ايه انسب رد ع حد ف عيلتك قاصد يهينيك ... يعني أنا عندي اخت متجوزة و بحس انها دايما قاصدة تهينني قصاد جوزها و عيلته يعني كل ما اقول انا بعمل حاجه معينة تقول بعدها ع طول أن في طفلة ف عيلة جوزها بتعمل نفس الكلام و كل تصرفاتي تصدرها لطفلة عندهم حتي اخت جوزها بتعمل نفس الكلام و تدي لبنتها الطفلة اي حلويات تيجي تديهاني وتقولي انا شيلالهالك وتقولها برضه قدامي اسلكي ف ديه كلمة متتقالش لطفلة و اصلا انا مليش كلام مع اخت جوزها مش بشوفها غير كل سنة مرة و بتخنق ف اليوم اللي بشوفها فيه بسبب كلامها وتلقيحاتها اللي مضايقني هي اختي ليه بتتقصد تقول كده قدامهم وامي من كتر ما اختي بتقول كده هي كمان بقت تضايقني بكلمة طفلة ف انسب رد فعل ارده عليهم ايه يخليهم ميكرروهاش تاني ؟؟؟ @Psy-a'laa M. Abdulhamid
لعرض السؤال في فدني اضغط هنا
ازاي اقدر اعدى مشكله اذتني جامد لدرجة اني دخلت في اكتئاب حاد وقلق لدرجة كل يوم كنت بعيط من غير سبب خوف خوف خوف وكل ده كان بسبب تصرف غلط مني لو كنت مش ضعيف لدرجة أنها خلتني عماله اشتكي ولكل ال حواليا لدرجة اني نزلت ده علشان عاوزه اتكلم ليه بقيت كده رغم اني كنت عمري ما اتخيل اني اوصل لمرحله زي دي او اغلط وازعل ربنا مني الموضوع معقد بجد انا عاوزه إفاده بحكي من الباب ده
مش مستحمله اي كلمه سيئه اي حاجه ال مفيهاش غير تدمير لنفسيتي
انا عاوزه احكي كل تفصيله علشان اخد رد يساعدني مع أفكاري وحزني و مش عارفه اكتب ازاي بسبب اني من سنه كنت بدرب على لغه فا اتكلم مع اجانب واتعرف على ثقافات وكان حاجه جديده ليا لاني مش متعوده
كنت الفتره دي زهقانه جدا ومحبطه ال لو عملت حاجه تبسطني هتحسن أو جديده
كلمت ولد ومن بلد تانيه و وكنت متحمسه اجنبي وحاجه مكنتش عارفه اني اقدر اتكلم لغه جديده مع حد اجنبي
بعد كده لقيته عرض عليا مشاعره وخطته وأنه مش يقصد أنه يكون صديق لا يتقدم ويخلص كليته سنه ويشتغل بعد كده انا بمنطقي صدقت لاني كنت بسمع حاجات زي كده حصلت وكان عندي تأنيب ضمير في نفس الوقت اني انا بعمل حاجه عمري ما كنت اتخيل اعملها ويغضب ربنا لكن المكان جوه دماغي هو بيقول هيتقدم مش بتصاحبي التفكير ده ال كانت بقوله
اهلي اذاوني بوصف وحاجات بشعه واكبر حد امي ال عمري ما كنت اتخيل ده هي بتتعامل وقالتهالي أنها احسن ودينا تتكلم أنها حاجه واحنا حاجه اذتني نفسياً بشكل بشع ياريت تكون واصله يارب
وانا مش فاهمه البيت كان جحيم والشخص ده كان بيقل تفاعله معايا وانا كنت لوحدي تماما وامي كانت بتعايرني وتقولي انتي يعني هدخليني الجنه لما اقول عاوزه اموت واروح لربنا تقولي انتي يعني مستعده
ولما اتكلم من تعبي النفسي تفضل تتريق وتقوم الدنيا عليا حرفيا تفضل تتكلم عليا مع اخواتي وتجرأهم عليا وتهددني كل ما تشوفني انا كرهاها وانا نفسيتي تعبانه بشكل سيئ وانا كلامي معاها بيئذيني بتتجرأ عليا بالاهانه والتقليل ديما ضغط ضغط
بس انا مش عارفه اسأل اي انا مش عارفه اعيش لدرجة اني نفسي يختفوا أو انا اختفي من حياتهم معندهمش رحمه أو تفهم أو يسمعوا لا انتي وانتي وأحكام وظنون وتقليل واهانه بيتعاملوا معايا كأني انسانه بلا كرامه وإحساس دول ال عايشه معاهم
لعرض السؤال في فدني اضغط هنا
انا بنت عندي ٣٢ سنه للأسف تعبت من الوحده و من الضغط النفسي اللي انا فيه زهقت حرفيا من اهلي بجد اخواتي ولدين أصغر مني و خاطبين انا مش في اهتمام حد واحد قرب يتجوز و مسافر بره مصر و أمي ماسكه تحضير شقته و عايزاني معاها في كل حاجه طب انا مالي
في حين انا مليش صحاب لما أقولها تعالي اخرجي معايا تقولي اصلي تعبانه و كلام من ده طب اشمعنا محدش حاسس بيا مليش غير ربنا حتى يوم ما حبيت شخص طلع قذر
تعبت من كل حاجه في الدنيا بجد و مليش حد غير ربنا نفسي أعيش حياه طبيعيه يكون ليا زوج و عندي طفل
تبص للبنات و تلاقي بنات ضايعين و متجوزين طب اشمعنا انا تعبت من الوحده بقيت بخرج لوحدي بتصعب عليا نفسي اعيش و ارجع و احسن بخنقه على طول حاسه ان في حد خانق رقبتي تعبت من كل حاجه مليش حد بجد
معلش على الإزعاج دي مجرد فضفضه
ضيفوا على كده ابويا شخصيه سيئه و صعب جدا بكرهه بجد بصحى كل يوم مفزوعه على صوته ممكن من الكلام أبان مختله بس انا تعبت كل يوم بليل عياط قريبه من ربنا و بسعى اني اقرب بس تعبت من كل حاجه محدش حاسس بيا و بمثل اني كويسه بقى شكلي كئيب عبوس تعبت بجد أنا عارفه اني عندي اكتئاب بمثل قدام الناس اني كويسه بس تعبت
لعرض السؤال في فدني اضغط هنا
@Psy-a'laa M. Abdulhamidانا من فترة من كنت بحب واحد عارفة أن العلاقة الي أولها مترضيش ربنا آخرها مش هترضيني هو حاول عشان والمهم اهلي عرفوا وخلوناا نبعد بس ردة فعلهم كانت غريبة اويي اذوني اويي اويي ونا مش عارفة أو مش هينفع اشرح الي عملوه فيا بس انا كرهتهم او مبقتش حاسة بحاجة بقوا بنسبالي ناس عادية يعني حد فيهم تعبان فرحان زعلان اي حاجة مبحسش بحاجة ناحيتهم ومش عارفة اعمل ايي
لعرض السؤال في فدني اضغط هنا
السلام عليكم
انا متجوزه ونا عندي 17سنه معي طفلين 4 سنين وي 2سنتين
أنا الموضوع كان مش كويس مع جوزي و بعد سنه مين جوازنا بدأ في خناقات وشتايم وضرب واتجه للشرب و بيشتم شتايم مش كويسه
وكل شويه اغضب في بيت اهلي وارجع تاني عشان ان أهلي منفصلين بس بيت بابا فاضي باجي اقعد فيه و قبل كده رفع السكينه على ابني الصغير و يقول هدبحوا انت حلينا غضبنا وعند أهلي و كلوا زهق انه يدخل بسبب انه مبيحترمش حد و بيشتم أهله و مش بيحترم حد و بيشتم باباه بشايم مش حلوه براضوا
أنا بقالي ٣ سنين كده في مشاكل حاولت اصلح كتير و مفيش تغير حالنا هو واخد عيالي و مش راضي يديني عيالي وأنا عاوزه اطلق وخايفه من المجتمع وانا عايشة في ارياف أنا عاوزه اطاق وكلوا بيقولي استحملي وعيشي
انا حاليا عندي 23 سنه جالي تعب في عضمي باكل في العضم و كبرت من كتر الاهانه اي القرار اني اخدوه علشان مترددة
لعرض السؤال في فدني اضغط هنا
بفكر بالانتحار وحسمت الأمر بسبب اهلي بس خايفه من ربي وحرفيا انا في كلا الحالات هتاذي مش عارفه أعمل إيه
لعرض السؤال في فدني اضغط هنا
السلام عليكم
انا اهلي عاوزيني اتجوز إبن عمي هما مش بيجبروني لكن ده حلمهم وحلم جدي الله يرحمه انا البنت الوحيده معنديش اخوات واهلي خايفين عليا ومش عاوزيني اتجوز من بره عاوزيني اتجوز من العيله عشان يكونو متطمنين عليا واكون جمبهم
هو بيحبني وبيهتم بيا بس انا مش بحس ناحيته بأي حاجه بالنسبالي شخص مهم في حياتي بس عمري ما فكرت ف يوم من الأيام انو هيكون خطيبي ونتجوز وكده
كنت دائما افكر في اني هتجوز واحد غريب ف انا مش عارفه اعمل ايه ومش عاوزه ازعل اهلي عشان لو رفضت هيكون في زعل ومشاكل وف نفس الوقت مش عاوزه آجي على نفسي اي الحل
لعرض السؤال في فدني اضغط هنا
اريد ان أسأل عن طفلة كانت تشاهد شاب امريكي يقبل الفتيات في شوارع امريكا هل كانت تفهم ما هذا حقا هل طفلة تدرك ما هذا الذي كانت تفعله ؟!
لعرض السؤال في فدني اضغط هنا
سلامٌ عليكم
مجرد فضفضه بس ولو فيه نصيحه فدا معروف كبير جدا ليا
حاسه اني شايله مسؤوليه فوق طاقتي اوي
انا اولي دراسات اصول دين
حابه اتفوق فيها واعمل دراسات عليا فيما بعد وانا نفسي اتفوق جدا فيها واجيب امتياز وارتب
بس عندي مشكله دايما في النقطه دي ان دايما بحاول ومش بلاقي ف خايفه المره دي كمان يحصل نفس السيناريو مع ان كنت كل مره اكون محسنه الظن بالله حاليا انا حاسه ان مسيئه الظن في نفسي اصلا
تاني حاجه انا اهلي علي قدهم المهم انا من قرية أساسا وساكنه جمب كليتي بالظبط مفيش اي مواصله والسكن في وش الجامعه ف انا قابلني شغل بالصدفه بعيد عن الكليه بخمس دقايق بركبله مواصله يعني شوفته لما كنت في مسجد وعديت علي مكتبه اطبع ورق واتكلمت مع البنوته اللي فيه وصاحب المكتبه وفعلا كانو عاوزين شغل وانا قولتلها هكلم أهلي والمرتب جميل جدا يعني والشيفت مسائي من 3 ل 11 بعد كليتي علطول المهم كلمت اهلي بابايا دايما طريقته معايا عصبيه وخناق وشتيمه ف قالي متشتغليش ومتعمليش واياكي تنزلي وانا مدفعتش مصاريف الكتب والكتب كمان بشوف مع بنات من تانيه وجيبت اربعه ولسه فيه باقي كتب تانيه دا غير مصاريفي ومصاريف الكليه وعندي كيس زلالي عاوزه اعمل افاده من الكليه واعمل الجراحه بتاعته ولازمه فلوس ومامتي بتشجعني بس تشجيع لامبالاه يعني
تالت حاجه انا كان متقدملي عريس وقعدت معاه في الرؤية الشرعيه بس هو مش متدين لكن هو حد محترم وطيب لكن انا واحده منتقبه ومتدينه وعاوزه حد متدين بابايا مش متدين فقالي انتي طفشتيه الراجل محترم اي عيبه قولتله عاوزه حد متدين قالي نجيبهولك منين قولتله ربنا هيجيبهولي ف خايفه فيما بعد يجبرني اتجوز اي حد خصوصا انا اولي ولسه عندي اهدافي الخاصه ومش ناويه اتجوز ولا اتخطب دلوقتي وحرفيا كل حاجه ضاغطه عليا بحاول واجتهد بقالي كم فتره بصحي الساعه 4 واكمل للصبح وانزل الكليه واكمل يومي وارجع تاني اصحي قبل الفجر وكنت بصحي البنات اللي هنا يصلو بس بقالي يومين بصحي وبحس ان جسمي متكسر ومش قادره اقوم ومنزلتش الكليه. انهارده فقولت هنزل المسجد حسيت ان مش قادره اقعد فيه ولا احفظ فطلعت وانا طالعه عديت علي المكتبه دي حسيت ان فيه حكمه من ان مصحاش ومنزلش الكليه بس برضو دي حاجه بتدايقني لما مصحاش واصلي واكمل يومي دا لوحده انجاز بالنسبالي
رابع حاجه البنات اللي معايا في السكن هما محترمين ومش بيعملو مشاكل وكل حد في حاله بس مش بيذاكرو قد كدا وانا بطبيعتي بتأثر باللي حواليا عندي طموح كبير اوي ومش عارفه احققه ولو حتي مسكنتش واخدتها مواصلات ف هنا مستحيل احقق اي حاجه. كويسه في حياتي لأن مواصلات دا غير ان بيتي بيئة غير مهيئة للنجاح اصلا وغير عاوزه اتعلم. مهارات كتير وانا مش مستعجله بس اللي مدايقني اني مش لاقيه وقت اصلا لكل دا
انا اهاا بفضفض بس حقيقي نفسي في دعوه ونصيحه ربنا يجازيكو كل الخير يارب ويقر أعينكم بالفرحه
لعرض السؤال في فدني اضغط هنا
سلام عليكم،
انا بحاول التزم واقرب من ربنا أكتر، و كانت في نيتي ألبس الخمار بعد ما اخلص جامعة واتخرج عشان مجتمع الجامعة صعب وكان مش مشجع نهائي
حاليا اتخرجت الحمدلله واتخطبت قبل ما اتخرج، و من كام يوم اتكلمت مع خطيبي في اني عايزة آخد الخطوة دي، و لقيت رده إنه مش موافق وأنه جه خطبني وأنا بشكلي الحالي مش وأنا لابسة الخمار، وإني صغيرة و جسمي صغير و هيبقا شكله وحش اوي عليا ومش هيعرف يمشي معايا به لو رايحين مناسبة أو قدام أهله،
قالي إن لبسي للطرحة كويس و لبسي واسع فملهوش لازمة، قولتله دي خطوة اقرب بيها لربنا و إن ده اللبس الصح للحجاب، قالي مش موافق أعمل كده و إني براحتي و إن مش كل حاجة لازم يقولي عليها آه، قولتله يمكن انت مش واخد بالك انت بتقول ايه ومش مفكر في موضوع كويس فكر كويس و رد عليا، قالي إن ده رأيه وإني حرة بس هو مش موافق، قالي ممكن بدل البنطلون تلبسي جيبة و بس كده و طرحتك
كويسة مش بتبين الرقبة ولا الشعر و لبسك واسع
وقبل الخطوبة كنا مختلفيين بسبب الاغاني، قولتله مش عايزة اشغل اغاني، وافقني بعدها لما سمع لعيلته صمم على الأغاني و قالي شكلنا هيبقى وحش والناس هتيجي تعمل ايه لو مفيش اغاني! قولتله بدون موسيقى اعترضت بردو عشان اهله مكنوش موافقين، وانا كنت مانعة تماما اسمع اغاني و ربنا هداني وكنت مبنشرش اي حاجة فيها موسيقى لحد موضوع الخطوبة ده و رجعت تاني للأسف لأني كنت بختار الاغاني الي هتشتغل في الخطوبة غير أنه بيبعتلي اغاني عشان أسمعها و ياخد رأيي فيها
حاولت ابعتله بودكاست و قرآن كتير بس معتقدش بيسمعهم اصلا، هو كويس و في صفات كتير حلوة بس في اختلاف كبير بينا في النقطة دي، هل ممكن اغير فكره؟ و ازاي اتناقش معاه في الأمر؟ وممكن يكون مش واخد باله من الي بيعمله ومحتاج أرشده؟
وانا اصلا اخواتي بنات و ماما منتقبات وكان في اول التعارف مستغرب من موضوع وبيسألني ليه؟ اصل الي بيعملوا كده بيبقوا فائقات جمال بس ومامته بردو كانت تقولي نفس الكلام
لعرض السؤال في فدني اضغط هنا
السلام عليكم ورحمة الله وبركاته
#سؤال لاهل الخبرة والتجارب ارجو الرد فقد احترت في أمري
انا شاب تقدمت لخطبة فتاة منذ ما يقارب سنة ونصف
وذكرت لها أن لن استطيع أن اجيب لها مثل اختها الكبيرة التي تزوجت لأنه جاء لها ذهب وقائمة كتبت بمبلغ كبير و١٠٠ جرام ذهب واتفقت معها على ذلك وهي قالت (انا مليش دعوة بأخواتي )
وبعدين تقدمت طلبوا فوق طاقتي مثل اخوانهم بل أرادوا اني اشتري الحاجات التي تشتريها العروسة وفقا للعرف الاجهزة الكهربائية وهم يجيبوا حاجة المطبخ
ثم قلت لهم اني أستشير اهلي وارد وبعد يومين كلمت البنت قولتلها بصي اهلك طلبوا زي اختك وانا إمكانياتي ١ و ٢ و٣ قالتلي رد غريب طبيعي يطلبوا زي اخواتي قولتلها انتي قولت كذا وكذا قالت انا بالنسبة ليا مش فارق معايا اللي هياجي بس أهلي حقهم يأمنوا بنتهم
بعدين قولتله خلاص هكلمك والدك واقولها إمكانياتي كذا قالت لأ متكلموش
وبعد أسبوع والدها مات
استمرت تتكلم معايا وانا فضلت معاها قرابة سنة ونص بعد كدة بس موعدتهاش بالزواج ولا حاجة تاني كان نوع من أنواع الدعم ليها وكدة في الفترة دي
المهم كانت بتقولي بحبك وبتاع وبعدين كان ليها ابن عم هي مكلمتوش اصلا ولا مرة في حياتها بس أهلها كانوا بيقولوا وهم صغيرين فلانة هتتجوز فلان
الواد دا خطب لمدة تلت سنين ومن اسبوع كلم البنت دي وقالها انا بفسخ وبحبك وبتاع هي قالت له أن في مشاكل وكدة وأنهم آذوهم كتير المهم البنت كلمت امها وقالت لها حصل كذا وانا بحب ابن عمي امها زعقتلها لأن بينهم مشاكل كبيرة جدا وهم معتزلين العيلة دي من زمان ومفيش بينهم كلام نهائي ولا بين البنت وبن عمها
المهم انها شتكتها والبنت عملت بلوك لابن عنها
وكانت بتلومني قاتله انت مش بتحبني لو بتحبني كنت زماني لابسة دبلتك وانت محاولتش تاني عشاني وانت وانت وانا رديت بس مردتش ارد ردود صعبة ولكن ردود هادئة احتراما ليها ومشاعرها
واحترام للظروف اللي مرت وبتمر بيها ساعتان كتير تقول بحبك واكتر من مرة تقولي خليك كدة لحد ما فجأة تلاقيني اكتب كتابي
فأنا مش فاهم اي دا هل في مشاعر من ناحيتها ليا ولا مفيش وانا مش قادر اقبل انها بتحب حد تاني حتى لو علاقتهم مستحيلة بسبب مشاكل كبيرة جدا وآذى كتير (سحر) وكدة ومش عارف اخد قرار ياريت نصيحة يا جماعة بالله عليكم .
