السلام عليكم
انا بنت متجوزه بقالى 9 شهور
متجوزه عن حب وبعد حرب ومشاكل وحاجات كتيره جداً
انا وجوزى كنا عاوزين نأجل الحمل قبل مانتجوز دى كانت فكره يعنى
لكن بعد الجواز مقاليش خدى وسيله او مش عاوز عيال او اى حاجه من دى
عدى 6 شهور من جوازنا بدون ما ربنا يأذن بحمل
جيت فى فتره قولتلو تعالى نكشف ونطمن ع نفسنا ان محدش فينا عنده حاجه لاقدر الله
للعلم انا 19 سنه وهوا 22 سنه
المهم جينا روحنا لدكتورة نسا يوم 21/8 كشفت وقالت مفيش اى مانع للحمل
وكتبتلى فوليك اسيد قالت انو وارد يحصل حمل الدوره دى ف نبقا عاملين حسابنا لانو مفيش اى حاجه تمنع
والمفروض اننا هنستنى معاد البيريود الجايه علشان نحدد هنعمل اى
اذ بمعاد البيريود يعدى ومجتش . عملت تحليل دم والحمد لله كان ربنا اذن بحمل
روحت اتابع مع الدكتوره قالت ان معاد الحمل كان يوم 20/8 دا قبل مانروح للدكتوره واخد اى ادويه (الادويه كان فيها منشط)
المهم الحمد لله ربنا كرمنا بس جيت فى الشهر التانى وبقيت برجع بصفه مستمره مش اقل من 4 مرات فى اليوم
وقعدت مايقارب شهر مباكلش نهائى ولا حتى بشرب مايه باخد محاليل وادويه بس ومبقومش من مكانى ونوم ما يقارب ال 20 ساعه وهكذا لدجة خسرت كتير من وزنى بشكل ملحوظ وشبه ادمرت
طبعاً فى الفتره دى كنت مقصره فى حق البيت وحق جوزى طبعاً لدجة انو بقا يقولى انا مش حاسس انى متجوز
وحصل بينا مشاكل كتير بسبب البيت ونضافته وكل دا
كنت بكلم اختى تيجى تعمل شغل البيت ولكن مش زى ما انا بعمل لأن هيا اصغر منى
المهم حصل بينى انا وهوا جفا فى الفتره دى لدرجة انو كان عايز يتجوز
ويتخانق معايا ويقولى الموضوع زاد عن حده وانتى بقيتى مبسوطه بالقعده وكلام من هذا القبيل انى بقيت بسوق فيها
جيت من اسبوعين عرفت انو كلم حبيبته القديمه اللى كان بيحبها قبل منى
وقعدو يتكلمو اسبوع وانا معاه فى نفس البيت ولكن بين ايدين اللى خلقنى
للعلم انا والدتى منفصله ومنعرفش عنها حاجه علشان كان مفروض تكون جمبى وقت زى دا
وانا كبيرة اخواتى ف انفرض عليا انى اكون لوحدى
المهم هوا غلط كام غلطه كدا وانا عرفتهم بالصدفه البحته
وهوا اعترف بكل حاجه وقال انتى كنتى مقصره معايا ومش حاسس انى متجوز اصلا ف راح يدور ع حد يسد لفراغ بتاعى
تخطيت الموضوع ومتكلمتش فيه تانى
وهوا قال انو لازم يستحمل معايا وكلام من دا وتعامله معايا نوعا ما بقا كويس
جيت بقالى اسبوع تقريبا الحمد لله وقف ولكن ظهرت اعراض تانيه زى دوخه ووجع ضهر بس فظيع جداً وعدم توازن و الخ...
فرجعت قصرت فى حق البيت تانى
جه النهارده قومت من نومى هخلص شغل البيت ...كان هوا عنده برد وانا اخدت منه ف مكسرلى جسمى
قالى متعمليش حاجه والبسى وروحى عند ابوكى
انا كنت من فتره لما بتعب جامد بروح عندنا اختى تراعينى او اخويا وهكذا لانه مش هيقدر يعمل دا ويسيب شغله
المهم قالى روحى عندكو وكان بيتكلم بطريقه مش كويسه وقلى انا مش طايقك وكمان قلى سيبى الفون انا ساحبه منك
لبست ومشيت متصلش ولا مره يطمن عليا
وكان عارف انى ماشيه تعبانه
المهم بعتله قولتلو انا مش لاقيه مبرر لطريقتك اللى اتعاملت بيها معايا قام انفجر فيا
وقال انتى مقصره وكذا وكذا ونفس الخناقات اللى فاتت وقال انا مكنتش عايز خلفه وانتى السبب فى كدا وعملتى من دماغك ودا قرارك المفروض تستحمليه مع انه الحمل حاصل قبل مانكشف بس هوا مش مقتنع ولا عاوز يصدق
المهم قال كلام كتير يوجع ويقهر
للعلم فى خناقه حصلت بينا قريب وقالى انتى بقيتى عايشه عاله عليا بتاكلى وتشربى وتنامى بس وطبعا الكلمه دى لسه بترن فى ودنى من ساعتها
المهم قعد يقول كلام كتير وانى سبب كل دا وانو على اخره وهكذا
وكل ما اكلمه يقول اللى عايزه تعمليه اعمليه
دلوقتى انا تعبت وحاسه بقهره وكسره جامده
انا ساعات مبنامش الليل وافضل اعيط من الوجع اللى جوايا وهوا مش دريان ومهما اشرحله مش مستوعب ولا فاهم دا وشايف انى مفيش واحده فى الكوكب حملت وحصلها كدا
وبيقولى خليكى عند اهلك لحد ماتخفى وتبقى كويسه
وانا بصراحه شايله كمية ضغوط مش طبيعيه بسببه ووصلنى لدرجة كرهت نفسى وكرهت الحمل استغفر الله العظيم
وحاسه بكمية قهر مش طبيعيه وهوا مش مقدر
ولو فضلت عند اهلى هيروح يكلم البنت تانى يا اما هيتجوز يا اما اى حاجه
وانا مينفعش احكى ولا اشتكى لأي حد علشان الوضع حساس خصوصاً انى وقفت قدام الكل علشان اتجوزه
دا غير خوفى من الولاده واللى بعد الولاده والامومه نفسها ...فى كمية ضغوط مش طبيعيه
ومش عارفه اعمل اى وتايهه بطريقه بشعه
اسفه ع الاطاله بس مفيش اى حد اقدر اتكلم معاه واطلع النار اللى جوايا
وعليكم السلام ورحمة الله وبركاته. أولاً، أنا آسفة جداً لكل اللي بتمرّي بيه. الحمل مش سهل أبداً، وأعراض الغثيان الشديد والإرهاق والخسارة السريعة في الوزن دي مش "كسل" زي ما بيحس زوجك، دي حالة طبية حقيقية بتحتاج رعاية وصبر. ربنا كرمك بالحمل وهو رزق، لكن الطريقة اللي بتتعاملي بيها معاه دلوقتي صعبة جداً، ومش عيب إنك تكوني محتاجة مساعدة. المشكلة الزوجية اللي بتواجهيها دلوقتي لها جذور واضحة: زوجك بيحس بالفراغ والإهمال، وده خلّاه يرجع يتواصل مع حبيبته القديمة، وكمان بيحملك المسؤولية كاملة عن الحمل رغم إنه حصل طبيعي. الكلام اللي قاله زي "عالة" أو "مش حاسس إني متجوز" كلام جارح ومؤذي، ومش من حق أي زوج يقوله لزوجته وهي في أضعف حالاتها. في الإسلام الزوج مكلّف بالقوامة والرعاية، خاصة في فترة الحمل والنفاس، والصبر على زوجته في الشدة من أعظم الأعمال. خطوات عملية دلوقتي: ركزي على صحتك أولاً. الدوخة ووجع الظهر والإرهاق الشديد دول إشارات إن جسمك محتاج متابعة طبية فورية، لأن استمرار الجفاف والنقص الغذائي بيأثر على الجنين. لو قدرتِ تروحي للدكتورة تاني وتوضحي لها شدة الأعراض، هتقدر تساعدك بأدوية أو محاليل أقوى. لما تكوني قادرة على الكلام بهدوء (مش وأنتِ في قمة الضغط)، قولي له بصراحة: "أنا مش مقصرة عن قصد، أنا مريضة ومحتاجة دعمك مش لومك". استخدمي "أنا" بدل "أنت" عشان الكلام ما يتحولش لخناقة. حاولي تعملي أبسط الأشياء اللي تقدري عليها في البيت حتى لو يومياً حاجة صغيرة، عشان يحس إن فيه جهد. ولو مش قادرة، خلّيه يشوف بنفسه إن الوضع مؤقت. ادعي كتير. الدعاء في الحمل والضيق له أثر كبير، واطلبي من الله يصلح قلب زوجك وييسر أمرك. كمان اقرئي سورة البقرة يومياً لو قدرتِ. الفترة دي هتعدي إن شاء الله، والحمل مش هيبقى كده طول الوقت. أنتِ دلوقتي بتحملي ضغط نفسي وجسدي كبير لوحدك، وده بيخلّيكِ تكرهي نفسك والحمل، وده شعور طبيعي في الظروف دي لكنه محتاج يتدارك عشان ما يأثرش على صحتك النفسية بعد الولادة. أنتِ مش لوحدك، وربنا معاكِ. خدي خطوة بخطوة، وركزي على اللي تقدري تتحكمي فيه دلوقتي. لو عايزة تتكلمي أكتر أنا هنا.
تم النشر الخميس، ٢٩ أكتوبر ٢٠٢٦
لعرض السؤال في فدني اضغط هنا