انا ساعات يعاني من ضغوط في الرأس أو النفوخ ساعات بحس بدوخه بس مش ع طول بتجيلي بليل بس بحس برأسي انا حاططت راسي مخده بتلف راسي
لعرض السؤال في فدني اضغط هنا
السلام عليكم ورحمة الله، انا طالبة ف اولى جامعة واخر مرة فرحت فيها بدرجتى كانت من الاعدادى وحرفياا انا متدمرةلسه نتيجة الترم الاول طالعة دلوقت بتاعت اولى جامعة وجايبة تقدير وحش اوى عديت النص ف كل المواد وانا من زمان بقيت مستغربة اللى بيحصل ده وازاى معدتش بجيب درجات بعد ما كنت زمان من الاوائل مش مستمرة على الصلاة عمرى ما صليت اسبوع كامل ورا بعضه حتى ف رمضان مع انى كويسة ومحترمة وكل الناس بتحبنى وتحترمنى انا بضيع وقت كتيير عمتا بس بذاكر برضه ومبفوتش ولا محاضرة من غير ما اكتبها ومش دايما باذكرها وبابا مسافر بقالو عشر سنين ومن ثانوية عامة وهو مفرحش بنتيجة ليا وهو تعبان بره علشانى ومشوفتوش من عشر سنين ونفسه يفرح بيا ودايما حاطط امل فيا انى ابق دكتورة جامعة ودايما شايفنى حاجة حلوة بس انا مش عارفة انا فيه اى ومبيرفضليش طلب وماما برضه مش عارفة المذاكرة بقت تقيلة عليا ف اوقات كتير كمان الكلية كلها كانت بتذاكر ورايا وانا اللى. ف الاخر زعلت ودماغى متشتتة دايما لدرجة فيه مواد ممكن افتحها قبل الامتحان بيومين وبجد دماغى حاجة صعبة وفيها حاجة بس انا مش عارفة اى هى ف بجد حد متخصص يقولى اعمل اى لانى فقدت الشغف ف الحياه كلها ومعدتش عايزة اكمل
لعرض السؤال في فدني اضغط هنا
السلام عليكم
أختي الصغيرة عمرها ٩ سنوات بتصر على ان تكون الإمام و تصلي بيا ، هي لما بقولها ماشي بتقوم تتوضى و تصلي و بتبقا متشوقة جدا يعني ده بيحببها ف الصلاة ف وقتها ، بخليها تصلي بيا ف سنن الصلاوات وانا بصلي الإمام بيها ف الفروض،
المشكلة فقط انها مش شاطرة في القراءة بشكل كويس و بتكتر حركة في الصلاة ، بس مثلا لو غلطت ف الفاتحه من حيث التشكيل لما بتخلص و بقرأها انا بقرأ بهمس بس تكون هي سمعاني فبتتعلم و بلاحظ انها بتحسن قراءتها لما بتسمع مني ، الفكرة ان انا عايزه اعلمها القراءة بشكل كويس عن طريق الصلاة من غير ما تكون هي إمام بس هي بتزعل اوي لما بقولها لاء مش هتصلي إمام ، فهل جائز ان تصلي بيا النافلة كإمام؟
لعرض السؤال في فدني اضغط هنا
السلام عليكم
ممكن علاج للمرض النفسي بالرقيه الشرعيه وشكرا
لعرض السؤال في فدني اضغط هنا
هل تنظيف الحواجب حرام يعني انا عايزه انظف حواجبي حرام
لعرض السؤال في فدني اضغط هنا
السلام عليكم
انا آسف والله على اللي هحكيه ده بس انا والله مش عارف اعمل ايه
انا شاب عندي 20 المهم من اول ما رمضان بدأ من اول صلاه مغرب أذنت وانا الحمد لله بصلي ف المسجد علطول لحد تراويح انهارده
عملت حاجه وحشه جدا وهي (العاده السيئه وطبعا معروف اتفرجت على ايه )
المهم الفكره اني مش عارف انا عملت كدا ليه وطبعا مش هقول أعوذ بالله من الشيطان عشان متسلسل
بقيت اعوذ اعوذ بالله من نفسي (آسف والله لو حرام بس كارهني جدا)
المهم اغتسلت وصليت ركعتين توبه
فسؤالي كدا الايام اللي انا صومتها دي راحت عليا كدا وعلي قضاها والسؤال التاني رمضان كدا بال٢٦يوم الجايين راحوا عليا بسبب الفعل السئ ده
السؤال التالت ربنا ممكن يبصلي بعين رحمه ولا انا بقيت من المغضوب عليهم
والله بحاول على قد مقدر امتنع وكنت مستني رمضان ده عشان اعرف اقف بس للاسف ف الليله الرابعه وقعت
لعرض السؤال في فدني اضغط هنا
رمضان مبارك عليكم
نحنا عدينا 3 أيام في رمضان وانا مقصره قوي ايوا بصلي تراويح الحمد لله والقيام قليل والصحي هي اول مره والدعاء الحمد لله فيه والذكر قليل جدا او مفيش والقرآن قليل قوي أو اليوم يعدي من غير ما أقرأ والتركيز تحت الصفر والدراسه والله العظيم ما ذاكرت من اول رمضان ما بدأ بسبب التراكمات وبسبب اني مش قادره وحاسة بخنقه وضيقه من نفسي لأن مش بعمل طاعات كتير ولا بذاكرة و بنام كتير جدا وانا صايمه وبعد الفطار كمان وانا كنت بادئه ختمه من شعبان ومن خلصت ودلوقتي باقيا 4 أجزاء وتخلص أتمنى أي حد يفيدني بجد
وبيقولي انظم يومي كيف وامشي ازاي على برنامج رمضاني كويس عباده ودراسه وده بسبب كسل وخمول
لعرض السؤال في فدني اضغط هنا
السلام عليكم ورحمه الله وبركاته
انا عندي 16 سنه وحابه البس النقاب الخطوه دي انا اخذتها وانا في ثانيه اعدادي واقترحتها على بابا وماما وهم ورفضوا فانا فكرت ان هم رافضين علشان سني صغير فاستنيت دلوقتي انا في تانيه ثانوي النقاب هو رفض وقال انه بيكره المنتقبات علشان سمعتهم مش كويسه وعارف انهم مش كلهم ناس مش كويسه لكن في ناس كثير دمرت سمعه النقاب بالسوء والبنات بتلبس النقاب وبتعمل من وراه مصايب
اعمل ايه؟؟؟
لعرض السؤال في فدني اضغط هنا
لو انا حاسس ان قلبي واجعني على طول بالذات لما اقرأ القرآن الكريم أو أصلي وأول ما أفكر في حاجات من المستقبل نفسي تتحقق وحاسس إن هي صعبة برضو قلبي بيوجعني
مش عارف اعمل ايه عاوز حل وايه معني اللي انا فيه ده؟
وشكرا 🌷
لعرض السؤال في فدني اضغط هنا
السلام عليكم ورحمة الله
...... عندي مشكلة في بطني، أما باكل أي حاجة بطني بتفضل تطلع ريح..... بعد أي اكل بسيط-أعزكم الله-... والموضوع متعب مع الوضوء والصلاة، بس الحمد لله بقدر أتعامل شوية
بس الموضوع صعب، لو حد عنده حل ياريت يفدني
لعرض السؤال في فدني اضغط هنا
اعرف منين لو كنت محتاجه اروح دكتوره نفسيه ولا لا
حاسه عندي اكتئاب بس مش متأكده من دا + حاسه اني مش عارفه أحس بربنا زي الاول ومضايقه قوي بجد ومش عارفه ارجع لربنا زي الاول خالص ، وبحس ان الشعور بالحزن والتعب دا هو السبب بس بقول لا دا مش عذر كافي وبحس بالذنب بجد وعندي وسواس بس خف عن الاول
لعرض السؤال في فدني اضغط هنا
انا بشتغل وبصرف على نفسي من الصف الأول الاعدادي وانا الآن في الصف الثاني الثانوي بشتغل وبيبقى معايا فلوس ابويا بيقولي على فلوس لان الفلوس اللي معاه بتكون خلصت بسبب ان ابويا عند سوء إدارة للمال يعني اول ما يقبض المرتب بيشتري حاجات كتير مش من الأساسيات اغلبيتها مأكولات وفواكه وغيره فبيخلص المرتب ويفضل باقي الشهر من غير فلوس فبيقولي على فلوس وانا بكون مدخرها مثلا علشان اجيب ملابس العيد أو كتب أو دروس مش عارف اعطيه ولا أجيب احتياجاتي وانا مش عاوز اكون عاصي لابي.
لعرض السؤال في فدني اضغط هنا
انا عارفه سؤالي ده متأخر بس انا بجد تايهة انا طالبه ثانويه عامه وحرفيا اقسم بالله تايهة في المواد عندي متراكم كتير واللي ذاكرته اتنسى كله وانا عملت نيه ان بدايه رمضان تكون تغيير في كل شي عباده ودراسه وفي العبادات واي حاجة سواء دينيه او دراسه
انا بكون طماعه عاوزه اعمل حاجات كتير وبكون تايهة وسطيهم ومش بعرف انظم وقتي خالص ودلوقتي مش عارفة اعمل اي بين الدراسه والعباده حد يقولي كيف انظم اليوم بينهم من جهة اني اعمل عباداتي ودراستي كويس واقدر الم المتراكم
وكمان حد يقولي اعمل اي في مهام الدراسه اللي عاوزه اخلصها الشهر ده وكذلك مهام العباده وكيف اقدر اسيطر على نفسي في اني بكون عاوزه اعمل كل حاجة بوقت قصير جدا وبكون عاوزه كل حاجة اعملها وبينتهي الامر ان ولا اي حاجه بعملها
لعرض السؤال في فدني اضغط هنا
انا بروح اصلي في الجامع تبع النساء هل لو صليت في الصف الاول آخذ نفس الحسنات اللي ياخذها الرجل وهو بيصلي في الصف الاول لان انا بصراحة بحب أصلي التراويح في الجامع لان لو مش صليت التراويح فيه بحس ان التراويح كتيره ومش هقدر أخلصها
لعرض السؤال في فدني اضغط هنا
السلام عليكم ورحمة الله وبركاته
أعدت شيئًا من مدة وكنت لا أدري أنها معصيه لإن ظاهرها كان يوحي بإن الأمر لا إثم فيه لكن الله وفقني لإدراك أن ما أفعله به معصيه بشكل غير مباشر ، وحاولت أكثر من مرة أنا أبتعد عن مسببات هذا لكنني سرعان ما أعود بحجة أن ما يحدث أمر طبيعي ولا حرج فيه لكنني أشعر بالثغرة التي توضح وجود معصيه خفيه ، فمشكلتي هنا أن المعصيه هي أنني أحاول لفت انتباه شخص عن طريق التعامل مع أمه وأخته أو الشعور بأنني ظاهره أو مقدره بالرغم من أنني منتقبه وهو أيضًا يقال أنه ملتزم ، الذي يطمئنني ويجعلني أعود للتعامل مع العائله بشكل طبيعي هو أنني أبرر لنفسي أنه لا توجد تجاوزات وأيضًا هذا التعامل رسمي لكنني أشعر بالحرام وأعلم بداخلي أن مايحدث يجب ألا يحدث ، فكرت في أنني أتعامل مع ضبط التعامل والفصل بين التعامل مع العائله في المصالح العامه وبين الابن لكنني لم أستطع وسرعان ما أقع وتوصلت إلى أن الحل هو القطع التام مع الأم والأخت لكنهم لا يفهمون ما أفهمه ويشعرون بالحزن عندما أبتعد عنهم
لعرض السؤال في فدني اضغط هنا
انا كنت بدأت ختمه قرآن ولسه مش خلصتها حاليا انا في سوره الزمر هبدأها لسه وبعد بكره رمضان
كدا حرام عليا ان الختمه طولت معايا مده كبيره وهل هلحق اخلصهم في يوم قراءه
وكمان سؤال لو فيه علامه السجود وانا مش سجدت كدا أخدت ذنب ولو سجدت اقول اي ولو بقرأ وانا عندي الحيض اسجد ولا لا
ورمضان مبارك عليكم
لعرض السؤال في فدني اضغط هنا
السلام عليكم ورحمة الله وبركاته
في فتاه مش محجبه وتابت ولبست النقاب فتقدم ليها شخص وكان ماضيه الله يعافينا بجد وهو صارحها وتقبلت الموضوع وجابو بنت بعدها شاف صورة انها مكانتش محجبه وعايز يطلقها عشان مصارحتهوش السؤال هل عقاب من الله أن سرها ينكشف وهل ذنوبي ممكن بعد التوبه تنكشف كدا
لعرض السؤال في فدني اضغط هنا
عاوزه اكون ملتزمه وقريبه من ربنا وابعد عن الموسيقى اعمل اي
لعرض السؤال في فدني اضغط هنا
انا عندي 16سنه طالبه ازهر واتعرفت على شاب 20سنه وهو كويس واحنا منتكلم بس مش بنعمل حاجه غلط وعارفه انو العلاقات دي غير شرعيه وحرام وبتتعب الانسان بسبب زعل ربنا منو وبتدمر النفسيه وانا حابة أتوب وابعد وحاولت كتير بس هو بيحبني جامد وانا بدأت اكرهو من غير سبب اعمل اي ممكن نصيحه عشان بجد زهقت 💔
لعرض السؤال في فدني اضغط هنا
السلام عليكم ورحمه الله وبركاته
انا من سنه ونص او سنتين كنت بصلي في مسجد الغريب فعرفت ان الضريح مش افضل حاجه فبعدت وسمعت كلام من النت الضريح يبطل الصلاه لو في المسجد وعرفت حديث. "ألا وإنَّ من كان قبلَكم كانوا يتَّخذونَ قبورَ أنبيائِهم وصالِحِيهم مساجدَ ، ألا فلا تتَّخذوا القبورَ مساجدَ إني أنهاكُم عن ذلك"
فبقيت بصلي في مساجد تانيه فأنا النهارده صحيت متاخر على الجمعه فروحت صليت في بس وحشني المسجد دا كنت حاسس براحه ونا فيه بعد ما روحت رحت بحثت عادي أصلي لو الضريح بخارج المسجد طلع ينفع
انا حاليا مشتت مش عارف ينفع ولا لا ولو مش هينفع يعني كل الناس الي بتصلي في كدا غلط المسجد كبير اللهم بارك ممكن يشيل 800 مصلي او اكتر دا رقم تقريبي . وكمان المسجد دا بيعمل دروس دينيه بعد العصر والمغرب عكس المساجد اللي عندي في المنطقة فمحتار اصلي في ولا لا
# مش انا الي مصور الصور انا مدخلتش الضريح دا ولا عمري ادخلو بإذن الله #بس دي صور من جوجل دا مسجد ليه قصه تاريخيه أصلا 😂
لعرض السؤال في فدني اضغط هنا
انا كنت باخد نفسي في قربي من الله ويحاول بكل حاجه اللي اقدر اعملها وكملت كدا لحد 15شعبان بعدين مش بقيت بعمل اي حاجه كسل في كل حاجه لا اذكار ولا صيام ولا قرآن
الصلاه اقسم بالله العظيم يصليها بالعافيه انا كنت بصلي واقعد اقول الاذكار بعد الصلاه دلوقتي مش بقول اي حاجه انا بصلي وأقوم على طول وذكر الله بقا تقيل جامد عليا ونفسي قوي اقرا قرآن
انا حالتي دلوقتي زي شخص هيموت ويشرب ميا وعارف طريقه بس مش عارفه يوصلها انا هموت من الخنقه والضيق وكمان هموت وارجع زي الاول
بالله عليكم اي حد يشوف سؤالي ويقدر يساعدني يقولي عشان بجد تعبت أقسم بالله وجزاكم الله خيرا
لعرض السؤال في فدني اضغط هنا
السلام عليكم ،
كنت تبت من ذنب الغيبة بس كنت قاعده و بحكي ان المسقط "مكان كل الشقق عندها شبابيك فيه فبنبقى سامعين لو في مشكلة او كدا او حد صوته عالي"
كنت بحكي ان في ناس بيصدعوني و في منهم الي بيزعق و في منهم اللي بيغني و في اللي بيحكي عن كذا فوالدي قال في واحد عاق لوالديه بيفضل يزعق فيهم و يشتم و صوته بيبقى عالي بسمعه قولتله اه عارفاه فقالي مين؟
قولتله مش عايزه اقول و فضل يلح عليا يعرف مين و انا ليه مش عايزه اقول فقولتله عشان هبقى بفضحه فقالي هو مفضوح اصلا ، روحت غيرت الموضوع راح رجع يلح ان يعرف تاني هو مين فقولتله ،قالي ازاي ده متدين فقولتله معرفش بقا
انا مش عارفه كدا وقعت ف غيبه ولا فضحت مسلم؟
و اعمل إيه ، عارفه ان كفارة الغيبه اروح اعتذر من الشخص بس ازاي ؟ كدا هعمل ذنب تاني هو ان هتواصل مع واحد و غلط
و في بيقولو ان اصلح اللي عملته و اروح اصلح صورته قدام اللي شوهتها ، طب ازاي بردو ؟ انا لو صلحت صورته بإن مدحته قدام والدي كدا هتفهم غلط و هتفهم ان اعرفه و هقع في مصيبه تانيه
مش عارفه اعمل ايه و بردو نفس الحكايه كنت زمان اغتبت خطيب صاحبتي و هي سابته و مبقتش عارفه اعمل الكفارة ازاي لا ينفع اعتذر ولا اصلح صورته قدام حد عشان هتفهم غلط
لعرض السؤال في فدني اضغط هنا
بالله اقرا كامل
جماعه انا تدمرت تدمير كامل من قبل الاباحيه والعاده السريه كلما ابطل واعمل خطوات واحط لنفسي مبادئ بوصل ارقام عاليه وساعات بفتكر ايام زملن وبرجع لدايره دا كله كان زمان حاليا تطورت وبقيت اشوف لايفات وبقيت اشوف تطبيقات الحاجات دي وبقيت اتكلم مع الناس بتعمل الحاجات دي وبقيت امارس الرْنا الإلكتروني وبقيت بستغفر ربنا وبتوب وبرجع تاني لنفس الدايره دلوقتي انا ثانوي ازهري وقاسم السنه وجبت مجموع حلو اوي السنه الي فاتت والحمدلله ربنا كرمني وانا بصلي وبحفظ قرآن وعارف ربنا كويس خالص بس ابتلاء العاده السريه والافلام الاباحيه دمر حياتي بالكامل كنت شاطر اوي حالي المدرسين بيشتكوا من ان مستوايا نزل جامد وبروح الدروس من غير مذاكر
لو حد عنده نصيحه ينصحني لو حد فاهم فب الموضوع كويس يكلمني او اتواصل معه خارج التطبيق
بالله ساعدوني حياتي تدمرت امي لسه بتقولي يبني مكنش دا حالك ابدا اي الي غيرك
لعرض السؤال في فدني اضغط هنا
بسأل بخصوص الالتحاق بالكلية الفنية العسكرية،
هل هو حرام إني ابات هناك مع العلم ان هناك سكن مخصص للفتيات ويشرف عليه سيدات ومع العلم ان الطقم نفسه مستتر وهل حرام اني ابات اصلا في بيت غير اهلي مع العلم انو آمن جدا وهيكون في اختلاط اه بس فقط في المحاضرات ولكن انا سالتزم بالضوابط . فهل هناك اي حرمانيه؟
لعرض السؤال في فدني اضغط هنا
حد عنده تجربة مع التسبيح وفتوحات ربنا على الانسان مع الالتزام (بذكر التسبيح خصوصا) وتحديدا في اوقات النصف الاخير من الليل و السحر ممكن يشاركها❤️
لعرض السؤال في فدني اضغط هنا
أنا أحيانًا بحس بعجب لإني حافظه القرآن ورزقني الله النقاب في سن صغير ولما بكون في مسابقه بيقا حافظه كويس وببقا شايفه إن البنات اللي معايا مش حافظين أو بفرح لما مايعرفوش يجاوبوا وبردو في منطقتي ببقا شايفه ان مفيش زيي وأنا الوحيده اللي متميزه في الدين وفي عيلتي بردو في كل الأماكن أنا ببقا مش عاوزه أكون كده بس أنا مابعرفش تلقائيًا بتحصل مقاومه داخليه كده جوايا أو الشيطان بيخليني أشوف نفسي
حتى لو رايحه الجامع أصلي ببقا شايفه إني أحسن واحده في الجامع وأحسن من الكبار وببقا عندي نوع من الثقه العاليه أوي في نفسي
حاسه إني مش متواضعه مع إني بتعامل مع الناس كويس بس لو هما بدؤا كلام معايا بس أنا مابأذيش حد أنا بس اللي مضايقني الاحساس ده وحاجه تانيه بردو بكون شايفه إني مابعرفش انسجم الا مع حد لازم على درجة تديني ولو مش كده ببقا بعامله سطحي
لعرض السؤال في فدني اضغط هنا
السلام عليكم ورحمة الله وبركاته
أريد إجابة واضحة من فضلك
بعد ما الإنسان يستوعب إنه بيعمل ذنب معين بيبدأ ياخد خطوات للبعد عن الذنب ده
وده قمة الوعي وده توفيق من الله تعالى له لكن بعدها ليه بيحس إنه فقد حاجه كانت حلوه وبيحس باعتصار قلبه وتشوقه للذنب بالرغم من إنه هو اللي قرر إنه يبعد عن مسببات الذنب
السؤال ماذا تسمى هذه الحاله وما الحل لهذه حتى لا يقع الإنسان في الذنب ويعود له
لعرض السؤال في فدني اضغط هنا
احتاج تفسير
كتن عائد من مكان ما وعند اقتربت للمبني كان هناك اناس يصلون امام المبنى جأت كي امر بهم عن وصلت لهم وضعت قدمي على اول عتبة في السلم وبعدها الثاني وكل مرة جسدي يصبح اثقل حتى وصلت للعوبة الاخير واصبح جسدي ثقيل حتى وقعت ونطقت الشهادة وبعد استيقظت ما تفسير الحلم
لعرض السؤال في فدني اضغط هنا
انا عايزه ارجع لربنا انا بعدت عنه اوي وبقيت بعمل حاجات حرام بس انا بكون ندمانه اوي وانا بعملها عايزه ارجع له بس خايفه ميقبلش توبتي
لعرض السؤال في فدني اضغط هنا
السلام عليكم
انا من فتره صغيره جدا صحبتي كان عندها مشكله كبيره جدا وكنا محتاجين هكر المهم انا اتصرفت وجبت هكر من قناه واتساب وساعدنا وكده وهو بداء يستلطفني وكده بس هو طلع مسيحي وانا مسلمه ومش عارفه اعمل ايه بجد هو عارف اني مسلمه وهو مسيحي وعمره مافتحني في الموضوع ده وعامل فيها اهبل
لعرض السؤال في فدني اضغط هنا
اول امبارح انا احتلمت صحيت اغتسلت ونسيت احط البنطلون في الغساله حطيته على السرير فالنهاردة لما الفجر أذن نسيت ولبست نفس البنطلون الي احتلمت به ونزلت اصلي وانا في الصلاة افتكرت ان البنطلون دا احتلمت به هل كدا الصلاة باطله ولا ما دام اغتسلت عادي
لعرض السؤال في فدني اضغط هنا
السلام عليكم ورحمة الله وبركاته
أنا عارفة اغلب اللي هنا على دين وهيفدني
أنا مش عارفه ليه أغلب الشيوخ او الصفحات اللي في الفيس بتتكلم عن المرأة كأنها فتنة ولازم تستخبي واي واحده تخرج من البيت تكون مش كويسه والله انا بقرا تعليقات شباب بيشتموهم شتايم وحشة وبتصدم
مرة قريت بوست لواحد بيقول اوعي تتجوز الجامعيات عشان الاختلاط.
طيب مانا في جامعة مختلطة وعمري ما اتعاملت مع ولاد. والولاد اللي في الجامعة نفسهم اغلبهم مصاحب فكده مين فينا الوحش؟
أنا بحاول طول الوقت اجاهد أفكاري انها متبقاش نسوية لكن لما بسمع الشيوخ او بشوف الفيس بخرج حاسه اني مذنبة لمجرد ان بنت
دايما اغلب بوستاتهم ان الست دي عار وانها اكتر اهل النار وانها ناقصة عقل ودين وانها لازم تتحكم عشان متغلطش وقريت بوست لواحد والله بيقول ان الست مينفعش تمسك تليفون عشان ممكن تكلم شباب طيب هما الشباب دول برضو مش مذنبين؟
أنا بقيت اكره كوني بنت وبقول يارتني كنت ولد
طيب ماشي انا اقتنعت ان القوامة للراجل عشان هو اللي بيصرف بس هل ده يديله الحق انه يتحكم في كل قرارات حياتي؟ واني لو مسمعتش كلامه هدخل النار؟
طيب وليه انا طول حياتي افضل تابع لحد؟ ولازم استحمل وارضى عشان اكون ست مطيعة وكويسة في نظر الناس.
طيب ليه الولد لما يتوب المجتمع بيقبله والبنت لما بتوب بتفضل شايله العار ليها ولاهلها ؟
أنا في دماغي أفكار كتير ومبقتش بعرف اسمع شيوخ رجالة خالص. مبقتش بقدر اتقبل كلام من الرجالة اصلا.
