اهل والدتي دمروني نفسيا بعد وفاه والدي من سبع سنين ودمرو مستقبلي وكمان مخلونيش اكمل دراستي ولما جيت فوقت لنفسي وقررت ابني نفسي تاني قالوا اني غيرانه من اولاد خالاتي وعاوزه اكون زيهم بالرغم اني عمري ما بصيت ليهم بعد ما قدمت ورقي ف المدرسه نزلت بوست قولت فيه اني مش مسامحه حد ظلمني قاموا اتخانقوا معايا وعملو بلوك ليا هل كدا انا غلطت؟؟
السلام عليكم ورحمه الله وبركاته. من اهم الحاجات اللي تعمليها اول ما تفوقي واول ما تحسي انه في جزء من حياتك ما كانش متاخد فيه افضل قرارات سواء بقى دي كانت قرارات انت اللي اخدتيها او قررت في حد خدها مكانك وما كانتش في مصلحتك اي كانت اول ما تفوقي نفسك كده وتبدئي انك تقرري قرارات في سبيل مصلحتك الشخصيه ضروري جدا تعرفي ان طول ما انت ماشيه بتنفذي بقراراتك الجديده دي هتحتاجي لجزء كبير جدا من التجاهل ليه كل اللي هيحصل من حواليكي لان خصوصا لما يكون في وضع زي اللي انت بتحكيه ان الاهل من البدايه اللي هم اهلك اللي هو انت من دمهم ما اهتموش لمصلحتك او يعني عامله مصلحتك دي بشكل ثاني مختلف عن وبقيت الولاد فلما انت دلوقتي هتبقي بتختاري مصلحتك تفتكري هم هيقولوا لك اه يلا وبراجل طبعا هيحاولوا يحسسوك ان قرارهم كان صح وان اللي انت بتعمليه دلوقتي ده مش مش هو احسن حاجه طبيعي جدا يبقى شكل من اشكال الدفاع عن قرارهم اللي يكمل بدايه عشان ما يبقاش شكلهم وحش فاحنا مش هندخل في الدوامه دي خالص. وما تسمحيش للنوع ده من المواقف او النوع ده من الكلام ان هو ياخذ من طاقتك اللي انت محتاجاها. وجهدك الذهني والنفسي اللي هيفرق معاكي كتير جدا في انك تكملي وتحققي الهدف ان انت مقرراه دلوقتي اعملي تعليمك ومهما كان اي حد يحاول يتكلم باي طريقه او يقول لك لا اه ده انت كده قصدك كذا انت قصدك كذا لونهم ربنا هو اللي عالم بالنوايا وده كافي المهم ان انا ماشيه في طريقي الحالي بغض النظر عن كل اللي فات ده هيكون افضل لك كثير جدا من انك تحاولي تفكري يا ترى هم صح ولا انا اللي صح مش مهم خالص دلوقتي صح ولا غلط نسبي من شخص للتاني صح والغلط بيتغير من ظروف للثانيه صح والغلط بيتغير من بلد للثانيه من القريه لقريه لكن اللي ما فيهوش اي تغيير هي الحقوق اللي ربنا اداها لكل بني ادم كل بني ادم مقرب كل بني ادم له الحق في كل الحاجات المتاحه في الحياه مفيش حاجه تمنعه منها خدي حقوقك وامشي في حياتك وتجاهلي كل اللي بيحصل حواليك اللي بيحاول ان هو يوقفك عندك.
تم النشر السبت، ٢١ نوفمبر ٢٠٢٦
السلام عليكم، متفهمة مشاعرك وإحساسك بالظلم، لكن أيا كان اللي حصل منهم أو اللي عشتِه قبل كده متفضليش واقفة عنده. المشاعر السلبية دي بتضرك أنتِ قبلهم، مش هقولك انسي لأن مشاعرك أكيد مش بضغطة زر هتتمسح وتتعاملي معهم عادي ولا بقول لك سامحي. ده أمر يرجع لك، السماح عامة بيكون عشان نفسك أنتِ، عشان تكوني مرتاحة نفسيا ومفيش أي أفكار سلبية أو خنقة جواكِ تمنعك من التركيز على المستقبل ولا تشوش عليكِ أفكارك وعقلك اللي محتاجاه صافي عشان يفكر في الطريق اللي قدامك. متفضليش شايلة الماضي على كتافك، ارميه وارميهم ورا ظهرك وركزي على دراستك ومستقبلك اللي عاوزة تغيريه. وسيبيهم عادي يعملوا بلوك، أنتِ محتاجاهم في حاجة أو منتظرة منهم حاجة؟ *** طالما بتسعي لتغيير حياتك للأفضل ومش بتعملي حاجة تغضب ربنا فارمي اعتراضاتهم وتدخلاتهم في حياتك ورا ظهرك وحطي حدود محدش يتجاوزها وتمسكي بقراراتك واعملي اللي فيه مصلحتك. وادعي ربنا دايما واستعيني به، وكرري كتير ذكر (حسبي الله ونعم الوكيل) وإن شاء الله يصلح أحوالك ويوفقك لكل خير. بالتوفيق.
تم النشر السبت، ٢١ نوفمبر ٢٠٢٦
لا، مش غلط إنك تعبري عن مشاعرك، خاصة بعد سنين من الظلم والتدمير النفسي اللي مريتي بيه. أهل والدتك كانوا سبب في حرمانك من دراستك ومستقبلك بعد وفاة والدك، وده ظلم كبير، ومن الطبيعي إنك تحسي بالغضب والرغبة في إعادة بناء نفسك. البوست اللي نزلتيه كان تعبير عن موقفك الداخلي، ومش لازم يكون "غلط"، لكنه ربما أثار رد فعلهم لأنه كشف الحقيقة اللي هما مش عايزين يواجهوها. في الإسلام، العفو قيمة مهمة لسلامك النفسي، لكن ده مش معناه إنك تسمحي للظلم يستمر أو ترجعي لعلاقة سامة. ركزي دلوقتي على خطوتك الإيجابية: تقديم أوراقك للمدرسة وإعادة بناء مستقبلك. ابدئي بخطوات عملية زي تنظيم وقتك للدراسة، البحث عن مصادر تعليمية مجانية أو بسيطة، ووضع أهداف يومية صغيرة تساعدك تتقدمي بدون الالتفات لآرائهم. لو استمروا في الضغط، حافظي على مسافة آمنة ولا تسمحي لهم يعيقوا تقدمك تاني. أنتِ قوية لأنك قررتِ تبني نفسك من جديد رغم كل الظروف، وده إنجاز كبير. استمري في التركيز على نفسك ومستقبلك، وهتلاقي السلام الداخلي مع الوقت. لو عايزة آراء إضافية، ابحثي عن أسئلة مشابهة على فدني.
تم النشر السبت، ٢١ نوفمبر ٢٠٢٦
مش هقولك كلام كتير عشان حل مشكلتك هو بإقتناع بسيط انو لو كل اللي فات وحش ما عليك الا انو انت تخلي اللي جي احسن انت اتولدت ف حياتك و انت قدها ربنا مش بيحطك ف اختبار غير و انت قدو قوي عزيمتك و غير حياتك بنفسك اللي فات خلاص فات العبرة في اللي جي
تم النشر السبت، ٢١ نوفمبر ٢٠٢٦
لعرض السؤال في فدني اضغط هنا