السلام عليكم بدون تجريح انا مخطوبه وخطيبي عنده 28 سنه بس شكله كبير وستايل لبسه مش حلو خاااالص مش بيعرف يلبس ابدا ابدا المفروض أنه شباب بس يبان عليه راجل كبير وانا 22 سنه. انا اه حسيته كبير بس اللي هو عادي حاسه مع الوقت عمال يكبر شكله كدا وكذا حد قالي أنه شكله كبير وانا بدأت اضايق بحسه مش مهتم بنفسه وعايش جو راجل كبير حتي صحابه كلهم في الأربعينات طب انا يعني مش عارفه مضايقه
السلام عليكم ورحمه الله وبركاته. البنات اكيد انت قبلتي تتخطبي لخطيبك علشان هو في من صفات الرجوله اللي خلته مقبول بالنسبه لك فخلينا نقول انه اي انسان انا بشوف في صفات مميزه طبيعي جدا ان انا الاقي فيه صفات ثانية او حاجات تانيه هي مش متعتبرش ميزه او حاجه اهم حاجه ان تكون الصفات دي يعني مش هتبقى مؤثره على الهدف بتاعنا من الزواج انت متجوزه علشان يكون الزوج ده مناسب لك في انه ينفع يكون اب كويس ينفع يكون زوج كويس وحنين وعنده مسؤوليه وراجل بيعرف الاصول هتلاقي نفسك ايه الحاجات الثانيه انت تقدري انك تتعاملي معاها حتى ولو ما اتغيرتش يعني ببساطه كده تقدري ايه تتجاهليها او تقدري تتحمليها او انك هتبقي عارفه ان الحاجات دي هي الحاجات اللي انت هتبذلي فيها مجهود يعني انا ابذل مجهود في ان انا اخلي الراجل عنده مسؤوليه ولا أبذل المجهود لان انا ابدا اشتغل معاه على ستايل ان هو يكون شكله برده لطيف ويكون حلو ودي حاجه بتكون يعني في رجاله كتير ان ممكن يكون في رجاله كتير. حاطين كل مجهودهم مش في الاستايل واللبس ولا في الشكل ولا حاجه وده بيكون اللمسه الجميله اللي بتحطها الست في حياتهم والبنت تختار معاه الالوان اللي بيلبسها ممكن يكون مش جريه في الالوان اللي بيلبسها. ممكن يكون مش بيتعب نفسه انه يحط مجهود في انه ينقي الوان اللبس او اشكال لبس او الاستايلات او الكلام ده كله فهي دي اللمسه اللي هتقدمها له ان هي تقول له انا شفت بنطلون حلو ايه رايك تجرب تلبس ده تجيبه له في مره هديه تجيب له قميص مختلف هديه ودي بتكون الايه الخطوات اللي بتتاخد واحده واحده مش بشكل بقى جارح مش بشكل صادم انه لا لازم تغير لبسك لا انا مش هينفع كده شكلك كانك اكبر من سنك بكتير انا كاني ماشيه مع باباي يعني الطريقه دي هتكون طريقه صادمه وجود انا محتاجه ادخل اللفته بتاعتي واللمسه بتاعتي وبعد الجواز يبقى كمان انا اللي بحضر له لبسه واظبط له طقم حلو وجميل واقول له لا انت كده شكلك شيك ومناسب لسنك وواحده واحده واحده الامور بتبدا تختلف وده بالفعل حصل مع رجاله كتير جدا بعد الجواب ممكن تلاقي ستايل اختلف لان هو الست حطت.
تم النشر الاثنين، ٩ نوفمبر ٢٠٢٦
السلام عليكم، ممكن تتكلمي معه بلطف وبدون ما يحس في طريقتك بانتقاد أو تجريح له أو إنك مضايقة من كلام الناس عنه، لأن ممكن ياخد الأمر على كرامته وتحصل مشكلة أو متخرجيش من النقاش بفايدة. وممكن أنتِ بعد كده تساعديه باقتراحات مناسبة له. وعموما فترة الخطوبة معمولة عشان تتأكدي من اختيارك وهل مناسبين تكملوا مع بعض أو لأ، فمتقتصريش ده بس على ملاحظاتك عن الشكل الخارجي، شوفي كمان أخلاقه وأفكاره وتعاملاته متوافقة معك ولا لأ. لو أنتِ من النوع اللي بيتأثر بكلام الناس وهتفضلي مضايقة أو مش عندك استعداد تساعديه يعدل لبسه ومظهره، ولو برضه لقيتِ أفكاركم مش متوافقة، يبقى راجعي نفسك وشوفي أنتِ عاوزة إيه في شريك حياتك ولو استمر إحساس عدم القبول يبقى بلاش تظلميه معك وتكملي معه وأنتِ غير متقبلاه و حاسة بانتقاص ناحيته. وربنا يكتب لك الخير ويرضيك به إن شاء الله. بالتوفيق. 💚
تم النشر الأحد، ٨ نوفمبر ٢٠٢٦
وعليكم السلام ورحمة الله، أولاً، أقدر إنك بتشاركي مشاعرك بصراحة كده، وده شيء طبيعي جدًا في مرحلة الخطوبة. اللي بتوصفيه مش بس عن المظهر، لكنه يعكس إحساسك إن فيه فجوة في الاهتمام بالنفس والطاقة الشبابية، وده ممكن يأثر على شعورك بالراحة والتوافق معاه. عمرك 22 وهو 28، والفرق مش كبير، لكن الطريقة اللي بيعيش بيها وصحابه في الأربعينات بيخلوا الفرق يبان أكتر، وده يخليكِ تشعري بالضيق. الخطوة الأولى والأهم هي التواصل الصريح واللطيف معاه. جربي تفتحي الموضوع بطريقة إيجابية مش انتقادية، زي إنك تقولي له إنك بتحبي تشوفيه بستايل يناسب عمره ويبرز جماله، وإنك عايزة تساعديه في اختيار ملابس تناسبه. ممكن تقترحي عليه مع بعض تشتروا قطع بسيطة أو تشوفوا صور لستايلات شبابية تناسبه، وده هيخليه يحس إنك بتدعميه مش بتقلل منه. لو رفض أو ما أبدى اهتمام، ده إشارة مهمة لازم تفكري فيها، لأن الاهتمام بالنفس جزء من الرعاية الذاتية اللي بتأثر على الحياة الزوجية. تذكري إن الزواج في الإسلام مبني على التوافق والمودة، والمظهر الخارجي ممكن يتحسن بالتشجيع، لكن لو الشخص مش مستعد يغير عاداته، هتحتاجي تقيمي إذا كان ده هيأثر على سعادتكِ على المدى الطويل. خدي وقتك في التفكير بهدوء، ولو عايزة آراء إضافية، ابحثي عن أسئلة مشابهة على فدني عشان تشوفي تجارب تانية. أنتِ قادرة تاخدي القرار المناسب ليكِ.
تم النشر الأحد، ٨ نوفمبر ٢٠٢٦
لعرض السؤال في فدني اضغط هنا