السلام عليكم ورحمه الله
أنا هبدأ أدى دروس اون لاين
عايزه اعرف إيه الكورسات اللى المفروض اخدها
و تصميم الاعلانات يستعمل ازاى و ابدأ منين
لعرض السؤال في فدني اضغط هنا
انا ربة منزل متزوجة وعندى اطفال ابحث عن عمل اون لاين يقدر يساعدنى مادياً ومعنوياً ايضاً واقدر اتحكم انا فى ساعات العمل بتاعته ميكونش شيفتات وإلزام بالوقت
ويكون مضمون وأمان طول عمرى نفسى اشتغل حتى فى جريدة اونلاين بحب الكتابة جدا. او حتى مقدمة برامج اذاعية أو كتابة سير ذاتية ليها علاقة بالتاريخ بحب اى حاجه فيها روح وعبق.. ممكن اعرف اعمل اى بالظبط عشان اقدر اشتغل فى المجال الى انا عاوزاه
لعرض السؤال في فدني اضغط هنا
أنا بنت عندي 21 سنه اهلي قاسيين عليا قوي وبالأخص من بابا عمرهم ما اعطوني الفرصه لاي حاجه دايما كاسريني وكاسرين عزيمتي ودائما بشوف في عينهم الندم أنهم جبوني تقريبا مش فاكره يوم كويس واحد عيشته والله العظيم
حرفيا نفسي اعيش فكرت استقل عشان اطلع من كل ده وانا اصلا نفسي استقل أنا بدرس في كليه ولا بيودوني كليه غير على الامتحانات عشان خاطر مش معاهم يودوني ولا راضين اخد سكن واشتغل واصرف على نفسي مفيش حاجه بطلبها بتجيلي ولو جاب لي حاجه بسيطه افضل اتزل عليها طول عمري عايشه اسوأ عيشه كل حاجه يقولي مش معايا ولكن لو جمع فلوس يصرفها عالاكل ويفكر يلم تاني لأكله معينه طيب بنتك فين
أنا عارفه مينفعش اقول الكلام ده بس انا بجد بتألم من اللي بشوفه
ومش عاوزه اتجوز عشان ملاقيش نفس الاب لان أنا في ارياف وحرفيا كلهم نفس النسخه
وعندي احلام كبيره قوي قوي بجد لدرجه كبيره عليا بس مش في أيدي اني أحققها بس نفسي تتحقق يمكن ابقى سعيده
نفسي ابقى فاشون ديزاينر كبيره جدا بره عمرهم ما دعموني في الحلم ده فضلت اعافر لحد ما اتعلم الرسم وانزليت للناس عشان اتعلم الباترون ومتعلمتش غير حاجات لا تذكر وسبتهم من كتر المعامله السيئه
كنت بعافر لوحدي ودلوقتي كل حاجه بتزيد القسوه والسب والعنف اللفظي كل حاجه وانا معدتش قادره استحمل حاسه ان في قلبي نار ومينفعش اعيط لو عيطت ابقى متدلعه ولو اتعصبت وزعقت يبقي راكبني عفاريت دا اللي بيقلهولي ومهما اقول مش هقدر اوصف الشعور مليش صحاب افضفض أنا بس قلت اتكلم هنا يمكن 1% من اللي بحسه يخف
لعرض السؤال في فدني اضغط هنا
كيف انجح في حياتي العملية اي العمل
لعرض السؤال في فدني اضغط هنا
السلام عليكم.
انا بدرس في مجال البيزنس إدارة الاعمال وعندي استفسار ازاي انجح في المجال.. في تشتتات كتيره اووي زي اني انزل تدريبات ولا اخد كورسات طب اخد كورسات في ايه... لا مجال المحاسبه احسن... طب اخد كورسات في ايه ولا انزل تدريبات محتاره اووي ومش عارفه اعمل ايه....
