كنت اروح عند طبيب اسنان و صراحة أعجبت بيه و حتى هو كان موضح اعجابو لكن بدون كلام في رمضان راح دار عمرة بعد ما رجع رجعت انا حتى اخذ موعد لضرسي اعطاني يوم قلت له ما اقدر في هذاك اليوم قال معليش تقدري تخدمها في جهة أخرى صراحة حسيت بكرامتي نزلت غاضتني كثيرا كأنو طردني
بعد العمرة تغير كثيرا كانو ندم انو وضح اعجابو وش رايكم
لعرض السؤال في فدني اضغط هنا
انا بحب بنت اخدنا فترة نتكلم هيا اخدت قرار انها تبعد علشان تحافظ على نفسها خايفة من أهلها وانو دا حرام انا تقبلت الفكرة لانه دا صح بس انا لسة ظروفي مش تسمح أتقدم ليها غير كدا اهلي رافضين لأنها اقل مني في النسب رغم أنها مؤدبة ومحترمة جداا أهلها ناس كويسين بس النسب اقل دا بالنسبة ليا انا عادي جدا إن أكرمكم عند الله أتقاكم
من فترة سمعت انو ابن عمها متقدم ليها هيا على علم بالموضوع بس مش قالت ليا بحجة انه عادي ياما أتقدم ناس انا كدا كدا لسة بدرس مش هاتجوز دلوقتي
سألتها لو عايزة ابن عمك خلاص انا ابعد احافظ على نفسي قالت شوفتني قمت اتخطبت ليه
سألتها يعني هاتستني اكون نفسي وأتقدم ليكي قالت إن شاء الله هاستني بس شد شوية بقيت بعمل فوق طاقتي وزيادة انا لسة بدرس في آخر ترم في الكلية احتمال يكون عندي جيش
مش عارف اقنع اهلي ازاي دا اولا
ثانيا خايف من فكرة النصيب قووووي اني اتوجع انها بقيت لغيري انا اتمنى ليها كل خير والله هيا بنت عسولة تستاهل كل خير بس خايف اتوجع قوووي متى اقبل اني اخد وحدة تانية عايز حل اتقبل دا ازاي لو حصل
اهلي رافضين للشخص كمان اني لسة صغير قدامي العمر اكون نفسي اختار حد احسن لكن انا بحبها غير الحب هيا فيها صفات كتير كويس فيها عيوب اكيد بس مقدور عليهم
انا وهيا مش بنتكلم بطلنا كلام بس بحن ليها قوووي بتوحشها خالص بزعل انه في ايدها تسأل عني تتطمن عليا تديني كلام يحفزني اني اكون معاها بس مش بتعمل كدا استخرت ربنا اكتر مش مرة مش حاسس بحاجة معرفش اعمل ايه
لعرض السؤال في فدني اضغط هنا
لو في شخص اتقدم ليا بس عنده عيوب زي مستوى مادي أقل، بيت عيلة وأنا رافضة بيت العيلة وعايزة بيت منفصل عشان الخصوصية، لسه في سنة اولى كلية وأنا هتخرج السنة دي إن شاء الله رغم إن سنه قدي بس بسبب ظروف عنده تأخر ولسه في سنة اولى
بس هو في توافق فكري ما بينا شخص طيب جدا وخلوق ومتدين وبيحبني
بس عشان الحاجات دي مامتي قالتلي مش مناسب وقولتله كل شيء قسمة ونصيب بس انا حزينة عليه جدا وخايفة اكون ظلمته وصعبان عليا جدا
وشخص كان متقدم ليا قبل الشخص ده معرفهوش قبل كده، في توافق في المستوى المادي والفكري وكل حاجة بس بعد الرؤية الشرعية الأولى والدته قالت إن احنا مش من مستواهم الإجتماعي وحكمت علينا إننا بتوع مشاكل والكلام ده وصلنا من طرف الي جاب الناس دي لينا مش منهم هما مباشرةً
وموضوع انتهى على كده، جم كلمونا دلوقتي وبيعتذروا وبيقولوا اصل احنا بعد الرؤية الشرعية معرفناش نكلمكم عشان الوالد كان تعبان جدا والولد سافر برا عشان شغله واحنا اسفة ومتمسكين بيكم وعايزين نرجع الموضوع تاني
فأحنا وافقنا
دلوقتي هل انا موقفي صح؟ ولا انا ظلمت الشخص الاولاني معايا؟ عشان عندي احساس رهيب بالحزن والزعل ناحية اول شخص خصوصا إن حسيته بيحبني بجد وعايزني بس كل حاجة بالعقل بتقول مش هننفع نكون لبعض
ياريت تفيدوني بآراكم لو سمحت
لعرض السؤال في فدني اضغط هنا
انا تالته ثانوى واتعرفت على واحد سوشيال بقالى اسبوعين ومتقابلناش ولا مره وانا وهو بنحب بعض جدا وهو هيتقدملى بعد ماتخلص تالته ويكلم بابا وكل ده وبجد مش بيتخطى حدوده معايا ابدا وهو كويس بس بعيدا عن كل ده انا خايفه ربنا يعاقبنى على انى بكلمه ويضيع كل مجهودى فى تالته ومجبش مجموع
لعرض السؤال في فدني اضغط هنا
انا عندي 19 سنه معايا واحد في الكليه فضلنا نتكلم سنه كامله كل يوم كلام بقي عن جامعه وشغله وهزار وضحك جه من شهر قالي بحبك قولتلو خلينا صحاب احسن قالي ماشي وهو بنفس اهتمامه ده وقولت اني مش بفكر دلوقت وبعدين لو فكرت هتبقى خطوبه فتح موضوع تاني وقال هاجي بعد الجيش أو الجامعه قولت خلينا صحاب
انا عايزه أبقى معاه بس من غير ارتباط ولا مسؤوليه
وفي نفس الوقت انا مش قادره ابعد عنو خالص مديني اهتمام جدا وانا اتعلقت وفي نفس وقت مش عايزه ارتباط انتو فاهمني ؟
وكمان انا خايفه بعد كده أتوجع لاني جربت مرا وكمان هو ممكن يزهق مني وأنا مش جميله كفايه اخليه ميزهقش ولا ميبصش برا
تقريبا هو قال من هنا وانا اتعذبت من هنا علاقتنا الاول كانت حلوه اوي
انا هموت من التفكير ياريت حد يفيدني ويقولي حل فعلا
وخصوصا انو معايا في كليه وممكن يكون بيضحك عليا مش عارفه حاسه اني في دوامه
لعرض السؤال في فدني اضغط هنا
حبيت زميلتي في الجامعة وكانت أول حب في حياتي وتعلّقت بيها جدًا.
توكلت على الله كلمت والدها عرفته ظروفي وجهزت فلوس الشبكة واللهم لك الحمد ظروفي المادية مش وحشة خالص، كنت بشتغل ليل نهار، وفعلاً حاولت أعمل كل اللي أقدر عليه وضحّيت بحاجات كتير جدا جدا علشان العلاقة تنجح.
خلال الفترة دي كان في ابتزاز عاطفي وضغط نفسي كبير عليّ، ورغم إنها كانت بتقولي إنها بتحبني ومش عايزة من الدنيا غيري، بعد مشكلة بسيطة حصلت في العيد قالتلي إنها مش عايزاني وأنهت كل حاجة ومكانتش أول مرة تقولي الكلام دا.
دلوقتي أنا تعبان جدًا نفسيًا، ومش قادر أتخطى
حبيتها من كل قلبي وراعيت ربنا فيها
ولسه متعلّق بيها ومش عارف أتعامل مع إحساس الوجع ده.
لعرض السؤال في فدني اضغط هنا
احضنوا حبايبكم… وقولوا لهم إنكم بتحبوهم طول الوقت. ❤️
ما تستنوش مناسبة… وما تستنوش لحظة الندم.
في ناس كانت فاكرة إن عندها وقت تقول الكلمة دي بكرة…
لكن بكرة ماجاش.
الحضن أحيانًا بيشفي وجع…بيزود سعادة ... بيطمن من خوف ... بيحمي من قلق ...
كلمة "أنا بحبك" ممكن تطبطب على قلب حد شايل هم الدنيا.
ما تبخلوش بالمشاعر…
لأن اللي بنحبهم مش دايمًا بيبقوا موجودين.
قولوا لهم:
أنا مقدّرك…
أنا ممتن لوجودك…
أنا بحبك.
الدنيا أقصر بكتير من إننا نأجل الحب. 🤍
الرسول الله ﷺ قال :
"إذا أحبَّ أحدُكم أخاه فليُعلِمه أنه يحبّه.
وده معناه ان الإسلام بيشجع أن تُظهر محبتك للناس الصالحين من حولك، وماتخليهاش مجرد شعور في قلبك من غير ماتبوح بيه
قل له ببساطة: إني بحبك في الله.
والصحابة كان بيعملوا كدة وكان يرد عليه:
"أحبك الله الذي أحببتني فيه."
المشاعر الطيبة لما تتقال… تقوي القلوب وتصلّح العلاقات وتملى الدنيا سعادة والكلمة الطيبة أحيانا تغير نفسية وموقف إنسان بالكامل
لعرض السؤال في فدني اضغط هنا
أعتقد أن الحب في بداية الزواج أو قبله يرفع سقفا وهميا من التوقعات . يحجب المعنى الحقيقي للزواج و يغيب عنا الطرق السليمة في التعامل معه . تنتظر التعامل مع الزوج أن يكون تعامل حبيب لا كتعامل باقي البشر . فمع الخلافات تصدمنا ردود الأفعال فنغضب بشدة و يتحول الحب لكره و تشعر بالخيانة لمجرد أنه لم يتصرف كما تتوقع .
