متقدملي عريس أكبر مني ب 9 سنين مطلق و عنده بنت و ولد هو قريبي و انا عندي 21 سنه اوافق و لا استنى يمكن يبقي في فرصه احسن
خايفه يرجع لمراته تاني بصراحه
انا صليت استخاره و مش حاسه بحاجه
السلام عليكم، بلاش توافقي عشان هتظلمي نفسك جامد غير دا أنتِ لسه صغيرة ودي مش فرصة أصلًا عشان تفوت منك وخوفك من أن هو يرجع لـ زوجة الأولى أنتِ واخدة بالك؟ أنتِ المفروض خطوبة بعدين زواج دالوقتي أنتِ بتفكري يرجع لـ زوجة.. وطبعًا أنتِ هتأخدي حد معاه طفلة ولييه تجربة سابقة وفاهم الحياة والزواج أكتر منك، والله أعلم بالتجربة الأولى كانت عاملة إزاي؟ أنا مش بعقد الدنيا بس أنتِ بدال ما تأخدي شخص ودا الأفضل طبعًا أول مرة يتزوج وتجهزي شقتك وتختاري حاجات وتعيشي حاجات هي أول مرة ليكِ، لكن هو لأ دي تاني مرة ومش هيتعامل معاكِ بنفسك أحساسك. من غير كلام كتير بجد بلاش، وأدعي ربنا يرزقك بالزوج وصدقيني الزواج مش عايز إستعجال ولا تفكري في جزئية أن دي فرصة وتخافي من حاجة حطي قدامك حاجة واحدة بس الزواج حاجة هتقضي فيها باقي عمرك مفيش مخرج ليها ولا إستبدال يعني قرار عايز تأني وتفكير ودعاء وحاجات كتير جدًا لأزم تفكري فيها بس أعتقد إن المفروض أصلًا أهلك ذات نفسهم يرفضوا
تم النشر الجمعة، ٢٤ يوليو ٢٠٢٦
السلام عليكم، بالنسبة لرأيي الشخصي، لو أنا مكانك مش هوافق. يعني سنك لسه صغير، ومفيش أي داعي للاستعجال، ومن رأيي الشخصي برضه، الخُطاب مش فرص عشان نخاف نفوت واحدة وميجيش أحسن منها أو نستعجل وناخد واحدة عشان خايفين تكون أفضل فرصة. الزواج قرار مصيري لازم تفكري فيه كويس وتتأني في اختيارك، وملكيش دعوة بكلام حد ولا رأي المجتمع. *** الطلاق مش عيب أكيد، بس فيه احتمالات كتير تتبعه، وفي حالتك لازم تفكري كويس، هل في سنك ده هتقدري تكوني زوجة أب؟ تعاملك مع الأولاد هيبقى عامل إزاي وهتتقبلوا بعض ولا هيحصل مشاكل؟ سبب الطلاق واحتمالية رجوعهم لبعض؟ لأن حالات كتير بيرجعوا خاصة لو بينهم أطفال. كمان هتقبلي يكون فيه تواصل بينهم بسبب الأولاد؟ *** عامة اسألوا عنه أكتر حتى لو قريبكم، وفكري كويس وقارني عيوبه ومميزاته وهل تقدري تتعاملي مع الوضع الاجتماعي وتخاطري بوجود احتمالية رجوعهم لبعض أو تسستمي نفسك إن احتمال يكون بينهم تواصل عشان الولاد وهتقبلي ده أو لأ. في النهاية الاختيار يرجع لك فاختاري الأصلح لك. ربنا يكتب لك اللي فيه الخير.
تم النشر الخميس، ٢٣ يوليو ٢٠٢٦
أختي العزيزة، قرار الزواج قرار كبير ومصيري، ومن الطبيعي إنك تحسين بالحيرة والخوف خاصة مع الظروف اللي ذكرتيها. الرجل أكبر منك بتسع سنين، مطلق ولديه أطفال، وقريبك، وده بيخلي الموضوع أكثر تعقيدًا لأن العلاقات العائلية هتتأثر. صلاتك الاستخارة خطوة مهمة، ولو ما حسيتيش بشيء واضح فده يعني إنك محتاجة تفكرين بهدوء أكثر وتجمعين معلومات إضافية قبل ما تقررين. من الناحية العملية، خذي وقتك في التعرف عليه بشكل أعمق من خلال أهلك أو لقاءات محترمة. اسألي عن علاقته بمراته السابقة، هل انتهت تمامًا أم فيه أي تواصل مستمر بسبب الأولاد؟ وكيف يتخيل حياتكم معًا، خاصة مع وجود أطفال من زواج سابق. الفرق في العمر والأطفال ممكن يكون تحدي، لكنه مش مستحيل لو كان الشخص ناضج ومسؤول ومستعد يبني علاقة جديدة بصدق. في نفس الوقت، خوفك من رجوعه لمراته السابقة شعور طبيعي، وأفضل طريقة تتعاملي معاه هي مناقشته بصراحة وملاحظة أفعاله مش كلامه فقط. أنصحك تتحدثين مع أهلك المقربين اللي يعرفون الرجل جيدًا، وتستشيرين شخصًا حكيمًا من العائلة أو متخصص في الشؤون الأسرية. لو حسيتِ إن فيه أي ضغط أو تسرع، خذي خطوة للوراء. ولو عايزة آراء إضافية، ابحثي عن أسئلة مشابهة على فدني عشان تشوفي تجارب بنات تانيين في مواقف قريبة. في النهاية، القرار قرارك، وأنتِ الأقدر على تقييم ما يناسب حياتك ومستقبلك. ربنا يوفقك للخير ويشرح صدرك.
تم النشر الخميس، ٢٣ يوليو ٢٠٢٦
نصيحة بلاش هو اكبر منك بكتير وغير انه مطلق ومعاه عيال هتجيلك مشاكل كتير والله اعلم بس برضو خدي بالاسباب
تم النشر الأحد، ٢٦ يوليو ٢٠٢٦
السلام عليكم بصي انت متعرفيش سبب الطلاق اي وتاني حاجه ممكن يرجع لمرتو تاني طالما في اطفال نصيحة سيبك منو وعايش حياتك وربنا يعوضك بحد احسن
تم النشر الأحد، ٢٦ يوليو ٢٠٢٦
انت برضوا ايش عرفك سبب الطلاق ما يمكن هوه وحش
تم النشر السبت، ٢٥ يوليو ٢٠٢٦
لعرض السؤال في فدني اضغط هنا