انا عندي 26 سنه لسه محصلش نصيب اني اتجوز
اتقدملي عريس وقولت لاخويا أسأل عليه قبل ميدخل البيت علشان انا كان مكتوب كتابي وللاسف العريس كان مخبي امراض وعيوب وبسبب قلة السؤال اتحسبت عليا جوازه فبقا الموضوع مرعب اني يحصلي كدا تاني فقولتلهم اسألوا اخويا عنده 19 سنه هو الولد الوحيد ابويا تعبان ومش مقتنع اصلا نسأل علي الشخص قبل ميدخل البيت فقولت لاخويا، لاني معنديش حد ولم زمان دخلت عمامي وكدا مسالواش عن العريس اللي انكتب كتابي عليه علشان كدا انا اللي شيلت المهم قعد شهر يسأل شهر حرفياً والله مش كلام وخلاص وكان الناس اللي موصيهم يسألوا بينسي يسألهم عملوا اي وانا بنكسف اسأله عملت اي ولا اي الدنيا المهم لم لقيت الموضوع طول زيادة سألته سألت قالي هتصل علي الرجل ويوم وراء التاني مش بيسأل المهم بعدييين سال وقال عائلته كويسه طب هو طب بيته ميعرفش طب متسال يقول مانا سألت اسكت معرفش اقول اي المهم قولت خلاص أقوله قولهم تعالوا واقعد واشوفه وجيه واول مدخل معجبش لا ابويا ولا اخويا واصلا المعلومات طلعت غلط قالوا عنده 28 طلع 35 قالوا معه كليه طلع مكملش ثانوي قالوا مش بيت عيله طلعوا بيت عيله وكل الكلام كذب يعني أو مش صح اخويا حلف مش هقعد معه قولت ماشي رفضوا العريس انا أضيقت مش علشان العريس علشان انا متخدش رأيي في اي حاجه ولم قولت لاخويا لو انت كنت سالت صح مكنش دخل اصلا البيت قالي هسال عليه العالم كله طب مش هو دا المفروض أنه يسأل كذا حد ويسأل في بلده امال مين هيسالي طيب ولم جيه ومعجبهمش هم مستنوش يسالوني أو حتي يخلوني اشوف هيحصل قبول ولا لا ولم بقول لاخويا انتوا قررتوا من دماغكم يقولي انتي مبتكبريش حد ازاي وانا قولتله اسالي وصبرت شهر وبجد والله مكبره بس التصرف ضايقني وكمان لم بكلمه مش بيعبر كلامي كاني المفروض اتقبل اي تصرف وخلاص طب مقعدش معه بس عرفوني الاول سيبوني أقرر قولولي رايكم ونصحيتكم مش انتوا اللي تقرروا
وغير دا انا عليا ضغط من كل الناس حرفياً وكل شويه اتعاير اني متجوزتش اتقالي من خالتي رفضك للعرسان هيتقالك انك معيوبه ابويا اتخانق معايا وقالي اي مقعدك انتي بقيتي كسر علشان انكتب كتابي واتفسخ بقيت كسر امي كل شويه انتي قاعده ليه انا زهقت منك اتجوزي وكل الكلام دا خلاني عاوزه القي عريس علشان اخلص عارفه أنه غلط بس انا مضغوطه واخويا اللي بيطول في السؤال عن العرسان وفي الاخر بيطلع سؤال مش سؤال دا أي بجد انا مش عارفه انا غلط ولا هم اللي غلط بس اللي اعرفه اني تعبت هم لا بيرحموا ولا يسيبوا رحمة ربنا تنزل وكمان انا منتقبه فيسمع كلام كتير أن النقاب السبب فبجد اتخنقت وزهقت من حياتي انا لم قعد وفكرة لقيت نفسي مش عايزه اتجوز اصلا مش حاسه اني جاهزه بس الضغط مخليني حاسه اني لازم اتجوز ومفيش حتي شخص مناسب انا مش عارفه اعمل ايه
