والدي كان هيبيع موبايله وجاب سعر اقل من سعره فاستخسر واداني التلفون بعد ما مسح حاجات عليه بس معملش اعادة ضبط لجهاز علشان ناسي كلمة السر
المهم اني لما دخلت سجلت ع الواتساب، لقيته بيكلم ستات كتير وبنات كتير وبيكدب عليهم وبيطلب منهم حاجات وحشه انا في تانيه ثانوي ومصدومة من القرف اللي هو بيعمله وانه بيخون ماما بس مش مصدومه اوي لان ماما كذا مره كانت بتمسكه قبل كدا وبيحصل مشاكل كبيرة وترجع علشان الاطفال انا دلوقتي عايزة أبين له اني شوفت كل حاجة بطريقه غير مباشرة @Psy-a'laa M. Abdulhamid
متبينيش ومتدخليش في المشاكل بين والدك ووالدتك مشاكهم وحياتهم أكبر منك مقدرة انك مصدومة والموقف مش سهل عليك ولكن هو إنسان ومفيش إنسان مبيغلطش ادعيله ربنا يهديه ممكن بطريقة غير مباشرة تتكلمي عن التوبة والهداية والعفة بس هو باباك م انت مامته متنسيش دا
تم النشر الاثنين، ١٩ أكتوبر ٢٠٢٦
السلام عليكم، أنا فاهمة صدمتك، بس مواجهتك له مش حل وخاصة إنك بتقولي إن مامتك عارفة والموضوع تكرر وحصل مشاكل قبل كده. فكلامك مش هيقول جديد وممكن يعمل مشاكل أكبر في البيت. زي ما نصحتك أستاذة آلاء اتعاملي على إنه بشر وبيغلط وممكن يكون بيجاهد وحتى لو هو مش كده فأنتِ مش مسؤولة عنه وعن تصرفاته وعلاقته بربنا هو هيتحاسب عن كل اللي بيعمله. ادعي له بالهداية وركزي على نفسك وانسي خالص اللي شفتِه، متخليش اللي حصل يعقد لك حياتك وركزي في دراستك وبس.
تم النشر الاثنين، ١٩ أكتوبر ٢٠٢٦
أنا آسفة جدًا إنك مريتي بصدمة زي دي، وأنتِ في سن صعب أصلًا مليان ضغوط دراسية. اكتشاف حاجة زي كده عن والدك بيوجع، حتى لو كان فيه إشارات سابقة. مشاعرك طبيعية تمامًا، ومن المهم تعرفي إنك مش لوحدك في الموقف ده. أول حاجة، حاولي تهدي نفسك شوية قبل ما تاخدي أي خطوة. أنتِ عايزة تبينيله إنك شفتي كل حاجة بطريقة غير مباشرة، بس خلينا نفكر في النتايج: مواجهة مباشرة أو غير مباشرة ممكن تزود المشاكل في البيت وتأثر على مامتك وعلى إخوتك. في الإسلام، الحفاظ على تماسك الأسرة مهم، لو حاسة إن الموضوع بيأثر على نفسيتك أو دراستك، فكري في البحث عن استشارة نفسية متخصصة من خلال تطبيق فدني، فيه خبراء بيقدروا يساعدوا في مثل هذه الحالات العائلية. ركزي على دراستك وصحتك النفسية، ولو عايزة تتكلمي أكتر عن مشاعرك أو خياراتك بدون ما تاخدي قرارات سريعة، أنا هنا أسمعك. ابحثي كمان عن أسئلة مشابهة على فدني عشان تشوفي تجارب ناس تانية.
تم النشر الاثنين، ١٩ أكتوبر ٢٠٢٦
بصي يا حبيبتي فيه بودكاست وفيديوهات دينيه بتكلم عن الخيانه دي و إزاي بتأثر ع الاسره وكمان عقابها عند ربنا كبير ممكن توريه الفيديوهات دي بس بطريقه غير مباشره وتحاولي تسأليه يعني بابا هو ينفع يحصل كذا وليه حرام أنتي فاهمه قصدي و ادعيله ربنا يهديه ومتقوليش ل مامتك حاجه
تم النشر الأربعاء، ٢١ أكتوبر ٢٠٢٦
لا انا مدورتش وراه اصلا وعمري ما عملت كدا انا فتحت التلفون برقمي ولما لقيت ارقام غريبه وحجات غريبه قولت ارقام مين مش،صحابي وكدة دخلت اكتشفت ان التلفون فتح شتاته عندي معرفش لي وازاي
تم النشر الثلاثاء، ٢٠ أكتوبر ٢٠٢٦
اياكي ثم اياكي تبيني ليه انك عرفتي و امسحي اي حاجه شوفتيها و مش تدوري تاني ليه علشان نفسيتك و علشان اخواتك و كمان مش تقولي لمامتك و ادعيلوا دايما ربنا يهدي زي ما حظرتك مش تدوري وراه تاني
تم النشر الثلاثاء، ٢٠ أكتوبر ٢٠٢٦
لعرض السؤال في فدني اضغط هنا