انا كنت مصاحبه واحده وكنت بحبها جدا جدا وكنت فعلا شايفاها انا ويمكن كمان بفضلها ع نفسي وكنت مدياها كل طاقتي وكل حبي لكن هيا في الأول كانت شايفه دا حق مكتسب هيا اه كانت بتحبني هيا كمان وكل حاجه بس مش زي م انا كنت بحبها
كنا مثلا نتخانق انا اللي دايما أبدأ بالكلام والصلح وهيا لا متكلمنيش ولو انا متكلمتش هيا متتكلمش وهيا مره قالتهالي لو مكنتيش كلمتيني والله ما كنت هكلمك تاني أبدا مع ان كانت المواقف اللي بتحصل بتكون بسيطه لكن هيا بتقفش ع كل حاجه وتكبر المواضيع لحد م قعدنا سنتين ع الحال دا لحد مره حصل حاجه واتخانقنا واحنا ماشيين
انا عماله بوضح موقفي وانا فعلا مكنتش غلطانه هيا ماشيه بتمد مش مستنياني مش مديه لكلامي اهتمام ولما قولتلها ع فكره بكلمك هزتلي دماغها وخلاص المره دي انا قعدت يومين ومتكلمتش هيا اللي دخلت كملتني بس من المره دي وانا معتش بصالح ولا ببدأ كلام غير في حاجات معينه بكون فعلا حاسه انها تزعل فبعتذرلها غير كدا لا
وبدأت هيا كل مره اللي تتكلم وتعدي الدنيا المهم حصل شوية حاجات وقررت هبعد عنها خلاص كلمتها قالتلي اديني فرصه وبلاش تضيعي اللي بينا قولتلها ماشي تغير حاجات وتظهر حاجات تانيه المفروض اصلا الحاجات متحصلش طالما انك بتحب الشخص اللي قدامك ف كنوع من انواع الحب تخاف ع مشاعره
المهم الفتره الأخيره دي انا كنت بحس انها مقيده حريتي وهيا واخده حريتها عادي يعني تصاحب العيال اللي معاها في الفصل ويروحوا وييجوا سوا لكن انا لو شافتني قاعده مع حد من صحابي في الفصل تزعل وتقفش عليا انا صاحبت صحابها علشان هما دايما معانا في معظم الأيام لكن هيا مصاحبتش صحابي مع انهم معانا بردو
ودايما تحسسهم انها مش طايقاهم ولو انا ماشيه مع حد فيهم وهيا معانا تبقى ساكته وضاربه بوز وتحسسني اني بعمل حاجه غلط هتحاسب عليها وكانت مخليه علاقتي بصحابي دول مقتصره ع المدرسه بس لو شافتني مكلمه واحده فيهم شات والكلام طول شويه تزعل وتقفش عليا وتقولي سايباني علشان تردي عليها مع انها هيا صحابها اللي في الفصل معاها قريبين منها جدا وحرفيا هيا عارفه عنهم كل حاجه
وانا كنت ساكته عادي لكن مره بجد اضايقت وزعلت مش علشان بتكلمهم او غيره لكن علشان ان هيا كبتاني وكاتمه حريتي وانا كنت بسمع كلامها خوفاً ع مشاعرها لكن انا متقدرتش فقررت خلاص هيا فعلا معتش ينفع تكون في حياتي غير مجرد صاحبه زي أي صاحبه وقولتلها وفعلا عملت كدا وهيا حاولت بكل الطرق تصالحني وتقولي انسي وانا آسفه وانا خلاص حاسه جوايا معتش قابلاها ولا عدت قادره ارجع معاها زي الأول
آسفه طولت عليكوا ♥️
موقفك سليم و صح جدا وانتي عملتي اللي كنت هقولك تعمليه قبل ما اكمل السؤال ، اعتزلي كل ما يؤذيكي ده مش اختياري ، مش اوبشن ، لأ أي حاجه تأذيكي امنعيها ، و اطرديها من حياتك ، الحياة قصيرة ، فمفيش وقت نضيعه على اشخاص بتستنزف طاقتنا و بتحملنا فوق طاقتنا ، اسعي لراحتك النفسية و سلامك النفسي و ده كفايه يخليكي تعيشي مبسوطة ، و بالتوفيق 😊
