جميع الأسئلة المتعلقة بقسم الفكر والفلسفة على فدني
هل هذا تعفن دماغ؟
بقالي كام يوم بمسك الفون ميقلش عن ١٠ ساعات كل يوم متواصل بعاني من تشتت
وبحس ان راسي فيها مشكله..
مش مصدعه
بس احساس غريب ف راسي
ودايما مدايقه ومزاجي مش كويس وبتعصب بسرعه.. مع العلم اني مش بسكرول ومش بسمع ريلز .. انا ممكن اتفرج على صوري.. او العب او اتكلم شات
.. ممكن اقتراح عشان حياتي تبقا احسن؟
لعرض السؤال في فدني اضغط هنا
سلام عليكم
انا عندي 20 سنة، وبحاول أطور من نفسي واعوض فترة المراهقه اللي ضيعتها في التفاهات، فتنصحني ب اي؟
لعرض السؤال في فدني اضغط هنا
كيف يحتضن الانسان نفسه ويصبح هو الداعم الاول والأخير لها بعد الله؟
لعرض السؤال في فدني اضغط هنا
هل ادعية الصدقات كلها مؤكدة استجابتها؟ سؤال بييجي في بالي أن انا لو عايزة حاجة وعمالة اصلي ليل ونهار وادعي ليل ونهار واستغل اوقات استجابة الدعاء وعملت صدقة بنية الموضوع اللي انا عايزاه، ماذا لو مستجبش؟ طب ومجهودي في كل دا؟ ربنا بيستجيب اكيد وبيسمع لعبده، بس على كل المجهود دا هل ممكن متستجابش لو مفيهاش خير؟
لعرض السؤال في فدني اضغط هنا
اختي لسا قايلالي انهاردة معلومة جميلة جداً جداً، اثرت فيا بشكل كبير أوي و حبيت اشركها معاكوا يمكن حد فينا كان ناقصة الحاجة دي مثلي.
الناس تلات انواع لما يجي لتلقي العلم و الفائدة للناس:
صحراء
بحيرة
أرض زراعية
الصحراء لما السماء تمطر و ترزقها بالخيرات و العلم لا ينبت عليها شئ، لا هيا بيبان عليها الخير ولا بتساعد غيرها بشكل ما بل للأسف بتضرهم.
--
أما البحيرة قطعة في الأرض لما السماء تمطر تحتفظ بالمياة و تساعد غيرها من خلال أنها تزودهم بالمياة الصالحة للشرب لكن مش بتساعد نفسها بأي شئ.
--
أما الأرض الزراعية لما الأرض تمطر بتستفيد بالمطر كويس بحيث انها تكبر الزرع و تحافظ على نفسها للمحصول القادم و مش كده وبس بتوفر أكل و ملبس للغير.
-------
المطر: هو المعرفة (المعرفة بكل انوعها مش حاجة معينه)
الكلام ده بقوله لنفسي قبلكوا، خلينا كلنا قبل ما نكون بننصح اللي قدمنا نكون بننصح نفسنا و بنفيد نفسنا زي ما بنفيد اللي قدمنا، بلاش نبقى صحراء جرداء مهما اتروت لا تزهر ولا تعطي شئ، و بلاش نبقى بحيرة بنفيد غيرنا و أحنا اللي محتاجين الإفادة، خلينا دائماً نحاول نبقى أرض زراعية تفيد نفسها و غيرها بالمطر.
وبس كالعادة أتمنى يكون في إفادة...
لعرض السؤال في فدني اضغط هنا
يا جماعه انا تالته ثانوى ولحد دلوقتي مبدأتش او بدأت حوالى تلات محاضرات او اربعه بالكتير وكل محاضراتى اونلاين ومش عارفه ابدا ازاى والتزم كل م قول خلاص أنا من انهردا هلم المتراكم هذاكر لو ذاكرت يوم اجى بعد كدا اقف مع انى عارفه انى عندى كذا وعندى كذا بس زى ما يكون تجاهل زى م بكون مش حاسه انى بضيع وقت المفروض امسك فيه بكل ثانيه زى م كنت قائلة والمفروض اعمل بس لا بقيت حتى مش عارفه انا المفروض ادخل كلية ايه او حتى اسعى لهدفى بقيت مش عارفه بعد إلى بيحصل بقول اشوف واعمل الى عليه واذاكر واسيب موضوع الكلية دا براحتو بس انا عايزة اسعى لهدف ومش عارفه
كل الى معايا وقريبتى وناس اعرفها كانو وموصلوش لكليتهم مش عايزة امسك فى حلمى الى عايزاه واقول عايزه اعمل عشانه وانا مش صامته انا هعمل ايه بقيت الى انا كنت بذاكر دايما ومش بسيب حاجه براحتها لا بقيت سايبه اهم حاجه حتى المذاكره بقيت الى هو عادى هذاكر فى مره وهلم كل دا ومع ان دا لمه مش سهل والوقت بيجرى وبيضيع وانا بضيعه بايدى
وحاسه عادى انه مش عارفه مليش هدف مع انه كان ليا بس لا من اول م بقيت فى السنه دى لا فيه شغف ولا هدف ولا عايزه أذاكر اصلا بقيت الى هو مشتركه منصات وكتب وكل حاجه قدامى وانا ولا هنا ولا عايزه ولا نفسى حتى اذاكر وحاسه انه مش لازم بس شخصيتى التانيه برضو مش عارفه اعمل ايه
مش عايزه افكر فى كدا عايزه اخلص كل دا عشان اعمل الى عليا واوصل للكلية للى عايزاها بس انا مش عامله ومش متقدمه واكتر حاجه بتدايقتى انه لما بذاكر بذاكر بطى مش تراجع بس ابدا المحاضرة وانا شغالة فيها افكر في حاجه دماغى تركز فى حاجه تانيه افتكر حاجه تانيه اروح ارجع بالفيديو ارجع اعيد المعلومه أعيد السؤال وافضل كدا
ولو كمان ايه المحاضرة كبيره تقريبا تلات اربع ساعات اخد بقا اليوم كله لحد م خلص المحاضرة شرح ودماغى ممكن تصدع من اقل وقت يعنى ممكن ساعه اخد فيها ساعه ونص تفكير بقا ودماغى مش ثابته على حاجه لحد م اخلص جزء وافهمه ببقا عايزة راحه ولما ارتاح وارجع اوصل لجزء من المحاضرة تانى وبعدين بعد فتره اتعب وبكون اوقات برجع الفديو اقفله وهكذا لحد م وقت المحاضرة كشرح بس اشوفه دا غير المذاكره وغير الحل وغير الكويز
والمدرس بيبقا منزل كتب تانى حل واجب ودا كله بيكون محاضرة واحده في انا بزهق واتعب ببقى طول اليوم فى محاضرة واحده بس وان خلصت اصلا اوقات مش بتخلص ببقا اتخنقت دا غير الباقى وغير الى عايزاه عايزه التزم عايزه اخلص بسرعه عايزه انجز
أنا السنين الى فاتت كنت بخاف على اليوم دلوقتي بضيع اهم سنه ووقت ومذاكره ومش عارفه اتصرف ازاى واخلص ازاى وليه تراجعت بكم رهيب كدا وبقيش عايزه اذاكر مع انى والله العظيم مكنتش كدا بس مش عارفه اراديا كدا من جوايا حاسه انى مش عايزاها كأنى درجاتى ومجموعى السنين الى فاتت والهدف بتاعى بعد تالته ثانوى السنه الى فاتت والى بيحصل كتير
دا بعيدا عن انى مش عايزه اذاكر ومش بسعى من جوايا بلشغف بحلمى ب انا الى عايزه اذاكر عشان اعمل كذا عشان استفاد عشان اى حاجه عايزه وكنت بذاكر عليها بشده السنين العاديه دلوقتي مبقتش عارفه ومش حاسه انى بقول كلام مجرد كلام عشان مراكمه او كدا لا انا بقول حرفيا حاسه انى مش عايزة ومش قادرة ارادى اذاكر
دا غير تشيت البال والدماغ قدام المحاضرة وكل شويه اعيد وغير انى حاسة بالذنب على المصاريف الى دافعاها والكتب الى اشتريتها والحاجه دى كلها مش عايزة استسلم او اضيع بس عايزه اكمل واخلص واذاكر بس دا كله من غير ارادة جامده من جوايا مش عارفه مكنتش كمان من اول السنه بالطريقه دى بصراحه كنت ابقى وقت عادى متحمسه وهخلص وبداهت فيديوهات التأسيس الى المدرسين منزلنها وكانت تكون بالتلاته والاتنين ووقت طويل وكنت بذاكر عادى ومش مفرقه بين السنه الى فاتت
بس بعدين بقيت الشبكه عندنا حصلت فيها مشكله وباظت ولحد م عملناها كلها من جديد وكنا كل شويه نعمل فيها حاجه ومتشتغلش لحد مع الوقت بقيت مش عارفه اتصرف وكل مره تضعف واوقت بيضيع ومره على مره نستنى ونشوف لحد م نصلح نجيب الجهاز لحد مينزل كل دا وانا ارادتى وشغفى وكل حاجه بتقل ومحاضرات بتتراكم وشغف بيزول وإراده تحت الصفر
بقيت زى الى عايزه متكملش مع انى كنت عامله مشاكل عشان الشبكه ولما اشتغلت من تلات ايام بقيت حتى مش ليا نفس ولا قادرة وى م تكون حاجه جوايا موقفنا بتقولى كفايا او ابعدى او متذاكريش ومش حاسه بالوقت ومره واحده اتخنقه واحس دا كله عليا و احس بخنقة حرفيا مقدرش اتنفس من كتر ما بحس انى الوقت عدى وعندى كتير المفروض أخلصه ووقت تانى ولا كان عندى حاجه او كأنه عادى
مش عارفه ارجع شغف ولا اذاكر ولا اعمل ايه ولا ازاى اركز وابقى على الاقل زى م كنت السنين الى فاتت العاديه اذاكر لاى سبب اعمل عشان اى حاجه معرفش عايزه حد يقول ذاكرى خلصى اعملى عملت منبه او حاجه عشان حتى حد يقولى ذاكرى اوقفى خلصى زى م كون عايزه حد يجبرنى عشان اذاكر عشان يقولى اعملى ومتعمليش وطبعا مش هقول لحد من صحابى تعالى نتابع مع بعض
أنا من نفسى هجيب عذر ومش هقول لحد أنا معايا ايه وعملت ايه عشان اصلا مش ضامناهم ومش ماشيه معاهم فى المنهج وماما مش بتبقى معايا هنا فى مكانى ومش عارفه بجد حاسه بالذنب على كل وقت وكل الفلوس الى باخدها ويشترك فيهم وفى الكتب وانا لسه فى اول حاجه وقربت على شهر 11 ومش عارفه ألحق نفسى حتى ومش عارفه الم ازاى او اعمل جدول يخلينى اركز واخلص باسرع وقت زى م كون عايزه اخلص كل دا مره واحده او ازيل همهم مره واحده بس ازيل ايه ولا اعمل ايه دا اهم سنه مش عايزه اضيعها ومش عارفه الحل
لعرض السؤال في فدني اضغط هنا
اريد ان أسأل عن طفلة كانت تشاهد شاب امريكي يقبل الفتيات في شوارع امريكا هل كانت تفهم ما هذا حقا هل طفلة تدرك ما هذا الذي كانت تفعله ؟!
لعرض السؤال في فدني اضغط هنا
السلام عليكم ورحمة الله وبركاته، حياكم الله جميعًا.
أنا طالب على وشك التخرج من كلية التربية، قسم الرياضيات، وأحتاج نصائحكم وتجاربكم.
كيف كنتم تتمنون أن يكون معلم الرياضيات؟ وكيف كنتم تتمنون أن يشرح لكم ويتعامل معكم؟ وما الأشياء التي افتقدتموها في معلميكم وتمنيتم لو وجدت؟
بصراحة، أشعر أنني لم أحصل من نظام التعليم الذي مررت به على الفائدة الحقيقية التي كنت أرجوها، ولذلك أريد أن أستفيد من هذه التجربة، وأكون معلمًا يمنح طلابه ما افتقده هو، ويساعدهم على الفهم وحب التعلم، ويترك أثرًا طيبًا في نفوسهم.
شاركوني كل ما تتمنون لو أن معلميكم فعلوه معكم، فربما تكون نصيحتكم سببًا في تغيير تجربة طالب إلى الأفضل.
جزاكم الله خيرًا، وبارك الله فيكم ونفع بكم.
لعرض السؤال في فدني اضغط هنا
انا جايي احكي هالحكي لأنو عندي سؤال قديم عن استمرارية ذاتي.. ورجع هالسؤال بقوة بالفترة الأخيرة.. انا مو جايي اطلب تشخيص.. ولا عندي رغبة حدا يعطيني اسم لحالتي قبل ما يفهمها.. بدي احكي عن التجربة متل ما عشتها.. ويمكن حدا يساعدني افهم إذا اللي عم بمرق فيه هو سؤال فلسفي عن الهوية او تجربة نفسية عم اعيشها.. او إذا في علاقة بين الاتنين..
اليوم، وانا واقفة قدام مراية الدوش.. شعراتي كان مبلول وجسمي مبلول.. اتطلعت على حالي وطلع براسي سؤال بسيط جدًا بس هزّني: "مين هيدي اللي بالمراية..؟"
الوجه كان مألوف.. الجسم جسمي.. بعرف حالي.. بعرف اسمي.. بعرف قصتي.. بعرف إني انا اللي عشت كل هالسنين.. بس مع كل هيدا كان في إحساس انو هالإنسانة اللي قدامي مو مألوفة إلي من جوّا.. مش بمعنى إني بكرهها او إني ما بحبها.. بالعكس.. انا بحبني.. بس ما كنت عم احس إني بعرف هالإنسانة متل ما المفروض اعرف حالي..
ومن هون رجعلي فلاش باك اقدم بكتير..
وانا بعمر عشر سنين تقريبًا.. كان في سؤال بيرجعلي: شو ضمني انو انا نفس الإنسانة اللي كانت قبل..؟ شو ضمني انو هيدا الجسد اللي عايشة فيه.. وهالحياة اللي عم اعيشها وهالاسم اللي بينادوني فيه فعلًا "انا"؟
كنت بفكر اوقات انو يمكن هالصبية اللي مع اهلي مو انا.. يمكن انا حدا تاني عايش حياة مختلفة.. ببلد مختلف.. والجسد اللي هون جسدي بس الروح او الـ "أنا" مو متأكدة منها..
يعني كنت عم أشك بأبسط مسلّمة عند الإنسان: "استمرارية الذات"
ما كان السؤال عندي "أنا شو نوع شخصيتي؟" او "كيف اتغيّرت؟"..
كنت عم احاول افهم شو اللي بيخلّي "انا" تبع اليوم هي نفسها "انا" تبع مبيرحا.. وإذا ما في شي ثابت تمامًا.. على أي أساس بقول عن حالي إني انا نفسها..؟
هالسؤال ضل موجود بطريقة او بأخرى.. حتى لو ما كنت عم فكر فيه طول الوقت.. ومع السنين تغيّرت أشياء كتيرة فيي.. أفكاري اتغيّرت.. طريقة نظرتي للحياة اتغيّرت.. علاقاتي تغيّرت.. جسمي اتغيّر.. وحتّى الصورة اللي عندي عن حالي اتغيّرت..
بس هل التغيّر يعني إني صرت شخص تاني..؟ ولا الإنسان ممكن يتغيّر بهالدرجة ويضل هو نفسو..؟ وإذا في استمرارية.. وين موجودة..؟ بالذاكرة..؟ بالجسد..؟ بالقصة..؟ بالوعي..؟ بشي تاني ما بعرفو..؟
اللي مخوّفني هلّق انو الموضوع ما بقا مُجرد سؤال فكري.. لأنو اليوم لما وقفت قدام المراية ما كنت عم اناقش فكرة فلسفية.. كان في إحساس حقيقي انو عم اتطلع على شخص مألوف وغريب بنفس الوقت..
انا بعرف انو ممكن يكون في تفسير نفسي لهالشي.. وبعرف بنفس الوقت انو السؤال الفلسفي نفسه مشروع.. ومنشان هيك انا مابدي حدا يستعجل ويقلي شو فيي.. بدي افهم الفرق..
بدي أعرف: هل أنا عم فكّر بسؤال فلسفي عن الهوية..؟ ولا عم اعيش تجربة نفسية عم تنعكس بهالسؤال..؟ وهل ممكن الاتنين يكونوا موجودين سوا..؟ وشو العلامات اللي بتفرّق بين الفكرة وبين التجربة..؟
وفي شغلة مهمة بالنسبة الي: انا مابدي حدا يفترض من البداية إني "ضايعة" او إني "ما بعرف مين انا".. ..انا بعرف شياء كتيرة عن حالي.. وبعرف إني بحبني.. المشكلة مش إني فقدت كل معرفة بنفسي.. المشكلة اني أوقات بحس انو المعرفة اللي عندي ما عم تعطيني الإحساس البسيط اللي كنت مفترضة يكون بديهي: "هيدي أنا"..
ومنشان هيك رجعت للسؤال القديم تبع بنت العشر سنين..
يمكن اللي عم احاول اعملو اليوم هو إني اتأكد إنها انا.. انو البنت اللي كانت تسأل هالسؤال من عشر سنين.. والإنسانة اللي واقفة اليوم قدام المراية،. بينهم فعلًا استمرارية.. مو بس قصة اناعم اقولها عن حالي..
انا ما عندي جواب لهالسؤال.. ولهالسبب تحديدًا اجيت تأحكي عنو..
وبعتذر عالحكي المطوَّل🙏..
لعرض السؤال في فدني اضغط هنا
أحيانًا أشعر أنني مقصر في القراءة، ليس لأنني لا أحب الكتب، بل لأن ضغوطات الحياة والعمل تأخذ مني وقتًا كثيرًا. أبدأ كتابًا، ثم قد أنتقل إلى كتاب آخر، وأحيانًا لا أتم الكتاب حتى نهايته، ومع ذلك أحاول ألا أنقطع عن القراءة وطلب العلم.
ومن الكتب التي أتذكر أنني قرأتها وأحببتها كتاب «لأنك الله» لعلي بن جابر الفيفي، وأذكر أنه جعلني أتأمل أكثر في أسماء الله الحسنى، وأحاول أن أعيش مع معانيها في حياتي.
وسؤالي لكم: كيف توفقون بين ضغوطات الحياة والعمل وبين القراءة وطلب العلم؟ وهل لديكم كتاب قرأتموه وشعرتم أن أثره بقي معكم؟
لعرض السؤال في فدني اضغط هنا
أنا حاليًا في بداية العشرينات ممكن كام نصيحة أكمل بيهم وعن تجربة وألم!!
لعرض السؤال في فدني اضغط هنا
أنا بنت من الأرياف وحرفيًا عمري ما شوفت يوم زين فيها، نكد وعادات وتقاليد وأب وأم كل همهم الناس والقيل والقال!!
حياة مملة روتينة، متعبة مملة
أنا نفسي أغير من نفسي ومن حياتي،
بس بأي حاجة موجودة في البيت عشان غير مسموح بخروجي من البيت
إزاي أطور من نفسي
بدأت حاجات كتير معرفتش ألتزم
أكتر حاجة مزعلاني العمر ال بيعدي والسجن ال أنا موجودة فيه
في النهاية أنا إنسانة عندي أحلام نفسي احققها 💔💔
لعرض السؤال في فدني اضغط هنا
انا كنت بفكر اعمل قناة يوتيوب ومحتاج اقتراحات لمحتوى وياريت يكون بيفيد الناس وميكونش تافه
وشكرا لكم
لعرض السؤال في فدني اضغط هنا
كيف اعرف الشيء الذي يوجد لدي ولا يوجد عند شخص آخر أو كيف اكون مميز
لعرض السؤال في فدني اضغط هنا
انا اسمي محمد من مدينة طور سيناء معايا مؤهل فني صناعي متوسط كنت قبل كدا في ازهر بس النصيب اللهم ما لا اعتراض و منهم لله أصحاب السوء و منها لله فتره الطيش و منه لله التفكك الأسري ..اللهم مالك الحمد اشتغلت علي نفسي و مفضلتش تعيط علي اللي فات و بقيت احسن بقا معايا 3 لغات غير العربي مستوي جيد جدا و اشتغلت فني سلامه و صحه مهنية و خدت شهادات من امريكا و اتعلمت من الصفر لواحدي و اجتهاد ذاتي و تفيق من ربنا تحليل البيانات و اشتغلت فتره في الفريلانس و ربنا كرمني اخر كرم بس مازال الوسواس اللي في دماغي أن فيه حاجه ناقصه دائما في نظره من المجتمع وحشه جدا علي مؤهلي المتوسط ملقتش غير التعليم المدمج اللي كان زمان اسمه المفتوح بس ناس كتير بيقولوا انه قضيه خسرانه ...انا نفسي ارجع ازاكر تاني بل و كمان لو ربنا اداني طوله العمر هاصرف كل جنيه معايا في تعليم نفسي و تطويرها حتي لو هتكون من الجوع ..لو حد قدامه فرصة أو فكرة يقدر يخليني اكمل بيها تعليمي هابقي شاكر جدا له علي الجميل و مش هانساهوله ابدا انا خريج سنه 2017 من محافظة جنوب سيناء مدينة طور سيناء...و اسف على الإطالة
لعرض السؤال في فدني اضغط هنا
مش عارفه انا بكتب هنا ليه يمكن عشان مش لاقيه حد احكيله مثلا 😅 انا حتى مش قادره اقول انا مالي بس انا مش كويسه وحاسه ان الدنيا واقفه جدا معايا من اول السنه بحاول اتفائل واعدي ايامي بس فكره انك مكانك سر دي مُتعبه
وكل فتره بيظهر موضوع واقول اهو فيه امل ويرجع يقف تاني 😅 قلت يمكن الابتلاءات دي عشان اقرب من ربنا اكتر وفعلا قربت بس الموضوع مستمر وبدأت ايأس 😅 حاليا جه في بالي ولا تقنطوا من رحمة الله بس حقيقي مش عارفه ليه دماغي بتفكر كده... دعاءكم ليا
لعرض السؤال في فدني اضغط هنا
عايز اثبت على الصلاة والقرآن والقراءه العامه
فيديوهات لو سمحتم تثبتني على الصلاة وتساعدني
لاني وصلت لمرحله وحشه قلبي ماااااات لدرجة اني لا صلاة ولا صوم ولا اي خير بعمله وذنوب كل يوووووم
وعايز كتب أقرأها تشجعني على القراءه في البدايه
كل ده عشان ابعد عن الذنوب
لعرض السؤال في فدني اضغط هنا
السلام عليكم
لما كنت بتفرج على كارتون معين بدون ذكر إسم لفت إنتباهي حاجة وهي إن عالمه فيه حيوانات وبشر بيعيشوا مع بعض(الحيوانات بتعيش زي البشر يعني) وواحدة من الشخصيات واللي هو كان إنسان كان بيرتبط بأنثى من الحيوانات دي فهل ده ينفع في إطار الكارتون ولا لا؟
