لو كنت أختكم وانا ١٨ سنه 🙃هتنصحوني ب إيه في ديني ودنياي ؟
مع العلم أنا اختكم في اللّه اصلا🌚
قولو كل حاجه وبأي طريقة ، أفيدوني
لعرض السؤال في فدني اضغط هنا
أفضل قناة تشرح اساسيات محاسبه بشكل منظم و مرتب؟
لعرض السؤال في فدني اضغط هنا
السلام عليكم ورحمة الله وبركاته
أنا بفكر أجيب أرنب أربيه كحيوان أليف في البيت وبسأل ايه تفاصيل العناية به والحاجات اللي لازم أشتريها وايه رفاهيات وكدا
وممكن لو حد كان مربي قطة يقول ايه التفاصيل، بما ان في حاجات كتير متشابهة وانا هشوف ايه المناسب وايه لا
وانا فكرت أجيب أرنب بلدي عادي يعني أظن صحته أقوى من الأرانب اللي عندها فرو كتير ومش هتوقع شعر بكمية مفرطة... غير اني أصلًا ما شفتش حد بيبيع أرانب من السلالات دي في القاهرة أو على الأقل كل الأماكن اللي مريت عليها
//ومحدش يقول هاتي قطة أسهل.. لو كنت عرفت كنت هعمل🥲
لعرض السؤال في فدني اضغط هنا
انا لمحت التطبيق ده عموما في متجر التطبيقات فكرته عجبتني وحملته ولكن مش لاقي حاجات لاهتماماتي مثلا زي الرياضات عموما و مارشال ارتز بشكل خاص ومواضيع تانيه وهكذا وبردو في مشكله ان البوستات اللي هنا معظمهم عدا عليهم كام يوم بحيث ملاقتش بوست جديد هل ممكن حد من اللي موجودين هنا يشرحلي التطبيق وفكرته اكتر وازاي الاقي المواضيع اللي عايزها
لعرض السؤال في فدني اضغط هنا
السلام عليكم.
أنا طالبة في الصف الثاني الثانوي ومقبلة على الصف الثالث الثانوي (علمي رياضة) إن شاء الله. كنت أود الحصول على نصائحكم وخبراتكم بخصوص: طرق المذاكرة الفعالة لهذه الشعبة، هل الأفضل الاعتماد على المنصات التعليمية عبر الإنترنت أم النزول للسناتر؟ وهل أحتاج لشراء كتب خارجية كثيرة؟ وكيف أتعامل مع مشاعر العجز والإحباط والضغط النفسي خلال هذه السنة؟ سأكون ممتنة لمشاركتي تجاربكم وقصص نجاحكم.
لعرض السؤال في فدني اضغط هنا
السلام عليكم
انا بنت سني١٨ ، من قبل الابتدائي كنت بعاني من التنمر بسبب لون بشرتي ومن اقرب ناس ليا حتى الاطفال وتقريبا كله مجتمع مريض اكيد اهلي عملو حاجات كويسه كتير منكرش دا بس وجعي منهم لسه موجود حتى لو التنمر اختفى انا سامحتهم بس مش بنسى .
ديما كنت بلاحظ الاهتمام بغيري والحمد للّه مكنتش بحقد على حد ابدا بس كنت بستخبى لوحدي واعيط لاني كأي انسان بيحب يسمع كلام حلو ويلاقي اهتمام واحتواء ومشاعر كتير الحمد للّه كنت مفتقداها بشكل كبير .
كنت بستغرب ليه انا شاطره وذكيه وبحب كل الناس ولكن مش بلاقي اهتمام بالقدر اللى انا محتاجاه لدرجة لو حد قال لي كلمه كويسه بحسه بيشفق او كذاب .
دلوقت مفيش تنمر مباشر بس موجود زي مدح شديد لحد قدامي أو حتى ذم وتنمر لحد أسمر زيي ، محدش يتخيل دا أثر عليا ازاي بقيت حد انطوائي وخجول ورهاب اجتماعي وقلة ثقه بالنفس ولكن كل دا مع دائرة قرايبي أكتر لان مع صحابي بتعامل عادي بل وبيحبوني جدا الحمد للّه وشايفه دا نعمه لأن اللي اتكسر هو اكتر حد بيفهم الناس وبيحس بيهم
وفمره انهرت وتعبت ونفسي كان هيتقطع من كتر العياط بسبب احد المواقف ووقتها لمعت فدماغي فكرة انا لي كدا مش ربنا خلقني ، طب لي انا من وسط كل الناس ليه مليش حق فاني اشوف نفسي جميله ودا شئ مهم جدا لأي بنت وفضلت اقول يارب وبس ، يوميها كنت بعيده عن ربنا ومش منتظمة فصلاتي ، وبحثت ليه ربنا خلقني كدا وشفت فديو لأحد المشايخ وكلامه طبطب عليا لأنه اتكلم بواقعيه وبدون مجامله زي ناس كتير فاكره انها كدا بتعمل حاجه كويسه وهي بتكسرني كالمدح الزايد وغيرو ، وفهمت معنى الدنيا وان دار بلاء وكل واحد مبتلى لأنها دار اختبار وان ربنا حكيم وقال ان ربنا ينظر للقلوب وان دا مش شكلي الحقيقي وان فالجنه ودار البقاء شكلي غير واد ايه هكون تحفه