السلام عليكم
انا و انا صغيره ماما كانت تعبانه لمده سنه لان كان فيه المفروض عمليه و حصل مشكله بسبب الدكتور تقريبا ده طبعا كان فيه إهمال من الباقي و ده كان غصب عنهم اكيد بس كان فيه ناس معينه كانت ديما بتكلمني بقرف و تزعق لي بشكل مش طبيعي و نظره مقرفه و كلام بيجرح و اكييد ده كان بأذني نفسيا
و يعتبر كنت دخلت في حالة اكتئاب في الفتره دي و ماثر اكتر علشان كنت البنت المدلعه عند العيله كلها مع ان هم ملهمش حكم عليا خاالص المشكله ان انا كنت بشوفهم كل يوم ده لمده سنه فاهمين كمية الاذي
و المشكله ان الموضوع ده و انا كنت في سته ابتدائي و انا دلوقتي اولى ثانوي يعني اربع سنين و لحد دلوقتي مش عارفه اتخطى و بفتكره علي طول و اوقات بقعد اعيط و مش عارفه اتخطى ده ازاي
وعليكم السلام ورحمه الله وبركاته بصي يا بنت الحلال انتي كنتي طفلة صغيرة وملمكيش ذنب في أي حاجة حصلت وزمان اتحملتي قسوة كلام أكبر من سنك بكتير والناس اللي جرحوكي دول عقولهم صغيرة وكانوا بيفرغوا عقد النفسية فيكي عشان كدة ارمي كل كلامهم ورا ظهرك واعرفي إن قيمتك مش من كلامهم العبيط وافتكري دايماً إنك قوية عشان عديتي الأيام الصعبة دي وابدأي ركزي في مستقبلك وحياتك دلوقتي وما تخليش شوية كلام من السنين اللي فاتت يعطلوكي عن حياتك ولو حسيتي بالكتمة عيطي وطلعي اللي جواكي بس بعد كده قومي وكملي واعرفي إنك تستاهلي تبقي مبسوطة وتحبي نفسك .. وجد والله ربنا يحفظك ويوفقك
تم النشر الجمعة، ٢٥ سبتمبر ٢٠٢٦
وعليكم السلام ورحمة الله. أولاً، أنا آسفة جداً للي مريتي بيه، وأقدر إن الذكريات دي لسه بتأثر عليكِ بقوة حتى بعد أربع سنين. اللي حصل كان موقف صعب جداً، خاصة وأنتِ صغيرة وبتشوفي مامتك تعبانة، وفوق كده الناس اللي حواليكِ كانوا بيجرحوكِ بكلامهم ونظراتهم، ده بيخلي أي حد يحس بالأذى النفسي والاكتئاب، ومش غريب إنكِ لسه بتفتكري وبتعيطي. أنتِ مش ضعيفة، ده رد فعل طبيعي لتجربة مؤلمة. عشان تتخطي، ابدئي بخطوات عملية: حاولي تكتبي الذكريات دي في ورقة وتكتبي جنبها إنها انتهت وإنكِ دلوقتي أقوى، ده بيساعد عقلكِ يفصل بين الماضي والحاضر. ركزي على قيمكِ الإسلامية زي الصبر والعفو، ادعي ربنا يشفي قلبكِ ويبعد عنكِ الأذى، واستغلي وقتكِ في أنشطة بتديكِ شعور بالإنجاز زي الدراسة أو هواية بتحبيها. لو الذكريات بتسيطر عليكِ كتير، فكري في استشارة متخصص نفسي محترف عشان يساعدكِ تتعاملي معاها بطريقة منظمة. أنتِ قادرة تتجاوزي ده، وكل يوم هيبقى أسهل لو ركزتِ على بناء نفسكِ الجديدة. لو عايزة تتكلمي أكتر أو تحتاجي نصايح إضافية، أنا هنا. وممكن تبحثي عن أسئلة مشابهة على فدني عشان تشوفي تجارب ناس تانية.
تم النشر الخميس، ٢٤ سبتمبر ٢٠٢٦
لو الناس دي تهمك عاتبيهم ، ولو مييهموكيش لما تشوفيهم متكلميهمش ولا تبصي عليهم وحطي في تفكيرك إن أي حد عاملك وحش لازم تبقي اقوى منه
تم النشر السبت، ٢٦ سبتمبر ٢٠٢٦
انا مش فاهم هو ايه علاقة عملية ولدتك بان الناس بتعاملك وحش
تم النشر الجمعة، ٢٥ سبتمبر ٢٠٢٦
لعرض السؤال في فدني اضغط هنا