ازاي اقدر استغنى عن الناس مبقاش محتاجه صحاب ولا حد اكلمه ولا اخرج معاه وابقى مبسوطه لوحدي مش حاسه اني محتاجه حد، وازاي لما اضايق محكيش لحد لان للاسف مهما الناس اقنعوك انهم بيحبوك للاسف بيجي يوم ويستخدموا الحاجات اللي حكيتها ضدك ويحسسوك انك مجنون او مريض نفسي.
هو طبيعي اضايق لما صحابي يتشغلوا بحاجات طول الوقت ويبعدوا عني حتى لما يكون عندهم وقت فاضي معدوش بيكلموني ولا انا فعلا مجنونه وبطلع كل االي حواليا وحشين وبيبعدوا عني؟
لعرض السؤال في فدني اضغط هنا
انا مى عندي 22سنه ليا صاحبه كنا بيست فريند لبعض وكل حاجه نحكيها لبعض واتعلقنا ببعض فترة ما جدا جدا جدا وكنا كل حاجه مع بعض فجأة صحبتي دي اتغيرت بدون اي مقدمات اه عندها ظروف شقلبتها شوية بس ماكلنا. عندنا ظروف ده داعي اتغير ع الى بحبهم ؟
المهم عاتبتها مره واتنين والف وفكل مره تقريبا الموضوع كان بيقول اننا نسيب بعض نهائيا وبالفعل كل ما اكلمها ميكونش فارق معاها واحس بقسوة فالتعامل
وانا الى ارجع سوري زي الكلبة واكلمها لدرجة اني مابقتش قادرة اسيبها وبقا في مؤشرات كتير تقول انها خلاص مش عاوزاني مابقتش مهما عندها زي الاول الا اني بردو ماسكه فيها اه ساعات مابقيناش نتكلم باليوم والاتنين والاسبوع كمان ولازم ادخل انا ابادر وساعات هي تبادر بس مش اوي
انصحوني اعمل اي انا فعلا متعلقة بيها وكل ما اكلمها تقولى طاقتي خلصت حورات معاها اجتماعية وحورات معاها وظروف ادتلها كل المبررات الى فالدنيا
وكل ما اعاتبها متدنيش كلمه حلوه تبل ريئي كلامها كله محايد بعد ما كانت بتعشق حرفيا التراب الى بمشي عليه ولو تعبت شوية واختفيت كانت ترن عليا وع ولدتي وتوصلى باي طريقه وغيرو وغيرو انا بس مش عاوزه اطول المسدجات طويلة اوي بالله ساعدوني
حاولت افك التعلق حاولت ابعد بس مفيش
قولولى اعمل اي وانا بجد عايزاها وفنفس الوقت حاسه اني تقيله عليها مابقتش عارفه اعمل اي
لعرض السؤال في فدني اضغط هنا
انا كان عندي صاحبه انا وهي لينا 16سنه من بعض حرفيا كنت جنبها في كل الاوقات ومسبتهاش ثانيه وهي كانت بتكون جنبي بس انا بالاكتر اول حاجه صاحبت بنات مش كويسه واقنعوها تبعد عني وتعملي بلوك وارتبطت بعيل مش كويس بس بعدين عاتبتها ورجعنا كويسين
وبعدت عن البنات بس الولد لا كان بيخونها وعيل بتاع مشاكل وبيشرب وبيزني بس هي كانت معميه بيه لحد ماسابته واتقفل الموضوع قبل ماتبعد عنه انا كنت مرتبطه بحد اول ماحط نفسه ف مقارنه معاه سبتو من غير تفكير مع انه كان بيعشقني
وقبل ماسيبو هي ارتبطت بيه وقالت لي هاخدلك حقك منو اتكلمو يومين وسابتو وهو قالي انا ارتبطت بيها عشان اثبتلك انها هتبيعك مش زي مانتي فاكره وأنا بحبك انتي وهو كان بيحبني فعلا بس مفكرتش ثانيه وسبتو ع عكسها هي اول ماحبيبها قالها تبلكني بلكتني
المهم رجعنا كويسين واحسن من الأول اتخطبت لواحد كان لما يكون ف مشكلة بيهم كان يدخل يكلمني احل بينهم وهي كانت تقولي كلميه قوليلو كذا كذا وكنت اقول عادي بس اكتشفت بعدين انه هو بيقولي انتي حربايه بتوقعي بينا تقولي عندها كلام وعندي كلام دا غير تلقيح بكلام اني مش كويسه عشان كنت مرتبطه قبل كدا وهي قالتلو
مكنتش احكيلها الكلام دا واخدو ف نفسي واسكت كانت تيجي عليا فتره احس بخنقه كبيره وزعل كبير جوايا فبقفل واتساب ومش برد ع حد يومين تلاته لحد مارجع طبيعي هي كانت بتزعل مني ف الحته دي اني بقفل من غير ما أقول وفهمتها انو غصب عني ومش قاصده كدا ولا ببعد عنها بعدين بدأت الاحظ برودها ف تعاملها معايا
وكنت اقرب اكتر لما احس بكدا المهم انا كنت شبه مخطوبه لحد كنت بحبه اوي ومعميه بيه وهو مكنش بيعمل حاجه غير يجرحني ونسيب ونرجع كتير وهي مكنتش تحبه ولا بطيقه عشان بيعاملني وحش
حصلت مشكلة كبيره بيني وبين الشخص ده واتفقت معاها ان خلاص مفيش رجوع تاني خوفا انه يأذيني لما كلمني الشخص ده قلبي دق ورجعنا وهو اتحسن خالص معايا وهي كانت قيلالي لو رجعتو هزعل منك زعل كبير فقلت له صاحبتي هتزعل ومش عايزة اخبي عليها حاجه اقنعها وهو قال تمام وكلمها وأنا كدبت عليها قولتلها اني مش عايزه بس هو عايز يكلمك انتي يقنعك وتقنعيني ارجع
قالتلي انا هقوله لا مينفعش ترجعي قولتلها تمام ع اساس انو هيعرف يقنعها والقصه مش هتبوظ بس هو معرفش وقالها ان انا مقولتش اني مش عايزه واني خايفه ع زعلها بس لو عرفت اننا بنتكلم هي زعلت مني وقالت لي ماليش دعوه بموضوعكم دا تاني وانتي بالذات ماليش دعوه بيكي
قعدت ابعتلها ف الرسايل مرضتش ترد عليا رنيت كتير مردتش رنيت ع اختها قالتلي هي شايفه رناتك ومش بترد فانا اتعصبت وبعتلها عتاب ان انا عملت معاكي كل حاجة كويسه ومتغيرتش انتي بعتيني عشان ولد ومتغيرتش بعتيني عشان صحاب وحشين ومتغيرتش سيبت الي بيحبني عشانك وخطيبك كان يقول فيا بسببك
قولت كلام كتير من دا عشان متعصبه هي قالتلي انتي بتعايرني وانتي الي اتغيرتي ووحشه وبتتغيري عشان اي عشان ولاد وخطيبي مقولتلكيش كلميه انتي الي كنتي تبعتي مع ان والله العظيم هي كانت تقولي قوليلو انا زعلانه من كذا قالتلي متبعتليش حاجه تاني ومسحت رقمي وعملتلي انفولو من كل مكان حتى اخواتها برضو نفس الكلام
يوم عيد ميلادها كلمتها عاتبتها واعتذرت لها علقت رسايلي بالايام وترد ع القد فاسكت بعدين كلمتها تاني بتقولي انتي الي بتبعدي لما بطلتي تتكلمي قولت مش عايزاني قولتلها انا بعتذرلك وانتي بتطنشي دا اي
مش شايفه نفسها غلطانه خالص وان كل الغلط بسببي واننا وصلنا هنا بسببي بسبب اني بقفل ومش بقولها وكدا اتغيرت آخر فتره قفلت كنت تعبانه فرنت عليا صاحبه تاني قولتلها اني تعبانه وتقول لصحبتي دي اني تعبانه قالتلي ماشي البنت طنشت مقالتش لما فتحت كنت فاكره اني البنت قيلالها فزعلت اني ازاي تعبانه وحتى مقالتش مالك بالكدب لما قولتلها كدا قالتلي هي مقالتليش قالتلي بعد مافتحتي وأنا اصلا زعلانه منك تقولي ليها ومتقوليش ليا
قولتلها انا كنت تعبانه وهي سألت وانتي واجبك كان المفروض تدوري وتسألي قالتلي لا انا مش غلطانه خلي صحبتك دي تنفعك طالما بتحكيلها انا حرفيا تعبت وكلامها قاهرني ازاي تشوفني كدا بعد الي عملتو كل دا معاها ازاي تقول عليا كدا ونا بحاول بدل المره اتنين وتلاته وهي بتقولي مبتحاوليش انا هتجنن مش عارفه مين فينا الصح ونا فعلا غلطانه ولا ولا وازاي يهون عليها نبعد كدا وحتى لو غلطت ماهي غلطت نفس غلطي واكبر وسامحتها ليه مش عايزه تسامحني انا غلطانه بجد؟؟
لعرض السؤال في فدني اضغط هنا
ساعدوني ساعدوني.
عشان اشوف حل.
