جميع الأسئلة المتعلقة بقسم التعليم والدراسة على فدني
لو سمحت انا عايز حد ذاكر من البيت لغة ومستواه فعلاً بقى زي المتحدثين الأصليين انا بقالي سنة بحاول اتعلم انجليزي وحاولت كتير وبطرق كتير مفيش حاجة نافعة واكتر مهارة مش عارف حتى أحسنها ولو واحد في المية هي التكلم لو حد يعرف يفيدني بأحسن طريقة فعلا خلته يوصل لمستوى حلو بالذات في التكلم
لعرض السؤال في فدني اضغط هنا
السلام عليكم
انا فتانية ثانوي ازهر و طبعا عندنا الامتحان في تالتة بيبقى عالقران كامل و انا مش خاتمة بل يدوب اللي معايا 9 أجزاء فقط، ولما شوفت نماذج لامتحانات السنين اللي فاتت كانت غير كل السنين فعلا فهل فيه طريقة ألحق احفظ بيها قبل تالتة ولا احفظ المهم ولو هحفظ المهم فإيه هو؟ و كدا هنقص كتير فتالتة
لعرض السؤال في فدني اضغط هنا
مراكمة كتير اوي مواد كتيرة وفي مواد مفتحتهاش من اول السنة غير حبة قليلين اوي اعمل ايه للعلم اني تالتة ثانوي وحاسة أن اللي ضايع مني اوي هو التاريخ من ناحية التراكمات
لعرض السؤال في فدني اضغط هنا
ما الأفضل لي؟
ان اذاكر المتراكم علي واترك الجديد أم ان اذاكر الجديد ولا اراكمه واترك المتراكم؟
لعرض السؤال في فدني اضغط هنا
ممكن اعرف لو شخص في معهد او جامعه يفيدني ازاي أذاكر لاني مش عارفه وكمان ازاي اجيب gpa كويس والامتحانات بتيجي منين واي المصادر.
لعرض السؤال في فدني اضغط هنا
ممكن حد يرشحلي كتب تالته ثانوي اضافيه
معايا الخبير والامتحان فيزيا
الامتحان والتفوق كيميا
الامتحان والتفوق أحياء
الابداع و الامتحان وكتب محمد صلاح عربي
العمالقه والمعاصر انجليزي
انا علمي علوم
لعرض السؤال في فدني اضغط هنا
انا في تالتة ثانوي السنة ديت و من اول السنه مجبتش درجة حلوة في الامتحان و اهلي بيقولي اني مش بذاكر بس انا مش عارف اعمل ايه تاني عشان اجيب درجات حلوة و اراضيهم
لعرض السؤال في فدني اضغط هنا
السلام عليكم ورحمة الله وبركاته
أنا في أولى كلية وللأسف مكانتش كلية أحلامي بس قدر الله وماشاء فعل
المهم إزاي ابقى شطوره في دراستي وازاي اظبط يومي عشان حاسه إني تايهه ومراكمة كتير
وكمان ايه الحاجات إللي ممكن اعملها واطورها في فترة الجامعة واستغلها ؟
وازاي أبقى جميلة من الخارج والداخل ؟
ادعولي ربنا يوفقني ويرزقني بالزوج الصالح وابقى زوجة وأم عسولة موووت 😌 💗
لعرض السؤال في فدني اضغط هنا
انا طالبه تالته ثانوي، انا اساسا مضغوطه وبقا عندي خوف داخل طول الوقت بسبب اني كل ما اشوف حاجه ليها علاقه بتالته ثانوي ادني افكر اذا كنت اقدر اجيب المجموع اللي عايزاه ولا لأ،
بالاضافه ان انا عندي ادمان بتطبيق على الموبايل، بيبعدني عن المذاكره وعن ربنا وعن كل حاجه وانا عارفه دا بس مش عارفه ابعد عنه لأن بصراحه لما بتضايق بروحله علي طول، هو التطبيق صحيح حسن حاجات كتير ليا في الانجليزي لأنه خلاني مثلا اعرف اكتب براجراف انجليزي بطريقه حلوه خاصه بيا انا لكن الوقت عندي بيضيع بسببه
بالاضافه ان اللي حواليا ببقى فاهمه ان عندهم ضغط بسبب شغلهم، لكن بيخرجو ضغطهم عليا فوق الضغط اللي انا فيه اصلا، دا مضايقني يعني انا اساسا بضغط علي نفسي عشان ابينلهم ان كل حاجه تمام وعادي عشان مش بحب اتكلم في مشاكلي لكن هما بيخرجو مشاعرهم السلبيه عليا ودا بيأثر عليا جامد،
وهزرت معاهم مره ب كنت عايزه اعرف الاجابه فعلا، قولتلهم انا حلمي مش طب، انا عايزه حاجه تانيه هتوافقو بيها ولا لأ، مردوش يردو وقالولي بجديه كدا كليه اي الاول، ففهمت انهم لو معجبتهمش الكليه هيرفضو، دي حاجه مخولاني بردو،
انا اساسا عامة بحب الطب اوي والجرايم بردو ف محتاره ما بين كليه الطب واي كليه تانيه ليها علاقه بالجرايم والجنائيات زي العلوم او الشرطه او حقوق، كدا، بس انا حددت هدف واحد وحليت المشكله دي الحمد لله واخترت الطب بمزاجي بس اتضايقت منهم في الجزئيه دي وعمال يجيلي خوف داخلي طب لو مدخلتش طب اعمل اي،
سمعت كمان عن امتحان كيميا السنه اللي فاتت وفيديو بتاع خالد صقر فعرفت ان الامتحان صعب اكتر من انا متوقعه والوزاره كانت منزله قريب انها هتخلي امتحانات السنادي بنفس مستوي امتحان الكيميا السنه اللي فاتت، بحاول اقنع نفسي ان رغم الامتحان كان صعب الا ان في عيال قفلته وأنا مش أقل منهم واقدر اعملها والكلام دا كله لكن لازال الخوف داخلي
لعرض السؤال في فدني اضغط هنا
انا في تالته ثانوي وكل شويه انام ومش عارفه اعمل ايه
لعرض السؤال في فدني اضغط هنا
انا بقالي فترة بتعلم انجلش في البيت مع نفسي، الحمد لله مستوايا في اتطور ومتعود اتكلم مع الناس على تطبيقات وكده والحمد لله مفيش مشكلة عندي في المحادثه، فنا كنت عايز مكان يكون على أرض الواقع انزل امارس فيه عشان بدأت امل من الممارسة في البيت، ترشحلي اي؟
لعرض السؤال في فدني اضغط هنا
دلوقت انا واحدة عندي 19 سنة كنت في ثانوية عامة ودخلت كلية ألسن من علمي رياضة من وانا في تالتة اعدادي جالي صدمة من اصحابي وكنت وقتها ممتازة جدا في الدراسة وكنت بذاكر بدح بدح يعني ماشاء الله من اول ما هم بعدوا عني وانا شخصيتي اتغيرت جدا اه اتحسنت في حاجات كتير الحمد لله ومبسوطة اني بعدت عنهم بس في نفس الوقت مابقتش شاطرة خالص في دراستي انا اه الحمد لله قدراتي كويسة واساسياتي حلوة بس معدش عندي شغف ومعتش بذاكر كويس ولا بدي المذاكرة حقها وبأجل لآخر لحظة وساعات مابذاكرش خالص مع اني ماكنتش كده ابدا بتحسر على نفسي والله بشوف ناس قدي حاليا نفس شغفي اللي كان زمان بتقهر على نفسي جدا وكل يوم اقول هبقى انسانة تانية وهرجع احسن من الاول كمان وبنظم وقتي وبردو مفيش فايدة حتى في عز امتحاناتي في الثانوية العامة اللي هي اصعب فترة كنت بضيع وقت وكنت بسلي نفسي بأي حاجة وكنت بذاكر قليل مع ان كان يمكن اكون مراكمة فصل كامل مفتحتوش خالص ارجوكوا حد يشوفلي حل انا حقيقي عايزة اتغير ومش عارفة انا مش بتحجج ابدا باصحابي لكن انا ده اللي لاحظته
لعرض السؤال في فدني اضغط هنا
انا طالبة في الثانويه الازهريه أعاني من الاكتئاب بسبب اضطهاد عائلتي لي دائما ما يشجعون إخوتي وانا لا بس هم مش من الناحيه الماديه هم مش متأخرين في البدايه انا طالبه ومجتهده بطلع من الاوائل لكن بمجموع اقل من اختي الكبيره كانت ممتازه جدا وكان معلقين عليها امل بس هي لم توفق في الثانويه الازهريه دائما ما بيشجعوها واختي الاصغر مني بتطلع الأولي كل سنه ودائما بيشجعوها ويحفزوها اما انا فكنت بتكلم مع ماما وقد ايه انا نفسي اخش كلية طب راح ماما قالتلي فوقي يعني انتي هتخشي كلية طب ودائما ما بيجرحوني بالكلام على اساس اني لا احزن ولكن انا من الناس التي لا تحب ان تبكي امام احد ممكن اعيط مع نفسي دائما ما يجرحوني بك وبالفعل مثل ضربي من اجل اختي التي تبلغ من العمر تسع سنين من غير اعمل لها حاجه ومطلعيني ان انا بغير منها وممكن يضربوني عشانها عشان يرضوها نفسي في حد يشجعني يقول لي انت هتوصلي ولما اتكلم يقولوا لي انت قليله الادب ومش متربيه انا تعبت ومش قادر اذاكر وكل ما اجي اذاكر افتكر موقف بتاع ماما دائما ما يعطوا لاخواتي التشجيع نفسي مره يشجعوا اهدافي واحلامي نظرا لان اختي الكبرى لم توفق لكنها كانت تجيب درجات اعلى مني فهم يعتقدون اني كذلك لن اجيب لانهم لانها كانت متفوقه عني مش قادره اذاكر بسبب المواقف دي تعبت من وانا صغيره بيقعدوا يقولوا كلام عليا زي ان انا مش هوصل وياك انا حقك حلمي وان فاشله ومش فالحه مع اني بطلع من الاوائل كل سنه بس المركز اللي بجيبه مش عاجبهم مع اني ابذل قدر الامكان رجاء مش عارفه اعمل ايه عندي كتاب ومش قادره اذاكر بسبب الالام دي والجراح دي سواء كانت بالكلام او بالفعل مش مهتمين بيا خالص ولا بيسالوا على الدرجات ولا بيسالوا على اي حاجه بقعد افكر بيجي لي توتر ما اقدرش انام الليل كله بسبب التفكير
لعرض السؤال في فدني اضغط هنا
السلام عليكم ورحمه الله وبركاته انا طالبه بكالوريا وانا مختمره
وانا علمي علوم
انا مراكمه مواد وكمان بكون محتاجه ملخصات ومحتاجة جدول وحد يشجعني ودا عندي مش بيحصل في البيت انا السنه ال فات كنت في مسابقة وكان في جروب الطلاب عملوه وفيها طلاب من محافظات مصر
وكان في طالب كان بينشر أسئلة وانا دخلت له برايفت عشان يبعت الأسئلة كامله عشان الامتحانات وفعلا بعتها وكنت لما بطلب منه اسئله أو امتحانات كان بيبعته
وكان عندي امتحان برمجه والموقع هنج مني وعلق وانا مكنش معايا غير تلفون واحد واخد باك وكان لازم استخدام جهاز تاني فبعت له ونسيت ان اليوزنيم والباسورد بيكون معروف
وانا ساعتها كل دا كنت مفكراه انني ولد
وبعده عرف انني بنت ومردتش يقولي وانا دلوقتي في تانيه باكالوريا وكنت محتاجه مراجعات وملخصات فبعتله وبعت ليا كل حاجه وكمان عملنا تحدي مذاكره من وقت لوقت ونفذه وكمان انا وهو شغالين ع فكره لو نجحت هتضرب معانا وهو من محافظة وانا من محافظة تانيه وانا اكبر منه بشهور بس في نفس المرحله الدراسيه وبيساعدني كتير ومفيش اي تجازوات خالص ولا عمرنا اتكلمنا غير الفكره والدراسه
بس انا قلبي وجعني من اللي انا بعمله عشان بكلم ولد وانا عمري م عملتها وحاسه اني بتحرق اعمل اي رغم اني بيساعدني وعمره ما كلمني في غير التعليم
ملحوظه اهلي عارفين
وانا مش معايا تلفون دا تلفون اهلي
