السلام عليكم ورحمه الله وبركاته انا طالبه بكالوريا وانا مختمره
وانا علمي علوم
انا مراكمه مواد وكمان بكون محتاجه ملخصات ومحتاجة جدول وحد يشجعني ودا عندي مش بيحصل في البيت انا السنه ال فات كنت في مسابقة وكان في جروب الطلاب عملوه وفيها طلاب من محافظات مصر
وكان في طالب كان بينشر أسئلة وانا دخلت له برايفت عشان يبعت الأسئلة كامله عشان الامتحانات وفعلا بعتها وكنت لما بطلب منه اسئله أو امتحانات كان بيبعته
وكان عندي امتحان برمجه والموقع هنج مني وعلق وانا مكنش معايا غير تلفون واحد واخد باك وكان لازم استخدام جهاز تاني فبعت له ونسيت ان اليوزنيم والباسورد بيكون معروف
وانا ساعتها كل دا كنت مفكراه انني ولد
وبعده عرف انني بنت ومردتش يقولي وانا دلوقتي في تانيه باكالوريا وكنت محتاجه مراجعات وملخصات فبعتله وبعت ليا كل حاجه وكمان عملنا تحدي مذاكره من وقت لوقت ونفذه وكمان انا وهو شغالين ع فكره لو نجحت هتضرب معانا وهو من محافظة وانا من محافظة تانيه وانا اكبر منه بشهور بس في نفس المرحله الدراسيه وبيساعدني كتير ومفيش اي تجازوات خالص ولا عمرنا اتكلمنا غير الفكره والدراسه
بس انا قلبي وجعني من اللي انا بعمله عشان بكلم ولد وانا عمري م عملتها وحاسه اني بتحرق اعمل اي رغم اني بيساعدني وعمره ما كلمني في غير التعليم
ملحوظه اهلي عارفين
وانا مش معايا تلفون دا تلفون اهلي
وبكلمه وقت م احتاجه بس نتكلم في الفكره والدراسه اعمل اي هل دا غلط وحرام ولا انا مكبره الموضوع
وعليكم السلام ورحمة الله وبركاته انصحك ان لا تتبعي خطوات الشيطان فقد تصبح هناك مشاعر إن كان في قلبك أو قلبه وبالتالي يوسوس الشيطان، واما ان كان هناك مشروع مشترك او فكرة مشتركة فيمكنك ادخال اخيك مثلا كطرف مساعد او كمشارك في الفكرة، والدخول في مجموعة انتم الثلاثة والحديث هناك وفقط هناك... واما بالنسبة للتحديات والتحفيز الدراسي فيمكنك عمل ذلك مع صديقة وليس معه لانه ليس هناك داع لهذا... واما طلب الحلول او المساعدة فدائما اذا اردت ذلك لا تتوجهي للخاص له، بل اسألي على المجموعة وفقط المجموعة وهذه نصيحتي لحفظ قلبك وحفظ حدود الله
تم النشر الخميس، ٥ نوفمبر ٢٠٢٦
اولا اهلا وسهلا بيكي بصي هوا انا بنفس سنك ومسارك كمان فا انتي لو محتاجه حد يديكي طاقه شغف للمذاكرة نقدر نساعد بعض دا لو انتي حاسه انك محتاجه حد مكان زميلك دا وبصراحة بالنسبة لموضوع انك تكلميه دا انا كنت بعمل نفس الفكرة بس انا كنت بقوم بدور اني دايما بنصح زميلي دا وببعتله المحاضرات وبتابع معاه وقت الامتحان وبقوله يقفل المواد ازاي وكنت بجيبله المراجعات ولو محتاج مساعده انا بساعده وكنت بحطله الجدول بتاعه يعني من الاخر انا كنت مسئولة عن حياته الدراسية كلها من اولها لاخرها واحنا مكناش بنتكلم غير ف المدرسة بس بره منعرفش بعض وهوا كان صديقي من اولي ابتدائي وأهلي عارفين برضو بس فجأه صديقي دا اتغير وبقي كلامه معايا كتير ودايما حابب ان انا نتكلم وبقا يلمحلي هوا انتي مش بتحبي حد او مش عاوزه تكلمي حد وهوا بقا واقع ف النص مش عاوز يقولي ان هوا بيحبني ومش عاوز يخسر علاقته معايا ك أخ فنصيحه مهما كان هوا بيعاملك كويس وبيحترمك ف النهاية هيكبر الموضوع عنده ومش هيبقي مجرد صداقة عادية وانا زي ما قولتلك انا ف سنك ونفس مسارك لو محتاجه اي حاجه ردي ع الماسج وانا هبعتلك رقمي طول ما انتي بنت اتمنالك سنه كويسه وبالتوفيق ان شاء الله
تم النشر الخميس، ٥ نوفمبر ٢٠٢٦
وعليكم السلام ورحمة الله وبركاته، أولاً، أقدر شعورك بالحزن والقلق ده، وهو طبيعي جدًا لأنك بنت محافظة ومختمرة وبتحاولي توازني بين احتياجك للمساعدة في الدراسة وبين قيمك الإسلامية. الشعور بالذنب ده دليل على ضميرك الحي، ومش لازم تكبري الموضوع لدرجة الإحساس بالحرقان، لكن في نفس الوقت لازم ننظر للأمر بموضوعية. من الناحية الشرعية، التواصل مع ولد غير محرم حتى لو في أمور دراسية فقط يُفضل تجنبه قدر الإمكان، لأن الشيطان قد يدخل من أبسط الأمور، ولو كان الكلام مقتصرًا على الدراسة حاليًا، فالاستمرار فيه قد يفتح بابًا لمشاكل أكبر مع الوقت. أنتِ ذكرتِ إن أهلك عارفين، وده أمر إيجابي، لكن الأفضل أن تبحثي عن بدائل أكثر أمانًا. عمليًا، حاولي تقللي التواصل تدريجيًا. ابدئي بإعداد جدول مذاكرة بنفسك أو باستخدام تطبيقات مجانية للتنظيم، وابحثي عن ملخصات ومراجعات من مصادر عامة أو من زميلات بنات في نفس المرحلة. لو محتاجة تشجيع، يمكنك البحث عن أسئلة مشابهة على فدني للحصول على نصائح من بنات في نفس وضعك. كمان، ركزي على بناء ثقتك بنفسك من خلال إنجازات صغيرة يومية، وهذا سيساعدك على تقليل الاعتماد على أي شخص آخر. أنتِ قادرة على تجاوز هذا، وشعورك بالندم فرصة لتصحيح المسار بطريقة أفضل. لو استمر القلق، حاولي التحدث مع أمك أو أختك عن احتياجاتك الدراسية ليشاركن في دعمك.
تم النشر الأربعاء، ٤ نوفمبر ٢٠٢٦
"ولا تتبعوا خطوات الشيطان إنه لكم عدو مبين" فقد تبع ادم خطواته وقال هل أدلك على شجرة الخلد وملك لا يبلى في البدايه هتبان علاقه عاديه وبعد كده هتطور وبعد كده هيحصل الي هيحصل
تم النشر الخميس، ٥ نوفمبر ٢٠٢٦
لعرض السؤال في فدني اضغط هنا