لعرض السؤال في فدني اضغط هنا
السلام عليكم ورحمة الله وبركاته
انا متخرجه من سنتين وبعد ما خلصت دورت على شغل كتير متخرجه من كليه تجاره عربي قسم محاسبه بشتغل حاليا في صيدليه قلت عالبال ما الاقي شغل في تخصصي بس محتارة مش عارفه ادور فين على شغل في تخصصي غير إني بدأت اعرف اكتر عن الصيدله وكل الادويه وخصوصا انا في المحاسبه كنت ضعيفه مش عارفه ادور علي فين لتخصصي ولا اتجه لاي طريق تايهه بجد
لعرض السؤال في فدني اضغط هنا
السلام عليكم
انا الحمد لله اتخرجت السنة دي و عايزة اكون معيدة بجامعة خاصة، بس معرفش ازاي اسلك الطريق ده
وجامعتي جامعة القاهرة قالوا لي بقالها كتير مبتفتحش التعيين في كليتي
فقررت ادور في جامعات الخاصة
معنديش اي خلفية
ياريت لو حد يعرف معلومة أو حد من دكاترة هنا يفدني
ازاي بقدم على ماجستير؟ وبقدم على ماجستير الاول ولا بشتغل الاول؟ بياخد كام سنة الماجستير؟ ايه الشروط؟
لعرض السؤال في فدني اضغط هنا
انا عندي 18 سنه و حابه اشتغل ممكن اعمل اي ؟
لعرض السؤال في فدني اضغط هنا
محتاجه ابدا مشروع ومش عارفه ابدا بايه جربت قبل كده الاكسسوارات وربحها قليل جدا عايزه ابدا فى حاجه عمليه ومفيده لكل
لعرض السؤال في فدني اضغط هنا
انا كنت بفكر اعمل قناة يوتيوب ومحتاج اقتراحات لمحتوى وياريت يكون بيفيد الناس وميكونش تافه
وشكرا لكم
لعرض السؤال في فدني اضغط هنا
انا بنت وكنت بشتغل في مكان معين وحصل معاهم سوء تفاهم وللاسف اتحدوا ضدي عشان يمشوني بسبب نفسنة منهم المهم بسبب قرب مكان سكني لشغلهم هما مش سايبني ف حالي وحرفيا بيشوهو سمعتي ف اي مكان بروحه و لو مثلا روحت جيم يروحوا يتكلموا عني ويلفقولي اي تهمه و يعملولي مشاكل مع إدارة المكان
و حاليا انا ف جيم و بيقولولهم ديه بتصور البنات و بتاع لأن في واحدة تبعهم وجهتلي الموبايل ف وشي اكنها بتصورني ف انا وجهت لها الموبايل برضه ف الكباتن ف نفس اليوم وجهوا الموبايل ف وشي بس انا معملتش رد فعل لاني لابسة كده كده وفضلوا خايفين مني لمدة أسبوع معملتش رد فعل ف انا وجهت لنفس الكابتنة اللي صورتني الكاميرا
ف وصلت بيهم البجاحة انهم يصوروني وانا ف الحمام بكاميرا من قدام الباب بس الحمد لله مظهرش حاجه و اخدت امي معايا تاني يوم تقولهم ظبطوا ابواب الحمامات ف طبعا الكلام وصل للكباتن ف مركزين معايا بزيادة و وشهم مقلوب و خايفين مني يعتبر و خلوا عاملة النضافة تفضل قاعده تراقب فيا ف الحمام و ف الرايحة و الجاية العين عليا
فإيه الحل ف المشكلة ديه ضروري وطبعا أصحاب الشغل القديم مبسوطين جدا أنهم قلبوا الناس عليا ف المفروض رد فعلي المنطقي يبقى ايه عشان اوقف المهزلة ديه و محدش يقولي سيبي الجيم وروحي لجيم تاني لأن ده تاني جيم اغيره وهما جم ورايا برضه مراقبني حرفيا ف عايزة حل ضروروي
لعرض السؤال في فدني اضغط هنا
كيف اعرف الشيء الذي يوجد لدي ولا يوجد عند شخص آخر أو كيف اكون مميز
لعرض السؤال في فدني اضغط هنا
انا في اولى كلية وكنت بفكر افتح مشروع بسيط ابيع فيه حاجات اونلاين بس معنديش اي فكره ممكن ابدا ازاي وهل نسبه الخساره والربح هتكون ازاي وخايفه مبدأش اندم لأني نفسي يكون عندي براند خاص بيا بس مش عارفه
لعرض السؤال في فدني اضغط هنا
انا اسمي محمد من مدينة طور سيناء معايا مؤهل فني صناعي متوسط كنت قبل كدا في ازهر بس النصيب اللهم ما لا اعتراض و منهم لله أصحاب السوء و منها لله فتره الطيش و منه لله التفكك الأسري ..اللهم مالك الحمد اشتغلت علي نفسي و مفضلتش تعيط علي اللي فات و بقيت احسن بقا معايا 3 لغات غير العربي مستوي جيد جدا و اشتغلت فني سلامه و صحه مهنية و خدت شهادات من امريكا و اتعلمت من الصفر لواحدي و اجتهاد ذاتي و تفيق من ربنا تحليل البيانات و اشتغلت فتره في الفريلانس و ربنا كرمني اخر كرم بس مازال الوسواس اللي في دماغي أن فيه حاجه ناقصه دائما في نظره من المجتمع وحشه جدا علي مؤهلي المتوسط ملقتش غير التعليم المدمج اللي كان زمان اسمه المفتوح بس ناس كتير بيقولوا انه قضيه خسرانه ...انا نفسي ارجع ازاكر تاني بل و كمان لو ربنا اداني طوله العمر هاصرف كل جنيه معايا في تعليم نفسي و تطويرها حتي لو هتكون من الجوع ..لو حد قدامه فرصة أو فكرة يقدر يخليني اكمل بيها تعليمي هابقي شاكر جدا له علي الجميل و مش هانساهوله ابدا انا خريج سنه 2017 من محافظة جنوب سيناء مدينة طور سيناء...و اسف على الإطالة
لعرض السؤال في فدني اضغط هنا
عايزة أتعلم انجلش عشان يكون معايا B1 اكتبها فالCV عشان اقدر ألاقي شغل بسرعه بس مش عارفه ابدأ ازاي
ياريت يكون حاجه اونلاين
لعرض السؤال في فدني اضغط هنا
مساء الخير
بحاول اشتري حاجات جملة و ابيعها اون لاين زي الساعات مثلا و محتاج ابلكيشن اعرف ابيع عليه فإيه افضل حاجة اقدر اعملها
لعرض السؤال في فدني اضغط هنا
السلام عليكم
انا في رابعه جامعه وفي ظل الظروف الصعبه دي مش بروح كتير بسبب المصاريف وبيفوتني محاضرات كتير وخصوصا ان والدي كتر خيره حبيبي انه بيجيب مصاريف للبيت لانه كمان عامل عمليه في قلبه
انا بعرف في الوورد بسيط واكسيل ع قدي برضو انا حابه اشوف شغل اجيب منه اي مبلغ حتي لو بالقدر البسيط المهم ابقى بحاول وبساعد ارجو الإفاده فضلا وشكرا 🤍.
لعرض السؤال في فدني اضغط هنا
انا عندي شغل خاص بيا بصنعه بنفسي و لكنه يقتصر علي دائرتي و اريده ان يكون براند ناجح ولا اعلم من اين ابدأ اتمنى تفيدوني لانني تائه ولا اعلم كيف اكبر شغلي او ان يكون معروف
لعرض السؤال في فدني اضغط هنا
(شغل اون لاين)
أزاي اشتغل من البيت سألت على السوشيال ميديا بيطلع نصب ممكن لو حد عارف يفيدني
لعرض السؤال في فدني اضغط هنا
لو حد يعرف كلية تمريض ازاي اكمل بعدها وابقى حاجة حلوة
او ازاي أستفيد منها ؟؟
كل ال اعرفهم محدش مهتم بيها ولا يعرف عنها حاجة
ف لو حد يفيدني، وجزاكم الله خيرا.
لعرض السؤال في فدني اضغط هنا
السلام عليكم
انا عندي ٢١ سنه وفي كليه هندسه فاضل ليا سنتين على ما اخلصها وحاسس أن الفتره دي بالذات الشهوه عندي عاليه شويه وبمارس العاده السريه باستمرار وانا عارف ان ده حرام ومؤذي نفسيا وبدنيا وبقيت بحس أن انا مستسلم للإباحيات وعايز اشتغل عشان مفكرش في اي حاجه غلط بس انا مش ملتزم انا معايا لغه انجليزيه وكنت عايز اشتغل بيها جنب الدراسه بس مش عارف اي اللي بيوقفني وبالأخص حاليا أنا في الاجازه مش عارف اعمل اي
لعرض السؤال في فدني اضغط هنا
السلام عليكم
ياريت لو موجود هنا محامي او حد عنده خبرة بالأمور القانونية أرجو الإفادة 🙏🏻
ابنة عمتي مستأجرة شقة سكنية في منزلنا بغرض استخدامها كمعمل. و بقي في مدة عقدها سبعة اشهر فقط
و امتنعت عن تسليم الإيجار لخلافات عائلية أخرى، فقومنا بغلقه لحين سداد الإيجار المتأخر لكنها اتصلت بالشرطة تتهمنا بالتعدي عليها..
و عندما أخبرنا الظابط وقتها بسبب انها لا تدفع الإيجار رفض حُجتنا و أخبرنا بأن نقوم برفع دعوى طرد.
أخبرنا المحامي ان الدعوة ستأخذ ثلاثة أشهر لحين الحكم فيها و ان اتعابه ستكون عشرة ألاف جنيه و نظيراً لأن اتعاب المحامي اكثر من قيمة الإيجار نفسه و طيلة مدة الدعوة (((رفضنا رفعها))))
و اكتفينا بإرسال إنذار عبر المحكمة نطالبها فيه بدفع الإيجار.
و بعد مرور شهرين علي الواقعة نتفاجئ بإعلان محضر من المحكمة محدد فيه جلسة محاكمة لي انا و والدتي و اخي و اسماء اخرى من العائلة تتهمنا بإتلاف المعمل و تسببنا في خسائر تصل لقيمة 250 ألف جنيه
كلها أقسم بالله ادعاءات لا اساس لها من الصحة. كما رفعت قضية أخرى تطالب بميراث والدتها، و الذي هي بالفعل حصلت عليه و معنا الأوراق التي تثبت ذلك..
حتى لا أطيل و اعتذر إن كنت أطلت..
اليوم كنا في المحكمة و أخذ منا المحامي 8 ألاف جنيه في دعوتان ليس لهما اي اساس من الصحة.. و في ظل ظروف المعيشة هذه أليس هذا المبلغ أحق به أسرتي؟
هي و الله علي ما أقول شهيد ردت إحساننا بالأذى. و قطعت صلة الرحم و حبال المودة بيننا اتبعت طريق التبلي و الرشوات نظير إذاءنا فقط..
و رداً على كيدها. متذكراً آية الله عز وجل:
الشَّهْرُ الْحَرَامُ بِالشَّهْرِ الْحَرَامِ وَالْحُرُمَاتُ قِصَاصٌ فَمَنْ اعْتَدَىٰ عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ}
كتبتُ هنا مشكلتي و ما حدث معي ليفيدني أحدكم و يخبرني بالطرق المشروعة و الممكنة ((كيف يمكنني تغريمهاا؟؟))
لعرض السؤال في فدني اضغط هنا
انا بشتغل من 2007 لوجيستك فى الموانى ودايما مواعيدى متلخبطه عملت اربع مشاريع وفشلو بسبب قله الخبره وكمان وقتى مش معاه والواحد اما بيجى يفكر بيحس ان دماغو على طول واقفه معنديش افكار ولا عارف ابتدى ونفسى اعمل مشروع واستقل فيه وفعلا معنديش حل و الاربع مشاريع مش بس خسروا دنا كمان مخدتش اللى صرفتو الحياه مش مستحمله خساره تانى
لعرض السؤال في فدني اضغط هنا
السلام عليكم.
الحقيقه انا لسه مخلصه ثانويه عامه مقبله على دخول كليه الحاسبات والمعلومات وقدامي تخصصين انا مش عارفه اتخصص ايه فيهم الاثنين مناسبين معايا سواء شخصيه او قدرة لكني خليني اقول اني بميل اكتر للتخصص السايبر سكيوريتي او بقول آخر الامن السيبراني. و التخصص التاني هو ال Ai.
لو حد عنده فكره اتخصص ايه من ناحيه سوق العمل وأنا فاهمة إن في كورسات كتير هحتاج اخدها لو تخصصت في أي مجال فيهم وأنا ناوية أبدأ أتعلم بايثون قبل الجامعة ما تبدأ وآخد كورس cs50 لو حد عنده فكرة اخد إيه كمان كورسات بحيث يفرق معايا لاني عاوزه أعمل cv قوي وابدأ اشتغل من سنة تانية
لعرض السؤال في فدني اضغط هنا
انا لسة لي سنة واتخرج من كلية العلوم هل؟
١.اقضي السنة واتخرج لسة مش عارفة اعمل ايه بس انا بقول ممكن اسافر واشوف فرص برة خصوصا اني مش عاوزة اعيش في مصر خالص لان العقليات هنا مش احسن حاجة ودايما اسمع ان الفرص بره احسن
٢.اسيب الكلية واقدم على جامعة خاصة لكلية طب وادفع ٢٠٠الف في السنة بحيث اكون زي باقي اصحابي ومحسش اني اقل من حد واكون دكتورة بين عيلتي برده لان نفسي افرحهم بس ده هيتطلب فلوس كتير بحاول اقنع نفسي ان ممكن أشتغل واجمع مبلغ برده اساعد اهلي
٣. بدل ما اصرف الفلوس اسافر بيها بعد ما اخلص كليتي يمكن استفاد بس محتاجة حد عنده خبرة في نفس المجال او يكون مشي في نفس الطريق يمكن يفيدني
لعرض السؤال في فدني اضغط هنا
السلام عليكم
انا بدرس MIS ، بدأت رحلتي في الـ Real estate من شهور، هو جميل وكل حاجة بس مُتعب اوي ومحتاج حركة كتير وكمان محتاج ان دماغك تكون كلها ف الشغل
الشهر اللي فات اخدت كورس digital marketing بصراحة استفدت منه كتير وعملت بورتفوليو لنفسي كمان وعرفت حاجات كتير اوي تساعدني في حياتي عموما
انا نفسي اعمل مشروع، هل ابدأ فيه من دلوقت ولا أفضل شغالة في الـ Real estate لحد ما اتخرج وبعدها ابدأ اعمل اللي عايزة اعمله؟
ولا ابدأ اشوف مجال دراستي اهم؟
انصحوني بالله عليكم لأني محتارة اوي وحاسة اني تايهة.
جزاكم الله خيرََا مُقدمََا
لعرض السؤال في فدني اضغط هنا
انا. لسه خريجة السنادي من كلية خدمه اجتماعيه وعايزة اشتغل في اقرب وقت ومش لاقيه شغل او بمعنى تاني كمان مش عارفه اشتغل اي تايهة جداً ومش عارفه ابدأ ازاي
كان نفسي اعمل دبلومة او ماجستير واشتغل في مجال التخاطب بس للاسف الظروف مش سامحه معايا
عماله أدور على شغل والافضل بدور على أونلاين عشان سنة الخدمه العامه اخلصها ونفس الوقت لو لقيت شغل مناسب احسن اقدم بس للاسف معظم اللي شوفته اونلاين عايزين عايزين خبرة في مايكروسوفت او data analysis او تصميم جرافيك او فريلانسر وانا الحاجات دي مش عندي
وللاسف اكتر الحاجات المايكروسوفت ودا عايز لابتوب او كمبيوتر على الاقل وانا مش عندي وظروفي مش سامحه ولازم اشتغل واهلي عايزني اشتغل عشان الظروف صعبه وانا مش عارفه اعمل اي ونفس الوقت انا مش بحب حد يقلل مني ولا يهين فيا انا تايهة والظروف صعبه ومش عارفه اعمل اي
لعرض السؤال في فدني اضغط هنا
كيف اتعلم المونتاج من الصفر
وماذا ترشحوا لي كورسات اسمعها
اريد ان استغل الاجازة واستغل وقتي
لعرض السؤال في فدني اضغط هنا
دلوقتى احنا عيلة عندها صيدليات والأخوات مشتركين فى الشغل والدخل بيتقسم عليهم انا بنت أحد الإخوة وصيدلانيه كمان ..
صاحب الصيدلية إلى كلهم مشتركين فيها عايز يسافر أو هو سافر بالفعل وعايزينى اسجل الصاحب والمدير لها بدون أى دخل مع العلم انا شغاله معاهم من سنتين مش باخد جنيه واهلى مش متقبلين يسمعوا منى انا مش عايزة وبحكم أنهم عيله مع بعض دا كأن عاقة بهم ..
انا بحبهم بس دا مش معناه اضيع مستقبلى المهني عشان خاطر حاجه انا مش كسبانه منها حاجه انا تعبت فى دراسته بشكل كبير ووالله ما بعد الدراسة كمان شغالة مذاكرة وبأهل نفسى ومحدش واقف معايا نهائى اعمل اى بجد 😭 تعبانه من الموضوع ده فوق الوصف وانا شايفه أقل حق ليا ضايع
لعرض السؤال في فدني اضغط هنا
انا بدرس في المجال بقالي فترة ومُقبل على خطوة مهمة جدا تعتبر تنفيذ للي اتعلمته ف محتاج حد شغال في الموضوع ضروري عشان حاسس نفسي تايه اوي ومحتاج فعلا استشيره في حاجات كتير
لعرض السؤال في فدني اضغط هنا
السلام عليكم ورحمة الله وبركاته
مفيش حد يعرف مكان أقدر منه أستثمر مواهبي ؟
يعني انا بحب كتابة الروايات الدينية بس جاتلي فكرة اني احولها لفديوهات كحلقات كدا بس مبفهمش في البرمجه ولا التصميمات ، فهل لو حد يعرف مكان اونلاين بيعملوا بنفس فكرتي كدا يعني اقدر أقدم فيه علي العمل معاهم ويقبلوني هكون متشكرة جدا ، أو مثلا مكان بيقبلوا فيه مواهب اللي بيحبوا الكتابة ويخلوهم يثتثمروا مواهبهم في أي مجال وكدا .
لعرض السؤال في فدني اضغط هنا
هل ادخال البيانات مربح في العمل الحر
لعرض السؤال في فدني اضغط هنا
اول مره بصراحه اجرب هنا.
اول مره بس حاسس ان هو يكون حاجه مفيده اصلا جايه من ابلكيشن ثاني اسمه تغيير لو حد يعرفه. المهم عندي حاجات كتير جدا تضحكها بس مش دلوقتي لكن اكثر حاجه تركز عليها دلوقتي هي اللي انا. بادئ اونلاين ستور بقالي حوالي شهرين او شهر ونصف. في خلال المده دي عملت خمس مبيعات بس ده رقم قليل لكن مش سيء كبدايه. محتاج حد يكون فاهم في المجال عنده خبره اصلا في الليستور ولو بيكون عنده خبره في الماركتينج تبقى حاجه تحفه جدا علشان انا عايز استشيره في كذا حاجه يعني. بس كده.
