أرجو من حد يفدني لان موضوع مهم اوي بالنسبه ليا ويارب يسامحني لو غلطت بس بجد من خوفي والله بداية الموضوع باختصار ان عمي الله يرحمه اتوفى كنت لسه طفله عندي ١١ سنه ليلة وفاته نده عليا بالخصوص لاني كنت قريبه منه وبحبه اوي الله يرحمه وكنت ليلتها قاعده معاه أصلا بحاول ادفي ايده الي كانت متلجه واقفلها وادعي في سري وكنت كل شويه اطلع اقول لماما واحكي ليها وانا برتعش تعالي الحقي عمو بسرعه ايده سقعانه اوي عمري ما هنسى الليله دي في حياتي المهم هو نده عليا ووصاني على بنته الوحيده كانت اصغر مني بحوالي خمس سنين قالي خلي بالك منها اقسم بالله ماعرفش ليه بس هو وصاني على بنته من يومها وانا بطلت اتشاقا معاها لاننا كنا علطول زي القط والفار وبقيت بتجنب اني ازعلها ماكنتش لسه فاهمه بس الي حصل ان للأسف بعد وفاة عمي بسنتين مرات عمي خدت بنتها ومشت راحت عند دار ابوها وهي من يومها وهي كبرت واتربت هناك جرت الايام وعدت واهلي أعمامي وابويا هم المسؤولين عن كل مصاريفها وعنها وكنا بنشوف بعض في مناسبات أعياد من السنه للسنه كدا واهلي كانوا متفقين مع مرات عمي انها لما تتم سن معين هتيجي تعيش هنا وسط اهلها وتستقر في بيت أبوها وحصل والحمدلله جم بداية سنة ٢٠٢٦ هم ساكنين معانا في نفس البيت كنت بحاول أتقرب منها وكنت بنزل اتكلم معاها وكدا ولكن هي مش بتبادر أبدا فبقيت بقلل نزولي لان حسيت إنها مش واخده علينا لسه او مش عارفه المهم بقيت بلاحظ عليها حاجات غريبه زي عماتي لما يجو يفضلوا ينادوا عليها عشان يقعدوا معاها ماكنتش بترضى تطلع مامتها تطلع عادي وتقعد معانا ولكن هي تقعد تقول حاضر طالعه ومش بتطلع لاحظت عليها بتحب تقعد ع الفون كتير عارفه ان دا بقا حال الاجيال دي كلها ولكن مهما كان احنا عيلتها خصوصا إن الحمدلله ماحدش فينا وحش فيها من أعمامي ولا عماتي قولت يمكن عشان متربية بعيد فمش واخده علينا لسه عدت شهور والدراسه بدات هي دخلت ثانوي تجاري قالت ل مامتها هتروح هي تقدم بنفسها مع العلم هي لسه ماتعرفش حاجه عندنا في البلد بس قررت تروح مع واحده صاحبتها ماعرفش برضو عرفتها منين في الفتره دي وراحت وقدمت ولما عمي عرف اتصل علينا وزعق لينا اننا ازاي خلينها تروح لوحدها وكدا وللعلم احنا لوحدنا بان بابا مسافر أنا وأخواتي الصغيرين وماما وبس حكينا ليه الي حصل ومرات عمي برضو حكت ليه الي حصل وهو زعق لبنت عمي لانها خرجت من غير اذنه لان دا عيب عندنا في العيله ومش عارفه قالها إيه لانها بعد ما قفل معاها فضلت تعيط وحبست نفسها سبت ماما وعمتو يتكلموا سوا وقولت ليهم سيبوها ليا روحت ليها اخبط عليها باب الحمام واقولها إطلعي عشان خاطري مافيش حد هنا أهو هتكلم معاكي شويه حرام تعيطي في الحمام اخرجي عيطي برا طيب المهم رضت الحمدلله وخرجت قعدت اتكلم معاها ربنا يهديها اتكلمت معاها وكدا ولكن لاحظت انها كررت كذا مره قدامي ان عمي قالها لو عملتي كدا تاني هاخد تلفونك هو معقول ياخد تلفوني عادتها كذا مره قولت ليها بس هو خايف عليكي هنا نظام البيت غير مافيش حاجه إسمها اخرج مع صاحبتي طالما اهلي مايعرفوش مافيش حاجه إسمها اخرج باليل ولا الكلام دا وبعدين عارفه أنا بعدت عن صحابي كلهم لان كل ما تكبري كل ما هتعرفي ان مافيش حاجه إسمها صحاب صحاب هم الناس الي بتحبك بجد غير كدا مافيش وبكرا تعرفي قصدي انت لسه صغيره وهتمري بكل الكلام دا حتى انا بتعلم