انا متجوزه بقالي سنتين عشت اول 9 شهور مرتاحه جيت يوم بلعب في موبيل جوزي لقيت برنامج دردشه ومتكلم كلام قليل الادب مع ينات مبقتش عارفه اعمل ايه الدنيا اسودت في وشي سكت وقعدت ادعيلوا بطل شويه ورجع تاني قعدت سنتين اشوف موبيله من وراه وهو بيكلم بنات كل يوم وكل دقيقه صبح وليا بحكم شغله سواق وبيبات بره بالايام ادعيلو واعيط وانقهرت جدا لحد ما ربنا اكرمني وحملت هو مبطلش بردوا ومكلمتهوش ومعرفتهوش اني شوفت او عرفت حاجه لحد مولدت قولت هيهدي لا فتره نفاسي لقيت نفس الوضع قولت يمكن عشان تعبانه اصبري ملقتيش فايده روحت كلمتوا وعيط وبهدلت الدنيا وانهرت وهو لانبالاه وبتفتشي لي وقلب الطرابيزه اغمي عليا شلني وخلاص ومعلش ومش هتتكرر وحلفته بغلاوت ابنه والموضوغ خلص فضل شهر مبطل وانا متابعه من بعيد لحد الشهر لما خلص رجع تاني والدردشه دي يفلوس كمان نفسيتي وحشه معدتش مبسوطه برجوعه ولا بكلامه بقيت شكه فيه حتي لو مبيعملش حاجه مش مرتاحه حتي لما بنام بحلم بيه انو بيكلم غيري وضور وفديوهات بقيت ولا نوم ولا قاعده مرتاحه مبقيش ذي الاول انا بحبه من 2017 بقالي 10 سنين بحبه ومتجوزه من سنتين مبقاش عندي لهفه لي بس بحبه ومش عوزه اخرب بيتي اعمل اي
أنا آسفة جدًا للي بتمرّي بيه، والألم اللي بتحسّيه واضح جدًا من كلامك. الخيانة المتكررة دي بتدمّر الثقة والراحة النفسية، وإنك عايشة كده من سنتين وأنتِ بتكبتي وبتدعي وبتصبري ده شيء يستاهل التقدير، لكن واضح إن الوضع بقى غير محتمل ومأثر على نومك وصحتك النفسية. من منظور إسلامي، الزواج ميثاق غليظ، والزوج له حقوق وعليه واجبات، ومن أهمها الحفاظ على النظر والكلام مع النساء الأجنبيات. اللي بيعمله زوجك مخالف للقيم دي، وأنتِ عملتِ اللي عليكِ من نصيحة ودموع ومواجهة. الحلفان والوعود اللي بتتكرر بدون تغيير حقيقي مش كفاية، والإسلام بيحث على الإصلاح لكن مش على الاستمرار في الأذى. عمليًا، جربي تواجهيه مرة أخيرة بهدوء أكتر، بعيدًا عن الانهيار، وقولي له بوضوح إن الثقة انهارت وإنك مش قادرة تكملي كده، وحددي شروط واضحة زي إنه يحذف البرامج دي ويغير سلوكه تمامًا، ولو ما نفّذش يبقى لازم تفكري في خطوات أبعد زي استشارة شخص موثوق أو متخصص في الأمور الزوجية. في نفس الوقت، ركزي على نفسك وابنكِ: حاولي تقللي من متابعة الموبايل عشان متتعبيش أكتر، وادخلي في أنشطة بتديكِ راحة نفسية زي قراءة القرآن أو الرياضة الخفيفة. الحب اللي عندك من 10 سنين قوي، لكن الحب الحقيقي بيحتاج احترام متبادل، وأنتِ مش ملزمة تدمري بيتكِ لكن كمان مش ملزمة تعيشي في شك وألم مستمر. ابحثي عن أسئلة مشابهة على فدني عشان تشوفي تجارب أخرى، ولو حسيتِ إنك محتاجة دعم إضافي قوليلي. ربنا يصلح حالكم ويهديه ويفرّج همكِ.
تم النشر الثلاثاء، ٨ سبتمبر ٢٠٢٦
السلام عليكم، طيب خلينا نتكلم بالعقل شوية ونركن المشاعر دي على جنب، أولًا أنا مقدرة مشاعرك وحاسة بيكِ خاصةً متزوجة عن حب وكمان ضحيتي كتير واضح جدًا! أنتِ مقابل حبك مستحملة طيب وهو عمل أي ولا حاجة؟ وليه أصلًا يكلم بنات وعلاقات محرمة مدمرة؟ وهو متزوج وطبعًا دي حاجة حرام! وخيانة ليكِ. الحاجة التانية: مشاعرك على جنبك واتعلمي بعقلك شوية، أرفضي الوضع دا تمامًا وخليكِ جادية في كلامك، قولي له لو ما بطلتش أنا هطلب الطلاق وهدخل حد من العائلة.. متنسيش أنتِ غالية وكرامتك فوق أي حاجة وطبعًا دي حاجة حرام ومينفعش تتعمل!! العلاقات الأسرية أتعلمي عنها وثقفي نفسك وخليكِ قوية وواعية، شوفي لو في خلل في علاقتكم أو مثلًا تقصير شوفي العلاقة من برة بالعقل مش بالمشاعر... اتكلمي مع زوجك أنت ناقصك شيء؟ وطبعًا مش معنى كلامي إنك مقصرة أو دا مبرر للخطأ بتاع زوجك لأ أنا بكلمك بالعقل وأننا محتاجين نتعامل بتريث وثقة ونتوكل على الله ونبني بيت مسلم!! شوفي علاقة زوجك بالله هي الأولوية... وكمان اسألي زوجك ترضى أنا أكلمك رجل غيرك ؟ هتكون ردة فعلك أي.. ترضى الخيانة... المهم شوفي العلاقة من برة بنظرة مختلفة وأكيد أنتِ عارفة طبع زوجك، وفي حاجات أسرية ممكن تدرسيها وأن العلاقات ممكن تمر بمرحلة ملل، ثقفي نفسك.. بلاش تتعبي نفسيًا مش دا الحل الحل إنك تعرفي الخلل فين وتبدأي تصلحي الحاجة دي الله يبارك فيكِ وتحافظي على بيتك وزوجك وأبنك وتكوني واعية صالحة٠🌸🤍
تم النشر الأربعاء، ٩ سبتمبر ٢٠٢٦
سعدوني بالله عليكم
تم النشر الثلاثاء، ٨ سبتمبر ٢٠٢٦
لعرض السؤال في فدني اضغط هنا