السلام عليكم ورحمة الله وبركاته
#سؤال لاهل الخبرة والتجارب ارجو الرد فقد احترت في أمري
انا شاب تقدمت لخطبة فتاة منذ ما يقارب سنة ونصف
وذكرت لها أن لن استطيع أن اجيب لها مثل اختها الكبيرة التي تزوجت لأنه جاء لها ذهب وقائمة كتبت بمبلغ كبير و١٠٠ جرام ذهب واتفقت معها على ذلك وهي قالت (انا مليش دعوة بأخواتي )
وبعدين تقدمت طلبوا فوق طاقتي مثل اخوانهم بل أرادوا اني اشتري الحاجات التي تشتريها العروسة وفقا للعرف الاجهزة الكهربائية وهم يجيبوا حاجة المطبخ
ثم قلت لهم اني أستشير اهلي وارد وبعد يومين كلمت البنت قولتلها بصي اهلك طلبوا زي اختك وانا إمكانياتي ١ و ٢ و٣ قالتلي رد غريب طبيعي يطلبوا زي اخواتي قولتلها انتي قولت كذا وكذا قالت انا بالنسبة ليا مش فارق معايا اللي هياجي بس أهلي حقهم يأمنوا بنتهم
بعدين قولتله خلاص هكلمك والدك واقولها إمكانياتي كذا قالت لأ متكلموش
وبعد أسبوع والدها مات
استمرت تتكلم معايا وانا فضلت معاها قرابة سنة ونص بعد كدة بس موعدتهاش بالزواج ولا حاجة تاني كان نوع من أنواع الدعم ليها وكدة في الفترة دي
المهم كانت بتقولي بحبك وبتاع وبعدين كان ليها ابن عم هي مكلمتوش اصلا ولا مرة في حياتها بس أهلها كانوا بيقولوا وهم صغيرين فلانة هتتجوز فلان
الواد دا خطب لمدة تلت سنين ومن اسبوع كلم البنت دي وقالها انا بفسخ وبحبك وبتاع هي قالت له أن في مشاكل وكدة وأنهم آذوهم كتير المهم البنت كلمت امها وقالت لها حصل كذا وانا بحب ابن عمي امها زعقتلها لأن بينهم مشاكل كبيرة جدا وهم معتزلين العيلة دي من زمان ومفيش بينهم كلام نهائي ولا بين البنت وبن عمها
المهم انها شتكتها والبنت عملت بلوك لابن عنها
وكانت بتلومني قاتله انت مش بتحبني لو بتحبني كنت زماني لابسة دبلتك وانت محاولتش تاني عشاني وانت وانت وانا رديت بس مردتش ارد ردود صعبة ولكن ردود هادئة احتراما ليها ومشاعرها
واحترام للظروف اللي مرت وبتمر بيها ساعتان كتير تقول بحبك واكتر من مرة تقولي خليك كدة لحد ما فجأة تلاقيني اكتب كتابي
فأنا مش فاهم اي دا هل في مشاعر من ناحيتها ليا ولا مفيش وانا مش قادر اقبل انها بتحب حد تاني حتى لو علاقتهم مستحيلة بسبب مشاكل كبيرة جدا وآذى كتير (سحر) وكدة ومش عارف اخد قرار ياريت نصيحة يا جماعة بالله عليكم .
السلام عليكم، حاسة إنك كتبت عن مشكلتك دي قبل كده، صح؟ عامة، أنا شايفة إنها ضامنة وجودك وبتتصرف على الأساس ده، مش عاوزة أقول "راكناك على الرف" أو "معتبراك احتياط" بس الكلام اللي قلته يوصل عنها الفكرة دي. غلطتك؟ إنك فضلت تتكلم معها سنة ونصف من غير رابط رسمي، يعني حتى بتقول موعدتهاش بالزواج، فإيه معنى كلامك معها وإيه الغرض من العلاقة أصلا؟ حتى لو كان للدعم بس زي ما بتقول، هل سنة ونصف مكنتش كافية؟ وكمان هي فكرت في حد غيرك ووضعتك في خانة اختيار ولولا المشاكل الموجودة كانت اختارته هو عادي، فليه أصلا تخلي نفسك خيار تاني في حياة حد؟ أنت غلطت لما محاولتش تاني حتى لو ظروفك المادية مش تلبي طلباتهم، على الأقل تكون حسمت موقفك تماما من الارتباط بها. لكن هي في أسلوبها معك فيه تلاعب نفسي وتحميلك الخطأ كله غير إنها معتبرة وجودك شيء مسلم به ومش خايفة تخسرك لأنها عارفة إنك هتفضل موجود مهما هي عملت. رأيي، خليك حازم وفكر في مصلحتك، حتى لو بتقول مستمر معها للدعم، أنت مش مسؤول عن إصلاح حد ولا تحمل عبئه النفسي وتبعاته، وفكرة (I can fix him) مش مقتصرة على الشباب بس، فمتفكرش أنت بمنطق (I can fix her) عشان هتتعب كتير وهتطلع خسران من العلاقة دي، فاقطعها من دلوقتي وانقذ نفسك قبل ما تتورط بغير رجعة. بجد، راجع نفسك وفكر كويس والأهم ادعي ربنا يصلح حالك ويختار لك اللي فيه الخير. تحياتي.
تم النشر الخميس، ٨ أكتوبر ٢٠٢٦
وعليكم السلام ورحمة الله وبركاته، أخي الكريم، أقدر تمامًا الارتباك والألم اللي بتمر بيه. الموقف معقد بسبب الظروف العائلية والمادية والعاطفية اللي تداخلت مع بعض، وموت والدها زاد من الضغط. اللي واضح من كلامك إن البنت كانت بتعبر عن مشاعر تجاهك في فترة الدعم، لكن في نفس الوقت كانت متأثرة بضغط أهلها وتوقعاتهم، وده خلاها تتردد وتغير موقفها أكثر من مرة. أما بالنسبة لابن عمها، فالأمر يبدو أنه تعقيد عائلي قديم، ومشاعرها تجاهه غير واضحة تمامًا، لكن المهم هنا هو أنك أنت مش مسؤول عن قراراتها أو مشاعرها. من الناحية العملية، أنصحك بالتركيز على قدراتك أنت. الزواج في الإسلام يقوم على اليسر والقدرة على الإنفاق، وليس على مطابقة توقعات الآخرين. لو الطلبات كانت فوق إمكانياتك من البداية، فهذا إشارة واضحة إلى أن الأمر قد لا يناسبك. حاول أن تسأل نفسك بصراحة: هل أنت مستعد للاستمرار في محاولة إرضاء عائلة قد تطلب المزيد مستقبلاً؟ وهل هذا الوضع يجلب لك راحة نفسية أم توترًا مستمرًا؟ أما عن مشاعرها، فهي تبدو متضاربة بسبب الظروف، وأنت لست ملزمًا بتفسير كل كلمة قالتها. الإسلام يشجع على الوضوح والصدق في مثل هذه الأمور، فإذا كنت ترى أن الاستمرار في التواصل يزيد من الالتباس، فمن الأفضل أن تبتعد بهدوء واحترام، وتترك الأمر لله. ادعُ الله أن ييسر لك الخير، وأن يبعد عنك ما ليس فيه صلاح. أخيرًا، ابحث عن أسئلة مشابهة على فدني لترى تجارب الآخرين، فقد تجد فيها ما يساعدك على اتخاذ قرار أوضح. أنت قادر على تجاوز هذا، وستجد الشخص المناسب الذي يتناسب مع ظروفك إن شاء الله.
تم النشر الخميس، ٨ أكتوبر ٢٠٢٦
نصيحتى ابعد .. هى جت من عند ربنا فالاول والموضوع متمش ..واللى ظهر بعد كدا انها رايحه جايه ومش مناسبة ف بلاش تعند
تم النشر الخميس، ٨ أكتوبر ٢٠٢٦
هي شخصية كويسة جدا وتعبت كتير في حياتها يمكن عشان كدة مش عارفة هي عايزة اي ولكن أنا احترت معاها وحاسس أن حتى لو حصل نصيب هتتعبني فيما بعد وموضوع بن عمها قفلتي بصراحة وفي نفس الوقت انا الملوم وانا اللي مش شاري من وجهة نظرها
تم النشر الخميس، ٨ أكتوبر ٢٠٢٦
ابعد واقطع العلاقه .. وواضح انها مش عارفه عايزه ايه .. لما. كنت جاهز قالت يلاولما. ابن عمها جه قالت يلا .. ولما ابن عمها مشي رجعت تفتح لك ف الموضوع
تم النشر الخميس، ٨ أكتوبر ٢٠٢٦
م
تم النشر الخميس، ٨ أكتوبر ٢٠٢٦
لعرض السؤال في فدني اضغط هنا