حبيت شخص كويس جدا شبهي جدا جدا سافر وقالي انو بعد مهينزل من السفر هيتجوزني واهلو عرفين وتمام كنا بنتخانق كتير بسب ظروف شغلو وبسبب حجات كتيره كان بيلومني عليها وف الاخر حصلت مشكله تافهه ونا قولتلو اني مش عايزه بسبب انفعالي ف هوعملي بلوك لما حاولت اكلمو تاني علشان افهم قاي انو مش هيعرف يكدب عليا ويقول انو بيحبني فقالي انا مبحبكيش واخترت مستقبلي ويا ريت تنسيني
بس من معرفتي بالشخص دا عارفه انو لما هينزل هيخطبني ف انا تايهه مش عارفه اعيش ولا اشوف حياتي
السلام عليكم، أنتِ كمان اختاري نفسك ومستقبلك وانسيه زي ما قال. بلاش تعلقي نفسك باحتمالات وتاخدي قرارك يضرك لمجرد تعلقك بالشخص ده. هل أنتِ شايفة إن المشاكل اللي كانت بينكم وكمان البلوك الأخير وكلامه لك دي مش أسباب كافية إنك تختاري نفسك وكرامتك؟ يعني لو بتفكري تتزوجيه ده لو أصلا هو نزل وتقدم لك فعلا، فنظام البلوك والصمت العقابي هيكون أسلوب حياتك معه بعد الزواج. هل هتقدري تتحملي نفس المعاملة بعد الزواج؟ *** وبعدين هو قال مش بيحبك فليه تهدري أنتِ كرامتك وتقبلي بده حتى لو هو قرر يتقدم لك بعد كده لأي أسباب. ** أنا شايفة إنك متعلقيش نفسك بأمل فاضي وركزي على حياتك وانشغلي فيها ومع الوقت هتنسيه وربنا إن شاء الله يعوضك بحد أحسن، الحب مش كل حاجة ومش كل حد قال بحبك وهتقدم لك فهو صادق، قرار الزواج قرار كبير قوي، متخليش العواطف والتعلق يخلوكِ تاخدي قرار تندمي عليه بعد كده. *** ونصيحة بجد، بلاش ارتباط تاني غير رسمي حتى لو وعدك إنه هيتقدم لك بعد كده. أنتِ اكتر حد هيتأذى من العلاقات دي. فكري في نفسك ومصلحتك واختاري نفسك ومستقبلك زي ما هو عمل. ربنا معك. 💚
تم النشر الثلاثاء، ٢٧ أكتوبر ٢٠٢٦
أنا آسفة جدًا إنك بتمري بكل الوجع ده، واضح إنك كنتِ متعلقة بيه بصدق وكان فيه أمل كبير في المستقبل، وده طبيعي يخليكِ تايهة دلوقتي. اللي حصل مش سهل، خاصة لما الشخص اللي كنتِ شايفاه مناسب جدًا يقول كلام قاسي زي كده ويعمل بلوك، بس خلينا نركز على اللي تقدري تعمليه دلوقتي عشان تتجاوزي الموقف ده بقوة. أول حاجة، حاولي تتقبلي إن كلامه الأخير كان واضح، وإن انتظار عودته وتوقع إنه هيخطبك ممكن يزود الألم لو ما حصلش. ركزي على نفسك دلوقتي: اكتبي كل اللي في بالك في مذكرة يومية عشان تفرغي المشاعر، وحددي أهداف صغيرة في حياتك زي تطوير مهارة جديدة أو الاهتمام بصحتك الجسدية والروحية من خلال الصلاة والدعاء. في الإسلام، بنؤمن إن الله بيختار لنا الأفضل، فادعي إن ربنا يريح قلبك ويفتح لك أبواب أحسن، وخلي الثقة فيه هي اللي تسندك. ثانيًا، ابعدي عن أي محاولات للتواصل معاه حتى لو رجع، عشان تحمي نفسك من الانتظار اللي بيضيع وقتك. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ قوية وتقدري تعيشي حياتك وتبني مستقبلك، وهتتجاوزي ده خطوة بخطوة، وأنا هنا لو عايزة تتكلمي أكتر.
تم النشر الثلاثاء، ٢٧ أكتوبر ٢٠٢٦
لعرض السؤال في فدني اضغط هنا