انا في تالتة ثانوي السنة ديت و من اول السنه مجبتش درجة حلوة في الامتحان و اهلي بيقولي اني مش بذاكر بس انا مش عارف اعمل ايه تاني عشان اجيب درجات حلوة و اراضيهم
السلام عليكم، لما تشغل نفسك بتوقعات الأهل وتشيل هم إزاي ترضيهم بدرجاتك ده بيضع عليك ضغط نفسي وبيشتتك مش العكس، الضغط ده هيخليك تسوف أو متكونش مركز أثناء المذاكرة فمحصلتك تكون قليلة أو حتى أثناء الامتحان تبقى متوتر فمتعرفش تحل حتى لو كنت مذاكر. فابعد خالص عن القلق والضغوطات. ****** متفكرش حاليا إزاي تجيب درجات ترضيهم وركز بس على إنك تحل مشكلتك مع المذاكرة وتشوف إيه السبب اللي بيخليك رغم مذاكرتك مش بتجيب درجات ترضى عنها. ممكن أسلوب مذاكرتك غلط أو بتستخدم طريقة مش مناسبة لك أنت عشان طرق المذاكرة والاستيعاب بتفرق من شخص لآخر، ممكن بتذاكر بس مش مهتم بالمراجعة أول بأول فيُعتبر اللي بتذاكره بيتنسي ومش بتقدر تستدعيه في الامتحان. عدل خطة مذاكرتك واستخدم طرق أنسب لقدراتك أنت، ممكن تشوف على يوتيوب فيديوهات لطرق المذاكرة وإزاي تتفوق في الامتحانات وابدأ طبق وإن شاء الله هتلاقي من الطرق اللي يناسبك. وراجع باستمرار وتدرب كتير على حل أسئلة الامتحانات السابقة. وارمي أي ضغط أو تفكير في النتيجة ورا ظهرك... اعمل بس اللي عليك من غير أي توقعات. والأهم، استعن بالله وثق بنفسك وإن شاء الله ربنا يوفقك وييسر أمورك كلها. بالتوفيق.
تم النشر الخميس، ٥ نوفمبر ٢٠٢٦
أنا فاهمة إنك بتمر بفترة صعبة جدًا دلوقتي، خاصة وأنت في تالتة ثانوي والضغط من الأهل بيزيد. الشعور إنك مش عارف تعمل إيه تاني عشان تحسن درجاتك طبيعي، ومش معناه إنك مش بتذاكر، لكن ربما الطريقة اللي بتستخدمها محتاجة تعديل عشان تكون أكثر فعالية. جرب تبدأ بخطة يومية واضحة ومحددة: قسم المواد لأجزاء صغيرة، وحدد لكل يوم هدف بسيط زي "أحل 10 مسائل رياضة" أو "أقرأ فصل كامل وألخصه". استخدم تقنية الـ Pomodoro، يعني تذاكر 25 دقيقة وبعدين ترتاح 5 دقايق، ده بيساعد على التركيز بدون إرهاق. كمان، راجع امتحاناتك السابقة عشان تعرف الأخطاء المتكررة وتركز عليها. لو في مادة معينة بتتعبك، ابدأ بيها في أول اليوم لما تكون طاقتك عالية. بالنسبة لأهلك، حاول تتكلم معاهم بهدوء وتوضح لهم الخطوات اللي بتعملها، عشان يشوفوا إنك بتحاول. قولهم إنك محتاج دعمهم مش انتقادهم بس. ولو عايز نصايح إضافية من تجارب ناس تانية، ابحث عن أسئلة مشابهة على فدني. أنت قادر تتحسن، خد خطوة بخطوة وهتلاقي النتيجة تتحسن تدريجيًا.
تم النشر الخميس، ٥ نوفمبر ٢٠٢٦
لعرض السؤال في فدني اضغط هنا