عندى مشكله وارجو من الجميع اعطائي راي فيها
انا متزوج وعندى اربعة ابناء ولكن ليس هناك أي تفاهم بينى و بين زوجتى ممكن نخاصم بعض بالشهور هي انسانه عنديه طويله اللسان متكبره و مش قادر انفصل عنها عشان خاطر اولادى ايه العمل
لعرض السؤال في فدني اضغط هنا
مشكلتى هي العشره مع الزوجه اهم ولا الحب اهم
لعرض السؤال في فدني اضغط هنا
السلام عليكم ورحمه الله وبركاته
احب أخذ رأيكم بعد اذنكم في حاجه
أنا متزوج من 5 سنين وعندي ابن عنده 4 سنين مراتي عندها روماتويد قالت لي قبل الجواز
أنه عندها روماتيزم وبسيط، بعد الولاده بقت مش قادرة تمشي وبنلف على الدكاترة من ساعتها مفيش حاجه نافعه
كنت بفكر اتجوز عليها علشان أنا امي اللي بتعمل كل حاجه في البيت وامي ست كبيره علشان تعمل شغل البيت وتاخد بالها من الواد محتاج رأيكم
ولو امكن دكتور روماتويد يكون كويس
جزاكم الله خيرا
لعرض السؤال في فدني اضغط هنا
السلام عليكم ورحمة الله وبركاته
هو الكلام يبدأ من زمان اوى من بيت بابا وباختصار شديد
هو كان زي اي اب من الزمن ده بيدور ازاي يصرف على أولاده وخلاص مكنش مهتم بينا لا نفسيا ولا اي حاجه غير التعليم وطبعا كان في مشاكل كتير جدااا مع والدتي خلافات في كل شئ تقريبا
كبرت واتجوزت الحمد لله
اوقات بحس جوزى زي بابا نفس الصفات مع اختلاف الطريقة يعني لو بابا كان بيشتم ويضرب جوزى مش كده بس بياخد الي هو عايزه بطريقه تانيه
يعني بابا كان بيجبر ماما تصرف في البيت مشاكل وخناقات كتير
انا جوزى برده بيخليني اصرف كل مرتبي في البيت من غير خناق.. مره بطلب ...مره باستئذان ..مره اصلي مديون وهكذا وصلنا لمرحلة انه مش بيصرف اصلا .... وان البيت مسئوليتي .. وديون كتير وانا مش قادره اتكلم هبقى الست الي مش واقفه جمب جوزها مع العلم اننا في الوضع ده ٤ سنين.
وفي حاجات كتير مضايقاني بس موضوع الفلوس ده اكتر حاجه انا حاسه اني راجل وست في نفس الوقت فين القوامه دلوقت مع مين!!!!!
وأنا مش شخص بتاع خناق خالص
انا معقده من المشاكل القديمه الي كانت في بيت اهلي
فبسكت واسكت لحد ما وصلت لمرحله اني مش عايزه اكمل لاني مش شايفه ان ليه لازمه في حياتي ... زعلانه و تراكمات كتير لان ببساطه لما بتكلم هو الي بيزعل وانا الي اصالحه ....
السؤال هنا
المفروض احمد ربنا ان جوزى مش بيضربني واعيش بالمبدأ ده واقول ان جوزي مش أسوأ نموذج راجل حالي ومبصش ع اي حاجه تانيه مضيقاني .....
ولا من حقي اضايقك من اي صفه او تصرف مش عاجبني
يعني هو انا كده"بتبطر علي نعمه ربنا" وبطلع اسرار بيتي بره ... الكلام معاه مش بيجيب نتيجه لانى عملت فيها سبع رجاله والي هتقف في ظهر جوزها من الاول بس للاسف هو طلع من النوع الي تديله صباعك ياخد دراعك وبقت كل المصاريف مسئوليتي لوحدي ومعايا اطفال وكل ده كتير اوى عليا عماله ااقل كل شئ وكل حاجه في المصاريف واستغني عن حاجات كتير وبرده صعب واصلا قربت اترفض من شغلي لاني مقصره جدا ... كل ما يجيله اى فلوس يعمل مشروع ويخسر الفلوس كلها ... انا اعمل ايه اصبر!!!!!
انا مضغوطه جدااااااا ولما حس اني متغيره يقولي انا مقصر في البيت طب هسافر ..... هو ايه الوضع ده بجد!!!!!! ودينيا بقي الموقف ايه!!!!!
لعرض السؤال في فدني اضغط هنا
ينفع كبنت اتجوز واحد أصغر مني وهل ده حسب الفرق في السن بينا لو بسيط عادي ولا هيبقي في مشاكل عموما
لعرض السؤال في فدني اضغط هنا
انا مش عارفه بجد هتكلم ازاى فى الموضوع ده انا محرجه بس انا بجد انا مش عارفه اعمل ايه انا متجوزه بقالى شهرين انا مش كبيره عندى ١٨ سنه و شويه و جوزي يعتبر خلص جامعه السنه دي
احنا فترة الخطوبه مطولتش خالص جوازنا اصلا بسبب أن العيلتين يتصافوا مع بعض لأن بينا من زمان تار و مشاكل فـانا وافقت علشان مش عايزه مشاكل تانى و اخواتي الصبيان لسه صغيرين و مش عايزه وش ولا كل يوم العيلتين يتخانقوا المهم أن فى فترة خطوبتى انا مكلمتوش الا حوالى مرتين من فون امى لأن بابا يعنى راجل متدين وعندنا الكلام ممنوع
انا اصلا مكنتش بحبه و لا حبيت حد عموماً فى حياتي فهى مرتين اللى اتكلمنا و خلاص و مطولناش ولا نعرف عن بعض حاجه و لما كان بييجى بييجى مع أهله و يقعدوا شويه و يمشوا وانا برضو مكنتش بوافق اقعد معاه
كنا بنقعد كلنا وخلاص على كده المهم حالياً انا متجوزه بقالى شهرين محصلش ايه حاجه بينا و فى كل مره بيقرب مني بعيط و بحس انى هموت فـبيسبني قولتلو ف البدايه لما نعرف بعض اكتر حالياً ببدأ اتعرف عليه لكن مش عارفه فيه ايه بيمنعني من كده و هو زعق كذا مره وقالى بلاش يبقى غصب عنك فـقعدت اعيط برضو فـهو حاول يهديني و كان بيحاول يهدينى و مسح دموعى و حاول يقرب مني ف الوقت ده فانا قمت قعدت ازعق كلمه منى على كلمه منه دبيتو بالفاظه فتحتلو دماغو و راح المستشفى و كده وامى عرفت وامو والدنيا مقلوبه فوق دماغى انا دلوقتي اعمل ايه و قلتلو خلاص طلقني قالى انتى اكيد بتستعبطى 😭 طب انا اعمل ايه دلوقتي بجد
لعرض السؤال في فدني اضغط هنا
من كام يوم اتقدم ليا شخص جالي معرفة من صديقة والدتي
وقلت إنه هدية من ربنا ليا بيطبطب بيها على قلبي علشان بمر بظروف نفسية صعبة
فرحت اوي وكنت متحمسة اتعرف عليه، سبحان الله ربنا يسر الأمر جداً في الأول عند الرؤية الشرعية الأولى وقلت دي اكيد نتيجة صلاة الاستخارة
بعد الرؤية الشرعية انا حسيت إني مرتحاله جداً ولفت نظري بكام صفة فيه نادرة زي إنه صادق ومش شخص سطحي وفصيح اللسان وغيره
المهم حسيت أنه بيبادلني انا كمان نفس الشعور من خلال كلامه في رؤية الشرعية
بعدين مامته كلمت والدتي واتفقنا على ميعاد في بيتي للرؤية الشرعية التانية
جم الرؤية الشرعية التانية وقعدنا وأهله ناس محترمة وحبيتهم وحبيت اخواته البنات وهو شخص متدين وكويس وانا موافقة وحبيت شخصيته
لكن هو بدأ يتكلم في الماديات من ناحية الشقة والشغل وهكذا
الشقة إمكانيتها قليلة من ناحية المكان الي هي فيه مش أفضل حاجة يعني
وهو حالياً مشتت في العمل ولسه بيحاول يحسن من مساره الوظيفي وهو وضح كل شيء بصراحة من غير مجاملة
الشقة أهلي اعترضوا عليها لكن هو قالها صراحة إن دي إمكانيته حالياً لو في حاجة قدام اكيد هيقرر يغيرها لأن هو شخصياً مش عاجبه الشقة
فهما حسوا من طريقة كلام عيلتي إن في اعتراض ولكن مقولناش ده بوضوح المهم هما مشيوا وكان الكلام على إن نداوم على صلاة الاستخارة وربنا يعمل الي في الخير
هما تاني يوم بعتوا مع صديقة والدتي إن كل شيء قسمة ونصيب وإن احنا معترضين على الشقة ودي إمكانياته
حالياً أنا معرفش ليه اتعلقت بي رغم إني شوفته مرتين بس وحاسه بذنب من ناحيته
مش عارفه يمكن علشان كان شخص لطيف ولا علشان انا نفسيتي مش أفضل حاجة
كمان هو عجبني شخصيته اوي وده اول واحد اعجب بشخصيته بالشكل ده مش زي الي اتقدموا قبل كده
لعرض السؤال في فدني اضغط هنا
السلام عليكم ورحمة الله وبركاته
أنا عندي 34 سنة ومتزوج وأحب زوجتي وأعمل في شركة ، ولكن أشعر أحياناً أن زوجتي لا تريد أن يكون معي مال حتى لا أفكر في أي لحظة في الزواج بغيرها مع أنها في بعض الأحيان تشير لي وتصرح بذلك أثناء الهزار وأنا أعتبره هو الذي بداخلها حقاً ، مع أني لست مقصر في أي حق من حقوقها ولا حقوق أولادي فلا أعلم أهي تحبني أم تستغلني ؟؟!!.... فما رأيكم أنتم في هذا التصرف وكيف أتعامل معها
لعرض السؤال في فدني اضغط هنا
متقدملي واحد ملتزم وبيحب العلم الشرعي وبيعمل ماجستير ده بجانب شغله الاساسي عايز يدرس للطلاب علشان يفدهم ومينساش العلم
وعايز انتقب علشان محدش يشوفني واقعد ف البيت ومش موافق ع الشغل
انا معنديش مشكله مع كلامه يعني متقبله عادي انه اعلي مني ف الدين بس حاسه ان مش دي حياتي ولا الي كنت متصوراه ف حياتي الزوجيه يعني كنت عايزة حد يجمع بين الاتنين الدين والدنيا مش منغلق اوي كده هو مشغول علطول ف الشغل و العلم ومش مدي اي وقت للحياة البيت والشغل والاسرة بس كده هو ده الاساس ف عادي ولا ايه ؟ حتي مامته كانت بتقول انه ايام الجامعه كان م البيت للجامعه بس محدش بيشوفه ف الجامعه ومش بيخرج
وبيقول انه الاختلاط مع النساء كتير مش بيفضله علشان الدنيا وهينسيني القرآن
مش عارفه بقي ده حرام عليا اني ارفضه ولا ايه
لعرض السؤال في فدني اضغط هنا
السلام عليكم
رايكم بحكم خبرتكم وتجربتكم ❤️..
في واحدة كويسه ومناسبه واحنا نفس التفكير ونفس المستوي كتعليم ومعيشه وشخصيتها حلوه بس مفيش اعجاب اوي من ناحيتي
هل كده ممكن اظلمها بعد كده معايا؟
لعرض السؤال في فدني اضغط هنا
كنت تعبان وشبه فاقد للوعي وكانت زوجتي في حالة ذهول من المنظر ، وبعدما تلقيت العلاج وأستفقت قالت لي ، الواحد ممكن ميعرفش قيمه الشخص غير لما بيحس انه ممكن يفقده .
عايز تفسير للكلام دا وما معناه
لعرض السؤال في فدني اضغط هنا
ازاي اعرف اني مع الشخص الصح عندي احساس علطول اني مش مبسوطة و مش مرتاحة سواء الشخص دا عامل معايا موقف حلو او وحش و حاسة اني معنديش شغف ولا اي حاجة
لعرض السؤال في فدني اضغط هنا
سؤالي للمتزوجين
انا ليس لدى شقة تمليك واريد العفاف ومرتبى لا يتجاوز ١٠ الف هل يمكننى العيش فى شقة إيجار جديد وكم ستكون تكلفة المعيشة فى المجمل قبل الخلفة وبعد الخلفة وهل هناك حل لتملك شقة بالقسط غير شقق الاسكان الربوية؟
لعرض السؤال في فدني اضغط هنا
السلام عليكم
ارجو حد يفيدني
انا متجوزه بقالي تلت شهور جواز تقليدي حاولت احب جوزي مقدرتش وانا دلوقتي حرفيا بتعذب ومش عارفه اخد قرار عشان اهلي متشددين ومش هيفهموا اني مش قابله جوزي المهم عندهم انه كويس وخلاص اما انا حاسه بإيه مش مهم ولما اتكلم مع حد يحسسني اني تافهة والله العظيم انا بمووت حد يفيدني ويقولي اعمل ايه
لعرض السؤال في فدني اضغط هنا
السلام عليكم،
انا مخطوبه والمفروض فرحي قرب كنت بكلم خطيبي ع أساس نتفق على الفرح وكده وهنعمل ايه قالي مفيش كوافير انتي تعملي الميكب لنفسك وفي البيت ايه لازمتها مصاريف ع الفاضي ومش هعمل فرح مصاريف واحنا مش بتوع نطيت ولا عفاريت
رغم أنه قالي أنه هيعمل طبعا أنا دمي اتحرق وحاجات كتيره بدون الخوض في تفاصيل انا كرهته هو ماديا كويس لو عارفه ماديته وحشه هشيله فوق دماغي لكن هو مش كده ده بيدعي الفقر وعايز يتجوز وخلاص
لعرض السؤال في فدني اضغط هنا
السلام عليكم
فيه شباب بتدخل تكلمنى وعاوزين يخطبونى وانا مش برد على حد لو كدا ارد مثلا اقول ايه انا محتاره مابينهم كلهم
لعرض السؤال في فدني اضغط هنا
السلام عليكم ورحمة الله وبركاته
من قيمه شهر بالضبط لقيت شخص غريب شايف استورى ع تليجرام عندي الرقم مش معايا من زمان عشان كده استغربت اى االى جاب الرقم هناك..
دخلت سالت مين وكده قالى عايزه الصراحه ولا غيرها قلته الصراحه طبعا المهم قالى اسمه حاجه عنه وشافني فين وكلام من ده وعايز يجى يتقدملى انا مكنتش مصدقه الموضوع خصوصا انى مش بخرج كتير بس شكيت يمكن حد بيعمل مقلب وحتى لو مش مقلب انا برضو خفت.
حاولت كتير اعرف مين اللي أعطاه الرقم مرضاش يقول حصلت شويه حاجات ف النص اختصار الكلام، انا عرفت بعدين انه كلامه صح هو قالى عايز يشوف رأيي الاول عشان مش عايز يجى واترفض واحرج اهلى وكلام كده الصراحه محساش انها شى مقنع
كان مستنى رأيي ع نار وعنده حماس كبير المهم انا بعد يومين رديت عليه وقلته اللى عايز حد يجى من الباب هو قالى بس قولى موافقه وامتى ما عايزه انا هجى.. قال هكلم والدى واجى اسال واتقدم ( هو سال عنى اكيد وسمع احلى كلام بس لزوم انه يتقدم وكده قصده)
المهم والده قاله أستنى شهرين معاه الشاب شغل معين والده قاله خلصه الاول فقالي اها فرصه جتلك عشان تركزي ف الامتحانات بتاعتك وان شاء الله نتقابل ف شهر ٨ ( انا في تالته ثانوى)
المهم قفلت معاه كلام وقلته مينفعش نتكلم لوقتها وهو احترم كده
بعدها ب ٣ ايام بعتلى عامله ايه ووحشانى انا اضايقت وروحت بعتله فيديو قرآن هو شافها من هنا وحذف التليجرام من هنا وانا بعدها عملت بلوك
بعدها بأسبوع تقريبا رجع التليجرام وشكله شاف البلوك المهم الصوره شالها بس معملش بلوك ولا حاجه وتقريبا حذفه تانى.. انا من يومين فكيت البلوك وسجلت الرقم عندي... المهم لقيت نفسي في حاجه مخوفانى هل ياترى الموضوع ده هيكمل ولا لا
هو فيه كذه صفه كنت اتمناها الصراحه وعلى فكره انا حكيت الموضوع ده لماما اول ما حصل وقلت له انى حكيت لماما
المهم كنت عايزه اختبره قلت اجرب ابعت اى حاجه اشوف لسه بنفس الحماس ولا اى
دخلت قلته همتحن بعد كام يوم ادعيلى وكده مقالش حاجه غير ربنا يوفقك ويوقف معاكى وتعدي على خير بس
الموضوع بالنسبالي هو غريب ولا عادى بعدين قلت له انا خايفه وكده وقعد يطمنى
حاول يلمح عن الموضوع يعنى مثلا قلت له انا قلبى بيدق من الخوف راح قالى عقبال ما يدق ليا
مره قلت له حاولت احب الفيزياء بس هى مش بتحبنى قالي ما تحاولي تحبى حاجه تانى طيب مش لازم الفيزياء انا عامله نفسى مش فاهمه حاجه
المهم خلصت معاه كلام ومجابش سيره برضو الموضوع ولا قال حاجه
جيت النهارده قلت له بنت عمتى جاها عريس واتفقوا وقرايه الفاتحه قريب ومش عارف اى
موضوعنا احنا بس اللي معقد قالى ولا معقد ولا حاجه كل شى بأوانه ركزى انتى بس ف امتحانك انتى كده كده اصلا مش فاضيه دلوقتي وإن شاء الله خير
قلت له برضو انه جالى عريس ورفضته مداش ولا اى رد فعل
هو كده رد فعله عادى ولا حس انى عشان كلمته تانى دى حاجه مش كويسه ولا يمكن يكون صرف نظر ولا اى الافكار اللي بيفكر فيها مثلا انا مش عارفه اعمل ايه دلوقتي
لعرض السؤال في فدني اضغط هنا
في تخوف في حاجات كثير .خصوصا اول يوم في الزواج. ونظرة الناس هذ اليوم الناس بتكون عيونها عليكي بيطلع ايه وفي ايه. افكار مغلوطة سمعتها من عند صديقاتي هن عايشين حياتهم عادي وتزوجو وانا لسى في مكاني خايفة
كذلك شكلي مش عارفة رغم اني جميلة بس مشفش حالي جميلة. اي شخص يسمع عني بيحبني قبل ميشفني. بعدين في اللقاء بتغير كلشي. كلش بينطفي. دا خلاني اشك في نفسي اني مش جميلة .
وانا عايزة كون زوجة وام بس الايام ثقيلة والانتظار بلش يفضي صبري.
لعرض السؤال في فدني اضغط هنا
إيه هو اقصى فرق سن للجواز بين الرجل و الست؟ وهل الفرق الكبير مشكلة؟
لعرض السؤال في فدني اضغط هنا
انا مخطوبة لحب عمرى اكتر من ٨ سنين حب مع بعض واستحملت كل الظروف لحد م اتخطبنا ،المهم دلوقتى فرحنا قرب ومشكلته انه شغله اتأخر ودور على شغل فى كذا مجال تانى بس للاسف مش بيتوفق وأهله كانو مفهمينه انهم هيساعدوه ودلوقتي مش راضين يساعدوه هما جابو حاجات بس مجابوش كل اللى اتفقنا عليه وبيقولوا ان كتير
وفى حاجات مفروض ع العروسة زى السجاد والستاير بس بابا كان متفق عليهم وكانو موافقين دلوقتى لما الفرح قرب وحجزنا كل حاجة وعلى أساس هيساعدو ابنهم بمبلغ يكمل الجواز ويفتح مشروع بس هما عمالين يضيعو فى الوقت ومش قاضيين مصلحة وخطيبي حكالى وصارحنى وقالى انا هجيب اللى اتفقت عليه بس قدام أهلى هقول انك انتى جيبتى السجاد والستاير وتقفيلة المطبخ وانا بجد على اد ما مبسوطة منه على اد ما خايفة ادخل مع الناس دى
مع العلم هسكن فى شقة بعيد عنهم مش فى نفس البيت وبرضوا خايفة لأنهم خلقوا كذا مشكله عشان يكرهو خطيبى فيا وحركاتهم باينة بيبوظو الجوازة بس مش بيقولو كدا بطريقة مباشرة بس كل حركاتهم بتقول كدا
انا خايفة اوووى ادخل وسط الناس دى بجد وفى نفس الوقت مش قادرة اخسر حب عمرى
مع العلم هو ولد وحيد على أربع بنات
هو اتقدملى كتير اوووى واهلى كانو بيرفضو بسبب انه كان لسه طالب وبعدين وافقو بيه وحبوه اوووى وكله بيقول عليه كويس بس مشكلته ظروفه وحشه اوووى وهسكن فى شقة إيجار وهو لسه مش معاه شغل ودى حاجة مخوفانى وبرضوا مشاكل اهله مخوفانى اوووى
واهلى اللى يقولى خليكى واستنى واللى يقولى وعليكى ب ايه سيبيه وتاخدى واحد جاهز افضل وأهله شارينيك
اعمل ايه
لعرض السؤال في فدني اضغط هنا
انا وزوجي متجوزين من سنه بالضبط وخلفت عيل وبدأت المشاكل بينا ايام الحمل انا اهملت نفسي في فترة الحمل بدات مشاكل كبير بينا وكانت هيحصل طلاق اكثر من مره زوجي حتى مع المشاكل العائلة يقف ضدي وحتى اي حاجة عايزاها مش بيجبها ليه وبيقلل من كثر قدام اي حد وانا تعبانه نفسين من الموضوع ده مش محترمني خالص هل اكمل معه واله الطلاق انسب حل بيننا
لعرض السؤال في فدني اضغط هنا
انا باقيلي شهور و هتجوز
مش قادره افرح و مش حاسه بحاجه
كله بيقولي ان ده وضع مش طبيعي
ناقصني حاجات كتير مكسله اشتريها و معنديش طاقه اعمل حاجه
خطيبي مش موجود و مسؤولية التجهيزات عليا لوحدي
هو انسان كويس بس انا كنت فاكره اني هبقى مبسوطه و عندي شغف و فرحانه زي اي بنت
بالعكس عندي قلق اكتر من اي احساس تاني و شايله هم حاجات كتير اوي عليا و فكرة اني بعمل كل حاجه لوحدي خنقاني و حاسه ان اهله مش بيحبوني
عمرهم ما زاروني ولا بيكلموني انا اللي بكلمهم
و لما اتقدموا اخواته مجوش معاه حاسه اني مش مترحب بيا وسطهم
و خايفه من اللي جاي
لعرض السؤال في فدني اضغط هنا
فى مصر يقع تجهيز الشقة وشراء بعض الادوات والاجهزة على الزوج ويقع على الزوجة فرش الشقة وشراء الادوات والاجهزة المتفق عليها ويوم الزفاف وكتب الكتاب يكتبون جميع الحاجات التى اشترتها الزوجة فى ورقة تسمى القائمة يمضى الزوج انه متعهد على نفسة انه قد اوؤتمن على هذة القائمة من منقولات فاذا ارادت الزوجة الانفصال ترفع قضية على الزوج انه بدد هذه المنقولات وتجبره على ردها او السجن
وفى والاونة الاخيرة ظهرت بعض الحملات ضد القائمة وان الشاب يتحمل جميع التكاليف فظهرت اقاويل وهى كيف سنضمن حق الزوجة وهنا كان الصراع
السؤال من على حق وكيف تتم عملية التجهيز للزواج فى البلدان الاسلامية الاخرى
ملحوظة انا 20سنة ممكن معرفش تفاصيل تانية عن القائمة
ولو عند نصيحة ياريت تقلها وشكرا واسف انى طولت
لعرض السؤال في فدني اضغط هنا
انا عندى 24 سنه وخريجه كليه حقوق وبشتغل ف المحاماه وشاطره ف شغلي ومحترمه ولبسي شيك وشغلي الحمد لله حلو بس مستغربه لحد دلوقتى متقدمليش عريس خالص انا مش مستعجله طبعا بس مستغربه ده جدا
لعرض السؤال في فدني اضغط هنا
لو حد بتعشقيه وكل حياتك حرفيا واول واخر حب بالنسبه ليكي وشوفتيه بيخونك قدام عيونك محدش قالك وقتها مقدرتش ومشيت وسبته ومن غير ولا كلمه ولا تبرير قفلت بابه بالمفتاح وبنيت سور وقفلت على قلبي
وهو جاي يقول بعد دا كله انه مكنش يقصد وغصب عنه والله ودا مش بأيده وانه بيحبني وميقدرش يعيش من غيري واني الوحيدة الي بيتمناها معاه في حياته وانو بيعشقني ودخل ناس في الموضع عشان بنته الي في بطني عشان بعد الي حصل سبت البيت ورحت عند أهلي بس مش قادرة أثق فيه
مش قادرة ادوس على نفسي بعد كسرتي مش قادرة ابص في عينه واصدقه تاني وكنت عمري ما فكرت أتخيل حتى انه يعمل كدا في حياتي كلها وبعد دا كله ازاي ارجع وفين حبك دا الي بتقولي عليه اه يارب حاسه بفراغ وجرح كبير اوي
محدش فاهمني محدش عارف انا حاسه بإيه ولا بناري دا لما بيكون عندنا فرح كان بيغصب عليا البس حاجه واسعه جدا ومفيش حاجه اسمها ميكب عشان بيغير طب وايه وانا فين من دا كله محدش مستوعب كسرتي الي فرفتتني من جوا قبل برا
لعرض السؤال في فدني اضغط هنا
متقدملي عريس وهو قريبي هو متدين ومحترم وأهله كويسين جدا بس معلش يعني المستوي المادي والاجتماعي مش احسن حاجة واحنا قاعدين في مدينه وانا المفروض شقتي هتبقي في ريف وفي بيت عيله
هو الولد الوحيد ع اخواته البنات صليت استخارة كذا مره وشوية احس بقبول وشوية لا اخاف من المجازفة في الموضوع هو احنا قعدنا مره مع بعض وبعدين هو سافر قعد حوالي شهر ونص يعني كفتره للتفكير
احنا المفروض دلوقتي لو أنا مش مرتاحة نتصل نقولهم مفيش نصيب ولا نعمل اي
انصحوني.
لعرض السؤال في فدني اضغط هنا
السلام عليكم
كنت متزوجة من ٧ سنين وعندي طفلتين تزوجت زواج تقليدي لا اعرفه ولا يعرفني وهو كان يعمل بالخارج يعني شوفته مرة واحده بالخطوة وسافر ١٠ شهور ورجع قبل كتب الكتاب بأسبوعين
تزوجنا تمام وعاش معايا شهرين في الشهرين الأولين مشاكل لا تنتهي حيث أنه كان له علاقه سابقة ومحافظ بصورها و شوفتها بالصدفه واحنا خارجين
أخته جات قعدت عندي ١٠ ايام متواصلين
بعد الشهرين حملت ببنتي الاولى و كان سافر ، وبمجرد ما عرفوا أهله بخبر حملي حصلت مشكله لأخته و تركت زوجها شهر ونص جاتهم عندي ببيتي وكنت ببداية حملي وعلشان ترجعله حصل تطاول من حد من أهله عليا وانا سكتت ومأخدتش رد فعل
قضيت كل فترة حملي مع اهلي إلا أنه نزل اسبوع اجازه مكانش. معه فلوس بيعتله سلسلتي من والدي علشان ميبقاش محتاج فلوس بعد سفرة رجعت لاهلي ،يوم ولادتي لبنتي يوم وصوله تركني وانا داخله العمليات علشان يسلم على أخته الثانيه اللي تركت زوجها بردو و غضبت وقعدت ببيتي ، عدينا ٩ شهور من ولاده بنتي كانت والدتي قاعده معي في شقتي تعاني وبعدها وسافرت له للخارج كان وقت كورونا
طليقي عنده جشع الفلوس وأنه يكون رقم واحد محدش يسبقة كنت بشجعه وبقوله بس في حاجات بتقع منك وانت بتجري ومش شايف وجودي معاك ، لحد ما تأقلمت شويه أنه معه التليفون ٢٤ ساعه شغل و كلام مع إخواته وأهله
نزلت من السفر ٤٠ يوم ارسلي ثاني قالي لا مش هقعد لوحدي
سافرت تاني هنا الموضوع تغير لأن تعرفت على أسر زميله بالشغل .. كان عادي يعلي صوته و يشتم قدامهم عليا
وفي الوقت دا اكتشفنا أنه اتصاب بالسكر بقيت ممرضه حرفيا
جينا بعدها تاخد واقي كورونا أسهر بيه واعتني بيه ، أنا أخذته حرفيا رمااااااني وقفل على نفسه باب غرفته ورماني
نزلنا مصر واكتشفت حملي ببنتي الثانيه ، وللاسف وقت اكتشافها جاني جلطة وكورونا كان هو سافر وعافرت وعديت بالموضوع لوحدي
يوم ولاده بنتي نزل نفس اليوم ، البنت اتولدت بدري وقعدت بالحضانة ٢٠ يوم اخواته وامي كانوا عندي طبعا مشاكل حصلت ومحدش حاسس انت فاقد ايه او ضناك ممكن يعيش او يموت
عدينا ال ٩ شهور وامي بردو معايا وسافرت له .. حرفيا من وقت ما سافرت واتبدل كل شئ بقيت عائشه للخدمه فقط غير عزومات بصورة اسبوعيه لأصحابه ، كل دا بنبعد عن بعض كل دا اهم أولوياته التليفون والشغل و تواصله مع أهله
نزلنا إجازة شهر ورجعنا تاني وقتها عرفت أن حامل للمرة الثالثه
وفي الأثناء دي كنت حرفيا تعبانه واخويا عمل زيارة لاهلي وجولي لبيتي كنت بين خدمه اولادي و زوجي و اهلي
لحد ما اكتشفنا موت الأجنة في الشهر الثالث
في السنين اللي فاتت حصلي اضطراب في جسمي وزاد بشكل كبير في عملي عمليه تكميم
وقت الإجهاض رفض اعمله في الخارج وقال التكاليف أعلى انزلي للدكتور المتابع ليكي في مصر يتصرف، بس كان واحد قرار محدش يقعد معايا تاني من اهلي ، فعلا نزلت واجهضت لوحدي ، بعدها اكتئبت بشكل غير عادي وخسيت جدا في دا خلى ترهلات بطني تبان ، في مشكورا عملي عمليه تجميل لبطني
مجرد ما خرجت من العمليه وكل شئ اتبدل زعيق معايا علشان البنات
اكلهم اي شي يخصهم العمليه جرحها من بداية الضهر لنهايه البطن يعني شخص منشور نصين
من وقتها الحياة وقفت بينا لحد ما دخلي الشيطان بعد فترة و حد دخل حياتي اوهمني أن بعد انفصالي هنرتبط أنا دي اول غلطة ليا في ٧ سنين زواج
زوجي نزل اجازه بيمسك تليفوني لاقاني جايبه مشروب كحولي ... هو مواجهنيش اخدني لاهلي قبل ما يسمع مني اي شي
لما قعدت معاه أنا حكيتله أنا خونتك قولتله الموضوع تطور السرير بس دا محصلش قولتله كدة عايزاه يحميني حتى لو غلطانه
اخد اولادي ومضاني وصلات امانه ب ٢ مليون و نص
و٤ شهور ملمحتش بناتي وبعد ال ٤ شهور طلقني
أنا تحايلت عليه بكل الطرق أنه ميطلقتيش بوست رجله وانتحرت بكل أشكال الانتحار اللي تخطر بعقل بشر
لعرض السؤال في فدني اضغط هنا
مشكله عائليه خاصه بخالي
اتجوز 23 سن وعنده 4 اولاد ومن اول ماتجوز وف إهمال من مراته إهمال ف البيت ف الولاد و فيه هو شخصيا وف نفسها والبيت غير مؤهل أن هو يعيش فيه بسبب الإهمال وعدم. النضافه وجرب طرق كتير أنه يغيرها بس هي متغيرتش هددت بالطلاق و مفيش اي حاجه بتتغير فقرر يهجر ونقل شقه لوحده ف نفس البيت وفضل مسؤل عن مصاريفها هي والولاد وحاليا كل همها الفلوس وهو مش فارقلها هو فين هيرجع ولا لا المشكله مستمره سنه ونص والقرايب اتدخلوا لكن مفيش حل معاها متغيرتش ف المضافه أو حتي الاهتمام ومش راضي يتجوز غيرها عشان الولاد ميتبهدلوش حاليا محتاجين حل ليه
لعرض السؤال في فدني اضغط هنا
انا عندي ٢١ سنة وعارفة إن الزواج رزق بس انا مش عايزة اتجوز متاخر وانا عندي ٢٤ دا بالنسبالي متأخر ومفيش حد بيتقدم لي انا مرعوبة من الحالات الى بشوفها البنات الى بتكتب انا عندى كام وتلاتين ومتجوزتش انا عارفة انو عادي بس مش عايزة ابقى كدا مش عارفة اعمل ايه وبقعد افكر وازعل انا عايزة اتجوز بالكتير السنة الجاية
لعرض السؤال في فدني اضغط هنا
السلام عليكم ورحمة الله وبركاته
سؤالي هو انا عاوز اتزوج بس ظروفي مش احسن حاجه اعمل اي
محتار اصبر ولا امشي في الموضوع
لعرض السؤال في فدني اضغط هنا
كيف استعد نفسيا وذهنيا وجسديا قبل الزواج بشهر ونصف من حيث التحاليل اللازمة لمعرفة المعادن التى يحتاجها جسمى وايضا من حيث كيف استعد للتقرب من الله أكثر ليتم الزواج على خير إن شاء الله
لعرض السؤال في فدني اضغط هنا
السلام عليكم
انا شخصيه متردده جدا خطيبي مهندس سنه ٢٩ سنه وانا طبيبه هو قالي انه كان شغال بعد الكليه ع طول ومرحش الجيش وبعدين أخوه قعده عشان ياخد كبير عيله وميدخلش يعني من الآخر مرحش الجيش
طول الفتره دي ولما اخوه تم ٣٠ سنه خطيبي قدم للجيش السنه دي وهو عنده ٢٩ سنه بإرادة أهله وزنهم عليه انه يخش طبعا هو اتقدملي ف الفتره اللي هيا قبل الجيش بشهرين
الشهرين دول مشوفتوش بيشتغل فيهم لما سألته قالي اني كنت بروح مواقع الأول وبعد كده وقفت واشتغلت اونلاين لانه لقيته افضل وفلوسه احسن وطبعا الاونلاين ده يوم شغال وعشره لاء
كان بيجيلي كل يوم ويشتغل بعد ما يروح من عندي اجي ابص لحياته الاقي انه محققش اي حاجه قعد من بعد الكليه لحد دلوقتي معتمد ع فلوس باباه لجوازته وشغله الاونلاين ده بيمشي بيه مصاريفه يعني مش بشوفه بيسعي مثلا ويحوش لاء هو الفلوس اللي بيجبها بتكون لنفسه ومصاريفه في الجيش
طبعا امي اتضايقت منه وقالت لي مبيشتغلش وهيتعبك معاه ومامته اللي هتصرف عليكو وانا مش عارفه اعمل اي هو ف الجيش برضه يعني صعب يلتزم ف شغل وبينزل ع القهوه يقعد مع صحابه مش بحسه كده واحد فرحه هيكون ف شهر ١٠
اللي مخليني متردده اكمل ولا لاء انه بيعاملني بالحسني وعمره ما قل أدبه عليا وبرغم انه عصبي الا انه حافظ لحدوده جدا عمره ما أجبرني ع شئ وبيحبني
اعمل اي تعبت من نظرة أهلي ليه وهو الله اعلم بيشتغل ولا لاء انا مشفتش اي حاجه مش عارفه احكم ع حاجه وهو ف الجيش اعمل اي وهو بيقولي بعد الجيش هسافر هو انا مش عارفه ده يبقي اسمه طموح ولا لاء مش عارفه آخد قرار لدرجة بدعي علي نفس اموت وأرتاح من كل اللي ف دماغي ده
وغير كده برضه مش ملتزم هو مش قليل الادب لا سمح الله بس مش شبهي ف التفكير الديني ولا حتى الفكر الثقافي بيتابع كوره عمري ما ناقشته ف موضوع علمي ولا حاجه في بعد ثقافي بينا ومامتي بتقولي معندوش اي حاجه يقدمهالك انت واخداه معدوم اعمل اي
لعرض السؤال في فدني اضغط هنا
كيف أبحث عن الزوجة الصالحة مع العلم أن سني تقريبا ١٤ سنة و اريد ان اتزوج من هي مسلمة صالحة بالغة أصغر مني حتى لو بيوم
لعرض السؤال في فدني اضغط هنا
جدعان حاليا انا باذن الله هخطب صالونات وكدا وحده والدتي تعرفها ولسه بالاول خالص ....
بس بصراحه خايف وحاسس اننا ممكن منكش شبهه بعض وهكذا فهل ده عادي عشان اول مره وصالونات وكدا ؟؟؟!
تنصحوني ب ايه ؟؟ الفتره الجايه
لعرض السؤال في فدني اضغط هنا
هو ليه شباب اليومين دول في مشاكل زوجيه كثيرة
لعرض السؤال في فدني اضغط هنا
انا بقي عندى 35 سنة ومش اتجوزت وتأخر جوازى ده تاعب نفسيتى نفسي افرح واتحب والاقي اللى يهتم بيا ويخاف عليا وعلى زعلى انا حاسة أن ربنا مش معايا ومش ساندنى وانى تائهة في الدنيا مش لاقية بر ولا حل وكل أما عريس يتقدم مش بيبقي مناسب
لعرض السؤال في فدني اضغط هنا
السلام عليكم
سؤالي للشباب اي السبب الي بيخليك تفكر تتجوز على مراتك بعيد عن الحمل والكلام دا يعني من الاخر كدا هي انسانه محترمه وبتأدي كل واجبتها وتعرف ربنا ومحافظه على بيتها وعيالها والله الموضوع مش شخصي بس نفسي افهم بجد
وكمان في رجاله بتخبي عليها طب ليه هي من حقها تعرف علفكرة لأنها عندها مشاعر ومتقوليش خفت عليها لأ هي ليها تعرف عشان يا تكمل يا ماتكملش وهي معاها حق وكمان حابه اعرف شعورك لو مثلا ربنا استغفر الله يعني بقول مثلا كان محللها تتجوز عليك وعرفت انها اتجوزت من وراك ايه شعورك ساعتها ما هي هتكون خايفه على مشاعرك برضو وعارفه ان مينفعش اصلا بس الست بتتكسر وبتحس بالخيانه لما بتكتشف حاجه زي كدا ومش بعمم محدش ياخد الكلام على نفسه
لعرض السؤال في فدني اضغط هنا
سؤال كان متقدملي شخص مسافر وأهله ناس كويسين وهو كمان بس معرفش كنت رافضه جدا لان هو كان رافض اسافر معاه ودا شككني فيه ، انا عشان مظلمهوش معايا نهينا الموضوع ، عارفه ان في كتير من الشباب الي بيسافر بيتجوز عشان اسباب كتير منها يعفي نفسه من الي بيشوفه هناك وانا معنديش مشكله في النقطه دي بس يكون واضح من الاول يعني نكون على نور عشان معرفش بعدين واتصدم فيك بحب الوضوح من البدايه يا وافقت على الوضع يا رفضت ودا حقي ، وعلفكرة برضو هو معاه حق في نقطة تربية الاولاد هنا هيكون افضل واسلم من هناك بس احنا فين والولاد فين ، هل شكي في غلط وكدا ظلمتة وهل افورت في التفكير وعملت سيناريو على الفاضي ورفضي لأي شخص غير واضح دا صح
لعرض السؤال في فدني اضغط هنا
أنا دايما بكون صريح جدا فى الرؤية الشرعية وللأسف الشديد بترفض لعدم الارتياح هل ده صح أم خطأ
لعرض السؤال في فدني اضغط هنا
السلام عليكم
يفكر أهلي إذا تقدم لي احد للزواج أن أخفي عنه مرضي النفسي (وسواس قهري ديني) و انا اشعر بعدم الامانة و المصداقية في هذا ، انا الحمد لله افضل بكثير الان و لكن اوشكت على إنهاء الدراسة الجامعية و قد يتقدم لي أحد و اريد إخباره بحالتي النفسية و اني حاليا مستمرة علي علاج نفسي بشكل يومي فما رأيكم
لعرض السؤال في فدني اضغط هنا
انا متجوزه بقالي مده من الوقت طويله بس مش اوي وكنت بحب زوجي جدا لدرجه اني كنت عاوزاه جمبي باستمرار ومع مرور الوقت الحب ده اتحول لشعور غريب مش عارفه اوصفه بالكره بس انا مبقتش حابة وجوده في حياتي ولا اشوفه ولا اسمع صوته ولا حتى اني اقعد معاه تراكمات جوايا خلتني اوصل لاني ماعتش عاوزه اكمل بس للاسف معايا ولدين رفضي مش علي مصاريفهم لان هو مش بيدخل دخل للبيت بس علشان الاولاد مايتعقدوش
لعرض السؤال في فدني اضغط هنا
انا تزوجت 3 مرات واول جواز ليا رزقت 3 بنات مع ابوهم واتفصالنا وعشت وحده صعبه وحاولت اشتغل وفعلا اشتغلت ولكن مكملتش وقعدت ف بيت العيله مع امي واخويا كل واحد ف شقته وانا مريضه وشاء ربنا يرزقني بزوج صالح حنون وملتزم وكلمة بيعشقني قليله ولكن غيرته كانت صعبه اوي ولكن مكنتش عقبه ليا لأن قدرت اقللها ومرت الايام وعايشه معاه جوازنا شرعى ولكن ف السر عشان أولاده وبيته وانا عشان ام خوفت ع كيان البيت والأولاد هو بدأ يمر بازمه ماليه شديده وقفت معاه وبعت ما املك من زمتى الماليه ليه ولكن بردو استمر الحال وانا معاه كنت لو هعيش بعيش وملح راضيه وسعيده كفايه حبه وحنيته ولكن بدون سبب لاقيت نفسي ف يوم بقوله عايزه أطلق طبعاً أنصدم جدا وانا اصريت ع الانفصال وحاول معايا كتير لدرجة كان بيبكي ولكن بدون فائده وقد كان وبعد انفصالنا مفيش 5 ايام كنت ذي المجنونه وعايزه نرجع تانى وكان كنت مغيبه..ولكن طبعاً كانو الأهل زعلو منه عشان صدر منه كذا موقف وقت الانفصال وكمان عشان زمتى الماليه مرجعتش..وكلهم بيقولو هترجعي ليه ده راجل صاحب مسؤوليه كبيره وعنده اولاد كتير هتغرقي معاه ومفيش مستقبل ليكي كل حاجه مع أولاده وزوجته الاولى و..وهوكمان ظروفه الماديه حاليا مش سامحه انه يعمل ياسس بيت تانى بقالنا سنه ..ارجع ليه واعيش مهما كانت الصعاب ولا افضل ع وحدتي ف شقتي بين 4 جدران
لعرض السؤال في فدني اضغط هنا
رغم التعب الي شوفناه عشان نتجوز من أول يوم زفافنا مشاكل وضغط قلة خبرة وعدم تخطيط ومفيش نظام وكل حاجة جات وراء بعض شهرين أو أكثر جري عشان الأوراق تخلص وطبيعة حياتي أنا وهو مافيهاش جري بالشكل ده كنا مرتاحين ومدلعين.
وبعدها اختلاف طباع ووجهات النظر وطريقة الكلام واتخاذ القرارات وسرعة الغضب وعدم الصبر والتحمل ومن كلمة واحدة كل حاجة بتنفجر ويتم مهاجمة بعض في الغالب أو كل المرات كان يوصل أنه أنا الي ابتديت وأنا الغلطانة وأنه أي كلام أو تصرف منه رد فعل على الي أنا عملته تمام أحيانا كثير أكون اتكلمت أو اتصرفت بطريقة خطأ عارفة ده وهو كمان لكن رد الفعل يكون مبالغ جدا مع كلام بيأذي شخصي .
وهو كمان أكيد حس بجرح وحاجات كثير لكن بلاحظ أنه بيحب يقعد لوحده مع موبايله بيكون مرتاح أكثر حتى ينام ويصحى معاه حتى الحمام حتى وقت الأكل تقريبا ٢٤ ساعة بالأول كان الموضوع مش بيلفت انتباهي لكن بدأ الموضوع يزيد عن حده لأنه حتى لو كان بيشتغل فمفيش شغل ٢٤ ساعة وكمان متأثر بأي فيديو أو معلومة تفوت عليه وبيحاول يحدد شخصيتي ويقنع نفسه بصفات فيا وفق الي بيقرأه أو بيشوفو
حتى بلاحظ عنه عدم الرضا والشكر لله كأنه فاتح الباب للشيطان عشان يسمحله ويصور له أنه حياته مليانة بؤس في زلات من لسانه قال كلام كثير جدا تدل عن أنه كان بيفضل يبقى عايش لوحده وتقريبا كل شوية يقول في ١٠٠ وحدة تتمنى تعيش مكانك وغيرها وغيرها الكلام ده بمجرد ما سمعته قلت لنفسي هل هو واعي ومدرك للكلام الي بيطلع منه لانه الفعل ما بيستدعيش كل رد الفعل العنيف ده بالطبع الأفكار الي مليانة دماغه طالما مافيش ضرب وشتم فأي كلام غيرهم يعتبر رد فعل عادي
مش هكذب لما كنت معاه لوحدنا الفترة الي فاتت كنت خايفة منه بقيت أصحى في نص الليل مرعوبة وأقول لنفسي يا ترى هيحصل ايه واحاول اراقب كلامي وتصرفاتي وقبل ما اتكلم اعيد الكلام ١٠٠ مرة في عقلي بعدين اتكلم ، حسيت انه أي كلمة أو تصرف فهيكون متراقب وأي غلطة أو كلمة من غير قصد الدنيا هتتقلب.
كان في ليلة من التوتر قعدت اعيط في الحمام من الوجع لحظتها حسيت النفس اتقطع وأني هموت وجع من كتفي وذراعي الشمال ونزل حتى للساق وكل رجلي ما قدرتش اتحرك من على الأرض وفي نفس الوقت اتحملت الوجع وسكتت ما كانش عندي الجرأة أناديه قلت يا ريت أبي موجود أو أخواتي الله المستعان
قال جملة أنه طول ما أنت كويسة أنا كويس
يعني لسا مقتنع انه أي مشكل وأي تصعيدات أنا السبب فيها وأني مهملة ومقصرة حتى غلط في اسمي وجاب سيرة خطيبته السابقة بيخلي جو مثير للشك ومرة لقيتو في السيرش بتاع موبايلي بيدور على رقم بنت كمان الله المستعان
مش بزكي نفسي ولا احط اللوم على حد لأنه كل واحد بيشوف نفسه مظلوم، بقيت خايفة وبفكر كثير في كل حاجة، مع أني حسيت بأنه الضغط خف من عليا في الأسبوع ده الي بقيت فيه في بيت والدته جزاها الله خير الجزاء بقيت احس بالجوع وأكله عادي ومش بسيب وجباتي .
زوجي مجروح بطريقة لا يمكن للعقل تصورها مهما كتبت وقلت فتفاصيل حياته مستحيل تخلصها كلمات عارفة كل لحظة عاشها أثرت فيه والده الي ما قامش بدوره ووالدته الست الطيبة المسكينة الي اتحملت قسوة الدنيا كلها وتعبت عشانهم وظلم اخواته ليه و سنة كاملة هو لوحده بيتعذب ويا عالم الأفكار الي كانت في عقله عملت فيه ايه ده غير المقارنات الي بيتقارن بها أنا حاسة به والله وبكل حاجة عاشها حتى لو ما كنتش موجودة وقتها.
عيونه ديما مليانة حزن كأنه شايل هم الدنيا فوق كتفه و كمان من جهة أنا شخص مختلف عنه ليا حياة من قبله شويا حلو وشويا وحش والطبيعي الواحد يتأثر ولك أن تتخيل اثنين مجروحين يلتقوا ويحاولو يبنو حياة لنفسهم تحت سقف واحد لما بسكت هو مش عارف ان دي طريقتي في أني اهدي نفسي عشان عقلي يعرف يفكر
مش ببرر تصرفاتي ولا تصرفاته بسبب الضغوطات الي مرينا بها
بس احنا اتجوزنا ولازم نحاول مرة والف عشان العلاقة دي تنجح ونصلح من نفسنا ونعين بعض على التغيير للأحسن عارفة انه ده صعب لكن مش مستحيل والرجل ده أنا عمري ما هفرط فيه أبدا مهما يحصل مش بس بحبه وبحترمه هو يستاهل يتحب زي ماهو كده بيعمل حاجات بكل تلقائية تخليني أموت فيه ساعات بحس بأني ماعنديش عقل لما بالليل يلف لأن ذراعه وجعاه رغم الاختلافات وحتى الزعل واللحظات الي مش كويسة وخوفي منه بس من ناحية التانية بكون مطمنة عامة أنه موجود وجوده لوحده كفيل يخليني مرتاحة وعارفة أنه في تناقضات ما بين الخوف والسعادة والراحة بس راضية به وقلبي وعقلي راضيين ومتأكدين أنه هيبقى أحسن زوج في الدنيا احنا مش ملايكة ومش شياطين في نفس الوقت فبقدرة ربنا والتوكل عليه والاستعانه به اكيد هنقدر نبني أسرة سوية متيقنة من ده ومتأكدة أنه عمره ما راح يخذلني
كل ده لا ذنبه ولا ذنبي ذنب الظروف الي تحطينا فيها من غير إرادتنا
إحنا مش بننفجر عشان المشكلة الحالية، إحنا بننفجر عشان الماضي كله اتحشر جوانا وطاقتنا بقت حرفيا معدومة احنا مش محتاجين بس نحل المشكلة احنا محتاجين نشوف المشهد كله والصح بدل ما نهاجم بعض نحاول نخلي مساحة أمان لبعضنا وأكيد هيحصل بإذن الله وكمان الخوف جوانا رغم أننا ما بنقولش لكن متأكده أنه مش عايز يعيد نفس تجربة ابوه ولا عايز يعمل زيه كل كلامه انه عايز يخلي الحياة أحسن عشان ولاده ما يتعذبوش لما ييجو
بس أنا تعبانة حاسة نفسي رجعت لنقطة الصفر مش حاسة اني متجوزة بعد ما سافر حاسة اني رجعت للمرحلة الي كنت عايشة فيها مع خالتي حتى التواصل معاه قليل و كمان ماعنديش حق اقول الي انا حساه حتى لو بيقول قولي كل حاجة وأي حاجة مضايقاكي لكن لو فتحت فمي واتكلمت هسمع أنه المفروض احس بده وبده فبقيت احاول ارجع لنفسي واعتمد على نفسي بس كده كده هو مش هيكون موجود وهكون في كل حاجة لوحدي ومابقاش ليا نفس اسمع تجريحات وانتقادات مستمرة
نفسي اتمشى كل يوم زي ما كنت متعودة اشم هواء حاسة اني لوحدي لا أهل معايا ولا منى الي كنت اطلع كل اثنين وخميس معاها ادلع نفسي واشتري كل الي نفسي فيه ولا عندي حد صحيح والدته المسكينة طيبة وتعاملني كويس يشهد الله اني بحبها من كل قلبي ده كان حتى بيشكك في حبي ليها لمجرد اني بقول انه تمنيت يكون عندي بيت
خايفة على نفسي من الحزن مش عايزة أتوفى وأنا بعيدة عن أخواتي
الفكرة مرعبة أعيش لوحدي وأنا على ذمة راجل وكمان لو اتوفيت ادفن في مكان مافيش حتى مين يزور قبري من أخواتي
أحيانا بسأل نفسي كثير هو اتجوزني ليه طالما مش بيحبني اتجوزني ليه
رغم كلامه انه بيحبني لكن الكلام الي سمعته لحظة غضبه أنه على الأقل احنا نفضفض مش زيك عندك أرق وهالات من الكتمة
وأنه مستحملك بس من باب الإنسانية وأنه الحياة معايا مليانة حزن وبؤس و أنه طالما مش عارفة طلعيني من توتري هطلع نفسي أحسن
وأنه بسببله ضغط نفسي ...الخ
كان كلامه جارح جدا
بعد الكلام ده انهرت حرفيا حسيت نفسي في الفترة دي اتحولت لوحدة ثانية الي هي السبب في كل حاجة
دعيت ربنا يديني العقل
الحمد لله بحاول ارجع لنفسي لوحدي واعتمد على نفسي
ايه الحل مع الشخص ده
لعرض السؤال في فدني اضغط هنا
انا زوجي دايما يهجر بيت الزوجية لمدة طويلة من اشهر لسنة والمرة دي من يوم ماعرف بإني حامل انقلب علي بالعربي جا عمل تلقيح وغاب لما صار حملي أربع اشهر رفع علي قضية فك الرابطة الزوجية بدون علمي حتى تفجأت بطلب المحكمة بحضوري وكان مصمم لما ضغط عليه القاضي وقالو راح اعطيك فرصة تعيد النظر في طلبك ولما رجع مرة تانية للمحكمة كان مُصر بس فجأة واثناء الجلسة لغى الطلب وطلب استمرار الحياة الزوجية لكن ولا مرة جاني ولا زرني علما لدينا طفل ودلوقتي ولدت وجبت توأم ولا جاني ولا عبرني وحتى ولاده ولا تحمل مصاريفنا ولا شي هل استمر مع الانسان دا ولا انفصل عنو
لعرض السؤال في فدني اضغط هنا
بدون اي مقدمات انا تعبت جوزي بيهيني وقلب ترابيزة انا اتخنقت ولا عارفة اطلق ولاعارفه اكمل تعبت محدش يقول لي صلي والنبي بلاش كلام في الدين لان انا مش موجودة اصلا عشان آخد بالي من صلاتي ولا نفسي ولا بنتي
لعرض السؤال في فدني اضغط هنا
السلام عليكم
انا دلوقتي بنت عندي 19سنه اتقدملي عريس عند 26سنه وانا مرتاحه وكل حاجه بس امه شغاله بتبيع كشري قدام مدرسه فده أوفق ولا ارفض انا محتاره والله 😭😭😭 وكمان عايز يتزوج في دور ارضي واخوه الكبير متزوج في شقه دور تاني هل ده ينفع
لعرض السؤال في فدني اضغط هنا
امبارح كنا عند اختي في بيتها بننظفه لأن زوجها راجع من السفر هي ساكنة في بيت عيله وهي في الدور الأخير
المهم احنا طلعنا وهي فضلت تحت تسلم على اخوات زوجها ووالده والأطفال ولاد اخواته طلعوا وإحنا ببنظف فقلنا للأطفال في نص اليوم كده مرة أو مرتين انزلو وفي مرة منهم بيقولو إن طفله من الأطفال بيقولو أننا قلنالهم يلا انزلو عشان صدعنا
فالمهم اخت زوج اختي بعتت لها رسالة بتقولها أنتم ليه نزلتو الولاد وكلمتوهم بالطريقة دي كان ممكن ترنو علينا واحنا ننزلهم مع أن إحنا لا زعقنا للولاد ولا قلنا الكلمة دي وحتي لو قلناها كانت في سياق أن الطفلة دي ما تزنش لأنها كانت عاوزه تروق معانا وأصلا وفي نهاية الرسالة راحت قائله أنا من حقي أنا كمان لما اخواتك يجو عندنا أقول لهم ما تدخلوش بيت ابويا عشان مصدعة
وقالت لأختي أنا قلتلك من الأول ما تاخديهمش معاكي قالتها أنا متعوده أخدهم وبحبهم ولما بكون خلاص انشغلت ومحتاجاهم ينزلو بقلهم ينزلو
قالت لها إنت تقوليلهم إنما اختك تقولهم ينزلو بتاع أي مع أننا في شقة اختي
المهم إحنا وضحنالها الصورة وبردك مش مقتنعه فزوج اختي شاف الرسالة لأن اختي بعتتهاله واتخانق معاهم بس هما مصغرين دماغهم ولا عاوزين يعتذرو ومغلطينا والمشكلة كبرت وأحنا كده اتكرشنا واتقل من قيمتنا مش عارفين نعمل إيه وزوج اختي اتخانق معاهم بس هو من كتر تنسيق دماغهم بدأ يتراجع ويحاول يغلطنا مع أنه رن علينا واعتذر
و لأن زوج اختي راجع النهاردة من السفر وعاوز يرجع يلاقي اختي في البيت لأنها طول فترة سفرة قاعده معانا في البيت فأنا مش عارفة نعمل اي
لعرض السؤال في فدني اضغط هنا
انا بعشق بنت خالتي بموت فيها بمعنى الكلمة وحاسس انها احتمال بسيط بتبادلني نفس الشعور بس انا مش عايز اعترف ليها عشان مش تربيتي ولا عادتي اني اكلم بنت في حب وهي دلوقتي هتمتحن ثانوية عامة وانا نازل مصر أخلص ورق وماشي ونفسي آخذ خطوة أكلم خالتي او جوز خلتي بس مكسوف اروح ليهم وانا معنديش فلوس ومتدين فلوس كمان عشان اعرف انزل مصر اخلص ورق تأشيرة للسعودية عشان اسافر اشتغل وابني نفسي
خايف اروح ليهم وانا كدا ويرفضوني ويكسفوني وعلى فكرة انا ٢٢ سنة وهي ١٧ وبفكر استنا لحد ما اكون نفسي وبعدها اتقدم ليها بس مرعوب تروح مني انا في حياتي كلها ما اعجبت في بنت بس هي سحرتني هي جمال مش قد كدا بس انا شايف انها ملكة جمال العالم وضحكتها بتوديني في عالم تاني
انا عمري كلو ما حسيت فيه بالمشاعر الي حسيت فيها لما شفتها اول مرة من ٦ اشهر ومش عايز اقول لأمي تكلم أختها عشان مش بحب حد من أهلي يساعدني في اي حاجة ومش عايز اعترف ليها بحبي ليها عشان ده مش اصول
لعرض السؤال في فدني اضغط هنا
انا متجوزه ف بيت عيله انا وجوزي كنا حب ٣ سنين كل حاجه كانت كويسه لحد تاني يوم فرحنا أمه بتغير مني اوي وبتغير عليه كاني كنت واخده جوزها المهم انها كانت قاعده لازقة لنا كانت تيجي تقعد مع جوزي الوقت ال كنت بستناه عشان نقعد مع بعض
كنت ببات لوحدي بال ١٦ ساعه وده الوقت ال مفروض نقعد فيه مع بعض كانت تيجي ونتخانق بسببها أدخل اوضتي واغضب وهي تفضل قاعده معاه بره يضحكون ويهزروا ونا كنت دايما بحاول اتأقلم وابقا ف حالي بس مكنتش بتسكت كانت تشكيله مني مبتسلمش عليا ومبتنزلش وكان يجي يضربني ويشتمني
فاكره أنه كان مره ضربني قبل امتحاني بسببها بعدها بشهر عرفت اني حامل برضه كان الوضع هو هو كان يجي أمه تقعد معاه ف شقتي ونا لوحدي ف اوضتي بعيط وكاتمه صريخي ف المخده
المهم نا كل ده بحاول اتأقلم عشان مخربش بيتي بس بجد مش قادره أنسى الاذيه ال جوزي اذاهالي انا كل يوم بفتكر المواقف وبنهار منهم لله هو وأمه حتى بنتي برضعها نكد وقرف اللي زاد بقا أنه داخل ف سنه من غير شغل يعني حرفيا عايشه بلقمتي ف البيت ده ده غير أنه ٢٤ ساعه عند أمه ونكد وقرف بسبب أنها مبتهداش
كل شويه تسلطه عليا من تحت لتحت نا بجد مش عارفه اعمل إيه
كمان أنا مسيحيه موضوع الطلاق ده صعب جدا وحامل تاني واهلي كنت مقاطعاهم بسببه بكرهه وبكره أمه منهم لله دمرولي حياتي ونا لسه سنتين بس يعني حتى لما كنت لسه عروسه أمه كانت بتنادي عليه من يوم الصباحيه ويسيبني وينزلهم نا بجد مش هقدر اكمل كده نفسيتي بايظه وخايفه ده يأثر ع بنتي وع الحمل
لعرض السؤال في فدني اضغط هنا
انا مش عارفه اعمل ايه انا تايهه مافيش علاقة بتكمل ليا ومبقتش عارفه العيب فيا ولا فيهم ؟
انا مخطوبة من فترة قصيرة بالظبط 26/4/2025
لمهندس مدنى ، ف الفترة دى لاحظت تصرفات كتير محبتهاش ومش عارفه استقبلها ودائما بتخانق معاه بسبب أنه عكسي والبيئة مختلفه والثقافات مختلفة بالرغم من أنه مهندس بس الثقافه والوعى والتحضر مالهوش علاقة بالدرجه العلمية ،
يعنى مثلا اول منقعد سوا يمسك الفون ويفضل قاعد ع الفون ولا كأنى موجوده مش بيحاول يتعرف عليا يعرف شخصيتي يعرف انا بحب ايه ومبحبش ايه كذا مرة الفت نظره أنه مينفعش يمسك الفون واحنا قاعدين مع بعض حتى وأهلنا قاعدين معانا أو مثلا يكون بابا بيتكلم معاه بيكون ماسك الفون
وهو بابا بيكلمه وصوته عالي اوى طريقه كلامه وحشه وكله إيحاءات جنsية وبجد بقيت حاسه انى بقرف منه حتى لما خرجنا ف كافيه برضو كان قاعد ع الفون لفت نظره اكتر من مره واتخانقت كتير خناقات كبيره ومافيش فايده ويقول أن دى حاله مرضية ومش عارف ابطل ...
لدرجة انى بقيت امسك الفون اول ميمسك فونه
وحرفيا معندوش ذوق نهائي وكل اللى فالح ف أنه يعاكسنى ويفضل يقول كلام حلو فهمته كتير انى ف كلام تانى ممكن نتكلم ف غير المعاكسه والكلام الحلو
لعرض السؤال في فدني اضغط هنا
لعرض جميع الاسئلة في فدني اضغط هنا