و لو فهمنا معنى الزواج بشكله الصحيح و لم نجعل الحب هو سببه الوحيد لحكمنا العقل فكان رد الفعل أهدي و تقبل الإساءة أهون .
لعرض السؤال في فدني اضغط هنا
انا بحب واحد بقالى 19 سنه وعمره ما بين اهتمام وفجأه اهتمامه ظهر دا اسمه ايه ممكن اعرف
لعرض السؤال في فدني اضغط هنا
يا جماعه انا من سنه اتعرفت على شخص وكان كويس وطيب وكل حاجه وعوضنى على كل حاجه وحشه فى حياتى والجحيم اللي انا فيه وهون عليا الحياه ولكن حاليا دلوقتي اتغير ما بقيش فارق معاه زعلىي ولا حتى دموعى ولا حتى بقى يكلمنى زي الاول خاالص وحتى ما فيش اهتمام ذى الاول عاوزه اعرف ليه رغم انى والله العظيم كويسه معاه 💔💔
لعرض السؤال في فدني اضغط هنا
يا جماعه انا متلخبط وعاوز حد يساعدنى فى بنت بفكر فيها عاطفيا ممكن كان فيه من طرف واحد ومعبرتش عنه فى أيام المراهقه ودلوقتي فى بنت ساعات بفكر فيها فانا مش عارف إذا كان حب ولا لا ولو حب اعرف ازاى اعبر عنه ازاى المح عنه وخصوصا لو قريبتى علشان لو مش موافق و يبقى مفيش زعل بين العيله
لعرض السؤال في فدني اضغط هنا
أنا كنت بحب شخص من عيلة والدتي كنا الأول صحاب و بعد كده هو اعترف لي لمده خمس سنين و احنا نعرف بعض و هو كان بيخلص كلية و كان مكلم امي علي انه هيجي يتقدم بعد ما يخلص جيش بس الي حصل عكس كده هو بدأ يبعد و اتفاجئت بعد أما خلص جيش انه خطب كمان المشكلة إن أنا كنت بحبه بجد مش عارفه اتخطى بقالي سنتين بحاول اتخطى مش عارفه الموضوع صعب وأنا حاليا في اهم فترة في حياتي الي هقدر من خلالها ابقا في كلية و اعلى مش عارفه اركز في مستقبلي لغيت كل حاجه بتجمعنا بس لسه مشغولة بيه أعمل ايه بجد
لعرض السؤال في فدني اضغط هنا
سؤالي قد يبدو مكررًا بعض الشيء في سذاجته أو ربما وضوح الجهة التي يجب عليا سلوكها، إلا أن مشاعري مضطربة، وما عدت قادرة على التفكير بعقلانية، ومن جهة أخرى لا أحد مطلقًا استطيع مشاركته مشكلتي وسؤاله ماذا أفعل لحساسية الأمر
أنا في ال 33 من العمر، أم لثلاثة أطفال، ومنفصلة منذ ما يزيد عن النصف عام تقريبا
انفصالي جاء لأسباب كثيرة ومتنوعة، ولكن كان ابرزها عدم شعوري بأني محبوبة من قبل طليقي، علاوة على العديد من الرغبات المعنوية والعاطفية الغير ملباه مما سبب لي فتنة فآثرت الابتعاد بدلا من هذا العذاب
وبعد انفصالي بفترة أظن ما يقارب الخمس شهور ظهر شبح حب وارتباط فاشل من الماضي، إلا أنه ظهر بصورة مريبة، على هيئة اسم من ضمن الأسماء التي رأت قصتي على فيسبوك
واستمر هذا الأمر بشكل متكرر، لأكثر من عشر مرات، متباعدة أو متقاربة، آخرها كان منذ دقائق بعد انقطاع طويل
ولا ادري إن كان يعلم أني استطيع معرفة من رأي قصتي من غير الأصدقاء والمتابعين أم لا
وحقيقة أنا اقف حائرة أمام ما يحدث .. خصوصا أنه متزوج، وأنا من المستحيل أن اتسبب بخراب بيت غيري ولو في سبيل حب أليم من الماضي قضى عليه الآباء ظلما وجورا
ورغم هذه العقلانية إلا أن مشاعري مضطربة بشدة، ولا استطيع التنفس
وبداخلي أسئلة عالقة من الماضي، وأسئلة متجددة، وأهمها لماذا؟
فهو إن كان يريد اتصالا جادًا أو علاقة حقيقية كان تواصل معي
ولكن هو يكتفي بالمراقبة من بعيد، فلماذا ذلك؟
هل يدرك أني أعلم وينتظر مني الخطوة الأولى والتي لن اخطوها باذن الله؟
أم ما هو الذي وراء سلوكه
أعلم بأنه أمر غير مجدي البحث عن أسئلة لا طائل من اجاباتها
ولكن لا استطيع السيطرة على هذه المشاعر القابعة بصدري من جهة، ولا احب هذا الترقب، أو هذه المراقبة، وفضولي قاتل، لا استطيع الحظر له لما لدي من فضول لمعرفة ماذا بعد، أو ما الهدف من كل هذه المراقبة
فهل أجد عند أي من حضراتكم إجابة تشفي تساؤلاتي، وتطمئن قلبي، وتهدئ هذه المشاعر المؤججة والتائهة وتساعدني على ايجاد الطريق الصواب واتخاذ القرار العقلاني
واعتذر عن الإطالة
لعرض السؤال في فدني اضغط هنا
السلام عليكم
انا شاب عمري 22 سنة كنت في قصة حب مع بنت أصغر مني بـ 3 سنين بس انتهت ان كل واحد يحافظ على نفسه الله اعلم بالنصيب هي قدرت تتخطى اني مش موجود انا مش قادر بتوحشها نفسي اكلمها واشوفها اسمع صوتها كل ثانية بفكر فيها حتى في الشغل لدرجة اني مش قادر اركز
اتجهت للأسف للعادة السرية علشان اطلع الكبت اللي جويا برضوا تعبان وزهقان من نفسي خالص اعمل ايه طيب
غير كدا لما بتخيل انها ممكن تتجوز غيري بتعب بغيير قووووي قوووي لدرجة اني بقطع اكل وشرب حاجة آخر زهق الموت اريح من دا كله
ملحوظة لسه مش جاهز للجواز عارف ان دي علاقة محرمة وكمان للأسف أهلي رافضين البنت لأنها اقل في النسب مني عايز حل ليا وحل اني اقنع اهلي بالزواج منها
لعرض السؤال في فدني اضغط هنا
أنا صغيرة في السن 18 سنه من حوالي سنتين أو تلاته حد قريبي قالي انه بيحبني بس أنا كنت برفضه بعد سنتين من الإلحاح وافقت لما كنت 17 أنا مكنتش عايزة أقرب منه هو شخص كويس كشخصية دايما حضوره بيفرق والكل بيحبه وكلامه ورأيه مهمين بس أنا كنت عارفه انه بيدخن وكمان صحابه ناس مش أحسن حاجة وكنت بحسه بتاع بنات شال كل البنات اللي عنده ومسح كل التطبيقات ووعدني ان مش هيكون في غيري أنا كنت متردده في العلاقه دي لأسباب كتير أولها إن بابا مش موافق عليه كزوج ليا جيت مره قولتله اني مش هكمل وبعدين لما كنت عندهم ومسكت تليفونه بالصدفه لقيته اتعرف علي واحدة وبيتكلموا زعلت قوي وقولت خلاص دي اشارة من ربنا عشان مدخلش الطريق ده بس رغم كدا بعد ما اتحايل عليا شويه وشوية وعود وافقت وضعفت طول السنه دي مكلمش عليا حد فعلاً وعشنا قصة حب جميله حلوه طبعاً اكتشفت في عيوب منهم انه نرجسي نوعا ما وكرامته فوق كل شيء ومن ده وبعدين عن قريب اكتشفت ان في واحدة اتكلمت معاه هو فعلاً مش كلام كتير بس اتكلم معاها وبحسه بيبص علي البنات في كل وقت مع العلم ان حصل بينا تجاوزات السنه دي نسأل الله العفو وبعدين أنا اتكسرت قوي لأني خلاص حبيته بجد وبلكته من كل حته وبعدين كلمني من عند صاحبه ولما مردتش ارجع شتمني وبعدين قالي اسف هو عصبيته وحشه وبيقول كلام وحش وقتها وبيزعل وبيرجع يعتذر بعد وقت كتير متردده قطعت معاه تماما مفيش 10.أيام ورجع يكلمني بس مش مباشر مره يطمن عليا مره مش عارف ايه وبعدين دلوقتي حاسه شويه شويه بيسحبني ليه تاني أنا بحبه بس أنا مش قادره اسامحه خصوصا انه شايف ان الموضوع بسيط وان مفيش حاجة بينهم ولا اي حاجه حاولت اسامحه وارجع عادي مش عارفة وانا متعلقه بين اسيبه وأنا بحبه وعايزاه وبين كرامتي وديني وأنا ونفسي مش هتكون مرتاحه معاه الحل ايه أنا حاولت كتير وفي حيره كبيره بقول ان كل الناس بتغلط بس أنا مش عارفه اسامح وشايفه انها حاجة كبيره اعمل ايه؟؟؟؟؟؟
لعرض السؤال في فدني اضغط هنا