هناك 🤩😭وفهمت ان الموت مش نهاية المطاف بل في حياة بجد بعده وفهمت حكم كتير لوني دا كان سبب خير ليا حبيت ربنا جدا لأنه سبحانه الوحيد الذي يرى قلبي وبقيت الحمد للّه منتظمه فصلاتي ولبست زي شرعي وربنا فتحلي باب صدقة وكمان دلني علي مكان بتعلم علم شرعي الحمد للّه وبدأت احفظ قرآن وكنت هلبس نقاب ولكن اهلي رافضين بس هلبسه برضو وسبحان اللّه كل صحابي واغلب الناس بقو يقولولي ان وشي منور وفيا قبول رهيب بفضل اللّه وشخصيتي بقت قوية بفضل ربنا وبقيت بنصح الناس واكتشفت موهبة اني بكتب شعر🤭وبقيت مستغربه نفسي اكتر من الناس ولطف ربنا محاوطني فكل دقيقه فيومي من كرم وستر وتوفيق وسلامة صدر ولذة واللّه عمري م دقتها ابدا ومقصرة دلوقت ولكن بإذن اللّه ربنا يكرمني بيها اكتر من الاول
وفهمت ان دا بلاء مبقتش احط مبررات لأن حسب فهمي من الناحيه الشكليه النبي صلى اللّه عليه وسلم كان اجمل الخلق وكان ابيض ف الأشبه بيه اكيد اجمل ودا شئ مش مزعلني . بس
احيانا بحس ان كأي انسانه بدعي ربنا بزوج صالح وتقي ولكن على الوجه الآخر بقول اني مش عايزه اكون سبب فزعل حد ولأني بتمنى الخير لكل الناس فمحبش اكون عبء على انسان وبكتفي بإن ادعي لكل صاحب رزق ربنا يباركله فرزقه وبفرح من قلبي واللّه لما ربنا يكرمهم . في اثار نفسيه جوايا زي ان برغم حبي للسكن والونس وفهمي له من خلال الشرع إلا ان قلت مستحيل ابدا اوافق بزواج في الدنيا وربنا يكرمني في الآخره يارب لأني أول واحده بحب الجمال ولازم احب لغيري زي اللي بحبه لنفسي .
احيانا بتحصل مواقف بترجعلي وجعي ولكن سرعان م يسمح اللّه بلطفه على قلبي وكمان الرضا لا يتعارض مع الألم الحمد للّه ، لاحظت اني بقيت اكثر نضج وفهمت حقيقة الدنيا حتى المواقف اللي كنت بفضل ايام اعيط منها بقت بتعدي عادي الحمد للّه🥹
من فترة طفله بتقولي وشك ليه بني اغسليه كويس واستحمي😂مش عارفه برائة الاطفال راحت فين كله بق جاحد كدا ليه😂
بعيدا عن الضحك اثرت فيا شويه الكلمه لأنها اوقظت معاناة م يعلم بيها إلا اللي خلقني الحمد للّه بس عدت زي م الدنيا كلها هتعدي وبإذن اللّه لما ربنا يكرمني بالجنة هغيظهم براحتي بق😂😅
طيب انا طولت كتير اوي ولكن بحكي دا علشان بجد أي حد وخاصة البنات مبتلى بالأمر دا يفكر ويتدبر كرم ربنا له فحياته ويصبر واللّه الجنة جميلة اوي اوي اوي والدنيا أقصر واحقر من ان نزعل عليها . دمتم بخير😊
لعرض السؤال في فدني اضغط هنا
انا حاليا ثانوية عامة بس عندي مشكلة مهببة لأن خلاص امتحاني كمان ١٠ ايام المهم انا الحمد لله بحاول ع قد ما اقدر اعمل الي عليا طول اليوم بعيدا عن ده انا لما بنام حقيقي مش بحس بنفسي لدرجة بحس اني روحت لعالم تاني ب
بظبط ب ال ٣٠ منبه وكالعادة مبصحاش عليهم انا مش بسمعهم اصلا انا بفضل طول الليل وانام مثلا الساعة ٦ عارفة ان لازم اظبط نومي بس حقيقي معرفتش المهم بنام ٦ واصحى الساعة ٢ أو ١٢ يعني داخلة ف سكة ١٠ ساعات نوم غير بصحى بحس اني كنت بلعب boxing من كتر ما بصحى رقبتي وظهري واجعيني حد عنده حل أو مر بتجربة زي كده؟
لعرض السؤال في فدني اضغط هنا
أهلًا، محتاجة أشارككم حاجة وأسمع رأيكم فيها.
بقيت حاسة إن الـ Perfectionism مش مجرد صفة عندي قد ما هو طريقة تفكير كاملة بتخليني مستحيل أرتاح، لأن مهما عملت أو تعبت على حاجة يفضل جوايا إحساس إنها لسه مش كفاية، وإن كان ممكن أعملها بشكل “أفضل”.
الموضوع مرهق فعلًا، خصوصًا إني حاولت أكتر من مرة أتعامل معاه وأخفف من تأثيره عليّا، وفي كل مرة أهدى شوية وأحس إني بدأت أبقى أريح مع نفسي… لكن بعد فترة أرجع لنفس الدوامة تاني بشكل تلقائي، لدرجة إني بدأت أتساءل إذا كان دا فعلًا شيء بيتعالج، ولا مع الوقت بيتحوّل لجزء ثابت من الشخصية.
