هو مبدئيا انا عارفه انه مشكلتي ممكن تاخد تريقة كثير بس انا رغم كل ده انا هتكلم عادي وهحكي اولا انا بنوته عندي 17 سنه اتعرفت على واحد اصغر مني بسنتين قابلنا ونزلنا كذا مره وكنا بنتكلم في التليفون لان الشخص ده هم بيعرفش يقرا ويكتب بس هو يعني المفروض ان هو مؤخرا راح الامتحانات وكده وامتحن وبدا تاني يعني يتعلم وكده.
المهم انا اتعلقت بالحد ده وارتحت له وبقى بينا حبه وبقى بينا ذكريات وبقى بينا حاجات حلوه كتير حاجات يعني تخليني مش سهل ان انا اسيب الشخص اللي قدامي ده. المهم هو لحد ده دلوقتي بيقول لي ان هو معندوش مشكله يجي يخطبني النهارده قبل بكره بس انا طبعا رافضه رافضه ليه بقى لان اكيد مش هينفع انا داخله على ثالثه ثانوي سنه مهمه مبدئيا مامتي وبابا مش هيخلوني طبعا دلوقتي ان انا اتخطب او اي حاجه خالص غير على الاقل على الاقل لما اخلص ثالثه ثانوي دي مش قضيه انا عندي صبر عادي استحمل ثالثه ثانوي مش مشكله
بس بعد كل ده برده انا مش ضامنه حوار الخطوبه ليه ان انا حاولت فاتح امي كذا مره في الحوار ده بطريقه غير مباشره قالت لي لا طبعا انت انا مش هخطبك في السن ده الواحد اصغر منك بسنتين مثلا او قدك مش هينفع. لما بقى لو انت عايزه كده تستني حتى على الاقل لما تبقي في سن جواز او خطوبه لكن ما تبقيش عيله وتتجوزي واحد عيل يعني.
بس انا ما كنتش باصه الجواز والله انا كنت باصله لخطوبه انا مش مطمنه ومش مبسوطه من اول يوم رغم إنه عمل لي حاجات كتير بسطاني بس يعني زي ما تقولوا كده حوار اللي هو ان انا بعمل حاجه من ورا اهلي وبعمل حاجه تغضب ربنا بيبقى من عند ربنا كده انت حاسس بغصه في قلبك انت مش مرتاح وعمرك ما هترتاح فانا حاسه بكده انا تعبانه
انا كان نفسي كل حاجه تبقى في النور. نخرج عادي قصادهم نعمل نسوي غير كده انا من النوع اللي هو بيزعل من اقل حاجه بتيجي من الشخص ده انا دلوقتي لو رنيت على حد ده دلوقتي ولقيت التليفون مقفول انا بقعد اعيط وممكن أنهار طب هو ايه اللي حصل طب ومش هيكلمني طب هو مع مين طب هو معرفش ايه انا بقيت بتعب بجد انا اقسم بالله اللي انا جوايا دلوقتي ما حدش يعلم بيه غير ربنا
حاسة بإحساس بشع قوي انا حاسه ان انا بخسر اغلى حد في حياتي واكتر حد انا شفته حاجه كبيره.حاليا في فتور كده في زهق مش عارفه مش حاسه ان احنا زي الاول.
مش كانها حتى لو حكيت لمشي فيه كذا كذا وحد بيكلمه او حد شافني وهو اصغر مني بسنتين وعايز يتقدم لي وكده ايوه مش هترضى هي هتنصحني بس يعني هي حتى كذا مره لما كانت تشك في كانت تقول لي طب كنت قولتي كنت نصحتك وكده وانت تقولي لي كنت نصحتك ما قالتليش كنت هاخدك اخطبك ليه مثلا خلاص كل حاجه تبقى في النور ما قالتليش كده
الحوار يزعل قوي بالنسبه لي الحوار يزعل بجد. وانا مش عارفه اعمل ايه انا كنت انا بتكلم والله دلوقتي وبسجل وانا فعلا كنت بعيط. انا زي ما مهم ان مبقاش فيه علاقات محرمه في حياتنا ان احنا ما نعملش حاجه غلط المهم بجد ان الشخص تفضل في حياتي من غيره انا تعبانه مليش غيره اصلا.
وانا هتعب اكتر لو جيت عشت في يوم دور البنت اللي بتيجي تمسك ايد الولد وتقول له ما تسيبنيش بالله عليك انا بحبك بتنفض لي ليه انا هتعب. وانا بتعب وانا بعمل حاجه غلط برده من ورا اهلي انا مش طالبة منهم حاجه انا كل اللي عايزاه انا والشخص ده هنتخطب وانا عادي والله ما هقابله ولا هعمل اي حاجه غلط بس انا احس ان اهلي عارفين
عايزه بس احس ان اهلي عارفين
لعرض السؤال في فدني اضغط هنا
رغم التعب الي شوفناه عشان نتجوز من أول يوم زفافنا مشاكل وضغط قلة خبرة وعدم تخطيط ومفيش نظام وكل حاجة جات وراء بعض شهرين أو أكثر جري عشان الأوراق تخلص وطبيعة حياتي أنا وهو مافيهاش جري بالشكل ده كنا مرتاحين ومدلعين.
وبعدها اختلاف طباع ووجهات النظر وطريقة الكلام واتخاذ القرارات وسرعة الغضب وعدم الصبر والتحمل ومن كلمة واحدة كل حاجة بتنفجر ويتم مهاجمة بعض في الغالب أو كل المرات كان يوصل أنه أنا الي ابتديت وأنا الغلطانة وأنه أي كلام أو تصرف منه رد فعل على الي أنا عملته تمام أحيانا كثير أكون اتكلمت أو اتصرفت بطريقة خطأ عارفة ده وهو كمان لكن رد الفعل يكون مبالغ جدا مع كلام بيأذي شخصي .
وهو كمان أكيد حس بجرح وحاجات كثير لكن بلاحظ أنه بيحب يقعد لوحده مع موبايله بيكون مرتاح أكثر حتى ينام ويصحى معاه حتى الحمام حتى وقت الأكل تقريبا ٢٤ ساعة بالأول كان الموضوع مش بيلفت انتباهي لكن بدأ الموضوع يزيد عن حده لأنه حتى لو كان بيشتغل فمفيش شغل ٢٤ ساعة وكمان متأثر بأي فيديو أو معلومة تفوت عليه وبيحاول يحدد شخصيتي ويقنع نفسه بصفات فيا وفق الي بيقرأه أو بيشوفو
حتى بلاحظ عنه عدم الرضا والشكر لله كأنه فاتح الباب للشيطان عشان يسمحله ويصور له أنه حياته مليانة بؤس في زلات من لسانه قال كلام كثير جدا تدل عن أنه كان بيفضل يبقى عايش لوحده وتقريبا كل شوية يقول في ١٠٠ وحدة تتمنى تعيش مكانك وغيرها وغيرها الكلام ده بمجرد ما سمعته قلت لنفسي هل هو واعي ومدرك للكلام الي بيطلع منه لانه الفعل ما بيستدعيش كل رد الفعل العنيف ده بالطبع الأفكار الي مليانة دماغه طالما مافيش ضرب وشتم فأي كلام غيرهم يعتبر رد فعل عادي
مش هكذب لما كنت معاه لوحدنا الفترة الي فاتت كنت خايفة منه بقيت أصحى في نص الليل مرعوبة وأقول لنفسي يا ترى هيحصل ايه واحاول اراقب كلامي وتصرفاتي وقبل ما اتكلم اعيد الكلام ١٠٠ مرة في عقلي بعدين اتكلم ، حسيت انه أي كلمة أو تصرف فهيكون متراقب وأي غلطة أو كلمة من غير قصد الدنيا هتتقلب.
كان في ليلة من التوتر قعدت اعيط في الحمام من الوجع لحظتها حسيت النفس اتقطع وأني هموت وجع من كتفي وذراعي الشمال ونزل حتى للساق وكل رجلي ما قدرتش اتحرك من على الأرض وفي نفس الوقت اتحملت الوجع وسكتت ما كانش عندي الجرأة أناديه قلت يا ريت أبي موجود أو أخواتي الله المستعان
قال جملة أنه طول ما أنت كويسة أنا كويس
يعني لسا مقتنع انه أي مشكل وأي تصعيدات أنا السبب فيها وأني مهملة ومقصرة حتى غلط في اسمي وجاب سيرة خطيبته السابقة بيخلي جو مثير للشك ومرة لقيتو في السيرش بتاع موبايلي بيدور على رقم بنت كمان الله المستعان
مش بزكي نفسي ولا احط اللوم على حد لأنه كل واحد بيشوف نفسه مظلوم، بقيت خايفة وبفكر كثير في كل حاجة، مع أني حسيت بأنه الضغط خف من عليا في الأسبوع ده الي بقيت فيه في بيت والدته جزاها الله خير الجزاء بقيت احس بالجوع وأكله عادي ومش بسيب وجباتي .
زوجي مجروح بطريقة لا يمكن للعقل تصورها مهما كتبت وقلت فتفاصيل حياته مستحيل تخلصها كلمات عارفة كل لحظة عاشها أثرت فيه والده الي ما قامش بدوره ووالدته الست الطيبة المسكينة الي اتحملت قسوة الدنيا كلها وتعبت عشانهم وظلم اخواته ليه و سنة كاملة هو لوحده بيتعذب ويا عالم الأفكار الي كانت في عقله عملت فيه ايه ده غير المقارنات الي بيتقارن بها أنا حاسة به والله وبكل حاجة عاشها حتى لو ما كنتش موجودة وقتها.
عيونه ديما مليانة حزن كأنه شايل هم الدنيا فوق كتفه و كمان من جهة أنا شخص مختلف عنه ليا حياة من قبله شويا حلو وشويا وحش والطبيعي الواحد يتأثر ولك أن تتخيل اثنين مجروحين يلتقوا ويحاولو يبنو حياة لنفسهم تحت سقف واحد لما بسكت هو مش عارف ان دي طريقتي في أني اهدي نفسي عشان عقلي يعرف يفكر
مش ببرر تصرفاتي ولا تصرفاته بسبب الضغوطات الي مرينا بها
بس احنا اتجوزنا ولازم نحاول مرة والف عشان العلاقة دي تنجح ونصلح من نفسنا ونعين بعض على التغيير للأحسن عارفة انه ده صعب لكن مش مستحيل والرجل ده أنا عمري ما هفرط فيه أبدا مهما يحصل مش بس بحبه وبحترمه هو يستاهل يتحب زي ماهو كده بيعمل حاجات بكل تلقائية تخليني أموت فيه ساعات بحس بأني ماعنديش عقل لما بالليل يلف لأن ذراعه وجعاه رغم الاختلافات وحتى الزعل واللحظات الي مش كويسة وخوفي منه بس من ناحية التانية بكون مطمنة عامة أنه موجود وجوده لوحده كفيل يخليني مرتاحة وعارفة أنه في تناقضات ما بين الخوف والسعادة والراحة بس راضية به وقلبي وعقلي راضيين ومتأكدين أنه هيبقى أحسن زوج في الدنيا احنا مش ملايكة ومش شياطين في نفس الوقت فبقدرة ربنا والتوكل عليه والاستعانه به اكيد هنقدر نبني أسرة سوية متيقنة من ده ومتأكدة أنه عمره ما راح يخذلني
كل ده لا ذنبه ولا ذنبي ذنب الظروف الي تحطينا فيها من غير إرادتنا
إحنا مش بننفجر عشان المشكلة الحالية، إحنا بننفجر عشان الماضي كله اتحشر جوانا وطاقتنا بقت حرفيا معدومة احنا مش محتاجين بس نحل المشكلة احنا محتاجين نشوف المشهد كله والصح بدل ما نهاجم بعض نحاول نخلي مساحة أمان لبعضنا وأكيد هيحصل بإذن الله وكمان الخوف جوانا رغم أننا ما بنقولش لكن متأكده أنه مش عايز يعيد نفس تجربة ابوه ولا عايز يعمل زيه كل كلامه انه عايز يخلي الحياة أحسن عشان ولاده ما يتعذبوش لما ييجو
بس أنا تعبانة حاسة نفسي رجعت لنقطة الصفر مش حاسة اني متجوزة بعد ما سافر حاسة اني رجعت للمرحلة الي كنت عايشة فيها مع خالتي حتى التواصل معاه قليل و كمان ماعنديش حق اقول الي انا حساه حتى لو بيقول قولي كل حاجة وأي حاجة مضايقاكي لكن لو فتحت فمي واتكلمت هسمع أنه المفروض احس بده وبده فبقيت احاول ارجع لنفسي واعتمد على نفسي بس كده كده هو مش هيكون موجود وهكون في كل حاجة لوحدي ومابقاش ليا نفس اسمع تجريحات وانتقادات مستمرة
نفسي اتمشى كل يوم زي ما كنت متعودة اشم هواء حاسة اني لوحدي لا أهل معايا ولا منى الي كنت اطلع كل اثنين وخميس معاها ادلع نفسي واشتري كل الي نفسي فيه ولا عندي حد صحيح والدته المسكينة طيبة وتعاملني كويس يشهد الله اني بحبها من كل قلبي ده كان حتى بيشكك في حبي ليها لمجرد اني بقول انه تمنيت يكون عندي بيت
خايفة على نفسي من الحزن مش عايزة أتوفى وأنا بعيدة عن أخواتي
الفكرة مرعبة أعيش لوحدي وأنا على ذمة راجل وكمان لو اتوفيت ادفن في مكان مافيش حتى مين يزور قبري من أخواتي
أحيانا بسأل نفسي كثير هو اتجوزني ليه طالما مش بيحبني اتجوزني ليه
رغم كلامه انه بيحبني لكن الكلام الي سمعته لحظة غضبه أنه على الأقل احنا نفضفض مش زيك عندك أرق وهالات من الكتمة
وأنه مستحملك بس من باب الإنسانية وأنه الحياة معايا مليانة حزن وبؤس و أنه طالما مش عارفة طلعيني من توتري هطلع نفسي أحسن
وأنه بسببله ضغط نفسي ...الخ
كان كلامه جارح جدا
بعد الكلام ده انهرت حرفيا حسيت نفسي في الفترة دي اتحولت لوحدة ثانية الي هي السبب في كل حاجة
دعيت ربنا يديني العقل
الحمد لله بحاول ارجع لنفسي لوحدي واعتمد على نفسي
ايه الحل مع الشخص ده
لعرض السؤال في فدني اضغط هنا
السلام عليكم..
كنت حابب افهم اللى بعمله صح ام خطأ دلوقتى انا شخص منظم فى حياتى والحمد لله ومهتم بالدراسة وامور دينى وحاليا انا فى سنة رابعة آخر ترم وعلى قريب اتخرج ان شاء الله
المهم انى بحب بنت وهى بالفعل فعلت امور واشياء كتيرة اثبتت حبها زى انها تمسكت برغم كل المشاكل وانها حاولت تتواصل معايا اكتر من مرة بس كنت غالق الباب لسبب انى كنت على وعد معها انى هروح اتقدم لها بعد نهاية الترم ولكن اكتشفت انها كانت بعتت رسالة اعجاب صراحة لطريقة شخص هو بيحب بنت ما
ولما كشفت الموضوع اعترفت انها غلطانة ومش هتكرر الغلطة تانى بس لما عرفت عن ماضيها شوية اتضايقت اكتر لانها كانت فى علاقات قبلى وحسيت ان نفس كلام الحب والمشاعر كأنه بيتشارك مع الكل مش معايا بس يشهد انها احترمت العلاقة ما عدا نقطة دخلت بعتت اعجاب صراحة لشخص عن طريقة حبه للبنت دى وانا كنت غالق معاها الفترة دى كلام عشان يعنى على ما والدها ينزل وكدة
ووالدتى بالفعل تحدثت معاها وكانت الامور تمام وزين ولكن انقلبت الموازين بسبب الموقف ده ولما سألتها عن السبب انها عملت كدة قالت انا بالفعل غلطانة ومكنتش اقصد بس عجبتنى بس طريقة حبه للبنت وانا قلت لها اكيد لو كنت مكانى وعملت حاجة زى كدة انا كدة ابقى بقلل من ثقة الشخص اللى معايا غيابا له قبل وجوده..
حاليا هى حاولت اكتر من مرة تصلح اللى اتعمل وانا تقبلت الامر بس الفكرة ان كل مرة لما بعرف عنها شيئ فى الماضى بتضايق اكتر واكتر
هل تنصحونى باى ؟؟
لعرض السؤال في فدني اضغط هنا
السلام عليكم ورحمة الله وبركاته
أنا ف حياتي شخص أحبه جدا لكن هو لم يصارحني بهذا علي الاطلاق ويعطيني الهدايا وعندما أسأله يقول لي انتي زي اختي والثاني بعتبره زي أخويا لكنه اتي وقال لي انه يحبني وفي هذه اللحظة رفضت الموضوع بشكل قاطع وقلت له انت زي أخويا عندما عرف حبيبي قال إنه موضوع عادي وولا اتعصب ولا أي حاجه لكن الثاني بيحاول يقنعني ان اعطيه فرصه وانا مش عارفه اعمل ايه؟
لعرض السؤال في فدني اضغط هنا
"قصتي بدأت من زمان… مش بس من الطفولة، لأ، من أول ما قلبي فهم يعني إيه حد يسكن جواه.
ابن عمي… أحمد.
كان ساكن قدامنا، باب بيته في وش باب بيتنا. كنت بشوفه كل يوم، حتى لو مفيش كلام، كانت النظرة أوقات تكفي.
هو كان أكبر، وكان دايمًا محافظ في تعامله معايا… بس أنا كنت بحس، بحس بتوتره لما يشوفني، بنظراته اللي بتستخبى بسرعة، بتصرفاته اللي مش عشوائية أبدًا.
كبرنا…
هو اتجوز، وخلف بنتين.
وأنا كمان اتجوزت، لكن انفصلت.
وكل واحد فينا كمل طريقه، على الورق بس…
جوايا؟
الحب ما اتغيرش. بالعكس، بقى أعمق، أهدى، لكن أقسى.
ولما كنت بشوفه، خصوصًا وهو مع مراته، كنت بلاحظ إنه حريص جدًا يكون عادي، بس مكنش بيقدر يخبي كله.
كان بيلمح، لكن عمره ما قال.
كان بيهتم، بس من بعيد.
وكان دايمًا بيهرب من أي لحظة ممكن تكشفه.
معرفش هو حاسس بإيه دلوقتي، ولا حتى لو كنت عديت في باله بعد كل اللي فات… بس أنا لسه بحبه، ومش قادرة أنكر ده.
مرة بنت كانت صاحبتي، حكتلي حلم… شافت فيه إنه اتجوز واحدة اسمها "رحاب" (ودي أختها)، وقالتلي إنها كانت مستغربة جدًا.
بس هي كملت وقالتلي: يمكن "رحاب" دي تبقى أنتي…
ومن ساعتها وأنا سايباها على ربنا.
مش عايزة آخد خطوة غلط، ولا أدخل في حاجة مش ليا.
بس تعبت أوي من الصمت، من الوجع، من إن قلبي مش قادر ينسى.
لو كنتوا مكاني… تعملوا إيه؟
هل في حب فعلاً ممكن يعيش في القلب سنين من غير ما يتقال؟
هل ربنا ممكن يجمع اتنين بعد البُعد والسنين؟
محتاجة رأيكم بصدق، من غير أحكام.
أنا مش بدور على شفقة، ولا بلعب دور الضحية…
أنا بس… واحدة لسه بتحب، وبتسأل:
هل أكمّل؟ ولا أوقف الحلم؟
— من غير اسم،
مجرد قلب لسه متمسك بحاجة مش عارف لها نهاية."
