كيف استعد نفسيا وذهنيا وجسديا قبل الزواج بشهر ونصف من حيث التحاليل اللازمة لمعرفة المعادن التى يحتاجها جسمى وايضا من حيث كيف استعد للتقرب من الله أكثر ليتم الزواج على خير إن شاء الله
لعرض السؤال في فدني اضغط هنا
السلام عليكم
انا شخصيه متردده جدا خطيبي مهندس سنه ٢٩ سنه وانا طبيبه هو قالي انه كان شغال بعد الكليه ع طول ومرحش الجيش وبعدين أخوه قعده عشان ياخد كبير عيله وميدخلش يعني من الآخر مرحش الجيش
طول الفتره دي ولما اخوه تم ٣٠ سنه خطيبي قدم للجيش السنه دي وهو عنده ٢٩ سنه بإرادة أهله وزنهم عليه انه يخش طبعا هو اتقدملي ف الفتره اللي هيا قبل الجيش بشهرين
الشهرين دول مشوفتوش بيشتغل فيهم لما سألته قالي اني كنت بروح مواقع الأول وبعد كده وقفت واشتغلت اونلاين لانه لقيته افضل وفلوسه احسن وطبعا الاونلاين ده يوم شغال وعشره لاء
كان بيجيلي كل يوم ويشتغل بعد ما يروح من عندي اجي ابص لحياته الاقي انه محققش اي حاجه قعد من بعد الكليه لحد دلوقتي معتمد ع فلوس باباه لجوازته وشغله الاونلاين ده بيمشي بيه مصاريفه يعني مش بشوفه بيسعي مثلا ويحوش لاء هو الفلوس اللي بيجبها بتكون لنفسه ومصاريفه في الجيش
طبعا امي اتضايقت منه وقالت لي مبيشتغلش وهيتعبك معاه ومامته اللي هتصرف عليكو وانا مش عارفه اعمل اي هو ف الجيش برضه يعني صعب يلتزم ف شغل وبينزل ع القهوه يقعد مع صحابه مش بحسه كده واحد فرحه هيكون ف شهر ١٠
اللي مخليني متردده اكمل ولا لاء انه بيعاملني بالحسني وعمره ما قل أدبه عليا وبرغم انه عصبي الا انه حافظ لحدوده جدا عمره ما أجبرني ع شئ وبيحبني
اعمل اي تعبت من نظرة أهلي ليه وهو الله اعلم بيشتغل ولا لاء انا مشفتش اي حاجه مش عارفه احكم ع حاجه وهو ف الجيش اعمل اي وهو بيقولي بعد الجيش هسافر هو انا مش عارفه ده يبقي اسمه طموح ولا لاء مش عارفه آخد قرار لدرجة بدعي علي نفس اموت وأرتاح من كل اللي ف دماغي ده
وغير كده برضه مش ملتزم هو مش قليل الادب لا سمح الله بس مش شبهي ف التفكير الديني ولا حتى الفكر الثقافي بيتابع كوره عمري ما ناقشته ف موضوع علمي ولا حاجه في بعد ثقافي بينا ومامتي بتقولي معندوش اي حاجه يقدمهالك انت واخداه معدوم اعمل اي
لعرض السؤال في فدني اضغط هنا
كيف أبحث عن الزوجة الصالحة مع العلم أن سني تقريبا ١٤ سنة و اريد ان اتزوج من هي مسلمة صالحة بالغة أصغر مني حتى لو بيوم
لعرض السؤال في فدني اضغط هنا
جدعان حاليا انا باذن الله هخطب صالونات وكدا وحده والدتي تعرفها ولسه بالاول خالص ....
بس بصراحه خايف وحاسس اننا ممكن منكش شبهه بعض وهكذا فهل ده عادي عشان اول مره وصالونات وكدا ؟؟؟!
تنصحوني ب ايه ؟؟ الفتره الجايه
لعرض السؤال في فدني اضغط هنا
هو ليه شباب اليومين دول في مشاكل زوجيه كثيرة
لعرض السؤال في فدني اضغط هنا
انا بقي عندى 35 سنة ومش اتجوزت وتأخر جوازى ده تاعب نفسيتى نفسي افرح واتحب والاقي اللى يهتم بيا ويخاف عليا وعلى زعلى انا حاسة أن ربنا مش معايا ومش ساندنى وانى تائهة في الدنيا مش لاقية بر ولا حل وكل أما عريس يتقدم مش بيبقي مناسب
لعرض السؤال في فدني اضغط هنا
السلام عليكم
سؤالي للشباب اي السبب الي بيخليك تفكر تتجوز على مراتك بعيد عن الحمل والكلام دا يعني من الاخر كدا هي انسانه محترمه وبتأدي كل واجبتها وتعرف ربنا ومحافظه على بيتها وعيالها والله الموضوع مش شخصي بس نفسي افهم بجد
وكمان في رجاله بتخبي عليها طب ليه هي من حقها تعرف علفكرة لأنها عندها مشاعر ومتقوليش خفت عليها لأ هي ليها تعرف عشان يا تكمل يا ماتكملش وهي معاها حق وكمان حابه اعرف شعورك لو مثلا ربنا استغفر الله يعني بقول مثلا كان محللها تتجوز عليك وعرفت انها اتجوزت من وراك ايه شعورك ساعتها ما هي هتكون خايفه على مشاعرك برضو وعارفه ان مينفعش اصلا بس الست بتتكسر وبتحس بالخيانه لما بتكتشف حاجه زي كدا ومش بعمم محدش ياخد الكلام على نفسه
لعرض السؤال في فدني اضغط هنا
سؤال كان متقدملي شخص مسافر وأهله ناس كويسين وهو كمان بس معرفش كنت رافضه جدا لان هو كان رافض اسافر معاه ودا شككني فيه ، انا عشان مظلمهوش معايا نهينا الموضوع ، عارفه ان في كتير من الشباب الي بيسافر بيتجوز عشان اسباب كتير منها يعفي نفسه من الي بيشوفه هناك وانا معنديش مشكله في النقطه دي بس يكون واضح من الاول يعني نكون على نور عشان معرفش بعدين واتصدم فيك بحب الوضوح من البدايه يا وافقت على الوضع يا رفضت ودا حقي ، وعلفكرة برضو هو معاه حق في نقطة تربية الاولاد هنا هيكون افضل واسلم من هناك بس احنا فين والولاد فين ، هل شكي في غلط وكدا ظلمتة وهل افورت في التفكير وعملت سيناريو على الفاضي ورفضي لأي شخص غير واضح دا صح
لعرض السؤال في فدني اضغط هنا
أنا دايما بكون صريح جدا فى الرؤية الشرعية وللأسف الشديد بترفض لعدم الارتياح هل ده صح أم خطأ
لعرض السؤال في فدني اضغط هنا
السلام عليكم
يفكر أهلي إذا تقدم لي احد للزواج أن أخفي عنه مرضي النفسي (وسواس قهري ديني) و انا اشعر بعدم الامانة و المصداقية في هذا ، انا الحمد لله افضل بكثير الان و لكن اوشكت على إنهاء الدراسة الجامعية و قد يتقدم لي أحد و اريد إخباره بحالتي النفسية و اني حاليا مستمرة علي علاج نفسي بشكل يومي فما رأيكم
لعرض السؤال في فدني اضغط هنا
انا متجوزه بقالي مده من الوقت طويله بس مش اوي وكنت بحب زوجي جدا لدرجه اني كنت عاوزاه جمبي باستمرار ومع مرور الوقت الحب ده اتحول لشعور غريب مش عارفه اوصفه بالكره بس انا مبقتش حابة وجوده في حياتي ولا اشوفه ولا اسمع صوته ولا حتى اني اقعد معاه تراكمات جوايا خلتني اوصل لاني ماعتش عاوزه اكمل بس للاسف معايا ولدين رفضي مش علي مصاريفهم لان هو مش بيدخل دخل للبيت بس علشان الاولاد مايتعقدوش
لعرض السؤال في فدني اضغط هنا
رغم التعب الي شوفناه عشان نتجوز من أول يوم زفافنا مشاكل وضغط قلة خبرة وعدم تخطيط ومفيش نظام وكل حاجة جات وراء بعض شهرين أو أكثر جري عشان الأوراق تخلص وطبيعة حياتي أنا وهو مافيهاش جري بالشكل ده كنا مرتاحين ومدلعين.
وبعدها اختلاف طباع ووجهات النظر وطريقة الكلام واتخاذ القرارات وسرعة الغضب وعدم الصبر والتحمل ومن كلمة واحدة كل حاجة بتنفجر ويتم مهاجمة بعض في الغالب أو كل المرات كان يوصل أنه أنا الي ابتديت وأنا الغلطانة وأنه أي كلام أو تصرف منه رد فعل على الي أنا عملته تمام أحيانا كثير أكون اتكلمت أو اتصرفت بطريقة خطأ عارفة ده وهو كمان لكن رد الفعل يكون مبالغ جدا مع كلام بيأذي شخصي .
وهو كمان أكيد حس بجرح وحاجات كثير لكن بلاحظ أنه بيحب يقعد لوحده مع موبايله بيكون مرتاح أكثر حتى ينام ويصحى معاه حتى الحمام حتى وقت الأكل تقريبا ٢٤ ساعة بالأول كان الموضوع مش بيلفت انتباهي لكن بدأ الموضوع يزيد عن حده لأنه حتى لو كان بيشتغل فمفيش شغل ٢٤ ساعة وكمان متأثر بأي فيديو أو معلومة تفوت عليه وبيحاول يحدد شخصيتي ويقنع نفسه بصفات فيا وفق الي بيقرأه أو بيشوفو
حتى بلاحظ عنه عدم الرضا والشكر لله كأنه فاتح الباب للشيطان عشان يسمحله ويصور له أنه حياته مليانة بؤس في زلات من لسانه قال كلام كثير جدا تدل عن أنه كان بيفضل يبقى عايش لوحده وتقريبا كل شوية يقول في ١٠٠ وحدة تتمنى تعيش مكانك وغيرها وغيرها الكلام ده بمجرد ما سمعته قلت لنفسي هل هو واعي ومدرك للكلام الي بيطلع منه لانه الفعل ما بيستدعيش كل رد الفعل العنيف ده بالطبع الأفكار الي مليانة دماغه طالما مافيش ضرب وشتم فأي كلام غيرهم يعتبر رد فعل عادي
مش هكذب لما كنت معاه لوحدنا الفترة الي فاتت كنت خايفة منه بقيت أصحى في نص الليل مرعوبة وأقول لنفسي يا ترى هيحصل ايه واحاول اراقب كلامي وتصرفاتي وقبل ما اتكلم اعيد الكلام ١٠٠ مرة في عقلي بعدين اتكلم ، حسيت انه أي كلمة أو تصرف فهيكون متراقب وأي غلطة أو كلمة من غير قصد الدنيا هتتقلب.