وأكتر حاجة محيراني إن الـ Perfectionism أحيانًا بيبان كأنه دافع يخليك تطوّر من نفسك، لكن في نفس الوقت بيستنزفك نفسيًا جدًا من غير ما تحس.
فحابة فعلًا أسمع آراء ونصايح مختلفة… إزاي الواحد يوازن بين إنه يفضل طموح وعايز الأفضل، وبين إنه ميبقاش قاسي على نفسه طول الوقت؟
لعرض السؤال في فدني اضغط هنا
كنت محتار شويه اشارك الموضوع دا بس محيرني من قيمه 8سنين كنت طفل وساعتها كان في بعض المشاكل فا امي راحت لشيخ الشيخ انا فاكر وسالت امي من كام يوم كان ولا بياخد فلوس ولا بيطلب اي حاجه من حاجات الدجل كان بس عباره عن اوضه فيها ناس كتير ويقرا قرآن واللي حس انه مش تمام يقرا عليه بشكل شخصي
وكانت بتحصل حاجات قديمه غريبه كنت بسمع صوت الجن وهو بيتكلم من الناس المريضه وكان الشيخ بيخليه يطلع ولكن كان في بعض الجن مش بيطلعو او مش بيردو اصلا على الشيخ يطلعو كان الشيخ يقول اللهم اجعل يدي سيف من سيوف الله ويقول الشهاده ويحرك ايده علي رقبه المريض والجن يطلع صوت اكنه بيدبح بعد كدا المريض يفوق فالسؤال هل في حاجه اسمها الجن يدبح وازاي الشيخ كان بيعمل كدا
وممكن حد يقول المريض متفق مع الشيخ بس للاسف اختي طلع معمول ليها عمل والجن مش كان عايز يتكلم خالص فالشيخ ذبح الجن وطلع نفس الصوت من اختي
اختي والناس المريضه كلهم مش بيفتكرو اي حاجه سواء الجن اتكلم او اتدبح
انا سالت ai وعلي جوجل الاجابات بتقول ان دا تخاريف بس تخاريف ازاي وكانت بتحصل قدام عيني
لعرض السؤال في فدني اضغط هنا
كم مرة قرأت كتابًا ثم اكتشفت أنك نسيت محتواه ما أن أنهيته؟ كم مرة شعرت باليأس واعتقدت أنه لا فائدة من الاستمرار في القراءة بما أنك لا تتذكر شيئا مما قرأته؟
هذا الشعور كفيل أن يدفعك للتوقف عن عادة القراءة، خاصة إذا كنت قارئًا مبتدئًا.
نجح الكثيرون في تخطي هذه المشكلة والاستفادة من قراءاتهم وما زال هناك كثيرون لا يعرفون كيف يتجاوزونها.
هذا السؤال إذن للنقاش وتبادل الخبرات.
برأيك،
هل نسيان محتوى ما قرأت يعني أنك لم تستفد من القراءة شيئًا؟
**
وما أفضل الطرق التي ساعدتك على تحقيق أكبر استفادة من كتاب قرأته وعدم نسيانه وتطبيقه في واقعك؟
**
هل تعرف كتبًا أو فيديوهات يوتيوب أو بودكاست يمكنك ترشيحها لمساعدة الغير في التغلب على هذه المشكلة خاصة القراء المبتدئين؟
لعرض السؤال في فدني اضغط هنا
عاملين ايه أتمنى الكل يكون بخير أنا دلوقتي فى تانيه ثانوي عام شعبة علمية وزي منتو عارفين ان خلاص امتحانات نهاية العام قربت ومن بعدها هدخل تالته ثانوي فأنا بجد حابه اسمع نصيحة كل واحد فيكم تجاوز وعدى من تالته ثانوي وتكون نصيحة طالعه من القلب وحقيقية عشان استفيد منها وكمان انصحوني اتجنب وأبعد عن ايه وايه الحاجات الى انتو عملتوها وندمتكم وايه الى كان نفسكم تعملوه.
ومتنسوش تدعو لطلاب تالتة ثانوي عام ازهر فني كل واحد فيهم محتاج الدعوة بشكل كبير افتكروهم فى الايام المفترجة دي.