لعرض السؤال في فدني اضغط هنا
هل من الطبيعي لطالبه أن تكون تدرس في الاجازه و الدرسہ ؟ لدي يوم الجمعه اجازه ولكنني عندما لا أفعل شئ مفيد في ذالك اليوم أو فقط مثلا مشاهدة كونان بدون موسيقي أشعر بالذنب جدا لتضيعي الوقت ، وهل أيضا طبيعي أن يكون الجدول اليومي مليء بل الأشياء الكثيرة التي لا يمكن للفرد أن ينتهي منها إلا قبل النوم بوقت ليس بكبير ؟"
وكمان انا مسحت كل السوئل ميديا وبجد مش عايزه انزلها ليها اضرار اكتر من سلبيات و مش عارفه الاستراحات بيتعمل فيها ايه اصلا
لعرض السؤال في فدني اضغط هنا
السلام عليكم انا مجموعي 80 في المية علمي علوم واختارت اداب علم نفس والحقيقة اني متعددة الشغف ومش عارفة اختار الكلية بالرغم ان المرحلة التانية انتهت من التنسيق وانا جالي بطاقة الترشيح اداب لأني اختارتها رغبة اولى والكل معارضني لأني كنت علمي علوم وبيقولولي الكليه ملهاش مستقبل ممكن حضرتك تنصحني وتقولي اكمل ولا لاء وازاي لو دخلت اطور نفسي بحيث اتخرج اشتغل وممكن حضرتك تكلمني عن الكلية من ارض الواقعامامي كلية علوم ولكني عندي فوبيا من الدم ولا أستطيع ادخل كلية علمية بسبب الموضوع ولم يبقى لي من الكليات سوى اداب وتجارة وإعلام وأثار وسياحة وفنادق وكليات التربية وعلما بأني نمطي هو INTP طبقا ل Mbti والنمط الخامس من الأنياجرام
لعرض السؤال في فدني اضغط هنا
السلام عليكم ،
انا طالبة مقبلة على الجامعة ولكني إلى الآن لم أجد الكلية التي تناسبني انا طبيعة شخصيتي اتحط في مكان واتعلم بتتعمل ازاي وابدع فيه عقليتي مرنة لدرجة اني معنديش مشكلة في اي كلية وانا جبت ٧٩.٧ علمي علوم واخترت اداب قسم علم نفس ولكن للكل معارضني وبيقولي هتقعدي في البيت بعد التخرج لأن ملهاش شغل أو مكان مرضي في مصر وحاليا بفكر اغير في مرحلة تقليل الاغتراب غير المناظر لكني مشتتة وتقليل الاغتراب هيقفل اليوم
لعرض السؤال في فدني اضغط هنا
السلام عليكم
أنا طالبة داخلة اولى جامعه بإذن الله محتارة بين ادخل كلية العلوم الحكومي وحيكون في إمكانية أن افتح معمل، ولا اضغط على اهلي ونتنازل عن الرفاهيات ونقلب شراء لبس بقا وكدا ومستوى المعيشه هيقل وادخل صيدله خاص مع العلم مش هيكون في فلوس تاني للكورسات ولا غيره ولا إمكانية أن افتح صيدليه بفلوس اهلي، اي الافضل مستقبليا كبنت عايشه ف قرى وارياف ف الصعيد ، ياريت اللي يجاوبني يكون مر بتجربة شبه كدا أو نزل سوق العمل وجرب بنفسه
لعرض السؤال في فدني اضغط هنا
انا طالب في الجامعه و لا املك اي مهارات
اتمني الاقي وظيفه كويسه بجانب الدراسه اونلاين مثلا و تكون مضمونه
سألت كتير لكن كان بيطلع نصب
اي احد عنده مساعده او طريقه ارجو الرد
لعرض السؤال في فدني اضغط هنا
ازاي اقدر الاقي شغفي
لعرض السؤال في فدني اضغط هنا
محتارة بين الكليتين خايفه ادخل زراعه مافيش شغل بعد التخرج تجارة عايزه تجارة أنجليزي وانا جايبه 43 من 60 في الانجليزي ولازم تكون 48% درجه الانجليزي
ف مش عارفه وانا جتلي زراعه اصلا حطيتها اول رغبه وجتلي بس محتارة. بردو و خايفه
لعرض السؤال في فدني اضغط هنا
انا حرفيا معنديش اي مهاره بحاول اتعلم برمجه لسه و جرافيك وداخله علي اولي جامعه ومدخلتش الكليه اللي كان نفسي فيها بس الحمدلله علي كل حال
مش معايا غير فون بس ومش كويس قد كدا وانا محتاجه لاب علشان البرمجه وبابايا لما سأل علي الأسعار شاف انه غالي ومجابوش ف انا مضغطتش عليه احراجا يعني وقولت هحوش او اشتغل واجيبه واحده واحده ( حاسه انه مبقاش عاوز يصرف عليا لمجرد جيبت مجموع مش حلو او الله أعلم ممكن أكون فاهمه غلط لمجرد زعلي وكدا بس والله انا تعبت اوي طول السنه علي أمل اجي يوم النتيجه واكون مبسوطه والحمدلله قدر الله ما شاء فعل)
ف انا بدور علي شغل اجمع منه تمن اللاب وانا معنديش مهاره لقيت تفريغ صوتي وكم خدمه تانيه علي المواقع بس انا جربتهم قبل كدا( جربت الدخول وعمل ملف شخصي بس في المواقع مش جربت شغل فيه)
ف لما دخلت المواقع دي لقيت اني مش منافسه قويه خالص في اقل الخدمات وهياخد مني وقت كبير اوي علي ما اجمع حتي الف جنيه
حتي لو كان الشغل فيها بالدولار
المهم اقترحت علي نفسي اعمل محتوي تيك توك زي فيديوهات توعيه او قرآن او اي محتوي من دا
مع ان حددت هدفي بس مش عارفه امنتج وحاسه ان لو اخدت فيديو متمنتج جاهز وحد منزله وعليه ريتش ونزلته من غير العلامه المائيه هاخد ذنب علشان الشخص التاني اكيد دافع فيه دا غير ان لو مثلا نزلت ممكن ملاقيش مشاهدات ولا تفاعل
مش عارفه أعمل اي ولو قولت انزل اشتغل اوفلاين مش هيوافقو
حد يقترح عليا حاجه او اي انواع الفيديوهات اللي ممكن تلم ريتش كويس أقدر ألم منه ربح كويس واجيب اللاب دا
وانا بصراحه مش عاوزه اعمل زي بتوع اليومين دول " ممكن تفاعل علشان مصاريف دراستي او ايًا يكن السبب " بحسها شحاته والله واتكسف من نفسي لو عملت كدا
انا انزل الفيديوز اهاا بس مقولش الكلام دا لأن اللي هيرزقني ربنا مش هما
واسفه لو طولت بس حقيقي نفسي حد يقترح عليا اعمل اي
ولو مفيش عندك اقتراح ادعيلي دعوه لعلكم أقرب مني الي الله عز وجل وحبيبي 💗💗
لعرض السؤال في فدني اضغط هنا
عايزه اعرف هل في مدارس طالبين مدرسات حاليا للتقديم والي يعرف ممكن يفيدني
لعرض السؤال في فدني اضغط هنا
لو عاوز زيادة في المرتب، لأن المرتب الحالي قليل بالنسبة للمجهود اللي بقدمه والتعب في الشغل، خصوصًا إني بقالي دلوقتي سنة ماسك مسؤولية مشرف صالة إنتاج.
والحمد لله شايف إن شغلي كويس، وبطلع المنتج بأعلى جودة، وبعدّي معدل الكمية المطلوبة مني، ومبقصرش في أي شغل أو مسؤولية بتتطلب مني، وبحافظ على الشغل وعلى مصلحة المكان على قد ما أقدر، وده طبعًا كله بتوفيق من ربنا.
فأنا شايف إن المرتب قليل جدًا بالنسبة للمسؤوليات والمجهود اللي بقدمه، وعشان كده محتاج أطلب زيادة في المرتب. إيه أفضل طريقة أطلب بيها الزيادة بشكل محترم، وفي نفس الوقت من غير ما أخسر شغلي أو أخلي المدير ياخد عني فكرة
غلط؟
لعرض السؤال في فدني اضغط هنا
انا متخرجه من كليه خدمه اجتماعيه السنه يالى فاتت والسنه دى عملت الخدمه العامه وبحب مجال العلاج النفسي والادمان اعمل اى علشان اوصل للمجال ده حاولت كتير ادخل فى التخاطب بس حابه المجال النفسى جدا
لعرض السؤال في فدني اضغط هنا
عايز اعرف بس كل حاجة بخصوص كلية ادارة اعمال وهل ليها مستقبل وايه الافضل محاسبة ولا ادارة اعمال
لعرض السؤال في فدني اضغط هنا
محتاج آخد رأيكم في حاجة بجد، ويمكن حد مر بنفس الحيرة دي يقدر يفيدني.
أنا خريج كلية آداب قسم جغرافيا ونظم معلومات، وعندي خبرة حوالي 10 سنين في مجال الملابس والمصانع، واشتغلت في أكتر من مكان واتعلمت شغل كتير. اشتغلت الفترة الأخيرة في فتح الله، لكن الشغل مجاش معايا ومقدرتش أكمل فيه.
ودلوقتي قدامي أكتر من طريق، وكل طريق فيهم مخليني محتار أكتر من التاني.
قدامي شغل في مكتب في المينا، وقدامي إني أرجع لمجال مصانع الملابس اللي عندي فيه خبرة كبيرة، وفي نفس الوقت بفكر أسيب كل ده وأبدأ أغير مجالي من الأساس.
بفكر أسافر بره مصر وأحاول أبدأ حياة جديدة، أو لو هفضل هنا آخد كورس إنجليزي وأحاول أدخل مجال الـ Call Center، أو آخد كورس OSHA وأبدأ أشتغل في مجال السلامة والصحة المهنية (HSE).
المشكلة إني مش عارف أختار أنهي طريق فيهم.
أنا خريج جغرافيا ونظم معلومات، وللأسف حاسس إن الشهادة نفسها لحد دلوقتي مش نافعاني بحاجة حقيقية في سوق العمل، رغم إني حاولت أتعلم وأشتغل وأكوّن خبرة في أكتر من مجال.
عندي خبرة سنين، لكن في نفس الوقت حاسس إن السنين دي ممكن تكون ضاعت لو فضلت أكمل في نفس المجال من غير ما يكون فيه مستقبل واضح. ولو بدأت من جديد، خايف أضيع وقت تاني وأنا بحاول أغيّر مجالي.
فأنا حاليًا حرفيًا تايه بين إني أستفيد من خبرتي، أو أبدأ من الصفر، أو أسافر، أو أطور نفسي وأفضل هنا.
لو كنت مكاني، هتختار إيه؟ أكمل في الملابس؟ أروح مكتب الشحن؟ أتعلم إنجليزي وأدخل كول سنتر؟ أخد OSHA وأدخل HSE؟ ولا أركز على السفر وأحاول أبدأ بره؟
محتاج آراء ناس عندها خبرة فعلية في المجالات دي، مش مجرد "اعمل اللي بتحبه"، لأن أنا فعلًا محتاج أحدد طريق أمشي فيه وأبني عليه مستقبلي.
لو مكانى، هتعمل إيه؟ وليه؟
لعرض السؤال في فدني اضغط هنا
هكمل 24 سنه اتخرجت وبدأت في الماجستير لاحظت اني كل ما اخد خطوه جديده في حياتي لازم يحصلي نوبة قلق ( احس ان جسمي متلج وضربات قلبي سريعه وخوف غير مبرر واول ما تخلص افضل مكتئبه بعدها لفتره )
كل حاجه جديده تحصل سواء حلوه او وحشه لازم يحصلي كدا زي مثلا اشتري موبايل جديد او اغير ديكور البيت او انقل لبيت تاني حتي لو احلي من القديم حتي الماجستير لما بدأت فيه جاتلي نوبة قلق ولما اشتريت موبايل جديد رجعته تاني مقدرتش استحمل واخر مره حصلت من اسبوع لما جيت اسافر محافظة تانيه عشان اخد كورس جاتلي نوبة قلق ومروحتش
انا تعبانه جدا نفسي اعيش حياتي لما روحت لدكتوره نفسيه قالتلي بسبب طفولتك عشان كانت صعبه بسبب عصبيه بابا وخناقاته وضربه لماما طول الوقت كبرت في البيئه الغير سويه لدرجه ان جهازي العصبي بقي مجهد هرمونات السيرتونين والدوبامين تقريبا صفر مغيش حاجه بتفرحني طموحي اني اتعلم لغه واخلص الماستر واسافر بره مصر واشتغل شغلانه كويسه لكن للأسف بالمنظر ده انا مش هحقق اي حاجه خالص
الدكتوره قالتلي اني اتأخرت وان اللي قدي فاتح بيت وشايل مسؤولية واني اتأخرت .... هل فيه امل اني ابقي كويسه هل فيه امل اتخلص من النوبات دي واقدر اعيش زي الناس الطبيعية؟
لعرض السؤال في فدني اضغط هنا
هل في اي شغل اقدر اشتغله وانا طالب من البيت ؟ حاولت انزل بس الرهاب والخوف الاجتماعي بيمنعني دايما ومش عارف اعمل اي ، مش عارف انا هفضل ادي أعذار لنفسي لحد امتا بس انا خلاص تانيه جامعة ومشتغلتش خالص وكل شويه بقول من السنه الجايه
لعرض السؤال في فدني اضغط هنا
انا شغال في فندق مغسله ب 5000 بصراحه اول مره اشتغل واتغرب يعني المهم من السنه اللي فاتت كان راتبي 3800 كنت هاوس كيبن بعدين صفيت وواحد في المغسله جابني معاه بقيت باخد 4900 لما زاد الحد الأدنى بقيت باخد 5000 يعني 100 جنيه بس اللي زودوها معرفتش اتكلم عشان في ناس خلوها 4000 الطلاب مع ان مفيش حد قال انهم مش بيقبلو طلاب جم مره وحده كده
قاعد على المرتب ده من بدري كده والمرتبات بره في فنادق اقل حاجه 7 واكل وشرب نضيف وفي تبس كموناما هنا الوضع غير انا بقا مشا الراجل الي كان معايا بقيت ماسك المغسله وحدي وكفاءه وبسد
اتكلمت معاهم في زيادة راتب قالو لسا المهم نزلت امتحنت وجيت من الاجازه لقيتهم جايبين واحد معاي في المغسله يعني مش بيعمل اي حاجه زياده كمان ممكن ميكونش عارف حاجات الي بيجي من بره بياخد مرتب 6500
انا اتخنقت بصراحه وادايقت قلة تقدير واستغلال فقررت أصفي عاوز امشي ومفيش حاجه قدامي بس هدور عشان اتقفلت بجد انا ممكن اشتغل اي حاجة اونلاين بس المشكله التلفون مش مساعد وكمان يعني محتاج وقت برضو والعميل مش بالساهل ومش مضمون يعني مش ضامن دخل ثابت اخر الشهر تنصحوني بإي كمان في فنادق في شغل سرفيس وللأسف ببكون في خمره
لعرض السؤال في فدني اضغط هنا
عندي اولاد ومسؤولية وعاوزة وظيفة تكون كويسه من المنزل غير خدمة العملاء وما شبه
لعرض السؤال في فدني اضغط هنا
لعرض جميع الاسئلة في فدني اضغط هنا