---
لعرض السؤال في فدني اضغط هنا
انا بعشق بنت خالتي بموت فيها بمعنى الكلمة وحاسس انها احتمال بسيط بتبادلني نفس الشعور بس انا مش عايز اعترف ليها عشان مش تربيتي ولا عادتي اني اكلم بنت في حب وهي دلوقتي هتمتحن ثانوية عامة وانا نازل مصر أخلص ورق وماشي ونفسي آخذ خطوة أكلم خالتي او جوز خلتي بس مكسوف اروح ليهم وانا معنديش فلوس ومتدين فلوس كمان عشان اعرف انزل مصر اخلص ورق تأشيرة للسعودية عشان اسافر اشتغل وابني نفسي
خايف اروح ليهم وانا كدا ويرفضوني ويكسفوني وعلى فكرة انا ٢٢ سنة وهي ١٧ وبفكر استنا لحد ما اكون نفسي وبعدها اتقدم ليها بس مرعوب تروح مني انا في حياتي كلها ما اعجبت في بنت بس هي سحرتني هي جمال مش قد كدا بس انا شايف انها ملكة جمال العالم وضحكتها بتوديني في عالم تاني
انا عمري كلو ما حسيت فيه بالمشاعر الي حسيت فيها لما شفتها اول مرة من ٦ اشهر ومش عايز اقول لأمي تكلم أختها عشان مش بحب حد من أهلي يساعدني في اي حاجة ومش عايز اعترف ليها بحبي ليها عشان ده مش اصول
لعرض السؤال في فدني اضغط هنا
انا بحب واحد جاري من طرف واحد هو اكبر من بخمس سنين اهلو كلهم يعرفو اهلي وصحاب كمان هما ناس طيبه وهو محترم جداااا وكل عيلتي بتحبو اووي كمان، هو بيفضل يبصلي ونا واقفه في البلكونه ويضحك ونا اصلا بقف عشانو
كل الناس اللي هما مثلا ولاد وبنات خالتي بيقولو هو بيبصلي عادي ومش بيحبني وانو بيبصلي على اساس اني اختو بس مفيش حد هكون مجرد اخت له يفضل يبصلي ويضحكلي وبيغير عليا ايوا بيغير عليا في مره كنت وقفه في البلكونه وكان في واحد انا اعرفو برضو وكدا عادي يعني معرفه بس فكان بيبص علي البلكونه راح هو ضربو وقالي بصوت عالي خشي عشان مش بحب حد يبص عليكي ومواقف من دي كتير
قولت لابن خالتي يقولو اني بحبو وابن خالتي ايجه كدب عليا وقالي انو قالو وهو قالو انها اختي وانها اخت صاحبي ونا بعد لما عملت كاتنج طلع هو اصلا مش قالو حاجه خاالص وقولت لابن خالتي انو يقولو عشان انا بقيت احبو اكتر من نفسي حرفيا متعلقه بي اوي ومحدش حاسس بياا خالص والله تعبت اووي...
هو ممكن ميكونش سوال... بس انا خايفه يطلع مش بيحبني بعد كل دااا.. انا اقسم بالله ممكن اعمل حاجه في نفسي... ويبقا السوال هل هو فعلا بيحبني
لعرض السؤال في فدني اضغط هنا
السلام عليكم
انا احمد ١٨ سنة
تالتة ثانوي
بصو انا بحب واحدة في تانية ثانوي بحبها من رابعة ابتدائى ومكلمتهاش
لان شايف ان حرام الكلام بين الولد والبنت وهي كمان محترمة ومش عندنا الكلام ده
المهم
نفسي اتجوزها في الحلال
بس في مشكلتين
١ـ هي افضل مني تعليميا (يعني انا ممكن اخش كلية مش احسن حاجه انما هي مستواها ممتاز وان شاء الله تخش طب ومتمنلهاش الشر عشان انا بحبها )
٢ـ هي اصغر مني بسنة واحدة يعني احتمال تتخطب قبل ما اخلص تعليمي
مش عارف اعمل اي انا محتاج حاجة اعملها دلوقتي عشان متضيعش مني
لعرض السؤال في فدني اضغط هنا
دلوقتي انا لسه ٣ اعدادي حبيت واحد معايا ف الدرس وهو كان لسه جديد حتى معرفش عنو اي حاجة غير اسمو بس حبيتو اوي واللي خلاني احس اني حبيتو اوي اني عيطت عليه عشان مكنتش اعرف هو بيحبني ولا لا فعيطت وكل يوم كنت بعيط عشان بحبه وخايفه ميحبنيش كنت ف كل صلاه ادعي ربنا انو يطلع بيحبني وفضلت ادعي كده ٥ شهور ومحدش يقولي حب مراهقه عشان أنا عمري ما حبيت حد كده لدرجه اني اعيط عليه اصلا ولا عمري فكرت اني ممكن احب واحد اصلا كان اهم حاجه عندي تعليمي ومكنتش بفكر ف الحب اساسا .....
المهم لقيت مكتوب ع الحيطه اللي تحت بيتو انو بيحبني وكده فرحت جدا بس هو كان كاتب اسمو من غير اسم الاب ف اسمو متكرر عندنا ف الدفعه فمكنتش اعرف مين المقصود ف كتبتلو منه مين اللي انت تقصدها واسمك عبدالرحمن ايه ولو بتحبها أدخل اعترف لها يمكن تكون بتحبك
وكان عندي امل مش طبيعي انو هيدخل يعترفلي ف اجازه نص السنه وفعلا دخل اعترف لي وانا كمان اعترفتلو بس قولتلو مش هنتكلم عشان مبكلمش ولاد قالي انا عارف وقولتلو ان اهلي شداد وبيفتشو ف فوني فمش هينفع قالي مش عايز يحصلك مشاكل اكيد بس انا عايز اطمن عليكي كل شويه قولتلو تمام بقينا نطمن ع بعض كل فتره ومكنتش حطاه ف لوك شات او اي حاجه
بعد كده بقينا نتكلم كل يوم فأصبح جزء من يومي واتعودت علي وجوده وبصراحه هو كان اكتر حد بيطمني واكتر حد بعرف اتكلم معاه براحتي وبيفهمني ف كنت بحبه كل يوم اكتر م اليوم اللي قبله لحد ما اتقفشت وامي منعتني انزل دروس يومين وقعدت اعيط واقولها نزليني وكده ونزلتني فعلا بس ف اليومين دول لما عرفت كانت عايزه تروح الدرس تضربه ف انا حطيت اكونت الفيس ع تاب اخويا وكلمتو وقولتلو كل حاجه فقالي انو لما قرأ الرسايل ادايق وكده واخوه الكبير دخل عليه وقعد يقولو مالك وكده لحد ما عبدالرحمن حكالو واخوه الكبير كلم ماما واعتذر لها وبعدها فضلنا نتكلم ع التاب كده لمده شهر واتقفشت تاني
وهو المره التانيه كلم امي بنفسو وقالها انا بحبها ماما ف الاول كانت متعصبه منو واتعصبت عليه وشتمتو بعدها قالها كلام معرفش اي هو مرضيتش تقولي بس هديت من نحيتو وشافتو راجل اللي اعرفو انو قالها انو بيحبني مش قصدو حاجه وحشه طبعا ماما عامله لفوني باسوورد وانا حلمت بالباسوورد جيت اجربو لقيتو صح ف كلمتو شهر تاني واتقفشت واخويا عرف بابا وبابا كلمني وقالي لو اتكررت تاني مش هيحصلك كويس
المهم انا قولت كفايه محاولات عشان أهلي ميزعلوش مني تاني وهكلمو من فون صحابي ف الدروس اطمن بس يعتبر بكلمو ١٠ دقايق نص ساعه بالكتيرر ف اليوم كلو هو اه الموضوع مدايقني بس قولت احسن من مفيش
عارفه انو حرام وغلط ومينفعش اعمل كده بس غصب عني انا بحبو اوي وصحابي قالولي مش هنديكي الفون تاني احنا كده بنساعدك ف الغلط قولتلهم انا عارفه انكو مش راضيين من جواكو ونيتكو مش قصدكو تعملو كده وانا اللي هشيل المسؤوليه كامله وبعفيكو من ذنبي ف هل برضو هياخدو ذنب لو ادوني الفون؟
لعرض السؤال في فدني اضغط هنا
السلام عليكم
انا دلوقتي كان في واحده في حياتي وكده وفضلنا مع بعض فوق السنتين وبعدين هي عملت حاجه خلتني بجد معتش اثق فيها نهائي، وبعدنا سنه وبعدين رجعت تاني وتكلمنا وهي بتسمع الكلام وحاسس إنها اتغيرت كتير عن الاول وبقت افضل
بس انا مش عارف اثق فيها نهائي ولا ارجع الثقه تاني بينا وبقيت بتعامل مع وجودها وغيابها واحد يعني موجوده او لا مش فارق معايا بس هي بنتكلم كل فتره وهي لحد دلوقتي مقتنعه اني بحبها وانا اديت نفسي فرص كتيرر علشان اديها فرصه تاني ومعرفتش فلو حد مكاني كان عمل ايه عاوز اسمع رايكم.
لعرض السؤال في فدني اضغط هنا
انا عندى مشكله بيتقدملى كذا حد بس مش بيعجبني ولا ببقي حساه حاليا انا في شخص معجبه بيه ودى حاجه مش بتحصل كتتير انا مش عارفه بجد اعمل ايه لان دى حاجه اول مره اعدى بيها ولكن شايفاه كتير مناسب وتعاملنا بسيط جدا في حدود الشغل فمش عارفه اعمل ايه هو بيتعامل معايا حلو بس الطبيعي يعنى
لعرض السؤال في فدني اضغط هنا
السلام عليكم
انا حبيت شخص من السوشيال واتعلقت به اوي كنت شايفه فيه حاجه تستاهل اني احب وانت ثقه اهلي علشانو بس هو كسرني وقالي انو بيحب بنت تانيه وكمان سمعت كلام مش كويس عليه وأن هو بيتسلي بأي بنت بيكلمها واخدت منه كذا موقف مش كويس واتأكدت انو فعلا مش كويس وبيتسلي وبيلعب بمشاعر البنات وانا عاتبته
ودخلت له اعتذرت واتمسكت فيه كتير رغم كل اللي سمعتو عنو وكل اعمالو تجاهلني وكان بيرد عليا بعد ساعات وكان بيرد ببرود ومش بيرد أساسا وقالي انتي مش فارقه معايا وكل شويه يقول طيب طيب وبيتكلم ببرود انا بلكتو بس لسه بحبو اوي والله معرفش ليه رغم انو اذانبي كتير وانا حاولت أفهمه وهو بيأذيني بس انا حاليا خسرت كرامتي لاجلو
واعتذرت كتير وكنت ببوس رجلو علشان يفضل معايا كان زمان بيعاملوني كويس واتغير بجد انا حاولت كتير انتحر بسببو وانا مش عدت هكلمو تاني او اعاتبو حتى هو لما لقاني بدخل بكلمو عمل كل اكونتاتو خاص وانا بجد مش عارفه اعمل ايه عايزاه يرجع لي علشان ممكن انتحر بجد والله معتش قادره بجد كل يوم بعيط وصحتي ادمرت بسببو وانا لحد الان مش فاهمه ليه بحبو كدا @Yasmine Tawfik
لعرض السؤال في فدني اضغط هنا
انا وابن عمي بنحب بعض من سنتين وبدأنا نتكلم، بابا كان عنده اعتراض من الاول على فكره أننا نتجوز حد قريبنا عشان كده مفتحتش معاهم الموضوع لحد ما اشوف وقت مناسب. ماما جت عرفت بالصدفه وانا في في تالته ثانوي وقالت لي اقفلي الموضوع ومش وقته ولسه بدري فغعلا قفلنا الموضوع وبطلنا نتكلم ومتكلمناش غير لما دخلت جامعه
وفتحتنا الموضوع تاني لسه من اسبوع ماما عرفت تاني أننا رجعنا نتكلم وهو عرف ان ماما عرفت فدخل قال لباباه وكلم بابا أننا نرتبط فبابا اعترض على فكره الارتباط حاليا وقال مفيش بينكو حاجه لحد ما هو يخلص جيش وانتي تخلصي تعليم ولو لسه عايزين بعض على بركه الله بس ميكونش فيه تواصل
حاليا احنا عايزين نتكلم وفي نفس الوقت عايزين نحترم كلمته ومش عارفين نعمل اي
لعرض السؤال في فدني اضغط هنا
السلام عليكم
مش هدخل في مقدمات كتير بس الموضوع هو من فترة مراهقتي تقريبا لحد دلوقت في شخص كل ما اسمع اسمه او سيرته تيجي احس بحاجه غريبه في قلبي انا عارفه ان العلاقات والحب دا حرام وانا كمان مش من النوع الي بيحب الجو دا بس كل ما في الأمر اني بحاول انساه من اكتر من ٧ سنين ومش عارفه
اتقدملي ناس وكنت برضو بفكر فيه ومش برتبط عشان مظلمش حد معايا واصلا محدش يعرف بمشاعري تجاه الشخص دا ولا عمري لمحت حتى اني معجبه او في مشاعر لحد جوايا ،انا مش معجبه به عشان شكله بس اسلوبه قدامي ولما كنت بتعامل معاه محترم جدا ودا يمكن الي شدني وتعاملنا بحدود ،
وكمان حاجه انا اقسم بالله ويشهد ربنا قلت بيني وبين نفسي اني راضيه والحمد لله وبدعيله ربنا يرزقه ببنت الحلال الي يختارهاويكون سعيد في حياته حتى لو انا براها ، الشخص دا الي بيجمعني بيه عيلتي يعني شخص قريب مننا بس مش بشوفه اصلا يمكن بالسنين مشفهوش، سؤالي هل تفكيري فيه غلط واصلا الي جوايا دا ايه وازاي أخرجه من قلبي وعقلي مع العلم انا حكيت بالموجز مش بتفصيل يعني دعيت كتير انساه وتعبت ومش قادرة ، وعاوزة انسى عشان حبه كل تفكيري وكياني كله يكون مع نصيبي الي ربنا يخترهولي.
