كيف أتعامل مع فارق السن الكبير (16 عاماً) بيني وبين المتقدم لخطبتي؟

في حد اتعرفت عليه هو شخصية محترمة وكويس جدا ودكتور بس في مشكلة أنه ٣٦ وانا ٢٠ لسا ف تالتة جامعة وحاسة أن فرق السن كبير هو من مكان وانا من مكان وحاسة أنه مش حاسس بفرق السن أو أن عندهم عادي

احنا لسا ف البداية ومقاليش معجب ولا الكلام ده بس كذا مرة يقولي نفسي اكلم مامتك انا خايفة من فرق السن ده وان اهلي ميتقبلوش ده وخصوصا أن أنا مثلا كمان اربع سنين هيكون عنده ٤٠ وانا لسا ٢٤

هو حنين وطيب وبيعرف ربنا كويس ف الشخص الي قدامه وميبانش عليه السن ده وبيهتم بنفسه وشكله وهيعيشني ف كل حاجة كويسة معنويا وماديا واحتواء وحنية بس فرق السن هو الي مخوفني

كيف أتعامل مع فارق السن الكبير (16 عاماً) بيني وبين المتقدم لخطبتي؟

سؤال من أحد أعضاء فدني

تم النشر الأربعاء، ٣٠ سبتمبر ٢٠٢٦

2 إجابة

السلام عليكم، طبعا مفيش قاعدة ثابتة لفرق السن وتأثيره على الزواج، فيه حالات كانت ناجحة وفيها تفاهم بين الزوجين رغم فرق السن وحالات تانية فشلت والفجوة العمرية واختلاف الأجيال والثقافة ساعات كتير بيؤثر ويعمل مشاكل. *** أنتِ نفسك متخوفة من السن وعمالة تفكري من دلوقتي كمان أربع سنين هيكون كذا، بعدها هتفكري عشر سنين هيكون في الخمسينات وأنا لسه في نضج الثلاثينات وهكذا. فما دام أصلا عندك تخوفات من النقطة دي ده ممكن يؤثر على علاقتك به بعد كده. *** بالنسبة لي أنا شايفة إنك لسه صغيرة ومش محتاجة تتسرعي في قرار الزواج من أول شخص تعرفتِ عليه، خاصة إن المعرفة الحقيقية بتيجي مع التعامل والعشرة فصعب تؤكدي على معرفتك الأولية به وتجزمي إنه شخص كويس وحتى لو هو كويس فمتقدريش تجزمي إنه هيكون فيه توافق بين شخصياتكم وتصلحوا تكونوا زوجين. احنا ساعات حتى مع طول الوقت والعشرة مع الناس مبنعرفهمش على حقيقتهم أصلا فما بالك شخص تعرفتِ عليه سطحيا. *** لو محتارة ممكن تتكلمي مع والدتك وتعرفي رأيها وتاخدي مشورتها في الموضوع واسمعي كلامها ونصيحتها عشان هي في الآخر أكيد عاوزة مصلحتك، وصلي استخارة في قرار الموافقة على تقدمه لك، والاستخارة مش شرط استجابتها تحسي بالراحة، استجابتها بتكون تيسيير الأمر لو كان خير وحصول تعسير وعقبات لو كان شر. *** والمهم، وسط كل ده، متشغليش نفسك قوي بالموضوع وتعلقي آمال أو تفضلي محتارة وركزي على دراستك وتطوير نفسك وفهم الحياة ومسؤوليات الزواج أكثر عشان تبقي بتختاري على أساس صح وأنتِ عارفة كويس حقوقك وواجباتك. وبلاش تعارف غير رسمي حتى لو بغرض التعارف للزواج عشان ميحصلش تعلق أو مشاكل عاطفية بعد كده، والله أعلم الموضوع بيكمل أو لأ. وربنا معك ويوفقك للي فيه الخير. 💚💚

تم النشر الأربعاء، ٣٠ سبتمبر ٢٠٢٦


أولاً، أحس بقلقك وخوفك، وده طبيعي جداً لأنك لسه في بداية حياتك الجامعية وعندك مخاوف حقيقية حوالين فرق السن والقبول العائلي. اللي بتوصفيه عن الشخص ده (إنه محترم، طيب، بيعرف ربه، حنين، وبيهتم بنفسه) صفات قيمة ونادرة، وده بيخلي الموضوع يستحق التفكير الجاد مش الرفض السريع. فرق السن ١٦ سنة مش حاجة بسيطة، خاصة إنك لسه ٢٠ سنة وهو ٣٦. في السن ده أنتِ بتكوني في مرحلة اكتشاف نفسك وطموحاتك، بينما هو غالباً استقر في حياته المهنية والشخصية. ده ممكن يخلق فجوة في الطاقة والتوقعات مع الوقت، زي إنك لما تبقي ٢٤ وهو ٤٠، ممكن تحسي إن مراحل حياتكما مختلفة. في الوقت نفسه، الإسلام ما بيمنعش فرق السن طالما فيه توافق وعدل واحترام، والأهم هو رضا الأهل ورأيهم لأن الزواج مش قرار فردي بس. نصيحتي العملية: خدي وقتك في التفكير بهدوء بدون ضغط. جربي تفتحي الموضوع مع أهلك بطريقة غير مباشرة، زي "في حد محترم اتقدملي وأنا عايزة رأيكم"، وشوفي رد فعلهم الأولي. لو رفضوا، اسألي نفسك: هل أقدر أقنعهم أو أتحمل الضغط ده؟ كمان، اتكلمي معاه بصراحة عن مخاوفك دي، وقوليله إنك خايفة من فرق السن وإن أهلك ممكن ميتقبلوش، وشوفي رد فعله واستعداده يتعامل مع ده. لو هو فعلاً حنين وناضج زي ما بتقولي، هيقدر يطمنك ويوضح نواياه. في النهاية، القرار قرارك أنتِ، ومهم تختاري اللي يريح قلبك ويضمن استقرارك النفسي والعائلي. لو حاسة إن الخوف ده بيسيطر عليكِ، خدي خطوة بخطوة ومتستعجليش على أي حاجة. ربنا يوفقك للخير ويبعد عنك أي حاجة فيها تعب. لو عايزة تتكلمي أكتر عن جوانب معينة، أنا هنا.

تم النشر الأربعاء، ٣٠ سبتمبر ٢٠٢٦

10 تعليق

متأكدة اصلا انه مش بيضحك عليكي و مش متجوز و معاه ست عيال 😂

تم النشر الخميس، ١ أكتوبر ٢٠٢٦


مفيش مشكلة يجي يشوف الرؤية الشرعية بس قبل ما يجي علشان منظلمش الشخص يكلم ابوكي ويقول سنو وشغلو وكدا ولو انتو عندكوا قبول ينزل يعمل رؤية شرعية لو مفيش يبقا خلاص علشان متكلفش الراجل مواصلات ومفيش نصيب ف الآخر فاهمه!! علشان لما يجي يبقا اهلك عارفين سنو فاهمه!

تم النشر الأربعاء، ٣٠ سبتمبر ٢٠٢٦


لا ع كلامه أنه مجربش يكلم حد قبل كدا هو عالطول بيقولي عايز اعرف مامتك وهو من ناحية أنه يتقدم ف هو بشكل كبير عايز بس علشان فرق المحافظات وكدا واختو الي هي كل الي ليه مش ف مصر ولو هييجي محافظتي ف هو عايز يشوفني

تم النشر الأربعاء، ٣٠ سبتمبر ٢٠٢٦


هو ع تواصل معاكي لحد دلوقتي. وهل اختبرتيه قبل كدا ولاء سواء يتقدم أو لاء أو بيكلم حد تاني أو لاء خليكي فاكرة الفلوس مش كل حاجه

تم النشر الأربعاء، ٣٠ سبتمبر ٢٠٢٦


هو من مكان وانا من مكان اصلا وكان هنا عندنا ف قوافل بتيجي ف المستشفي بتيجي ف حب يتعرف ولما قفشت أنه ليه داخلي برايفت فضل يعتذر ويقولي مقصدش وانا عمري ما دخلت لبنت وخصوصا أنه دكتور يعني اصلا مش فاضي ومبيجيش مصر غير اجازات بس حاسة فيه حاجة كويسة وأنه هيكون ليا عوض عن أي حاجة شوفتها

تم النشر الأربعاء، ٣٠ سبتمبر ٢٠٢٦


منا قلتلك السن مش مقياس .اقنعيهم وقلهم انا متقبله السن . وخليه يتقدم مرة واتنين وعشرة لو عايزك . واهم حاجه تتاكدي انك اخترتي صح وتسالو عليه كويس وانتي كمان لازم تكوني متاكده منه مش مظاهر أو بيتجمل

تم النشر الأربعاء، ٣٠ سبتمبر ٢٠٢٦


لا بالعكس أنا شايفه أنه بيهتم بنفسه وهيعوضني عن حاجات كتير وأمان ناقصني واحتواء وهو كذلك قبل طبعا الماديات أنه عايز يرجع ويعيش سنه ويجري ويلعب ويعمل كل حاجة معايا من اول وجديد بس خايفة أن اهلي ميتقبلوش فرق السن ده

تم النشر الأربعاء، ٣٠ سبتمبر ٢٠٢٦


انتي سنك صغير مستعجلة لي!! هتحسي بموضوع السن داا بعد كام سنة هتلاقي نفسك بتحلوى وهو سنة بيكبر حتى لما تخرجي معاه هتلاقي كل اللي ف سنك ماشيين مع شخص مناسب وانتي ماشية مع حد كبير وشكلة كبير. ممكن تواجهي داا وممكن يكون سبب ف انفصالك . بس برضوا هرجع اقولك أن السن رقم

تم النشر الأربعاء، ٣٠ سبتمبر ٢٠٢٦


منا مش عارفة ومحتارة جدا مش عارفة أناقش ده ازاي معاه وخايفة من فرق السن ده بس من كلامه أنه عمره ما هيحسسني بده لانه عايز يعيش كل معاشهوش معايا

تم النشر الأربعاء، ٣٠ سبتمبر ٢٠٢٦


فرق السن بعيد اووي الصراحه . بس طول مانتي شيفاه مناسب ومحترم تمام السن رقم

تم النشر الأربعاء، ٣٠ سبتمبر ٢٠٢٦

أسئلة ذات صلة

لعرض السؤال في فدني اضغط هنا

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.