وبكلمه وقت م احتاجه بس نتكلم في الفكره والدراسه اعمل اي هل دا غلط وحرام ولا انا مكبره الموضوع
لعرض السؤال في فدني اضغط هنا
السلام عليكم رشحولي مدارس ليها مدارس ثانويه
لعرض السؤال في فدني اضغط هنا
ي جماعه لو فى حد هنا يعرف منصة دروسك بلس او يسمع عنها أنها مجمعه كل محاضرات المدرسين فى المنصة دى وهى اصلا واخداهم منها وبيتعملهم بسعر قليل تمام وهى من اول السنه وهى كانت شغالة وكانت تعطل يوم يومين ويرجعوها واوقات كانت تاخد اسبوع تمام وهى اصلا مش اساسيه عشان إحنا بنبعت الفلوس على فودافون كاش وبنبعت سكرين التحويل والاسم والشعبه والرقم الى حولنا منه ويدونا كود من تسع ارقام وندخل وهى مش رسمى وأنا دخلت فيها امبارح بس عشان لاقيتها مكمله وفى ناس داخله فيها وهى من امبارح اشتغلت الفتره الى كان منزل فيها الخصم كانت شغاله بعد م خلص وقت الخصم اتقفلت وأنا ببعت مش بيرد وناس زى كدا وانا بعتله من رقم تانى على اساس عايزه اشترك جديد ورد عليا فى ثوانى وقالى ابعتى الفلوس وسكرين والكلام دا معنى كدا انه فعلا باين هيوققها او هيبدا الموضوع يبقى نصب فعلا دلوقتي ف انا عايزه حد يساعدنى ارجوكم أنا معايا سكرين التحويل وشات المنصه وكل حاجه لو عايزه ارجع حقى اعمل ايه ارجو الافاده انا اخدت الفلوس بدال م اعمل منصة الاحياة عملتها فيها ب250جنية عشان اشغل كل المدرسين وعملتها امبارح دا غير ضغض الفلوس على اهلى لو رحت قولتلهم ان دول ضاعو وعايزه كتير تانى لباقى المواد ف على الاقل ارجع فلوسى لز فى طريقه ارجو حد يساعدنى
لعرض السؤال في فدني اضغط هنا
السلام عليكم،
انا لسه مخلصه تالته ثانوي ودخلت كليه الحمد لله وكان عندي ميدترم النهاره وجبت 18 من 20 وكان الاختبار سهل جدا فحاسه اني فاشله ومش عايزه اكمل تعليم حاسه ان مهما ادرس واحاول بفشل تعبت في تالته ثانوي وبعد ما شوفت النتيجه حسيت اني متعبتش خالص وبدأت أشك ف مجهودي، حاسه ان دا مش طريقي ولا نافعه فيه وخايفه اتعب اهلى معايا على فاضلي تاني
لعرض السؤال في فدني اضغط هنا
ياجماعه حد يعرف التقديم على وظيفه مضيفه طيران لازم تكون فى مدرسه خاصه او جامعه خاصه
لعرض السؤال في فدني اضغط هنا
انا ف تالتة ثانوى عندي ١٨ سنة ف تالتة ثانوى وبحب اطور من نفسي عندي حلم غريب شوية اني ابقى غنية وجميلة زي اللي بنشوفهم ف التلفزيون كدا وعايزة اغير حياتي ١٨٠ درجة بس مش عارفة اعمل اي ...ف قولولى اعمل اي السنة دي انا معنديش طموح ف كلية معينة بس اكيد كلية كبيرة و اعمل اي ف تطوري وجمالى وديني وشكلى وكله بجد اتغير تغيير كامل
لعرض السؤال في فدني اضغط هنا
انا بطبيعتي الحمد لله شخص مجتهد وبيحب المذاكرة وبحب اتعلم اللغة وحقيقي كنت بحس بسعادة وانا بتعلم مش مجرد إجبار على المذاكرة .
حاليا انا من بداية السنه وانا مش عارفة ابدأ مذاكره كل يوم احط خطة ومعملش اي حاجه وبالنسبة للغة فكرت آخد كورس يلزمني ولكن حاليا مش معايا فلوس لده بس مش عارفة الزم نفسي خالص ومش عارفة حتى أجيب ساعة مذاكرة مع اني شخص كان اقلها 5 ساعات مذاكرة ف اليوم ...
كان عندي إرادة وطاقة اكمل بيها حاليا حتى الجامعة مش طايقة اروح مع احساس بالندم اني مش بحضر بس مبقتش قادرة خالص ..
تقريبا صداع معظم الوقت وقلة تركيز ف أي حاجه زي اني اغسل المواعين انا بجد دماغي بتبقى مش مركزة ف اللي بتعمل حقيقي بحس اني ف عالم موازي انا م ف عالم طبيعي ..
حاولت احط خطة صغيرة وتسكات صغيرة اويي وبرضو مش عارفة انتظم عليها مبقتش عارفة فين المشكلة ..خدت اجازة كام يوم ومنزلتش الجامعة وبرضو كأن شيئا لم يكن كإني في دوامة دماغي فيها مش بتقف ولا بحس بسعادة ولا بإنجاز ولا بالمتعة ف اني اعمل حاجه معينه وانا متشخصة باكتئاب شبه حاد ..
بس انا كل شوية بلاقيني بقول لنفسي انتي مش عندك حاجه وده كله دلع وقلة إرادة .. حقيقي بجد تعبت معرفش المشكلة فيا ولا فين مش فاهمه حاجه نهائي وحاسة بيأس مع اني عارفة اني مينفعش ايأس بس حاسة كل الطرق هتؤدي الفشل
لعرض السؤال في فدني اضغط هنا
السلام عليكم و رحمة الله تعالى و بركاته
مشكلتي كالاتي أنا طالبة ثالث ثانوي كأي طالب بعاني من قلق توتر و خوف من كونه يضيع سنته و ما يحقق احلامه لكن الضغط كبر بداخلي جداً اصبحت احس كأنه في كتلة و هم كبير في صدري و حزن و غير أفكار سيئة أتمنى تفهموني و ما بعرف أنا ما احتاج بالضبط هل هو تنظيم وقت لاني تعبت من النصائح ولا دعم نفسي و غير المذاكره اصبحت صعبة بالنسبة لي و الحفظ و الفهم و غير الاهمال رغم آني ما كنت كذا كنت مجتهدة و اتمنى تنصحوني و ترشدوني جزاكم الله خيرا.
لعرض السؤال في فدني اضغط هنا
السلام عليكم
انا بنت في الشهادة الاعدادية مشكلتي اني عندي مذاكره كتيره اوي تراكمات فقررت امسح مواقع التواصل الاجتماعي كلها تيك توك ، اسناب ، فيس بوك ،انستجرام فلما عملت كده حاسه اني في حاجه فايتاني حاسه اني كبرت نفسي علشان مفيش حد بيمسح كل حاجه مع العلم ان الحاجات دي بضيعلي وقتي بشكل كبير جدا فأنا مش عارفه هو الي عملته دا ايه ؟
لعرض السؤال في فدني اضغط هنا
انا طالبه في تالته ثانوي عام من اول السنه كان عندي مشاكل مع المذاكره بس انا كنت بعمل اللي بقدر عليه مكنتش بخلص كل المطلوب بس كنت راضيه عن نفسي لحد من ٣ اسابيع ماما مسكت الكتب و لاقتني مش حاله كل الواجبات و في حاجات كتير ناقصه
اتخانقنا مع بعض و وقتها انا دخلت اوضتي و بعتلها رساله اني عندي اعراض ADHD (فرط حركه و تشتت ) و عندي أعراض من الطفوله فلو ينفع نراجع الموضوع مع أخصائي قالتلي انتي مكبره الموضوع و لو التزمتي هتعرفي تركزي
وقتها انا زعلت جدا لاني كشفت جزء مني و في الآخر بدون فايده و خلال ال ٣ اسابيع دول انا اتحولت من انسانه بتضحك دايما رغم كل حاجه لإنسانه بتعيط و بس و كان في شوامل و جبت في الفيزياء 50 % ماما زي اللي شالت الهم و ليه تجيبي النص و ذاكريهم وانا همتحنك فيهم
بقيت مضغوطه اوي و كل ما الاقيها بتدخل اتضغط اكتر و احنا لسه في اول السنه انا مش كويسه خالص و مش هقدر اعيش الحبة شهور الفاضلين في الضغط دا
لعرض السؤال في فدني اضغط هنا
كيف اتعلم اللغه الالمانيه ☹️
لعرض السؤال في فدني اضغط هنا
انا راكمت محاضرات علي و حاسس اني تايه جدا و مش عارف ابدا من فين
لعرض السؤال في فدني اضغط هنا
السلام عليكم
انا طالبة في تالتة اعدادي بس عندي مشكله اني بقيت بفقد تركيزي بشكل غريب وبحس اني مش طايقه اذاكر خالص وكل حاجه بايظه فتنصحوني ب ايه في المذاكره وانظم جدول ازاي واذاكر ازاي ولا قد اي و ايه المجالات الكويسة بعد تالته اعدادي، أنا كنت بفكر ف مضيفة طيران ودكتورة أسنان بس الأكتر دكتورة اسنان معلش لو طولت🤍
لعرض السؤال في فدني اضغط هنا
ازاي اذاكر برمجه أو افهمها
لعرض السؤال في فدني اضغط هنا
اهلا...
انا حزينه.. حزينه بشكل مبالغ فيه..
قاعده اكلم نفسي من ساعتها ومتردده اكتب.. كده كده محدش هيهتم انا عرفه . الناس كلها زعلانه وفيه حاجات بتخنقها.. بس انا شايفه نفسي مختلفه.. المفروض اكون في مكان تاني خالص غير ده..
عندي ٢٠ سنه ومش بعرف اعمل حاجه خالص ف حياتي.. ولا حتى حاجات خاصه ب انوثتي...
عيلتي مرتاحه ماديا بس انا مش باخد مصروف.. بعتبر نفسي فقيره ..فكل حلمي اني اشتغل واجيب فلوس.. حقيقي انا شايفه الحياه كلها فلوس ومحدش يقدر يقنعني بالعكس..
بس لما ابص للواقع.. معنديش اي مهاره اشتغل بيها.. حتي لو اشتغلت مش هلاقي حاجه تميزني..
انا يعتبر بقول الكلام الي جوايا وبعمل skip لحاجات كتير... انا ساعدت ناس كتير واتمني من ربنا اني الاقي مساعده .... اتمني حد يحن عليا ويقولي انتي تقدري بس اعملي كذا كذا ومعايا خطوه بخطوه..
انا طبعا بحلم.. بس علي الاقل الاحلام مجانيه❤️🩹
لعرض السؤال في فدني اضغط هنا
السلام عليكم انا دلوقتي طالب تالته ثانوي عام علمي علوم في مصر و كنت بادئ السنه حلو نوعا ما و كنت بدات اقرب من ربنا و انتظم في الصلاه و المذاكره يعني ارجع من الحصه اذاكرها و احل اللي عليها و هكذا دلوقتي بقيت ليا اربع اسابيع مش بذاكر زي الاول ابدا و مش بصلي زي الاول ابدا بقصر حدا في الصلاه و حصص السنتر لوحده اصلا بيضيع فيها المغرب و العشاء و حتي المذاكره مبقتش اقدر اعمل حاجه غير اني يدوبك اسمع المحاضره و بالعافيه اصلا و مش بذاكرها ولا بحل عليها اي حاجه و اتراكم عليا حل كتير جدا و كمان بضيع يومي كلو منغير ما افتح كلمه احيانا و بيضيع علي اباح** و ريلز و ادمان الاباح** و عاده ده بردو مشكله في حياتي عايز ليهاحل فبالله عليكم حد يساعدني و يقولي اذاي ارجع احسن من الاول بمراحل كمان و الم المتراكم كلو من حل و يا ريت بلاش كلام نظام البومودورو و ابدا بحته بسيطه و الكلام ده علشان مش بعرف اطبقو و
لعرض السؤال في فدني اضغط هنا
محتاجه حل للتسويف
انا تالته ثانوي وكل شويه بقول بكره هعمل وهعمل، ومش بعمل حاجه خالص
لعرض السؤال في فدني اضغط هنا
سلام عليكم أنا عندي 17 سنه في تالته ثانوي عام السنادي
ولسه مش حددت هدف ومش عارفه نفسي عايزه أي
مره حابه صيدله و مره حابه ألسن و مره حابه تمريض و مره حابه أي مجال طبي
حقيقي الموضوع دا مشتتني
أنا حابه ألسن السن عشان بحب اللغات فلو في حد بيدرس في كلية ألسن أو متخرج ياريت يفدني و يقولي نظام ألسن بيكون ازاي و صيدله
عارفه عامةً مفيش حاجه سهله بس الله المستعان
لعرض السؤال في فدني اضغط هنا
أنا خريج شريعة وقانون في مصر، وعايز أطور نفسي قانونيًا وأتعلم القانون المصري بشكل عملي، مش مجرد دراسة نظرية.