كان في ليلة من التوتر قعدت اعيط في الحمام من الوجع لحظتها حسيت النفس اتقطع وأني هموت وجع من كتفي وذراعي الشمال ونزل حتى للساق وكل رجلي ما قدرتش اتحرك من على الأرض وفي نفس الوقت اتحملت الوجع وسكتت ما كانش عندي الجرأة أناديه قلت يا ريت أبي موجود أو أخواتي الله المستعان
قال جملة أنه طول ما أنت كويسة أنا كويس
يعني لسا مقتنع انه أي مشكل وأي تصعيدات أنا السبب فيها وأني مهملة ومقصرة حتى غلط في اسمي وجاب سيرة خطيبته السابقة بيخلي جو مثير للشك ومرة لقيتو في السيرش بتاع موبايلي بيدور على رقم بنت كمان الله المستعان
مش بزكي نفسي ولا احط اللوم على حد لأنه كل واحد بيشوف نفسه مظلوم، بقيت خايفة وبفكر كثير في كل حاجة، مع أني حسيت بأنه الضغط خف من عليا في الأسبوع ده الي بقيت فيه في بيت والدته جزاها الله خير الجزاء بقيت احس بالجوع وأكله عادي ومش بسيب وجباتي .
زوجي مجروح بطريقة لا يمكن للعقل تصورها مهما كتبت وقلت فتفاصيل حياته مستحيل تخلصها كلمات عارفة كل لحظة عاشها أثرت فيه والده الي ما قامش بدوره ووالدته الست الطيبة المسكينة الي اتحملت قسوة الدنيا كلها وتعبت عشانهم وظلم اخواته ليه و سنة كاملة هو لوحده بيتعذب ويا عالم الأفكار الي كانت في عقله عملت فيه ايه ده غير المقارنات الي بيتقارن بها أنا حاسة به والله وبكل حاجة عاشها حتى لو ما كنتش موجودة وقتها.
عيونه ديما مليانة حزن كأنه شايل هم الدنيا فوق كتفه و كمان من جهة أنا شخص مختلف عنه ليا حياة من قبله شويا حلو وشويا وحش والطبيعي الواحد يتأثر ولك أن تتخيل اثنين مجروحين يلتقوا ويحاولو يبنو حياة لنفسهم تحت سقف واحد لما بسكت هو مش عارف ان دي طريقتي في أني اهدي نفسي عشان عقلي يعرف يفكر
مش ببرر تصرفاتي ولا تصرفاته بسبب الضغوطات الي مرينا بها
بس احنا اتجوزنا ولازم نحاول مرة والف عشان العلاقة دي تنجح ونصلح من نفسنا ونعين بعض على التغيير للأحسن عارفة انه ده صعب لكن مش مستحيل والرجل ده أنا عمري ما هفرط فيه أبدا مهما يحصل مش بس بحبه وبحترمه هو يستاهل يتحب زي ماهو كده بيعمل حاجات بكل تلقائية تخليني أموت فيه ساعات بحس بأني ماعنديش عقل لما بالليل يلف لأن ذراعه وجعاه رغم الاختلافات وحتى الزعل واللحظات الي مش كويسة وخوفي منه بس من ناحية التانية بكون مطمنة عامة أنه موجود وجوده لوحده كفيل يخليني مرتاحة وعارفة أنه في تناقضات ما بين الخوف والسعادة والراحة بس راضية به وقلبي وعقلي راضيين ومتأكدين أنه هيبقى أحسن زوج في الدنيا احنا مش ملايكة ومش شياطين في نفس الوقت فبقدرة ربنا والتوكل عليه والاستعانه به اكيد هنقدر نبني أسرة سوية متيقنة من ده ومتأكدة أنه عمره ما راح يخذلني
كل ده لا ذنبه ولا ذنبي ذنب الظروف الي تحطينا فيها من غير إرادتنا
إحنا مش بننفجر عشان المشكلة الحالية، إحنا بننفجر عشان الماضي كله اتحشر جوانا وطاقتنا بقت حرفيا معدومة احنا مش محتاجين بس نحل المشكلة احنا محتاجين نشوف المشهد كله والصح بدل ما نهاجم بعض نحاول نخلي مساحة أمان لبعضنا وأكيد هيحصل بإذن الله وكمان الخوف جوانا رغم أننا ما بنقولش لكن متأكده أنه مش عايز يعيد نفس تجربة ابوه ولا عايز يعمل زيه كل كلامه انه عايز يخلي الحياة أحسن عشان ولاده ما يتعذبوش لما ييجو
بس أنا تعبانة حاسة نفسي رجعت لنقطة الصفر مش حاسة اني متجوزة بعد ما سافر حاسة اني رجعت للمرحلة الي كنت عايشة فيها مع خالتي حتى التواصل معاه قليل و كمان ماعنديش حق اقول الي انا حساه حتى لو بيقول قولي كل حاجة وأي حاجة مضايقاكي لكن لو فتحت فمي واتكلمت هسمع أنه المفروض احس بده وبده فبقيت احاول ارجع لنفسي واعتمد على نفسي بس كده كده هو مش هيكون موجود وهكون في كل حاجة لوحدي ومابقاش ليا نفس اسمع تجريحات وانتقادات مستمرة
نفسي اتمشى كل يوم زي ما كنت متعودة اشم هواء حاسة اني لوحدي لا أهل معايا ولا منى الي كنت اطلع كل اثنين وخميس معاها ادلع نفسي واشتري كل الي نفسي فيه ولا عندي حد صحيح والدته المسكينة طيبة وتعاملني كويس يشهد الله اني بحبها من كل قلبي ده كان حتى بيشكك في حبي ليها لمجرد اني بقول انه تمنيت يكون عندي بيت
خايفة على نفسي من الحزن مش عايزة أتوفى وأنا بعيدة عن أخواتي
الفكرة مرعبة أعيش لوحدي وأنا على ذمة راجل وكمان لو اتوفيت ادفن في مكان مافيش حتى مين يزور قبري من أخواتي
أحيانا بسأل نفسي كثير هو اتجوزني ليه طالما مش بيحبني اتجوزني ليه
رغم كلامه انه بيحبني لكن الكلام الي سمعته لحظة غضبه أنه على الأقل احنا نفضفض مش زيك عندك أرق وهالات من الكتمة
وأنه مستحملك بس من باب الإنسانية وأنه الحياة معايا مليانة حزن وبؤس و أنه طالما مش عارفة طلعيني من توتري هطلع نفسي أحسن
وأنه بسببله ضغط نفسي ...الخ
كان كلامه جارح جدا
بعد الكلام ده انهرت حرفيا حسيت نفسي في الفترة دي اتحولت لوحدة ثانية الي هي السبب في كل حاجة
دعيت ربنا يديني العقل
الحمد لله بحاول ارجع لنفسي لوحدي واعتمد على نفسي
ايه الحل مع الشخص ده
لعرض السؤال في فدني اضغط هنا
انا زوجي دايما يهجر بيت الزوجية لمدة طويلة من اشهر لسنة والمرة دي من يوم ماعرف بإني حامل انقلب علي بالعربي جا عمل تلقيح وغاب لما صار حملي أربع اشهر رفع علي قضية فك الرابطة الزوجية بدون علمي حتى تفجأت بطلب المحكمة بحضوري وكان مصمم لما ضغط عليه القاضي وقالو راح اعطيك فرصة تعيد النظر في طلبك ولما رجع مرة تانية للمحكمة كان مُصر بس فجأة واثناء الجلسة لغى الطلب وطلب استمرار الحياة الزوجية لكن ولا مرة جاني ولا زرني علما لدينا طفل ودلوقتي ولدت وجبت توأم ولا جاني ولا عبرني وحتى ولاده ولا تحمل مصاريفنا ولا شي هل استمر مع الانسان دا ولا انفصل عنو
لعرض السؤال في فدني اضغط هنا
بدون اي مقدمات انا تعبت جوزي بيهيني وقلب ترابيزة انا اتخنقت ولا عارفة اطلق ولاعارفه اكمل تعبت محدش يقول لي صلي والنبي بلاش كلام في الدين لان انا مش موجودة اصلا عشان آخد بالي من صلاتي ولا نفسي ولا بنتي
لعرض السؤال في فدني اضغط هنا
السلام عليكم
انا دلوقتي بنت عندي 19سنه اتقدملي عريس عند 26سنه وانا مرتاحه وكل حاجه بس امه شغاله بتبيع كشري قدام مدرسه فده أوفق ولا ارفض انا محتاره والله 😭😭😭 وكمان عايز يتزوج في دور ارضي واخوه الكبير متزوج في شقه دور تاني هل ده ينفع
لعرض السؤال في فدني اضغط هنا
امبارح كنا عند اختي في بيتها بننظفه لأن زوجها راجع من السفر هي ساكنة في بيت عيله وهي في الدور الأخير
المهم احنا طلعنا وهي فضلت تحت تسلم على اخوات زوجها ووالده والأطفال ولاد اخواته طلعوا وإحنا ببنظف فقلنا للأطفال في نص اليوم كده مرة أو مرتين انزلو وفي مرة منهم بيقولو إن طفله من الأطفال بيقولو أننا قلنالهم يلا انزلو عشان صدعنا
فالمهم اخت زوج اختي بعتت لها رسالة بتقولها أنتم ليه نزلتو الولاد وكلمتوهم بالطريقة دي كان ممكن ترنو علينا واحنا ننزلهم مع أن إحنا لا زعقنا للولاد ولا قلنا الكلمة دي وحتي لو قلناها كانت في سياق أن الطفلة دي ما تزنش لأنها كانت عاوزه تروق معانا وأصلا وفي نهاية الرسالة راحت قائله أنا من حقي أنا كمان لما اخواتك يجو عندنا أقول لهم ما تدخلوش بيت ابويا عشان مصدعة
وقالت لأختي أنا قلتلك من الأول ما تاخديهمش معاكي قالتها أنا متعوده أخدهم وبحبهم ولما بكون خلاص انشغلت ومحتاجاهم ينزلو بقلهم ينزلو
قالت لها إنت تقوليلهم إنما اختك تقولهم ينزلو بتاع أي مع أننا في شقة اختي
المهم إحنا وضحنالها الصورة وبردك مش مقتنعه فزوج اختي شاف الرسالة لأن اختي بعتتهاله واتخانق معاهم بس هما مصغرين دماغهم ولا عاوزين يعتذرو ومغلطينا والمشكلة كبرت وأحنا كده اتكرشنا واتقل من قيمتنا مش عارفين نعمل إيه وزوج اختي اتخانق معاهم بس هو من كتر تنسيق دماغهم بدأ يتراجع ويحاول يغلطنا مع أنه رن علينا واعتذر
و لأن زوج اختي راجع النهاردة من السفر وعاوز يرجع يلاقي اختي في البيت لأنها طول فترة سفرة قاعده معانا في البيت فأنا مش عارفة نعمل اي
لعرض السؤال في فدني اضغط هنا
انا بعشق بنت خالتي بموت فيها بمعنى الكلمة وحاسس انها احتمال بسيط بتبادلني نفس الشعور بس انا مش عايز اعترف ليها عشان مش تربيتي ولا عادتي اني اكلم بنت في حب وهي دلوقتي هتمتحن ثانوية عامة وانا نازل مصر أخلص ورق وماشي ونفسي آخذ خطوة أكلم خالتي او جوز خلتي بس مكسوف اروح ليهم وانا معنديش فلوس ومتدين فلوس كمان عشان اعرف انزل مصر اخلص ورق تأشيرة للسعودية عشان اسافر اشتغل وابني نفسي
خايف اروح ليهم وانا كدا ويرفضوني ويكسفوني وعلى فكرة انا ٢٢ سنة وهي ١٧ وبفكر استنا لحد ما اكون نفسي وبعدها اتقدم ليها بس مرعوب تروح مني انا في حياتي كلها ما اعجبت في بنت بس هي سحرتني هي جمال مش قد كدا بس انا شايف انها ملكة جمال العالم وضحكتها بتوديني في عالم تاني
انا عمري كلو ما حسيت فيه بالمشاعر الي حسيت فيها لما شفتها اول مرة من ٦ اشهر ومش عايز اقول لأمي تكلم أختها عشان مش بحب حد من أهلي يساعدني في اي حاجة ومش عايز اعترف ليها بحبي ليها عشان ده مش اصول
لعرض السؤال في فدني اضغط هنا
انا متجوزه ف بيت عيله انا وجوزي كنا حب ٣ سنين كل حاجه كانت كويسه لحد تاني يوم فرحنا أمه بتغير مني اوي وبتغير عليه كاني كنت واخده جوزها المهم انها كانت قاعده لازقة لنا كانت تيجي تقعد مع جوزي الوقت ال كنت بستناه عشان نقعد مع بعض
كنت ببات لوحدي بال ١٦ ساعه وده الوقت ال مفروض نقعد فيه مع بعض كانت تيجي ونتخانق بسببها أدخل اوضتي واغضب وهي تفضل قاعده معاه بره يضحكون ويهزروا ونا كنت دايما بحاول اتأقلم وابقا ف حالي بس مكنتش بتسكت كانت تشكيله مني مبتسلمش عليا ومبتنزلش وكان يجي يضربني ويشتمني
فاكره أنه كان مره ضربني قبل امتحاني بسببها بعدها بشهر عرفت اني حامل برضه كان الوضع هو هو كان يجي أمه تقعد معاه ف شقتي ونا لوحدي ف اوضتي بعيط وكاتمه صريخي ف المخده
المهم نا كل ده بحاول اتأقلم عشان مخربش بيتي بس بجد مش قادره أنسى الاذيه ال جوزي اذاهالي انا كل يوم بفتكر المواقف وبنهار منهم لله هو وأمه حتى بنتي برضعها نكد وقرف اللي زاد بقا أنه داخل ف سنه من غير شغل يعني حرفيا عايشه بلقمتي ف البيت ده ده غير أنه ٢٤ ساعه عند أمه ونكد وقرف بسبب أنها مبتهداش
كل شويه تسلطه عليا من تحت لتحت نا بجد مش عارفه اعمل إيه
كمان أنا مسيحيه موضوع الطلاق ده صعب جدا وحامل تاني واهلي كنت مقاطعاهم بسببه بكرهه وبكره أمه منهم لله دمرولي حياتي ونا لسه سنتين بس يعني حتى لما كنت لسه عروسه أمه كانت بتنادي عليه من يوم الصباحيه ويسيبني وينزلهم نا بجد مش هقدر اكمل كده نفسيتي بايظه وخايفه ده يأثر ع بنتي وع الحمل
لعرض السؤال في فدني اضغط هنا
انا مش عارفه اعمل ايه انا تايهه مافيش علاقة بتكمل ليا ومبقتش عارفه العيب فيا ولا فيهم ؟
انا مخطوبة من فترة قصيرة بالظبط 26/4/2025
لمهندس مدنى ، ف الفترة دى لاحظت تصرفات كتير محبتهاش ومش عارفه استقبلها ودائما بتخانق معاه بسبب أنه عكسي والبيئة مختلفه والثقافات مختلفة بالرغم من أنه مهندس بس الثقافه والوعى والتحضر مالهوش علاقة بالدرجه العلمية ،
يعنى مثلا اول منقعد سوا يمسك الفون ويفضل قاعد ع الفون ولا كأنى موجوده مش بيحاول يتعرف عليا يعرف شخصيتي يعرف انا بحب ايه ومبحبش ايه كذا مرة الفت نظره أنه مينفعش يمسك الفون واحنا قاعدين مع بعض حتى وأهلنا قاعدين معانا أو مثلا يكون بابا بيتكلم معاه بيكون ماسك الفون
وهو بابا بيكلمه وصوته عالي اوى طريقه كلامه وحشه وكله إيحاءات جنsية وبجد بقيت حاسه انى بقرف منه حتى لما خرجنا ف كافيه برضو كان قاعد ع الفون لفت نظره اكتر من مره واتخانقت كتير خناقات كبيره ومافيش فايده ويقول أن دى حاله مرضية ومش عارف ابطل ...
لدرجة انى بقيت امسك الفون اول ميمسك فونه
وحرفيا معندوش ذوق نهائي وكل اللى فالح ف أنه يعاكسنى ويفضل يقول كلام حلو فهمته كتير انى ف كلام تانى ممكن نتكلم ف غير المعاكسه والكلام الحلو
لعرض السؤال في فدني اضغط هنا
السلام عليكم
انا تقريبا حياتي شبه انتهت انا لسه والده مكملتش 20 يوم وبيتي حرفيا شبه اتهد كل حاجه بتوحي بالانفصال هحكي مواقف خاصه بالماديات دلوقتي علشان انا منهاره حرفيا مطلوب مني اكمل علشان خاطر ابني علشان خاطر يعيش حياته بطريقه كويسه ومطلوب مني اني استحمل انا مش عارفه احكي لمين بس انا تعبت مبقتش عارفه اكمل كل حاجه أسوأ من التانيه مش عارفه اخاطر بابني واسيب زوجي ولا اعمل ايه منا كدا مش هعرف اربيه
طول الوقت تعب وقرف هربيه ازاي.. وطول الوقت بيحاسبنا ع كل حاجه.. حاجه لما جيت اجيبها دمرني نفسيا وكمان مجبتش حاجه غير هدوم ويدوبك بتكفيه غيار يومين ورضيت ومطلبتش حاجه وكل اما اقول ع حاجه يدمر ف نفسيتي وبرضو مبيجبهاش..
انا هنتظر من واحد كان بيعد عليا استخدام المناديل اي.. هنتظر من واحد شافني طول الشتا متبهدله ومعنديش هدوم وكنت بتذل ليه علشان بجامه واحده مرضيش ووالمصيبه ان وقع بكلامه وانا عند الدكتور وقال اني كنت متفق ع اني اجيب هدوم لعروسه وكنت مبرضاش اديكي فلوس علشان مش هتعرفي تصرفيهم كويس..
ازاي ااه منا نسيت اني قليت من نفسي معاك كنت بساعد وبجيب دلوقتي مبقتش عارفه انطق اقول نفسي في حاجه يكفي انه شايف مامته رايحه جايه تديني هدوم مستعمله وكوتشيات مستعمله...
انا اللي بابا عمره مخلاني محتاجه حاجه ولا بلبس من ورا حد خالص وصل بيا لكدا أنا اللي عشت عمري مدلعه ع اخواتي دلوقتي كل موقف اتعرض ليه يكون فيه ماديات وتكون خاصه بيا بيخلني ادفع ازاي وهوا رافض حتى يديني مصروف ولا حتى حاجه هوا حابب انه يخليني مذلوله وممعيش حاجه
ولما رجعت اشتغل تاني لو جابلي اي حاجه كان بيحاسبني عليها حتى طقم ابني مرضيش يديني فلوسه راح جبلي قماش حاسبني عليه.. ولا عبايه ماما لما قالي مش هطلع من المحل الا لما تبعتلي الفلوس.. ولا لما فضلت اتحايل عليه واقوله رجلي بتوجعني من الوقفه ورجلي ورمت محتاجه كروكس بعد تحايل كبير يوافق وهناك يقولي ع حسابك وهاتي معاكي ولا اما عاتبته وراح بعتلي الفلوس كاش اللي خلاني اصرفهم وبعدها بدقايق بعتهمله
طاب بجد لو بيديني طاب بجد لو انا فعلا بقوله جيبلي وجيب والله العظيم مبرضاش اجي عليه دا انا مفيش مرا طلبت منه قصب الا اما جاب كوبايه لينا احنا الاتنين وعمري ما اعترضت ولا مرا خرجت معاه وطلبت حاجه ولا مسكت ف حاجه..
يوم مروحت اجيب جراب الموبيل قالي ادفعي يلا اتكسفت وخدتها بهزار لقيته كان بيتكلم جد روحت مدايه 100 جنيه يجيب لعب لابنه بيها بدال اللي دفعه بيحسسني اني مش مسؤولة منه.. بدخل معاه اماكن كتيير ولا مره وقفته وقولت ليه جبلي حاجه
ممشي اهل مصر كان بيجيب لينا احنا الاتنين علبه بطاطس مع ان كل المغريات قدامك. بس عمري مهطلب حاجه فوق طاقته ويوم مكنت عند الدكتور ورجعنامتاخر واكلنا كشري ف المنيب فضل يقولي ادفعي يلا ولو مدفعتيش هتعزمينا ع حاجه حلوة انا لو طولت اديه عيني بس مش بالطريقةدي........
كلام كتير ومواقف اكتر.. بس تختم باني اطلب اكل عشان مش قادره اعمل والولا طول الليل والنهار قاعده بيه ومن غير اكل يحاسبني عليه ويقولي هاتي فلوس الاول قبل مطلب وادايق وارفض ياخد من ورايا وانا نايمه..
دا دي فلوس اللي اخته مديهالي وكمان 200 ج كانو باقين من فلوس اللي بابا ادهملي ف العيد.. اما لو بيديني وادبق واصرف والله العظيم حرام اللي بيحصل دا كدا من الناحيه الماديه فما بال علاقته بيا عامله ايه وعايشه ازاي
لعرض السؤال في فدني اضغط هنا
سؤالي مش خاص بيا بس بجد أقسم بالله مش قادرة اسكت
هو ينفع واحد يروح خارج في نص الشارع ويقلل من مراته ويطلقها بعزم ما فيه ويعيد ويزيد في الطلاق ولا اكنه بيلعب وشغال فضيحه في مراته وفي بيته قدام الكل حتى لو ايه حصل بينهم (فإمساك بمعروف أو تسريح بإحسان) ، مش دا ميرضيش ربنا
لعرض السؤال في فدني اضغط هنا
السلام عليكم
عندي سؤال وودي تساعدوني بطريقة عقلانية لان والله ما اقصد شي غلط ولا تنمر ولا اي شي بس إن شاء الله تفهموني
أنا متزوجة من ١٠ اشهر تقريباً وزوجي تمام معي وكل شي فيه كويس صح احيانًا تحصل ببننا خلافات بس هو كويس ويحبني ويقدرني
لكن في مشكلة وهو انه أقصر مني صح مش كثير بس برضو مادري كيف اشرح بس لما نطلع مع بعض احس شكلنا غلط وانا اطول منه حتى لو بشي بسيط هو ماعنده مشكلة بس أنا لان كنت دائمًا اقول باخذ واحد طووويل ومدري ايش ف احس الان شكلنا غلط غلط ،وخواتي دائمًا يذكروني بهذا الشي انه اله والله شكلكم مدري كيف لما تمشوا سوا وانتي اطول وكذا كلام وانا اساسًا اكون متضايقة من غير شي
المهم وصلت لمرحلة إذا متزاعلين او حصلت بيننا اي مشكلة اتذكر برضو هذا الشي واتضايق اكثر واكر وما عاد ارضا إلا بعد م احاول اقنع نفسي وأهديها انو معلش المهم انه حنون ويحبني ومقدرني وكذا بس مو قادرة أتقبل ولا قادرة أتخطى
تخيلوا حفل تخرجي قريب أفكر م اشارك بالحفل عشان أسباب كثيرة بس ومن الأسباب انو بيحضر وبنتصور وقدام زميلاتي ويشوفوه أقصر مني وأعرفهم مستحيل يسكتون 🙂🙂
احبه والله بس بهذا الموضوع احس م افكر بحب ولا افكر بأي شي ثاني 😓😓😓
لعرض السؤال في فدني اضغط هنا
السلام عليكم ورحمه الله وبركاته.
انا متجوزه من حوالي 13 سنه. يعني ايام حلوه وايام صعبه مع جوزي واهله واهله كانوا ناس صعبين شويه تعبت معاهم. كنت عايشه في بيت عيله فضلت معاهم حوالي ست سنين او اكثر في بيت العيله.
وروني ايام صعبه صعبه جدا يعني من معامله سيئه من شغل من قهر كل حاجه. كنت بستحمل واقول معلش عشان طبعا مامتي مطلقه. واحنا في ارياف فمش عايزه أكون يعني. سبب إن اخواتي ما يتجوزوش وكده كنت عايزه أسلك واعيش عشان خاطر برضه خلفت بنتين ورا بعض. كنت عايزه اسلك واعيش. يعني. الحمد لله اهله بعدوا عني وعاشوا في مكان بعيد عني وفضلت انا لوحدي وهم في مكان بعدها الحمد لله يعني حماتي لما بعدنا عن بعض بقت احسن معايا في المعامله وبقت تعاملني كويس
وعرفت ان أنا يعني حد كويس وكده واللي كانت بتفسد ما بينا أيام العيله كانت هي سلفتي الله يسامحها. بس لما يعني كل واحد كان في مكان فهي عرفت الحلو من الوحش وبدأت تعاملني كويسه ومن ساعتها واحنا كويسين مع بعض وكده.
المشكله بقى ان جوزي. الله يهديه. بقى يعني عنده شويه كده استهتار فيا مش عارفه ليه مع انه يعني احيانا بيكون كويس معايا وكده بس لما بيقلب معايا بيكون بحس إن هو يعني بايعني على الاخر كاني انا مليش لازمه عنده وخصوصا كل لما يحصل مشكله بيننا يقول لي امشي سيبي البيت مش عارفه ايه الكلام زي كده. فأنا مرضاش اسيب البيت وطبعا اسيبه ولادي واسيب حياتي وشغلي ومصالح بيتي
مع العلم ان انا يعني شغاله. يعني اول مره اشتغل بالحصه السنه دي بس انا شغاله بقى لي حوالي اكثر من 10 سنين بدي دروس ومعي يعني وليا دخلي الخاص المادي الخاص ما كنتش بستكثر عليه حاجه ان انا يعني بصرف في البيت ويعني مكفيه وبعمل شغل البيت كله مش مخليهم عايزين حاجه مش مقصره في حاجه ولكن بالمقابل اه هو احيانا كويس معايا بس لما بيحصل اي موقف او اي مشكله. بلاقيه تغير 180 درجه. اللي هو امشي سيبي البيت يلا اتصل على بوكي مش عارفه ايه كلام زي كده فيعني اللي هو يمشي فارق معاه.
آخر مشكله حصلت ما بينا كانت من حوالي اسبوعين. ويعني مش مشكله يعني تستاهل ان هو يعني شدينا مع بعض شويه علشان هو زعق لي قدام مامتي فقلت ان انت بتزعق لي وانت مش عارف ايه مع بعض. وبعدين كنا جايين في يعني في المواصلات انا وهو ومامتي كانت مامتي تعبانه وانا بكشف عليها وهو كان جالي يعني فالمهم رحمه دخلني هنا عند مامته وقال لي تقعدي هنا لحد ما اجي اخدك. وروحت داخله وفضلت قاعده بقالي حوالي فوق 15 يوم كده قاعده عند مامتي ولحد دلوقتي ما جاش خدني ولا مثلا أتصل بيا ولا ولا اي حاجه ولا كاني اي حاجه مع
العلم ان انا بصرف في البيت. وبربي الولاد. حتى للدروس انا اللي بديها لهم يعني مش مكلفه حاجه ولا يعني مصاريفي ثقيله عليه ولا اي حاجه بس مش عارفه هو بيعمل كده معانا ليه؟.
لعرض السؤال في فدني اضغط هنا
السلام عليكم ورحمة الله وبركاته
لو سمحتوا فيدوني، انا خاطب بقالي شهرين ودي تاني خطوبة ليا وبصراحة مش مرتاح في الخطوبة وحاسس بعدم قبول وهي كمان مش شداني ليها هي طيبة وحد كويس وأهلها ناس محترمين جدا
ولكن انا من جوايا مفيش قبول انا خطبتها صالونات ع امل ان الدنيا تبقي كويسة ومش عارف اعمل ايه
وكمان خايف بعد مما أفسخ الخطوبة اكون بظلمها او بتبطر عليها وأتعاقب من ربنا ع ده ومش عارف اخد قرار اكمل وخلاص ولا ابعد
لعرض السؤال في فدني اضغط هنا
ينتابني فضول ورغبة قوية في التحدث مع غيري من الرجال عن زوجتي ومواصفات جسدها أفعالها وما تفعله في العلاقة وعن كثير من الأشياء الخاصة بها المثيرة، إضافة لإرسال صورها الخاصة وفي بعض الأحيان مشاركة صورها وهي عارية في البيت أو خلال العلاقة،
أرجو منكم المساعدة في إيجاد الحل ومساعدتي في الابتعاد عن ذلك ووصف ماهي الحالة التي أتعرض لها رغم انني أحاول كثير الابتعاد عن ذلك الا ان شهوتي تاخذني مجددا إلى ذلك @Somaia Nassar
لعرض السؤال في فدني اضغط هنا
@Somaia Nassarاريد حلا
لعرض السؤال في فدني اضغط هنا
انا في مشكله كبيره ممكن اعرف رأي حضرتك فيها
انا متزوجه بقالي عشر سنوات ومعايا ثلاث اولاد أكبر ولد ربنا رزقني بيه على طول بعد الزواج وزوجي كان يعاملني بنرجسيه مثلا كان يتحكم اتعامل مع مين من اهلي وكان يقولي ان اهلك وحشين ومش بيسألوا عليكي لازم تاخدي منهم موقف
وكان يفرح اوي لما يكون في مشكله معاهم والمشكله انا مكنتش فاهمه في الأول بيعمل كد ليه انا اهلي فعلا قاسيين معايا وبالاخص امي وانا كنت زعلانه على طول انه مفيش حد بيسأل عليه منهم وجوزي استغل انه اهلي مش جنبي وبدأ يتعامل معايا بطريقه وحشه خالص بدأ يضربني ويهيني بأهلي ولما كنت بحاسبه يقولي مش عجبك امشي من البيت
وفعلا بعد موقف الضرب اتكرر اتكلمت مع أهلي ومشيت من البيت بس اهلي محدش وقف جانبي وقالولي لو اتطلقتي مين هيصرف على ولادك والمحاكم والقواضي وفعلا بقى يعاملوا ولادي وحش ولو محتاجين حاجه يقولوا خلي باباهم يجيبهم وفعلا رجعت علشان ولادي وقلت هستحمل علشانهم
بس دلوقتي الموضوع بقى على طول ضرب ومش ضرب عادي ولما أقول حرام عليك اللي بتعمله وانت بتظلمني بعد كل اللي عملته معاك وفعلا انا كنت واقفه معاه في كل ظروفه الوحشه وكنت بقول يمكن يتغير ولما اواجهه يقولي انتي السبب انه يضربني علشان برد عليه ودلوقتي مش قادره أتقبل التعامل معاه وهو بدأ يحس انه انا مش بحبه بقى يتعامل معايا أوحش من الاول وبقى يهددني انه يتكلم في شرفي ويتبلي عليه
مش عارفه اعمل ايه واتصرف ازاي انا موجوعه اوي ومش بنام من كتر الزعل على نفسى اني حبيت انسان زى دا وخايفه اوي على اولادي ممكن تقولي لي اتصرف ازاي واسفه على الاطاله
لعرض السؤال في فدني اضغط هنا
لسه مخطوبه جديد قعدت معاه حوالي تلات مرات عاملين ضوابط شرعيه جبنا الذهب بس لسه ما لبستوش بس في بعض الحاجات كده
عايزه اخد رأيكم فيها انا لما ببقا قاعده معاه مرتاحاله وكل حاجه انا ملتزمه دينيا وأخلاقيا الحمد لله بس دايما كنت عايزه حد بيجاهد وده اللي فهمته من القعده معاه أنه بيجاهد بس مثلا في بعض النقاط اللي انا قلقانه منها وخايفه احسن معرفش اتعايش معاها بسبب أن الحاجات دي في الدين ومش عارفه اذا كان عارف بحرمانيتها ولا لا
هو حاطط صورة البروفايل ( ملحوظه هو مش عارف أن انا معايا رقمه ويشوف البروفايل)وهو لابس شورت قصير خالص واول ما شوفتها معرفتش انام من القلق علشان واحد لو بيجاهد هيبقى عارف أن الحاجه دي فيها حرمانيه علشان عورة الرجل من بين السره والركبه وتاني حاجه حاطط صورة البروفايل على التليجرام صورة وهو لابس حظاظه بس الصورة على ما اعتقد قديمه بس بقول حتى لو قديمه المفروض ما يحطش حاجه فيها حرمانيه يعني معناها كده أنه هو لسه راضي على نفسه
وهو كده يبقى لسه شخص عادي مش عارف ايه اللي لا يجوز في دينه وايه اللي يجوز وانا خايفه ليكون أقل مني دينيا خالص وحاجه تاني دائما بيجيلي احساس أنه ممكن يكون بيكلم بنات معاه في الشغل لانه تمريض واكيد بيكون في بنات معاه بس هو قالي أنه مش بيتعامل مع بنات، بس وهو بيكلمني المره اللي فاتت واحنا بنتكلم عادي بيقولي أن الدكتورة رنت عليه علشان ييجي الشغل لانه كان فيه حالات فأنا اضايقت أنه الدكتورة رنت عليه بس ما وضحتش ليه أن انا مضايقه
اتمنى تكونوا فاهميني وتتفهموا أن دي حاجه مش تافهه بالنسبالي
وانصحوني بكل حاجه في الخطوبه اتعامل ازاي واعرف الشخص اللي قدامي ازاي من جميع النواحي
لعرض السؤال في فدني اضغط هنا
السلام عليكم ورحمة الله وبركاته القصه كبيره شويه ما حدش يكسل يقرا
انا طالبه في تانيه ثانوي ماشيه في ال 18 . مشكلتي هي عيلتي . عيلتي اللي ما فيش بينها تفاهم مش بينها احتواء ما فيش بينها احترام للاراء ما فيش بينها اي حاجه غير الزعيق وفرض الراي مش اكثر ولا اقل
من وانا عندي 12 سنه وانا بتفرج على اي حاجات انا مش عايزاها . من و انا عندي ١٢ سنه بيتغصب عليا الجواز و اني لو رفضت اكون كدا شخصيه مغروره و ازي واحده يجلها ده و ترفضوا لاء دي اكيد اكيد يمجنونه ي معمول ليها عمل . ده باختصار تفكير عيله المريضه ايوه وانا بطلق عليها اسم العيله المريضه لانها ما تتسماش غير كده . بيتفرج عليا العرسان وبيتغصب عليا وبسمع الكلام دوت من وانا عندي 12 سنه متخيلين
بنت لسه يعتبر ما كملتش عقلها لسه م نضج ولا اي حاجه اتخطبت وانا عندي 13 سنه ما اعرفش هو مشي ليه بس في يوم وليله لقيت العريس ده اسفه مش موجود ولا كاني في اي حاجه حصلت حمدت ربنا انها جت من عنده بس طبعا أهلي مفكروش ان هو اللي مشي لوحده من غير ما انا اعمل اي حاجه والله لا ده اول حاجه فكروا فيها ان العيب مني انا حاولت على قد ما اقدر ادافع عن نفسي بس برده التهمه فضلت ست ثابته عليا
عدت سنتين وجالي عريس تاني وبرده وافقوا عليه المهم ان انا اخرج من البيت ده بأي طريقه حتى لو على حساب بنتنا اللي بعد كده هتتعذب مش مشكله المهم نفرح بيها وما توصلش لسن 18 سنه علشان كده لا دي هتبقى عانس بقى والناس هتقعد تضحك علينا
وبالفعل اتخطبت تاني كل دوت وانا لسه ما كملتش حتى 17 سنه اتخطبت تاني وقعت انا وخطيبي دوت حوالي ثلاث شهور مخطوبين مش مخطوبين مقروء فاتحتنا بس المهم لقيته شخص مش محترم ولسانه طويل وبيهين المرآه وبالنسبه له ان المراه تتعلم ده شيء كارثي وان كده ابوها ده راجل قليل الادب انه طلع بنته تكمل تعليمها ( ده العريس المريض اللي كانوا عايزينه يخلوني اوافق واكمل معاه حياتي)
المهم عملت كل ما في وسعي علشان ارفضه كرهته في حياته بمعنى اصح لان لو قلت لبابا او لماما لا انا مش مرتاحه معاه هيقولوا لي لا كملي ومش عارفه ايه وهتضرب في الاخر وهفضل بردك مكمله المهم عملت كل حاجه علشان نفسخ خطوبه دي وبالفعل ما كملش بالظبط شهر الخطوبه اتفسخت اتضربت واتهزقت لان طبعا العيب مش من عنده وتأكيد العيب من عندي انا ( مع العلم اني حكيت لاهلي انه بيشتم وبيقول الفاظ ما تتقالش اصلا) بس كلمتهم الشهيره الراجل ما يتعايبش مدام بيحبك
المهم عدت الايام وحاربت علشان ادخل ثانويه عامه وبالفعل دخلتها بعد ما قعدوني سنه من عمري في البيت بس برده دخلت ثانوي عامه ونجحت في اولى وخلاص كلها اسبوع واخلص تانيه ثانوي وكلها شهر بالضبط واكون في ثالثه ثانوي
حياتي الماساويه ما وقفتش بقى لا دي فكره مكمله معايا لحد الان
جالي عريس من اسبوع كده اهلي خلوني اقعد معاه غصب عني ده طبعا بعد ما سمعت انت بني ادمه معقده وانت بني ادمه مغروره انت بني ادمن الخ المهم قبل ما اقعد معاه انا حاطه في دماغي ان انت كده كده مرفوض يا حبيبي ( مش برفض علشان انا مغروره ولا شايفه نفسي زي ما هم بيقولوا والله العظيم ابدا انا برفض بس علشان مخدش واحد زي اللي ف عيلتي دي عايزه واحد محترم مثقف و محترم يعرف قيمة المرأه اللي ف حياته و يقدرها ويحترمها و فوق كل ده يكون متعلم و يعرف ربنا كويس اوووي ) للاسف ايه اللي جاء ده بقى ولا كان متعلم ولا كان في اي صفه من اللي انا عايزاها
رفضته ولما رفضته بالظبط اسبوع ضغط نفسي انت معقده انت ما تتطاقيش انت في الاخر هتاخدي واحد يمسيك بعلقه ويصبحك بعلقه تفضلي كده تبطري على نعمه ربنا غيرك مش لاقي انت عايزه واحد بالمسطره مش هتلاقيه افضلي اقعدي بقى لحد سن العشرين عانسه الخخخخ
المهم علشان انا في فتره الامتحانات كنت بحاول على قد ما اقدر كل ما اسمع كلمه اروح اشكر ربنا ربنا يخفف قلبي واقوم رايحه مكملاه تاني على المذاكره وهكذا وهكذا وهكذا لحد فعلا انك اكتشفت ان انا جالي برود في الاعصاب اللي انا الكلام دوت كله ما بقاش فارقني قولوا اللي تقولوه برده مش هسمع كلامكم وانفذ تفكيركم المريض دوت
عدى اسبوع بالظبط على الموقف ده وجالي عريس تاني عنده 33 سنه مش متعلم برده وشغلانته شغلانه عشوائيه كده بيشتغل امن
رفضته طب ليه ترفضيه ازاي ترفضي الملاك ابو جناحين دوت ازاي ترفضي نبي من انبياء الله ازاي بجد انت عملت كارثه انت بجد مجنونه يا معمول لك عمل
فضلت اقول لهم فرق السن كبير قوي فوق كل دوت مش هيخليني اكمل تعليمي ما فيهوش اي صفه من اللي انا حاطاها في دماغي ولا اي حاجه
وادينه اهو بكلمكم من قلب الحدث عن الكلام اللي بيتقال لي
انت ابوكي الله يرحمه لو كان عايش كان اداكي علقه ظبطك عشان تبطلي تتبطري
المفروض امك تمسكك وتديكي علقه دلوقتي عشان تبطلي تتبطري
انت بني ادمه مغروره ومش هتلاقي حد يبص في وشك بعد كده
تعليم ايه اللي بتبصي عليه ياما معهم شهادات وقاعدين في البيوت هتبقى انت النبغه اللي فيهم يعني في الاخر هتبقي زيك زيهم يا اختي
طب افرضي اخذت شهاده هتشتغلي وانت متجوزه
هتعملي ايه يعني بشهادتك دي مادام بتعرفي تقراي وتكتبي و الخخخخخ بقا و بس كدا ده الكلام السكر إللي بسمعوا كل اسبوع يفكرني بس اني مهمه عملت حاجه اخري بيت جوزي و برضوا يفكرني اني مغرورة و بتبطر ع نعمه ربنا
مع العلم ان انا مش كده خالص والله العظيم بالعكس انا نفسي اتجوز بس مش بالطريقه دي
ومش معنى اني قلت اني مش عايزه اتجوز بالطريقه دي اني عايزه اصاحب واتعرف عليه قبل ما يدخل الباب من بيته والكلام المقرف ده والله العظيم ابدا
كلمه انا مش عايزه اتجوز بالطريقه دي ليها كذا معنى على فكره اول معنى ليها وهو اني مش عايزه حد يغصب عليا في حاجه انا مش مقتنعه بيها لانك مهما قلت مش هقتنع ثاني معنى اني مش عايزه اي حد او اي واحد تشوفوه تقوم جايبه لي والمفروض اني اوافق زي ما العريس دوت عنده شروط في العروسه اللي هيروح يشوفها ولو ما لقيهاش متوفره عندها يروح يدور على غيرها انا كده برده انا ده اللي عايزاه انا شروطي لو ما لقيتهاش في الشخص اللي قدامي هرفضه حتى لو بعد كده اطحنت من الضرب ما عنديش مشكله
لو في الاخر المكسب هيكون الشخص اللي انا عايزاه . فكركم مش عايزه اطلع من العيله دي بالعكس عايزه اطلع منها النهارده قبل بكره . بس هطلع منها على عيله اسوأ وعلى شخص اسوا وعلى عيشه اسوأ طب قولي لي ما الصبر حلو في كل حاجه بس هو مش مقتنعين وبالفكره دي بالنسبه ليهم شخصيه عندها 18 سنه ولسه ما قفلتهمش كمان دي المفروض تتجوز النهارده قبل بكره عشان ما تبقاش عانس
سبحان من مصبرني لحد الان بس انا صابره لاني عارفه واثقه ثقه عمياء ان في الاخر المكسب هيكون ليا انا والشخص اللي انا هختاره هفتخر بيه قصاد اي حد قال لي انت مغروره و هكمل تعليمي غصب عن اي حد وغرور بغرور بقى مش في الحالتين انا مغروره يبقى مش مشكله نكمل الغرور للاخر ما فكروش في نفسيتي ما فكروش ان دي عندها امتحان بكره الصبح والمفروض ان يكون نفسيتها كويسه علشان ما تتشتتش وهي في اللجنه بس الحمد لله على كل حال الحمد لله
وبس كده ده جزء بسيط قوي من حياتي المأساويه القاكم مع العريس الجاي ان شاء الله وهحكي لكم ايه اللي حصل😂💔💔
حد يقولي حل
لعرض السؤال في فدني اضغط هنا
السلام عليكم،
انا روضة عندى 21 سنة أرملة انا دلوقتي اتعرفت على شخص ما من على ابلكيشن واتكلمنا وقال أنا مطلق وبدور على عروسة اتكلمنا شوية وعرفنا بعض اكتر قال أنا عايز اجى اتقدم وكدة بس انا قلت ولدى مش موافق على اى حد على اما السنوية الأولى تعدي
دلوقتى هو اتغير بعد فترة الردود عادت متأخرة ومعدش فى اهتمام زى الاول انا دلوقتي اتعلقت بية وهو بارد اوى جيت نزلت الابلكيشن تانى اللي احنا كنا عارفين بعض علية لقيتة رجعة تانى مع أن كنا وعدين بعض أن محدش يرجعوا زعلت جة بعدها شفنى رجعتة انا كمان ومتكلمتش ولا عاتبتة أن هو راجعة تانى لقيتة ساكت و شايف انا فاتحة من امتة
جة بعدها بيومين يقولى عايز اتكلم معاكى شوية قلت لية انا مش عايزة اتكلام مع حد مش مقدر وجودى فى حياتوا قال انتى بتتكلمى جد قولت أيوة لقيتة بيقولى انتى لقيتى واحد احسن منى قولى كدة بقا وبيقولى انتى متعرفيش انا مريت بإيه الايام اللي فاتت من يوميها مش بيتكام ولو رنيت علية نتكلم كام دقيقة يقولى لما اروح اكلمك وميتكلمش
وعلى كدة كام مرة قعدت 4 ايام مش بنتكلم بس هو ساكت ومش بيتكلم وانا هموت واتكلم معاة واسمع صوتة بس مقدرتش وكلمتة اطمنت علية وخلاص وبينت لة أن انا مبسوطة حتى هو لحظها بيقولى انتى مبسوطة قولت لة جداا اعمل معاة اية اتعامل معاة ازاى بس مش عايزة اخسره فى نفس الوقت
لعرض السؤال في فدني اضغط هنا
انا بحب 2 واحد انا بكلمه و بيحبني و زي الفل هسميه خالد للخصوصية و الثاني ابن خالة صحبتي هسميها سالي للخصوصية و هسميه هو ادم للخصوصية المهم هو جميل اوي و كلام سالي عنو خلاني احبه مع ان محصلش تعامل بيني انا و هو ابدا و مع العلم ان عيلة سالي كلها تعرفني و بتحبني كلها حرفيا يعني جدة سالي بتحبني و بتسال عني و كد و خلاتها و ليها ابن خالة تاني كبير يعني عنده 26 بنهزر مع بعض و كد و هما كلهم معتبرني واحدة م العيلة و عارفين عني اني محترمة و مؤدبة و ده حقيقي مش كلام و خلاص و اعرف اخت ادم و هي صحبتي و امه و اخوه الصغير و اعرف حرفيا العيلة كلها و العيلة كلها تعرفني و بتحبني و انا قلت ل سالي اني بحبه و هي عارفة ف المهم اني برضو معايا كل اكونتاتو الانستجرام و الفيسبوك و التيك توك و معايا رقمه بس مدخلتش كلمتو و معايا كل حاجه عنو و عملت اكونت فيك ع التيك توك و الفيسبوك و الانستجرام عشان ادخل اشوف استوريهاتو او اي حاجة تخصو براحتي منغير م يعرف ان دي انا ف المهم ان سالي قالتلي ان ادم قال لامه انو عايز يخطب و كد و قالت انهم لما يتكلمو ف الحوار ده تاني و هي موجودة هتحاول تستغل الفرصة و تقولهم عليا و بما ان امه و العيلة كلها عارفاني و بتحبني و عارفة اني محترمة هيفكرو ف الحوار فعلا و هيوافقو و في نقطة تانية ان هو مرتبط و امه مش بتحب البنت دي لانها عملت حاجات كتير مش كويسة و بتعمل مشاكل مع اهل ادم و بينه ف مرة لما امه عرفت انو مرتبط كلمتها و قالتلها ابعدي عن ابني و كد ف البت دي راحت سجلت مكالمة لامه و سمعتهالو ف هو اتخانق مع امه بسببها و هكذا بق ف كد كد انا بسم الله ماشاء الله جميلة ف هو بنسبة 70% ممكن يحبني
السوال بق اختار مين «ادم» ولا اختار «خالد»
لعرض السؤال في فدني اضغط هنا
لما بنوته تكون عندها 21 سنه في تالته كليه تجاره عندها مرض من صغرها واتعالجت وخفت بس المرض رجع تاني ليها بعد تلات سنين ليه الشاب لما يعرف منها مرضها يسبها ويمشي المرض ده بتاع ربنا
لعرض السؤال في فدني اضغط هنا
سؤال مفتوح للنقاش
بحاول أفهم وجهات النظر المختلفة، خصوصًا وأنا ما دخلتش قبل كده في أي علاقة، وعمري ما كنت من الناس اللي بتتعامل مع المواضيع دي باستهتار.
فكنت حابب أطرح سؤال بيدور في دماغي من فترة:
إيه هو السن المناسب - في رأيكم - للزواج أو حتى للارتباط الجاد اللي يكون في إطار شرعي ومحترم؟
وكمان: إزاي الواحد يقدر يختار شريك حياته بشكل واعي وناضج؟ إيه الحاجات اللي المفروض يبص عليها غير الشكل والكلام الحلو؟
أنا شايف إن المواضيع دي محتاجة وعي كبير وتفكير بجدية، عشان كده بحب أسمع من الناس اللي سبقوني أو عندهم نظرة أوسع.
لعرض السؤال في فدني اضغط هنا
انا متجوزه من 3سنين واعرف جوزي من قبل الجواز كنا بنحب بعض 5 سنين قبل الجواز وبعد الجواز كنا كويسين جدا جدا مع بعض وخلفت بنت عندها سنتين وولد عنده شهرين هو متغير معايا اووووي اووووي وكل يوم بيبعد عني عن اليوم اللي قبله
انا عارفه أن في ضغط كبير اوي عليه بسبب المصاريف وبسبب ضغط الشغل بس هو حتى وقت لمابيكون كويس بعيد برضو المشكله عندي أن انا متعلقه بي اووووي وهو بقا متعلق ببنتي انا مش دي المشكله انو متعلق بيها لا المشكله انو بقا مش طايقني ومش طايق مني كلمه بقالو فتره كبيره مش طايقني
وده وجعني اوي وان هو بقا بيهددني انو كل مشكله هيكلم بنات وفعلا اخر مشكله بينا كلم واحده وبقا عادي عنده ممكن يسبني في اي وقت عادي وبيقولي عادي اهم حاجه بنتي امشي انتي وسيبي بنتي وللاسف انا مقدرش اعيش من غيره وهو عارف كده
انا لما بيكون زعلانين من بعض بحس أن الدنيا اسودت في وشي لدرجة اني كذا مره فكرت اموت نفسي انا تعبانه بسبب اني مش بقدر ابعد عنه وإن حياتي كلها متوقفه عليه هو بس انا بحبه اوي اكتر من نفسي فعلا انا كرهت الدنيا بسببه مش حاسس بيا خالص
اعمل اي انا مدمره نفسيا بجد اعمل اي انا جربت اتكلم معاه بس هو مش حاسس بيا بالعكس هو بيتغير كل يوم عن اليوم اللي قبله
لعرض السؤال في فدني اضغط هنا
السلام عليكم ورحمه الله وبركاته
اولا انا بحب جوزي جدا هو بنسبالى الحياه وهو كمان بيحبنى اوى بس انا دائما بغير عليه ما احبش يضحك ولا يهزر مع غيري بخاف عليه اوى لدرجه انو ممكن اخنقه شويه من حبى وخوفى عليه من اى حاجه وساعات مش بعرف اتحكم ف غيرتى عليه وبتحصل مشاكل كتير بيانه ومش عارفه اذاى اتخلص من غيرتى
لعرض السؤال في فدني اضغط هنا
انا مخطوبه من سنه لابن خالى لما اتقدم مكنتش حاسه بقبول فى الشكل بس قلت عادى هتقبلو بعدين بس للاسف متقبلتش دا انا مكنتش مركزه على الموضوع وكنت مركزه انو انسان محترم وكويس ومناسب لكن بعدين لما بدأنا نتكلم بحسو طفل
دايما بيتخانق معايا على أتفه الأسباب ويفضل زعلان كام يوم لما يرضى وبعدين بيجى يعتذر بس انا نفسيتى تعبت من كتر الخناق وبقيت خايفه أكمل يفضل كدا بعد الجواز بقيت بتهرب من الكلام معاه ومش عايزه اكلمو
المشكله اننا قرايب ولو قلت افسخ الخطوبه كل الناس هتقف ضدى لإن انا اللى قلت موافقه عليه من الأول مش عارفه اعمل أى فيدوني بحل
لعرض السؤال في فدني اضغط هنا
هو عادي يكون مكتوب كتابنا ولا بيجبلي هدايا من اول الخطوبة ولا بيخرجني من أول الخطوبة ولنا اكتب كتابنا لما بقولو خرجني عايزة اتمشي شوية يقعد يتحجج ورافض نهائي حوار أننا نخرج واصل لما نتجوز هنخرج براحتنا راحه الامتحان بقولو وصلني بيقولي أصل مفيش بنزين ف المكنه والله العظيم كلمة حبيبتي دي مكنش بيقولهالي حتي الا بعد م قولتله كتيييير اوي قولي حبيبتي
حاسه إنه بيستخسر فيا الوقت والفلوس ال هيدفعهم وبيستخسر فيا الكلمة الحلوة ال هيسمعهالي دا غير أنه لما تحصل اي مشكلة يقعد يقول هطلقك هطلقك وبيروح يجري يقول لأمه وأمه تقولي معلش اصله مضغوط م الشغل ، أنا تعبت يا بنات عايزة اتطلق والله بس معنديش حد لا ام ولا اب بقول أطلق واشتغل واقعد ف سكن وأصرف ع نفسي كدا كدا أنا بصرف ع نفسي
لعرض السؤال في فدني اضغط هنا
السلام عليكم
انا عاوزه احكي مشكلتي وياريت تردوا من غير تجريح
انا بنت مخطوبه لشخص كويس ومحترم بس يا جماعه اول ما اتقدم قال إن شاء الله هنجوز خلال سنه والدنيا تمام واتفقنا كل واحد هيشيل ايه جينا بعد الخطوبه لقيته بيقولي مش هجيب كذا ومش هجيب كذا وانا عامل جمعيه هقبضها بمبلغ معين هنجهز بيها الشقه وطالب مني اتنازل بجد عن حاجات كتير اوي ف تجهيز الشقه
طب انت ليه مقولتيش كل دا وهما بيتقدموا وكان يبقي لينا حق الرفض او الموافقه والتنازلات دي مفيش اي بنت تقدر تتنازل عنها انا قولتله انا موافقه اقف جمبك واستناك براحتك او موافقه والله وقولتله انا متنازله عن حاجات من اللي انت قولتلها بس مش هقدر اتنازل عن كل حاجه
انا عروسه وحقي أفرح بالمكان اللي انا فيه خاصه ان اهلي والله بيجبولي احسن حاجه وواقفين جمبه ولو جاب حاجه وهو جاي عندنا اهلي يقولوا متجبش حاجه يبني شقتكم اولى بيها وكدا ومش بيخلوا يجيب حاجه يعني لا انا ولا اهلي والله محملين عليه
بس هو يقولي لا احنا نجوز وبعد كدا ابقي اعمل اللي انتي عاوزاه طب ازاي والجمعيه هتقعد سنتين بعد الجواز وعنده اختين بنات هيساعد ف جهازهم وحتي مرتبه ثابت ومش كتير والله نصه جمعيات ونصه هيصرف علي البيت يعني حتي العيشه بعد الجواز مش هتبقي احسن حاجه قولتله طب سافر وحاولت اشوفله سفر مش راضي وانا تعبت والله وحاسه ان تايه وومش عارفه ايه الصح خايفه اظلمه لو سبته وخايفه اظلم نفسي لو كملت وهل هيكون عليا ذنب لو فسخت ومقدرتش اكمل ولا لاء لان والله ربنا عالم انا من جوايا عامله ازاي
لو فيه شيوخ بعد اذنكم تعرفي الدين بيقول ايه ف الحاله دي
لعرض السؤال في فدني اضغط هنا
السلام عليكم
أنا جيت اكتب هنا عند ناس مااعرفهم ولا ادري من اي أراضي هم لما حسيت ان خلاص أنا حرفيًا وحيدة رغم اني وسط اهلي ومتزوجة إلا اني احس بالوحدة الوحدة اللي ترجع حرفيًا
اختي توفت قبل شهرين فجأة والموضوع مش راضي يروح من بالي مش قادرة استوعب هو كيف صار كذا وكيف خلاص يعني راحت مؤمنة وادري ان كلنا لله
ولكن روحتها المفاجئة ذي أهلكتني اللي صار كمان لما توفت كل أصحابي تركوني تخيلو محدا منهم كان يرسل رسالة يتطمن علي رغم معروفة علاقتي باختي القوية وكيف اني بحالة صدمة ،ومع ذلك تركوني ولا حد سأل عني ولا حاول يخفف عني ويخليني اتكلم وأفرغ اللي داخلي،
حتى زوجي كنت أتوقع معاملة ثانية مختلفة منه بهذا الموقف ولكن تصرف معي بشكل طبيييييعي ولا كأني اختي متوفية من ايام ماعطاني الحنية الأكثر ما قال لي كلام يخفف ما احتواني ولا خلاني اعيش حزني كان كل مايشوفني ابكي او حزينة يقول لي انتي مش مؤمنة!!!بدال مايحترمون ويقول لي كلام يطبطب علي اختار يكون عقلاني معي كثير كثير بوقت غلط واللي اوجعني اني كنت متخيلة ومتوقعة منه وقفة غير وقفة معنوية وجسدية ونفسية وكل شي ولكنه تعامل معي بشكل طبيعي جدًا ولا كأن فيني شي
لدرجة وصلت مرحلة انو اخفي حزني عنه وأتصرف معه كمان كأن مافي شي ولما اكون لحالي انهار وهذا الشي قاعد يهلكني تعبت تعبت مهما كان أنا إنسانة واحتاج حد معي والله احتاج اعبر عن حزني والاقي حد يسمعني يقول انا معك بنتجاوز سوا ووووو مو يقول لي اصبري الله يعينك 💔علمًا ان زوجي يشتغل في منطقة وانا في منطقة ثانية بسبب دراستي ويجلس شهر شهرين وبعدين يجي اسبوع كذا ..ولما نكون بعيدين المفروض يحاول يهون البعد هذا ولكن لا طول وقته مشغول وانا مش مؤمنة بهذا الشي ان في احد مشغول ٢٤ساعة بالذات ع زوجته وزوجته تكر بوقت صعب وهو عارف .. لاحد يقول لي صارحيه وتكلمي معه بشعورك كلمته اكثر من مرة اكثر من مرة والله العظيم ويقول اعتذر وحقك علي وان شاء الله احاول اكثر ومايحصل اي تغيير لدرجة مليت وبطلت احكي له شي او اعبر له شي واذا متضايقة كثير اغلق جوالي وما ارد عليه لان ادري إذا كلمته وفضفضت مابينغير شي ولا حتى بيساعدني بكلامه ..اعرف انه يحبني ويخاف عليا وما يريد يشوفني حزينة ولكنه مايسوي شي عشان مادري هو مايقدر او مايعرف او ايش بالضبط هذا من ناحية زوجي
من ناحية اهلي بحكم انو اجلس عندهم عشان زوجي مش موجود مادري كيف يجيني احيان شعور انو خلاص أنا صرت ثقيلة وأنو صرت متزوجة ومع ذلك قاعدة عندهم عطول وخواتي كلهم ببيوتهم مع أزواجهم طالعين راجعين يجو زيارة يروحوا بيتهم وانا قاعدة هنا ولا كأني متزوجة ولا كأن عندي بيت ومادري مادري تعبت من كل شي واحس نفسي ثقيلة والله احس روحي تعبببببببانة مدري ايش فيني بالضبط وهل هذي الأسباب الصغيرة هي سبب او ايش تعبت لأنو حتى ماقدر اكذب ع نفسي واقول انه صار فيني كذا بس من بعد وفاة اختي لان هذي الحاجات الصغيرة تضايقني حتى من قبل بس برضو وفاة اختي غيرتني بشكل كيييير كبير عرفتني ع أصحابي وزوجي قهرني بنعامله الطبيعي معي من ايام العزاء الاوله ولا قدر ان اختي متوفية نفسيتي تعبانة بشكل كبييييييير ايش المفروض اسوي والله تعبت والله @Yasmine Tawfik
لعرض السؤال في فدني اضغط هنا
السلام عليكم مامعني القبول بين المخطوبين
لعرض السؤال في فدني اضغط هنا
سلام عليكم ورحمة الله..
منفصل منذ فتره و الطلاق رسمي و بائن بينونه صغري و لا نيه للرجوع.
و سبحان من خلق الأزواج ليسكن بعضها الي بعض و خلق الإنسان ضعيفا... فأنا لا أحب و لا أصبر علي المعيشه بدون إمرأة الا برحمة من الله.
و الأن أنا أبحث عن زوجه ملتزمه و تلبس اللباس الشرعي و أتمسك بهذا و للأسف لا أجد في محيطي من تناسبني و إن وجدت فأنا لا أناسبها و بالتالي ضاقت السبل و قلت الفرص.
و لهذا لجأت لتطبيقات الزواج الشرعيه علي الانترنت و تعاملت مع بعضها حتي وجدت مخالفات شرعيه فتركتها.. حتي وفقني الله لتطبيق الصالون و رأيت فيه التزام و تدقيق لم أجده في غيره فقررت أن استكمل اجراءات تفعيل الحساب و قد تم اليوم.
قبل أن أبدأ بمتابعة الراغبات في الزواج و البحث عن من تناسبني أحببت أن أستشيركم لأن الأمر بالنسبه لي جديد.. فأنا رجل تقليدي أميل للعادات الشرعيه و المصريه القديمه... يعني من الأخر مش مرتاح نفسيا لموضوع الزواج عن طريق الانترنت.. فبم تنصحون ولكم جزيل الشكر ؟
لعرض السؤال في فدني اضغط هنا
لو واحد متقدم لي وقعدت معاه مرتين المره الاولى معرفتش عنه حاجه لان أخته ومامته كانوا قاعدين معانا والدي هو اللي قعدهم معانا لانه كان معاه ضيوف قاعدين في المكان اللي مفروض مامته واخته يقعدوا فيه فطلبت اقعد معاه تاني بحيث اسأله وافهمه اكتر لما قعدت وطلعت حسيت أن انا موافقه مع اني كنت خايفه من بعض النقاط أنه بيجيب مامته واخته كل مره بييجي فيها وجيه المره الاولى فاضي والمره التانيه دخلوا بفاكهه
بس انا حاليا قلقانه اوي من نقطة خايفه ليكون اتكالي لأن كل حاجه بيخلي أخته ترن على والدتي بما انها قريبه منها يعني وعلى معرفه ببعض من زمان وهو المفروض يرن على والدي ويكون كلامه مع والدي وتاني حاجه لما جيه يتفق على امتى ييجوا يتفقوا على الذهب خلى اخوه الكبير هو اللي يرن والنقطه دي مقلقاني اوي لأن ليه مش هو اللي بيرن في كل مره المفروض ييجي فيها أو يتفق فيها على حاجه هو انا كنت هرفضه لانه كان هيقعد في بيت عيله بس لما وصله كده قال انا هعمل اي حاجه تطلبها (انا مش حابه بيت العيله لانه مشاكله كتير اوي وانا مش بتاع مشاكل وكمان مش حابه اربي اولادي في ارياف )
وكمان لما قولتله هدفك إيه من الزواج قالي انا مش عارف اغض بصري فكذا حد قالي اتجوز علشان تغض بصرك قولتله علشان إيه تاني قالي علشان استقر وتعينيني على طاعة ربنا علشان انا لسه بداية التزامي
انا قولت الحاجات اللي انا قلقانه منها بس باجي اقول لو هو اتكالي فعلا مكانش وافق أنه يسيب بيت مامته اللي هي شقته ويوافق أنه يقعد بره، انا متقبلاه ومتقبله قعدتي معاه هو متوافق معايا نسبيا في الفكر وبيقولي أنه بيجاهد ربنا وبيمتنع عن كذا حاجه بس انا قلقانه بردوا ومش عارفه احدد قلقي ده إذا كان علشان بفكر أن حياتي هتتغير من العزوبيه للحياة الزوجيه ولا مش عارفه قلقانه من إيه
ملحوظه باباه متوفي
حد يطمني بالله ده عادي ولا لا
معلش فكروا قبل ما تقولوا حاجه علشان انا حاسه ان انا موافقه وفي نفس الوقت رافضه فاللي يرد يرد بحكمه ويفكر من جميع النواحي
لعرض السؤال في فدني اضغط هنا
أنا حماتي في الاول كانت كويسه معايا اربع سنين كانت كويسه معايا خالص بتربي عيالي معايا وبتحميهم وبتغير لهم وكل حاجه وكنت بروح الشغل وبسيب عيالي معاها وابنها الصغير هو مش صغير بس بالنسبه لاولادها أصغر واحد فيهم عنده 28 سنه يعني أصغر مني انا بسنه تقريبا كان بيسافر يشتغل بره ورجع رمضان اللي فات ومن ساعه ما رجع على طول بيعمل خناقه ومشاكل واحس ان هو حاططني في دماغه وانا احيانا بتجنبه على قد ما أقدر بس اخر مشكله حصلت رمضان اللي فات ده زعق ليا في الشارع علشان اكنس البيت
رحت انا زعلت انه زعق ليا في الشارع وطلعت ورنيت على جوزي وقلت له اخوك زعق ليا في الشارع راحت امه زعلت وخربت الدنيا خالص وقالت عليا ان انا بوقع الرجاله في بعضهم وان انا مش كويسه وإن انا خباصه وقالت عليا كلام كثير وحش حاليا
اتغيرت معايا خالص بدل ما كانت كويسه بيت معايا مش كويسه خالص وبتطلع كلام عليا وبتحاول تسلط جوزي وتسخنه عليا خالص وتقول له انت بتجيب لها حاجات وانا حاليا عزلت بس هي برده حطاني في دماغها حكمت على جوزي يقفل البلكونات والشباك برزه وقفل وتقول له مراتك بتطلع بالكات والحماله في البلكونه وقدام الشقه ما ينفعش الحال ده وهو طلع مسك البيبان قفلها برزه وقفل وانا زعلانه من الموقف اللي حصل ده
مش عارفه اتصرف مع جوزي على قد ما اقدر وهو برده بيحاول يطنش ويكبر دماغه من ناحيه امه بس هي حطاني في دماغها زياده عن لازم خالص انا محتاره مش عارفه اعمل ايه معاهم لان بجد تعبت احيانا بحس ان انا تعبت نفسيا
انا معايا ولدين واحد ثلاث سنين والثاني اربع سنين ودول بيعذبوني جدا في الشقه وهم مش مش بيقدروا ولا يراعوا حاجه زي كده وانا مش عارفه اعمل ايه احترت ما بين جوزي وما بين حماتي اراضيهم ازاي ولا اعمل ايه وهل انا صح ان انا عزلت وقعدت في شقتي واكبر دماغي من اي حاجه ولا ارجع اخلط ثاني ولا ايه
انا في بيت عيله اختي متجوزه معايا في نفس البيت بس هي حاليا في السعوديه مع جوزها وهم نازلين بعد عيد الاضحى وانا مش عارفه اكمل ان انا اعزل وما ارجعش اخلط تاني في حياتي ابدا ولا اعمل ايه خصوصا ان حماتي حماتي اتغيرت معايا جدا وبتحطيني في دماغها على طول وبتسلط جوزي عليا انا تعبت نفسيا بجد والله
لعرض السؤال في فدني اضغط هنا
لي قريبة اصغر مني بتسع سنوات على مستوى عالي من التعليم والخلق الحمد لله وانا اعجبت بها وصارحتها بالامر ولكن والدها متورط بمشاكل نصب وانا اريد خطبتها عندما فاتحت والدي بالموضوع غضب لاني تخطيته ولمحت لها وايضا قال انه لن يناسب نصاب مع ان الفتاة لا يعيبها عيب انا الان بموقف صعب لا اعرف كيف اتصرف
لعرض السؤال في فدني اضغط هنا
متقدملى شخص أهلي شايفينه كويس جدا ومحترم ولكن انا مش عجبني كاشكل ومش حساه بجد صليت استخاره ولكن هما شايفين انه كويس واقعد معاه تانى وان لسه معرفتوش فا ادي فرصه بس حاسه انه بردو مش هقدر اتقبله هل دا طبيعي ولا اعمل ايه
لعرض السؤال في فدني اضغط هنا
خطيبتي انسانه كويسه جدا ومتدينه وكل الصفات الي فيها تعتبر كويس فيها بعض العيوب ودا وارد فكل الناس حتى فيا ولكن هي مش جميله يعني مش حتى عاديه لا هي مش حلوه خالص والموضوع دا مدايقني جدا مبسوط بانها فيها كل الصفات الي انا عايزها ولكن موضوع الشكل دا فارق معايا جدا انا بغض بصري وبتجنب الحرام بس عايز وقت ما أبص بالحلال ابقى شايف جمال مش حاجه مش حلوه انا بجد مش عارف اعمل اي انا خايف اسيبها وملاقيش واحده فيها مواصفتها وخايف اكمل معاها واندم العمر كله
لعرض السؤال في فدني اضغط هنا
هل تطبيقات التعارف و الزواج أمان والرجال اللي فيها كويسين ولا هيكون في منها أذى تحديد لو حطيت صورة شخصية ليا فيها في الملف الشخصي بتاعي ممكن ده يعود بالضرر عليا؟
و انتو شايفين الفكرة ازاي؟
وهل ممكن راجل شرقي عادي يشوف ان البنت اللي عملت كده كويسة وغرضها تعف نفسها ولا هيكون شايفها ازاي وفقا لمبدأ " البنت اللي كلمتك قبل الجواز هتكلم غيرك وهكذا"
لعرض السؤال في فدني اضغط هنا
انا بابايا مانع مامتي تكلم اخوها وبحجة الميراث
وده لان اخو ماما مش راضي يعطي لماما ميراثها
و جوز بنت عمة ماما مانع زوجته من أنها تكلم اختها
بدون سبب
لعرض السؤال في فدني اضغط هنا
السلام عليكم.
هو انا حكيت حكايتي قبل كده الحقيقه ان انا كنت خارجه من علاقه يعني الشخص الطرف الثاني يعني هو اللي سابني فيها وسابني بطريقه مش كويسه وكده يعني.
الحوار اللي احنا مكناش مكملين مع بعض كثير ولا حاجه ولا انا حبيته مثلا كانت علاقه رسميه يعني على فكره ما حبيتوش ولا أي حاجه كان اعجاب يعني هو إعجاب بالشخص وبوظيفته وبس يعني وهو كويس إعجاب.
المهم ان انا يعني المفروض دلوقتي ان انا اتناساه بحاول والله بس المشكله ان انا بين فتره والثانيه كل ما أفتكره أفضل أعيط وايه اعيط جامد يعني بانهيار وكده وكل ما يتجاب سيرته بس قدامي كده ابقى زعلانه او النهارده مثلا سمعت صوته لان كان بيكلم واحد وصاحبتي وانا بكلمها في التليفون يعني فانا سمعت صوته فعيطت غصب عني وعرفت انه ماشي في موضوع خطوبه كده فانا اتضايقت وزعلت وبرضه كان ده عامل المهم ان هو خلاني عايز اول لما سمعت صوته برده.
المهم دلوقتي انا متقدم لي شخص شخص محترم ويعتبر اصلا صاحبه بس شغال في مكان ثاني غير المكان اللي هو شغال فيه ونفس المؤهل وكل حاجه ومحترم جدا برده يعني المهم إن أنا لسه ما اتخطتش المرحله الاولى فأنا مش عارفه هل هو صح إن أنا أفكر في الشخص التاني ده وادي له فرصه ولا ما ينفعش اصلا اقعد مع حد او اخذ قرار زي ده دلوقتي أنا مش عايزه اكون بظلم نفسي ومش عايزه أكون بظلم حد برده بس حتة إن أنا اظلم حد انا عمري ما هعملها يعني انا لو ما ارتحتش مش هوافق لو ارتحت هوافق فأنا مش عارفه آخد قرار برده.
لعرض السؤال في فدني اضغط هنا
السلام عليكم
خاطب بنت كويسه جدا ومحترمه وحافظه للقران واهلها ناس هاديه وغلابه ولكن من اول ما دخلت البيت ونا مش مرتاح للبنت وبدي لنفسي فرص كتير علشان احس براحه ولكن مفيش راحه لحد دلوقتي وخايف اسيبها واندم عليها لان هي متدينه جدا ومثقفه
لعرض السؤال في فدني اضغط هنا
لعرض جميع الاسئلة في فدني اضغط هنا