إيه هو اقصى فرق سن للجواز بين الرجل و الست؟ وهل الفرق الكبير مشكلة؟
السلام عليكم ورحمه الله وبركاته مش هنقدر نقول ان في حد ادنى وحد ابسط لكن الفروقات مثل الارقام الفروقات بفرق الوعي وفرق الثقافه كل ما كنا قريبين من بعض في الثقافه وفي الوعي وفي نظرتنا للحياه كل ما كان الفرق بتاع الارقام ملهوش اي لازمه خالص لانه هو ده الاهم ان يكون الشخصين متوافقين مع بعض وقادرين يكملوا بعض ويعينوا بعض على الحياه بكل الاجزاء اللي فيها لكن اللي بيمثل مشكله هو لما يكون فرق السن صغير او هما الاثنين قريبين في السن ويكون في واحد فيهم انضج من الثاني فكريا او انضج من الثاني عاطفيا دي بتبقى مشكله كبيره فخلينا ناخذها على نفس المقياس لو الفرق ما بينهم كبير وبسبب الفرق الكبير ده في واحد انضج من الثاني له كثير عاطفيا او فكريا فده اللي بيخلي فيه مشكله معاه.
تم النشر الأربعاء، ٢٥ يونيو ٢٠٢٥
بصي حضرتك هو فعلا الارقام مش مهمة لكن لزم يكون فاهمه حاجه اول طبعا لزم يكون في تفاهم و ناضج لكن كمان بلاش فرق العمر الكبير لأن دا ممكن يكون شي مش كويس يعني فرق العمر الكبير بيكون مشكله في بعض الأحيان هو فعلا العمر مجرد ارقام لكن لا هو في حاجات كتير العمر لو كبير اوي ممكن يخلي مشاكل كتير بس انا مش بالعلم الكافي اني انصح بس جربت اديكي خبرتي و اتمنا تفيدك
تم النشر الخميس، ٢٦ يونيو ٢٠٢٥
مرحبًا بكِ يا عزيزتي، معكِ ذكية من فدني 🌸 سؤالك عن الفرق الكبير في السن بين الزوجين أمر مهم ويهم كثير من الناس، وفعلاً هناك دائمًا تساؤل: هل الفرق في السن يُشكّل مشكلة في الزواج؟ وما هو أقصى فرق سنّ يُعتبر مقبولًا؟ أولًا: هل الفرق الكبير مشكلة؟ الجواب: ليس بالضرورة أن يكون الفرق الكبير في السن مشكلة، لكن هناك عوامل تؤثر على نجاح العلاقة بغض النظر عن العمر، منها: الزواج القائم على التفاهم والاحترام المتبادل : إن توافر الحب والاحترام والهدف المشترك يجعل الفارق في السن أقل تأثيرًا. النضج العقلي والعاطفي : أحيانًا يكون الفرق العمري أقل أهمية عندما يكون الزوجان على مستوى واحد من النضج والتفاهم. الظروف الحياتية : مثل اختلاف أدوار الحياة، ومراحل النضج، ورغبة الطرفين في الإنجاب، ومدى تقبل المجتمع. ثانيًا: ما هو أقصى فرق سن مقبول؟ ليس هناك حكم شرعي أو قانوني محدد بخصوص الفرق العمري بين الزوجين في الإسلام. وعمومًا: ليس المهم كم سنة الفرق، بل كيف يتعايش الزوجان مع بعضهما. في كثير من الأسر التي يكون فيها فرق عمر كبير – 10، 15، أو حتى 20 سنة – ينجح الزواج إذا كان الطرفان يحسنون التواصل ويبنوا علاقة صحية. مع ذلك، الفارق الكبير جدًا قد يسبب فجوة في الاهتمامات وأسلوب الحياة، وهذا يحتاج لجهد أكبر من الطرفين. نصائحي لكِ: إذا كنتِ تفكرين في شخص كبير في السن، تأكدي من وجود توافق فكري وعاطفي أكثر من العمر. انظري إلى الجانب الروحي، هل يوجد تقرب لله وعمل صالح مشترك؟ استشيري اهل الخبرة، ويمكنك زيارة صفحة الخبراء في فدني هنا للحصول على نصائح شخصية دقيقة. وأخيرًا، الزواج رحلة بناء مشتركة، مهما كان الفرق في السن، فالأهم هو الود، التفهم، والدعم. لا تخافي واستفسري أكثر إذا تريدين! هل تودين أن أساعدك في جوانب أخرى متعلقة بالزواج أو العلاقات؟ 🌷
تم النشر الأربعاء، ٢٥ يونيو ٢٠٢٥
ما في قانون... الاشي وجهة نظر وقياس على طريقة التفكير.. انا من وجهة نظري لحد 12-10 سنين تمام
تم النشر الأربعاء، ٢٥ يونيو ٢٠٢٥
حسب الشخص اللي قدامك وحسب شروطك .. مش بالرقم .. ممكن تكون انت عمرك ٢٠ وواحد عمره ٤٠ ولكن نفس الشخصية والتفكير .. اضمن شئ في الزواج هو السمعة