المشكلة إني متشتت بسبب كثرة المنصات والكورسات، ومش عارف أبدأ منين ولا أختار مصدر إيه.
محتاج ترشيح من أهل الخبرة في المجال لمنصة موثوقة تقدم كورسات قانونية، وتساعدني أفهم القوانين المصرية وأطبقها على مواقف واقعية، وأتعلم صياغة العقود والمذكرات والعرائض، وأفهم إجراءات التقاضي والتعامل مع القضايا عمليًا.
وياريت اللي يرشح منصة يوضح لي:
اسم المنصة ورابطها.
لعرض السؤال في فدني اضغط هنا
السلام عليكم
انا تالته ثانوي وأجلت السنه وامتحنت العربي ونقصت ٢٧ درجه فضلت ندمانه ولسه مبدأتش هل انا متأخر ه لان عدي شهرين ونص ولالا وازاي اتخطي العربي
لعرض السؤال في فدني اضغط هنا
السلام عليكم،
أنا في تالتة ثانوي عام، وبعاني من إن مستوايا الدراسي مش بيتحسن رغم إني بحاول. درجاتي متوسطة في أغلب المواد وواقعة في بعض المواد، ومش عارف إيه السبب ولا أعمل إيه عشان أتحسن. أنا عارف إن دي ابتلاءات من ربنا، ونفسي أتعامل معاها صح وأبذل اللي عليا. ياريت تفيدوني بنصيحتكم وتوجّهوني أعمل ايه
لعرض السؤال في فدني اضغط هنا
ليتني ما حبيت 😩❤️🩹
اتعرفت على شاب من أربع سنين بالصدفة، وكان تعاملنا ما يدلش خالص إننا هنتعلق ببعض التعلق ده، أو أنا خصيصًا. أنا ضد الفعل ده خالص، وقبل ما أكمل كلامي، حراااام وعارفة، وأعوذ بالله من كده.
المهم، الشخص ده صعيدي للأسف 😂 وهو بارد جدًا في مشاعره، وعصبي، ومش مفهوم، وقليل الكلام، وأنا ثرثارة. مش عارفة أنا عايزة إيه منه، بس خلاني كنت تكّة وهتفجر من أسلوبه 😂 كان بيتعامل بغرابة، مرة أقول ده بيحبني، ومرة يقولي: ده إنتِ زي أختي! أخت فعينك، عايزة أقتله 😂😂
المهم، الأربع سنين دول مفضلناش نتكلم كتير، يعني كنت بختفي كتير، واختفائي خلانا نتعلق أكتر.
أنا بحكم حياتي حواليا ناس كتير، بس ده جذبني أكتر. صريح وواضح، وشخصية مظنش إن في منها نسخة تانية، طموح وناجح، ومن حيث الدين فهو توب التوب كمان.
أنا آه اجتماعية، بس استحالة أحكي لحد حاجة عني، فهو قدر يهد الحاجز ده.
أربع سنين متكلمنيش غير مكالمة واحدة صوت، وبسبب صحابي، هما اللي رنوا عليه غصب عني كمان 😂 ميعرفش شكلي، بس قالي: «بصي يا بنت الناس، أنا عايزك في الحلال، فهنبعد لحد ما ربنا يكرمني».
فبعدنا لحد ما ربنا يكرمه. حاليًا بكلم أخته، وأختي عارفة الموضوع، وهو أقسم بالله، أكاد أجزم إن البني آدم ده مش بيتعوض. خاف عليا حتى من نفسه، ومأذانيش، ولا عمل أي حاجة من اللي الذكور بيعملوها. أسلوبه وكلامه بكل احترام، حتى والله حاولت أوقعه كتير بالكلام، بس لأ، كان بيوقفني ويهزقني 😂😂
مشكلتي إني عايزة أكلمه بأي طريقة. بعتله قبل كده عملي بلوك 🙂😭
أنا مش عارفة أكمل حياتي عادي، مش مستوعبة غيابه، مفتقداه أوي. آه، وعدته إننا مش هنتكلم لوقتها، وأنا في ثانوي أصلًا، وهو أولى كلية، بس أنا أجلت السنة أصلًا علشانه، علشان يكون معاه وقت يجهز نفسه.
عارفة إن دي تضحية كبيرة، وبسببها مش عارفة أذاكر دلوقتي زي السنة الأولى، تااايهة ومشتتة، ومش عارفة أسيطر على مشاعري واحتياجي لوجوده. كان معوضني عن الدنيا، كنت مستغنية بيه، مكنتش بكلم حد غيره.