لعرض السؤال في فدني اضغط هنا
السلام عليكم
انا دايما بحس اني مجوفه ودماغي فاضيه ومش بعرف ادخل في نقاش ودايما بحس اني معنديش اي وعي او معلومه ده بيخليني احس اني غبيه معرفش المفروض اعمل ايه هل اقرا كتب معينه بتخليني افكر بفلسفه و افهم اكتر ازار اوضح ولا المفروض اعمل ايه
لعرض السؤال في فدني اضغط هنا
ما الحل لتلك الحالة أصبح العالم معقد جدا أخشى أن أبتعد عن ديني ايضا او عن الواقع او ان تتأثر نفسيتي بضغط التفكير وفرطه لا افهم شيئا وأشياء اخرى كثيرة اريد ان اعرفها واتحدث عنها ما معنى الوجود ومعنى الانسان ومعنى الهويه والكثير والكثير من الاسئله
لعرض السؤال في فدني اضغط هنا
هل من الممكن أن أقرأ كتب ثلاثيه زودياك ( لمجموعه فانتازيون ) و هل هناك حرمانيه ام انها فقط للتسليه و يجوز قرائتهم ؟
لعرض السؤال في فدني اضغط هنا
أعاني من خوف كبير من الفشل وإحراج شديد عند الذلات أو الأخطاء وأعاني منذ سنوات من جلد ذات وأفكار سلبية زادت منذ عامين أكثر
_ لم أوفق في نتيجة الثانوية العامة رغم اجتهادي وذكائي " هكذا يقول المعلمون الذين درسوا لي" دخلت الجامعة في السنة الأولى كنت أضع نفسي في الكثير من الأشياء مثلا بدأت في التدريب في مراكز من نفس تخصصي لأقرر التخصص الذي سأكمل فيه وبالفعل أخترت التخصص وأخذت كورسات فيه وتدربت فيه عام كامل وأتيحت لي فرصة عمل رائعة كنت خائفة أن أوافق نظرا لأنني على مشارف السنة الثالثة من الجامعة لكن أقنعتني الأخصائية التي أتدرب معها أن أجرب وجربت ولي شهر أعمل في هذا المكان ولكنني أخطأت الأسبوع الماضي في تقييم حالة " لم أستخدم إستمارة التقييم" وطلبت منها تأجيل التقييم لحين تحدثها مع طبيب المخ والأعصاب ونظرا لأنني وجدت أن الأم هناك ما لا تفهمه عن الحالة وأيضا كانت تبدوا المريضة جيدة أمامي ووقعت في خطأ التسرع وسأل الطبيب عن التقرير وسأل من قيمها نظرا لأن الأم أخبرته أن الحالة لا تحتاج العلاج المتخصصة أنا فيه
الجميع يرى هذا خطأ بسيطا وواردا لقلة خبرتي ولأنني مازلت جديدة وأنها ذلة لكنني اراها مصيبة كبيرة لدرجة أنني محرجة من نفسي وجلست فوق الست ساعات أشعر بألم في جسدي كله وأشعر بتوتر شديد وإحراج وإحتقار لذاتي بعدما طلب الطبيب التقرير من وسيط
مرت ساعات وحاول أكثر من شخص عندما لوحظ توتري الشديد أن يهدأني أن الأمر بسيط ومازلت أرى أن الأمر بسيط لكن لأي شخص عداي كأنني أحرم على نفسي الخطأ وبدأت لا إراديا أشك في جميع التقييمات التي فعلتها سابقا أنها خاطئة وأن الجميع سيراني فاشلة وأن الخبر سينتشر وسيكون هذا الإنطباع السائد عني أنني غير منظمة وعشوائية في قراراتي
المشكلة ليست فقط في هذا الموقف بل في كل مواقف حياتي وفي كل تعليق بحسن نية وكل خطأ بسيط او كبير فعلته حتى في علاقاتي، في دراستي، في شكلي وشخصيتي أرى فقط العيوب والذلات وعندما أبدأ أن أثق بنفسي وأشعر بفرق كبيير وراحة بمجرد أن أخطأ في شئ أفقد كل الثقة وتنهال على رأسي كل عبارات اللوم والتحليلات القاسية والإستنتاجات المجردة من الصحة
شكرا على وقتكم ونصيحتكم مقدما
لعرض السؤال في فدني اضغط هنا
.
.كتبت مجموعة قصصية مترابطة في الثيمة والبيئة والمواضيع، لكن عندي مشكلة وهي تكثيف النص، يعني أكتفي بجملة واحدة مثلا لإيصال فكرة أو شعور، قد تكون القصة الواحدة لا تتجاوز صفحتين، فهل هذا يناسب دور النشر، بهذا العدد من الكلمات؟
مع العلم سبق لي نشر رواية قصيرة أيضا، لكن لا رغبة لي في النشر مع نفس الدار
لعرض السؤال في فدني اضغط هنا
السلام عليكم ورحمة الله وبركاته
مفيش حد يعرف مكان أقدر منه أستثمر مواهبي ؟
يعني انا بحب كتابة الروايات الدينية بس جاتلي فكرة اني احولها لفديوهات كحلقات كدا بس مبفهمش في البرمجه ولا التصميمات ، فهل لو حد يعرف مكان اونلاين بيعملوا بنفس فكرتي كدا يعني اقدر أقدم فيه علي العمل معاهم ويقبلوني هكون متشكرة جدا ، أو مثلا مكان بيقبلوا فيه مواهب اللي بيحبوا الكتابة ويخلوهم يثتثمروا مواهبهم في أي مجال وكدا .
لعرض السؤال في فدني اضغط هنا
ما هي الخطوات اللازمة لخريجة تمريض
وكيف أحصل على كتب مفيده للقراءة
لعرض السؤال في فدني اضغط هنا
ممكن ترشيحات لكتب تاريخ بس يكون السرد سهل وشيق
لعرض السؤال في فدني اضغط هنا
انا أحاول منع نفسي من استخدام الهاتف ولكن عندما فكرت فى الأمر وجدت أن الهاتف كان يشغل جزءا كبيرا من يومى ولا ادرى بما أملأ هذا الفراغ الذى سينتج عن عدم استخدام الهاتف
فما هى الأشياء التى يمكن أن افعلها ؟
لعرض السؤال في فدني اضغط هنا
أنا مش مستوعب فكرة إن في الجنة السعادة الأبدية مفيش حزن ولا ضيق ولا كراهية ولا مشاعر سلبيه حاسس إن ده مش منطقي لأن من تكوين الإنسان يكون حبه سعيد وحبه حزين لكن يكون سعيد دائماً مش منطقية عندي مش عارف اتخيل نفسي سعيد دائماً من غير حزن ولا ضيق بحس إني مش هكون نفسي وهبقى واحد تاني عشان كده حاسس إن دي حاجة مرعبه يكون الإنسان دايما سعيد وهل لما تدخل الجنه بتفقد كل ذكرياتك الوحشه والسيئه وتتجرد من كل مشاعرك السلبيه ولا ايه عاوز أفهم الموضوع ده
لعرض السؤال في فدني اضغط هنا
ممكن حد يرشح لى روايات حلوة ممكن عالمية. تكون سيكولوجية
لعرض السؤال في فدني اضغط هنا
جماعه الفتره دي منشغله جدا ان الانسان لو بيعمل ذنب ويحاول يتوب ويبطله انه بيمنعه يحقق اي حاجه لاني بفكر ان ربنا هيعاقبني مثلا اني نفسي اجيب مجموع كليه معينه او ادخل كليه معينه ف ان محققش ده او دعوتي لاتستجاب بسبب الذنب ده لاني شوفت فيديو ان المعاصي بتمنع النجاح دايما وان الإستغفار لوحده مش حل لاني خايفه جدا وحاسه انه ربنا هيعاقبني ف اني محققش حلمي او لو حصلتلي حاجه وحشه دايما بربطها انا عملت كذا ف ربنا بيعاقبني ف كذا هل تفكيري صح ولا دي ملهاش علاقه
لعرض السؤال في فدني اضغط هنا
ازاي استغل الاجازة صح انا باقيلي 4 ايام و اخلص تالته ثانوي و بعد كده ابدا استعد للجامعه فانا عايز الناس تقولي ايه الحاجات اللي ممكن اعملها قبل الجامعه سواء. هتفيدني للدراسة او كترفيه واستمتاع بالاجازه
لعرض السؤال في فدني اضغط هنا
السلام عليكم
ممكن حل للتشتت حرفياً ببقى عايزه أعمل مليون حاجه لكن لما ببدأ في حاجه مبحبش أسيبها غير لما أخلصها يعني مثلاً ببقى عايزه أعمل رياضه و أقرأ كتاب وأسمع دورات وبودكاست و عايزه آخد كورسات وعايزه أحفظ قرآن وعايزه أعمل كل حاجه ممكن تتعمل في الدنيا 😂😂
آجي بقي أمسك الكتاب ألاقي نفسي عايزه أخلصه وفي نفس الوقت بفكر إن كده مش هعمل حاجه غيره فبقول خلاص هقرأ شويه و بعدين أشوف حاجه تانيه وبعدين أقول لأ لازم أخلص وبجد دماغي مبتبطلش تفكير لدرجة ممكن آخد 3 ساعات قبل ما أنام وكل شويه أحس إن في حاجه عايزه اتعلمها أو أعملها حرفياً كل اسبوع اكتشف إني عايزه اتعلم حاجه معينه 😂 حاسه محدش فاهم حاجه عادي أنا كنت عايزه أنزل أي حاجه وخلاص 😂
لعرض السؤال في فدني اضغط هنا
انا كاتبه على منصه واتباد وحاليا أمر بفقدان الشغف مش عايزة اكمل وان امسكت قلمي تعجز يدي عن التحرك بداخلى افكار لا يرغب قلمي برسمها ماذا افعل
لعرض السؤال في فدني اضغط هنا
السلام عليكم ورحمه الله وبركاته
هي الكتب اللى بتكون في سور الأزبكية هي كتب اصلية؟
و هل بتكون سعرها كويس يعني سعر الكتاب ممكن يكون اقل من ١٥٠ جنيه ؟
و لو فيه هناك كتب كوبي اعرف الفرق بينهم ازاي؟
و شكرا لحضراتكم
لعرض السؤال في فدني اضغط هنا
السلام عليكم ورحمة الله وبركاته
لاحظت شيء في التطبيق
بصراحة لاحظت إن كتير من الإجابات هنا بتبقى نمطية جدًا. أي مشكلة نفسية أو أسرية تلاقي الرد: اصبر اقرأ كتاب، اشغل نفسك. مع إن أغلب الناس بتسأل بعد ما تكون جرّبت الحاجات دي أصلًا. أحيانًا الشخص بيكون محتاج حد يفهم تفاصيل مشكلته ويناقشها بواقعية، مش نصيحة محفوظة تتكرر على كل الأسئلة
المشكلة مش في النصايح دي، المشكلة إنها بتتقال كأنها حل سحري لكل حاجة. لو الدعاء أو الصبر أو القراءة كانوا كافيين وحدهم، مكانش الناس دخلت تسأل من الأساس. الناس محتاجة فهم وتحليل وحلول تناسب ظروفها، مش ردود جاهزة تُنسخ وتُلصق على أي سؤال
وأحيانًا بحس إن بعض المجيبين مش بيقروا السؤال أصلًا، أو بيكتفوا بأول انطباع عنه. تلاقي واحد كاتب تفاصيل معقدة ومؤلمة، وفي الآخر ياخد رد من سطرين يصلح لأي مشكلة في الدنيا. طبيعي بعدها يحس إن محدش فهمه أو أخذ كلامه بجد.
أنا مش ضد الصبر ولا الدعاء ولا الكتب، بالعكس، لكن لما يبقوا الرد الافتراضي على كل سؤال، بيفقدوا قيمتهم. فيه فرق بين إنك تنصح شخصًا بعد ما تفهم وضعه، وبين إنك تكرر نفس النصيحة لكل الناس مهما اختلفت ظروفهم
ساعات كمان تلاقي حد داخل يحكي مشكلة بقالها سنين مأثرة عليه، أو موقف مكسره نفسيًا فعلًا، فتكون الإجابات عبارة عن شوية شعارات عامة وخلاص. طب ما لو الحل بالسهولة دي كان الشخص اتحلّت مشكلته من زمان.
أنا شايفة إن مش كل مشكلة محتاجة نصيحة، ساعات المشكلة محتاجة نقاش، محتاجة أسئلة، محتاجة حد يحاول يشوف الصورة كاملة قبل ما يحكم أو ينصح. لأن اللي برة الموقف غير اللي عايشه، ومش كل الناس ظروفها واحدة.
وكمان مش لازم كل إجابة تبقى إيجابية زيادة عن اللزوم. ساعات الواقع بيكون صعب، وساعات مفيش حل مثالي، والاعتراف بده أحسن من بيع أمل وهمي أو ترديد كلام محفوظ. الواحد لما بيسأل بيبقى عايز رد حقيقي من إنسان حقيقي، مش كأنه بيسمع تسجيل متكرر كل مرة.
في الآخر يمكن أكتر حاجة ناقصة هي التعاطف الحقيقي والفهم، مش كمية النصايح. لأن الشخص اللي حاسس إن حد فهمه فعلًا، حتى لو ماخدش حل جاهز، بيطلع مستفيد أكتر من شخص أخد عشر نصايح عامة ملهاش علاقة بظروفه
مش بوجه كلامي لحد معين بس بوجهه للجميع مفيش حد يرد علي المشاكل أصلا سألت سؤال مسألة حياة أو موت وباقي حياتي معتمده هالقرار شخص واحد جاوبني ومشكور جدا بس أنا موصلتش لحل وكل التطبيق حبايبي اللي مهمومين وعندهم مشاكل بردو مش لاقيين حل
بجد التطبيق عديم الفائدة جدا
حتي الردود غبية أحيانا
(((عارفه ان كلامي مش هيتقرأ غير سطرين منه 😒)))
لعرض السؤال في فدني اضغط هنا
السلام عليكم ورحمة اللّه .
سؤالي قد يكون غريب بس حابه افهم نفسي ،فاغلب الأوقات بحس اني عايزه اصعب على الناس اللي هو مرات افكر هو انا لو جالي مرض خطير كانسر مثلا هل حد هيزعل يعني هيعطوا لو مت .
وخاصة لما بكون مريضة بحس اني محتاجة دا جدا بل وبرتاح شوية لما الاقي حد زعلان عليا وبيحاول يساعدني .
بدايق من نفسي وبحسني حد تافه اني بفكر بالشكل دا ، احيانا بضخم الامور اللي هو لو جالي دور برد بحس اني اكتر حد تعبان في العالم وافضل استشعر اد ايه انا تعبانه وسخنه ومصدعة وعندي هبوط وبفضل اصف بدقة غريبه .
او لما بكون زعلانه بحس اني بنتقي العبارات اللي تخلي اللي بيسمعني مشفق عليا جدا ونفسه يساعدني بأي شكل .
كمان في تصرف تاني وغريب بجد اللي هو بكون بعيط وحرفيا منهارة وعلى اخري فبلاقي نفسي افتح الكاميرا او اروح عند المرايه واللي هو يالا نشوف شكلي ازاى وانا بعيط🥲عبث وربنا .
او مثلا شئ حصل فبضحك عادي جدا اقوم عامله نفس الحركة بغرض اشوف شكلي وانا بضحك🤦
يعني هل دا له تفسير بجد ؟
علشان بدايق من نفسي جدا واللي هو اي التفاهه والهبل اللي انا فيه دا .
