السلام عليكم ورحمة الله وبركاته
عايزه احكي حاجه غريبه شويه دلوقتي انا الحمدلله ف اولي جامعه بقالي فتره ظروفي الماديه مش احسن حال حاولت أدور على شغل بس معرفتش دائماً بحس بخانقه و زهق عمري محبيت حد و كان ليا او بمعني اصح حبيته بيني وي بين نفسي و بدعي بيه بعدين بعرف انه مش مناسب ليا دلوقتي انا عمري ١٩ سنه و مصريه ليا امور بطلبها من ربي و نفسي انها تتحق نفسي اتجوز واحد سعودي ونفسي احج نفسي فتيسير اموري هل ف ذكر معين انا واثقه ف الله و عندي يقين كبير ان ربنا هيكرمني دايما بسمع عن طي السنين انا بجد شوفت فحياتي حاجه كتيره ايوي و عشمانه ف ربنا والعوض بس حاسه بضيق اعمل اي!؟
السلام عليكم، أولا ربنا ييسر لك كل امورك ويرزقك من واسع فضله. هو أكتر من العشم أو التعلق بشيء متعرفيش فيه الخير ولا لأ إنك تدعي ربنا بيقين وتسلمي له أمرك إنه يكتب لك اللي فيه الخير ويرزقك الزوج الصالح والذرية الصالحة. **** حابة بس أنصحك بكم حاجة، ** الشغل مش سهل وأكيد إنك تلاقي فرص مناسبة سهل، بس برضه الموضوع مش مستحيل لو اشتغلت على نفسك وطورت مهارة تشتغلي بها وتحققي استقلال مادي مش يحوجك لحد. جربت تشوفي موضوع العمل الحر أو على الإنترنت؟ *** بلاش تعتمدي على فكرة الزوج اللي هيخرجك من وضع مش عاجبك لأن ده هيخليك اولا تتسرعي وتاخدي قرارات غلط تندمي عليها وثانيا هتفضلي عايشة طول عمرك معتمدة على حد وده هيضرك أكتر حاجة ولو افتقدت وجود الحد ده ممكن تتكسري أو تحسي العالم انتهى بالنسبة لك. ** أنت لسه صغيرة، اشتغلي على نفسك وشخصيتك واتعلمي حاجات تنفعك ووقت ما ربنا يأذن هتعرفي تختاري الشخص الصح. *** بالنسبة لموضوع سعودي ده فأنصحك تفكري كويس قبل ما تاخدي خطوة زي دي. لو سبب اختيارك للجنسية دي تحديدا هو أزمتك المادية وإنه في نظرك "الثري العربي" اللي هينتشلك من اللي أنت فيه فده هيكون أكبر خطأ بترتكبيه في حق نفسك. ده غير أصلا إن قطاع كبير هناك بينظر للمصرية على إنها أقل وممكن تبقي زوجة تانية ولا حتى رابعة أو حتى تكوني في مكانة خادمة أو يتبص لك على إنك بتجري ورا فلوسه ( ده من تجارب مصريات كتير للأسف). *** كل جنسية أكيد فيها الحلو والوحش لكن الزواج قرار مصيري ميتاخدش بتهور ولا للأسباب الخطأ خاصة لو بتفكري في الزواج من جنسية تانية بعادات وتقاليد مختلفة ومجتمع تاني خالص ومتعرفيش هتقابلي الحلو منهم ولا الوحش والعنصري. *** بالنسبة للرزق والزواج، أكثري من الاستغفار، اعملي ورد استغفار يومي وزودي منه، وكمان اقرئي سورة البقرة يوميا. "فقلت استغفروا ربكم إنه كان غفارا يرسل عليكم السماء مدرارا ويمددكم بأموال وبنين" ده كله تعمليه بنية التوفيق والبركة في حياتك ومتمشيش بمبدأ الاختبار، احنا مش بنختبر ربنا. يعني متعمليش الحاجة الفلانية بتجربي ربنا هيساعدك بها ولا لأ. أنت بتذكري وتدعي بيقين وتسلمي أمورك كلها لربنا عشان هو وحده عارف الخير فين. وربنا يوفقك وييسر أمورك كلها.💚💚
تم النشر السبت، ١٧ أكتوبر ٢٠٢٦
وعليكم السلام ورحمة الله وبركاته. يا أختي، أفهم تمامًا الضيق اللي بتحسه والرغبة القوية في تيسير الأمور، خاصة مع الظروف المادية والرغبة في الزواج والحج. هذا الشعور طبيعي في سنك، وثقتك بالله ويقينك به أمر جميل يستحق الاستمرار فيه. للتيسير، ركز على الأذكار المأثورة مثل: «اللهم لا سهل إلا ما جعلته سهلاً، وأنت تجعل الحزن إذا شئت سهلاً»، و«رب اشرح لي صدري ويسر لي أمري». كذلك أكثر من الاستغفار والصلاة على النبي ﷺ، فهما من أعظم أسباب تفريج الكرب. وادعُ الله بما تريد بصدق، مثل: «اللهم يسر لي الزواج الحلال وأعني على طلب الرزق الحلال وأكرمني بالحج». عمليًا، استمر في البحث عن فرص عمل مناسبة لظروفك الدراسية، حتى لو بدأت بأعمال بسيطة، فالرزق يأتي مع السعي. ركز على دراستك لأنها بوابة لتحسين وضعك المادي مستقبلاً، وكن صبورًا على الزواج فهو رزق يأتي في وقته المناسب إن شاء الله. استمر في الدعاء والعمل، وستجد الأمور تتيسر بإذن الله. يمكنك البحث عن أسئلة مشابهة على فدني للحصول على آراء إضافية.
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا