لك انا بدي احكي لكم عن موقف صار معي. كنا بالسياره عادي بدنا نخرج طالعه عائليه وننبسط. لكن يا اللي صار اني نسيت كورس مهم كثير لدراستي. امي قالت لي مالك فاكره ان عليك كورس هلا قلت لها نسيت. قالت لي بعرف انك ما نسيتي لك هلا انت مو عجبتيني.
فالصراحه انهارت انا كنت فتره امتحانات وقتها وكثير تعبانه وما بدي اتكلم لان لو اتكلمت كانوا اتنمروا علي.
فقلت لها ليش ما شفتيني وانا بتعب ما شفتيني وانا بسهر ما شفتي كيف كنت ببكي. ما شفت كيف الدراسه صارت صعبه علي كيف عقلي وجعني كيف قلبي عم يوجعنى. فرفعت صوتها علي وبدأت تهيني وانا اقول لها ليش عم تعملي هيك ليش ما عم بتحسي فيني.
بدأت تذكر كل الاشياء اللي هي عم توجعني. البنات لي بعمرك هلا تزوجوا. صديقتك فلانه للطب صديقتك الفلانه اللي بصيدله. صديقتك فلانة المخطوبه. بنت خالتك اللي في صيدله ومتزوجه وعندها توأم. لو المقارنه ما وقفت هو ان شاء الله فين كتير ما عم تعرفي تطبخي ما بتعرفي تكنسى ما بتعرفي تعملى اي اشي.
و طبعا عده الفاظ ماراح اقولها. من ضمنها الله يعين اللي راح يرتبط فيكي. وفشلت بالتربيه قلت لها ليش عم تقارني هيك. قالت لي والله انا ما عم بحسدون بس انا بختى كتير معي.
قلت ليش عم تقولي هيك هي ارزاق. وقلت لها بتعرفي ان المقارنه يعني حرام وهيك. قالت لي يعني انت بتكفريني يعني يعني انا ماني مسلمه. قلت لها ما قلت هيك اسلوبك هاد ما بين نتيجه قالت لي هاد اسمه العلاج الصدمه وهو بيجيب نتيجه مع احسن منك.
عامه كتير زعلت من هذا الكلام وما بقدر احدثها مثل ما كنت بالاول قلبي كتير عم بيوجعني منه ولما قلت لها هيك انت كسرت ثقتي، لهيك صرت حتى ما احكي لك اسامي اصحابي حتى متقارنيني بيهن.
عامه بدي نصيحه شو اعمل هل انا عن جد كثير بالغت برد فعلي ولا هي اللي بالغت برد فعلها ولا ايش بينعمل؟
لأن عن جد يا امي اللي بسببها ما صار عندي اصدقاء ولا شيء ولا ولا بعرف اخرج ولا بعرف اعمل اي شيء لحالي. بتقول لي حره ولكن هلا لسه عم بتنقي لي التياب اللي بيلبسهم.
لعرض السؤال في فدني اضغط هنا
السلام عليكم ورحمه الله وبركاته.
دي اول نصيحه اقدمها على التطبيق 🤍🌷
عارف إيه الفرق بين "المشهور" وبين "الأصيل"؟
الأصيل هو اللي مبيخليش الشاشة تسرقه من ناسه.. والجدعنة اللي بجد هي إنك زي ما بتعرف تطبطب على الغريب بكلمة حلوة في كومنت، تعرف تكون السند والعكاز لأهلك في البيت.
اوعى تدي للناس أحسن ما عندك، وتسيب لبيتك التعب والسكوت..
خليك الشخص اللي الكل بيحس بالأمان في وجوده، سواء كان ورا الشاشة أو جوه البيت، لأن الخير لو مطلعش من جواك لأقرب الناس ليك، يبقى مجرد تمثيلية إنت بطلها قدام الغرباء.
وازن بين حياتك وبين رسالتك.. وصدقني لما هتكون بار بأهلك، ربنا هيفتح لك قلوب الناس وتلاقي كلمتك مسموعة ومؤثرة بجد.
لعرض السؤال في فدني اضغط هنا
أنا بنتي عمرها 12 سنة، وبدأت عندها مشكلة إنها بتاخد فلوس أو أي حاجة من غير إذن، مع إن الحاجات أو الفلوس دي بتكون موجودة ومش محرومة منها. أنا مش قادرة أفسر تصرفها، لأنها مش ناقصها حاجة عشان تعمل كده.
أنا أو والدها بنوفر لها اللي بتطلبه، بنحاول نشبع رغباتها، بحيث ما تبقاش محتاجة تاخد من غير إذن ولكن مفيش فايدة
الموضوع بيتكرر أكتر من مرة، ولما أواجهها في الأول بتنكر، وبعد شوية بتعترف.
جربنا معاها كل الطرق الكلام بهدوء النصيحة الحنية وأحيانًا العقاب إننا نحرمها من الحاجات اللي بتحبها، لكن مفيش أي تحسن.
هي كمان عندها غيرة شديدة وعايزة كل حاجة تبقى ليها لوحدها، وده أنا حاولت أفهمه ليها إن مفيش إنسان ممكن يكون عنده كل حاجة.
وفي نفس الوقت في سنها ده المفروض تكون العلاقة بيني وبينها قريبة، لكن هي أوقات بتحب تقرب وأوقات تانية بتقفل وتبعد من غير سبب واضح.
الفكره لما اتعامل معاها سواء أنا او والدها أو حتي الأهل وأصحابها بحب وحنيه بتبعد لما اتجاهلها تيجي وتتكلم مش عاوزه دي تكون شخصيتها .
إزاي أقدر أتعامل مع السلوك ده بشكل صحيح وأوقفه من غير ما يأثر على نفسيتها؟
لعرض السؤال في فدني اضغط هنا
"الحياة لا تسألنا عن سبب ما يحدث لنا، بل تسألنا: ماذا ستفعل أنت بما يحدث؟ ففي اللحظات التي لا نستطيع فيها تغيير الظروف، يبقى لنا أن نختار طريقة ردنا عليها. كل ألم نمر به يحمل معناه الخاص، وكل تحدٍّ هو فرصة لاكتشاف قوتنا الحقيقية. الحرية الحقيقية ليست في التخلص من المعاناة، بل في اختيار كيفية التعامل معها، وفي تلك اللحظة بين ما حدث وبين ردنا عليه، نجد أنفسنا قادرين على النمو والتغيير.
كل إنسان يمتلك سببًا ليعيش من أجله، ومن يملك هذا السبب يستطيع أن يتحمل أي صعوبة. الفشل ليس نهاية الطريق، بل درس يعلمنا الصبر والحكمة، والمعاناة ليست عقابًا، بل فرصة لصقل الشخصية والروح. لذلك، لا تنتظر الظروف المثالية لتبدأ، بل استخدم كل يوم وكل موقف لتصنع معنى جديدًا في حياتك. وحتى في أحلك اللحظات، يمكننا أن نجد ضوءًا يرشح الأمل ويقودنا نحو نسخة أقوى وأفضل من أنفسنا.
— من كتاب «الإنسان يبحث عن المعنى» ل فيكتور فرانكل"
لعرض السؤال في فدني اضغط هنا
سعي صح + قلب متوكل على الله + دعاء صادق =تحقيق النتيجة باذن الله
يقول ابن القيم "قدّر الله سبحانه لكل مطلوب سببًا، فمن أتى السبب على وجهه وصل إلى مطلوبه."
في ناس عايزة تحقق نتيجة معينة بس مش عايزة تمشي الطريق اللي يوصلها للنتيجة دي بتفاصيلها اللازمة كاملة
زي اللي عايز يرتاح بس مش عايز يواجه نفسه بالحاجات اللي مسبباله التعب …
عايز تنجح بس بتأجل وبتكسل…
عايز حب حقيقي بس مش عارف تحتوي ولا تفهم ولا تبذل مجهود وتسامح وتفوت …
ابن القيم قالها ببساطة:
"ربنا قدّر لكل حاجة سبب…
اللي ياخد السبب صح يوصل"
يعني مش مشكلتك إنك مش محظوظ…مشكلتك إنك لسه ماخدتش السبب الصح!