دلوقتي انا رايحه أولى ثانوي و كنت تجريبي و كان معايا بنت من أولى اعدادي ديما كانت بتلبس محتشم و باين انها كويسه قولت اتصاحب عليها كانت بتعاملني كويس بس هي راحت فصل تاني و هي ساعات بتكلمني وحش و تزعجني مكنتش برد عليها و اسكت علشان العلاقه تستمر
و لما اطلب حاجه منها كانت مش بتيدلي حاجه و انا كنت بديلها عادي علشان العلاقه تستمر و بكتم جوايا و بسكت و هي نقلت حكومي عربي و انا زيها و مكنتش اعرف انها هتنقل و طلع امها صاحبة ماما و عمها صاحب عمي الانتيم و بيتها قريب من بيتي
و انا مش عاوزه اكلمها تاني بس ماما بتقولي دي شاطره و كويسه و خليكي معها و مش عارفه اقلها ازاي و هي ماما ديما بتشكر فيها مع انها البنت كانت ديما بتحرجني مع الناس أو صحابي و مش كويسه معايا اعمل ايه
لعرض السؤال في فدني اضغط هنا
انا متعلق بناس وبحبهم بجد يعني او ليهم معزه خاصه بس انا بقيت بلنسبالهم عادي او مش كده يعني هما كده بس انا بالغت في تقديرهم يعني بفكر فيهم دايما وبعزهم بس هما ممكن ميكونوش بيفكرو فيا زي منا بفكر فيهم ممكن اعرف ازاي احل المشكلة دي منغير مقعد افكر كتير واتعب نفسي
لعرض السؤال في فدني اضغط هنا
هو عادي او طبيعي ان الكلام بيني انا وصحابي محصلش غير لو هنشتكوا لبعض؟
أو يستشروني في حاجه حتي ايام العيد مش بنعيد علي بعض لو انا مدخلتش كلمتهم مش بيتكلموا غير كدا بيجوا لو في مشكله او حاجه محتاجين رايي يتكلموا معايا انا مش زعلانه أنهم بيشتكولي بالعكس بس انا من كتر ماحنا ممكن مقعد شهور منتكلمش بحس اني لوحدي فيهم متجوز وفيهم لا وكل واحد عنده ظروفه عارفه بس الموضوع دا مضايقني شويه
لعرض السؤال في فدني اضغط هنا
إزاي اقدر أكسب الأصدقاء
لعرض السؤال في فدني اضغط هنا
انا سيئه في التعبير عن حبي او احتياجي لشخص حتى وان كان عزيز هو دائما ما اشعر عندما نبتعد عن اي شخص او حتى شخص كان مقرب ان مجرد المحايله حتى مره او اثنين على اي شخص اشعر انها قد تكون اهانه او ذله رغم ان النقاش يكون محترم ونتبادل النقاش بشكل عادي لكنني اشعر بهذا وايضا اذا كنت اتالم بداخلي وافتقد هذا الشخص يصعب علي ان اخبره بذلك وقد يمر فتره طويله دون ان اتحدث معه حتى ان كنت افكر به طوال اليوم وطوال الوقت وان كنت ارغب في التعامل معه او عندما اتعامل معهم في الواقع اود دائما ان اتعامل بشكل عادي ولطيف كاننا لم نكن اعزاء ولكن لا اتعامل معه كاننا اعداء والمشكله هنا ان حينها يراني الشخص الذي ابتعدنا عن بعضنا انني اعامله بشكل بارد رغم ان هذا ليس ما اود فعله ابدا ولكن عقلي يبعدني عن الشخص ويجعل تعبيرات وجهي بارده رغم انني قد اتعامل مع ذلك الشخص العزيز البعيد وانا بداخلي في خجل لانني اتمنى ان اكون معه ولا افعل ذالك ربما شرحي سئ اتمنى ان تفهموا ما اقصد المختصر انا اريد ان افعل شيئا ما ولكن عقلي يفعل شيئا اخر ثم اتصرف بشكل عكسي فاكون بارده ولطيفه وغضب ولا افهم هل تفهمون؟
لعرض السؤال في فدني اضغط هنا
السلام عليكم ي اخواتي
عساكم بخير جميعاً
عاوزه اشارك معاكم حاجه و تدوني رأيكم
انا عندي صاحبه معايا من حضانه يعني حرفيا صاحبه عمري هي يتيمه ام و مع بعض من زمان اوييييي المهم صاحبتي ربنا كرمها و درست تمريض عسكري في محافظة غير محافظتنا و حاليا بتشتغل في المحافظه اللي درست فيها يعني هي مغتربه كل اجازه بتنزل لازم تيجي لحد البيت عندي و تقعد معايا شويه و بعدين تمشي تمام
هي كانت محترمه جداااااا و الله كانوا بيحلفوا ب اخلاقها و مازالوا يعني بصراحه مش عليها غبره بس لما تيجي عندي بتحكيلي عن شباب بيدخلوا يكلموها و يتعرفوا و كده بحكم شغلها يعني ي جماعه و الشباب دول بيبقوا معاها ممرضين أو دكاتره و هي مش مرتبطه باي واحد فيهم بس مع دا شويه و دا شويه أصحاب يعني ي جماعه و من كترهم و الله العظيم بتلخبط بين أساميهم بنصحها كتير متختلطش قدر الإمكان و متردش علي حد فيهم بس للاسف هي بتتدايق مني لما اقولها كده ليا فتره مش مرتحالها و حقيقي مش حابه نهائي زيارتها ليا و بتخنق منها مع انها صحبتي الوحيده و مش عارفه اعمل ايه و مش قادره ابعد عنها هي غلبانه اوي و بتغرق في شبر مايه مش عارفه بجد احلى مشكلتي دي ازاي
لعرض السؤال في فدني اضغط هنا
عندي صديقة مقربة جدًا وصالحة، جات فترة وقررت تضيف ناس في صُحبتنا أتعرفت على بنتين صالحات المهم بقينا أربعة وكنا صحبة صالحة بعدين بدأت ألاحظ إنها بتبعد عني بس علي خفيف يعني تقعد أربع أو خمس ما ترودش على الرسايل بدأت بعدين أكشف إنها بتكلم أصحبنا الاتنين كتير المهم أنا قعدت سنة وأنا مهملة أخدت قرار إني أبعد عنهم هما الثلاثة، وفعلًا أصبحت بعيدة عنهم عدى حوالي أربع شهور من بُعدي هي بدأت تلاحظ بدأت تبعتلي فينك مختفية قولتلها سبب زعلي وعاتبتها عشان علاقتنا كانت لله ردها كان عبارة عن عندك حق!! المهم قررت فعلًا أبعد حفظت القرآن وبعدين أكشفت إني كنت متعطلة بسببها وهي صُحبة 4 سنين حفظت القرآن وعملت إنجازات كتير كل دا في أقل من سنتين بعدين بدأت تتواصل معايا وتسألي عني مع دالوقتي هي بتقولي عايزة علاقتنا ترجع زي الأول وأنا مش عايزة عشان لما بعدت عنها أكشفت إنها كانت بتعمل كل حاجة عشان مصلحتها بس حتي القرآن كانت تختار الـ يريحها هي وفي العلاقات، أنا دالوقتي مش هقول أنا وحدي عشان أنا حياتي ووقتي مشغولين ومش عايزة أصدقاء، دالوقتي هي رجعت بعد ما الاتنين الـ جبتهم يكونوا أصحابنا هما صحابوا بعض يعني إحنا أتفرقنا وهما دالوقتي أصحاب!! هي دالوقتي عايزة ترجع وأنا مش عايزة هل أنا كدا مش صحبة صالحة وعلاقتي مكنتش لله دي مش كل التفاصيل هي عملت حاجات اكتر زي خروجها معاهم وأنها تهتم بيهم أكتر مني وسابتني عشانهم وأنا سبتها بس بعد سنة محالاوت! حد مر بحاجة زي دي وإزاي أقدر أقولها إني مش عايزة أرجع بس من غير أجرحها أو ازعلها
لعرض السؤال في فدني اضغط هنا
لو انا معنديش صحاب و الموضوع ده ماثر عليا جامد اوى و مخلينى ديما حاسه ان انا لوحدى و مش محبوبه مع انى حلوه و لبسى حلو و فى كلية كويسه بس ديما بعرف اكسب الناس الكبيره و الاطفال و الولاد بس لكن مش بعرف اتعامل مع البنات اللى فى سنى و بشوفهم بيخرجوا ويهزروا و مش بلاقى حد معايا
لعرض السؤال في فدني اضغط هنا
السلام عليكم ورحمة الله، جماعة ممكن حد يقولي ازاي ألقى صديق صالح(أونلاين) ، شخص مهتم بدراسة العلم الشرعي، أو حتى مش بيطلب علم ولكن بالنسبة ليه أن الدين هو المركزية بتاعته في الحياة اللي بيبني عليها أفكاره وقراراته. أنا ١٨ سنة.
لعرض السؤال في فدني اضغط هنا
انا عندى مشكلة وهو انى بخاف من اى مكان جديد بروحو او مكان فى ناس كتير بتوتر جدا وبحس بخوف وانى مش عارفة اتكلم ولا ابدأ كلام واحس ان الكلام بيروح منى او انى اكلم حد فون اسأل على حاجة المهم انى قررت اخد كورس انجليزي يعنى بس لسا مستفسرتش عن اى حاجة وطبعاً انا بحاول اتحدى خوفى واخد الكورس دا اوف لاين مش اون لاين عشان احاول اتعامل وكدا ولما شفت ريفيوهات عن المكان لقيت فى ناس كتير وبيعملو حجات اجتماعية كتير وفيها مشاركة وتواصل بينهم وبين بعض فانا بمجرد انى شوفت كدا ولسا مروحتش حسيت ان الموضوع كبير عليا اوى وانا بسبب الموضوع دا انا ضيعت فرص في حاجات كتير فحياتى فانصحونى اعمل اية وازاى اتخلص من الخوف من الناس دا وازاى اقدر اتواصل مع الناس و اكون معارف وصدقات
لعرض السؤال في فدني اضغط هنا
اهلا
قبل اى حاجة اعذرونى لو كان الكلام كتير شوية أو اوى بس انا فعلا كنت محتاجة اسمع آراء بجد
أنا قلت قبل كدة أن أنا لما قررت ابعد خطوة عن صحبتى دى وقتها كان عندى صديقة اقدر اقول عليها صديقتى المقربة ولكن هى برده زيها زى صحبتى الاولى أنا تقريبا عرفتهم فى نفس الوقت وكنت صاحبة الاتنين عادى ومكنتش فى اى مشكلة فى دا المهم ان البنت دى بقى كانت حكايتها حكاية بجد هى كانت صاحبة واحدة صحبتى اللى هى صحبتى اللى بتقعد جنبى فى الديسك المهم أن صحبتى دى كانت لتبدل معاها عشان تقعد جنبى فى الديسك على أساس هى هتضايقنى وكدة ولو أنا باردة هى مش عارفة هتعمل ايه 😂 المهم انا لفترة كدة خدت الموضوع بشكل تحدى وبدل ما هى اللى كانت عايزة تضايقنى الحقيقة أنا اللى كنت مطلعة عينها يعنى ساعات ببقى رزلة شوية مستفزة حبتين باردة كتير لما بعوز يعنى واقوللكوا حاجة هى استسلمت فى الاخر يا عينى والله بس انا بعد شوية على فكرة مش كتير يعنى سيت شغل الاطفال دا وكان عندى فضول تجاهها أنا عارفاها من زمان شكلا بس عمرى ما اتعاملت معاها وعلى فكرة كان انطباعا الاول عنها انها لطيفة بعد كدة بقيت بشوف هى بتعمل ايه بتكلم مين حياتها عاملة ازاى يعنى انا كنت عارفة كل صحابها تقريبا هى كانت مصاحبة أربعة يعنى وشلة وكدة غير صحبتى اللى بتقعد جنبى طبعا واحدة من صحابها كانت هى زى ما تقولوا كدة اشهر بنت فى الفصل انها أبلة ومعظم قرايبها مدرسين والسلطة والنفوذ وكدة يعنى غير أن اصلا معظم البنات فى الفصل صحابها وبيحبوها جدا لكن انا لا يعنى بحكم أنى مكنتش يختلط بحد اصلا مختلطتش بيها كتير وطبيعة كانت تبقى هى زعيمة الشلة
الاتنين التانيين من الشلة ودول قرايب اصلا وانا عارفة هم من الحضانة هما كانوا صحاب جدا جدا متشوفش واحدة من غير التانية والاتنين شاطرين بس فى واحدة اشطر شوية من التانية
والأخيرة بنت بسيطة شوية عادية هادئة طيبة ومرحة ومستواها أقل من المتوسط شوية
المهم هى كانت قاعدة فى الفصل جنب البنت زعيمة الشلة وبنت من الاتنين الصحاب والاتنين التانيين فى الفصل التانى
المهم عشان الاختصار انا حسيت مع نفسى كدة أنهم مش بيعاملوها كويس خصوصا البنت رئيسة الشلة والبنت التانية من الثنائى اللى فى الفصل الثانى بس لطرق مختلفة يعنى الاولى عاملة نفسها حلوة وطيبة ولو هى قالت اى حاجة تقلب عليها الترابيزة وكدة وبالنسبة للبنت التانية فكانت بتضايقها بطريقة كلامها نظراتها كدة يعنى
أنا بقى كنت متعودة من زمان شوية من ساعة حتى لما كنت يضايقها وتضايقنى انها لما كانت تتخانق هى وصحبتى اللى قاعدة جنبى فى الديسك بصالحهم واقعد اقنع فيهم وملكوش غير بعض وكلام من دا يعنى لحد بقى فى مرة اتخانقوا فقعدت اسمع الحكاية الصراحة حسيت أن صاحبتى هى اللى غلطانة وقعدت اسمع من التانية اكتر ومش هتتصوروا فتحتلى قلبها وقعدت تقول قد ايه بتضايق من ايه وايه ومين بيعمل ايه وكلام كتير وانا كنت بقول لها معلش خلى عندك ثقة فى نفسك ومش فاكرة قلتلها ايه تاني لكن اكيد كان كلام حلو لانها سمعته بعدها بقينا بنتكلم اكتر وهى بتحكى اكتر وبقينا صحاب جدا يعنى وكان فيه بينا اهتمامات مشتركة اكيد وهل كانت نعمة الصديقة والله لما كنت عاملة عملية فى مرة مش هتتخيلوا انها زارتنى مرتين مرة مع صاحبتى اللى بتقعد جنبى ومرة لوحدها فى حين أن صحبتى دى مجتش غير مرة واحدة رغم أنها بتخرج عادى جدا فى اى وقت وفى اى مكان دا غير أن البنت دى كناةلية فى مرحلة انها يا دوب صاحبة صاحبتى وساعات بنضايق بعض
لكن انا برده عمرى ما نسيت قبلها لما كنت بروح دروس رياضة مختلف عنهم والمدرس مكنش شرحلنا درس وكان هييجى فى الاختبار الشهرى وحرفيا أنا رغم انى بعرف اذاكر لوحدى عارف كنت ضايعة فى الدرس دا ومش قادرة افهموا ومش هقوللكوا أنى قلت الكلمتين دول للكل أنى مش فاهمة الدرس وهييجى فى الاختبار يمكن للفصل كله اصلا وهى الوحيدة برده اللى اهتمت وقالتلى تعالى فهموا لكى ورغم أنها اصلا مش اشطر واحدة فى الفصل ولا أقرب واحدة ليا لكن هى قالتلى الحاجة اللى كانت تائهة منى وفهمت فعلا الدرس وحليت كمان الاختبار كله صح
ومن ساعتها وانا مش ناسياها لها ابدا سواء الموقف دا أو التانى يعنى عارفين الاختبارات اللى الواحد بيبقى عاملها للناس مع نفسوا دول اللى هو كل الاختيارات صح بس فى حاجة معينة لو عملوها هتسعدك اوى وهى هى دايما كنت بتعمل الحاجة دى ولحد دلوقتى الفكرة بقى أنى مش كنت بكلمها هى بس لا انا كنت برد على اى واحدة من صاحباتها ولا غيرهم تضايقها وكنت يوقفهم عند حدهم بطريقة مكنتش اعرف أنى اقدر اعملها وصلت ان فى مرة كان الأستاذ وعقلها ظلم من غير سبب وكانت زعلانة جدا زى اى حد مكانها ولما جت الفسحة نزلت ونزلنا معاها أنا وصحبتى وساعتها بقى انا طلعت قبلهم الفصل لقيت الاتنين صاحبها اللى فى الفصل قاعدين وحواليهم ملموم بقيت الشلة وكدة رحت أنا بقى بكل برود معرفش ايه دا بجد وبإبتسامة وبصيت الاتنين وقلت لهم ايه الندالة دى طبعا مش محتاجة اقوللك انهم اتعفرتوا وخصوصا زعيمة الشلة وقبل ما يتكلموا قاتلهم يعنى مش كفاية سايبينها قاعدة ورا لوحدها كمان لما الاستاذ خرج مفكرتوش حتى تروحوا تشوفوا مالها ولا تطمنوا عليها
وقلت الكلمة ورحت ماشية على طول قبل ما يلحقوا يردوا اصلا المهم انى لما طلعت تانى رحت قلت لزعيمة السلة بينى وبينها انت زعلانة منى قالتلى اه قلتلها اخس عليكى هو احنا فى بينا الكلام دا برده لا متزعليش معرفش ايه بنا دا احنا اصلا ملناش علاقة ببعض وبس كدة يعتبر صالحتها بعد ما حرقت دمها راجعة الديسك لقيت البنت بتقوللى بن انت عملتى ايه مش واثقة فيكى قلتلها ولا اى حاجة هو أنا بعمل حاجة اصلا وبس كدة
تعرفوا انها مسكتتش اقصد زعيمة الشلة جات بعد كام يوم وكانت معاها صاحبتها المقربة جدا ودى واحدة برا الشلة وافتكروها كويس المهم وقفونى فى مرة وقعدت تقنعنى قد ايه البنت هى اللى غلطانة وكدة والحقيقة أنا تقريبا معرفش ايه اللى حصللى قلتلها متحاوليش أنا عمرى ماهقتنع انها غلطانة فولعت اكتر رحت سايباهم تانى وماشية
وبس مش هيتتخيلوا برده أنى عرفت بعدها بأيام كتير انها راحت قالت لشلتها وللبنت دى أنى قلتلها أنى هفرق بينهم ومش نخليهم يتصالحوا وطبعا انا مقلتش كدة وكان عندى دليل وعندى استعداد اسال صحبتها قدام الكل أما قلت ايه وعارفة انها هتقول الصراحة ويمكن دا حصل كدة بارادةربنا أن لما صحبتى سالتنى ايه اللى حصل يومها قلتلها اسالى صحبتها كانت معانا عشان مش فاكرة والحمد لله أنى عملت كدة طبعا
المهم مرت الايام وبقينا احنا الاتنين صحاب جدا حتى لو مكنش دا هدفى فعلا أنا بس مكنش عاجبنى طريقة تعاملهم معاها مش اكتر لكن مكنش قصدى اخدها منهم ولا حتى أحدها من صحبتى بعد كدة لأن احنا بقينا تلاتة لما هى انضمت ليا أنا وصحبتى اللى قاعدة معايا فى الديسك بس بقينا بنتكلم اكتر وعلاقتى بيها بقت ثنائية وعرفت بعد كدة أن هى والبنتين القرائي كانوا فى الاول صحاب اوى وبعدين انضم لهم البنت زعيمة الشلة والطيبة وبدأ يحصل مشاكل وهتافات وكدة وبعد ما بقت هى صحبتى لاحظت أن البنت الزعيمة والبنت اللى كانت معاها اللى هى واحدة من البنتين بقوا قريبين هما كمان وثنائى والتانية والطيبة هما كمان بقوا كدة المهم مش هطول عليكوا اكتر من كدة من كام شهر المشاكل بينى أنا وهى بدأت تزيد اكتر وأعتقد أن القصة دخل فيها ناس تانيين هتضحكوا لو عرفتوا هما مين وبعدها خالص بجد بعدنا مش عارفين ليه وازاى أنا كنت فاكرة أنى بطلت احبها بس عارفين الإجازة دى قبل الإجازة زى ما قلتلكوا دخل ناس فى الحماية واحدة خيبت أنى حبيتها اكتر من صحبتى وواحدة حسيت انى حبيتها زيها لكن لما قعدت فى أسبوع كامل ماكلمش حد فى الإجازة بحد بجد هى الوحيدة اللى وحشتينى وهى اخر حد كنت اتوقع يوحشنى يعنى بعد دا كله البنات دى أنا معنديش اى رغبة اشوفهم ومهما حصل هى فضلت برده اكتر صديقة حقيقية أنا حصلت عليها معرفش دا حصل برده الاجازة اللى فاتت كانت واحشانى كدة وانا اللى عمرى ما حد وحشنى فى الإجازة ابدا سواء قبلها أو بعدها ودا اللى حصل فهل يا ترى أنا كدة كان قصدى أخدها من صحابها وانا وحشة هل انا غلطت فى حقها أنا مش عارفة أنا عملت ليه أو ايه اللى حصل عشان تبعد لكن الأكيد أن مكانتها عندى لسة متغيرتش وحاسة انها كمان بتحبنى ومكانتى عندها متغيرتش
أنا مش عارفة فعلا
لعرض السؤال في فدني اضغط هنا
سلام عليكم
أنا معنديش مشكلة حقيقية لكن هى حاجة حصلت معايا ومحتاجة أو عايزة بس احكيها ع مش عارفة ابدا منين لكن انا فقدت كل اصدقائى فجأة وانا حرفيا معرفش ايه السبب أو يمكن حابة اعرف وحابة لا وقبل كل حاجة عايزة اقوللكوا أنى قبل كدة عمر ما كان عندى صحاب وكل علاقاتى كانت فى اخر سنة أو اتنين بس مثلا صاحبت واحدة وكنا سمنة على عسل يعنى هوايتها زى بعض ومتفقين وشاطرين زى بعض وفيه كمياء يعنى زى ما بيقولوا بس الحقيقة أنا اللى بعده عنها يمكن فى لدا اسباب مختلفة
زى انها مثلا كان لازم أنا اللى اكلمها وافتح الكلام دائما خصوصا على الواتس عشان كدة لما أنا بطلت ابعت العلاقة وقفت
وزى انها حسيت انها دلوعة وتصرفاتها معحبتنيش زى انها ساعات بتغش وكدة تصرفات طايشة يعنى الحقيقة محستش أنى قادرة أنى اجارى النوع دا من الصداقات دا غير أنها عملت موقف أعتقد أنه كان فيصلى بالنسبالي وللاختصار لما احتجت مساعدة حتى لو كانت بسيطة جدا هى كانت هناك بتضحك زيها زى اى حد عادى عشان كدة فكرت انها كان لازم تبقى زى اى حد فعلا
ويمكن برده من الأسباب أنى ساعتها كان عندى شخص اقول عليه صديقتى المقربة بجد بس دا مكانش سبب هو يمكن بس شجعنى أنى اخد الخطوة دى وادفن الصداقة اللى ملحقتش تتكون اصلا لكن مكنتش خطوة صعبة على ما اظن لانى بس بطلت ابادر لمدة وهى كانت كويسة يعنى وعملت احلى صحاب وشلل وكل الحاجات اللى انا عمرى ما كنت هقدر أقدمها لا والحقيقة أنا مش عارفة أنا ندمانة ولا لا لكن اعتقد لا ومش كارهاها دلوقتى ولا بحبها لكن ممتنة للذكريات السعيدة معاها
لعرض السؤال في فدني اضغط هنا
دلوقتي انا و صاحبي صحاب من اكتر من 7 سنين و حصل موقف مؤخراً و سوء تفاهم و انا قولته متكلمش معايا تاني و اخر كلام بينا و هو الي غلطان ف الموضوع و عده فترة كده
اعمل ايه اكلمه ولا اقوله ايه
لعرض السؤال في فدني اضغط هنا
السلام عليكم
عندى واحدة صحبتى من الحضانة حرفيا هى اكبر منى بسنة بس كنا ف الحضانة سوا وهى جارتي و قريبتى ف مرتبطين ببعض جدا
كل ما نكبر بحس شخصيتها بتتغير يعنى احنا كنا بعدنا شوية الكام سنة اللى فاتت بسبب الدراسة وكدا ومكناش بنقعد مع بعض خالص .. دلوقتى حرفيا هى كل يوم عندنا وأهلى بيحبوها جدا وانا كمان بعتبره اختى وهى برضه بتعتبر نفسها اختى حتى انها بتدخل المطبخ تساعدنا وتروق الشقة معانا ومعتبرة نفسها واحدة مننا واحنا كمان والله بنحبها كدا
