@Yasmine Tawfik ما الطرق العملية والنصائح التي يمكن أن تساعد شخصًا يعاني عقدة الناجي وكيف يتجاوز شعور الذنب المتواصل تجاه ممارسته حياته بطبيعية مع كل المآسي التي حدثت للآخرين؟
تم النشر الثلاثاء، ٨ أبريل ٢٠٢٥
شيء مشترك لاحظته في كثير من المشاكل التي تأتي للتطبيق وعبارات مكررة مثل "أنا أصلي وقريبة من الله لكن حياتي كذا وكذا" "حاولت التوقف عن كذا ولا أستطيع رغم أنني قريب من الله وأصلي دائمًا وأقرأ القرآن" "الاكتئاب لا يفارقني ونفسيتي مدمرة رغم مواظبتي على الصلاة وتقربي من الله" "أصلي وأدعو لكن لا فائدة" وغيرها الكثير من العبارات المشتركة. على الرغم من إيماننا أن الصلاة والقرآن والعبادات والقرب من الله بها الحل وهي الطريق للحياة التي يريدها الله لنا. برأيي أن الأمر يشبه الطبيب والدواء... الطبيب يخبرك أن تأخذ الدواء بالطريقة الفلانية وبالمواعيد والجرعات لكن كثيرا ما يحدث أن يتجاهل المريض أوامر الطبيب ويأخذ الدواء بطريقته ثم يشكو من أن الدواء لم يأت بنتيجة. لا شك أن الصلاة تنهى عن الفحشاء والمنكر ولا شك أن القرآن شفاء لما في الصدور. إذن أين المشكلة؟ برأيكم متى بالضبط يتغير الإنسان بالصلاة والقرآن وغيرها من العبادات؟
تم النشر الأحد، ١٥ ديسمبر ٢٠٢٤
السلام عليكم ورحمة الله، أعتقد أن القليلين منا عند التسجيل في أي موقع أو تطبيق يهتمون بقراءة شروط الاستخدام والخصوصية. أتفهم الأمر خاصة مع المواقع التي تكتب صفحات طويلة جدًا في سياسة الاستخدام والخصوصية فتدفع القارئ للهرب منها، لكن في تطبيق فدني لا يوجد الكثير من البنود التي يمكن أن تشكل عائقًا أمام القراءة. ماذا عنكم؟ هل قرأتم صفحة سياسة الاستخدام والخصوصية؟ https://www.fedni.net/privacy على الأقل هل زرتم صفحة الأسئلة المتكررة؟ https://www.fedni.net/faq هل تعرفتم على نظام التطبيق والأشياء المخالفة التي يجب أن تتجنبوها حتى لا تتعرضون لحظر الحساب؟ من الممنوعات مثلا محاولة طلب التواصل مع الأعضاء خارج التطبيق والإساءة لأي عضو وكتابة إجابات غير مفهومة لمجرد وضع سؤال وغيرها. وممنوع الأسئلة عن الأحلام والواجبات المنزلية ومع أن هناك تنبيهًا يظهر فور أن تفتح صندوق كتابة السؤال هناك من الأعضاء من يتجاهل التنبيه ويكتب سؤالًا مخالفًا. ما السبب في هذا برأيكم؟ وماذا قد يمنعكم من قراءة شروط الاستخدام والخصوصية ومعرفة القوانين في فدني وغيره؟
تم النشر السبت، ١٩ أكتوبر ٢٠٢٤
السلام عليكم يا أهل فدني الكرام، إن شاء الله تكونون جميعًا بخير وسلام. كنت أريد أن أسأل هذا السؤال من فترة لكن قررت تأجيله، أعتقد أن الوقت حان لأسئلكم إياه. "ما الذي يمنعكم من المشاركة بالإجابات والتفاعل ومساعدة الأعضاء الآخرين؟" التطبيق تم عمله لكل من له سؤال أو مشكلة وأيضًا لنتشارك الحلول والخبرات، ليس فقط الخبراء من يمكنهم الإجابات على الأسئلة. الجميع يمكنه المشاركة وبالتأكيد هناك أسئلة يمكن لكل شخص هنا الإجابة عنها من واقع خبرته في الحياة. أنا مثلا لا يمكنني الإجابة عن كل الأسئلة خاصة التي تحتاج لمتخصص لكن أبحث عن الأسئلة التي أستطيع الرد عليها من معلوماتي وخبرتي. هناك الكثير من الأعضاء المميزين والنشطيين بالطبع يشاركون لكن نسبة كبيرة أيضًا لا تشارك وأعتقد لولا القاعدة التي وضعها التطبيق باشتراط وضع إجابة لتتمكن من وضع سؤال جديد كنا وجدنا نسبة أقل من المشاركة. إذن ماذا يمنعكم من المشاركة؟ هل هو الخجل أم صعوبة الأسئلة والمشاكل أو الانشغال أو أسباب أخرى؟ والسؤال أيضًا للأعضاء المتفاعلين، "برأيكم لماذا لا يشارك الجميع مثلكم؟" تحياتي.
تم النشر الخميس، ١٩ سبتمبر ٢٠٢٤
مشكلة على الفيسبوك ملخصها كان: شاب مغترب يعمل باجتهاد ليجمع المال ويقوم بتجهيز نفسه ليستطيع الزواج، ظل لأربع سنوات يُرسل المال الذي يجمعه إلى أبيه. يعود من الغربة معتقدًا أنه سيجد ماله مُدخرًا لزواجه فيتفاجأ أن والده أخذ المال وتزوج به وأنجب له أخًا صغيرًا! المشكلة أين؟ المشكلة أن كثيرًا من التعليقات تقف في صف الأب وتخبر الابن أنّه لا مشكلة فيما حدث وأنه وماله لأبيه. وأنه ليس خسارة في أبيه وأنه مخطئ في صدمته وحزنه. هناك تعليقات بالطبع استنكرت وهناك تعليقات أخرى ذكرت قصصًا مماثلة وبتفاصيل أكثر قهرًا وإحزانًا حتى أن أبطال هذه القصص بعضهم فقد عقله والبعض أصيب بصدمة نفسية أفقدته النطق... بل إن قصة منهم عن شخص غير عربي اغترب 20 عامًا وكان يرسل المال لأهله ثم عاد إلى بلده ليجد والده بنى منزلًا كبيرًا من ماله وبنى لكل شقيق من أشقائه طابقًا خاصًا ولم يبن له أي شيء أو يعمل حسابًا له من ماله أصلًا! برأيكم، لماذا يتصرف بعض الأهالي بهذه القسوة ويعتبرون هذا حقًا مكتسبًا وليست خيانة؟ هل ترون من حق الأب أن يفعل ما فعل ولا حق للابن في الاعتراض أو حتى الشعور بالحزن والقهر على حاله؟ هل باعتقادكم أن هؤلاء الأشخاص الذين يوافقون على تصرف الأب لو كانوا مكان الابن وتعرضوا للخيانة كانوا سيقولون لأنفسهم نحن وأموالنا لآبائنا؟
تم النشر الخميس، ٢٢ أغسطس ٢٠٢٤
نظرًا لكم الأسئلة الخاصة بنتيجة الثانوية العامة والتي تم طرحها على فدني خلال اليومين الماضيين فور ظهور النتيجة ونظرًا للحالة التي تتكرر كل عام ما بين سعادة البعض وخيبة أمل البعض الآخر وإحباطهم وربما حتى انكسارهم نفسيًا نتيجة الاعتقاد إن نتيجهتم في الثانوية العامة قد حددت مصيرهم. أحببت أن يشارك في تقديم النصيحة للخريجين الجدد، كل أعضاء فدني سواء الذين تفوقوا في الثانوية من قبل أو من كانت لهم تجربة سيئة لكنهم بحمد الله استطاعوا تجاوزها أو اكتشفوا حقيقة أنها ليست هي من تحدد مصيرهم ومستقبلهم. ما النصيحة التي يمكنكم تقديمها لهم وهم على أعتاب مرحلة جديدة من حياتهم؟ ماذا يفعل منهم من لم يستطع الالتحاق بكلية أحلامه أو يحقق المجموع الذي كان يتمناه؟ هل انتهت الحياة بالفعل أمامهم أم هي مفتوحة الذراعين لهم وما زالت مليئة بالفرص ولم تفت فرصة النجاح بالفعل؟
تم النشر الخميس، ٨ أغسطس ٢٠٢٤
(سؤال للنقاش) في أحد الكورسات التي أدرسها حاليًا قال المحاضر في بدايته أن علينا من الآن فصاعدًا أن نبدأ في النظر للتفاصيل بطريقة مختلفة، من زوايا أخرى، أن نحاول فهم ماذا كان يقصد صانع هذا التصميم أو كاتب هذا الإعلان أو غيرها من الأعمال الإبداعية. كيف نفعل هذا إن كنا لا نمتلك الأدوات؟ يُقال أن العين لا ترى إلا ما يراه العقل... كيف سأرى شيئًا لا يتعرفه عقلي؟ لنفرض أن شخصًا لم يدرس التصميم الجرافيكي ولا يعرف نظرية الألوان ولا معاني كل لون ولا استخدامات الخطوط المختلفة ... كيف سيحلل التصميم الذي يراه أو ينتبه لما يريد المصمم قوله أو إيصاله؟ كذلك شخص لا يعرف شيئًا عن مدراس الرسم سيقف عاجزًا عن فهم الخطوط والتفاصيل ولن يرى إلا مجرد شخبطات جنونية غير مفهومة. وهكذا... هذا يعني أننا لا نستطيع التحليل ولا النظر بطريقة مختلفة إلى الشيء إلا إذا امتلكنا الأدوات لذلك، صحيح؟ أم هناك طريقة أخرى تمكنك من التفكير خارج الصندوق وامتلاك القدرة للنظر من الزوايا المختلفة دون أن تضطر لتعلم كل شيء حولك؟ هل نحتاج لتنمية التفكير الإبداعي أولًا؟
تم النشر الاثنين، ٢٩ يوليو ٢٠٢٤
السلام عليكم ورحمة الله وبركاته، بعد وقف -تقريبا- كل وسائل الدفع عبر الانترنت في مصر لم يبق إلا البطاقات الإئتمانية وهذا خيار لم أحبذه مطلقًا من قبل لكن لا يبدو أنّه لا مفر من اللجوء إليه. وبما إني أحتاجها في دفع اشتراكات استضافة ودومينات فأحتاج لبطاقة حدها الإئتماني وحد الشراء الشهري عبر الإنترنت على الأقل 10 آلاف جنيه. بحثت كثيرًا عن أفضل البطاقات الإئتمانية وأي بنك أفضل لاستخراج بطاقة لكن احترت أكثر. وهناك أيضًا اقتراحات بعمل بطاقات إفتراضية لكن هذه تحتاج لشحن البطاقة بدولارات أو عملات رقمية وهذا صعب بالنسبة لي. أود ممن عنده خبرة أو معلومات فيما يخص البنوك والبطاقات الإئتمانية أن يفيدني. *ما أفضل بطاقة إئتمانية تناسبني وتابعة لأي بنك؟ وهل هناك أي خيارات أخرى أفضل من البطاقات الإئتمانية والافتراضية؟
تم النشر الثلاثاء، ٩ يوليو ٢٠٢٤
السلام عليكم ورحمة الله وبركاته. هل قفلة الكتابة والإبداع مشكلة موجودة فعلا وتشخيص لحالة يعاني منها الكُتاب والأشخاص ذوو المجالات الإبداعية أو هي مجرد نوع من التسويف؟ قرأت في موضوع القفلة الإبداعية والآراء منقسمة بخصوصها والبعض لا يرى وجود ما يُعرف بقفلة الكاتب/الإبداع. بالنسبة لي تمر فترات لا أجد مشكلة في الكتابة لكن لا رغبة لدي في القيام بالفعل نفسه وأحيانا يكون عقلي بالفعل كصفحة بيضاء وهذه مشكلة، خاصة مع كتابة الروايات... لا خيال لا اصوات لا أفكار لا شيء إطلاقا... أحيانًا أخرى لا أجد رغبة حتى في حل القفلة عن طريق التغذية العقلية أو البصرية للحصول على الإلهام اللازم لأفكار جديدة وأحيانا حتى بعد محاولة إثراء الإلهام بتلك المحفزات يظل هناك حاجز أمام تولد الأفكار. ما تجربتكم مع هذه المشكلة وهل أثرت بشكل كبير على مجال عملكم وكيف استطعتم تجاوزها؟ هل تعتقدون فعلا أنها قفلة فعلا أو هي مجرد تسويف أو نتيجة لاحتراق وظيفي؟
تم النشر السبت، ٢٢ يونيو ٢٠٢٤
مرحبًا، من النصائح التي تُوجه إلى القُراء، ألا يقتصروا في قراءتهم على ما يوافقهم فكريًا فقط وأن يقرأوا حتى لمخالفيهم لكي يوسعوا مداركهم ويقرأوا كل وجهات النظر ليكوّنوا صورة شاملة وليتمكنوا من الرد على الأفكار بعد التعرض لها فقد تكون لديهم صورة مغلوطة عن فكرة معينة فتكون مناقشتهم وردودهم منقوصة أو خاطئة. أنا لا يمكنني فعل هذا، قد أتقبل القراءة لشخص ملحد أو لاديني أو أيًا كان فكره إن كان أجنبيًا لكن لا أستطيع إطلاقًا مهما حاولت، القراءة لنفس النوع لو كان عربيًا. كلما حاولت وقف بيني وبين القراءة حاجز نفسي كبير يمنعني من متابعة القراءة ولا أتقبل أي معلومة من هذا الشخص. والوضع أشد لو كان هؤلاء الكُتاب أو المفكرون قد ثبت لي أنّهم كاذبون متلونون وفي معظم الأحوال مدلسون ولا مانع من وضع الأكاذيب بين أسطرهم عمدًا أو عن قلة علم أو فهم، والأسوأ إن كان منهم من يستخدم أسلوبًا سيئًا في الحديث عن الذات الإلهية والأنبياء وثوابت الدين... لا أستطيع قراءة ولو منشور لهؤلاء. هل تستطيعون القراءة في هذه الحالة وما أشعره هو عدم نضج فكري مني أم من الطبيعي أن أشعر بهذا الحاجز النفسي؟ وكيف يمكنني تجاوزه لو أردت التوسع في القراءة للمخالف كنوع من الوعي به وامتلاك القدرة على مناقشته والرد عليه؟
تم النشر الاثنين، ١٧ يونيو ٢٠٢٤
يقولون "سبع صنائع والبخت ضائع" برأيكم هل هذا صحيح أو يمكن للشخص أن يبرع في أكثر من مجال وموهبة؟ هل تعتقدون أنّ تعدد الشغف حقيقي وموجود ويمكن بطرق ما استثماره لتحقيق النجاح أم هو مجرد وهم نخدع به أنفسنا لتبرير التشتت المستمر وعدم التشبث بمجال واحد والنجاح فيه؟ وهل لديكم تجارب مع تعدد الشغف والنجاح في العمل في أكثر من مجال من المجالات المختلفة التي تثير اهتمامكم؟
تم النشر الخميس، ١٣ يونيو ٢٠٢٤
هناك صورة نمطية فرضها المجتمع على المرأة زوجةً وأمًا، فهي يجب أن تكون ناكرة لذاتها ومضحية دائما وتضع زوجها وأولادها في قمة الأولويات بل في مركز كونها وتظل تدور في هذا الفلك طيلة عمرها. يرضى عنها الجميع حين تكون شمعة تحترق في سبيل هذا، تضحي بكل شيء حتى راحتها النفسية وحقها في الكثير من الأشياء التي هي من صميم احتياجاتها وحقوقها. لماذا إن فكرت في وضع نفسها ضمن هذه الأولويات تسقط من نظر المحيطين بها؟ إن قالت واحدة أنها تربي أولادها على القيام بواجبات منزلية للتخفيف عنها أو أنها لا تفضلهم على نفسها في شراء ملابس لهم وحدهم دونها بل تشتري لنفسها كما تفعل معهم وتدلل نفسها كما تدللهم وتخصص وقتا لراحتها النفسية والجسدية ينتفض الناس غضبا عليها ويتهمونها أنها لا تفهم معنى الأمومة وأن الأمومة في الأساس تضحية وعطاء لا نهائي ودون مقابل ومن تفكر في نفسها وحقوقها فهي أنانية وامرأة فاشلة. لماذا يفرضون على الزوجة والأم أن تظل تعطي دون مقابل عطاءً لا يحق له أن ينفد لينتهي بها المطاف بعد سنين كما يحدث غالبا أن تقول أنها ضحت بكل شيء لتربيتهم وضحت لأجل زوجها فيُقال لها لم يقل لكِ أحد أن تضحي أو أنٌ كل الزوجات والأمهات تفعلن كل ما فعلتِ وأكثر؟ والمشكلة أن هذا يحدث من الرجال والنساء على سواء، فالنساء أنفسهن تستنكرن سماع آراء تخالف ما تربين عليه من مفهوم واجبات الزوجة والأم. برايكم انتم... هل ترون الأمومة بالفعل عطاء غير محدود وهل هذه الصورة غالبة على المجتمع بالفعل أم بدأت تتغير مؤخرا؟
تم النشر الأربعاء، ١٢ يونيو ٢٠٢٤
مرحبًا بالجميع... أود لو تتشاركوا معنا تجربتكم مع (فدني)، كيف عرفتموه وكيف كانت تجربتكم معه، وأيضًا شاركونا نصائحكم للغير كيف يمكنهم الاستفادة من التطبيق كما تفعلون.