لعرض السؤال في فدني اضغط هنا
لي الاهل بتظلم لي بيميزو حد عن حد
لعرض السؤال في فدني اضغط هنا
ازيكو يارب تكونو ف احسن حال
انا مش قادره انسي اي حاجه امي عملتها معايا او فيا دلوقت بتحاول تصلح كل اللي فات بس عدي كتير اوي انا بقيت ٢١ سنه جايه تفتكر تصلح علاقتي بيها بعد عمر وبعد م الفاتوره كبرت اوي يجي حد يقولي مهما كان دي امك يسيدي علي راسي بس انا بقا عندي عقد الدنيا وتروما من كل حاجه طاقتي خلصت من ٣ سنين قطعت كل حاجه بيني وبين اي حد مابخرجش مابعملش اي حاجه ولا حتي بنزل جامعتي كنت اكتر شخص بيحب الهزار ومصاحب الناس كلها دلوقت ولا حتي عايزه اخرج بره اوضتي محتاجه ارجع تاني لحياتي وشغفي وكل حاجه كانت؟؟
لعرض السؤال في فدني اضغط هنا
السلام عليكم ورحمه الله وبركاته
انا في سنه اولى جامعه وابويا متعلق بالمال انا بطلب منه مصاريف حتى يعني بتكون متوسطه مش اللي هي الباهظه قوي ولا قليله المتوسط يعني طريقه تعامله معايا بتكون جافه جدا جدا وبيحسسني ان انا باخد حاجه يعني المفروض ان انا ما اخدهاش مع اني والله مش بصرف الحاجات دي في التمتع ولا الكلام ده خالص
انا لما باخد فلوس ببقى اخدها عشان احتياجات مثلا دراسه او احتياجات عاديه مش نوع من انواع الرفاهيه خالص وبابا يعني معاه فلوس كثير ولكن انا عارفه ان التعلق ده سببه فقر شديد في الطفوله فانا عارفه ده وعاذراه
بس أنا بحس بإحساس سيئ أوي لما بيعاملني كده ببقا نفسي يكون زي أي أب بيدي لبنته بحب ٠
لعرض السؤال في فدني اضغط هنا
انا عند ى عقدة من وانا طفلة اهلى دايما كانوا يتخانقوا وابى كان بيضربنى ضرب مبرح هو اي نعم مضربنيش كتير وانا صغيرة بس كف واحد كان بيكسر وجهى كلة المشكلة ان انا دلوقتى عندى ١٦ سنة والمشاكل بردوا مستمرة وبردوا بضرب واتهان والمشكلة الأكبر ان اخويا كل يوم تقريبا بيضربنى ضرب جامد اوى لدرجة انى انكسرت كذا مرة فى جسدى ودا مخلينى بتوتر اوى دلوقت لما اشوف ولاد وبقيت بخاف منهم وبترعب وبتهيقلى انهم هيضربونى ازاى اتعافى من الصدمة دى واحاول اهدى شوية وانا بعامل الولاد عامة يعنى ومترعبش زى مبترعب
دلوقتى
لعرض السؤال في فدني اضغط هنا
_أنا بنت وهي بنت خالتي وكنا قريبين من بعض جدًا لدرجة إننا كنا شبه أخوات، وكل أسراري وتفاصيل حياتي كانت معاها وكنت واثقة فيها ثقة عمياء. أكتر من أربع سنين وأنا بستحمل وأعدي حاجات كتير عشان أحافظ على علاقتنا، ولما المشاكل بينا زادت طلبت منها ناخد بريك ونهدى شوية عشان نرجع أحسن من الأول، مش عشان أنهي علاقتنا. لكن من وقتها بدأت تعاملني بطريقة وجعتني جدًا، وفضلت السنتين دول شايلة في قلبي ومستحملة، لحد ما في الآخر هي اللي سابتني، وده كسرني لأني حسيت إني أنا اللي اتساب بعد كل السنين اللي حاولت فيها أحافظ عليها. بعدها خالتي اتدخلت وقالت لنا إننا أخوات ومينفعش نبعد، فرجعنا، لكن أنا مكنتش زي الأول. خلال الفترة دي اكتشفت حاجات كتير كانت بتكتبها وتقولها عني، وحاجات في تصرفاتها خلتني أشوف جانب منها عمري ما تخيلت وجوده. اتصدمت إني كنت حاطة كل أسراري وثقتي في إنسانة اكتشفت إني معرفهاش زي ما كنت فاكرة، وحسيت كأني كنت غريبة عن واحدة كنت بعتبرها أختي. عشان كده أنا دلوقتي اخترت البعد، مش كرهًا فيها ولا رغبة في الانتقام، وهي هتفضل بنت خالتي وهحترمها، لكن مقدرتش أكمل نفس العلاقة وأنا من جوايا مكسورة ومش مرتاحة. وسؤالي بجد: هل أنا عملت الصح لما اخترت البعد بعد كل اللي حصل؟ وهل أنا كده بوقع بين العيلتين وبسبب مشكلة أكبر، ولا من حقي أحافظ على صلة العيلة وفي نفس الوقت أحط حدود مع شخص مبقتش قادرة أثق فيه؟
لعرض السؤال في فدني اضغط هنا
السلام عليكم
انا كنت بكلم شخص واهلي عرفوا الموضوع واتعاقبت منعوا التلفون 6 شهور تقريبا غير الاحساس بالذنب الي كنت حاساه لدرجه اوقات كنت بفكر في الانتحار بس بيمنعني خوفي من ربنا وخوفي علي ماما ولغايه الان انا مش عارفه انسى الشخص الي كنت بحبه
عدى على الموضوع ده سنه واكتر الحمد الله اهلي سامحوني بس لسه في قله ثقه مع اني والله عمري ما كنت من اللي بكلم شباب او حتى مجرد نظره بس للاسف انا ضعفت وحبيته
المهم الي واجعني اختي اصغر مني بسنتين للاسف هي شايفه اني امي بتفضلني عنها او بتغير مني فاي نقاش بينا تقول لماما خليها تنفعك بتاعت الولد والتليفونات وماما تزعق فيها وهي على ابسط الامور ترجع تكرر الموضوع لدرجه إني والله كنت بفضل ابكي لغايه لما يغمى عليا او انام مش عارفه والله وبسبب الموضوع ده انا بقيت اتجنبها خااالص لدرجه انا مبقتش اكلمها اصلااا انا تعبت نفسيا ومش عارفه اعمل ايه بجد تعبت والله 💔
لعرض السؤال في فدني اضغط هنا
انا من اكتر من 8 سنين يعني من سعت ما بابا اتوفي وانا كان عندي تقريباً 10 سنين وانا بعاني من مشاكل مع امي واختي الصغيرة حالياً انا داخلة في 18 سنة وادركت ان مافيش حل خالص معاهم كل ماجي اتكلم معاهم يقلبوا الترابيزة عليا و يطلعوني غلط وفيا عيوب الدنيا
ف ادركت ان مافيش اي حل معاهم ومافيش فايدة في الكلام اطلاقاً
بس الموضوع اثر بالسلب عليا انا
بقيت عايزة اهتمام من اي حد وحرفياً زي مابكون بتعلق بقاشية وده سبب ان يجيلي تروما من معظم البشر بسبب كتر الخذلان اللي اتعرضت ليه
وبسبب طريقة امي معايا من سنين طويلة جداً بقيت بلاقي راحتي في الانعزال و البعد عن البشر كلهم
لدرجة ان الموضوع ده مش بس أثر علي نفسيتي انما بردو علي صحتي الجسدية
لعرض السؤال في فدني اضغط هنا
السلام عليكم ورحمة الله وبركاته
أنا فتاة اتممت الـ 21 من عمري وانا مطلقه الان بعد زواج دام لـ 5 شهور والزواج تم بعد خطوبه 5 شهور كذلك
وبعد طلاقي لما اعد كما كنت، تلك الفتاة اللتي تزوجت بعمر الـ 19.