بس لقيت ان بجد طول ما انت مع ربنا و بنفسك أحسن مليون مره من مية حد جنبك بالاسم بس هم ممكن يكونوا مش شبهنا لو عاوزة تصاحبي إختاري صاحب كويس يكون يعرف ربنا يكون شبهك بجد مش حد يحاول يغيرك للوحش المهم كلمتها وهي هدت الحمدلله وبعدها عدا كام شهر وانا قللت نزول خالص لان بمر بفتره صعبه شويه الحمدلله على كل حال ومن كام يوم نزلت بالصدفه اودي حاجه ليهم ومرات عمي طلبت اني اجي أقعد معاها شويه دخلت فعلا لان لقيت عيب عليا واني مقصره في حقهم كانت بنت عمي مش هنا فضلت قاعده اتكلم معاها شويه حلوين وهي حكت ليا ان بنت عمي مش بتروح المدرسه لان المدرسين هناك بيشتموا الفاظ خارجه ومافيش دراسه وقالت انها بتروح دروس بس وكمان مش بتاخد شنطتها ولا بتكتب اي شئ استغربت ان ازاي المدرسه بيحصل فيها كدا المهم قررت في نفسي لو ربنا ارد في يوم وانا نزله ابقا اعدي واسال على الموضوع دا ، وانا قاعده حصل موقف خلاني اشك مرات عمي ياعيني كانت بتقولي ان بنتها جايبه كريم حلو اوي بيودي الحبوب في الوش وبيفتح كمان كانت بتنصحنى يعني لان عندي مشكله بس خفيفه الحمدلله ومتابعه اساسا مع دكتوره المهم لقيتها بتقولي استني اوريه ليكي راحت جابته فعلا ولقيته foundation اتصدمت ان هي بتضحك ع امها وصعبت عليا وقتها ومرضتش اقول حاجه ولا أعرفها ان دا مش بيعالج الحبوب ولا حاجه وطلعت يومها وانا زعلانه من بنت عمي لانها بتستغل مامتها انها مش بتعرف تقرأ حاجه بالشكل دا عدا كام يوم وكان عندي مشوار نزلت أنا وماما وعدينا الأول ع المدرسه سألنا بعض الطلاب وكلهم اجمعوا ان الدراسة شغاله وان هم بيحضروا كلهم وفتحوا شنطهم خرجوا كشاكيل وكلهم كاتبين واصلا المنهح قرب يخلصو نصه عرفنا منهم ان مافيش مدرس فرنساوي لسه وعرفنا ان الدروس بتكون بعد المدرسه وبتكون جواها كمان مافيش اي دروس برا روحنا مكتب المديره وسألنا قالوا نفس الكلام وكمان الي بيغيب كتير بيتفصل من المدرسه ومواعيد الدراسه وكل حاجه عرفنها وكشف الغياب واقسم بالله الناس كانوا ذوق ومحترمين جدا معانا خرجنا مصدومين من كم الي عرفناه لان هي مش بتضحك على مامتها بس لا دي علينا كلنا مفهمه الكل انها بتاخد دروس في العماره الي في وش المدرسه مفهمه الكل ان الدروس الساعه ١٠ الصبح واوقات بتطلع في أوقات غريبه اصلا وبتاخد خمس مواد ومصاريف دراستها مش بسيط للعلم مفهمه الكل ان هم مش محتاجين حاجه يكتبوا فيها ومش لازم تاخد شنطه لان هي بتصور طب ما تكتبي الي بتصوريه مافيش اي شئ طبعا نظام لبسها ربنا يهديها فيه وبتحط ميكب ماعرفش ليه لانها اساسا جميله ماشاء الله ونفس استايل البنات الي بقينا نشوفها دلوقت ربنا يهدي الجميع ماعرفش هي بتروح فين ولا بتعمل ايه مدينها الثقه كلنا وحتى مره واحده صاحبتها رنت عليا بالغلط كان اسلوب كلامها غريب شكيت فيها بتتكلم بسهوكه ومياصه كدا مش زي الناس الطبيعيه يعني بلهجه بطيئه تحس حد نايم مش عارفه أخويا هو الي رد قالت ليه انت مامتها مع انه صوت أخويا تخين باين عليه مش صوت واحده ست مش فاهمه ايه دا فقالها لا مش امها واداني التلفون خدته وقولت ليها انت مين قالت انا صاحبة .... قولت ليها ومنين يا حبيبتي قالت المكان وكل شويه تقولي انت امها اخر مازهقت قولت ليها لا إستني هنزل التلفون ليها ونزلت عرفتها ان صاحبتها عاوزاها ودا كان نوقف من ضمن المواقف الكتير المهم بقا اقسم بالله اتصدمت