تم النشر الأحد، ٩ يونيو ٢٠٢٤
السلام عليكم، هل كان طبيب عظام اللي كشفتِ عنده؟ هو مش هينفع أوصف لك أي دواء... لازم كشف عظام وعمل أشعة على المفصل لتحديد السبب والعلاج اللازم. ممكن يكون مجرد التهاب أو يكون فيه مشكلة في المفصل نفسه، حسب ما الطبيب يشوف من الأشعة والفحص. بلاش تاخدي أي أدوية دون فحص طبي. كمان الطبيب هيحدد إذا مناسب تعملي الاختبارات أو لأ، لأن ممكن يكون المفصل محتاج راحة تامة مع العلاج وإلا حالته هتسوء. إذا مشيتِ على العلاج السابق فترة ومفيش نتيجة ممكن ترجعي لنفس الطبيب أو تشوفي طبيب تاني وكمان تأكدي منه إذا كنتِ هتحتاجي جلسات علاج طبيعي أو لأ. وألف سلامة.
تم النشر الخميس، ٥ فبراير ٢٠٢٦
السلام عليكم، لازم مستشفى ودكتور يشوفها. لا قدر الله ممكن الاغماء والتشنج يكون عمل لها مشكلة، فلازم فحص في الطوارئ. هم هيقيموا حالتها بعد الفحص ولو احتجت أي أشعة وفحوصات أو علاج هيقوموا باللازم. مفيش حاجة اسمها رافضة تنزل المستشفى، اتكلموا معها بهدوء وإذا حد زعلها يعتذر لها ويهديها عشان تنزل معكم من دون انفعال زائد. وربنا يطمنكم عليها.
تم النشر الخميس، ٥ فبراير ٢٠٢٦
السلام عليكم، بصي بالنسبة لرأيي الشخصي فمعنديش مشكلة مع زواج الجنسيات المختلفة طالما الدين واحد، كل جنسية فيها الحلو والوحش. الفكرة بس إن زواج الجنسيات لازم تفكري كويس قبل ما تاخدي الخطوة، هو زي أي زواج بس لازم تعملي حساب الاختلافات الثقافية وهل هتقدري تتعايشي معها أو هيكون صعب بعد كده. في مصر حتى، هتلاقي لو بنت من بحري تزوجت من الصعيد أو من مكان أبعد من بلدها بيكون فيه شوية صعوبة وتردد عشان اختلاف البيئة والثقافة رغم إننا بلد واحد فكل ما بعدت المسافة وزاد الاختلاف بيكون الأمر أصعب فمحتاجة تعملي حسابك على النقطة دي كمان. ** بالنسبة لأهلك، فتقبلي إنه طبيعي يكون عندهم تخوفات، حاولي تختاري وقت هادئ تناقشيهم فيه وتردي على تخوفاتهم، بس أهم حاجة خليكِ هادئة تماما، متنفعليش وتتعصبي عشان ميعندوش قصادك ويرفضوا يسمعوا منك أي كلمة. *** اللي قدامك دلوقتي: الأول، صلي استخارة، بس اركني مشاعرك على جنب وخليكِ حيادية، وفوضي الأمر والاختيار لله ولو فيه خير في الزواج حتى لو أهلك معترضين حاليا فربنا هييسر الأمر من عنده. ثانيا، حاولي بس متعمديش على القلب في قرارك... حتى لو هتتزوجي من مصري هنصحك بنفس النصيحة. الزواج بالذات لازم تاخدي القرار بعقل وحكمة ومتغلبيش العاطفة، الحب للأسف بيعمينا وممكن يخلينا نقبل عيوب وأوضاع مش في صالحنا وبعد ما العاطفة بتبهت بنصطدم بالأمر الواقع وده حصل في زواجات كتير كانت قائمة على الحب. *** ثالثا، لو أهلك اقتنعوا ممكن تخليه يزورهم ويتعرفوا عليه عن قرب وممكن لو تعرفوا ناس مسافرين في دولته ياخدوا عنوان أهله ويسألوا عنهم. كمان نقطة أخيرة مهمة، مهم جدا تسألوا عنه كمان في سفارة بلده، كان فيه حالات قبل كده البنات اكتشفت من السفارة إن الأشخاص اللي متقدمين لهم عليهم سجل جنائي في بلدهم. فدي نقطة زيادة عشان الاطمئنان. ** ممكن تشوفي على اليوتيوب تجارب البنات المتزوجات من أجانب هيعطوك نصائح أكتر وهينبهوك للنقاط اللي لازم تاخدي بالك منها. وإن شاء الله اللي فيه الخير يقدمه ربنا. بالتوفيق.
تم النشر الثلاثاء، ٣ فبراير ٢٠٢٦
السلام عليكم، بالنسبة للمجموعة والكتاب فأنا للأسف مجربتهمش فمقدرش أحكم عليهم... بس أنا عامة لما بحب أتعلم لغة ببحث عن مصادر لمتحدثي اللغة نفسها، علشان بعتمد أكتر على السماع في تعلمي فببقى عاوزة مصدر ألقط منه مخارج الحروف والصوت مضبوط. مش ببقى ضامنة لو المعلم، دي مش لغته الأم إن يكون نطقه صح فبدايتي مع اللغة تكون غلط. فلو هتدوري على مصادر، شوفي مصادر إنجليزية أفضل. **** لو عاوزة ترشيحات مصادر ونصائح خاصة بتعلم الإنلجيزي ممكن تتابعي قناة ياسمين خالد لو مش عارفاها... هي بترشح مصادر إنجليزية فممكن تفيدك. ده أحد فيديوهاتها. https://www.youtube.com/watch?v=GMJlKB1aoxo *** بالنسبة لتعلم اللغات أو تعلم أي حاجة عامة بيحتاج استمرارية، فأنتِ مشكلتك مع الاستمرارية والالتزام بالاهداف. ده اللي محتاجة تشتغلي عليه. لازم الأول تحطي هدف واقعي (استخدمي طريقة SMART) وخطة مرنة عشان متقعيش بعد كم يوم من البدء. الملل والفتور أمر طبيعي وبيحصل مع الكل فلازم مرونة وتدريب على الانضباط الذاتي. ** مينفعش تضعي هدف عائم، زي مثلا هخلص المستوى الأول من اللغة السنة دي. لأ، المفروض الهدف الكبير يتقسم لأهداف صغيرة ولها مواعيد وكل إنجاز صغير تكافئ نفسك عليه. ** جربي تكتبي أسباب تعلم اللغة وأهدافك منها وتعلقيها فوق مكتبك عشان تفكرك كل يوم، واكتفي بنصف ساعة. مش لازم تبدئي بجهد كبير، ده هيخليكِ أصلا معندكيش إرادة للبدء وعقلك تلقائيا هيميل للتسويف وهيخترع أسباب عشان يمنعك من البدء. *** مش عارفة مستواكِ في الإنجليزي إيه حاليا، يعني هل إلى حد ما ممكن تقرأي به على الانترنت وتبحثي؟ ده كافي لو حابة تتعلمي لغة تانية وتاخدي الإنجليزي على مهلك... عادي جدا لو حابة تتعلمي لغة تانية مش شرط تنتظري تتقني الإنجليزي عشان تبدئي تعلم لغة تانية. ** بالنسبة لمشكلتك مع الاستمرارية وإنك مش بتكملي هدفك في التعلم، ممكن تسمعي البودكاست دي، كانت بتتكلم عن نفس المشكلة https://www.youtube.com/watch?v=oRiM3xBq-4s&list=PLrNsV6fh5oPOy8ex8qmKRnn1QtocAwczg&index=14&pp=iAQB ودي كمان هتفيدك إن شاء الله.. https://www.youtube.com/watch?v=ddYcQY9TaYE&list=PLrNsV6fh5oPOy8ex8qmKRnn1QtocAwczg&index=12&pp=iAQB **** كمان فيه على التطبيق أسئلة كتير عن تعلم اللغات وعليها إجابات ونصائح إن شاء الله تفيدك https://www.fedni.net/all-results?query=تعلم%20اللغة https://www.fedni.net/all-results?query=اللغة%20الإنجليزية لو حاسة ترشيحات ياسمين هتشتتك ممكن تشوفي الترشيحات في المقال ده، https://www.ajnet.me/midan/2018/3/6/أبرز-5-قنوات-لتعلم-اللغة-الإنجليزية-عبر واعتمدي مصدر واحد بس منها التزمي بالمتابعة معه ولا تشتتي نفسك مع أكثر من مصدر. وأنصحك تبحثي عن تقنية الـ shadowing وابدئي بها من المستوى صفر عادي عشان تدربي لسانك على الكلام من أول يوم. ** أرجو أكون أفدتك شوية. بالتوفيق إن شاء الله.
تم النشر الاثنين، ٢ فبراير ٢٠٢٦
السلام عليكم، إجابتي هتكون طويلة شوية، فأرجو تقرأيها للآخر وإن شاء الله تفيدك. أولا، مش عاوزاكِ تضايقي ولا تزعلي خالص... أنا فاهمة إحساسكِ جدا بس أنتِ المفروض طالما عارفة ربنا ومؤمنة بدينك ومتعلماه كويس مفيش أي كلام يهزك أو يشككك. ** الحوارات دي كلها بتبقى معمولة لإثارة الجدل، كل شوية هتلاقي حوار منها وخناقات على السوشيال ميديا وللأسف الشباب والبنات بيقعوا ضحيتها والفجوة بين الجنسين وكره الزواج وكره الدين نفسه زادت بسببها. ** أي شخص دلوقتي قرأ كتابين في الدين بيفتكر نفسه عالم وبيتجرأ على الكلام في الدين وإثارة الجدل وبيتكلم دون فهم للدين ولا إدراك لفقه الواقع. وبسبب الحوارات اللي ملهاش داعي دي، بنات كتير للأسف ألحدت أو ركنت أحكام الدين على جنب أو حتى انضمت للنسوية المتطرفة. *** حقوق المرأة في الإسلام موضوع كبير جدا وفيه تفاصيل، مينفعش تتلخص ولا تتاخد من جانب واحد، الإسلام مش بيحابي طرف على حساب طرف. ربنا لما أعطى الذكور امتيازات فعشان هدف ومسؤولية مش عشان هم جنس أعلى ولا أفضل مننا. الجنسين لهم حقوق وعليهم واجبات، أي خلل في المنظومة هينتج عنه مشاكل، واللي متمثلة في الواقع اللي عايشينه حاليا. *** بالنسبة لنقطة الضرب، فاهمة تفكيرك ومشاعرك ناحيتها، بس خلينا نفهم الآية أصلا نازلة في مين وتطبيق الآية إيه. الآية مش لكل النساء، دي للمرأة الناشز فقط، والناشز مش كلمة تتقال على أي واحدة تناقش زوجها ولا تقاطعه في كلامه ولا تتجرأ على إنها ترفض له طلب.. زي ما الشباب بيستهبلوا ويطلقوها على أي سلوك من المرأة لا يرضيهم حتى لو كان ضمن حقوقها الشرعية. ** لو جينا نبص على السيرة، فأمهات المؤمنين كانوا بيناقشوا الرسول عادي وبيخاصموه حتى إن السيدة عائشة لما غارت ورمت صحن الطعام وكسرته الرسول قال للصحابة "غارت أمكم" لا عنفّها ولا اتهمها بالنشوز ولا ضربها. الرسول زي ما قالت السيدة عائشة رضي الله عنها (ما ضرب رسول الله صلى الله عليه وسلم خادمًا له ولا امرأة ولا ضرب بيده شيئًا" والرسول المفروض قدوتنا، فمينفعش الرجال دلوقتي يتحججوا بالقوامة عشان يضربوا النساء... والرجل الحقيقي أصلا عمره ما هيمد إيده على أضعف منه. *** لكن للأسف، فيه نوع صعب وسيئ من النساء، سليطة اللسان ولا بتحترم زوجها ولا بتؤدي واجباتها تجاهه وممكن تتطاول وتهينه (خلينا واقعيين ونعترف إن النوعيات دي موجودة فعلا) ربنا قال للزوج يتعامل إزاي في الحالة دي، الأولوية بتبقى الحفاظ على البيت فبيلجأ لثلاث خطوات كإنذار للمرأة، الأول، يوعظها وينبهها لتصرفاتها، منفعش يلجأ للهجر في الفراش، والهجر مقتصر على العلاقة مش هجر الكلام... مجرد الرفض بيؤلم المرأة. وكل مرحلة من دول المفروض لها مدة، الإسلام مقالش اضربها على طول. منفعش كل دول، آخر مرحلة الضرب... ومش المقصود خالص الضرب القصد الإنذار. الرسول حدد إن الضرب المقصود في الآية، لا يسبب ألم ولا يترك أثر ولا يسبب عاهة وممنوع وحرام ضرب الوجه... يبقى إيه اللي فاضل من معنى الضرب؟ السواك خفيف، وضربة خفيفة منه على كفها مجرد إشارة إن ده إنذار أخير بعده هيحصل الطلاق. كأنك ضربتِ بسبابتك على يد طفل صغير وقلتِ له "كخ"... هل أنتِ قاصدة تألميه أو تضربيه أو كده فيه ألم نفسي أو إهانة؟ **** إساءة استخدام الآية أو لوي أحكام الدين عشان تخدمهم، مش غلطة الدين، دي غلطة اللي بيعمل كده وحسابهم في الآخر عند ربنا. ** بالنسبة للميراث، فمين قال إن الذكر بيرث دائما ضعف الأنثى. أحكام الميراث ملهاش دعوة بالجنس، الأحكام محددة بدرجة القرابة. فيه حالات كتير المرأة بترث فيها مثل الرجل وحالات تانية بترث أكبر منه وفيه حالات ممكن المرأة ترث والرجل لا يرث. فلازم ناخد الدين ككل ونفهم قبل ما نصدر أحكامنا. *** ملكيش دعوة بكلام الشباب وتعليقاتهم لأن أغلبهم بيتكلم من وجهة نظر ذكورية سامة، من غير علم ولا فهم، لدرجة إن لو شيخ تكلم في حقوق المرأة ودافع عن حقوقها الشرعية وتكلم بأدلة من القرآن والسنة بيهاجموه ويشتموه في التعليقات. فتجاهليهم خالص وركزي بس إنك تتعلمي دينك وتفهمي كويس حقوقك وواجباتك في الإسلام. *** ممكن أرشح لك تتابعي، د. عابدة المؤيد https://www.facebook.com/abida.alazem/?locale=ar_AR https://www.youtube.com/user/abidaazem وقناة كلمة نور https://www.youtube.com/@kalima.nour.ashqar وإن شاء الله تلاقي في دروسهم اللي يظهر لك الصورة الوسطية بعيدا عن الذكورية والنسوية السامة المنتشرة حاليا. وربنا يوفقك.
تم النشر الأحد، ١ فبراير ٢٠٢٦
السلام عليكم، ربنا يعينك ويقويك وإن شاء الله تتجاوز الأزمة اللي انت فيها. ممكن تشوف قائمة خبراء فدني https://www.fedni.net/experts هتلاقي مختصين إرشاد نفسي وأطباء نفسيين، من داخل صفحة الخبير اللي تختاره هتلاقي زر حجز استشارة ده هيوصلك بوسيلة التواصل معه سواء واتساب أو فيسبوك أو غيرها. لو عاوز حاجة مجانية تمامًا تناسب ظروفك فممكن تشوف المصادر في السؤال ده. https://www.fedni.net/q/81575881/هل-لديك-تجربة-مع-مؤسسة-تداوي وبالتوفيق إن شاء الله.
