كيف أتعامل مع قسوة الأب والمشاكل الأسرية المزمنة وهل مقاطعته لتجنب الأذى النفسي تُعد عقوقاً؟

Question

السلام عليكم انا عندي مشكله بصو انا هحكي كل حاجه مش هخبي اي جزء دلوقتي انا عندي ماما وبابا من صغرنا وهما دايما ع طول بيتخانقو انا عندي اخوات اكبر مني كنت دايما بسمعهم بيتكلموا على بابا وحش دا كل دا وانا صغيره بس انا ساعتها كنت متعلقه بيه كانت دايما خناقاتو هوا وماما وحشه اوي وما زالت مع مرور الوقت بابا دخل في حوارات السوشيال ميديا وبقى عنده فيس بوك وكان بيكلم بنات عليه وكان بينشر عليه حاجات مينفعش خالص انها تتنشر هو مش بيصلي خالص خالص خالص والله مش بيركعها غير في رمضان بس ماشي دي حاجه بينه وبين ربنا انا ماليش دعوه البوستات الي بينزلها دي حرفيا خطيب اختي سالها عليها وقالها اي الي باباكي بينزله دا + في مره كنت صاحيه بليل وشوفتو بيتفرج ع حاجات مش كويسه خالص من بعدها فعليا بقيت بخاف منو ومش بحبو يحط ايده عليا او اي حاجه دا كلو كوم واللي جاي كوم تاني دلوقتي هوا ع طول خناقات هوا وماما دايما بصوت عالي وبقيت بكرهه برضوا ومش بحب اكلمو لما بدأ يضربني ويضرب ماما وكذا مره الناس تيجي ع الصوت وهوا مافيش أي ذره إحراج انا بصراحه لما الناس جت ع آخر خناقه قولت عليه قدامهم دا مريض + كمان هوا ظروفه الماديه مش أحسن حاجه ولما كان معاه فلوس والظروف حلوه كان كل يوم ياكل في اغلى المطاعم ولا فكر مره يخرجنا ولا مره في حياتنا خرجنا او روحنا صيفنا او حتى عيشنا زي اقل الناس سيرتنا هاديه لا ع طول خناقات ولا حتى البيت الي عايشين فيه حلو مع ان في حل لو عملو هنعيش كويسين بس هوا الي مش عارف يعمل حاجه وكل حاجه بيعقدها انا حرفيا بالشكل دا أقل واحده ف اصحابي من ناحيه كل حاجه وبس انا بقى قلبي تقيل عليه اوي بقيت مش بحب أشوفه خالص او اسمع صوتو بقى تقيل على قلبي بشكل محدش في الدنيا يتخيلو هوا حاول كذا مره انه يحاول يكتسبني ولما لاحظ دا حاساه يعني بقا زعلان على كده بس انا اعمل اي انا عندي 16 سنه حقيقي مشوفتش منو أي حاجه غير الي حكيته دا هوا ايوا كتر خيره مش مقصر معايا في الدراسه بس فين الجو الهادي الي اقعد اذاكر فيه فين المكان اصلا الي اقعد اذاكر فيه فين النفسيه الي اقعد اذاكر بيها اصلا وهوا مش حاسس بأي حاجه حاجات كتيره بايظه في البيت هوا مصلحهاش وسايبنا نتصرف زي كل مره .. معلش عندي سؤال بقا بعيد عن كل دا انا مقاطعاه مش بكلمو خالص ولا حتى ببصلو هوا انا كده مرتكبه كبيره طب ولو أيوا اتوب ازاي انا مش عارفه اتعامل معاه والحب والكره دا بإيد ربنا

Accepted Answer

وعليكم السلام ورحمة الله. أولاً، أشكركِ على شجاعتكِ في مشاركة كل هذا التفصيل، فهذا يدل على قوتكِ الداخلية رغم الظروف الصعبة. أنتِ في سن 16 سنة، وما تصفينه من خلافات مستمرة، عنف جسدي، سلوكيات غير لائقة على السوشيال ميديا، وغياب الجو الهادئ في البيت، كل ذلك يُثقل القلب ويؤثر على نفسيتكِ ودراستكِ بشكل كبير. مشاعركِ بالثقل والكره المختلط بالحزن طبيعية تماماً في مثل هذه الحالات، ولا تُلامين عليها. بالنسبة لطريقة التعامل مع والدكِ، الإسلام يأمر ببر الوالدين واحترامهما، لكنه لا يأمر بتحمل الإيذاء أو العنف. يمكنكِ الحفاظ على مسافة آمنة دون قطع كامل، مثل الرد بأدب مختصر عند الضرورة، والدعاء له بالهداية دون الدخول في مواجهات. ركزي على حماية نفسكِ أولاً: حاولي إيجاد مكان هادئ للدراسة خارج المنزل إن أمكن، مثل مكتبة أو منزل قريب موثوق، واستمري في الصلاة والدعاء لتخفيف الضغط النفسي. إذا استمر العنف، فكري في التحدث مع شخص بالغ موثوق في العائلة أو مدرستكِ للحصول على دعم عملي، فسلامتكِ أولوية. أما عن سؤالكِ حول قطع الكلام وما إذا كان ذلك كبيرة، فالإسلام يحث على صلة الرحم، لكن في حالات الإيذاء المتكرر يجوز الابتعاد للحماية مع الحفاظ على الحد الأدنى من الاحترام. إذا شعرتِ بالذنب، فالتوبة تكون بالندم والدعاء والمحاولة في التعامل بلطف عند الإمكان دون تعريض نفسكِ للخطر. قلبكِ الثقيل دليل على إحساسكِ بالمسؤولية، ويمكنكِ تحويله إلى طاقة إيجابية بالتركيز على مستقبلكِ ودراستكِ. ابحثي عن أسئلة مشابهة على فدني للحصول على وجهات نظر إضافية، وتذكري أن الله معكِ ويُيسر الأمور.

كيف أتعامل مع قسوة الأب والمشاكل الأسرية المزمنة وهل مقاطعته لتجنب الأذى النفسي تُعد عقوقاً؟

تربوية

أهل

علاقات

دينية

سؤال من احد أعضاء فدني

تم النشر الاثنين، ٢ نوفمبر ٢٠٢٦

1 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك