل الموضوع كان عشان اني بحبها ومش عايز أخسرها كانت كل مرة بالبلدى كدا بحس انها بتتنطط عليا عشان انا اللى بتصل وبحاول أصلح الغلط اللى والله ف الغالب مكانش بيبقا مني كنت مكلم ابوها عن اني عايز أتقدملها من فترة وكان معلقني ومحستش باهتمام من ناحيتو فقطعت معاه وجيت من قيمة يومين كلمتو تاني وقالي هرد عليك كمان يومين وعرفت امبارح ان كان في واحد عندهم ف البيت المفروض انو بيتقدملها وكدا حقيقي مش مصدق بعد كل اللى عملتو عشانها ازاى قدرت تعمل فيا كدا مش قادر اتخطى الموضوع والله..
لعرض السؤال في فدني اضغط هنا
السلام عليكم ورحمه الله وبركاته
لعرض السؤال في فدني اضغط هنا
عاوزة اكون ناجحة في حياتي ومستقرة بحيث لما اقابل حد يكون برده ناجح وتكون عقلياتنا متشابهة بس في نفس الوقت خايفة إن الوقت يمر وأضيع فرص حلوة وفي الآخر ملقيش اللي انا عاوزاه
في كذا حد حاول يفتح معايا الموضوع ده بس انا كنت دايما بقفل الباب مش حتى برد لا كنت بعمل بلوك وبختفي خالص حد من اكتر من ٣ سنين مشافنيش غير مرة واتكلم معايا كنا في فرح هو قريبي من بعيد جدا وبعدها وصل لاكونتي واتكلم عادي وانا اتكلمت معاه بس لقيته فجأه اعترف انه بيحبني مع ان الكلام بينا كان ازيك عاملة ايه واخبار ماما ايه بس متكلمناش في اي مواضيع أكبر من كده فانا عملتله بلوك علطول
بس في اكونتات فيك بتبعتلي على صراحة انه كان بيحبني وغلط انه عمل كده لانه خسرني وكان نفسه يفضل الكلام بينا بس عدى ٣ سنين وانا مستغربة لحق يحبني ازاي وهو اصلا ميعرفنيش حتى هو قال انه مقابلنيش غير مرة واحدة
بقول ده لعب عيال هو أكبر مني بسنة لسة له سنة ويتخرج بس برجع اقول اكيد قابل بنات غيري كتير حتى لو بيتسلى هيفضل يتكلم بعد ٣ سنين انا اصلا مش متقبلاه شكلا مش هو ده اللي في دماغي وكمان انا اللي بيشوفني بيقول اني جميلة وما شاء الله كيوتة وهادية فانا بهتم بالشكل برده
لعرض السؤال في فدني اضغط هنا
عندي تعلق ناتج عن إحتياج عاطفي بسبب انه أبويا طول وقت طفولتي كان مسافر ومرجعش غير وأنا مراهقة وأمي شديدة شوية ف بدأت قصة التعلق من وانا في إبتدائي ومكملة معايا حتي الآن وانا في الجامعة ولاحظت انه نمط الشباب اللي بتعلق بيهم كلهم توكسيك حرفيا كلهم وتعبت أوي بجد وممكن حد أشوفه مره مرتين بس أتعلق بيه ويفضل معلق معايا فترات طويلة بتوصل ل سنتين وتلاته
لعرض السؤال في فدني اضغط هنا
انا كان ليا صحبه ولسبب ما بعدنا وهي مبقتش عايزاني ف حياتها تاني ومش انا الغلطانه انا اعتذرت لها كتير ومش انا الغلطانه كمان بس هي معرفش مالها مبقتش عايزاني
احنا صحاب من ابتدائي ونا سبتها ع راحتها لان تلت مرات ونا أكلمها وهي مش عايزه المهم دي كانت معايا كل حياتي اتعب او ازعل او تحصلي حاجة بكلمها بعد ما بعدت عني مش لاقيه حد اشكيلو زعلي
باقي صحابي بعتلهم ريكورد وبعيط محدش اهتم هي الي كانت تهتم حقيقي انا متفقداها اوي ف حياتي وبنهار اكتر لما افتكر انها مش معايا بس هي مش عايزاني ونا مش قادره اهين نفسي تاني عشان ترجع مع ان هي كانت تغلط ف حقي كتير وغلط كبير وكنت اسامحها ع طول اول ماتكلمني ومستناش نقعد يوم حتى اكلمها انا اقولها زعلانه ومن غير اعتذار كنت اسامحها
كل الي عملتو اني اتعصبت عليها ف الكلام وجبت حاجة قديمة حصلت بينا كانت غلطانه ف حقي فيها قلبتها عليا وقالت لي انتي بتعايرني وأنتي منافقه ومهما تعملي مكانتك عندي مش هترجع زي ماهي والله شاهد ع كلامي عمري ماكنت منافقه لحد ولا عايرت حد عشان اعاير اقرب ما ليا
انا كنت متعصبه بس واول مره اتعصب ف حياتي كدا واعتذرت لها اني اتعصبت كانت تقولي متبعتليش تاني ومتكلمنيش تاني تلت مرات ونا اعتذر وهي ولا حنت ولا حتى كلمتني كويس بالعكس بتعاملني باهانه بس انا مستعده أنسى كل دا لو رجعت كلمتني
بجد مشتقالها اوي وعمري مافكرت اصاحب غيرها ولا اتغير عليها والله العظيم وكل صحابنا يشهدوا بكدا كانو يحلفوني بيها بس هي شايفه اني اتغيرت مع انه محصلش والله ولما حاولت افهمها ظروفي مبقلتش وقالت لي ابعدي عني
بجد مش عارفه اعمل اي مع نوبه الحزن الي بتجيلي كل ما أفتكرها بزعل اوي والوم نفسي اني اتعصبت مش عارفه اعمل اي انصحوني انا من كتر الزعل جسمي بقا يطلع بقع زرقه
لعرض السؤال في فدني اضغط هنا
لما خطيبتي تلاقي محادثات على هاتفي مع شخص كان عامل لها اعجاب على صوره لها على صفحتها على فيسبوك فعملت حساب فيك وتحدثت معه لكي أعرف هل هناك علاقة بينهم ولا لأ فغضبت غصبا شديدا وتريد إنهاء العلاقه العلاقه وتقول لي أنها فقدت الثقة فيا رغم أن هذه الحادثة من شهور طويلة وأن كان بيننا كل حب واحترام
ما الحل
لعرض السؤال في فدني اضغط هنا
لعرض جميع الاسئلة في فدني اضغط هنا