أنا جوايا صراع مش عارفة اعمل ايه
انا بشتغل الصبح شغل حكومي وبروح البيت عادي حاليا باخد دبلومه وبعد احاول اذاكر بس مش ملتزم قوي بس مؤخرا بقى يحصل مشاكل في البيت فانا بفكر انسى الشغل بعد الظهر لمجرد بس ان انا اهرب من البيت ومشاكله مع ان انا عندي امكانيه ان انا اقعد في البيت وابقى مرتاحه واظبط دنيتي لكن وجود حد من افراد العيله هو اللي مسبب لي المشكله دي لانه طول الوقت قاعد وطول الوقت بياثر على الوالده فانا عندي امكانيه ان انا اشتغل عادي بعد الظهر بس بقعد افكر انا لو طلعت من الساعه 8:00 الصبح ما رجعتش غير مثلا الساعه 10:00 بالليل كده انا هكون سايبه والدتي لوحدها ومش هكون ببرها او اكون بشوفها كثير وهي هتبقى قاعده لوحدها بالاخص ان اخواتي الاثنين تزوجوا واخويا اللي هو في البيت ده اللي بيعمل مشاكل قاعد ما بيقعدش معاها طول اليوم ولو قعد بيزهق فانا مش عارفه اعمل ايه وكمان هي طول ما هي انا قاعده قدامها انا مش عارفه ليه بتحاول طول الوقت تستفزني او تعمل مشاكل معايا مع اني مش بعمل لها اي حاجه وكمان احنا كنا ثلاث بنات وحاليا اخواتي الاتنين اتجوزوا ورا بعض ابقى شغل البيت كله عليا غير ان والدتي واخويا مش بيعملوا اي حاجه في البيت والدتي اخرها ممكن تعمل الاكل لكن بقت الحاجات انا اللي بعملها وهم مش بيشيلوا اي حاجه وراهم ففي لود كبير عليا في شغل البيت فهي لو لقيتني مقصره في اي حاجه ممكن تتكلم او تقول او تعمل ولو ما عملتش او انشغلت في مذاكره ليه او كده ممكن تلاقيها عملت معي مشكله فانا بفكر انزل الشغل وحتى لما كنت بنزل كنت بنزل باور تايم ثلاث ايام فحاليا مش عارفه وبفكر انزل كل يوم بس انا جسديا مرهقه وعايزه افضل قاعده في البيت مش عايزه انزل شغل بعد الظهر فمش عارفه اعمل ايه

بصي يا بنت الناس حقك تحسي انك مضغوطة وجسمك تعبان من كتر الشيل واللي فوق طاقتك بس الحل مش في انك تهربي شغل بعد الضهر وتطحني نفسك بزيادة وانتي اصلا مرهقة ومحتاجة ترتاحي ومامتك كمان محتاجة وجودك وحنيتك عشان متبقاش لوحدها مع اخوكي اللي مزعلها وبيعمل مشاكل فخليكي في البيت بس خدي الموضوع بهدوء ومن غير ما تحملي نفسك فوق طاقتك وقسمي شغل البيت على قد قدرتك واللي يتعمل يتعمل واللي يتأجل يتأجل ومامتك لما بتتكلم او بتستفزك ده غالبا من ضغطها هي وعصبيتها مش منك فعديها واعملي اللي يريح ضميرك مع ربنا ومعاها وحطي حدود لخوكي بالذوق ومن غير خناق وركزي في دبلومتك وصحتك وراحتك لانك لو هديتي نفسك مش هتعرفي تفيدي حد ولا تفيدي نفسك وجد والله ربنا يحفظك ويوفقك لما يحب ويرضى
تم النشر الجمعة، ٢٠ نوفمبر ٢٠٢٦
أنا فاهمة تمامًا الصراع اللي جواكِ، وهو صراع طبيعي جدًا لأنكِ بتحاولي توازني بين مسؤولياتك تجاه والدتك وبيتك، وبين راحتك النفسية والجسدية ودراستك. الموقف معقد لأن فيه ضغط من الداخل (الأخ اللي بيسبب مشاكل) وضغط من الخارج (شغل البيت كله واقع عليكِ)، وده بيخلّيكِ تحسّي إن أي قرار هتاخديه هيأثر على حد. خلينا نفكر مع بعض بطريقة عملية: لو نزلتِ الشغل بعد الظهر كل يوم، هتكوني فعلاً بتهربي من التوتر اليومي، وده ممكن يريحكِ نفسيًا لفترة، وكمان هيبعدكِ عن الاستفزاز المستمر. لكن في نفس الوقت، هتكوني مرهقة جسديًا أكتر، وهيأثر على مذاكرتكِ وطاقتكِ، وهتحسّي بالذنب تجاه والدتكِ. أما لو قعدتِ في البيت، هتقدري تنظمي وقتكِ وتذاكري، لكن هتفضلي عرضة للمشاكل اليومية والضغط النفسي اللي بيخلّيكِ مش قادرة تركزي. من منظور إسلامي، بر الوالدة مهم جدًا، لكن مش معناه إنكِ تضحي بنفسكِ تمامًا لحد ما تتعبي. ربنا ما كلّف نفسًا إلا وسعها، وأنتِ محتاجة تحافظي على صحتكِ عشان تقدري تكوني سند حقيقي لها على المدى الطويل. جربي تفكري في حل وسط: نزّلي الشغل يومين أو ثلاثة في الأسبوع بس (مش كل يوم)، واستغلي الأيام التانية في البيت للمذاكرة وتنظيم الشغل. كمان حاولي تتكلمي مع والدتكِ بهدوء في وقت مناسب، وتوضحي لها إنكِ محتاجة مساحة عشان تقدري تساعديها أحسن، ولو ما نفعش، ركزي على إنكِ تعملي اللي عليكِ بدون ما تدخلي في خلافات. في النهاية، القرار يرجع لكِ حسب طاقتكِ الحالية. لو جسمكِ فعلاً مرهق، ابدئي بتقليل أيام الشغل وشوفي النتيجة بعد أسبوعين. ولو عايزة تتكلمي أكتر عن الطريقة اللي تقدري تتعاملي بيها مع الضغط ده، أنا هنا. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢٠ نوفمبر ٢٠٢٦
لعرض السؤال في فدني اضغط هنا