عايزة أركز في حياتي، عايزة أبطل أفكر فيه. هو ساعات كنت بحسه مش بيحبني، هو أول حب ليا وأنا كذلك، وصعب، وكمان مختلف علشان صعيدي، مش زي الشباب اللي حواليا اللي بيقربوا مني. طباعه صعبة، بس حنين جدًااااااا بطريقة هباب وعسللل بطريقة يععع 😂😂
اللي أثبتلي إنه بيحبني إنه حافظ عليا. كان لما أحاول أوقعه وأقوله: ليه مش بتقولي كلام حلو؟ يقولي: «الحلو كله هيتقال لما أشوف عينيكي وتبقي حلالي، متستعجليش، الصبر حلو». 🥺😩😂 كان بيثبتني ابن الإيـه 😂❤️
خايفة منبقاش لبعض، أو علشان هو في كلية تقرب منه أي بنت. خايفة أخسره، وكل يوم بحبه أكتر. احم احم، خلينا في المفيد 😂❤️🩹
**إزاي أتخطى العلاقة دي علشان مش وقتها خالص؟ وإزاي أطلع من السنة دي بمجموع عالي؟**
أنا أزهر، تاني سنة ليا، ودروسي أونلاين، ومراكمة، حالتي حالة. يا ليتني ما حبيت ولا دُقت طعم الحب 😩😩😩
نسيت حاجة: ليه أنا اللي ظاهر عليا التعلق والحب؟ يعني أنا دايمًا بدور عليه، وبعمل أي حاجة علشان أكلمه، لدرجة إني كلمته من تليفون بابا 🙂😂
الصعيدي خبل عقلي 🙂😂❤️🩹
عايزة حل 😭😭😭😭😭❤️🩹
لعرض السؤال في فدني اضغط هنا
انا ثانيه بكالوريا بس خدمات وخايفة اتظلم وبسبب ان فى حضور وغياب للبكالوريا فخايفه اكتر واحنا كخدمات مهملينا جامد فى المدرسه ولا مدرسين بتشرح ولا عارفين احنا بنتسجل حضور ولا لا فخايفه بجد يسقطونا كخدمات فبجد انا نفسيتى تعبانه وكمان بروح المدرسه بقعد مع ما صحابى فى المدرسه لساعات لان مافيش مدرسين يشرحو فبحس انى بضيع وقت وبحس اننا كده بالنظام ده مش هكون دكتوره زي ما انا عايزه فخايفه جدا
لعرض السؤال في فدني اضغط هنا
السلام عليكم ورحمه الله وبركاته
انا طالبه بكالوريا 2027 ال هي الشهاده المصريه الجديده وبصراحه انا بدات دروس 15/8 وحاليا أقسم بالله معرف حاجه عن المناهج ولا اي حاجه الدرس اخده احل الواجب وارجع اروح البيت اقعد واروح الدرس ارجع تاني ونظامي كدا غير اني معنديش طاقه لاي حاجه يعني يا المدرسه يا الدروس يا المذاكره اعمل اي غير كدا
انا م بعرف اذاكر بليل ممكن انام ع نفسي وانا قعده اخري ب الكتير الساعه عشره بليل بتعب من اقل حاجه ودي بعاني منها من سنه اولي ثانوي تعبت اوي ومش عارفه اذكر والا الم المتراكم القديم أو الجديد وكمان بفكر اقعد الشهر دا من الدروس
حاسه اني معنديش وقت يعني ال بيقول انا بذاكر ست سبع ساعات انا الساعتين بتوعي بيبكوا ف الزوايه تعبت اوي عايزه اخلص بجد ولا فاهمه طريقه حل المسائل الفيزيا ولا الإنجليزي كل المواد نظام جديد تعبت ومش عارفه اعمل
وعندي مشاكل ف عبادتي ومشاكل مع اهلي كل شويه يحصل خناق بينهم وعليا ضغوطات كتير ومحدش حااسسس بيا غير أنه بيقول عادي كلنا مرينا بيه ومن عارفه اعمل وبصداع ع طول وصحتي خايني وعقلي مشتت وحاسه اني مستقبلي بيضيع وانا بموت
لعرض السؤال في فدني اضغط هنا
نفسيتى تعبانه اوى انا تانيه بكالوريا نفسيتى زفت اوى تعبانه خالص شعرى واقع بطريقه صعبه خسيت كارهة نفسي مش بطلع من اوضتى ابدا مش بشوف حد مش بكلم حد المواد تقلت عليا حاسه انى خسرت نفسيتى مبقتش انسانه تعبانه اوى اوى محدش حاسس بيا المهم النتيجه
جايه على نفسي اوى تعبت عايزه اموت نفسي بجد عايزه حل بجد فعلا انا عايزه حد يساعدني. لو حد يقدر بجد يساعدني.
لعرض السؤال في فدني اضغط هنا
تنصحوني اخد سنتر ولا اونلاين بحس مدرسين السنتر ببختصروا اوي وفي نفس الوقت الاونلاين لو اشتركت دلوقتي هحتاج الم المحاضرات الي قبل كده ف هيخليني مشتته ف تنصحوني اعمل اي للعلم انا في تانيه بكالرويا
لعرض السؤال في فدني اضغط هنا
انا في تانيه بكالوريا المفروض فات 3شهور من السنه كلها انا ثانويه عامه ومن الاول السنه مراكمه ومش عارفه اى حاجة بجد ف المنهج وكل دروسي اونلاين بسمع شويه صغيرين وبزهق وبحس ب ملل الموضوع مستفز بجد وبنسي اى حاجة ذاكرتها ومراكمه محاضرات قد كدا ومش عارفه ابدا منين ولا اعمل اى وهخلص امتى يكون راكمت تانى وبزهق من المذاكرة بجد وبسرح احيانا وتفكيري بيتشتت
لعرض السؤال في فدني اضغط هنا
انا ذكر و أواجه صعوبه فى مغريات نساء وشرب ومش عارف ليه حاسس ان الحلال صعب انا ٣ ثانوى بس كل شويه يتعرض عليا فرصات مساكنه ونا برضو مرضى نفسى بعلاقاتي حاسس ان مليش صحاب وقت الشده انا رياضة مسلم أسمر حسن المظهر والمعامله الحمد لله ماديا ميسور حاسس ان الفلوس والحريم والشرب والقرف ده بعدو صحابى عنى ونا من الناس الليها علاقات من سنى لى الكبير كلهم بيحترمونى الحمد لله
لعرض السؤال في فدني اضغط هنا
السلام عليكم ورحمه الله وبركاته
كنت عايزة اعرف هل لو دخلت كلية آداب علم نفس هتبقى حاجة كويسة ولا لأ
انا ما اعرفش انا ممكن اشتغل ايه غير اخصائية في مدرسة
و انا بحب علم النفس بصراحة بس والدي مش موافق عليها فعايزة اقنعه لو هي فعلا كويسة
و انا ادبي عموما بس مش عايزة ادخل سياسة و اقتصاد علشان حاساها كبيرة عليا لان السياسة عايزة ناس قوية و انا من اقل موقف ممكن ازعل 😅
فلو حد عنده معلومة ياريت يفيدني و شكرا لحضراتكم 🤍
لعرض السؤال في فدني اضغط هنا
السلام عليكم
ازاي الاقي فرص شغل اونلاين وانا ف الجامعه انا تخصصي انجلش ومستويا B1+ ف ازاي الاقي شغل يبقى تبع التخصص أو مش تبعه عادي المهم عندي يبقى اونلاين علشان جامعتي
لعرض السؤال في فدني اضغط هنا
مش عارفه ابدأ كلامي ازاي بس بقالي سنتين مش عارفه انا مين ولا فين انا حاليا ف تانيه ثانوي تمريض الي هو بعد الاعدادي من بعد ما ظهرت النتيجة وبابا قرر ان هو يدخلي تمريض بس ده مكنش هدفي ولا الي كنت بذاكر علشانه
مكنتش اعرف يعني اي تمريض د اصلا ولا كنت حسباه خالص كنت بتعب وباجي ع نفسي اوي عشان اجيب مجموع عشان بابا يدخلني ثانوي وميقوليش مجبتيش مجموع ف اعدادي يبقي هتيجي ف ثانوي؟
لحد ما النتيجة ظهرت ولقيته بيقولي مجموعك عالي هدخلك تمريض انا اتصدمت مكنتش قادرة انطق ونا مش قريبة من بابا خالص ولا حتى بتناقش معاه ف اي موضوع ولا ف كلام لينا زي اي اب وبنته
المهم انه حتي مقعدش معايا وكلمني وفهمني لا هو قالي هتدخلي ونا مقدرتش اعترض كنت بعيط بس ليل نهار وكانت خناقات بينه وبين ماما عشان هي كمان رافضة اني ادخل تمريض وقدمت الورق واتقبلت وجه معاد اول اختبار كنت مصلية استخارة ولقيت نفسي ف تمريض ف روحت وكنت مقررة اني مش هحل عشان اسقط ف الاختبار بس لقيت ايدي بتكتب غصب عني وخلصت وفعلا نجحت وتاني وتالت اختبار عدوا
دخلت اول سنه مش عارفه اتصاحب ع البنات الجديدة ولا عارفه اعمل صحاب مش عارفه بجد ولا عارفه اتأقلم ع المكان شوفت الغل الي بجد والصحاب المصلحة وكل الحاجات الي كنت بسمع عنها بين الصحاب
مكنتش عارفه اذاكر دماغي كأنها بتقولي والله منا شغالة وما هفهم حاجه لدرجة الميس عملتلي استدعاء ولي أمر عشان عدم مذاكرتي ودرجاتي الي مش كويسه بابا راح واتكلموا وعرفت اني داخله غصب عني وبابا قالي احولك ثانوي عام بس انا رفضت لأن عارفه انه مكنش هيصرف عليا لو حولت وكان كل يوم زعيق
المهم حاولت اروح كورسات بس لحد دلوقتي مش عارفه اذاكر لدرجة اني والله العظيم كنت ف فترة امتحانات الفاينال بروح من الامتحان الضهر انام لحد تاني يوم الصبح و عاديييي كأني داخله محاضرة مش امتحان وكمان ف مواد كتيرة مش بفتحها والله كنت بدخل الامتحان من غير ما افتح الكتب طول السنه
وعلاقتي مع امي مبقتش زي الاول وبقا بيجيلي نوبات هلع كتيرة وصداع مش بيروح بس الحمد لله بحاول التزم ف الصلاة مش بسيب فرض بس للأسف هجرت القرآن وضميرى بيأنبني وبحاول أرجع وبقيت حد تاني معرفهوش ف كل حاجه حتى معاملتي مع اخواتي بطلع كل الزهق الي جوايا فيهم
مبقتش بعرف احكي لأمي بقيت بتخض من اقل حاجه و من اقل صوت ودايما يجيلي رعشه واعصابي بتسيب ع طول ولما بيجيلي نوبة هلع بشد ف شعرى اوصرخ واعور نفسي وبعيط بهستيريه ومش بكون حاسه بحاجة والاقي نفسي بعيط من غير سبب ف اي مكان و اي وقت والصداع بيجيلي بطريقة بشعه وبحس ف ناس بتتكلم ف دماغي وبرد عليهم بس مش بفهم هما بيقولوا اي وبيجيلي افكار وحشه كتيرة
ولما كشفت الدكتور بيقول عندي انفصام ف الشخصية مش بعرف انام غير بعلاج لو مخدتهوش مش بنام وعمرى ما اعترفت بحاجة اسمها شخص مريض نفسي بس انا لأول مرة بقول انا مريضة نفسياا ونفسيتي وحشه والسبب هو ابويااا من وانا طفلة بيعاملني بطريقة وحشه خلاني عديمه الشخصية بخاف من اي حد و اي حاجه معنديش رأي ثابت
بيعامل اخواتي غيرى والله العظيم ابويا عمره ما حضني ولا قالي كلمه حلوة انا محتجاه اويي اوي بجد د حتى لما بكون تعبانه او لو شايفني تعبانة مش بيقولي مالك او عندك اي و بكشف بعد الهنا بسنه لما بكون خلاص هموت
أمي عارفه كل ده ان بسبب ابوياا بس بتقاوح وتقولي بسبب التليفون انتي الاول كنتي بتقعدي ف وسطنا دلوقتي بتقعدي ف اوضتك و لوحدك كل ده حصل من اول ما دخلت مدرسه غير حلمي وكنت بحب اروح الدروس والمدرسه دلوقتي بقيت بحب اقعد ف البيت مخرجش منه لولا ان ممكن اتفصل من المدرسه بسبب الغياب مكنش زماني روحت
وبجد والله مافي شغفففف وعارفه ان ده اختيار ربنا و ده احسن ليا من المكان الي كنت عاوزاه وراضيه بس مش عارفه أتقبل حاسه اني غريبة ومش عارفه اذاااكرررر انا كنت ببص للبنات الي مش بتعرف تقرأ ومش احسن حاجه بس مهتميين بنفسهم واقول هما ازاي كدا ومش بيحسوا ع دمهم