لعرض السؤال في فدني اضغط هنا
لو سمحتو انا بعاني من حب الشباب وبقيت بجد مستاءه منو ومش عارفه اعمل ايه وصرفت فلوس كتير لدرجه خلاص زهقت وبيزيد مبيتحسنش خالص
ياريت لو في طبيب هنا ينصحني اواي استشاره او حتى تجارب شخصيه تنصحوني @د هناء منصور
لعرض السؤال في فدني اضغط هنا
سلام عليكم
بإذن الله يا جماعه انا رايح مقابلة شغل بكره في شركة أمانكو المعروفه لنقل الأموال
كنت عاوز اعرف رأي حضراتكم خاصة لو حد عنده تجربه او يعرف حاجه عنها
و هل في مخاطر ماليه عاليه و لا الدنيا بسيطه
لعرض السؤال في فدني اضغط هنا
احتاج نصيحة او نقل تجربة فعلية
لقد بلغت ٣٢ عاماً لا املك بيت ولا سيارة ووظيفتى بمقابل اقل من المتوسط وليس لدى مهارة تجنى مالاً لائق
ماذا يمكن ان افعل كى احصل على مال وفير فى هذه الظروف والايام الصعبة خاصةً انى عازب واحتاج للزواج والعفاف
اتمنى تكون الردود بدون دبلوماسية واضافات تحفيزية مجرد نصيحة او سرد تجربة أتت بثمارها
وشكراً لكل من يهتم
لعرض السؤال في فدني اضغط هنا
السلام عليكم
"كلنا عشنا الفترة اللي حسينا فيها بـ اكتئاب حقيقي وضلمة مالينا، لدرجة إننا كنا متأكدين وفقدنا الامل تماما إنها مش هتعدي وخلاص يئسنا من بكرة.. إزاي قدرتم تعدوا البر التاني؟ وإيه أهم درس اتعلمتوه من الفترة دي ومكنتوش هتتعلموه لو كانت أيامكم كلها سهلة؟"وإيه اللى عرفتوه عن عنكم وعن قوتكم فى الفترة دي ومكنتوش تعرفوها قبل كده
آسفه على الاسئله بس ممكن تفيدوني ❤️🩹
لعرض السؤال في فدني اضغط هنا
السلام عليكم
انا عندي خبره في مجال الماركت شهرين والمفروض إن إن شاء الله هنفتح مكان بعد العيد وهمسك إدارة وهكون المسؤل عنه
نصيحة ليا او اي ملاحظة؟
لعرض السؤال في فدني اضغط هنا
اعرف تطبيق فدني منذ عدة سنوات، وحقيقة مهما ابتعدت أجدني أعود إليه بحماس وتطلع إلى أن يكون من التطبيقات الناجحة ذات الإقبال الكبير؛ لما أراه فيه من خير عظيم وتطبيق لحديث النبي الكريم (الكلمة الطيبة صدقة)
فكلما فتحت التطبيق وأجبت على أحدهم بنصيحة أو دعوة، أو حتى إرشاد أشعر براحة نفسية عجيبة، وتطلع لمعرفة كيف أثرت كلماتي في من تلقوها، وهل ستعود عليهم بالنفع أم لا..
والآن أخبروني كيف كان تأثير فدني على حياتكم؟
هل كان تأثيرًا إيجابيًا أم سلبيًا؟
وما الذي تطلعون إلى رؤيته في فدني في المستقبل؟
اتطلع بشدة لقراءة تجرابكم جميعًا فلا تبخلوا بها علينا
لعرض السؤال في فدني اضغط هنا
أطلب نصيحة لأختكم الصغيرة
انا مش عارفة انا عايزة ايه مش عندي سؤال معين بس عايزه اكون كويسة وحاسه ان السر في القوة
ازاي أكون قوية؟
في حين ان انا مش ضعيفة
انا بنت اتخرجت من الثانوي كنت في مدرسة تكنولوجيا تطبيقية المهم
انا كنت داخلة المدرسة دي بس عشان ماتعرضش لضغط الثانوي العام ومش ندمانة ع القرار دا لاني شخص حساس ومش بتحمل وجهازي الهضمي كله بيتعب لما بزعل واغضب او اتوتر وهكذا اغلبكوا مريتوا بدا ف انا كنت بحافظ ع حياتي
بس كنت ناوية اتفوق زي ما انا وفعلا انا كنت متفوقة وكنت من ال 10 الاوائل المهم حصل اللي مكنتش متوقعاه حد اتقدملي ووافقت اقعد معاه ازاي معرفش يعني رؤية شرعية اقصد ودي كانت اول مره اوافق كل مره كنت برفض من برا من غير ما اشوفه
بس حسيت انه ممكن يعجبني من كلامهم
وفعلا قعدت معاه وفعلا اعجبت بيه وهو كمان
وكملنا واتجوزنا علطول بعد ما خلصت المدرسة
ودلوقتي بقالنا 8 شهور
حملت واجهضت من 4 شهور
وكان عندي طير وطار في الشارع اول امبارح
وكان عندي ناس قريبة منهم بعدت يعني من سنين
الفكرة اني مش قادرة ابطل افكر في الماضي والحاجات اللي وجعتني والناس اللي كانت السبب ناس كتيرة عزيزة عليا مش قادرة اسامحهم
مش عارفة اقول ايه بس سبحان مغير الاحوال
انا فخورة اني عديت بحاجات كتير اللي في سني ماكانوش هيعرفوا يتخطوها وكان زمانهم فقدوا الأمل
بس ربنا اداني قوة وصبر كبير اوي الحمدلله مش شطارة مني
ناقص بس اتقبل الواقع زي ماهو وابطل احاول اغير الواقع لاني بعجز نفسي