خليني أسألك سؤال صريح…
إنت بتحب؟
ولا متعلق؟
في فرق كبير بينهم… بس محدش بياخد باله
الحب:
بيخليك مرتاح
مطمّن
عارف نفسك
التعلق:
بيخليك قلقان
خايف يتسابك
مستني رد… ومستني اهتمام… ومستني أي حاجة
الحب بيكبرك
التعلق بيستهلكك
ولو إنت حاسس إنك بتتعب أكتر ما بترتاح…
يبقى لازم تقف مع نفسك شوية
مش كل اللي بنحسه حب…
بعضه خوف من الوحدة بس 💔
لعرض السؤال في فدني اضغط هنا
يعني إي الحب وهل الحب حقيقه وإزاي نعرف أننا بنحب
هل هوّا حرام لمجرد ان قلبي وعقلي هما اللي بيحبوا من غير ما أعرّف الشخص اني بحبه او أتعامل معاه
وهل فعلا الراجل بيحب بمشاعر خالصه الانسانه اللي بتحبه
او اللي هوّا معجب بيها
ولا بيحبها لمجرد إشباع رغباته
دايما كنت ببحث عن الحب من أهلي
بس اكتشفت انه مش كافي وفكره اني احب حد غير عيلتي
يعني خطيبي حبي ليه وأنا مش متأكده من حبه سواء حبه حبّ لذاتي وليا كشخص أم حبه لإشباع رغباته في المستقبل
مش متقبله الفكره اني هتجوز شخص بيحبني علشان محتاجني
هل ليا الحق اسأل هل هوّا بيحبني بجد ولا ماليش
حاسه بإحساس غريب
مش عارفه أوصفه لكن اسفه لو قلت حاجه خارج حدود الحياء والأدب
بس كنت عاوزه اسأل هل ممكن اساله هل بيحبني كشخص ولا بيحبني علشان حاجه معينه
ولا ممكن يتضايق مني أنا بحبه جدا من قلبي
بس محتاجه يقدم لي نفس الحب
مش عارفه أتكلم
لعرض السؤال في فدني اضغط هنا
السلام عليكم انا قبل العيد بيومين في شخص انا مرتبطة بيه بس فجأة كدا قال إنه تعبان ومسح الواتس و عملي بلوك تيك توك لما صحابوا كلموني وفضلوا يقولوا انه مات انا مصدقتش كلامهم بعدها بيوم كدا لاقيت صاحبه بيقولي انه اتخنق ومكانش عايز يكلم حد وبتاع المهم عيط امبارح وصاحبتي كلمتني وكنت همسح انا كمان الواتس قالتلي هتكلموا معرفش قالتلوا ايه بس قالتلي انه ينزل الواتس ويكلمك المهم نزله وبعتلي وقالي حقك عليا ي نور عيني انا اسف بعدها عاتبته الكلام ده امبارح هل اسيبه ولا لا
لعرض السؤال في فدني اضغط هنا
السلام عليكم ورحمة الله وبركاته
انا بصراحه مش بثق ف حد عشان اتكلم معاه او افضفض كده بس انا بحب واحد من وانا ف الاعدادي وهو شكله أكبر من سنه وانا العكس انا شكلي اصغر من سني وبحبه بقالي ٧ سنين وهو كمان بيحبني وهو ال بدأ وطلب مني اننا نتكلم و نرتبط وطبعا ف الاول رفضت وكنت خايفه جدا كنت لسه ف الصف الثالث الاعدادي ف كنت خايفه
المهم كنا بنتخانق كتير جدا بس هو بيعرف يصالحني ويسيطر عليا المشكله انه دلوقتي احنا الاتنين عندنا ٢٠ سنه بس انا اكبر منه ب ٧ شهور وده طبعا مشكله ف التعليم هو اصغر مني بسنه ف الدراسه انا سبته كتير وجربت أبعد كتير جدا بس بحس بحنين للذكريات و بقول ازاي افرط ف حب ٧ سنين وبرجعله هو بقي انا خايفه اصلا اهلي ميوافقوش بيه وكمان هو لسه قدامه كتير بس بعيدا عن كل ده مش بيهتم بيا بقاله كتير
هو مش بيخوني وانا متاكده من ده جدا و بجد بس هو شغله كتير وكمان فاقد الشغف كده لعلاقتنا لأننا آخر مره اتفرقنا فيها كانت جامده وكانت النهايه وكل واحد حاول يبعد عن التاني ويعيش حياته بس مقدرناش ف لسه في طبعا وجع من آخر مره وكلام آخر مره وكل واحد خايف يتعلق تاني والتاني يسيبه بس انا حاولت وتجاهلت كل ده وفضلت اكلمه عادي ولا كان حاجه حصلت لكن هو مش قادر يتخطى ده وقولت له خلاص نبعد بس هو برضو بيرفض تماما لانه بيحبني جدا بجد وانا بشوف الحب ده ف عينه فعلا هو ده اللي بيطمني ويعلقني بيه و حنين الذكريات وكمان الواحد بيفضل يفكر عمره فيه كام ٧ سنين عشان يحب تاني
وهل اصلا ممكن يعرف يحب تاني ولا لا وهل لو سهل التاني هيعرف يشوف غيره وسهله من دي كتير انا دلوقتي عقلي بيقولي انه الموضوع ده مش هيكمل ولا هينفع ف امشي و التأقلم وخلاص ولكن قلبي مش قادر وحاولت كتير جدا وكل مره قلبي بيضعف فيها وبرجعله وكمان رفضت عرسان كتير جدا أهلي بدوا يشكوا وبقولهم عايزه اخلص دراستي الاول وهما معندهمش مانع لكن انا خايفه افضل أحبه ميكنش نصيبي ف الاخر خايفه معرفش انا بعده الظلم نفسي الظلم الشخص ال هيكون معايا وكمان في أفعال هو بيعملها بيخليني غصب عني أقول يارب ميكنش من نصيبي عشان افعاله وحشه فعلا يعني ممكن يفضل طول اليوم ميبعتش ولا مسدج ييجي قبل ما ينام يقول حاجه بسيطه جدا وحتي لو رديت بعد ما يبعت علطول بيكون قفل اصلا ويرد تاني يوم ممكن حد يدلني اعمل ايه
لعرض السؤال في فدني اضغط هنا
خطيبي مش بيقول كلام حلو .. بيتكلم كويس و كل حاجة لكن المكالمات بينا بتقفل رسمية جدا
و انا دايما بحس ان في حاجة ناقصة
مهما عاتبت هو بيكون فاكر ان المشكلة في الشغل
لكن ممكن تعدي فترة بينا طويلة الكلام يكون رسمي من غير كلمة حلوة و دا بيأثر عليا
آخر مرة اتكلمت معاه فيها موصلناش لحل
سكت
و اتكلمنا بعدها عادي كأن مفيش حاجة حصلت و دا مدايقني اكتر
اعمل ايه معاه انا بحبه و هو كويس
لعرض السؤال في فدني اضغط هنا
انا شخص لست اجتماعى ليس لى علاقات عاطفية يعنى بستحرمها وفى نفس الوقت معرفتش بصراحه هل بقى لما اجى أخطب واتزوج هيكون ده كويس ولا لا وخصوص العلاقة في الخطوبة
لعرض السؤال في فدني اضغط هنا
كان اذا وقف معي إشكال او سؤال في الشرع سألت شخصا على قدر من العلم ليجيني تطورت الامور تقدم لخطبتي رفضت
بعد سنتين اتكلم معه واتذكر ان هذا الفعل خاطئ فاضع بلوك وهذا على مدار سنتين
تركنا بعضنا عشرات المرات لم نكن متوافقين لكننا نعود لأننا نحب بعض
كثيرا ما قلت له ابتعد عني لا اريد لاني لم ارد عصيان الله والله دعوت الله كثيرا ان يخرجه من قلبي
لكن دخلت السكينه في الحصي فمن سيخرجها
تعلقت به يا اخوتي لم يحبني احد من قبل لم يهتم بي غيره
ولكني أشهد الله انه ما كان يكلمني الا في نفس اليوم او بعده اضع بلوك فلم يكن بيينا كلام له قناه شرعيه حفظتها كل كلمه فيها من شده تعلقي به بحثت عن قنواته السابقه اللتي هوا بذاته نسيها قرأت كل شيء فيها
كنت سندا آمنا له كان مليئا بالعيوب وأنا كنت ارممه هذا ما سولت لي نفسي
بعد كل هذا الوقت عرفت اني لم احبه هو لانه فقط من كان في حياتي تعلقت به
منذ اسبوعين كلمته وانهيت كل شيء بيينا وانا السبب لا اخفي عليكم وربما هذا ما اقنع نفسي به لكي لا القي اللوم عليه انه حنون جدا كان يحبني لاقصي الحدود طلب رقم والدي ما يقرب من ١٠ مرات وانا اماطل في الموضوع
والحقيقه
واني كلمته لانهاء هذه العلاقه للابد
لكني عجزت عن اذيته
لم يكن مناسبا لي اعرف ولا الان
لكني الي الان اتابع قناته تعبت والله تعبت ان اراقبه من بعيد افرح لفرحك واحزن لحزنه اريد نسيانه للابد 💔💔💔 قلبي تعلق به جدا كيف السبيل لاخراجه فلا طريقه لاكون معه ولا طاقه لي بالابتعاد عنه
لعرض السؤال في فدني اضغط هنا
الصراحة انا اول مره انشر هنا بس انا قلت لو اتكلمت وفضفت ممكن اريح نفسي
دلوقتي انا كنت بكلم بنت خالتي وهي عندها 18 سنه حاليا وانا عندي 20 حاليا فانا كنت بكلمها اول حاجه ايام 3 ثانوي و بعديها لما دخلت كلية الهندسة إعجابها زاد بيا بس كل حاجه كصحاب بعد كده بدأت أعجب بيها ولقيت فيها شبهي في حاجات كتير وحاجات مشتركة مبينا فحبيتها واعترفتلها و ارتبطنا
5 شهور وكنت ناوي ادخل البيت من بابه وكلمت امي عليها وبقت كل حاجه حلوه في حياتي وبنيت مستقبلي عليها و كنت قايلها اننا الدنيا جايه عليا خالص وهسيب الكلية وحالتي النفسية تحت الصفر مكفهاش ده كلوا قعدت تقولي انت بتخوني وعملت حوار وفضلنا اسبوع مش بنتكلم فيه بعدها بعتتلي يوم
5/27 /2025 بتقولي انها مبقتش من أولوياتي واني مش بحبها وبطلت أهتم بيها ومش عارف ايه روحت قولتلها اننا مبقتش بحبها و عملتلها بلوك و بعدها بشهرين سافرت مرسي مطروح ومحاولتش تكلمني تراضيني وتطيب خاطري مع اني كنت بموت في فراقها عني وكانت على طول في بالي بفكر فيها في اليوم ب 5000 مره وخلال الفتره دي مكلمتنيش نهائي حتى بعد ما رجعت الجامعة تاني محاولتش تكلمني قابلتها يوم السبت اللي فات في كتب كتاب خالي شافتني ومكلمتنيش بس كانت بتبص عليا
السؤال ( ليه عملت كده معايا ؟ ) مستني ردكم
لعرض السؤال في فدني اضغط هنا
بصراحة اول مره اكتب هنا وموضوع غريب شويه ويكاد يكون غير منطقي ولولا ان كان في ناس تاني معايا عاشت هي التفاصيل كنت قلت اني كنت احلم او اتوهم
الموضوع حصل معايا من اجازه السنه اللي فاتت شهر ٧ السنه اللي فاتت كنت زهقانه وكتير اتصفح الفيس بالصدفه براجع رسايل الماسنجر قريت رساله قديمه لصديقه كانت عندي من سنه هي من المغرب وكانت تتواصل معي من سنه علي فترات متقطعه
حكت ليا قصه عن انها على علاقه بضابط في بلد تانيه معه مشاكل مع أهله وتفاصيل تانيه المهم هي البنت كانت تريد مني اتواصل مع هذا الحساب لساعدها في حاجه معينه ان على كلامها في حد مهكر حساب هذا الشخص اللي تحبه
من غبائي فعلا حاولت ساعدها واتواصل مع هذا الحساب بشكل تواصل عادي كنوع من الصداقه والتعارف المهم من خلال التواصل فتره حسيت صاحب هذا الحساب مش زي ما قالت يعني ما ظنيت انه سيء لدرجه الفيلم اللي حكته
المهم التهيت في دراستي وتركت الموضوع لسنه كامله رجعت وشوفت المحادثه في الاجازه اللي فاتت واتكلمت مع صاحب هذا الحساب لفتره وشبه أصبح في صداقه وحكى تفاصيل كتير عن أهله وحياته وفعلا كان ضابط وتفاصيله تشبه كتير التفاصيل اللي حكت عنها البنت المغربيه
حاولت اتواصل معاها مره تانيه لقيت ان حساب الماسنجر بتاعها اتحذف المهم كملت بالتواصل مع حساب الشخص اللي حكت ليا عليه واتفقنا على الزواج واتواصلت مع اخته بس كان في مشكله كبيره بالنسبالي وهي اني ماشفته فيديو ولا مره ولا حتى شفت اخته فيديو لاطمن من ناحيتهم
من طبعي اني كتير بحب البحث والتدوير وصلت من خلال معلومات حكاها لي عن اخواته بس الصدمه لقيت صورته باسم شخص تاني ومره حكيت مع الشخص اللي المفروض اخوه كان يتكلم بشكل هجومي وشتم اللي المفروض اخوه وحتى اساء ليا وانا مش فاهمه ايه سبب كل دا وليه اتصرف كدا
ومن خلال البحث اكثر عرفت انه كذاب في ٩٠ في الميه من المعلومات اللي حكاها ومفيش دليل واحد يثبت صدقه غير خطوه وحده بس انه اتكلم مع اخويا ومن المعلومات اللي وصلها اخويا انه فعلا ضابط وانه متهم في قضيه زنا
وبالمناسبة هذه النقطه اللي كنت احكي معه فيها كان ضابط وامتنع عن الشغل لمده اسبوع علشان كدا كانت العقوبه حبس لمده حسب قوانينها الصعبه في البلد بتاعته
المهم انه كان في الفتره اللي هو فيها محبوس اتكلم مع اخويا فيها وعلشان فكره انه ضابط كان يقدر يمتلك تلفونه في السجن بواسطه حد من أصحابه ولكن على كلامه هذا التلفون كان الكاميرا بتاعته مش شغاله واصداره قديم لانه ذكره من أمه ومع كثره الادله اللي معايا واني واجهته اكثر من مره وهو كان مصر في كل مره انه هو صادق في كلامه والموضوع أصبح من ناحيته صعب جدا على كلامه واتواصل الموضوع اتعقد لانه اتهم في قضيه خطيره
واتواصلوا معايا اشخاص من خلال تلفونه وأرقام تانيه وبالصدفه اتاكدت ان في رقم من الأرقام اللي اتواصل معايا هو نفسه رقم بنت من نفس بلده المفروض انها بعتت الرقم لتاكد واتواصل معاها من خلاله
المهم فهمت انهم كلهم عصابه واحده وبسبب الحركه الغبيه اللي عملتها اتكشفت بالنسبالي سؤالي في القصه دي كلها الناس دي عاوزين مني ايه مع العلم انا بنت بسيطه جدا وعاديه وليه الفيلم الهندي دة كله مع العلم الوضع كان خطير تم التواصل معايا من خلال ١٠ أرقام تقريبا وكلام صعب اني اذكره كله هنا
لعرض السؤال في فدني اضغط هنا
انا كنت مخطوبه وفشكلت بس قبل كد انا اتعرفت على كذا حد وصاحبت وعندي اصدقاء شباب ورجعتلهم تاني عادي كل الي بينا موده مش أكتر بس رغم كل انا عايزة ارتبط بس مبقاش عندي طاقه اتعرف على حد ولا استحمله كل حب وجواز بس انا عايزة كده مش فاهمه بصراحه نفسي بس محتاجه رايكوا
لعرض السؤال في فدني اضغط هنا
فرحها بعد العيد ومش قادر اتخيل انها هتكون لغيري كانت هيا حب حياتي وكنت برفض بنات كتير عشانها ولما كونت نفسي وعملت الشقه واستقريت ماديا اخوها رفض لسبب خلافات قديمه بيني وبينه معا ان ابوها واعمامها كانو موافقين مش قادر اطلعها من قلبي ولا دماغي ولا عارف احب غيرها
اي الحل عشان اعرف اكمل حياتي عادي وانساها
لعرض السؤال في فدني اضغط هنا
الحب من طرف واحد ؟؟
انا بحب واحده من واحنا صغيرين وهي بنسبالي امنيتي الوحيدة وقعدت فتره بكلم بنات وبعدين بعدت عن كل البنات دي علشان ربنا يسهلي واتجوزها انا كنت بقيم الليل في رمضان علشان ادعيلها تكون من نصيبي
لحد 3 كلية الترم الاول الترم التاني اتعرفت على بنت ومش عارف اذا كنت بحبها ولا لا بس انا ونا بكلمها ببقا فرحان وبنسا التانية ومشفتهاش غير مرة وحدة غير الصورة وكانت متبكسلة مختش بالي من ملامحها وهي لما اعترفتلها اني عاوزها وكدا وافقت بس قالتلي انت صحيح مهم عندي وكدا بس مش اهم من ربنا
أنا والله لا عايزه انكد ولا عايزه أدايقك ولا عايزه أخليك تستعجل في أي حاجه وانا هبعتلك رقم ابي وقت ما تلاقي نفسك جاهز ومستعد متأكد مليون في الميه في الميه إنك عاوزني كلمه ممكن تغير رأيك في وقت وانا والله لا في حاجه حصلت ولا إني مش عايزاك بس الحاجه اللي تبدأ من غير رضا ربنا نهايتها مش هترضينا