بس هى بتتكلم على الناس كتير بطريقة مش حلوة كل كلامها كدا حرفيا يعنى ناس هى ملهاش تعامل معاهم وتقعد تشتم فيهم وتقلل منهم بطريقة وحشة اوووى وانا كذا مرة اقولها ان كدا غلط مفيش فايدة
يعنى مثلا حد حالته الاجتماعية مش احسن حاجة هى تقعد تتريق عليهم وتضحك ... فشكلت خطوبتها من واحد محترم بجد وطيب اوى ومشافتش منه حاجة وحشة وهى نفسها بتقول كدا بس فجأة الاقيها قدام الناس بتقعد تشتم فيه .. لما تيجى الشقة بتتدخل ف خصوصياتنا بطريقة صعبة وبتتكلم بطريقة وحشة يعنى مثلا انا بروح الكلية فى محافظة تانية بمشى من قبل ٦ الصبح باجى بالليل بنام علطول ومش بيبقى ف وقت اصلا اعمل حاجة تانية .. هى بقى لما تلاقى الشقة مش احسن حاجة او مثلا طرحة ع السرير تقعد تقولى انتى هتروقى امتى هو دا منظر وهكذا .. مع العلم انى نظيفة وبكره الكركبة بس الفكرة ان اخواتى كلهم صبيان وبيكركبوا وماما. عندها الغضروف وانا مش بخليها تعمل حاجة ف اكيد الشقة مش هتكون طول الوقت بيرفيكت .. وانا لما بروح عندها او حاجة بلاقي كركبة برضه بس عمرى ما اقول كدا بالعكس بقعد اقولها انه عادى هى المفروض تعرف ان دى حاجة خاصة بينا نظيفة مش نظيفة دى حاجة تخصنا ودى حرمة بيت يعنى
برضه دايما تتعمد تقلل منى وسط الهزار يعنى مثلا انا ف تمريض وهى ف تربية وفى واحدة أصغر مننا بسنتين معاها دبلوم تقريبا دخلت تمريض خاص او حاجة ف هى لما عرفت جت جرى تقولى وطبعا دا كله وسط الهزار .. بتقولى اول ما شوفتها افتكرتك يعنى انت اخرك هتتساوى ب دى .. وكذا مرة تجيب سيرتها وتقولى انتى مش عارفة تقولى ع نفسك دكتورة زى ما هى بتقول ع نفسها .. ومن دا كتييير
المشكلة انى لما باخد موقف هى بتقلب الموضوع بهزار ومفيش فايدة .. هى بجد بتسببلى ألم نفسى
لعرض السؤال في فدني اضغط هنا
انا من سنتين تقريبا انتقلت عمجتمع جديد وصار عند شلة رفقات وكانو كتير مناح وحبابين معي وضلينا كتير مناح ورفقات فترة كتير طويلة وصار موقف انو اجا شب من الشلة طلب نني ارتبط مع بس انا ما قبلت وما خبرت الباقي وضلينا رفقة بعدا سنة وانا ماني قايلة لحدا بس بعرف انو هوي مخبر الكل بي انا كنت خايفة من ردة فعلن انو يقلبو ضدي او انو يصير موقف ومشكلة بالشلة وكمان مشان خفف حكي بالموضوع وبعد مرور سنة مانلة تخطينا هي القصة انا والشب بس هوي بيرجع بيفتح الموضوع لوحدة كتيير مقربة من رفقاتي بتجي بتقلي هيي انو بدي خبرك شي عم فلان بس بس شوفك وبعظا شفتا اكتر من مرة وما حكت نطرت لقبل العيد بيوم وقدام باقي رفقاتي وفي منن كان غريبين عني وبتجي تفتح الموضع لاول مرة معي وصدمتني في انا زعلت منا انو ليش عم تفاجأ قدام العالم وقالتلي انو هوي بيضل يحكي عليكي وحطيلو حد وهيك المهم بعدين انا رجعت عاتبتا انو هيي كيف بتحكيني بشغلة انا ما حكيانة فيا من قبل وقدام العالم عطني حجة بايخة انو نحنا رفقاتك مافي غير كم حدا غريب وهنن اصلا بيعرفو وقال انا كان لازم سكر عالموضوع اذا ما عجبني المهم عملت التصرف المناسب مع الشب وعاتبتن ورجعنا رفقة
بعدين صارت تقلل من قيمة قدام العالم وتقلن هاي معقدة وهاي ما فالحة بدراستا ومتوحدة عاساس انو عم يمزحو ويجرحوني بحكين
ومرة انا حكيت قدامن انو انا معجبة بشخص بس هوي كتير مشهور بس هوي بعيد عنن يعني من منطقة تاني وانا اكدت انو انا مستحيل احكي مع او خبرو اني معجبة وهيي راحت ارتبطت مع واحد قريب من منطقتو بتجي هيك بيوم عادي بعد ما بتكون قاهرتني بتحاهلا وتخجيلا الي قدام العالم وانو انا عطول غلط بتقلي فلان نرتبط بدون ايا مقدامات وكمان قدام العالم انا كتير انقهرت وقلتلا اي عادي مبروك قالت يبارك فيكي بس انا ما بعرف اذا هيي حكيانة معو مشاني وقايلتو فلانة هيك او هيي باعتة حبيبا يسالو وفضحني حبيبا او هيي بس عم تجاكرني وتعمل فيني ضرب مشان انا ضل متوترة. هلق انا بعدت عنا وعم اتجاهلا كتير بس ما بعرف شو التصرف الصح اني عاتبا وافهم هيي شو عملت وليش مع انو مجربة وعكول بتعطيني حجج ما بتتصدق
اتركا وبكرا الله بحاسبا على يلي عملتو بنفس الطريقة يلي قهرتني فيا
روح اعملا مشكلة مع حبيبا كبيرة وخلي يرتبط مع غيرا وقلا ليكي فلان مرتبط بنفس الطريقة
جيب كلام ومعلومات عن حبيبا بتخجلا وقولن قدام الكل
او شي حل تاني بتمنى تساعدوني لاقي الحل الصح
لعرض السؤال في فدني اضغط هنا
السلام عليكم ورحمة الله وبركاته
انا نفسى يكون عندى صحاب اتاذيت اوى منهم، بيقعدو معايا ويطلعو يتكلمو عليا بالباطل ويضحكو عليا (عشان قصيره وبلبس خمار) كنت شطوره اوى وبطلع الاولى، لغاية 3 اعدادى بس جدو اتوفى نفسيتى تعبت وانتكست سبت الخمار والدراسه وصاحبت بنوته حلوه (العيون عليها عمتا) بس دى بدل متقولى الخمار حلو متقلعوش فننتلى ف الطرحه وقلعته،
اخدت جنب كدا لوحدها بعدها بفتره دخلى ولد من دفعتى وقاللى انه عاوز رقمها الجديد لانها بلكته(كانوا مرتبطين) وانا مكنتش اعرف رفضت اديه ليه وكله قاللى انها اللي ادته الرقم حتى هوا قالىى بلكته لما عرفته عشان بلكته طلع قال انى ارتبطت بيه والشباب مش بتسكت بس مفرقش ف شخصيتى بره واتعاملت عادى بس نفسيتى تعبانه،
وباقى صحابى بيبعتو لبعض ريكوردات عن قد اى انى تقيله عليهم وانهم تعبوا منى، واخر واحده كنت معاها عملتلى بلوك عشان داخله اصلح بينها وبين بنت صحبتى تانيه والله لسه بقول ف اى بس عملت بلوك يلا الحمد لله قررت انى هبدأ لوحدى وهأسس كيانى وذاتى
انا دلوقتي داخله 2 ثانوى وازهر نسيت كل اللي حفظاه من القرآن حرفيّا مش فاكره حاجه ونفسيتى تعبانه ومش عارفه ارجع تانى ولا اثق ف نفسى ممكن تفيدونى انا هبدأ دروس ف اول 7 (شرعى) ومش عارفه اعمل اى؟؟؟
لعرض السؤال في فدني اضغط هنا
في موضوع غريب جدا معايا مش عارفة هو في اي. موضوع أني مش متشافة. او مش معروفة حرفيا. وسط قرايبي اللي هما من بعيد مش بيشوفونا غير في المناسبات مثلا يعرفو أخواتي لكن ميعرفونيش. او ميعرفوش أني موجودة أصلا.
جيراني والناس اللي حوليا وحتى وسط صحابي. المجموعة كلها بتبقى معروفة الا انا. ديما اتسأل انا مين؟ ميعروفنيش ك أسمي. لازم اقولهم انا بنت مين او صاحبة مين او تبع مين. ويتفاجئوا اني موجودة اصلا.
يعني مثلا في يوم في صديقة ليا جت مدرستي زيارة وهي من مدرسة تانية. في الفسحة كنت ماشية انا وهي وصحبتي التانية من مدرستي عادي. المهم عدي من جمبنا استاذ ووقف للحظة وبصلنا ولقيته بيكلمني ويقولي انتي منين؟ اول مرة اشوفك هنا. قلتله لا مش انا دي صحبتي اللي مش من هنا. بصلها بعدين بصلي وقالي لا. انتي اللي غريبة عليا واول مرة اشوفك.
موضوع كان غريب ورخم وصحابي ضحكوا ع الموقف وحاولوا يفهموه انها من المدرسة وان دي هي اللي ضيفة مقتنعش. رغم ان دي مدرستي وفيها علطول. المهم نفس البنتين بقا وبرا المدرسة. البنت اللي كانت ضيفة في مدرستي برضو ضيفة في قريتي. يعني باختصار هي صحبتنا بس من منطقة تانية وصاحبنها مؤخرا وجت مدرستي بعدين قريبتي اخدتها انا صاحبتي وماشيين في شوارع القرية وكنا واقفين عند تجمع نسائي كدة.
جت وحده من وسطهم وقالتلي يابنت! انتي منين؟ اول مرة اشوفك هنا. وشي احمر. لعلمي هي مين وكمان انها مستغربتش صحبتي اللي مش من هنا واستغربتني انا. والمشكلة الاكبر انها من عيلتي. قلتلها بنت فلان اتفاجئت قالتلي يلاهوي. ده انتي بنت عمي. والله ما عرفتك (والدها وبابا ولاد عم)
المهم برضو كنا بنشتري انا وصحبتي اللي من نفس منطقتي من محل وحدة جارتي في الشارع اللي جمبي.قالتلي انتي مين قلتلها بنت فلان قالتلي انتي فلانه؟ قلتلها لا دي اختي الكبيرة. قالتلي لا مش فكراكي او مش واخدة بالي منك؟
المهم كثير من المواقف الكتيييير اللي بتحسسني حرفيا اني غير مرئية غير موجودة. زي ما يكون مكتوب عليا اني ابقا كأني غير موجودة. كل المواقف دي بتحصل قدام صحبتي اللي من قريتي. لحد ما بقت بتقول باستهزاء. انتي محدش يعرفك. انتي مش موجودة.
انا بقرية. يعني الكل يعرف الكل. مفيش موضوع ان كل واحد في نفسه. او من حقهم انهم مش يعرفوني. لا. بيبقوا عارفين كل صحابي رغم عدم وحود علاقات بينهم. او حتى مش بيستغربوهم زي ما استغربوني انا ومستغربوش الضيفة اللي اول مرة تيجي
لعرض السؤال في فدني اضغط هنا
السلام عليكم.
لدي مشكلة بسيطة أعاني منها في التعامل مع المقربين مني. وهي أنني أرى نفسي دائما على حق. وأنني لست المخطئة. وبصراحة هذا بسبب أنني فعلا أتجنب أن يكون الخطأ من عندي لو حدثت مشكلة ما. وتكون من الطرف الأخر إن حدثت. يعني مثلا عندما أتشاجر أنا وصديقتي ونأتي لنتصالح أخبرها بأنها المخطئة لأنها فعلا مخطئة وهي تدري ذلك ولكن عند ذكر أنني لست المخطئة هذا ما يغضبهم جدا ويرون أنني متكبرة ولا أعترف بخطئي
وهنا ليست المشكلة. المشكلة هي عندما أكون مخطئة فعلا ولكن أصر أني لست المخطئة وأنه لولا كذا لما فعلت ولولا تصرفك هذا لما فعلت هذا. وعندها اخبرها بأنه الخطأ من عندها هي وهذا ما يحدث معها ومع المقربين مني.