وكمان بلاقيني عايزه اغير اللي حواليا وساعات بيبقي المفروض انا اللي اتغير
السنة الجاية ان شاء الله هروح اقدم في المعهد
بقالي فترة اهو بعيد عن الدراسة وخايفة ماكونش قد الخطوة دي انا أجلت السنة دي عشان كنت حامل اول السنة وكنت عايزه احافظ ع الحمل
بس قدر الله وما شاء فعل
المهم اني عايزه اكون أقوي
انا مؤمنة ان ربنا كتبلي الخير وان كل دا خير
بُعد الناس دي خير اذى الناس دي خير عشان اتعلم
عشان المستقبل عشان احافظ ع نفسي وعلي عيالي وبيتي
اتعلمت كتير
انا مؤمنة بدا ان طول ما احنا ماشيين في الدنيا انت بتعلى بالليفل ف عايزه استعد للي جاي
بكره هنزل المسجد ابدأ احفظ قرآن
من الاخر اتربى من جديد قبل ما اخلف واعرف اربيهم
وعايزه استعد جسديا للحمل
واستعد نفسيا كمان
وعايزه احافط على بيتي وعلي زوجي
واحافظ ع علاقتي باهلي واحاول اصلح علاقة زوجي بأهله عشان حاسه ان دي حاجة ممكن تشفي حاجة جواه
اه نسيت اقوللكوا اننا متدمرين من جوا حرفيا عاملين زي اللي خارجين من حرب
بس بنحاول نستقوى ونقوم
انا فرحانة وانا بتكلم بصيغة الجمع فرحانة انه معايا وانه عايز يساعدني
بس هو مش عارف
يمكن عشان جنس اخر وكان في بيئة اخرى وحاجات كتير بس هو عايز وبيحاول
وانا عايزاه يكون فخور بيا زي ما انا فخورة بيه
هو بجد ناجح ومتفوق جدا في كل حاجة تقريبا
بس ف عايزه نصايح منكوا
اي نصايح حرفيا هتفيدني
في ديني في حياتي الاجتماعية في دراستي في بيتي في ازاي احافظ ع اهلي وصحابي
اه ونسيت حوار صحابي دا
انا الوحيدة المتجوزة فيهم وحاساهم مش كقدرين المسؤولية اللي عليا واني مقدرش اخرج زيهم ف اي وقت اروح عند حد منهم هما يحددوه حتي لو اهلهم وافقوا مع انهم بيوافقوا بصعوبة
انا قلت مثلا ان لازم اروح واجي بالنهار قبل ما هو يجي من الشغل عشان مايروحش ياكل لوحده وخصوصا اننا في رمضان وخصوصا انه ملوش غيري دلوقتي
وهو عاتب عليا في النقطة دي وقاللي انتي كنت المفروض من نفسك ترفضي وتقولي لا مش هسيبه يفطر لوحده المهم رحت اعتذزتلهم مفيش غير واحدة بس اللي حسستني اني صح وهو صح...
المهم رغيت كتير اسفه ع التطويل
ادعولي بالهداية والصلاح والثبات ♥
اللهم إنك عفو تحب العفو فاعف عنا
لعرض السؤال في فدني اضغط هنا
انا طالب شهادة ثانوية أزهرية ومعنديش هدف يحركني اكون حاطه قدامي علشان يحفزني وأنا اصلا طموحي مش إني أدخل كلية وأكمل تعليم وتوظيف يعني مش بحب الطب ومستصعب الهندسة مع أني شاطر جدا وللعلم انا قاسم السنه ومستوايا عالي في المذاكره لكن بحس احيانا اني مش ف المكان اللي انا عايزو انا بحب العمل الحر وصناعة المحتوي والتصميم والمونتاج وناوي اني ادخل ف المجال دا لكن طبعا بدور الاول على شهاده أو هدف ملموس أو في الأغلب مضمون لأن لازم اصلا معدات علشان أبدأ صناعة محتوى والمستوي المادي مش احسن حاجه دلوقتي
ف انا دلوقتي مشتت وان عدم وضوح الهدف بيعمل حاجز للجديه والإرادة ياريت لو حد كان ازهري واتخرج ياريت يفيدني ولو حد خبره في YouTube او صناعة المحتوى يفيدني
لعرض السؤال في فدني اضغط هنا
هو انا الوحيده اللي التطبيق بيقفل عندي باليومين التلاته منغير سبب.
وبمسحه وارجع أحمله مش بيرضي يدخلني برضو
طب يقولي طيب انا عملت ايه مش يقفل مره واحده كده😂
ولو حد بيحصل معاه كده ازاي بيفتحه ولا بيستني زي حالاتي لحد ما التطبيق يحن عليه. 🙂
لعرض السؤال في فدني اضغط هنا
في فار صغير جدا دخل المطبخ جبت ليه لزق وشلت المطبخ ابن الحلال مستخبي اعمل اي عشان اجيبو خصوصا ان اتعرض عليه 200جنيه من امي لو قتلت الفار لازم اخد 200جنيه😂
لعرض السؤال في فدني اضغط هنا
حاسه الضغط ومش عارفه تعملي ايه؟
هقول لك على بطريقتي الشخصيه اللي لما بحس اني مضغوطه بعملها وبفضل الله بطلع من الضغط بسهوله
اول حاجه تعمليها انك تعترفي بمشاعرك وتعترفي باللي انت حاسه بيه تقولي لنفسك او لحد تثقي فيه انك حاسه انك مضغوطه وتعبري عن كل حاجه انت حاسه بيها حاسه انك مضغوطه مضغوطه من ايه ،
