السلام عليكم ورحمه الله وبركاته
أنا عايز أسأل سؤال لماذا زوجتى حين أسالها هل تريدين الزواج من شخص آخر غيرى تقول نعم اريد على سنة الله ورسوله وعندما سألتها سؤال آخر قلت لها هل حين مماتى ستتزوجين قالت نعم فأنا لا أعرف هل هي تحبنى ام ماذا وهي عشر سنين زواج وعندى ولدين منها بسم الله ماشاء الله فأنا أريد الإجابة أرجوكم هل هي تحبنى ام ماذا ولماذا تقول هذا؟
لعرض السؤال في فدني اضغط هنا
السلام عليكم ورحمة الله وبركاته
أنا متزوجة من ٤ سنين زوجي عنيد جدا قاسي شوية معندوش نقطة إنه يتنازل ويراضي اللي قدامه لو حسه زعلان، كتوم بدرجة رهيبة مندفع جدا
في بداية حياتنا حصلت دروبات ومن ضمنهم مرة ضربني ضرب مؤذي وقتها أهلي تدخلوا وحرفيا اخدنا وقت كبير ع يرجعني وأنا اخترت ارجع على أساس انه اتغير بصراحة مش هنكر من وقتها ممدش ايده تاني
مؤخرا بقى يعمل مشاكل جامد مع أهله اخوه وأمه وبقى يجرحهم بالكلام ورمى كل حاجة كويسة عملوها معاه ورا ضهره ومهموش حد خالص منهم وبيفضل قاطع صلة الرحم بالشهور ومش واخد رضا أمه ويدمر حياتنا قدامنا لأنه عايز يبيع بيته وأرضه وكل حاجة
وكل ما تجي اتناقش يقولي ملكيش دعوة متدخليش ومهما اعمل مش بيستجيب بقالنا سنة بقول واهديه على أهله وأنصحه باللين ع بحبه وعايزة اصلح العلاقات وهو زي ماهو
مبقيتش حاسة بالأمان بقول كفاية لحد هنا لكن بتصعب عليا بنتي إنها تتربى بعيد وفي نفس الوقت خايفة اخلف تاني ووقتها بالعكس هيبقى وحش اكتر بحجة إني معايا عيلين وهتحمل
هو بيصلي ومش بيشرب اي حاجة يعني الظاهر مفهوش حاجة وحشة بس قاسي حاسة بجوع عاطفي معاه أنا شخصية بحب الحب وبحب أعبر عن حبي واتغيرت كتير علشانه في المقابل هو معندوش اي نوع من الحب بحسه تجاهي اللي هو مش كارهني بس مش بيعرف يحب ولا يحتوي ولا يطبطب
ماشي مش مقصر بيته حاجة وفي نفس الوقت حريص في الصرف بقيت أحس إني مش مرتاحة في حياتي ومش عارفه آخد قرار وانفصل وكفاية لحد كدا معايا بنت وأعرف أربيها ولا استنى يمكن يتحسن مع إنه مش بيتغير ابدا ابدا ابدا
اكتر حاجة مخوفاني إنه ملوش خير في أهله النقطة دي مخوفاني بصراحة
يشهد ربنا مش عايزة اخرب بيتي وأفرق بنتي عن ابوها واهلها بس حقيقي مش عارفه اعمل اي
بحاول اعمل كل حاجة ع بحب بيتي وبنتي ومش هقول زوجي عقلاني بصراحة لا وعمل حاجات كتير والله مؤذية بس بيصعب علي وبحس إنه متخبط وهيضيع حقيقي لو سيبته
ومن ناحية تاني منكرش إني خايفة منه ومن إنه زي ما فرط في أهله يفرط في وخاصة إنه اكتر من مرة وكل مرة ارجعله ويندمني
سؤالي بقى هل اللي بيعمله ده يستدعي طلاق ولا طول ما عندي صبر اصبر
لعرض السؤال في فدني اضغط هنا
السلام عليكم
هو قرار الطلاق في حياة مليانه ضغوطات و غير مريحه ممكن يندم فيما بعد او يكون قرار سريع في زواج لم يتعدي الخمس أشهر و لكن فضلت فيهم في بيت اهلي زعلانه اغلبهم و الزوج عندة عقدة نفسيه اسمها الحسد كل شيئ يحدث معاه بسببه و كل أفعاله الخاطئه منه هل هذا يعقل ايضا
لعرض السؤال في فدني اضغط هنا
انا مخطوبة لواحد مش مصري احنا بنحب بعض جدا لكن حصل بينا خلافات الفترة دي بسبب انه غير الاتفاقات اللي كانت ف بداية علاقتنا و دلوقتي قالي اننا نعيش بعلاقة 50/50 اللي هي معناها اني كـ شريكة حياته هشارك ف مصاريف البيت و شراء بيتنا و تجهيزه بالكامل طبعاً ده مش في ثقافتنا المصرية لكن هو حالته المادية مش كويسة انه يعمل كل ده لوحده لانه بينزل يقابلني مرة في السنة و بيدفع مبلغ جامد لانه بيركب ٣طيارات عشان يوصل مصر.
هو قالي انه شايف اننا احنا الاتنين نساعد عشان نعيش الحياة اللي احنا عايزينها مع بعض و نشتغل عشان نحقق ده لان شخص واحد بيصرف هيبقا الموضوع صعب.
مع العلم اننا هنتجوز في مصر و الجواز هنا مش سهل في المصاريف
فا هل فعلاً عنده حق في كلامه ؟ لاني خايفة اكون ظالماه و احنا حالياً بنتكلم اننا نرجع تاني بعد ما فكينا الخطوبة
لعرض السؤال في فدني اضغط هنا
فيه سؤال دايما بيدور فدماغي وحاجة محيراني
اولا انا انسانة عاطفية بعتز بإحساسي ومشاعري
انا 17 سنة وطبعا عارفة العادات والتقاليد فمجتمعنا
فالجواز بقي التقاليد والدين عندنا ان العريس بييجي يتقدم لأهل العروسة بعدين لو وافقو البنت بتتجوز
طيب انا ازاي فيما بعد هعيش مع انسان انا مبحبهوش
ازاي هكمل حياتي وهبقى قريبة من راجل لا أحمل تجاهه اي مشاعر... ومحدش يقوللي دي سنة الحياة وان الواحد بيتجوز علشان يخلف ويكمل حياته مع شريك ليه
طب انا مش عايزة كدة انا عايزة اتجوز راجل يميل قلبي ليه.. عايزة اعيش شعور ان انا بقيت مرات الراجل اللي انا عشقته وحبيته مش عايزة اتجوز جوازة تقليدية مش عايزة افرط فحياتي ونفسي كدة... وللأسف مفيش طريقة لكدة غير اننا نكون عارفين بعض وبينا روابط وده حرام ف الدين بجد قولولي الحل اييه؟؟؟؟؟
لعرض السؤال في فدني اضغط هنا
مشكلتي اني بحس أضعف مايكون مع كل موقف بمر فيه في حياتي ومع الزمن والظروف بحس اني بنهار جدا واني مش قد الحياة
انا بنت عندي اربع إخوة ذكور واحنا تلات بنات اخواتي اتجوزوا متأخر وكان نصيبهم مش احسن حاجة وانا اتقدملي النهارده واحد هو موظف وطموح وعند إمكانيات كتيرة وسألني لو عاوزة اشتغل فجاوبته نفسي والكلام ده واني اخلص كلية وافكر بس اخويا قال إنه رجل وعليه القوامة وأنها تقعد في البيت وتكون في خدمتك وده شيء مش وحش بالنسبة لي بس حسيت انه هو كان عاوزني اشتغل
وكمان احنا حالتنا المادية مش احسن حاجة وكمان اخواتي ماحدش فيهم متجوز والصراحة بخاف اني اتعلق بحد ومن فكرة الرفض ومش بتقدم ليا عرسان وانا نفسي في واحد يكون فيه مواصفات زي المتقدم ليا النهارده اخويا بيقولي قدري نفسك وثقي فيها وان لو عاوز حد بيشتريه ويقدره
هو يعتبر أقارب ليا من ناحية الام وعايشين في القاهره واني عايشة في قرية محافظة ليها تقاليد وعادات وانا خريجة حقوق ولكن تقديري ما يخيلنيش اني اشتغل في وظيفة قضائية من المناصب الرفيعة
وكمان بحس بالضعف وانا عندي فرط تفكير وخوف من الرفض ومن وضع اهلي واني حياتي مافيهاش مميزات كتيرة واني الصراحة نفسي في حد يكون عنده مواصفات أنه يفتح بيت ومقتدر وأنه عنده كفاءة عالية ولقيت المواصفات ده فيه بس حسيت بالنقص من عندي واني لا امتلك شيء ولا اصلح لشيء
اهلي كتر الله خيرهم وأنهم بيدعموني وبيحبوني وبيحاولوا انهم يخففوا من تفكيري وان بحبهم بس بخاف اني ميقدرنيش وانا في مقارنات كتيرة بتحصل جوا دماغي وانا تعبت نفسياً عشان كدا بخاف من انه يتقدم لي حد او ميكونش مناسب
نفسي في نصيحه تنفعني وكلام يريحني ويشيل عني كتر التفكير لأن الأمر كله لله وهو رزقني اني يجي وهو هيرزقني باشياء كتيرة في حياتي وساوس الشيطان والتفكير الزيادة والخوف بالنسبة تجعلني كالحي عايش ولكنه شبه ميت ومنطفئ
لعرض السؤال في فدني اضغط هنا
جماعة بالله عليكم فيدوني
دلوقتي خطيبي اعترف لي إنه مريض سكر بعد ما تمت قراية الفاتحة الي استمرت شهرين و بعد ما اتخطبنا بحوالي شهر ولبسنا الشبكة
أنا بس مدايقة اوي إنه خبى عليا، كان عنده كل الاعراض و بيحكيلي أقوله انت عندك السكر؟ يقولي لا معنديش حاجة
وكان هو من نفسه من غير ما اسأله يقولي انا معنديش حاجة ومعنديش سكر و تحاليلي سليمة بس كنت شاكة إنه مخبي لحد ما اعترف
انا بحبه و هو كويس بس في علامات كتير استفهام زي إنه ليه خبى؟ طب يا ترى مخبي حاجات تانية؟
صعبان عليا ومش قادرة افكر في إني اسيبه دي حاجة مش بإيده بس مش عارفة اتعاطف في إنه خبى عليا
لعرض السؤال في فدني اضغط هنا
السلام عليكم أنا أحمد أهلا بيكم
دلوقتي أنا عايز أخطب واحده بس في مشكله أنا شايفها في حواري ده، المشكله مش ماديه، المشكله هي إني آخر سنه كليه وطبعا ممكن يكون معايا جيش فعايز نصيحتكم هل أخد خطوه الخطوبه دلوقتي ولا أسيبها لبعد الجيش أحسن؟
المشكله الموضوع كل شويه يتفتح في دماغي ويقولي يا عم أخطب وخليها سنتين وخلاص عشان انا كنت حابب ف الأول ان الخطوبه تكون سنه عشان المشاكل وعشان القلوب متفضلش معلقه مده كبيره، بس حاليا العقل بيقولي أخطب وقولهم هتكون سنتين لبعد الجيش، كنت عايز اعرف مميزات وعيوب الموضوع ده لو مشيت فيه؟
وشكرا ليكم 🪷
لعرض السؤال في فدني اضغط هنا
( سني 20 سنه )
ساعات بخاف من فكرة الزواج في سن الثلاثين أو قريب من الثلاثين لأني بخاف اني لما اتجوز إن شاء الله معرفش اعيش حياتي مع زوجتي واولادي بحكم السن واخاف من أن الزمن والعمر يفرقنا عن بعض بسرعه واني بسمع أن بعض البنات مبتحبش تتجوز الراجل في سن الثلاثين وتكون شايفه أنه كبير وكدا دا غير نظرة المجتمع
وفي نفس الوقت مش عاوز البنت الي اتزوجها يكون مفيش بينا حب او مجرد زواج وخلاص زي الصالونات أو القرايب وغيره من أنواع الزواج
اعمل ايه علشان اخفف القلق من الموضوع والخوف منه
لعرض السؤال في فدني اضغط هنا
انا شخصية اجتماعية هادية مع حدوده واضحة لا تغضب احد مني تزوجت وانجبت بعمر ٢١ وانا طالبة بالجامعة مر العمر وانشغلت بالبيت واطفالي الذين كانوا شبه توأم الفرق سنة وانشغال الزوج بالرزق والعمل ودفء الأسرة ثم قررت اعمل من الفراغ ليس من ضيق الحال وانجبت الثالث وانا اعمل وادرس وأم وزوجة ومدرسة وطبيعي عملي اجتماعي نفسي
وكنت احلم بالوقت الذي يكون زوجي لي دائما شارد يردني خارج المنزل ويعطيني مال كثير بدون حساب ولكن كنت اتمنى كوب شاي بالبلكونه وكبرت ومر العمر والأحلام كلها تختفي الا ان اجلس معه وهو لي ليس مع الهاتف او مشغول
وبعد مرور ٢٠ سنة زواج ذهبت الألوان كلها حتى استيقظ على رغبة الزوج الطلاق منه وانه يحب زميلته بالعمل التى معها اولاد من رجل آخر وترك الحياة وأولاده وذهب حتى ينير حياة أخرى وأبناء رجل آخر يرسل مصاريف ولا يتأخر عن أي طلب ولكن حتى حلمي حرمت الحق من أن افكر فيه وصلت ال٤٢ وأخذت لقب جديد فى حياتي لم اتخيله يوما
لعرض السؤال في فدني اضغط هنا
انا متجوزه بقالي سنتين عشت اول 9 شهور مرتاحه جيت يوم بلعب في موبيل جوزي لقيت برنامج دردشه ومتكلم كلام قليل الادب مع بنات مبقتش عارفه اعمل ايه الدنيا اسودت في وشي سكت وقعدت ادعيلوا بطل شويه ورجع تاني
قعدت سنتين اشوف موبيله من وراه وهو بيكلم بنات كل يوم وكل دقيقه صبح وليل بحكم شغله سواق وبيبات بره بالايام ادعيلو واعيط وانقهرت جدا لحد ما ربنا اكرمني وحملت هو مبطلش بردوا ومكلمتهوش ومعرفتهوش اني شوفت او عرفت حاجه لحد ما ولدت قولت هيهدى
لا فتره نفاسي لقيت نفس الوضع قولت يمكن عشان تعبانه اصبري ملقتيش فايده روحت كلمتوا وعيطت وبهدلت الدنيا وانهرت وهو لامبالاه وبتفتشي ليه وقلب الطرابيزه
اغمى عليا شلني وخلاص ومعلش ومش هتتكرر وحلفته بغلاوة ابنه والموضوغ خلص فضل شهر مبطل وانا متابعه من بعيد لحد الشهر لما خلص رجع تاني والدردشه دي يفلوس كمان نفسيتي وحشه معدتش مبسوطه برجوعه ولا بكلامه
بقيت شاكه فيه حتى لو مبيعملش حاجه مش مرتاحه حتى لما بنام بحلم بيه انو بيكلم غيري وصور وفديوهات بقيت ولا نوم ولا قاعده مرتاحه مبقيش زي الاول انا بحبه من 2017 بقالي 10 سنين بحبه ومتجوزه من سنتين مبقاش عندي لهفه له بس بحبه ومش عاوزه اخرب بيتي اعمل اي
لعرض السؤال في فدني اضغط هنا
ازاي القي زوج صالح وكويس لان انا في بيئه محيطه ديه مفيش الكلام ده خالص ده غير ان المناسبات عندنا مختلطه وكل حاجه ما فيهاش اي ريحه الالتزام مش عارفه اعمل ايه مش عارفه اعمل ايه
لعرض السؤال في فدني اضغط هنا
هل الساديه والعنف في العلاقه الجنسيه مرض نفسي من الزوج أو الزوجه أم هو مجرد شعور ورغبه وشهوه
لعرض السؤال في فدني اضغط هنا
السلام عليكم
انا كنت عايز أسأل انا كنت في واحده كنت متقدم لها بس ابويا وامي ما ارتاحوش لاهلها بس البنت كويسه جدا وهم جم وقعدوا مع اهلي والبنت هم أهلي كان ربنا لسه قدامها ثلاث سنين وكده فقالوا لي المصاريف عليك ودلوقتي هي قدامها سنتين بس يعني عدي سنه يعني. واهلي لسه برده مش موافقين بيها يعني وكده بس دلوقتي امها وافقت عندها قبول يعني أحاول تاني مع اهلها.
لعرض السؤال في فدني اضغط هنا
اولا السلام عليكم ورحمة الله وبركاته
انا اهلي بيكرهو البنات وبسبب كدا عشت طفوله زفت وابويا جوزني غصب بعد الدراسه ع طول اتجوزت لواحد نسخه من ابويا ضرب وشتيمه وزنا وقرف عشت 12سنه من عمري ف ضرب والاهانه والطرد كل شويه ومليش مكان اروحو
خاني مع كل الناس اي ست حتى لو شحاته حياتي عبارة عن قرف وبيحاول دايما يوصلي ان انا اللي غلط وانا السبب في كل حاجة حصلت حتى الزنا انا السبب فيه
مش بيودي ابنو الدراسه فخد ملاحق وانا السبب فيه حتى لما بيضربني بكون انا السبب برضو بيطلع نفسو ملاك في كل حاجة نفسيا مدمرة جسديا متكسره معنويا زفت
عاوزة اهرب اروح اي مكان وخايفه يقتلوني بموت كل يوم شعري وقع عندي دوالي عندي قولون عندي الضغط عندي انيميا كل دا جاني بعد الجواز بسببو حتى اسناني بقت بتتكسر لوحدها
حد يفيدني اعمل اي متقولوش اروح لابويا اتجوز وخلف ولما برن عليه بيشتمني ولو رحتلو زيارة مش زعل بيضربني من غير سبب مش عارفة اعمل اي اسيب ابني وامشي واشتغل واول ما يكون معايا فلوس ارجع اخدو
فيدوني بالله عليكم انا المرة اللي فاتت خنقني بسلك الشاحن ولما رنيت ع أخويا قالي متسيبيش بيتك وشتمني ومرنش عليا تاني ماليش حد
لعرض السؤال في فدني اضغط هنا
السلام عليكم ورحمه الله وبركاته،
كيفك دكتوره مى ، ممكن أسألك سؤال ، متقدم لى شخص هو بعمر ٤٠ مهندس بالسعوديه تخصص تكييف وتبريد وجوده ، مطلق ومعه بنت ينفق عليها لكن هي مع أمها، أنا بعمر ٣٠ ولم اتزوج من قبل، أنا تخصص حاسبات ومعلومات هل أوافق أم لا ؟ انا لا تريده مطلق أريده لم يسبق له الزواج مثلي
لعرض السؤال في فدني اضغط هنا
أنا بنوته عندي 18سنه
مخطوبة لشخص كويس الحمد لله وربنا يصلح الحال يتمم لنا على خير هعيش في بيت مستقل والبيت الحمد لله خطيبي مجهزه بالكامل ما شاء الله البيت عبارة عن 3 أدوار متشطب كامل من احسن حاجه بس سكننا هيكون في شقة الدور التاني، والشقة فيها أوضتين أطفال وصالة وحمامين ومطبخ وأوضة نوم وكمان فيه مندرة صغيرة منفصلة لاستقبال الضيوف في الدور الأرضي ومدخل البيت هي سبب مشكله
المشكلة إن عندنا تقاليد وأصول في تجهيز العروسة سجاد وستاير على العروسه وإن أهلي رافضين رفض تام يجهزوا المندرة بالسجادة والستاير لكن أهلي رافضين تمامًا يجيبوا أي حاجة للمندرة لا ستارة ولا سجادة ومصممين إنهم مش هيعملوا فيها أي حاجة خالص وأنا محرجة جدًا أتكلم مع حد أو أدخل حد من العيلة في الموضوع زي كدا خصوصا طول الوقت لوحدنا عمر ما حد عرف بزعلنا او فرحناا\ في البيت
خطيبي من ناحيته دافع مبلغ كبير جدًا في تجهيز البيت لوحده ولما عرف إن أهلي رافضين قال إن المندرة أصلًا صغيرة جدًا وإنه مش فاهم ليه يحصل خلاف على ستارة وسجادة وحاسس إن أهلي مستخسرين الحاجة دي فيه وده عمل بينا مشاكل وأنا بجد تعبت من الموضوع
أنا بنت وحيدة وكنت متخيلة إن تجهيز بيتي هيكون فرحة ليا لكن بدل الفرحة بقيت بعيط ومقهورة.
وخايفة المشكلة تكبر بين خطيبي وأهلي وخايفة من كلام أهله وفي نفس الوقت مش عارفة أعمل إيه والموضوع كل شوية بيكبر أكتر
فرحي بعد حوالي شهر وأنا شخصيًا مش معايا فلوس أجيب بيها ستارة وسجادةومش عارفة حتى مقاس الشباك أو سعر المتر
أنا فعلًا مش عايزة أعرف مين الصح ومين الغلط، أنا محتاجة حل عملي وهادي للمشكلة دي قبل الفرح 😔
لو مكانكم مكاني، أتصرف إزاي؟
ومش هينفع أسيب السجادة والستارة ع وقت بعد الفرح لان الناس هتيجي تبارك في الصباحيه وخطبيي مصمم اني لازم يجوا وإلا مش هيستقبل حد
وأهم حاجة إزاي أقدر أحل الموضوع من غير ما يحصل خلاف أكبر بين أهلي وخطيبي؟
ياريت تساعدوني بحلول وتجارب حقيقية لأني فعلًا تعبت ومش عايزة فرحتي تتكسر بسبب الموضوع ده❤️🩹
لعرض السؤال في فدني اضغط هنا
عاوزة اكون ناجحة في حياتي ومستقرة بحيث لما اقابل حد يكون برده ناجح وتكون عقلياتنا متشابهة بس في نفس الوقت خايفة إن الوقت يمر وأضيع فرص حلوة وفي الآخر ملقيش اللي انا عاوزاه
في كذا حد حاول يفتح معايا الموضوع ده بس انا كنت دايما بقفل الباب مش حتى برد لا كنت بعمل بلوك وبختفي خالص حد من اكتر من ٣ سنين مشافنيش غير مرة واتكلم معايا كنا في فرح هو قريبي من بعيد جدا وبعدها وصل لاكونتي واتكلم عادي وانا اتكلمت معاه بس لقيته فجأه اعترف انه بيحبني مع ان الكلام بينا كان ازيك عاملة ايه واخبار ماما ايه بس متكلمناش في اي مواضيع أكبر من كده فانا عملتله بلوك علطول
بس في اكونتات فيك بتبعتلي على صراحة انه كان بيحبني وغلط انه عمل كده لانه خسرني وكان نفسه يفضل الكلام بينا بس عدى ٣ سنين وانا مستغربة لحق يحبني ازاي وهو اصلا ميعرفنيش حتى هو قال انه مقابلنيش غير مرة واحدة
بقول ده لعب عيال هو أكبر مني بسنة لسة له سنة ويتخرج بس برجع اقول اكيد قابل بنات غيري كتير حتى لو بيتسلى هيفضل يتكلم بعد ٣ سنين انا اصلا مش متقبلاه شكلا مش هو ده اللي في دماغي وكمان انا اللي بيشوفني بيقول اني جميلة وما شاء الله كيوتة وهادية فانا بهتم بالشكل برده
لعرض السؤال في فدني اضغط هنا
السلام عليكم،
أنا موضوعى يخص الزواج انا عندى 21 سنه بيتقدملى ناس بس ممكن ارفضها بسبب الشكل او القبول عامة مبحسش باعجاب ولا انجذاب ليهم ولا قبول وبتخنق ومش بهدأ ولا برتاح غير لما ارفض واقفل الموضوع خالص بالرغم مفيش حد ف حياتى ولا عمري دخلت ف علاقات وحب ولا اى حاجة وقاعده مستنيه نصيبى ف الحلال بس ،
انا مش عارفه دا صح ولا ايه، واه قبل كدا اتقدملى حد واول ما شفته حسيت بقبول واعجاب ع طول ووافقت عليه بس محصلش نصيب ومتفقناش ف الموضوع اتقفل برضو، واعمل ايه انا مش هقول حاطه مواصفات ومعايير محصلتش انا مش طالبه غير واحد على خلق وعارف ربنا كويس ومحترم واحس بقبول ناحيته ويملى عينى، بس اهلى بيركزوا أكتر على النسب والعائلات وطالما الشخص دا من عيله كويسه يبقى مفيهوش غلطه طب ما انا مقبلتوش ولا عاجبنى ولا شايفه لايق عليا ولا حاجة، أختى بتقولى كلام يجرحنى اووى وزي انا بتتبطر ع خلق الله وقاعده اتنك وهفضل كدا لحد ما اعنس والكلام دا
بس انا مأمنه بالنصيب وانى نصيبى كدا كدا متشالى وهييجيلى ف الوقت والمعاد اللى ربنا كاتبه وبقول اكيد لما نصيبى يجيلى هحس بقبول واعجاب بيه بس مش عارفه انا تفكيرى كدا صح ولا غلط، وانا دائماً بأمن بالفرص وان مفيش حاجة بتضيع من ايدك الا لو كانت مش نصيبك من الاساس
اتمنى حد يرد ويفهمنى ويدينى خبرته ف الموضوع دا لان عامل عقده نفسيه وتعبت بجد 💔
لعرض السؤال في فدني اضغط هنا
تزوجت وفي بدايه العلاقه كنت اجد انها نافره منها او لا تريد علاقه حميميه كنت احاول معها ولكن لم تكن تتركني ودائما تضع حد فاصل بيني وبينها ومع الوقت كنت اجد انها تريد التهرب لا تحب العلاقه وهذا من اول يوم في الزواج وفي النهايه تم الطلاق ثم اكتشفت انها قالت لي انها مازالت انسه هل المشكله معي اني لم اتأكد ام تساهلت معها بالرغم في يوم من الايام قالت لي انها نزفت كثيرا بعد العلاقه وليس اثناء العلاقه واظهرت لي النزيف . لا يهمني ما مضي قد مضى ولكن كيف اعرف المشكله كانت معي ام هي وماذا افعل لكي اعرف ؟
لعرض السؤال في فدني اضغط هنا
السلام عليكم ورحمه الله وبركاته
انا متجوزة عمري 24 وعندي بنوتة عندها سنة و شهرين انا بعاني صدمات وظلم من حماتي وأهل جوزي وسلايفي
لعرض السؤال في فدني اضغط هنا
السلام عليكم ورحمه الله وبركاته
باختصار انا اتعرضت للخيانه الزوجيه من سنتين
زوجي خاني مع وحده أقل ما يقال عنها انها زباله في كل حاجه و للاسف خيانه كامله فضل سنه معها و في خلال السنه دي كان بيعملني معامله العبيد انا كنت حاسه بكل حاجه بس كنت بقول ربنا يكشف لي الحقيقة و كنت متحمله كل اللي بيعملوا معايا حتى حقي الشرعي كان بيحرمني منه
المهم بعد ما عرفت و شفت صور زباله كانت بتبعتهالو و هي عريانه وواجهته و خربت الدنيا اعترف بكل حاجه الا أن. نام معها حلف على المصحف انو ما وصلت لكده معها
لكن انا متاكده انو نام معها و كتير كمان
المهم بعد اسف منه كتير و وعدني انو خلاص تاب لربنا و رجع لبيته و عيالو لاني ساعت ما عرفت كان معايا منه طفل و حامل في الشهر الرابع
هو من ساعتها و هو فعلا اتغير و بيعمل معيا كل شيء جميل و لحد النهارده بيتأسف لي
المشكله اني مش عارفه أنسى و قلبي و عقلي فيهم نار انا صاحيه نايمه افكر في اللي عمله حسه اني هموت اعمل اي فدوني
لعرض السؤال في فدني اضغط هنا
أنا اتقدم لي عريس أول مرة اقابله هو أول ما دخل لبسه مش وحش يعني بس مش مهتم اوي ضوافره مش نظيفه شراب مش نضيف قوي
بدأ كلامه انه شخص عادي وبيشتم وعايز زوجه تكون في البيت هاديه وتقوم على شؤون البيت ومش عارفه ايه وشويه كلام من كده وكمان كلامه كويس باين ان هو متدين شويه مش قوي يعني مش متزمت بس علاقته بوالده مش أحسن حاجه لان والده بيقولوا ان هو مش متزن عقليا بس كلامه عليه مش الطف حاجه
هو اتكلم بصراحه مطلقه في كل حاجه في علاقاته باهله باباه بس ليه حاجه يعني قلقتني شويه شكله بردك مقبول بس مش من اللي انا عايزاه اه وقال لما قلنا له ان شاء الله لو في نصيب ممكن نقعد قاعده ثانيه قبل ما ندي الاوكي ان احنا تمام يعني قال يا رب يبقى في ثانيه ثانيه وثالثه علشان انا واقف عند الصفر فانا مش عارفه اقرر اوافق ولا ما وافقش
انا سألته إيه اللي متوقعه من زوجتك في يوم عادي؟ قال تقوم بواجباتها في البيت وشغلها ما ياثرش على بيتها ومش عارفه
ومسؤولياتها قلت له يعني انت شايف المسؤوليات البيت كلها على الست بس طب انت فين من شغل البيت راح قال انا مش بعرف اعمل حاجه انا بسلق بيض قلت له ماشي ممكن نتعلم فيما بعد يعني ما بقاش تعبانه وانا ما بقدرش فتقول لا اعملي كذا وقلت له لو في تقصير في شغل البيت هتعمل ايه ولو ما فيش اكل في مره عادي قال هنطلع اي حاجه نعملها او اجيب كيس اندومي واعمله
وسألته بردك لو بتتعصب بتعصب ازاي بتغلط او كده هو بيقول طبيعي انا عمري ما هشتم اللي قدامي بالاب والام والكلام ده قلت له انت لما بتتعصب هتعمل ايه او لو انا استفزتك لاقصى درجه هتعمل ايه ممكن توصل الضرب والشتيمه يعني يقول لي لا وليه توصليني لكده قلت له يعني لو وصلت ليها هتعملها قعد يلا وما اجاوبش قوي حته لو بتشتم وقت الخلاف دي ما سألتوش فيها بس هو قال يعني هنحترم اللي قدامي والكلام ده
وقلت له لو حصل خلاف انت اللي رأيك يمشي بحيث ان انت شايف ان القوامه مع الراجل قال ما هو الكلمه الاول والاخير للراجل بتقول يعني ما فيش اي رأي للست اللي معاك قال لا اكيد لازم استشيرها في في كل حاجة تخص حياتنا بس لو اختلافنا رأيه هو اللي يمشي
اساسا مشكلته مع والده هو اللي قال ان والده عمل كذا قرار غلط مامته ووالده جمعوا فلوس وفي الاخر خد الفلوس واشتري البيت مثلا في شبين في مطروح وباعهم ثاني وضيع الفلوس وقلت له انت ما تستناش مني فلوس ومامتي لمحت كده قالت ان هو مش متزن ان والده مش متزن بس ما حصلش فرصه ان انا اتكلمت مع ماما عن المعلومات اللي تعرفها
فكره ان هو يساعد في شغل البيت هو قال اكيد انا مش هبهدل الدنيا ورايا وانا شخص بحب النظام ومش عارفه ايه بس بردك هو ما عندوش فكره ان الشخص يساعد في شغل البيت اصلا ده اللي استنتجته من كلامه وفكره التدخل الاهل ده هو مش حابب حد يتدخل ويقول لي نوصلها ان حد يتدخل قلت له طب لو حبينا من عندك مثلا اتدخل مامتك ولا باباك قال لا باباه لا ماما تمام قلت له تمام يبقى انا عندي من عند مامتي كمان ما سألتوش على حته تتوقع ايه من زوجتك لاهلك دي
جه في الآخر سألني وقال مشاركة الزوجة في البيت
هو من كلامه كان قال إن الست تشارك في مصاريف البيت لأن والدته هي اللي ساعدة والده وهي اتحوزته وهي مش حياته حاجة
قلتله ولو نفترض أن أنا سبت شغلي كده مش هتصرف عليا
مش فاكرة ترتيب الكلام إزاي الصراحة بس أنا قلتله ليه ما نمشيش على قد قدراتك مش انت بتقول القوامة للراجل اسمعني في الحته دي
وقلتله إحنا هنعيش على دخلك واكيد لو في رفهيات زيادة عن اللزوم أنا هجيبها من مرتبي ودا لا يمنع أن جزء من رفاهياتي هيكون مسؤوليتك
قال اكيد لو هنمشي على قدر ظروفي ومش هتطلبي حاجات أوفر اكيد هتكون عندي لكن ما تجيش تقولي أنا عاوزة اغير ديكور البيت دا كده وأنا مش عامل حسابي أو عاوزة أعمل اوردر شي إن أو عاوزة اجيب دا
وقالي لو مرتبك على قد رفاهياتك وبنزين عربيتك يبقا كده كويس على أساس أنه ناوي يشتري ليه وليا عربيه بس اكيد مع الوقت مش اول ما نتزوج
فأنا مش عارفه اوافق ولا لأ
لعرض السؤال في فدني اضغط هنا
شخص متجوز و عريس بقالة سنة و عايز يتجوز التانية
و الحمدلله مقتدر و عندي كذا مشروع
الاولي اتجوزتها و انا بحبها و بعشقها و اتجوزنا غصب غن الاهل و للعلم انا و هي ولاد عمه و علشان نتجوز اطلق فيها امها و انا قاطعت ابويا و ابوها مش عاجبه الجوازه علشان النسب
لاني شخص ابويا و امي منفصلين من و انا صغير و اسره مفككه و انا بنيت نفسي بنفسي و شيلت مسؤلية من و انا صغير و دلوقتي سني 21 سنه اتجوزت و شبكت و جهزتي نفسي بنفسي من غير جنيه من حد
و الحمدلله ربنا بعد الجواز فتحها علي الواحد
كان قبل الجواز ممكن دخلي كله ميكملش 3000 في الشهر و لكن بعد الجواز الوضع كلو اختلف جدا و بقيت بعمل اضعاف الرقام دا بمراحل
و دلوقتي عايز اتجوز التانيه و دا لاني مش مطمن من الزوجه الاولي لما بيحصل بينا مشكلة بتفكرني انها عاشت معايا ايام مكنش المفروض تعيشها و انها استحملت الفقر و الهم
و انها شرياني و الدليل علي كدا انها مش بتروح لاهلها تغضب او تعرف حاجه عن مشاكلنا و دا علشان اهلها محبب علي قلبها انها تتطلق
موقف بسيط مره اخدت موقف من اهلي علشانها و لما كلمتها لقيتها بتقولي محدش غصبك علي حاجه ولا ضربك علي ايدك
روحت مغضبها عند اهلها لقيت ابوها جايبها و جاي و بيقولي تطلقو ؟
كان الرد من ب لا بس لقيته بيقول لا ما هو لو هيكون في بينكم مشاكل تطلقو احسن و نفضها سيره
و من ساعتها انا مبقتش طايق التعامل مع اهلها و هي بقت بتعاير او كل شويه تفكر الواحد بحاجات دي
و دا حسسني بعدم امان و طمأنينة من نحيتها مع انتا بنحب بعض جدا
و هي بامانه غير مقصره في اي حاجة و حتي مشاكلنا محدوده جدا و لكن بدأت تزيد اخر شهر
و انا نفس الموضوع ولا مقصر معاها في كلمه ولا غيره و الحمدلله كل واحد فينا عارف التاني بالنسبة ليه اي
ف المهم انا بسبب عدم اماني دا فكرت اتجوز تاني
و فاتحتها في الموضوع
لقيتها بتقول لا و رافضه الفكره و بقي في نكد في البيت اكتر من الاول
ف انا بفكر اتجوز من وراها
ف محتاج حد يدلني علي الصالح يمكن انا غلط في حاجه
و بقرر تاني انا مش مقصر معاها في حاجه و هي نفس الموضوع برضو و احنا الاتنين بنحب بعض الحمدلله
لعرض السؤال في فدني اضغط هنا
هل القايمة بيتكتب فيها دهب جرامات ولا فلوس؟
خطيبي بيقولي لا هكتبها جرامات مش فلوس عشان مدينش بفلوس ليكي كتير في مستقبل
وممكن تسجنيني بيهم في حالة الخلع، بقوله لا ده في حالة طلاق بس بيقولي لا و في الخلع كمان
لعرض السؤال في فدني اضغط هنا
انا دلوقت مخطوبه لكن انا مش مرتاحه ولا حابه خطيبي بجد مش بطيقو مع العلم في كل حاجه بتمناها متدين طموح مش بيدخن واهلي ببحبوه جدااا بس انا برضو مش قادره حاولت اشرحلهم كتير لكن مش فاهمين دايما يقولولي اقتنعي أن دا نصيبك ودا جوزك لمصلحتك انا تعبانه وفي نفس الوقت بعاملو كويس عشان مش عايزه ازعل اهلي بس مبقتش قادره مجرد الفكره بتخنقني وانا عايزه اكمل تعليمي بس اهلي مش مقتنعين بفكره التعليم وان كدا ولا كدا هتجوز
لعرض السؤال في فدني اضغط هنا
جماعه انا نفسي اطلق امنيه حياتي
انا عندي ٢٣ سنه ومعايا بنتين ادعولي اطلق
بقيت امنيه حياتي
لعرض السؤال في فدني اضغط هنا
في تصرفات كتير صدرت من خطيبي عليها علامات حمرا بالنسبة لي!
هو شخص حنين و طموح و بيتحمل مسئؤلية بس في حاجات عليها علامة استفهام ياريت لو عندكم ليها تفسير قولوا لي
دخل بيتنا لأول مرة لوحده، وطلب إنه يخش يتوضى بيبص كده على الشقة وبيشوف تفاصيلها
مامتي منقبة ف كانت بتلبس النقاب وكانت قاعدة في ليفنج ف قولتله عدي على طول متبصش بقا عشان هي لسه بتلبسه، فلاقيته وهو معدي بيبص من الجنب كده!
بعدها قالي هو احنا بعد ما نتجوز حتى مينفعش اشوف مامتك من غير نقاب؟ فقولتله اكيد لا، لا يجوز
ف انا مش فاهماه هو ليه عمل كده و ليه بيسأل كده وكان في الاول خالص بيقولي هو ليه مامتك واخواتك منتقبين فقولتله قصة النقاب معاهم، وهو والدته كانوا مستغربين ليه هما منتقبين!
كمان كنت هدخل الاكل في المطبخ بعد ما اتغدى و هو قالي لا انا الي ادخله قولتله لا ميصحش قالي لا وصمم هو الي يدخله ودخل مطبخ وبردو كان عمال يبص على المطبخ!
وبعد ما مشي بيومين بيبعتلي صورة صورها ل صالة بتاعتنا وبيقولي بصي صورتلك بيتكم صورة حلوة ايه رأيك ف انا استغربت اوي ليه عمل كده!!
ده غير أن رائحة هدومه كانت كلها عرق لدرجة اني اول ما قابلته وطلعت الصالة شمتها وكانت قالبة ريحة المكان ومكنتش قادرة اقعد معاه وعيني بتدمع من الرائحة!! وحتى بوكية الي جابه لسه ريحة الكريهة دي موجودة فيه لدرجة اني طلعته برا اوضتي
ولما روح فضل يكلمني لحد الفجر بعدها نام معتقدش إنه خد شاور حتى!
انا مش فاهماه هو طيب و حنين وبيعرف يحتويني و مشى كذا حاجة في الإتفاقات عشاني و عمي قالي ده شاريكي بس انا معرفش الحاجات الي ظهرت منه دي مخوفاني وقلقاني! والرائحة دي بردو
غير أن في شوية مشاكل حصلت بينا و بين عيلته بعد الخطوبة بسبب باباه، وتصرفات كتير بتبين إن باباه بخيل و نرجسي
وكمان هو بيقولي بصدع و بسخن جامد لما بدايق وزمان كنت باخد دوا ضغط بس وقفته وزمان كنت تعبان نفسيا وبتوتر جامد اوي وكنت باخد ادوية نفسية، بس مقاليش اي تفاصيل تاني خالص وكل ما اقوله يحكيلي يقولي مش حابب احكي هتشوفيني ضعيف. خايفة يكون مخبي مشكلة صحية عنده ومش عايز يقولها بوضوح
واخوه تعبان بمرض نادر في القولون بيقولي ظهر عنده و عند ولاد خالتي بعد فترة كورونا بس بردو مش بيحكيلي وبيقولي بنكشف على اخويا طب دكتور قاله ايه؟ ميدنيش اجابات نافعة ويقفل على الموضوع
خايفة يكون وراثة
دي غير أن عيلته لحد دلوقتي معزموناش في بيتهم ولا مرة واحنا عزمناهم ٣ مرات و الرابعة خطيبي جه لوحده، ولما قولتله عيلتي مدايقة بسبب كده قالي بابا و ماما تعبانين على اقل شهر بعدها نعزمكوا!
باباه ساعة الشبكة معزمش على اهلي ب ماية ولا عصير واخويا هو الي راح جاب، وكذلك خطيبي في المرة التانية معزمش على اهلي ب حاجة و جاب ل نفسه سندوتش فول و فضل ياكل قدامهم وانا كنت محرجة اوي و معزمش عليهم ب حاجة، لما انا دوخت راح جابلي انا عصير و ماية جابلي انا بس
وكل شوية يقولي هو انتي بتشغلي التكيف على طول؟ طب الكهربا؟
ويكلمني في موضوع الشغل ويقولي طب ما تجربي تشتغلي وانا قولتله قبل كده مش عايزة اشتغل، ف سألته مش خايف عليا من سوق العمل؟ قالي ايه يعني كل الستات بتشتغل، وهي مامته وتقريبا ستات العيلة عنده كلها بتشتغل بس صدمني ب ردة فعله
وكل شوية يذكر إني غنية ومش محتاجة الفلوس بعدها يقولي بهزر وبعدها يرجع يقولي بيعي ليا شقة عشان نتجوز زي البنت الي عملت على النت ويقولي كل ده بهدف الهزار
ايه الحل وتصرف السليم لو سمحت افدوني، مبنامش الليل وخايفة اوي وقلقانة وفي شكوك كتير جوايا ازاي أتاكد اذا كان كويس ولا لا هل في اختبارات معينة اعملها؟
هو بيقعد يقولي بحبك و مستحيل اسيبك وبيقعد يراضيني لما بزعل بس على جانب الآخر في حاجات كتير مش قادرة ابطل تفكير فيها وهو هيسافر وهينزل بعد ٧ شهور لسه ف كل ده مش هشوفه
لعرض السؤال في فدني اضغط هنا
لو سمحت هو المهر ده غير المؤخر والدهب؟
انا اتخطبت ومحدش من اهلي اتكلم معاه في مهر اتكلموا في مؤخر ٢٠٠ الف و دهب ب ١٠٠ الف
وهل دلوقتي ده الي ماشي؟ ولا انا استسهلت؟ الحمدلله انا متعملة تعليم خاص و مستوايا الحمدلله رب العالمين ف عايزة اعرف هل كده انا استسهلت معاه؟ عشان سمعت كذا حد من برا قالي إني استسهلت
لعرض السؤال في فدني اضغط هنا
ايه رأيكم في إن العريس يمضي قايمة على بياض
شايفين هل ده من حق العروسة تضمن حقها كده ولا لا
وهل ده ظلم للعريس؟
وهل المؤخر بردو المبلغ لما يبقا مليون و ٢ مليون ده ظلم لي؟
لعرض السؤال في فدني اضغط هنا
قلما اتوجه بالنصيحة من احد..
لكنني في ابتلاء وفتنة،
انا شابة في ال ٢٦ من العمر متعلمة، قد تقدم لي من حياتي العديد من الخطاب الحمد لله لكن لم يتم أي شيء...
وانا ككل فتاة احتاج ان اتزوج،
يصفوني عائلتي بالملتزمة الا انني ببساطة ابتعدت عن ما يغضب ربي وانسانة عادية... لا اتزين عند الخروج ، تركت مصافحة الرجال، لا اذهب للمنتجعات التي فيها كل الاختلاط الخمر ولا اعلم ماذا،
على الرغم من انني اجيد السباحة الا انني لا البس البوركيني، فانا في خارج منزلي اكون بلباس فضفاض لماذا اكون في المسبح بلباس اقل من الفضفاض،
حريصة على الحدود الشرعية اذا جاء احدهم لخطبتي، من الجلوس في مكان مفتوح امام العائلة وكل ذلك...
قد تمت مرة خطبتي من شاب اظهر الالتزام وتم فسخ الخطبة من طرفي بسبب تذمره انني لم اسمح له الباسي الشبكة، وقال انه بالعادة العريس من يقوم بذلك وليس امه...
وبعده تقدم لي اكثر من شاب، منهم من لا يصلي ومنهم من هو غير محافظ على صلاته وكل ذلك...
وانا معاييري ليست مرتفعة ابدا..، حتى انني اقول يكفي ان يكون ملتزم بالصلاة وان يتقبل الحلال والحرام... يعني ان استطيع العيش معه وربما اؤثر عليه ايجابيا... الا ان عائلتي تقول لي الشباب التي تصلي ولا يظهر عليها الالتزام لن تتوافقوا، ولن يقبلوا بملتزمة... الجملة جرحتني اولا بوصفهم اني ملتزمة جدا وهذه وصف كبير عليّ فأنا لدي العديد من النقص...
ثانيا لانه حصل فصل بيني وبين باقي البشر وكأنني كائن فضائي!.. نعم وأنا بدأت بالصلاة فقط!!! حتى لم اكن محجبة!
اخر شاب تقدم لي تم رفضه بالاساس لفارق كبير بالمستوى التعليمي فهو ربما انهى فقط الابتدائية وانا انهيت الماجستير وحذروني اهلي من ان الفارق قد يشكل خطرا على العلاقة،
بالاضافة الا انه فقط يحافظ على صلاته وليس ملتزم ملتزم ومن هنا بدأ النقاش بالعائلة..
هل شرط على الملتزمة الزواج من ملتزم كثيرا؟
وهل فعلا المحافظين على صلاتهم يرون من تحافظ على حدود الله معقدة؟
وهل فعلا نحن من عوالم مختلفة؟
بصراحة في بداية التزامي رغبت بالزواج فقط من ملتزم، لكن بدأ يظهر لي الاختلاف مثلا منهم من هو متصوف وغيره الكثير...
حتى بدأت ان اقول يكفي ان يحافظ على صلاته،،،
والان حتى هذا غير ملائم... ما يعني هذا غير التعرض للفتن! فأنا ايضا بشر!
لعرض السؤال في فدني اضغط هنا
انا وجوزي متجوزين صالونات وحبيته في الخطوبه كانت سنه وبعد ما تجوزنا لسه في حب لبعض ونا متأكده انو بعد ال٣ سنين دول هوا لسه بيحبني بس في مشكله انو نرجسي وبيمارس عليا الصمت العقابي ودا اكتر حاجه بتجرحني منو ونا اتاكدت انو نرجسي بس لسه بحبو توب مهما قال او عمل ونا بتعب لما اعيط وحاسة نفسيتي اليومين دول متذكره ومش قادره ابعد عن عشان بحبو بس كل ما مشكله تحصل يمارس عليا الصمت العقابي نفسي اتعافى من التعلق واعمل زيه عشان متعبش
لعرض السؤال في فدني اضغط هنا
دلوقتي انا عريس لسه بقالي ٣ اسابيع عندي مشكله
انا تمام و جنسيا قبل الزواج كويس بس المشكله بدأت لما ف اول اسبوع زواج كان العضو بيحصله انتصاب عادي جدا بس الزوجه كانت خايفه جدا جدا و توتر و رفض ف دا يوترني ف الانتصاب يروح مؤخرا انا بقيت بهديها و الغشاء البكارة و تمام بس انا بحس أن الزوجه معدتش بتحس بإثارة زي الاول من وقت ما اتفض غشاء البكارة و كمان انا بيحصل انتصاب و تمام ولاكن وقت ما يبدأ يحصل الايلاج يروح الانتصاب و ملحوظه انا بكون غير مرتاح ف أوضاع معينه بحس اني مش متملك صح ف تنصحوني اخد علاج ولا اي المشكله تحديدا عشان بفضل الانتصاب قوي و ميروحش وقت العلاقه واسف علي الاطالة
لعرض السؤال في فدني اضغط هنا
سلام عليكم
لو عريس اتقدم لعروسة ب ١٠٠ الف شبكة
٢٠٠ الف مؤخر و شقة ملك والعروسة هتجهز الاجهزة كهربائية و المطبخ و المفروشات والسجاد و الستاير
كده ظلمنا البنت؟
لعرض السؤال في فدني اضغط هنا
لو متقدم لي حد ازاي اعرف انه هو دا خصوصا إني خايفة جدا من الموضوع وانا الحمد لله مرتاحة في بيت اهلي فخايفة آخد الخطوة واندم بعدين وحد قالي اني اكتب اولوياتي في ورقة وعملت كدا لكن للأسف كل اما حد يتقدم مابرتحلوش واغير حاجات في الورقة وارفضه ولو حسيت اني ممكن اقبل حد معين هو اللي بيرفض فتعبت بمعنى الكلمة وتوهت وكل اولوياتي دخلت في بعضها
حد حصل معاه كدا؟ وايه الحل انصحوني
لعرض السؤال في فدني اضغط هنا
مخطوبة بقالي أربع شهور و مش مبسوطة و مش مرتاحه في الأول كنت متحمسه و عندي شغف و طاقة بس بمرور كل يوم شغفي بيقل و طاقتي بتخلص عشان في كام حاجه حصلت قفلتني منه لأن هو مسافر و لما أهله جم يتقدمو عرفوه قبلها بساعة بس و لما سألته قال أنا مكنتش أعرف قولتلو إزاي متعرفش فضل يقول كلام ملوش علاقة أصلا و حاجات متدخلش علي طفل صغير و سكت و عديتها بعدها بكام يوم أهله جم يحددو علي معاد الفرح هيبقي في شهر كذا ف إحنا هنشوف و نعرفكم ف استغربت إزاي مقاليش أن أهله جايين عشان يحددو علي معاد الفرح قال عشان هما مش قالولي أصلا أن هما هيحدوو علي معاد الفرح طبعاً أنا ادايقت و حسيت أن هو مش عنده شخصية و ملوش رأي المهم انا عدتها و سكت
اجي اتكلم معاه في موضوع يسد نفسي مش بيشارك خالص مستمع بس لما زهقت و مبقتش احب أتكلم معاه و هو مش بيجيب مواضيع خالص كل فين وفين
و كمان بيتكسف يقولي يا قلبي و يا حبيبتي ولا أي حاجه من دول و إحنا بنتكلم هو بيقول يا قلبي و يا حبيبتي في رسالة بس مع صباح الخير و يفضل يعمل ليا فيديوهات بصوري علي أغاني انا أول مرة اسمعها و اغاني شعبية إزاي فيديو صور و يتعمل علي اغنيه شعبي و يفضل يبعت أغاني غريبة كدا و ينزل استوري و يقول اللهم في ليلة الحد احفظ حبيبتي و كلام تاني كدا و هكذا بقي ينزل تاني يوم و يقول ليلة الاتنين كدا
و يقعد يبعتلي شعر و قصايد و انا مش بحب الحاجات دي
انا كل الحاجات دي قفلتني منه و مش متقبله خالص انا مش بحبه خالص في الأول كان عادي ولا بكرهه ولا بحبه الطبيعي عشان لسه في الأول و المفروض بقي هو بطريقته يخليني احبه لأ هو حرفياً قفلني منه
أعمل أي مش أعمل أي مش عارفه العيب فيا ولا فيه ولا في أي
لعرض السؤال في فدني اضغط هنا
متقدملي عريس أكبر مني ب 9 سنين مطلق و عنده بنت و ولد هو قريبي و انا عندي 21 سنه اوافق و لا استنى يمكن يبقي في فرصه احسن