مر على طلاقي سنه ولم يتغير شيء بالنسبة لي نزلت اشتغلت حتى لا استسلم لعقلي وافكاري وظننت انني سأنجو هكذا ولكن لما يتغير شيء
عايزة أكمل جامعه ولكن والدي اعترض وقال ان مفيش جامعه وكدا كويس
الايام ثقيلة على قلبي بشكل لا يحتمل أسأل اللّٰه ان يجعله اخف.
كيف اكمل وارجع الشغف لروحي؟
كيف اقنع والدي انِ اكمل دراسه؟
وكيف أتخطى تلك التجربه التي اخذت مني روحي؟
لعرض السؤال في فدني اضغط هنا
بابا وماما عايزين ادخل طب وانا مش عارفة انا هعرف ادخلها ولا لأ وانا اصلا مش عايزة ادخلها بسببهم كرهتها بجد اخر مرة بابا قالي لو مدخلتيهاش هدمرك ومش هصرف عليكي قال كدا بجد انا مش مزودة حاجة من عندي قال هدمرك انا مليش طموح في حاجة لأن انا اصلا مش مسموح لي افكر في اي حاجة تانية يعني لما كنت بروح اقول لماما مثلا اني عايزة اكون مهندسة برمجة أو ادخل الالسن كانو بيتهمومي بالفشل واني عشان مش هقدر اجيب الطب هدخل كلية تانية هما لدرجة اني كرهت اي حاجه كان نفسي فيها بيصروفوا عليا وكل حاجة بس انا مش مرتاحة وخايفة من الي هيحصل لومجبتش طب أولو جبتها هعمل ايه وانا مش بحبها
لعرض السؤال في فدني اضغط هنا
والدي مسافر منذ نحو عشر سنوات للعمل خارج البلاد، وقد تركني في مصر عندما كنت في الحادية عشرة من عمري، وأنا الآن في الحادية والعشرين. علاقتي بوالدي جيدة، وهو يحبني ويحب أسرتنا، وأنا أعلم أن ظروف العمل هي التي أجبرته على البقاء بعيدًا عنا، وليس لأنه لا يريد أن يكون معنا.
خلال هذه السنوات كان تواصله معي هاتفيًا فقط، تقريبًا مرة واحدة في الأسبوع، وكان يعود إلى مصر في إجازة مرة كل سنتين تقريبًا، وتكون إجازته قصيرة جدًا، غالبًا أقل من شهر.
مع مرور الوقت، اضطررت إلى الاعتماد على نفسي في كثير من الأمور التي كنت أتمنى أن يكون والدي موجودًا بجانبي فيها. مررت بمواقف وظروف صعبة، واجتزت مراحل التعليم المختلفة دون وجوده إلى جانبي بشكل فعلي، كما تحملت مسؤوليات تجاه والدتي وإخوتي في سن مبكرة.
أشعر أن كل ذلك جعلني أتأقلم تدريجيًا مع فكرة أنني لا أملك أبًا حاضرًا في حياتي اليومية، بل أصبحت أحيانًا أشعر وكأنني أنا المسؤول عن إخوتي، وكأنني ألعب دور الأب بالنسبة لهم.
المشكلة التي أشعر بها الآن هي أن مشاعري تجاه والدي أصبحت ضعيفة أو جافة من الناحية العاطفية. لا أشعر تجاهه بالحب أو الخوف أو الاهتمام بنفس الدرجة التي أشعر بها تجاه والدتي. والدتي عشت معها طوال حياتي، وأشعر بقرب شديد منها؛ أحب الجلوس معها والحديث إليها، وأخاف عليها وأهتم بها بشكل كبير. أما والدي، فبسبب غيابه عن حياتي لمدة عشر سنوات، أشعر أنني أصبحت بعيدًا عنه عاطفيًا رغم احترامي الشديد له وعدم إساءتي إليه أو التقليل منه بأي شكل.
أنا لا ألوم والدي، وأدرك أن ظروفه هي التي دفعته إلى الغياب، كما أنني أعلم أنه يحبني. لكنني أشعر بالذنب بسبب ضعف مشاعري تجاهه، وكأنني شخص عاق أو جاحد، مع أنني لا أتعمد ذلك ولا أستطيع التحكم في مشاعري.
سؤالي:
هل من الطبيعي أن يحدث هذا النوع من الفتور أو الجفاف العاطفي تجاه الأب نتيجة الغياب الطويل وعدم وجود علاقة يومية معه؟ وهل يعني ضعف مشاعري تجاه والدي أنني لا أحبه أو أن هناك مشكلة في شخصيتي أو في علاقتي به؟ وكيف يمكنني التعامل مع هذا الشعور بالذنب، وهل يمكن إعادة بناء القرب العاطفي بيننا بعد كل هذه السنوات؟
لعرض السؤال في فدني اضغط هنا
أنا مطلقه وعندي طفل وضعي مع اهلي جدا سيئ من بعد طلاقي صار كل شي فوق راسي واخوي ما يسوي شي واعطي ابوي شهريا ٤٠٠ ريال ومن كثر الضغط فكرت ارجع ل طليقي بس مو عرفه ابي ارتاح
لعرض السؤال في فدني اضغط هنا
مساء الخير
عايزه احكي معاكو في حاجه مضايقاني اوي وبحكيها من قلبي بتعملو اي لما تشوف كل الي حواليكو بيقللو منكو دايما متشاف قليل من أهل صحاب من كل مكان
لدرجه كرهت التعامل مع الناس وكرهت كلام اهلك
وكأني بتعاقب ع ذنبي مش بايدي اني ضعيفه وغلبانه وع نياتي أو طيبه قلبي واني حساسه ومعنديش شخصيه
مرة حد قالي انتي لقطه في الزمن ده ورقه بيضه وسط كل دول ودي حقيقه مش بقول كده عشان ابقى ضحيه بس انا فعلا كده هاديه خالص ومبعرفش اتعامل ولا اتكلم
مبقتش قادره اتحمل ضغط أن كل ال حواليا بيقللو مني وشاييفني قليله كده
في كلمه اختي قالتلهالي لما اجيب ولادي هخليكي هزوء هتبقي هزوء بالنسابلهم هي اكبر مني
انا حاسه اني تعبت اوي ويمكن معاهم حق انا فعلا مبعرفش اعمل اي حاجه بس أنا نفسي اتغير نفسي اثبت لنفسي واثبتلهم اني مش كده بس بالأفعال
وارجوكم ي جماعه محدش يكلمني من ناحيه الدين وتقولولي جربتي تروحي لربنا
لعرض السؤال في فدني اضغط هنا
السلام عليكم انا بنت عندي 19 سنه
انا بابا وماما منفصلين من وانا لسه بيبي وبابا من وانا صغيره بيعاملني معامله سيئه جدا وبيضربني على طول على اي سبب حتى لو ميستاهلش ومكنش بيرضى يخليني ازور اي حد من قرايبنا
كنت محتاجه احس بالأمان مره عرف اني شفت ماما وضربني جالي صدمه نفسيه وعصبيه وقعدت فتره كبيره متكلمش ودخلني مصحه نفسيه
كنت بتعامل اوحش معامله بجد ومش جديد عليا طول حياتي كده وهو كان بيعالجني مش عشان خايف عليا لا عشان خايف من انو يتحبس قعدت سنه في المصحه وبعدها على طول يهددني بيها اني لو حكيت اي حاجه لحد هفضل في المصحه طول عمري
وانا مكنتش هحكي مش عشان خايفه منو عشان ده والدي مع انو عمري ماشفت منو لحظه بس حنيه لكن خايفه من ربنا ومش عارفه أساساً اعمل اي واي اللي المفروض يتعمل
المهم بعدها اتقدملي شاب وكان مناسب جدا وكويس وبابا ساعتها وافق وقال اخيرا هخلص منك وكنت فرحانه جدا عشان هبعد عنو وبدأ يبقي كويس شويه معايا حصل في مره موقف وكنت اول مره اتجرأ وارد عليه ساعتها بعدها تاني يوم فسخ خطوبتي وكلمو بطريقه وحشه جدا سيئه
و فكرت كتير اكلم حد من قرايبنا في السر لكن هما مش هيعملو اي حاجه هيسمعو بس وماما مش في ايدها حاجه وغلطه عمرها انها اتجوزت بابا وفكرت كتير ابعت على اي ابليكيشن بس هو ممكن يعرف هنا هو مش هيعرف حاجه عشان ابليكيشن غريب وبمسح كل حاجه بعملها على الموبايل عشان بيمسكه ويفتش فيه
لو حد يقدر يساعدني اعمل اي معنديش اي مكان اروحه وهل في حل ولا هفضل طول عمري كده
لعرض السؤال في فدني اضغط هنا
انا عندي ١٧ سنه وماما عندها ٦٢ سنه وبابا مش عايش معانا من زمان فماما هيا اللي شايله الضغط كللو دايما وفعلا مقدره انها بتتعب اوي وبتطلع ضغطها ده عليا كتير وبحاول استحمل وعمري ما سيبتها زعلانه حتى لو مغلطش واختي بردو كانت عايشه معانا فالحمل كان بيتقسم علينا كلنا ..
المهم انا في ٣ ث وعدى اكترمن شهرين وبجد حاسه بضغط كبير اوي كل يوم وحاسه بضغط اني بضغط على اهلي في المصاريف وانا بجد بقالي فتره نفسي ارفه عن نفسي واقعد مع صحابي شويه مش هيحصل حاجه
فالنهارده وانا راجعه من الدرس كلمت ماما قولتلها هقعد مع صاحبتي شويه قالتلي ماشي نص ساعه بس وارجعي وانا كنت عايزه اطول فاتحايلت عليها شويه مرضيتش فبعد ما روحت كل اللي قولتو اني زعلانه منها عشان مخلتنيش اقعد شويه كمان واني مضغوطه الفتره اللي فاتت
مره واحده زعقت جامد جدا وفضلت تقوللي انا غلطانه اني رضيتلك على حاجه اصلا انا كان مفروض ارفضلك كل طلباتك عشان ترتاحي وتريحيني ومش هترتاحي غير لما اموت وفضلت تزعق تزعق جامد وماما اصلا ضغطها بيعلى من غير حاجه
ففضلت تقوللي انتي السبب وهتموتيني بسبب الضغط العالي فقولتلها ان مامة صاحبتها كلمتنا وقالتلنا نقعد سوا نرفه شويه عن نفسنا زعقتلي اكتر وضربتني وبجد اول مره في حياتي ماما تضربني تقريبا والموضوع اثر فيا اوي وبجد انا عملت ايه ؟
قولتلها اني زعلانه بس مش اكتر ليه وجد انا بقالي ٣ سنين مشوفتش ماما متعصبه العصبيه دي كلها ومكمان اختي هتسافر قريب فهبقا لوحدي معاها ومش عارفه هتعامل معاها ازاي بعد كده ...
انا مقدره انها كبيره في السن ومش قادره تستحمل اي ضغط بس انا بردو ليا احتياجاتي وليا طلباتي ليه كل طلب بسيط بيبقا تقيل على قلبيها اوي كده وتقلب الموضوع حوار كبييير وتحسسني بالذنب وتكرهني في عيشتي
انا بجد تعبت من كتر ما بتزعقلي وكل مره بروح اعتذر حتى لو غلطانه بس انا بجد المره دي مش قادره مش قادره اعتذر لها لاني بجد مغلطش في حاجه ده غير اني طالع عين امي من غير حاجه ومش ناقصه فليه ..
حد يقوللي بجد اتعامل معاها ازاي عشان الفتره الجايه هتعامل معاها اكتر ومحتاجه حل للموضوع ده
لعرض السؤال في فدني اضغط هنا
انا احب ابن خاله امي واريد الزواج منه ولكن اكتشفت ان والدة امي ارضعته وهو صغير فيقولون أنه اصبح خالي بالرضاعه، هل يجوز الزواج منه ام انه غير محلل لي؟
لعرض السؤال في فدني اضغط هنا
السلام عليكم ورحمة الله وبركاته
ارجو نصيحة نتعامل ازاي مع الموقف ده ام زوجي بتمد أيدها للناس وتشحت وتشتغل فالبيوت وبتلم خردة من الق*أمة أعزكم الله مش محتاجة ولها معاش وزوجي مكفيها وبتاكل من اللي بناكل منه ومش بنطلب منها شيئ للعلم عندها اولاد غير زوجي ولكن سابولها المحافظة كلها ومشوا بسبب أفعالها وكل ما تطلع الشارع لو ٥ أفراد قالولها تعالي كلي بتروح تاكل مع أن بتكون لسه واكله معانا والناس كلت وشنا وماشية بملابس مقطعة مع اني جبتلها كتير تركنهم ومش بترضا تلبسهم هي عاقلة يا جماعة عاقلة هي بتعمل كده بإرادتها من سنين واولادها اطفال وللاسف أولادها بقوا رجالة وبرضوا مش راضية تبطل
ارجو تفيدوني نعمل ايه زوجي بيقولها بطلي كده بتقوله بصرف علي نفسي وهي مش بتجيب قشاية حرفياً والآخر بتطلع تلطم وتصوت ،مستحيل مستحيل توافق تروح لدكتور نفسي
لعرض السؤال في فدني اضغط هنا
السلام عليكم
انا و انا صغيره ماما كانت تعبانه لمده سنه لان كان فيه المفروض عمليه و حصل مشكله بسبب الدكتور تقريبا ده طبعا كان فيه إهمال من الباقي و ده كان غصب عنهم اكيد بس كان فيه ناس معينه كانت ديما بتكلمني بقرف و تزعق لي بشكل مش طبيعي و نظره مقرفه و كلام بيجرح و اكييد ده كان بأذني نفسيا
و يعتبر كنت دخلت في حالة اكتئاب في الفتره دي و ماثر اكتر علشان كنت البنت المدلعه عند العيله كلها مع ان هم ملهمش حكم عليا خاالص المشكله ان انا كنت بشوفهم كل يوم ده لمده سنه فاهمين كمية الاذي
و المشكله ان الموضوع ده و انا كنت في سته ابتدائي و انا دلوقتي اولى ثانوي يعني اربع سنين و لحد دلوقتي مش عارفه اتخطى و بفتكره علي طول و اوقات بقعد اعيط و مش عارفه اتخطى ده ازاي
لعرض السؤال في فدني اضغط هنا
كنت بتكلم مع والدي أن حد اتبلي عليا اني حرامية ومعرفش يثبت ده ف لقيت أمي كانت نائمة وسمعتنا ف بعدها بشوية لقيتها جاية تقولي انتي معاكي كام خاتم دهب .. وفين خاتمي الدهب مش فاكرة راح فين ف قولتلها بعتيه قالتلي لا مش فاكرة افتكري معايا... حسيت انها بتتهمني بالسرقة و مش قادره اكلمها عادي من ساعتها قولت اواجهها قدام بابا واقولها لقيت خاتمك الدهب ولا لسة و احكيله الكلام اللي هي قالتهولي و هو نايم و لا احكيله كلامه بعيد عنها من غير ما هي تسمع ؟؟؟ لاني حرفياً متضايقة اوي
لعرض السؤال في فدني اضغط هنا
انا لدي مشكله أنني أعاني في اعوجاج في ظهري وصرت أتعالج منه تسع شهور حتى الآن أتعالج منه بشيء يدعى حزام العمود الفقري
حقا أنه يؤلم جدا لكنني خائفه من المستقبل أن بعد كل هذا لا يتم شفائي وفي النهايه أفعل العمليه المشكله ان عائلتي حقا تزيدني ضغطا فوق الضغط عندما اشتكي أو اتكلم يضحكوا على أوجاعي لأنهم لم يجربوها قط
وايضا أنا من النوع الذي لا يستطيع كتم مشاعره مثلا ابكي غير قاصده فيضحكوا علي أنني ابكي وغير كل هذا امي
امي هذه حقا المعنى الحرفي لتزيدني حمل فوق الحمل طوال الوقت تزعق في تضربني وتحبطني وتقول أنني فاشله انتي لن تنجحي وانتي وانتي وانتي وهكذا
وتريد أن تسيطر علي بالكامل مع انها لا تفعل هكذا مع اخوتي وانا اكره ذالك فعندما اعترض أو شيء تجعلني أكره اليوم الذي جئت فيه عندما اعترض ولا أحد يشعر بما يشعر لأنني من النوع الذي يضحك أمام الناس لكنه من الداخل منهار حقا لا أعرف ماذا افعل
لعرض السؤال في فدني اضغط هنا
انا مامتي بتعاملني وحش جدا علطول بتزعق وتمد ايدها وبتحب اخويا الكبير اكتر مني هي عنيفه اوي وسببتلي انها خلتني أخسر والدي انهم اصلا منفصلين بقالهم كتير وانا تعبت وقعت ما بيني وبينه وبين مراته واخواتي وخليتهم يكرهوني انا عندي ٢٥ وجوز ماما قالي امشي من البيت واروح اشتغل وهو هيتكفل بمصاريفي ف الاول