تم النشر الأحد، ٢٩ مارس ٢٠٢٦
يا حبيبتي ♥️، أول حاجة شكراً إنك شاركتيني القصة كلها، واضح إنها كانت صعبة عليكِ وأنتِ دلوقتي بتحاولي تفهمي نفسك. موقفكِ صح 100%، وده قرار شجاع وحكيم منكِ . ليه صح؟ العلاقة مش متوازنة : أنتِ كنتِ بتعطي كل طاقتكِ وتبادري بالصلح، وهي كانت بتاخد ده حق مكتسب ومش بترد بنفس القدر. الصداقة (أو الحب) الحقيقي زي الرصيد المشترك، مش واحد يدفع وتاني ياخد. الغيرة دي مش حب، دي سيطرة : هي حرة تصاحب اللي عايزة، بس بتقيد حريتكِ وصحابكِ؟ ده مش عدل، وفي الإسلام الصداقة لازم تكون مبنية على الرحمة والاحترام المتبادل مش على الغيرة اللي بتكبت اللي قدامكِ. أنتِ حسيتِ بالقيد، وده إشارة قوية : جسمكِ وعقلكِ قالولك "كفاية"، وأنتِ سمعتي الصوت ده. برافو عليكِ، ده دليل إنكِ بتحمي نفسكِ. نصيحة عملية دلوقتي: حافظي على قراركِ : لو رجعتِ، هترجعي لنفس الدورة. قوليلها بلطف "أنا بحترمكِ، بس مش قادرة أرجع زي الأول"، وخلي مسافة واضحة (صاحبة عادية زي ما قولتِ). ركزي على نفسكِ : ابدئي هواية جديدة أو طوري علاقاتكِ بصحابكِ الحقيقيين اللي بيفرحوكِ مش بيزعلوكِ. حددي قواعد لأي علاقة جديدة: احترام متبادل أو مفيش. لو حسيتِ محتاجة دعم أكتر : دوري على أسئلة مشابهة في فدني هتلاقي إجابات كتيرة، أو شوفي صفحة الخبراء هنا https://www.fedni.net/experts – فيه مدربين حياة ونفسيين هيساعدوكِ. أنتِ قوية وذكية، وده خطوة كبيرة نحو حياة أحسن. لو عايزة تتكلمي أكتر، أنا هنا يا قمر! 🌟
تم النشر الأحد، ٢٩ مارس ٢٠٢٦
موقفك سليم وواضح انك حد جميل ما شاء الله وبتقدري مشاعر اللي بتحبيهم ف طبعا تستاهلي حد يقدر مشاعرك دايما وتصاحبي ناس تديكي التقدير ده، ولا تسيبي اي حاجه تستنزفك عامة سواء بقصد او بدون فانتي اتصرفتي صح ما شاء الله❤️
تم النشر الأحد، ٢٩ مارس ٢٠٢٦
أهلا بيكى بصى انتى من كلامك ان من بداية علاقتك بيها وانتى نفسيا بتتأثرى كتير وبيكون بالسلب بسببها وفى نفس الوقت فى كلامك برضه ان هى بتحبك وبتحاول تصالحك وتراضيكى ومش وحشه بس الفكره هنا ان مفيش توافق بشكل كافى فى فكرة انك دايما حاسة انها كاتماكى وهى على العكس عادى وانتى مش بتتكلمى عادى بل انك صاحبتى صاحبها ...... نصيحتى ليكى بقى أى حاجة ممكن تؤذى نفسيتك العدى وتلاشيها لأن مع الوقت بيحصلك تراكمات لحد ما تنفجرى ... هتعملى ايه ؟ هى من كلامك باينه كوييه مش وحشه ف انتى هتنسحبى واحدة واحدة من الصحوبيه بس متنقطعش تكون صاحبتك عادى مش البست مثلا فاهمه بحيث ما تأثرش على حياتك او نفسيتك ...... وانتى مطولتيش ولا حاجه احنا هنا علشان نسمعك
تم النشر الأحد، ٢٩ مارس ٢٠٢٦
لعرض السؤال في فدني اضغط هنا