دلوقتي انا شايفة نفسي اقل وافشل واحدة ف دفعتي ودي الحقيقة ودايما بحس يحاجات غريبة وان ف حد واقف ورايا وانا بصلي وبحس بيه مش بتخيل واحلام وحشة وبصحي مش فاكرة الحلم او افتكر منه حاجات تاني يوم وبحس دايما ان ف حد جنبي وبيلمسني او حد بيتكلم مش عارفة مش عارفهههه
دي نقطة من وسط كتاب حياتي الي مش عارفة انظمه الي عنده حاجه يفيدني واسفه اني طولت بس اندمجت وشكرااا
لعرض السؤال في فدني اضغط هنا
ازاي اذاكر كويس واجيب درجات حلوه وانا لسه مش بدأت ومعرفش حاجه في المنهج وبجد ضايعه في كل المواعيد ومبقتش عارفه يعني ايه مذاكره وكله حاطط أمله فيا وانا بجد بقول حرام الفلوس اللي بتندفع دي مش عارفه ابدأ مشتته كله متراكم عليااا
لعرض السؤال في فدني اضغط هنا
انا في سنه خامسة طب وحاسه اني معلوماتي قليله اوي ف الطب .. عارفة ان المفروض انزل مستشفى واتدرب..بس معنديش الجرأة اني انزل لوحدي ازاي اشجع نفسي اني انزل وازاي انمي معلوماتي في الطب
لعرض السؤال في فدني اضغط هنا
السلام عليكم جميعا ،
عايزة أسأل هل موجود في مصر منح دراسية كاملة لطلاب العراق بكالوريوس طب بشري ؟ اي حد عنده معلومة ما يبخلش ويدلني ازاي أقدم وشكرا لكم
لعرض السؤال في فدني اضغط هنا
اعمل ايه لو انا ف ثانوي علمي علوم و ضايعه خالص لسه مخدتش عربي ولا احياء ولا كيمياء و مش عارفه اذاكر
دايما حاسه بصداع و اكتئاب طول الوقت و دايما اني وحشه ف حاجات كتير و طول الوقت حاسه اني عليزه اغير كل حاجه و عايزه حاجات كتير ده دايما مش ليني دايما مخنوقه و زعلانه
و لما بفكر ف الناس الي آذوني و الي لسه بحبهم
و كتير حاجات كل يوم اتعب نفسيتي و كل م افتح الكتاب آخري عشر دقايق و حاسه اني م عارفه اركز و امسك التلفون و كأني نفسي اي حاجه تتغير او ان ف اي حاجه هتحصل
انا و الله معرف انا مالي كده مع اني علي فكرة كنت ف اعدادي شاطره
لما بدأت ثانوي شخصيتي اتغيرت بقيت عاطفية و طيبه و حساسه بزياده اوي و بقيت دايما منكده و تعبانه و خسرت كل اصحابي و كل الي بحبهم و اي حد يقرب مني بيأذيني و معدتش بذاكر و مشاكل ف البيت و برا و حاسه و كأني ف دوامههه و حتى من الضغط شعري بدأ كذا خصله فيه تبيض و نظري بدأ يضعف و قاعده بخس م عارفه ازيد خالص و بقيت بتوتر و جسمي يبدأ يترعش علي اي حاجه حتي لو بس احتمال ف دماغي مش حقيقي لو اتعصبت بدوخ جامد و دايما زي كهربه ف جسمي و نوبات هلع لما اشوف حد معين كنت بحبه و انا الي بعدت لما حسيت انه مش بيحبني
بس معرفش ليه بعجز كده
و حاجات كتير برده زي ان بقيت بعيط الفجر و انا بصلي كتير اوي بس دلوقتي معدتش عارفه اعيط خالص بجد يعني بحس اني مضايق و مخنوقه بس معدتش بعرف اعيط خالصصص
ف المفروض اكون احسن ازاي؟
اهتم ازاي؟ بمذكرتي و صحتي؟ و نفسيتي؟
ازاي اكون كويسه بجددد
لعرض السؤال في فدني اضغط هنا
انا دلوقتي في اولى جامعه كليه علوم والحمد لله يعني ربنا من عليا وحفظت القران ولبست النقاب الفتره دي حاسه ان انا حياتي رماديه مش قادره استمتع باي حاجه خالص في الدنيا بالرغم من ان انا كنت بستمتع بحاجات كثير الا اني حاليا شايفه كل حاجه عديمه المتعه حتى الحاجات الممتعه يعني ما بقتش بحس باستمتاع ناحيتها خالص فقدت التمتع باي حاجه ومش عارفه هل ده زهد وطبيعه الحياه يعني ولا يعني الزهد حاجه ثانيه ان انا استمتع عادي بس ما افقدش المتعه يعني وكده
انا آخر فتره مريت بكذا تجربه يعني مؤلمه شويه تعلق بشخص من طرف واحد اللي هو انا اللي كنت متعلقه وده وانا في تانيه ثانوي كده مثلا او في بدايه ثانوي وبعدها في ثالثه ثانوي في شخص تعلق بي تعلق شديد بعد كده يعني انا منعت الموضوع ده الحمد لله بس حسيت بشعور وحش لما هو بعد مع اني انا اللي كنت بمنعه وعاوزاه يبعد
فهل ليها تاثير برده على نفسيتي ولا لا
برده يعني ايه ضغط المذاكره في ثالثه ثانوي دلوقتي برده في اولى علوم فين مذاكره كثير انا مش عارفه مش عارفه يعني فقدان الشغف الشديد ده جالي منين بس هو يعني ظهر في أواخر ثالثه ثانوي بس انا مش عارفه السبب مش قادره حد من السبب ومش عارفه ارجع لطبيعتي ومتضايقه من الحاله اللي انا فيها وبعدت عن كل اصحابي وما بقتش بحب اتعامل مع ناس كثير انا بحب العزله مع ان طبيعتي مشكله
لعرض السؤال في فدني اضغط هنا
السلام عليكم ورحمة الله وبركاته
انا اولي صيدله ومحتاجه كتب يكون فيها شرح النظري كامل لان الجامعه مش بتوفر كتب نظري اقدر اذاكر منها
لعرض السؤال في فدني اضغط هنا
لعرض جميع الاسئلة في فدني اضغط هنا