خايفه يرجع لمراته تاني بصراحه
انا صليت استخاره و مش حاسه بحاجه
لعرض السؤال في فدني اضغط هنا
ازاي بتعرفوا صفات الشخص البخيل؟
لو جاب ليا انا و هو سينابون واحدة بس بنشير فيها و اختي و ابنها واحدة والحركة مكنتش حلوة خالص
ومغدناش آخر اليوم رغم إن في بيتنا عزمناهم مع عيلته ٣ مرات عزومة كبيرة
بس دفع حق اوبر و وداني ملاهي و هو الي دفع بردو يعني و يعتبر صرف مبلغ كبير بس مغدناش في الآخر
انا بقول دي قلة خبرة منه مش بخل
و أهله خرجنا نروح نجيب الشبكة معاهم مجبوش أي حاجة لينا ولا ماية ولا عصير ولا أي حاجة ولا حتى عزموا و اخويا هو الي راح جبلهم
بالنسبة لموقف اهله ده ايه؟ انا مش قادرة احدد
لعرض السؤال في فدني اضغط هنا
السلام عليكم ورحمه الله
انا سؤالي انا بستحمل كلام زوجي المهين والجارح وعايشه وصابره وهوه مبتغيرش هل عليا ذنب اني بسمع الكلام المهين ومبردش ودافع عن نفسي لاني مبعرفش متربتش على كدا
لعرض السؤال في فدني اضغط هنا
عايزه رد بحياديه وان كنت غلط قولوا وان كنت صح عرفوني اعمل ايه انا حبيت واحد لمده 7سنين جيه اتقدملي وكان لسه معهوش حاجة كان شغال وقتها نقاش وابويا جزار وانا كنت لسه بدرس في الثانوي ابويا رفضه لان مكنش من نفس المستوى ايوا متاسفه جداً على الكلمه بس ده اللي ابويا قاله لي بس بطريقه غير مباشرة هو قرر انه يغير من نفسه وشغله جاب شقه ملك واشتغل شغلانه كويسه بيقبض منها مرتب كويس جدا جيه تاني يتقدم بابا مصمم على رفضه بالرغم انه شايفني موافقه انا دلوقتي سنة رابعه حقوق خاص
انا قبل ما الشخص ده يظهر في حياتي كان هدفي زي اي بنت بتحط معيار لشريك حياتها وكانت معاييري الشخصيه ان الاقي شخص يحبني ولما يجي يعمل حاجة يعملها عشاني
حد هيسأل ايه سبب التصميم على الرفض ان هو بيشتغل مندوب أدوية وانا من محافظة وهو من محافظة وبابا لما قعدت معاه قال صريحه الفلوس هي أهم حاجة لو مش متعلم يبقى معاه مادة واهو تفكيره ممكن حد يفيدني
لعرض السؤال في فدني اضغط هنا
انا بنت عندي ٢٠ سنة
في شخص من فترة اتقدملي هو خريج دبلوم وانا رايحة تالتة كلية تربية
اول القعدة واحنا بنسأل بعض قالي أنه مش بيحب حد يمسك موبايله نهائي حتي لو مامته نفسها
تالت حاجة هو بيشرب سجاير وهو بيبطل حاليا
انا موضوع السجاير ده خط احمر عندي
انا حوار التلفون ده قلقني شوية وهو الي اتكلم ومن اول قعدة فيه
هو شغال ف شركة ميناء يعني وكدا
انا رفضته وطلبو نقعد مع بعض تاني ومرتحتش وهم قالو انتو طولتو ف الرد ف كل شئ قسمة ونصيب
هو العيد الاضحي الي فات بعتلي تهنئة ع الفيس وغير كدا أهله بيبعتولي السلام دايما وده معاناتها أنهم لسا عايزني
هو للامانة أهله عايزني جدا وكويسين
خايفة لأكون ظلمته ف رفضي وأنه لسا عاوزني بعد اكتر من كام شهر
خايفة اديله فرصة ويبقي عشمته ع الفاضي حاسة أن فرق التعليم ده هيبقي حاجز هو بيفكر ف ناحية وانا من ناحية ومش تقليل منه خالص والله بس دي ف الاول والاخر أسرة هتتبني وأطفال لازم يشوفو اهلهم متوافقين علشان يبقو اسوية نفسيا
وماما بتقولي اديله ف فرصة لأن احنا ع حافة انفصال اهلي ف ماما بتقولي مش هيبقي كتير عايزين ياخدو واحدة زي كدا وخصوصا اني هكون مع ماما
محتاجة مشورتكم وجزاكم الله كل خير
لعرض السؤال في فدني اضغط هنا
مشكلتي أنا السبب فيها ويمكن ميبقاش ليها حل أنا عندي 21سنه مخطوبة أنا مش بحب خطيبي بس اهلى شايفين انو محترم حصلت مشاكل كتير لاني عاوزة انهي العلاقة بس كل ما احاول تحصل حاجة تخلي الموضوع يمشي أنا تقبلت الموضوع وقولت أن ربنا عاوز كدة بس دلوقتي فرحي فاضل عليه ايام وانا ندمانة وخايفة وبقيت بكره كل عيلتي اكتر من الاول ونفسي ومش عارفة ايه إلى جاي وجدا خايفة دي شيء عايشاه من اول الخطوبة نزلت النص فى الوزن وصرت كئيبة بلا الوان ولا اهتمام بنفسي معقول يكون فى حل
لعرض السؤال في فدني اضغط هنا
انا مش عارفة ابدء باي لان في حاجات كتير تعباني انا بجد حتى مش فاهمة نفسي وحاسة اني تايهة ومكسورة وكل يوم بيعدي زي اللي قبله بضغط وتعب من كلام اهلي وكلام الناس انا بنت عندي ٢٤ سنة اتجوزت ومكملتش عشر شهور واطلقت بطفل الحمد لله عليه نعمة كبيرة ف حياتي بس اللي حوليا محولينه لنقمه وسبب ضغطي النفسي انا واحدة مخدتش اي حاجة من طليقي وحتى لما مشيت لا اخدت شبكتي ولا اخدت هدومي ولا اي حاجة لاني كنت ماشية غضبانة زي ما اي واحدة بتعمل وكانت اول مرة اعملها بعد مشاكل كتير وقهر كتير وف الاخر طلقني غيابي ومصرفش على ابنه ولا شافه انا بقول الكلام دا كله عشان افهمكم ان جوازتي دي مطلعتش بيها غير بابني اللي هو اغلى ما املك كل الناس اللي حوليا واولهم اهلي ف الاول كانوا بيقولوا اني اوديهولهم انا لا واحدة متسلطة ولا متحكمة لو اعرف طليقي كويس واحد ف المية كنت قولت شوية عندي وشوية عنده هديكوا بس نبذة بسيطة عن الانسان دا اولا هو نرجسي الناس اللي برا الدايرة المقربة بيظهرلها بشخصية حلوة وجميلة ومحبوبة ومحترم ودمه خفيف ودا اللي خلاني انخدع فيه لكن جوا البيت متكبر كداب بيسخر من الناس بيحقد على الناس مع انه غني وربنا كرمه بيشتم اقذر الشتايم اللي لا تتخيلوها بيوعد ويخلف اناني طماع والله اشهد الله ان اللي كل بقوله مش ذما فيه دا واقع انا عشته دي نبذة بسيطة من حاجات اكبر فانا خايفة على ابني منه نفسي اسافر بابني برا البلد واهلي مش عاوزين يسافروا وانا مئدرش اسافر لوحدي عشان الدين والعادات والتقاليد ومن ناحية تانية يقولولي هيتاخد منك انا نفسيا تعبانة اوي ونفسي اخرج بابني برا البلد وارتاح من هم الانسان دا لانه معاه فلوس وممكن يقدر يعمل اي حاجة او يخطف ابني ويسافر بيه حرفيا كنا مقومين محامين عشان اخد قايمتي وحاجتي ولا خدنا حاجة وبيخلي المحامين يشهدوا بالزور فالناس دي ملهاش امان واهلي مش مساعدني من ناحية ومن ناحية تانية بيسودوها ف وشي ويقولوا دا هيروح لهم ومفيش حل تاني
لعرض السؤال في فدني اضغط هنا
انا مجوزه وجوزى بعد الجواز عرفت ان هوه عنده مشكله صحيه تمنع الخلفه وبعد كده عملنا حقن مجهري مش حصل نصيب في المرتين وبعد كده تعب اكتر وبقي مش عارف يعمل اي بعد ما الدكتور قال ليه انت عايز ٦عمليات وقفله في وشه وجوزي من ساعتها وهوه تعبان نفسيا وانا بحاول اكلم معاه وكده مش نافع وانا اتخنقت من حد يكون سلبي انا مش بحب الاستسلام خالص في حياتي ربنا قادر على تغير الإنسان بس يكون هوه كمان عايز يتغير بجد انا بقى اتخنقت وتعبت من كتر الكلام معا جوزى اعمل اي
لعرض السؤال في فدني اضغط هنا
السلام عليكم
أنا متزوجة من سنة ونص وزوجي مسافر للعمل بالسعودية أديله تلات سنين وحتي الآن لم يرزقنا الله بأطفال ، مشكلتي هي إنه زوجي بيدي لأهله فلوس كتير ومش عارف يحوش مبلغ يقدر يعمل منه مشروع او حتي نشتري منه حاجة نستثمر بيها سنين الغربة دي بالرغم من ارتياح حالة أهله المادية ، أنا مش عارفة اتلكم معاه وأقعنه بإنه أهله في غني عن الفلوس اللي هو بيعطيها لهم وإنه إحنا عايزين نبني مستقبلنا بس هو بيقولي إنه واجب وفرض عليه يساعد أهله وإنه هما حالتهم المادية ضعيفة وإنهم بيشتكوا من ظروف المعيشة ، بس أنا أعلم بإنهم مرتاحين ماديا ، أنا وهو بنحاول نمشي ظروفنا في الغربة وبنحاول نوفر وباجي على نفسي كتير في حاجات كتير علشان أوفر ، لكن لما عرفت بالفلوس اللي بيحولها لأهله دي وحاولت اتكلم معاه وهو رفض الحكي والنقاش في الموضوع دا أنا اتضايقت واتعصبت ومش قادرة ولا عارفة أقنعه بإنه أهله في غنى عن الفلوس دي وإنه إحنا محتاجين نبني مستقلبنا علشان نرتاح من الغربة ونوفر مسقبل أفضل لينا ، أنا مش عارفة أعمل إي ولا أتكلم معاه وأقعنه ازاي
لعرض السؤال في فدني اضغط هنا
هحاول اختصر مشكلتي بس عايزة اعرف انا ممكن اتخطى دا ازاي
انا وجوزي كنا بنحب بعض واتجوزنا وكنا كويسين مع بعض كان ف مشاكل اللي هي ف اول الجواز زي اي حد المهم كان الوضع المادي مش احسن حاجه ففكرنا ف موضوع سفره وكان وقتها كنت حامل وحضر معايا ولادتي وسافر ع طول المهم اول ما سافر حبيت اتأكد هيفضل مخلصلي ولا لا
عملت اكونت سناب بصور بنت حلوه ودخلت كلمته كأني هي وهو فضل يعاكسها ويتكلم معاها بتفاصيل يومه وقالها انه مش متجوز ودخل ف الكلام ف كلام مش كويس ...
المهم بعد كام يوم انا قلتله ان عرفت كل حاجه واتخانقت معاه ومكنتش بكلمه وبكلمه وحش وهو فضل يتأسفلي وانه كان هيرجع اصلا ع اللي كان بيعمله حتى لو مقلتلوش انه انا عرفت وقالي انه شيطان وانه كان مضغوط ولوحده ف الغربه فعمل كدا
بعدها رجعت سامحته عشان انا اللي كنت بشتغله مش حد تاني بس اعترفتله انه لو كانت واحده فعلا حقيقي انا مكنتش هرجعله بس بقى المشكلة اوقات ابقى معاه كويسة واوقات افتكر اللي حصل وبقى مش طايقاه واقول ما هو ممكن يعمل كدا تاني بقيت بتخنق كتير اوي ومش عارفه ارجع زي ما انا نفسي ف الاول انا كنت بثق فيه اوي بس مش عارفه اتعافى م اللي انا فيه دا ازاي ! المشكلة ان كمان مش وحشه خالص بالعكس انا جميلة جدا شكلا وكويسة اخلاقا ومميزاتي كتير والحمد لله مش عارفه ليه عمل كدا !
وهو بيبعتلي زياره بس لما الظروف بتبقى كويسه بيبعتلي ع طول المهم ان كل ما بيبقى بعيد بيجيلي الافكار دي المفروض اعمل ايه واتعافى ازاي ؟؟؟!
لعرض السؤال في فدني اضغط هنا
السلام عليكم
انا فيه شخص بيحبني جدا وعاوز يتقدملي وحاول كتير اني اديله فرصة حتى لو هجرب بس المشكلة أن فيه فرق في المستوى التعليمي يعني هو معاه دبلوم وانا كنت في كلية ،بس هو كشخص كويس يعني ومسؤول جدا وعنده شغله الخاص بيه هو الي بيديره،بس انا خايفه أن اديله فرصه لأن حاسه لو حصل كدا اهلي والناس الي في حياتي هيقللوا منوا ويقولوا كلام يضايقني عنه وغالبا اصلا لو قولت لاهلي رد فعلهم هتبقى عنيفه وانا ممكن اتأثر بالكلام مش عارفه اعمل ايه هو فعلا فرق المستوى التعليمي بيأثر في الجواز ؟
لعرض السؤال في فدني اضغط هنا
انا في العشرينات و بحب واحد اكبر مني ب22 سنه عمري محسيت فرق السن ده بالعكس هو شكله و طريقته اكنه شاب صغير دايما فاهمني علطول مشتاقه ليه
مش قادره استوعب اجيبها لاهلي ازاي
لعرض السؤال في فدني اضغط هنا
أنا متزوجة من سنة ، مشكلتي هي إني بحكي كل حاجة لأهلي بتحصل بيني وبين جوزي من مشاكل حتي لو كانت مشكلة بسيطة اوي ، بعبر فيها باستياء شديد أوي وبتوصل لدرجة إني ممكن أشتم عليه قدام اهلي وبطلع فيه صفات وحشة كتيرة أوي ، وببالغ فيها كمان ، بالرغم من إني بحبه اوي وهو كمان بيحبني وهو إنسان كويس جدا وبيتقي الله فيا ، أنا بعد ما بحكي بندم أوي إني حكيت واتكلمت عن جوزي بالطريقة دي ، وكمان أهلي بيرجعوا يعايروني بالكلام اللي حكيته عنه ، أنا عايزة ابطل أحكي حاجة لأهلي كل مرة بقول مش هحكي لكن برجع وبحكي ، خايفة اوي أخسر جوزي وخاصة إنه كتير بينبه عليا إني ما أحكيش حاجة لأهلي وكنا هنخسر بعض بسبب الموضوع دا ووصل بينا الحال لطلاق، حاولت كتير اسيطر علي نفسي وما أحكيش حاولت إني أكتب مشاعري في ورقة ودفتر ولكن كلها محاولات فاشلة ، أنا يائسة وندمانة أوي وحزينة علي الحال اللي أنا وصلت له
لعرض السؤال في فدني اضغط هنا
السلام عليكم
محتاجة آراء ناس عندها خبرة، وياريت يكون الرد باحترام.
أنا بنت متعلمة تعليم عالي، لكن مش بشتغل حاليًا لأن اشتغلت فترة قبل كده ونفسيتي اتأثرت، واكتشفت إن الشغل مش مناسب ليا. أنا أخدت شهادتي عشان أتعلم وأحقق هدف شخصي، مش بالضرورة عشان أشتغل بيها.
مشكلتي إني شخص انطوائي، أغلب وقتي في البيت، ومبخرجش غير للضرورة، ومبروحش مناسبات أو تجمعات، ومعنديش دائرة معارف كبيرة يعتبر مفيش قرايب بعد والدتي الله يرحمها كله بعد ومفيش حد قريب مننا نهائي نهائي ومعنديش اصحاب ووالدي جاد جدااااا جدااااا
بقيت محتارة: هل تأخر زواجي ممكن يكون بسبب أسلوب حياتي؟ وهل لازم أرجع أشتغل أو أخرج أكتر عشان أتعرف على شريك حياتي؟ ولا الزواج رزق ونصيب وهييجي في وقته حتى لو حياتي بالشكل ده؟
أنا مؤمنة إن كل شيء بيد الله، لكن في نفس الوقت بسمع ناس بتقول لازم الإنسان يسعى، وإن "مش هتلاقي زوجك في خزانه غرفتي
فإيه هو التوازن الصحيح بين السعي والإيمان بالنصيب؟ وهل حد مر بتجربة مشابهة
أنا بجد نفسيتي تعبت اووي ومش عارفه ايه الصح اللي اعمله ....
وشكرا لكل حد هيرد باحترام
لعرض السؤال في فدني اضغط هنا
لعرض جميع الاسئلة في فدني اضغط هنا