وأحيانا أرى هذا تصرف سيئ مني. لكن بعد فوات الأوان ولا أعلم ما الحل. لكنني فعلا أحاول دائما تجنب الخطأ والخطأ هنا أقصد به في التعامل معهم. يعني لا أحب أبدا أن أضايقهم أو أن أجعلهم يشعرون بالسوء وأحب ارضائهم ولكن عندما أغضبهم يكون بسبب أفعالهم معي. وبصراحة أحيانا أخرى أكون مستفزة
لعرض السؤال في فدني اضغط هنا
هالو انا جني عندي 18 سنه و داخله علي 19 و دي مشكلتي الشخروميه حرفيا من كتر ما بحكي مشاكلي علي فدني المهم انا مشكلتي اني مش فهماني و لما فهمتني بقيت تايهة اكتر مش عارفه اصلا انا عرفاني فعلا ولا لا
يعني انا معنديش ثقه فنفسي معرفش ليه و اي حاجه اشوفها من الشخص الي قدامي لو مقصوده او غير مقصوده بحسها مقصوده و انهم مش بيحبوني و غصب عني ببقي مركزه ف اصغر و ادق التفاصيل الي بيعملها الشخص الي قدامي و اخدها بحساسيه على طول
و مع اني باخد بالي من ان صحابي مثلا مش بيحبوني بلاقي الي بيعملوه علشاني يعني لو عايزين نقعد ف مكان و انا قولت لا انا حروح الاقيهم كلهم بيتحيلو عليا علشان اروح اقعد معايا و لما نيجي نمشي و نسلم على بعض بيتخانقووا مين يسلم عليا الاول و بتاع مع اننا ممكن نقعد كتير مبنتكلمش واتساب او اي حاجه
و لما ببقي زعلانه بيجو يشوفو مالي و يحولو يفرفشوني ساعات و لما يجو يتكلمو عليا بيتكلمو عليا بطريقه حلوه بس مخي بيقولي ان الي هنا بيقولوه عليكي دا بيقولوه علشان انتي قاعده معاهم مش اكتر بس الي هو اصلا ليه بفكر بالطريقه دي انا ده مش عايزاه ابقي كده و لا اشوف الوحش و بحاول اقنع نفسي ان دا حقيقي بس مش عارفه اقتنع
و اه انا شايفه الحلو بس مقتنعه بالوحش و اي حاجه صغيره بتحصل بشوفها وحشه على طول يعني لو نديت حد و مسمعنيش يبقي مش طايقني و مش عايز يكلمني و حاجات كتير اوي زي كده بقي و انا حد لما بيدايق من حاجه بيروح للشخص الي مدايق منو ويقولو انو مدايق منو علشان ارتاح نفسياً و علشان الي قدامي يحس إني مدايقه و يعرف ليه
و حاجه كمان انا سلبيه اوي معرفش ليه يعني انا بحب الفرح و الانبساط و الفرفشه بس معرفش لي ببقى نكديه دايما يعني انا نفسي ابقي انسانه ايجابيه اوي اي حاجه تحصل اخدها بإيجابية و براحه و لو مشكله حتتحل و لو في حد عمل اي حاجه تدايق او لا من وجهت نظري مدايقش و انكد على نفسي يعني مليش دعوه بحد
و بعدين انا كنت ببقى دايما مخنوقه و معرفش اي السبب بتاع الخنقه دي دلوقتي اعتقد بنسبه كبيره بقيت اعرف اي الي مدايقني مش دايما بس بقيت اعرف حاجات و مش بلاقي حلها بقي و بفضل مدايقه برضو حتى لو حاولت اهدي نفسي مش بعرف كنت فاكره اني لما اعرف انا ببقي مدايقه من اي حرتاح و أهدى بس لا محصلش كده خالص
و كمان بحس ب اني لما بحب حد بتعلق بيه اوي و بدي للشحص دا اهتمام وحب مش طبيعي بزياده بس في المقابل مش بحس اني بلاقي مقابل او مش زي ما انا معتقداه يعني الي هو عايزه الشخص دا يحبني و يهتم بيا زي ما انا بعمل بالظبط و لما بيبقي اقل من ما انا بديه بحس اني مش شايفاه اصلا
انا عايزه أبقى فعلا الشخصيه الي انا نفسي فيها دايما متفائله و اني اكون محبوبه او حتى اني احب نفسي و اهتم بيها علشان مبقاش عايزه ده من حد و كلامي على صحابي و عيلتي و اهلي بس مش على شب خالص علشان طريقه كلامي بتبين كده
اصلا فكره اني أصاحب شب دي مرفوضه تمام ف العيله و فتربيتي و دي حاجه تغضب ربنا فمستحيل و بحاول انتظم ف الصلاه الفتره دي علشان فعلا ابقى مرتاحه نفسيا و ابقي قريبه اكتر لربنا بس مش بعرف دايما وحاسه ان مفيش اي حاجه ممكن تغيرني للي انا عايزه اوصلو و سوري طولت عليكو
لعرض السؤال في فدني اضغط هنا
السلام عليكم ورحمه الله وبركاته
انا شخص انطوائي جدا و مكنتش بحب اتكلم مع حد لكن بعد فترة انا اتعرفت على صاحبتي و هي فعلا اصبحت كل حاجه في حياتي بس انا عندي مشكله اني لما بحب حد بحبه حب تملك يعني مش عايزاه تكلم حد غيري ولا تهزر مع حد حاولت كذا مره اني اعالج الحته دي لكن فعلا مش عارفه و بقيت بزعل منها كتير حتى لما حاولت اعالج الحته دي لقيت اني بحاول اقطع علاقتي بيها علشان مبقاش متضايقه بس دا بردو بيأثر على نفسيتي مش عارفه اعمل ايه
لعرض السؤال في فدني اضغط هنا
ازاي أعمل علاقات مع ناس جديدة؟
أنا ما عنديش غير صديقة واحدة وساكنة بعيد دلوقتي وحرفيًّا بنتقابل مرة واحدة في السنة
وللأسف أنا انطوائية ومش بخرج من ساعة ما اتخرجت (من سنتين) بمزاجي
بشتغل أونلاين وبنزل كل فين وفين ممكن مرة أو مرتين في الشهر أشتري حاجات بسيطة
المنطقة اللي ساكنة فيها ما فيهاش أماكن كويسة أقعد فيها كبنت يعني وعشان ألاقي مكان كويس لازم أركب مواصلات حوالي ساعة عشان أوصل، فعشان كدا مش بعرف أخرج باستمرار
والأصحاب الأونلاين جربت كتير، بس بعد فترة بيزهقوا وكل واحد بينشغل في حياته والتواصل بيقل زائد إنهم مش بيعالجوا مشكلة عدم نزولي من البيت عشان من محافظات ودول تانية
لعرض السؤال في فدني اضغط هنا
انا وصحبتي قطعنا كلام من اربع سنين ورجعنا نتكلم بقالنا اربع ايام ولا حاجه، حرفيا هي وحشاني اووي ونفسي نقرب تاني، وملاحظة انها مش بتقفل كلام يعني عادي وكده، ف رأيكم اعمل ايه؟ ازاي نرجع زي الاول؟ احنا قاطعين مع بعض واحنا 15 سنه واحنا دلوقتي 19 سنه.
صعب نتقابل الفتره دي لاننا ثانويه عامه وهي ساكنه بعيد عني، هنتقابل بعد الامتحانات المفروض.
لعرض السؤال في فدني اضغط هنا
ساعات بيبقى جوانا كلام كثير مش بنحب نتكلم فيه معا الاهل او الصحاب لاجل اننا بنحس انهم مش فاهمين او واخدين الموضوع غلط في او مش مكاني عشان يشوفوه من منظورنا كل الي محتاجه حد تمام اتكلم معاه نبقى صحاب عادي لاني بقالي كتير حوالي من سنتين بشوف ناس وحبيبها صحاب بس شكلهم كانهم اخوات واكتر المهم القبول والراحة النفسية
لعرض السؤال في فدني اضغط هنا
انا طالب في كلية تربية نوعية و من ساعه ما دخلت الكلية ديه و انا مش عارف اكون علاقات و لا عارف اعمل صحاب من الكلية ولا برا الكليه حاولت كتير اعرف ناس و يبقا عندي علاقات بس للاسف بيتقالي كلمه واحدة في كل مرة انت مريب معرفش ايه اللي حصل وحتى لما حاولت اعمل شلة و يبقا عندي صحاب لما بقف معاهم مش بيكون ليا رأي و مش بتكلم غير لو اتوجه ليا الكلام غير كدا يا ساكت أو ماسك الفون
و مبقتش عارف ارتبط انا عارف أنه حرام بس اكيد اي حد في سني عارف احساس انك عايز الاهتمام من حد بيحبك عايز حد ف اخر يومك تحكيله أن اللي حصل سواء حلو او وحش (انا مرة قبل حصلي حاجة حلوة في نص يوم فرحتني ملقتش حد اشاركه فرحتي زعلت أوي لدرجه عيني دمعت) و حاولت املا يومي يعني والصبح ف الكلية و بقيت اليوم ف الشغل و بعد كدا بطلع على الجيم معنديش وقت حتى افكر ف حد أو احب حد
كنت حاسس اني في ثغرة جوايا و حاولت كتير اطور من نفسي بقول يمكن دا يخلي الناس اللي حواليا يشوفوني حد ناجح حد يتمنو يعرفوه الموضوع دا مسببلي ازمه كبيرة ، ولما بقعد مع نفسي ببقا عايز اتكلم مع حد انا فعلا مش بحب الوحدة انا ايام الثانوية مكنتش كدا كنت زي ما بيقولوا الإرهاب الاجتماعي يخاف مني و لما بقعد مع صحابي بتوع المدرسة كل واحد بيقول أنه لاقى البنت اللي شبه و اللي تحبه وانا لسه هل العيب فيا ،
وايه الحل مع العلم انا بالنسبة لاهلي مجرد فلوس أنا اللي بصرف على البيت ف هما شايفني فلوس ولما بتكلم بيتقالي اسكت و بيزعقولي ف اروح اكل و انام ف اوضتي ومليش دعوة بيهم بعد كدا
لعرض السؤال في فدني اضغط هنا
انا في اكتر مرحله ممكن اكون تايهة فيها فحياتي انا كنت عامله اعجاب مع فديو بيتكلم عن أن الصداقة الثلاثيه بتبوظ فأنا عندي اتنين صحابي شافوه وسألوني وكدا قلت لهم إن الكلام حقيقي ف المهم واحدة فيهم اسمها حنين كلمتني وعرفت كل الي مدايقني وهم كانو عاملين مواقف وحشه معايا خلتني احس كدا
مش عايزة اطول عليكم المواقف هي أن سابوني فجأة ومشيو ف نفس اليوم مرتين واكتشفت انهم خرجوا من ورايا المهم يعني فقالت متزعليش وبرضو صحبتنا التانيه اسمها ملك قالت متزعليش وحقك علينا وكدا وبدأت تكلمني حلو اوي اوي و طبيعي وفجأه تجاهل تام وانا مش فاهمة لي بعدين قالت انو بسبب الموضوع ده بقولها بدل ما تعاتبيني بتقولي أصل مكنتش حبه انافقك بقولها يعني اي بتقولي كنت عايزة تهدر
وانا للعلم كنت بسألها مالك كذا مره وكل ده مفيش فايدة بعدين بقا بتقولي انها مكنتش تعرف انا لي زعلانه ف استغربت وقلت لها انا قولت لكم وحتى المفروض تراضينا قالت لي بعد ما فكرت في الموضوع حسيت اني متراضتش ولا حاجة
المهم يعني بعدين يقول لصحبتي التانيه حنين انتي مقولتيش لملك حاجة عن المكالمة قالت واقولها لي أصلا دي حاجة بنا واتعصبت اوي بعدين اكتشفت انها قالت وقالت حاجة انا مقولتهاش وذكرت الوحش بس وحرفيا عملت حاجة صدمتني فيها لما دخلت قولت لها انتي قولتي كذا بتقولي اه بقولها بس كذا محصلش انتي كدا كدابه يعني ولا أي راحت تقولي قصدك اني كدابه وبعدها اتمنعت عن الرد وصحبتي الي هي ملك اسلوبها متغير ويتدافع باستماته تقولي مكنتش قصدها أصل هي عندها ظروف وحاجات غريبه كمان حنين عملت أن. فولو ليا انا مش فاهمة هو اي الهبل ده ولا أي بيحصل وهل هم بيعملوا كدا لي ولو عايزين يمشوا ممشيوش بسهوله لي
لعرض السؤال في فدني اضغط هنا
سلام عليكم
لو حد تجاهلكم متعمد وسط جروب ولما سألته ليه قالك مش هعرف انافقك انا زعلان بسبب ريبوست تيك توك وحرفيا معاملته كلها اتغيرت وبيعامل الناس الي مش صحابه قدامك احسن منك
لعرض السؤال في فدني اضغط هنا
أنا عندى صاحبه من واحنا فى الحضانه وبحبها اوى وتعتبر اكتر واحده بحكيلها كل حاجه بس هي شخصيتى مختلفه عنى اوى.
بيحصل منها مواقف مش عارفه اعرف هي فعلا معتبرة انى صاحبتها ولا انا مصلحه وخلاص
إحنا عندنا WiFi فى البيت وهي لأ وأنا حاطاه عندها فى تلفونها عشان تتفرج زي ما هي عايزه بس أنا بحس أن هي بتيجى تقعد معايا عشان النت بس لما النت بيخلص بلاقيها مش بتيجى الا مره كدا وتقعد شويه وتمشي علطول
حوشته منها فى مره عشان أبويا كان بيدفعوا كل شويه وبيخلص بسرعه وقال إن محدش ياخدوا غيركم
وفهمتها بس هي مكنتش بتيجى غير لما أنا روحت عندها
بدايق اوى لما هي تعرف حاجه عن عيلتى بتحكى لامها مثلا فيفتحوا معايا الموضوع لان هي مصاحبه عيلتى وأنا مصاحبه عيلتها بس أنا بدايق عشان أنا لما اعرف حاجه عن عيلتها مش بروح اقول لحد
لما مش عايزه اقعد معاها فى مره لانى عايزه انام أو هبطانه تقول عليا أن أنا بتحكم وهي بتقعد معايا وأنا بنزعج من كدا لان اكيد مش هقعد غصب عنى
هي طيبه جداً وأنا عارفه كدا واحنا صحاب بس التصرفات دى بتضايقنى اوى ولانى مش عارفه هي مصحبانى عشان إيه بالظبط
وفى تصرفات كتير وبقولها أحيانا لكن مش عارفه بقى
لعرض السؤال في فدني اضغط هنا
انا شخصية مرحه اوي بحب اهزر كتير و وكدا وديما الي حوليا بيقولو عليا اني دمي خفيف وكدا انا ساعات بقى يكون عايزة ابقى كاريزما مع أن لو فكرت فالموضوع بلاقي أن كل الي حوليا بيحبو جدا هزاري وبيحبو طريقتي بس ساعات بحس عايزة ابقى كاريزما وكمان انا مش بعرف افهم نفسي خالص ولا شخصيتي ازاي افهم نفسي وشخصيتي
لعرض السؤال في فدني اضغط هنا
سلام عليكم ...
انا عندي 17 سنة يعني تانية ثانوي .. انا من صغري واهلي قفلوا عليا طول طفولتي حرفيا مش فاكر اي حاجة منها غير اني كنت بتكسف اكتر من الطبيعي وكنت بتوتر لما بكلم اي حد
تلات سنين اعدادي شوفت اسوأ ايام حياتي لاني مكنتش بعرف اتعامل ف طلعت منها من غير ولا صاحب ومكنتش بعرف ادافع عن نفسي في أي موقف لاني متعودتش ع الضغط ده
ومع ذلك كان فيه حاجات حلوة في حياتي كنت قريب من ربنا وخاتم القرآن ومحافظ على صلواتي وبذاكر وبعدت عن الناس تدريجيا عشان متعبش نفسيا اكتر
كبرت ودخلت ثانوي وانا الواد العبيط الاهبل اللي مشافش دنيا وعشان انا فعلا كدة عملت اغبى حاجة ممكن واحد زيي يعملها
اتغلبت على خوفي وجربت وعملت صحاب ومسكتش حسيت اني اتحب فعلا ودخلت لبنت كان عيني عليها
كل ده مكنش هدفه حب ولا اني عاوز كدة انا كل ده بحاول اثبت لنفسي اني كويس واتحب لاني عندي عقد كتير منهم دي
فطبعا لاني مش سوي نفسيا اتسبت وصحابي سابوني في اكتر وقت كنت محتاجهم فيه
هو انا مقولتلكش انا عشان اعمل كل ده أهملت دراستي وصلاتي ونسيت القرآن اللي كنت حافظه
فيا ريتني رجعت لنقطة الصفر انا بدأت من تحت الصفر والمفروض اني اتأقلم على دايرة صحاب مبيحبونيش والمفروض اني ادخل الفصل كل يوم اشوف البنت اللي محبتنيش لا واذاكر وابقا حاجة عشان ارضي اهلي
تعبت ومحتاج مساعدتكم لو مكاني هتعملو ايه وبالله عليكم بلاش كلام تنمية بشرية وتنظير
لعرض السؤال في فدني اضغط هنا
كنت شخصية عاطفية بشكل زائد وبركز في كل حاجه حولي وأزعل من أقل فعل أو قول وأراعي مشاعر الآخرين بشكل مبالغ فيه ولو حتى هاجي على نفسي
لكن الآن أصبحت إنسانه واضحه لها حدود + أمنع أي حاجه بتحصل وتخصني ومش عاجباني
يعني مثلًا لو صديقة ليا بتتكلم معايا باستمرار عن ولد أو أي موضوع أنا عارفه إنه حرام وتضييع وقت ليا
زمان كنت بخاف أحرجها أو أسيب جواها أثر مش حلو ، لكن دلوقتي بقيت بعد ما تخلص أقولها أنا لاحظت إننا بنتكلم في الموضوع ... كتير وده ما ينفعش يبقا محتوى كلام خالص ،وهكذا بقا مع كل المواقف . بقفل اللي قدامي من غير مرحلة المجاملات أو خوف عالمشاعر
وبقيت بشوف أي حد عاطفي زياده حد ساذج ومش حابة اللي هو بيعمله
حابة شخصيتي دلوقتي لإنها ريحتني كتير أوي من حاجات كنت ساكته عليها من الاحراج أو مجامله بس في نفس الوقت حاسه اني مش عارفه اتأقلم مع شخصيتي الجديده
لعرض السؤال في فدني اضغط هنا
انا عندي صاحبه من ٩ سنين حصلت مشكله صغيره فرقتنا بس انا عايزه ارجع أصاحبها تاني انا مليش غيرها قريبه مني وهي كذلك الأمر بس.لما جيت اعتذر او اهزر معها زعقت لي بصوت عالي في الشارع انا يمكن غلطت بس هي مش مصدقاني هل المفروض اعتذر؟
الموضوع هو اني قولت رايحه الامتحان عشان خاطر واحده غيرها وهي كنت عماله تقولي تعالي انا والله كنت رايحه عشانها بس قولت كده عشان أغيظها بس لما حد حاول يصلحنا على بعض هي مرضيتش وقالت عمري ما هعتذر
لعرض السؤال في فدني اضغط هنا
احتاج رأى ومساعده ضروريه ...
السلام عليكم
حاليا نعرف بنت من فتره صغيره انا واصحابي المهم البنت دي عرفتني عن نفسها وطبعا قالت لنا كلام عن عيلتها واهلها كميه تشكير وتعظيم وانهم شايفاهم قدوه وانهم بيحبوها الى اخره مواقف خياليه حكايات غير واقعيه دورنا ورا الموضوع وعرفنا صديقه ليها قديمه
اكتشفنا انه حياتها العكس تماما وانه للاسف حياتها مليانه اشخاص خياليه مفهمانا انه هي عيالتها بس في مقتنعه100% المهم عائلتها طلعت بتعنفها ومش بتحبها إلى اخره فالاكيد ان هي عطشانه اهتمام ومش واعيه مع انها 18 سنه
الفتره دي بتروح مكان لمجرد انها معجبه بشخص والشخص ده ذكر بيحاول يستغلها ويفرض رايه عليها احنا قلنا لها ما تروحيش المكان بس للاسف اكتشفنا ان هي بتروحوا من ورانا هي ممكن تكون مريضه نفسيا
احنا مش عارفين نواجهها ولا نبعد ولا المفروض نعمل ايه معاها بس الاكيد ان احنا عايزين نساعدها انا خايفه عليها جدا من الشاب اللي ذكرته المفروض اعمل ايه في حاجه زي دي
لعرض السؤال في فدني اضغط هنا
السلام عليكم ورحمه الله وبركاته
انا طالبة في تانية ثانوي و انتوا عارفين شغل وزارة التربية والتعليم
عايزين دايما تقييمات و كده كل اسبوع
انا بعملها عادي و كل حاجة و ساعات كتير بفتح اليوتيوب و انقلها بما ان الوقت ضيق
بس انا مش بحب ادي لحد تقييماتي، بحس انهم بعد كده هيعتمدوا اني اديهم التقييمات علطول و دا بيتعبني اللى هو روحوا دوروا على اليوتيوب و هاتوا اللى انتوا عايزينه
و دلوقت واحدة طلبت مني التقييمات و هي مش عاملة لاي مادة من اول الترم
ارد عليها اقول لها لا و لا انا اللى مزوداها و مرخمة عليهم ولا ايه بالظبط
لعرض السؤال في فدني اضغط هنا
ازاي احل موضوع التعلق المرضي
انا مريضه بتعلق صحبتي
متعلقه بيها جدا
رغم انشغالى واني والله العظيم مش فاضية وبسن شغل ودراسة الا اني بجد تعبت من الموضوع ده وساعات تحصل منها حاجات تدايقني ملقيش رد فعل كويس منها بقعد اعيط لوحدي انا بمر بحجات صعبه كتيييير وبعديها وبقوم اقوي لكن لما حاجه تيجي عندها بحس اني اتهديت وكل حاجه راحت مني
لدرجة فكرت اروح لدكتور نفساني بسببها وهي معملتش حاجه بس بنسبالها وانا بحس اني عاوزه اتعامل معامله معينه مش بلاقيها منها بالله ساعدوني
لعرض السؤال في فدني اضغط هنا
السلام عليكم ورحمه الله وبركاته
أنا مشكلتي مع واحده زميلتي احنا كنا مع بعض من ثلاث سنين بس انا بدات احس ان هي مش احسن حاجه ليا يعني مثلا اكون بكلمها فالاقيها دايما عندها سوء ظن ما بتشوفش نفسها غلط خالص عندها من الاخر انا اساس كل حاجه،
يعني ابعت لها مثلا لو اتاخرت عليها شويه تعمل لي مشكله وتمسح المسج وعندها كل حاجه مشاكل صوتها عالي بتزعق فانا قلت انه طالما انا مش مرتاحه ابعد شويه وفعلا اخذت جنبي شويه وهي ما سألتش ولكن هي راحت تحكي للمس بتاعتي ان انا ان انا ما بكلمهاش وهي بتحاول معايا كثير وانا اللي مش مدياها فرصه
وراحت كمان قالت كده لوالدتي وعملت مشكله كبيره يعني مع والدتي بسبب ان والدتي يعني اي حد ممكن يصعب عليها فهي من الاخر راحت اتمسكنت عليها وماما أجبرتني ان انا اكلمها وبتاع ومع ذلك انا بعثت لها وقلت لها انا ما قطعتش علاقتي بيكي انا نفسيتي الفتره دي مش احسن حاجه وبتاع وانا ما قطعتش علاقتي بيكي انت في الاخر كنت زميلتي مدة طويله قامت رد رد بارد وقايله انا ما كنتش اعرف وقامت بدأت تحكي لي عن مشاكلها وهي بدأت اللي هي تتكلم ولا كان في حاجه يعني حتى ما قصرتش انها تعرف انا كويسه ولا لا
المهم بعديها بيومين كانت هي بتبعث لي فيهم عملت مشكله مع مدرسه ليها بتقول لي هنعمل ايه وبتاع فانا قلت لها ما اعرفش فهي ما ردتش على المسج وراحت شالت رقمي او عملتلي بلوك وراحت عملت نفس الحاجه مع ماما برغم ان ماما كانت واقفه في صفها جدا
فأنا قلت خلاص جت من عندها وبرغم ان انا اتضايقت شويه بس قلت ايه هي كانت بتعمل ده عشان كرامتها المهم ان احنا كان عندنا اصحاب مشتركين لقيتهم كلهم بداوا يبعدوا عني او هم اثنين بدأوا يعاملوني وحش قوي ما يكلمونيش اصلا لو بصوا لي بصوا لي بقرف قلت ماشي وقعدنا فتره على كده
هي دلوقتي راحت بتتودد تاني للمس بتاعتي بحجه ان هي عايزه ترجع لها وبتاع برغم ان هي سابتها من غير سبب فعشان ايه انا شاكه ان هي عشان تكلمها وتحكي لها زي ما بتحكي لزمايلنا غلط ولقيتها تاني رجعت في نفس مجاميع الدروس اللي انا كنت باخد فيها
أنا مش عارفه اتصرف الصح اللي انا اعمله حرفيا كل ما اجي اخد منها جنب ترجع وهي بترجع وقت ما هي عايزه وقت ما هي مش عايزه بتبعد وبتروح تقعد تحكي لكل زمايلنا ان انا ان انا اللي مش بكلمها وان انا اللي مش بسأل
وكمان انا مره كنت ماسكه صوره كانت ليا وانا صغيره فهي قالت لي انا عايزاها فانا اتكسفت اردها فهي أخدتها فانا محتاره هل صح ان حاجه زي دي تفضل معاها بالرغم ان انا بقول لنفسي ان هي لو عايزه تؤذيني هتاذيني بطرق ثانيه كثير
واتعامل معاها ازاي حرفيا انا تعبت كل ما اجي اعاملها كويس الاقيها بتتعامل معايا بمشاعرها انا ما بقتش عايزه اكلمها وفي نفس الوقت ما بقتش قادره على التأثير النفسي اللي بتعمله
حرفيا زمايلنا قطعوا علاقتهم بيا عشان اكيد هي حكيت لهم حاجات مش كويسه عني وضررت علاقتي بماما دلوقتي ماما خفت كلام شويه على الموضوع بس انا مش حابه انها ترجع تاني تكلمها ايه
لعرض السؤال في فدني اضغط هنا
كنتُ في الماضي أشعر أن الدنيا تدور حولي، شخصيتي كانت قوية جدًا ومستقلة لدرجة أنني لم أهتم بأحد من حولي. كنت أتمنى أكون قريبة من الناس، لكن لم أجد من يستحق ثقتي أو يكون حقيقيًا معي سوى فتاة واحدة، وحدث هذا بعد أن حلمت بها قبل أن أراها في الواقع.
حلمت بها ورأيت كل الأوقات والمشاعر معها، حتى شعرت بأشياء لم أستطع تذكرها بالكامل، لكنها تركت أثرًا عميقًا داخلي.
