اهلا...
انا حزينه.. حزينه بشكل مبالغ فيه..
قاعده اكلم نفسي من ساعتها ومتردده اكتب.. كده كده محدش هيهتم انا عرفه . الناس كلها زعلانه وفيه حاجات بتخنقها.. بس انا شايفه نفسي مختلفه.. المفروض اكون في مكان تاني خالص غير ده..
عندي ٢٠ سنه ومش بعرف اعمل حاجه خالص ف حياتي.. ولا حتى حاجات خاصه ب انوثتي...
عيلتي مرتاحه ماديا بس انا مش باخد مصروف.. بعتبر نفسي فقيره ..فكل حلمي اني اشتغل واجيب فلوس.. حقيقي انا شايفه الحياه كلها فلوس ومحدش يقدر يقنعني بالعكس..
بس لما ابص للواقع.. معنديش اي مهاره اشتغل بيها.. حتي لو اشتغلت مش هلاقي حاجه تميزني..
انا يعتبر بقول الكلام الي جوايا وبعمل skip لحاجات كتير... انا ساعدت ناس كتير واتمني من ربنا اني الاقي مساعده .... اتمني حد يحن عليا ويقولي انتي تقدري بس اعملي كذا كذا ومعايا خطوه بخطوه..
انا طبعا بحلم.. بس علي الاقل الاحلام مجانيه❤️🩹
السلام عليكم، أولا أنتِ لسه ٢٠ سنة، ليه متخيلة إن الأوان فات إنك تبدئي حاجة أو تغيري حياتك وتحققي أي هدف نفسك توصلي له؟ محتاجة بس تاخدي بالك للأفكار اللي بتردديها على نفسك وبتملي بها عقلك الباطن، أنتِ واخدة اتجاه سلبي في التفكير، يعني بدل ما تشجعي نفسك وإنك فعلا تقنعيها إنها تستحق مكان تاني عمالة ترددي عليها فكرة إنك معندكيش مهارة وحتى لو لقيتِ مش هتلاقي حاجة تميزك وفكرة إنك مش بتعرفي تعملي حاجة وإنك فقيرة. وأنا بحلم والأحلام مجانية، بس الواقع حاجة تانية. وإن مش هتقدري تعملي حاجة من غير ما حد يحفزك ويكون معك خطوة بخطوة. كل دي أفكار سلبية لو فضلت مترسخة بعقلك الباطن مهما حلمتِ أو فكرتِ في أهداف مش هتتحركي عشانها. فصلحي أفكارك وابدئي غيري الأفكار السلبية بأفكار تانية إيجابية، زي إنك مش عندك مهارة دلوقتي لكن قادرة تتعلمي مهارة وتتفوقي فيها وتنافسي كمان، وإنك مش معك فلوس دلوقتي لكن مش معنى ده إنك فقيرة وإن شاء الله هتقدري تصنعي الفلوس بنفسك، وإن الفلوس في حد ذاتها مش الغاية، يعني أنتِ مش هتتعبي وتشتغلي عشان الفلوس في حد ذاتها، لأ، عشان هي الوسيلة اللي هتقدري من خلالها تستثمري نفسك أكتر وتوصلي لنجاحات تانية أكبر، وإنك حتى لو مفيش داعم أو تحفيز خارجي فأنتِ أكبر داعم لنفسك. *** استعيني بالله وصلحي أفكارك وكل شيء هيبقى تمام إن شاء الله. ** أقترح عليكِ تشوفي (نموذج عجلة الحياة المتوازنة) وتقيمي كل جوانب حياتك وتبدئي واحدة واحدة تشتغلي على هدف واحد أو اثنين بالكتير عشان متتقليش على نفسك وامشي بالتدريج وبخطوات صغيرة أفضل من إنك تبدئي بحماس زائد وخطوة كبيرة وتوقفي. هتلاقي فيديوهات كتير شارحاه على يوتيوب... ممكن تشوفي الكورسين دول مثلا وإن شاء الله يساعدوكِ. https://www.youtube.com/playlist?list=PL9qj2CGqAHHH2OZCzkiKTLzd2YQQe6pEm https://www.youtube.com/watch?v=eFLyTB9GC8Q&list=PLCnYSnTcuIm8GFg9ONsOZZPv0oUeoy7BD&index=1 اسمعي وابدئي طبقي. *** وأؤكد مرة تانية، بلاش تعتمدي على التحفيز الخارجي وإن حد يكون جنبك عشان يدفعك ناحية أهدافك لأن ده غلط كبير، أنتِ مش محتاجة تعتمدي غير على نفسك ويكون تحفيزك ورغبتك قوية من جواكِ. والموضوع مش مستحيل، أنتِ بس توكلي على الله وهو هيعينك إن شاء الله. بالتوفيق.
تم النشر الاثنين، ٢٦ أكتوبر ٢٠٢٦
أهلاً يا قمر، أنا فاهمة تماماً إنكِ دلوقتي بتمري بفترة صعبة جداً، والحزن ده مش بس عابر، ده ثقيل ومخنوق ومخلّيكِ تحسي إنكِ لوحدكِ في الدنيا. مش غلط إنكِ تحسي كده، ومش ضعف إنكِ تكتبي اللي جواكِ. أنا هنا معاكِ، وهقولكِ كلام عملي وواضح خطوة بخطوة. أول حاجة مهمة: عمركِ ٢٠ سنة، وده مش "متأخر" أبداً. كتير من البنات اللي نجحوا في حياتهم بدأوا من الصفر في السن ده. إحساسكِ إن "مفيش مهارة" ده شائع جداً، بس الحقيقة إن المهارات بتتبنى، مش بتتولد. ابدئي بخطوة صغيرة جداً: اختاري مهارة واحدة بس تقدري تتعلميها من البيت بدون فلوس. مثلاً: كتابة محتوى، ترجمة، تصميم بسيط على الموبايل، أو حتى مهارات التواصل والتسويق. كل يوم خصّصي ساعة واحدة بس تتعلمي فيها حاجة جديدة، وهتلاقي نفسكِ بعد شهرين عندكِ أساس تقدري تبني عليه. ثانياً، بخصوص الفلوس: أنا فاهمة إنكِ شايفة الحياة كلها فلوس، وده طبيعي لما الإنسان يحس بالاحتياج. بس تذكّري إن الرزق بيد ربنا، والسعي هو اللي بيفتح الأبواب. قولي لنفسكِ كل يوم: "أنا هسعى، وربنا هيكرمني". وابدئي تفكري في أي شغل بسيط ممكن تبدئي بيه دلوقتي، حتى لو مش "مميز"، لأن أي شغل هيديكِ خبرة وثقة وفلوس صغيرة في الأول. ثالثاً، خطة عملية سريعة: اكتبي ٣ مهارات تحبي تتعلميها (حتى لو مش متأكدة). ابحثي عن أسئلة مشابهة على فدني، هتلاقي بنات كتير شاركوا تجاربهم. كل أسبوع حددي هدف صغير (مثلاً: أتعلم أساسيات مهارة معينة). ادعي ربنا كتير بالتوفيق والرزق، واستعيني به. أنتِ مش لوحدكِ، ومش "فقيرة" بالمعنى الحقيقي، أنتِ عندكِ إرادة وقلم بتكتبي بيه، وده أول خطوة. ابدئي بخطوة صغيرة النهاردة، وهتكوني فخورة بنفسكِ بعدين. لو عايزة تكلميني أكتر أو توضحي حاجة، أنا هنا. ❤️
تم النشر الاثنين، ٢٦ أكتوبر ٢٠٢٦
عادى فاهم و م قصدى اصلا انك محبطه انا بس بتكلم عادي و عادى كل حد ساعاات بيحب يفضفض و عموما العفو و يريت تكونى استفدت و لو عايزه حد بشجعك ف انا هنا ولو م حابه عشان الخصوصية عادى برضوا
تم النشر الاثنين، ٢٦ أكتوبر ٢٠٢٦
ياالله عادى لو تفكيرك فضل كدا هتتعبى ف اوقات كتير مش هتعرف توصلى حاولى تبقى مبسوطه ف حياتك على طول حاولى لو ف اى حاجه ف حياتك تبسطط ركزى عليها لو عندك بس شخص بيتهم بيكى افرحى خلى كل شي عادى الزعل وحش اصل عادى كل شي عادى هموت هل احنا زى أهل فلسطين وهو انا يحارب عندى سرطان تفكيرى اتغير لما عمى حاله السرطان حسيت قد ايه كل شي عادى كل دا مشاكل تفاهه
تم النشر الاثنين، ٢٦ أكتوبر ٢٠٢٦
و مش مستحيل عادى برضوا انا كنت بقول كدا ف السباحه بس اتعلمت و عرفت أن دماغى بس الى بتخلينى اقول كدا كل حاجه بتدا من فكره
تم النشر الاثنين، ٢٦ أكتوبر ٢٠٢٦
الزمن بيغير كل و التفكير يعنى انا ليا اكمل هندسه كنت بقول الاول هعمل معادله و لسا سنه و جيش و كدا و كذا طب هتجوز امتى و هبظا حياتى امتى هعيش امتى طب وليه بعد كدا اكتشفت انى م انا عايش حياتى يعنى لو عملت المعادلة هل هموت عادى
تم النشر الاثنين، ٢٦ أكتوبر ٢٠٢٦
عادى والله تقدرى متقدريش ليه و وقت قصير ايه عادى قدامك العمر طويل عادى لسا أنا كنت بفكر زيك الاول كدا
تم النشر الاثنين، ٢٦ أكتوبر ٢٠٢٦
عشان كدا قولتلك اول حاجه تفهمى نفسك و التنظيم انتى دلوقتي تائبه وم عارفه تعملى ايه حددى حددى كل حاجه والله مثلا انا عايزاه أطور الانجليزي تمام ابدا المذاكره واحده واحده و احدد عايزاه كمان اسبوع اكون وصلت ل ايه تمام عملتها الحمدلله اكمل خلصت والله عايزاه اتعلم حاجه تانيه اشوف سوق العمل المهارات إلى مفروض اتعلمها ف فرق من إلى مفروض تتعليمه و تتعلم إلى بتحبيه ابدا احدد هدفك الاول مفروض دلوقتي التفوق ف الكليه تطلعى الاولى و تقدرى تتعينى معيده ف الكليه و هتبقى الدكتوره يعتبر دا احسن حاجه ركزى انك تحقيقها انا دا هدفى نفسي و بحاول
تم النشر الاثنين، ٢٦ أكتوبر ٢٠٢٦
ارضي بقضاء الله 💌 فهو الخير والأنسب لكِ
تم النشر الاثنين، ٢٦ أكتوبر ٢٠٢٦
العفوا عل ايه لكن انتى بتحاولى تعملى إلى عليكى ف عادى متزعليش و متتضيقيش و انتى عارفه المشاكل إلى هتقابلك اهو حاولى واحده واحده تحليها و حددفرمثلا دلوقتي عايزاه تعملى ايه او تخلصى ايه
تم النشر الاثنين، ٢٦ أكتوبر ٢٠٢٦
بس ادينى لقيت حد لو محتاجه حد يشجعك ف انا هنا عموما و معاكى ف كل حاجه اول حاجه بس افهمى نفسك انتى حابه ايه و نفسك ف ايه
تم النشر الاثنين، ٢٦ أكتوبر ٢٠٢٦
مثالية ، اعتقد هضيع وقت لو حاولت اقنعك بس لو حابة فعلا تغييري الفكر دا ، ابحثي عن المثالية و معضلة تحقيق الذات ووهم التميز، وهتلاقي مواضيع تانية كتير خلال بحثك القي نظرة عليها.
تم النشر الاثنين، ٢٦ أكتوبر ٢٠٢٦
معاكي و كلنا معاكى انا زيك ولو عايزه نساعد بعض عادى و مش لازم تعملى حاجة ممكن التشجيع لوحده يخليكى تعملى شعور ان ف حد عايزك تعملى حاجة و يفرحلك كفيل انه يدفعك للاحسن
تم النشر الاثنين، ٢٦ أكتوبر ٢٠٢٦
@Anonymous . مش بحسسك اني انسان محبط بالعكس... انا بس بفضفض هنا بحجات مقدرش اقولها لحد.. انا بفضفض ومش محتاجه مساعده رغم انك مقصرتش بارك الله فيك
تم النشر الاثنين، ٢٦ أكتوبر ٢٠٢٦
شكرا
تم النشر الاثنين، ٢٦ أكتوبر ٢٠٢٦
انا بس نفسي اوصل لاي هدف من اهدافي وقتها هبقا مبسوطه . ايا كان
تم النشر الاثنين، ٢٦ أكتوبر ٢٠٢٦
شكرا
تم النشر الاثنين، ٢٦ أكتوبر ٢٠٢٦
ودلوقتي تفكيرك اتغير بسبب اي؟
تم النشر الاثنين، ٢٦ أكتوبر ٢٠٢٦
@Anonymous . مش بنكر ان مخي كويس واقدر اتعلم بسرعه الحمد لله بس رغم كده ديما بشوف الحاجه مستحيله... مستحيل اختم القرءان حفظا مستحيل اتكلم انجلش مستحيل اتكلم صيني مستحيل اشتغل ف شركه كبيره... ده الي بقوله لنفسي بس مش حبه ده
تم النشر الاثنين، ٢٦ أكتوبر ٢٠٢٦
@Anonymous . انت شايف اني اقدر اتعلم مهاره ف الوقت القصير ده؟
تم النشر الاثنين، ٢٦ أكتوبر ٢٠٢٦
@Anonymous . كل الي شاغلني اني اشغل نفسي بمهارات الشغل عموما.. واقرأ كتب دينيه كتير.. بس خيفه اني مقدرش.. انا شخصيه صعبه اوي مش قدره افهمني
تم النشر الاثنين، ٢٦ أكتوبر ٢٠٢٦
@.. .. تسلم علي كلامك الحلو وتذكيري بالله بس ربنا مأمرناش بكده.. ربنا امرنا بالسعي المتواصل.. ولو عملت بنصيحتك ورضيت بقا هنزل لتحت باستمرار ومش هحفز نفسي اني اعمل حاجه تنيه
تم النشر الاثنين، ٢٦ أكتوبر ٢٠٢٦
@Anonymous . حقيقي ده اول سؤال ليا اكتبه ونا خفيه البروفايل.. بس عشان الموضوع ده كبير بالنسبالي وواخد كل تفكيري .... انا نفسي الاقي حاجه انا بحبها واتجدعن فيها .. في الكليه بتعتي تخصص تحليل بيانات انا اخترته عشان اعلا حاجه فيها وان شاء الله يكون الجي احسن.... بس الفكره اني وقتي مش ملكي..عرفه ان الموضوع غريب شويه ... بس انا عشان وحده مجابتش طب او صيدله.. ف انا عيلتي مفكره اني فاضيه ٢٤ ساعه.. ده معناه تنزلي شغل تساعدي بباكي.. وتروقي الشقه... ولو خلصت كل ده واجي امسك الفون للتسليه يتشك فيا اني بكلم حد وبحبه.. ده غير ان ديما لما اجي اتكلم عن مستقبلي واقولهم هنزل تدريب ف شركه او مصنع بلاقي سخريه وبيقولو الجواز ليكي احسن... وطبعا عشان انا ف كليه قليله بردو.. مفيش نت متوفر كتير وده عائق بالنسبالي... اكيد النت بيشتتني وبيخليني اسمع افلام واضيع وقت.. بس لما احتاجه فعلا مش بيكون موجود ... ودي حاجه خنقاني اوي... بس رغن الكلام السلبي ده كلو انا اكتر حد متفائل ومش بقول الكلام ده لاي حد.. بس انا لسه خيفه.. اكيد هقبل مساعده لو المساعده دي فعلا ممكن تأثر فيا للاحسن .. شكرا
تم النشر الاثنين، ٢٦ أكتوبر ٢٠٢٦
م لوحدك والله إلى بتعملى كدا 😅😂 انا كمان. ساعات بس دلوقتي مبقتش عشان اوفر thinkجامد انا فاهمك عموما انا برضوا بس للاسف الشغف انطفى كان عندى شغف كتير و حاجات كتير بس عشان مفيش تقدير و المشاكل اليوميه و كدا و غير و غير كتير من دا كتير
تم النشر الاثنين، ٢٦ أكتوبر ٢٠٢٦
@. . اعتقد ان الكلام ده محبط اكتر م انه مشجع... بالعكس أنا شيفه اني ف مكانه عاليه بناءا علي كل الي حواليا والاسباب كلها بتقول ان ده مش مكاني... وانا بغبائي دفنت نفسي هنا.. وكل الي بعمله اني بتحسر علي الماضي... الحمد لله علي كل حال بس مش راضيه ب مكاني ده وكل م اسمع حد بيقولي انتي ملكيش غير الجواز مثلا ويجي يقول لاختي انتي تخصصك هيبقا اي.. وهتكشفي علينا ب كام الموضوع بيكون عذاب بالنسبالي... انا استحملت كتير وقولت افضفض رغم اني عرفه اني مش هستفاد كتير بس شكرا
تم النشر الاثنين، ٢٦ أكتوبر ٢٠٢٦
اولا المثالية ملهاش درجات ، تاني حاجة انتي شايفه انك المفروض تكوني في مكان تاني بناءً علي نظرة ناس تانية يعني لو وصلتي للمكان دا الي نفسك فيه وفي ناس تانية في يوم من الايام شافت انك لازم تبقي في مكان أعلي بكدا احنا هنفضل في دايرة مفرغة لتحقيق وجهات نظر الآخرين الي غالبا مش هتنتهي وبكدا برضه انتي كل ما توصلي لإنجاز عمرك ما هترضي لأن في أعلي وبكدا هتفضلي عايشة في دوامة وهلم جره من الاسئلة
تم النشر الاثنين، ٢٦ أكتوبر ٢٠٢٦
@Anonymous . انا اي نعم محتاجه حد يشجعني بس شعوري ان مفيش حد بيخليني اخترع مواقف وشخصيات ف دماغي انهم بيشجعوني وكده.. 😵💫
تم النشر الاثنين، ٢٦ أكتوبر ٢٠٢٦
اهلا... انا اه مثاليه بس مش للدرجه الي انت معتقدها انا بس بحاول احط نفسي ف المكان الي انا المفروض اكون فيه.. والي مزعلني اني مش ف المكان بتاعي وناس كتير بتقل مني
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا