سؤال للنقاش وفي إطار الاداب
ليه الأهل ساعات بيصرّوا إنك تشتغل شغل مش بتحبه أو فوق طاقتك، ولو رفضت يقولوا عليك عنيد أو حتى يحسسوك إنك تقيل على قلبهم؟ هو الصح إن الواحد يرضخ علشان مايزعلش حد ولا يدور على اللي يناسبه حتى لو خسر رضاهم؟"
عليك برضا الوالدين الاب والام لأنهم مهما كنت انت مش مقتنع أو فاهم ده أن الأب أو الأم أكثر خبرة كبيرة منك في الحياة بحكم سنهم الكبير وتعاملاتهم واحتكاكاتهم مع المجتمع والناس والاب والام هما اكثر اتنين في العالم بعد ربنا يتمنون سعادتك ومصلحتك وراحتك أسأل الله تعالى أن يلهمك الصواب ويرزقك من حيث لا تحتسب
تم النشر الثلاثاء، ٩ سبتمبر ٢٠٢٥
السلام عليكم لو على سبب الزام الاباء لأولادهم اعمال على غير هواهم فده بيكون لتنشئتهم على تحمل المسئولية الحقيقة ...لانك لوبصيت على مسئولية ماما وبابا هتلاقيهم بيعملوا حاجات لو بمزاجهم مش هيعملوها اكيد ...بس بدافع المسئولية بتتعمل وبكل حب كمان . لو الانسان وقف قدام كل حاجة وقال اصل بحبها او مش حاسس انى قادر عليها ...هينشأ لين وغير قادر على التعامل مع مسؤليات وصعوبات الحياه اللى كلها التزامات وحاجات مش على مزاجه خالص اما بقى رضا الاب والام فده بالذات مش لعبه ...ربنا عز وجل امر بطاعتهم وحط استثناء واحد وهو انهم يأمروك تشرك بالله اتمنى اكون وريتك زاوية مكنتش شايفها وتفرق معاك
تم النشر الثلاثاء، ٩ سبتمبر ٢٠٢٥
هو برضو محتاجين نفهم الوضع بشكل كامل الاول ولكن بجد لو استنينا الشغل البنحبه يبقي مش هنشتغل ومش هنطلع لقدام ويمكن حظك اني انا خير مثال ليك.. انا كان نفسي اشتغل مبرمج جدا وضغط نفسي بشكل يعني بندم عليه من وجهه عيني حاليا ولكن ملقتش شغل فيها وفيه كتتير زاي نفس القصه لو كنت استنيت كان زماني مستني من سنتين وتخيل ان لحد الان برضو مش لاقي الفكره ان بقي كتتير كدا فانا اتوقع ان اهلك شايفين الزاويه دي بس ممكن مش عارفين يوصلهالك بس والله اعلم يعني فتشجع كدا وخش بقلب جامد واشتغل اي حاجه لحد ملاقي شغل في البتحبه وان شاء الله خير يعني كله خير
تم النشر الاثنين، ٨ سبتمبر ٢٠٢٥
مرحبًا محمد عزت، شكرًا على طرح هذا السؤال الجميل والهام، وهو فعلاً موضوع يشغل كثير من الناس خصوصًا في مجتمعنا العربي والإسلامي الذي يهتم بالتواصل العائلي ودوره الكبير في صناعة القرار. لنحلل السؤال خطوة خطوة: لماذا يصر الأهل على عمل معين؟ الأهل في الغالب يحبون لك الخير ويرون أن استقرارك المالي والاجتماعي مهم جدًا. لذلك، قد يصرّون على عمل معين لأنهم يرون أنه الأفضل من وجهة نظرهم، أو لأنه يوفر أمانًا أو دخلًا ثابتًا. أحيانًا لديهم تجارب خاصة أو مخاوف من الفشل، لذلك يريدون تجنبك لأي مجازفة كبيرة. أيضاً في بعض الأحيان عدم الإلمام بالمجالات الحديثة قد يجعلهم يميلون إلى الوظائف التقليدية. لماذا يحسِّسونك بالعناد أو القسوة في الرفض؟ في ثقافتنا، الطاعة والاحترام للأهل من القيم الأساسية، ورفضهم قد يُفسر أحيانًا كعدم احترام أو قطيعة، وهذا يجعلهم يحسون بالألم أو الحزن. لذلك يحاولون التأثير على قرارك من خلال اللوم أو الإحساس بالذنب. هذا آلية دفاعية لديهم لحماية العلاقة. هل من الأفضل الرضوخ وعدم إزعل أحد؟ الرضوخ دون حب أو رغبة قد يؤدي لشعور دائم بعدم الرضا، وقد يؤثر على صحتك النفسية وجودة حياتك. الإسلام يحث على البر والإحسان إلى الوالدين، لكن ليس على أن يكون ذلك على حساب صحتك النفسية أو كرامتك. في الكثير من الحالات، يمكن التوفيق بين رضا الأهل والبحث عن مسار يناسبك عبر الحوار الصريح والهادئ مع الأهل، وتوضيح أسباب اختيارك بطريقة تراعي مشاعرهم. كيف تتعامل مع الأمر بطريقة عملية؟ حاول تفهم وجهة نظرهم أولًا، وعبّر عن أفكارك وأهدافك بوضوح واحترام. قدم لهم خطة لإثبات جدارتك في المجال الذي تحبه، أو ابدأ فترة تجريبية في عمل معين. استعن بأحد أفراد العائلة أو شخص محترم يحترمه الأهل للتوسط أو دعم وجهة نظرك. المهم تحافظ على علاقة طيبة معهم وأنت تسير في طريق يناسبك. في النهاية، لكل شخص طريقه الخاص وهدفه في الحياة، ومن الطبيعي أن يكون هناك اختلاف في وجهات النظر. المشكلة ليست في الاختلاف، بل في طريقة التعامل معه بحكمة ورحمة. لو تحتاج المزيد من المساعدة في كيفية إدارة هذا الحوار مع أهلك بطريقة بناءة، يمكنني مساعدتك بخطوات عملية أو حتى أنصحك بالاطلاع على تجارب وحلول من خبراء في التنمية الأسرية عبر موقع "فدني". يمكنك البحث في قسم "الخبراء" أيضًا. هل تريد نصائح عن كلمة أو طريقة معينة للتحدث مع أهلك تراعي مشاعرهم وفي نفس الوقت تعبّر عن رأيك؟ أنا هنا لأي استفسار!
تم النشر الاثنين، ٨ سبتمبر ٢٠٢٥
الاهالي دائما عايزين ابنهم زي اللي في بالهم يكون زي الأبناء إللي يسمعوا عنهم لدرجه يوصلوا أنهم مش مهم شعورك اي المهم تخليهم فخورين بيك ولو حتي على حسب سعادتك في نوعين في اللي بيبقي تعب في تربيتك أو مصاريفك فعايزن حقهم فيك وانك تجعلهم مبسوطين انو عندهم ابن أو ابنه متلك والنوع الثاني الاناني اللي عايز يتفاخر بابنه حتى لو هيكون مهموم وكاره حياته فلازم تعرف هم من اي نوع وبرضه حاول تفهم هم وجهة نظرك لعل وعسى يفهموك وفي الآخر حاول تسعد نفسك بنفسك
تم النشر الاثنين، ٨ سبتمبر ٢٠٢٥
خليك ذكى ارضيهم وفى نفس الوقت ارضي نفسك يعنى فكر بحاجة ترضيكم انتوا الاتنين يبقوا هما راضيين عنك وانتى راضي ع اللى بتعمله
تم النشر الثلاثاء، ٩ سبتمبر ٢٠٢٥
لازم رضاهم عشان تنجح في اي حاجه حاول تعمل اللي عليك والباقي على ربنا
تم النشر الاثنين، ٨ سبتمبر ٢٠٢٥
لعرض السؤال في فدني اضغط هنا