السلام عليكم
اخويا عنده 16 سنه مسكت تلفون لقيت بكلم بنت وبيكمها بس كلام وحش وهي بعتاله صور وحشه اعمل ايه ممكن تنصحوني او اقول لماما؟؟
أولا انك تمسكي التليفون من غير اذنه ده يعتبر خطأ بس لو لقيتي حاجة غلط الاول ابتدي انك تتكلمي معاه بطريقة هادية وتنصحيه بضرر الفعل نفسه وتبني علاقة ثقة بينك وبينه الاول علشان يحس بالامان معاكي
تم النشر الأربعاء، ١٥ أكتوبر ٢٠٢٥
و عليكم السلام و رحمه الله و بركاته ،، قولي لوالدتك أو والدك و خاصةً لو والدك من النوع الي مش بينفعل بسرعه ف انصحك تقوليله هو عشان هو كراجل فاهم اكتر و عارف إبنه بيحس ب ايه و عارف بردو ازاي هينصحه ، و خليهم يكلموه ب هدوء و يفهموه الصح و إن بنات الناس مش لعبه و إن واجب عليه غض البصر خليهم يفهموه الدين و عقوبه الي بيعمل كدا في الأخره ، جربوا تقنعوه يروح يحفظ قرآن ده ممكن يُهذبه ، و لو اخوكي شخص عنيد و ممكن يكابر لو حد كلمو بهدوء ف اتعاملو ب عنف لإن الي بيعملوا مش شيئ هين ، لازم يتعاقب عليه أو يفهم الصح من الغلط بشكل هادي ، كل ده بيتوقف على شخصيه اخوكي و طريقه تقبله للنصيحة ، بلاش أنتِ تتفاوضي معاه ولا حتى يبان انك انتِ الي قولتي لحد على الي بيعملو ، ده ممكن يخليه يبقا حريص تجاهك بزياده ساعتها لو رجع يعمل كدا تاني مش هتعرفي لإنه هيبقا واخد موقف منك قبلها
تم النشر السبت، ١١ أكتوبر ٢٠٢٥
وعليكم السلام ورحمة الله وبركاته، أختي العزيزة، أولًا أشكرك على صدقك وحرصك على أخوك، وهذا دليل على حبك ورغبتك في حمايته. تعاملت مع موقف حساس جدًا، وسأحاول أساعدك بنصائح عملية ومحترمة تتناسب مع ظروفكم: الهدوء وعدم الانفعال : حاولي تتعاملي مع أخوك بهدوء بعيد عن الغضب أو الاتهامات المباشرة، لأنه ممكن يتسبب في انغلاقه أو رفض الحديث معك. حوار صريح ومحترم : في وقت مناسب وخصوصي، افتحي معه حديث بهدوء عن هذا الموضوع، اسأليه عن مشاعره ولماذا يتحدث مع هذه الفتاة، وما مدى فهمه للمخاطر والمشاكل التي قد تتسبب فيها الأمور دي. توعية دينية وأخلاقية : ذكريه بالقيم الإسلامية والعادات الطيبة، وأن هذا النوع من المحادثات والصور قد يعرضه لمواقف محرجة أو حتى لحالات نفسية صعبة مستقبلاً، وضرورة حفظ النفس والحياء. التحدث مع الأم؟ هذا قرار يحتاج حكمة، فإذا كنتِ تشعرين بأن أخوك لا يستجيب للنصح أو الموضوع قد يتطور لخطر أكبر، من الأفضل أن تخبري أمك أو ولي الأمر بطريقة هادئة وغير متسرعة من أجل حمايته. وضع حدود واضحة : احرصي على توضيح حدود التعامل مع الآخرين وخاصة في سن المراهقة، الذي يحتاج فيه الشاب إلى توجيه ورعاية. فتح قنوات إيجابية : شجعيه على الانخراط في أنشطة مفيدة وهوايات تساعده على التعبير عن نفسه بطريقة صحية ومفيدة. أختي، إذا شعرتِ أن الموضوع أكبر أو يحتاج متابعة خاصة نفسيًا أو اجتماعيًا، يمكنكِ دائماً الاستعانة بخبراء في التنمية الأسرية أو علماء دين حتى يساعدوه على فهم الأمور بطريقة أفضل. وأخيرًا، لا تنسي أن الحب والرعاية والصبر هم مفتاح التقرب لأخوك في هذه المرحلة الحساسة. لو تحتاجي مساعدة أكثر أو حضور استشارة تحدد مشكلته بدقة، يمكنكِ زيارة صفحة الخبراء في فدني https://www.fedni.net/experts أنا هنا أي وقت تحتاجي نصيحة أو دعم. ولا تترددي أن تكتبي لي. أتمنى لكِ ولأخوكِ كل الخير والسلامة!
تم النشر السبت، ١١ أكتوبر ٢٠٢٥
اتكلمى معاه وانصحيه اكبد دا هيفرق معاه
تم النشر السبت، ١١ أكتوبر ٢٠٢٥
انتي اللي عملتية غلط وغلط جدا جدا جدا كمان ، اخوكي بالعكس لو عرف كدة هيبدا يضايق منك ومش بعيد يكرهك كمان لانة لسة في سن المراهقة وبادي السن دة الافضل تقربي منة حاولي تكوني صحبتة وابعتيلة مقاطع لشيوخ وهكذا لكن انك تقولي لحد من أهلك بابا أو ماما اوعي وانتي اوعي تفاتحية في موضوع
تم النشر السبت، ١١ أكتوبر ٢٠٢٥
اتكلمي معاه وقوليلي ان ده غلط
تم النشر السبت، ١١ أكتوبر ٢٠٢٥
ولازم نفرق بين حالتين الاولى ان المدمن هو جشع وعايز يبتلع كل حاجة حواليه والثانية ان المدمن هو طبيعي يكون عنده احتياج انه يكون قريب من شخص تاني فلما فقد الاحتياج ده في الواقع لجأ لأنه يعوضه عن طريق القرب الجنسي الشديد والعياذ بالله .. فكلا الحالتين موجودين فلازم تحددي هو شخصيته مين فيهم بالضبط
تم النشر الثلاثاء، ١٤ أكتوبر ٢٠٢٥
اول حاجة ادعي له بالهداية .. ثاني حاجة لازم تهتمي لنفسك لانك هتتعاملي مع شخص مدمن فالموضوع فيه تعب يعني مش كل تصرفاته هتكون مفهومة .. زي مثلا هيتقلب مزاجه فجأة أو يتعصب وممكن يتلفظ عليكي مثلا .. ده مش معناه انه شخص بشع ولكن أغلب البشر كده ولكن وجب التنبيه .... لو هو طيب بطبعه ومش خبيث فصارحيه ولكن مش تحسسيه انك بتنقذيه أو انك بتعالجيه او انه صايع ضايع ولاكن حسسيه ان ده حاجة غلط والأفضل تعدلها والإحترام موجود برغم الحاجة دي ويكون التركيز الاكبر على الخطوات العملية زي الصلاة والرياضة وحظر البنت ... طبيعي يكون في زلات وانتكاسات كثير .. .. اما لو كان خبيث فقولي لوالدك او والدتك انه يحصل منع حازم للتلفون عنه ...
تم النشر الثلاثاء، ١٤ أكتوبر ٢٠٢٥
خدى التلفون منه
تم النشر الأحد، ١٢ أكتوبر ٢٠٢٥
لعرض السؤال في فدني اضغط هنا