لعرض السؤال في فدني اضغط هنا
أهلًا يا جماعة،
عندي موضوع بقاله فترة في دماغي وحابة أعرف رأيكم فيه بصراحة، لأن رغم إني مقتنعة بيه بنسبة كبيرة، جوايا إحساس صغير بيقولي إنه ممكن يكون غلط أو إن فيه حاجة أنا مش شايفاها.
أنا أحيانًا بحس إني مؤمنة بحاجة شبه فكرة "الموت الرحيم"، ومش قصدي المعنى المعروف للكلمة، لكن أقصد إن أوقات كتير بحس إننا بنحارب الموت زيادة عن اللزوم حتى لما الشخص نفسه يكون خلاص جسمه تعب جدًا.
يعني لما بشوف حد كبير في السن وجسمه بقى ضعيف ومش قادر يستحمل زي الأول، وكل شوية عيادات ومستشفيات وتحاليل وأدوية ومشاوير وتعب، بسأل نفسي: ليه؟
ليه أوقات منسيبوش يعيش اللي باقي له من عمره بهدوء وسط أهله وناسه اللي بيحبهم ونحاول نوفر له الراحة على قد ما نقدر، بدل ما يبقى آخر عمره كله تعب ولف من مكان لمكان؟
والموضوع مش مجرد فكرة جاتلي من فراغ. مثلًا كان فيه واحد من معارفنا ربنا يرحمه، كان كبر في السن وضعف شوية، وكان محتاج عملية. أهله أصروا يعملوها له وصرفوا مصاريف كتير جدًا وتعبوا نفسهم، وفي الآخر الراجل اتوفى بعد العملية. وقتها فضلت أفكر: طب كده إحنا فعلًا ساعدناه؟ ولا ممكن لو كان كمل حياته بشكل طبيعي وسط أهله كان عاش الفترة اللي باقية له بهدوء أكتر؟
وطبعًا عارفة إن محدش يعرف الأعمار وإن كل شيء بقدر الله، لكن مواقف زي دي بتخليني أقتنع أكتر بالفكرة.
وفي موقف تاني يمكن هو اللي خلاني أستغرب نفسي فعلًا...
عندنا طفلة من قرايبنا عندها حوالي خمس سنين وقعت من الدور التالت، وقالوا إن إصابتها خطيرة جدًا. ربنا يشفيها ويعافيها يا رب.
أنا أول ما سمعت الخبر زعلت عليها جدًا، ويمكن أكتر مما توقعت من نفسي، لكن لقيت نفسي بفكر بطريقة يمكن ناس كتير تستغربها. كنت بقول لنفسي: لو قدر الله والإصابة دي هتسبب لها معاناة شديدة أو مشاكل كبيرة طول حياتها، يمكن الموت يكون أرحم لها من حياة كلها ألم.
وربنا يشهد إني مش بتمنى لها الموت إطلاقًا، بالعكس بدعيلها بالشفاء، لكن ده كان التفكير اللي جه في دماغي تلقائي. يمكن لأني كنت متخيلة حجم المعاناة اللي ممكن تعيشها لو حصل لها ضرر دائم.
والغريب إني أصلًا حساسة جدًا ناحية موضوع الموت والفقد..وأنا صغيرة كان عندي اعتقاد غريب شوية، كنت فاكرة إن ربنا عامل للناس سن معين ل نهاية حياتهم، وإن أي حد يوصل للستين أو السبعين تقريبًا بيتوفى. عشان كده كنت بخاف جدًا على أهلي وأعيط أوقات لما أفكر في الموضوع، وكنت بدعي بعد الصلاة ربنا ياخدني قبليهم لأني مكنتش متخيلة الحياة من غيرهم.
ولما جدتي اتوفت، ودي كانت من أقرب الناس لقلبي فعلًا، كانت من أصعب الصدمات اللي مريت بيها. لدرجة إن أول ما عرفت الخبر فضلت أدعي إنها تكون مغمى عليها ومش متوفية فعلًا من كتر الصدمة.
عشان كده مستغربة من نفسي شوية. لأني بحب الناس اللي حواليا جدًا وبتأثر بأي حاجة تحصل لهم، لكن في نفس الوقت عندي اقتناع كبير إن المعاناة الطويلة أحيانًا أصعب من الموت نفسه.
و كنت بتناقش مع ماما في موضوع الطفله دي، والكلام جاب بعضه فوقعت مني الفكرة دي. استغربِت جدًا من كلامي وحسيت إنها اتضايقت، ويمكن فهمت إني ممكن أتخلى عن الناس اللي بحبهم لما يكبروا، وده طبعًا مش قصدي نهائي.
فبجد عايزة أعرف..
هل طريقة تفكيري دي فيها مشكلة فعلًا؟
وهل هي مجرد نظرة مختلفة ولا فيها جانب غلط أخلاقيًا أو دينيًا أو نفسيًا
ولو شايفين إنها غلط، إيه النظرة الأصح أو الأكثر توازنًا للموضوع؟
وفي النهاية يا ريت محدش يفهم كلامي غلط أو ياخد منه إني بستسهل الموت أو بستكتر الحياة على حد، لأن ده مش قصدي نهائي.
وربنا يطيل أعمار أهالينا جميعًا، ويديهم الصحة والعافية وراحة البال، ويحفظهم لينا يا رب و يرحم موتاهم 🤍.
لعرض السؤال في فدني اضغط هنا
من وجهة نظركم هل الوعي بجذور المشكلة النفسية هو الخطوة الأهم للتعافي ام ان الالتزام بالخطوات السلوكية واليومية العملية هو الأساس؟
لعرض السؤال في فدني اضغط هنا
أهلًا، محتاجة أشارككم حاجة وأسمع رأيكم فيها.
بقيت حاسة إن الـ Perfectionism مش مجرد صفة عندي قد ما هو طريقة تفكير كاملة بتخليني مستحيل أرتاح، لأن مهما عملت أو تعبت على حاجة يفضل جوايا إحساس إنها لسه مش كفاية، وإن كان ممكن أعملها بشكل “أفضل”.
الموضوع مرهق فعلًا، خصوصًا إني حاولت أكتر من مرة أتعامل معاه وأخفف من تأثيره عليّا، وفي كل مرة أهدى شوية وأحس إني بدأت أبقى أريح مع نفسي… لكن بعد فترة أرجع لنفس الدوامة تاني بشكل تلقائي، لدرجة إني بدأت أتساءل إذا كان دا فعلًا شيء بيتعالج، ولا مع الوقت بيتحوّل لجزء ثابت من الشخصية.
وأكتر حاجة محيراني إن الـ Perfectionism أحيانًا بيبان كأنه دافع يخليك تطوّر من نفسك، لكن في نفس الوقت بيستنزفك نفسيًا جدًا من غير ما تحس.
فحابة فعلًا أسمع آراء ونصايح مختلفة… إزاي الواحد يوازن بين إنه يفضل طموح وعايز الأفضل، وبين إنه ميبقاش قاسي على نفسه طول الوقت؟
لعرض السؤال في فدني اضغط هنا
أنا لا أرى أن أفلام الخيال العلمى والانمى وأغلب الأعمال على أنها صُنعت للترفيه أو المشاهدة أو نشر الثقافات فقط بل من يصنع هذه الأعمال دائما ما يريد أن يوجه رسائل مهمة ومعارف للمشاهد ما رأيك أنت ؟
لعرض السؤال في فدني اضغط هنا
الفراغ هو رسالةٌ للذى يفهمها
أنا أؤمن أن فراغ الشخص يعنى أنه مُقصرٌ فى شئ ما ما هو رأيكم ؟
لعرض السؤال في فدني اضغط هنا
اهلا بيكم يا جماعه 🤍
انا عندي 16 سنه وفي تانيه بكالوريا، ومحتاجه استشيركم ف حاجه مهمه جدًا بالنسبالي، وياريت تقروا كلامي للآخر عشان فعلًا محتاره ومش عارفه احدد الصح ليا.و اسفه انو كلامي طويل زياده عن اللزوم بس بجد مضطره اذكر التفاصيل دي.
