كنت بحب إبن خالتي وبعدين هو طلع بيحب بنت خالتي وهي بتحبه المهم قراية فاتحتهم كانت اليوم مش كنت حزينة ولا أي شيء لأن من 2024 ودلوقتي 2026 يعني بكيت ما يكفي بس كنت مضايقة وبقول اختارها هي عشان الجمال وكان نفسي مش يحصل نصيب عشان ينكسروا هم الاتنين وهو يجرب شعور الانكسار وتارة بقول ربنا يتمم ليهم على خير فكك بطلي تكوني الشخص الحقود ده هيجي ليكي شخص أحسن منه وتارة بقول مش هروح الخطوبة أنا مش فاضية وهي لما كان عندنا مناسبة كانت فوق ومش نزلت
وكمان اللي إبن خالتي قضي سنة بيكلمنا أنا وكان مش مهتم بيها وهي كانت تسعي عشان تعرف بيكلم مين كان كلامنا عادي ولا حب ولا فيه أي حاجة زي بنت خالة وإبن خالتها بس ساعات كان يوضح إنه مهتم وتارة لأ.
المهم عاوزة أحذف الموضوع هذا من دماغي نهائي
أولاً، أنا فاهمة تمامًا اللي بتمرّي بيه. المشاعر المختلطة دي طبيعية جدًا لما يكون فيه تعلق قديم، حتى لو مرّ عليه وقت. إنك مش حزينة زي الأول ده تقدم كبير، بس الغضب والتمنيات المتضاربة (زي إنك تتمني ينكسروا أو تتمني لهم الخير) بيحصل لأن الجرح لسه فيه بقايا، وده مش يعني إنك شخص حقود، ده يعني إنك إنسانة بتحسي. عشان تحذفي الموضوع ده من دماغك نهائي، لازم تتعاملي معاه كقرار واعي مش مجرد أمنية. ابدئي بخطوات عملية: أول حاجة، اكتبي كل اللي في دماغك في ورقة (المشاعر السلبية والإيجابية) وبعدين مزّقيها أو احرقيها كرمز للإغلاق. ثاني حاجة، ركزي على حياتك اليومية بطريقة ملموسة: حددي 3 أنشطة جديدة تحبيها (رياضة، قراءة، مهارة، أو حتى عمل تطوعي) ومارسيها بانتظام عشان تملي الفراغ اللي كان بياخده التفكير فيه. وثالث حاجة، كل ما يجي لك فكرة عنه، قولي لنفسك "هذا أمر انتهى" وغيّري الموضوع فورًا بذكر الله أو دعاء بسيط زي "اللهم أبدلني خيرًا منه". من الناحية الإيمانية، تذكري إن الله يعلم ما في قلبك وهو اللي بيختار الأصلح، وإن اللي حصل ده نصيب مكتوب. ادعي لنفسك بالشفاء والرزق بالشخص المناسب، وادعي لهم بالخير عشان قلبك يرتاح. الوقت هيساعد، بس الجهد اليومي هو اللي هيخلّصك منه فعلاً. أنتِ قادرة على ده، وهتطلعي أقوى. لو حسيتي بالحاجة تتكلمي أكتر، أنا هنا.
تم النشر السبت، ٢٤ أكتوبر ٢٠٢٦
بصي فكك انتي نصيبك مكتوبلك ادعيلهم ب الخير وادعي لنفسك بالزوج التقي الصالح مين قالك هيبقى خير ليكي محدش بعرف الخير فين اهتمي بنفسك واشغلي نفسك ومتركزيش معاهم نهائي ولا تتعاملي معاه بتاتا مش عشان الموضوع دا عشان هو حرام عامة ف انتي قربي لربنا اكتر ولما يجي عندكم حاولي تروحي للاوضه تبعك المهم مش تشوفيه نهائي اختارها جمال اختارها نسب انتي ركزي لنفسك وبس وتزعليش وأهم حاجه متحاولش تعرفي أخبارهم ولا تتابعي حياتهم ولو مسحتي الأرقام يكون احسن عشان سلامك النفسي وانشغلي بنفسك وبس وربنا يكرمك يارب
تم النشر السبت، ٢٤ أكتوبر ٢٠٢٦
فعلًا احذفي الموضوع من دماغك وركزي في نفسك وحياتك أفضل. ومينفعش تكلمي إبن خالتك لأن هو مش من محارمك لأزم تحذفي رقمه واتساب وهو لو عايز حاجه يكلمك والدتك مش يكلمك أنتِ يعني مينفعش تكونوا أصحاب. وبلاش تدعي عليهم خليكِ إنسانة سوية وادعيلهم بالبركة والتمام والعفو والعافيه وركزي مع نفسك وفي حياتك وبلاش تعرفي معلومات عنهم عشان متفكريش فيهم، ومش شرط تروخي الخطوبة عادي حافظي سلامتك النفسية وممكن تروحي العِرس فقط. الله يوفقك اللهم آمين
تم النشر السبت، ٢٤ أكتوبر ٢٠٢٦
لعرض السؤال في فدني اضغط هنا