انا عندي مشاكل نفسيه كتير ولكن اكبر مشكله مقابلاني اني اه اجتماعيه جداا ولكن بخاف ومش بعرف اتعامل مع راجل مش بحب اسمع صوتهم في الفون ببقى خايفه لما بتعرف على اي حد من اي مكان ببقى خايفه اقول اسمي أو اي حاجه عن حياتي عندي فكرة الاسم والصورة خط احمر مش قادرة ادي فرصه لي حد أبدا يقرب مني
بقيت اخش برنامج تعارف عشان اتعرف على حد واكسر الخوف الي جوايه بحس اني بقابل ناس كويسه واني كد خايفه اني اقول اي حاجه عني واكيد بيبقى عايز يشوف صورتي برفض ويبقي مديقه وش عارفه اعمل ايه بجد تعبت
وانا اصلا حاسة اني مش عايزه اي راجل يقرب مني وفي نفس الوقت عايزه ارتبط عندي 20 سنه ولكن عندي امكانيه اني اقدر استقر واكون اسره عادي يعني ولكن مش عارفه اتعامل ازي مع الخوف ده وتعبت
السلام عليكم، بلاش تعالجي مشكلة بخطأ أو مشكلة أكبر. ثم أنتِ ليه حولتِها أصلا لمشكلة كبيرة وعقدة جواكِ؟ الصح أصلا إنك متثقيش في حد من اللي على مواقع التعارف دي ولا تطمئني لأي شخص يتواصل معك أونلاين ولا تعطي صورك أو معلومات شخصية عنك لأي حد. مسمعتيش خالص عن البنات اللي حصل معهم مشاكل وكوارث بسبب ده؟ مفيش بنت بعتت صور حتى لو عادية ومحترمة وتهددت بها قبل كده؟ **** مش عارفة إذا كنتِ مسلمة ولا لأ، بس التعارف بغرض الزواج له طريق معين صحيح فيه الحماية لكِ كبنت، وحتى لو مش مسلمة، فالتعارف أونلاين واستخدام البرامج دي غالبا ما بيجي من وراه أذى كبير للبنت، وكتير من المتواجدين عليه من الذكور أصلا بيكونوا بيتسلوا ومش صادقين أصلا، وفيه منهم بيكون متزوج أو مرتبط بواحدة وعادي بيعمل حساب وبيدخل يضحك على بنات الناس، فليه تعرضي نفسك لحاجة زي كده؟ **** لو عندك رهاب من التعامل مع الرجال أو الناس في حياتك الواقعية، تمام ممكن تشوفي حل وتتابعي مع مختصة عشان الموضوع ده خاصة لو هيقف في طريق تواصلك مع أي شخص يتقدم لخطبتك ويؤثر على قرار زواجك. لكن لو مقتصر على خوفك من التعامل أونلاين وإنك تتعرفي وتتصاحبي أو تبعتي صور والجو ده فمتغيريش حاجة واحمي نفسك من المسار ده وأضراره. *** اللي عاوز يرتبط ويعمل أسرة مش هتلاقيه على تطبيقات التعارف حتى وإن كان فيه حالات نادرة جدا فبلاش تعرضي نفسك لخطر على أمل تكوني من الحالات النادرة جدا دي. *** جربي تتفاعلي أكتر مع الناس في محيطك، شبكة العلاقات هي اللي بتزود فرص التعارف والارتباط الجاد، لكن طبعا خليكِ حدودية في التعامل مع الرجال والتزمي بحدود الاختلاط مع الجنس الآخر عشان تتجنبي مشاكل التعلق وتلاعب الشباب وخداعهم، وادعي ربنا دايما يرزقك الشخص اللي يستحقك ويقدرك ويعرف الطريق الصح عشان يوصل لك. بالتوفيق.💚
تم النشر الاثنين، ٥ أكتوبر ٢٠٢٦
لو قربتي من ربنا مشاكلك بشكل عام كلها هتتحل واستايل حياتك كله هيستقيم، تخيلي واحد مثلا بثقافة الفولانية ايا كانت ايه وقد ايه بيقولوا انها متقدمة، وثقافة دينا ، مين حياته مستقيمة ودينه حميه اساسا من حاجات كتير غيره وقاع فيها وهوا اصلا مش مدرك اساسا
تم النشر الاثنين، ٥ أكتوبر ٢٠٢٦
الطريقة بتاعت التعارف غلط اصلا ،واصلا مش هتلاقي الناس هناك كويسة إلا من رحم ربي يعني، يعني مستحيل تتخيلي حد كويس بيروح التعارف وكلام ده او يطلب صورة بنت اساسا، وبعدين الارتباط الي متعارف عليه دلوقتي اصلا حرام الي مفيهوش الضوابط، لازم تقربي من ربنا بانك تتفاعلي وتتصالحي مع الصالحين والصالحات وهم كثر في المساجد وفي اكاديميات القرآن وحتى اونلاين،
تم النشر الاثنين، ٥ أكتوبر ٢٠٢٦
لعرض السؤال في فدني اضغط هنا