انا عارفه أنك ناويها حلال وكلمت أهلك وماشي في الموضوع بس انا والله مش متعوده إني اعمل حاجه من وراء ابي انا متربيه كده وكده أنا بصون نفسي وبصونك من الخطأ وأنت لو قلت لوالدك أو لوالدتك إللي عملته هيقولك إللي عملته صح بص صلي صلاة إستخاره وراجع نفسك وقراراتك وشوف في الأخر هترسي علي إيه معاك ولو لقيت بعد كل ده لسه عاوزني لما تلاقي نفسك هاجز كلم ابي وهتلاقيني عند حسن ظنك مع السلامه و
وأنا محتار مش عارف اعمل اي
لعرض السؤال في فدني اضغط هنا
انا بنت عندي 18 سنه في أولي ابتدائي اتعرفت على زميلي في المدرسه وبالصدفة ماما اتعرفت على مامته وبقينا قريبين جدا اكتر من أهل
كان أقرب ليا من روحي وكنت متعلقه بيه جدا وكنت بحس معاه بأمان من طبيعي وخلصنا 6 سنين ابتدائي واول سنه من اعدادي وفي تاني سنه ماماته اتوفت وخالتي اتوفت بعديها على طول فكانت صدمه كبيره في حياتي وحياته وبعدنا خالص
كنت في تالته اعدادي بنتقابل في الدروس وبنتكلم قليل شات واهلي عارفين اننا بنتكلم وكمان أهله بس كان اننا صحاب واخوات مش اكتر بس انا في أولى ثانوي حسيت بمشاعر اكتر من أننا صحاب ومن اني متعلقه بيه ولأن المدرسه الثانويه بتاعته جنب المعهد بتاعي فكنت احيانا بشوفه أو نتقابل صدفه لانه جاري وساكن جنبي برضو
ففي مره خرجت من المعهد قابلته كان مستني أنه يقابل واحده وقالي فأنا سيبته ومشيت وكنت ماشيه بعيط في الشارع من كتر الزعل والغيره وفي تانيه ثانوي مكنتش بنتكلم كتير جينا في تالته ثانوي اتكلمنا فتره مش قليله وبعدين اختفي مره واحده من حياتي
وعرفت بعدها بفتره من اخته أنه حب واحده معاه في المدرسه وهيخطبها عشان كده اختفى من حياتي فجأه بس لحد الوقت ده مكنش حد يعرف اني بحبه غير صحابي بس فجايلي اكتئاب وحزن شديد ونوبات هلع وانهيار فظيعه من ساعه ما عرفت أنه هيخطب لدرجه اني مكنتش ببطل عياط ونفسيتي زي الزفت لحد ما مامتي حست وعرفت وسألتني وانا مقدرتش امسك نفسي وانهارت من العياط وحكيتلها اني بحبه مع اني عارفه أنه مش مناسب ليا وأنه كمان مصارحنيش أنه بيحبني في مره بس كان كل تعامله معايا بيأكد لي أنه بيحبني
ماما قالتلي أنه مش مناسب ليا وأنه طالما مصارحنيش بحاجة يبقى ده وهم مني انا وأنه مش حب وأنه كلام ملوش لازمه بس بجد انا بحبه حتى لما اتكلمت معاها ماما اخر مره وعدتها اني مش هبعتله تاني واني هحاول أنساه واحاول احافظ على نفسيتي وكرامتي ومقللش مني طالما الشخص مش عاوزني ومش بيحبني بس انا مش عارفه أنساه ومش عارفه اعمل اي جربت حاجات كتير جدا عشان أنساه ومش عارفه
ممكن تفيدوني وتقولوا لي اعمل اي عشان ارتاح انا لسه بنهار وقلبي بيوجعني ومش بعرف انام وحتي مش عارفه افكر في حد غيره
لعرض السؤال في فدني اضغط هنا
محتارة جدا ومحتاجه مساعدتكم
أنا بنت عندي 21سنه كنت أعرف ولد من نفس سني واحنا كنا صحاب لمدة 3 سنين وهو كويس جدا جدا بجد وأخلاق ومحترم جدا وبيفهمني وعمري ما حسيت تجاهه اني خايفه او شيء (دي اول مره اصاحب او ارتبط) المهم اعترف لى انه بيحبني وانا كمان بحبه فقولتله انا كمان نفس الشئ قعدنا مدة شهر بعد ما اعترفنا لبعض وكده شهر بالظبط بعدين انا بقيت حاسة ديما بالذنب وحاسة دايما اني بغلط وان عمر ربنا ما هيسامحني فقولت نبعد لحد ماربنا يكتبلنا الخير كلمته قولتله ده وهو متفهم جدااا معايا وحاليا بقالنا اسبوعين مش بنتكلم مش هنكر انه وحشني جدا وعاوزه كلامنا يرجع تاني ولكن انا مش عاوزه اغضب ربنا
هو كان وعدني انه قدامه سنه بظبط ويجي يتقدملى والسبب عشان دراسته يكون جاهز من كله ومايجيش قدام اهلى ويترفض
سؤالى هل استناه فعلا ولا اشيله من بالى وهل هو ينفع يجيلى الفتره دي عادي ولا اي انا في صراع بين انه لا ممكن ميجيش وبين انه ممكن يجي تنصحوني اعمل اي حاولت مطولش اوي بعتذر ع الاطاله
لعرض السؤال في فدني اضغط هنا
انا معايا واحد في الجامعه كنت بحبه السنه الي فاتت و كنت حاسه انه برضو بيحبني بس مكنتش بتكلم معاه خالص و قعدت ادعي و استخير ربنا انه لو خير يبقى معايا في نفس السكشن و لو شر ربنا يبعده و بعدين لقيته انه في سكشن بعيد اوي عن سكشني و اتصدمت علشان كل حاجه كانت باينه انها تمام و انا كنت حاسه انه كويس و شبهي اوي و زي الشخص الي بتمناه و كنت برتاح لما بدعي بيه فأنا مستغربه اوي علشان مبقتش اشوفه و حاسه اني متضايقه اوي و مش عارفه اعمل ايه اكمل دعاء و له لا انا خايفه افضل ادعي و يطلع في الاخر مش خير ليا و ابقى علقت نفسي على الفاضي
و ده معناه انه مش خير ليا ؟
لعرض السؤال في فدني اضغط هنا
انا شاب عندي 27 سنه عندي مشكله او استفسار
انا اللي كنت اعرفه اننا بنحافظ على قلبنا لحد ما نلاقي حد في الحلال
انا كنت خاطب قبل كده وهي كان بالنسبالها انه عادي انها تكون معجبه بمعيد عندها في الكليه هل ده طبيعي كل البنات بقت متعلقه بدل من شخص عشره
انا عاوز حد يحبني انا صبرت ده كل على امل اني الاقي حد يحبني واحبه ليه اما بندي للناس مشاعر ونتغاضى عن عيوبهم يفكروا إن ده ضعف شخصيه
طيب انا اجيب بنت زي كده ازاي مش كتير عشان محدش يقول كتير
يعني المفروض اتقل وأعذب اللي قدامي عشان يحبني طيب ايه طعم الحياة ساعتها بجد ليه كل حاجه لازم تبقى متصنعه
لعرض السؤال في فدني اضغط هنا
السلام عليكم
انا متربطة بواحد وبنحب بعض جدا بس هو مش جاهز يجى يتقدم حاليا ومش عاجبنا علاقتنا دى لأنها فى الخفى وحرام وفى نفس الوقت مش عايزين نبعد عن بعض هل فى حل غير انه نبعد عن بعض
لعرض السؤال في فدني اضغط هنا
الحمد لله عديت 8 شهور من الخطوبة بس مؤخراً مش مرتاح نوعا ما من حاجات بسيطة حاسس بها المهم يعني خطيبتي كويسة جدا واهلها ناس كويسين بيودوا وبيسألوا .
بس هيا متحسس منها في كذا نقطة أنا بسأل على أهلها كتير وبشوفهم وأكلمهم هي مبتعملش كده إلا إذا حد بعتلها او أنا جمعتهم في مكالمة نتكلم او ممكن في النص كده تبعت رسايل او بابا ساعات بيرن عليها يسأل هي بتدرس لسه
المهم يعني بحسها متعلقه بأهلها زياده اوي . كمان بحس ان أنا اللي بقدم كتير وبعبر عن مشاعري واللي جوايا ليها هي بتبقى صامته او ساعات بتعبر بس بسيط كده مش زي ما أنا بعمل
المهم أنا بيضايقني لما بتنشغل عني ولما بتدي اللي حواليا وقت كتير أكتر مني وبلاقيها بتتعامل بهزار ولهفه معاهم جدا ولما بكلمها في الحته دي بتبرر تعبانه شويه على الرغم في نفس الوقت بتبقي بتكلمني وبسمع طريقتها وهزارها
مش عارف اعمل اي أنا اتعلقت بيها جدا وأكاد ميعديش يوم من غير ما اكلمها بس بحس اني مستنزف جامد لا بقدر اعمل حاجه في يومي ولا بقدر انام كويس علشان شغلي
لعرض السؤال في فدني اضغط هنا
مساء الخير
كنت بحب واحدة لمدة ٣ سنين وهي بتحبني اوووووي وانا مكنتش جاهز نهائي من حيث متطلبات التقدم ليها خصوصا اني لسة طالب جامعة.
واشهد أمام الله انها وقفت جمبي ورفضت كذا عريس .
والحين هي وافقت على عريس
ممكن تساعدوني اتخلص من حبها ازاي لاني والله مش عارف
وشكرا مقدما
لعرض السؤال في فدني اضغط هنا
ماما بتقلل مني قدام أي حد وخصوصا خطيبي وقبل ما بيجي بتعمل مشاكل معايا وبتكسر فرحتي ونفسي
المهم آخر مرة كان من اسبوع عندنا واتعاملت وحش جدا وقللت مني اوي
من ساعتها هو مبقاش بيكلمني طول الوقت ومشغول
ولو جيبت سيرة مامته بهزار بيقلب الكلام جد وبيعملي حدود رغم ان علاقتي بمامته كويسة جدا جذا
وشاف ماما تعاملها معايا مكنش احسن حاجة وقالي حقك عليا مستغربة لي بيتعامل كده معايا دلوقتي ولي بيحط حدود ف كلامي عن مامته
حاسة اني غريبة عنه رغم إنه حب 11سنة
لعرض السؤال في فدني اضغط هنا
انا عايزه حل او حاجه أعملها مع اخويا عشان انا مضيقاله بجد ومش عارفه أعمل اي
هو في الجامعه و السنادي آخر سنه ليه ويتخرج من سنه أولى حب وآحده وكانوا شبه بيتكلموا قعدوا كدا كام سنه يعني فحكم الي بيحبوا بعض واحنا عرفنا وهو كان قايل لماما انو بيحبها جدا وكان عايز يتجوزها في أسرع وقت حتى كان عايز يشتغل بسرعه وبيتفق مع بابا على الشقه وكدا وفاتحه في الموضوع
وفضلوا هما يتقابلوا فالجامعة عادي وبتاع معرفش تفاصيل آوي الصراحه بس الي اعرفه انهم كانوا بيتكلموا بغرض الجواز وماما مكانتش متقبلاها آوي و شايفاها مش شبهنا وكدا حتى كان ممكن يتخانق مع ماما على حاجات زي دي
المهم بعدها بكام سنه اللي هو السنه اللي فاتت بدأوا أهلها يزنوا عليها عشان كان بيجيلها عرسان كتير وهي بترفض وكانت مستنيه أخويا فبعد الضغط وكدا اخويا ادى كلمه لأهلها من غير ما يرجع لبابا إن هو وبابا هيروحوا يزوروهم
حصل مشكله هنا طبعا بين اخويا وماما وبابا واتخانقوا علشان عمل كدا من نفسه وكمان لسه متخرجش المهم راحوا عشان يكبروه برضوا وكدا وهما مش راضيين اوي بس قالوا نشوف وبتاع المهم القاعده مكانتش أظرف حاجه آوي يعني متفقوش بشكل كامل وكان باين على باباها انو بيرفض بشكل مش مباشر لما شرط انو لازم يسكنوا جمبه مش هنا
فالموضوع تقريبا باظ وهي بعدها كلمته وبعتتله رساله طويله بتسيبه وبتقوله خذلتني وكدا معرفش بردو تفاصيل آوي وليه هي عملت كدا مرة واحده مكناش فاهمين آوي انا وماما،
طبعا هو اتضايق بعدها جدا أصبح مكتئب لفتره قعد لحد فتره معينه كدا وكان عندنا مناسبه في العيله كدا فرح ففك شويه أو بمعني أصح يعني كان باين عليه كدا بس فعلا مبقاش زي الاول اوي المهم رجعوا تاني بعد فتره يتكلموا او هي اللي بدأت يعني وبردو معرفش تفاصيل بس هي كانت عادي
وللأسف الشديد فجأة سمعنا انها هتتخطب يعني طبعا هو عرف الأول من صديق مشترك حصل بردو مشكله كبيره ساعتها و ساب البيت وكان بيكلم ماما وبابا بطريقه وحشه جدا اعتقادا منه انهم هما السبب عشان مكانش راضين من الأول على الجوازه وانهم مش بيزقوا في الموضوع يعني مع اني شايفه انو بابا عمل اللي عليه وزياده حتى رجع بعت للراجل بس هو مردش فطبعا رجع اكتأب تاني
وحاولنا نكلمه كتير ونقنعه لحد ما بدأ يهدى وتقبل الوضع بس الجديد بقى انو بالرغم انو عدا فتره على تقبله الموضوع والمفروض رجع زي الاول وبقى همه فعلا الدراسه وانه يتخرج عادي والمفروض نسي وخلاص خدت بالي كذا مره انو للأسف لسه متعلق بيها ومش قادر يتخطى بردو بلاقيه بيسمع اغاني حزن هو مش بيبين آوي بس هو باين طبعا حتى هو ممكن مش بيواجه آوي بس ممكن بطريقه غير مباشره يبين انو لسه مضايق إو مضايق من ماما مثلا عشان لسه مكنتش حباها
ودلوقتي بردو دخلت عليه لقيتوا بيشوف ستوريات إو سنابات حاجه كدا ولاحظت الدمعه بس بيحاول ميبينش بردو في عنيه هي المفروض عامله بلوك
المهم اسفه طولت انا بس بحكمي فعلا اخته الصغيره فمش عارفه كدا اتكلم معاه يعني مش متعوده اتكلم معاه في الحاجات دي آوي بردو هي كام مره لما كانوا مع بعض ونصحتوا بس انو لو في حاجه او حب يبقي جواز عشان حرام وكدا عشان انا عن نفسي مش بقتنع بالكلام كدا وخلاص من غير خطوبه فمش عارفه اصلا اقوله ايه إو اي الحل بس انا فعلا مضايقاله وعايزه خلاص بقى يتخطى فعلا ويرجع يشوف حياته و هي خلاص أصبحت مخطوبه وأكيد نفس الليله دي هتنعاد يوم فرحها
فانصحوني ومش عايزه ادخل ماما فالموضوع مفيش في إيدي غير اني ادعيله ربنا يهديه
لعرض السؤال في فدني اضغط هنا
أنا كثيرة التعلق بالولاد اللي أكبر مني أنا كرهت نفسي وتعبت من نفسي
أول فتره كانت من تانيه إعدادي لتانيه ثانوي تعلقت بولد أكبر مني ب ٥ سنين بيته كان قدام بيتي بالظبط بس ماتعاملناش مع بعض خالص ، وبعد متابعه مستمره وترقب حوالي ٣ سنين أو ٤ جيت وأنا في تانيه ثانوي قربت من بنت قريبته وحكيتلها وطلبت منها تقوله للأسف قالتله بس مش بشكل صريح وما قالت اسمي مباشر كده لكن قالت حاجات تبين إني أنا ،
الولد كان محترم وقالها خليها تركز في مذاكرتها وتصبر عشان لسه بدري أوي على الزواج ليها ،ساعتها أنا اتأثرت واكتشفت إني كنت متعلقه جدا وبدأت أقلل التعلق ده والحمد لله تخلصت منه ،
بس المشكله إني دلوقتي أعجبت بحد تاني وقاومت الشعور ده وبعدت خالص عن أي مكان هو فيه
وبعدها لقيت شخص تاني كويس وبقيت بفكر فيه كتير أنا بقيت بكره نفسي بسبب الحوارات دي مع إن الحاجات دي بتبقى جوايا أنا بس يعني الشخص اللي قدامي مابيكونش عارف أي حاجه عن التعلق ده أو الإعجاب البسيط حتى
لعرض السؤال في فدني اضغط هنا
ليا صديق قريب اوي معايا في نفسي الكليه احنا في تانيه كليه بنتكلم كل يوم
ادركت اني بحبه من قريب اوي لدرجه كبيره و مش عايزه اكلم حد غيره ولا شايفه مستقبلي منغيره
و ساعات كنت بحس من كلامه انه بيحبني و ساعات اننا مجرد صحاب بس
و امبارح اتقدملي عريس و اهلي موافقين بس سايبلي فرصه افكر لغايه بعد الامتحانات يعني كمان شهر كدا
من ساعه ما عرفت عماله اعيط و مش متخيله مستقبلي مع حد غير اللي بحبه
فانا المفروض اعمل ايه ؟ مش عايزه اعترف الاول
استناه و نفضل صحاب و يا عالم يعترف ولا لا ؟ ولا اخلي حد يقوله منغير ما يعرف مثلا اني اللي قلت ؟ و اقابل العريس ولا ارفضه علشان خايفه اظلمه و انا قلبي متعلق بحد تاني ؟ قولولي اي ممكن اعمله دلوقتي
(اعرف صديقي دا من حوالي ١٠ شهور و بينا حاجات مشتركه كتير و تفاهم عالي اوي )
لعرض السؤال في فدني اضغط هنا
كنت مرتبط بواحدة، وكنت معرّف أمها، والحب كان متبادل لمدة سنتين ونص.
بس للأسف أبوها مضطرب نفسيًا، وأمها كانت لسه معزولة عنه من فترة قريبة، بسبب إنه كان بيعنّفهم ومش بيشتغل، فالموضوع ده عملها عقدة كبيرة.
في آخر فترة بدأت تتهرب مني ومش عايزة تواجهني، لحد ما عرفت إنها مش عايزة تاخد خطوة الجواز، وبتقول: أنا مش حمل مسؤولية.
وكده شايفة إن ده أريح ليها، بحيث لا حد يشتمها، ولا يمد إيده، ولا يتعصب عليها.
وبرغم كل ده، أمها لسه بتتواصل معايا لحد الآن.
وعايزة الموضوع يتم
فهل العقده دي ممكن تتحل ولا صعب تتخلص من المخاوف دي
هي آخر خروجه ما بنا كانت بتقولي انت هتضربني طب هتتغير عليا اوعدني وانا كنت بطمنها ديما
ومع العلم امها بتكلمني وعايزة الموضوع يتم والبنت بترد اي حد يتقدملها
وبتتهرب مني وموصلتش اي حاجه انه تنهي العلاقه معايا
ممكن تقول لأمها بس
لعرض السؤال في فدني اضغط هنا
كنت بحب واحدة أووي وبعدين كلمت بابا عليها قالي مينفعش تتجوز واحدة قدك المهم عدت الايام ولما عرفت أنها خلاص مش ليا بطلت أبص عليها حوالي 3 أسابيع لكن لما بشوفها بحس أنها ملاك مش ممكن يجماعة الطرحة معمولة عشانها وشها مرسوم في الطرحة والمشكلة كل ما أشوفها أحس أن مستحيل ألقي زي دي فاتضايق وأبقا عايزها هو اي دا بقى؟
لعرض السؤال في فدني اضغط هنا
صاحبتي او بمعنى ادق الشخص الي هكمل نص ديني و عمري معاه حاسس انه مش هنبقي متوافقين احنا مع بعض بقالنا 3 سنين و المشاكل الي احنا فيها من أول ما عرفنا بعض هي هي
مثلا هي عندها صحاب ولاد من زمان و انا منعت ده خالص كلام و نزول و كل حاجة بقت مقتصرة انهم ممكن يقعدوا مع بعض و انا معاهم يعني واحد او اتنين من صحابهم الشباب و انا و الباقي بنات 3 او 4 بنات مثلا و كل 4 شهور مثلا مرة الحوار ده
بس انا بتخنق من الموضوع ده و مش عارف امنعه عشان هي متعودة ع كدة و انا مش كدة خالص و قبلت بده عشانها و قلتله تدريجيا هنقطعه بس هي مش مقتنعة و بتقولي لما نتجوز هنروح نزورهم و ييجو يزورونا و هبل كدة
إذا كان انا صحابي الشباب مش هدخلهم بيتي عشانك و انتي عادي كدة و حاسس بجد اننا مش شبه بعض و مش هنعرف نتأقلم خالص بس انا وهي بنحب بعض اوووي و متعلقين اووي ببعض بس النقطة دي بالنسبالي نقطة فاصلة ممكن اسيبها بسببها و انا هبقى تعبان طبعا عشان بحبها بس مقبلش على نفسي كدة عايز حل يا اخواتي انا مش عارف اعمل ايه
لعرض السؤال في فدني اضغط هنا
معجبه بشخص في نفس منطقتي لإني حسيت إنه معجب بيا هو في ٣جامعه وأنا في ٣ ثانوي
ماحصلش بينا أي كلام أو نظرات أو أي حاجه حرام هو مامته غالبًا قالت له عليا لما شافت فيا صفات كتيره حلوه وصفات مشابهه لصفات ابنها
بس مفيش أي كلام مباشر خالص بس أنا حسيت من تلميحات الأم المتكرره عنه
أنا حاسه إني بدأت أتعلق بيه شويه بس كل حاجه بيني وبين نفسي
وبقيت بفكر فيه كتير حاسه إن التعلق ده من كتر كلام مامته عليه قدامي
وفي نفس الوقت أنا حاسه إنه لو حصل مقدمة للخطبة بابا ممكن مايوافقش لأسباب بالنسبه لبابا حاجات مش مناسبه بس بالنسبالي عادي جدا لإن تفكيري مختلف عن أبي
لعرض السؤال في فدني اضغط هنا
فى بنت شوفتها عجبتنى كلمت حد من اهلها قعدوا كام يوم يفكروا و البنت شافتنى من بعيد كشكلا يعنى وبعدين ادونى رقم ابوها
كلمته قالى تنورنى نشرب مع بعض كوبايه شاى السؤال هنا المفروض هروح اعمل ايه وهل هيقعدنى معاها قعده التعارف فى اليوم دا ولا المفروض بيحصل ايه؟
لعرض السؤال في فدني اضغط هنا
في ست كبيره عندها حاجه و 50 سنه تقريبا اتعرفت عليها من قريب هي بتبيع حاجات وعندها مكتبه في مقرأه عندنا هنا في المنطقه انا وهي كنا معلمات المقرأه دي انا عندي 18 سنه ومن طريقه كلامها المستمره عن ابن ليها اكتشفت انها بتحاول تلفت انتباهي لابنها ده ابنها ده متدين وحد كويس يعني واكبر مني بثلاث سنين بس هي بتستمر في الكلام عليه
يعني اي موضوع بنفتحه انا وهي سواء موضوع شراء او مقرأه او اي حاجه بتجيب سيره ابنها قدامي متعمده وبتشكر فيه دايما بس انا مش عارفه اتعامل معاها ازاي انا بسكت يعني انا لما بس انا حسيت اني بدأت افكر وشخص كويس جذبت انتباهي له
عندها بنت صغيره البنت كشفت الموضوع كله وقالت لي انت هتتجوزي امتى وبدأت تسأل شويه اسئله كده خلتني اكتشف منها ان في حاجه ورا الاسئله دي فأنا بصراحه مش عارفه
انا عارفه ان القرار كله او الموضوع كله بيد الله كل دي اقدار ونصيب يعني وكمان يعني القرار في الاخر برده لبابا فانا بصراحه يعني مش عارفه وكمان بحب أشتري منها لانها بتهتم بيا جدا الحاجه اللي بقولها عليها بالظبط كويسه جدا جدا في البيع معايا انا بالاخص غير تعاملها مع بقيه الناس
كمان هي المصدر الوحيد يعتبر في منطقتي ان انا اشتري منها الحاجات اللي انا بحتاجها فانا مش عارفه يعني بصراحه موضوعي ده المفروض اعمل فيه ايه انا طالبه اصلا لسه صغيره او هو كمان لسه طالب بس برده في مشاعر جوايا في ان انا بشوف شخص معين بنجذب ليه
لعرض السؤال في فدني اضغط هنا
كنت بتعامل بحسن نيه وكنت شاريها وعاوزها رغم اللي اتقالي وسمعته عنها ...
حبتها غصب عني عملت عشانها كتير وللأسف كل دا مع أول مطب انا مش سبب فيه اتنسى
زعلان أوي على حبي الأول اللي كنت عاوز أدخله في سياق حلال وأخطبها زعلان أوي اني حاسبت علي غلطاتها و عكها قبلي وانا كنت بغيرها عشان تبقي ليا
لعرض السؤال في فدني اضغط هنا
السلام عليكم
أنا بنت في تالتة ثانوي وفي ولد شاطر بيبصلي كتير من تانية ثانوي وباين أنه معجب جدا من تانية وهو من النوع المحترم اللي مش بيصاحب ولا بيكلم بنات ومستواه الدراسي عالي جدا والكل بيشكر في الولد ده
افتكرت إن نظراته دي ملهاش معنى لكن فوجئت في تالتة أنه مستمر والنظرات بتزيد بس مش بيبصلي لما يكون مع زميله نظراته بتزيد وبيحاول يقرب مني على قد ما يقدر لدرجة أنه غير مواعيد دروسه عشان يكون معايا في نفس الدرس وجه مخصوص عشان يشوفني وبيتقصد بستنى بعد الدرس يشوفني
هو تقريبا بيجي على نفسه عشان يشوفني بس انا يا جماعة بنت محترمة والطابع الديني يغلب عليا انا مكنتش بديله اي رد فعل ومكنتش مهتمة بحد لحد اما اكتشفت الموضوع ده في تالتة السنة دي اصلا بس متكلمتش ولا اديت أي رد فعل ولا ببص ولا بتكلم ولو شوفته في ثانية دماغي تروح الناحية التانية
ومرة غير معاد مجموعة عشان يشوفني لقاني غيرت المجموعة بتاعتي عشان مشوفوش وابعد عنه وهنا فهم اني برفضه ومش ببادله نفس المشاعر وكل ده من غير كلام بان عليه الزهق الشديد وبدأ يغير مجموعاته هو عشان ميشوفنيش ومعتش بيقف يستنى يشوفني
هو زعلان جامد الأيام دي ودا باين من تصرفاته وتعابير وشه وانا مقدرش اعمله حاجة هل اني بعدت عنه عشان عاوزاه حلال وشايفة الموضوع من ناحية مستقبلية وعارفة إن بعد الثانوية جامعة وممكن نتفرق وكل واحد يحب شخص تاني فقررت مديلوش رد فعل نهائي وزعل هل كدا انا غلطت؟
هل دا حرام؟ هو مش المفروض دا الصح؟ اعمل ايه طيب انا منجذبة انا كمان بس مقدرش أروح أقول له انا كذا كذا لو اتحط سيف على رقبتي مش قايلاها أنا بحترم أهلي في غيابهم ومقدرش أعمل حاجة من وراهم بس بدعيلو أنه يشوف الأمر زيي ولو في نصيب يبقى واحنا كبار مش دلوقتي
لعرض السؤال في فدني اضغط هنا
السلام عليكم
انا طالب في الثانوية العامة، بحب واحده بس محاولتش اكلمها غير مره واحده بس والكلام ده كان في الاجازة اللي فاتت وجات معايا بالبلوك ورفضت تكلمني عشان هي خايفه على سمعتها وخايفه من ربنا ومن انها تخسر ثقة اهلها فيها ودي اكتر حاجه عجبتني فيها، بني آدمة محترمه ومؤدبه ومحجبه حجاب كامل مش زي بنات اليومين دول ربنا يهديهم،
هي معايا من دفعتي وبحاول على قد ما اقدر اني انساها او لما افتكرها تكون هدف ليا بإذن الله يعني لما اخلص الثانوية واروح اتقدملها، انا على نضج ووعي بالكلام اللي بقوله وعارف انه لسه بدري على الكلام بس انا اخترت الطريق ده لأنه هيكون كويس وبالذات ان يكون شريك حياتي يكون معايا في كل حاجه وبدعي ربنا كل يوم انها تكون من نصيبي.
هل اللي انا بعمله او هعمله ده صح؟
لعرض السؤال في فدني اضغط هنا
السلام عليكم
انا هحكي لكم بكل صراحه لاني ادعو الله ان اجد حل يريح عقلي وقلبي انا طالبه في كليه الطب عندي 22 سنه بحب ابن خالتي هو أكبر مني بتلات سنين وشغال في السعودية لكن مش معاه شهاده جامعيه هو كمان بيحبني الموضوع دا بقاله سبع سنين
كنت وقتها لسه في الثانوي وهو حاول يفتح موضوع الخطوبه مع والدتي لكنها رفضت اصلا وقتها وقالت له اني لسه صغيره وانها مش عايزه تشغلني عن دراستي وقالت لي اقطعي علاقتك بيه تماما وفعلا قطعت علاقتي بيه لكن حبه في قلبي وكنت بدعيله في كل صلاه
و لما دخلت الكليه هو رجع يتواصل معايا كل فتره يبعتلي يطمن عليا وقالي انه لسه بيحبني ورجع كلم والدتي تاني في الموضوع بس هي رفضت وقالتله اني خلاص هكون دكتوره ومش هليق بيه وينساني بس هو قالها انه عمره ما هيقدر ينساني ومستعد يعمل عشاني أي حاجه وانا حاولت اقنع امي كتير بس هي رافضه الفكره اصلا
دلوقتي هو رجع يكلم والدتي تاني وجت سألتني انتي لسه موافقه عليه قولتلها اني لسه بحبه ومش عايزه اكمل حياتي مع حد غيره زعقتلي واهانتني وضربتني ضرب مبرح والله بقالي شهور كدا بتعاملني اوحش معامله وبتقولي ازاي تبقى دكتوره وتفكري فيه اصلا الناس هيقولوا علينا ايه هتفضحينا ووبتقولي انا بقيت بكرهك وانا هقول لوالدك اي دا ممكن يجراله حاجه لو عرف انك بتفكري في واحد زي ده ( انا والدي مسافر برضو في السعودية )
والدي نزل اجازه وامي قالتله كان نفس رده فعل امي وقالي عمري ما هسامحك انا ضيعت عمري عشانك وانتي عايزه تضحكي علينا الناس ازاي بعد ما علمك وكبرك عايزه تتجوزي واحد مش متعلم وبقت تدعي عليا وبتقولي موتك عندي اهون من كدا حتى اختي الأصغر مني بقت بتعاملني بإحتقار انا نفسيتي تعبت اوي وبعيط كل يوم بس هو في قلبي كل السنين دي رغم اني بعيده عنه مش قادره اتخيل انه ممكن مكملش حياتي معاه
انا والله العظيم ما كنت قاصده احبه اصلا ولا عمري فكرت في الموضوع دا ربنا ال جعل حبه في قلبي والدي ووالدتي عمرهم ما قصروا في حقي بالعكس هما وقفوا جمبي وكنت مقربه منهم جدا انا متوقعتش انهم ممكن في يوم يعاملوني كدا اصلا بس انا مش شايفه ان ارتباطي بيه حرام او عيب لان هو مسلم زيي واخلاقه كويسه الحمد لله
عارفه ان المستوى الاجتماعي يفرق ولكن هو مالي عيني وانا مش متقبله اي حد غيره انا عارفاه كويس وعارفه ظروفه لانه ابن خالتي وعارفه هو مكملش تعليمه ليه وعارفه هو مر بظروف صعبه ازاي وتعب قد اي ومتحمل مسؤلية نفسه وأهله
انصحوني اعمل اي ازاي اقدر اقنع اهلي يوافقوا انا مش عيزاهم يزعلوا مني كان نفسي الشخص ال قلبي يختاره يكونوا موافقين عليه ويفرحولي ولكن هما دلوقتي بيكرهوني وبيدعوا عليا انا خايفه اوي من زعلهم مني ودعائهم عليا وهل تمسكي بيه يعتبر عقوق لأهلي وفضيحه لهم
لعرض السؤال في فدني اضغط هنا
السلام عليكم
انا استخدم احد برامج التواصل الاجتماعي منذ عام تقريبا
قبل شهرين تقريبا او ربما اكثر بقليل قام شخص بالتعليق عندي
في البداية ظننته فتاة لأنه كان يضع صورة شخصية كرتونية ويستخدم اسما مستعارا، لكن عندما دخلت الى حسابه وجدت تسجيلا صوتيا له وتبين لي انه فتى.
جذبني تفكيره وشخصيته فتابعته فرد المتابعة
اصبحت افتح البرنامج يوميا خصيصا لادخل الى حسابه وارى اخر ما قام بنشره وبمرور الوقت اصبحت اتفاعل معه بوضع الاعجابات واحيانا الرد على تعليقاته
بمرور الوقت وجدتني قد تعلقت به واصبحت اريد معرفة كل شيء عنه فاختلقت حسابا وهميا وتابعت نفسي منه واصبحت اضع الكثير من الاعجابات والتعليقات لحسابي الاساسي من ذلك الحساب الوهمي، وبعدها بايام تابعته من الحساب الوهمي فقام برد المتابعه
دخلت له في الخاص من الحساب الاساسي متظاهرة انني اريد ان اسأله ان كان يعلم من ذلك الشخص في ذلك الحساب الوهمي الذي قمت انا باختلاقه مدعية انني اظن انه يعرفه لأنه مشترك بيننا
اجابني ب لا فطلبت منه ان يفعل لي معروفا بأن يتحدث معه ويعرف لي من هو فوافق وتحدث معه
تحدثت معه من الحساب الوهمي واخبرته انني صديقتي وكنت فقط اعبث، وبدات اثناء محادثته من الحساب الوهمي ان المح له باعجابي واشارك معه بعض المنشورات والتعليقات التي تكلمنا فيها انا وهو، سائلة عما اذا كان هناك شيء بينه وبين تلك الفتاة التي هي انا
اجاب ب لا وانهى الحوار ثم تحدث معي من الحساب الاساسي واخبرني بما اخبره اياه الحساب الوهمي الذي قمت انا باختلاقه
شكرته وبدانا بالتحدث في مواضيع عدة، وعرفت عنه بعض الاشياء مثل اسمه وعمره ومدينته وجامعته والكثير من الاشياء الاخرى، وهو كذلك عرف عني بعض الاشياء
كنت اتحدث معه كما اتحدث مع صديقاتي
ثم صرح لي انه يشك انني انا من اختلقت ذلك الحساب الوهمي لاجد حجة لاتحدث معه، فكذبت عليه واقسمت انه ليس حسابي، لانني خفت من انه لو علم انه حسابي سيظن بي ظنا سيئا وسيكرهني
ثم سألته انه لماذا كان طوال هذه المدة يتحدث معي وهو يظن هذا فقال انه معجب بي وانه يراقب حسابي منذ اكثر من ثلاثة اشهر، ثم استدرجني بالحديث حتى اعترفت له انني ايضا معجبة به منذ يومين تقريبا
منذ حينها وكلامه معي قد قل كثيرا
واليوم بينما كنا نتحدث فاجأني بأنه حظرني فجأة دون سبب
تحدثت معه من حساب اخر وطلبت منه ازالة الحظر لنتحدث، ففعل.
تحدثنا واخبرني ان حديثنا معا خاطئ، وأنه حرام، وأنه لا يرضى هذا الأمر على أخته.
وطلب ان نتوقف عن التحدث معا واخبرني انه سيقوم بحذف كل وسيلة تواصل بيننا
حاولت كثيرا اقناعه ان لا يحذف البرامج ووعدته انني ساتوقف عن التحدث معه، لكنه لم يستمع، وقام بحذف حسابه
منذ حينها وانا لا اعلم ماذا افعل.
لقد احببته
وتعلقت به
واصبح جزءا مهما من يومي
كما انني اشعر بالذنب والخزي لأنني اقسمت كذبا
لالا اعرف ماذا افعل
اعلم انه محق، وان كلامنا مها حرام ولا يجوز
لكنني اريده
او على الاقل اريد املا اننا يمكن ان نكون معا في المستقبل
هل يمكن لاحد ان يخبرني بما افعل؟
لعرض السؤال في فدني اضغط هنا
في علاقات مؤذية بتخليك تنسى نفسك،
تبعد عن كل حاجة بتحبها،
وتعيش دايمًا في حالة قلق… خوف من إنك “تزعله” أو “يِسيبك”.
بس خليني أقولك حاجة مهمة جدًا👌🏻
العلاقة اللي تكسّرك مش حب،
واللي تخلّيك تشكي في نفسك مش أمان،
واللي تِطفيك مش قدر… دي تجربة جاية تعلّمك تختار نفسك الأول.
اختيار انك تبعد، مش ضعف،
ده أقوى قرار ممكن تاخده.
لأنك لما تختار نفسك، بتسترد احترامك، وكرامتك، وحياتك.💪🏻
لعرض السؤال في فدني اضغط هنا
لعرض جميع الاسئلة في فدني اضغط هنا