لعرض السؤال في فدني اضغط هنا
دلوقتي لو انا وشخص بعدنا وقطعنا تواصل والحقيقه انا اول مره ابقي مقتنعه ان كده خلاص بس انا معرفش ليه اوقات ببقا نايمه واصحي من النوم فاكراه وعايزه اعيط ومش مستحمله نفسي واوقات تانيه لا عادي انا مش عارفه بجد انا مبسوطه ولا زعلانه انامش فاهماني انا اتخطيت ولا لا
لعرض السؤال في فدني اضغط هنا
انا بحب 2 واحد انا بكلمه و بيحبني و زي الفل هسميه خالد للخصوصية و الثاني ابن خالة صحبتي هسميها سالي للخصوصية و هسميه هو ادم للخصوصية المهم هو جميل اوي و كلام سالي عنو خلاني احبه مع ان محصلش تعامل بيني انا و هو ابدا و مع العلم ان عيلة سالي كلها تعرفني و بتحبني كلها حرفيا يعني جدة سالي بتحبني و بتسال عني و كد و خلاتها و ليها ابن خالة تاني كبير يعني عنده 26 بنهزر مع بعض و كد و هما كلهم معتبرني واحدة م العيلة و عارفين عني اني محترمة و مؤدبة و ده حقيقي مش كلام و خلاص و اعرف اخت ادم و هي صحبتي و امه و اخوه الصغير و اعرف حرفيا العيلة كلها و العيلة كلها تعرفني و بتحبني و انا قلت ل سالي اني بحبه و هي عارفة ف المهم اني برضو معايا كل اكونتاتو الانستجرام و الفيسبوك و التيك توك و معايا رقمه بس مدخلتش كلمتو و معايا كل حاجه عنو و عملت اكونت فيك ع التيك توك و الفيسبوك و الانستجرام عشان ادخل اشوف استوريهاتو او اي حاجة تخصو براحتي منغير م يعرف ان دي انا ف المهم ان سالي قالتلي ان ادم قال لامه انو عايز يخطب و كد و قالت انهم لما يتكلمو ف الحوار ده تاني و هي موجودة هتحاول تستغل الفرصة و تقولهم عليا و بما ان امه و العيلة كلها عارفاني و بتحبني و عارفة اني محترمة هيفكرو ف الحوار فعلا و هيوافقو و في نقطة تانية ان هو مرتبط و امه مش بتحب البنت دي لانها عملت حاجات كتير مش كويسة و بتعمل مشاكل مع اهل ادم و بينه ف مرة لما امه عرفت انو مرتبط كلمتها و قالتلها ابعدي عن ابني و كد ف البت دي راحت سجلت مكالمة لامه و سمعتهالو ف هو اتخانق مع امه بسببها و هكذا بق ف كد كد انا بسم الله ماشاء الله جميلة ف هو بنسبة 70% ممكن يحبني
السوال بق اختار مين «ادم» ولا اختار «خالد»
لعرض السؤال في فدني اضغط هنا
بحب ولد بس الولد دا مش عارف هو معايا في نفس الفصل اروح اقوله ولا لا
عندي 12 سنه
لعرض السؤال في فدني اضغط هنا
لما بنوته تكون عندها 21 سنه في تالته كليه تجاره عندها مرض من صغرها واتعالجت وخفت بس المرض رجع تاني ليها بعد تلات سنين ليه الشاب لما يعرف منها مرضها يسبها ويمشي المرض ده بتاع ربنا
لعرض السؤال في فدني اضغط هنا
سؤال مفتوح للنقاش
بحاول أفهم وجهات النظر المختلفة، خصوصًا وأنا ما دخلتش قبل كده في أي علاقة، وعمري ما كنت من الناس اللي بتتعامل مع المواضيع دي باستهتار.
فكنت حابب أطرح سؤال بيدور في دماغي من فترة:
إيه هو السن المناسب - في رأيكم - للزواج أو حتى للارتباط الجاد اللي يكون في إطار شرعي ومحترم؟
وكمان: إزاي الواحد يقدر يختار شريك حياته بشكل واعي وناضج؟ إيه الحاجات اللي المفروض يبص عليها غير الشكل والكلام الحلو؟
أنا شايف إن المواضيع دي محتاجة وعي كبير وتفكير بجدية، عشان كده بحب أسمع من الناس اللي سبقوني أو عندهم نظرة أوسع.
لعرض السؤال في فدني اضغط هنا
للاسف حصل حاجة وأذيت اللى بحبه فى حاجة كبيرة اوى لا يمكن غفرانها وهى الخيانة، بس حاليا مش قادرة اتقبل نفسي ابدااا وبكرهنى بطريقة غريبة عايزة اموتنى، هو ادانى فرصة تانية اثبتله أنه مكنش يستحق ده منى وانى هتغير للاحسن، بس انا مش قادرة اسامح نفسي ابدااا افكارى كلها انى عايزة أاذينى افكار مجنونة وتخوف اوى مش قادرة ارجع كويسة مع أنه مرضيش يعاتبنى عشان مزعلش ولسة بيتعامل معايا كويس اوى وقالى لو فكرت فى أذى نفسك هتخسرينى بجد، بس انا فعلا مش قادرة اسيطر على شعورى ولا تفكيرى، كل تفكيرى انى عايزة اهرب عايزة اعورنى عشان اقلل شعور.
التخيلات اللى بتجيلى أذيى بيها نفسي مرعبة المشكلة انى حاسة لو عملت كدة هرتاح.
زى انى امسك سكينة وبسنها اضغط على الشريان اللى فى ايدى واسيبها تنزل دم من غير ما اعمل حاجة، أو انى ادخل السكينة جوا مكان حساس وافضل اطلعها وادخلها بغل اوى، انا بقيت بفتح مواقع إباحية واعمل عادة وادور على الحاجات اللى فيها أذى جداا وحاجات تانية كتير مش عارفة اعمل ايه واقلل شعورى ده ازاى، هو قالى اتغيرى للاحسن بس لو اذيتى شعرة منك هكرهك اكتر واكتر عشان نفسك غالية عندى، لطفه وأنه لسة بيعاملنى كويس ده بيقتلنى من جوا
لعرض السؤال في فدني اضغط هنا
السلام عليكم
انا بنت اسمي مايا عندي 17 سنه
اتعرفت علي شاب من الانترنت في شهر 10 السنه الي فاتت و متكلمناش كتير كنت كل فتره بكلمه ممكن كل شهر و في مره كلمته في شهر واحد السنه دي و عملنا العاده السريه مع بعض للاسف و كانت علاقتنا عباره عن كده و عملناها 4 مرات و بعد كده طلبنا من بعض نوقف و نبدأ صفحه جديده بس كنا بنضعف و عملنا كذا مره و اخر مره زعلنا من بعض و قالي انه مش عاوز يخسرني بسبب العاده و لازم يبقي في حدود و نقف و منعملش الكلام ده
احنا ارتبطنا في شهر 2 عشان حبينا بعض بعيد عن الكلام ده و قررنا اخر مره اننا نتوب و نرجع لربنا و نقلل المكالمات و اي كلام فيه تلميحات و الحمد لله بقالنا شهر من اخر مره اتفقنا فيها و علاقتنا كويسه
بس انا احيانا بيجيلي افكار انه ممكن لما نتجوز يبقا شايفني بشكل مش كويس او يعايرني و انا عرفته انا بفكر في ايه و قلت له انا خايفه لما نتجوز تعايرني بأي حاجه عملناها قبل كده او ابقا قليله في نظرك قالي اوعي تفكري في حاجه زي كده عمري ما اعايرك ولا اي حاجه من الكلام ده و انا شايفك محترمه و لو شايفك وحشه مكنتش هكلمك و كنت هعملك بلوك
المهم انا بقيت احس بالذنب اني بكلمه من ورا اهلي و كده فقولتله و هو حتي لاحظ اني بقلل كلام خالص و بكلمه شويه قبل ما انام و مبقيناش نتكلم صوت بقالنا اسبوع فقالي انتي عايزه تعملي اي و اعملهولك المهم تبقي مرتاحه ف قولتله نقلل المكالمات و الكلام و نبقا زي الصحاب قالي ماشي ياحبيبتي انا معاكي في اي حاجه المهم تبقي مرتاحه و متزعليش قولتله انا مش حابه ابقي بعمل حاجه غلط
قالي فين الغلط اللي عملناه احنا مبقيناش نعمل حاجه غلط الحمدلله و خلاص بقينا نتكلم عادي و عرفته اني بقيت ملتزمه بالصلاه و صلحت علاقتي بربنا و مش حابه اعمل اي حاجه غلط خالص و قالي انه مبسوط جدا بيا و قالي ربنا يثبتك يا حبيبتي و بنتكلم قليل و متكلمناش صوت و بقيت حاطه حدود و متفق معايا هيتقدم لي امتي و هنتخطب امتي و بيتنا فين و كل حاجه بس انا ساعات بيجيلي احساس ان غلط اني بكلمه من ورا اهلي و دي علاقه محرمه بس انا بحبه اوي بس حاسه اني بين نارين مش عارفه اكمل معاه لحد ما يتقدملي ولا ابعد عنه عشان اهلي حد يساعدني انا مليش اخوات كبار احكيلهم اعتبروني اختكم الصغيره و شكرا.