فيها فضلت طول اليوم دا مخنوقه ومتنكد عليا مش عارفه اعمل ايه إيه الحل في الموضوع دا حاولت بس ماعرفتش كلمت اختي الكبيره حكيت ليها وهي اتصدمت هي كمان وكنت انا وهي وماما فضلنا طول الليل نفكر نعمل إيه خصوصا كنا خايفين انها تعمل حاجه في نفسها لو رد الفعل بقا جامد وكلنا اجمعنا ان قطع مصروف بس مش عارفين برضو عدا كام يوم وقررنا نحاول نلاقي حل خلالهم وبرضو لازم نتأكد تاني وتالت ونروح المدرسه ونتابع ولكن حصل كذا موقف بعدها خلوني لما كنت بكلم بابا اني للأسف اقوله يسأل ويطمن عليها في المدرسه لان لازم ولما سالني عن السبب للأسف غلطت وقولت كل الي حصل معانا في المدرسه لما روحنا هو كان رد فعله هادي الأول بعدها اتعصب اوي وفضل يزعق قولت ليه حاول تهدا يا بابا واسال عليها الاول ارجوك اطمن الاول تاني وتالت وحسيت اني غلطت اوي واني عملت مصيبه بس بجد كنت مرعوبه اليومين دول خلوا الافكار تودي وتجيب والشيطان لعب في دماغي الصراحه ربنا يسامحني وخوفت انها تفضل ع الوضع دا زياده وتضيع مستقبلها ودراستها خصوصا انها وصيه في رقبتنا كلنا هو كلم عمي وقعدوا يتكلموا مع بعض وهيروحوا المدرسه يشوفوا الوضع وكلمو مرات عمي وصلوا ليها ان هي لو مالتزمتش خلال الاسبوع دا واتظبطت هيقعدوها في البيت وتروح ع الامتحانات وفهمومها ان مافيش دروس خلاص وعرفوها ان من هنا ورايح هيكون كل الاخبار بتوصلهم اول بأول وهي حره بقا لو وصلهم حاحه تاني كل دا حصل النهارده أنا مرعوبه بجد مش عارفه أنا أكيد غلطت بس والله ماكناش عارفين نحل حاجه احنا في الاول والاخر بنات أخرنا نتكلم بس المسؤولين عننا هم دول وانا خايفه ان هي تضيع اكتر
أختي العزيزة، أولاً أحب أقولك إنك مش غلطانة، وإن اللي عملتيه كان بدافع الخوف والمسؤولية اللي حملها عمك على كتافك من وهي صغيرة. ربنا يرحمه ويجعلها في ميزان حسناته، وأنتِ فعلاً بتحاولي تحافظي على بنت عمك زي ما وصاكِ. الخوف اللي جواكِ طبيعي جدًا، خاصة إن الموضوع حساس وأنتِ شايفة إن مستقبلها ممكن يضيع، لكن اللي حصل دلوقتي إن الأهل تدخلوا بطريقة هادية نسبيًا (مراقبة ومتابعة المدرسة) وده أفضل من إن الموضوع يفضل مخفي. الخطوة الجاية دلوقتي لازم تكوني فيها داعمة لبنت عمك مش مجرد مراقبة. حاولي تبني ثقة بينكم بهدوء، بدون ما تحسيها إنك بتجسسي عليها. ممكن تبدئي بجلسات صغيرة لوحدها، تسأليها عن يومها بطريقة غير مباشرة، وتشاركيها بعض مشاكلك عشان تحس إنك قريبة منها مش سلطة. كمان، لو قدرتي تساعديها في الدراسة أو حتى تشجعيها على نشاط مفيد (زي قراءة أو هواية بسيطة) هيبقى أحسن من إنها تقضي وقتها لوحدها مع التليفون. تذكري إنها متربية بعيد، فالتغيير هيحتاج صبر ووقت. أما بالنسبة للمتابعة، خلي الأهل مستمرين في التواصل مع المدرسة بشكل منتظم، ولو لزم الأمر يروحوا يشوفوا الدروس الخصوصية بنفسهم. ولو استمرت في الكذب، ممكن يفكروا في تغيير المدرسة لو فيه خيار أفضل، أو يحددوا لها روتين يومي واضح مع مكافآت بسيطة لو التزمت. أنتِ مش مسؤولة لوحدك، لكن دورك كأخت أكبر ممكن يكون مؤثر جدًا لو ركزتي على الدعم العاطفي. ربنا يهديها ويصلح حالها، ويخفف عنك الهم ده. لو عايزة تتكلمي أكتر أو تحكي تفاصيل إضافية، أنا هنا. ولو حابة تشوفي آراء تانية، جربي تبحثي عن أسئلة مشابهة على فدني.
تم النشر السبت، ٧ نوفمبر ٢٠٢٦
لعرض السؤال في فدني اضغط هنا