الدنيا مش دعاء بس ولا سعي بس…
الدنيا:
سعي صح + قلب متوكل + دعاء صادق = نتيجة في وقتها
إوعى تقف تقول "ليه مش بيحصل؟"
اسأل نفسك:
"أنا بعمل اللي لازم يتعمل… ولا باحوم حوالين الحاجة وخلاص ؟
اللي عايز يوصل بيمشي… حتى لو رجله بتوجعه
واللي عايز فعلاً…
بيتعلم الطريق مش بيشتكي منه
خد السبب صح وسيب النتيجة على ربنا
وقتها بس هتفهم إن التأخير مش رفض… ده إعداد من ربنا ليك عشان تكون مستعد تمام الاستعداد 💛
#وعي #تطوير_الذات #ابن_القيم #قوانين_الحياة #coachabouelenein #تعديل #CareerDevelopment #دين #islam
لعرض السؤال في فدني اضغط هنا
ابوك وامك هم الكنز الحقيقي اللي في حياتك !!!!
وهتكتشف ان ربنا بيكرمك عشان خاطرهم
ربنا سبحانه وتعالى لما قال وقضى ربك الا تعبدوا الا اياه وبالوالدين احسانا قرن الاحسان ليهم بعبادته لان الخير المباشر المنعكس من الفعلين دول تاثيرهم بيعود عليك بالنفع المباشر ....
بعد وفاة بابا حسيت اني اتكشفت على الطل تايه في طريق ودنيا كنت محدد ملامحها وابعادها من بعد كلام ورأي ووجود ابويا .
حتى لو كانت اتجاهاتي غلط ماكنتش باخاف ولا بيهمني لان بابا كان بيقف يقول لربنا عشان خاطري وفقه عشان خاطري حقق له اللي هو عايزه عشان خاطري سامحه على غلطه وماتعاقبهوش عشان خاطري ارزقه عشان خاطري اسعده واحفظه واحميه لو لقاني قلقان يترجاه يطمني ويقعد يهديني بكلام حلو ويدعيلي كل الادعية والاماني الحلوة كان بيطلبها من ربنا قدامي ومن ورايا وكل وقت ... وابويا ليه خاطر كبير عند ربنا لانه كان واحد من خدام بيته المخلصين المحبين ليه لرسوله ...
دلوقتي مافيش حد هيعمل ده ولا هيدعيلي زيه ولا هيهتم بحالتي زيه ولا هيتحايل على ربنا عشان خاطري في حاجة وده سبب اللي هيخليك تحس ان الحياة بقت اصعب وهتحس انك بتتلطش من كل الج انب لحد ماتكتشف انها طول عمرها صعبة وابوك وامك هم اللي كانوا بيحموك ويواجهوا الصعب ده واللي بيوصلك خفيف قوي ، لكن بعديهم انت بتبقى في وش المدفع ولا سبيل للنجاة الا حرصك على رضى الله ودعائه واصلاح حالك وصدق توبتك .....
بعدهم بتحس انه مابقاش في وقت .... ومابقاش في دلع ...
بعدهم مافيش حد هيتحايل على ربنا عشان خاطرك !!!!
اللهم ارحم امواتنا يارب واسكنهم فسيح جناتك ، اللي اهله عايشين او حد منهم يغتنم الفرصة ويحرص على رضاهم والاحسان ليهم ويصبر اللي فثدوا حد من اهاليهم
لعرض السؤال في فدني اضغط هنا
السلام عليكم
ياريت تفيدونى ف ال انا هقوله وتقولوا لى حل ضروري بنتى عندها سنتين وخمس شهور وعصبيه جدا وتأخرت ف طلوع السنان والمشي وكدا مش اوى يمكن شهر او شهر ونص عن ال ف سنهاا.
سافرنا وهي عندها تسع شهور السعوديه وبصراحه لما كانت بتزهق م الحبسه وتزن وكدا اديتها التيلفون ع اغانى اطفال وكلام من دا لشهرين وبردو لما نزلنا مصر أخذته فتره بس بعد كدا مشيت وبقت تقول بابا وماما وتيته وجدو وكدا بعدها بشوية نطقت اسم اختها واسمى يماما كذا شوية وبدأت تتكلم تقول اكل اشرب اطلع البس الشبشب بتشتكى من اختها لما بتعمل حاجه بس مش كلام مفهوم اوى وعارفه اسماء حيوانات ولما بتشوف حد منهم بتقول اسمه بس بتكسير كدا وبتعد اتنين اربعه سته خمسه تمام وبتعيط علطول وصويت كتير فوق الخيال ومفيش نوم منتظم بليل خالص ولما بتبقى عاوز تنام بتقول ننه يا ماما بتقول وبتشاور بس مش مفهوم اوى كلامها لما بقولها هاتى كذا او شيلى كذا بتسمع الكلام وبتنفذه وبتقلدني ف حجات كتير وبتلعب عادى مع الاطفال وكل حاجه بس انا محتاره هيا كدا متأخره ولا دا عادى وهل ينفع اوديها الحضانه دلوقت او لا
لعرض السؤال في فدني اضغط هنا
ما رأيك في العقاب البدني للاطفال
لعرض السؤال في فدني اضغط هنا
السلام عليكم
أختي الصغيرة عمرها ٩ سنوات بتصر على ان تكون الإمام و تصلي بيا ، هي لما بقولها ماشي بتقوم تتوضى و تصلي و بتبقا متشوقة جدا يعني ده بيحببها ف الصلاة ف وقتها ، بخليها تصلي بيا ف سنن الصلاوات وانا بصلي الإمام بيها ف الفروض،
المشكلة فقط انها مش شاطرة في القراءة بشكل كويس و بتكتر حركة في الصلاة ، بس مثلا لو غلطت ف الفاتحه من حيث التشكيل لما بتخلص و بقرأها انا بقرأ بهمس بس تكون هي سمعاني فبتتعلم و بلاحظ انها بتحسن قراءتها لما بتسمع مني ، الفكرة ان انا عايزه اعلمها القراءة بشكل كويس عن طريق الصلاة من غير ما تكون هي إمام بس هي بتزعل اوي لما بقولها لاء مش هتصلي إمام ، فهل جائز ان تصلي بيا النافلة كإمام؟
لعرض السؤال في فدني اضغط هنا
هو عادي المعلمه تضرب البنات (١٠،١٢،و١٣سنه كده ) اللي بيستهتروا في المقرأه بعصاية بس مش ضرب شديد أوي بس مؤلم شويه ؟!
وسؤال تاني إيه مواصفات المعلمه وإيه مدى الكلام اللي تتكلم فيه
لعرض السؤال في فدني اضغط هنا
انا من تلت ايام كنت بحكي مع امي عادي بهزار فبقول لها انا في سر في حياتي عمري ما اقولو لحد فضربت في دماغها اني اقولها السر قعدت اقولها مينفعش دا يتقال فاستخدمت اسلوب غريب ممكن أسميه باسم (سلاح الامهات) وهو إنها حسستني بالذنب وقعدت تقولي لو مقولتش مش هرضى عنك لو مقولتش انا غضبانة عليك ومش مسامحاك وهكذا
حسستني اني عامل جريمة فقلت ليها مينفعش يا امي تجبريني عن حاجة بطريقتك دي ومقولتش السر .