من اول ما دخلت اعدادي كان فيه مدرس رياضه كويس جدًا، وطريقته حببتني ف الماده بشكل كبير جدًا، ومن وقتها والرياضه بقت اكتر ماده بحبها ف حياتي لحد دلوقتي. الحمدلله مستوايا فيها كويس وبجيب درجات عاليه، ومش بقول اني عبقريه يعني، لكن فعلًا بحبها جدًا، وبعدها الإنجليزي.
انا بطبعي بحب الفهم والاستنتاج اكتر بكتير من الحفظ، والحفظ من الحاجات المتعبه بالنسبالي. بحب اطلع طريقه الحل بنفسي، واحيانًا ببقى عايزه اوصل للمسأله بطريقتي انا حتى لو فيه طريقه معروفه. بحب الاحساس اني فاهمه الفكره فعلًا مش حافظاها وخلاص.
لكن المشكله اني لحد دلوقتي مجربتش غير فروع معينه ف الرياضه زي الجبر والهندسه وحساب المثلثات، فبقيت خايفه… هل لما اقابل باقي الفروع هفضل احب الرياضه فعلًا ولا ممكن اكون متعلقه بس بالاجزاء اللي عرفتها؟
وكمان اوقات بخاف يكون حبي للماده اصلًا بسبب اني كنت ملتزمه ف مذاكرتها وببذل مجهود فيها، فحسيت اني شاطره فيها فحبيتها… مش عارفه هل ده شغف حقيقي ولا مجرد تعود وتفوق وخلاص.
المهم انا دلوقتي محتاره بين مسار الطب ومسار الهندسه لو نظام البكالوريا استمر زي ما هو.
بصراحه، انا من طفولتي عمري ما حبيت الطب ولا شفت نفسي فيه، رغم ان اغلب الاطفال كانوا بيتمنوا يبقوا دكاتره. وكل ما الايام بتعدي بحس اني متمسكه اكتر بالرياضه، وفي نفس الوقت الطب بحسه مرهق جدًا بالنسبالي وبيعتمد بشكل كبير على الحفظ، ودي نقطه بتخوفني.
بس ف نفس الوقت بابا وماما نفسهم جدًا ابقى دكتوره، وحاطين امل كبير فيا. ولما صارحتهم اني بفكر ف الهندسه، والدي رفض الفكره وقال ان الهندسه للولاد وفرصها للبنات اقل، وانه عايزني ف وظيفه مضمونه ومستقره زي الطب.
اما ماما فبحس انها بتحاول تبينلي ان القرار قراري، لكن جوايا حاسه ان الموضوع كاسرها شوية، وانها كانت متخيله شكل معين لمستقبلي، وده بيخليني حاسه بالذنب وخايفه اكون بخيب املهم.
وحتى لو وافقوا بعد اصرار مني، بحس انهم ممكن يفضلوا زعلانين جواهم لحد ما يشوفوا نجاح حقيقي، ومحدش ضامن عمره او المستقبل اصلًا.
وفي نفس الوقت انا بحب جدًا قصص الناس اللي اختارت الطريق اللي بتحبه رغم اعتراض اللي حواليها ونجحت فيه، وده اوقات بيخليني اميل لفكرة اني اختار اللي بحبه فعلًا. لكن بعدها ارجع اقول لنفسي: “خليكي واقعيه”، خصوصًا ف الظروف الحاليه وان الناس كلها بقت تدور على الامان الوظيفي وخلاص.
وكمان انا اصلًا مش مركزه على كلية هندسه نفسها قد ما انا بحب اي حاجه فيها رياضيات وتفكير وتحليل.
بس برضو مش عايزه اضحك على نفسي او اتغر لمجرد اني بحب ماده معينه، واروح اغير مستقبلي كله بسببها.
انا كمان شخصيتي مش من النوع العنيد اوي، يعني قبل كده لما احتارت بين الثانوي والتمريض، سبت القرار لأهلي وربنا يختار اللي فيه الخير، وقدرت اتأقلم عادي. فالمشكله اني اصلًا مش عارفه انا عايزه ايه بنسبة 100%.
وعشان كده ياريت محدش يقولي بس “ادخلي اللي بتحبيه” او “محدش هيذاكر غيرك”، لأني فعلًا محتاره وخايفه من الاختيارين، ومحتاجه آراء واقعيه وصريحه من ناس عندها خبره
وياريت خصوصًا الناس اللي ف الطب أو الهندسه فعلًا، أو حتى خريجين من المجالات دي، يقولولي رأيهم بصراحه بعيد عن الكلام المثالي، عشان اكيد انتو شايفين الحقيقه من جوه اكتر مني.
وشكرًا جدًا لأي حد قرأ للآخر و أفادني برأيه. 🤍
لعرض السؤال في فدني اضغط هنا
كل عام انتم بخير
محتاج ترشيح لكتاب او كتب او بلاي ليست على يوتيوب لشرح الاسماء الحسنى ؟
لعرض السؤال في فدني اضغط هنا
السلام عليكم 🤍
مش بعرف أكتب نصايح أوي، لكن دي حاجة فعلًا بقيت مقتنعة بيها جدًا مؤخرًا، وحسّيت إنها تستحق تتقال..
أوقات فعل صغير جدًا مننا ممكن يفرق مع حد أكتر مما نتخيل، عشان كده حاول دايمًا تكون لين في كلامك وطريقتك مع الناس.
إحنا فعلًا مانعرفش مين بيحارب أفكار مرهقة أو يوم صعب وهو ساكت.
حاول تبقى لطيف قدر المستطاع، انت ماتعرفش مين حواليك بيمر بيوم سئ ولطفك ممكن ينجيّه من حبل أفكار سلبية مش عارف يقطعه.
همومك تقدر تخليها تظهر على السطح وانت لوحدك أو فى وجود شخص بيحاول يساعدك .. لكنها مش عذر أبدًا لـ حدتك فى التعامل مع اللى حواليك!
انت كبرت كفاية عشان تدرك إن كل واحد شايل شيلته بالعافية ومش ناقص حد .. فـ إن كرمك مادفعكش إنك تخفف عن اللى قدامك، يبقى واجبك إنك ماتزودش عليه 🤍.
لعرض السؤال في فدني اضغط هنا
ما هو علم الفراسه
ماذا تعرف عن علم الفراسه
وهل هو حقيقي ولا كلام فاضي
وهل حلال ولا حرام
وهل انت مصدقه ولا لاء
لعرض السؤال في فدني اضغط هنا
كم مرة قرأت كتابًا ثم اكتشفت أنك نسيت محتواه ما أن أنهيته؟ كم مرة شعرت باليأس واعتقدت أنه لا فائدة من الاستمرار في القراءة بما أنك لا تتذكر شيئا مما قرأته؟
هذا الشعور كفيل أن يدفعك للتوقف عن عادة القراءة، خاصة إذا كنت قارئًا مبتدئًا.
نجح الكثيرون في تخطي هذه المشكلة والاستفادة من قراءاتهم وما زال هناك كثيرون لا يعرفون كيف يتجاوزونها.
هذا السؤال إذن للنقاش وتبادل الخبرات.
برأيك،
هل نسيان محتوى ما قرأت يعني أنك لم تستفد من القراءة شيئًا؟
**
وما أفضل الطرق التي ساعدتك على تحقيق أكبر استفادة من كتاب قرأته وعدم نسيانه وتطبيقه في واقعك؟
**
هل تعرف كتبًا أو فيديوهات يوتيوب أو بودكاست يمكنك ترشيحها لمساعدة الغير في التغلب على هذه المشكلة خاصة القراء المبتدئين؟
لعرض السؤال في فدني اضغط هنا
جماعة ممكن ترشحولي كتب ثقافية وكتب دينية، وكتب في الإنجليزي ممكن أطور بيها نفسي، وممكن أنشطة مناسبة تنفع وتفيد، ورشحوا أي حاجة ممكن تساعد الإنسان يكون أفضل وواعي وفاهم، زي كورسات ودورات وشكراً مقدماً عشان بستفاد منكم كتييير🌷
لعرض السؤال في فدني اضغط هنا
الانشغال عافية
الإنشغال نعمة كبيرة جدًا، تخيل نفسك مشغول 10 ساعة في اليوم ما بين دراسة وكورسات وشغل، وباقي ساعات يومك ما بين العبادات والنوم ووقت مع الأهل والهوايات، والفكرة هنا مش بس في الإنشغال ممكن الشخص يشغل نفسه بحاجة تدمر حياته وممكن يشغل نفسه بحاجة تبني حياتن وشخصيته أنت اللي هتختار عايز تكون مشغول بإيه،
وكمان فكر معايا لو كنت مشغول بالقراءة والدورات وحفظ القرآن- تتعلم مهارات تأخد كورسات تتعلم للغات وتصاحب ناس جديدة حاوط نفسك بناس طموحة ناس مشغولة ببناء نفسها وتغير أنفسهم للأفضل!
ممكن تبدأ من دلوقتي تعمل خطة وتبدأ تحسن جوانب حياتك، وتنظم يومك وحياتك وتستغل كل دقيقة لو أنت مدمن حاجة معينة تخلص منها هتكتشف إنك كنت في مستنقع مدمر، اليوتيوب كنز وفي كورسات كثيرة جدًا وكفاية بجد تساعد الإنسان يبدأ من جديد!
تابع محتوى هادف، لا تتابع المحتوى الـتّافه!
وطبعًا ركز، المدخلات سبب المخرجات يعني ركز أنت متابع مين!
في دورات تطوّر عقلك ونفسك وشخصيتك، المهم اكتب قائمة كورسات ومهارات واشتغل عليها من دلوقتي على نهاية السنة هتكون راضي جدًا عن نفسك وهتلاحظ تغير وتذكر كل دقيقة هتفرق معاك بجد!
الفراغ فساد
القارئ قائد
لعرض السؤال في فدني اضغط هنا
سلام عليكم ورحمة الله وبركاته
ـ أسئلة كتيرة تحت عنوان: التعب النفسى سواء توهمى من غير تشخيص حد مختص أو سريرى نسأل الله السلامة والعافية ، وبالمثل ، الإسراف فى الذنوب والمعاصي وفقدان السيطرة على أنفسنا فى الموضوع ده وكأننا نهرع إلى المعصية للأسف كأن فى حاجة بتدفعنا من الخلف ناحية المعاصى ، حتى لو لسه عاصيين مكملناش ثوانى ، نسأل الله التوبة النصوح والعفو والعافية فى الدنيا والآخرة ،
طرق كثيرة وحلول عملية كثيرة ، بس الحل العملى فى لحظة الانغماس فى الإدمانات أو التوهمات النفسية ال معظمها تلبيس إبليس + الضغط النفسى من بعض شؤون الحياة بيحسسنه الشيطان بلحظات من إنفلات العقل وفقدان القدرة على اى شيء وأى فعل ، فى أمراض اااه تستدعى الجلسات و تستدعى السرير اااه ، فى ذنوب اااه فى كبائر ومبيقات وكوارث اااه ،
من وجهة نظرى ومستعد لتصحيح المفهوم وقبول اى رأى : بلاش تقولى بودكاست الغليظ و ورفاقه حازم الصديق ورفاقه ، كتاب إغاثة اللهفان والداء والدواء و موسوعة فقه القلوب خلى دى الخطوة التانية بعد ما نروح بيت ربنا نتضرع وندعى ندعى بكل حرقه ندعى بفقر وذل ندعى يارب هلكنا إن لم ترحمنا ندعى واحنا موقنين بالإجابة ، لنهدأ وتستقر نفوسنا وقلوبنا ونلتزم بالخمسة فى جماعة وندوق من على طرف المعلقة حلاوة الإيمان حلاوة الطاعة ،
ساعتها انت هيكون نفسك تدوق المعلقة كلها هنا أقدر أقرأ كتاب دا شبة دارسة علم شرعى مش أمر هين ، اقدر استبصر واغوص ف خبايا نفسى ولو هروح لدكتور هكون مقتنع اقتناع تام إن الإبتلاء دا عين الخير ومتقبله بصدر رحب إذا هدأت نفسى بالطاعة ،
لو عاوز أقول حاجه فهو الدعاء والتضرع أولا ، سؤل خالد بن الوليد رضي الله عنه فى قتال المرتدين اذا غاروا علينا إلى جبل سلمى ام إلى أجا بكى وقال بل إلى الله الملتجئ ،
اولا براءة الذمة من الأسباب المادية ، والاعتماد الكلى على الله ، ومن ثم ودى الخطوة الثانية الثااااانية بذل ما فى وسعنا والأخذ بالأسباب ، بذلنا ما فى وسعنا ، ندعوه دعاء الفقير المضطر ، عبدا نفدت أسبابه وتذكروا دعاء الرسول صلى الله عليه وسلم بعدما آذاه أهل الطائف كمثال لهذا ،
أنا شخصياً عمرها ما جات معايا غير بالدعاء ، والله ما ندعوه ويخذلنا ولا نرجوه ويخيبنا أبدا 🤍، متقبل اى وجهة نظر ؟
لعرض السؤال في فدني اضغط هنا
السلام عليكم ورحمة الله وبركاته
انا عندي 17سنه وعمري في حياتي ما اعتمدت على نفسي ابدا في اني اعمل حاجه دايما وقتي كان دراسه المنهج عمري ما اتعاملت مع الناس في الشارع لدرجه ان الجيران ميعروفش اني اخت اخواتي كل معاملتي مع زمايل الدراسه بس
وبالنسبالي دي اول سنه ليا في حياتي كنت انزل وابدا امشي لوحدي وانا نازله مثلا الدروس من غير ماما وحاسه بجد اني مش عارفه اتعامل مع حد زي ما اخواتي بيعملو مش بمعني ان رهاب اجتماعي انا اجتماعيه وبتكلم مع الكل ودايما بتكلم عادي مع المدرسين بس لما باجي اتكلم في الحياه العامه مبعرفش
وحاسه اني مبفهمش الناس ودايما برجع لاخواتي علشان يترجمولي الكلام اللي اتقال واكتشفت ان كل اللي حواليا ملاحظين اني مبعرفش حاجه وان ممكن اي حد يضحك عليا بسهوله واني مبعرفش الناس اللي حوليا وكذا حد دايما يعلق لماما ويسألوها اذا كنت متاكده اني هاعرف اروح الجامعه واركب مواصلات واتعامل من غير ما هتكون معايا
وبجد دا بدأ فعلا يخوفني نفسي بجد اعرف اتعامل بنفسي واعرف الناس اللي حواليا واعرف الخفي من الكلام . وكمان بحس غير كده ان انا كثقافه عامه او حتى علميه معنديش رغم اني بطلع من الاوائل في المدرسه من وانا صغيره بس كل معلوماتي منهج وبس مفيش اي معلومات في مجالات مثلا يعني ممكن الفيزياء بس اللي كنت مهتمه اني اسمع التجارب والنظريات او كنت بروح المكتبه اقرا كتب فيزياء ولكن حاسه ان دا مش علم اني اعتمده كمعرفه فا يريت تقولولي ابدا ازاي اقرا واقرا ايه بحيث ان يكون عندي معرفه عن كل حاجه حتي لو بسيطه
جزاكم الله خيرا 🤍🥺
لعرض السؤال في فدني اضغط هنا
لعرض جميع الاسئلة في فدني اضغط هنا