ثانيا انك تاخدي وقت لنفسك تفصلي فيه دماغك من اي حاجه ضغطاك وتعملي اي حاجه انت بتحبيها وبتشحن طاقتك لما بتهدي دماغك شويه من الحاجه اللي ضغطاك طاقتك بتتشحن وبترجعي اقوى من الاول وبتبقي اهدى،
ثالث حاجه تعمليها وهي انك تعملي جزء صغير من الحاجه اللي ضغطاك يعني مثلا لو عليك شغل في البيت كثير مطلوب منك انك تعمليه بدل ما تفكري في الشغل كله مره واحده قولي لا انا هعمل جزء واحد صغير ابدئي بيه هتحسي بالانجاز وده هيشجعك انك تكملي وتعملي كل اللي عليك بسهوله
لعرض السؤال في فدني اضغط هنا
اديني نصيحه من واقع تجربتك او خبرتك ف الحياه
لعرض السؤال في فدني اضغط هنا
لو انا بااسس اطفال في الانجلش مفروض اعلمهم اي بالترتيب وبعد ما اخلص اعلمهم اي كمان
لعرض السؤال في فدني اضغط هنا
كيفيه عمل صناعه صابون بالمنزل بكميات كتيره
لعرض السؤال في فدني اضغط هنا
أفضل طريقه مذاكره لكليه العلوم الفرقه الأولي لاني أجد صعوبه في المواد والفهم لان المناهج باللغة الإنجليزية وماذا افعل لأصل للامتياز
لعرض السؤال في فدني اضغط هنا
عندي دريس أبيض بحبه قوي و هو بيتغسل تقريبا خرط عليه لون تاني فبقى مبقع ازرق و غسلته و مطلعتش اعمل اي علشان الخرط ده يروح
لعرض السؤال في فدني اضغط هنا
عاوز انجح واعمل فلوس وانا بدرس في الكلية وانا بتعلم مونتاج وبتعلم لغةE وعاوز ازاي اذاكر وابقى شخص ناجح في الحياة
لعرض السؤال في فدني اضغط هنا
السلام عليكم
اريد النصيحة يا أهل الخير
من تجاربكم اريد نصائح للعشرينات إن احيانا الله
لعرض السؤال في فدني اضغط هنا
ازاي اسجل البودكاست الاول ليا
انا مجهز كل حاجه
واقفة على طريقة التصوير ازاي
هو بودكاست اونلاين
لعرض السؤال في فدني اضغط هنا
صباح الجمال على حضراتكم
انا. بنوته عمري 16 سنه انا بس كنت محتاجه مساعده حضراتكم في حاجه معينه انه انا دلوقتي داخله تانيه ثانوي ان شاء الله.
انا لما كنت في ثالثه اعدادي بصراحه يعني اهملت شويه في دراستي مع العلم انها شاطره الحمد لله بفضل ربنا بس جبت مجموعه 81% السنه دي بقى شديت شويه وجبت 86% فانا بس عايزه طريقه مذاكره كويسه او يعني طريقه تنظيم جدول مذاكره معين امشي عليه لان انا داخله ثانيه ثانوي وثانيه ثانوي يعني تاسيس فعلشان كده عايزه طريقه كويسه تساعدني ان انا اجيب اكبر مجموع باذن الله.
يعني أنا السنة دي في أولى ثانوي جبت 86 فطبعا أتطلع إن أنا أجيب أعلى طبعا فأرجو من حضراتكم إن حد يفيدني بطريقة.
مع العلم اني لما كنت في ثالثه اعدادي في الترم الاول مستر ماده معينه يعني في الترم الاول لي زميله هي طلعت الاولى وانا طلعت الثانيه الترم الاول فالاساتذه كرمونا بعد اما طلعنا وكنا فرحانين وكده المستر ده قال للبنت مع العلم انت طلعتي الاولى مش عشان شاطره عشان انتوا فصل فاشل وكله دائما فاكرنا كده ما حدش يعني بيدينا فرصه الا من رحم ربي يعني فالمهم الترم التاني في نفس السنه انا طلعت الاولى وهي طلعت الاولى مكرر الحمد لله وجبت 85% فأنا يعني عاوزه ان شاء الله اي يعني اي حد من تجاربه السابقه يعني من التجارب اللي هي حضراتكم مريتوا بيها. ازاي ذاكرته وازاي نظمتم وقتكم لان انا نفسي ان انا ارفع راس اهلي طبعا اكيد عايزه طريقه كويسه يعني تحياتي لكم.
كمان عايزه اوضح حاجه ان انا بفضل الله بفضل الله والله ولا اي حاجه بس انا يعني الحمد لله وانا في ثانيه من اول ثانيه ابتدائي وانا مجموعي يعني تمام متحسن في ثانيه ابتدائي طلعت الاولى على المدرسه الحمد لله بفضل ربنا حتى على بتوع الثانوي وجبت 98.5% فبعدها بقى وانا بنزل يعني كل شويه 97 96 لحد اما اخر حاجه في اولى اعدادي جبت 92% وفي ثانيه اعدادي 85 لما اتقالنا انتوا فشله وكده انا بصراحه كنت بلهو وبشترك في انشطه وكده انا كفيفه كنت بشترك في أنشطة بصراحه كتير بس طريقه النص مش كانت بتبقى يعني مش كانت بتبقى كويسه يعني كانت بيبقى فيها جرح على طول. فانا يعني انا بدات ابعد عن المدرسين اللي زي كده ما نحطش كلامهم في دماغي وده فعلا اللي خلاني يعني ابقى افضل شويه فلو حد عنده طريقه تنظيم جدول مذاكره يبقى مشكور جدا.