السلام عليكم؛ اختي العزيزة، إنّ من تمام التوحيد الإيمان ان ليس للبشر أي حيلة للتأثير على رزقك، تعددت الأسباب والرازق واحد، هو الرازق سبحانه الوهّاب بيده الملك خزائنه واسعة لا تنفذ؛ مَّا يَفۡتَحِ ٱللَّهُ لِلنَّاسِ مِن رَّحۡمَةٖ فَلَا مُمۡسِكَ لَهَاۖ وَمَا يُمۡسِكۡ فَلَا مُرۡسِلَ لَهُۥ مِنۢ بَعۡدِهِۦۚ وَهُوَ ٱلۡعَزِيزُ ٱلۡحَكِيمُ (2) يَٰٓأَيُّهَا ٱلنَّاسُ ٱذۡكُرُواْ نِعۡمَتَ ٱللَّهِ عَلَيۡكُمۡۚ هَلۡ مِنۡ خَٰلِقٍ غَيۡرُ ٱللَّهِ يَرۡزُقُكُم مِّنَ ٱلسَّمَآءِ وَٱلۡأَرۡضِۚ لَآ إِلَٰهَ إِلَّا هُوَۖ فَأَنَّىٰ تُؤۡفَكُونَ (3) [سورة فاطر] وإيّاك ان تتأثري بموضوع النقاب، وتمسكي باللباس الشرعي ، هذا اولا. ثمّ إنّك قمت بالاخذ بالاسباب وطلبت من اخيك ان يسأل عن الشخص، ولعله الله صرفه عنك لسبب ما؛ آمني بهذا الأمر ؛ نصيبك سيأتي بإذن الله، وإن رفضت كل عائلتك الشخص ان اراده الله لك سيوافقون وسيرتب الله الأسباب؛ طبعا للآخرين نظرة في الشخص، خصوصا الكبار ، ربّما رأوا فيه او احسّوا بشيء ما لا يناسبك؛ أعلم ان المشكلة انه "لماذا يدخل البيت ولم تسألوا عنه، لماذا الآن تقولون لي انكم اكتشفتم كذا وكذا؟ " .الموضوع غير سهل ويسبب القهر؛ لكن استغلي هذا القهر داخلك بالتضرع والدعاء لله سبحانه وتعالى بأن يرزقك وييسر لك زواجك ممن يرضاه دينا وخُلُقا، والدعاء لأهلك بالهداية؛ فمهما كانوا الأهل شديدين او غير مفهومين سيظلوا أفضل من الكثير من العائلات الأخرى، ومن القصص المنتشرة عبرة مع الاسف، من تحرش واعتداء وضرب على ابنتهم... صعبة أعلم ولكن أفضل من غيرهم، اشكري الله على النعم التي اعتدتي عليها في حياتك، وسيزيدك الله من فضلك، وأجعلي لأهلك نصيب من دعائك، في الأوقات المباركة مثل الثلث الأخير من الليل، وأخيرا وليس آخرا داومي على الإستغفار ، فإن الله حق ووعده حق: إذ قال سبحانه وتعالى في القرآن الكريم ، عن سيدنا نوح عليه السلام: فَقُلۡتُ ٱسۡتَغۡفِرُواْ رَبَّكُمۡ إِنَّهُۥ كَانَ غَفَّارٗا (10) يُرۡسِلِ ٱلسَّمَآءَ عَلَيۡكُم مِّدۡرَارٗا (11) وَيُمۡدِدۡكُم بِأَمۡوَٰلٖ وَبَنِينَ وَيَجۡعَل لَّكُمۡ جَنَّٰتٖ وَيَجۡعَل لَّكُمۡ أَنۡهَٰرٗا (12) مَّا لَكُمۡ لَا تَرۡجُونَ لِلَّهِ وَقَارٗا (13)
تم النشر الجمعة، ٢٣ أكتوبر ٢٠٢٦