مش عارفة ايه الحل ممكن تفدوني
لعرض السؤال في فدني اضغط هنا
السلام عليكم ورحمه الله وبركاته
انا عايزه احافظ على الصلاة كل وقت لكن لما اضيع وقت ابقى مش عايزه اصلي ،لازم اصلي كل الاوقات ولو ضيعت وقت واحد ابقى مش عايزه اصلي الوقت اللي بعده وده غلط بس مش عارفه اعمل ايه
لعرض السؤال في فدني اضغط هنا
هو ينفع البس بطلون وانا بصلي بس عليه خمار طويل
لعرض السؤال في فدني اضغط هنا
السلام عليكم
انا متربطة بواحد وبنحب بعض جدا بس هو مش جاهز يجى يتقدم حاليا ومش عاجبنا علاقتنا دى لأنها فى الخفى وحرام وفى نفس الوقت مش عايزين نبعد عن بعض هل فى حل غير انه نبعد عن بعض
لعرض السؤال في فدني اضغط هنا
السلام عليكم ،
مشكلتي ان أهلي بيسمعوا اغاني بموسيقى و قولتلهم ان حرام بس محدش فيهم بيمشي باللي بقوله ، المشكلة الأكبر انهم مش محترمين ده يعني اوقات لما ببقا خارجه معاهم بفضل اقولهم مش عايزه اسمع اغاني و يشغلوها في العربية بصوت عالي و مببقاش عارفه اتصرف ازاي ،
و اختي الصغيرة بقت بتصر على تشغيلها برغم ان انا معلماها ان حرام و مينفعش تفضل تقولي منا عايزه افرفش بقولها خلاص فرفشي بس هتدخلي النار كدا ، مش راضيه تقتنع عشان هي شايفه اهلي كلهم بيشغلوها عادي ، و بردو كلهم بيشغلوا اغاني رمضان وقت الصيام ظنا منهم ان دي مش حرام عادي
مبقتش عارفه اتصرف مع اخواتي الصغيرين إزاي ولا معاهم ازاي
و المشكلة التانيه إن بيشغلوا مسلسلات و بيبقا فيها موسيقى كتير و الإعلانات و هكذا ، طول الوقت مشغلينها ، ببقا عايزه اقعد معاهم لإن انا فعلاً مش بشوفهم اليوم كله من الدراسة و خاصةً انهم بييجوا من الشغل يناموا يتفرجوا على التليفزيون ف مش لاقيه وقت اشوفهم و أبرِّهم و اقعد معاهم غير و هم مشغلين مسلسلات فيها موسيقى
اللي قدرت اعمله ان اقنعهم ان صداع تشغيل اعلانات و ان لما تيجي اكتموا الصوت احسن و اوقات بيعملو كدا فعلاً
بس اللي نفسي اعرفه هل انا عليا اثم ان بقعد معاهم عشان نفسي اشوفهم ؟ مع العلم مبديش اهتمام للموسيقى اللي شغاله و لما بيجي المسلسل اوقات اقعد ع التليفون لحد ميخلصوا و ييجي اعلان و اتكلم معاهم و كدا
و عايزه حلول تخليني اتصرف مع اخواتي الصغيرين بالأخص ، و جزاكم الله كل خير
لعرض السؤال في فدني اضغط هنا
عندي 17 سنه لسه فاضلي كام شهر واكملهم في تانيه ثانوي تمريض حاسه اني تعبانه نفسيا عايزة اتكلم وافضفض مش لاقيه حد معايا صحابي مش معايا هو انا بقول صحابي بس انا مش صاحبتهم زي ما هما صحابي
اهلي بقى حوار تاني ماما وبابا خناق مع بعض محدش فيهم طايق التاني بابا سايبنا ومسافر كل الي بيعملو بيبعت فلوس متكفيناش وعايزنا منغلطش وعايزنا تحفه في كل حاجه وهو اصلا مش شايف احنا عاملين ازاي
ماما عصبيه استحملت كتير معانا بس بقيت أحس انها مش فهماني على طول شيفاني قليله واقل واحدا في اخواتي ومليش كلمه على اخواتي مع اني اكبر واحدا فيهم كل حاجه بجد مقرفه بس مش عارفه اعمل ايه
لعرض السؤال في فدني اضغط هنا
السلام عليكم ورحمة الله وبركاته
بعاني من مشكله جلد الذات
واي ذنب بخليني اجلد نفسي واني فتاه لا استحق شيء
تعبت وتبت وارجع ويئست بجد الموضوع متعلق بذنب برجعله
ذنب يمنع البركة وتعبت
لعرض السؤال في فدني اضغط هنا
أخويا للكبير بيقول عني مريضه علشان ملتزمه
أنا في العموم معظم الكلام مابيأثرش فيا بس المره دي اتأثرت أوي
لإنه كان عاوزني أخرج من الأوضه لسبب معين وأنا رفضت أخرج علشان ابن خالي كان بره مع أخويا الصغير وماكنتش لابسه النقاب
بيقولي كده علشان كلنا صغيرين وشايف إن ده مرض
أخويا الكبير ده ٢٠ سنه وأنا وأخويا الصغير وابن خالي تحت ال ٢٠ سنه
لعرض السؤال في فدني اضغط هنا
انا لأول مرة اتوجع اوى لدرجة انى النهاردة و انا قائمة اتوضى أقسم بالله قلبى واجعنى و بعد الصلاة مقدرتش ألمس القرأن من القهر بعد حلقة الداعي وليد اسماعيل و مش بسببه بس لأ ده علشان بعمل بحث بقالى يومين و حرفياً اغلب الآراء موافقة و مفسرة أنه ضرب الزوجة صحيح و أمر الفكرة أنه حتى بشروط و غير مبرح أو بسواك ده قمة الإهانة الفكرة مش فى الألم الجسدي لأ فى النفسى و الاهانه
فى الاول لما عرفت الذكر ضعف البنت فى الميراث اقتنعت علشان هو بيصرف المفروض و التعدد له شروط و يتامى و كده اتوجعت بس اقتنعت و الطاعة و التحكم بس حاولت اقتنع لكن حتى الضرب دى صعبة عليا اوى مش قادرة اتقبلها والله اللمسة إهانة
الوجع أن أغلب الذكور مقيدين و مبسوطين اوى و لما نقول العكس كمان زى ايه "ولهن مثل الذي عليهن" يقولوا لا الراجل قوام و هى بس اللى تضرب و هو حر ميسمعش الكلام إنما هى لازم تسمع انا كرهت الجواز اوى بس مش دى المشكلة المشكلة انى بقيت اشك فى كل حاجة فين وصية الرسول و المودة و الرحمه ؟! بس اللى متأكدة منه أن ربنا عادل
لعرض السؤال في فدني اضغط هنا
السلام عليكم،
أسأل ما العمل إن رفض الوالدين أن يعمل ولدهما عملاً صالحاً؟ وهل رفض طاعتهما في تقديم أمور الدنيا على الدين ومنعهم من العبادة بحجة الدراسة وعدم إضاعة الوقت يكون ذلك من العقوق؟ كدت أفقد صبري فما العمل! أشعر وكأني في زمن الجاهلية .
ملحوظة: الوالدان مسلمان.
لعرض السؤال في فدني اضغط هنا
السلام عليكم ورحمة الله وبركاته
اليوم اكتشفت شيء عن نفسي وهو أن تقصيري في المذاكره أوالمذاكره بعدم تركيز عالي أو إتقان أدى إلى أنني أصبحت لا أركز في القرآن فكنت في مسابقه وجدت أنني لا أركز اقرأ تلقائيًا مثلما أفعل في أي شيء بدون إتقان أو تركيز وهذا شيء أحزنني كثيرًا فما الحل وهل الإتقان في اي عمل يزرع بداخل الانسان صفه الاتقان الشامل في جميع الامور أم هناك أعمال يمكننا التعامل معها بإتقان وأعمال أخرى ليست ضروريه والسبب لما حدث معي هو أنني أرى التعليم ليس ضروريًا للمرأه وبسبب هذا الاعتقاد أصبح بالنسبة لي ليس أولويه
لعرض السؤال في فدني اضغط هنا
هو عادي المعلمه تضرب البنات (١٠،١٢،و١٣سنه كده ) اللي بيستهتروا في المقرأه بعصاية بس مش ضرب شديد أوي بس مؤلم شويه ؟!
وسؤال تاني إيه مواصفات المعلمه وإيه مدى الكلام اللي تتكلم فيه
لعرض السؤال في فدني اضغط هنا
صفحة بيضاء... الهي هل تقبل رجعتي؟
السلام عليكم ورحمة الله وبركاته
اكتب هذا الكلام وانا اعترف بخطئي دون مواربه رغم ان الاعتراف ليس سهلا
قبل عدة اشهر ضعفت وابتعدت عن ديني وكفرت بالله سبحانه وتعالى وتجاوزت حدودي كثيرا ولم يسبق لي ان سببت الله او اسأت الى رسول الله صلى الله عليه وسلم لكني اذنبـت ذنوبا عظيمه حتى انني اتيت الى هنا قبل فعلتي باحثا عن اي يد تمد المساعدة
انجرفت في طريق خاطئ وتعلقت بسلوكيات محرمه واصبحت اميل للرجال واصنف نفسي بما لا يرضي الله وهو مسمى يدل على الفتى الذي يملك صفات انثويه "femboy"
بدا الامر مزاحا ثم تحول مع الوقت الى واقع مؤلم حاولت انكاره طويلا وخدعت نفسي بانها حالات نادره لكن الحقيقه كانت اوضح من ذلك
ادمنت العاده السريه منذ سن مبكره جدا وامتلكت من النعم ما كان يجب ان يقربني من الله لا ان يبعدني عنه فاسأت استخدامها حتى انتهى بي الحال الى صحبه سيئه اخذت من كل احدٍ منهم اسوأ ما فيه وكانني اسابق نفسي الى الهلاك
اليوم اقف على باب التوبه قبل ان يغلق
موقنا بقول الله تعالى
قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَهِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
واسأل الله ان يهديني سبل الصلاح وان يرزقني العفه وان يكره الي الكفر والفسوق والعصيان
ما كتبته هنا اعتراف صريح بذنبي ومشكلتي راجيا ان يكون هذا الاعتراف خطوه صادقه في طريق التوبه والعوده الى الحق الذي ابتعدت عنه
سؤالي لمن لديه علم او تجربه
هل توبتي مقبوله بالرغم من كفري بالله سبحانه وتعالى وبالرغم مماقدمت يداي ؟
وهل هناك امل حقيقي ان اتغير وان اترك هذا الطريق
لدي بعض الصفات الانثويه وانا احاول تغيير ما استطيع منها وبدأت بالاهتمام بصحتي والتمرين لعل الله يصلح ما افسدت يداي ومع ذلك ما زالت الشكوك تلاحقني بسبب محاولتي التوقف مرات كثيره لكنها باءت بالفشل
اخي اعلم انني اصبحت مزعجا بسبب تكرار رجوعي وسؤالي عن نصائح ولكن
ان كانت لديك اي نصيحه مهما كانت سخيفه في نظرك او بسيطه اعني بها قبل ان اسقط ففي كل مره اسقط فيها اضعف اكثر
لعرض السؤال في فدني اضغط هنا
ازاي اقدر احافظ ع الصلاه اديلي وقت طويل منقطعه مش عارفه اعمل ايه
لعرض السؤال في فدني اضغط هنا
عمري ١٨ سنه المقرأه اللي كنت عاملاها في المسجد فضلت فيها شهرين وبعد كده قعدت منها لما بدأت ٣ث وبعدها بنتين أكبر مني هما اللي بقوا يحفظوا وهما الاتنين مش مناسبين للتحفيظ من ناحية اللبس واحده فيهم لبسها مش شرعي يعني بناطيل وطرح قصيره وحاجات كده ومن ناحية العلم مش عندهم علم كافي نهائي وهنا مش بتكلم عن التجويد بس لأ أنا بتكلم عن القرآن نفسه مش حافظين واحده حافظه ٦ تقريبا وهي صغيره كانت حافظاهم والتانيه حافظه جزئين
المهم إني قررت أرجع تاني علشان التدهور ده
المشكله إن هما الاتنين شايفين إن المقرأه زي الفل ومفيهاش أي غلطه وأنا شايفه العيوب كلها ومفيش حد فاهمني
اتكلمت مع كل واحده إن تحفيظ القرآن محتاج حد متقن فممكن تتعلم الأول بعد كده تعلم
وإني هساعدها تتعلم وهخليها تشارك بردو في المقرأه يعني مثلا تسمع للبنات الصغيرين مراجعه واحده رفضت فكرتي بشكل مباشر وقالتلي إنها عارفه في التجويد وهي بتعرف تحفظ والتانيه سكتت بس جت رخمت عليا في المسجد وخدت العيال وسمعتلهم بالعافيه
بجد أنا في قمة غضبي من المواضيع دي ، عارفه إني غلطت لما سيبت المقرأه من الأول وكل ده بسببي.
البنت اللي خدت البنات بالعافيه شدت معايا في المسجد وقدام البنات بس أنا تجاهلتها وهي كمان بنت عمي
أخدت قرار وأنا في المقرأه في لحظتها وإيديت للبنات معاد جديد وقررت إني هكون مسئوله عنهم في المعاد الجديد وطلبت من البنت التانيه إني مش محتاجه أي حد معايا في مجموعتي
ومجموعتهم هما الاتنين في كذا بنت هيحضروا فيها يبقوا يحفظوهم
بس أنا متضايقه وحاسه بغضب شديد
وأنا واثقه جدا من اللي بعمله لإن في فرق بين الحزم والقسوه أنا بثبت قرارات مش بأذي حد بس هما بيتضايقوا من اللي حازم في قراراته ودي مش مشكلتي
عايزه أعرف هل تصرفاتي دي صح ولا لأ
وعايزه أعرف لو واحده فيهم جت مجموعتي أقولها إيه
أنا مش عايزه أحس بالذنب إني بنفرهم من الدين والقرآن بس أنا جربت أفهمها في البدايه لكن رفضوا
مش عاوزه أحس بالضغط وخصوصًا إني في ٣ث
وهل ده اختبار من ربنا لقوة تحملي وصبري وثباتي على الحق لإني مريت باختبارات كتيره قبل ده في حكاية مفتاح المسجد وحكايات كتيره كده
لعرض السؤال في فدني اضغط هنا
اريد لدعوه أن تستجاب وهي الدعوه ديه طلب سهل وبسيط ويمكن تحقيقه مش دعوه كونيه مثلا واريد ان تحقق سريعا ماذا افعل
لعرض السؤال في فدني اضغط هنا
بحس إني بقيت منشغله بالدنيا بالرغم من إني محافظه على كل حاجه مرتبطه بالدين
بس الاحساس ده بيكون في القلب مش عارفه ليه ومش بإيدي أتغير يعني اللبس مطابق لما أمر الله به ومحافظه على مراجعة القرآن والعبادات بس مش قادره أغير قلبي مش عارفه أوصف مشكلتي
لعرض السؤال في فدني اضغط هنا
هل الاستحمام بالماء في الدوش يعوض غسل الجنابة مع النية غسل الجنابة فقط . الرجاء إجابة وشكرا
لعرض السؤال في فدني اضغط هنا
انا عندي مشكله انو حاسه بسبب ذنوبي ربنا مش بيحبني او مش بيستجيب ليا حاسه انو لو دعيت ربنا مش هيستجيب ليا مهما عملت انا محافظه على الصلاه مجرد تأديه واجب لكن مش بشعر فيها بأي خشوع ومش بقول ذكر ولا قرآن
زمان كنت قربت جامد من ربنا مره واحده جالي وسواس رجعني تاني لورا اعمل اي حاسه اني تايهه ومليش لازمه في الدنيا مع ان خايفه اني لسه معملتش لاخرتي
لعرض السؤال في فدني اضغط هنا
لعرض جميع الاسئلة في فدني اضغط هنا