السلام عليكم، أولًا لا تستعجلي في مسألة الحصول على دخل عبر الانترنت لأن ده ممكن يدفعك إنك تتشتتي بين مصادر كثيرة ومهارات مختلفة هتلاقي فيديوهات ومنشورات كتيرة بتقول إنها أسرع وسيلة لربح المال عن طريق الإنترنت. المهارات والمهن اللي ممكن تشتغليها عن طريق الإنترنت كتيرة ومختلفة وهتتشتتي بينها لو كان همك الأول إزاي تشتغلي ويبقى لك دخل. بالبداية لازم أنتِ تشوفي إيه ميولك ومهاراتك اللي ممكن تستثمريها في تعلم مهارة معينة وإتقانها ثم البحث عن فرص العمل بها سواء عن طريق مواقع العمل الحر أو لينكدن أو جروبات السوشيال ميديا الخاصة بها. ولازم تعرفي إن عشان تنافسي في سوق العمل هتحتاجي تتعبي فترة تشتغلي فيها على نفسك وإتقان مهارتك قبل البحث عن العمل. كان فيه مبادرة عاملاها أكاديمية ابن سينا للعمل من المنزل، بالأول بتتعرفي على شخصيتك وإزاي تعرفي المهارات أو الأعمال المناسبة لك وبعد كده إزاي تتطوري المهارات دي وإزاي بعد كده تلاقي فرص العمل فيها. ده رابط المحاضرات ممكن تسمعيها وإن شاء الله تساعدك تضعي قدمك على أول الطريق بالتوفيق. https://t.me/workremotelyfreelance/61
لعرض الإجابة في فدني اضغط هنا