تمنيت أن أحلم بها مرة أخرى لأفهم ما شعرت به.
فجأة رأيتها في الواقع، وكانت كما حلمت بها، وشعرت بنفس المشاعر، وعرفت ما تحبه وما تكرهه.
رغم رغبتي في الاقتراب منها، كنت أخاف، لكن كنت أتمنى أن تراها مرة أخرى.
بعد أربع سنوات، أصبحت هي تقرب مني، لكن شعرت أن اهتمامها بي غير حقيقي، وكأنها كانت تستغلني.
علاقتنا استمرت حوالي خمس سنوات، ثم حدث شيء أدى إلى انفصالنا من طرفي، ولم أسعَ بعدها للبحث عنها أو السؤال عنها.
طوال هذه السنوات، كنت أرى هذه الفتاة في أحلامي يوميًا، أحيانًا نتشاجر، وأحيانًا نتجاهل بعضنا البعض
عانيت فترة صعبة جدًا بعد الفراق، كنت أحاول تقبل الواقع.
كتبت كتابًا وفصلًا خاصًا عن هذه الفتاة لأخرج مشاعري، مما ساعدني على تقليل التفكير فيها والتحكم في الخيال والمشاعر.
بعد فترة، في الأحلام أصبحت أراها وكأننا لم نجرح بعضنا أبدًا، نضحك ونتعانق ونفهم بعضنا جيدًا، رغم أنني كنت أعلم أن هذه ليست الواقع.
في العام الماضي، مررت بفترة صعبة جدًا، شعرت بالوحدة الشديدة حتى فكرت في إنهاء حياتي، رغم وجود أشخاص حولي.
قررت أن أعطي نفسي فرصة جديدة للخروج والتطور، فسجلت في تخصص جديد
التقيت فتاة في التخصص الجديد، لم أكن أهتم بها في البداية، لكن بعد عدة لقاءات أصبحت أبحث عن فرصة للتواصل معها.
كنت أخاف من الاقتراب منها، خصوصًا لأنها أصغر مني بأربع أو خمس سنوات، وشعرت أن الفجوة العمرية قد تمنعنا من علاقة صداقة طبيعية.
أحلل كل تصرف لها، وأخاف أن تتصور أنني أكبر منها أو مسؤولة عن مشاكلها، رغم أنها لطيفة ومتقبلة وتستمع باهتمام دون حكم.
لم أستطع كسر الحاجز أو قبول بناء صداقة طبيعية بسبب هذا الخوف.
طبيب نفسي اقترح أن مشاعري تجاهها قد تكون أكثر من صداقة، لكنني لا أرى ذلك.
أصبحت أشك في مشاعري تجاه أي شخص جديد، وأتساءل إن كانت رغباتي في القرب والحب حقيقية أم مجرد محاولة لملء فراغ عاطفي.
أعاني صعوبة في فهم ما هو الحب الحقيقي، وكيف أتعامل مع العلاقات الجديدة. @Yasmine Tawfik
لعرض السؤال في فدني اضغط هنا
السلام عليكم
انا عندي حساسيه جامده من فكره التجاهل لدرجه إني لو مع حد ف مشوار او قاعدين وحد تاني جه وكان بيوجه كلامه للشخص التاني حتي لو من غير قصد بيتجاهلني او من غير قصد ماجاوبش ع كلامي بزعل جامد وافضل اعيط بحس اني بكبر الموضوع وبحس اني مهمشه وبتخنق وبتكسف اوي لدرجه اني ممكن مااقابلش الشخصيه دي تانيه لاني كل ما بفتكر الموقف اتخنق واعيط ومش عارفه اتعامل مع الطبع ده ازاي لانه مأثر ع نفسيتي جدا
لعرض السؤال في فدني اضغط هنا
السلام عليكم
اللي هقوله مش مشكله بالنسبالي بس انا مش فاهمه ليه التغير دا عموما يعني، من شهر او اتنين كانت صحبتي عاملة حادثه وفاقدة الذاكرة وكدا ف انا كنت مضغوطه في مذاكره وفي نفس الوقت هي كانت حالتها مش كويسة وقولت هنزلها بس واحده تانيه صحبتي برضو هما الإتنين يعتبرو نفس القسم
احنا تالته أزهر انا علمي وهما الإتنين أدبي قالتلي ان أهلها مانعين الزيارة عنها علشان حالتها مش كويسة ف انا قولت هستني انزل في يوم لوحدي واروحلها واقعد معاها وقت حلو لأن هي صحبتي اوي يعني بمعني الكلمة
عدى اسبوع او اسبوعين مش فاكره وهي بقيت كويسه ونزلت وصادفت ان نزلت مع البنات وهما رايحين هناك دروس وكدا هي من قرية وانا من قرية جنبها المهم روحنا هي كانت برضو تايهه شوية ومش عارفه حد لسه قد كدا
آخر مره شوفتها فيها من السنه اللي فاتت ولما روحتلها انا كنت في تانيه مش منتقبه بس أخدت الخطوه وهي متعرفش ومع ان اشك لو عيوني ظاهره هتعرفني منها بس انا مش ببينها المهم روحت انا والبنات عندها وانا بتكلم معاها كدا وبهزر مع اخواتها الصغيرين لينا علاقه ببعض حلوه فهي بدأت تسأل وتقول انتي مين والصوت دا مش غريب عليا
فلما البنات قالولها اسمي وبيقلولها انتي فاكراها قالتلهم انا مش ناسياها أصلا مع ان طول فترة تالته وتانيه واولي البنت التانيه معاها علطول ومعرفتهاش في البداية ومتأكده ان لو كنت روحتلها ايام ما كانت لسه جايه من المستشفي كانت هتعرفني
صحبتنا التانيه دي قالت هي بس علشان بقيت كويسه عن الأول افتكرتك حسيتها ادايقت بس انا مش في دماغي اصلا تفكر زي ما تفكر المهم هي أخدت رقمي وانا قولتلها ابعتيلي علشان نبقي نتكلم لأن الفتره دي مضغوطه جامد ومش عارفه ممكن أنزلك تاني ولا لا بس هحاول روحت ولقيتها مبعتتش ولا رنت حتى فأخدت رقمها من صحبتنا دي ورنيت عليها ف مردتش قولت يمكن تعبانه ومش قادره ترد او مشافتش الفون أصلا
عدت اسابيع حرفيا هي اهاا صحبتي المقربه بس الموضوع معلقش معايا اوي يعني انها مشافتش الرنه وكدا ومرنتش تاني وكدا ف كنت بتكلم في يوم مع صحبتنا التانيه دي ولقيتها تعبانه وكدا وقالتلي ان صحبتي اللي كانت عامله حادثه راحتلها البيت وقعدت معاها وبترن عليها وبيذاكرو بالليل
الفكره ان انا ملاحظه في نبرة صوتها انها بتقول الكلام بعفوية لأن انا اللي جرجرتها أصلا بمزاجي لما فلتت منها وقالت دا هي جاتلي فقعدت اجيب منها الكلام اللي ان هي بترن عليها اصلا وبتشوف الفون ما شاء الله يعني مفرقش معايا غير موضوع انها تشوف رنتي ومتردش او مترنش تاني او اصلا المفروض كانت تبعت لانها قالتلي هبعتلك نتكلم
أنا حكيت الموقف من بداية تعبها كشهادة ان فيه بينا صداقه قوية برغم ان كل واحده فينا في قسم تاني أصلا ف انا مش فاهمه ليه هي عملت كدا
الغريبه بقا ان انا يومها مزعلتش ولا رفلي جفن انا اهاا حصلتلي صدمه بسيطه وفيه فرق بين صدمه وزعل انا مصدومه ومستغربه اي العذر بعد اللي سمعته كل الأعذار بتقول لا نمت نومتي المعتاده لما بتصدم في حد او بتصدم من حاجه عموما وقومت عادي ومسحت رقمها وقولت مش هعتب بيتها تاني ولا اعرفها من انهارده شوفتها تاني او اتكلمنا ف اخبارك اي الحمد لله وصدق الله العظيم ولا حرف زياده ولا اي شئ تاني
حطيت حدود هي لسه متعرفهاش اصلا بس انا فاهمه انا بعمل اي علشان ما اتأذاش من بعد المره دي مبقاش عندي عزيز ولا غالي واهي دي النقطه الي مش فاهمالها معنى انا بقيت قاعده في اوضتي اربعه وعشرين ساعه مذاكره على الفون اسمع ريلز او بودكاست او اي حاجه عامة ومش فارق معايا حد نهائي لدرجة ان اللي بقى يبعتلي والاقي طريقته معايا مش عاجباني بقيت اطيره من حياتي بلا رجعه ولا بتهز
حاجه غريبه عليا ك شخصيه بتأثر ب اي حاجه حرفيا بتحصلي اتفه الأسباب كنت بتأثر بيها لكن دلوقتي لا انا عارفه انه شعور حلو وحاجه كويسه بالنسبالي مش عارفه حاجه كويسه بالنسبالكم ولا اي بس ساعات بقول هو ليه ميكونش عندي حد عزيز اوي عليا ازعل عليه لو فارقني او حصل بينا مشكله،
حتى أهلي بقو زيهم بالظبط ممكن اتأثر بيهم اهاا بس مش زي الأول لأن طبعا مكانتهم غير اي حد حاسه ان بقيت قاسيه وقلبي ميت مع اني مش كدا ولا شايلة ضغينه في قلبي لحد كل اللي عملته قفلت باب الأذي ولقيت نفسي حاطه قانون اللي يغلط ميتسامحش هو دا شيء كويس أفضل عليه ولا اي؟
عارفه زودتها في الكلام بس دي كانت البداية ولازم تذكر طالما هحكي حاجه وحاسه ان الموقف انا مفخماه على الفاضي أصلا وهو مالوش لازمه بس ساعات اما حد بيكون قريب منك حتى لو فيه ايام ومسافات بعدتكم لو حركه بسيطه منه بتغير كل حاجه في تفكيرنا برغم ان مش زعلانه بس للآن بقول يمكن فيه عذر ودماغي بتقولي عذر اي تبقي عبيطه لو ادتيلها عذر أصلا
+ انا معنديش رهاب اجتماعي بالعكس اما بنزل بحس الرهاب ذات نفسه بيخاف مني ف انا بقدر اقعد لوحدي منعزله ومحسش بضيق ولا زهق وكذالك اما بنزل بتكلم وبهزر ومقبوله من اللي حواليا.