لعرض السؤال في فدني اضغط هنا
الشخص اللي بحبه ديما عندي احساس من ناحيته انه مش بيقدر وجودي جمبه او مجهودي عشانه لما بيحصل معاه مشكله ويبقي زعلان او مضايق بفضل جمبه بالساعات بعمله كل حاجه اقدر عليها تخليه مبسوط في الاخر مش بيحسسني انه اتحسن او مثلاً مش بيقولي كلمه تقدير زي ربنا يخليكي ليا او كفايه وجودك واوقات وسط زعله لما يقول حاجه زعلتني وبزعل يقولي انا بس كان نفسي تبقي معايا وتخففي عني
ساعتها بحس ان كل مجهودي بقي تراب واني معملتش حاجه لما بزعل شويه بيقعد يقولي انتي بتسبيني انتي بتبعدي عني بتسبيني لوحدي مع ان مش بيعدي ساعتين زعل واتكلمت معاه في كده وقالي أنا بقدر وانتي محدش بيستحملني غيرك ويرجع تاني لنفس الموضوع
هو مكرس الفتره دي من حياته عشان يشتغل ويجمع فلوس لينا ديما يقولي انا مش بعمل حاجه بحبها انا مش زيي زي اي حد في سني انا بضيع الوقت اللي المفروض اعمل فيه اللي بحبه وده كمان بيزعلني
وديما شايف اللي ناقصه واللي مش معاه ولما بزعل من كده بيقولي انتي بتسبيني وبتبعدي عني جربت نبعد كذا مره بس مقدرناش احنا الاتنين هو بيحبني مالوش اهل او صحاب او حد قريب غيري وبيطلع عينه عشان نبقي سوا
اعمل ايه واتصرف ازاي احنا دلوقتي مش بنتكلم بسبب كده كل واحد زعلان لاسبابه ومعرفش هو بيتصرف ليه كده ومين فينا اللي صح
لعرض السؤال في فدني اضغط هنا
ممكن نصيحة ومن وجهة نظركم ده ايه بالظبط
لعرض السؤال في فدني اضغط هنا
انا ٣٤ سنة متزوج وعندي طفلة وزوجتي محترمه ومش مقصره في حق البيت او البنت بس معايا انا كان فيه شوية حجات نفسي احسها منها زي انوثه او حب واتكلمت معاها كتييير وحاولت معاها كتير
لحد ف يوم عرفت واحدة مطلقة وعندها بنتين وارتبطنا ببعض بس اتوجعت منها في اول العلاقه عرفت انها كانت بتكلم واحد تاني وحلفت انها متكلموش تاني وبعدها بقينا كويسين وانا طول ال٣ سنين الي ارتبط بيها فيهم خدت قرار اني اسيبها عشان حاسس بالذنب نحيت زوجتي بس مكنتش قادر عشان اتلقت بيها وحبيتها بجد
والفتره الاخيره حسيتها متغيره معايا انا الي بديها اهتمام بزيادة وحب ومبلاقيش منها غير تجاهل او ترد كل فين وفين حسيتها امتلكتني وبقيت محبوس عندها واحساس انها ممكن تكون عرفت واحد تاني ده مموتني رغم اني مقصرتش والله معاها بس سواء كده او حتى محبتنيش من الاول انا مش مرتاح في العلاقه ومش مرتاح في بعدها وصليت ودعيت ربنا ينزع حبها من قلبي انا حبيتها بجنون بجد وهي ملقتش منها غير كل تجاهل وترد عليا بمزاجها او حتى اشحت منها الكلمه
نفسي أخرجها من دماغي وارتااااح واعيش حياة مستقره واعيش لزوجتي وبنتي عشان نفسيتي متدمره ومش عارف انام ولا اكل ولا اركز في شغلي
اعمل ايه ساعدوني بالله عليكم
لعرض السؤال في فدني اضغط هنا
انا كنت كلمت واحد ومع مرور الوقت هو حبنى وانا مشاعرى كانت مايلة بس مش اووى وهو انسان محترم وبيصلى وحنين وبيقدرنى بس مش مكمل تعليم..
انا صراحة عاوزة جوزى متدين وحافظ القران وهو مش متدين..
كمان حابة بردو ليكون لى استايل وكدا ورومانسى بس خايفة ميكنش رومانسى انا مش عارفة هو كدا ولا لا لان صراحة عمره ما اتعدى حدوده معايا فى الكلام وهو كلم بابا وقاله انه عاوزنى ومش هيقدر يعيش من غيرى..
وبابا قاله لما اخلص تالته ثانوي
اعمل اى انصحونى..
وخايفة ميكنش شكله زى اللى فى الصور
ومع ذلك بحن ليه اوووى
لعرض السؤال في فدني اضغط هنا
انا بمر بحاله من الانهيار العصبي فقد الإدراك تماما بكل شيء حرفيا مش شايف ولا سامع ولا مدرك لأبسط الاشياء حتي في شغلي مش قادر اركز مش عارف هو ممكن حد يكون بيحب حد لدرجه انه ليقدمه علي نفسه ومستعد يضحي بنفسه عشان بس حبها لدرجه انه مستعد يعمل اي حاجه عشان ينجح العلاقه
وفي نفس الوقت الانسانه دي تإذيه نفسيا المشكله اني مش عارف اكرهها بالرغم من أنها تعبت نفسيتي ودائما بلتمس ليها العذر زعلان منها ومضايق جدا بس في نفس الوقت بحبها جدا وهي حاليا مخطوبه وانا بعدت عنها خالص عشان حرام اكلمها وهي خلاص مش نصيبي
بس سؤالي للبنات لاني مش عارف بيفكروا ازاي ليه البنت لما تكون مخطوبه تفضل تتنمر على انسان تاني ماذتهاش بالعكس كنت بقولها كلام كويس ومشاعري ليها كانت صادقه جدا ليه تعاريني بفقري وكمان تقولي وعاقبتك على كلامك مع اني كنت عاوز اكون سند ليها
انا حرفيا مش مصدق انا حاسس بذل كبير جدا ونفسي اموت من كتر التعب اللي انا فيه مش قادر أستحمل وكمان اكتر ناس حبيتهم هما اللي يعملوا فيه كده لاخر لحظه كنت عاوز احافظ علي علاقتنا يشتكي لخالتي أن بنتها بتضايقني وبدل ما تقول لبنتها عيب بتشجعها انها تاذيني طب ليه انا هتجنن انا مش عارف اشرح اللي جوايا بس فأين الرحمه بين الناس ليه الناس بتشوفني ضعيف مع اني لو اتحولت والله هيكون الموضوع مختلف لأقصى درجه
لعرض السؤال في فدني اضغط هنا
حبيت وحده من ٤سنين ومقولتلهاش بعد سنتين كنت جبت اخري وكلمتها وقولتلها اني بحبها بس رفضت ولما حاولت تاني قالت لاخوها وعدا سنتين تاني بس مش عارف اشيلها من دماغي اعمل ايه
لعرض السؤال في فدني اضغط هنا
بنتى جاءت واخبرتنى عن شاب وقالت هو معجب بها وهو يكبرها بعام واحد فى سنتها الدراسية ويعمل معه. فى البداية من فترة اخبرتنى انها لا تريده وتريد إنهاء الكلام معه ومنذ ايام تكلمت معها وجدتها موقفها اختلف اصبحت تبادله نفس الشعور وتبريرها طلع محترم وعنده اخلاق ومتربى مش زى الشبان دلوقتى
المهم مشكلته الوحيده انه لازم ينتظر عام حتى يكون نفسه او ينهى دراسته او خاله مات ووالدته رفضت اى ارتباط فى هذه الفترة كل هذه الاسباب عنده شقة فى بيت مع اخوه وده مبدا ارفضه
الحكاية كلها مش مريحانى اطلاقا حاسة انه بيتسلى بيها من موقفها اللى اتغير فى فترة صغيرة وده مخوفنى عليها وطبعا شديت معاها وقلت لباباها وكلمها وقالت حنهى الموضوع بس بتتكلم فيه كتير اوى ومقتنعة بيه جدا وانا مش مريحنى خالص
اعمل ايه
لعرض السؤال في فدني اضغط هنا
دلوقتى انا في حيره جامده جدا ومش عارف اخد قرار
انا اتعرفت على بنت من فتره هي من محافظه تانيه ويعتبر عرفنا اهلنا مبدأيآ
جت وقت الجد وفي كلام كتير كانت قايله عليه طلع كدب
زي مثلا أنها كانت قايله أنها من منطقه وطلعت ساكنه في حته شعبيه جدا ومش شعبيه ال هو حته عاديه لا حته زباله ومنطقه مشهوره بالعيال البرشمجيه
وخدت وقت أفكر وبعدين قلت كدا كدا انت ال هتاخدها تسكن عندك مش انت ال هتروح عندها
وعديت الموضوع مع العلم انها بتشغل دماغها كويس جدا في أنها تحكي اي وتداري اي وانا يعتبر فاهم ال هي بتعمله بس بطنش
المهم بدأت أسأل شويه عن المكان وبعض الحاجات وهي بدأت تحكي اكتر أن بنت خالتها تعرف عيل من العيال ال بتقف على الناصيه ويعتبر مدمر سمعتها ومعرف المنطقه كلها أنها بتمشي معاه وكدا والمصيبه أن بنت خالتها فرحانه
انا عملت مشكله على الموضوع دا وهي قالت إنها متقدرش تحكم بنت خالتها ومتقدرش تعمل حاجه (مع العلم كلهم ساكنيين مع بعض يعني السمعه تجيب الكل )
وقالت إنها مستنيه نلبس الدبل وساعتها لو بنت خالتها فضلت كدا هي مستعده تبعد عنها والكلام دا
المهم انا معدتش الموضوع وفضل ف دماغي
بعدها بفتره اكتشفت من طرق ليا إن في زي الرجاله ال هما بيبقو زى كبار الشارع وكدا ال هو برشمجيه بس كبار في السن شويه يعني