لعرض السؤال في فدني اضغط هنا
ممكن لو اي حد كان من الاوائل السنين اللي فاتت يدينا نصائح في تنظيم الوقت رجاءً + استراتيجيات كان بيتبعها أثناء دراسته وبسببها جاب مجموع عالي
اول حاجه أنا اهلي معتمدين عليا السنة دي لأني في ٣ ث وبحاول اجاهد مع نفسي اني اشرّفهم بس انا لسة بادئة السنة والموضوع صعب عليا في البداية بسبب الدروس والضغط بتاع المدرسين وامتحاناتهم
أنا أستغرب بجد هما الاوائل زينا؟ لما بيرجعوا من دروس ورا بعض مش بيتعبوا؟ ازاي بيقعدوا يذاكروا في نفس اليوم ؟ يعني مثلا امبارح من الساعة ٩ صباحًا إلى الساعة ٣ وأربعين دقيقه مساءً قبل العصر كنت في دروس ورجعت تعبانه ومش قادره خالص حتى لما نمت صحيت مش قادره اذاكر خالص ازاي الاوائل بيقدروا يذاكروا في نفس اليوم بجد ما شاء الله
لعرض السؤال في فدني اضغط هنا
السلام عليكم ورحمة الله وبركاته
بدأت بحفظ كتاب الله ولكني سرعان ما أتوقف عندما بدأت لأول مرة بدأت بسورة البقرة حتى وصلت الأية 37 ثم توقفت وتكاسلت كثيرا فبدأت بخطة اخري للحفظ وهي الحفظ من الخلف أي ابدا بأخر جزء من بداية سورة النبأ وبالفعل بدأت وكنت ع وشك ختام الحزء ولكن سرعان ما مللت وتكاسلت مرة اخري واشعر بثقل عند الحفظ وعدم الانتظام ولكني اود حقا حفظ القران الكريم ليكون شفيع لي يوم القيامة ولأني دائما احفظ تلاوة القران والاستماع إليه ولدي الرغبة الكبري ف تعلمه لكن ماذا أفعل لأتخلص من هذا الكسل والخمول عند الحفظ؟؟
لعرض السؤال في فدني اضغط هنا
السلام عليكم ورحمة الله وبركاته
أنا اسمي ناهد طالبة أولي جامعة طول عمري بكره حاجه اسمها اﻧجلش وعندي فكرة إني مستحيل اتعلمه او احب أني اجرب حتي اتعلمه رغم اني حاولت ولكن كان بدون نتيجة
ويمكن دا لاني كنت دايما بقول لنفسي قبل ما أجرب إني هفشل ومش هوصل ومستحيل اتعلم الأنجلش ومن اول ما دخلت الكلية عرفت ان الانجلش لغة اساسية لازم تكون عندي ولازم اتقنها كويس واتكلم بيها كمان
من هنا أخدت اول خطوة وهي الدعاء بأن ربنا يحببني فيه و في تعلمه وابدأ اتعلمه وفعلا بدات ولكن كنت بقطع كتير اووي وكنت بحس ان مفيش اي تحسن ووقفت فترة لكن رجعت بفكرة مختلفة اووي
بعد ما كنت بسمع يوتيوب ومتلخبطة بقيت افكر ازاي الاقي طريقة تمشي مع مستوايا وطريقة تفكيري وعشان كده قررت اعمل كتاب بخط ايدي في اسكتش وفعلا بدأت اخطط ليه واحط افكاري ورتبت الطريقة ولقيت نفسي بستجيب للفكرة جدا وبدأت من اول نطق الحروف ومازلت مكملة ف تحضير الاسكتش او الكتاب اللي بخط ايدي ولكن هانت
لكن مكنتش مكتفيه باني اكتب وبس لان قلت اخلص الكتاب وبعدها ابدء اتعلم منه واجيب اسكتش تاني فارغ اتدرب فيه وفعلا هطبقها باذن الله وبجانب بحثي واستعانه بشات جي بي تي وفيديوهات عاليوتيوب و كتب بي دي اف وكتاب تعلم الانجلش بدون معلم ومصادر تانيه قدرت اعمله بالطريقة اللي واثقة انها هتناسبني
وبجانب دا بتدرب ع ابليكشين دولينجو ممتاز اووي وبتعلم منه وكمان بحفظ كل يوم خمس كلمات انجلش واراجعهم وكمان بسمع بودكاست محادثة ومعايا ابليكشين تعلم الانجليزية ممتاز جدا عليه الشرح وكلمات مقسمه لاقسام وهكذا وما زلت مستمرة
لكن حبيت اوضح حاجه لما متلاقيش نفسك في طريق غيرك رسمه رغم ان كتير نجح فيه فدور لنفسك ع طريق يناسبك ودا مش عيب دا اكبر نضج
حبيت اشارك تجربتي معاكم وبتمنا تستفادوا ولو جزء بسيط وبتمنا تدعولي استمر واتقن الانجليزية باقرب وقت
واسفه للاطالة بالتوفيق للجميع 💗💗💗💗💗💗
لعرض السؤال في فدني اضغط هنا
طريقة عمل الكيكة
لعرض السؤال في فدني اضغط هنا
السلام عليكم ورحمة الله وبركاته
لو حابة أتعلم لغة جديدة واتقنها بشكل جيد اي الخطوات الصح اللي ممكن اعملها ولو مستمرة علي التعلم بشكل يومي إن شاءالله ممكن اخد وقت قد اي عشان اكون جيدة في اللغة.
لعرض السؤال في فدني اضغط هنا
مميزات وعيوب معهد فنى صحى واللى جرب يقول تجربته.