لعرض السؤال في فدني اضغط هنا
السلام عليكم
انا عندي 18سنه ومعنديش اصحاب خالص معرفش ليه حظي في الاصحاب وحش غير كدا انا دلوقتي أهلي كل ما حد يجي يتقدم لي اكبر مني بي 13سنه يوافقو انا كرهت موضوع الجواز بسببهم والله حد يقولي اعمل اي دا غير المعامله وحشه اوي وبالذات
بابا نفسي اكمل تعليمي بس بابا مش مساعدني فكرت كتير اشتغل بس كان بيضربني فيها حد يقولي اعمل اي؟
لعرض السؤال في فدني اضغط هنا
انا ولد عندي 16 سنه بعاني من عنف أسري من ابويا بابا راجل نرجسي عنيف مبيطلعش نفسه غلطان بيقولي ألفاظ وحشه ويشتمني بالأم قدام امي
ويقول انتوا السبب
أمه خرابة بيوت دائما بياخذ الثقه منها تقوله طلق مراتك يحاول يطفش ماما علشان ميكونش عندها حقوق
بسبب الضرب و الشتيمه جسمي بقى في وضع الاستعداد دائما بقيت بخاف اي حد يقربلي أو يكلمني
طبقت نوبات الغضب ده في الكتابه
كتبت روايات عن شخصيات بتعاني زي
وانا مصاب باضطراب ADHD بيخليني اقعد افكر كتير في تفكير سلبي
عاوز بس حل ازاي اخلي جسمي يفرق بين الشارع وبين البيت
وازاي اعالج الصدمه دي ؟
شكرا ❤️❤️ @Psy-a'laa M. Abdulhamid
لعرض السؤال في فدني اضغط هنا
انا عندي واحده قريبتي تبقى بنت عمتي واحنا صغيرين كنا قريبين جدا من بعض هيا معندهاش اخوات فكانت دائما معايا وكده وكنت بروح عندهم كتير كنا زي الاخوات بظبط بس كانت ساعات بتقلب وتتخانق معايا تشوف اي حاجه فيا أو اي حاجه عملتها وتعايرني بيها
مثلا اكون سمعت كلامها ف حاجه تمسكهالي وتفضل تقولي انتي دلدوله ومعندكيش شخصيه وبتمشي ورايا وخلاص وتفضل وازعل مع اني اكبر منها بسنتين بس كأنها هي الكبيره مش انا وهكذا تبقى كويسه وتقلب فجأه
ولما كبرنا مبقتش تكلمني عاوزاني انا اللي اكلمها الاول وتعمل حاجات غريبه يعني مره المفروض هيا اللي جايه عليا هيا اللي تسلم لا فضلت واقفه بعيد عشان انا اللي اعدي وانا اللي أسلم ومره في تجمع عائلي جيت اسلم عليها وحتى موقفتش وكسفتني وقالت لي قدامهم مبحبش اسلم على حد وتقلدني في كل حاجه
ف وقت والدتها كانت تشتكي من سنانها ومكنتش بتروح تكشف أو حاجه وانا لما روحت اعمل سناني الاقيها راحت ركبت تقويم أسنان عشان اسناني كانت بايظه جدا الاقي هيا ووالدتها تقولي نفسها تركب تقويم عشان سنانها وعندها سنه واحده بس معوجه سنه والله العظيم مخليا شكل ضحكتها حلو تقولي سنانك كانت حلوه ركبتيه ليه ده بنتي هيا اللي سنانها بايظه وتقلدني في اللبس وأي حاجه اشتريها تروح نفس المحل وحجات كتير جدا
بتقعد تأنبني على اي حاجه بطريقه بس انا والله مش بحب اكسفها لما خلصت ثانويه عامه تقولي يا بختك مش هتروحي دروس تاني ودخلت الجامعه يا بختك هتخرجي وتتفسحي معرفش ازاي السنادي بقى يا بختك هتتخرجي
انا مدمره نفسياً ومش عارفه هيا لي بتعمل معايا كده حاسه اني مخنوقه انا بقيت بخاف واشيل هم من كلامها يا ترى هتقول حاجه تزعلني يا ترى بتتكلم عليا
مش عارفه اعمل اي
لعرض السؤال في فدني اضغط هنا
أنا بنت عندي 21 سنه اهلي قاسيين عليا قوي وبالأخص من بابا عمرهم ما اعطوني الفرصه لاي حاجه دايما كاسريني وكاسرين عزيمتي ودائما بشوف في عينهم الندم أنهم جبوني تقريبا مش فاكره يوم كويس واحد عيشته والله العظيم
حرفيا نفسي اعيش فكرت استقل عشان اطلع من كل ده وانا اصلا نفسي استقل أنا بدرس في كليه ولا بيودوني كليه غير على الامتحانات عشان خاطر مش معاهم يودوني ولا راضين اخد سكن واشتغل واصرف على نفسي مفيش حاجه بطلبها بتجيلي ولو جاب لي حاجه بسيطه افضل اتزل عليها طول عمري عايشه اسوأ عيشه كل حاجه يقولي مش معايا ولكن لو جمع فلوس يصرفها عالاكل ويفكر يلم تاني لأكله معينه طيب بنتك فين
أنا عارفه مينفعش اقول الكلام ده بس انا بجد بتألم من اللي بشوفه
ومش عاوزه اتجوز عشان ملاقيش نفس الاب لان أنا في ارياف وحرفيا كلهم نفس النسخه
وعندي احلام كبيره قوي قوي بجد لدرجه كبيره عليا بس مش في أيدي اني أحققها بس نفسي تتحقق يمكن ابقى سعيده
نفسي ابقى فاشون ديزاينر كبيره جدا بره عمرهم ما دعموني في الحلم ده فضلت اعافر لحد ما اتعلم الرسم وانزليت للناس عشان اتعلم الباترون ومتعلمتش غير حاجات لا تذكر وسبتهم من كتر المعامله السيئه
كنت بعافر لوحدي ودلوقتي كل حاجه بتزيد القسوه والسب والعنف اللفظي كل حاجه وانا معدتش قادره استحمل حاسه ان في قلبي نار ومينفعش اعيط لو عيطت ابقى متدلعه ولو اتعصبت وزعقت يبقي راكبني عفاريت دا اللي بيقلهولي ومهما اقول مش هقدر اوصف الشعور مليش صحاب افضفض أنا بس قلت اتكلم هنا يمكن 1% من اللي بحسه يخف
لعرض السؤال في فدني اضغط هنا
ليه الانسان ملزم انه يسمع كلام من اهله يجرحه ويسكت ولما يجي في مرة يتكلم عن الكلام اللي قالوه واذوه يقول الكل اتقاله كدا عادي
لعرض السؤال في فدني اضغط هنا
أنا الفتره دى بقيت أنا وابويا بنتجادل كتير وممكن صوتى يعلا أنا مبحبش كدا ابدا ومبحبش بابا يزعل منى. بس هوا الفتره دى فعلاً متغير جامد حاسه أنو بقى بخيل هو مش كدا ابدا يعنى حتى مع الناس كريم جدا لكن علينا مش كده..
لازم لما آجى اطلب منه فلوس مثلاً لازم يحقق هتعملى بيها إيه ويسأل كم سؤال وهو حاجه بسيطه خالص بقول لنفسي إن عشان مثلاً المصاريف كتيره عليه عشان اخواتى لكن هو بيعمل معانا كلنا كدا.
أنا المفروض فى أهم سنه دراسيه فى حياتى بس مأخدتش دروس واخدت فى البيت عشان الفلوس وكمان واخده كتب قديمه. واتضايقت منه أن أنا قلت ليه إن هطلب حاجه أون لاين بفلوس بسيطه جداً وقالى طيب بس لما وصلت مش راضي يديلى فلوس ليها وبيقولى آخر الشهر والاون لاين مش فيه كدا يعنى هجيب من مين يعنى لو مأخدتش منك يعنى مكنتش تقولى طيب وتورطنى لو مكنتش هتديلى من الأساس..
أنا مقدره كل حاجه هوا عملها ليا لكن هو اتغير اوى
لعرض السؤال في فدني اضغط هنا
السلام عليكم ورحمه الله وبركاته
عساكم بخير
جايه اخد رايكم في حاجه
انا زي اي بنت بيتقدملها عرسان
و كل ما يتقدم عربي ماما تقولي صلي و استخيري و ردي عليا و بالفعل بصلي بس مش بحس بحاجه ف بروح اقولها اني موافقه و خلاص و انا مرتاحه مش حاسه بقلق بلاقيها بترد على الناس بالرفض و كل عريس ترفضه و مش بعترض بصراحه و بقول اكيد خير بس خايفه اكبر في السن و انا مش متجوزه و خايفه برضو اعترض علي رأيها و اندم و مش عارفه بصراحه اتصرف ازاي
لعرض السؤال في فدني اضغط هنا
كيف أتعامل مع الانتقادات والتنمر من داخل الاسره
لعرض السؤال في فدني اضغط هنا
اقلل كلام مع قرايبي ازاي خصوصا اني انا شخص بجد على نياته ولما يسألوني بجاوب عادي وبتكلم كتير وبوضح لهم ودي حاجه انا كارهاها في نفسي خصوصا اني عارفه انهم بيكرهوني متأكده وبيحبو يشمتو كتير اوي وبيحقدو بجد
وكمان بسبب كلامي مع انو عادي بيكونو عايزين يوقعوني في مشاكل وفي الغالب انا مبحبش اروح لهم بس لما روحت روحت علشان خاطر قريبتي كانت تعبانه وبجد فضلو يسألوني كتير واسئلتهم غريبه
وبكتشف بعد ما بقول كل اللي عندي انهم عايزين يعرفو ليه وبعرف السبب وبحس اني ندمانه لانهم اكتر ناس بتشمت بجد ومش بيحبولي الخير اتعامل ازاي بجد الناس اللي بتكون هاديه ومش بتقول كل اللي في دماغها بتعملوها ازاي ؟!
لعرض السؤال في فدني اضغط هنا
انا متجوزه بقالي سنتين عشت اول 9 شهور مرتاحه جيت يوم بلعب في موبيل جوزي لقيت برنامج دردشه ومتكلم كلام قليل الادب مع بنات مبقتش عارفه اعمل ايه الدنيا اسودت في وشي سكت وقعدت ادعيلوا بطل شويه ورجع تاني
قعدت سنتين اشوف موبيله من وراه وهو بيكلم بنات كل يوم وكل دقيقه صبح وليل بحكم شغله سواق وبيبات بره بالايام ادعيلو واعيط وانقهرت جدا لحد ما ربنا اكرمني وحملت هو مبطلش بردوا ومكلمتهوش ومعرفتهوش اني شوفت او عرفت حاجه لحد ما ولدت قولت هيهدى
لا فتره نفاسي لقيت نفس الوضع قولت يمكن عشان تعبانه اصبري ملقتيش فايده روحت كلمتوا وعيطت وبهدلت الدنيا وانهرت وهو لامبالاه وبتفتشي ليه وقلب الطرابيزه
اغمى عليا شلني وخلاص ومعلش ومش هتتكرر وحلفته بغلاوة ابنه والموضوغ خلص فضل شهر مبطل وانا متابعه من بعيد لحد الشهر لما خلص رجع تاني والدردشه دي يفلوس كمان نفسيتي وحشه معدتش مبسوطه برجوعه ولا بكلامه
بقيت شاكه فيه حتى لو مبيعملش حاجه مش مرتاحه حتى لما بنام بحلم بيه انو بيكلم غيري وصور وفديوهات بقيت ولا نوم ولا قاعده مرتاحه مبقيش زي الاول انا بحبه من 2017 بقالي 10 سنين بحبه ومتجوزه من سنتين مبقاش عندي لهفه له بس بحبه ومش عاوزه اخرب بيتي اعمل اي
لعرض السؤال في فدني اضغط هنا
أكتب هذه الكلمات وروحي تكاد تفارقني من شدة القهر والألم. أنا فتاة أُعاني بصمت منذ شهور طويلة، وصحتي تنهار يوماً بعد يوم أمام عينيّ دون أن يلتفت إليّ أحد أو يشعر بحجم معاناتي.
جسدي بات مدمراً تماماً؛ فشعري يتساقط بغزارة وبطول الخصلات حتى أصبح خفيفاً للغاية، وأعاني من شحوب شديد وضعف عام وفقر دم (أنيميا) حاد يجعلني بالكاد أقف على قدمي ولا أستطيع حمل أي شيء ثقيل أو حتى التحرك بشكل طبيعي. أكلت الكثير ولم أستفد شيئاً، كأن جسدي يرفض الحياة. طلبت مراراً وتكراراً من والدتي أن أكشف عند طبيب، وتنازلت حتى عن قيمة التحاليل لعلها توافق، لكن الإجابة دائماً هي التجاهل والتسويف والرفض المتعمد حتى لأبسط الكشوفات أو استشارة صيدلي، رغم قدرتها المالية.
كيف أدرس وكيف أركز ومستقبلي يضيع وأنا أذبل وأموت بطيئاً من القهر والإهمال؟ أبسط حقوقي كبنت غير مجابة، ومطالبة بأن أصمت وكأن وجودي في هذا البيت بلا أي قيمة أو كرامة.
أنا لا أطلب صدقة، ولا أريد أن أمد يدي لأحد، فنفسي عزيزة عليّ جداً، لكنني أتساءل: ما هو الحل لمن تُدمر صحتها وتُحرم أبسط مقومات الحياة؟ كيف أتحصل على علاج، وكيف أجد مخرجاً وأنا طالبة لا أملك عملاً ولا مالاً، ومخاوف النصب تمنعني من الوثوق بأي عمل وهمي على الإنترنت؟
أنا أضع هذه الكلمات أمام من يملك قلباً أو حلاً عملياً.. لا أطلب تعاطفاً نظرياً، بل أريد مخرجاً طبياً أو إنسانياً أو جهة حكومية أو مجتمعية تستطيع مساعدتي في الحصول على الفحص والعلاج الطبي اللازم قبل أن يفوت الأوان.
حسبي الله ونعم الوكيل في كل سبب وصل بي إلى هذه الحال، وأرجو أن أجد بينكم من يوجهني للطريق الصحيح
لعرض السؤال في فدني اضغط هنا
معاناة من الاهل والاب
لعرض السؤال في فدني اضغط هنا
انا نشأت في بيت والدي فيه مش بيحب والدتي ابدا و كان على طول خلافات و حرام هي غلبانة جدا وطيبة بس هو شخصية متسلطة وبيكرهها وبيتللكلها ع كل حاجه ومازال لحد الآن رغم انهم كبروا وعدوا الستين سنة بس هو بيظلمها رغم انه حنين معانا كعياله و مع أي حد غريب ولا اي ست تلاقيه حنين معاها بس قصدي يعني مرات عمي او كده لكن مش بمعنى غلط الا امي ميتعاطفش معاها لو عملت إيه
من زمان وهو مسببلي رعب وخوف انه ينفصلوا واتربيت ع كده بس خلاص أنا تعبت مبقتش قادرة استحمل بقيت شخصية قلوقة جدا وبخاف من الهوا جوو البيت خلاص والله ماقادرة استحمل اي ضغط ولا اي كلمة ولا اي خلاف مهما كان بسيط يمكن اوقات بكبر الموضوع بس غصب عني انا بحبهم هما الاتنين ومقدرش استغنى عنهم وهو مش هعرف اتكلم معاه لأنه بيشوفني جاية في صفها فمش بيحب يسمع وانا معنديش طاقة اتكلم
اعمل إيه انا مش عارفه مفروض اعمل ايه
لعرض السؤال في فدني اضغط هنا
جماعة انا ف مشكلة ومش عارفه اعمل ايه
انا ٢٨ سنة و عندي اخ اكبر مني كل شوية ينزل فيا ضرب مرة شوهلي وشي و هددني أنه هيموتني و مرة يزعقلي في الشارع قدام الناس عشان شاكك اني بكلم واحد من وراهم وده محصلش لمجرد اني برفض العرسان اللي بيجيبوها عشان شكلهم مش مناسب
وامبارح كان هيفتح لي دماغي بالمروحه لولا اني حوشته صوباعي اللي اتفتح و بابا ماما يهدوه هو و كان هيكسر عليا الباب حرفيا مهدداه من اسبوع اني هعمله محضر لو فكر يضربني و مفيش فايدة كان هيموتني حرفيا وكل ده بدون سبب
لقياه مغلول مني وبيبصلي بكل حقد وغل اللي ف الدنيا اكني عدوته وابويا وامي ف صفه وكل عذرهم أن انا اللي استفزيته بالكلام و بيتبلوا عليا يقولوا انا اللي ضربته ...