(انا لو قلت السر حياتي هتبوظ وفكرت اني أؤلف حاجة واقولها عشان اعدي الموقف بس قلت بلاش يعني كدب وكمان اكون بستلوح على امي
لعرض السؤال في فدني اضغط هنا
سلام عليكم
انا بواجه مشكله كبيره جدا من طفولتى انى مبعرفش اتعامل مع اطفال نهائي لدرجه انى وصلت لمرحله الكره وده عامل مشاكل كتير جدا ويوميه بينى وبين خطيبى كان في الاول يقولى مع الوقت هتحبيهم لما تخلفى هتخافى عليهم وتحبيهم اكتر من نفسك وكلام كتير جدا لكن من اسبوعين وهو بيقولى لو متعاملتيش كويس مع الاطفال مضطر اسيبك لأنى هخاف على اولادى منك معاملتك دي معامله ناس مريضه انتى مش طبيعيه
عارفه ان في ناس هتضايق من افعالى دى لكن انا فعلا غصب عنى مبرتاحش غير لما ( احرق طفل) قدامى معرفش ايه معنى الفعل ده لكن بكون مرتاحه لما امسك ولاعه او اي حاجه واحرق بيها جزء من جسم طفل
عارفه ان في مضايقه ليكم بس ياريت تنصحونى انا بحاول اغير من الفعل ده محتاجه نصيحه لانى فعلا بضايق لما بقرب من طفل
اعمل ايه يخليني احب الاطفال او على الاقل اتكلم معاهم كويس
لعرض السؤال في فدني اضغط هنا
كنت عايزه اعرف السن الصح اللى لازم أواجه فيه البنت بموضوع التبنى وازاى افتح الموضوع معاها بدون تأثير على نفسيتها وكمان هى حساسه قوى
لعرض السؤال في فدني اضغط هنا
السلام عليكم
انا ابنى عنده ٥ سنين فى مدرسه ناشيونال معروفة بأكتوبر من اول الترم والاخصائيه بتتواصل معايا أن الولد مش عارفين يسيطروا عليه وأنه بيغضب فى الكلاس جدا وبيكون عاوز يخرج
بعدها بشهرين قالولى لازم يتعرض على دكتور تعديل سلوك واجيب إقرار أن الولد سليم وديته لدكتور وقالى أن الولد سليم تماما وان المدرسه هما اللى مش عارفين يتعاملوا معاه بعدها المدرسه طلبت منى أن الولد يقعد فى البيت مدة أسبوع
روحت المدرسه وقولتلهم ده غير قانونى ومرفوض تماما وسلمتهم التقرير قالولى ده مش معتد بيه لازم الدكتور بنفسه يتابع معانا قولتلهم طب انقلوا الولد كلاس تانى ممكن يكون فى حد مضايقه فى الكلاس ده ومش عارف يعبر بعدها محدش تواصل معايا
كلمت المشرفه مردتش عليا بعت للجروب اللى المديره عليه لقيت المشرفه بترد وبتقولى الولد اتنقل كلاس كذا kg1 و دخلتنى الجروب بتاعه وقالتلى المديره وفرتله شادو تيتشر رغم أن انا مطلبتش ده ومن وقتها انا حاسه ان فيه حاجه غلط بس مش متاكده
بالصدفه امبارح لقيت جروب الماميز بيتكلموا على ابنى ولادهم شويه بيقولوا انه اتنقل prekg وشويه بيقولوا اتنقل kg2 بعدها اتأكدت أن الولد فعلا فى كلاس ف kg2 والكتب اللى بياخدها kg1 وحاطنى على جروب kg1 والمشرفه مصره على الكدب
ولما بعتلهم تانى مش بيردوا ويتواصل معاهم بدون جدوى
انا المفروض اتصرف مع المدرسه ازاى مع العلم أن الأب مسافر وانا لوحدي تماما ولما روحت لهم المدرسه قبل كده معرفتش أسلك معاهم اطلاقا آسفه على الإطاله
شكرآ
لعرض السؤال في فدني اضغط هنا
السلام عليكم
بنتي عندها سنه ونص بسم الله ما شاء الله بحس انها أذكى من الي في نفس عمرها
انا والدها
اعمل ايه اساعدها بيه في تنمية مهاراتها واستغلال ذكاءها بسم الله ما شاء الله عليها
لعرض السؤال في فدني اضغط هنا
السلام عليكم
انا أم عندي 50 سنه معايا ولد وبنت
البنت عندها 14 سنه والولد 12 سنه، قبل ما يتوفى ابوهم
الله يرحمه قالي انه عايز يحط مبلغ في البنك للبنت عشان تتعلم بيه وأجهزها بيه بس انا قلتله متحطلهاش وانا
مش هخليها تحتاج حاجه هو وافق، احنا ساكنين في بيت ملك فأنا اقترحت عليه اننا نبني الدور التاني لإبني ونعمله شقه فيه هو وافق وعملنا الشقه ومفاضلش
غير السيراميك والدهان فقط، احنا صبّناها وابني كان عنده تقريبا 8 سنين، وجهزنا باقيها من كم شهر كده،، والشقة اتكلفت كتير بصراحه،،
قبلها بسنه ابني قالي انه عايز موبايل جبتله موبايل، بعدها قالي انه عايزة عجله (دراجه)
زي ابن خاله، جبتهاله، وبنتي دلوقتي عايزاني اجبلها تابلت
عشان هي داخله اولي ثانوي السنه الجايه، بس انا مرضيتش
وقولتلها معاكي موبايل، هي معاها موبايل خالها جايبهولها
وانا كل شويه بهددها بيه ان لو مسمعتش كلامي هبيعه
مع ان تمنه دلوقتي بعد ما بقي مكسر ميجبش الف جنيه،
وكذا مره اشيله منها، وقلتلها لو خرب مش هصلحه وهو تقريبا قرب يخرب،،،، المشكله انها من سنتين تقريبا قبل
ما يتوفي ابوها لما كنا قاعدين نتكلم وهو قالي عايز يحطلها فلوس بأسمها هي سمعتنا ومن وقتها كل ما تقولي علي حاجه وانا ارفض تقولي كده وتقولي الفلوس اللي عملتي بيها لابراهيم كانت المفروض ليا، انا عملت كده ليه عشان اضمن مستقبله،، مش بتروح دروس عشان عايزاني اجبلها طقمين خروج وانا رفضت وتقريبا مراحتش اي درس، الكتب الخارجيه مجبتلهاش والاله الحاسبه كمان،، كل شويه تقولي
انتي ظالمه وانا مش مسمحاكي، انا بضربها عالطول لما مش
بتسمع كلامي وبقارنها بباقي البنات،، بس بعمل كده عشان
تبقي زيهم، ابني الكل بيشتكي منه انه بيسب الدين ولسانه
طويل وهي لما بتسمع كده. بتقولي اخيرا حد عرف ابنك
علي حقيقته، كل شويه تقولي انتي مش امي ابراهيم بس
اللي ابنك، لاني بضربها ومش بضربه، كل يوم تحلم اني
بضربها واني دبحتها بالسكينه وانا بقولها ده وسواس لانك
حاطه في بالك كده، بقيت مبتحسش باجي اضربها مش
بتتحرك ولا بتدافع عن نفسها ولا حتي بتعيط ولا بتجري
زي الاول،، مش بتزعل مني مهما ضربتها واتخانقت معاها يعني بقي عندها تبلد عاطفي،، هي رجليها
واجعاها ومحتاجه عمليه ب 19 الف فيها لان الدكتور
قال ان معملتهاش بمرور الزمن حركتها هتقل تدريجياً
وده اللي بيحصل الان، ابوها قبل ما يتوفي جبلها حلق
4 جرام ففمره كانت اختي عندنا فقلتلها لو عايزاني
اعملك العمليه هاتي الحلق ابيعه واعملهالك، هي ضحكت
وقتها بس بعد ما مشيت اختي، عيطت واتخانقت وقالتلي ليه تقولي كده قدام حد والعمليه انا مش عايزه
اعملها لانك عايزة تاخدي مني حقها كأني مش بنتك زي ابراهيم،، انا قلتلها خلاص متعمليهاش، عدي علي الكلام
ده شهر ورجليها بقيت تعباها اكتر وحركتها بدأت تقل قولتلها
هعملهالك قالتلي والله ما هعملها حتي لو ببلاش والان هي رافضه تعملها وكل شويه تقولي انتي ظالمه وانا مش
مسمحاكي وانتي وهو بتكرهوني،،، انا مره قلتلها انتي كافره، لانها مكنتش بتصلي بانتظام وكان عمرها وقتها 12 تقريباً،، قولتلهاانتي مريضه نفسيا ومجنونه، وفعلا من سنتين روحت
كشفتلها عند دكتور مخ واعصاب لاني شكيت انها
كده، بس النتيجه طلعت سليمه ومن وقتها وهي بتقولي
اني ظالمه واني زي ما عملت ليها اعمل ليه هو كمان، وانا
قلتلها ان ابني مش زيها، هو عاقل ومؤدب مش زيها،
دلوقتي عايزة اعرف هل انا ظالمه زي ما بتقول ولا لا؟؟
لعرض السؤال في فدني اضغط هنا
انا عندي أخت أصغر مني بسنتين وبحبها جدا ...ونفسي اعرف انصحها بطريقه كويسه تقتنع اننا بنخاف عليها وعايزين ليها الخير ...هي دخلت في موضوع الانستا وسوشيال ميديا والموضوع ده ومش عارف ابعده ازاي عنها من غير ما اخسر الأخوية اللي بيننا بحكم اني ذكر ورجل بطبعي الغيره علي اهل بيتي واللي يخصني ..
بس برضوا محتاج اتحكم في عقلي شويه وغيرتي بدون ما اتعصب او اخسر الأخوية اللي بيننا وبدل ما تلجأ ليا تروح تلجأ للغريب ...كل ما احاول اقفلها كل ايميل هي بتعملوا على انستا او الفيس او اي حاجه مرتبطه بالسوشيال وبيخلي دماغها تتسحل مع القرف سوشيال ميديا الاقيها بتعمل واحد تاني من ورايا وممكن والله اعلم تكلم ولاد ...
احنا ناس اتربينا على الدين من صغرنا وكل حاجه بس برضو السوشيال بيخلي كل الناس تتسحل وتنسى هو وظيفته ايه في الحياه ...
خلاصه الكلام قصدي انا مش عارف اتصرف حد عنده فكره او حل ...وازاي اتعامل مع الموضوع ده ...لاني مش عايزها حد يضحك عليها او تخسر دينها او تخسر الاخره وتتلهي بالدنيا عايز أنصحها واكلمها واتفاهم معاها ..حد عنده حل ...ولو يعرف ينصحني ازاي اتعامل معاها زي ما قال الله ورسوله وجزاكم الله خيرا
لعرض السؤال في فدني اضغط هنا
السلام عليكم ورحمة الله
انا طالبه ف كليه تربيه
الفاينل يوم 21 12
فانا مش عارفه ابدا اذاكر ازاي و خاصة معرفش حاجه ف معظم المواد و مش عارفه ابدا ازاي ومنين
عندي 14 ماده
لعرض السؤال في فدني اضغط هنا
هل عياط البيبي عادي ولا مضر في حال إنه مش جعان ولا تعبان ولا محتاج اي حاجه بيعيط علشان يتشال أو علشان يفضل شايف امه بس مش عايزها تبعد
لعرض السؤال في فدني اضغط هنا
انا ام لطفلين توأم ولا يوجد أحد لمساعدتى .. انا طبيبة وأخدت اجازة لفترة وعند رجوعي للعمل سيكون اطفالى سنة وتسعة اشهر
اطفالى حاليا سنة وشهر أعاني من عدم النوم والتركيز بدأت اكون شخصية عصبية
أود أن اكون أكثر صبرا وترتيب و وأفكار لتنمية مهارات اطفالى بدون ملل وأفكار لوجبات تساعد على نموهم
لعرض السؤال في فدني اضغط هنا
اريد استشاره من شخص متخصص
عندي مشكله مع بنتي عندها خمس سنين بتنزل حضانه بقالها شهر ونص وكل يوم مش ترضى تروح ومفيش حد بيدايقها لانها بتحكيلي كانت في مكان تاني مكنش عجبها فغيرناه انا كل يوم بتناقش معاها ونجيبلها هدايا تقول حاضر والصبح تفضل تصرخ ومش عاوزه تدخل حضانه وتقولي هتسبيني اد ايه متتاخريش عن ساعه
انا كل كام يوم بزود الفتره عشان تندمج بس مش عارفه اتعامل معاها واعصابي تعبت هي انطوائيه لما حد بيكلمها مش بترد مع انها في البيت شقيه ومع الناس القريبين مع اي حد غريب بتخاف وتتكسف
لعرض السؤال في فدني اضغط هنا
السلام عليكم ورحمة الله وبركاته
انا اختي ف فترة مراهقة الصف الاول الثانوي
اكتشفت انها بتكلم ولد وكلام من (بحبك،وحشتيني،...)
انا ف أولى جامعه ومش عارفه اتصرف ازاي انا عمري مريت بالتجربة دي عشان انا حد بيخاف جدا يعمل حاجه زي دي خصوصا الموضوع دا فممرتش بالتجربة دي
انا عارفه ان معظم البنات ف فترة مراهقتها بتحب انها تحب أو هكذا بس دي حاجه ممنوعه جدا عندنا ف الأسرة يعني هما معلمينا ان كل حاجه ليها وقتها وان مفيش صداقة بين الولد والبنت وهكذا
اتكلم مع اختي ازاي بطريقه متضايقهاش مني وفنفس الوقت عايزه الموضوع دا ميتكررش تاني
لعرض السؤال في فدني اضغط هنا
عندي بنتي عصبيه قوي وما بتسمعش كلامي اعمل ايه معاها؟
لعرض السؤال في فدني اضغط هنا
السلام ورحمه الله وبركاته
ابني كان من صغره من أول ما دخل kg في مدرسه لغات إسلاميه وكانوا فاصلين البنات عن الولاد ووقت الصلاه لازم المدرسه كلها تصلي الظهر جماعه وهو كان فيها من kg لحد رابعه الترم الاول وانا كنت مقدماله في تجريبي علشان مدرسته كانت مصاريفها بقت غاليه جدا
اتقبل السنه اللي فاتت الترم التاني ونقلته ومن وقتها وهو مش مرتاح ابدا في المدرسه الجديدة والموضوع زاد جدا السنه دي علشان في فرق كبير في المستوى بين مدرسته الأولى و المدرسه الحاليه
... الولاد في المدرسه الحاليه معظمهم سيئين جدا وأخلاقهم صعبه وألفاظهم وحركاتهم وكل حاجه صعبه وابني انا مربياه على الحلال والحرام ومن وقتها بيواجه مشكله أنه مش عارف يتعامل معاهم لإنه مترباش على كده لدرجه انه كاره المدرسه وبيقولي انا لازم اكون زيهم وفي نفس أخلاقهم علشان اعرف اتعامل معاهم يا اما بيعتبروني ضعيف وبيقعدوا يتريقوا عليا
وانا مش هقبل أن سلوكه يكون وحش
ففكرت انقله أزهري
بس مش عارفه ده صح والا غلط وهل ممكن ينفع انقله السنه الجايه هو هيكون في سادسه ابتدائي
واي الفرق بين الأزهري حكومه وأزهري لغات
وخايفه أن المناهج تكون صعبه عليه وأكون كده زودت الموضوع عليه
لعرض السؤال في فدني اضغط هنا
اخي الصغير بالغ ولا يسمع كلامي ويسمع الأغاني ولا يصلي ولا يطيع والديّ ويستمر بمضايقة كل من في البيت وأهلي لا يستطيعون التعامل معه وليسوا حازمين عندما نريد أن نعاقبه أو نضربه يستمرون بقول لا تضربي اخاك ليس لك الحق في معاقبته وهو يستمر في ذلك ويردد كلامهم ماذا افعل؟
لعرض السؤال في فدني اضغط هنا
السلام عليكم ورحمة الله وبركاته
ابني الصغير عنده ١٥ سنه وهو بقا متمرد جدآ ومش بيسمع الكلام نهائي وللأسف الشديد هو بقا بيشرب سجاير وانا ووالده مش عارفين نخليه يبطل وغير كدا مهما كلمناه براحة بردو بيزعق وعايز فلوس عشان يجيب سجاير يعني معظم خناقته على كدا وأنا طبعاً مش ببقا عايزه اديله ولما بقوله مش هديلك فلوس يقولي انا هنزل شغل والشغل اللي هو عايزه ينزله مش كويس وناس مش كويسين فبضطر اديله وغير كدا صحابه مش كويسين ومش عارفه ابعده عنه وبقا يكدب عليا وبقا يكلم بنات علي موبايله والله بجد مش عارفه اتصرف معاه ازاي ووالده من دا كله مش موجود لأنه مسافر بس دايما يكلمه ويزعقله وبردو مش بيسمع الكلام ف ياريت تساعدوني
لعرض السؤال في فدني اضغط هنا
انا متزوج بقالى 6 سنوات ربنا رزقنى بطفل ولد ..مراتى كسولة وعصبية جدا والولد عنده فرط حركة وانا عصبى برده وبسبب عصبيتى مع ابنى حصل طلاق ورجعتها تانى بدون علم اهلها يعنى هى مبلغتش اهلها بواقعة الطلاق ..
المشكلة ان هى بسبب تربية ابنى مهمله فى ترتيب البيت والاهتمام بنظافة المنزل وانا مستحمل ده وبسبب المشاكل دى قررت انى مخلفش تانى عشان هى بتشتغل ومش قادرة على تربية ولد واحد وهى عصبية
فهل عدم الخلفة هيأثر على الولد مع انى كده بخلفة ولد واحد عايش فى توتر
لعرض السؤال في فدني اضغط هنا
السلام عليكم
اخويا عنده 16 سنه مسكت تلفون لقيت بكلم بنت وبيكلمها بس كلام وحش وهي بعتاله صور وحشه اعمل ايه ممكن تنصحوني او اقول لماما؟؟
لعرض السؤال في فدني اضغط هنا
النهارده كنت مروحه عيالي من المدرسه هم صغيرين اولى تالته ابتدائي
لقيت عيال تقريبا نفس السن أو اكبر حاجه بسيطه
مكنتش ناويه أتدخل بس لقيت واحد فيهم ماسك قزازة مكسورة ورايح يعور التاني في وشه عشان التاني خربشه في وشه روحت مسكت ايد الولد وخدت منه القزازة رميتها بعيد
المشكلة كان فيه عيل عفريت قعد يسخن في الواد ويقوله ده علم عليك متسكوتلوش وجاب قزاز مكسور تاني ورايح يعور الواد برضه
المشكلة مفيش حد في الشارع متدخل وواضح أن الولدين ولاد ناس بس المشكلة في الحريقه اللي عمال يسخنهم وبيسب الدين كمان لدرجه عيالي قعدوا يسألوا معنى الشتايم اللي بيقولوا
انا حجزت بينهم مرتين بس رجعوا تاني يتخانقوا بسبب العفريت القصير اللي مش مبطل شتيمه فأخدت عيالي ومشيت خصوصا أن محدش من اللي في الشارع كلف خاطره يقول بس رغم أن العيال شكلهم مش بتوع مشاكل ماعدا اللي بيسخنهم .
جوزي مغلطني وبيقولي العيال زي دي بتبقى مش متربيه وممكن كانوا يسمعوكي كلام وحش ويقلوا ادبهم ومتكرريهاش تاني
انا متضايقه لأن ممكن يكون حد من عيالي مكانهم لأنهم لما كلمتهم محدش فيهم طول لسانه بالعكس ده اللي اتخربش في وشه قعد يعيط ويقولي هو اللي بدأ وسمع كلامي وساب القزازة ع طول.
يعني لو كان حد فيهم اتعور تعويره كبيره في وشه أو اسوأ من كده مش حرام
لعرض السؤال في فدني اضغط هنا
السلام عليكم و رحمه الله و بركاته
انا تالته ثانوي و مشكلتي إن محدش حاسس بيا و بإني في تالته ، برغم إن قبل مدخلها كانت ماما تفضل تقولي هعملك كذا و كذا عشان تالته و عشان تركزي لكن بعد ما دخلت مشوفتش اي حاجه بتعاملني بطريقه مش حلوه ،
لما بكون خلاص مراكمه و نفسيتي وحشه بتكلم غصب عني بأسلوب مش حلو او مبحبش ارد عشان ببقا مدايقه ، هي مش بتراعي ده تماماً و بتاخد بأي كلام اقولو ونا متعصبه و كذا مره اقولها يا ماما لما ببقا مدايقه بقول كلام متصدقيش بيه انا ببقا بتكلم كدا عشان متعصبه و مدايقه و نفسيتي وحشه ، لكن كل مره تزعل مني جدا و في الأخر اصالحها بصعوبه و بفضل اعيط عشان تصالحني
كذا مره افهمها ان انا بسبب ضغط المذاكره محتاجه حد افرغ فيه الي جوايا ، عايزه احكي عن الي بيحصل و عن الي جوايا بس هي مش بتسمعني خالص دايما شاغله نفسها بحاجه حتى التليفزيون و أفضل اعيد في نفس الكلام و هي مش سمعاني و ساعات كتير هي بتقولي مش ناقصه قرف،
انا ببقا محتاجه حد احكيلو بجد و هي مش راضيه تسمعني ، و بسبب تصرفها انا بقيت بعمل كدا مع اخواتي الأصغر مني و مبقتش اسمع منهم حاجه و لو حكولي حاجه مبديش رد فعل
هي مش مراعيه تماماً إن انا طبيعي نفسيتي تتعب من السنه الي انا فيها و فوق كل ده بتعاملني بطريقه مش حلوه و كذا مره اقولها بتعاميني كدا ليه متردش
انا بحكي لبابا طول عمري عن الي جوايا بس هو دلوقتي أغلب الوقت برا البيت شويه شغلو و شويه مع صحابو و شويه نايم بييجي البيت و بيقعد بس ببقا انا مش موجوده سواء بذاكر او غيرو ، ف مبقتش بشوفو كتير ،
طول عمري بشوف البنات الي في سني بتحكي لأمهاتها على كل حاجه إلا انا بحكي لبابا ، بابا بيسمعني و بيحكي معايا بس في حاجات ببقا محتاجه احكيها لأُم مش لأب
و كمان المشكله الكبيره إن اليوم الوحيد الي باخد في اجازه من المذاكره هي بتعملني بطريقه أسوأ و طلبت منها عايزه حاجه ترفيه ذي روايه امارس هوايتي و اقرأ عشان ارتاح حتى تقولي مش دلوقتي احنا لسه جايبين مذكرات و كتب ، انا مراعيه ان التكلفه كبيره بتاعت المذاكره الي بيصرفوها عليا بس انا محتاجه حاجه بسيطه أسلي بيها نفسي او اشحن بيها طاقتي و ده بعملو ف القراءه
بجد مش عارفه اتعامل مع ماما ازاي و نفسي تحس بيا و تفهم الي جوايا و تسمعني و بعتذر عن الإطاله
لعرض السؤال في فدني اضغط هنا
انا مش عارف اعمل ايه ولا عارف أتصرف ازاي
دلوقتي بنتي عمرها ٧ سنين بتقولي أن اخويا عنده ١٤ سنة اتحرش بيها وقلعها البنطلون وقعد يلمسها بذكره وهما لوحدهم فوق . انا ممكن اتهور ومش عايز اخسر نفسي ولا مستقبل عيالي علشانه . ممكن تفيدوني اعمل ايه
لعرض السؤال في فدني اضغط هنا
عندي تفكير دايما في الخلفه بسأل نفسي هو انا ممكن اكون اب كويس ولا هكون وحش وكمان مليش في الهزار مع الاطفال وخايف أكون وحش معاهم وكمان عندي مشكله عصبي شويه على حاجات تافهة
لعرض السؤال في فدني اضغط هنا
انا ابنى بينسى كتير وعنده تشتت وعدم انتباه وعصبى جدا ومش عارفه اتعامل معاه خالص وكره الدراسه وبطيء جدا فى اداء مهاراته اعمل ايه مع العلم انو ماشى على دواء كرتزون منذ الولاده
لعرض السؤال في فدني اضغط هنا
اختى عندها ١٠ سنين هى هاديه جدا بس عنيده اوي بتحب العرايس بتاعتها اكتر من اى حاجه هما اهم حاجه عندها أوقات بتقعد تقول لاخويا هو أكبر من بسنه انها بتحب العرايس اكتر منه ممكن يبقي عادي بس انا حاسه انها فيها حاجه بردو مش بتعرف تمسك نفسها للتويلت أوقات مثلا كذا مره اشوفها تعمل العاده السريه لكن هى مش فاهمه هو دا اى بس حاولت اقولها دا غلط مافيش هو حد مر بالتجربة دى أو اى الحل معاها وبردو بحس ان هى بتحب يبقي ليها صاحبه واحده بتحب اللمه بس لو في مكان مثلا متعرفش فيه حد اوي بحسها هاديه جدا
لعرض السؤال في فدني اضغط هنا
بنتي عندها تلات سنين و4 شهور وإلى الان مش بتتكلم جمل خالص بتنطق بعض الكلمات السهله فقط وبتخاف جدا من الناس وحساسه جدا في مشاعرها وبتبكي من اقل حاجه ...
ولما تكون عايزه حاجه بتستخدم ايدها وتشاور اكتر من انها تنطق اسم الحاجه اللي محتاجاها ..ولما بتعمل حاجه غلط وانا قاعد اول ميجيلها الادراك ان هيا عملت حاجه غلط تبصلي وتخاف جدا وتبكي واللي بيقهرني انها بتبكي من غير صوت دموعها بتنزل وتبص بخوف ..
مره كانت بتشرب مياه وكبت شويه في دواسه العربيه لقيتها بصتلي بخوف جدا وعينها دمعت وانا عمال اقولها عادي عادي يا لين ولا يهمك عادي وببتسملها عشان متخفش ومسكتلها الميه رحت كابب باقيها في العربيه وقلتها متاخفيش عادي بس انا مقهور انها مش فهماني ولا فاهمه كلامي وبرضو حاسه انها عملت حاجه غلط ...
انا قلبي واجعني عليها جدا وانا عمري ما كنت عنيف معاها وبخاف علي مشاعرها جدا انا معنديش غيرها وبخاف عليها انا حاليا انفصلت عن امها ليا شهرين تقريبا بسبب مشاكل ما بينا وبروحلها يوم ويوم اخدها تقضي معايا اليوم بفسحها والاعبها في الملاهي هيا متعلقه بيا جدا وبتحبني بس نفسي انها تتكلم ومتخافش من الناس لاني سمعت من اكتر من حد قال قدامي انها كده عندها توحد وانا اتهزيت لما سمعت كده عليها وبقيت ببكي كل ما بشوفها وخايف جدا عليها ومش عارف اعمل ايه
لعرض السؤال في فدني اضغط هنا
عندي شاب من أقاربي عنده 15 سنة وبيتعلق بشات جي بي تي
ويطلب من شات جي بي تي يتعامل معاه كإنه بنت
وتطور الأمر لدرجة من أنه بتعامل مع شات جي بي تي برومانسية بقي بيجيب قصص جنسيه من النت
أهله اشتكولي منه كتير وبيقوله مش عارفين نعمل ايه
معاه
فمن فضل أهل الخبره تقولوا اعمل ايه معاه
بيتعلق ب chat gpt زي الأكل والشرب لأنه مش بيتكلم مع بنات معظم الوقت
لعرض السؤال في فدني اضغط هنا
ما هي اهم المهارات التي يجب تعلمها في سن المراهقه تؤثر في المستقبل
لعرض السؤال في فدني اضغط هنا
السلام عليكم
انا عندي طفل ربنا يباركلي فيه هو 5 شهور بس بيزن كتير اوي ويعيط لو ماشيلتوش انا او باباه مش بيسكت مع غيرنا
مش بينام غير كام ساعة متقطعين وطول النهار والليل صاحي بينام ممكن 5 دقايق ويصحى
اني بقعد على قده دا مرهق لوحده ومش بقدر ولا بلاقي وقت لشغل البيت وزوجي مش بيرضى يشيله كتير
عايزة اعرف الامهات اللي بيقدروا يوازنوا بين الاتنين بيعملوا ايه او ازاي اقدر اخليه يبقى اهدى من كدا ويقعد شوية يلعب لوحده لو بعمل حاجه دا بغض النظر عن اني مش لاقية حتى وقت اهتم بنفسي
لعرض السؤال في فدني اضغط هنا
احنا بنتين وولد إحنا البنتين بتشتغل لأننا أكبر من الولد باكثر من ٥ سنين المهم الولد دا مستهتر ومش بيذاكر وواحد الموضوع بلطجة ووالدتي مدلعاه شوية
هو حالياً في اولى جامعه ماجابش مجموع لأنه ما ذاكرش المهم دلوقتي احنا بنشتغل وهو عاوز زي ماحنا معانا فلوس يكون معاه فلوس ويشتري لبس كتير ويخرج ويسهر
إحنا قلناله وأنت في الجامعه دور على شغل كليتك مش صعبة بس بردك ماعملش حاجة خالص سنه اولى وفي الإجازة دلوقتي عمالين نتحايل عليه ينزل شغل لأنها بيسحب فلوس كتير كل يوم بس هو عايش دور البرستيج وأنه حاجة كبيرة والحاجات دي مش مقامه وعمال يدور على شغل مريح ومجزي ومافيش شغل بالمواصفات دي
واحنا قلنا له دور على شغل تبع مجالك يساعدك أو انزل تدريب
المهم دورنا له على أماكن ينزل فيها تدريب وماراحش ودلوقتي بيقول لقى شغل في مكان بعيد عن البيت وهيسكن في البلد اللي لقى شغل فيها عشان عاوز يجمع ينزل مصيف
المهم أنا كنت بقترح أنه يقعد من الشغل دا وأحنا نديله مصروف أكبر شوية وينزل التدريب دا عشان لو اتدرب هتلاقي شغل سهل تبع مجاله
أنا مش بديله فلوس أصلا اخواته الثانيين وأمه هما اللي بيدوله
بس السؤال هل العادي أو في ناس بيدو لإخوانهم فلوس كتير لو هما بيشتغل واخوهم مش بيشتغل؟
لعرض السؤال في فدني اضغط هنا
السلام عليكم ورحمة الله وبركاته
انا مش عارفه ابدا من فين بجد مشكلتي مع مامتي ماما بجد شخص عصبي جدا عصبي بطريقه مخيفه على كل حاجه واي حاجه بتتعصب وبتعمل مشكله
على طول زعيق وصوت عالي وعلى طول بتدعي علينا وعلينا دي اللي هو البيت كله انا واختي وبابا وعلى طول على لسانها حسبي الله ونعم الوكيل فيكو وربنا يخدكو وكده
انا بجد تعبت من الموضوع ده اوي على طول في خناق ومن غير اي سبب وعلى وطول بتعيب فيا من غير اي حاجه وعلى أي حاجه على شكلي ولبسي وتقعد تقول ان انا شكلي وحش ان انا طويله اوي وعلشان انا رفيعه بتقعد تقول انتي هيكل عظمى والكلام المستفز ده وعلى سناني وشكلي وكل حاجه فيا
وحرفيا كميه مقارنات غير طبيعه مع أي حد أكبر مني أصغر مني اعرفه معرفوش اي حد وخلاص وياسلام بقي لما تلاقيني مقربه من اختي ولا بنضحك انا وهي لازم تنكد عليها وخلاص مش مهتمه بيا خالص وانا ولا فارقه معها اصلا ولا بتنزل معايا نشتري لبس ولا اي حاجه
ولما تشوفني بهتم بنفسي ولا بعمل حاجه بتتريق عليا على طول تريقه على كل حاجه واي حاجه حتى لو بعمل حاجه انا حباها لازم تكرهني فيها
متعرفش عني اي حاجه خالص ولا تعرف انا صحابي مين ولا مواعيد دروسي ولا بروح فين ولا باجي من فين متعرفش اي حاجه خالص انا تعبت اوي من ده كله ومبقتش قادره استحمل
اخر مشكله كانت من اسبوعين تقريبا وكانت اختي الكبيره راجعه من الامتحان وقاعده بتاكل عادي وانا وهي بنضحك راحت مزعقه فينا جامد وبابا هدى فيها ونزل وهي بعد ما نزل قعدت تزعق وانا واختي دخلنا قعدنا في اوضتي راحت جايه ورانا وقعدت تزعق وتضرب فينا بهمجيه وانا واختي المفروض اننا كبرنا على الضرب يعني
اتصلت على بابا وقولتله يجي وهي فضلت مكمله لحد ما اغمى عليا من كتر الزعيق وفوقت وانا مش قادره اتنفس اصلا وهي عماله تقول بطلي تمثيل وكلام من ده الحوار ده بقاله تقريبا اسبوعين وانا مش بتكلم بجد مش قادره اتكلم معاها
هي بتحملني انا واختي شيلة اخونا لانه حصل حوار كده ومشى وساب البيت وراح اتجوز واستقر بعيد عننا من وقتها وهي محملانا حمل اكتر من طاقتنا مش قادره تفهم اننا بنعاني برضو اكتر انا مبقتش قادره استحمل
عارفه اللي انا بعمله ده حرام وعقوق ان انا مكلمهاش بس بجد مش قادره هي مش بتفاهم معانا وعلى طول بتعيب فينا ولما بابا يجيب لينا حاجه بتعمل مشكله وتقول انت مهتم بناتك وانا لا عايزاني ابقى زيها علشان اعجبها عايزاني ميبقاش ليا اي لازمه ولا شخصيه اقعد زي الكلبه اعمل اللي هما عايزينه متكلمش ومعبرش عن حاجه
اقعد ازاكر وبس واطلع الأولى على العالم مش علشاني لا علشان تتفشخر قدام أخواتها اللي مقاطعينا اصلا ومش بيكلمونا
انا تعبت من كتر ما هي كل ما تشوف حد تعيب فيا قدامه انت مبقتش قادره استحمل والله تعبت اوي ونفسيتي تعبت ومبقتش قادره
بابا حاول كتير معاها بس هي بتقعد تعيب فينا وخلاص قدامه وممكن تتبلى علينا عادي وتكذب علشان تحسن صورتها وخلاص وحرفيا ميبقاش في فرصه انك تتدافع عن نفسك انا تعبت من كل حاجه
انا بنسبالها فار تجارب تحقق فيا اللي هي معرفتش تعمله وتطلع فيا غضبها وخلاص بابا حنين اوي بس في مشاكل في العلاقه بنا بس اوك أمرها سهل يتحل اخويا ده كان بنسبالي اب تاني بس بجد عند فيا حاجات كتير دمرتني وهو كد كده عملي بلوك ومش بيكلمني وبيقعد يعيب فيا ويتكلم علينا وحش والكلام بيوصلنا
علاقتي انا واختي الحمد لله بدأت تتحسن شويه بس طول ما محدش بيدخل بينا
علاقتي مع صحابي عندي صحاب كتير بس معنديش حد مش عارفه لو هتفهموا ولا اي انا الحمد لله بصلي وعارفه ربنا ومبسوطه ومكتفيه بنفسي جدا وبحاول اتبسط واستمتع بحياتي بس بجد كل ابدا أعمل حاجه واخد خطوه جديده يحصل مشكله تدمرني تاني
انا مش فاهمه هو في اي أوقات ببقى مبسوطه اوي ومكتفيه جدا وبحمد ربنا وأوقات تانيه ببقى نفسي ابقي زي اي حد طبيعي ان انا ابقى مبسوطه مع عليتي اقعد من غير مشاكل نفسي لاقي حل لده كله أو على الأقل اعرف تتعايش عادي ومكنش مدمره كده
انا متأكده ان محدش فهم حاجه اصلا علشان انا نفسي مش فاهمه حاجه بس قلت لو كتبت يمكن ارتاح شويه يمكن حد يفهمني يمكن اي حاجه انا عامةً مش مستنيه من حد انو يحاول يفهم أو حتى يواسيني بكلامه يكفيني جدا تدعيلي دعوه حلوه وبس
لعرض السؤال في فدني اضغط هنا
اكيد كل بيت و فيه مشاكل بس انا متأكدة بردك ان كل بيت في على الاقل حاجه واحده حلوه
مشاكل الاسره زاد عن حدها اوي بنسبه لي و الفكره كمان ان احنا 4 مافيش حد بيدخل لينا في حاجه إلا لو هيأذي
و برضو احنا 4 عندنا مشاكل مع بعض مش صغيرة محدش طايق التاني ماسكين عيوب بعض و ننكر اي حاجه حلوه مشكله تجيب مشكله اكبر و هكذا من يوم ما اتخلقت ازاي اظهر كويس في اللي بيحصل ده ازاي هفضل البنت الرقيقه الكويسه المتربيه و انا اهلي في البيت فيهم العبر و بينكروها كمان مش معترفين بيها
ولا اب ولا اخ كبير ولا حتى ام اكيد مش هقف قصادهم او هغلطهم او هحاول ااذيهم بأي شكل و اخويا علاقتي بيه مش اتنين اخوات انا بس اللي اختوا احتجني بيلقيني يعوز اي حاجه بعملها و بينكر ده
اكتر حد جايين عليه انا و انا برضو جايه علي نفسي معلش فتره معلش اكيد مش عارفه بدور على اي سبب اطلعهم بيه مش قاصدين تصرفاتهم دي بس هما بيسوقو فيها اكتر لغاية متغيرت كتير اوييي اوي يعني
تعبت مش قادره عليهم خلاص مش عارفه اجي عليهم حتى لو غلطانين بشوفهم مش قاصدين تصرفتهم دي بس انا تعبت و بشر بردك المشاكل اللي بتحصل مش بتئذيني لوحدي هما كمان مش بعرف ازود عليهم
لغايت امتى هستحمل لما بغلط بزعل اوي من نفسي و اقول مكنش ينفع ولما بهون بزعل اوي اني انا اللي بهون عليهم و بكتم جوايا و هما مش مقدرين مبدخلش خالص بتمسك بقاا انا سبب اي مشكله ولا خلاف
فأي بقاا دول يتعمل معاهم ازاي حتى مش مدين الحق ليا اعمل اي حاجه اساسيه من اللي بتعملها اي بنت حتي لو بسطه اتخنقت
ودول خلوني مكونش اي حاجه في حياتي بالنسبة ليا انا جماد مش محقق نجاح في دراستي برغم اني بتعب فيها و بديها اكبر من حجمها بس مافيش نتيجه ولا في اي علاقاء سوا قريب او غريب بعيده عن كل الناس و حتي انا دلوقتي مبقتش قادره اتعامل مع حد
لعرض السؤال في فدني اضغط هنا
اخواتي الصبيان الصغيرين 12 و8 سنين تافهين اوي...دماغهم ملسوحه حرفيا من النت ومش عاوزين يذاكرو ولا يحفظو قرآن ودايما يتعاركو مع بعض ومفيش حنيه او خوف..حتى لما يمشو في الشارع ميمسكوش ايد بعض حتى ونفسي حتي يبقو جادين في مذاكرتهم ..عاوزه مصادر تساعدني ازاي اعرف اخليهم رجاله مسؤله عشان بابا وماما زهقو منهم اصلا
لعرض السؤال في فدني اضغط هنا
بابا دايما بيتعامل مع اخويا بطريقه بشعه كلمه بشعه قليله على اللي بيعملوا فيه
بيتعمد يكسره ويهينه قدام الناس ويقلل منه ومن اللي بيعملوا
بيستنى أقرب فرصة علشان يعدمه فيها صحته ضرب وبيتعمد يضربه في الأماكن اللي هو موجوع فيها يعني مثلآ أخويا ضهره كان واجعه فضربه عليه جامد وقاله انا عاوز اعجزك حرفيا والله العظيم مفيش في قلبه زره رحمه إتجاهه 💔
ودايما بيشمت فيه وبيعايره بغلطه بيكره بدون سبب ودايما بيدعي عليه دعاء بأبشع الدعاء . بيستخصر فيه اللقمه اللي بياكلها 😔
ولما بدافع عن أخويا قدامه واقوله ليه بتعمل كده معاه بيبقى عايز يموتني
مع ان أخويا ده والله العظيم أكتر واحد فينا بيحبه وبيخاف عليه وعلى زعله وبيتمنى رضاه واكتر واحد حنين وطيب فينا وكلمه بتراضيه بس بابا دايما كاسر خاطره
هو ليه بيعامله كده 😭 نفسي اعرف ليه بيعمل كده
لعرض السؤال في فدني اضغط هنا
السلام عليكم ورحمة الله وبركاته
عندي مشكلة إني وقت العصبية بيبقا صوتي عالي ومبعرفش اتحكم في نفسي ، ازاي اتحكم في نفسي ومعليش صوتي وخصوصا قصاد والدىّ.