ليهم كلام مع خالتها وكدا ولما سألت قالت إن دي معارف عادي وعشان يخلو بالهم من المحل بتاعهم وفي نفس الوقت لما بيحصل خناقه ول حاجه بيقفو معاهم وكدا
انا بقا دماغي راحت بعيييد
العيله كدا بنسبالي زي الزفت ومنطقه انا ادخل فيها اهلي ازاي بالمنظر دا
دا بالطريقه دي يوم ما هدخل المنطقه مليون في الميه هتعارك لان انا مستحيل اعمل نفسي مش واخد بالي من الحاصل حواليا
طب انا كدا هبقا ظلمتها ؟ خدتها بذنب هي ملهاش دعوه بيه ؟
مع العلم أن لحد دلوقتي البنت بنسبالي محترمه ف حاجات كتير وبتسمع الكلام
ولكن الحوارات حوليها كتير مش عارف اخد قرار الحقيقة
ومش عارف هل انا كدا هضر نفسي وهضر اهلي ول لا
ف ياريت حد يفدني
لعرض السؤال في فدني اضغط هنا
سلام عليكم
انا عندي ٢٢ سنة وطول عمري الحمد لله بغض البصر و عمري ما اعجبت بحد لأني عارفة ربنا فرض علينا غض البصر ليه، من الأسباب اننا منتعلقش و نفضل بعيد عن الحرام و حماية لقلبنا
و عندي صفحة علي الفيس بنشر فيها كل ما هو صدقة جارية ليا ومعنديش ولا ولد عليها نهائي ولا حتى فولو لحد اللي هو بعدًا عن وجع الدماغ وقفل لاي باب للشيطان
من سنة عملت فولو لصفحة واحد لان محتواه ديني و علمي جدا فكنت بقرأ بوستاته وبشيرها و بس كده
مش عارفة ايه اللي حصل من كام يوم و بدون اي مقدمات حسيت اني معجبة بيه (شخص بيحب ربنا، و حد كده عارف ربنا اللي انا عارفاه وبصراحة بتمني أبقى زيه)
يا دوب اعرف شكله من صورة البروفايل وانه من القاهرة بس ، انا ابتليت بالكسل ومش بصلي قيام ولا سنن ودي حاجه مكرهاني في نفسي
فاستغليت شوية المشاعر دي علشان عارفة ان دماغي تعبانه ومش هتمشي غير بكده
فبقيت بصلي قيام ليل و بصلي السنن لله اولا ثم بنية ان ربنا يجعله من نصيبي لو فيه خير
وانا طبعا مستحيل أكلمه ولا اي تلميح ولا اي حاجه
انا بكلم ربنا وبس
، وطبعا كل دعائي ده ليس بعزيز علي الله نهائي
هل ممكن دعائي يتحقق؟
يعني هو ميعرفنيش اصلا ولا عمري شافني وحتى دخلت لغيت الفولو
وانا من البحيرة
كده هيشوفني فين ف الحلم ولا اي😭
دي حاجه مستحيلة و عاوزة معجزة
فهل في قصص زي كده حصلت فعلا؟
ادعولي ربنا يجبر خاطري وخاطره علشان هو طيب جدا انا معرفهوش بس حاسه انه كده
تدبير ربنا انا شايفاه ف حياتي الحمد لله حاجه ابداع من البديع العظيم
لعرض السؤال في فدني اضغط هنا
من فترة ليست قصيرة حدثت معي مشكلة في جامعتي فاضطرت الى اللجوء إلى أحد زملائي الشباب (وانا في الاصل لا اجيد التعامل معهم او بالأحرى أتعامل بوجه خشبي) ولكن انا خرقاء بعض الشئ واذا لم تسر الامور كما هو مخطط لها اظهر على طبيعتي وهذا ما حدث بالفعل ظهرت على طبيعتي معه وظهرت منه بعض مظاهر الاعجاب بي
وللاسف انا ايضا بدأت اعجب به حتى تحول إعجابي الى حب ولكن لم نتكلم في موضوع الاعجاب من قبل فقط حللنا مشكلتي وحتى عندما نتقابل أعامله كالغريب وهو بالفعل غريب ولكن لا اعرف، اريد ان أتخلص من هذا الحب ولكن لا ادري كيف لا أدري حتى هل يجب ان اتخلص من هذا الحب ام ماذا
لعرض السؤال في فدني اضغط هنا
انا بنت عمري 16سنة بحب بن عمتي بس انا حاسة ان هو كمان بيحبني اكيف اعرف ان هو ببحبني
لعرض السؤال في فدني اضغط هنا
أنا فى الجامعه وبحب ولد بس مش عارفه دا حب ولا اعجاب ولما مش يشوفه بحس انى حزينه جدا ومفيش اى تعامل بنا خالص الى الان بس هو ساعت بيبص عليا وساعات بحس أنه مش مهتم مش عارفه احكم ولا أفهم حاجه
لعرض السؤال في فدني اضغط هنا
اتقدملي شخص واترفض في البداية بعدها هو دخل كلمني وكان بيحاول يقنعني بنفسه وقعدنا نتكلم حوالي شهر هو كان بيقول أنه بيحبني وكان بيأكدلي دا بتصرفاته فعلا المهم بعدها اتقدم مرة تانية واهلي رفضوه برضو هو بصراحة كان عنده استعداد أنه يحاول تاني علشان اهلي يوافقوا بس انا موفقتش وقلت أنه أنا اللي رافضه علشان يبعد
بعدها عرفت انه خطب بعد ما سبنا بعض بحوالي تلات اسابيع هو في الفتره دي كان بيراقب الاكونت بتاعي هو بيظهر لي أنا بعرف دا بعدها حاول يبعت لي تاني بحجة أنه بيطمن عليا ولسه لحد دلوقتي بيبعت وبيراقب هل دا طبيعي طيب حب فعلا ولا مجرد فضول ؟
لعرض السؤال في فدني اضغط هنا
كنت مرتبط بفتاة من ٣ سنين كنا بنحب بعض جدا صبح وليل في وش بعض مغيبناش يوم تقريبا عمر ما كان في بينا مشكلة وتجاوزت اليومين كنا شغالين مع بعض وبنحضر ماجستير مع بعض وكل حاجه مع بعض كنت بحبها جدا ، وحوشت وجبت الشبكه وعملت اللي اقدر عليه علشانها ، ووالدي رفض للاسف ،
مشكلة نسب وحاجات كدا وهوا مرضيش حاولت معاه بكل الطرق ومفيش فايده ، فضلنا ع الحال ده 6 شهور وكنا لسا بنكلم بعض وانا كنت بحاول أقنع والدي وهي كانت بتقولي لو جالي حد هوافق وكنت بقول ع الله لأن مش بايدي حاجه اعملها ومعملتهاش ، المهم جينا فشهر 1 اللي فات فاجئتني انها بتقولي جالي حد ووافقت وخطوبتي الاسبوع الجاي رغم أن كنا بنتكلم عادي بس مكانتش قايلالي غير لما الموضوع تم ،
الفكرة انها معايا في مكان العمل ومعرض كل يوم اشوفها ، عدي شهرين ع الكلام ده ، هيا وحشتني اوي اوي وحشني نخطف يوم من ايامنا سوا أو ضحكتها أو صوتها أو ريحتها جنبي وحشانى بشكل لا يصدق ، يمكن والدي كان سبب من اسباب فراقنا لكن اولا واخيرا هيا مش نصيبي ومن باب من تعلق بشئ عذب به فانا في قمة عذابي حاليا ،
عاوز اعرف اعمل اي كل ما يشوفها بكتئب كل شويه الفون الاقي حاجه نطالي ليها من حاجاتنا الكتير اوي اللي كانت بينا ومسحت معظمها ، مش عارف اقاوم فكرة انها مش بتاعتي وبتاعت حد غيري مش قادر احس أن هي مش ليا هيا وحشانى اوي ومش بايدي حاجه لأنها حاليا بتاعت راجل تاني وانا لو مكانه اكيد مش هحب حاجه زي دي تحصل
انا عملتها بلوك من كل حاجه ومسحت أرقامها لكن برضو مش عارف أتجاوز ، فكرت اخش في علاقات تانيه لكن حرام ومش قادر ارتبط من الاول ولا اعمل الشغل ده ، وتعبت وارهقت نفسيا جداااا
لعرض السؤال في فدني اضغط هنا
انا بحب واحده ومش عارف هي بتحبني ولا لا
انا خايف أسألها يحصل مشاكل وهي محترمه
وانا الحمدلله من المتفوقين خايف يبقى شكلي وحش قدامها انا في تانيه اعدادي وهي في اولي اعدادي
انا مكنش في دماغي الحب والكلام دا بس دي مشاعر
انا مستني منكم الافاده🙂
لعرض السؤال في فدني اضغط هنا
انا مخطوبه لابن خالي بقالي 3 سنين ومن اول يوم جه اعترف ليا بحبه وانا مش حاسه بأي حاجه ناحيته ولكن اهلي ضغطوا عليا نفسيا إنه شاب محترم وكويس وبيحبك جدا وهو فعلا بيحبني اوي واتخطبنا وهو بيقدم لي كل حاجه حلوه وانا مشكلتي كلها اني مش حاسه بأي شعور حب من ناحيه كل شعور شعور تعود واخوه وبس
وزي ما قلت هو ابن خالي، ماما طبعا بتحبه جدا ومش عارفه اصارح ماما بالموضوع ده ولا لا وهل اسيبه ولا اكمل معاه وبالعشرة هحبه
زائد اني عندي رهاب اجتماعي لأبعد الحدود هو اللي خلاني محكيش لأمي ولا اعترف له اني مش ببادله نفس شعور
ده غير ان العيله كلها بتمجد فيه وفي انجازاته يعني لو رحت بلغت اي حد اني مش ببادله نفس الشعور ممكن تحصل كارثة واحنا اصلا عيله محفظه
لعرض السؤال في فدني اضغط هنا
السلام عليكم
انا واحد عنده 15 سنة حاليا في اولي ثانوي، اتعرفت علي بنت في اوائل دخولي لتالته اعدادي بس مش بطريقه مباشرة أنا كان عندي حساب على التيك توك وكنا في فترة ترند اللي بتحط عليه علم مصر كاصورة بروفايل و بعدين كل اللي بيعمل كده بيتابع التاني