تم النشر السبت، ٣١ يناير ٢٠٢٦
السلام عليكم، أنتِ ممكن ضغطتِ نفسك لفترة طويلة، خاصة لو كنتِ لسه طالعة من مرحلة ثانوية عامة، أو فترة كنتِ بتحاولي فيها تحافظي على تفوقكِ وصورتك المثالية. طبيعي إن يحصل احتراق نفسي أو وظيفي مع الضغوط اللي بنمر بها، حتى لو احنا مش حاسين إنها ضغوط، مثابرتك عشان تتفوقي وإنك تفضلي طول الوقت البنت المطيعة المتفوقة، ده نفسه بيعمل ضغط من غير ما تحسي فمع الوقت لو مفيش تفريغ أو ممارسة لهوايات أو طرق تفرحي بها نفسك، كل ده بيؤدي في النهاية لإرهاق، هتحسي إنك عاوزة ترتاحي وممكن تمري بفترة تبلد وانعدام طاقة أو حتى كره للذات. **** الانتكاس اللي بتمري به كل شوية، ممكن عشان معالجتيش جذر المشكلة فطول ما هي موجودة هتفضلي في نفس الدائرة، وكمان ممكن تكوني لما بتحاولي تغيري بتحطي توقعات كبيرة وأهداف كتير عاوزة تحققيها في نفس الوقت وفي وقت قصير وده مش واقعي وبيؤدي لصدام مع الواقع وتحطم للآمال لما تلاقي مفيش ثمرة سريعة. ** أنصحك تترفقي بنفسك، الأول حاولي تقعدي مع نفسك وتحللي كل اللي مريتِ به وتوصلي لأساس مشكلتك عشان تعالجيها، وإنك توقفي جلد لذاتك وتحميلها فوق طاقتها، مفيش مشكلة لو وقعتِ كل شوية، المهم تفضلي تقومي ومتفقدين الأمل في نفسك. ** شوفي نموذج عجلة الحياة المتوازنة (هتلاقي شروحات كتير له على يوتيوب) اتبعي النموذج في إنك تحددي أهداف صغيرة في كل جانب من جوانب حياتك وتشتغلي عليها واحدة واحدة، واعملي حسابك إن التغيير بيحتاج وقت وصبر. كل ما كانت أهدافك أصغر كل ما هتنجزي أكتر ومش هتحسي بضغط ولا هتملي بسرعة لما تحسي إن مفيش نتيجة. ممكن أرشح لك قناة د. أسماء القاضي، https://www.youtube.com/@dr_asmaaelkady92/videos لها فيديوهات مفيدة جدا، شوفيها وحاولي تطبقي نصائحها، بس زي ما قلت، واحدة واحدة ومتحمليش نفسك فوق طاقتها. ** وأهم من كل اللي فات، الاستعانة بالله بيقين، هو وحده قادر يعينك ويغير حالك للأفضل إن شاء الله. ربنا يوفقك.
تم النشر الجمعة، ٣٠ يناير ٢٠٢٦
السلام عليكم، ربما تكون قد مررت بفترة صعبة لوقت طويل أو هناك تراكمات توالت في حياتك لم تحسن التعامل معها أو تفريغها فتسببت في ضغط نفسي مع الوقت وأدت لهذه التغيرات، قد يكون ما أنت فيه الآن حالة من الاحتراق النفسي. جسدك ونفسك وعقلك في حاجة للتعافي لبعض الوقت لا أكثر. قد تساعدك الكتابة في تفريغ الفوضى في عقلك وترتيب أفكارك وإذا وجدت أن التراكمات والضغوط أصعب من التعامل معها وحدك فربما عليك وقتها طلب مساعدة من مختص ليساعدك بخطوات عملية في تجاوز الأزمة على خير إن شاء الله. أعانك الله ووفقك وإن شاء الله تعود أفضل مما كنت. بالتوفيق.
تم النشر الجمعة، ٣٠ يناير ٢٠٢٦
السلام عليكم، هو الحقيقة الصح الوحيد في الموضوع إنك تبعدي تماما عن الاتنين. الشخص الأول أنتِ كده كده مش طايقاه، فمكنش لازم تتكلمي معه وحتى لو مش طايقاه المفروض يكون فيه حدود في التعامل، حتى لو كلامكم كان عادي ومفيش تجاوز ولا عرف عنك حاجة شخصية او أسرار، الكلام نفسه مينفعش. بلاش تفتح باب للشيطان يجرك بعد كده لكلام أو تصرفات غلط أو يسمح لشخص معندوش ضمير ولا أخلاق إنه يستغلك. الشخص الثاني، أنا متفهمة مشاعر الإعجاب والإنجذاب خاصة لو أنت سنك صغير، بس صدقيني، الحب مش بالنظرات خالص، ولو هو شخص جاد وأعجب بك مثلا وافترضنا صدقه فالمفروض يسأل على أهلك ويدخل البيت من بابه. غير كده سواء الكلام اللي قاله الأول حقيقي أو لأ وأيا كان سبب تصرف الثاني ونظراته، فالصح إنك متظهريش إعجابك وتوقفي الموضوع قبل ما يحصل مشاكل أنتِ في غنى عنها. ***** افتكري إنك غالية فمتخليش أي واحد يستغل مشاعرك ولا يحاول يتسلى بك، اللي جاد ناحيتك هيتقدم لك في الحلال غير كده هيكون بيتسلى شوية زي ما بيعملوا مع بنات كتير. **** اقطعي خالص مع الشخص الأول والأفضل تبطلي خالص تروحي السوبرماركت ده، شوفي مكان تاني على الأقل لحد ما تتجاوزي مرحلة الإعجاب وكمان تعرفي تتعاملي بحدود مع الاتنين بعد كده. وربنا يوفقك.
تم النشر الخميس، ٢٩ يناير ٢٠٢٦
السلام عليكم، مش عارفة درجة تمسكك بالشخص ده وهل شايفاه مجرد عريس كويس متقدم وعادي ترفضيه أو لأ. بس عامة أنا شايفة الجانب السلبي أكبر في الموضوع، يعني أنتِ مش ضامنة بعد الزواج (خاصة لو هتسكني في بيت عائلة) ممكن يتعامل معك إزاي أو يتطاول بأي طريقة لفظية أو جسدية (زي ما بيعمل البعض للأسف) حتى لو هتسكني بعيد، أكيد هيكون فيه زيارات متبادلة وهتضطري تتعاملي معه ومش هتضمني تصرفاته وممكن حتى متقدريش تصارحي زوجك ولا تضمني النتائج اللي هتترتب على حياة زي كده، رأيي بلاش مخاطرة، لو حصل ووافق إن ابنه يتقدم فارفضي ولو والدك صمم يقنعك بالموافقة أو يعرف السبب لو أصريت على الرفض متتردديش تصارحيه بكلام الرجل ده. وتجنبي تكلميه تاني أو تتعاملي معه ولو قابلتِه في مقابلة عائلية تجنبيه خالص. وربنا يحفظك ويبعد عنك كل سوء.
تم النشر الخميس، ٢٩ يناير ٢٠٢٦
السلام عليكم، هذا رابط لفتوى تجيب عن نفس سؤالك... هو جائز بشرط نية رفع الجنابة وأن يعم الماء سائر البدن ويتخلل الشعر حتى الجذور . والله أعلى وأعلم. https://www.elbalad.news/4100456
تم النشر الخميس، ٢٩ يناير ٢٠٢٦
السلام عليكم، فيه أسئلة كتيرة على التطبيق بخصوص تعلم البرمجة والعمل فيها فممكن على ما حد من المختصين بمجال البرمجة يجاوب على سؤالك تبحث في التطبيق عن تعلم أو العمل في البرمجة واقرأ الإجابات إن شاء الله هتفيدك. كمان أنصحك، لو هتشتغل في البرمجة أو في العمل الحر عامة أو حتى ناوي تشتغل في شركة، هيفيدك جدا جدا تعمل حساب على لينكدن وتبدأ تنشر عليه معلوماتك وخبراتك وشارك مع الناس اللي في نفس تخصصك وابدأ علق عندهم وتفاعل وابن شبكة علاقات (من ناس في تخصص البرمجة أو مجالات قريبة منها ومتداخلة معها أو حتى تخصصات ممكن تبقى مهتم تشتغل معها زي إنك تحب تعمل مواقع أو تطبيقات لمهندسين أو أطباء أو غيرهم)، ده هيفيدك إنك تلاقي عملاء إن شاء الله، وشبكة العلاقات عامة طريق مهم في الحصول على فرص عمل... ممكن جدا لما تتعرف وتعرف الناس على خبراتك حد من اللي يعرفوك يشرحوك لعملاء مستقبليين. موقع لينكدن يبان صعب ومخيف في التعامل معه (خاصة إنك ممكن تحس إن الكل بينشر عليه إنجازاته وشغله) بس هو في الحقيقة أسهل وأبسط مما يمكن لو فهمته وعرفت إزاي تتعامل عليه وتستفيد منه. فلو حتى كنت لسه طالب متخافش وابدأ انشط عليه. وبالتوفيق إن شاء الله.
تم النشر الخميس، ٢٩ يناير ٢٠٢٦
السلام عليكم، فيه أسئلة كتيرة هنا عن تعلم اللغة الألمانية ممكن تشوف الإجابات هتفيدك إن شاء الله. https://www.fedni.net/all-results?query=اللغة%20الألمانية وممكن تبحث كمان على التطبيق عن تعلم اللغات هتلاقي أسئلة فيها نصائح مفيدة عن تعلم اللغات عموما. وربنا يوفقك.
تم النشر الأربعاء، ٢٨ يناير ٢٠٢٦
السلام عليكم، بما إن حضرتك كشف أنف وأذن ومتأكدة إن مفيش مشاكل فنطمئن على الناحية العضوية أولا ككل، هل كشفت باطنة؟ إذا كنت اكتفيت بكشف أنف وأذن فممكن تروح لطبيب باطنة وتطمئن إن مفيش مشاكل تانية ممكن تسبب الطنين زي ارتفاع ضغط الدم والأنيميا أو مشكلة بالغدة الدرقية أو أسباب تانية. إذا بتشتغل في مكان فيه ضوضاء عالية أو بتتعرض عامة لدوشة طول الوقت فده من أسباب الطنين برضه. لو فيه مشاكل نفسية أو على طول في توتر وضغط عصبي، ممكن يكون السبب فحاول تشوف طرق التعامل مع التوتر وإدارة القلق زي تمارين الاسترخاء والتنفس العميق. (إذا لقيت محتاج مختص فمتترددش في الخطوة دي) ** مارس رياضة ولو عشر دقائق يوميا أو حتى التزم برياضة المشي، هتحسن الدورة الدموية وهتقلل إن شاء الله من التوتر والطنين. ممكن تشغل (دوشة بيضاء) جنبك لما تيجي تنام. هتلاقي على يوتيوب فيديوهات اعملها داونلود عشان تسمعها أوفلاين وقت النوم. https://www.youtube.com/results?search_query=white+noise+for+sleeping وألف سلامة لحضرتك.
تم النشر الأربعاء، ٢٨ يناير ٢٠٢٦
السلام عليكم، أنصحك تقرأي كتير، ومش بس قراءات في كتب إسلامية أو تقتصري على قراءة العلوم الشرعية، اقرأي في مجالات مختلفة ونمي عقلك وتفكيرك، كل ما عقلك نمى ومداركك اتسعت كل ما نظرتك للعالم وأفكارك هتتوازن وتكون أكثر حكمة وعمقا وتفكيرك هينعكس بالتالي على اتزان تصرفاتك وتعاملاتك مع الناس، هتعرفي إزاي توازني تعاملاتك وامتى تكوني جادة وامتى تهزري وامتى تصمتي وامتى تشاركي في الحديث وهكذا. اقرأي كتير وممكن كمان تسمعي بودكاستات مفيدة ومثرية وفيها مناقشات توسع مداركك أكتر. بالتوفيق.
تم النشر الأربعاء، ٢٨ يناير ٢٠٢٦
السلام عليكم، ما دام واخدة قرار ومقتنعة إنه غلط فلازم تكوني حازمة في ثباتك وارفضي بلطف، ومش حرام لو رفضتِ ولا هيُعد عقوق للوالدين. أنتِ قلتِ إنك نزلتِهم في الآخر بس تنازلك مرة معناه هتتنازلي المرات الجاية كمان لو متكلمتيش مع والدك وفهمتِه بهدوء وصراحة، حتى لو مش مقتنع فأنتِ مقتنعة والأمر منتهي بالنسبة لك، وهو لو مصر يبقى عن طريق حد غيرك مش شايف مشكلة في الأمر. اختاري وقت يكون باباكِ مش متعصب او راجع مثلا من الشغل تعبان، وقت يكون رايق فيه واتكلمي بهدوء وعرفيه إن ضميرك هيفضل يؤنبك وهتفضلي تعبانة وحاسة بالذنب وإنك بتغضبي ربنا وهو أكيد ميرضاش لكِ تفضلي تعبانة بسبب حاجة متستاهلش. جربي كده وإن شاء الله خير.
تم النشر الأربعاء، ٢٨ يناير ٢٠٢٦
السلام عليكم، عدم وجود دعم من الأسرة أو الأصدقاء لا يعني الحكم على النفس بعدم القدرة على فعل شيء بمفردها. ليس كل الناس في العالم لديها الدعم وكثيرون ظروفهم البيئية والاجتماعية سيئة للغاية وربما لا يملكون أي عائلة أو أصدقاء، لكنهم أنجزوا وتفوقوا رغم افتقادهم للدعم فاغرسي بعقلك أنك لستِ أقل من هؤلاء. إذا كنتِ تحدثتِ مع أهلك ولم تجدي منهم اهتمامًا فبرمجي عقلك على تقبل الواقع وتدربي على الاعتماد على نفسك. اعتبري نفسك في تحدي مع الظروف، اكتبي هدف التفوق بمفردك في الثانوية وفي الحياة عمومًا على ورقة وعلقيه على الحائط في غرفتك أو فوق مكتبك مباشرة ليكون أمام عينيك باستمرار، كلما أحسستِ بالضعف زكري نفسك أنك قوية ومكتفية بذاتك وقادرة على الوصول للهدف حتى دون أي دعم من الآخرين. والجئي إلى الله هو غير داعم ومعين. الاستعانة بالله والدعاء قادر على تغيير الحال وقلوب أهلك بين يديّ الله فاسأليه أن يهديهم ويصلح أحوالكم وعلاقتكم. التزمي باذكار الصباح والمساء وخاصة ذكر (لا حول ولا قوة إلا بالله) ردديه يوميا وبأكبر قدر تستطيعينه مع اليقين بكل كلمة من هذا الذكر وفهمه وإن شاء الله يغير الله حالك إلى الأفضل ويمنحك القدرة على تغييره. بالتوفيق إن شاء الله.
تم النشر الثلاثاء، ٢٧ يناير ٢٠٢٦
السلام عليكم، هو عامة أي سنة مش شرط مقياس للسنة اللي بعدها... ثانية ثانوي مش مقياس لأدائك في ثالثة وحتى لو في تالتة وكان فيه تقصير بأول الشهور مش معناه الفشل في باقي السنة وإنك مش هتقدري تغيري مستواك للأفضل. لو مش بتحبي الأدبي هتلاقي صعوبة في تقبل المواد فهتزودي معك ضغط إضافي على الضغط اللي بيحسه الطلبة عادة بسبب الثانوية. متحكميش على نفسك من دلوقتي خاصة إن درجتك في الكيمياء والفيزياء مش سيئة، يعني مع المذاكرة والالتزام وإنك تسمعي لمصادر شرح كويسة وتحلي كتير (ده أهم حاجة مع المراجعة بانتظام) ده كله هيرفع مستواك ودرجاتك في المواد العلمية. وخلي بالك، أفكارك عن نفسك بتؤثر على مذاكرتك وحياتك عامة، فحاولي من دلوقتي تبرمجي عقلك وأفكارك وبلاش خالص أفكار سلبية زي إنك مش هتقدري تمشي في العلمي أو مش هتجيبي مجموع كويس، ولازم تعرفي إن الخوف والتردد أكبر عائق قُدامك في الثانوية العامة. ** بالنسبة للدروس الأونلاين، فاللي يقدر يحدد ده هيكون أنتِ، يعني لو عندك إمكانية للدراسة الذاتية والالتزام مع نفسك بدون الحاجة لمتابعة مباشرة من مدرس أو فيه ضغط بالوقت والذهاب للدروس هيضيع وقت كتير منك يبقى الأفضل الدراسة أونلاين، وعامة، كده كده هتحتاجي المصادر المتوفرة على الانترنت في دراستك سواء أخدتِ في سنتر أو لأ. ** دلوقتي ركزي تعدي سنة تانية بخير إن شاء الله وفي فترة الأجازة ابدئي رتبي وخططي لسنة تالتة بذهن صاف، وربنا يوفقك إن شاء الله.