لعرض السؤال في فدني اضغط هنا
ممكن حد يقولي الكليات المتاحه بعد دبلوم تجارة و لو حد واخد دبلوم ارجوكم نصايح او اي حاجه عن تجربتكم انا لسه هدخلها عشان تكاليف الثانوي فمجبره ادخل تجاره و حتى التمريض مش هينفع ادخل محتاجه امل و لو واحد في الميه
لعرض السؤال في فدني اضغط هنا
انا حاليا مخلصه ثانويه عامه ومنتظره النتيجه.. نفسي اعمل حاجه مفيده هو انا مش هلاقى شغل من البيت بس حتى نفسى اعمل جروب مفيد مثلا ونفسى برضو اهتم بنفسى لانه الثانويه هلكتنى جداا ... تنصحوني استغل الاجازه دى ازاى؟!
لعرض السؤال في فدني اضغط هنا
بكسل كتير وبكون مشغول وامنيت حياتي احفظ كتاب الله القرآن الكريم ومش عارف وعايز طريقه سهله وبسيطه في طل طبيعه شغلي الي ممكن تاخد كتير من وقتي
لعرض السؤال في فدني اضغط هنا
السلام عليكم ،
أنا حاليا في اجازه وقبل الاجازه ماتيجى كنت بقول أن أنا هستغل الاجازه بحاجه تفيدني ولما جات الاجازه حصل العكس
كل يوم فى الاجازه كنت بقول طب بكره هتعمل حاجه جديده وكل يوم اقول كده ومافيش حاجه بتغير بفضل ال24 ساعه ع التليفون وبسهر عليه وانا مش عايزه أسهر عشان بقى تحت عينى اسود جامد
وانا بقول دلوقتي هتعمل مثلا البرمجه وانا مش فاهمه اى حاجه فيها وبحس أن الاجازه دى عطلت دماغى بقيت حاسه ان أنا غبيه بقيت حاسه ان أنا مش عارفه اركز ومش عارفه افكر وانا داخله تالته اعدادى يعنى شهاده وخايفة برضو أن أنا هجيب مجموع وحش وهنقل مدرستي ودروسى و مش عارفه هتعرف ع الناس اللى هناك بسرعه ازاى وانا دماغى متلغبطه جدااا ، أرجوكم حد يكتبلى حل او حلول 😔
لعرض السؤال في فدني اضغط هنا
السلام عليكم
ازاي اكسب من كتابة المقالات بدون خبره على جوجل لاني انا داخله تالته ثانوي وعاوزة اساعد اهلي في المصاريف وايه التطبيقات الي ممكن تساعدني في الكتابه
لعرض السؤال في فدني اضغط هنا
ممكن افادة في موضوع محو الاميه اعمله ازاي لكلية تربية
لعرض السؤال في فدني اضغط هنا
ازاي احسن لغتي الالمانيه انا سنتين بتعلم الماني وخايف اطلع من مستوي a1 وقلقان جدا ازاي امشي علي خطه اوصل بيها الي b2 في اسرع وقت واي هيا اهم المصادر اللي اتعلم منه وازاي احسن الترجمه وشكرا
لعرض السؤال في فدني اضغط هنا
انا عندي 21 سنه وانا بحب الخيل جدا وكنت عايزه ادخل مسابقات من وانا اصغر من كده بس الظروف الماديه مكنتش مساعداني اني اتدرب والناس كتير قالت لي اني كبرت ومينفعش اتدرب ولا ادخل مسابقات فلو حد يقدر يفيدني في الموضوع دا واني ينفع ادخل مسابقات واتدرب ولا لا ولو في فين واي اللي المفروض اعمله وابدا ازاي
لعرض السؤال في فدني اضغط هنا
السلام عليكم ورحمة الله وبركاته،
أنا مُدرِّسُ لغةٍ عربية، وأرغب في البدء بتأسيس دروس للقراءة والكتابة، وأفكر في نشر إعلان لذلك. سيكون التأسيس موجهًا للصغار وللشباب الذين لا يجيدون القراءة والكتابة، لكنني متردد قليلًا في هذه الخطوة.
أودّ أن أسمع من أصحاب الخبرة في هذا المجال، لعلنا نستفيد جميعًا إن شاء الله.
جزاكم الله خيرًا.
لعرض السؤال في فدني اضغط هنا
انا بنت في الصف الاول الاعدادي وقمت بتحميل تطبيق فدني هل يمكنني الاستفادة منه
لعرض السؤال في فدني اضغط هنا
انا خلصت امتحانات اولى ثانوي من 10 ايام وحاسس إن انا بضيع وقت كبير وانا المفروض داخل مرحلة مهمة في حياتي وعايز اتعلم حاجة تفيدني أو أعمل اي حاجة مفيدة ليا
ممكن تقترحوا عليا يعني أنتم بتعملوا اية في الإجازة أو أي حاجة ممكن اعملها
لعرض السؤال في فدني اضغط هنا
ما هي افضل طريقة لإتقان أي لغة
لعرض السؤال في فدني اضغط هنا
انا كشاب مريت بوقعات كتير في المعاصي وكده والحمد لله انا تبت فأنا عاوز افيد الناس من تجربتي وكده عاوز أبدأ في مجال في اليوتيوب وأقدم نصايح أو أشارك تجربتي عشان افيد الناس وكده ف مش عارف أبدأ ازي او منين فلو في حد يفيدني او يساعدني اكون شاكر لحضراتكم
وجزاكم الله كل خير ♥
لعرض السؤال في فدني اضغط هنا
لعرض جميع الاسئلة في فدني اضغط هنا