تم النشر الأربعاء، ٢٥ يونيو ٢٠٢٥
بصى لو انتوا قد بعض مش حتعرفوا تتفهموا إنما اكبرر عادى
تم النشر الثلاثاء، ١ يوليو ٢٠٢٥
انا مش في السن اللي يقدم نصيحه لحاجه زي كده ولكن حسب شخصيتي وتفكيري العلاقه بتنجح بالقبول والاريحيه والتعامل والتفكير والنصج والاحتواء يعني لو مثلاً انت عقليتك ناضجه وواعي وبتعرف تتصرف وتتحمل مسؤوليه وتفكيرك كويس واتعلمت كتير وقابلتك مشاكل عرفتك تتعامل ازاي في المكان ده لو حصل حاجه وقادر اني انت تحتوي الأمور لو حصلت مشكله فده اعتقد وصلت لمرحلة النضج ولكن الجواز بالنسبه ليا حاجه كبيره جدا مبينه بعدها ع حاجات كتير هتتغير من حياتي وانا شخصيا يمكن اتغير لازم تكون ع وعي كافي بتقبل التغيرات اللي هتحصل معاك وتواجه كل مشكله تقابلك بحسن تصرف وحكمه بدون عصبيه فده مهم في نجاح العلاقه اما بالنسبه للعمر فهو مبني علي التفهم بينكوا والتقبل اي كان كنتوا مختلفين مش لازم تكونوا متشابهين عشان تكملوا بعض ممكن تكونوا مختلفين وكل واحد يعلم التاني الحاجه اللي مختلفه وده هيأثر في العلاقه جدا ويبنيها علي مشاركه بينكوا ولو حبيت اوي في حتت العمر بفضل يكون السن متقارب
تم النشر الجمعة، ٢٧ يونيو ٢٠٢٥
ما لها شروط حبيبتي، عندك الرسول صلى الله عليه وسلم تزوج امنا خديجة و هي أكبر منه ب ١٥ عام تقريبا و تزوج امنا عائشه و تصغره بالكثير ف ما لها قاعدة ثابتة نمشي عليها، لكن في حاجات و علامات تقول لك الجوازة دي تمام ولا لا و اولهم التفاهم بينكم ازاي، ما ممكن يكون الفرق بينكم 20 او 25 سنة و متفاهمين جدا و حد تاني ممكن يكون الفرق بينا 3 او 5 سنين و مش بنعرف نسمع بعض ابدا دي حاجة، تاني حاجة بقي العلاقات اللي من النوع دا بتبقي محتاجة من الطرف الكبير سوء راجل او ست يكون عنده احتواء و نفهم للصغير و يكون عنده تفكر ان طبيعي ممكن يغلط و يضايقني لانه مش عنده خبرة في الحياة زيي و تطلب من الطرف الصغير سوء راجل او امرأة انه يفتح مخه و يسمع من الكبير لما يعطيه النصيحة و يحط في راسه انه دا أكبر من و المثل بيقول أكبر منك بيوم يعرف عنك بسنة، و كمان لازم يكون فيها شي من التنازل من الطرفين يعني مثلا في مميزات كتير اوي بس عصبي ف احاول اتماهي مع العصبي بتاعته و ما اتناقش معه وقت العصبية و اسيبه لما يهدي و بعدها نتفاهم و كذا بقي،،، دا رأيي الشخصي والله يسعدك يا بنتي مع ابن الحلال و يرشدنا و إليكي الي ما يحب و يرضى يارب 🌸
تم النشر الخميس، ٢٦ يونيو ٢٠٢٥
السن ملهوش علاقة أهم حاجة يكون في تفاهم أنا ماما وبابا الفرق كان بينهم 10سنين بس كانوا متفهمين جداً ماشاء الله بجد
تم النشر الخميس، ٢٦ يونيو ٢٠٢٥
موش شرط يكون في فرق اصلا لانو العمر مجرد رقم ولازم يكون في تفاهم
تم النشر الأربعاء، ٢٥ يونيو ٢٠٢٥
فعلا مش شرط عادي اعرف ناس الفرق بينهم بيكون معدي 15سنه وماشاء الله ربنا يبعد عنهم اي سوء ، شوفي انا كنت اوقات بفكر في ايه الي يخليني اتجوز واحد أكبر مني بكتير وانا اقدر ارتبط بشخص من سني او اكبر مني بكام سنه بس لما فكرت بالعقل بعدها فهمت انها مش بتتحسب كدا واهم حاجه انه يكون شخص على دين وخلق محترم وناضج شخص عقلاني متفهم ومسؤل يفهمني ويكون سندي وحنين عليا اما الباقي دا بقا مش مهم اوي بصراحه وكمان حاجه خلتني اغير فكرتي الأجيال الي شيفاها حوليا حاليا شايفه فيها الاستهتار وحجات تانيه في كتير منهم ودا شئ يخليني مأمنش نفسي مع حد منهم بس طبعا مش بعمم ربنا يهدينا اجمعين وطبعا في ناس كتير محترمه وجدعه ملهاش علاقه بسن
تم النشر الأربعاء، ٢٥ يونيو ٢٠٢٥
لعرض السؤال في فدني اضغط هنا