انا لما عملت كدة حسابي وصل من 40 متابع لحد 1500 المهم اني عرفت ان الحاجه دي مبتعملهاش غير البنات انا مكنتش اعرف كده في الاول، اللي خلاني اعرف كده لقيت ان البنات بس اللي بتابعني وهما اللي عاملين كده وبعدها اتعرفت على بنت على أساس اني بنت وقعدنا فترة نتكلم لحد ما قالت لي انها هتمسح حساب التيك توك فا احنا هنتكلم على الانستا
وانا الفترة دي ماكنش عندي انستا، نزلت البرنامج وعملت حساب باسم البنت الوهميه اللي المفروض انها بتكلم البنت اللي اتعرفت عليها بعد فترة أخدت رقمها وبقينا نتكلم واتس
الصراحه انا حبيت البنت دي جدا وكانت اغلي حاجه في حياتي ولما كانت بتحكي لي عن ولد هي حبيته كنت بضايق جدا بس بحاول مابينش علشان هي عارفه شخصيه البنت
بعد فترة قررت اني اقولها الحقيقه واني ولد وعرفتها اني بحبها ومش عايز اخسرك وده اللي كان مخليني خايف اقولك من الاول، اتأسفت لها وسامحتني و وعدتها اني هروح اتقدم لها بعد اما اخلص ثانوي بعد شويه بس من بعدها كل حاجه اتغيرت
بعد ما كنا بنقعد مع بعض بالساعات ونقعد نضحك مع بعض كل حاجه اتغيرت ولا بقينا نضحك ولا بقى في اي حاجه حسيت انها اتغيرت او مش متقبلاني من الاخر فقررت اني امسح الحساب اللي كان السبب اننا نتعرف ومش عارف اذا كان اخر قرار ده صح ولا غلط
لعرض السؤال في فدني اضغط هنا
في حاله اني حبيت حد و اقتنعت بيه جدا و اكتشفت أنه بيقولي أن باباه كان اتسجن سنه ايام الإخوان لان هو كان ملتزم دينيا و كده مع العلم أنه إنسان مش ملتزم و مش شكل باباه نهائي المفروض اعمل ايه اوافق عشان انا بحبه و مقتنعه بيه و هو ملوش ذنب ولا ارفض عشان مش مضطره اخلي جد ولادي كده انا بجد مش عارفه افكر
لعرض السؤال في فدني اضغط هنا
انا حببت شخص وهو يقول لي لم يكون عندي نيه جواز وكل ما ابعد يحاول يرجعني ثاني ليه
هل هوه يحبني ام لا
لعرض السؤال في فدني اضغط هنا
انا بنت وكنت بحب شاب حب قوي اوييي وارتبطنا بس حصل كذا حاجه وهو رجع لحبيبته القديمه وانا اتأذيت اوي بس هو مكنش يقصد لانه هو كمان كان مأذي من البنت ديه وكان بيحبها اوي فرجعلها بس فضل مابنا الاحترام وهو شخص كويس جدا ومعملش حاجه تدايقني أو تجرحني قبل كده وموضوع رجوعه لحبيبته ده مكنش يقصد يجرحني بيه
المهم أن انا بعدت شويه عنه وبعديها بفتره ارتبطت بشاب تاني هو كويس جدا ومحترم وبيحبني اوي وبيخاف عليا وبيعمل كل حاجه عشان يرضيني وأنا بردو حبيته بس بعد ما ارتبطنا بشهر رجع الشاب الي كنت بحبه ف الاول وقالي أنه ساب حبيبته القديمه تاني وأنه خلاص مش عايزها تاني ف حياته وقد ايه هو ندم على خسارتي واكتشف أن هو بيحبني انا بس كان متعلق بيها هي وان وجودي ف حياته فرق اوي وهو نفسه نرجع وهيصوني ومش هيخسرني تاني وللعلم هو مكنش لسه عرف أن انا ارتبط بشاب جديد..
بس انا لما عرفته قالي خلاص أنا آسف ومستعد اخرج من حياتك خالص وربنا يخليكوا لبعض ويحافظ عليكي.. المشكله أن انا لما كلمني حسيت بانبساط وان لسه جوايا مشاعر ناحيته وخايفه اوي اكون لسه بحبه واظلم معايا الشاب التاني ومش عارفه اخد قرار ايه..
خايفه اكمل مع الشاب الجديد واطلع ف الاخر بحب اهتمامه بس ولسه بحب الشاب الاول واءذيه معايا جامد اوي وهو ملهوش ذنب و ف نفس الوقت خايفه ارجع لحبيبي القديم ويطلع متغيرش بجد ويأذيني تاني فأنا بجد مش عارفه احدد مشاعري واخد القرار الصح ومحتاجه مساعده وحد يدلني اعمل ايه✨
لعرض السؤال في فدني اضغط هنا
السلام عليكم
ارتبطت بشخص من سنين كتير ولظروف عائليه سبنا بعض وكله فتره بنرجع نتكلم ونرجع تاني نسيب بعض ظروفنا الشخصيه اتغيرت خالص وكل حد بقn مع ناس تانيه والحياه Hخدت كل واحد منا ف سكه مختلفه لكننا برغم من كدا كل فتره بنرجع نتكلم ونسيب بعض تاني اخر مره انا قررت اقفل الحكايه وابعد خالص لكني عندى شعور كبير انى اتواصل تاني وخايفه من عواقب كدا لكن احتاج جدا للتواصل معاه اعمل ايه ارجو الافاده
لعرض السؤال في فدني اضغط هنا
مساء الخير
انا مشكلتي ان كنت مرتبطه بواحد فتره كبيره مش قليله للأسف حصل تجاوزات في شات وكدا وبس ومدركه تماما ان دا غلط انا كبيره كفايه بس كنت بحبه وانا تبت لربنا بجد ومش محتاجه ان حد يعنفني الموضوع دا لان انا شخصيتي اصلا بتاذي نفسها وبعنفني كدا كدا في كل ثانيه المهم في يوم اهلي اكتشفوا دا وشافو الشات طبعا انا اضربت وسمعت كلام صعب ومن ضمنهم ان ازاي انتي واحده كبيره ومركز وتعملي كدا
اتقالي كتير المهم فوني اتسحب مني شهر بسبب شغلي وحاجات كتير طبعا بقيت باخده اوقات معينه ومش عليه باسورد دخلت في الشهر التاني بقيت باخد الفون اغلب اليوم بس بليل وقت النوم يتاخد مني انا بقيت حاسه ان نفسيا من الضغط بسبب كتير ومن ضمنه القصه تعبت دا غير ان فكرت كتير ان انتحر لان مفيش حاجه بتتحل لدرجه ان بدعي بقيت بحس ان مفيش حاجه بتتغير كل اللي حواليا بيقولوا فتره وتعدي
بس انا فعلا تعبانه بسبب كتير وهما بيضغطوا عليا حتى فوني بيتسحب مني انا عايزه اعرف هي حياتي كدا خلاص اخدت لون اسود ومش هيلون تاني وانسا كل حاجه حلوه ولا اعمل ايه انا فعلا بقيت حاسه ان مش بحس بمشاعر سعاده كل حاجه عندي واحد واخده لون واحد وهو حزن عايزه اطمن ان كل حاجه يمكن في يوم هتتحل ولا مستحيل وفوق دا كله هو باعني وعايش حياته انا اللي بحاسب على كل حاجه مع ان و الله نيتي كانت كويسه عمري ما كنت وحشه انا غلطت بس ان اشيل كل دا لوحدي كتير اوي اوي والله
لعرض السؤال في فدني اضغط هنا
حد يقولى اعمل إيه أنا في صراع ارجوكم
بنت عندي ٢٠ سنة في جامعة تربية وحبيت ابن عمي ارتبطنا تلت سنين ودي غلطة سودة ف حياتي وندمانه ندمانه وااله
المهم دبلوم تجارة ومش ببشتغل وبصراحة هو مش لاقى شغل او مدورش مش حاول وبعدين هو حاليا ف الجيش وأنا بيتقدملى عرسان وهو لما لقى كد اتقدملى وبابا رافض تماما حد قريبي اصلا ورافض إنه ميكنش معاه مؤهل تعليمي ورافض رفض تماما
مفييش نقاش المهم هو كل ما حد يتقدملى بيقولي ارفضي ومش هسيبك وهآخدك واصبري لما اخلص جيش بس وانتى لو سبتيني هتدمريني أنا بحبك ومش هعرف اشوفك مع حد تانى أنا بحبك أنا أنا أنا انتي هتبعدي عني وتسمعي كلام ابوكي أنا هضيع مش هسامحك هتعيشيني ف حالة وحشة مبقدرش ابعد
دلوقت بقا أنا اعمل اي اسمع كلام مين بابا طيب هو صح فعلا طب لو سمعت كلامه حد اتعلق بيا هظلمه لي خايفه اوي خايفه يحصلو حاجه اصلا بسببي نا مش عارفه اعمل اي والله مش بنام
لعرض السؤال في فدني اضغط هنا
السلام عليكم يا جماعة الخير
انا شخص خاطب و أكلم خطيبتي يومياً و كلمتها في الليل مرة متأخرا فعلم ابوها فغضب بشده
ثم هدأ بعد عدة أيام فلما هدأ قلت لخطيبتي لن نتكلم ليلا و لكننا رجعنا نتكلم ليلا فحدث موقفاً بعد فترة اخري فقلت اعاهد الله أنني لن اكلمها ليلا و ازعم انني وفيت بالعهد و الله اعلم مني و منكم و بقيت علي ذلك شهرا كاملا حتي بدأت خطيبتي تتململ جدا خاصة و ان دراستها بدأت و انا في العمل و لم نعد قادرين علي التواصل اكثر من عدة دقائق يوميا بالنسبة لي هذا شىء طبيعي اما هي ف غاضبة فهل هناك مخرج من العهد او ان هناك حل للمشكله اصلا
لعرض السؤال في فدني اضغط هنا
الموضوع غريب شوية....
بإختصار عرفت بنت من فترة وحبيتها جدا وهي حبيتي ومكنش فيه اي تجاوزات بينا نهائى عشان متبقاش سبب اننا نبعد عن بعض حتى مشاعرنا مكناش بنعترف بيها لبعض المهم طلبت منها أتقدم لها كتير واكلم باباها بس كان باقي ايام على مركز التدريب قالت ادخل وأطلع أتقدم على طول دخلت وطلعت لقيتها اتخطبت بالغصب ودايما بتعيط وجالها اكتئاب وبتروح لدكاترة نفسيين كتير المشكلة أهلها مش راضيين يفهموها نهائى وعندهم رأي البنت ملهوش لازم حتى اللى مخطوباله نفس الموضوع مش فارق معاه رأيها المهم ان أهلها موافقين
دلوقتي فاضل على كتب الكتاب فترة بسيطة يعتبر أيام وهي كل يوم بتنهار أكتر والصراحة مش عايز اخسرها
هل فيه طريقة؟
لعرض السؤال في فدني اضغط هنا
انا مشكلتي اني انا حبيت حد من قرايبي علاقه حب من طرف واحد.
والمشكله ان انا بحبها بطريقه رهيبه جدا من زمان جدا وهي كانت طفله وهي رفضاني بطريقه فظيعه صدتني بطريقه وحشه جدا. لدرجه ان هي تنمرت عليا بطريقه يعني غير مباشره ومع ذلك انا متمسك بيها.
وشايفها احسن حاجه في الحياه في الدنيا كلها وبحاول ان انا انساها بلاقي نفسي مش عارف مش عارف اركز في شغلي مش عارف اركز في دراستي مش عارف ركز في اي حاجه.
حاولت اتحايلت كثير تديني فرصه هي وامها اللي هي تبقى خالتي رفضوني بردو بطريقه من غير نقاش بيجبوها في النصيب مع انهم كانو موافقين بس مع الوقت كل يوم كنت بحس أن في تراجع في العلاقه
وانا لما بتوتر برغي كتير عابت عليّ اني بكلمها وكل لحظه زهقت مني قالت انت طول اليوم بتكلمني مش استحملتني هي بتوحشني نفسي اكون معاها دايما من لهفتي عليها اتصرغت بطريقه خلتني ألغي شخصيتي عشان توافقها علي اي شيء ومتكنش مضايقه بس هي مش قدرتني
قالت انت كويس بس انا مش حاسة بيك وانا حاليا بدمر نفسي وبقيت اعمل أمور مستغربها مش انا ده
بدعي ربنا تكون من نصيبي وتحبني لما بقولها كده بتضايق اوي وقالت ليه انت موقف حالي الحب ده ذلني اوي انا لما كنت بشوفها مضايقه كنت بتجنن عشانها ولما كانت تبتسم كنت بحس برضا وفرحه كبيره هي اول حب ومش عاوز اتجوز غيرها
هي فيها عيوب وانا فيه عيوب بس ده طبيعي احنا بشر بس انا قولتلها هتغير عشانك عشان متشابه ونكون مع بعض
مسحت رقمها عشان انساها مفيش فايده نفسي اعرف هي عاوزه ايه بس وانا مستعد اموت عشانها هي طيبه جدا جدا وبثق فيها جدا وهي تستاهل العذاب اللي انا عايشه بس فكره البعد ده بتخليني في انهيار
اصعب حاجه انك تكون عارف الصح والغلط وعارف المفروض تعمل ايه ومش قادر تدوس علي قلبك في مره بقولها بحبك قالت معلش بكره تنسى مش باكل من الكلام ده مع اني مش عملت حاجه تزعلها عشان انا انطوائي منعزل مع اني بتغير قولتلها اديني سنه وهتغير وحاليا كل يوم يتقابل حد في بيتهم.
انا عايش حاله تعب في قلبي وجع حاسس اني هموت وكل تفكيري اني اكلمها وبمنع نفسي نفسي اروح لها الشغل عارف انها هتشتمني
لعرض السؤال في فدني اضغط هنا
بحب ولد وقالي انه هيتقدملي بعد سنتين مجرد مايخلص الجامعه ماما عارفه بيه لكن بابا لا هو متعلق بيا لدرجة تخوف ومش راضي يسيبني هل كدا فيها حرمانيه اني اقعد سنتين بكلمه من غير علم بابا وهو خايف يفاتح بابايه لان باباه حالف عليه مش هيتقدم غير وهو مخلص جيش هو قالي هيفاتح بابايه من ورا ابوه حتي يقرا فاتحه لغايه سنتين اهو يبقي حجزني بس خايف لبابا يرفض ويبعدنا عن بعض انا بدأت اتعلق بيه بس خايفه احبه ليكون مش من نصيبي وعشان خايفه ليكون حرام
لعرض السؤال في فدني اضغط هنا
في واحدة شفتها وحسيت حرفيا بانجذاب من اول نظرة وبراحة نفسية لما بشوف وشها وملامحها. هي كانت معرفة امي الله يرحمها (بس مش نفس سنها اكيد هي لسه شابة برده).
انا عارف انها اكبر مني بكام سنة (يمكن خمس سنين) وانها عندها بنت. وعرفت بالصدفة انها منفصلة بس هي غالبا فاكرة اني معرفش النقطة دي.
عايز افاتحها معرفش ازاي. انا مليش كلام معاها الا لما بشوفها بالصدفة لما اروح المكان اللي كان بيجمعها بأمي.
لعرض السؤال في فدني اضغط هنا
انا مخطوبة من 10 شهور وهتجوز في شهر 4 ان شاء ﷲ
انا بحب خطيبي جدًا وهو بيحبني جدًا وهو شخص محترم معايا ومع أهلي وبار بأهله والحمد للّٰه هو بالنسبالي أحسن من أي حد
بس انا بقالي فترة بقيت بواجه مشڪلة صعبة جدًا، وهي ان هو في تصرفات بيعملها التصرفات دي بتضايقني جدًا بس عاتبته فيها ڪتير اوي اوي اوي لدرجة ان انا تعبت ومبقاش عندي طاقة للمحاولة:
يعني مثلا (بيڪون هو اللي غلطان وانا بعاتبه فَـبيقوم هو اللي زعلان واتعود ان انا اللي اراضيه واقوله خلاص حصل خير ربنا يهدينا لبعض وعشان خاطري متعملش ڪده تاني.. يقولي حاضر انا اسف حقك عليا ويرجع يڪرر نفس التصرفات تاني) بيقفل معايا وانا مضايقة منه وبيسيبني انام وانا زعلانة مع ان وﷲ وﷲ بيڪون هو اللي صدر منه حاجة زعلتني
بعاتبه و100 مرة اقوله لو عملت ڪده تاني مش هعاتبك ومش ومش ومش... الخ يقولي خلاص حقك عليا وأسف وبرده يرجع يڪرر نفس التصرفات واعاتبه وبقينا في الدوامة دي
اوقات ڪتير ببقي زعلانة وميسألنيش مالك يعني امبارح بعاتبه في الحتة دي راح قايلي ما انا معرفش انتي زعلانة ليه ولا اعرف حاجة والواحد كفاية المشاكل اللي عنده ومش عارف ايه، قولتله طيب كل واحد عنده مشاكل ف حياته بس ده مش مبرر انك تبقي شايف ان انا مش كويسة ومتسألنيش مالك حتي.. قالي تمام ماشي
يعني انا بعاتبه عشان يرد عليا الرد ده! قمت قايلاله انا وﷲ غلطانة ان انا كل مرة بعاتبك انا اسفة اني بعاتبك في حاجة وكنا بنتعاتب وبعتله يجي 5 ريكوردات بكلمه فيهم وبعاتبه وبشرحله وعاوزاه يتكلم معايا ويتعاتب ويطفي النار اللي جوايا..
حرفيا ولا ڪأنه سمع الريكوردات
رنيتله قولتله انت سمعت التسجيلات قالي اه قولتله مرديتش ليه قالي يعني عاوزاني ارد اقولك ايه.. قولتله وﷲ طيب تمام انا بعد كده مش هعاتبك في حاجه طالاما سمعت ومرديتش يبقي كلامي مالهوش لازمة.. مردش برده ولا كاني بتكلم (بيفضل ساكت وانا ببقي جوايا نار وبتخنق اووووي اكتر ما انا مخنوقة) قولتله يابني رد انا وﷲ ما عاوزة اتصرف تصرفات تانية بيقولي كل مرة تقولي مش عاوزة اتصرف تصرفات تانية هتعملي ايه يعني
قولتله هعمل كتير، هعمل زي ما انت بتعمل، هسيبك تتكلم ومش هرد عليك.. هسيبك زعلان.. هتبقي مخنوق ومش هسألك مالك، الخ
ساكت برده.. قولتله انت هترد ولا مش هترد يقولي وﷲ ما عارف اقوله ايه قولتله طيب تمام شكرا ليك يلا يا حبيبي قوم صلي وانا كمان قايمة اصلي قام قايلي ماشي
وبرده سابني بالنار اللي جوايا ولا كأني بتكلم
كنت برا وبعتلي يقولي روحتي ولا لسة، رديت بعدها بنص ساعة قولتله لسة قالي اوك وقام باعتلي قايلي انا هنام عشان تعبان شوية
مرديتش بس مسكت الموبايل بعدها بشوية ولسه هبعت مسدج اقوله ماشي يا حبيبِ نوم الهنا رن في نفس الوقت اللي المسدج بتوصل فيه
قالي ايه يا (ونداني بإسمي) هو في الطبيعي مش بيناديني بإسمي بيناديني بإسم الدلع عادي
فلما ناداني بإسمي استغربت.. يعني عامل فيا كل ده وهو اللي زعلان!
المهم قالي انتي فين قولتله لسه برا قالي تمام انا بطمن قولتله ماشي ومتكلمتش، مستنياه يطفي النار اللي جوايا ولا يتكلم في اي او اي حاجة كده
قام قايلي تمام يلا انا هنام انا سلام قولتله تمام سلام
الكلام ده من امبارح س9 بالليل ولحد الوقتي معبرنيش بمسدج حتي
هو في الطبيعي بيرنلي الصبح وهو رايح الشغل وبيبعت استيكرز يصبح عليا ولو انا مسمعتش الموبايل بيبعت يقولي لما تصحي طمنيني ومش عارف ايه وكده
ده ابسط مثال من الحاجات اللي بتحصل وبتتكرر
انا اخر مرة اخدت موقف بس مطولتش فيه ورجعت معاه على طبيعتي.. ودايما يلومني على اقل رد فعل وميجبش سيرة الفعل اللي هو عمله
بس المرة دي لما لقيت الموضوع بقي كده انا دماغي هتنفجر م التفكير ومعنتش عارفة أتصرف
لعرض السؤال في فدني اضغط هنا
لعرض جميع الاسئلة في فدني اضغط هنا