السلام عليكم
انا عندي حساسيه جامده من فكره التجاهل لدرجه إني لو مع حد ف مشوار او قاعدين وحد تاني جه وكان بيوجه كلامه للشخص التاني حتي لو من غير قصد بيتجاهلني او من غير قصد ماجاوبش ع كلامي بزعل جامد وافضل اعيط بحس اني بكبر الموضوع وبحس اني مهمشه وبتخنق وبتكسف اوي لدرجه اني ممكن مااقابلش الشخصيه دي تانيه لاني كل ما بفتكر الموقف اتخنق واعيط ومش عارفه اتعامل مع الطبع ده ازاي لانه مأثر ع نفسيتي جدا
بصي يا بنت الحلال الموضوع فعلا متعب بس الحساسية دي بسبب رغبة في التقدير زيادة شوية لازم تفصلي بين الفعل وقيمتك لو حد ماردش عليكي ده مش معناه إنك مهمشة ده معناه إن تركيزه تشتت أو ذوقه الاجتماعي خانه العيب فيه هو مش فيكي ومتفسريش الموقف على إنه مشكله شخصيه لأن أغلب الناس بيبقوا مركزين في نفسهم بس ولو حسيتي إنك برا الكلام اشغلي نفسك بأي حاجة بمنتهى الثبات مثلا بصي في الفون أو اتحركي من مكانك ودربي عقلك إنك مش لازم تكوني محور الاهتمام طول الوقت عشان الوجع يقل بالتدريج قيمتك جوه نفسك مش في رد فعل الناس على كلامك وما تخليش تصرفات غيرك تحرمك من قعداتك وتضايقك وجد والله ربنا يحفظك ويسعدك
تم النشر السبت، ٤ أبريل ٢٠٢٦
وعليكم السلام ورحمة الله يا مسك الكعبه 🌸 أول حاجة، أنا فاهمة تماماً إحساسك ده، وده مش "بتكبري الموضوع" خالص – هو شعور حقيقي بيأثر على نفسيتك، وأنتِ مش لوحدك فيه. الحساسية الشديدة من التجاهل غالباً بتكون سببها جذور نفسية زي: السبب الرئيسي المحتمل: نقص في الثقة بالنفس أو تجارب سابقة : ممكن من الطفولة أو علاقات قديمة حسيتِ فيها بالإهمال، فبقيتِ حساسة زيادة عشان تحمي نفسك من الألم ده. ده رد فعل دفاعي طبيعي، بس بيحتاج تدريب علشان يقل. إزاي تتعاملي معاه عملياً (خطوات بسيطة): غيري المنظور فوراً : لما يحصل، قولي لنفسك "ده مش شخصي، ممكن الشخص مشغول أو التصرف مش مقصود". خدي ثانيتين وفكري: "أنا قيمتي مش هتتغير بسبب كلام حد". مارسي التواصل الصريح بلطف : لو حصل، قولي بابتسامة "أنا هنا كمان، عايزة أضيف رأيي؟" ده هيخليكِ تشعري بالسيطرة ويفتح الباب للاهتمام. ابني ثقتك بنفسك يومياً : اكتبي 3 حاجات تحبيها في نفسك كل صباح (زي "أنا طيبة وذكية"). وركزي على هوايات أو إنجازات شخصية تخليكِ سعيدة لوحدك – مش محتاجة حد يأكد قيمتك. حددي حدودك : لو الشخص ده بيكرر التصرف، قللي التعامل معاه مؤقتاً لحد ما تقوي نفسك، واستبدليه بناس إيجابيين يقدرونك. جربي الخطوات دي أسبوع وشوفي الفرق، هتحسي بتحسن تدريجي إن شاء الله 💪. لو عايزة دعم أكتر، ابحثي في فدني عن أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ بشكل شخصي. أنتِ قوية وهتقدري، خليكِ معايا! 😊 إيه رأيك نبدأ بخطوة صغيرة النهاردة؟
تم النشر السبت، ٤ أبريل ٢٠٢٦
مشكلتك فى ثقتك فى نفسك لازم تعلى ثقتك فى نفسك ساعتها هتحسى إنه عادى فاهمانى
تم النشر السبت، ٤ أبريل ٢٠٢٦
وعليكم السلام في بودكاست على اليوتيوب ومحتويات كثيرة جدًا هتساعدك فعلًا إنك ما تتاثريش الله الله يرضى عنك اللهم آمين ممكن برضو تقولي لنفسك أنا مش هتأثر عادي 🤍
تم النشر الأحد، ٥ أبريل ٢٠٢٦
ليه شايفاه تجاهل أصلا حطى نفسك مكان الأشخاص دول لو بتوجهى كلامك لشخص ومعاه شخص تانى ملوش علاقه بيكى هتكون بينكم مجرد نظرات عابرة وممكن لا كمان ،هونى على نفسك وزى ما احمد قلك ثقتك فى نفسك ، ومفيش حاجه تزود ثقتك فى نفسك اكثر من علاقتك بربنا قربى اكتر هتحسى قلبك دا بيتحول لما يرضى الله ويرضيكى إن شاء الله
تم النشر السبت، ٤ أبريل ٢٠٢٦
لعرض السؤال في فدني اضغط هنا