تم النشر الثلاثاء، ٢٧ يناير ٢٠٢٦
السلام عليكم، طالما عارفة إن عندك مشكلة وفيه صعوبة تتحكمي في صوتك وبتنسي نفسك مع المراجعة يبقى الأفضل تقتصري المراجعة في البيت أو في المسجد، لو مشتركة مثلا مع معلمة أو في مقرأة يبقى ممكن قبل الموعد تروحي المسجد بدري شوية وتراجعي هناك. المواصلات والشارع بلاش خالص ما دام مش بتتحكمي في الموضوع، خلي مراجعتك في المواصلات مقتصرة على الاستماع للقرآن على موبايلك وحاولي تراجعي الآيات بذهنك من غير صوت، لو برضه فيه صعوبة ولقيتِ شفايفك بتتحرك يبقى البسي كمامة على الأقل تفكرك إن المفروض متتكلميش أو تخفض صوتك شوية لو نسيتِ نفسك. المواصلات والشارع ممكن كمان تستغلي وقتهم في مذاكرتك عادي مش حرام (بما إنك في ثانوية عامة) طالما أخلصتِ النية من المذاكرة لوجه الله، وممكن تستغليهم في سماع محاضرات دينية... مش لازم قراءة قرآن. وبالتوفيق.
تم النشر الثلاثاء، ٢٧ يناير ٢٠٢٦
السلام عليكم، موضوع الشغل مقدور عليه إن شاء الله بس المهم تتعاملي مع أفكارك السلبية عشان متأثرش عليكِ في طريق تعلمك. إذا فيه أي أفكار سلبية وإحباط أو شكوك ناحية نفسك وإمكانية تطورك فلازم تتعاملي معها الأول لأن حتى لو اشتركتِ في مئات الكورسات ممكن تنتهي بدفع فلوس وخلاص بدون نتيجة. لا أنصحك بالتداول لأسباب مختلفة. ركزي حاليا على إنك تعرفي شخصيتك وميولك وإيه المهارة الأنسب لك.. وإيه اللي تقدري تعمليه أو هتلاقي نفسك فيه وقادرة تتعلميه وتتطوريه بسرعة. أرشح لك مبادرة مجانية كانت عاملاها أكاديمية ابن سينا للعمل من المنزل للسيدات... أول المحاضرات بتخليكِ تعرفي شخصيتك وإيه أنسب المهارات اللي تناسبك وبعد كده إزاي تطوري المهارة وتلاقي شغل في سوق العمل إن شاء الله. ده رابط المحاضرات على تليجرام. https://t.me/workremotelyfreelance/61 *** بلاش تشتتي نفسك أو تدوري على الإنترنت على أكتر مهارة تجيب فلوس أو أسرع طريقة للربح من الانترنت وهكذا، ده هيخليك بعد فترة تلاقي نفسك عمالة تنطي من مجال للتاني وتوقفي تعلم وده مش صح. ** ممكن تتابعي قناة (click your future) هتلاقي فيها كورسات مجانية وفيديوهات كتيرة بخصوص العمل الحر ونصائح مهمة هتختصر عليكِ كتير من التوهان إن شاء الله. ده رابط القناة https://www.youtube.com/@ClickYourFuture/playlists ** أهم من اللي فات كله، استعيني بالله ولا تيأسي وادعيه دايما يرزقك من واسع فضله وحلاله. وبالتوفيق إن شاء الله.
تم النشر الاثنين، ٢٦ يناير ٢٠٢٦
السلام عليكم، فيه حالات طبعا تستدعي اللجوء لمختص عشان يساعد. بلاش خالص تفضفضي لغريب، ده مش أمان. لو لازم فضفضة وصعب تروحي لطبيبة نفسية حاليا فعلى الأقل ممكن تفضفضي على الورق، اكتبي كل افكارك ومشاكلك على الورق وفرغي الفوضى اللي جواكِ. الكتابة أصلا بتُستخدم كجزء من العلاج فممكن تساعدك شوية لحد ما تقدري تستعيني بمختصة نفسية. ممكن تشوفي قائمة خبراء فدني هتلاقي خبيرات في الطب النفسي والإرشاد النفسي ممكن تشوفي صفحة كل خبيرة وردودها على الأعضاء واللي تحسي إنها هتقدر تفيدك في مشكلتك ممكن من خلال زر حجز استشارة في صفحتها تتواصلي معها على الخاص. وإن شاء الله ربنا يعينك وتتجاوزي كل مشاكلك.
تم النشر الأحد، ٢٥ يناير ٢٠٢٦
السلام عليكم، هو لازم تتفهم الأول إن الموضوع هيحتاج شوية وقت، طبيعي مش بضغطة زر هتنسى 3 سنين. متجبرش نفسك على النسيان لأن مقاومة أي شيء بتزيده. تفهم مشاعرك وألمك وركز على إنك تشغل نفسك في حاجات أهم وتخلي عندك هدف جاد وواقعي تشتغل عليه بحيث يبقى يومك مشغول تماما ومتلاقيش وقت للتفكير. الفراغ هو اللي بيخلي العقل يفكر والقلب ينشغل، طول ما انت مشغول الأفكار هتتراجع واحدة واحدة للخلفية ومع الوقت هتنسى وحتى لو تبقى حنين أو شوية وجع بعد كده فهيكون لمجرد ذكرى عدت وماضي انتهى. وعامة، قصص حب كتير انتهت بالفراق والفشل، وأصحابها تجاوزوها تماما وبقت مجرد ماض، فالموضوع مش مستحيل، الزمن كفيل بكل ده. نصيحة أخيرة، بلاش تحاول تدخل علاقات تانية سواء عشان تحاول تنسى البنت دي بعلاقة جديدة أو عشان ترتبط وخلاص. ركز على مستقبلك الدراسي والمهني وابني نفسك ووقت ما ربنا يأذن تقدر تختار البنت اللي هتتزوجها وتكون شريكة الحياة المناسبة إن شاء الله. وبالتوفيق.
تم النشر الأحد، ٢٥ يناير ٢٠٢٦
السلام عليكم، أنا مش عارفة أنتِ في سنة كم وهل تخرجتِ وفيه إمكانية تشتغلي أو لأ، بس عامة البنت مسؤولة من أهلها، والمفروض إن الأب مسؤول عن الإنفاق على أهل بيته، والأهل لما بياخدوا قرار الزواج وإنجاب أطفال للعالم فهم عارفين إنها مسؤولية هيتحملوها بكل تبعاتها. (كلكم راع وكلكم مسؤول عن رعيته) والرعاية تشمل التربية والإنفاق والتعليم، والحماية وغيرها. ** الأهل لهم حقوق وعليهم واجبات وكذلك الأبناء لهم حقوق على الأهل وعليهم واجبات تجاههم. ** أنتِ كبنت شرعًا مسؤولة من أهلك ووالدك واجب عليه الإنفاق عليكِ. دورك بقى، تعملي واجبك ناحيتهم. تبريهم وتطيعيهم في المعروف، وتساعديهم باللي في وسعك، عندك مذاكرة يبقى واجبك تنتبهي لدراستك وتتفوقي، يعني مثلا متعمليش زي الطلبة اللي الأب بيتعب ويشقى عشان يجمع الفلوس ويهملوا مذاكرتهم او ياخدوا الفلوس يصرفوها في حاجات تانية وميروحوش الدروس. ** مثلا فيه حاجات تندرج تحت بند الرفاهيات ممكن الاستغناء عنها لحد ما الظروف تتحسن أو لما تقدري تشتغلي وتشتريها لنفسك وهكذا. ** لو تخرجتِ او في فترة إجازة مثلا، ممكن تفكري ساعتها تشتغلي عشان تخففي شوية، بس ده ملوش علاقة بأنتِ تقيلة أو لأ. ** بالنسبة لكلام مامتك، فللأسف الأهل ساعات بيرموا كلام صعب ظنًا منهم إنهم كده بيدفعوا الأبناء لتحمل المسؤولية ويخافوا من التقصير والإهمال. لو الكلام فضل مزعلك ممكن تصارحي مامتك وتتفاهموا أو تكتبي اللي مضايقك في ورقة وتحرقيه، وادعي ربنا يرزق والدك من فضله ويفرج عنكم أي ظروف صعبة. وبالتوفيق إن شاء الله.
تم النشر السبت، ٢٤ يناير ٢٠٢٦
السلام عليكم، مشكلتك كلها في أفكارك، أنتِ زرعت أفكار مدمرة في عقلك وصدقتِها لدرجة الإيمان فخلتيها تتجسد في الواقع. أوهمت نفسك بسبب بعض الأحلام، والأحلام المفروض تنسيها بعد ما تصحي ومتحكيهاش ولا تعتمدي عليها في تفسير وتقرير حياتك. عقلك الباطن بيصدق أي أفكار بتقوليها لنفسك، هتفضلي تقولي أنا فاشلة ومش هلحق وأكيد الحلم بيتحقق وكل صحابي سبقوا وخلاص ده قدر وانتهى يبقى أنتِ بنفسك هتوصلي نفسك لده عشان صدقتِه. لسه باقي شهور على الامتحانات، مين قال إن خلاص نتيجتك في الثانوية بقت قدر متحقق؟ هل كشفتِ عن الغيب وشفتِ اللي مكتوب لك؟ ليه بتسبقي الأحداث وبتتوقعي الأسوأ؟ ليه بتشلي نفسك بنفسك؟ ** ظروفك الأسرية صعبة أو حياتك فيها صعوبات أو أيا كان الوضع اللي أنتِ فيه، فيه ناس كتير في ظروف أسوأ ومع ذلك بيعافروا ويبذلوا أقصى ما عندهم فيكونوا عملوا اللي عليهم وربنا مش بيضيع تعب حد. بلاش تستسلمي للظروف ولشوية وساوس سلبية وتحكمي على نفسك بالفشل قبل ما تحاولي. ** ابدئي في تصليح أفكارك، ده الحل الوحيد عشان تنقذي نفسك. اقعدي مع نفسك واكتبي كل فكرة سلبية بتخطر على بالك حاليا وقصادها اكتبي فكرة إيجابية تنفيها وابدئي اغرسي الأفكار الإيجابية في عقلك لحد ما تصدقيها وتنفذيها على أرض الواقع. ** خدي لفة سريعة في التطبيق وشوفي مشاكل الطلاب في الثانوية وهتلاقي إجابات ونصائح هتنفعك بإذن الله. وربنا يوفقك.
تم النشر السبت، ٢٤ يناير ٢٠٢٦
السلام عليكم، طيب أنت دلوقتي محدد المشكلة وسببها ونتائج الاستمرار فيها وعارف كمان الحل الوحيد لها. فالخيار بيدك وحدك. ممكن تخلي الأمر أوضح بالنسبة لك لو كتبت كل ده على ورق، يعني هات ورقة وقلم واكتب كل النتائج السلبية اللي هتترتب على كلامك معها واللي ذكرت بعضها في سؤالك وكمان اكتب الأسباب اللي تمنعك تمامًا من خوض التجربة مهما كانت مغرية بالنسبة لك دلوقتي. واكتب في الناحية التانية العائد الإيجابي اللي ممكن تاخده من العلاقة رغم كل السلبيات اللي اتذكرت... لا أعتقد إن هيكون فيه عائد إيجابي عامة، ممكن بس شعور مؤقت بالتخلص من الفراغ العاطفي والحاجة لوجود شخص في حياتك يسمعك... وبعد الشعور المؤقت ده هيترتب أذى أكبر مستقبلا. غير كده لا أعتقد فيه أي ثمار تعود عليك من العلاقة دي. *** خلي الصورة واضحة أمام عينيك وفكر فيها كويس، كل ما جسدت النتائج أمام عينيك كل ما كان حسمك للقرار أسهل. ** لما تقطع دلوقتي وتتوجع شوية بسبب شعور الاحتياج والفراغ أقل وأهون بكتير من الألم اللي هتحس به بعدين لما تغرق أكتر والتعلق يزيد لصورة مرضية. *** الفراغ مقدور عليه، والحاجة لاحتواء أو دعم أو وجود شخص في حياتك كل ده مقدور عليه برضه وممكن تتغلب عليه بطرق كتير زي إن يكون عندك هدف جاد تسعى عشانه بكل جهد وإنك تعرف أنت ليه فعلا موجود في الحياة وربنا خلقك ليه وتشتغل على ده. ** نقطة أخيرة أرجو تساعدك تحسم قرارك، فكر في أختك أو لو مش عندك أخت فكر في قريبة لك في مكانة الأخت اللي تغار عليها وتحميها، هتحس بإيه لو شخص فكر يكلمها وهو مش ناوي أصلا على زواج وكل اللي عاوزه منها ملأ فراغ أو حاجة عنده؟ معتقدش تقبل حاجة زي دي. ** بالنسبة لعلاج مشكلة التعلق فابحث في التطبيق هتلاقي إجابات للخبراء ولو لقيت صعب تنفذ لوحدك ومحتاج لخبير يتابعك معك فممكن تشوف قائمة خبراء فدني وتتواصل شخصيا مع خبير مختص وإن شاء الله يقدر يساعدك في التخلص تماما من التعلق. وربنا يوفقك.
تم النشر السبت، ٢٤ يناير ٢٠٢٦
السلام عليكم، هو شكلك كده ثانوية عامة أو مشتتة ومضغوطة في دراستك فهتلاقي أفكارك عمالة تتطرف من أقصى اليمين لأقصى اليسار وكل شوية تفكيرك ينقلك لنقطة جديدة مش وقتها خالص عشان تتهربي من المسؤولية الحالية، بس عمومًا، عادي إن أنت تحسي بنفور مع كثرة النماذج السيئة والتجارب الفاشلة، وعادي كمان تحسي بانجذاب لفكرة وبعدها تفكيرك يتغير لأي سبب، سواء اكتشفت إن الفكرة مش مناسبة دلوقتي أو فيه أنسب منها أو فيها عيوب. المهم دلوقتي إيه الأولوية عندك؟ في الوقت الحالي... إيه اللي لازم تركزي عليه؟ هل هي فكرة الزواج فعلا وهل لازم دلوقتي وحالا ترجعي تخلي نفسك تحبها؟ ***** الأولوية برأيي دلوقتي، هي دراستك ومستقبلك. التعليم سلاح مهم جدا جدا للبنت... لو مش متعلمة وفاهمة حقوقك وواجباتك كويس مش هتنجحي كإنسانة ولا كزوجة ولا كأم. **** ثم مين قال إن مش صح تكوني مسؤولة عن نفسك؟ ومين قال إن المفروض فيه رجل مسؤول عن البنت طول حياتها؟ دي مش قاعدة ثابتة ولا فرض واجب. وخاصة في الزمن ده، اللي انقلبت فيه الموازين واختلت فيه مفاهيم الرجولة والأنوثة. ** افرضي البنت قررت طول عمرها تكون معتمدة على وجود رجل، تزوجت وطلع لا قدر الله شخص غير مسؤول ولا فاهم دينه ولا قوامته وظلمها ورماها لوحدها أو بأولادها زي ما بيحصل كتير، ترجع لأهلها فأبوها أو أخوها يرفضوا يتحملوا مسؤوليتها بعد الطلاق وخاصة لو معها أولاد وده بيحصل برضه كتير جدا. تعمل إيه المرأة ساعتها؟ تنتظر رجل تاني ينقذها؟ وافرضي طلع أسوأ؟ تستحمل عشان لازم تكون تحت ظل رجل لمجرد إنه في اعتبار المجتمع رجل؟ ** فكرة إن البنت لازم وأبدا تكون معتمدة على رجل هو المنقذ والمخَلص، فكرة مؤذية للبنت قبل أي حد تاني وللأسف أول واحدة بتدفع التمن وبعدها الأسرة اللي بتحاول تؤسسها والأطفال اللي بتفكر تكون لهم أم. عشان تنجحي كإنسانة وزوجة وأم لازم الأول تكوني عارفة تعتمدي على نفسك وفاهمة نفسك كويس ومقدراها وفاهمة حقوقها وواجباتها كويس عشان مش أي حد بعد كده يضحك عليك باسم الشرع والدين ويخليكِ تقبلي وضع ظالم لا يرضي ربنا. ** ركزي دلوقتي في المهم وخلي الأفكار دي كلها للوقت الصح، وربنا يوفقك.
تم النشر الخميس، ٢٢ يناير ٢٠٢٦
السلام عليكم، أيوه ممكن الإغراق في الندم يوصل لمراحل سيئة ويسبب مشاكل نفسية كتيرة. الندم كشعور كويس في إنه يمنعك ترجع لنفس الخطأ، إحساس الألم اللي بيسببه الندم كافي يمنعك تكرر الأخطاء اللي ندمان عليها، لكن إن يفضل الندم شعور ملازم لك فده مش صح وهيؤثر سلبًا على حياتك. ** عشان تتغلب على الإغراق في الندم لازم تبرمج عقلك ونفسيتك على: إن ربنا غفور رحيم بيتجاوز عن أخطائنا ما دام رجعنا عنها وندمنا. إن الندم مش هيغير أي شيء، أنت مش هتقدر ترجع للماضي عشان تغير اللي حصل. إن الماضي لازم يكون وراء ظهرك، إذا فضلت شايله على كتافك خطواتك هتتقل ومش هتتقدم للمستقبل. إن الماضي مهما كان مؤلم وفيه أخطاء بتندم عليها هي مرحلة وعدت والتصرف الوحيد الصحيح تجاهه هو إنك تاخد العبرة من اللي حصل، كل تجربة بتمر بها فيها دروس ورسائل إذا متعلمتش من الدروس دي يبقى مأخدتش حاجة من الماضي غير الألم. ** حاول كده مع نفسك الأول تجرب إعادة برمجة لتفكيرك ومشاعرك وإذا الأمر كان صعب أو وصلت لمرحلة نفسية سيئة بسبب استغراقك في الندم فجرب ساعتها تستعين بمرشد نفسي أو طبيب يساعدك بخطوات عملية في تجاوز الندم والماضي. ** بالتوفيق إن شاء الله.
تم النشر الخميس، ٢٢ يناير ٢٠٢٦
السلام عليكم، برأيي الشخصي الإجازة لازم تكون فترة فاصلة بعيدة تماما عن الدراسة، تعيدي فيها ترتيب أولوياتك وأفكارك وتصفي ذهنك قبل ما تبدأي الدراسة من جديد. لو مش هتقدري تفصلي أسبوعين فعلى الأقل خدي أول أسبوع منهم فاصل نفسي وذهني. الراحة دي مطلوبة عشان متضغطيش على نفسك فتدخلي في احتراق نفسي أو وظيفي يؤثر على دراستك سلبًا بعد كده. الأسبوع التاني ممكن تستغليه في التخطيط لفترة الدراسة ووضع خطة مرنة وواقعية. ** فيه اقتراحات حلوة في الإجابات وكمان هتلاقي في الأسئلة ذات الصلة تحت سؤالك فيه ترشحيات واقتراحات تانية لأنشطة تعمليها في الإجازة. وربنا يوفقك.
تم النشر الخميس، ٢٢ يناير ٢٠٢٦
السلام عليكم، بصي يا دارين، هو موضوع العمل الحر فعلا زي ما قلتِ مش سهل، بس هو برضه مش مستحيل وفيه كتير نجحوا فيه وشغالين. بس لازم تعرفي إنه محتاج صبر ومجهود واختيار مصادر توفر عليكِ بحث وتعب وتوهان وسط المعلومات الكتير. أهم حاجة بلاش تتسرعي وتكون الفلوس همك الشاغل لأن ده هيوترك ويعطلك في طريقك.. ركزي بس على تطوير مهاراتك وعمل نماذج عمل وده هيكون بالتطبيق المستمر لكل درس بتاخديه أثناء تعلمك وتطويرك للمهارة التي تختاري تشتغلي فيها إن شاء الله. أنصحك كمان، هيفيدك جدا عمل حساب على لينكدن وتنشيطه وإضافة أشخاص من نفس دائرة مهاراتك أو المهارات المتصلة بها، ده هيساعدك إن شاء الله في إنك توصلي لعملاء. ** لو لسه بتدرسي في كلية، متتسرعيش وخدي الأمور على مهلك، زي ما قلت، قلقك ناحية كسب المال بيؤثر سلبًا على طريق نجاحك في الوصول للاستقلال المادي. *** ممكن تقرأي إجابتي على السؤال ده فيه رابط لمحاضرات على التليجرام لمبادرة مجانية، كانت عاملاها أكاديمية ابن سينا للعمل من المنزل، وكمان رابط لقناة يوتيوب مختصة بالعمل الحر وطرق الكسب عبر الإنترنت، عليها محاضرات مفيدة جدا اسمعيها وطبقيها، وإن شاء الله تختصر عليك خطوات كتير وتساعدك توصلي. ** أكاديمية ابن سينا عندهم كورسات مدفوعة لكن كل فترة بيعملوا خصومات كبيرة، كمان باشمهندسة رحاب اللي قناتها هتلاقيها في الرابط، عندها كورسات مجانية كتير على القناة وعلى تليجرام كل فترة تعمل كورس بسعر رمزي وفيه كورسات تانية شاملة بس بتبقى مدفوعة... فأنتِ ابدئي بالمجاني وإن شاء الله يكون كافي ويوفر عليكِ مجهود ووقت. بالتوفيق إن شاء الله. https://www.fedni.net/q/52847274/كيف-أجد-عمل-ا-أونلاين
تم النشر الأربعاء، ٢١ يناير ٢٠٢٦
السلام عليكم، ممكن تقرأي إجابتي على السؤال ده فيه رابط لمحاضرات على التليجرام لمبادرة كانت عاملاها أكاديمية ابن سينا للعمل من المنزل وكمان رابط لقناة يوتيوب مختصة بالعمل الحر وطرق الكسب عبر الإنترنت، عليها محاضرات مفيدة جدا اسمعيها وطبقيها، وإن شاء الله تختصر عليك خطوات كتير وتساعدك توصلي. بالتوفيق إن شاء الله. https://www.fedni.net/q/52847274/كيف-أجد-عمل-ا-أونلاين
تم النشر الاثنين، ١٩ يناير ٢٠٢٦
السلام عليكم، أولا الموضوع سهل ومش محتاج منك كل القلق والرعب ده. أنتِ مشكلتك الأساسية في خوفك... خوفك من اللجوء لأهلك، وخوفك من نظرة الناس. خلي دائما خوفك الوحيد من ربنا، وطالما بينك وبين نفسك معملتيش أي غلط فخليكِ واثقة في نفسك حتى لو لا قدر الله حصل وشخص تبلى عليكِ (مش في المشكلة دي، في أي حاجة في الحياة عموما) متهتميش أبدا لكلام الناس وارفعي رأسك. اللي عاوز يتكلم ويألف كلام وحوارات هيألف ويصدق اللي عاوز يصدقه. فأنتِ قربي من ربنا ودايما رددي (حسبي الله ونعم الوكيل) قوليها من قلبك وبيقين وتصديق في كل كلمة منها وإن ربنا فعلا كافيكِ ووكيلك وهيكفيك شر أي شخص يحاول يؤذيك. ** الموضوع عامة وقف من 5 شهور فكفاية قلق، هو في الغالب لقى مفيش فايدة فراح يحاول يصطاد بنت تانية غيرك وفيه للأسف بنات كتيرة بتقع في الفخ ده فاحمدي ربنا إنه ثبتك وصرف عنك شره، وواظبي على الدعاء إنه يصرف شره وشر غيره عنك إن شاء الله. ** لو حصل ورجع يتكلم، اعملي بلوك من كل حاجة ومترديش خالص، وبعدها لما ترجعي البيت لو ساكنة بعيد اشتكي لوالدك أو أخ لك حتى لو أصغر منك، اشرحي لهم الموقف بصدق وحسسيهم إنك بتلجأي لهم عشان عارفة إنهم واثقين في أخلاقك ومتأكدة إنهم هيخافوا عليك ويحموك، لو اتصل خلي حد منهم يرد عليه ويهزقه وصدقيني هيخاف ويحرم. هو كان بيستغل خوفك وعدم فهمك، فبيقول لك محدش هيوصل لي ولا حد هيعرف يعمل لي حاجة، مع إن اتصال واحد بمباحث الانترنت سهل يوصلوا له ويأدبوه. *** بالنسبة لخوفك من مسألة خطيبك تقولي له إزاي بعد كده، فخطيبك أو الشخص اللي هيكون زوجك مستقبلا ملوش حق يعرف أو يحاسبك على حاجة من ماضيك (وأنتِ هنا مغلطتيش) ده حتى لو البنت كانت غلطت أو مرتبطة قبل كده، وده شرعًا مش كلام من عندي يعني. وربنا يصلح لك الحال ويبعد عنك شره وشر غيره. بالتوفيق.
تم النشر الأحد، ١٨ يناير ٢٠٢٦
السلام عليكم، بالنسبة للتواصل مع أحد الخبراء المختصين سواء طبيب أو مرشد نفسي أو لايف كوتش، فممكن أنتِ مباشرة تدخلي على صفحة الخبراء https://www.fedni.net/experts وتختاري الخبيرة اللي تلاقي إجابتها كويسة بالنسبة لك وتحسي إنها تقدر تساعدك فعلا.. في قلب صفحة الخبيرة هتلاقي زر حجز استشارة هيوصلك بالواتساب بتاعها أو أي وسيلة مختاراها للتواصل مع الأعضاء، وممكن تلاقيها كاتبة وسائل تواصل تانية زي الفيسبوك وغيرها. دي الصفحة، إن شاء الله تلاقي المساعدة اللي محتاجاها. *** بالنسبة لفك التعلق فأنتِ ممكن تقرأي الأسئلة الموجودة على التطبيق بخصوص فك التعلق وهتلاقي إجابات تفيدك إن شاء الله، ده على ما تقدري تتواصلي مع إحدى الخبيرات إن شاء الله. وربنا يوفقك.
تم النشر الأحد، ١٨ يناير ٢٠٢٦
السلام عليكم، ممكن تتبع النصائح اللي قالتها ذكية في إجابتها لتقليل الأعراض لكن ضروري جدا تتابع مع طبيب أسنان. هو مع الفحص هيحدد سبب المشكلة ويشوف إذا علاج المشكلة دي هيوقف الأعراض وكمان هيحدد شدة الحالة والعلاج اللازم لك. فيه أدوية ممكن يكتبها لك تقلل إفراز اللعاب وفيه حلول مؤقتة زي حقن الغدد اللعابية وفيه إجراءات تانية ممكن يلجأ لها الطبيب في الحالات الشديدة زي الجراحة. نصيحة أخيرة، متاخدش أي دواء بدون استشارة طبيب. لازم لازم كشف فمتتأخرش، صحتك ونفسيتك أهم من أي حاجة. وألف سلامة.
تم النشر السبت، ١٧ يناير ٢٠٢٦
السلام عليكم، فيه دورات موجودة على الانترنت، في اليوتيوب ومواقع خاصة بصناعة العطور ممكن تتطلع عليها من الرابط ده وإن شاء الله تلاقي دورات مجانية مناسبة كبداية. https://www.google.com/search?client=firefox-b-lm&channel=entpr&q=دورات+صناعة+العطور أعتقد برضه هيكون أفضل لو بحثت في منطقتك أو الأماكن المحيطة بك عن محلات تركيب وبيع العطور واسأل فيها لو فيه فرص شغل عندهم ممكن تكون فرصة جيدة للتدريب العملي... ممكن مثلا تتابع كم دورة أونلاين وتاخد معلومات أساسية وبعد كده تنزل أي محل كويس، حتى وإن كان المستوى مش متقدم زي العطور الغالية لكن كبداية وإن شاء الله مع الوقت تلاقي مصادر وطرق تتطور في المجال أكتر للمستوى اللي بتتطلع له. وبالتوفيق إن شاء الله.
تم النشر الخميس، ١٥ يناير ٢٠٢٦
السلام عليكم، ممكن تقرأ إجابتي على السؤال ده فيه رابط لقناة يوتيوب مختصة بالعمل الحر وطرق الكسب عبر الإنترنت، عليها محاضرات مفيدة جدا اسمعها وطبقها، وإن شاء الله تضعك على أول الطريق. https://www.fedni.net/q/52847274/كيف-أجد-عمل-ا-أونلاين هكرر هنا نصيحتي اللي قلتها في الإجابة وأركز عليها، بلاش استعجال وقلق من ناحية إنك تدخل فلوس عشان ده لاشعوريا بيأخرك في طريقك وبيخلي عليك ضغط نفسي بيأثر سلبا على إنجازك وحصولك على شغل. وبالتوفيق إن شاء الله.
تم النشر الخميس، ١٥ يناير ٢٠٢٦
السلام عليكم، ألف سلامة لحضرتك. بالنسبة للكشف، أعتقد صحتك أهم بكتير من شعور الحرج من الكشف عند طبيب. مين قال الكشف للعيال الصغيرة بس. اعمل بالنصائح اللي اقترحتها ذكية ومن بكرة لو تقدر، تروح تكشف باطنة الأول تطمئن على الكلى والسكر عشان دول أسباب رئيسية في كثرة أو زيادة التبول، والدكتور مع الفحص والتحاليل ممكن يحدد إذا المشكلة تبع الباطنة أو هتحتاج يحولك لكشف مسالك بولية، لو السبب من البروستاتا أو التهابات مجرى البول وهكذا. متتأخرش عشان لا قدر الله ميحصلش أي مشاكل أنت في غنى عنها. وألف سلامة مرة تانية.
تم النشر الأربعاء، ١٤ يناير ٢٠٢٦
السلام عليكم، هو موضوع الفهرسة كبير وأسباب عدم الفهرسة كتيرة. بس من تجربتي كنت بعمل فهرسة بنفسي من خلال نسخ الرابط وعمل فحص من خلال شريط البحث في جوجل سيرش كونسول، ولما يظهر النتيجة إن الصفحة غير موجودة على جوجل ببعت طلب فهرسة وبعد كده جوجل بيضيفوا الرابط للصفحات المفهرسة. وكمان لما بنشر مقال باخد الرابط بتاعه وأنشره ولما الزوار بيضغطوا على الرابط جوجل بتبعت عناكبها عشان تشوف الصفحة وبعد كده تفهرسها. ممكن تشوف الرابط ده فيه خطوات حل https://www.youtube.com/watch?v=H78jaFqTvks وحاول كمان تشوف دورة لشرح google search console وتاخد ولو درس منها كل يوم عشان تفهمه أكتر ولو مشاكل تانية قابلتك فيه تبقى عارف تبحث فين وتحلها إزاي. وبالتوفيق.
تم النشر الاثنين، ١٢ يناير ٢٠٢٦
السلام عليكم، القراءة سواء باللغة العربية أو أي لغة هي عادة كأي عادة تتطور وتثبت بالممارسة والاستمرارية. إذا كنت مبتدئًا في القراءة لا تجبر نفسك على اتباع روتين يومي شاق وابدأ تدريجيا. حتى لو عشر دقائق فقط يوميا من القراءة وزيادتها تدريجيا سيكون أفضل من البدء بساعة مثلا ثم التوقف خلال أيام. وأيضًا إذا كنت مبتدئا (وأعتقد في حالة قراءتك بالإنجليزية ستكون في هذا المستوى أو أعلى بقليل) ابدأ بقراءة قصص قصيرة أو مقالات على مواقع إنجليزية، اقرأ في المواضيع التي تهمك وتميل إليها حتى لا تشعر بالملل والضغط. ** أثناء القراءة لا تركز على فهم كل كلمة في النص والبحث عن معناها.. ليس مطلوبًا منك هذا.. ركز على فهم المعنى الكلي للنص وإذا استوقفتك كلمة وألحت عليك لمعرفة معناها يمكنك البحث عنها وإضافتها للكلمات الجديدة. مع الاستمرارية في قراءة الكتب والمقالات ستلاحظ تكرار الكلمات وفهمك لها من خلال السياق... تكرار الكلمات مع القراءة يؤدي إلى تذكرها وثباتها في الذهن. ** بالنسبة للموبايل، إذا كان متاحًا لك سماع البودكاست من خلال لابتوب (لا يحوي تطبيقات سوشيال ميديا) فافعل هذا واجعل الموبايل في مكان بعيد عن متناولك. إذا كنت تستخدم الهاتف فقط فقم باتخاذ قرار حاسم واحذف الانستا والفيسبوك... ربما تجد صعوبة في البداية لكن مع الوقت والانشغال في خطتك لتحقيق هدفك سيقل شعورك بالرغبة في العودة إليهما. ** للاستفادة من البودكاست: جرب الاستماع إلى البودكاستات التي تضيف تفريغًا نصيًا (Transcript) لمحتواها واستمع مرة دون رؤية النص ثم استمع مع قراءة النص واستخرج الكلمات أو الجمل الجديدة التي عرفتها وربما تجد تعبيرات وأمثلة أيضا... اكتبها في دفترك وراجع عليها كل فترة... يستحسن حفظ جمل وليس مفردات. يمكنك الاستفادة من البودكاست التي لديها تفريغ نصي في تطوير مهارة التحدث عن طريق تطبيقك لتقنية الـ(shadowing) حيث تقوم بالقراءة بصوت مرتفع وتقليد المتحدث في البودكاست مع كل جملة ينطقها. أنصحك بالبحث عن هذه التقنية إن لم تكن تعرفها وطبقها في خطة تطويرك للغة الإنجليزية. *** أنصحك أيضًا بالإضافة للبودكاست سماع الكتب الصوتية بالإنجليزية أو أي لغة تريد تطويرها وإن كان لديك نسخة نصية تقرأها أثناء الاستماع للكتاب الصوتي سيزيد هذا من الفائدة. ** هذه بعض النصائح الحاضرة في ذهني الآن أرجو أن تفيدك، إن تذكرت شيئًا سأضيفه في تعليق. وبالتوفيق إن شاء الله.
تم النشر الأحد، ١١ يناير ٢٠٢٦
السلام عليكم، المشكلة هتزيد بتوترك وخوفك منها. التوتر والتفكير الزائد والقلق خاصة في الساعات اللي بتسبق النوم كلها بتسبب نوم مضطرب ومن ضمن الاضطرابات حاجات زي الكوابيس وشلل النوم. الصلاة والأذكار واظبي عليها زي ما أنتِ حتى لو المشكلة مستمرة شوية، بس خلينا برضه نؤكد إن الذكر مش بس باللسان فلو مفيش خشوع في الصلاة أو حضور بالقلب فيها ويقين في الذكر فلازم نشتغل على ده عشان يحصل التغيير. فحاولي تشوفي طرق التعامل مع التوتر ومارسي رياضة خفيفة زي تمارين تمدد واسترخاء قبل النوم بساعة مثلا، اعملي روتين قبل النوم يساعدك على الاسترخاء، أعتقد لو بحثتي على الانترنت أو اليوتيوب هتلاقي أفكار، زي قراءة كتاب هادئ أو تفريغ أفكارك على الورق أو تنفس عميق... شوفي كده. ودوري كمان عن طرق فعالة للتدرب على التقليل من التوتر... هتلاقي نصائح اشتغلي عليها بجدية. الموضوع أكيد هيحتاج وقت ومثابرة، والأهم إنك توقفي خوف من المشكلة وتوقع لحصولها... أنتِ تقريبا بتحضري نفسك ذهنيا قبل النوم بتوقعك وقلقك فبتسببي حصول شلل النوم اللي خايفة منه. زي ما بيقولوا كده (اللي يخاف من العفريت يطلع له)
تم النشر الأحد، ١١ يناير ٢٠٢٦
السلام عليكم، اضغطي على القائمة الجانبية للتطبيق (فيه 3 شرط على الجنب هيفتحوها) هتلاقي خيار أضف نفسك كخبير في فدني. هيفتح لك صفحة تدخلي فيها بياناتك ولو فيه صفحات سوشيال ميديا تثبت وظيفتك كلايف كوتش ضيفيها عشان الإدارة تتأكد ويضفيوك للخبراء إن شاء الله.
تم النشر الأحد، ١١ يناير ٢٠٢٦
السلام عليكم، فيه أسئلة كتير على التطبيق عن المذاكرة والتفوق هتلاقي فيها نصائح كتير هتفيدك إن شاء الله. ممكن تشوفي الرابط ده https://www.fedni.net/all-results?query=المذاكرة وبالتوفيق إن شاء الله.
تم النشر الخميس، ٨ يناير ٢٠٢٦
السلام عليكم، أنا معرفش فرص أقترحها عليك بس هعطيك شوية نصائح بخصوص العمل من البيت. أولا، الشغل من البيت محتاج مهارة تطوريها وتعملي منها نماذج عمل عشان تقدري تنافسي في سوق العمل. فهتحتاجي بس تتعبي على نفسك شوية فترة عشان تلاقي مقابل بعد كده. فلو ناوي تركزي على الجرافيك ديزاين.. طوري شغلك أكتر واعملي نماذج عمل. ثانيا، أي حد يقول لك تدفعي مقابل مادي عشان الشغل ده نصب. ثالثا، ممكن تشوفي مبادرة العمل من المنزل اللي كانت أكاديمية ابن سينا عاملاها عشان تعرفي تظبطي طريقك للعمل الحر إن شاء الله. المحاضرات هتعرفك إزاي تلاقي المهارة اللي تناسبك وإزاي تشتغلي عليها وتلاقي العميل بعد كده. جربي تسمعي المحاضرات وتطبقي وإن شاء الله تفيدك. ده رابط المحاضرات على تليجرام https://t.me/workremotelyfreelance/61 فيه كمان قناة (click your future) أنصحك جدا تتابعيها وتطبقي الدروس هتفيدك جدا... هتلاقي عليها فيديوهات كتير لمجالات العمل الحر والدخل السلبي... وفيه سلسلة خاصة للتصميم على كانفا للسوشيال ميديا (أعتقد تناسب شغلك في الجرافيك) https://www.youtube.com/@ClickYourFuture/playlists نصيحة أخيرة، بلاش تستعجلي وتوتري نفسك... الموضوع محتاج شوية صبر. والمهم.. شيلي خالص من دماغك أي قلق من ناحية الفلوس وإنك مستعجلة عشان تكسبي فلوس أو تحلي مشكلة مادية عندك لأن ده للأسف بيسبب توتر وبيأخر إنجازك وحصولك على شغل. وربنا يوفقك.
تم النشر الخميس، ٨ يناير ٢٠٢٦
السلام عليكم، الموضوع بسيط... ما دام هي صديقة كويسة وقريبين من بعض فبلاش تخسريها عشان سبب زي ده. خليكِ صريحة معها... ممكن ترفضي بتصميم بس بطريقة لطيفة ولو صممت على نفس الطريقة عرفيها إن الموضوع ده عمل لك مشكلة وبقيتِ تخافي طول الوقت من تكرار المشكلة وهي إن شاء الله تتفهمك ولو فيه إمكانية تعوضيها عن السماعة اعملي كده وبالنسبة للجيبة ممكن تاخديها لأي ترزي وتصلحيها فإن شاء الله يصلحها أو يعرفك لو فيه مكان أفضل يساعدك. وبعد كده خليك حازمة أكثر وصممي على قرارك. وربنا يصلح حالكم ويقوي صداقتكم ويجمعكم على الخير دايما. بالتوفيق.
تم النشر الثلاثاء، ٦ يناير ٢٠٢٦
السلام عليكم، هو عامة أي شغل أونلاين هيحتاج منك مهارة. فممكن تعطي بعض الوقت في تعلم مهارة... لو عندك ميل لمهارة معينة هيبقى أسهل تتعلمها بسرعة وتشتغل فيها. لو مش هتقدر حاليا فشوف مثلا إدارة صفحات السوشيال ميديا (ممكن تتعرف سريعا على طبيعة الشغل ده ومتطلباته لو بحثت على يوتيوب) أو لو بتعرف تكتب بسرعة على الكيبورد وتنسق ملفات ممكن تشتغل في حاجة زي التفريغ الصوتي والكتابي. لو مش بتعرف تكتب بسرعة أنصحك تتعلم الأول الكتابة السريعة (Touch Typing) مش هتاخد وقت في تعلمها وهتسهل عليك كتير بعد كده. https://www.tybaa.com/ فيه جروبات على الفيسبوك لشغل التفريغ الصوتي وتنسيق الملفات وشغل إدارة صفحات السوشيال ميديا ابحث عليها وإن شاء الله تلاقي فرص بس خد بالك الأول قبل ما تقدم على شغل عشان فيه حالات نصب كتير. وانتبه كمان من التليجرام لأن أغلبه نصب. بالتوفيق إن شاء الله.
تم النشر الأحد، ٤ يناير ٢٠٢٦
السلام عليكم، أنا مش عارفة عمرك قد إيه لكن ممكن أخمن إنك صغيرة شوية. مش هقول إنك غلط أو بتبالغي أو بتبحثي عن الشخص المثالي... أي بنت بتفكر في الزواج أكيد نفسها في إنسان يكون ملتزم وعارف دينه كويس. لكن، الصورة مش بالكمال اللي متخيلاه ولا فيه قاعدة هتمشي عليها بالمسطرة في اختيار الزوج الصالح، التوقعات العالية هتسبب لك إحباط خاصة مع أحوال الشباب الأيام دي إلا من رحم ربي. ** وأخشى إن تفكيرك بالطريقة دي ممكن يجذب أشخاص في ظاهرهم متدين لكنهم أبعد ما يكونوا عن الصفات اللي بتبحثي عنها، ممكن تقعي مع شخص فهمه للدين ضيق... (هتقولي احتمال المجتمع هو اللي بيقول عليه متشدد) لأ... فيه أشخاص فعلا بياخدوا الدين من منظور ضيق للغاية لدرجة تحريم ما أحل الله والتشديد حتى في الأمور الخلافية اللي اختلف عليها العلماء طوال مئات السنين. وممكن مثلا تلاقي فيه الصفات اللي قلت عليها لكن من ناحية تانية مش فاهم فقه الزواج ولا إزاي يعامل زوجته زي ما الإسلام أمر ويبقى فاهم قوامته عليها فهم خاطئ ليس من الدين في شيء... وللأسف نماذج من دي كتير موجودة في الواقع. ** كمان ممكن من خلال النظارة الضيقة اللي أنت لابساها تعتقدي إن أي شخص فيه صفة واحدة ناقصة من دي هو شخص لا يستحق الارتباط به، حتى الإنسان الملتزم (التزام حقيقي) هو شخص غير كامل وبيجاهد، ممكن يرتكب معاصي ويجاهد في التوبة وممكن قوي تكتشفي إنه له ذنب ملازمه ومش قادر يتخلص منه. فالخلاصة، لا أحد كامل، توقعي ألا تجدي كل الصفات التي تبحثين عنها في شخص واحد. تريثي واقرأي كتير جدا وطوري من عقلك وتفكيرك ونظرتك للحياة والزواج وحقوقك وواجباتك كامرأة مسلمة، وقتها هتقدري تحكمي على الأشخاص اللي بيتقدموا لك وتختاري شريك الحياة الصح اللي تثقي إنك هتقدري تأسسي معه أسرة مسلمة سليمة. تحياتي.
تم النشر الخميس، ١ يناير ٢٠٢٦
السلام عليكم، تصدقي انت وهي صعبانين عليّ. واضح إنها بسبب ظروفها وحياتها عندها تعلق مرضي بك، ومش بعيد تكون هي نفسها مدركة المشكلة ومش عارفة تتخلص منها. وممكن قوي يكون الوضع ده مسبب لها أذى وضغط نفسي كبير. لو بحثتِ هنا في التطبيق هتلاقي بنات كاتبين مشاكل عن تعلقهم بصديقات أو بأشخاص وبيعانوا عشان يتخلصوا من التعلق ده. في نفس الوقت أنا متفهمة مشاعرك وصعوبة الوضع عليك خاصة مع اختلاف شخصياتكم وإنك زي ما قلت شخص بيحب يعتمد على نفسه في كل حاجة وبتحبي الهدوء ومش لك في المكالمات الكتير. التعلق الزائد للأسف ممكن يدفع الطرف المقابل للنفور لاشعوريا وده بيحصل تقريبا مع كتير من البشر، فتغير مشاعرك ناحيتها حصل بسبب تعلقها وارتباطها الشديد بك. أنت غصب عنك أكيد الوضع تاعبك وده اللي بيخليك تعامليها ببرود وقسوة أحيانا... سهل أقول لك حاولي تتفهميها وتلتمسي لها العذر، ممكن أقترح عليك تقرأي بعض الأسئلة على التطبيق الخاصة بالتعلق وشوفي إجابات الخبراء عليها ونصائحهم، ممكن تلاقي نصائح تساعدك. وانتظري برضه إن شاء الله حد من الأخصائيين يجاوبك ويفهمك إزاي تتعاملي معها بطريقة تساعدها تفك التعلق أو على الأقل تكون تعامليها بطريقة صحيحة لا تجرحها أو تسبب آثار سلبية معها. وربنا يصلح أحوالكم انتم الاتنين.
تم النشر الخميس، ١ يناير ٢٠٢٦
السلام عليكم، لا يستحق أن تضيعي عليه ذرة من تفكيرك ووقتك. صدقيني، مجرد قولك له أن كل شيء قسمة ونصيب ثم عمل حظر له بالنسبة لشخص مثله هو انتقام كاف وأنا متأكدة من أنّ تصرفك البسيط والهادئ هذا أزعجه كثيرا، ومن كلامك يمكنني الجزم أنّه كان يريدك أن تتوسليه في المكالمة لتجعليه يرجع في قراره وتتذللي له أكثر. وكلامه لشقيقك هو تعبير عن غضبه لنفسه، أراد أن يشعر بلذة انتصار وهمي لا أكثر. اتصالك لأي سبب حتى للانتقام لنفسك سيكون انتصارا له. لا تهتمي لرأيه ولا لكلامه ولا حتى رميه المسؤولية عليك... تجاوزي الأمر كتجربة سيئة كان يجب أن تمري بها لتتعلمي بعض الدروس. ** أعرف من الصعب تجاوز شعور القهر والضيق على نفسك وإحساس الندم على الوقت الذي مضى وأنتِ تحاولين التعامل والتفاهم مع شخصية كتلك لكن مع الوقت ستتجاوزين هذا الشعور وسيُلقى بذكرياته في سلة المحذوفات داخل عقلك لكن لا يجب أن تنسي الدروس التي خرجتِ بها من هذه التجربة حتى لا تكرريها مستقبلا مع أي شخصية مشابهة. خطأك أن ضيعت الكثير من الوقت معه وقد تبين من البداية كم الاختلاف بينكما لكنني أفهم أنك فقط أردتِ منحه الفرصة والتأكد من عدم التسرع في الحكم واحتمالية ظلمك له بقرارك... فقط، لا تكرري الخطأ مستقبلا ولا تضيعي الكثير من الوقت على شخصيات لا تتوافق معك أو بها عيوب على أمل أن تتغير أو تكتشفي خطأ حكمك الأولي. لا تجبري نفسك على تقبل أي شخص لم تشعري بارتياح أو توافق معه... الحياة أقصر من تضييعها على هكذا علاقات. اتركي الأمر لشقيقك وركزي على حياتك ونفسك وإن شاء الله عندما يحين الوقت ستقابلين من يناسبك شخصية وأخلاقا ويستحق أن يكون شريك حياة. بالتوفيق إن شاء الله.
تم النشر الخميس، ١ يناير ٢٠٢٦
السلام عليكم، أولا ربنا يعينك وإن شاء الله تقدري تتخطي أي تعب ومشاكل وتكوني بأفضل حال. الأحسن، تتواصلي مع حد من الخبراء على الخاص عشان تتكلمي براحتك. ادخلي على صفحة الخبراء من الرابط ده https://www.fedni.net/experts هتلاقي عندك كذا خبيرة، سواء طبيبة نفسية أو لايف كوتش... اضغطي على الاسم وادخلي صفحة أي خبيرة واقرأي إجاباتها على الأعضاء لو لقيتِ اللي تحسي إنها تقدر تساعدك ممكن تتواصلي معها عن طريق الضغط على زر حجز استشارة أو هتلاقيها كاتبة وسائل التواصل بتاعتها زي الفيسبوك وغيره.
تم النشر الأربعاء، ٣١ ديسمبر ٢٠٢٥
السلام عليكم، في عمرك ده الإعجاب والإنجذاب للجنس الآخر مشاعر طبيعية وما دام المشاعر دي مخرجتش عن الحدود ومندفعتيش وراها لطريق غلط فمفيش مشكلة ومقدور تتعاملي معها وتعالجيها صح مع الوقت. من كلامك تقريبا كده الشاب معملش حاجة غلط ولا حاول يلفت نظرك، واحتمال كله تفكير زائد وتحليل لتصرفاته نتيجة تأثير مشاعرك مش أكتر، فكل اللي محتاجة تعمليه إنك تشتغلي على نفسك. متقسيش عليها وتحسي بالذنب وتفضلي تلوميها على مشاعرك أولا، تفهمي الوضع وتفهمي كمان إنه ممكن ياخد شوية وقت عشان تتعاملي مع المشاعر دي لحد ما تروح لحالها. معظم البنات مروا بالمرحلة دي فعادي، المهم إنها متدفعكيش لأي تصرف يغضب ربنا. *** حاولي تتجنبي التعامل مع الشاب أو سؤاله عن شيء، لكن برضه مش بطريقة أوفر عشان متلفتيش نظره، يعني لو اضطريتِ تسألي ومكنش فيه بنات غيرك يسألوا، اسألي وتعاملي بهدوء واحترام. ركزي على مراجعة حفظك وانت في طريقك للمكان ولحد ما تدخلي عند المعلمة ده هيشغل تفكيرك شوية ومع الوقت هيدرب عقلك على تجاهله تماما لحد ميبقاش فارق معك. ** ادعي ربنا يخلص نيتك ومتسمعيش لأي وساوس الشيطان يوسوس لك بها عشان يشكك في نيتك من حفظ القرآن والقرب من ربنا. كملي حتى لو فيه شكوك ومع الوقت والاستمرارية على الطاعة كل الوساوس هتختفي بإذن الله. وربنا معك ويصلح بالك.
تم النشر الثلاثاء، ٣٠ ديسمبر ٢٠٢٥
السلام عليكم، سواء الشخص ده فعلا عنده نفس القدرة اللي بتقولي عليها أو بيخدعك ومش عنده أي قدرات ولا بيحس باللي بتقولي عليه ففي كل الأحوال علاقتك به غلط ومينفعش تستمر لو فعلا مش عاوزة تغضبي ربنا. حتى لو قال إنه عاوز يتجوزك، ابعدي عنه دلوقتي وهو يبقى يثبت حسن نواياه ويتقدم لك لما يكون جاهز. غير كده يبقى بيتسلى ومش ناوي ياخد خطوة جادة. الأفكار اللي بتقولي عليها قذرة مش هي بس اللي هتغضب ربنا لو وقعتِ فيها، مجرد ارتباطك بشخص في علاقة غير شرعية ده بيغضب ربنا. بالإضافة إلى إنك أصلا في ثانوية ومش وقت العلاقات دي خالص ولا حتى وقت إنك تتزوجي. ركزي في دراستك وكل الأفكار والوساوس دي هتروح إن شاء الله. الأفكار المستمرة والمخاوف اللي بتطاردك طول الوقت دي وساوس فتجاهليها. الخطوة الأهم عشان تحلي مشكلتك، اقطعي علاقتك به ومتهتميش ولا تفكري إنه قلبك هيتألم عشان هو زيك ولا إنك هتتألمي عشانه... انسي خالص الكلام ده. إحساسك بالألم في الغالب هيكون عشان ضميرك بيأنبك وخايفة تكوني زعلتِه لما تقطعي علاقتك به وكمان هيكون من الشيطان عشان يخليكِ تغضبي ربنا وتستمري في علاقتك مع الشاب ده. *** متخليش الشيطان ينتصر عليكِ. توكلي على الله وتوبي الأول وقرري عدم الرجوع مهما حسيتِ بالذنب أو تألمتِ. وبعدها ركزي على مذاكرتك واشغلي وقتك والأفكار دي هتختفي تدريجيا. ربنا معك ويوفقك.
تم النشر الثلاثاء، ٣٠ ديسمبر ٢٠٢٥
يومين قليل، امشي على العلاج للمدة اللي وصفها الدكتور في الروشتة، ولازم راحة للمفصل، ممكن تروحي له في موعد الاستشارة لو العلاج مجابش نتيجة أو تغيري لطبيب تاني.
تم النشر الخميس، ٥ فبراير ٢٠٢٦
مش عارفة إذا فيه إمكانية تأجلي الاختبارات، بس صحتك أهم... جربي تعملي تقرير طبي واطلبي تأجيل إذا ينفع.
تم النشر الخميس، ٥ فبراير ٢٠٢٦
بقالك قد إيه ماشية على العلاج؟ لازم تكملي الكورس للآخر وتريحي المفصل تماما، ولو قال لك على أي تعليمات تانية اعمليها... العلاج أكيد هيحتاج وقت.. إذا المشكلة استمرت لفترة رغم العلاج والتزامك بالراحة والتعليمات، شوفي طبيب تاني زي ما قلت لك، وإذا معملتيش أشعة في المرة الأولى اعملي عشان تتأكدي إذا فيه التهاب أو أي مشاكل تانية بالمفصل.
تم النشر الخميس، ٥ فبراير ٢٠٢٦
ممكن فقدان الصوت نفسي من الزعل أو هي رافضة تتكلم معكم، بس عشان الاغماء والتشنج لازم تطمنوا إن محصلش أي مشكلة تكون هي السبب في فقدان الصوت أو يكون لها أي مضاعفات، فانزلوا أقرب طوارئ وإن شاء الله خيرًا.
تم النشر الخميس، ٥ فبراير ٢٠٢٦
وجزاكِ بالمثل، بالتوفيق دايما. 💚💚
تم النشر الثلاثاء، ٣ فبراير ٢٠٢٦
العفو، أرجو أكون أفدتك شوية.💚💚 بصي هو في أي لغة بلاش تتبعي الأسلوب التقليدي، يعني مشكلتنا مع الإنجليزي إننا تعلمناه غلط في المدارس فمعرفناش نستخدم اللغة وبقينا كأننا متعلمناش. اللغة بنكتسبها بالسماع والانغماس، زي ما تعلمنا لغتنا واحنا أطفال، احنا لقطنا اللغة بالسماع ومبدأناش نتعلم قواعد غير لما دخلنا المدرسة، فمتركزيش على تعلم القواعد وإنك تفضلي تحفظي في مفردات.. ركزي على الانغماس في اللغة وسماعها كتير من متحدثين أصليين، ممكن في الأول تحسي إنك مش بتلقطي كل حاجة ومش بتفهمي كلامهم مع الوقت هتلاقي مهارة السماع تحسنت وبقيتِ تفهمي أكتر، وركزي على حفظ الجمل مش المفردات وترديدها بصوت عالي. القواعد كده كده مع الوقت هتبنيها... فمتذكريهاش بالورقة والقلم وأسلوب الحفظ التقليدي. الأطفال كمان مش بيخافوا يغلطوا وهم بيتكلموا فتعاملي مع أي لغة هتتعلميها كأنك طفلة، اسمعي كتير ومتخافيش تغلطي.
تم النشر الثلاثاء، ٣ فبراير ٢٠٢٦
آمين وإياكِ يا دارين، سعيدة إني أفدتك.💚 هو للأسف الوضع بقى بشع جدا مؤخرًا، ناس كتير اتفتنت في دينها للأسف بسبب الكلام بدون علم والحوارات الكتير اللي شغالة دي... الأفضل عامة إن الواحد يبعد عن جدالات السوشيال ميديا والحرب اللي دايرة بين الجنسين ويفهم إن في الغالب اللي بيتكلموا ويفتوا هم أصلا مش فاهمين حاجة ولا يعرفوا دينهم أساسا.
تم النشر الاثنين، ٢ فبراير ٢٠٢٦
مش لازم سواك، ده مجرد مثال عن إيه الضرب غير المبرح المقصود من الآية ومن كلام الرسول... هتلاقي في شروحات الآية يعني إيه ضرب غير مبرح بيقولوا بالسواك ونحوه أو منديل ملفوف (أظن المنديل مفيهوش قوة أصلا عشان يوجع) ومش شرط يعني على كف اليد😅.. ما هو ممكن يضرب كتفها ولا دراعها نفس الشيء... موضوع السواك وكف اليد ده تشبيه مش أكتر فمتدققيش فيه. يعني من الآخر مفيش ضرب أصلا. المشكلة كلها زي ما قلت تلاكيك الذكور في مجتمعنا وفهمهم الخطأ لمعنى القوامة.. الرسول لما قال للصحابة (لا تضربوا إماء الله) فيه نساء تجرأت على أزواجهن بصورة سيئة فعمر رضي الله عنه اشتكى للرسول فرخص الرسول بالضرب غير المبرح زي ما في الآية فرجعت النساء اشتكوا لأمهات المؤمنين من أزواجهن عشان يبلغوا الرسول وقتها الرسول عليه الصلاة والسلام قال (لقد أطاف بآل محمد نساء كثير يشكون أزواجهن ليس أولئك بخياركم) يعني مع الترخيص كإنذار نهائي الرسول قال إن اللي بيلجأ للضرب ليسوا بخيار المسلمين بل الخِيار من لا يضربون نساءهم وقال كمان "خيركم خيركم لأهله وأنا خيركم لأهلي" والرسول عمره ما ضرب زوجة من زوجاته يبقى الأولى يعملوا زي الرسول. المشكلة في المجتمع، هو اللي حول الزواج والحياة نفسها، لكابوس وسجن ظالم للمرأة وبقى ياخد من الدين اللي يمشي مع عاداته ويردم على الأحكام اللي في صف المرأة.. من الآخر المجتمع عمل خلطة كده من العادات والتقاليد وبعض أحكام الدين المقتطعة وقال للمرأة ده الإسلام فاقبليه.
تم النشر الأحد، ١ فبراير ٢٠٢٦
ما هي حركة المسواك دي مش ضربة أصلا عشان نقول إنها بتنضرب كأنها عيلة، دي كناية عن إنذار أخير مش أكتر. فيه نساء بترجع عند أول خطوة فيه عند التانية، فيه ممكن يفرق معها الأخيرة، وفيه اللي مش هيفرق معها ومعناها وقتها إنها مش فارق معها الزواج أصلا. **. النساء مش نسخة واحدة وكمان الرجال... وربنا أعلم بخلقه ونفسياتهم.. ما دام أنا آمنت إن القرآن كلام ربنا فلازم أعرف إن التشريع اللي فيه، ربنا العالم بعباده هو اللي شرعه وعارف يفرق أو ميفرقش، وإلا مكنش ربنا شرعه أصلا. ** وأيوه في الإسلام موجود نشوز الرجل، والمرأة ممكن عادي ترد الضربة وتدافع عن نفسها بالقوة لو زوجها سيئ وبيضربها، بس لأن الرجل أقوى جسديا ومش مضمون رد فعله أو إنه يرد لها الضربة بأقوى منها أو الأمر يتطور وتتأذى هي في النهاية فالإسلام أعطاها الحق إنها تلجأ للقاضي (السلطات) والقاضي يحكم على الزوج الناشز ويؤدبه، ممكن يتسجن عادي أو حتى يُضرب أو يرد لها حقها بالحكم المناسب حسب حالتها... ولو استمر الزوج في نشوزه ممكن يحكم لها بالطلاق. ومن نشوز الزوج كمان إنه يحرمها حقوقها الجسدية وأي حق من حقوقها في الزواج، ومن حقها وقتها برضه تبلغ عنه عشان يتحاكم أو تطلب الانفصال أو الخلع. المشكلة إن المرأة بتخاف تبلغ لو تعرضت لعنف أو نشوز وبتخاف من الطلاق ومن كلام الناس أو بترضخ للمجتمع اللي بيمنعها من ده أو يقول عنها مش أصيلة، وستات كتير بتتعرض لعنف ولما حد يدافع عنها هي أول واحدة بتتهمهم إنهم عاوزين يخربوا بيتها. فمن الآخر، الإسلام حدد للطرفين حقوقهم وواجباتهم وعدل بينهم بس المشكلة في القراءة الذكورية للنصوص وتغليب العادات والتقاليد على أحكام الدين وعدم تعلم المرأة لدينها وده للأسف خلى المجتمع يضحك عليها باسم الدين ويظلمها ويخليها تتحمل أوضاع ربنا مأمرش بها ولا يرضاها.
تم النشر الأحد، ١ فبراير ٢٠٢٦
العفو، إن شاء الله تتحل المشكلة على خير.💚💚
تم النشر السبت، ٣١ يناير ٢٠٢٦
@Habiba Habib ما دام جربتِ كل الطرق وما زالت المشكلة مستمرة، فالأفضل بقى تاخديه للصيانة ومختص يساعدك، بدل ما لا قدر الله تحصل أي مشكلة تأثر على الهارد.
تم النشر السبت، ٣١ يناير ٢٠٢٦
إن شاء الله خيرًا، جرب كده واستعن بالله ولا تيأس. لو الشغل مش متاح على أرض الواقع، جرب كده موضوع العمل الحر وربنا يسهل.
تم النشر السبت، ٣١ يناير ٢٠٢٦
العفو، بالتوفيق.
تم النشر السبت، ٣١ يناير ٢٠٢٦
طيب جرب كده تشوف الخبراء اللي على فدني، بعضهم بيكون عامل تخفيض لأعضاء التطبيق... إذا المشكلة صعبة بالنسبة لك ولقيت إن لازم مساعدة مادية من أهلك ففكر جديا تطلب مساعدتهم، يعني متتأخرش عن مساعدة نفسك بأي طريقة... بلاش تخلي أي سبب سواء خوف منهم أو خجل أو غيره يمنعك من مساعدة نفسك. *** هل فيه مشكلة لو نزلت اشتغلت في مكان كعمل جزئي إلى جانب الدراسة أو جربت تشوف فرص في العمل الحر إذا عندك مهارات تشتغل بها؟ بحيث منها توفر دخل مادي يساعدك في الكشف ومن ناحية تانية أعتقد الشغل هيكون مساعد في إنك تتخطى مشكلتك أو تخفف منها شوية.
تم النشر السبت، ٣١ يناير ٢٠٢٦
@محمد احمد وعليكم السلام، لو تقصد صفحة ويب عادية، إذا فاتح متصفح كمبيوتر بيكون فوق مكان الرابط بتعمله نسخ عادي.. لو فاتح من موبايل بتشوف أعلى المتصفح فيه 3 نقط غالبا، لما تضغط عليهم بتظهر قائمة فيها خيارات المتصفح من ضمنها نسخ رابط الصفحة. لو يوتيوب مثلا، بيكون فيه خيارات مشاركة من ضمنها نسخ رابط الفيديو.
تم النشر السبت، ٣١ يناير ٢٠٢٦
العفو، ربنا يوفقك.
تم النشر الجمعة، ٣٠ يناير ٢٠٢٦
خيرًا إن شاء الله، انتي ادعي له دايما وافضلي حاولي.
تم النشر الأربعاء، ٢٨ يناير ٢٠٢٦
مش عارفة بصراحة، بس خليكِ أعند منه عادي، ومش عند بعصبية أو إنه يوصل له منك إحساس إنك عارفة ربنا أكتير منه أو كده (الناس ساعات بتتحسس من النصائح الدينية عشان بيحسوا كده)، خليكِ مصرة على رفضك لأي حاجة شايفاها غلط بلطف وحاولي مرة واتنين وعشرة لحد ما يقتنع أو يزهق من الكلام معك.😅 المهم أصري على موقفك وادعي له كتير، وإن شاء الله ربنا يلين قلبه ويسمع كلامك. حاولي مش هتخسري، وربنا يوفقك. 💚💚
تم النشر الأربعاء، ٢٨ يناير ٢٠٢٦
العفو، بالتوفيق دايما.❤️
تم النشر الثلاثاء، ٢٧ يناير ٢٠٢٦
@basma pi اللي أعرفه عن الوسواس، تقريبا كل الشيوخ والمختصين اللي قرأت لهم قالوا إن علاجه التجاهل... اعتبري الوسواس ده شخص رخم عمال يزن جنبك وتجاهليه لحد ما هيزهق ويمشي في الآخر.. هتفضلي تتطاوعيه وتسمعي له أو تقاوميه بالقوة هيزيد.. الموضوع صعب أنا عارفة بس جربي وجاهدي عشان نفسك. انسي خالص أهلك دلوقتي... اعتبري إنك لوحدك خالص في الدنيا وأنت الوحيدة اللي بيدك تساعدي نفسك. ملكيش دعوة حاليا مين طايقك ومين كارهك أو بيحاربك، ركزي على إنقاذ نفسك وبس. ونصيحة، واظبي على أذكار الصباح والمساء وردديها بيقين وحسي كل كلمة منها عشان تجيب نتيجة معك، واقرأي سورة البقرة كل يوم حتى لو هتقسميها على أيام المهم تقرأيها بنفسك يوميا وتسمعي رقية شرعية كمان عشان لو فيه أي مشاكل روحية زي عين أو حسد وغيره وكمان ربنا يحفظك ويذهب عنك الوساوس إن شاء الله. امشي شهر كده وإن شاء الله يحصل تحسن، بس أهم حاجة تكوني واثقة في ربنا ومتيقنة إنك هتتحسني بفضله إن شاء الله عشان العلاج يجيب نتيجة. وربنا يوفقك.
تم النشر الأحد، ٢٥ يناير ٢٠٢٦
العفو، بالتوفيق دايما إن شاء الله.
تم النشر الأربعاء، ٢١ يناير ٢٠٢٦
العفو، بالتوفيق إن شاء الله.
تم النشر الأربعاء، ٢١ يناير ٢٠٢٦
العفو، زيادة اللعاب أو مشاكل الغدد اللعابية عامة تبع تخصص أنف وأذن أو فم وأسنان... بس أنا بفضل البدء بطبيب أسنان فممكن تبدأ بالكشف عنده وإذا لقى المشكلة محتاجة أكثر لأخصائي أنف وأذن أو السبب الأساسي لزيادة اللعاب تبع الباطنة هيحولك للتخصص المناسب.
تم النشر الأحد، ١٨ يناير ٢٠٢٦
هل الموضوع ده لسه جديد معاكِ ولا من زمان بيحصل كده؟ يعني فيه ناس دي طبيعتها وحتى لو حد صحاهم بهدوء بيقوموا مفزوعين.
تم النشر الخميس، ١٥ يناير ٢٠٢٦
خيرًا إن شاء الله... ربنا يرحم والدتك ويصبرك على فراقها. انتظري كده وإن شاء الله حد من بيعرفوا في تفسير الأحلام هنا يرد عليكِ.
تم النشر الأربعاء، ١٤ يناير ٢٠٢٦
العفو، بالتوفيق إن شاء الله.
تم النشر الاثنين، ١٢ يناير ٢٠٢٦
بصي سواء هو فعلا حصل معاه الكلام اللي قاله لك فتعلق بك تعلق مرضي بسبب تعاطفك معه، أو كان بيكذب زي شباب كتير ما بيألفوا قصص يكسبوا بها تعاطف البنات لحد ما يوقعوها ففي الحالتين الموضوع ضرر بالنسبة لك... التعلق المرضي هيضرك والسيناريو التاني كمان مش أقل ضررا... حكاية (I can fix him) دي البنات بيضحكوا بها على نفسهم... تعاطفك وإحساسك بالذنب ناحيته هيزود المشكلة (في حالة كان صادق)... كويس إنك قطعتِ معه فاثبتي على موقفك للنهاية وخلي رضا ربنا هو الأساس ومتخليش الشيطان يستغل تعاطفك وضميرك عشان يوقعك في الغلط.
تم النشر الاثنين، ١٢ يناير ٢٠٢٦
العفو، يا رب أكون ساعدتك شوية. تابعي كده وإن شاء الله تتحسني وتقل أكتر لحد ما تقف إن شاء الله... أنصحك كمان مع الأذكار تقرأي رقية شرعية كل يوم أو لو حد عندك في البيت يقدر يرقيك يكون أفضل وتشغليها جنبك لما تنامي... كمان سورة البقرة حاولي تقرأيها يوميا حتى لو قسمتِها على الأيام تساعد إن شاء الله لو فيه أي حاجة.. زي ما قال الرسول صلى الله عليه وسلم "اقرؤوا سورة البقرة، فإن أخذها بركة، وتركها حسرة، ولا تستطيعها البطلة (أي السحرة)" وربنا يعينك ويوفقك إن شاء الله.
تم النشر الاثنين، ١٢ يناير ٢٠٢٦
@dr Nada Samir أهلا يا د. ندى من القائمة الجانبية للتطبيق هتلاقي فيه خيار "المتابعون" بيفتح صفحة فيها أعضاء تتابعهم وقسم تاني أعضاء يتابعونك هتلاقي اسمها فيهم، ملحوظة كمان، حضرتك من الخبراء فممكن الأعضاء يتواصلوا معك عن طريق حجز استشارة... المفروض في حسابك يكون فيه زر حجز استشارة ما دمتِ من الخبراء.. ممكن تشوفي في إعدادات حسابك كده بيتفعل منين وتضفيه لصفحتك وممكن تضيفي صفحات السوشيال لو تحبي.
تم النشر الثلاثاء، ٦ يناير ٢٠٢٦
@عبده حماده ممكن يكون فيه مخالفات زي تكرار نشر نفس المشكلة أو كنت مثلا بتنزل الأسئلة وتمسحها بعد الحصول على إجابات ده بيعمل حظر نشر أسئلة... لو مفيش حاجة من دي ممكن تتواصل مع الدعم من هنا https://www.fedni.net/contact-us
تم النشر الأحد، ٤ يناير ٢٠٢٦
ربنا يصلح ما بينك وبين زوجك ويوفقكم في حياتكم. البنوتة كاتبة سؤالها بمجهول فمش هتقدري تلاقي صفحتها... ممكن تكتبي لها كلامك في إجابة على سؤالها وإن شاء الله تشوفها.. ده الرابط بتاع السؤال https://www.fedni.net/q/33189571/هل-أهجر-الناس-أم-أهجر-نفسي
تم النشر الجمعة، ٢ يناير ٢٠٢٦
@Bebo Chan ممكن تكتبي حاجة زي التعلق أو التعلق المرضي أو التخلص من التعلق أو تشوفي قسم أصدقاء نفسه هتلاقي أسئلة كتير عن مشاكل الأصدقاء أو حاجات تتعلق بالصداقة عمومًا. ده رابط بنتائج البحث عن كلمة التعلق https://www.fedni.net/all-results?query=التعلق https://www.fedni.net/tag/friends
تم النشر الخميس، ١ يناير ٢٠٢٦
@ايه أهلا يا آية، لو كنتِ نشرتِ سؤال قبل كده فلازم تشاركي على الأقل بإجابة مفيدة على سؤال لأحد الأعضاء... خدي بالك تكون إجابة مش تعليق زي اللي انتِ كاتباه ده.
تم النشر الخميس، ١ يناير ٢٠٢٦
العفو، وبالتوفيق إن شاء الله.
تم النشر الأربعاء، ٣١ ديسمبر ٢٠٢٥
فيه تفاصيل كتيرة مش فاهماها في مشكلتك... يعني دلوقتي فيه شخص أنت تعرفيه وقال هيتجوزك... فيه إشاعات وكلام طلع على سمعتك عشان إيه مفهمتش وحوار المدرس وباباك عرف إيه؟ اللي أقدر أقوله لك إن حتى لو فيه كلام من الناس واتهموك في سمعتك وأنتِ بريئة متهتميش بحاجة وركزي على مذاكرتك وحياتك... الناس بتنسى في الآخر وهيبطلوا يتكلموا بعد فترة فانسي أي أفكار أو وساوس من الشيطان. أنصحك تسمعي الرقية الشرعية كل يوم وتقرأي سورة البقرة وأذكار الصباح والمساء... امشي شهر كده على الأقل وشوفي الأحوال بتتحسن ولا إيه النظام.
تم النشر الثلاثاء، ٣٠ ديسمبر ٢٠٢٥
صلاة الاستخارة مش كده، أنتِ بتصلي وتدعي ربنا وأنت موقنة إنه هيختار لك الخير، الموضوع ملوش دعوة بإشارات ولا راحة ولا أحلام... الفكرة إن لو فيه خير في الزواج او الأمر اللي بتستخيري عشانه ربنا بييسره عشان يتم وإذا كان فيه شر بيبعده عنك. صلي استخارة وادعي بيقين وحاولي تركني مشاعرك السلبية على جنب واتركي الاختيار لربنا ومتنتظريش علامات.
تم النشر الثلاثاء، ٣٠ ديسمبر ٢٠٢٥
هنا على التطبيق يعني تقصد؟ لو قصدك كده فعادي ممكن تنشر مشكلة شخصية بصفة مجهول وإن شاء الله الخبراء يردوا عليك أو الأعضاء لو عندهم نصيحة تناسب مشكلتك. ممكن تشوف الأسئلة في التطبيق وتتعرف على طبيعته أكتر وبرضه شوف صفحة الأسئلة المكررة وصفحة سياسة الاستخدام والخصوصية عشان تعرف إيه المسموح به والممنوع نشره. https://www.fedni.net/faq https://www.fedni.net/privacy
تم النشر الثلاثاء، ٣٠ ديسمبر ٢٠٢٥
خلاص توكل على الله واستمر، زي ما قلت تفهم إن الموضوع هياخد شوية وقت لكن مش مستحيل عامة... ناس كتير قدرت تتخطى وتعيش حياتها عادي بعد كده... هو فيه فرق بين إنك تحاول تلهي نفسك وإنك تحط هدف فعلا وتشتغل عليه بجدية عشان تحققه مش عشان يكون في حد ذاته مهرب... لما يكون لك هدف جاد تجتهد فيه ده هيفرق وهيخليك تحس إن حياتك ونفسك أكبر من التوهان والتخبط في شوية مشاعر. تحت سؤالك هتلاقي أسئلة ذات صلة ممكن تقرأ فيها وشوف لو نصيحة منها أفادتك.
تم النشر الجمعة، ٢٦ ديسمبر ٢٠٢٥
فيه أسئلة كتير هنا عن التعلق وفكه، هتلاقي الخبراء كاتبين نصائح فيها تبع خبرتهم كمختصين... ممكن تبحث على التطبيق وتقرأها. لو هقدر أنصحك بحاجة فهي إنك تشغل وقتك لدرجة إن متلاقيش وقت تفكر... اشترك في كورسات أو اشتغل شغل إضافي أو ابدأ اتعلم مجال جديد... المهم يومك الأربعة وعشرين ساعة يكون لك هدف وشغال عليه... تفكيرك المستمر فيها ده طبيعي لأن يُعتبر إنك في إدمان من طول الفترة اللي تعلقت فيها وكان بينكم ذكريات... طبيعي هتاخد وقت فلازم تعمل حساب النقطة دي ومتحسش إنك فاشل في النسيان أو التجاوز. انشغل كتير ومع الوقت الأفكار هتتراجع للخلفية لحد ما تتعود وتخرج من حالة التعلق دي بإذن الله. المهم أول خطوة، إنك تستعين بربنا وتتوب عن اللي فات لإنه اصلا كان ذنب، وتتوكل عليه وتسأله العون عشان يخرجك من اللي انت فيه.
تم النشر الجمعة، ٢٦ ديسمبر ٢٠٢٥
جربي تكلميهم أكتر من مرة بهدوء ولو عرفتِ توسطي حد هم بيثقوا في رأيه، إنه مثلا يقابله ويقعد معه وبعدين يقعد يتكلم مع أهلك ويقنعهم حتى إنهم على الأقل يقابلوه ويتعرفوا عليه. فجربي مش هتخسري حاجة... وهو لو متمسك بك فأعتقد إن شاء الله هيحاول بأكثر من طريقة عشان تكونوا سوا. وربنا يوفقك للخير إن شاء الله.
تم النشر الخميس، ٢٥ ديسمبر ٢٠٢٥
طيب ما زلت شايفة مشاكل كتير في علاقتكم... أولا لازم تتعامل مع إحساس الشك ده، هل لو حصل وتزوجتم وحسيت منها برود في أي وقت أو كانت بتمر مثلا بفترة سيئة وكانت لأي سبب مش زي متغيرة... هل هتشك في خيانتها؟ لا أعتقد إن ده هيكون شيء صحي، بالعكس ده مؤشر خطر. الغيرة الشديدة كمان... ممكن تتعبكم في حياتكم بعدين لو حصل نصيب. أنت متضايق من طريقة تعاملها والعلاقة بالنسبة لك بقت مصدر تعب نفسي وإرهاق مش أكتر... لا أعتقد إن فيه أي مبرر للاستمرار في علاقة مفيهاش أي راحة نفسية حتى لو كانت روحك متعلقة بالشخص ده. أنت ممكن تقطع العلاقة خالص، البعد هيخليك تشوف الأمور بصورة أوضح وتخلصك من التعلق هيخليك إن شاء الله تفكر بعقل بعيدا عن فوضى المشاعر دي. والله بعد كده لقيت إن ممكن تتعامل مع الوضع بحكمة وتتقدم لها لما الظروف تسمح وتعطي نفسك فرصة تدرس أفكارها وتصرفاتها وهل فيه احتمال تكون شريكة حياة تبني معها حياة صح... وقتها ابقى خد الخطوة بعد استخارة وتفكير متأن. وربنا يكتب لك الخير حيثما كان ويرضيك به.
تم النشر الخميس، ٢٥ ديسمبر ٢٠٢٥
خلاص اتكلمي مع أهلك وممكن توسطي حد يحاول يقنعهم وخليهم يسألوا عنه ويطمنوا ولو فيه خير إن شاء الله ربنا ييسر. هو طبيعي أهلك يكون عندهم تخوفات من نقطة الطلاق ومن فرق التعليم... وجود فرق في التعليم للأسف ممكن يعمل مشاكل بعد كده لأن في الغالب الرجل مش بيحب يحس إنه قليل قصاد زوجته ولو عنده عقدة نقص بيبقى الموضوع أسوأ... ده طبعا بيفرق من شخص للتاني، بس كتير حالات حصل فيها مشاكل وكمان الاتنين بيكونوا خريجي كليات بس الفرق إن كلية أعلى من التانية شوية. انتِ زي ما قلت استخيري واتكلمي تاني مع أهلك ومتنفعليش في كلامك معهم عشان ميحصلش عناد.
تم النشر الخميس، ٢٥ ديسمبر ٢٠٢٥
جايز أنتِ فهمتِ كلام الشيخ غلط... ممكن قصده لو بتعمل الذنوب وبتتساهل ومش بتحارب عشان توقفها، وبتقول هتوب بعد كده وربنا هيغفر لي وأنت متيقن إنه هيغفر ومصر على الإكمال في الذنب بحجة إنك هتتوب وربنا هيغفر لك... التوبة لازم فيها مجاهدة وصدق في التخلي عن الذنب وندم لما بتقع فيه وتحاول إنك متقعش بس غصب عنك بتقع عشان بشر... لأن في الآخر ربنا مطلع على القلوب ومدرك النوايا. أنتِ أخلصي النية والندم على اللي فات وعدم الرجوع للذنب، وجاهدي وإن شاء الله ربنا أكيد هيتقبل توبتك ويعينك تتخلصي من الذنب تماما... (والذين جاهدوا فينا لنهدينهم سبلنا)
تم النشر الخميس، ٢٥ ديسمبر ٢٠٢٥
@Mariam Mohamed شكرًا على إضافتك الجميلة والمفيدة يا مريم.💚
تم النشر الخميس، ٢٥ ديسمبر ٢٠٢٥
بخصوص إيه بالضبط؟ حدد سؤالك أكتر عشان نقدر نفيدك.
تم النشر الأربعاء، ٢٤ ديسمبر ٢٠٢٥
آمين يا رب، بالتوفيق. ❤️❤️
تم النشر الاثنين، ٢٢ ديسمبر ٢٠٢٥
العفو، أرجو إن نصيحتي تفرق معك وتفيدك وربنا يوفقك في دراستك وكل حياتك إن شاء الله. ♥️
تم النشر الأحد، ٢١ ديسمبر ٢٠٢٥
@Nora 21 حرام أكيد، ممكن تقرأي إجابتي فوق على السؤال ده وشوفي كمان الرابط ده فيه تفصيل للإجابة عن سؤالك. https://almrj3.com/is-human-kidnapping-forbidden/
تم النشر السبت، ٢٠ ديسمبر ٢٠٢٥
الأول زي ما قلت، تعترفي لربنا إن اللي فات كله كان غلط وتتوبي بصدق، بعد كده تبدئي إعادة رؤية للي فات وتشوفي الشخص فعلا على حقيقته بعيدا عن مشاعرك... فكري كده مع نفسك، هل ده شخص تأتمنيه على نفسك ويستحق يكون شريك حياة؟ بتقولي كان بيتابع بنات غير إنه أصلا راح لواحدة تانية في نفس الوقت اللي كان مرتبط بك فيه، يعني غير صادق أصلا أو أمين، هل ده حد تزعلي على خسارته؟ لازم تحطي الحقيقة دي قدام عينيك طول الوقت وتغرسيها في عقلك... الشخص ده مكنش يستحق يكون شريك حياة تأتمنيه على نفسك ولا يكون أب أولادك... أعتقد إنك تستحقي أفضل من كده، صح؟ صلحي أفكارك وفوقي لنفسك وابدئي اشغلي نفسك في تعلم حاجات تنفعك وتملأ وقتك وتطور منك عشان محدش بعد كده يضحك عليكِ باسم الحب والمشاعر ويضيع أغلى سنين عمرك معه.
تم النشر الخميس، ١٨ ديسمبر ٢٠٢٥
العفو، ربنا يوفقك ويصلح أحوالك.❤️
تم النشر الخميس، ١٨ ديسمبر ٢٠٢٥
حساب فيسبوك حساب انستجرام حساب لينكد ان الموقع الشخصيلعرض الملف الشخصي في فدني اضغط هنا