مش عارفه حرفيا اعمل ايه ولا اروح لمين تعبت بجد ومش لاقيه حل معاه بقيت قافلة ع نفسي الاوضة دايما من كتر الخوف و ضربني تاني من اسبوعين ع راسي و جابلي ارتجاج ف المخ وابويا وامي يضربوني بالاقلام عشان بصرخ وبقوله انت مريض نفسي
كلمت خالي ف ساعتها و قالي هتصرف و مشي ومعملش حاجه و ابويا وامي يقولولي انتي بتفتري عليه و بتتبلي عليه وحسبي الله ونعم الوكيل فيكي و روحي صالحيه لاني بقالي اسبوع مقاطعاه وأما اقولهم مش هصالحه ده جابلي ارتجاج ف المخ يقولولي ماهي الدكتور قال طلعت بسيطة خلاص اهي هدي الدنيا و امي مقطعاني و واخدة جنب مني عشان انا مبكلمهوش هو ده طبيعي ؟؟؟!!
لعرض السؤال في فدني اضغط هنا
السلام عليكم ورحمه الله وبركاته
بصراحه انا مخنوقة اوي ومش عارفة اعمل ايه ومحتاجة رأيكم
والدتي ماتت من كام سنة وبعدها بابا رماني انا واخواتي لجدتنا (احنا ٣ بنات وانا اكبر واحدة فيهم) ومن وقتها مش بيصرف علينا ولا بيسأل إلا السنادي علشان رفعنا نفقة بعد رميه لينا بحوالي ٣ سنين ولغاية دلوقتي لسه ما اخدناش نفقة
المهم جدتي مرحبة بينا جدا وعوضناها فراق ماما الله يرحمها بس جدتي قاعده مع خالي خالي كطبع صعب جدا جدا معانا ومع مراته وخالتي كمان منفصلة وقاعده معانا في نفس البيت
احنا شقة الدور الارضي وهو شقة الدور التاني هو عصبي وصعب جدا ودايما يضرب في اخواتي وحتى اولاده هو بطريقة وحشة جدا واوقات بيبقى طيب وحنين فكنا عايشين عادي وبقول خالي بيربي اخواتي لكن بقاله فترة بيلمح انه مدايق من وجودنا انا واخواتي وولاد خالتي المنفصلة بخالتي نفسها
وللعلم جدتي اللي بتصرف علينا كلنا مش هو ، هو مسئول عن بيته بس ودلوقتي بابا عمل مصيبة وهرب برا البلد واخويا الكبير عايز يبيع البيت لانه سبب مشاكل بابا ويشتري واحد تاني وياخدنا نعيش فيه معاه ومع مراته
و مراته احيانا كويسة في وشي واحيانا بتنهش لحمي في ضهري وبصراحة لما شوفت خالي كدا قلت مجرد ما اخويا يظبط حكاية البيت انا هاخد اخواتي وهمشي بس بردو خايفة لاني شفت الويل في بيت ابويا وبردو جدتي وباقي اخوالي مش كدا وبيطلعوا اللقمة من بؤهم علشانا وبردو بيتقدملي عرسان وبفكر أوافق واطلع وخلاص مش عارفه اعمل ايه انا مخنوقة اوي
لعرض السؤال في فدني اضغط هنا
اقسم بالله العظيم اللي بنشوفه ده يوجع القلب ويفور الدم! إنت متخيل يعنى إيه راجل في بيته عنده أمانة وما يصونهاش؟ متخيل يعني إيه بنت تطلع من بيتها محتاجة كلمة حنية وطبطبة؟ إنت متخيل حجم الذنب لما تسيب بنتك ولا أختك حاسة بالجفاف والحرمان العاطفي لحد ما ييجي واحد نذل صايع من الشارع يرميلها كلمتين حلوين يضحك بيهم عليها ويستدرجها؟
يا راجل اتق الله في أهل بيتك! إنت فاكر الرجولة إيه؟ مصاريف بترميهالهم وخلاص؟ شخط وزعيق وقسوة؟ والله العظيم إنت كده بتهدم بيتك بإيدك! لما ما تحضنش بنتك وتقولها إنتي أغلى حاجة في حياتي وأجمل بنت في الدنيا، لما ما تطمنهاش وتسمعها وتكون سرها وسندها، إنت بالطريقة دي بتدفعها بنفسك لإيدين الذئاب والأندال اللي على النت وفي الشوارع! إنت اللي بتسلمهالهم وتخليهم يستغلوا ضعفها وقلة خبرتها!
إنت عارف لما البنت تشبع حنان وأمان في بيتها بيحصل إيه؟ بتطلع ملكة، راسها مرفوعة، بتبقى زي الجبل المنيع، لو جه أجدعها راجل في الدنيا يرميلها كلام حلو هتبص له بقرف وتقول له امشي من هنا الكلام ده عندي منه كتير في البيت وأحسن منه كمان! لكن لما تجوعها وتظلمها وتقسى عليها، بتخليها ضعيفة ومكسورة وأي كلمة حلوة بتزغلل عينها وتخليها تصدق الوهم!
فوقوا يا رجالة! البنات دول أمانة ربنا هيحاسبكم عليها يوم القيامة! املوا بيوتكم حب، احضنوا بناتكم وأخواتكم، قولوا لهم كلام يرفع معنوياتهم، حسسوهم إنهم أهم حاجة في حياتكم، كونوا الأمان والملجأ اللي يجوا يجروا عليه لما يغلطوا أو يتضايقوا، بدل ما يهربوا من قسوتكم للغرباء وترجعوا تندموا وقت لا ينفع الندم! 😔😔
لعرض السؤال في فدني اضغط هنا
أنا مختلف أنا أنا عيلتي اللي اذوني بس مش عائلتي اللي هي امي وابويا بل عيلت ابويا و امي من ناحيت عيلت امي لقيت تجاهل عميق جدا كأني مش موجود أما عيلت ابويا علطول مهتمين باخويا أكتر هو جاب كام وعامل ايه أما أنا ولا هنا مع ان أنا الصغير. عارف مثل الصغير اللي بيدلع هما عكسوها حتى امي من يومين قالت لي كلمه عمري ما هنساها قالتلي يا رتني خلفت بنات احسن يوميها لأن أنا كتوم دخلت عيط في الحمام وعارف أنه حرام تعيط في الحمام بس حتى الخصوصيه مفيش.
لعرض السؤال في فدني اضغط هنا
يا جماعة انا بنت سني ١٨ سنة وأنا عيلتي كتير بينتقدوني حتى قدام الناس لدرجة إني بقيت اشوف اني مليش قيمة ولا ثمن وسط الناس حتى محدش بيحس إني موجودة اصلا والبعض بيتعمد يتجاهلني لما أتكلم وبسبب كل ده انا من كتر العزلة بقيت مش عارفه أتكلم ولا أصاحب حد ومش مركزة في حياتي اليومية يعني تركيزي ضعيف في كل حاجة والكل مفكرين إني غبية أو مجنونة إيه الحل؟
لعرض السؤال في فدني اضغط هنا
السلام عليكم
عندى اخوان واخوات وانا الكبيرة فى العشرينات والحمد لله أهلى موجودين .. اصغر أخين لى تقريباً انا اللي مربياهم من اهتمام وتعليم ودروس وكل شيء تقريباً واللهم بارك كنت بتعلم عشان اعرف اديهم صح الاول فى الثانوى واللهم بارك أخ يفتخر به فى كل شيء الله يحفظه واخى الصغير فى ابتدائى وبتبع نفس الشيء بل وأفضل بفضل الله
السؤال هنا أى خطأ يصدر منهم كله يتهمنى بسوء التربية وكانوا دائماً كدا مع أخى الأكبر لحد ما كبر ماسكين اخى الصغير انت بوظتيهم انت انت ووالله مافى حد بيشوفهم لو يتعامل معاهم الا ويدعوا لأهله
هما زايدين الضغط عليا الفترة دى ودى فترة دروس وانا إلى بعطيهم دروسهم وفى اهانات وانا تعبت حتى بيجى أوقات ببقى عايزة أقولهم دول اولادكم ليه كدا دا جزاءي ولكن بسكت لأن الكلام مفيش منه فائدة أعمل اى أخلى اخوانى ميتأثروش بكلامهم ويخففوا عنى شوية انا كرهت التربية وانا لسه مشوفتش حياتى اصلا 😭😭
لعرض السؤال في فدني اضغط هنا
لعرض جميع الاسئلة في فدني اضغط هنا