لعرض السؤال في فدني اضغط هنا
انا بقالي ٥ سنين عندي صاحبه بحبها اوي وفضلنا صحاب قريبين اوي وكبرنا سوا وعلاقتنا قوية الحمد لله 💗 ..لاكن في بنوته كانت صاحبتها وبالنسبالي صاحبه بس بعيد شويه يعني على قد الدروس وكده فالبنت دي اتخانقت خناقات كتيير مع صحبتي القريبه والبنت بصراحه عملت معاها مواقف كتير وحشه بس البنت دي بتعاملني كويس جدا وعمرها ما عملت معايا حاجه وحشه بس بنتقابل قليل يعني المهم في دروس بنبقا فيها احنا التلاته فانا بكلم البنت دي عادي الصراحه حتى لو في مشاكل بينهم فكنت بقول دي مشاكل تخصهم وبتعامل عادي معاها وبنهزر وكده فصحبتي القريبه كانت بتزعل اوي وتعملها خناقه كبيره معايا وتقوللي اني مفروض اقفل معاها طالما هما علاقتهم وحشه
وعدت الايام وهما الاتنين موش بيتكلمو غير عالقد اوي اوي وعملو لبعض بلوك وكده فمن قريب قابلت البنت دي في درس صدفه وقالتلي ان باباها يوصلني لان بيتنا قريب فوافقت الصراحه وركبت عادي وروحت لقيت صاحبتي عرفت وزعلت جامد وحسستني اني انسانه وحشه اوي وقالت كلام يضايق اوي وحطت حدود وبدأت تكلمني ببرود حتى بعد ما اعتذرت لها وبعدين كلمتها تاني وصالحتها تاني في الموضوع ده ورجعنا زي الاول الحمد لله
بس انا الصراحه داخليا مش مقتنعه باللي بعملو انا بس عملت كده عشان صداقتنا غاليه بس انا رايي اننا نفصل مش معنى ان واحده مش كويسه معاها تبقا مش كويسه معايا صح ولا ايه ؟ انما هي بتقوللي عدوتي تبقا عدوتك وهل لو قابت البنت دي تاني اعاملها ازاي واتصرف ازاي مع صاحبتي
لعرض السؤال في فدني اضغط هنا
انا كنت مصاحبه واحده وكنت بحبها جدا جدا وكنت فعلا شايفاها انا ويمكن كمان بفضلها ع نفسي وكنت مدياها كل طاقتي وكل حبي لكن هيا في الأول كانت شايفه دا حق مكتسب هيا اه كانت بتحبني هيا كمان وكل حاجه بس مش زي م انا كنت بحبها
كنا مثلا نتخانق انا اللي دايما أبدأ بالكلام والصلح وهيا لا متكلمنيش ولو انا متكلمتش هيا متتكلمش وهيا مره قالتهالي لو مكنتيش كلمتيني والله ما كنت هكلمك تاني أبدا مع ان كانت المواقف اللي بتحصل بتكون بسيطه لكن هيا بتقفش ع كل حاجه وتكبر المواضيع لحد م قعدنا سنتين ع الحال دا لحد مره حصل حاجه واتخانقنا واحنا ماشيين
انا عماله بوضح موقفي وانا فعلا مكنتش غلطانه هيا ماشيه بتمد مش مستنياني مش مديه لكلامي اهتمام ولما قولتلها ع فكره بكلمك هزتلي دماغها وخلاص المره دي انا قعدت يومين ومتكلمتش هيا اللي دخلت كملتني بس من المره دي وانا معتش بصالح ولا ببدأ كلام غير في حاجات معينه بكون فعلا حاسه انها تزعل فبعتذرلها غير كدا لا
وبدأت هيا كل مره اللي تتكلم وتعدي الدنيا المهم حصل شوية حاجات وقررت هبعد عنها خلاص كلمتها قالتلي اديني فرصه وبلاش تضيعي اللي بينا قولتلها ماشي تغير حاجات وتظهر حاجات تانيه المفروض اصلا الحاجات متحصلش طالما انك بتحب الشخص اللي قدامك ف كنوع من انواع الحب تخاف ع مشاعره
المهم الفتره الأخيره دي انا كنت بحس انها مقيده حريتي وهيا واخده حريتها عادي يعني تصاحب العيال اللي معاها في الفصل ويروحوا وييجوا سوا لكن انا لو شافتني قاعده مع حد من صحابي في الفصل تزعل وتقفش عليا انا صاحبت صحابها علشان هما دايما معانا في معظم الأيام لكن هيا مصاحبتش صحابي مع انهم معانا بردو
ودايما تحسسهم انها مش طايقاهم ولو انا ماشيه مع حد فيهم وهيا معانا تبقى ساكته وضاربه بوز وتحسسني اني بعمل حاجه غلط هتحاسب عليها وكانت مخليه علاقتي بصحابي دول مقتصره ع المدرسه بس لو شافتني مكلمه واحده فيهم شات والكلام طول شويه تزعل وتقفش عليا وتقولي سايباني علشان تردي عليها مع انها هيا صحابها اللي في الفصل معاها قريبين منها جدا وحرفيا هيا عارفه عنهم كل حاجه
وانا كنت ساكته عادي لكن مره بجد اضايقت وزعلت مش علشان بتكلمهم او غيره لكن علشان ان هيا كبتاني وكاتمه حريتي وانا كنت بسمع كلامها خوفاً ع مشاعرها لكن انا متقدرتش فقررت خلاص هيا فعلا معتش ينفع تكون في حياتي غير مجرد صاحبه زي أي صاحبه وقولتلها وفعلا عملت كدا وهيا حاولت بكل الطرق تصالحني وتقولي انسي وانا آسفه وانا خلاص حاسه جوايا معتش قابلاها ولا عدت قادره ارجع معاها زي الأول
آسفه طولت عليكوا ♥️
لعرض السؤال في فدني اضغط هنا
السلام عليكم
عايزه اسال عن حاجه لاحظتها في حياتي ومستغربالها جدا، في صديقه قربت مني في وقت صعب ليها وانا وقتها كنت عارفه انها مش شبهي ولكن مكنتش اقدر ارفض وجود حد مش هقول محتاجني بس يمكن كان وجودي مهون عليها شويه، المهم بعدها معرفتش ابعد وكانت فعلا مبادئها وتصرفاتها غيري وكنت بنصحها عادي وبقبل منها النصيحه بس مع الوقت اكتشفت ان في بعض الافكار عندها بدأت تجيلي وبدأت اتأثر بيها بشكل كبير ومعرفش دي غلطه مني ولا طبيعي اما احتك بحد فتره طويله يحصل كده بس معرفش ازاي لقتني بقيت نسخه مش حباها من نفسي وبضغط على نفسي جدا في العلاقه دي لأنها حد كويس اوي وبتحبني وتفضل تقولي انها بتدعيلي وانا بتأثر جدا بده بس معرفش عن قصد او لا بتضغط على نقط ضغف عندي وكل ما بكون في مفترق طرق في حياتي بلاقي نصايح مش لايقه عليا وفي الغالب بتكون صادره من تروما عندها المهم معرفش ازاي وصلت لمرحله ان جسمي بيتعب من وجودها وجهازي العصبي مش مرتاح طول ما في كلام سواء في الحقيقه او شات
فانا مش فاهمه هل ده طبيعي؟ ممكن حد يوصل حد للنقطه دي فعلا وهل قراري اني انسحب من العلاقه دي غلط وفيه ظلم؟ خصوصا اني بقالي سنين مش مرتاحه وحساني بضغط نفسي وبقول لا متبعديش عن حد مأذكيش بشكل مباشر بس فعلا حساني مش في مكاني وحاليا هي يعتبر الوحيده الموجوده بشكل يومي وكانت علطول بتدخلني في تفاصيلها بشكل يمكن مرهق شويه انه لو نزلنا مثلا كل الكلام عليها حتى لو انا عارفه الكلام ده قبل كده وهكذا بحسني غصب عني بدخل في متاهات معاها لدرجة متعبه بس في نفس الوقت حاسه بالذنب بشكل كبير فهل حد مر بتجارب زي دي او يقدر يفسرلي ده طبيعي ولا لا؟ لأني مش من النوع اللي بيتأثر بحد للدرجه ودي اول مره تحصلي ومن كتر ما مش مصدقه ان ممكن حد يكون ليه تأثير كده بلوم نفسي اوقات
لعرض السؤال في فدني اضغط هنا
حالياً انا كدبت علي وحدة صحبتي اني باخد جلسات كيمياوية قولتلها قبل كدة بس هي نسيت وامبارح قولتلها مش هقدر اجي الدرس عشان عندي جلسة كيمياوية ومش عارفة اعمل اي حاسة بالذنب ممكن حل من غير م اخسر صحبتي او ثقتها تقل
لعرض السؤال في فدني اضغط هنا
احتاج صديق شخص رفيق الروح الوحده بشعه
رفيق يعاوني نفسيا واجتماعيا وانا كمان اكون له الرفيق والعون
نتناقش ونقول أفكارنا الاجتماعيه والادبيه
عاوزه ابطل احس بشعور الوحده
وعاوزه احس ان عندي حد في حياتي فعلا لو مشي ازعل عليه
الفتره ده سيئه جدا عندي مشاكل في البيت مع اهلي وانا اللي شايله مسئوليه البيت وكمان الميد داخل كمان اسبوع وانا مش مذاكره حاجه خالص وانا في كليه صعبه
لعرض السؤال في فدني اضغط هنا
برغم كم المعلومات والكتب الخاصة بالتنمية الذاتية إلا أنني مؤخراً أشعر بإحساس بأنني غير مرغوب أو بمعنى أوضح لست الشخص المفضل لأحد ، سواء أصدقاء أو معارف أو أهل،
فإذا لم أبادر بالسؤال فلا يحدث العكس برغم أنه لا يوجد ما يمنعهم غير أنني لا آتي على بالهم، و أعلم أنه من الأفضل لي أن لا أعاتبهم أو أطلب الاهتمام ولكن هذا الشعور، هذه النغصه، هي ما تزعجني فكيف أتخلص منها؟
لعرض السؤال في فدني اضغط هنا
لو سمحتم انا عندي واحده صاحبتي من عشر سنين وانا بحبها قوي وهي كمان بس اهلي بيبقوا عايزين ابعد عنها عشان هي كلمت واحد بس تابت وبطلت وأخواتها البنتين بيتقال عليهم شمال
هي محجبه حجاب صح شويه مش بتشتم قوي بس احيانا لو لقت الي قدامها بيهزر مع ولاد بتهزر ومش بتسكت احد وده غير ان اهلها بيسرقوا من ابوها وهي معاها تلفون من ورا ابوها بس امها عارفه
انا مش قادره ابعد عنها ولا هي هتقدر
وده غير ان مستواها الدراسي وحش والي اعرفه والله أعلم مش منتظمه في الصلاه
لعرض السؤال في فدني اضغط هنا
انا شاب عشريني تزوجت وطلقت بعدها بأشهر بسبب البنت واسرتها كانوا سيئيين جدا كانوا غرباء ثم دخلت في صدمة اثرت على انطلاقي في الحياة ثم تكونت بيني و بين ابن خالي صداقة عميقة حديثا حيث ساعدني في مشكلتي والطلاق و الاكتئاب لكن هو من بداية العلاقة أراد الزواج بأختي بشكل صريح بينما انا مؤخرا بدات فكرت بالزواج من اخته بسبب طيبته معي وتعامله الحسن والداعم لي ولكن المشكلة أن امي مترددة بسبب أن أمه ليست جيدة الطباع و خوفا من تكون مشاكل أسرية لكن انا لا أعرف البنت حق المعرفة بسبب تباعدنا،،، ايضا اختي أجمل والطف واخته أقل جمالا و لطف على ما أسمع ..
طبعا الزواج عندنا تقليدي جدا لا يوجد أي تواصل أو معرفة
أخشى اذا اصريت وتزوجتها ان نكون ازواج لأخوات بعض وتدخل الغيرة والحساسية بيننا
ولكن انا متشجع لأنهم من اسرتي ومعروفين لا احتاج للسؤال عنهم حيث اني متخوف من الزواج من الغرباء
ماهي نصائحكم حيث أكثر ما يشجعني هو صداقتي وحبي لابن خالي ودعمه لي في تقويم اخته اذا دخلت بيننا مشاكل لكن خائف من أمه هل ستأثر عليه مستقبلا اذا حصلت مشاكل أو هل زواجه من اختي فيما بعد سيؤثر على زواجي ايضا ويستعمل مبدأ المثل بالمثل
حاليا انا متشتت واحتاج من يصحح افكاري وينصحني
خصوصا أنني أنظر لنفسي واقول انا الذي في نهاية المطاف اتزوج البنت الاقل جمالا و طباع غير مناسبه و هو ياخذ اختي بجمال عالي وطباع حلوة وانا اكثر طيبة منه ووسامه وإمكانيات ليش هكذا الحياة
لعرض السؤال في فدني اضغط هنا
انا بنت عندي بيست فريند ليا بنت بردو
المهم ان في حد دخل حياتها
وانا في حد دخل حياتي
هي بقت بتكلمو وهكذا وانا بقيت بغير غيرتين
غيرة انها اتخدت مني وبقت بتفكر فيه اكتر مني
وغيرة ان هو فيه حجات احسن من الولد اللى معايا
بقيت بشوف نفسي وحشه اوي اني بغير من جوايا حاجه ف ايد حد ودي عمرها محصلت
احنا بنحب بعض جدا
بس انا بغير عليها ومنها ومش ف كل حاجه هو موضوع الولد ده بس لاكن بغير مديا معنويا شكليه لا والله وبجد بتمنالها الخير ف حياتها لكن عند موضوع الولد ده بذات بتعفرت بغير عليها ومنها وانا فعلا متعلقه بيها ولما بنتخانق ممكن حياتي تقق واتعصب والدنيا تبوظ وانا اصلا شخصية عصبية محتاجه بجد حل لانى فكرت اروح لدكتور نفساني انا حقيقي تعبت
لعرض السؤال في فدني اضغط هنا
لعرض جميع الاسئلة في فدني اضغط هنا