أختي العزيزة، أنا فاهمة تمامًا اللي بتمرّي بيه، والضغط اللي حواليكِ ده ثقيل جدًا، خاصة إنكِ بتحاولي تحمي نفسك من تجربة سابقة مؤلمة. مش غلط إنكِ تطلبي من أخوكِ يسأل كويس، وده تصرف ناضج ومسؤول بعد اللي حصل قبل كده. الغلط مش في طلبكِ، لكن في طريقة التنفيذ والتواصل داخل العيلة. اللي حصل مع أخوكِ طبيعي لأنه لسه صغير (19 سنة) ومش عنده الخبرة الكافية في السؤال والتحقق، وكمان أبوكِ مش مقتنع بالفكرة أصلًا. ده خلّى المعلومات تطلع ناقصة أو خاطئة، وده اللي ضايقكِ. في نفس الوقت، أهلكِ بيحسوا بالضغط الاجتماعي عليهم (كلام الخالة وغيره)، فبيحاولوا يسرّعوا الأمور بطريقتهم، وده بيخلّيهم يتجاهلوا رأيكِ أحيانًا. أنتِ مش "كسر" ولا "عيب"، وكلام زي ده بيوجع ومش منصف. من منظور إسلامي، الزواج رزق ونصيب، والضغط مش هيجيب الخير. ربنا قال "وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا"، فالأفضل تركزي دلوقتي على تقوية علاقتكِ بربنا، وتدعي بـ"اللهم إني أسألك الزوج الصالح"، وتعملي استخارة لأي عريس ييجي. كمان حاولي تتكلمي مع أمكِ بهدوء وتقولي لها إنكِ عايزة تشاركي في القرار عشان ما تتكررش الأخطاء السابقة، ولو لقيتِ حد موثوق في العيلة (عمة أو خالة كبيرة) ممكن تطلبي منها تساعد في التواصل. أنتِ مش غلطانة في إنكِ مش حاسة إنكِ جاهزة دلوقتي، وده طبيعي تحت الضغط ده. ركزي على تطوير نفسكِ (مهارات، قراءة، عمل لو ممكن) عشان لما ييجي النصيب تكوني أقوى. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. ربنا يفرّج همّكِ ويبعتلكِ الراحة والنصيب المناسب يا رب.
تم النشر الجمعة، ٢٣ أكتوبر ٢٠٢٦
استعيني بالله
تم النشر السبت، ٢٤ أكتوبر ٢٠٢٦
اسمعي فيديوهات عن الرؤية الشرعيه وابدأي تفهمي الموضوع كويس وبعد كده إن شاء الله تكوني شخصيه قويه لها مبدأها ولما ييجي شخص تطلبي إنك تقعدي معاه في وجود أخوكي أو أبوكي وغالبا لما يعرفوا إن في راجل من أهلك هيكون قاعد معاكم وإنتو بتتكلموا مش هيعارضوا
تم النشر الجمعة، ٢٣ أكتوبر ٢٠٢٦
والحاجات التانيه ، الموضوع اللي حصل قبل كده طبيعي جدا جدا وبيحصل مع أي حد ومش معناه إن في أي حاجه غلط حصلت وأي حد بيعايرك بالموضوع ده أو شايفه حاجه معيوبه فهو شخص جاهل ، عيشي حياتك بكل سلاسه وماتفكريش في الموضوع ورزقك سيأتيكِ وتريثي جدا في الاختتيار بلاش تختاري أي حد لمجرد إنك تخلصي
تم النشر الجمعة، ٢٣ أكتوبر ٢٠٢٦
في حاجه اسمها رؤية شرعيه إنتي اللي بتقعدي فيها مع الشخص في وجود محرم وبتبدأي تعرفي الشخص من أسألتك له وطريقته وحتى لو أخوكي سأل عنه ممكن هو يكون شايفه كويس وإنتي شايفاه سيء أو العكس لإن دي حاجه باختلاف من شخص التاني على حسب مبتدئه وواهتماماتك
تم النشر الجمعة، ٢٣ أكتوبر ٢٠٢٦
لعرض السؤال في فدني اضغط هنا