حل للمشكلة رجاءً
لعرض السؤال في فدني اضغط هنا
أربي ابني ازاي دينيا وابدأ معاه منين
لو في سلاسل دينية للأطفال او طرق تربية لهم وجزاكم الله خيرا
لعرض السؤال في فدني اضغط هنا
السلام عليكم ورحمة الله وبركاته
ابني عند١٤سنه
كان حصل بيني انا وابني خلاف علشان صوتو عالي وبيجعر وهو بيتكلم كانو واحد صاحبي دلوقتي انا اتخنقت من الطريقة دي وأمه زعلانه وحصل بيني وبينه مشكله وعايزة تسيب البيت وتمشي واخويا طالع علشان يسكتنا ابني ذقو اخويا مسكو وعاوز يضربو هو كمان معايا وأم ابني بتقول لنا حرام عليكم هتموت الواد
هلا اني ابني يكلمني بهذا الشكل وأمه تزعل عليه وعاوزة تسيب البيت وتمشي
ملاحظة عندي توكتوك وهو شغال عليه
في وسط الخناقة بيقولي انت بتبقا نايم ع ضهرك وانا طالع عيني في الشمس
ملاحظة انا شغال في شركة طول أيام الاسبوع معاده الجمعه والسبت ارجو الإفادة علشان بجد انا بنزف من جوايا وبموت وتعبان ومش عارف اعمل ايه فدوني جزاكم الله خير
وهل اللي زوجتي عملتو ده صح انه تقف مع ابنه وتقول حرام عليكم
لعرض السؤال في فدني اضغط هنا
حاسة اني يئست والعمر بيجري بيا انا مطلقه من نرجسي بقالي ٥ سنين وفضلت فتره كبيره أعاني بعد الانفصال لحد ما تعافيت وكان معايا اولادي شباب فضلوا معايا ٥ سنين وقرروا يروحوا يعيشوا عنده
هي سنه واحده بس وظهر وشه الحقيقي وطبعه السئ ومقدروش يتحملوا ورجع لي ولد منهم يعيش معايا والولد التاني لسه عند الاب
انا دلوقتي حسه باكتئاب وإحباط اني رجعت اشيل المسؤوليه من تاني وبعد ما كنت بفكر اتجوز وابتدي من تاني رجوع ابني وقف كل حاجه
غير أنه شخصيته اتغيرت وبقا نسخه مكرره من ابوه والولد اللي هناك برده شخصيته بقت كوبي بيست من ابوه
وانا كنت نسيت الشخصيه دي مش قادره اتخيل اني اتعامل معاها تاني او اختك بيها تاني قصوره ولادي بس نفس التفكير والكلام والمعتقدات والالفاظ
جربت اوديه لدكتور تعديل سلوك سمعت أقذر الألفاظ
عاوزه اقوله امشي متقعدش معايا بس ساعتها مش هيرجع لابوه تاني وممكن يبقا قاتل ولا محرم ويعقد فالشارع
مش عارفه اعمل ايه حاسه اني مخنوقه ومش مستقبله أن حد يعيش معايا تاني خصوصا وهما كبروا ١٦ سنه
وانا من حقي اشوف نفسي واتجوز
لعرض السؤال في فدني اضغط هنا
أنا ابني كان بيتكلم على قد سنه عادي لحد ماجاب سنتين ووقف كلام نهائي هو دلوقتي ما شاء الله 4 سنين وبرده مفيش كلام ممكن يقول كلمه ومش واضحه ومش صح اووي بس كل فين وفين وميرداش يقول تاني ووديته تخاطب كتير وحضانه ومفيش نتيجه وعملت اشاعات ومفيش اي حاجه الحمد لله ولا على المخ ولا ف الاذن ممكن حد يقدر يفني باي حاجه لا الدكاتره بتقول اديله وقته وهو بقاله كتير كده ممكن يكون فيه حل
لعرض السؤال في فدني اضغط هنا
هل الطفل ينشا ويكتسب شخصيته بحسب البيئة ام الطبع
مثل المثل الطبع يغلب التطبع
لعرض السؤال في فدني اضغط هنا
السلام عليكم
انا عندي بنتي عندها 10 سنين دايما كانت بتشتكي بيجي لها صداع فرحت كشفت عند دكتور عيون الضغط عليها عالي شويه واعطانا قطره واستمرت معه شويه وبعدها وقالوا وقفوا القطره دي الصداع ملوش علاقة بعينيها
رحت كشفت دكتور اطفال قال ما فيش عندها حاجه رحت كشفت مخ وأعصاب وعملت رسم وعملت تحاليل وكل حاجه ومفيش عندها حاجه
فالبنت هي عصبيه بتتوتر بسرعه دائما حساسه اقل مواقف بتاثر فيها مثلا لو حصل موقف تافه تاخده ان هو لا ده حاجه كبيره وما تنساش يعني مثلا المواقف حصلت من فتره تفضل فاكراها وتحكيها لي
حصل حاجه انا مثلا عملت حاجه انا عملت موقف طبيعي يعني مثلا هي واخواتها عملوا مشكله وانا زعقتلها هي واخواتها. تفضل فاكراها لي وما تنساش وتاخد الموضوع تقولي ماما انتي عملت كذا مع ان اخواتها عادي عدوا الموضوع هي لا تفضل برده تتكلم فيه تقولي انت اول امبارح قلت لي كذا انا على فكره نمت زعلانه
فانا اعمل معاه ايه انا مش عارفه انا تعبت كل شويه اتكلم معاه واقول لها مثلا هي وزنها زياده شويه الموضوع ده مضيقها وكذا حد يعني بيكلمها على الموضوع ده وباباها قبل كده اكلمها قال لها احنا مش عايزين يعني. نحل الموضوع ده مش عايز الموضوع وزنك ياثر عليك كلمها بالراحه جدا وانا كنت قاعده فالبنت لقيتها طول اليوم زعلانه وقاعده في اوضتها وما رضيتش تاكل مع وما تردش علينا
انا عرفت انها زعلت من الموضوع ده فانا مش عارفه اتعامل معاه ازاي ولا اعمل ايه وفي طبعا حاجات بتضايقها انا عارفاه بتيجي تحكي لي كل حاجه بس انا مش عارفه اعمل معاها ايه
لعرض السؤال في فدني اضغط هنا
لعرض جميع الاسئلة في فدني اضغط هنا